මේ දිනවල මතුව ඇති පොහොර හිඟයට විසඳුම් සැපයීම සඳහා රුපියල් කෝටි 250ක් නිදහස් කිරීමට ජනාධිපතිවරයා දැනුම්දී ඇති බව වාර්තා වෙයි.
ඊයේ(30) පොළොන්නරුව බැඳීවැව ප්‍රදේශයේ ජනහමුවකදී ජනාධිපතිවරයා මේ බව පැවසු අතර පොහොර ලබා ගැනීමට අවශ්‍ය මුදල් බැංකුවලට ලැබී නොමැති බවට ලැබුණු තොරතුරකට අනුව මෙම තීරණය ලබාදුන් බවත් අදාල මුදල් ගොවි ජනතාවගේ ගිණුම් වෙත යොමු කිරීමට උපදෙස් දී ඇති බවද ජනාධිපතිවරයා එහිදී සඳහන් කර ඇත.
එසේම සංවර්ධනය සඳහා අවශ්‍ය මුදල්වල කිසිදු අඩුපාඩුවක් නොමැති බවත් ඒ සඳහා අවශ්‍ය වන්නේ, ගමේ සංවර්ධනයට කැපවෙන ජනතා නියෝජිතයින් පිරිසක් බවත් එහිදී වැඩිදුරටත් අදහස් දක්වමින් ජනාධිපතිවරයා සඳහන් කර ඇත.