පොල් ඇතුළු භාණ්ඩ කිහිපයක් සඳහා බලපැවැත්වෙන පාලන මිල උල්ලංඝණය කරන ව්යාපාරිකයන් වැටලීම අද (09) සිට දීපව්යාප්තව අරඹන බව පාරිභෝගික කටයුතු පිළිබඳ අධිකාරිය සඳහන් කරයි.
අදාළ පාලන මිල උල්ලංඝනය කරන පාර්ශව වලට එරෙහිව තදින් නීතිය ක්රියාත්මක කරන බවත් මහජනතාවට රජය ලබාදෙන සහනය ඒ ලෙසින්ම ලැබෙන්නට සැලස්සවීම මෙම වැටලීම් සිදුකිරීමේ අපේක්ෂාව බවත් එම නිවේදනයේ වැඩිදුරටත් සඳහන්ව ඇත.
2017 දෙසැම්බර් 06 වනදා පාරිභෝගික කටයුතු පිලිබඳ අධිකාරිය විසින් නිකුත් කල අති විශේෂ ගැසට් නිවේදනයට අනුව එක් පොල් ගෙඩියක් සඳහා රුපියල් 75.00 ක උපරිම සිල්ලර මිලක් නියම කර ඇති අතර තවත් ආහාර භාණ්ඩ 3ක් සඳහා ද උපරිම සිල්ලර මිලක් නියම කර ඇත.
2017 දෙසැම්බර් 06 වනදා පාරිභෝගික කටයුතු පිලිබඳ අධිකාරිය විසින් නිකුත් කල අති විශේෂ ගැසට් නිවේදනය පහත දැක්වේ.