Language Switcher

V2025

මාධ්‍යවේදී කසුන් පුස්සෙවෙලගේ  ‘විනිර්මුක්තිය‘ කෘතිය ජනගත වෙයි

1948 සිට 2018 දක්වා ලංකාවේ රාජ්‍යය විකාශනය වූයේ කෙසේද, එහිදී සියලු පාලකයන් තමන්ගේ දෑත් වල ලේ ගාගත්තේ කෙසේද යන්න සාක්ෂි සහිතව තහවුරු කරමින් රචිත මාධ්‍යවේදී කසුන් පුස්සෙවෙලගේ ‘විනිර්මුක්තිය‘ කෘතිය කොළඹ ජාත්‍යන්තර පොත් ප්‍රදර්ශනයේදී ලබා ගත හැක.

‘12.11.10 වැලිකඩ‘ කෘතියෙන් පසු කසුන් පුස්සෙවෙල විසින් මේ කෘතිය රචනා කර ඇත. දේශීය සහ ජාත්‍යන්තර ග්‍රන්ථ රැසක් පරිශීලනය කරමින් රචිත මේ කෘතිය, දේශපාලනික මෙන්ම අධ්‍යාපනික වැදගත්කමකින්ද යුක්තය. ඔහුගේ වැලිකඩ කෘතිය පසුගිය වසරේ ඉහළම අලෙවියක් වාර්තා කළ කෘති අතර තිබිණි.

මෙවර රාජ්‍ය සාහිත්‍ය සම්මාන උළෙලේ හොඳම කවරයට හිමි සම්මානය හිමි වූයේද වැලිකඩ කෘතියටයි. එය නිර්මාණය කරන ලද්දේ සංජය ඈපා සෙනෙවිරත්න විසිනි.

රාවය, ඉරුදින, රැස පුවත්පත් වල සේවය කර ඇති ප්‍රකට ගවේෂණාත්මක මාධ්‍යවේදියකු වන කතුවරයා, ෆේස්බුක් සමාජ මාධ්‍ය ඔස්සේ නිරන්තර මාධ්‍යකරණයේ යෙදෙන්නෙකි.