V2025

Exclusive

මහින්ද සිරිසේනගේ උගුලට පැන්නේ : ප්‍රජා අයිතිය රැකගන්න : මෙන්න සාක්ෂි !

නඩුවලට බයේ ආණ්ඩුව බාරගෙන ඇති බවට එක්සත් ජාතික පක්ෂය නගන චෝදනා සම්පූර්ණයෙන්ම ප‍්‍රතික්ෂේප කරන බව පාර්ලිමේන්තු මන්ත්‍රී කුමන්ත්‍රණ ආණ්ඩුවේ හිටපු අගමැති මහින්ද රාජපක්ෂ පවසා ඇත.

ඒ නාරාහේන්පිට අභයාරාමයේදී ඊයේ (06) පැවැති උත්සවයකදී  මාධ්‍යවේදීන් නැගූ ප‍්‍රශ්න වලට පිළිතුරු දෙමින්ය.

එහෙත් ඇත්ත එය නොවේය. ඊට කදිම සාක්ෂිය සපයන්නේ රාජපක්ෂ පාලන සමයේ සිදුවූ බරපතල වංචා, දුෂණ රාජ්‍ය සම්පත් වරප්‍රසාද බලය සහ අධිකාරිය අනිසි ලෙස භාවිතා කිරීම සඳහා වූ ජනාධිපති පරීක්ෂණ කොමිෂන් සභා වාර්තාවයි.

එහි ස්වාධීන රූපවාහිනී මාධ්‍ය ජාලයට මුදල් නොගෙවීම සහ අලාභ කිරීම සම්බන්ධ පෙත්සම (PCI /95/2015) ට අදාළව එකී අක්‍රමිකතාවට හා වගකිව යුතු පාර්ශවයක් වන  පර්සි මහින්ද රාජපක්ෂගේ ප්‍රජා අයිතිය අහෝසි කලයුතු බව ජනාධිපති කොමිසම පැහැදිළිව යෝජනා  කර ඇත. එසේම ඒ වෙනුවෙන් වන නෛතික ප්‍රතිපාදනද පැහැදිළි කර ඇත.

මෙම පෙත්සමට අදාළව වගකිවයුත්තන් ලෙස චෝදනා ලැබූ පාර්ශව 6ක් නම් කර ඇත.

ඒ, 1. හේවගේ අනුර සිරිවර්ධන, 2. විජේසිංහ පණ්ඩිතගේ අරුණ මුර්ති විජේසිංහ,3. ජයසිංහ ආරච්චිගේ උපාලි රංජිත් , 4. දිලීප් ප්‍රියන්ත වික්‍රමසිංහ, 5. කෙහෙළිය බණ්ඩාර දිසානායක රඹුක්වැල්ල, 6. පර්සි මහේන්ද්‍ර රාජපක්ෂ ය.

ඔවුන්ට ඇති චෝදනා වන්නේ,

1. පුරප්පාඩු නොමැති අවස්ථාවක අනුර සිරිවර්ධන ITN මාධ්‍ය ජාලයේ සභාපති සහ ප්‍රධාන විධායක නිලධාරී ලෙස අක්‍රමවත්ව පත්කිරීම.

2. මීඩියා ෆැක්ටරි ආයතනයෙන් නිකුත් කළ මහින්ද රාජපක්ෂ අපේක්ෂකයාට අයත් රුපියල් 101,773,058.00 වටිනා දැන්වීම් නොමිලේ පළකිරීම හරහා ITN වෙත මුල්‍ය පාඩුවක් සිදුකිරීම.

3. මීඩියා සොලූෂන් ආයතනයෙන් නිකුත් කල ආයතනයෙන් නිකුත් කළ මහින්ද රාජපක්ෂ අපේක්ෂකයාට අයත් රුපියල් 2,467,812.00  වටිනා දැන්වීම් නොමිලේ පළකිරීම හරහා ITN වෙත මුල්‍ය පාඩුවක් සිදුකිරීම.

4. මෛත්‍රීපාල සිරිසේන අපේක්ෂකයාගේ රුපියල් 8,863,768.00 ක් වටිනා දැන්වීම් වික්ටරි ඇඩ්වර්ටයිසින් ආයතනයෙන් ලබාගෙන පළනොකර නැවත ලබාදීම හරහා ITN මාධ්‍ය ජාලයට පාඩු කිරීම.

5. rate card වෙනස් කර එනම් සිරිසේන අපේක්ෂකයාට නියමිත ගුවන් කාලයට දෙගුණයක මුදලක් අයකරන අතර මහින්ද ට ඊට අඩු මුදලක් අයකිරීම හරහා රුපියල් 112,904,638.00 ක පාඩුවක් ITN වෙත සිදුකිරීම ය.

සිරිසේනගේ ප්‍රෝඩාව පැහැදිළියි !

ඒ අනුව යහපාලන ආණ්ඩුවේ දුෂණ ගැන කියමින් මහින්ද රාජපක්ෂව නැවත අගමැති කිරීම සම්බන්ධව සිරිසේන ජනාධිපති කියන කතාවද අමුම අමු ප්‍රෝඩාවක් බව තහවුරු වෙයි.

කොහොමටත් ව්‍යවස්ථා විරෝධී ආණ්ඩු කුමන්ත්‍රණයක් දියත්කල සිරිසේන - මහින්ද හවුල මේ වන විටත්  රෙදි නැතුවම සිටින පසුබිමේ ඒ ගැන අලුතෙන් ලියන්නද දෙයක් නැත. නමුත් අප මේ තොරතුරු අනාවරණය කර සිටින්නේ ජනතාව මේ ගැන දත්ත සහිතව දැනුවත්ව සිටීම වැදගත් වන නිසාය. 

පහත දැක්වෙන්නේ මෙම චෝදනා ලැබූ පාර්ශවයන්ට අදාළ ජනාධිපති කොමිසම නිකුකළ නිර්දේශය.

Capture1

Capture2

Capture3

Capture4

Capture5

Capture6

Capture7

Capture8

Capture9

Capture10

Capture11

Capture12

Capture13

Capture14

Capture15

Capture16

Comment (0) Hits: 181

ප්‍රවාහන හා සිවිල් ගුවන් සේවා අමාත්‍යාංශයේ තවත් මහා පරිමාණ ටෙන්ඩර් මගඩියක් ! 

ප්‍රවාහන හා සිවිල් ගුවන් සේවා අමාත්‍යාංශයේ හා ඊට අදාල ආයතනවල මහා පරිමාණයෙන් සිදුවන දූෂණ, හොරකම් සහ තක්කඩි ක්‍රියාවන් පිළිබඳව පසුගිය සමය පුරා මාධ්‍ය වාර්තා පළවෙමින් ඇත.

ව්‍යාපාර ලෝකයේ පමණක් නොව  සාමාන්‍ය ජනතාව අතරද දැන් මේ ගැන අවධානය යොමුවෙමින් ඇත. එසේම මේ නින්දිත ටෙන්ඩර් මගඩිවල අවසානයක් තිබිය යුතු බවත් විශේෂයෙන් යහපාලන ආණ්ඩුවක් යටතේ මෙවැනි දෑ  සිදුවීම කිසිසේත් අනුමත කල නොහැකි බවත් අපගේ විශ්වාසයය.

එනිසාම රවාහන හා සිවිල් ගුවන් සේවා අමාත්‍යාංශයට අදාලව මේ මෑත කාලයේදී සිදුවූ ටෙන්ඩර් ගණුදෙනු 03 ක් ගැන අප මෙසේ අනාවරණය කරමු.

01. ඊ-මෝටරින් (E-Motoring)

මෝටර් රථ ප්‍රවාහන දෙපාර්තමේන්තුව සියලූම දත්ත සහ වාර්තා පරිඝණක කිරීමේ වැඩසටහනේදී සහ ඊ ගවනන්ස්(E-Governance) ක්‍රියාවලියේදී මෙම ටෙන්ඩරය ලැබීමට නියමිත සුදුස්සා බවට නිර්දේශ වී තිබුනේ එපික් ලංකා (Epic Lanka)  සමාගමටය.

එම  ඊ-මෝටරින්   ටෙන්ඩරයේදී තාක්ෂණ ඇගයීම් වාර්තාව (Technical Evaluation Report )අනුව ඉහලින් ලකුණු තිබුනේ එපික් ලංකා (EPIC Lanka) සමාගමටය.

සැබවින්ම  එපික් ලංකා (Epic Lanka) ලකුණු 79.03 ක් ලබා තිබියදී මෙට්ට්‍රෝපොලිටන් ආයතනය (Metropolitan) ලබා තිබුනේ ලකුණු 70.07 ක් වැනි ප්‍රමාණයක්ය. මෙම ටෙන්ඩරය අවසාන ගැණුම්කරු තෝරා ගැනීමට යොදා සිටියේ ලෝක බැංකු සහ ආසියානු සංවර්ධන බැංකුවේ අනුමැතිය ලත් අදියර දෙකෙන් යුත් ලියුම් කවර දෙකක ක්‍රමයකි. එනම් 80% ක් තාක්ෂණ ඇගයීම් (Technical Evaluation) සහ 20%ක් මුදල් -  වානිජ (Financial / Commercial Evaluation)' වශයෙනි.
 
මේ අනුව මෙට්ට්‍රෝපොලිටන් (Metropolitan) ට වඩා  ඉදිරියෙන් සිටි එපික් ලංකා (Epic Lanka) සමාගමට මෙම ටෙන්ඩරය ලැබීමට සුදුසුකම් තිබුනේය. එසේ නොවන්නට නම් මෙට්ට්‍රෝපොලිටන් ආයතනය (Metropolitan)එපික් ලංකා (Epic Lanka) විසින් ඉදිරිපත් කරන මුදලින් හරි අඩකට ආසන්න මුදලක් ලබාදීම අනිවාර්ය විය යුතුය.

ලකුණු අඩු මෙට්ට්‍රෝපොලිටන් පෙන්නපු මැජික්  !

 සියලු දෙනාගේම ඇස් නිලංකාර කරමින් එය එසේම සිදු වන අතර, HTPB with Epeic විසින් එක් සේවා අවස්ථාවක් සඳහා රුපියල් 326.00ක් ඉදිරිපත් කරන විට Metropolitan with Face Technologies ඒ සඳහා ඉදිරිපත් කර තිබුණේ රුපියල් 187.97ක මුදලකි.
 
මේ සේවා අවස්ථාවක් යනු මෝටර් රථ ප‍්‍රවාහන දෙපාර්තමේන්තුව තුළ සිදු වන එක් Transaction එකකි. එනම් වාහනයක් ලියාපදිංචි කිරීමක්, පැවරීමක්, වාහන පන්තිය වෙනස් කිරීමක් වැනි එක් කටයුත්තකි. එවැනි කටයුතු විශාල ප‍්‍රමාණයක් වර්ෂයක් තුළ සිදු වන අතර වසරින් වසර එම ගණන වෙනස් වීම ද සිදු වේ. එසේ නිශ්චිත නොවන සේවා ගණනක් සඳහා අවසන් සත ගණනට මුදලක් ඉදිරිපත් කිරීම සාමාන්‍යයෙන් සිදු විය නොහැක්කකි.
 
 එසේ නම් මෙම මිල ගණන් ඉදිරිපත් කර ඇත්තේ ටෙන්ඩර්කරුට සිය ප‍්‍රතිවාදියා ඉදිරිපත් කර ඇති මිල ගණන් පිළිබඳ පූර්ව අවබෝධයක් සහිතවය. එවැනි අවබෝධයක් ඇති වීමට නම්, ටෙන්ඩර් මිල ගණන් ඔහුට දැනුම් දිය යුතුය. එවැන්නක් සිදු කරන ලද්දේ කවුරුන් විසින් දැයි බරපතළ සැකයක් ඇති වන අතර, සැක කළ හැක්කේ මේ සඳහා මැදිහත් වන තුෂාර සුරවීර ඇතුළු ටෙන්ඩර් කමිටුවේ ප‍්‍රධානීන්ය.
 
කෙසේ හෝ ඉතාම දූෂිත හා නින්දිත ආකාරයෙන් මෙට්ට්‍රෝපොලිටන් ආයතනය (Metropolitan) සහ ඒ ආයතන ප්‍රධානීන් වන අයිවෝ මහරුෆ් (Ivor Maharoof) සහ ජගත් රවීන්ද්‍ර (Jagath Ravindra) තමන්ගේ මුදල් බලය අයුතු ලෙස භාවිතය කරමින් මහා පරිමාණ අල්ලස් තාක්ෂණික ඇගයීම් කමිටුව (Technical Evaluation Committee commonly known as “TEC”)  ප්‍රධානීන් සහ සමස්ථ ටෙන්ඩර් ක්‍රියාවලියට සම්බන්ධ  වගකිව යුතුම පාර්ශව  තමන්ගේ ග්‍රහණයට හසුකර ගන්නා ලද බව එයින් පැහැදිළිය.
 
අවසානයේ සියලූ දෙනාම මවිතයට හා විශ්මයට ලක් කරමින් ඉතාම දූෂිත හා අත්තනෝමතික ක්‍රමයකට මෙම ටෙන්ඩරය මෙට්ට්‍රොපොලිටන් (Metropolitan) නමැති ආයතනයට ලබාදෙන ලදී.

මේ ටෙන්ඩර් වංචාව සම්බන්ධ වැඩිදුර අනාවරණයක් පහත සබැඳියාවෙන් කියවිය හැකිය.

2. රථවාහන අංක තහඩු ටෙන්ඩර් මගඩිය (Vehicle Number Plate Tender Scam) !

 මෙම ටෙන්ඩර් වංචාව පිළිබඳව  ඇක්සස් සමාගම (Access Group සහ ජර්මානු සමාගමක් වන ඌච් (UTSCH AG from Germany) සිදුකල මහා ටෙන්ඩර් මගඩිය ද මේ වන විටත් ඉතා සවිස්තර ලෙස සමාජ මාධ්‍ය වෙබ් අඩවි අනාවරණය කර තිබේ. 

එසේම මීට අදාල  අනිත් ලංසුකරුවන් මෙම ක්‍රියාමාර්ගයට එරෙහිව නඩු මාර්ගයට එළඹීමටත් මෙයට අදාළ වංචනික පුද්ගලයන්ගේ නම් සහ තොරතුරු හෙලිදරව් කිරීමටත් නීති උපදෙස් පැතීමට තීරණය කර හමාරය.

එනිසාම අප ඒ ගැන මෙහිදී සඳහන් නොකරන අතර දැන් සූදානම ප්‍රවාහන හා සිවිල් ගුවන් සේවා අමාත්‍යාංශයේ තවත් මහා පරිමාණ ටෙන්ඩර් මගඩියක් පෙන්වා දීමටය.

3. මෝටර් රථ ඊ-රියදුරු බලපත්‍රය (Electronic Driver’s License)

මෝටර් රථ ප්‍රවාහන දෙපාර්තමේන්තුව යටතේ යෝජිත නව රියදුරු බලපත්‍රය අතයට ගනුදෙනුවක් හරහා  ඉතාමදූෂිත ආකාරයට  Metropolitan and Face Technologies සමාගමට ලබාදීමේ කුමන්ත්‍රණයක් දියත්ව ඇති බව වාර්තා වෙයි.

 ඒ වෙනුවෙන්  ඉතාමත් දූෂිත හා වංචනික මෙන්ම  ඉතා සූක්ෂම අන්දමින් පිඹුරු පත් සකස් කර තිබෙන බවටද තොරතුරු අප වෙත ලැබී ඇත.

 නමගිය දූෂිතයා !

Capturemaharoofඒ ගැන ලියන්නට පෙර අනාවරණය කල යුතු වැදගත් කරුණක් තිබේ. ඒ  මෙට්ට්‍රෝපොලිටන් සමාගම (Metropolitan) සහ ඔවුන්ගේ ප්‍රධාන විධායක නිලධාරීන් වන අයිවෝ මහරුෆ් (Ivor Maharoof) සහ ජගත් රවීන්ද්‍ර (Jagath Ravindra) අල්ලස්, මුදල්, වටිනා ත්‍යාග භෝග, පිටරට සාප්පු සවාරි සහ ගණිකාවන් ලබාදී කෙසේ හෝ අයථා අන්දමින් ටෙන්ඩර් ලබා ගැනීම සම්බන්ධයෙන් ප්‍රසිද්ධයක් උසුලන බවය.

මොවුන්ගේ නොමනා සහ අශීලාචාර ක්‍රියා පටිපාටිය කෙසේද කිවහොත් ඔවුන් රටක ජාතික සම්පතක් වන පාසැල් යන දරු දැරියන්ගේ අධ්‍යාපනික ව්‍යාපෘති වලින් පවා අයථා ලෙස මුදල් හම්බ කිරීමට තැත් කරන ඉතාම පහත් මට්ටමේ ප්‍රතිපත්තියක් නොමැති නරුමයන් පිරිසකි. 

අධ්‍යාපන අමාත්‍යාංශයේ සහ අධ්‍යාපන දෙපාර්තමේන්තුවේ මහා ටෙන්ඩර් කිහිපයකද දූෂිත මට්ටමේ අක්‍රමිකතාවලට සම්බන්ධ වී සිටින්නේත් මෙම මෙට්ට්‍රෝපොලිටන් ආයතනයේ අයිවෝ මහරුෆ් සහ ජගත් රවීන්ද්‍ර යන අයය. 

ලක්ෂ 02 ක ටැබ් පරිඝණක (Tab) ගණුදෙනුවේදී ද මහමොලකාරයන් වී සිටියේ අයිවෝ මහරුෆ් සහ ජගත් රවීන්ද්‍ර යන අයය. අපේ අනාගත දරු පරපුරට මොවුන් කරන විනාශය ඇස් ඉදිරිපිට පෙනි පෙනී සිටියදීත් අපේ රාජ්‍ය සේවකයන් සහ බලධාරීන් මොවුන්ට කත් ඇදීම පනින රිලවුංට ඉනිමං දීම හා සමානය. 

Captureudithමහමොළකරු උදිත් ලොකුආරච්චි !

මෙම ටෙන්ඩරය නිකුත් කිරීමට අදාළව ප්‍රසම්පාදන කමිටුවක් සහ තාක්ෂණ ඇගයීම් කමිටුවක්ද අමාත්‍යාංශය විසින් පත්කොට ඇත. එහි  තාක්ෂණික ඇගයීම් කමිටුවේ සභාපති ලෙස කටයුතු කරන යූ.ජේ.  ලොකුආරච්චි (U.J Lokuarachchi) නමැත්තාය. යූ.ජේ. ලොකුආරච්චි ගුවන් තොටුපල හා ගුවන්සේවා ආයතනයේ තොරතුරු තාක්ෂණ ප්‍රධානියාය (Head of Information Technology Airport & Aviation of Sri Lanka). 

මොහු මීට පෙර මෙට්ට්‍රෝපොලිටන් ආයතනයේ (Metropolitan) සේවයේ නියැලූණු අයෙක් බව ඉතා විශ්වාසවන්ත ආරංචි මාර්ග මගින් අප වෙත තොරතුරු ලැබී ඇත. ඒ කෙසේ වෙතත්  ඉතා කාමසුඛල්යානු  ජීවිතයක් ගත කරන මෙම යූ.ජේ. ලොකුආරච්චි(U.J Lokuarachchi) නමැත්තා මෙට්ට්‍රෝපොලිටන් ආයතනයේ කූඨ ව්‍යාපාරවලට සම්බන්ධ ප්‍රධාන මහමොල කරු ලෙසද ප්‍රකටය. 

ඒ අනුව  අල්ලස් සහ විවිධ වරප්‍රසාද මෙට්ට්‍රෝපොලිටන් ආයතනයෙන් ලබා ගනිමින් මොහුගේ කාර්ය භාරය වන්නේ ටෙන්ඩර් මෙට්ට්‍රෝපොලිටන් ආයතනයේ සහ විදේශ නියෝජිතයන්ගේ ආකෘති (specification) හා ටෙන්ඩර් නිර්දේශකයන්ට රජයේ ටෙන්ඩර් සැකසීම සහ තාක්ෂණ අධ්‍යයන කොමිටුවේ සභාපතිත්වය උසුලමින් කිසිම විනිවිද භාවයකින් තොරව මෙට්ට්‍රෝපොලිටන් ආයතනය වෙත ටෙන්ඩර් ලබා දීමට තාක්ෂණ වාර්තා(Technical Report) සැකසීමයි. 

ඉතා දෙබිඩි චරිතයක් වන මොහුගේ කි්‍රයා කලාපය පිළිබඳව ප්‍රධානීන් මුනිවත රැකීම ගැන හාස්‍යයකට හා පුදුමයකට ලක්වන කාරණයකි.

මෝටර් රථ ඊ-රියදුරු බලපත්‍රයට දුෂිතයන් වැඩ අල්ලයි !

යූ.ජේ. ලොකුආරච්චි මැදිහත්ව Metropolitan and Face Technologies සමාගමට මෙම රියදුරු බලපත්‍ර ටෙන්ඩරය ලබාදීමට හැකිවන ආකාරයට ඉතාම දූෂිත ආකාරයට තාක්ෂණික ඇගයීම් කටයුතු සිදුකර ඇති බවද දැනගන්නට ඇත. 

එහිදී යූ.ජේ. ලොකුආරච්චිගේ උපක්‍රමය වන්නේ ජාත්‍යන්තර මට්ටමේ කීර්තියක් උසුලන සහ තාක්ෂණයෙන් ඉතා ඉහල සමාගම් සූක්ෂම ලෙස බොරු හේතූන් මත කපා හැර ඉතා දුර්වල තාක්ෂණයෙන් පහල සමාගම් දෙකක් හෝ තුනක් ටෙන්ඩරයට කැඳවා නැවත වතාවක් මෙට්ට්‍රෝපොලිටන් ආයතනයට මෙම ටෙන්ඩරය ලබා දීමටය.

ටෙන්ඩරයට  සමාගම් 12ක් එයි !

මේ සම්බන්ධව අප සිදුකළ සොයා බැලීමේදී වැඩිදුරටත් වාර්තා වූයේ ඩිජිටල්කරණය කළ නව රියදුරු බලපත්‍රය හඳුන්වාදීමට අදාළ ටෙන්ඩරය සඳහා මූලික සුදුසුකම් සැපිරූ සමාගම් 13ක් ප්‍රසම්පාදන සහ තාක්ෂණ ඇගයීම් කමිටුව වෙත ඉදිරිපත්ව ඇති බවය.

එයින්ද එක් සමාගමක් නියමිත ආකාරයට ටෙන්ඩරය සඳහා ඉදිරිපත් නොවීම හේතුවෙන් අදාළ ටෙන්ඩරයෙන් ඉබේම ඉවත්ව ගොස් තිබෙන අතර අවසානයේ සමාගම් 12ක් අවසන් නිර්දේශ සඳහා තේරී ඇත.

ඊට අදාළ සමාගම් 13 ම පහත දැක්වේ.
Capture001
සුදුසුකම් ඇති  සමාගම් අනාථ කරන මෙහෙයුම !

මෙම ටෙන්ඩරය Metropolitan and Face Technologies සමාගමට ලබා ගැනීමේ මූලික කටයුතු සිදුකරන්නේ එම සමාගමේ අයිවෝ මහරුෆ් සහ ජගත් රවීන්ද්‍ර යන පෙර සඳහන් කල  නමගිය දූෂිතයන්ය. තම සමාගමට ටෙන්ඩරයක් ලබා ගැනීමේදී ඕනෑම අවධානමක් සහ ඕනෑම මිලක් ගෙවා දුෂිත ආකාරයට එය කරගැනීම වෙනුවෙන් නම් දරා සිටින අයිවෝ මහරුෆ් සහ ජගත් රවීන්ද්‍ර මෙහිදීද ඉතා සූක්ෂම ආකාරයට සිය අතයට මාරුවට එකඟවූ නිලධාරී අම්බරුවන් මෙහෙයවා ඇත. 

ජාත්‍යන්තර කීර්තියට පත් සහ ක්ෂේත්‍රයේ පළපුරුද්දක් ඇති සමාගම් මේ ටෙන්ඩරය හමුවේ අවලංගුව යන්නේ ඒ අනුවය. ප්‍රධාන පෙළේ සමාගම් මෙම ටෙන්ඩරයෙන් ඉවත්කර දැමීම සඳහා නිකුත් කර ඇති අරුම පුදුම නිර්දේශ ඒ සඳහා නිදර්ශන සපයයි. Metropolitan and Face Technologies සමාගම මේ ඩිජිටල් රියදුරු බලපත්‍රය ලබා ගැනීම වෙනුවෙන් වන එකම සුදුසුකම් ඇති සමාගම බවට පත්වන්නේ ඒ අනුවය. 

මීට අදාළ සාක්ෂි සඳහා පහත ඇමුණුම බලන්න.

හොරකම වසා ගැනීමේ නාඩගම !

සැබවින්ම වංචනික ආකාරයට Metropolitan with Face Technologies සඳහා  ටෙන්ඩරය ලබා ගැනීම වෙනුවෙන් මනුෂ්‍යයෙක් සාමාන්‍යයෙන් නොවැටෙන තැනට වැටෙන අයිවර් මහරූෆ් සහ උදිත්  තමන් සිදුකරන දුෂිත ගනුදෙනුව වසන්නටද මෙහිදී ඉතාම පහත් උත්සාහයක නිරතව ඇත. 

ඒ අදාළ ටෙන්ඩරය Metropolitan with Face Technologies සඳහා ලබාදීමට නිර්දේශ කරන අතර අනෙක් පසින් ඒ ගැන සැකසිතීම වැළක්වීම අරමුණු කරගනිමින් මෙම ටෙන්ඩරයට ඉදිරිපත්ව සිටින දුර්වලම සමාගම් 3ක් ද නැවත අයදුම් කල හැකි ආකාරයට ටෙන්ඩරයේ නිර්දේශ අතරට ඇතුළත් කිරීමය.
Capture002ඇස් අන්ධ නැති ඕනෑම අයෙකුට එහිදී සිදුකර ඇති හිවල් නාඩගම හඳුනා ගැනීම දුෂ්කර නැත. 

අරුම පුදුම තාක්ෂණික ඇගයීම් කමිටුවක් !  

එසේම මෙහි වඩාත් මාරාන්තික හාස්‍යක් දනවන කාරණය වන්නේමෙම තාක්ෂණික කමිටුවේ සංයුතියය. ඉතා පැහැදිළිව මෙහි සභාපතිවරයා වන යූ.ජේ. ලොකුආරච්චි  (U. J Lokuarachchi) හැර  තොරතුරු තාක්ෂණයසම්බන්ධව සිටින එකම විද්වත් වෘත්තිකයා වන්නේ විශ්ව විද්‍යාල ආචාර්යවරයා පමණය. ඒ හැර අනෙක් සියළුදෙනාගේ තාක්ෂණ දැනුම කෙසේ වුවත් ඔවුන් ඩිජිටල් රියදුරු බලපත්‍රයකට අදාළ තොරතුරු තාක්ෂණයට අදාළදැනුමින් පොහොසත්ද යන ගැටළුව මෙහිදී මතුවන්නේය.

එපමණක් නොව ඉතාම සැකසහිත කාරණය වන්නේ මෝටර් රථ ප්‍රවාහන දෙපාර්තමේන්තුවේ තොරතුරු තාක්ෂණයට අදාළ කොමසාරිස්වරයා මෙම කමියුවට ඇතුළත්ව නොසිටීමය. තවද  විදුලි සංදේශන  සහ ඩිජිටල් අමාත්‍යාංශයේ අනුබද්ධ ආයතනයක් වන ICTA සමාගමේ නියෝජිතයන් කිසිවක් මෙම තාක්ෂණික ඇගයීම් කමිටුවේ නැත.

Capture003රියදුරු බලපත්‍රයක් කියන්නේ මහා මාර්ගයේ වාහනයක් ධාවනය කිරීමට නිල අවසරය ලබාදෙන හුදු හඳුනාගැනීමේ පත්‍රයක් නොවේය. ජාතික හැඳුනුම්පතට අමතරව ඊට සමාන වලංගුභාවයක් තිබෙන්නක්ය.  එතරම් වැදගත් දෙයක්  වෙනුවෙන් වන ටෙන්ඩරයක් සඳහා, තොරතුරු තාක්ෂණයේ නිපුණතාව පමණක් නොව, ආරක්‍ෂිත මුද්‍රණ කර්මාන්තයට අදාළ ප්‍රමිතිය, ජාත්‍යන්තර අත්දැකීම් මෙන්ම ලංසු මිල සම්බන්ධව පවා සළකා බැලිය යුතුව තිබේ.

මෙහිදී අතපසු නොකළ යුතු කරුණක් වන්නේ මේ කියන තාක්ෂණික කමිටුවට එවැන්නක් නිවැරදිව තක්සේරු කිරීමට තරම් හැකියාවක් හෝ ධාරිතාවයක් තිබුණාද යන්නය. මෙවැනි ටෙන්ඩරයකට අදාළව ලංසුකාර සමාගම් ඉදිරිපත් කරන ලේඛන ප්‍රමාණය දන්නා කිසිවෙක් එය ප්‍රතික්ෂේප කරන්නේද නැත. 

මෙවැනි කරුණු මතුකරන විට පෙරළා නැගෙන ප්‍රශ්නයක් වන්නේ Metropolitan with Face Technologies සමාගම මෙතෙක් මෝටර් රථ ප්‍රවාහන දෙපාර්තමේන්තුවේ රියදුරු බලපත්‍රය නිපදවීමේ අවස්ථාව හිමිකරගෙන තිබීමත්, එය වසර ගණනාවක සිට සිදුකිරීමත් හේතුවෙන් මීට අදාළ වැඩිම අත්දැකීම් ඇත්තේ ඔවුන්ට නොවේද යන්නය.

නමුත් ප්‍රශ්නය ඇත්තේ මේ කියන රියදුරු බලපත්‍රය " Electronic Driver’s License" වීමය. එවැන්නක් නිර්මාණය කිරීමට තිබෙන හැකියාව, ධාරිතාව, තාක්ෂණය පමණක් නොව ජාත්‍යන්තර අත්දැකීම් තිබෙන කීර්තිමත් සමාගම් මෙතැන තිබීමය. එසේම එම සමාගම් සමඟ මිල ගණන් ඉදිරිපත් කිරීමේදී පවා Metropolitan with Face Technologies සමාගමට හැරෙන්නටවත් නොහැකි බව විශ්වාසයෙන් යුතුව පැවසිය හැකි නිසාය. 

තත්ත්වය එසේ බැවින්  නිමල් සිරිපාල ද සිල්වා අමාත්‍යතුමනි, අසෝක අබේසිංහ රාජ්‍ය අමාත්‍යතුමනි, ජී. එස්. විතානගේ ලේකම්තුමනි සහ ජගත් චන්ද්‍රසිරි රථ වාහන කොමසාරිස් තුමනි, ඉහත තොරතුරු ඔබලාගේ ද  අවධානය පිණිසය. 

එසේ නම් දැන් වහාම මෙම ටෙන්ඩරය අවලංගු කොට පරීක්ෂණ කැඳවීමක්  මේ සඳහා සිදුවිය යුතු නොවේද? මෝටර් රථ ප්‍රවාහන  දෙපාර්තමේන්තුවේ මහ දවල් සිදුවන අල්ලස් දූෂණ හා වංචනික කටයුතු පිළිබඳ ඔබලා මුනිවත රකින්නේ ඇයි? අප වැනි මහජනයා මෙම දූෂණ පිළිබඳ දන්නේ නම් ඔබලා මෙම දූෂණ නොදැන සිටිය හැකිද? ඔබලා ද මේ දූෂණවල අදෘෂ්‍යමාන හස්ත බවට පත් වී ඇත්ද ? මේ ප්‍රශ්න මේ දුෂිත ගනුදෙනු දැනගන්නා කාටත් මතුවීම සාධාරණය. 

ඔබලාට නිවැරදි බව ඔප්පු කරන්නට ඇත්තේ මේ දුෂිත ගනුදෙනු වළක්වා කටයුතු විධිමත් කළොත් පමණය.

Comment (0) Hits: 237

තරුණයන් 11 දෙනා පැහැරගැනීමේ නඩුව : තනතුරු නිසා යට යයි ? 

නීතිපති දෙපාර්තමේන්තුවේ නිලධාරීන්ට ආරක්ෂක හමුදා යුධ අධිකරණ තනතුරු ලැබීමත් සමඟ රාජපක්ෂ සමයේ හමුදාව යොදවා සිදුකළ වැරදි සම්බන්ධව පවතින නඩු යටගසන ප්‍රයත්නයක් දියත්ව ඇති බව වාර්තා වෙයි.

නීති ක්ෂේත්‍ර ආරංචිමාර්ග පෙන්වාදෙන ආකාරයට ඊට ආසන්නතම සිදුවීම වන්නේ කප්පන් ලබාගැනීම වෙනුවෙන්  තරුණයන් 11 දෙනෙකු  පැහැරගැනීම සහ ඔවුන් අතුරුදහන් කිරීම සම්බන්ධව පැවැත්වෙන නඩුවය. 

වාර්තා වන ආකාරයට එහිදී නීතිපති දෙපාර්තමේන්තු නිලධාරියෙකුට ලැබුණු යුධ අධිකරණ උපදේශක තනතුරක් හේතුවෙන් එම නඩුවට අදාළ දෙපාර්තමේන්තු කටයුතු අඩාල වන තත්වයක් මතුව ඇත.

මේ අතර එම නඩුවට අදාළ වැදගත් සාක්ෂි රැසක් මේ වන විට අපරාධ පරීක්ෂණ දෙපාර්තමේන්තුව අනාවරණය කරගෙන ඇති බවට විශ්වාසවන්ත ආරංචිමාර්ග සඳහන් කරයි.

අංක 87,ෂු පාර, කොටහේන, කොළඹ 13, හිදී පැහැරගැනීමට ලක්වූ රජිව් නාගනාදන්ගේ මව වන සරෝජිනී පෙරේරාගේ සාක්ෂියට අදාළ වැදගත් කරුණු රැසක් මේ වන විට අනාවරණය වී තිබේ.

HP 8987 මෝටර් රථය කාගේද? නඩුවට අදාළ සාක්ෂි දීමේදී මෙම මව සිය පුතා දැනුම්දුන් බව කියමින් පැහැරගෙන රඳවා තබාගෙන සිටි ස්ථානයට ආවගිය මෝටර් රථයක අංකයක් සඳහන් කර ඇත. ඒ HP 8987 යන මෝටර් රථ අංකයයි. මෝටර් රථ ලියාපදිංචි කිරීමේ කාර්යාලයෙන් ලබාගත් තොරතුරු ඔස්සේ සිදුකර ඇති විමර්ශන වලදී 2003 වකවානුවේ එය හයිඩ් පාර්ක් කෝනර්, කොළඹ 2 පිහිටි ඔරියන්ට් මෝටර් කොම්පැනි නම්  ආයතනයක නමට පළමු ලියාපදිංචිය සිදුව ඇත. පසුව එය 2010 වසරේදී අංක19, හෙජස්කෝට් පාර, මරදාන යන ලිපිනයේ පදිංචි අයෙකුගේ නමට ලියාපදිංචි කර තිබේ.

වැඩිදුර විමර්ශන වලදී හෙළිවී ඇත්තේ එම ලිපිනයේ පදිංචිව සිටින්නේ නාවුක හමුදාවේ ඉහළ නිලධාරියෙකු බවය. මේ සම්බන්ධව අපරාධ පරීක්ෂණ දෙපාර්තමේන්තුව එම නිලධාරියාගෙන්ද ප්‍රශ්න කර ඇත. එහිදී අනාවරණයවී ඇත්තේ එම නිලධාරියා මෙම රථය මිලදී ගැනීමට පෙර එය ඔරියන්ට් මෝටර් වෙතින් නාවුක හමුදාව කුළී පදනම මත එය ලබාගෙන තිබූ බවය.

dkp dassanayake croppedසිදුවීම් සිදුවූ වකවානුවේ DKP දසනායකගේ මෝටර් රථය !

එසේම  මෙම පැහැරගැනීම් සිදුවූ කාලවකවානුව ලෙස සැළකෙන 2008-2009 වකවානුවේ කිසිඳු අවස්ථාවක මෙම නිලධාරියා එය භාවිතා නොකළ බවද තහවුරුව තිබේ. ඒ 2010 මිලදී ගැනීම සිදුකිරීමට පෙර එම රථය එවකට පරාක්‍රම ආයතනයේ වැඩබලන නියෝජ්‍ය අධ්‍යක්ෂ සහ මාධ්‍ය සම්බන්ධීකරණ නිලධාරියා ලෙස කටයුතු කළ DKP දසනායක වෙත නිකුත්කර ඇති බවට සාක්ෂි සහිතව අනාවරණය වී ඇති නිසාය. එසේම එය ඉහත නිලධාරියා මිලදී ගන්නට පෙර එය තිබී ඇත්තේ  නාවුක හමුදාවේ වාහන සංචිතයයේය.

DKP දසනායක හොඳටම හිරවෙන ලකුණු !

ඒ අනුව මෙම පැහැරගැනීම සහ අතුරුදහන් කිරීමට අදාළ නඩුවේ මේ වන විටත් සැකකරුවකුව සිටින DKP දසනායකට එරෙහි ප්‍රබල සාක්ෂියක් බවට මෙම අනාවරණය පත්ව ඇත. ඒ සම්බන්ධව වැඩිදුරටත් සඳහන් කරුණුවල දැක්වෙන්නේ 2008 වසරේ මාර්තු මාසයේ සිට නොවැම්බර් මාසය දක්වා DKP දසනායක නිලධාරියා මෙම රථය භාවිතා කළ බවට නිශ්චිත සාක්ෂි ලැබී ඇති බවය.

එසේම දැනට අත්අඩංගුවේ පසුවන චන්දන ප්‍රසාද් හෙට්ටිආරච්චිගේ එවකට පදිංචිය කොලොන්නාව බවට නාගනාදන් තරුණයා සිය මව්පියන්ට දන්වා ඇති බවත් එම තොරතුරද තහවුරු කරමින් අදාළ කාලවකවානුවේ චන්දන ප්‍රසාද් හෙට්ටිආරච්චි එම ප්‍රදේශයේ පදිංචිව සිට ඇති බවට විමර්ශන වලදී තහවුරු කරගෙන ඇති බවද දැනගන්නට ඇත.

චන්දන ප්‍රසාද්රාජ්‍ය ආයතන අස්සේ : සාක්ෂි හැංගිලාද ? හංගලාද  ?

මෙම විමර්ශනවලදී අනාවරණය කරගෙන ඇති තවත් වැදගත් කරුණක් වන්නේ චන්දන ප්‍රසාද් හෙට්ටිආරච්චිට විදේශගතවීමට අවශ්‍ය පහසුකම් සැලසූ අයම පෙරළා පැමිණි ඔහුව ආරක්ෂා කිරීමටද ඉදිරිපත්ව ඇති බව තහවුරු කරගෙන තිබීමය.

මේ පිළිබඳ පුවත රටේ වාඩාත් ආන්දෝලනයක් ඇතිකළේ  ආරක්ෂක මාණ්ඩලික ප්‍රධානි අද්මිරාල් රවී විජේගුණරත්න විසින් මෙම සැකකරුවාට  අත්අඩංගුවට පත්වීම වැළක්වීම සහ  නාවුක හමුදා නිවස්නයක සඟවාගෙන සිටි බවට අපරාධ පරීක්ෂණ දෙපාර්තමේන්තුව චෝදනා නැගීම හමුවේය.

ගිණුම් වාර්තා තවමත් නෑ 

ඊට අදාළව චන්දනට අත්අඩංගුවෙන් මිදී රැකවරණය ලබා ගැනීම සඳහා මුල්‍ය ආධාර ලෙස රුපියල් ලක්ෂ 5ක මුදලක් ආරක්ෂක මාණ්ඩලික ප්‍රධානි අද්මිරාල් රවී විජේගුණරත්න විසින් ලබාදී ඇද්ද යන්න සම්බන්ධවද විමර්ශන සිදුවන බව වාර්තා වෙයි. එහිදී ලංකා බැංකුවේ මෙට්ට්‍රෝපොලිටන් ශාකාවට අයත් අංක 79205907 ගිණුම උපයෝගී කරගෙන ඇතිද යන්න පරීක්ෂා කර බලන්නට අධිකරණ නියෝගයක්ද විමර්ශන කණ්ඩායම් ලබාගෙන ඇත.  ඒ බව බැංකුව දැනුවත්කර ඇතත් අදාළ වාර්තා ලබාදීමට මෙතෙක් බැංකුව විසින් ලබාදී නොමැති බවද දැනගන්නට තිබේ.

එසේම ඉදිරි විමර්ශන සඳහා අවශ්‍ය වැදගත් තොරතුරු කිහිපයක් සම්බන්ධව අදාළ ආයතන කිහිපයක අවශ්‍යම සහය ලැබී නොමැති බවද වාර්තා වෙයි.

හැඳුනුම්පතේ මුල් පිටපත් අතුරුදහන් !

ඒ අතරින් විශේෂ කරුණක් වන්නේ අත්අඩංගුවට පත්වන අවස්ථාව වන විට සැකකරු සන්තකයේ තිබී ඇති 76*******V  යන හැඳුනුම්පත සම්බන්ධ කාරණාවය. පොල්වත්තේ ගාල්ලේගේ අසෝක නමින් වන එම හැඳුනුම්පත එම කාර්යාලයේ සේවකයකු විසින් අවිධිමත් ආකාරයට නිකුත්කර ඇත්තක් බව විමර්ශන වලදී හෙළිවී තිබේ. නමුත් විමර්ශන කණ්ඩායම් ඊට අදාළ මුල් ලිපිගොනු සම්බන්ධව හැඳුනුම්පත් කාර්යාලයෙන් විමසා ඇතත් මෙතෙක් එම මුල් ලිපිගොනු කිසිවක් ලබාදී නොමැති බවද දැනගන්නට ඇත.

කෙසේ වුවත් චන්දන ප්‍රසාද් හෙට්ටිආරච්චි අත්අඩංගුවෙන් මිදී මැලේසියාවට ගොස් තිබෙන්නේ ඉහත කී පොල්වත්තේ ගාල්ලේගේ අසෝක නමට නිකුත් කරවාගෙන තිබෙන විදේශ ගමන් බලපත්‍රය භාවිතා කරමින්ය. 

ලක්සිරි අමරතුංගගේ බොරු මාට්ටු !

මෙහිදී අනාවරණය කරගෙන තිබෙන තවත් වැදගත් සාක්ෂියක් වන්නේ 2017 වසරේ වූ මෙම විදෙස් ගතවීම සඳහා චන්දන ප්‍රසාද් වෙත වීසා ලබාගන්න මැදිහත්ව ඇත්තේ, පසුගියදා චන්දනව අත්අඩංගුවට ගන්නා විට ඔහු සේවය කළ පොල්වත්තේ හිමිකරු වීමය.

ලක්සිරි අමරතුංග නම් ඔහු මේ වන විට ආරක්ෂක අංශ අත්අඩංගුවට ගෙන ඇත. එහෙත් එම අත්අඩංගුවට ගැනීමට පෙර ඔහු, චන්දන අත්අඩංගුවට ගනුලැබූ අවස්ථාවේ පවසා ඇත්තේ " තමන් පත්තරේ දැමූ ඇබෑර්තු  දැන්වීමකට අනුව චන්දන පොල්වත්ත බලා ගැනීමට පැමිණි බවත්, ඊට පෙර ඔහු කවුදැයි නොදන්නා බවත්"ය.

නමුත් චන්දන ප්‍රසාද් හෙට්ටිආරච්චි ගේ ඉහත නම් සඳහන් සාවධ්‍ය විදෙස්ගමන් බලපත්‍රයට වීසා ලබාගැනීමට පහසුකම් සැලසූ ආයතන ඔස්සේ සිදුකල විමර්ශන වලදී ලක්සිරි අමරසිංහ පළමුවර පවසා ඇත්තේ බොරු බව තහවුරු කරගෙන ඇත. 

ඒ අනුව ඔහුට එරෙහිව එල්ලවී ඇති චෝදනා වන්නේ අත්අඩංගුවට ගැනීමට සිටින සැකකරුවෙකු දැනුවත්ව සැඟවීම සහ ව්‍යාජ විදෙස් ගමන් බලපත්‍ර සහ ව්‍යාජ ලේඛන සකස්කර දීමය. 

Ravi Wijeරවී විජේගුණරත්න හාල්මැස්සෝ විතරද ? අනිත් අයවත් ගේනවද ?

මේ සම්බන්ධව ආරක්ෂක අංශ  අධිකරණයට දැනුම්දී ඇත. කෙසේ වුවත් මේ සම්බන්ධව අදහස් දක්වන වින්දිත පාර්ශවය වෙනුවෙන් පෙනී සිටින නීතිඥ අචලා සඳහන් කරන්නේ අපරාධ පරීක්ෂණ දෙපාර්තමේන්තුව මෙම නඩුවට අදාළව හාල්මැස්සන් අල්ලා අධිකරණයට ගෙන එමින් පමණක් සිටින බවත් මීට අදාළ තෝරු මෝරු කිසිවෙක් මෙතෙක් අත්අඩංගුවට ගෙන අධිකරණයට ඉදිරිපත් කරන බවක් පෙනෙන්නට නැති බවය.

ඒ කතාව ඇත්ත වන්නේ ආරක්ෂක මාණ්ඩලික ප්‍රධානියා වන රවී විජේගුණරත්න සම්බන්ධව තත්ත්වයන් හැසිරෙන ආකාරය දෙස අවධානය යොමුකරන විටය.
එසේම ලක්සිරි අමරතුංගව අධිකරණයට ඉදිරිපත් කල අවස්ථාවේ, විනිසුරු අසුනේ සිටි විනිසුරුවරිය "අනිත් අයත් ගේනවද?" යනුවෙන් අපරාධ පරීක්ෂණ දෙපාර්තමේන්තුවෙන් විමසා ඇති බවද දැනගන්නට ඇත.

Comment (0) Hits: 157

ඇවන්ට් ගාර්ඩ් නිශ්ශංකගෙන් ආන්දෝලනාත්මක හෙළිදරව්වක් !

ඇවන්ට් ගාර්ඩ් මෙරිටයිම්ස් සමාගම සම්බන්ධව සිදුකළ විශේෂ ජනාධිපති විමර්ශනයේදී තම සමාගම  ජාතික ආර්ථිකයට දායකත්වයක් සපයන, රැකියා අවස්ථා සළසන ආයතනයක් බව සාක්ෂි සහිතව තහවුරුව තිබියදී ඩොලර් මිලියන 800 කට අධික ප්‍රමාණයක් රටට ආදායම් ලෙස ගෙන ඒමට සැළසුම්කර තිබූ ව්‍යාපෘතිය ආරක්ෂක අමාත්‍යංශයේ අවස්ථාවාදී තීන්දු තීරණ හමුවේ අහිමිව ගිය බව  ඇවන්ට් ගාර්ඩ් මෙරිටයිම්ස් සමාගමේ සභාපති නිශ්ශංක සේනාධිපති සඳහන් කරයි.

ඇවන්ට් ගාර්ඩ් මෙරිටයිම්ස් සමාගමේ සභාපති නිශ්ශංක සේනාධිපති  මේ බව සඳහන් කර සිටින්නේ voice tube වෙබ් අඩවිය සමඟ පැවැත්වූ සම්මුඛ සාකච්ඡාවකට එක්වෙමින්ය. 

පහත දැක්වෙන්නේ එම වීඩියෝවය.

සමුද්‍ර ආරක්ෂක කටයුතු වලට අදාළව තම සමාගම ලෝකයේ ප්‍රමුඛ සමාගම් තුන අතර තිබෙන බවත් ඇවන්ට් ගාර්ඩ් මෙරිටයිම්ස් දෙවැනි වන්නේ ඇමරිකානු බ්ලැක් වෝටර්ස් සමාගමට පමණක් බව සඳහන් කරන නිශ්ශංක සේනාපති මහතා එවැනි සමාගමක් පිහිටි රටක් ලෙස වත්කම් ඉපයීම වෙනුවට පළිගැනීම රටේ ජනතාවගේ මෙන්ම තමන් සේවය ලබාදී සිටින ආරක්ෂක අංශ සාමාජිකයන්ගේද අවාසනාව බව පෙන්වා දෙයි.

ජනාධිපති විමර්ශනයෙන් ඇවන්ට් ගාර්ඩ් නිදහස් !

එහිදී ඇවන්ට් ගාර්ඩ් මෙරිටයිම්ස් සමාගම සම්බන්ධව සිදුකළ විශේෂ ජනාධිපති විමර්ශනයේ වාර්තාවද දක්වමින් ඔහු සඳහන් කර සිටින්නේ තම සමාගමේ නිර්දෝෂීභාවය තහවුරු කර තිබියදී දේශපාලන මහන්තත්තකම සහ තමන්ගෙන් දේශපාලනිකව පළිගැනීමට මෙම ක්‍රියාව සිදුකළත් එහි අවසාන අවාසිය රටට වන බවය.

Captureavarn1

Captureavarn2

0003

එසේම තමන් මීට මාස කිහිපයකට පෙර ඉදිරිපත් කල මෙම වසරකට  ඩොලර් මිලියන 800ක් පමණ උපයාගන්නට තිබූ   ව්‍යාපෘතිය සාර්ථක කරගන්න රජයට  (ආරක්ෂක අමාත්‍යාංශයට ) සිදුකළ යුතුව තිබුණේ අදාළ ව්‍යාපෘතිය සඳහා ගිවිසුම්ගතවීමට ශ්‍රී ලංකා රජයේ ආරක්ෂක අමාත්‍යංශයේ විරුද්ධත්වයක් නොමැති බව දක්වමින් ලිපියක්දීම පමණක් බවත් ඒ හැර කිසිඳු මුදලක් මේ වෙනුවෙන් රජයට ගෙවීමට සිදුනොවන බවද ඔහු සඳහන් කරයි.

ආරක්ෂක අමාත්‍යංශය සද්ද නෑ !

අදාළ ව්‍යාපෘති වාර්තාව සමඟ ලිපියක් යොමුකර තමන් ආරක්ෂක අමාත්‍යංශය සමඟ  සාකච්ඡාවක් ලබාගත් අවස්ථාවේ මේ සම්බන්ධව පැහැදිළි කල බවත් නමුත් මේ වන තුරු ආරක්ෂක අමාත්‍යංශය ඒ සම්බන්ධව කිසිඳු ප්‍රතිචාරයක් දක්වා නොමැති බවද පවසයි. තමන් අවස්ථා කිහිපයකදී වගකිව යුත්තන් සම්බන්ධකර ගනිමින් මේ සම්බන්ධව විමසීමට උත්සාහ කළ නමුත් ඒ කිසිඳු අවස්ථාවක ආරක්ෂක අමාත්‍යංශයේ වගකිව යුත්තන් කිසිඳු ප්‍රතිචාරයක් නොදැක්වූ බවද ඔහු පවසයි.

ඇමතිවරුන් දෙන්නෙක්ගෙන් නිශ්ශංකට ඇමතුම් !

ආණ්ඩුවේ වගකිව යුතු කිසිවෙකුත් මේ සම්බන්ධව ප්‍රතිචාර දක්වා නොමැතිදැයි සිදුකල විමසුමට පිළිතුරු දෙමින් නිශ්ශංක සේනාපති මහතා සඳහන් කරන්නේ අදාළ ව්‍යාපෘතිය අහිමිවීම සම්බන්ධ පුවත සමාජ ජාල වෙබ් අඩවි හරහා ප්‍රචාරයවීමෙන් පසුව රජයේ ප්‍රබල අමාත්‍යවරුන් දෙදෙනෙක් තමන්ගෙන් අදාළ ව්‍යාපෘතිය සම්බන්ධව වැඩි විස්තර විමසා සිටි බවය.

එසේම ඩොලර් මිලියන 800ක් වැනි අතිවිශාල මුදලක් මෙරට ආර්ථිකයට එක්කර ගත හැකිනම් මේ අවස්ථාවේ මූල්‍ය ස්ථාවරත්වයක් ඇතිකර ගැනීමට එය වැදගත් බව එම අමාත්‍යවරුන්ගේද අදහස වූ බව ඔහු පවසයි. එහෙත් තමන් අදාළ ව්‍යාපෘතියට අත්වූ ඉරණම පැහැදිළි කිරීමේදී රජයෙන් ලැබිය යුතු සහය තිබෙන්නේ ආරක්ෂක අමාත්‍යංශය සතුව බව පෙන්වාදුන් බවත් එය කඩිනමින් ලබා දෙනවා නම් අදාළ ව්‍යාපෘතියෙන් කොටසක් හෝ ලබාගැනීමට තමන්ට උත්සාහ කල හැකි බව පැවසූ බවද ඔහු පවසයි.

මීට පෙර ඩොලර් බිලියනයක ආදායමක් නැති කරගත්තා !

එසේම මීට පෙර 2015 වසරේ නයිජීරියානු රජය සමඟ ඩොලර් බිලියනයක් ආදායම් ලැබෙන ව්‍යාපෘතියක්ද තමන් ගෙන ආ බවත් ඊට අදාළ ගිවිසුන් අත්සන් කිරීමට ලංකා රජයේ ආරක්ෂක අමාත්‍යංශය අවසර ලබාදුන් නමුත් එය සාර්ථක කර ගැනීමට සහය නොදීම හේතුවෙන් එම ආදායමද රටට නොලැබුණු බව ඔහු පවසයි.

අදටත් ආණ්ඩුවේ ආයුධ අපේ නැවේ තියනවා !

මෙහිදී මේ වන විට මෙරට රජය සමඟ ඇවන්ට් ගාර්ඩ් මෙරිටයිම්ස් සමාගමේ ගනුදෙනු පවතිනවාද යන්න සම්බන්ධව ප්‍රශ්න කෙරෙන අතර එහිදී නිශ්ශංක සේනාපති මහතා සඳහන් කර සිටින්නේ අදටත් ඇවන්ට් ගාර්ඩ් මෙරිටයිම්ස් සමාගමේ රතු මුහුදේ තිබෙන පාවෙන අවි ගබඩාවේ ලංකා රජයේ ආයුධ 800කට අධික ප්‍රමාණයක් ගබඩා කර ඇති බවයි.

මම විකුණන්නේ ලංකා යුද කලාවයි !

තවද  ඇවන්ට් ගාර්ඩ් මෙරිටයිම්ස් සමාගමේ සභාපති නිශ්ශංක සේනාධිපති පෙන්වා දෙන්නේ තව දුරටත් තේ,පොල්, රබර් වැනි ආදායම් අඩු අපනයන හරහා පවතින මූල්‍ය දුෂ්කරතාව ජය ගන්න සිතනවා නම් ලංකාවත් පසුගිය සමයේ ග්‍රීසිය ලැබූ බංකොලොත් ආර්ථිකයකට හිමිකම් කීම වැඩි ඈතක නොවන බවය.

ලංකාව ත්‍රස්තවාදය පරාජය කල රටක් ලෙස පවතින ජාත්‍යන්තර පිළිගැනීමට වෙළඳපොළක් නිර්මාණය කරගෙන "ලංකා යුද කලාව" අලෙවිකර රටට අති විශාල ධනස්කන්ධයක් ගෙන ඒමට හැකි බවත් එහෙත් මැතිවරණ  ප්‍රචාරක කටයුතු වලට මුදල් නොදීම, තම සමගම සම්බන්ධව පලකළ පුවත්වල ව්‍යාජ බව අනාවරණය වීම වැළක්වීම සඳහා රටේ ආර්ථිකය අවධානමේ දමන ආකාරයේ තීන්දු තීරණ ගනිමින් සිටින බව මේ හරහා ඔප්පු වන බවද නිශ්ශංක සේනාපති මහතා පෙන්වා දෙයි. 

එසේම රටට විදෙස් විනිමය අතිවිශාල වශයෙන් ගෙන ඒමට සූදානම් තමන්ව හිරේට යවන්න බොරු නඩු පටළවා ඇති බවද මෙහිදී නිශ්ශංක සේනාපති මහතා සඳහන් කරන අතර, එහෙත් තමන්ගෙන් නාවික හමුදාව අත්පත්කර ගනුලැබූ ව්‍යාපාර වලින් පාඩු ලැබුවේ කොහොමද යන්න සොයා බලන්න වගකිව යුත්තන් කටයුතු නොකිරීම ගැටළු සහගත බවද සඳහන් කරයි. 

සෙලර්ගේ හොරකම් !

එහිදී තමන් සිදුකරන ව්‍යාපාර කටයුතු ඒ ආකාරයට කළ හැකි බව සඳහන් කරමින් එවකට නාවික හමුදාවේ සිටි රවී විජේගුණවර්ධන  වැනි උදවිය එම ව්‍යාපාර කිරිල්ල කෙසේ වෙතත් විදේශිකයන්ගෙන් කොමිස් සහ කප්පම් ලබාගත් බවටද නිශ්ශංක සේනාපති මහතා චෝදනා කරයි.

අද ඔහුව අද්මිරාල් වශයෙන් කවුරු හැඳින්වුවත් තමන් ඔහුට අද්මිරාල් කියන්න ලැජ්ජ බවත් එසේම තමන් මෙම ව්‍යාපාරයෙන් උපයා මෙරටට ගෙනා ඩොලර් ආදායමින් කුඩා ප්‍රතිශතයක් හෝ ගෙන්වා පෙන්වන ලෙස තමන් වගකිව යුතු සියලු දෙනාට අභියෝග කරන බවද ඔහු පවසයි.

Comment (0) Hits: 890

ඔලුතුනේ තීන්දුවක් නිසා : වසරකට  ඩොලර් මිලියන 800ක් අහක ගිහිල්ලා !

ඩොලරයේ අගයට සාපේක්ෂව රුපියල අවප්‍රමාණයවීම මේ වන විට ආණ්ඩුවට ගැලවෙන්න බැරිවන ලෙස බැට වදින කාරණයක් බවට පත්ව ඇත. අද පරාජිත රාජපක්ෂ රෙජීමය මේ ආණ්ඩුවේ නොහැකියාව පෙන්වන්න හදන්නේද රුපියල අවප්‍රමාණය වෙමින්ය. ආණ්ඩුවේ පාර්ශවය කියන්නේ ඇමරිකානු ජනාධිපති ට්‍රම්ප්ගේ විදෙස් ආර්ථික ප්‍රතිපත්තිය හමුවේ ඩොලරයේ අගය ඉහළ යමින් ඇති බවත් එය ගෝලීය වෙළඳපොල තත්ත්වයට ද බලපෑම් කර ඇති බැවින් පවතින තත්ත්වය ලංකාවට පමණක් එල්ලවී ඇති බලපෑමක් නොවන බවය. ආනයන අධෛර්යමත් කිරීම ඇතුළුව ඩොලරය ඇදීයාම පාලනය කිරීම වෙනුවෙන් පියවර කිහිපයක් ගෙන ඇති ආණ්ඩුව දිගු කාලීනව මේ අර්බුදය ජයගන්න යෝජනා කරන්නේ අපනයන වෙළඳපොල වර්ධනය කර ගැනීමය.

ආණ්ඩුවේ ඒ කතාව ඇත්තය. අර්බුදය ජය ගන්නට මෙන්ම අපේක්ෂිත ආර්ථික වර්ධනය පවත්වාගෙන යන්න නම් අපනයන ක්ෂේත්‍රයේ පිමි සහිත වර්ධනයක් අවශ්‍යය. එහෙත් රට තුළ නිෂ්පාදනය වර්ධනය වන තුරු ඇඟිලි ගැනීම නම් ඊට කොහෙත්ම ප්‍රමාණවත් නැත.  ඒ වෙනුවෙන් විදේශ රටවල් සමඟ ද  වෙළඳ සම්බන්ධතා ඇතිකර ගැනීමත් ඒ හරහා රටට ඩොලර් කැඳවා ගැනීමත් අත්‍යාවශ්‍ය කටයුත්තක් බව සිහිතබා ගත යුතුව ඇත.

ආර්ථිකය සම්බන්ධව මුලික දැනුම ඇති කිසිවෙක් මේ අවධාරණය පිළිගන්නා අතර එය ප්‍රතික්ෂේප කල හැකි වන්නේ ඔලු තුනේ බූරු චින්තකයකුට පමණය. කණගාටුවෙන් වුවත් මේ ලියන්න යන්නේද මේ ආණ්ඩුව සිදුකළ එවැනි ඔලුතුනේ බූරු වැඩක් ගැනය.

පසුගිය ජුනි මාසයේ පමණ ඇවන්ට් ගාර්ඩ් මෙරිටයිම්ස් සමාගමේ සභාපති නිශ්ශංක සේනාධිපති විසින් විශ්‍රාමික ආරක්ෂක අංශ නිලධාරීන් යොදාගනිමින් මසකට ඩොලර් මිලියන 70ක් රටට උපයාගත හැකි යෝජනාවක් ආරක්ෂක අමාත්‍යංශය වෙත ඉදිරිපත් කර ඇත. 

අදාළ ව්‍යාපෘති වාර්තාව අනුව නම් වසරකට ඩොලර් මිලියන 850ක ආදායමක් ලබන්න ඒ තුළ අවස්ථාව පවතී. 

මෙහිදී සිහිතබාගත යුතු කරුණක් වන්නේ අදාළ යෝජනාව ඉදිරිපත් වන්නෙම දරුණු ලෙස  රුපියල බාල්දුවීම ඇරඹීමට පෙර බවය. 

අදාළ යෝජනාව මෙතැනින් කියවන්න.

තෙල් ලිඳවල් ආශ්‍රිත මුහුදේ ආරක්ෂාව තර කිරීම හා සංක්‍රමණිකයන් පැනයාම ආරක්ෂා කිරීම වෙනුවෙන් වන  අදාළ යෝජනාව ඉතා පහසුවෙන් මෙරටට ඩොලර් ගෙන ඒමට හැකි විශ්වසනීය ව්‍යාපෘතියක් වෙයි. අදාළ යෝජනාවට එකඟත්වය ලැබී එය ක්‍රියාත්මක කළා නම් විශ්‍රාමික ආරක්ෂ අංශ සාමාජිකයන් ඇතුළුව ආරක්ෂක හමුදා නියෝජනය කරන 15,000 කට රැකියා අවස්ථා හිමිවීමට අවස්ථාව තිබූ බවද පැහැදිළිව පෙනෙන්නට ඇත. 

ලැබී ඇති තොරතුරු වලට අනුව නම්  විශ්‍රාමික සාමාන්‍ය සෙබලකුට ඩොලර් 2,000ක වැටුපක්  (රුපියල් ලක්ෂ 3 1/2කට ආසන්න) ලබා ගැනීමට හැකියාව ඇත.   විශ්‍රාමික මේජර්වරයෙකුට නම්  ඩොලර් 6,000 ක ( රුපියල් මිලියනයකට ආසන්න) වැටුපක්  ලබා ගැනීමට හැකියාව ඇත. 

නමුත් ඇවන්ට් ගාර්ඩ් මෙරිටයිම්ස් මෙසේ  ඉදිරිපත් කළ ව්‍යාපෘති යෝජනාව අවශ්‍ය බරින් යුතුව සලකා බලන්නට ආරක්ෂක අමාත්‍යංශය කටයුතු කර නොමැත. නමුත්  දෙමසකට පමණ පසුව ආරක්ෂක අමාත්‍යංශය ඇවන්ට් ගාර්ඩ් මෙරිටයිම්ස් අමතා පහත ලිපිය යොමුකර ඇත.

ආරක්ෂක අමාත්‍යංශය ඇවන්ට් ගාර්ඩ් මෙරිටයිම්ස් වෙත යොමුකළ ලිපිය. 

කෙසේ වුවත් අවසානයේ එම ව්‍යාපෘතිය සාර්ථක කරගන්නට නොහැකිවී ඇති අතර ඒ නිසාම වසරකට ඩොලර් මිලියන 850ක ආදායමක් ලබන්න තිබූ අවස්ථාවද රටට අහිමිව ගොස් තිබේ.

සංස්කාරක සටහන :

ඉතා පැහැදිළිව මේ ව්‍යාපෘතිය වෙනුවෙන් අවශ්‍ය කඩිනම් ක්‍රියාමාර්ග ගන්නට ආරක්ෂක අමාත්‍යංශය කටයුතු කර නොමැත්තේ ඇවන්ට් ගාර්ඩ් මෙරිටයිම්ස් ආයතනය හරහා එය ඉදිරිපත්වූ නිසා බව පැහැදිළිය. ඒ කුප්‍රකට ඇවන්ට් ගාර්ඩ් නඩුවද ඇත්තේ මේ සමාගමට වන නිසාය. එහෙත් ඒ නඩුව යන්න මෙතරම් වටිනා ව්‍යාපෘතියක් අත්හරින්නට තරම් කාරණයක් වුවා නම් ආර්ථිකය ගැන වගකිව යුත්තන්ට ඇති දැනුම තේරුම් ගන්න ඒ හොඳටම ප්‍රමාණවත්ය.

රට ඉදිරියට ගෙනියන්න , ආර්ථික අර්බුදය ජය ගන්න පරාජිත රෙජීමයේ ආර්ථික ගොබෙල්ස්ලාට ආරාධනා කිරීමට ඇති දේශපාලන  ධෛර්ය මෙවැනි වටිනා අවස්ථාවක් සම්බන්ධව නොතිබීම හැර නිදර්ශනයක් ඊට නැත. එබැවින් මෙතැනදී අදාළ තීන්දු තීරණ ගන්නා උදවිය ඔලුතුනේ බූරුවන් ලෙස අපට පෙනීයාම ගැනද කරන්න දෙයක් නැත. 

ඩොලරය සමඟ  රුපියලේ තිබෙන බැඳීම සහ පවතින බරපතල තත්ත්වය තේරුම් ගන්න බැරි ඒ වෙනුවට අවස්ථාවාදී දේශපාලනය ගැන පමණක් සිතා කටයුතු කරන අයට ඊට වඩා නමක් වුවත් යෝජනා කරන්න අප සූදානම් ය.

Comment (0) Hits: 164

අමතකයි නේද? : සාටක පාලනයේ මාධ්‍ය මර්දනය මෙන්න !

රටේ ආර්ථික අර්බුදයක් ඇති බව කියමින් ඒකාබද්ධ විපක්ෂයේ පිරිස් තම නායකයා වන කුරුණෑගල දිස්ත්‍රික් පාර්ලිමේන්තු මන්ත්‍රී මහින්ද රාජපක්ෂ මහතා පෙරදැරි කරගෙන පසුගියදා පැවැත්වූ මාධ්‍ය හමුවේදී මහින්ද රාජපක්ෂ මන්ත්‍රීවරයා ප්‍රමුඛ පිරිසගෙන් ප්‍රශ්න ඇසූ මාධ්‍යවේදියාගේ මාධ්‍ය ආයතනය විමසමින් ඔහු අපහසුතාවට පත්කරන්නටත් මාධ්‍යවේදියා විමසූ ප්‍රශ්නවලට නිසි පිළිතුරු නොදී මඟ අරින්නටත් ඒ අය කටයුතු කළහ.

මෙහිදී ඔවුන් සිදුකළේද මාධ්‍ය මර්දනය කිරීමකි.

මාධ්‍ය මර්දනය කිරීම රාජපක්ෂ පාලන සමයේ සුලබ සිදුවීමකි. 2004 මැයි - 2013 මැයි කාලය තුළ ලංකාවේ ජනමාධ්‍ය වෙත එල්ල වූ මර්දනකාරී අත්දැකීම් පෙළගැස්වීමෙන් එදා මර්දනය දියත් කළ ආකාරය සුළුවෙන් හෝ අවබෝධ කර ගත හැකි වනු ඇත.
 
මාධ්‍යවේදීන් හා මාධ්‍ය වෘත්තිකයන් ඝාතනය කිරීම
 2004

මැයි 31 ‘වීරකේසරී’ පුවත්පතේ තීරු ලිපි රචක අයියතුරේ නඩේසන් 

අගෝස්තු 16 ‘දිනමුරසු’ පුවත්පතේ මාධ්‍යවේදී කන්දසාමි අයියර් බාලනඩරාජා

දෙසැම්බර් 11 ‘ලංකාදීප’ මාධ්‍යවේදී ලංකා ජයසුන්දර

2005

අප්‍රේල් 28 ටැමිල්නෙට්, ඩේලිමිරර්, වීරකේසරී මාධ්‍යවේදී ධර්මරත්නම් සෙවරාම් නොහොත් තාරකි

ජූනි 29 ‘ඊළනාදම්’ පුවත්පතේ බෙදාහැරීම් නිලධාරි කන්නමුත්තු අර්සකුමාර්

අගෝස්තු 12 ශ්‍රී ලංකා ගුවන්විදුලි සංස්ථාවේ නිවේදිකා රෙලංගී සෙල්වරාජා

අගෝස්තු 29 ‘සුඩර් ඔලි’ පුවත්පතේ ආරක්ෂක නිලධාරි ඩේවිඩ් සෙල්වරත්නම්

 සැප්තැම්බර් 30 ඊළනාදම් පුවත්පතේ බෙදාහැරීම් නිලධාරි යෝගකුමාර් ක‍්‍රිෂ්ණපිල්ලේ

දෙසැම්බර් 02 කාත්තන්කුඩි ප්‍රාග ලේකම් කාර්යාලයේ සේවය කළ ලේඛක නෙටිප්ට්ටමුනෙයි ෆලීල්

දෙසැම්බර් 22 ‘තිනකුරල්’ පුවත්පතේ බෙදාහැරිම් නිලධාරි කේ. නවරත්නම්

 2006

 ජනවාරි 24 ‘සුඩර් ඔලි’ පුවත්පතේ ත්‍රිකුණාමල වාර්තාකරු සුබ‍්‍රමනියම් සුගිතරාජන්

පෙබරවාරි 01 දෙමළ පුවත් සේවා ආයතනයක් පවත්වාගෙන ගිය එස්. ටී. ගනනාතන්

මැයි 03 ‘උදයන්’ පුවත්පතේ බෙදාහැරිම් කළමනාකරු බී. ජී. සගයදාස් නොහොත් සුරේෂ්

 මැයි 03 ‘උදයන්’ පුවත්පතේ බෙදාහැරීම් පරීක්ෂක රාජරත්නම් රංජිත් කුමාර්

 ජූලි 02 ‘ඉරුදින, සත්දින, ලක්බිම’ මාධ්‍යවේදී සම්පත් ලක්මාල් ද සිල්වා
 ජූලි 27 වීරකේසරි, තිනකුරල් පුවත්පත් බෙදාහැරීම් නියෝජිත මරියදාසන් මනෝජනරාජ්

අගෝස්තු 15 උදයන් පුවත්පතේ බෙදාහැරීම් කාර්යමණ්ඩලයේ සතාසිවම් බාස්කරන්

අගෝස්තු 20 යාපනයේ පළවන ‘නමාතු ඉලනාඩු’ පුවත්පතේ කළමනාකරු සින්නතම්බි සිවමහරාජා

2007

පෙබරවාරි 12 පළවන ‘නමාතු ඉලනාඩු’ පුවත්පතේ මුද්‍රණ ශිල්පී එස්. රවීන්ද්‍රන්

පෙබරවාරි 15 පළවන ‘නමාතු ඉලනාඩු’, ‘වාලම්පුරි’ පුවත්පත්වල වාර්තාකරු සුබ්‍රමනියම් රාමචන්ද්‍රන්

අප්‍රේල් 16 ඊළනාදම්, විරකේසරී ලේඛක සහ ‘නිලාම්’ සඟරාවේ සංස්කාරක චන්ද්‍රබෝස් සුදාකර්

අප්‍රේල් 29 ‘උදයන්’ සහ ‘තිනකුරල්’ මාධ්‍යවේදී සෙල්වරාසා රජිවර්මන්

 අගෝස්තු 01 යාපනේ විශ්වවිද්‍යාල ශිෂ්‍යයකු හා අර්ධකාලීන ලේඛකයකු වූ සහදේවන් නිලක්ෂන්

අගෝස්තු 21 ‘ඊළනාඩු’ පුවත්පතේ සිවතම්බි සිවරාසා

නොවැම්බර් 05 ‘යාරි තිනකුරල්’ යාපනයේ පුවත්පත් අලෙවි නියෝජිතයකු වූ ඒ. එස්. සිද්දිරංජන්

 නොවැම්බර් 17 ‘උදයන්’ පුවත්පතේ සෝදුපත් කියවන්නකු වූ වඩිවේලූ නිමලරාජ්

නොවැම්බර් 27 ‘කොටි හඬ’ ගුවන්විදුලියේ සේවය කළ ඉසයිවිෂි චෙම්පියන් නොහොත් සුභාෂිනි

නොවැම්බර් 27 ‘කොටි හඬ’ ගුවන්විදුලියේ සේවය කළ කාර්මික නිලධාරි සුරේෂ් ලිම්බියෝ

 නොවැම්බර් 27 ‘කොටි හඬ’ ගුවන්විදුලියේ සේවය කළ ටී. ධර්මලිංගම්

දෙසැම්බර් 05 ‘දිවයින’ වාර්තාකරු ඩබ්ලිව්. ගුණසිංහ

2008

මැයි 28 ‘ශක්ති ටීවී’ යාපනය වාර්තාකරු පී. දේවකුමාර්

ඔක්තෝබර් 06 ‘සිරස’ වාර්තාකරු රශ්මි මොහොමඞ්

 ඔක්තෝබර් ‘ඊළනාදම්’ පුවත්පතේ මාධ්‍යවේදී රාසයියා ජෙයන්දිරන්

2009

ජනවාරි 09 ‘සන්ඩේ ලීඩර්’ පුවත්පතේ ප්‍රධාන කර්තෘ ලසන්ත වික‍්‍රමතුංග

පෙබරවාරි 12 ‘ඊළනාදම්’ල විල්නාදම්ල ඉලමුරසු පුවත්පත්වලට ලියූ මාධ්‍යවේදී පුන්‍යමූර්ති සත්‍යමූර්ති

මාර්තු 05 ‘ඊළනාදම්’ බෙදාහැරීම් නියෝජිත ශෂී මාදන්

මාර්තු 13 ‘ඊළනාදම්’ බෙදාහැරිම් නිලධාරි මහලිංගම් මහේෂ්වරන්

මාර්තු ‘ඉලනාදම්’ බොදහැරිම් නියෝජිත ඇන්ටන්

අප්‍රේල් 09 ‘ඊළනාදම්’ පුවත්පතේ පරිගනක ශිල්පී රාජ්කුමාර් ඩෙන්සේ

 අප්‍රේල් 25 ‘ඊළනාදම්’ මුද්‍රණශිල්පී ජෙයරාජා සුශීදරා සුගන්දන්

 මැයි 14 ‘ඊළනාදම්’ වාර්තාකරු එම්ග ඇන්තනි කුමාර්

මැයි 14 ‘ඊළනාදම්’ පුවත්පතේ පරිගනක ශිල්පී තුරයිසිංහම් දර්ශන්

මැයි 18 ‘දෙමළ ඊළම්’ ටෙලිවිෂන් සේවයේ නිවේදිකා ඉසි ප්‍රියා ෂෝභා

 මැයි ‘කොටි හඬ’ ගුවන්විදුලියේ ප්‍රධානියා ලෙස කටයුතු කළ තිරුකුලසිංහම් තවබාලන්
 
මාධ්‍යවේදීන් අතුරුදන්කිරීම
 
2010 ජනවාරි 24 - ප්‍රගීත් එක්නැලිගොඩ
 
මාධ්‍යවේදීන් පැහැරගෙනයාම

අගෝස්තු 28 නඩරාජා ගුරුබරන්

 ජූනි 22 තිරුචෙල්වම් තිරුකුමාර්

පෙබරවාරි 26 ‘සුඩර් ඔලි’ ප්‍රධාන කර්තෘ එන්. විද්‍යාධරන්

මාර්තු 11 මහාචාර්ය ධම්මික ගංගානාත් දිසානායක

 ජනවාරි 27 යාපනයේ මාධ්‍යවේදී නවරත්නම් පරමේශ්වරම්

 මාධ්‍යවේදීන් අත්අඩංගුවට ගැනීම

 ඔක්තෝබර් 24 ‘සන්ඩේ ලීඩර්’ පුවත්පතේ ආතර් වාමනන්

මාර්තු 07 ජේ. එස්. තිස්සනායගම්

නොවැම්බර් 28 ‘සන්ඩේ ලීඩර්’ ඡායාරූප ශිල්පී  අශෝක ප්‍රනාන්දු

2007 ජූනි 23 ‘උදයන්’ පුවත්පතේ කුමාරදාස්

අගෝස්තු 26 ස්වාධීන රූපවාහිනියේ නාගලිංගම් කෙන්ඩියුසන්

2008 පෙබරවාරි 12 ඒෂියන් ප්‍රෙස් පුවත් සේවයේ ගැමුණු අමරසිංහ

2008 මාර්තු 08 නිදහස් මාධ්‍ය ව්‍යාපාරයේ එස්. සිවකුමාර්

2008 ජූලි 30 ඉන්දිය මාධ්‍යවේදී අලි අක්‍රම් 

2008 නොවැම්බර් ඒ. ආර්. වාමලෝෂන්

ජූනි ලංකා ඊ නිව්ස් කර්තෘ සඳරුවන් සේනාධීර

2009 සැප්තැම්බර් 02 ‘ලංකා’ පුවත්පතේ ශාලික විමලසේන, දයා නෙත්තසිංහ, ඡායාරූප ශිල්පී රවින්ද්‍ර පුෂ්පකුමාර බොරු චෝදනා මත දෙනියායේදී අත්අඩංගුවට ගෙන දින 7ක් අපරාධ පරීක්ෂණ දෙපාර්තමේන්තුවේ රඳවා තැබීම

2009 ඔක්තෝබර් 17 ‘ලංකා’ ප්‍රධාන කර්තෘ චන්දන සිරිමල්වත්ත හෝමාගමදී අත්අඩංගුවට ගැනීම

ජනවාරි 29 ‘ලංකා’ ප්‍රධාන කර්තෘ අපරාධ පරික්ෂණ දෙපාර්තමේන්තුවේ අත්අඩංගුවට ගෙන දින 18ක් රඳවාතැබීම

2010 මාර්තු 16 මාධ්‍යවේදී රුවන් වීරකොන් අත්අඩංගුවට ගැනීම

 අප්‍රේල් 25 ‘ඊ නිව්ස්’ මාධ්‍යවේදී ශාන්ත විජේසූරිය

ජූනි 29 ‘ලංකා මිරර්’ සහ ‘ලංකා එක්ස් නිව්ස්’ මාධ්‍යවේදීන් 9 දෙනකු අපරාධ පරීක්ෂණ දෙපාර්තමේන්තුවෙන් අත්අඩංගුවට ගැනීම

2012 ඔක්තෝබර් 02 අපරාධ පරීක්ෂණ දෙපාර්තමේන්තු නිලධාරීන් යැයි පවසා මාධ්‍යවේදී ක‍්‍රිෂාන් රාජපක්ෂ හිරිහැරයට ලක් කිරීම

2012 නොවැම්බර් 27 මාධ්‍ය වෘත්තිය සමිති ක‍්‍රියාකාරිකයකු වන සංජීව සමරසිංහ අත්අඩංගුවට ගෙන නිදහස් කිරීම
 
මාධ්‍යවේදීන්ට පහරදීම්

2007 ජනවාරි 06 ‘රිවිර’ මාධ්‍යවේදී තිස්ස රවීින්ද්‍ර

2007 ජනවාරි 10 ප්‍රාදේශීය මාධ්‍යවේදී වික්ටර් සෝමවීර

2007 ජනවාරි බීබීසී වාර්තාකරු ඥානසිරි කොත්තිගොඩ සහ ‘රාවය’ පුවත්පතේ අජිත් සෙනෙවිරත්

2007 ජනවාරි 28 ‘තිනකුරල්’ කේ. පී. මොහාන්

2008 ජනවාරි 16 ‘සිරස’ මාධ්‍යවේදී යූ. එස්. බී. බණ්ඩාර

2008 ජනවාරි 25 රූපවාහිනී සංස්ථාවේ ලාල් හේමන්ත මාවලගේ සේවය නිමවී නිවසට යමින් සිටියදී තියුණු ආයුධයකින් කපා තුවාල කිරීම

2008 ජනවාරි 28 ‘තිනකරන්’ පුවත්පතේ සුහයිබ් එන්. කාසිම්

2008 පෙබරවාරි 28 ස්වාධීන රූපවාහිනියේ පංකජ සංකල්ප

2008 මැයි 09 ‘වාරඋරෛයික්කල්’ කර්තෘ එම්. අයි. රහමතුල්ලා ‍

 2008 මැයි 19 නිදහස් මාධ්‍යවේදී ජව්ෆර් ඛාන්

2008 මැයි 19 සිරස කැමරා කන්ඩායමට පහරදී කැමරා විනාශ කිරීම

 2008 මැයි 22 ‘නේෂන්’ පුවත්පතේ නියෝජ්‍ය කර්තෘ කීත් නොයාර්

2008 ජූනි 05 එම්.සී. පිලිස්

2008 ජූනි 30 ශ්‍රී ලංකා පුවත්පත් මණ්ඩලයේ නාමල් පෙරේරා සහ මහේන්ද්‍ර රත්නවීර

 2008 ජූලි 18 යොහාන් පෙරේරා, ප්‍රදීප් දිල්රුක්ෂ

2008 අගෝස්තු 04 සිරස නාලිකාවේ තුෂාර රනවක, වරුණ සම්පත්

2008 අගෝස්තු 28 ‘ලංකාදීප’ යමුනා හර්ෂනී සහ ජානක ගලප්පත්ති

2008 අගෝස්තු 28 ජාතික රූපවාහිනියේ දුෂාන්ත මනෝජ්

2008 අගෝස්තු 28 ‘රිවිර’ ප්‍රධාන කර්තෘ උපාලි තෙන්නකෝන්

2008 නොවැම්බර් 29 මඩකලපුවේ මාධ්‍යවේදියකු ප්‍රහාරයට ලක්කිරීම

2008 මාර්තු 05 රූපවාහිනී සංස්ථාවේ රංජනී අලුත්ගේ හේරත්ගේ උරහිස දැලිපිහියකින් කැපීම

2008 මාර්තු 14 රූපවාහිනී සංස්ථාවේ අනුරසිරි හෙට්ටිගේ ප්‍රහාරයට ලක්වීම

2008 සැප්තැම්බර් 08 ‘තිනකරන්’ රාධිකා තේවකුමාර්

ජනවාරි 23 ‘මැක්ස් ටිවී’ මාධ්‍යවේදීන්ට පහරදීම

2009 ජූනි 01 වෘත්තිය පත්‍රකලාවේදීන්ගේ සංගමයේ පෝද්දල ජයන්ත

ජනවාරි 16 බීබීසී පොලොන්නරුව වාර්තාකාරිණී තක්ෂිලා දිල්රුක්ෂි

 2010 ජනවාරි 28 ජාතික රූපවාහිනියේ රවී අබේවික්‍රමට පහරදී මරණ තර්ජන සිදුකිරීම

 2010 පෙබරවාරි 02 අනුරාධපුර ‘සිරස’ වාර්තාකරු රිස්වි මොහොමඞ්

2010 පෙබරවාරි 03 ‘සිරස’ මාධ්‍යවේදි ශ්‍රී රංගා

2010 පෙබරවාරි 10 ‘සිරස’ සහ ‘ස්වර්ණවාහිනී’ ප්‍රාදේශීය වාර්තාකරුවන් දෙදෙනකුට දෙහිඅත්තකණ්ඩියේදී පහරදීම

 2010 පෙබරවාරි 10 ‘සිරස’ හා ‘සියත ටීවී’ වාර්තාකරුවන් දෙදෙනකු හම්බන්තොටදී ප්‍රහාරයට ලක්වීම

2010 ඔක්තෝබර් 07 උද්ඝෝෂණයක් වාර්තාකිරීමට ගිය ලංකාදීප මාධ්‍යවේදී බිඟුන් මේනක ඇතුළු මාධ්‍යවේදීන් පස්දෙනකු ප්‍රහාරයට ලක්වීම

2010 දෙසැම්බර් 07 ‘ලංකා ඊනිව්ස්’ මාධ්‍යවේදී ශාන්ත විජේසූරිය කටුනායකදී ප්‍රහාරයට ලක්වීම

 ජූලි 29 ‘උදයන්’ ප්‍රවෘත්ති සංස්කාරක ඥානසුන්දරම් කුගනාදන් යාපනේ සිය නිවස අසලදී ප්‍රහාරයට ලක්වීම

 [දිලංක ගුණතිලක]

Comment (0) Hits: 141

ආණ්ඩුවත් හෙළවූ සිසුන් පැහැර ගැනීම ගැන විශේෂ  හෙළිදරව්ව මෙන්න !  

නේවි සම්පත් නැමැ­ත්තෙක් පොලිස් අත්අ­ඩං­ගු­වේය. පොලි­සි­යට අනුව නේවි සම්පත් අත්අ­ඩං­ගු­වට ගන්නේ සිවිල් පුද්ග­ල­යන් 11 දෙනෙක් පැහැ­ර­ගෙන ගොස් රඳවා තබා ඝාත­නය කිරීමේ නින්දිත චෝද­නා­වට සැක­ක­රු­වෙක් ලෙසය. 

පැහැ­දි­ලිව ඔප්පු වන සාක්ෂි ප්‍රකා­රව පුද්ග­ල­යන් 11 දෙනෙක් මරා දමා ඇත. පැහැ­ර­ගත් පිරිස රඳවා තබා ගන්නේ කොටුව නාවික හමුදා මූල­ස්ථා­නය ඉදි­රි­පිට ඇති යම් ආර­ක්ෂිත නිව­ස්න­යක ය. පිරි­සෙන් කොට­සක් කොළ­ඹදී මරා දම­න්නේය. ඉතිරි පිරිස ත්‍රිකුණාමලය  නාවික හමුදා කඳ­වු­රට රැගෙන ගොස් එතැ­නදී මරා දමා තිබෙ­න්නේය. අප ඉති­හා­සයේ සිදුවූ අති­ශය නින්දිත අප­රා­ධ­යක් අබි­ය­සය.

දැන් මේ රට අපේක්ෂා කරන්නේ මරා දමන ලද මනු­ෂ්‍ය­යන්ගේ ජීවිත වෙනු­වෙන් සාධා­ර­ණ­යකි. නේවි සම්පත් නැමැ­ත්තෙක් පොලිස් අත්අ­ඩං­ගු­වට පත්වන්නේ මේ අත­රය. නේවි සම්පත් නමින් අත්අ­ඩං­ගු­වට පත්වන්නේ හිටපු නාවික හමුදා ලුති­නන් කමා­න්ඩර් වර­යෙකි. ඔහු නමින් හෙට්ටි­ආ­රච්චි මුදි­ය­න්සේ­ලාගේ චන්දන ප්‍රසාද් හෙට්ටි­ආ­රච්චි බව රහස් පොලි­සිය කිය­න්නේ­ය. සැක­කරු අත්අ­ඩං­ගු­වට ගන්නේ ඉකුත් 13 වනදා කොළඹ ලෝටස් පාරේදීය. ඔහුව රැඳ­වුම් නියෝග මත රඳවා ගනි­මින් ප්‍රශ්න කිරි­මෙන් අන­තු­රුව සමූහ මංකොල්ල විම­ර්ශන අංශයේ ස්ථානා­ධි­පති නිශාන්ත සිල්වා විසින් පසු­ගිය බදාදා (15) ඔහුව අධි­ක­ර­ණ­යට ඉදි­රි­පත් කරනු ලබන්නේ ය. කොටුව මහේ­ස්ත්‍රාත් ලංකා ජය­රත්න මෙන­විය ගේ නියෝග ප්‍රකා­රව පොලි­සිය විසින් අල්ලා ගත් නේවි සම්පත් ලබන 29 දා තෙක් රක්ෂිත බන්ධ­නා­ගාර ගත­වය.

0012018 ජනවාරි :  නිවේදනය !

පොලි­සිය විසින් පසු­ගිය 13 දා අත්අ­ඩං­ගු­වට ගත්තේ හෙට්ටි­ආ­රච්චි මුදි­ය­න්සේ­ලාගේ චන්දන ප්‍රසාද් හෙට්ටි­ආ­ර­ච්චිය. අප­රාධ පරී­ක්ෂණ දෙපා­ර්ත­මේ­න්තුව ඔහුව නේවි සම්පත් ලෙස හඳු­නා­ගන්නේ මේ අවු­රුද්ද මුල් භාග­යේය. පොලිස් මූල­ස්ථා­නය වර්ෂ 2018 ජන­වාරි මස මාධ්‍ය­ව­ලට නිවේ­ද­න­යක් නිකුත් කර­මින් චන්දන ප්‍රසාද් හෙට්ටි­ආ­රච්චි නොහොත් නේවි සම්පත් නැමැත්තා පුද්ග­ල­යන් 11 දෙනෙක් පැහැ­ර­ගෙන ගොස් අතු­රු­දන් කිරීමේ අප­රා­ධ­යට සම්බන්ධ ප්‍රධාන සැක­ක­රු­වෙක් බවත්, දැනට අධි­ක­ර­ණය මඟ­හැර සිටින ඔහුව අත්අ­ඩං­ගු­වට ගැනී­මට මහ­ජන සහ­යෝ­ගය අවශ්‍ය බවත් කියා සිටි­යේය.

කරන්නාගොඩගේ පෞද්ගලික ආරක්ෂකයා !


මේ අවු­රුද්දේ ජන­වා­රි­යට කලින් නේවි සම්පත් නැමැ­ත්තෙක් සම්බ­න්ධව පොලිස් පොත් වල ලියැ­වු­ණේය. විම­ර්ශන සිද්ධ වුණේය. අත්අ­ඩං­ගු­වට පත් වුණේය. මේ නේවි සම්පත්, මුණ­සිංහ ආරච්චිගේ දොන් නිලන්ත සම්පත් නැමැති නාවික හමු­දාවේ හිටපු ලුති­නන් කමා­න්ඩර් වර­යාය. හිටපු නාවික හමු­දා­පති වසන්ත කර­න්නා­ගොඩ ගේ පුද්ග­ලික ආර­ක්ෂක නිල­ධා­රියා ය.

නේවි සම්පත් නැමැ­ත්තෙක් සම්බ­න්ධව මුලින් ම ඇසෙන්නේ යුද්ධය පව­තින කාල­යේ­දීය. ඒ එව­කට ගුවන් හමු­දා­ප­ති­ව­ර­යාව සිටියේ රොෂාන් ගුණ­ති­ල­කගේ පුද්ග­ලික ආර­ක්ෂක නිල­ධා­රියා වන බල­ගන නායක නිශාන්ත ගජ­නා­ය­කත් ජනා­ධි­පති ආර­ක්ෂක අංශයේ පොලිස් නිල­ධා­රි­යෙක් වූ ප්‍රීති­වි­රාජ් මන­ම්පේරි නැමැ­ත්තාත් පිට­කො­ටුවේ ද්‍රවිඩ ජාතික ව්‍යාපා­රි­ක­යෙක් පැහැර ගෙන කප්පම් ඉල්ලීමේ සිද්ධි­යක් සම්බ­න්ධව අත්අ­ඩං­ගු­වට පත්වී­මෙන් පසුය.

යුද්ධය අස්සේ ජයටම ගිය කප්පම් සුදිය !

මේ අව­ධිය වන­විට එල්.ටී.ටී.ඊ ක්‍රියා­කා­ර­කම් මැඩ පැවැ­ත්වී­මට කොළඹ ක්‍රියා­ත්මක වුන බුද්ධි ජාලයේ ගාමක බලය සහි­තව සිටි කරුණා පාර්ශ­වයේ කාඩ­ර­යන් එල්.ටී.ටී.ඊ ට කප්පම් ගෙවන වග හොඳින්ම දැන­ගෙන හිටි ව්‍යාපා­රි­ක­යන් ඉලක්ක කර­ගෙන සිය කප්පම් ව්‍යාපා­රය දියත් කර තිබු­ණහ. ඒ සම­ඟම විවිධ කප්පම් කල්ලි කොළඹ හැසි­රු­ණේය. මේ කප්පම් කල්ලි ගැන විම­ර්ශ­නය කර­ගෙන යන පොලි­සිය හිටපු ගුවන් හමු­දා­පති රොෂාන් ගුණ­ති­ල­කගේ පුද්ග­ලික ආර­ක්ෂක නිල­ධාරී බල­ගණ නායක නිශාන්ත ගජ­නා­ය­කත් ජනා­ධි­පති ආර­ක්ෂක අංශයේ පොලිස් නිල­ධා­රි­යෙ­ක්වන ප්‍රීති විරාජ් මන­ම්පේරි නැමැ­ත්තාත් අත්අ­ඩං­ගුට ගත්තේය. ඒ වර්ෂ 2007 ජුනි මස 21 දාය. නේවි සම්පත් නැමැ­ත්තෙ­කුගේ කල්ලි­යක් කප්පම් ගන්නා බව මුලින්ම රහස් පොලි­සි­යේදී හෙළි වන්නේ අත්අ­ඩං­ගු­වට ගත් ප්‍රීති විරාජ් මන­ම්පේ­රිගේ ප්‍රශ්න කිරී­මේදී ඔහු කළ ප්‍රකා­ශ­ය­කට අනු­වය.

002පොලිස් පරීක්ෂණ සඳහා නේවි සහය නොලැබීම !

හිටපු ගුවන් හමු­දා­පති රොෂාන් ගුණ­ති­ල­කගේ පුද්ග­ලික ආර­ක්ෂක නිල­ධා­රි­යාට සම­ගා­මීව තවත් කප්පම් කල්ලි­යක් මෙහෙ­ය­වන නේවි සම්පත් නැමැත්තා කව­රෙ­ක්දැයි සොයන රහස් පොලි­සිය එදා හඳු­නා­ගන්නා පුද්ග­ලයා මුණ­සිංහ ආර­ච්චිගේ දොන් නිලන්ත සම්පත් නැමැ­ත්තෙකි. ඔහු ඒ වක­වා­නුවේ හිටපු නාවික හමු­දා­පති වසන්ත කර­න්නා­ගො­ඩගේ පුද්ග­ලික ආර­ක්ෂක නිල­ධා­රියා ලෙස කට­යුතු කළේය. මේ තොර­තුරු මත නේවි සම්පත් නැමැත්තා අත්අ­ඩං­ගු­වට ගැනී­මට අදාළ මූලික ප්‍රශ්න කිරීම් සඳහා අවශ්‍ය කති­කාව කර­ගැ­නී­මට එව­කට නියෝජ්‍ය පොලි­ස්ප­ති­ව­ර­යෙක් වූ ජී.ඩබ්ලියු. ප්‍රතා­ප­සිංහ හිටපු නාවික හමු­දා­පති වසන්ත කර­න්නා­ගො­ඩව මුණ ගැසෙ­න්නේය. පොලි­සි­යට අවශ්‍ය සහය ඒ මොහොතේ ලැබෙන්නේ නැත. නාවික හමු­දා­ප­ති­ව­රයා තමන්ගේ පුද්ග­ලික ආර­ක්ෂක නිල­ධා­රියා වූ මුණ­සිංහ ආර­ච්චිගේ දොන් නිලන්ත සම්පත්ට එරෙ­හිව නැගෙන “නේවි සම්පත්” චෝද­නාව පිළි­ගන්නේ නැත. සිද්ධිය එතැ­නින් යට යන්නේය.

නැවත වරක් නේවි සම්පත් නැමැ­ත්තෙක් ගැන කතා කරන්නේ පුද්ග­ල­යන් 11 දෙනෙක් පැහැ­ර­ගෙන ගොස් ඝාත­නය කිරීම සම්බ­න්ධව ලෝකය කම්පා කළ අව­න­ඩු­වේ­දීය. වර්ෂ 2008 සැප්තැ­ම්බර් 17 දින දෙහි­ව­ලදී මෙම පුද්ග­ල­යන් පැහැර ගන්නේ නේවි සම්පත් නැමැ­ත්තෙ­කුගේ මූලි­ක­ත්ව­යෙන් බව කියැ­වු­ණේය. නැව­තත් නේවි සම්පත් ලෙස හඳුනා ගන්නේ මුණ­සිංහ ආර­ච්චිගේ දොන් නිලන්ත සම්පත් ය.

නාවුක හමුදාපතිගේ පැමිණිල්ල !

අන­තු­රුව වර්ෂ 2009 මැයි මාස­යේදී එව­කට නාවික හමු­දා­පති වසන්ත කර­න්නා­ගොඩ විසින් තම පුද්ග­ලික ආර­ක්ෂක නිල­ධා­රි­යාගේ අප­රා­ධ­කාරී හැසි­රීම සම්බ­න්ධව පොලි­සි­යට පැමි­ණි­ල්ලක් කර­න්නේය. පැමි­ණිල්ල කරනු ලබන්නේ මේ පුද්ග­ලයා සම්බ­න්ධව නාවික හමු­දාව පාර්ශ්ව­යෙන් පරී­ක්ෂ­ණ­යක් පවත්වා ඔහුගේ පුද්ග­ලික කුටිය මුද්‍රා තැබී­මෙන් අන­තු­රු­වය. නාවික හමු­දා­ප­ති­ව­ර­යාගේ පැමි­ණිල්ලේ කියැ­වෙන්නේ තම පුද්ග­ලික ආර­ක්ෂක නිල­ධා­රියා මිනි­සු­න්ගෙන් කප්පම් ගැනීම සඳහා ඔවුන් පැහැ­ර­ගෙන ගොස් මරා දමා ඇති බවය.

මේ වන­විට තවත් සිදු­වී­මක් වාර්තා විය. තරු­ණ­යන් පැහැ­ර­ගැ­නීම සිදු­වන 2008 සැප්තැ­ම්බර් 6 දා වන­තෙක් මුණ­සිංහ ආර­ච්චිගේ දොන් නිලන්ත සම්පත් නමින් සිටි ලුති­නන් කමා­න්ඩර් වරයා 2008. 11. 21 සුබ­සෙත පුව­ත්පතේ දැන්වී­මක් දමා සිය නම මුණ­සිංහ ආර­ච්චිගේ දොන් නිලන්ත සම්පත් මුණ­සිංහ ලෙස වෙනස් කර­ගෙන තිබු­ණේය.

පැහැර ගැනීම !

නේවි සම්පත් නැමැ­ත්ත­කුගේ මූලි­ක­ත්ව­යෙන් 2008 සැප්තැ­ම්බර් 6 දා දෙහි­ව­ලදී පැහැ­ර­ගත් පුද්ග­ල­යන් පස් දෙනෙක් ඇතුළු 11 දෙනෙක් සම්බ­න්ධව රහස් පොලිස් පරී­ක්ෂණ ආරම්භ වන්නේ නාවික හමු­දා­ප­ති­ව­ර­යාගේ පැමි­ණිලි ප්‍රකා­ර­වය.

නාවික හමු­දා­පති තම පුද්ග­ලික ආර­ක්ෂක නිල­ධා­රි­යාට එරෙ­හිව අප­රාධ පරී­ක්ෂණ දෙපා­ර්ත­මේ­න්තු­වට පැමි­ණිලි කරන තැන­කට යන්නේ ඔහු කප්පම් ලබා­ගැ­නීම සඳහා මිනි­සුන් පැහැර ගන්නා කල්ලි­ය­කට නාය­ක­ත්වය දෙන බව කරුණු සහි­තව දැන­ග­න්නට ලැබීම නිසා බව කියැ­විණි.

ඔහුගේ එම පැමි­ණිල්ල සමඟ ලුති­නන් කමා­න්ඩර් මුණ­සිංහ නාවික හමු­දා­වෙන් පළා යන අතර ඒ සමඟ අප­රාධ පරී­ක්ෂණ දෙපා­ර්ත­මේ­න්තුව ඔහුගේ නිල කාම­රය සීල් තබ­න්නේය. 2009 ජූනි 20 වැනි දින එම නිල­ධා­රියා අප­රාධ පරී­ක්ෂණ දෙපා­ර්ත­මේ­න්තුව විසින් අත්අ­ඩං­ගු­වට ගන්නේය. ඔහු ඉදි­රියේ සීල් තබන ලද නිල කාම­රය විවෘත කොට එය පරී­ක්ෂා­වට ලක් කර­න්නේය. එහිදී පැහැර ගන්නා ලද තරු­ණ­යන් පස්දෙ­නාගේ ගමන් බල­පත්‍ර හා ජාතික හැඳු­නු­ම්පත් 5 සොයා ගන්නේය. එදා ලුති­නන් කමා­න්ඩර් මුණ­සිං­හව රහස් පොලි­සිය හඳුනා ගත්තේ නේවි සම්පත් නමින් ය. ඔහු අත්අ­ඩං­ගු­වට පත්වූ විට මාධ්‍යය කීවේ නේවි සම්පත් අත්අ­ඩං­ගු­වට පත්වූ බව ය. නේවි සම්පත් යනු මුණ­සිංහ ආර­ච්චිගේ දොන් නිලන්ත සම්පත් හෙවත් මුණ­සිංහ ආර­ච්චිගේ දොන් නිලන්ත සම්පත් මුණ­සිංහ බව මාධ්‍ය­යට තහ­වුරු කළේ රහස් පොලි­සිය ය.


003නඩරාජ් රවිරාජා ඝාතනය !

නේවි සම්පත් මාරු වන්නේ පාර්ලි­මේන්තු මන්ත්‍රී නඩ­රාජා රවි­රාජ් ඝාතන සිද්ධියේ සැක­ක­රු­වන් අත්අ­ඩං­ගු­වට පත්වී­මත් සමඟ ය. රවි­රාජ් ඝාතන සිද්ධියේ රජයේ සාක්ෂි­කරු ලෙස පෙනී සිටින්නේ එම ඝාතන සිද්ධිය සම්බ­න්ධ­යෙන් අත්අ­ඩං­ගු­වට පත් වූ ප්‍රීති විරාජ් මන­ම්පේරි ය. ඔහුගේ සාක්ෂියේ කියැ­වුණේ නේවි සම්පත් විසින් රවි­රාජ් ඝාත­නය කළ චන්දන ප්‍රසාද් හෙට්ටි­ආ­රච්චි වෙත ත්‍රී රෝද රථ­ය­කින් පැමිණ ඝාතන අවිය ගෙනැ­විත් දුන් බවය. ඒ සාක්ෂිය මත ලුති­නන් කමා­න්ඩර් චන්දන ප්‍රසාද් හෙට්ටි­ආ­රච්චි අත්අ­ඩං­ගු­වට පත්ව­න්නේය. 
"නේවි සම්පත්" පටලැවිල්ල !  
 
ඔහුට ගිනි අවිය ගෙනත් දුන් නේවි සම්පත් ලෙස අත්අ­ඩං­ගු­වට පත්වන්නේ මුණ­සිංහ ආර­ච්චිගේ දොන් නිලන්ත සම්පත් මුණ­සිංහ ය. ඔහුව 2015 මාර්තු මස 13 දා අත්අ­ඩං­ගු­වට ගන්නේය. මාස තුනක් අත්අ­ඩං­ගුවේ පසු­ව­න්නේය. ඒ අතර නිලන්ත සම්පත් මුණ­සිංහ සිය නීති­ඥ­යන් මඟිින් පෙන්වා දෙන්නේ නඩ­රාජා රවි­රාජ් ඝාතන සිද්ධිය දින ඔහු කොළඹ නොසිටි බවය. විශේෂ රාජ­කා­රි­යක් සඳහා කන්ක­ස­න්තු­රය ප්‍රදේ­ශ­යට වාර්තා කර තිබුණු බවය. ඒ අනුව මුණ­සිංහ ආර­ච්චිගේ දොන් නිලන්ත සම්පත් මුණ­සිංහ චෝද­නා­වෙන් නිද­හස් වන්නේය. නිද­හස්ව එන ඔහු රහස් පොලි­සි­යට එරෙ­හිව මානව හිමි­කම් කඩ­වීම සම්බ­න්ධව පැමි­ණි­ල්ලක් ගොණු කිරී­මට සූදා­නම් වන විට ප්‍රකා­ශ­යක් කරන ප්‍රීති විරාජ් මන­ම්පේරි තමන් නේවි සම්පත් ලෙස හඳුනා ගත්තේ සම්පත් මුණ­සිංහ නොව චන්දන ප්‍රසාද් හෙට්ටි­ආ­රච්චි බව කියන්නේ ය. චන්දන ප්‍රසාද් හෙට්ටි­ආ­රච්චි නේවි සම්පත් ලෙස මුලින් ම ප්‍රකාශ වන්නේ ඒ ආකා­ර­යට ය.

එහෙත් මේ සාක්ෂිය සම­ස්තය අතා­ර්කික කළේය. ඔහුගේ මුල් සාක්ෂිය ප්‍රකා­රව රවි­රාජ් ඝාත­න­යට ගිනි අවිය ගෙනත් දී ඇත්තේ නේවි සම්පත් ය. නේවි සම්පත් අවිය ගෙනත් දී තිබුණේ චන්දන ප්‍රසාද් හෙට්ටි­ආ­ර­ච්චිට ය. ඔහුගේ දෙවන සාක්ෂිය අනුව නේවි සම්පත් යනු චන්දන ප්‍රසාද් හෙට්ටි­ආ­රච්චි ය. ඒ අනුව හෙට්ටි­ආ­රච්චි විසින් හෙට්ටි­ආ­ර­ච්චිට ම ගිනි අවිය ගෙනත් දී තිබිණි. මේ පර­ස්ප­රය උසා­වි­යේදී තහ­වුරු වීමත් සමඟ චූදි­තයෝ ඝාතන චෝද­නා­වෙන් නිද­හස් වූහ. හෙට්ටි­ආ­රච්චි මුල්ව­රට නේවි සම්පත් වන්නේ එසේ ය. දෙවන අව­ස්ථා­වේදී ඔහු නේවි සම්පත් වන්නේ අප­රාධ පරී­ක්ෂණ දෙපා­ර්ත­මේ­න්තුව විසින් හෙට්ටි­ආ­රච්චි මුදි­ය­න්සේ­ලාගේ චන්දන ප්‍රසාද් හෙට්ටි­ආ­රච්චි නොහොත් නේවි සම්පත් අවශ්‍ය බව කියා පළ කළ ප්‍රසිද්ධ මාධ්‍ය දැන්වීම නිසා ය. අත්අ­ඩං­ගු­වට පත් පුද්ග­ලයා නේවි සම්පත් හෝ වෙන ඕනෑම කෙනෙක් වෙන්නට හැකිය. රටට අවශ්‍ය වන්නේ මේ අප­රා­ධය කළ සැබෑ අප­රා­ධ­ක­රු­වන්ට දඬු­වම් කිරී­මය. එල්ල­වන චෝදනා නිමක් නැත. එහෙත් එතැ­නින් ඉදි­රි­යට මේ ගමන යන්නේ නැත.
004
ආර­ක්ෂක මාණ්ඩ­ලික ප්‍රධානී රවී විජේ­ගු­ණ­රත්නට : CID ශානිගෙන් චෝදනා ! 

පුද්ග­ල­යන් 11 දෙනා අතු­රු­දන් කිරීමේ සිද්ධිය සම්බන්ධ සිද්ධි­යට අදාළ චෝදනා ආර­ක්ෂක මාණ්ඩ­ලික ප්‍රධානී රවී විජේ­ගු­ණ­රත්න වෙතත් එල්ල වී තිබේ. ඒ හෙට්ටි­ආ­රච්චි මුදි­ය­න්සේ­ලාගේ චන්දන ප්‍රසාද් හෙට්ටි­ආ­රච්චි නොහොත් නේවි සම්පත්ට රුපි­යල් ලක්ෂ පහක මුද­ලක් ලබාදී ඔහු රටින් පිට කිරී­මට උදව් කළ බව­ටය. ඉකුත් අප්‍රි­යල් 20 දා රාජ්‍ය පරි­පා­ලන අමා­ත්‍යාං­ශයේ පැවති රැස්වී­ම­කදී අප­රාධ පරී­ක්ෂණ දෙපා­ර්ත­මේ­න්තුවේ අධ්‍යක්ෂ ශානි අබේ­සේ­කර විසින් මේ චෝද­නාව ඍජු­වම රවී විජේ­ගු­ණ­ර­ත්නට කළේය. එමෙන්ම මේ මුදල රවී විජේ­ගු­ණ­රත්න නාවික හමු­දා­පති සමයේ ඔහු විසින් හෙට්ටි­ආ­රච්චි මුදි­ය­න්සේ­ලාගේ චන්දන ප්‍රසාද් හෙට්ටි­ආ­රච්චි නොහොත් නේවි සම්පත්ට ලබා දී ඇත්තේ නාවික හමු­දා­පති අර­මු­ද­ලින් බව රහස් පොලි­සිය කියන්නේ ය.

දැන් රහස් පොලි­සිය කියූ නේවි සම්පත් අත්අ­ඩං­ගු­වේය. නාවික හමු­දාවේ සිටි­යදී අපා­රධ කළ බවට චෝදනා ලැබ තිබෙනා සැක­ක­රු­වෙක් වසන් කිරීම සඳහා නාවික හමු­දා­පති ලෙස නාවික හමු­දාවේ මුදල් අව­භා­විත කළ බවට රහස් පොලී­සිය රවී විජේ­ගු­ණ­ර­ත්නට එල්ල කරන චෝද­නාව විභාග කිරීම සම්බ­න්ධව දැන් ගැට­ලු­වක් නැත. එසේ නොවන්නේ නම් එය රටට ගැට­ලු­වකි. රවී විජේ­ගු­ණ­රත්න වර­දක් කර ඇත්නම් ඔහු අත්අ­ඩං­ගු­වට නොගැ­නීම ගැට­ලු­වෙකි. කොටින්ම “නේවි සම්පත්” සංකේ­ත­යම රටට ගැට­ලු­වකි.

ප්‍රශ්නය එතැ­නම ය. සියල්ල රැගෙන යමින් ඇත්තේ වෙනත් දිශා­න­ති­යක් කරාය. මේ කිසි­වක් මරා­දැමූ නිරා­යුධ මනු­ෂ්‍ය­යන්ට 

සාධා­ර­ණ­යක් ඉෂ්ට කරන්නේ නැත. මේ රට ඉල්ලා සිටින්නේ ඒ සාධා­ර­ණය ය.

005අතුරුදහන්වූ තරුණයන් !

කොටහේන ප‍්‍රදේශයේ පදිංචිව සිටි රජීව නාගනාදන්, තිලකේස්වරන් රාමලිංගම්, ප‍්‍රදීප් විස්වනාදන්, ඩිලාන් රාජරත්නම් සහ තවත් තරුණයෙකු දෙහිවල ප‍්‍රදේශයේදී අතුරුදන් වන්නේ පසුගිය 2008 වර්ෂයේ සැප්තැම්බර් 17 වැනි දිනය. මෙම පිරිස අතර සිටි රජීව් නාගනාදන් තරුණයා (වයස 21) එවක දී ලන්ඩන් විශ්වවිද්‍යාලයේ වෛද්‍ය විද්‍යාව හැදෑරීම සඳහා සුදුසුකම් සපුරා ගෙන ඒ සඳහා ලන්ඩන් නුවර වෙත යන්නට දින ගනිමින් සිටියේය. මෙම සුදුසුකම් ලැබීම නිසා ඔහු ඉහත නම් සඳහන් අනෙකුත් තරුණයන්ට රාත‍්‍ර‍්‍රී භෝජන සංග‍්‍රහයක් සිය නිවසේ පවත්වන අතර පසුව එම පිරිස සමග මෝටර් රථයක නැඟී නිවසින් පිටවී ඇත. රජීව් නාගනාදන් සහ පිරිස අවසන් වරට ගිය ගමන වන මෙම ගමනින් පසුව ඔවුන් ගැන තවමත් කිසිදු තොරතුරක් නැත.

මෙම අතුරුදන් වීමෙන් මඳ කලකට පසුව ඔවුන් දෙහිවල ප‍්‍රදේශයේ සිටියදී අතුරුදන් වී ඇතැයි මාපියන්ට දැනගන්නට ලැබෙන අතර ඉන් පසුව 2008 වර්ෂයේ නොවැම්බර් මස නාගනාදන්ගේ මව වන සරෝජනී නාගනාදන් මහත්මියට දුරකථන ඇමතුමක් ලැබෙන අතර එම ඇමතුම මාර්ගයෙන් මව සමග සම්බන්ධ වෙන නාගනාදන් තරුණයා තමන් සහ පිරිස නාවික හමුදා අත්අඩංගුවේ සිටින බවද සම්පත් මුණසිංහ සහ හෙට්ටිආරච්චි යන දෙදෙනා තමන් පැහැරගත් බවද් ප‍්‍රකාශ කර ඇත. මෙම අතුරුදන් වීම පිළිබඳව අධිකරණයේ විභාග වන නඩුවකදී ඇය මේ බව අනාවරණය කළාය. ඒ 2012 වර්ෂයේ ජුනි මස 13 වැනි දිනය. ඉන්පසුව කප්පම් ඉල්ලමින්ද දුරකථන ඇමතුම් ලැබෙන අතර සමහර මාපියන් තම දරුවන් නිදහස් කරගැනීම සඳහා කප්පම් මුදල් ගෙවා ඇති බවද වාර්තා වෙයි. 2008 වර්ෂයේ සිදුවූ මෙම සිදුවීම පිළිබඳව පසුගිය රාජපක්ෂ ආණ්ඩුවෙන් කිසිවක් සිදු නොවුණි. මාපියන් දිගින් දිගටම රහස් පොලීසිට පැමිණිලි කළෝය. එහෙත් සාධනීය පිළිතුරක් නොලැබුණි.

හබයාස් කෝපුස්

මෙම පැහැරගැනීම නාවික හමුදාවෙන් කළ බවට සහ අදාළ නිලධාරීන් මෙම දරුවන් නාවික හමුදා කඳවුරු තුළ තබා ගනිමින් කප්පම් ඉල්ලා සිටි බව රහස් පොලීසියට දැන්වුවත් ඔවුන් ක‍්‍රියාත්මක නොවන තතු තුළ එවක අමාත්‍ය ධුරයක් දැරූ පීලික්ස් පෙරේරා ඇමතිවරයාට මෙම දුක් ගැනවිල්ල ඉදිරිපත් කර මාපියන් එවක නාවික හමුදාපති වසන්ත කරන්නාගොඩ මාර්ගයෙන් තම දරුවන් නිදහස් කරන ලෙස ඉල්ලා ඇත. 
එම ඉල්ලීමට ද පිළිතුරු නොලැබෙන අතර ඊට පසුව මාපියන් අභියාචනාධිකරණයට හබයාස් කෝපුස් පෙත්සම් දෙකක් ඉදිරිපත් කරමින් මේ පිළිබඳව අධිකරණයේ මැදිහත්වීම ඉල්ලා සිට ඇත. ඒ 2011 නොවැම්බර් 11 වැනි දිනය. ඒ අනුව 2012 ජුනි මස 13 වැනි දින කොළඹ මහේස්ත‍්‍රාත් අධිකරණය පරීක්ෂණයක් ආරම්භ කර ඇත. එහෙත් ඒ පරීක්ෂණ කටයුතුවලදී ද පොලීසිය පාර්ශ්වයෙන් නිරන්තරයෙන් කියැවුණේ නාවික හමුදාව විසින් සැකකරුවන් කටඋත්තර ලබාගැනීම සඳහා පොලීසියට බාර නොදීම නිසා පරීක්ෂණ ඇනහිට ඇති බවය. 

පසුගිය රජය අවධියේ මෙම පැහැරගැනීමට අදාළ පරීක්ෂණවලට සිදුවූයේ කුමක්ද? පරීක්ෂණ ප‍්‍රමාද වීමට හේතු කවරේද? 2015 ජනවාරි 08 මහින්ද රාජපක්ෂ පරාජයට පත්වීමත් සමග මෙම අතුරුදන් කරවීමේ සිදුවීමේ ඇතුළාන්තය අද ඕනෑවටත් වඩා එළියට ඇවිත් ඇත. මෙම සිදුවීමට අදාළ නඩු විභාගය ද ප‍්‍රමාදයකින් තොරව ඉදිරියට ඇදී යමින් තිබේ. එම නඩු වාරයන්හිදී අනාවරණය වන තොරතුරු ද අපූර්වය.
වර්තමාන තත්ත්වය

දැනට තිබෙන තොරතුරුවලට අදාළව මෙම පැහැරගැනීමේ ප‍්‍රධාන චූදිතයා නාවික හමුදාවේ ලූතිනන් කමාන්ඩර් නිලන්ත සම්පත් මුණසිංහ ය. ඔහු හිටපු නාවික හමුදාපති වසන්ත කරන්නාගොඩගේ පෞද්ගලික ආරක්ෂකයාය. ඔහු සහ කණ්ඩායම 11 දෙනෙකු පැහැරගෙන කොළඹ නාවික හමුදා මූලස්ථානයේ සහ ත‍්‍රිකුණාමලයේ නාවික හමුදා කඳවුරේ රඳවා තබාගෙන ඇත. ඒ කාලතුවක්කු උණ්ඩ ගබඩා කිරීම සඳහා නිර්මාණය කළා යැයි කියන භූගත බංකර් තුළය. අඳුරු ගුහා තුළය. 

මේ වනවිට මෙම පරීක්ෂණ මෙහෙයවන රහස් පොලිස් කණ්ඩායම අදාළ සියලූම ස්ථාන හඳුනාගෙන ඒවා සීල් කර වසා දමා ඇත. මෙම පැහැර ගැනීම් සිදු කළ නාවික හමුදා කණ්ඩායම ඒ පැහැරගැනීම්වලට අදාළව කප්පම් ගැනීම් ද සිදුකර ඇති බව දැනට සනාථ වී තිබේ. 

කරන්නාගොඩත් දැනගෙන ඉඳලා !

පසුගිය දා මෙම සිදුවීමට අදාළව නඩුව අධිකරණයේ විභාග වූ අවස්ථාවේ පැහැර ගැනීමට ලක්වූ ශිෂ්‍යයන් වෙනුවෙන් පෙනීසිටි නීතිවේදීන් රහස් පොලිස් නිලධාරීන්ගෙන් සාක්ෂි විමසීමේදී අනාවරණය වී ඇත්තේ මෙම නීති විරෝධී රැඳවීම් ස්ථාන තුළ ශිෂ්‍යයන් රඳවා සිටින බව හිටපු නාවික හමුදාපතිවරයා වන වසන්ත කරන්නාගොඩ දැන සිට ඇති බවය. ඔහු නොදැන ඔහුගේ පුද්ගලික ආරක්ෂකයාට මෙවැනි ක‍්‍රියාවක් මෙතරම් දීර්ඝ කාලයක් තුළ පවත්වාගෙන යා නොහැකි බවද රහස් පොලීසිය අධිකරණය ඉදිරියේ පවසා ඇත.

දැන් ශිෂ්‍යයන්ට යුක්තිය ඉටුවිය යුතුයැයි කියා සිටින සියලූ පාර්ශ්ව අසන පැනය වන්නේ පැහැරගැනීම් නිශ්චිතවම සිදුවී ඇති නම්, එම පැහැරගැනීම්වලට ලක්වූ ශිෂ්‍යයන් රඳවා සිටි ස්ථාන නිශ්චිතවම හඳුනාගෙන තිබේ නම්, එම ශිෂ්‍යයන්ගේ හඳුනාගැනීමේ පත‍්‍ර අදාළ නාවික හමුදා නිලධාරියාගේ කාමරයේ තිබී හමුවූයේ නම් හිටපු හමුදාපතිවරයා අත්අඩංගුවට ගෙන අධිකරණය ඉදිරියට පමුණවන්නට ප‍්‍රමාද වන්නේ ඇයි? යන පැනයයි. එම පැනය සාධාරණ පැනයකි. එයට පොලිසියේ පැත්තෙන් කියැවෙන්නේ මෙම පරීක්ෂණයට අදාළව නීතිපතිවරයා වෙත යොමුකරන ලද වාර්තාවලට තවම පිළිතුරු නැති බවය. අනෙක් පැත්තෙන් මෙම පැහැරගැනීම් සිදුවීමට අදාළ ප‍්‍රධාන චූදිතයා වන නේවි සම්පත් නමැත්තා පිළිබඳ රහස් පරීක්ෂණ ආරම්භ වන්නේ අදාළ නාවික හමුදාපතිවරයාම කරන පැමිණිල්ලක ප‍්‍රතිඵලයක් ලෙසය. 

පැමිණිල්ල නාවික හමුදාපතිවරයා කළ පමණින් ඒ පැමිණිල්ලට අනුව කරන ලද පරීක්ෂණවලදී අනාවරණය වූ තොරතුරු සහ ලැබුණ සාක්ෂිවලට අනුව මෙම පුද්ගලයා මෙම ශිෂ්‍යයන්ගේ පැහැරගැනීමට ප‍්‍රධාන චූදිතයා බව ඔප්පු වූ පමණින් නාවික හමුදාපතිවරයා මෙම පරීක්ෂණවලින් ඉවතට විසි කළ හැකිද? ඔහු මෙම පැහැරගැනීම් දැනසිටියා ය යන කරුණ, ඔහු අදාළ නිලධාරියා පිළිබඳව පරීක්ෂාවක් කරන්නයැයි පොලිසියට පැමිණිලි කළ පමණින් මැකෙන්නේද නැත. රහස් පොලිස් ආරංචි මාර්ගවලින් එන තොරතුරු කියන්නේ ද පැමිණිල්ල පොලිසියට එන්නේද අදාළ පුද්ගල කණ්ඩායම් අතර සිදුවූ අභ්‍යන්තර ගැටුමක ප‍්‍රතිඵලයක් ලෙස බවය. ඒවා ගැන ද නිසි පරීක්ෂණයකින් කරුණු සොයා බැලිය යුතුය.

මෙම අතුරුදන් කරවීම්වලට සම්බන්ධ නාවික හමුදා කණ්ඩායම තුළ තවත් සිංහල පුද්ගලයන් දෙදෙනකු සිට ඇති බවද තොරතුරු තිබෙන බව කියවෙයි.අවසන අප කිව යුතුව ඇත්තේ නේවි සම්පත් සහ පිරිස පසුගිය රජය සමයේ සිදුකරන ලද අපරාධ සම්බන්ධයෙන් නිසි පරීක්ෂණ සිදුකර එම අපරාධවලට සම්බන්ධ සියලූ පුද්ගලයන් තරාතිරම නොබලා නීතිය ඉදිරියට පැමිණවිය යුතු බවය. යහපාලන ආණ්ඩුව රාජපක්ෂ යුගයේ සියලූම අපරාධ ඉදිරියේ ක‍්‍රියාකරන අයුරින්ම මෙම අපරාධය ඉදිරියේද හැසිරෙනු අපට දැකගත හැකි වූ අතර එය ලංකාවේ අනාගතය සම්බන්ධයෙන් බලාපොරොත්තු දල්වා ගෙන සිටින ජනතාවට කනස්සල්ලට කරුණකි.

 විශේෂ වාර්තාකරුවකු විසිණි

Comment (0) Hits: 171

බන්දුලගේ චිත්‍රපටයේ ඇත්ත නැත්ත මෙන්න

මාධ්‍යවේදී රිචඩ් ද සොයිසා ඝාතනය සම්බන්ධයෙන් හදවත් කම්පනය කරන චිත්‍රපටයක් තමා විසින් නිෂ්පාදනය කිරීමට සුදානම් වෙද්දී වත්මන් රජය විසින් ඊට අවහිර කල බව ඒකාබද්ධයේ පාර්ලිමේන්තු මන්ත්‍රී ආචාර්ය බන්දුල ගුණවර්ධන මහතා ඊයේ (23)  පාර්ලිමේන්තුවේදී කළ ප්‍රකාශය අසත්‍යක් බව අනාවරණය වෙයි.

අමරදේව සෞන්දර්ය හා පර්යේෂණ කේන්ද්‍රය පනත් කෙටුම්පත සහ සුරා බදු සංශෝධන පනත් කෙටුම්පත දෙවැනිවර කියවීමේ විවාදයට යොමුකරමින් මුදල් හා ජනමාධ්‍ය අමාත්‍ය මංගල සමරවීර ඊයේ (23දා) පාර්ලිමෙන්තුවේදී කල කතාවෙන් අනතුරුව අදහස් දක්වමින් බන්දුල ගුණවර්ධන මන්ත්‍රීවරයා ඉහත ප්‍රකාශය සිදුකර ඇත.

නමුත් ඒ ප්‍රකාශය පාර්ලිමේන්තු වරප්‍රසාද යොදාගෙන  මුළුමණින්ම කරුණු විකෘති කළ ජනතාව නොමග යැවීමේ චේතනාවෙන් සිදුකර තිබෙන්නකි.

බන්දුලගේ චිත්‍රපටයේ ඇත්ත නැත්ත මෙන්න 

රිචඩ් ද සොයිසා මහතාගේ මෑණියන් වන දොස්තර මනෝරානි සරවනමුත්තු මහත්මියගේ ජිවිත කතාව පාදක කර ගනිමින් නිලේන්ද්‍ර දේශප්‍රිය මහතා විසින් මීට අදාල තිර රචනය ලියා ඇත්තේ, 1997 වසරේදීය.

එසේම බන්දුල ගුණවර්ධන මන්ත්‍රීතුමා නිෂ්පාදනය කිරීමට සුදානම් වූ චිත්‍රපටයේ අධ්‍යක්ෂවරයා නිලේන්ද්‍ර දේශප්‍රිය මහතාය.

වාරණය පැනවූයේ අන් කිසිවෙකු නොව ගෝඨාභය විසින්ය 
gota 670px
තවද බන්දුල ගුණවර්ධන මන්ත්‍රීවරයා මෙම තිර පිටපත බලා චිත්‍රපටයක් කිරීමට සුදානම් වී ඇත්තේ, ඔහු අධ්‍යාපන ඇමතිව සිටි වකවානුවේදීය. එහිදී තිර පිටපතේ ඇතැම් කරුණුවලට විරෝධය පළකර ඇත්තේ ආරක්ෂක අමාත්‍යංශයේ හිටපු ලේකම් ගෝඨාභය රාජපක්ෂ ය.

ඒ හමුදාව මාධ්‍යවේදීන් ඝාතනවලට සම්බන්ධ නැති බව පවසමිනි. එසේම මේ හරහා ආණ්ඩුවේ දේශප්‍රේමී හැඩයට හානි වන බවද සඳහන් කරමින් එය එවකට ජනාධිපති මහින්ද රාජපක්ෂගේ දේශපාලන ව්‍යාපෘතියට අවාසි බවද ගෝඨාභය රාජපක්ෂ සඳහන් කර ඇත.

ඒ අනුව එම අවස්ථාවේ ගෝඨාභයගේ දැනුම්දීම පිළිගෙන ඊට අවනත වූවා හැර බන්දුල ගුණවර්ධන (එවකට අමාත්‍යවරයා) මන්ත්‍රීවරයා කලාවේ නිදහස හෝ අන් කිසිවක් සඳහන්කර ඊට විරෝධය දැක්වීමක් සිදුකර නොමැත.

නමුත් වත්මන් ආණ්ඩුව බලයට පත්වීමෙන් පසු යලි මෙම චිත්‍රපටයේ වැඩ ආරම්භ කිරීමට තීරණය කර ඇතත් ඊට අදාල පහසුකම් ලබාදීම යුධ හමුදාව ප්‍රතික්ෂේප කර ඇත.

ලැජ්ජයි බන්දුල 

අද කලාවේ නිදහස සහ ප්‍රකාශනයේ අයිතිය ගැන පාරම්බාන්න එන්නේ අතීතයේ ගෝඨාභයගේ ඒ ෆැසිස්ට් විරෝධය හමුවේ දත් කැකුළු පා නිහඬවූ බන්දුල ගුණවර්ධන මන්ත්‍රීවරයාය. අවම වශයෙන් තමන්ට රාජපක්ෂ පාලන සමයේදීත් අදාළ චිත්‍රපටය නිෂ්පාදනය කිරීමට අවස්ථාව අහිමිවූ බව හෝ ඊයේ පාර්ලිමේන්තුවේදී   සඳහන් කරන්නටවත් බන්දුල මන්ත්‍රීට ධෛර්යයක් තිබුණේ නැත.

මැරයන් කලාකරුවන්ට පහරදෙන විට රාජපක්ෂලා කරපු දේ මංගල කියයි !
mangala 5 1000px parlimentනමුත් ඊයේ ඉතා පැහැදිළිව මුදල් හා ජනමාධ්‍ය අමාත්‍යවරයා ලෙස මංගල සමරවීර අමාත්‍යවරයා රාජපක්ෂ සමයේ කලාකරුවන්ට අත්ව තිබු ඉරණම කරුණු සහිතව ඔප්පු කර සිටියේය.

එහිදී මංගල සමරවීර අමාත්‍යවරයා මෙසේ පැවසීය.

"අපි රජයක් විදිහට කලාකරුවන්ගේ නිර්මාණශීලී නිදහස ආරක්ෂා කිරීමට කටයුතු කරලා තියෙනවා. 2015 අලුත් ආණ්ඩුව පිහිටවනකොට මේ රටේ කලාකරුවන්, නිදහස් පුරවැසියන් වගේම සිවිල් සමාජය විශාල අර්බුදකාරී වාතාවරනයකට ලක් වෙලා හිටියා. ඔවුන් වෙත විශාල භීෂණයක් මුදා හැරලා ඔවුන්ගේ නිර්මාණ කිරීමේ නිදහස දැඩි විදිහකට අහුරලා තමන්ගේ නිර්මාණ සමාජගත කිරීම වලක්වාලමින් තිබුණා. අපිට මතකයි කලාකරුවන් එක්කහු වෙලා අලුත් පරපුර නමින්  ගමින් ගමට යමින් ජනතාව වෙත තමන්ගේ විරෝධතාවයන් දක්වද්දී පහුගිය රජය මැරවරයෝ දාලා ඔවුන්ට පහරදුන්නා. මේ අය අතරේ ලංකාවේ ප්‍රවීන සංගීතඥයින්, නලු නිලියන් වගේම අධ්‍යක්ෂවරුන් ඇතුලු කලාකරුවන් රැසක් හිටියා. 

එදා ඒ අයට පහර දෙද්දී රටේ නායකයෝවත් , පොලීසියවත් නීතිය ආරක්ෂා කරන්න ඉදිරිපත් වුනේ නෑ. ඇත්තටම රටේ තිබුණේ ප්‍රාදේශීය මැරවරයන්ගේ පාලනයක්. ඒ කලාකාරුවන් වගේම් සිවිල් සමාජ ක්‍රියාකාරකයන් එදා එකට එක්කහුවෙලා රටේ ඇතිවෙමින් තිබ්බ ඒ මැර පාලන බලයට විරුද්ධව ප්‍රජාතන්ත්‍රවාදී විදිහට විරුද්ධත්වය ප්‍රකාශ කලා. අපිට මතකයි ප්‍රසිද්ධ ගායක සුනිල් පෙරේරා මහතාට ගීතයක් කියපු වෙලාවක රාජපක්ෂ දේශපාලන මැරයෝ පහරදුන්නා."

Comment (0) Hits: 220

දේශීය ආදායම හොම්බෙන් යවන්න හදන වංචනිකයන් මෙන්න !

බදු කටයුතුවලදී සිදුවන  දුෂණ අක්‍රමිකතා පාලනය කිරීමට මෙන්ම දේශීය ආදායම් දෙපාර්තමේන්තුවේ පරිපාලනය නවීකරණය කිරීම වෙනුවෙන් ස්ථාපිත රැමිස් (RAMIS) පද්ධතිය දුර්වල කිරීමේ කූට සැළැස්මක් දියත්ව ඇති බව වාර්තා වෙයි. 

බදු වංචා සම්බන්ධව චෝදනා ඇති නිලධාරීන් කිහිපදෙනෙකු මෙන්ම ඒකාබද්ධ විපක්ෂයට සම්බන්ධ දෙපාර්තමේන්තු නිලධාරීන් කිහිපදෙනෙකු සිය වෘත්තීය සමිති නොමගයවා මේ වෙනුවෙන් මැදිහත්ව සිටින බවද දැනගන්නට ඇත.

රැමිස් පද්ධතියේ ඇත්ත ප්‍රශ්න හංගලා !

දේශීය අදායම් දෙපාර්තමේන්තු ආරංචිමාර්ග සඳහන් කර සිටින්නේ රැමිස් (RAMIS) පද්ධතිය සම්බන්ධ ගැටළු කිහිපයක් ඇති නමුත් මේ වන විටත් එම ගැටළු විසඳීම සඳහා දෙපාර්තමේන්තුව අවශ්‍ය විධිවිධාන ගෙන ඇති බවය. එසේම ඒ සඳහා සාධාරණ කාලයක් ගත වන බවත් එය මෙම නව පද්ධතිය සමඟ රාජකාරි කරන සියළු සේවකයින් දැනුවත් කටයුත්තක් බවද එම ආරංචිමාර්ග සඳහන් කරයි.

ඒ අනුව ඔවුන් පෙන්වා දෙන්නේ මේ මොහොතේ දේශීය ආදායම් දෙපාර්තමේන්තුව තුළ දියත්ව තිබෙන්නේ රැම්ස් පද්ධතියේ අඩුපාඩු පෙන්වා නැවතත් බදු වංචා කිරීමේ නිදහස ලබා ගැනීමේ පහත් උත්සාහයක් බවය. එසේම දේශීය අදායම් දෙපාර්තමේන්තුවේ කීර්ති නාමය අන්තයටම වැනසූ හිටපු කොමසාරිස් ජනරාල් කල්‍යාණි දසනායක සමඟ හරි හරියට  මහා පරිමාණයේ බදු වංචා කිරීම් සිදුකළ පිරිසක් මේ  වන විට සිය අයතා ඉපයීම් අහිමිවීම හේතුවෙන් කුපිතව සිටින බවත් ඒ පිරිස් සහෝදර සේවක පිරිස් නොමග යවමින් ආයතන කටයුතු අඩාල කිරීමේ පහත් කටයුත්තක නිරත බවද එම ආරංචිමාර්ග තහවුරු කරයි.

කොමසාරිස් ජෙනරාල් සමඟ 2018 ජූලි 23 සාකච්ඡාව !

ඊට ආසන්නතම සිදුවීම ලෙස දේශීය ආදායම් දෙපාර්තමේන්තු ආරංචිමාර්ග සඳහන් කර සිටින්නේ 2018 ජූලි 23 වනදා දේශීය ආදායම් දෙපාර්තමේන්තුවේ කොමසාරිස් ජනරාල් අයිවන් දිසානායක සහ වෘත්තීය සමිති අතර පැවැත්වුණු සාකච්ඡාවෙන් අනතුරුව දෙපාර්තමේන්තුවේ මතුව තිබෙන තත්ත්වයය.

අදාළ සාකච්ඡාවේ අරමුණ වූයේ   රැමිස් (RAMIS) පද්ධතිය සම්බන්ධ පවතින ගැටළු කිහිපයක් කඩිනමින් විසඳාගැනීම සඳහා වගකිවයුතු පාර්ශව දැනුවත් කිරීමය. එහිදී කොමසාරිස් ජෙනරාල්වරයා කඩිනමින් එම ප්‍රශ්න විසඳීම සඳහා මැදිහත් වන බවට පොරොන්දුවී ඇත. එහෙත් ඒ සඳහා සාධාරණ කාලයක් ගත වන බවත් එතෙක් වෘත්තීය සමිති විසින් ඉදිරිපත් කර ඇති කොන්දේසි සහ ඉල්ලීම් වල ඇතුළත් කාරනා වලින් සැලකිය යුතු ප්‍රමාණයක් ලබාදිය හැකි බවද ඔහු පොරොන්දුවී ඇත.

සාකච්ඡාවට පෙර කුමන්ත්‍රණය !

ඒ අනුව අදාළ සාකච්ඡාවෙන් පසුව සිදුවිය යුතුව තිබෙන්නේ පවතින ගැටළු විසඳීම වෙනුවෙන් සාධාරණ කාලයක් ලබාදීමය. නමුත් පවතින ප්‍රශ්නය ගෙන දෙපාර්තමේන්තුවේ කටයුතු අඩාල කිරීමට සැළසුම දියත් වන්නේද 2018 ජූලි 23 වනදා මය. 

වීරවංශගේ නල්ලමලේ උපදේශක  වලේබොඩ 

අනාවරණය කරගත් තොරතුරු වලට අනුව පාර්ලිමේන්තු මන්ත්‍රී විමල් වීරවංශගේ උපදේශකයකු බව කියාගනිමින් රාජපක්ෂ පාලන සමයේ දෙපාර්තමේන්තුවේ චණ්ඩියෙකුව සිටි ගාමිණී ජයනන්ද (වලේබොඩ) සිය වෘත්තීය සමිතිය වන දේශීය ආදායම් විධායක නිලධාරීන්ගේ සංගමය ලෙස 2018 ජූලි 24 වනදා විරෝධතාවක් කැඳවා ඇත. ඒ බව ඔහු නිවේදනය කරන්නේද  කොමසාරිස් ජනරාල් සමඟ සාකච්ඡාව පැවති ජූලි 23 වනදා මය.

වලේබොඩගේ සහයට උදයසිරි සහ දිසානායක 

මේ සඳහා දේශීය ආදායම් සේවා සංගමයේ සහයද ලැබෙන අතර එහි ප්‍රධානියා වන H.A.L උදයසිරිගේ සහයද ලබාගනී. ඔවුන්ට ජවයක් දෙන්න ඉදිරිපත්ව ඇත්තේ පසුගිය රාජපක්ෂ පාලන සමයේ දෙපාර්තමේන්තුවේ සිටි දිසානායක නම්  චණ්ඩියෙක්ය. ඔහු ඒ සමයේ දෙපාර්තමේන්තුවේ චණ්ඩියා වන්නේ හිටපු ජනාධිපති මහින්දට තිබූ ඥාතිකම අරගෙනය. 

මේ අයගේ කැරැට්ටුව ලිවීම පසුවට තබා අපේ මේ සූදානම දේශීය ආදායම් දෙපාර්තමේන්තුව අඩපණ කිරීමට වෙරදරන මේ නඩයේ  නින්දිත උත්සාහය අනාවරණය කිරීමටය.

රැමිස් ව්‍යාපෘතියේ අරමුණ !

දෙපාර්තමේන්තු පරිපාලනය නවීකරණය අරමුණු කරගනිමින් රැමිස් ව්‍යාපෘතිය ආරම්භ කරන ලද්දේ   2014 වසරේදීය. ඒ  සිංගප්පූරු රජයේ අනුග‍්‍රහයෙන් ය. පරිපාලනය කාර්යක්ෂම කිරීමෙන් බදු ආදායම ඉහළ නැංවීම, ජාලගත තොරතුරු පද්ධතියක් ඇතිකිරීමෙන් තාක්ෂණය උපයෝගී කරගෙන බදු ජාලය පුළුල් කිරීම, බදු ගෙවන්නන්ට  ඕනෑම ප‍්‍රාදේශීය කාර්යාලයකින් අවශ්‍ය සේවා ලබාගැනීමට පහසුකම් සැලැසීම,  බදු ගෙවන්නන්ට අන්තර්ජාලය තුළින් තමන් කැමැති භාෂාවකින් දේශීය ආදායම් දෙපාර්තමේන්තු වෙබ් අඩවියෙන් දවසේ  ඕනෑම වේලාවකදී ලෝකයේ  ඕනෑම තැනක සිට සේවා ඉටුකරගැනීමට පහසුකම් සැලැසීම රැමිස් ව්‍යාපෘතියේ ප‍්‍රකාශිත ප‍්‍රධාන අරමුණුය.  මේ සඳහා සිංගප්පූරු සහය ගන්නේ විධිමත් බදු පරිපාලනයක් එරටට ඇති නිසාත් විශේෂයෙන් බදු වංචා අවම කර ගැනීමට අදාළවය. එනිසාම රුපියල් බිලියන 5කට ආසන්න මුදලක් මෙරට රජයද වැයකර ඇත.   

එහෙත් එහි අඩුපාඩු ප්‍රමාණයක් තිබෙන බවද අසත්‍යක් නොවේය. මේ මොහොතේ රැමීස් අල්ලාගෙන දේශීය ආදායමට තට්ටු කරන්න උත්සාහ කරන නඩය වැඩ අල්ලන්නේ එතැනින් නම් ගැටළුවක් කියන්නද බැරිය. නමුත් මෙතැන ප්‍රශ්නය ඊට වෙනස් එකක්ය. 

වංචනික නඩයේ ප්‍රධාන ඉල්ලීම 

2018 ජූලි 23 දේශීය ආදායම් කොමසාරිස් ජනරාල් සමඟ පැවති සාකච්ඡාවේදී මේ නඩය ඉදිරිපත් කරන ප්‍රධාන කොන්දේසිය මෙසේය.
 රැමිස් ව්‍යාපෘතිය යටතේ  දැනට දේශීය ආදායම් දෙපාර්තමේන්තුව යෝජනා කර Audit සහ Compliance වශයෙන් අංශ දෙකක් අවශ්‍ය නැති අතර එක් බදු තක්සේරු වර්ෂයක් සඳහා Tin එකකට අදාළව සියළු  Audit සහ Compliance වැඩ අයිතම පද්ධතිය තුළින්ම එක නිලධාරියෙකුට යොමුකිරීම. 

මේ එන්නේ හොරකමට නොවේ නම් වෙන මොකකටද ?

වඩාත් සරලව කියනවා නම් මේ ඉල්ලන්නේ බදු ගණනයට අදාළ සියළු කටයුතු එක නිලධාරියෙකු හරහා පමණක් සිදුකල යුතු බවය.
සැබවින්ම රැමිස් පද්ධතිය හරහා   Audit සහ Compliance වෙන වෙනම අංශ දෙකක් වෙත යොමු කරන්නේ බඩේ අමාරුවට නොවන අතර ඒ අංශ දෙකම එක නිලධාරියෙකු හරහා සිදුකරන විට අනිවාර්යයෙන් සිදුවිය හැකි බදු වංචා අවම කරන්නටය. දුෂණයක් සිදුවීමට හැකි අවස්ථා උපරිමව සීමා කරන්නටය.

එහෙත් මේ වන විටත් අප අනාවරණය කරගෙන ඇති ආකාරයට මේ  නඩයේ එම යෝජනාවෙන් දෙකෙන් පංගුවකට දේශීය ආදායම් කොමසාරිස් එකඟතාව පළකර ඇත. ඒ VAT සහ NBT  බදු සඳහා පමණක් Audit සහ Compliance යන අංශ දෙක එක නිලධාරියෙකුට පැවරීමටය. 

"ආදායම් බදු" ගේමට  මරාගෙන මැරෙන හොරු 

එහෙත් මේ වංචනික නඩය අදටත් විරෝධතා දක්වා සිටින්නේ "ආදායම් බදු" සඳහාද   Audit සහ Compliance යන අංශ දෙක එක නිලධාරියෙකුට පැවරීමට අවශ්‍ය බව සඳහන් කරමින්ය. ඒ අනුව ගොන්නු හැරෙන්නේ පොල් පැලයට වැඩේ දෙන්න බව තේරුම් ගන්නට අළුතින් අංජනම් බැලිය යුතු නැත.

මේ නඩයේ දෙවන ප්‍රධාන ඉල්ලීම වන්නේ රැමිස් පද්ධතියට අදාළ Work Item සඳහා අවශ්‍ය පරිදි සහායක ශ්‍රේණියේ ( කළමනාකරණ සහකාර ) සේවය ලබා ගැනීමය.

වඩාත් සරලව කියනවා නම් මේ සූදානම් වන්නේ දේශීය ආදායම් නිලධාරීන් නොවන පාර්ශවයන් යොදවා ගෙන එම රාජකාරියේ කටයුතු සිදුකරවා ගන්නටය. බදු ගණනය සම්බන්ධව නිසි පුහුණුවක් හෝ ඊට අවශ්‍ය මුලික පරිසාධන නොමැති උදවිය යොදවා මේ සූදානම් වන නාඩගමද අළුතින් විස්තර කළ යුතු නැත. අනෙක් අතට හිතෙන හිතෙන ආකාරයට බදු සම්බන්ධව රාජකාරි පැවරීමට ඊට අදාළ පනතේද ඉඩක් නැත.

ඒ අනුව මේ වංචනික පව්කාර නඩය මෙහෙයවන විරෝධය පිටුපස ඇති අපේක්ෂාව පැහැදිළිය. ඒ අන් කිසිවක් නොව දේශීය ආදායම් දෙපාර්තමේන්තුව දුෂණයේ, අල්ලසේ  සහ වංචාවේ තිප්පොළක් කරගන්නට සහ එහි කටයුතු අඩපණ කිරීමටය. අවසානයේ රාජ්‍ය ආදායමටම තට්ටු කර ආණ්ඩුව අර්බුදයට යැවීමය.

දේශීය ආදායම් දෙපාර්තමේන්තුවේ කොමසාරිස් ජෙනරාල් සමඟ 2018 ජූලි 23  සාකච්ඡාවේදී අදාළ ගැටළු වලින් 90%ක් විසඳා තිබියදී පසුගිය 24,25,26 යන තෙදිනද සේවයට වාර්තා කර සේවයෙන් බැහැරව සිටින වෘත්තීය ක්‍රියාමාර්ගයක් දියත්කර ඇත්තේද ඒ සඳහා ය.

වෘත්තීය ක්‍රියාමාර්ග කෙළෙසන : හරි ආතල්  වෘත්තීය ක්‍රියාමාර්ග 

එම වෘත්තීය ක්‍රියාමර්ගයද මේ ජඩනඩය දියත්කර ඇත්තේ වෘත්තීය ක්‍රියාමාර්ග ද නින්දාවට පත්වන තරම් වංචනික ආකාරයකටය. එනම් ඔවුන් උදෑසන සේවයට වාර්තා කරයි. ඇඟිලි සලකුණු නියමිත වේලාවට තබයි. නමුත් වැඩ නොකර සිටියි. නැවත සේවයෙන් පිටවයාමේදී  නියමිත වෙලාවට අදාළ සලකුණු යොදා පිටව යයි.

ඒ  නිවාඩු නොදමා  ලැබෙන විශේෂ  දිරි දීමනාව අඩුවකින් තොරව ලබා ගන්නටය.   ඊටත් වඩා නින්දිත කාරණය වන්නේ මේ ආකාරයට මේ ජඩ නඩය වැඩ නොකර සිටීමට එන්නේ ලක්ෂ ගණනක් වැයකර දෙපාර්තමේන්තුව ලබාදී ඇති සුඛෝපභෝගී වෑන් රථ වලින් වීමය. වැඩ නොකර සිට පසුව ගෙදර යන්නේද ඒ වෑන් රථ වලින්මය. මෙහෙම වෘත්තීය ක්‍රියා මාර්ග නම් කරන උදවියට හරි ආතල්  යුතුමය.

මේ උදවියගේ ලැජ්ජා නහර කැපී හමාරය !

එහෙත්  මේවා සඳහා වැය වෙන්නේ ජනතා බදු මුදල්ය.  එක් පසෙකින් තමන්ට හිමිවන වැටුප්, දිරිදීමනා අඩුවක් නැතුව ලබා ගන්නා මේ නරුමයින් අනෙක් පසින් සිය සේවය නිසි ලෙස ඉටු නොකර දේශීය ආදායමට කෙළවා දැමු විට අනෙක් පසින්  තට්ටු වන්නේද ජනතාවටය. ඒ රාජ්‍ය ආදායම් සීමාවීම නිසා ජනතාවට පෙරළා ලැබෙන සහන සීමාවීමේ අවධානම නිසාය. 

වැඩ නොකරන වලේබොඩගේ සිහින ලෝකය මෙන්න 

මේ නඩයේ මූලිකත්වය ගෙන සිටින  දේශීය ආදායම් විධායක නිලධාරීන්ගේ සංගමයේ ලොක්කා වන  ගාමිණී ජයනන්ද (වලේබොඩ) කියන්නේ තමන්   විමල් වීරවංශ මන්ත්‍රීගේ උපදේශකයා බව කියමින් ඇවිදින අයෙක්ය. මේ දිනවල ඔහු කරන එකම රාජකාරිය වන්නේ ලංකා - සිංගප්පූරු ගිවිසුම ගැන පට්ටපල් කෙබර ඇතුළත් ඊමේල් පණිවිඩ දෙපාර්තමේන්තු සේවකයන් වෙත යැවීමය. නැත්නම් ඉන්දියාව හෙට අනිද්දා ලංකාවම අල්ලන බව, චීනය සහ ඉන්දියාව ලංකාවේ යුද්ධ කරන්න යන බව, වැනි විමල් වීරවංශගේ මනෝ විකාර ආයතන සේවකයින් වෙත දැනුම්දීමය. 
නැතිනම් රජයේ වෛද්‍ය නිලධාරී සංගමයේ ලොක්කා වන පාදෙණිය සමඟ ගෝඨාභය රාජපක්ෂගේ දේශපාලන අනාගතය ගැන කතා කිරීමය. නැතිනම් විමල්ට තමන් ඉගැන්වූ ආර්ථික විද්‍යා පාඩමක් ගැන කියවීමය.

වැඩ බැරි උදයසිරිගේ පැටිකිරියෙන් ටිකක් !

ඔහුට සහය දෙන දේශීය ආදායම් සේවා සංගමයේ ප්‍රධානියා වන H.A.L උදයසිරි දේශීය ආදායම් දෙපාර්තමේන්තුවට එක්වන්නේ 98 වසරේ පමණය. ඒ බදු නිලධාරියෙකු වශයෙන්ය. රස්සාව ගන්න වාසනාව තිබුණත් කිසිම කුසලතාවක් නැති නිසා 2007 වසර වන විටත් කිසිම උසස්වීමක් ලබන්නේ නැත.  මේ අසරණයා ඒ ඉරණම වෙනස් කරගන්නේද තක්කඩි උපක්‍රමයක් හරහාය. ඒ එවකට මුදල් අමාත්‍යංශ ලේකම් වූ පී.බී.ජයසුන්දරගේ සහයෙන් බදු නිලධාරී යන ධූරය පවා දේශීය ආදායම් සේවා ව්‍යවස්ථාවෙන් ඉවත්කර ගනිමින්ය. ඊට ඔහු සහය ගන්නේ එවකට පී.බී.ජයසුන්දර සමඟ ඉඳහිට හනිමුන් ගිය දේශීය ආදායම් මාණ්ඩලික නිලධාරීන්ගේ සංගමයේ සහ දේශීය ආදායම් කොමසාරිස්වරුන්ගේ සංගමයෙන්ය.  H.A.L උදයසිරි අද දේශීය ආදායම් දෙපාර්තමේන්තුවේ සහකාර කොමසාරිස්වරයෙකු  වුණේ එහෙමය. 
එදා තම උසස්වීම වෙනුවෙන් බදු නිලධාරී ධුරය ඉවත් කිරීමට පක්ෂවූ උදයසිරි අද බදු කරණ කටයුතු සඳහා කළමනාකාර සහකාර සේවයේ සහය ඉල්ලා සිටියි. මේ අයගේ අවස්ථාවාදී තක්කඩි බව තහවුරු කරගන්න ඊටවඩා සාක්ෂි අනවශ්‍යය. 

අප අනාවරණය අසත්‍ය බව හෝ මේ මඩ කියා සිතනවා නම් ඒ උදවිය කළ යුතුව ඇත්තේ දේශීය ආදායම් දෙපාර්තමේන්තුවේ තක්සේරු නිලධාරීන්ගේ සංගමය හමුවීමය. එවිට ඉහල වෘත්තීය සමිති වල සහය ගෙන වැඩ බැරි උදයසිරි  ගොඩ ගිය ආකාරය පමණක් නොව ඊට එරෙහිව තක්සේරු නිලධාරීන්ගේ සංගමය අධිකරණය හමුවේ  ගොනුකර ඇති නඩු ගැනද  දැනගන්නට හැකිය.

අද දේශීය ආදායම් දෙපාර්තමේන්තුවට විණකටින්න නායකත්වය දෙමින් සිටින්නේ අන්න එහෙම පැටිකිරියක් ඇති අවස්ථාවාදී තක්කඩි කිහිපදෙනෙක්ය.

රාජපක්ෂ නිසාම ගොඩගිය  "දිසානායක" එසේම මේ තක්කඩින්ට දේශපාලන රැකවරණය දෙන්න ඉදිරිපත්ව සිටින තවත් කුප්‍රකට චරිතයක් වන්නේ මේ සටහනේ මුලින් නම් සඳහන් කළ දිසානායකය. ඒ දිසානායක ගැන අදහසක් ගත හැකි එක් නිදර්ශනයක් වන්නේ රාජපක්ෂ පාලන සමයේදී බදු වංචාවක් සිදුකරලීම වෙනුවෙන් අල්ලසක් ගැනීමට යාමේදී මහරගමදී අල්ලස් කොමිසම අතටම හසුවීමය. එහෙත් ඔහු එහිදී රැකියාව බේරාගෙන එන්නේ ගෝඨාභය රාජපක්ෂ හරහා අල්ලස් හෝ දුෂණ  වංචා විමර්ශන කොමිසමේ නිලධාරීන්ට තර්ජනය කරවා අදාළ විමර්ශනය අවසන් කරගැනීමෙන්ය. එපමණක් නොව අල්ලස් ගැනීමේදී අතටම අසුවූ ඔහු පසුව සිය සේවා ලිපිය සකසා ගන්නේ අදාළ චෝදනාවෙන් නිදොස්කොට නිදහස් වූ බව සඳහන් කරමින්ය. ඒද එදා සුදුවෑන් හරහා රටම භීතියට පත්කරගෙන සිටි ගෝඨාභයගේම අනුහසින් මිස ඇත්තටම ඔහු අල්ලස් නොගත් නිසා නොවේය.

මේ ප්‍රශ්නය දේශීය ආදායමේ හැමෝටම !

ඒ අනුව මේ වන විටත් රාජපක්ෂලාගේ හෙංචයියන් කීපදෙනෙකු සිය වෘත්තීය සමිති වල බලය යොදවා දේශීය ආදායම් දෙපාර්තමේන්තුවේ කටයුතු අඩාල කරන්නට ගෙන ඇත. ඒ පිටුපස  දේශීය ආදායම් දෙපාර්තමේන්තුව නියෝජනය කරන බහුතරයක් නොමැති බව ඇත්තය. එහෙත් මේ අවස්ථාවාදීන් නිසා සිදුවන හානියේ බලපෑම සමස්ථ රටටමය. 

එබැවින් අවසන් වශයෙන් අපට ඒ බහුතරයෙන් මෙන්ම  එදා වැඩ බැරි උදයසිරි වැනි අවස්ථාවාදීන්ට තැනකට එන්න ඉඩ හදාදුන් දේශීය ආදායම් දෙපාර්තමේන්තුවේ අනෙක් වෘත්තීය සමිති වලින් මෙන්ම ඊට එරෙහිව අධිකරණයට ගිය වෘත්තීය සමිති වලින්  අපට අසන්නට ප්‍රශ්නයක් ඇත. 

මහත්වරුනි, මේ මොහොතේ රැමිස් පද්ධතියට අදාළව ඔබ දෙපාර්තමේන්තුවේ සිටින තක්කඩි රැල ඉදිරිපත් කර ඇති ප්‍රධාන කොන්දේසි ඔබලා පිළිගන්නවාද ?

Comment (0) Hits: 451

සේවක අර්ථසාධකයට රාජපක්ෂලා වින කැටූ හැටි මෙන්න 

රාජපක්ෂ රෙජීම පාලන සමයේ සේවක අර්ථක සාධක අරමුදල සතු රුපියල්  බිලියන 5 ක   මුදලක්  හයට් (Hyatt)  හෝටල් සමූහයේ ඉදිකිරීම් වෙනුවෙන් විනාශ කර ඇති බව විගණනයේදී අනාවරණය වී ඇත.

ලැබී ඇති තොරතුරුවලට අනුව අන්ත දූෂිත ආකාරයට Grand Hyatt Regency  හෝටල් සමාගම වෙනුවෙන් සේවක අර්ථක සාධක අරමුදල සතු රුපියල්  බිලියන 5 ක   මුදල ආයෝජනය කිරීම ආරම්භ වන්නේ  අර්ථසාධක අරමුදලේ මුදල්    Hyatt  හෝටල් ව්‍යාපෘතිය සඳහා  Canwill Holdings  නම් රාජ්‍ය සමාගමකට ලබාදීමට එවකට සිටි මහ බැංකු මූල්‍ය මණ්ඩලය තීරණය කිරීමත් සමගය. 

හරි පුදුම ආයෝජනයක් !

ආරම්භයේදීම මෙම ගනුදෙනුව දුෂිත බව ඔප්පු වන්නේ සාමාන්‍ය ක්‍රමවේදයෙන් බැහැරව එකී මුදල් නිකුත් කිරීම සිදුව ඇති නිසාය. පළමුව  එම මුදල ලබාදෙන අවස්ථාව වන විටත්  හෝටලය ඉදිකිරීම් ආරම්භ කරවත් නොමැත.  එම මුදල් ලබාදී ඇත්තේ  Canwill Holdings   සමාගම කොළඹ කොටස් වෙළෙඳපොළේ ලියාපදිංචි වූ දින සිටය. ඒ කියන්නේ සැළැස්මක් පමණක් තිබියදී  කොළඹ කොටස් වෙළෙඳපොළේ ලියාපදිංචි වූ දිනම මේ සේවක අර්ථ සාධක අරමුදලේ රුපියල් බිලියන 5 එම සමාගමට ලබාදීමට කටයුතු කර ඇති බවය.

සේවක අර්ථසාධක අරමුදලේ බිලියන 5ක් අවධානමේ !

එපමණක් නොව රුපියල් බිලියන 5 ක් වැනි අතිවිශාල මුදලක් ආයෝජනය කරද්දීත් එම මුදලේ ප්‍රතිලාභ යළි ලබාදීමට පවා අදාළ සමාගම සමග එකඟතාවකට පැමිණ නැති බවත්  හදිසියෙන් සිදුවන අලාභයකට අදාළ කිසිදු ආරක්ෂණයක්ද නොමැති අවධානමක් මෙහි වන බවද විගණනයේදී අනාවරණය කරගෙන ඇත.

ආරම්භයේදීම වංචාව : ඇස්තමේන්තුව බිලියන 14 කින් ඉහළට !

එසේම 2015 ජූනි මාසයේ "එස්.ජේ.එම්.එස්. ඇසෝසියේට්ස්"  වරලත් විගණන සමාගම කළ දළ විගණනයකට අනුව අදාළ ව්‍යාපෘතිය සඳහා ඇස්තමේන්තු කළ මුදල නැවත කිසිදු හේතු දැක්වීමකින් තොරව දෙගුණයක් ලෙස දක්වා ඇති බවද අනාවරණය කරගෙන තිබේ. ඊට අනුව මෙම ව්‍යාපෘතිය ආරම්භයේ එහි පිරිවැය රුපියල් බිලියන 13ක් ලෙස දක්වා ඇතත් ඉතාම සැකසහිත ආකාරයට  එක්වරම එය  රුපියල් බිලියන 27 දක්වා ඉහළ ගොස් ඇත.

ඒ අනුව ආරම්භක පිරිවැය මෙන් දෙගුණයක්, එනම් බිලියන 14ක් එක්වරම වැඩිකර ඇත.

මහින්ද පාඩු ලබන ව්‍යාපාර අල්ලගත්තේ මේකටද? 

එම වැඩිවීම පෙන්නුම් කරන්නේ වැඩේ පටන් ගන්නත් කලින් මහා පරිමාණ ගැහිල්ලකට වගකිව යුත්තන් කටයුතු හදාගෙන ඇති බවය. ඒ බව තවත් අනාවරණය කරගන්න නම් මේ වංචාව මුලසිට ගළපා ගන්නට අපට සිදුවේ.

දිනය 2012 මාර්තු 12 වනදාය. එවකට  මුදල් හා ක්‍රම සම්පාදන අමාත්‍යාංශය කැබිනට් මණ්ඩලයට ඉදිරිපත් කළ කැබිනට් පත්‍රිකාවකින්  Hyatt හෝටල් සමූහය අයිති සමාගමේම අනුබද්ධ කොටසක් වන  Ceylinco Leisure Properties  සමාගම මිලට ගැනීමට අවසර ඉල්ලා ඇත.
ඒ පාඩු ලබන සහ අකාර්යක්ෂම ආයතනවල වගකීම රජයට පවරා ගැනීමට අදාළව ඇති නීතිය යටතේය.  මාර්තු 14 වැනිදා කැබිනට් මණ්ඩලය මෙම යෝජනාවට අනුමැතිය ලබාදී ඇත.

99 වසරේ බදු සෙල්ලම 

අනාවරණය වී ඇති ආකාරයට අදාළ  හෝටලය ඉදිකළ භූමිය මුලින් සෙලින්කෝ සමාගම සතුව තිබූ ඉඩමකි. එය ආණ්ඩුව විසින් 99 වසර බදු යටතේ කල්බදු ක්‍රමයට පවරාගෙන තිබී ඇත.  එහෙත් පසුව එය නැවත හෝටලය ඉදිකරන සමාගමේ අනුසමාගමක් වන   Sinolanka Hotel and Spa  වෙත යළි 99 අවුරුදු බද්දකට පවරා දෙන්නට කටයුතු යෙදී ඇත. ඒද සිදුව ඇත්තේ හරි අපූරු ආකාරයටය.   තමන් බද්දට ගත් ඉඩමක් තවත් සමාගමකට බද්දට දී ඇත.

ඉන් පසුව ඉදිරිපත් වන ප්‍රශ්න තේරුම් ගන්න හැකි වන්නේ  Canwill Holdings සමාගමේ අඩංගුව තේරුම් ගැනීමෙන් පසුවය.
  Canwill Holdings යනු කුමක්ද? 

මෙම දුෂිත ගනුදෙනුව සඳහාම අටවාගෙන ඇති බවක් පෙන්නුම් කරන  Canwill Holdings  නම් සමාගම සමන්විත වන්නේ මෙසේය. ඊට  රක්ෂණ සංස්ථාව සිය මුදලින් මුලින් රුපියල් බිලියන 5ක් හා පසුව රුපියල් බිලියන 3.5ක් ලෙස රුපියල් බිලියන 8.5ක් යොදවා ඇත. එය මෙම සමාගමේ සමස්ත කොටස් වටිනාකමෙන් 45.94%කි.

සේවක අර්ථසාධක අරමුදල රුපියල් බිලියන 5ක් යෙදවූ බැවින් ඔවුන් සතු කොටස්වල වටිනාකම 27.03%කි.
 
මීට අමතරව තවත් රාජ්‍ය සමාගමක් වන ලිට්රෝ ගෑස් සමාගම මුලින් රුපියල් බිලියන 2ක් සහ පසුව රුපියල් බිලියන 3ක් ලෙස රුපියල් බිලියන 5ක් ලබාදී ඇත. ඒ අනුව කොටස්වලින් 27.03% ඔවුන් මිලට ගෙන ඇත.
 
පසුව සිදුව ඇත්තේ මෙලෙස රාජ්‍ය ආයතනවලින් ලද මහජන මුදල් Canwill Holdings  විසින්  Sinolanka Hotel and Spa (Pvt) Ltd  සහ Helanco Hotels and Spa (pvt) Ltd  යන අතුරු සමාගම් දෙකක ආයෝජනය කිරීමය.
 
ඒ   Sinolanka Hotel and Spa (Pvt) Ltd සමාගම කොළඹ හයට් හෝටලයත්,  Helanco Hotels and Spa (pvt) Ltd   හම්බන්තොට තරුපහේ සුඛෝපභෝගී හෝටලයකුත් ඉදිකිරීමට සූදානම්ව තිබියදීය.

මහින්දගේ ගෝලයන්ගේ වැඩ : ගාමිණී සෙනරත් සහ කුඩාබාලගේ කරළියේ 

රාජපක්ෂ රෙජීමයේ සිටි අන්ත දුෂිත පුද්ගලයෙකු වූ මහින්ද රාජපක්ෂ ජනාධිපති සමයේ ජනාධිපති කාර්ය මණ්ඩල ප්‍රධානියා මෙන්ම, ජාතික රක්ෂණ සංස්ථාව ඇතුළු රාජ්‍ය ආයතන කිහිපයක සභාපතිධුර දැරූ ගාමිණි සෙනරත් කරළියට එන්නේ දැන්ය.

 2015 වනවිට මෙම සමාගමේ අධ්‍යක්ෂ මණ්ඩලය වනුයේ හිටපු ජනාධිපතිවරයාගේ කාර්ය මණ්ඩල ප්‍රධානී ගාමිණී සෙනරත්, ලිට්රෝ ගෑස් සමාගමේ ප්‍රධාන විධායක නිලධාරී පියදාස කුඩාබාලගේ, ආරක්ෂක අමාත්‍යාංශයේ හිටපු අතිරේක අධ්‍යක්ෂ නීල් හපුහින්න, ලංකා හොස්පිට්ල් ආයතනයේ සභාපති මොහාන් ද අල්විස්, මහා භාණ්ඩාගාරය නියෝජනය කරන නිලධාරියකු වන ආර්. සමරසිංහ සහ මහ බැංකුවේ නිලධාරියකු වන සී.එම්.ඩී.එන්.කේ. සෙනෙවිරත්න යන අයය.

මේ ගනුදෙනුවේ  කැපී පෙනෙන වැඩ කොටස කර ඇත්තේ ගාමිණී සෙනරත් සහ පියදාස කුඩාබාලගේය.

ඉඩම් මිලිදී ගැනීමේදීත් ගසාකෑ අපූරුව 

 මේ දෙන්නා අදාළ හෝටල් ව්‍යාපෘතිය සඳහා ඉඩම් තුනක් ගෙන ඇත. ඒ,
 
 1. රන් මුතු හෝටලය, 112 ගාලු පාර, කොළඹ 03 (පර්චස් 22.7)
 
2. ජේ.සී. රාමනායක, 108, ගාලු පාර, කොළඹ 03 (පර්චස් 15)
 
3. සෙලින්කෝ ඉන්ෂුවරන්ස් සමාගම, 134, ගාලු පාර, කොළඹ 03. (පර්චස් 20.1) වසයෙන්ය.

ගෑවුණු සෑම තැනම වංචාවෙන් පුරවාලූ මොවුන් එතැනදීත් සිය සුපුරුදු කටයුත්ත දියත් කර ඇත. ඒද හුදකළාව නොව රජයේ තක්සේරු දෙපාර්තමේන්තුව පවා දුෂණයට ලක්කරමින්ය.
 
ඊට ඇති එක් උදාහරණයක් වන්නේ , සෙලින්කෝ සමාගමේ ඉඩමට තක්සේරු වාර්තා තුනක් තිබීමය.
 
එයින් පලමු වැන්න  2013 ජනවාරි 9 වැනි දින කරන ලද තක්සේරුව රුපියල් මිලියන 191.5යි. 2013 ඔක්තෝබර් 22 දින කරන ලද දෙවන තක්සේරු වටිනාකම රුපියල් මිලියන 253කි. 2013 නොවැම්බර් 22 වැනි දින තුන්වන තක්සේරුව රුපියල් මිලියන 260ක් වශයෙන්ය.
 
 දෙවන සහ තෙවන තක්සේරු අතර ඇත්තේ මාසයක කාල පරතරයක් පමණක් වන අතර එහිදී මිලියන 7කින් ඉඩමේ වටිනාකම වැඩිවී ඇත. මෙතැන පැහැදිළි වංචාවක් සිදුව ඇති බව අමුතුවෙන් කිවයුතු නැත.
 
ඉතිරි ඉඩම් සම්බන්ධයෙන් ඇත්තේද මෙවැනිම තත්ත්වයකි. රන්මුතු හෝටල් ඉඩමට 2013 ජූනි 13 දෙන තක්සේරුව රුපියල් මිලියන 500යි. එහෙත් සති හයකින් කරනු ලබන එනම් 2013 ජූලි 30 වැනිදා කරන දෙවන තක්සේරුවේදී වටිනාකම රුපියල් මිලියන 680කි. එහිද සති හයට රුපියල් මිලියන 180කින් වටිනාකම ඉහළ ගොස් ඇත.

 අවසානයේ එම ඉඩම මිලදී ගෙන තිබුණේ රුපියල් මිලියන 689.071කටය. ජේ.සී. රාමනායකගේ ඉඩමක් 2013 අගෝස්තු 23 තක්සේරු කරන විට රුපියල් මිලියන 120කි. එහෙත් එය මිලදී ගෙන ඇත්තේ රුපියල් මිලියන 130කටය. එනම් මිලියන 10ක් වැඩියෙනි. මේ ඉඩම් මිලදී ගැනීමෙන් පමණක් සිදුව ඇති නාස්තියය. මෙම ගනුදෙනුවලදී කිසිදු ලිඛිත ගිවිසුමකින් තොරව නීතිඥයාට ගෙවා ඇති මුදල රුපියල් මිලියන 10කි.

යකඩ ගැහිල්ල 

එපමණක් නොව ගොඩනැගිලි ඉදිකිරීමේදී යකඩ මිලදී ගන්නා විට මිල අඩුම විකුණුම්කරුගෙන් නොගෙන මිල අධික විකුණුම්කරුගෙන් යකඩ මිලදී ගෙන ඇත. ඒ නිසා සිදුව ඇති පාඩුව රුපියල් මිලියන 16.426කි. අඩුම මිල ගණන වන යකඩ ටොන් එකක මිල රුපියල් 110,160කි. එය ඉදිරිපත් කර තිබුණේ මෙල්වා කම්බි නිෂ්පාදකයන් වන මෙල්වයර් සමාගමය. දෙවැනි අඩුම මිල වන යකඩ ටොන් එකක් රුපියල් 114,897 ඉදිරිපත් කර ඇත්තේ ලංවා කම්බි සඳහා ලංකා වානේ සංස්ථාවය. එහෙත් තාක්ෂණ කමිටුවේ අනුමැතියකින් තොරව කුඩාබාලගේ 2013 මාර්තු 21 වැනිදා රුපියල් මිලියන 9,753ක යකඩ මිලදී ගැනීම සඳහා වානේ සංස්ථාවට ලිපියක් ඉදිරිපත් කොට ඇත. ඊට  අනුව යකඩ මිලදී ගෙන තිබෙන්නේ වැඩි මිලට වානේ සංස්ථාවෙනි.

හම්බන්තොට වියදම් විතරයි : හෝටලයක් නෑ !

එමෙන්ම හම්බන්තොට හෝටලය සඳහා රුපියල් මිලියන 300ක ආරම්භක මුදලක් නිකුත් කර ඇතත් එහි මුල්ගලවත් තබා නැත.

වඩාත් ඛේදනීය කරුණ වන්නේ මේ සම්බන්ධයෙන් 2015 අගෝස්තු 27 වැනිදා හිටපු මුදල් ඇමති මහින්ද රාජපක්ෂ සහ හිටපු මහ බැංකු අධිපති අජිත් නිවාඞ් කබ්රාල් වගඋත්තරකරුවන් කරමින් මීට අදාළව පවරා තිබූ නඩුව පවා  පෙත්සම්කරුවන් විසින්ම ඉල්ලා අස්කර ගැනීමය.

බලය ලැබුණු පසු රාජපක්ෂලා සමඟ ඩීල් දැමූ  යහපාලන ගොන් වහන්සේලා මේ වැඩේට සම්බන්ධ අතර ඒ කවුද කොහොමද යන්න ඉදිරියේදී අනාවරණය කිරීමට නියමිතය.

(මේ සම්බන්ධ සවිස්තර වාර්තාවක් මේ සතියේ රාවය පුවත්පතේද පලව ඇත)

Comment (0) Hits: 283

නිව්යෝර්ක් ටයිම්ස් අනාවරණයේ : සිංහල පරිවර්තනය මෙන්න !

හම්බන්තොට වරාය සඳහා ඉතා ඉහළ පොලියට චීනයෙන් ණය ගත්තේ දැන දැනම. 

2015 මහ මැතිවරණයේ ප්‍රචාරණ කටයුතුවලට මහින්දට චීන වරාය ගිණුමෙන් ‘කෑෂ් චෙක්‘!

මහින්දගේ ඡන්ද වැඩවලට චීනයෙන් ඩොලර් මිලියන 7.6 ක්. 

මැතිවරණයට දින 10කට පෙර තවත් ඩොලර් මිලියන 3.7 ක් මහින්දට. 

කැම්පේන් ටී ෂර්ට් ඇතුළු මුද්‍රණ වියදම්වලට ඩොලර් 678,000 ක්. 

ඡන්දෙ කාලෙට සාරි ඇතුළු තෑගි බෙදන්න ඩොලර් 297,000 ක්. මහින්දට වැඩ කළ ජනප්‍රිය භික්ෂුවකට ඩොලර් 38,000 ක්. 

අරලියගහ මන්දිරයේ ඡන්ද වැඩ කළ අයට ඩොලර් මිලියන 1.7 ක්

‘‘How China Got Sri Lanka to Cough Up a Port‘‘ යනුවෙන් ද නිව්යෝක් ටයිම්ස් පුවත්පත පළ කළ ලිපියේ සිංහල පරිවර්තනය
- මරියා අබි-හබීබ් විසිනි. - ජූනි 25, 2018

හම්බන්තොට, ශ්‍රී ලංකාව - ශ්‍රී ලංකා ජනාධිපති මහින්ද රාජපක්ෂ, වරාය ව්‍යාපෘතිය පිළිබඳ අපේක්ෂා දල්වමින් සිය චීන මිතුරන් වෙතින් ණය ඉල්ලා සිටින හැම විටම ඔවුන්ගෙන් ඔහුට ණය ලැබුණේය.

ඔව්, ශක්‍යතා අධ්‍යයනවලින් කියැවුණේ වරාය ව්‍යාපෘතිය අසාර්ථක වන නමුත්, ඔව්, ඉන්දියාව වැනි අනෙකුත් ණය දෙන රටවල් එය ප්‍රතික්ෂේප කළ නමුත්, එසේ සිදුවිය. ඔව්, ශ්‍රී ලංකාවේ ණය, රාජපක්ෂගේ පාලනය යටතේ සීඝ්‍රයෙන් ඉහළ යමින් තිබිණි.

වසර ගණනාවක් මුළුල්ලේ සිදුකළ ඉදිකිරීම් සහ බෙයිජිං හි රාජ්‍ය හිමිකාරිත්වය සහිත විශාලතම ව්‍යවසායක සමාගම් අතරින් එකක් වන චයිනා හාබර් ඉන්ජිනියරින් සමාගම (China Harbor Engineering Company) සමග නැවත නැවතත් කථිකා කිරීමෙන් පසුව ද හම්බන්තොට වරාය සංවර්ධන ව්‍යාපෘතිය සුවිශේෂී බවට පත්වුණේ අනාවැකි කියූ පරිදිම අසාර්ථක වෙමිනි. ලෝකයේ කාර්යබහුලම නැව් මාර්ගයක් හරහා දස දහස් සංඛ්‍යාත නෞකා ඇදී යද්දී, මෙම වරාය වෙත 2012 වසරේ පැමිණියේ නෞකා 34 ක් පමණි.

ඉන්පසු වරාය චීනයට අයිති විය.

රාජපක්ෂ හට 2015 වසරේදී ධුරය අහිමි වූ නමුත් ශ්‍රී ලංකාවේ නව ආණ්ඩුව ඔහු විසින් ලබාගත් ණය ගෙවීමට වෑයම් කළේය. දැඩි පීඩනයක් යටතේ සහ චීනය සමග නැවත නැවතත් කතා කිරීමෙන් අනතුරුව දෙසැම්බරයේදී ආණ්ඩුව අක්කර 15,0000 ක් සමග අවුරුදු 99 ක් සඳහා ආණ්ඩුව වරාය චීනයට භාර දුන්නේය.
මෙම පවරා දීම හරහා සිය පසමිතුරු ඉන්දියාවට සැතපුම් දෙතුන් සියයක් පමණක් දුරින් පිහිටි අක් වෙරළ භූමි භාගයක් සහ තීරණාත්මක වාණිජ හා හමුදාමය ජල තීරයක් පාලනය කිරීමේ අයිතිය චීනයට ලැබිණි. ‍මේ සිද්ධිය, චීණය විසින් ණය ලබාදීම් කොතරම් අනාගත අපේක්ෂා සහගතව සිදුකරන්නේ ද සහ ලොව පුරා සිය අණසක පතුරුවන්නේ ද සහ, ඒ සඳහා ඔවුන් කොතරම් දැඩි ලසෙ කටයුතු කරන්නේ ද යන්න ඉතාම පැහැදිලිව පෙන්වා දෙන උදාහරණයකි.

චීන ජනපති ෂී ජින් පින් ගේ Belt and Road Initiative නමැති ආයෝජන ණය වැඩසටහන යටතේ ලෝකයේ අවදානම් සහිත තත්වයක පසුවන රටවල් කොතරම් ප්‍රමාණයක ණය උගුලකට හසු කරන්නේ ද දූෂණයකට නතු කරන්නේ ද සහ අසීරු ප්‍රජාතන්ත්‍රවාදයක සිටින රටවල් සඳහා ඔවුන් තුළ පවතින අධිපතිවාදී ස්වරූපය සම්බන්ධයෙන් පවතින දැඩි විවේචනය ද මෙමගින් තීව්‍ර විය.

ශ්‍රී ලාංකිකයන්, ඉන්දියානුවන්, චීන ජාතිකයන් සහ බටහිර නිලධාරීන් මෙන්ම වරාය නගර ව්‍යාපෘතියට අදාළ ලේඛන හා ගිවිසුම් පිළිබඳ මාස ගණනාවක් මුළුල්ලේ සිදුකළ විශ්ලේෂණ, මුදල්වලට කෑදර කමින් සිටින කුඩා රටක් තුළ චීනය හා එහි පාලනය යටතේ පවතින සමාගම් සිය බලාපොරොත්තු ඉටු කර ගත්තේ කෙසේද යන්න පෙන්වා දෙන පැහැදිලි චිත්‍රයක් ලබා දෙයි.

• 2015 මහ මැතිවරණය සමයේදී චීන වරාය ඉදිකිරීමේ අරමුදල (Chinese port construction fund) හරහා ලැබුණු විශාල ගෙවීම් කෙළින්ම බැහැර වූයේ මහින්ද රාජපක්ෂගේ මැතිවරණ ප්‍රචාරණ ව්‍යාපාරයේ මිතුරන් සහ ක්‍රියාකාරීන් හට ය. ඔවුන් හැම විටම චීනයේ කොන්දේසිවලට එකඟ වී සිටි අතර, දකුණු ආසියාව තුළ ඉන්දියාවේ බලපෑමෙන් මිදීම සඳහා ගන්නා උත්සාහයන් තුළ වැදගත් මිතුරෙකු සේ චීනය සැලකිණි. ලිපි ලේඛන මගින් අදාළ ගෙවීම් සිදුකෙරී ඇති අතර, එහිදී හුවමාරු වූ කෑෂ් චෙක්පත් ද රජයේ විමර්ශනයකදී ‘ද නිව්යෝක් ටයිම්ස්‘ විසින් දැක ඇත.

• චීන නිලධාරීන් සහ විශේලේෂකයන්, හම්බන්තොට වරාය සම්බන්ධයෙන් චීනයට පවතින්නේ වාණිජ අභිලාෂයක් බව අවධාරණය කර තිබුණ ද ශ්‍රී ලංකාවේ නිලධාරීන් මුල පටන්ම පැවසුවේ වරායේ ස්ථානවීම අනුව එහිදී රහස් ඔත්තු සේවා සහ ක්‍රමෝපායන හැකියාවන් ද සලකා බැලෙනු ඇති බවයි.

• වරාය ව්‍යාපෘතියේ ණය දීමේ මූලික කොන්දේසි වඩාත් බැරෑරුම් වූයේ ශ්‍රී ලංකාවේ බලධාරීන් කාල සීමාව දීර්ඝ කර ගැනීම සහ වැඩි මූල්‍ය පහසුකම් ඉල්ලා සිටීම සඳහා ඒ පිළිබඳ නැවත කතිකා කළ යුතු යැයි කියා සිටීම නිසා ය. එසේම ගතවූ වර්ෂ කිහිපය තුළ ශ්‍රී ලංකා බලධාරීන් සිය ණය කපා ඉවත් කර ගැනීමට උත්සුක වූ හෙයින් චීනයේ ඉල්ලීම, කොන්දේසි ලිහිල් කිරීම වෙත නොව වරායේ කොටස් භාරදීම කෙරෙහි කේන්ද්‍රගත විය.

• වරාය ව්‍යාපෘතියේ ණයෙන් බිලියන 1 ක් ඉවත් කර ගැනුණ ද, මේ වන විට ශ්‍රී ලංකාව අන් කවරදාටත් වඩා චීනයට ණයගැති වී සිටින්නේ සෙසු ණය දිගටම බලපැවැත්වෙන නිසා සහ, වෙනත් අන්තර්ජාතික ණය දෙන්නන්ට වඩා චීනයේ ණය පොලී අනුපාතිකය ඉහළ අගයක් ගන්නා නිසා ය.

රාජපක්ෂ සහ ඔහුගේ ආධාරකරුවන් වෙත මේ ලිපිය සඳහා අදහස් දැක්වීම පිණිස මාස කිහිපයක් මුළුල්ලේ දිගින් දිගටම ඉල්ලීම් කළ නමුත් ඔවුන් කිසිදු ප්‍රතිචාරයක් දැක්වූයේ නැත. චීන වරායේ නිලධාරීන් ද අදහස් නොදැක්වූහ.

ශ්‍රී ලංකාවේ මුදල් අමාත්‍යාංශය විසින් සිදුකරන ලද ඇස්තමේන්තු මගින් ලබාදෙනුයේ අසතුටුදායක චිත්‍රයකි. මේ වසරේ ආණ්ඩුව සිය ආදායම් වශයෙන් ඇමරිකානු ඩොලර් බිලියන 14.8 ක් උත්පාදනය කර ගැනීමට බලාපොරොත්තු වෙයි. නමුත් එයින් ලොව පුරා සිටින ණයහිමියන් වෙත ගෙවීමට ඇති ණය ඇමරිකානු ඩොලර් බිලියන 12.3 ක් වේ.

‘‘ජෝන් ඇඩම්ස්ගේ කුප්‍රකට කියමන අනුව රටක් කඩුවෙන් හෝ ණය දීම මගින් යටත් කර ගන්නට පුළුවන්. චීනය තෝරාගත්තේ දෙවැනි ක්‍රමයයි‘‘යැයි ඉන්දීය ආණ්ඩුව සඳහා උපදේශන කටයුතුවල නිරත වී සිටින නවදිල්ලියේ ප්‍රතිපත්ති පර්යේෂණ කේන්ද්‍රයේ බ්‍රහ්මා ෂැනලි පවසයි.

ඉන්දීය බලධාරීන් විශේෂයෙන් බියපත් වනුයේ ශ්‍රී ලංකාව චීනය මත ඉතා දැඩි සේ ප්‍රශ්නකාරී වන අවස්ථාවක, ශ්‍රී ලංකාවේ ආරාධනයෙන් තොරව හමුදා ක්‍රියාකාරකම් තහනම් බව අවසන් බදු ගිවිසුමේ දැක්වුණද, චීන ආණ්ඩුව, ණය සහන ලබාදීමේ මුවාවෙන් එහි හමුදාමය කටයුතු සඳහා හම්බන්තොට වරාය වැනි වත්කම් පාවිච්චි කරනු ඇතැයි සිතමිනි.

‘‘හම්බන්තොට සඳහා ආයෝජනය කිරීම සාධාරණීකරණය කළ හැකි එකම ක්‍රමය එය ආරක්ෂක කටයුතු සඳහා යොදාගැනීම පමණයි. එනම්, ඔවුන් හම්බන්තොට වරායට චීන හමුදාව රැගෙන ඒවි‘‘ යැයි විදේශ ලේකම් හා හම්බන්තොට වරාය ඉදිකරන සමයේ ජාතික ආරක්ෂක උපදේශක වශයෙන් කටයුතු කළ ශිවෂංකර් මෙනන් පවසයි.

නිදිබර ගමේ පුස් වෙඩිල්ල

චීන විප්ලවයෙන් පසු මාවෝගේ කොමියුනිස්ට් ආණ්ඩුව පිළිගැනීමෙන් අනතුරුව චීනය සහ ශ්‍රී ලංකාව අතර පවතින සම්බන්ධතාවය නම්‍යශීලී එකකි. නමුත් වාර්ගික දමිල බෙදුම්වාදීන් සමග ශ්‍රී ලංකාවේ බිහිසුණු 26 අවුරුදු සිවිල් යුධ සමයේදී චීනය සමග සම්බන්ධතාවය පවත්වාගැනීම අනිවාර්යයෙන්ම කළ යුත්තක් බවට පත්විය.

2005 වසරේ බලයට පැමිණි මහින්ද රාජපක්ෂ යුද්ධයේ අවසන් වර්ෂ කිහිපයේ ද බලයේ සිටින අතරවාරයේ ශ්‍රී ලංකාව ඉතා වේගයෙන් ලෝකයෙන් හුදෙකලා වූයේ මානව හිමිකම් උල්ලංඝනයන් පිළිබඳ චෝදනා සමගිනි. ඔහු යටතේ ශ්‍රී ලංකාව ආර්ථික සහයෝගය, හමුදා උපකරණ සහ එක්සත් ජාතීන්ගේ සංවිධානයෙන් සම්බාධක පැනවීම වළක්වා ගැනීම පිණිස දේශපාලනික ආවරණය ලබාගැනීමේදී චීනය මත විශාල වශයෙන් රඳා පවතින තත්වයට පත්විය.

‍2009 වසරේදී යුද්ධය අවසන් වූ අතර, රට ස්ථාවර වෙමින් තිබෙන බව පෙනෙන්නට තිබියදී මහින්ද රාජපක්ෂ සහ ඔහුගේ පවුල තවදුරටත් සිය ග්‍රහණය තර කර ගත්හ. රාජපක්ෂගේ ධුර කාලයේ ඉහළම අවධියේදී රාජපක්ෂ සහ ඔහුගේ සහෝදරයන් තිදෙනා ආණ්ඩුවේ අමාත්‍යාංශ ගණනාවක් සහ ආණ්ඩුවේ සමස්ත වියදම්වලින් 80% ක් පමණ පාලනය කළහ. චීනය වැනි රටවල් සෘජුවම කතා බස් කළේ ඔවුන් සමග ය.

ඒ අනුව ජනාධිපති රාජපක්ෂ විසින් ඔහුගේ නිදිබර ගම් පළාත වන හම්බන්තොට නව ව්‍යාපෘතිය සිදුකරන බව කියන්නට පටන් ගත්විට එයට විරුද්ධ ව ඇති වූ බාධක කිහිපය, එය වළක්වා ගැනීම සඳහා කිසිසේත්ම ප්‍රමාණවත් වූයේ නැත.

මුල පටන් ම නිලධාරීන් විසින් දෙවන ප්‍රධාන වරායක් රට තුළ ඇතිකිරීමේ ඥානාන්විත භාවය ප්‍රශ්න කරන ලදී. බ්‍රිතාන්‍යෙයන් 1/4 ක් තරම් වන, මිලියන 22 ක ජනගහනයක් ජීවත් වන රටක, හොඳින් සක්‍රියව පැවති අගනුවර ප්‍රධාන නගරය ව්‍යාප්ත කිරීම, කළ හැකි දෙයක් ව තිබිණි. ආණ්ඩුව විසින් සිදුකළ ශක්‍යතා අධ්‍යයන විසින් දැඩි ලෙසම නිගමනය කර තිබුණේ හම්බන්තොට ඉදිකරන වරායක් වාණිජ වශයෙන් අසාර්ථක වනු ඇති බවයි.

‘‘ඔවුන් වරාය ව්‍යාපෘතිය ආරම්භයේදීම අප වෙත ආවා. එවිට ඉන්දියානු සමාගම් එය ප්‍රතික්ෂේප කළා“ යැයි හිටපු ඉන්දීය විදේශ ලේකම් ශිවෂංකර් මෙනන් පවසයි. ‘‘එ්ක එදත් ආර්ථික වශයෙන් පුස් වෙඩිල්ලක්. දැනුත් පුස් වෙඩිල්ලක්“

නමුත් මහින්ද රාජපක්ෂ ව්‍යාපෘතිය ආරම්භ කර, ඉන්පසු තමන් සියලුම බාධක ජයගත්තේ යැයි පම්පෝරි ගසමින් මාධ්‍ය නිවේදනයක් ද නිකුත් කළේය. වරාය ව්‍යාපෘතිය සමග සිටියේ චීනයයි.

2007 වසරේදී බලධාරීන් විසින් ප්‍රවේශම් සහගත සහ ආර්ථික වශයෙන් සාර්ථක සැලසුමක් බවට විශ්වාස කළ හම්බන්තොට වරාය ව්‍යාපෘතිය සම්බන්ධයෙන් ශ්‍රී ලංකා වරාය අධිකාරිය යම් රික්ථාවරණයක් කළ බව ව්‍යාපෘතියට සම්බන්ධව කටයුතු කළ නිලධාරියෙක් පෙන්වා දෙයි. 2010 වසරේදී වරාය සීමිත වශයෙන් ව්‍යාපාර කටයුතු සඳහා විවෘත කරනු ලැබුවේ දැවැන්ත වශයෙන් එය ව්‍යාප්ත කිරීමට පෙර යම් ආදායමක් ලබාගැනීම සඳහා ය.

ව්‍යාපෘතිය සඳහා චීනයෙන් ගනු ලැබූ ප්‍රථම ප්‍රධාන පෙළේ ණය ලබාගැනුණේ එක්සිම් හෙවත් චීනයේ එක්ස්පෝට්-ඉම්පෝට් බැංකුව (Export-Import Bank) වෙතිනි. එය ඇමරිකානු ඩොලර් මිලියන 307 කි. නමුත් එම ණය ලබාගැනීම සඳහා ශ්‍රී ලංකාව විසින් එහි වරණීය සමාගම (preferred company) වශයෙන් බෙයිජිං හි චයිනා හාබර් සමාගම (China Harbor) වරාය ඉදිකරන්නා ලෙස තෝරාගත යුතු වූ බව ඇමරිකානු තානාපති කාර්යාලය වෙත එකල ලබාදුන් කේබල් පණිවුඩයකින් විකිලීක්ස් ඔස්සේ හෙළිදරව් විය.

මෙය චීනය විසින් ලොව පුරා සිය ව්‍යාපෘතිවලදී සිදුකරනු ලබන සාමාන්‍ය ගණයේ ඉල්ලීමකි. විවෘත ලංසු තැබීමේ ක්‍රමවේදයක් වෙනුවට ඔවුන් යොදාගන්නේ මෙම ක්‍රමයයි. කලාපය පුරාම බෙයිජිං රජය ඩොලර් බිලියන ගණන් ණය ලබාදෙන්නේ චීන සමාගම් සහ දහස් ගණනක් වූ චීන කම්කරුවන් යොදවා ගත යුතු බවට වන පූර්ව කොන්දේසියක් ද සමග ය.
මෙම ණය සම්බන්ධයෙන් තවත් වගකීම් ද ඈඳී තිබිණි. මුල පටන්ම හම්බන්තොට වරාය තුළ චීනය උපාය මාර්ගික වටිනාකමක් දුටු බවට සලකුණු තිබේ.

හිටපු ශ්‍රී ලංකා විදේශ ලේකම්වරයෙකු සහ චීන තානාපතිවරයෙකු වන නිහාල් රොද්‍රිගෝ පැවසුවේ එ් කාලයේ චීන බලධාරීන් සමග පැවැත්වූ සාකච්ඡාවලදී බුද්ධි අංශය තොරතුරු බෙදාගැනීම අනුකලනමය මට්ටමකින් සිදුවිය යුතු බව පැහැදිලිව සඳහන් කළ බවයි. එය මෙම ගනුදෙනුවේ කොටසක් විය. ‘ද ටයිම්ස්‘ පුවත්පතට සම්මුඛ සාකච්ඡාවක් ලබාදෙමින් නිහාල් රොද්‍රිගෝ චීනය වෙත ලබාදුන් ස්ථාවරය විස්තර කළේ, ‘‘අපි හිතනවා, මෙහාට එන්නේ කවුද නතර වන්නේ කවුද යන්න ඔබ අපට දැනුම්දේවි කියා..“ (“We expect you to let us know who is coming and stopping here.”)

ඉන් අනතුරු වසර කිහිපය තුළ චීන බලධාරීන් සහ චයිනා හාබර් සමාගම, එවැනි කොන්දේසිවලට ඔවුන්ගේ විශ්වාසය දිනාගනිමින් එකඟ වී සිටි මහින්ද රාජපක්ෂ සමග දීර්ඝ සබඳතාවක් ඇති කර ගැනීමට සමත් විය.

ශ්‍රී ලංකාවේ 2015 මහ මැතිවරණයේ අවසන් මාස කිහිපය තුළ චීන තානාපතිවරයා රාජ්‍ය තාන්ත්‍රික මට්ටමින් ඔබ්බට ගොස් ඡන්ද දායකයන් පෙළඹවීම සඳහා එක්ව සිටින අතර, විපක්ෂයට එරෙහිව රාජපක්ෂ ට සහාය දැක්වීම පිණිස ප්‍රධාන පෙළේ ගොල්ෆ් පිට්ටනිවල අවන්හල්වල පවා දැකගත හැකි වූයේ, චීන ආණ්ඩුව සමග ඇති කරගත් ආර්ථික එකඟතාවන් ක්‍රියාත්මක කිරීමට ද තර්ජනයක් වෙමිනි.

මහින්ද රාජපක්ෂට චීනයෙන් මුදල

ජනවාරි මැතිවරණය ආසන්නයට පැමිණෙන විට ජනාධිපතිවරයාගේ කවය වෙතට විශාල ගෙවීම් ගලා එන්නට පටන් ගත්තේය.

මහින්ද රාජපක්ෂගේ මැතිවරණ ප්‍රචාරණ ව්‍යාපාරය සඳහා අවම වශයෙන් ඇමරිකානු ඩොලර් මිලියන 7.6 ක් ස්ටෑන්ඩඩ් චාටඩ් බැංකුවේ තිබෙන චයිනා හාබර් ගිණුමෙන් බැරවිය. මේ බව සනාථ කරන ලේඛන, මේ වන විටත් පැවැත්වෙමින් තිබෙන රජයේ විමර්ශනයකට අදාළ ලේඛනවලින් ද නිව්යෝක් ටයිම්ස් පුවත්පත දුටුවේය. එම ලේඛනවල හිමිකරු කවුදැයි සනාථ කරන චයිනා හාබර් බැංකු ගිණුම් අංකය දැක්වෙන අතර, එකී චෙක්පත් නිකුත් කරනු ලැබුවේ කා හටද යන්න පිළිබඳ ප්‍රශ්න කෙරෙමින් තිබේ.

මැතිවරණය ආරම්භ වීමට දින 10 ක් තිබියදී චෙක්පත් මගින් ලබාදී ඇති මුදල ඇමරිකානු ඩොලර් මිලියන 3.7 කි. එයින් ඩොලර් 678,000 ක් කැම්පේන් ටී ෂර්ට් සහ වෙනත් ප්‍රචාරණ අමුද්‍රව්‍යවල මුද්‍රණ කටයුතු සඳහා වන අතර, ඩොලර් 297,000 ක් ආධාරකරුවන්ට හා ආධාරකාරියන්ට සාරි ඇතුළු තෑගි භාණ්ඩ මිලදී ගැනීම සඳහා ය. තවත් ඩොලර් 38,000 ක් රාජපක්ෂගේ මැතිවරණ ජයග්‍රහණය වෙනුවෙන් වැඩ කරමින් සිටි ජනප්‍රිය බෞද්ධ භික්ෂුවකට ගෙවා ඇත. එකතුව ඩොලර් මිලියන 1.7 ක් වටිනා චෙක්පත් දෙකක් රාජපක්ෂ පදිංචි ව සිටි අරලියගහ මන්දිරයේ ස්වෙච්ඡාවෙන් වැඩ කළ අය වෙත ලබාදී තිබේ.

එම ගෙවීම්වලින් බහුතරය සිදුකර තිබෙන්නේ චයිනා හාබර් ගිණුම විසින් පාලනය කරන උප ගිණුමකිනි. එහි නාමය, හම්බන්තොට වරාය සංවර්ධන ව්‍යාපෘතිය හඳුන්වන කෙටි නාමය වන HPDP Phase 2 ය.

චීන ජාලය

Belt and Road Initiative ආයෝජන හා ණය ව්‍යාපෘතිය මහත් කලබලයෙන් ලෝකය පුරා පස් අවුරුද්දක් මුළුල්ලේ ව්‍යාප්ත කිරීමෙන් අනතුරුව චීන බලධාරීන් නිහඬව වෑයම් කළේ කොපමණ ගනුදෙනු ගිවිසුම් ප්‍රමාණයක් සිදුකෙරී ඇතිද සහ, රටේ මූල්‍ය අනාවරණය කුමක්දැයි සොයාගැනීමට ය. ඒ සම්බන්ධයෙන් තවමත් ප්‍රමාණාත්මක චිත්‍රයක් නොමැති බව එක් චීන ආර්ථික ප්‍රතිපත්ති සම්පාදකයෙක් පවසයි. මෙම නිලධාරියා ද වෙනත් බොහෝ අය මෙන්ම, චීන ප්‍රතිපත්තිය පිළිබඳ සිය නම හෙළි නොකිරීමේ පදනම මත පමණක් සිය අදහස් දැක්වූ අයෙකි.

මෙවැනි ව්‍යාපෘතිවල ආයතනයික හැඩහුරුකම විසින් චීනය මත වගකීමක් පැටවේදැයි ඇතැම් චීන බලධාරීන් සැලකිලිමත් වීම අරඹා තිබේ. එසේම මෙවැනි ව්‍යාපෘතිවලින් ලාභ ලැබිය හැකි තත්වය දක්වා ඒවායේ කොන්දේසි ඉහළ දැමීම කෙරෙහි ද ඔවුන්ගේ අවධානය යොමු ව ඇත. පසුගිය වසරේ සිය කථාවකදී ජනපති ෂී ජින් පින් මේ පිළිබඳ සිය කණස්සල්ල පළ කළේ මෙසේ කියමිනි. ‘‘බෙල්ට් ඇන්ඩ් රෝඩ් ඉනිෂියේටිව් ගොඩනැගීමේදී අප දූෂණයෙන් තොර වීම සම්බන්ධයෙන් අන්තර්ජාතික සහයෝගිතාවය අවංක ලෙසම ශක්තිමත් කරගැනීමටත් බලාපොරොත්තු වෙනවා.“

උදාහරණයක් වශයෙන් බංග්ලාදේශයේදී චීන බලධාරීන් ජනවාරි මාසයේදී පැවසුවේ චීන වරාය සමාගමට අනාගත කොන්ත්‍රාත්කිරීමට නොහැකි වන සේ එය අවහිර කරන බවයි. එයට හේතු වී තිබුණේ එම සමාගම මහාමාර්ග අමාත්‍යාංශයේ නිලධාරියෙකුට, තේ කොළ පෙට්ටියක් තුළ බහා ඇමරිකානු ඩොලර් 100,000 ක අල්ලසක් ලබාදීමට තැත් කිරීම බව සම්මුඛ සාකච්ඡාවලදී කියැවිණි. එසේම චයිනා හාබර් මව් සමාගම වන චයිනා කොමියුනිකේෂන්ස් කන්ස්ට්‍රක්ෂන් කම්පැනි (China Communications Construction Company) 2009 වසරේදී අට අවුරුද්දක් සඳහා ලෝක බැංකු ව්‍යාපෘතිවලට ලංසු තැබිය නොහැකි සේ තහනම් කරනු ලැබුවේ, පිලිපීනයේදී ඔවුන් ප්‍රකට කළ දූෂිත හැසිරීම් හේතුවෙනි.  

ශ්‍රී ලංකාවේ වරාය නතු කර ගැනීමෙන් පසු චීන බලධාරීන් ‘බෙල්ට් ඇන්ඩ් රෝඩ්‘ ව්‍යාපෘතිය මගින් මහද්වීප ත්‍රිත්වය හරහා මූල්‍ය සංවර්ධනය සිදුකරන්නට චීන ආණ්ඩුව විවෘත ලෙස කැප වී නොසිටි බව යෝජනා කරන්නට පටන් ගෙන තිබේ.

‘‘මේ අවදානම හොඳින් කළමනාකරණය කරන්නට ඔබට නොහැකි නම්, බෙල්ට් ඇන්ඩ් රෝඩ් ව්‍යාපෘති එතරම් දුර යන එකක් නැහැ“ යැයි සිල්ක් රෝඩ් ෆන්ඩ් (සේද මාවත අරමුදල) හි සභාපතිනිය ජින් ෂී, මාර්තු මස අග පැවති චීන සංවර්ධන සංසදයේදී පවසයි. සේද මාවත අරමුදල රාජ්‍ය හිමිකාරිත්වය සහිත විශාල ආයෝජන අරමුදලකි.

ශ්‍රී ලංකාව පිළිබඳ ගැටළුවේදී වරාය බලධාරීන් සහ චීන විශ්ලේෂකයන් විසින්, හම්බන්තොට වරාය ලාභදායී ව්‍යාපාරයක් වනු ඇතැයි ද අදහස් කර නැත. එසේම අඩුම වශයෙන් චීනයේ කලාපීය වාණිජ ශක්‍යතාවන් මේ නිසා ශක්තිමත් වන බවට හෝ මතයක ඔවුන් විසින් දක්වා නැත.

චීනයේ මර්චන්ට් පෝට් හි ශ්‍රී ලංකා නියෝජිත සහ හම්බන්තොට වරාය මෙහෙයුම්වල ප්‍රධානී රේ රෙන් අවධාරණය කළේ, ‘‘ශ්‍රී ලංකාව පිහිටා තිබෙන ස්ථානය අන්තර්ජාතික වෙළඳාම සඳහා කදිමයි‘‘යනුවෙනි. තවද සෘණාත්මක ශක්‍යතා අධ්‍යයන ඔහු විසින් ප්‍රතික්ෂේප කළේ ඒවා සිදුකළේ වසර ගණනාවකට පෙර, හම්බන්තොට ‘කුඩා ධීවර ගමක්‘ වශයෙන් පැවතියදී බව පවසමිනි.

නූතන අන්තර්ජාතික සම්බන්ධතා පිළිබඳ චීන ආයතනයේ දකුණු ආසියානු අධ්‍යයන අංශයේ අධ්‍යක්ෂ හූ ෂිෂෙන්ග් පැවසුවේ, හම්බන්තොට වරායේ උපාය මාර්ගික වටිනාකම චීනය විසින් පැහැදිලිව වටහාගෙන ඇති බවයි. නමුත්, ඔහු මෙසේ ද පැවසීය. ‘‘චීනයට භූගෝලීය උපාය මාර්ගික වටිනාකම බලපවත්වන්නට අවශ්‍ය වූ වහාම, වරායට හිමි උපාය මාර්ගික වටිනාකම ඉවත් වේවි. විශාල රටවලට ශ්‍රී ලංකාව තුළ සටන් වදින්නට බැහැ. එය අතුගෑවී යාවි.“

හම්බන්තොට වරාය 2010 වසරේදී ප්‍රථම වතාවට විවෘත කළේ බෙල්ට් ඇන්ඩ් රෝඩ් ඉනිෂියේටිව් පිළිබඳ නිවේදනය කිරීමට පෙර වුවද, චීන ආණ්ඩුව එම ගෝලීය වැඩසටහන තුළට වහාම හම්බන්තොට වරාය අන්තර්ග්‍රහණය කළේය.

හම්බන්තොට වරාය චීනයට භාරදීමෙන් මද වේලාවකට පසු, චීනයේ රාජ්‍ය පුවත් සේවය පුරසාරම් සහිත වීඩියෝවක් ට්විටර් සමාජ ජාලය වෙත නිකුත් කළේ, එය ‘‘#BeltandRoad හි තවත් සැතපුම් කණුවක්“ බව කියා සිටිමිනි.

වී වේළන ගුවන් තොටුපොළ

චීන ණයෙන් හම්බන්තොට සිදුකළ එකම මහා ව්‍යාපෘතිය මෙම වරාය පමණක් නොවේ.

අතරින් පතර වෙසෙන ජනගහනයක් සහිත ශ්‍රී ලංකාවේ ගිනිකොණදිග වෙරළ තීරයේ තවමත් වැඩි වශයෙන් දැකගත හැක්කේ වනගත බවයි. හම්බන්තොට දිස්ත්‍රික්කයේ අගනගරයේ ජනගහනයට වඩා වැඩි ආසන සංඛ්‍යාවක් සහිත ක්‍රිකට් ක්‍රීඩාංගනයක්, විශාල අන්තර්ජාතික ගුවන් තොටුපොළක් මෙන්ම එහි අහස වෙත නැගී ඇත. ජූනි මාසයේදී මෙම අන්තර්ජාතික ගුවන් තොටුපොළ වෙත පැමිණෙමින් තිබූ එකම එක ගුවන් යානාව ද නැවතුණේ, ෆ්ලයි ඩුබායි ගුවන් සේවය එම ගුවන් මාර්ගය තෝරාගැනීම අවසන් කිරීමත් සමග ය. දිස්ත්‍රික්කය හරහා දිවෙන අධිවේගී මාර්ගය වල්අලින්ගෙන් ගහණ අතර, එය සිය කුඹුරුවලින් ලබාගන්නා අමු වී අස්වනු වියැළීම සඳහා ගොවීන් විසින් පාවිච්චි කරනු ලැබේ.

වරාය විවෘත කිරීමෙන් පසු එය ව්‍යාප්ත කළ යුත්තේ කෙසේදැයි මහින්ද රාජපක්ෂගේ උපදේශකයන් විසින් ක්‍රමෝපායික ප්‍රවේශයක් මගින් දක්වා තිබුණේ, තවත් වැඩිපුර ණය වීමට පෙර යම් ආදායමක් උපයා ගත හැකි බව සාක්ෂාත් කරමිනි.

නමුත් 2009 වසරේදී ජනාධිපතිවරයා නොඉවසිලිමත් වී තිබිණි. ඔහුගේ 65 වන උපන්දිනය එළඹී තිබූ අතර, එය සැමරීම සඳහා ඔහුට හම්බන්තොට වරාය අතිශය උත්සවකාරී ලෙස විවෘත කිරීමට ඔහුට අවශ්‍ය විය. වරාය අධිකාරියේ මුල් සැලසුමට වඩා වසර 10 ක් ඉදිරියට ගොස් වරාය ප්‍රසාරණය කිරීම ආරම්භ කිරීම ද එම සැලසුමට ඇතුළත් විය.

මෙතැන් පටන් චීන කම්කරුවන් දිවා රෑ වැඩ කරමින් වරාය විවෘත කිරීමට සුදුසු තත්වයකට පත් කිරීමට පටන් ගත් බව බලධාරීහු පවසති. නමුත් කම්කරුවන් වරායේ ද්‍රෝණිකාව නිර්මාණය කිරීම සඳහා පස් අදිමින් ඉන්පසු එයට ජලය පුරවන විට එහි පිවිසුම අවහිර කරමින් විශාල ගලක් ඇති බව ඔවුන් සැලකිල්ලට ගත්තේ නැත. මෙම අවහිර නිසා වරායේ ව්‍යාපාරික මොඩලය රඳා පැවති තෙල් ටැංකි ප්‍රවාහන යාත්‍රා වැනි විශාල නෞකා වරායට පැමිණීමට බාධා ඇති වේ.
ජනාධිපති ඉක්මවා යාමට අකමැති වූ වරාය බලධාරීහු, එය එසේම තිබියදී ඉදිරි වැඩ කටයුතු සිදුකරගෙන ගියහ. හම්බන්තොට වරාය 2010 නොවැම්බර් 18 වැනිදා අති උත්කර්ෂවත් ලෙස විවෘත කරනු ලැබුවේ ජනපති මහින්ද රාජපක්ෂගේ උපන් දිනය දා ය. ඉන්පසු මහා ගලක් එහි පිවිසුම අවහිර කරමින් රැඳී තිබියදී හම්බන්තොට වරාය ද තමන් වෙත ව්‍යාපාර ඇදී එන තෙක් වාඩි වී බලාගෙන සිටියේය.

චීන වරායේ කළු ගල එයට වසරකකට පසු පුපුරුවා හරිනු ලැබුවේ ඩොලර් මිලියන 40 ක වියදමක් දරමිනි. එය, රාජ්‍ය තාන්ත්‍රිකයන් සහ රජයේ නිලධාරීන් අතර මතභේද ඇති කළ සීමාරහිත මිලක් විය. මෙහිදී ඇතැමුන් විවෘත ලෙසම සැක පළ කළේ, එම සමාගම ඒ සඳහා අසාමාන්‍ය වැඩි මිලක් අය කර තිබේද, නැතිනම් රාජපක්ෂ හට ලැබෙන අයුතු ලාභ ද එම මිලට ඇතුළත් වේද යන්න පිළිබඳව ය.

2010 වන විට හම්බන්තොට වරාය තමන් වෙත නෞකා ගෙන්වා ගැනීමට උත්සාහ ගනිමින් සිටියේ, කොළඹ වරායේ නැංගුරම්පළ ඉක්මවා යාමේ අභිලාෂයෙනි. තවද වරාය, පෙර සැලසුම් කර තිබූ ආකාරයෙන් බැහැරව ව්‍යාප්ත කෙරෙමින් තිබූ නිසා ඉදිකිරීම් විදයම් ද ඉහළ යමින් තිබිණි. එම වසරේ අග ආණ්ඩුව නියෝග කළේ කොළඹ වරාය වෙත පැමිණෙන මෝටර් රථ රැගත් නෞකා ඒ වෙනුවට පිට පාරේ ගොස් සිය භාණ්ඩ තොග හම්බන්තොට වරායේදී ගොඩ බෑ යුතු බව ය. ඒ අනුව ව්‍යාපාර කටයුතු ආරම්භ කිරීමට සැලසුම් කෙරිණි. නමුත් එසේ තිබියදීත් 2012 වසරේදී හම්බන්තොට වරායේ නැංගුරම් ලෑ නෞකා සංඛ්‍යාව 34 ක් පමණි. මුදල් අමාත්‍යාංශයේ වාර්ෂික වාර්තාවට අනුව කොළඹ වරායට එම වසරේ පැමිණි නැව් ගණන 3,667 ක් වේ.

‘‘මා ආණ්ඩුවට පැමිණි විට ජාතික සැලසුම් පිළිබඳ අමාත්‍යවරියට මා කතා කළා. හම්බන්තොට වරාය ඉදිකිරීම සාධාරණීකරණය කරන්නට පුළුවන් කෙසේදැයි මම ඇසුවා“ යැයි ජාතික ප්‍රතිපත්ති සහ ආර්ථික කටයුතු පිළිබඳ රාජ්‍ය ඇමති හර්ෂ ද සිල්වා සම්මුඛ සාකච්ඡාවකදී පැවසීය. ‘‘ඇය කිව්වෙ, අපිට ඒක කරන්න කිව්වා. ඒ නිසා අපි එ්ක කළා‘ කියලයි.

වරාය තවදුරටත් ව්‍යාප්ත කිරීමට අදිටන් කර ගනිමින් මහින්ද රාජපක්ෂ 2012 වසරේදී චීනය වෙත ගියේ, ඩොලර් මිලියන 757 ක් ඉල්ලා සිටිමිනි.
චීන රජය නැවතත් එයට එකඟ විය. නමුත් මේ වතාවේ, එම ණය මුදල ලබාදීමේ කොන්දේසි තවදුරටත් දුෂ්කර විය.

ඩොලර් මිලියන 307 ක් වූ පළමු ණය වාරිකය මුලින්ම ලබාදීමට නියමිත ව තිබුණේ 2008 වසරේ ගෝලීය මූල්‍ය කඩාවැටීමෙන් පසු සාමාන්‍ය වශයෙන් සිදුවන පරිදි 1% ක හෝ 2% ක විචල්‍ය පොලී අනුපාතිකයකිනි. (සන්සන්දනය කරන්නේ නම්, මේ හා සමාන යටිතල පහසුකම් ව්‍යාපෘති සඳහා ජපානය විසින් ලබාදෙන ණයවල පොලී අනුපාතිකය වන්නේ 0.5% කට අඩු අගයකි.)

නමුත් නැවත ණය ලබාදීමේදී එම මූලික ණය මුදල, 6.3% ක් වැනි ඉතා ඉහළ ස්ථාවර පොලී අනුපාතිකයක් දක්වා නැවත ගිවිසගනු ලැබිණි. මහින්ද රාජපක්ෂ එයට විරුද්ධ නොවී එය අනුමත කළේය.

හම්බන්තොට වරාය ආදායම් ඉපයීම සඳහා අරගලයක නිරත වන විට පවා, ඉහළ යන ණය සහ ව්‍යාපෘති වියදම් විසින් ශ්‍රී ලංකාවේ විපක්ෂයට ප්‍රබල ප්‍රශ්නයක් ලබාදුන් අතර, විපක්ෂය චීනය පිළිබඳ පැවති සැක සංකාවලට එරෙහිව ප්‍රබල මැතිවරණ ව්‍යාපාරයක නිතර විය. මහින්ද රාජපක්ෂ මැතිවරණයෙන් පරාජය විය.
ජනාධිපති මෛත්‍රිපාල සිරිසේන විසින් නායකත්වය ලබාදුන් නව ආණ්ඩුව බලයට පැමිණියේ ශ්‍රී ලංකාවේ මුදල් ගනුදෙනු සියුම් නිරීක්ෂණයට ලක් කරන බවට වූ න්‍යායපත්‍රයක් සමග ය. එය අති දැවැන්ත ණයකට ද මුහුණ පා සිටියේය. එනම්, මහින්ද රාජපක්ෂ යටතේ රටේ ණය තුන් ගුණයකින් ඉහළ ගිය අතර ඔහු ධුරය හැර යන විට එම ණය බර ඇමරිකානු ඩොලර් බිලියන 44.8 ක් විය. 2015 වසරේදී පමණක් ඩොලර් බිලියන 4.68 ක ණය ගෙවුම් ශේෂයක් වසර අවසානයේ ඉතිරි ව තිබිණි.

නව ආණ්ඩුව ඉන්දියාව, ජපානය සහ බටහිර ලෝකය වෙත නැවත යොමුවීමට බලාපොරොත්තුවෙන් සිටියේය. නමුත් බලධාරීන් ඉක්මනින්ම වටහා ගත්තේ චීනය විසින් ශ්‍රී ලංකාව තුළ පුරවා තිබෙන මූල්‍යමය හෝ ආර්ථිකමය අවකාශය පිරවීමට අන් කිසිදු රටක් සමත් නොවනු ඇති බවයි.

හිතාමතාම පල්ලම් බැස්සවූ ආර්ථිකයක්

‘‘අපිට හිතාමතාම පල්ලම් බස්සවා තිබෙන ආර්ථිකයක් උරුම වුණා. ආදායම් මුල් මුදල නැවත ගෙවීමට තබා පොලී ගෙවීමටවත් ප්‍රමාණවත් වුණේ නැහැ.“ නව ආණ්ඩුවේ පළමු වසරේ මුදල් ඇමතිවරයා වූ රවී කරුණානායක පැවසීය.

‘‘අපි දිගින් දිගටම ණය ලබාගත්තා..‘‘ ඔහු තවදුරටත් පැවසීය. ‘‘අලුත් ආණ්ඩුවකට ණය ලබාගැනීමෙන් වළකින්නට බැහැ. ඒක කඩින් කඩ දිවීමක්. ආර්ථික විනය හඳුන්වා දෙන තෙක් ඔබ ඔවුන් සමග දිව යා යුතුයි.“

‍ශ්‍රී ලංකාව චීනයට ඇමරිකානු ඩොලර් බිලියන 3 ක් ණයගැති බව මහබැංකුව තක්සේරු කළේය. නමුත් වර්ටී රිසටර්ච් හි ආර්ථික විද්‍යාඥයෙකු වන නිෂාන් ද මෙල් පැවසුවේ ඇතැම් ණය ආණ්ඩුවේ වාර්තාවන්ගේ සඳහන් නොවන බව සහ, ඒ වෙනුවට ඒවා තනි පුද්ගල ව්‍යාපෘතිවල සඳහන් ව ඇති බවයි. ඔහු තක්සේරු කළේ චීනයට ලංකාවේ ණය ගැතිභාවය ඩොලර් බිලියන 5 ක් තරම් විය හැකි බව සහ එම ණයගැතිභාවය වාර්ෂිකව වර්ධනය වන බව ය. මැයි මාසයේදී ශ්‍රී ලංකාව, ණය වාරිකය ගෙවීමට උපකාර වනු පිණිස චීන සංවර්ධන බැංකුවෙන් ඩොලර් බිලියන 1 ක අලුත් ණයක් ගත්තේය.

2016 වසරේදී රජයේ බලධාරීන් චීන කොටස්කරුවන් මුණ ගැසීමට පටන් ගත්තේ ශ්‍රී ලංකාවේ ශේෂ පත්‍රයෙන් හම්බන්තොට වරාය ඉවත් කර, ණය සම්පූර්ණයෙන් ම ගෙවීම පැහැර හැරීමෙන් වැළකී සිටීමට ය. නමුත් චීනය කොන්දේසි පනවමින් පැවසුවේ චීන සමාගමක් විසින් වරායේ ප්‍රමුඛ කොටස් මිලදී ගත යුතු බව ය. එයට පිළිතුරු දෙමින් ශ්‍රී ලංකා නිලධාරීන් පවසන්නේ ණය ලේඛනගත කිරීම චීනයට පිළිගත හැකි විසඳුමක් නොවනු ඇති බවයි.

ශ්‍රී ලංකාවට අවස්ථාවක් ලබාදුන් විට එය තීරණය වන්නේ කුමන රාජ්‍ය සමාගම විසින් එහි පාලනය ලබාගන්නේ ද යන කාරණය මත ය. එනම් චයිනා හාබර් හෝ චයිනා මර්චන්ට්ස් පෝට් සමාගම් දෙකින් මෙම පාලනය හිමිවන්නේ කාටද යන්නයි. ‘ද ටයිම්ස්‘ පුවත්පත විසින් ලබාගත් අවසන් එකඟතා ගිවිසුමේ පිටපතකට අනුව මේ බව හෙළි වේ. කෙසේ නමුත් මෙම ගිවිසුම කිසිදු විටෙක සම්පූර්ණයෙන් ප්‍රසිද්ධ කර නැත.

චයිනා මර්චන්ට්ස් සමාගම වෙත මේ අනුව කොන්ත්‍රාත්තුව හිමි වූ අතර, එය ඉන්පසුව ඊටත් වඩා දේ ඉල්ලා සිටියේය. ඒ අනුව සමාගමේ නිලධාරීන් විසින් වරාය අවට අක්කර 15,000 ක් ඉල්ලා සිටියේ, මෙම ගනුදෙනු සාකච්ඡා පිළිබඳ දැනුම්වත් භාවයෙන් යුත් නිලධාරීන් දෙදෙනෙකුට අනුව, කාර්මික කලාපයක් ඉදිකිරීම සඳහා ය. හම්බන්තොට වරාය පවා එහි කොටස් මිල වූ ඇමරිකානු ඩොලර් බිලියන 1.1 ක් වටින්නේ නැති බව ට චීන සමාගම තර්ක කළේය. එම මුදල් ප්‍රමාණය, හම්බන්තොට වරාය සම්බන්ධයෙන් ශ්‍රී ලංකාව ණය වී තිබූ ප්‍රමාණයට සමාන මුදලකි.

ඇතැම් රජයේ නිලධාරීන් මෙම කොන්දේසිවලට දැඩි සේ එරෙහි වුවත්, මෙම ගිවිසුම් කථිකාවන්ට සහභාගි වූ නිලධාරීන්ට අනුව පාඩුව පිරිමසාගත හැකි වෙනත් ක්‍රමයක් තිබුණේ නැත. නව ගිවිසුම 2017 ජූලි මසදී අත්සන් තැබුණු අතර, එය 2017 දෙසැම්බරයේ සිට ක්‍රියාවට නැංවිණි.

එම ගනුදෙනුව හරහා ශ්‍රී ලංකාවේ හිමිකාරිත්වයේ මුහුණුවර වෙනස් විය. වෙනත් දේ අතර, වරායේ මෙහෙයුම් කළමනාකරණය සහ ආදායම් රැස් කිරීම සඳහා හවුල් සමාගමක් ආරම්භ කෙරිණි. එම සමාගමේ හිමිකාරිත්වයෙන් 85% ක් චීනයට හිමි වූ අතර, 15% ක් ශ්‍රී ලංකා රජයට හිමි ය.  

නමුත් වරාය නගරය අත්පත් කර ගැනීම සම්බන්ධයෙන් විශේෂඥ දැනුමෙන් යුත් නීතීඥවරුන් පැවසුවේ ශ්‍රී ලංකාවට මෙම ගිවිසුම තුළ හිමි අල්ප බලය හේතුවෙන් චයිනා මර්චන්ට්ස් සමාගමේ අධ්‍යක්ෂ මණ්ඩලය සහ මෙහෙයුම් තීරණ සම්බන්ධයෙන් චීනයට වැඩි බලයක් ලැබෙන බවයි. තවද වරායට අයත් භූමිභාගය සම්බන්ධයෙන් ශ්‍රී ලංකාවට ස්වාධිපත්‍ය අයිතියක් නොමැති බවයි.

මෙම ගිවිසුම පිළිබඳ මුල්කාලීන සාකච්ඡාවලදී, වරාය සහ ඒ අවට භූමිය චීන හමුදාවට පාවිච්චි කළ හැකිද යන පැනය විවෘත ව නගන ලදී. එය පැහැදිලි ලෙසම තහනම් කළ යුතු බව ඉන්දියානු බලධාරීන් විසින් ශ්‍රී ලංකා රජයෙන් නිරන්තරව පැවසිණි. අවසන් ගිවිසුම හරහා ශ්‍රී ලංකා ආණ්ඩුව විසින් අවසර ලබාදෙන්නේ නම් මිස විදේශ රටවලට වරාය හමුදාමය අරමුණු වෙනුවෙන් පාවිච්චි කිරීමට සීමා පනවයි.

එම අතුරු විධානය අන්තර්ගත වන්නේ චීන නාවික සබ්මැරීන ඒ වන විටත් ශ්‍රී ලංකාවට පැමිණීමට අවසර ඉල්ලමින් තිබූ නිසා ය.

උපාය මාර්ගික ගැටළු

චීනය ශ්‍රී ලංකාවේ ප්‍රධාන වරායේ ද කොටස්කරුවෙකු වේ. එනම් චයිනා හාබර් සමාගම එහි නව පර්යන්තයක් ඉදිකරමින් සිටි අතර, එකල එය හඳුන්වනු ලැබුවේ කොළඹ වරාය නගරය (Colombo Port City) යනුවෙනි. එම ගනුදෙනුව සමග දළ වශයෙන් අක්කර 50 ක පමණ භූමියක් චීන සමාගම විසින් ශුද්ධ වශයෙන් අයත්කරගෙන තිබූ අතර, එම භූමිය සම්බන්ධයෙන් ශ්‍රී ලංකාවට ස්වාධිපත්‍යයක් නොමැත.

එ් බව 2014 හෙවත් රාජපක්ෂගේ ධුර කාලයේ අවසන් වසර වන විට නාට්‍යාකාරයෙන් විදහා දැක්වෙමින් තිබිණි. ජපන් අග්‍රාමාත්‍ය ෂින්සො ඒබේ කොළඹට පැමිණි දිනයේදීම කොළඹ වරායේ චීන සබ්මැරීන නැංගුරම් දැමුවේය. එය කලාපය පුරා ප්‍රකට වූයේ බෙයිජිං වෙතින් ලැබුණු තර්ජනාත්මක සංඥාවක් වශයෙනි.

‍ශ්‍රී ලංකාවේ නව ආණ්ඩුව බලයට පැමිණි විට වරාය වෙත චීන සබ්මැරීන නැවත කිසිදා නොපැමිණෙන බවට වගබලාගැනීමේ සහතිකයක් සඳහා එය උත්සුක විය. ඔවුන් මේ සම්බන්ධයෙන් විශේෂ සැලකිල්ලක් දැක්වූයේ චීන සබ්මැරීන පැමිණෙන බව සොයාගැනීම දුෂ්කර නිසා සහ ඒවා නිතරම රහස් තොරතුරු එක්රැස් කිරීම සඳහා භාවිතා කරන බැවිනි. නමුත් ශ්‍රී ලංකා බලධාරීන් හට එය සැබෑ වශයෙන්ම තිබුණේ ඒ සම්බන්ධයෙන් ඉතා කුඩා පාලනයක් පමණි.

දැන්, හම්බන්තොට වරාය චීනයට භාරදීම මගින් හමුදා භාවිතයන් සඳහා එය යොදාගැනීම, විශේෂයෙන්ම චීනය සිය ප්‍රතිඥාවන් කඩ කරමින් දිගින් දිගටම දකුණු චීන මුහුදේ හමුදාමය දූපතක් නඩත්තු කරමින් සිටීම තවදුරටත් යථාර්ථයක් බවට පත් කළේය.

ශ්‍රී ලංකා බලධාරීන් ඒ විගසම පෙන්වා දුන්නේ ගිවිසුම මගින් පැහැදිලිවම එම ක්ෂේත්‍රෙය් හමුදා භාවිතාවන් තහනම් කර ඇති බව ය. නමුත් සෙස්සන්ගේ නිරීක්ෂණය වූයේ, චීනයට ඒ වන විටත් දැඩි සේ ණය වී සිටින ශ්‍රී ලංකා ආණ්ඩුව වෙතට එයට ඉඩදීම සඳහා බලපෑම් කළ හැකි බවයි.

එසේම, ජාතික ප්‍රතිපත්ති සහ ආර්ථික කටයුතු පිළිබඳ රාජ්‍ය අමාත්‍ය හර්ෂ ද සිල්වා එය දැක්වූයේ ‘‘ආණ්ඩු වෙනස් වෙන්න පුළුවන්‘ යනුවෙනි.

දැන්, චීනයේ වරණීය ශ්‍රී ලංකා කොටස්කරුවා වූ මහින්ද රාජපක්ෂ දේශපාලනික පුනරාගමනයක් සඳහා සැරසෙන්නේදැයි හර්ෂ ද සිල්වා සහ සෙසු අය බලා සිටිති. හිටපු ජනාධිපතිගේ නව විරුද්ධ පක්ෂය පෙබරවාරියේ පැවති පළාත් පාලන මැතිවරණයෙන් ප්‍රකට ජයක් ලබාගත්තේය. ජනාධිපතිවරණය ලබන වසරේ ද, මහමැතිවරණය 2020 දී ද පැවැත්වීමට නියමිත ය.

ධුර කාලය පිළිබඳ ගැටළු හේතුවෙන් මහින්ද රාජපක්ෂ ජනාධිපතිවරණය සඳහා නැවත තරග කිරීමෙන් වළක්වා තිබුණද, ඔහුගේ සහෝදරයා වන ගෝටාභය රාජපක්ෂ හිටපු ආරක්ෂක ලේකම්වරයා එය සිදුකිරීමට සූදානම් බව පෙනී යයි.

‘‘ඒක මහින්ද රාජපක්ෂ විසින් තෝරාගනීවි. ඔහු කියනවා නම් ඔහුගේ සහෝදරයන්ගෙන් එක් අයෙක් සුදුසුයි කියලා, එම තැනැත්තාට ඉතාම ශක්තිමත් තහවුරු වීමක් තිබිය යුතුයි“ යැයි මහින්ද රාජපක්ෂ ආණ්ඩුව සමයේ මහබැංකු අධිපතිවරයා ව සිටි සහ තවමත් රාජපක්ෂ පවුලේ උපදේශකයෙකු වශයෙන් කටයුතු කරන අජිත් නිවාඩ් කබ්රාල් පවසයි. ‘‘ආණ්ඩුක්‍රම ව්‍යස්ථාව ට අනුව මහින්ද රාජපක්ෂ තවදුරටත් ජනාධිපති නොවුණත්, මහින්ද තමයි බලයේ ප්‍රධාන පදනම.

මෙම වාර්තාව සඳහා බෙයිජිං සිට කීත් බ්‍රැඩ්ෂර් සහ සුයි-ලී, ශ්‍රී ලංකාවේ සිට මුජිබ් මාෂල්, ධරීෂා බැස්ටියන්ස් සහ ආතර් වමනන් දායක විය.

පරිවර්තනය - රදිකා ගුණරත්න

Comment (0) Hits: 328

RMV හී e-motoring ටෙන්ඩරය දූෂිතයි : කෝටි ගණනක ගැහිල්ලකට සියල්ල සූදානම් !

රාජ්‍ය අංශයේ කටයුතු e-governance තත්ත්වයට පත් කිරීමට අවශ්‍ය බවත්, ඒ සඳහා දැනට දෙපාර්තමේන්තුවේ භාවිත කරන පරිගණක පද්ධතිය කල් ඉකුත් වී ඇති බවත්, එමඟින් නිසි සේවාවක් සැපයීමට අපහසු බවත්, ඒ නිසා අක‍්‍රමිකතාවයන්ට ඉඩකඩක් ලැබෙන බවත් කියමින් මෝටර් රථ ප‍්‍රවාහන දෙපාර්තමේන්තුව නව ක‍්‍රමවේදයන් හඳුන්වා දීමට කටයුතු කරමින් සිටියි. e-motoring යනුවෙන් හඳුන්වන එම නව ක‍්‍රමවේදය විසින් ඉහත කී ගැටලු මඟහරවා ගැනීමට හැකි බව කියැවේ. බැලූ බැල්මට එය ඉතා හොඳ කටයුත්තකි. ඉදිරිපත් කර ඇති කරුණු නිසා මෙම කටයුත්තට විගණකාධිපති දෙපාර්තමේන්තුවේ සහ රාජ්‍ය ගිණුම් කාරක සභාවේ ද අනුමැතිය මේ වන විට ඒ සඳහා හිමි වී තිබේ.

ටෙන්ඩරයේ ඉතිහාසය !

මෙම ව්‍යාපෘතිය සඳහා යෝජනා ඉදිරිපත් වන්නේ අද ඊයේ සිට නොවේ. මෙහි පළමු යෝජනාව එන්නේ 2003 වසරේ දී ය. ඒ අනුව කළමනාකරණය පිළිබඳ පශ්චාත් උපාධි ආයතනයේ මහාචාර්යවරයෙකු ප‍්‍රමුඛ කණ්ඩායමක් මෝටර් රථ ප‍්‍රවාහන දෙපාර්තමේන්තුවට පැමිණ සිදු කරන ලද පරීක්ෂණයකින් පසුව අනාවරණය වන්නේ ඒ වන විටත් ආයතනයේ ඇති පරිගණක පද්ධතිය ඉතාම හොඳ තත්ත්වයේ පවතින බවයි. ඒ නිසා නව ව්‍යාපෘතිය සඳහා නව පරිගණක පද්ධතියක් සකස් කිරීම වෙනුවට තිබෙන පරිගණක පද්ධතියම සුළු වෙනස්කම් සිදු කිරීම මගින් සිදු කළ හැකි බවත් පැහැදිලි විය.

2008 වැඩේ 2017 ට කල්යයි !

එහෙත්, නැවතත් 2008 වසරේ දී මේ ව්‍යාපෘතිය පිළිබඳ අවධානය යොමු වන අතර, ඒ අනුව Ernest and Young සමාගමට කොන්ත‍්‍රාත්තුවක් ලබා දෙන්නේ ඒ සම්බන්ධයෙන් අධ්‍යයන වාර්තාවක් සකස් කිරීම සඳහාය. එම අධ්‍යයන වාර්තාවට පාදක වන්නේ පරිගණකගත වාහන නියාමනය කිරීමේ ක‍්‍රමවේදයකි. මේ වාර්තාවට අනුව නව පරිගණක පද්ධතියක් නිර්මාණය කොට ක‍්‍රියාත්මක කිරීම සඳහා ටෙන්ඩර් කැඳවීමට ද තීරණය වී තිබේ.

තීරණය එසේ තිබුණ ද, එය ක‍්‍රියාත්මක වන්නේ වසර ගණනාවකට පසුව 2017 වසරේ දී ය. ICTA ආයතනයේ සිටි වසන්ත දේශප‍්‍රිය තොරතුරු තාක්ෂණ අමාත්‍යාංශයේ ලේකම්වරයා වශයෙන් පත් කරන්නේ මේ අතරය. ඔහුගේ සහායට තුෂාර සුරවීර නම් අයෙකු මෝටර් රථ ප‍්‍රවාහන දෙපාර්තමේන්තුවේ තොරතුරු තාක්ෂණ කොමසාරිස් ලෙස පත් කරනු ලබයි.

තුෂාර සුරවීරගේ අදිසි පත්වීම !

එය එතෙක් තිබූ තනතුරක් නොවන අතර, තුෂාර සුරවීරව පත් කිරීම සඳහාම සකසන ලද තනතුරකි. එම තනතුර රාජ්‍ය සේවා කොමිෂන් සභාවේ පටිපාටියට ද අනුකූල වන්නක් නොවේ. තොරතුරු තාක්ෂණය සඳහා වෙනම රාජ්‍ය සේවාවක් පවතින අතර, ඒ අනුව මෙවැනි තනතුරක් නිර්මාණය කිරීමම ඇති කරවන්නේ බරපතළ සැකයකි. විශේෂයෙන්ම මෙම තනතුර සඳහා පත් කරනු ලැබූ තුෂාර සුරවීර පරිපාලන සේවයේ නිලධාරියෙකු වුව ද, ඔහු තොරතුරු තාක්ෂණ විෂයය සම්බන්ධයෙන් විධිමත් අධ්‍යාපනයක් ලැබූවෙකු නොවේ.

කරුණු මෙසේ තිබියදී e-motoring වැඩපිළිවෙළ සඳහා ටෙන්ඩර් කැඳවීමට ඔහු මැදිහත් වන අතර, ඒ අනුව ටෙන්ඩර්කරුවන් පස් දෙනෙකු තෝරා ගනු ලබයි. HTPB with Epeic, Metropolitan with Face Technologies, Madras Securuty Printiners, VSIS with NOVA, Acces International with UTCH යන සමාගම් එසේ ටෙන්ඩරය සඳහා මූලිකව තෝරා ගනු ලැබූ සමාගම් වේ. මෙම ව්‍යාපෘතියට අදාළ ටෙන්ඩරය ලබා ගැනීම සඳහා මෙරට සමාගමක් ඉල්ලුම් කරන්නේ නම්, ඒ සඳහා විදේශීය සමාගමක් හා සම්බන්ධ වීම අනිවාර්ය කරුණක් ලෙස සඳහන් කර තිබූ අතර, විදේශීය සමාගමකට තනිවම ඉදිරිපත් වීමේ හැකියාව ලබා දී තිබිණි.

මෙසේ ටෙන්ඩර් ක‍්‍රියාවලිය වේගයෙන් ඉදිරියට යන අතර, අවසානයේ තාක්ෂණ අගැයීම් කමිටුව විසින් ටෙන්ඩර්කරුවන් දෙදෙනෙකු ඒ සඳහා තෝරා ගනු ලැබීය. ඒ HTPB with Epeic සහ Metropolitan with Face Technologies යන ටෙන්ඩර්කරුවන්ය.

ටෙන්ඩර් වංචාවට සෙල්ලම් ඇරඹේ !

මෙසේ ටෙන්ඩර්කරුවන් තෝරා ගැනීමේදී ද සාමාන්‍ය ක‍්‍රමවේදයන් පිළිබඳ සලකා බැලීමක් සිදු කර නොමැති අතර, ඉදිරිපත් වී ඇති ටෙන්ඩර්කරුවන්ගේ විෂයයට අදාළ සුදුසුකම් පරීක්ෂාව සිදු කර ඇත්තේ ද ඉතාමත් සරල ආකාරයෙනි. එහෙත්, මේ බොහෝ ටෙන්ඩර්කරුවන් ක්ෂේත‍්‍රයේ ජාවාරම්කාරයන් වශයෙන් ප‍්‍රසිද්ධ වී සිටින්නන් බවට මෝටර් රථ ප‍්‍රවාහන දෙපාර්තමේන්තුවේ සේවකයෝ ම චෝදනා කරති.
කරුණු මෙසේ තිබියදී, තෝරා ගත් ටෙන්ඩර්කරුවන් දෙදෙනා අතුරින් එක් අයෙකු තෝරා ගැනීම සඳහා අවසාන කටයුත්ත වන මුදල් ටෙන්ඩරය සඳහා යොමු වනවිට තාක්ෂණ අගැයීම් කමිටුවේ ලබා ගත් ලකුණු අනුව ඉදිරියෙන් සිටින්නේ HTPB with Epeic වන අතර ඔවුන් ලබාගෙන තිබුණු ලකුණ සංඛ්‍යාව 79.03කි. Metropolitan with Face Technologies ලබාගෙන තිබූ ලකුණු සංඛ්‍යාව 70.7කි. ලකුණුු ලබා දීමේ පටිපාටියේ දී මුළු ලකුණුවලින් 80%ක් තාක්ෂණ අගැයීම විසින්ද 20%ක් මුදල් ටෙන්ඩරය විසින් ද තීරණය කරනු ලබයි.

සැකසහිත ලංසු තැබිල්ල !

මේ අනුව Metropolitan with Face Technologiesට වඩා ඉදිරියෙන් සිටි HTPB with Epeicට ටෙන්ඩරය හිමි වන බවක් බැලූබැල්මට පෙනෙන්නට තිබිණි. එසේ නොවීමට නම්, Metropolitan with Face Technologies විසින් HTPB with Epeic ඉදිරිපත් කරන මුදලින් හරි අඩකට ආසන්න මුදලක් ලබා දීම අනිවාර්ය විය යුතුය. සියලු දෙනාගේම ඇස් නිලංකාර කරමින් එය එසේම සිදු වන අතර, HTPB with Epeic විසින් එක් සේවා අවස්ථාවක් සඳහා රුපියල් 326.00ක් ඉදිරිපත් කරන විට Metropolitan with Face Technologies ඒ සඳහා ඉදිරිපත් කර තිබුණේ රුපියල් 187.97ක මුදලකි. මේ සේවා අවස්ථාවක් යනු මෝටර් රථ ප‍්‍රවාහන දෙපාර්තමේන්තුව තුළ සිදු වන එක් Transaction එකකි. එනම් වාහනයක් ලියාපදිංචි කිරීමක්, පැවරීමක්, වාහන පන්තිය වෙනස් කිරීමක් වැනි එක් කටයුත්තකි. එවැනි කටයුතු විශාල ප‍්‍රමාණයක් වර්ෂයක් තුළ සිදු වන අතර වසරින් වසර එම ගණන වෙනස් වීම ද සිදු වේ. එසේ නිශ්චිත නොවන සේවා ගණනක් සඳහා අවසන් සත ගණනට මුදලක් ඉදිරිපත් කිරීම සාමාන්‍යයෙන් සිදු විය නොහැක්කකි.

ටෙන්ඩරයේ ලංසු  රහස් එළියට ගිහින් !

එසේ නම් මෙම මිල ගණන් ඉදිරිපත් කර ඇත්තේ ටෙන්ඩර්කරුට සිය ප‍්‍රතිවාදියා ඉදිරිපත් කර ඇති මිල ගණන් පිළිබඳ පූර්ව අවබෝධයක් සහිතවය. එවැනි අවබෝධයක් ඇති වීමට නම්, ටෙන්ඩර් මිල ගණන් ඔහුට දැනුම් දිය යුතුය. එවැන්නක් සිදු කරන ලද්දේ කවුරුන් විසින් දැයි බරපතළ සැකයක් ඇති වන අතර, සැක කළ හැක්කේ මේ සඳහා මැදිහත් වන තුෂාර සුරවීර ඇතුළු ටෙන්ඩර් කමිටුවේ ප‍්‍රධානීන්ය.
ටෙන්ඩර්කරුවන් විසින් මිල ගණන් ඉදිරිපත් කර ඇත්තේ ඩොලර්වලින් බවත්, මේ සත ගණනක් ලැබී ඇත්තේ ඒවා රුපියල්වලට පරිවර්තනය කිරීමේ දී බවත් තුෂාර සුරවීර පවසන්නේ හොරාට කලින් කෙසෙල් කැන වැට පැනීමක් නිසා දැයි අපි දන්නේ නැත.

එහෙත්, සියල්ල එතැනින් නිමා වූයේ නැත. අවම ලංසුව ඉදිරිපත් කළ Metropolitan with Face Technologies ඉන් පසුව පවසා ඇත්තේ තමන් කිසිදු බදු මුදලක් මේ මිල ගණන්වලට ඇතුළත් කර නොමැති බවයි. ඒ අනුව NBT සඳහා වන 2% ද ඊට ඇතුළත් නොවේ. එහෙත් HTPB with Epeic විසින් මිල ගණන් සකස් කර ඇත්තේ එම අනිවාර්ය බදු මුදල් සිය ලංසුවට ඇතුළත් කරමිනි. Metropolitan with Face Technologies ඉදිරිපත් කර ඇති ලංසුවට NBT සඳහා වන 2% ඇතුළත් කළ විට මුළු ලකුණු ගණනින් ඉදිරියෙන් සිටින ලංසුකරු වන්නේ HTPB with Epeic ය.

කෝටි ගණනක ගැහිල්ලට සියල්ල සූදානම් !

මේ වනවිට එම ටෙන්ඩර්කරු විසින් ඒ සම්බන්ධයෙන් අභියාචනයක් ඉදිරිපත් කර ඇතත්, ඒ පිළිබඳ සැලකීමක් නොකර අදාළ ටෙන්ඩරය Metropolitan with Face Technologies වෙත ලබා දීමට මොවුන් කටයුතු කර තිබේ.

එය මේ වංචාවේ එක් පැත්තක් පමණි. මේ මඟින් ඇති වන තවත් ගැටලූ ගණනාවකි. ඉන් එකක් වන්නේ මෝටර් රථ ප‍්‍රවාහන දෙපාර්තමේන්තුව මඟින් සිදු කරන සියලූම ගනුදෙනු පිළිබඳ තොරතුරු බාහිර පෞද්ගලික ආයතනයක් වෙත යාමයි. එය ආරක්ෂාවට බරපතළ තර්ජනයකි. එසේම මේ සිදු කරන සෑම සේවා අවස්ථාවක් සඳහාම මුදල් ගෙවිය යුත්තේ ජනතාවය. ඒ නිසා මොවුන් මේ වංචාව සිදු කරන්නේ ජනතා මුදල්වලිනි. නව ලියාපදිංචි කිරීම් සඳහා වන සංඛ්‍යාලේඛන 2014 වසරෙන් පසු මෝටර් රථ ප‍්‍රවාහන දෙපාර්තමේන්තුවේ නිල වෙබ් අඩවියේ යාවත්කාලීන කර නැතත්, 2014 වසරට අනුව එම ගණන 3,71,906කි. ඒ මඟින් ඉහත කී පෞද්ගලික ආයතනයට ලැබෙන මුදල රුපියල් 6,99,07,170.00කි. එනම්, ආසන්න වශයෙන් රුපියල් කෝටි හතකි. මෙවැනි ගනුදෙනු අවස්ථා රැසක් මඟින් තවත් රුපියල් කෝටි ගණනක් ඔවුන් වෙත මෙරට ජනතාව ගෙවිය යුතුය. සියල්ලන්ම එකතු වී ඇති තරම් ගේම් දෙමින්, මේ ටෙන්ඩර් මගඩි සිදු කරන්නේ ඒ නිසා ය.

ලංකා ඉරිදා සංග්‍රහය

Comment (0) Hits: 306

සුරේන් සද්ද නැතුව වැඩ : කෙලවරපිටියෙන් රට හින්දන්න සියල්ල සූදානම් !

කෙරවලපිටියේ ඉදිකිරීමට නියමිත ස්වාභාවික වායු (LNG) සංයුක්ත චක්‍ර විදුලි බලාගාරයේ ඉදිකිරීම් කොන්ත්‍රාත්තුව සඳහා අවම ලංසුව ඉදිරිපත්කර ඇති දේශීය සමාගම නොසලකා හැර ශ්‍රී ලංකාවට රුපියල් බිලියන 50 ක අලාභයක් සහ මෙරට බලශක්ති සුරක්ෂිතතාවය බරපතළ අර්බුදයකට යොමු කරමින් චීන සමාගමක් වෙත ලබාදෙන ලෙසට එම චීන සමාගම විසින්ම කල ඉල්ලීම අනුමත කිරීමට ප්‍රසම්පාදන අභියාචනා මණ්ඩලය (PAB) ගෙන ඇති තීරණය බරපතල සැකසංකා මතුකරන බව වාර්තා වෙයි.

විදුලි බල අමාත්‍යංශයේ ලේකම් සුරේන් බටගොඩ ඇතුළු පිරිසක් මේ පසුපස සිටින බවත් රුපියල් බිලියන 50 (මිලියන 50,000) පාඩුවක් රටට සිදුවන මහා පරිමාණ මූල්‍ය වංචාවක් වන  කෙරවලපිටිය  ද්වි චකීය විදුලි බලාගාර ව්‍යාපෘතිය ලෙස හැදින්වෙන නව විදුලි බලාගාරය ඉදිකිරීම සදහා වන ටෙන්ඩර් පටිපාටිය හිතා මතාම පමා කිරීමට කටයුතු කිරීම හරහා මේ  මහා පරිමාන  මූල්‍ය වංචාවක්  සිදුකිරීමට සැලසුම් කර ඇති  බවද  දැනගන්නට ඇත.

ශ්‍රී ලංකාවේ අනාගත බලශක්ති අවශ්‍යතාවයන් සපුරාලීම සඳහා අදාළ බලාගාරය ඉදිකිරීමට අපේක්ෂා කර සිටියත් දීර්ඝ කාලයක් පුරා විවිධ හේතු මත පමා කරතිබූ මෙම ටෙන්ඩරය පසුගිය වසරේ අගභාගයේදී නීති විරෝධී ලෙස කොරියාවේ සැම්සුන්ග් සමාගමට ලබාදීමට මේ  දූෂිත  නඩය  කටයුතු සැලසුම් කල අතර ඒ  තාක්ෂණික ඇගයීම් කමිටුව ලබා දුන් නිර්දේශ පවා නොතකා බවද මේ වන විට අනාවරණය වී හමාරය.

පසුගියදා මාධ්‍ය හමුවක් සහ නිවේදනයක් නිකුත් කරමින් පාරිභෝගික අයිතීන් සුරකීමේ ජාතික ව්‍යාපාරයද මෙම චෝදනා එල්ලකර සිටි අතර යම් හෙයකින් එම සමාගමට අදාළ ටෙන්ඩරය ලබා දුන්නේ නම් රටට දීර්ඝ කාලීනව සිදුවන පාඩුව රුපියල් බිලියන 200 ඉක්මවන බවත්  දූෂණ විරෝධී ජනතාවගේ හඬ නැගීම හමුවේ එම කූඨ සැලසුම හකුලා ගැනීමට ඔවුනට සිදුවූ බවත් එහිදී සඳහන් කෙරිණ. 

කෙසේ වුවත් මෙම නිලධාරී සහ ව්‍යාපාරික මගඩිය හමුවේ  ටෙන්ඩර් කමිටුවේ සභාපතිවරයා වශයෙන් කටයුතු කල  ජී එස් විතානගේ අදාළ ටෙන්ඩර් කමිටුවෙන් ඉල්ලා අස්වීම දක්වාම ගැටලුව දුරදිග ගිය අතර පසුව එම ටෙන්ඩරය තාක්ෂණික ඇගයීම් කමිටුවේ නිර්දේශ කර තිබූ සමාගම් අතරින් අඩුම මිල ඉදිරිපත් කල දේශීය සමාගමට ලබාදීමට අදාල අංශ තීරණය කර තිබිණ.  

 අදාළ බලාගාරය ඉදිකිරීම වෙනුවෙන්  විවෘත කල අනෙකුත් ලංසුකරුවන්ගේ මිලගණන් අනුව අදාළ තීරණය නිවැරදි බව තක්සේරු කල හැකිය.

එහෙත් වත්මන් ප්‍රශ්නය මතුව ඇත්තේ  එම තීරණය නොතකා හැර, මෙම ටෙන්ඩරය චීන සමාගමක් වෙත ලබාදීම සඳහා සක් කූවිදුලි බල අමාත්‍යංශයේ ලේකම් ආචාර්ය සුරේන් බටගොඩ ඇතුලු පිරිසක් කූඨ  ලෙස කටයුතු සැලසුම් කරමින් සිටින නිසාය. 

වාර්තා වන ආකාරයට සුරේන් බටගොඩ ඒ වෙනුවෙන් මේ මොහොතේ මැදිහත්වී ඇත්තේ මෙසේය.

එනම් මාස  ගණනාවක් පුරා ප්‍රමාදයට ලක්වූ ටෙන්ඩර් ක්‍රියාදාමයේ අවසන් අදියරට පැමිණ තිබියදී එම ටෙන්ඩරය හිමිවීමට තිබූ දේශීය සමාගම  ඉන් ඉවත් කරන ලෙසත් ටෙන්ඩරය තමා වෙත ලබා දෙන ලෙසත් චීන සමාගමක්   විසින් අභියාචනාවක් මගින් ඉල්ලා ඇත. පසුව එය ජනාධිපති ලේකම් කාර්යාලය  හරහා ක්‍රියාත්මක වන ප්‍රසම්පාදන අභියාචනා මණ්ඩලය  වෙත යොමු කරන තිබේ.එහිදී පෙරකී චීන සමාගම සමාගමේ ටෙන්ඩරය අනුමැතියට සුදුසු බවත්, මෙම ටෙන්ඩරය ඔවුන්ට ලබා දිය යුතු බවටත් විදුලි බල අමාත්‍යංශයේ ලේකම්වරයා විසින් අමාත්‍යංශයේ මතය ලෙස සඳහන් කරමින් ප්‍රසම්පාදන අභියාචනා මණ්ඩලය   වෙත රහසිගත ලිපියක් ලබාදී ඇති අතර ඒ පිළිබඳ   විෂයභාර  අමාත්‍යවරයා හෝ රාජ්‍ය අමාත්‍යවරයා කිසිදු දැනුවත් කිරීමක් සිදුකරද නොමැති බවද වාර්තා වෙයි.සාමාන්‍යයෙන් මෙවැනි ඉල්ලීමක්  ප්‍රසම්පාදන අභියාචනා මණ්ඩලය  වෙත යොමු වූ විටදී ඔවුනට එම ටෙන්ඩර් ක්‍රියාවලිය නිත්‍යානුකූලද යන්න පිළිබඳව පමණක් සොයා බැලිය හැකි නමුත්  ටෙන්ඩරයට අදාළ තාක්ෂණික ඇගයීම්කරණ ක්‍රියාවලියට බලපෑම් කල නොහැක.නමුත් මෙහිදී විද්වත් මණ්ඩලයකගෙන් සමන්විත තාක්ෂණික ඇගයීම් කමිටුව  පවා මින් පෙරදී අනුමත කල ටෙන්ඩර් යෝජනාවක් ඉවත් කොට  ඒ වෙනුවට මින් පෙර කිසිදාකවත් වායු  විදුලි බලාගාරයක් ඉදිකර නැති චීන සමාගමකට ටෙන්ඩරය ලබා දෙන ලෙසට ප්‍රසම්පාදන අභියාචනා මණ්ඩලය කරනු ලබන නිර්දේශයන් පැහැදිළිවම ප්‍රශ්නකාරී වනවා පමණක් නොව එහි තිබෙන  නීත්‍යානුකූල භාවය සම්බන්ධවද ප්‍රශ්නයක් ඇත.

විශේෂිතම කාරණය වන්නේ එවැනි  නිර්දේශ කිරීමට ප්‍රසම්පාදන අභියාචනා මණ්ඩලයට බලයක් තිබේද යන්න සම්බන්ධවය. පැහැදිළිවම එවැනි කිසිඳු බලයක් ඔවුන්ට නොමැත.

මේ ගැන ලැබී ඇති තොරතුරු වලට අනුව මෙහිදී විදුලිබල අමාත්‍යංශයේ ලේකම් සුරේන් බඩගොඩ විසින් චීන සමාගම සහ ඔවුන්ගේ දේශීය එජන්තවරයා සමඟ එක්ව  ඔහුගේ සමීපතම හිත්වතෙකු වන  ගුණසේකර මුලසුන දරණ ප්‍රසම්පාදන අභියාචනා මණ්ඩලයට බලපෑම් කර ඇත. ඒ පසුපස මහා පරිමාණ මුල්‍ය අක්‍රමිකතාවක් ඇති බව ඉතා පැහැදිළිය. දැන් ප්‍රශ්නය ඇත්තේ යහපාලනය යටතේ මෙවැනි අක්‍රමිකතාවක් මහ දවාලේ සිදුවෙමින් තිබීමය.

Comment (0) Hits: 347

බිලියන 50ක් රටට අහිමි කරන : විදුලි බලයේ ලේකම් B.M.S.බටගොඩගේ ගේමක් මෙන්න

කෙරවලපිටියේ ඉදිකිරීමට නියමිත ස්වාභාවික වායු (LNG) සංයුක්ත චක්‍ර විදුලි බලාගාරයේ ඉදිකිරීම් කොන්ත්‍රාත්තුව, ඒ සඳහා අවම ලංසුව ඉදිරිපත්කර ඇති දේශීය සමාගම නොසලකා හරිමින් චීන සමාගමක් වෙත ලබාදෙන ලෙස විදුලිබල හා බලශක්ති අමාත්‍යංශයේ ලේකම් බී. එම්. එස් බටගොඩ විසින් ප්‍රසම්පාදන අභියාචනා මණ්ඩලය (PAB)  වෙත රහස්‍ය ලිපියක් යොමුකරමින් ඉල්ලා ඇතැයි අමාත්‍යංශ ආරංචිමාර්ග සඳහන් කරයි.

 ලැබී ඇති වාර්තා අනුව සුරේන් බටගොඩගේ මෙම නිර්දේශයට අනුව අදාළ චීන සමාගමට මෙම ටෙන්ඩරය හිමිවුවහොත්, රුපියල් බිලියන 50 ක (මිලියන 50,000)  අලාභයක් රටට සිදුවන අතර විශාල මුදලක් චීනය වෙත ගලා යනු ඇත. 

 පසුගිය සමයේදී රටේ දැඩි ආන්දෝලනයක් ඇති කල මෙම විදුලි බලාගාරය ඉදිකිරීම හා සම්බන්ධ ටෙන්ඩරය ඊට අදාළ තාක්ෂණික සහ මූල්‍යමය ඇගයීම්වලින් අනතුරුව දේශීය සමාගමක් වෙත ලබාදීමට නිර්දේශ විය. 

තාක්ෂණික ඇගයීම් කමිටුවේ (TEC) සහ BMS බටගොඩද සාමාජිකයෙකු වූ කැබිනට් අනුමත ප්‍රසම්පාදන කමිටුවේ (SCAPC) නිර්දේශය නොසලකා හරිමින් අමාත්‍යංශ ලේකම්වරයා විසින් මුල සිටම ඊට දැඩි විරුද්ධත්වයක් දැක්වූ අතර ඒ සම්බන්ධව පසුගිය සමයේ මුද්‍රණය නවත්වනු ලැබූ සත්හඬ පුවත්පත විසින්ද අවස්ථා ගණනක දී අනාවරණය කර තිබිණ.

මුලදී කොරියාවේ සැම්සුන්ග් සමාගම වෙත මෙම ටෙන්ඩරය හිමිකර දීමට සුරේන් බටගොඩ  උත්සාහ කලද සැම්සුන්ග් සමාගමේ ටෙන්ඩරයේ පැවති බරපතළ දෝශ සහගතබව නිසා එම සමාගම ඉවත් කරන ලදි. අනතුරුව GCL China සමාගම වෙතත් මෙම ටෙන්ඩරය හිමිකරදීම සඳහා ඔහු දැඩි ආයාසයක් ගනිමින් සිටියි.

නිසි ක්‍රියාපටිපාටියෙන් බැහැරව ගල් අගුරු මිලදීගැනීම හරහා ශ්‍රේෂ්ඨාධිකරණයේ පවා උදහසට ලක්වූ සුරේන්  බටගොඩ අමාත්‍යංශ ලේකම්වරයා මෙරට රාජ්‍ය සේවයේ සිටින අකාර්යක්ෂම  සහ ප්‍රශ්නකාරී  නිල්ධාරියෙකු ලෙස හැදින්වෙන අතර මෙම සිදුවීම හරහා ඔහු දූෂිතයෙකු වශයෙන්ද කටයුතු කරමින් සිටින බව මනාව පැහැදිලි වෙමින් තිබේ.

විදුලි ඒකකයක මිල රුපියල් 14.97 වන අවම මිල ඉදිරිපත් කල දේශීය සමාගම මින් පෙරද සංයුක්ත චක්‍ර විදුලිබලාගාර ඉදිකර පළපුරුද්ද සහිත සමාගමක් වන අතර විදුලි ඒකකයක මිල ඊට වඩා වැඩි  ( රුපියල් 15.98) චීන සමාගම එවැනි බලාගාර මින් පෙර ඉදිකර නැත. 
මෙගාවොට් 350ක ධාරිතාවයෙන් යුතු මෙම බලාගාරය ඉදිකිරීමෙන් පසු සාමාන්‍යයෙන් වසරකට විදුලි ඒකක මිලියන 2500 පමණ විදුලි බල මණ්ඩලය විසින් මිලදී ගනු ඇති අතර ඉන් සිදුවන පාඩුව ඉතා විශාලය.

 බී.එම්.එස් බටගොඩ අමාත්‍යංශ ලේකම්වරයා විසින් පෙරකී අභියාචනා මණ්ඩලය වෙත ඉදිරිපත් කරන ලද බරපතල දෝශ සහගත ලෙස කරුණු විකෘති කරන ලද පිටු ගණනාවකින් යුතු ලියවිල්ල පවා GCL China  සමාගමට වාසි සහගත ලෙස සකස් කර තිබේ. එහිදී වඩාත් විශ්මය ජනක කරුණ නම් ලේකම්වරයා විසින් අමාත්‍යංශයේ මතය ලෙස එම ලිපිය ඉදිරිපත් කලද එහි සඳහන් කරුණු  පිළිබඳව අමාත්‍යවරයා හෝ රාජ්‍ය අමාත්‍යවරයා දැනුවත් නැති බව අතීශය විශ්වාසදායක ආරංචිමාර්ගයක් විසින් තහවුරු කර තිබීමය.

මෙම ටෙන්ඩරය චීනයට ලබාදීමට අවශ්‍ය කටයුතු සිදුකිරීම හරහා අනීතික ලෙස ලාභ ඉපයීමෙන් නොනැවතී  මෙම ටෙන්ඩරය ප්‍රමාද කිරීම හරහා රට බලශක්ති අර්බුදයකට යොමු කිරීමටත්, විදුලිබල මණ්ඩලය හදිසි මිලදී ගැනීම වෙත යොමු කිරීම හරහා මහාපරිමාණ කොමිස් ඉපයීමේ ජාවාරමකට පාර කැපෙමින් තිබෙන බව  තතුදත් ආරංචි මාර්ග පවසයි. BMS බටගොඩ ලේකම්වරයා පත්වූ දා සිට අද දක්වාම ජාතික විදුලිබල පද්දතියට මෙගා වොට් එකක ප්‍රමාණයක විදුලි බලයක්වත් එක් කිරීමට අපොහොසත් වූ වැඩබැරි  නිලධාරියෙකි.

වර්තමාන රජය විසින් රාජ්‍ය සේවය දූෂණයෙන් සහ දේශපාලන බලපෑම්වලින් තොරව කාර්‍යක්ෂමව මෙහෙයවීම සදහා රාජ්‍ය සේවා කොමිසන් සභාව පිහිටුවීම  වැනි ප්‍රගතිගාමී පියවර ගනු ලැබූවද ඒ හරහා මෙවන් දූෂිත නිලධාරීන් බලවත් වී රටේ ප්‍රධාන කළමණාකරන තීරණ පෞද්ගලික ලාභ ප්‍රයෝජන මත ගනු ලැබීමට පෙළඹීම ඉතා අවාසනාවන්ත තත්වයකි.

Comment (0) Hits: 339

කෝටි දෙකේ අල්ලසේ ඉතිහාස කතාව මෙන්න

ජනාධිපති කාර්යමණ්ඩල ප්‍රධානියා සහ දැව සංස්ථා සභාපති එක්ව රුපියල් කෝටි 2 ක අල්ලසක් ගැනීමට යාම සම්බන්ධ සිදුවීම මේ වන විට බොහෝ දෙනෙකුගේ දුෂණ විරෝධී පතිවත නැවත වටයකින් ප්‍රශ්න කෙරෙන තත්ත්වයක් මතුකර ඇත. 

මේ සම්බන්ධව ආණ්ඩුව චෝදනා ලබමින් සිටින්නේ සම්බන්ධව 2017 මාර්තු 19 සත්හඬ පුවත්පත සිදුකළ අනාවරණය සම්බන්ධව අබමල් රේණුවක හෝ අවධානයක් යොමු නොකළ නිසාය. 

"දින 100 ආණ්ඩුවේ පළමු ආයෝජකයාරටත් එපා වී යන්න සැරසෙයි" යන ශීර්ෂයෙන් යුතුව සිදුකළ එම අනාවරණය මේ මොහොතේ වැදගත් වන්නේ අල්ලස හෝ දුෂණය පුද්ගල බද්ධ කාරණයක් පමණක් නොව නොසැලකිල්ලේ සහ අනවධානය විසින්ද එය නඩත්තු කර පෝෂණය බවට සාක්ෂියක් ඒ හරහා ලැබෙන නිසාය. 

මේ එම අනාවරණයය. 

සන 2
උපුටා ගැනීම - සත්හඬ පුවත්පත 2017 මාර්තු 19 
"දින 100 ආණ්ඩුවේ පළමු ආයෝජකයාරටත් එපා වී යන්න සැරසෙයි" 

ඉඩම් අමාත්‍යාංශයේ බලධාරීන් විසින් වසරකට අධික කාලයක් තිස්සේ ආයෝජන සංවර්ධන කටයුතු සඳහා ඉඩමක් පවරා නොදීම හේතුවෙන්  ‘දින 100 ආණ්ඩුව’ සමයේ මෙරටට පැමිණ ගිවිසුම්ගත වූ පළමු ආයෝජකයා වන MG Sugar Lanka සමාගමට සිය මෙහෙයුම් කටයුතු ආරම්භ කිරීමට නොහැකි තත්ත්වයක් මතුව ඇති බව වාර්තා වෙයි.

අප වෙත වාර්තා වන අන්දමට MG Sugar Lanka සමාගම 2015 වසරේ දී මෙරටට පැමිණ ඇත්තේ කන්තලේ සීනි කර්මාන්තායතනය ප්‍රතිව්‍යුහගත කිරීම සඳහා ශ්‍රී ලංකා ආයෝජන මණ්ඩලයේ ගිවිසුමක් හරහා වන අතර ඍජු විදෙස් ආයෝජනයක් වූ එහි වටිනාකම රුපියල් මිලියන 15,000කි. එම ගිවිසුම අනුව අක්කර 500ක ඉඩම් ප්‍රමාණයක් MG Sugar Lanka සමාගමට හිමි වන අතර ඒ වසර 30ක කාලයක් සඳහාය. එහි දී මේ වන විට අබලන් තත්ත්වයේ ඇති කන්තලේ සීනි කර්මාන්තායතනය මුළුමනින්ම අලු‍තින් ඉදිකිරීමට ද සමාගම ගිවිසුම්ගතව ඇති අතර 2016 අගෝස්තු මාසය වන විට ආයෝජන සංවර්ධන කටයුත්ත ඇරඹීම සඳහා සමාගමේ පාර්ශ්වයෙන් සිදු විය යුතු සියලු‍ කාරණා සපුරා ඇත. එම සමය තුළ ඉඩම් අමාත්‍යාංශය හැර අනෙක් සියලු‍ රාජ්‍ය අංශ ද ආයෝජනය ආරම්භ කිරීම සඳහා අවශ්‍ය නෛතික ප්‍රතිපාදන ලබා දී ඇත. නමුත් ඉඩම් අමාත්‍යාංශය විසින් ආයෝජනය සඳහා වෙන් කෙරුණු ඉඩම පවරා දීම අත්හිටුවා තිබීම සම්බන්ධව සමාගම දිගින් දිගටම කරුණු විමසා ඇති නමුත් ඒ සම්බන්ධව නිශ්චිත කරුණු දැක්වීමක් අමාත්‍යාංශය පාර්ශ්වයෙන් සිදුව නැත.

මේ හේතුවෙන් තමන් මුහුණ දී ඇති දුෂ්කරතාව පිළිබඳ MG Sugar Lanka සමාගමේ අධ්‍යක්ෂ මණ්ඩලය නියෝජනය කරන විදෙස් ජාතිකයන් විසින් පසුගිය දිනක අග්‍රාමාත්‍යවරයා ඇතුළු ආණ්ඩුවේ ප්‍රධානීන් කිහිප දෙනකු වෙත පැමිණිලි කිරීමට කටයුතු කර ඇති අතර එහි දී නව ආණ්ඩුව බලයට පත්වීමෙන් විදෙස් ආයෝජකයන්ට සිදු කළ විවෘත ආරාධනය පිළිගනිමින් පැමිණි තම සමාගමට සිදු කරන අසාධාරණය පිළිබඳ බලවත් කලකිරීමෙන් යුතුව කරුණු දක්වා ඇති බව ද දැනගන්නට ඇත.

අප කළ විමසුමක දී අග්‍රාමාත්‍ය කාර්යාල ආරංචි මාර්ග ද මේ බව  සනාථ කළ අතර අග්‍රාමාත්‍යවරයා  පසුගිය බදාදා (මාර්තු 15) මීට අදාළ  සියලු‍ පාර්ශ්ව කැඳවා සිදු කළ සාකච්ඡාවකින් අනතුරුව කඩිනමින් මෙම ප්‍රශ්නය විසඳා ගැනීමට උපදෙස් ලබා දුන් බව ද එම ආරංචි මාර්ග සඳහන් කරනු ලැබීය.

මේ සම්බන්ධව අප ඉඩම් අමාත්‍යාංශ ලේකම් ආචාර්ය අයි. එච්. කේ. මහනාම වෙතින් විමසූ අතර එහි දී ලේකම්වරයා සඳහන් කර සිටියේ කන්තලේ සීනි කර්මාන්තායතනය වෙනුවෙන් MG Sugar Lanka සමාගමට ඉඩම් නිදහස් කිරීමේ දී පැවති නෛතික ගැටලු කිහිපයක් හේතුවෙන් අදාළ පමා වීම සිදු වූ බවය. එසේම අග්‍රාමාත්‍යවරයාගේ මූලිකත්වයෙන් පසුගිය

බදාදා (මාර්තු 15) සිදු කළ සාකච්ඡාවේ දී ලබා දුන් උපදෙස් අනුව ඉඩම පැවරීමට අදාළව පැනනැඟී ඇති නෛතික ගැටලු තම අමාත්‍යාංශය විසින් මේ වන විටත් නීතිපතිවරයා වෙත ලබා දී ඇති බවත් ඒ අනුව ඉදිරි දින කිහිපය තුළ මෙම ගැටලු‍ව විසඳෙනු ඇති බවත් ලේකම්වරයා පැවසීය.

කෙසේ වුවත් මෙතැන ඇති පළමු ගැටලු‍ව වන්නේ අදාළ ගිවිසුම අත්සන් කරනු ලැබූ අවස්ථාවේ සිට වසර දෙකක් යනතුරු ආයෝජන ව්‍යාපෘතියක් ආරම්භ කිරීමට ඇති නෛතික බාධාව ඉවත් කර ගන්නට අසමත් වීම සහ එම නෛතික බාධාව කුමක්ද යන්නය. මේ සම්බන්ධව අප ඉඩම් අමාත්‍යාංශ ලේකම්වරයා වෙතින් කරුණු විමසීමේ දී ඒ කුමක්ද යන්න ගැන නිශ්චිතව සඳහන් කෙරුණේ නැත. ඉතින් මේ කුමන හෝ හේතුව මත මතුව ඇති වත්මන් තත්ත්වය කියා පාන්නේ නිල ගිවිසුමකින් පසුවත් ඉඩමක් නිදහස් කරගැනීම වැනි සරල කරුණකට පවා අග්‍රාමාත්‍යවරයා හෝ ජනාධිපතිවරයා මැදිහත් නොවන්නට ඊට විසඳුමක් නොමැති බවය. එසේම එය වසර ගණනාවක් ප්‍රශ්නයක් ලෙස දින නියමයක් නොමැතිව ඉදිරියට ඇදෙන බවය.

රටේ ආර්ථික තත්ත්වය ඉතා අයහපත් තත්ත්වයක පැවතීමත් වත්මන් ආණ්ඩුව අපේක්ෂා කළ අන්දමේ ඍජු විදෙස් ආයෝජන මෙරටට නොපැමිණීමත් හේතුවෙන් මේ කාරණයට විශේෂ අවධානයක් යොමු කරන්නට අපට සිත් විය.

MG Sugar Lanka සමාගම කන්තලේ සීනි කර්මාන්තායතනය ප්‍රතිව්‍යුහගත කිරීම සඳහා ගිවිසුම්ගත වන්නේ 2015 ජූලි 27 වනදා ය. ශ්‍රී ලංකා ආයෝජන මණ්ඩලයේ සභාපති උපුල් ජයසූරිය මහතා සහ එම්. ජී. සුගර් ලංකා පෞද්ගලික සමාගමේ සභාපති මෙන්ඩල් ග්ලක් ඒ වෙනුවෙන් වන ගිවිසුමට අත්සන් තබන අතර ඒ සමයේ ඉඩම් අමාත්‍ය ධුරය හිමිව තිබුණේ දිවංගත  එම්.කේ.ඩී.එස්. ගුණවර්ධන වෙතය. ඒ සමයේ ද ඉඩම් අමාත්‍යාංශයේ ලේකම්වරයා වූයේ ආචාර්ය අයි. එච්. කේ. මහනාම ය.

සමාගම සහ රජය අතර ඇති වූ ගිවිසුම අනුව MG Sugar Lanka සමාගම කන්තලේ සීනි කර්මාන්තායතනය මුළුමනින්ම නවීකරණය කළත් එහි හිමිකාරීත්වයේ කොටස් තීන්දු වන්නේ රජයට 51%ක් සහ සමාගමට 49% ක් වශයෙන්ය. එසේම මෙම යෝජනා ව්‍යාපෘතිය හරහා වාර්ෂිකව සීනි මෙට්‍රික් ටොන් 80,000ක් නිෂ්පාදනය කිරීමට අපේක්ෂා කළ අතර මෙරට සීනි ආනයනය සඳහා වැය වන විදෙස් විනිමයෙන් 20% ක් පමණ අඩු කරගන්නට ඒ තුළ අවස්ථාව තිබිණ. මේ සඳහා MG Sugar Lanka සමාගම රුපියල් මිලියන 15,000ක් ආයෝජනය කරන අතර ඒ සියලු‍ මුදල් මෙරටට එන්නේ ඍජු විදෙස් ආයෝජනයක් වශයෙන්ය. එනම් සමාගම මෙරට බැංකු හෝ රජයෙන් ඒ සඳහා මූල්‍ය පහසුකම් ලබා නොගන්නා බවය.

එසේම මෙම ව්‍යාපෘතිය හරහා නව ඍජු රැකියා 2,500ක් මෙන්ම වක්‍ර රැකියා අවස්ථා 15,000 කට ආසන්න ප්‍රමාණයක් හිමි වන අතර සීනි නිෂ්පාදනය ආශ්‍රිත දැනට ලෝකයේ භාවිත කරන නවීනතම තාක්ෂණය ගෙන ඒම ද ඊට අයත්ය.

මීට අමතරව සීනි නිෂ්පාදනය හැරුණු විට එහි ප්‍රධාන අතුරුඵලය වන මොලෑශ් හරහා වාර්ෂිකව එතනෝල් මිලියන 10ක් නිපදවන්නටත්, උක් රොඩු ඇසුරින් (Bagasse) බොයිලේරු ක්‍රියා කරවීමත් සැලසුම වී ඇත. ඒ තුළ වාර්ෂිකව මෙගා වොට් 38-40 ක විදුලියක් උත්පාදනය කිරීමටත් එයින් සමාගමේ කටයුතු සඳහා අවශ්‍ය මෙගාවොට් 6-8 ප්‍රමාණය හැරුණු විට ඉතිරි විදුලි බලය මෙරට ජාතික විදුලිබල පද්ධතියට එක්කිරීමත් මෙම ව්‍යාපෘතිය තුළ ඇතුළත්ව ඇත. එසේම ව්‍යාපෘතියෙන් මුදාහැරෙන ජලය නැවත යොදාගත හැකි අයුරින් භාවිත කිරීමත් ඉන්ධන දහනයක් නොමැතිකමත් හේතුවෙන් මෙය පරිසර හිතකාමී ව්‍යාපෘතියක් බව ද අමුතුවෙන් නොකිවමනාය.
තවද ආයෝජන මණ්ඩලය සහ රජය සමඟ ගිවිසුම්ගත වීමෙන් අනතුරුව MG Sugar Lanka සමාගම ව්‍යාපාරික ශක්‍යතා අධ්‍යයනයන් සිදුකර පස් සහ වායු සාම්පල් පරීක්ෂාවන් සිදු කිරීම්, ව්‍යාපාරික සැලසුම් සම්පාදනය වෙනුවෙන් දකුණු අප්‍රිකානු BOSCH සමාගම කැඳවීම, පාරිසරික ඇගයීම් වාර්තාව, භූ මැනුම් කටයුතු ආදිය වෙනුවෙන් ඇමරිකානු ඩොලර් මිලියන 7.5 කට ආසන්න වැයක් දරා ඇත. එසේම සමස්ත උක් වගා බිම සඳහා අවශ්‍ය බීජ උක් ලබා දීම සඳහා උක් පර්යේෂණ ආයතනය ද රුපියල් මිලියන 25 - 30 ක වියදමක් දරා ඇත.

ඉතින් මේ සැලකිය යුතු වැදගත්කමකින් යුතු මේ ආයෝජන ව්‍යාපෘතියට අදාළව පැනනඟින ප්‍රශ්න ගැන මහානාම ලේකම්තුමා දැන නොසිටියේද යන්නත් ප්‍රශ්නයක් පැමිණෙන බව කල් තියා හඳුනා ගත්තා නම් ඒ බව ආයෝජකයා මෙන්ම වෙනත් වගකිවයුතු පාර්ශ්ව දැනුවත් නොකළේ මන්ද යන්න ද අප හමුවේ ප්‍රශ්න ලෙස ඉතිරිව ඇත. ඊට අමතරව අප වෙත වාර්තා වී ඇති ආකාරයට දැනට කන්තලේ සීනි කර්මාන්තායතනයේ ඇති යකඩ ගොඩ කාටද වැනි ප්‍රශ්නයක් තුළ මෙකී ආයෝජන පමා වෙනවා නම් ආණ්ඩුවට හෙට දිනයේ ඍජු විදෙස් ආයෝජන කැඳවීම වෙනුවෙන් මොන තොවිලය නැටුව ද අපේක්ෂිත ප්‍රතිඵල නොලැබීම නම් ස්ථීරය.

- සංජය ලියනගේ
උපුටා ගැනීම අවසන්

Comment (0) Hits: 366

ජනාධිපති කාර්යමණ්ඩල ප්‍රධානියාට නාගරාජා පෙනේ පුප්පයි : ලොක්කා අල්ලස් දැලේ

ජනාධිපති කාර්ය මණ්ඩල ප්‍රධානී අයි.කේ.මහානාම (ඔව්, ජනාධිපති මෛත්‍රීපාල සිරිසේනගේ කාර්ය මණ්ඩල ප්‍රධානියා) සහ රාජ්‍ය දැව සංස්ථාවේ සභාපති පී.දිසානායක (ඔව්, හිටපු ජනාධිපතිනියගේ කාර්ය මණ්ඩල ප්‍රධානියා)  අල්ලස් හෝ දූෂණ විමර්ශන කොමිෂන් සභාව විසින් අත්අඩංගුවට ගනු ලැබ ඇත.

රුපියල් කෝටි දෙකක පමණ මූල්‍ය අල්ලසක් ලබා ගනිමින් සිටියදී මෙම  රාජ්‍ය නිලධාරීන් දෙදෙනා අල්ලස් කොමිෂන් සභාවේ නිලධාරීන් අත්අඩංගුවට ගත්බව එහි ආරංචිමාර්ග තහවුරු කර සිටියි. 

මෙම අල්ලස් ගැනීම සිදුව ඇත්තේ කොළඹ පිහිටි ටාඡ් සමුද්‍රා  හෝටලයේදී ය.

දිසාගේ පුතා එජාප ප්‍රබලයකුගේ බෑනා 

එසේම සංස්ථාවේ සභාපති පී.දිසානායක  පුත්‍ර‍යා ද මෙම අල්ලස්  ( ඔහු කුරුනෑගල දිස්ත්‍රික්කය නියෝජනය කරන එජාප පාර්ලිමේන්තු මන්ත්‍රීවරයෙකුවූ අලවතුවලගේ ගේ බෑනා ය) ගැනීමේ කාර්යයට සම්බන්ධ බවට වාර්තා වී ඇති බව අල්ලස් කොමිසමේ ආරංචිමාර්ග සඳහන් කරයි.

අත්අඩංගුවට ගැනුණු අයි.කේ.මහානාම, ජනාධිපති කාර්ය මණ්ඩල ප්‍රධානියා ලෙස මෑතදී පත්වීම් ලද රාජ්‍ය නිලධාරියෙකු වන අතර ඊට පෙර ඔහු ඉඩම් අමාත්‍යාංශයේ ලේකම්වරයා ලෙස ක්‍රියා කළේය.

කැෆේ  කීර්තිගේ අනාවරණය 

ගෙවී යන්නේ වෙසක් සමයයි. "ජනාධිපති කාර්යමණ්ඩල ප්‍රධානියාට  නාගරාජා පෙනේ පුප්පයි : ලොක්කා අල්ලස් දැලේ" යන ශීර්ෂයට "නාගරාජා කතා වස්තුව" කීවාද වරදක් නැත. ඒ මේ අත්දැකීම අපේ කාලයේ ජාතක කතාවක් ලෙස අපට ඉගෙන ගන්න දෑ බොහොමයක් එක්කරන නිසාය.

"කන්තලේ මගඩියේ ජනාධිපති කාර්ය මණ්ඩල ප්‍රධානියා ගැන කැෆේ ප්‍රධානියා කියන කතාව" යන ශීර්ෂයෙන් යුතුව මීට පෙර මේ ගැන පුවතක් newstube.lk වෙබ් අඩවියේ පළව ඇත. 

කතාවේ මුල ඇත්තේ දින 100 ආණ්ඩුවේ මුල 

මේ සුදානම එහි මුල මැද ගලපන්නය. කතාව ආරම්භ වන්නේ යහපාලනයේ "දින 100" ආණ්ඩුවෙන්ය. දින 100 ආණ්ඩුවේ ප්‍රධාන පෙළේ දේශපාලනඥයකු එම ආණ්ඩුව පිහිටුවීමේදී ඉඩම් අමාත්‍යංශය පවරා ගන්නේ කන්තලේ ප්‍රදේශයේ ඉඩම් සහ නිවාස  නොමැති තම  පාක්ෂිකයන්ට සැළකීමට අවශ්‍ය බව දන්වමින්ය.

ඒ අනුව එම දේශපාලනඥයාට ඉඩම් අමාත්‍යංශය මෙන්ම කන්තලේ ප්‍රදේශයේ ඉඩම් අක්කර 45 000 ක් ද අදාළ කටයුත්ත සඳහා හිමිවෙයි. එහෙත් පොතේ සඳහන්ව ඇත්තේ ඉඩම් අක්කර 21 000ක් ලෙසය. මේ ප්‍රකට දේශපාලනඥයා කන්තලේ ශ්‍රීලනිප සංවිධායක වූ බැවින් ඔහුට කන්තලේ මේ බිම හිමිවන අතර ඒ අතර වැව් 21 ක් පමණද වෙයි. මේ අදාළ ඉඩම් කොටස ඉහළ වටිනාකමක් ගන්නේ මැණික් ඉල්ලම්ද රාශියක් එහි වන නිසාය. එසේම අදටත් මේ ප්‍රදේශයේ නීති විරෝධී මැණික් ගැරීම ජාවාරමක් ලෙස සිදුවන්නේය.
කෙසේ හෝ වේවා මේ ඉඩම් ප්‍රමාණයෙන් කොටසක් ව්‍යාපාරික ආයෝජන සඳහා මුදාහරින්නට ඒ සමයේ ඉහත කී  දේශපාලනඥයා සමඟ රජය තීන්දු කරන අතර ඒ ආයෝජනය

ඇමරිකානු ඩොලර් මිලියන 100කි. 

එම්ජී සුගර් නම් ඉන්දීය සමාගම මේ සඳහා ඉදිරිපත් වන අතර කන්තලේ සීනී කර්මාන්තය නැවත ඇරඹීම ඇතුළුව  ‘කන්තලේ ප්‍ර‍තිසංස්කරණ ව්‍යාපෘතිය‘ ලෙඅ එය නම් වෙයි.

ගලධාරියේ කමල් සහ මිතුරන් සමඟ නාගරාජා කරළියට 

එම්ජී ෂුගර්ස් වෙනුවෙන් ආයෝජකයා ලෙස ඉදිරිපත්වන්නේ ඉන්දීය ව්‍යාපාරික නාගරාජා නම් පුද්ගලයා වන අතර අදාළ ආයෝජනය BOI ව්‍යාපෘතියක් ලෙස ඉදිරිපත් වෙයි. ඒ අනුව එම සමාගමට ඩොලර් මිලියන 10ක තැම්පතුවක්ද සිදුකිරීමට නියම වෙයි. 

මෙම ව්‍යාපෘතිය වෙනුවෙන් නාගරාජා මැදිහත් කරගනු ලබන්නේ ගලධාරී හෝටලයේ පස්වන මහලේ ජීවත් වන කමල් ඉරුගල්බණ්ඩාර නම් තැරව්කාර ව්‍යාපාරිකයාය. එම ආයෝජනය එවකට ඉඩම් අමාත්‍යංශය වෙත සම්බන්ධ කරන්නේද කමල් ඉරුගල්බණ්ඩාරගේ ව්‍යාපාරික මිතුරන් පිරිසක්ය.

ප්‍රියන්ත, මාවනැල්ලේ බණ්ඩාර, අජිත්, හබරකඩ හෝටල් සරත් යන අය ඒ අතර ප්‍රධානය. ඒ සමයේ ජනාධිපති කාර්ය මණ්ඩල ප්‍රධානී අයි.කේ.මහානාම කටයුතු කරමින් සිටියේ ඉඩම් අමාත්‍යංශයේ ලේකම් වශයෙන්ය. අයි.කේ.මහානාම හබරකඩ හෝටල් සරත් ගේ හිතවතෙකු වන අතර කමල් ඉරුගල්බණ්ඩාර අතරමැදියා ලෙස නාගරාජා නම් ඉන්දීය ව්‍යාපාරිකයා අදාළ ආයෝජනය වෙනුවෙන් සම්බන්ධ වන්නේද මේ දිගු හිතවත්කම හරහාය.

එසේම මේ සඳහා ජපන් බණ්ඩාර, දීපිකා, කන්තලේ සීනි සමාගමේ ඉහළම පෙළේ නිලධාරියකු, ලන්ඩනයේ ශ්‍රී ලංකා මහකොමසාරිස් කාර්යාලයේ ප්‍රධානියෙකුද මැදිහත්ව ඇත. 

ප්‍රබල දේශපාලනඥයා වෙත ඇමරිකානු ඩොලර් මිලියන 2ක් 

කෙසේ වුවත් කන්තලේ සීනි සමාගම ඇතුළුව ඒ ආශ්‍රිත ඉඩම් ප්‍රමාණයක් ලබාදීම වෙනුවෙන් අදාළ ප්‍රබල දේශපාලනඥයා වෙත ඇමරිකානු ඩොලර් මිලියන 2ක් ලබාදීමට නාගරාජා වෙත නියමව ඇත. එසේම එහි අමාත්‍යංශ පරිපාලන වගකීම ඉටුකිරීම සඳහා තවත් ඇමරිකානු ඩොලර් ලක්ෂ 5ක් එවකට ඉඩම් අමාත්‍යංශයේ ලේකම් වූ අයි.කේ.මහානාම වෙත ලබාදෙන්නටද නාගරාජා ට සිදුවෙයි.

මේ අතර තුර කාලයේදී ප්‍රබල දේශපාලනඥයා මියයන අතර ඉන් අනතුරුව ක්‍රියාත්මක වන ඉඩම් අමාත්‍යංශයේ ලේකම් වූ අයි.කේ.මහානාම  රුපියල් කෝටි 10ක්  ගැනීම වෙනුවෙන් නාගරාජා වෙත බලපෑම් කරන්නට ගෙන ඇත.

අයි.කේ.මහානාම : කෝටි 10ක්  කඩන්න ගේමට බහී 

එහෙත් එම සම්පුර්ණ මුදල ලබාදීමට නාගරාජා ප්‍රතික්ෂේප කිරීම තුළ ඉඩම් අමාත්‍යංශයේ ලේකම් වූ අයි.කේ.මහානාම ඔහුට බලපෑම් කරන්නේ අදාළ ආයෝජන ව්‍යාපෘතිය සඳහා වූ කැබිනට් සංදේශය දෝෂ සහගතව සකස් කිරීමය. ඒ නිවැරදි කර ඉදිරිපත් කරන්නට නම් අදාළ කෝටි 10 ක් තමාට ලබාදිය යුතු බව අයි.කේ.මහානාම විසින් නාගරාජා වෙත අවස්ථා ගණනාවකදී බලපෑම් කළ බවද මේ වන විට අනාවරණය වී ඇත.

එසේම එම මුදල ලබා නොදෙන්නේ නම් BOI ව්‍යාපෘතිය සාර්ථක කර ගැනීමට තම අත්සන ලබානොදෙන බවටද ඔහු තර්ජනය කර ඇති බවද වාර්තා වෙයි. 

එසේ වුවත් නාගරාජා දිගින් දිගටම උත්සාහ කර ඇත්තේ අයි.කේ.මහානාම මඟහැර සිය ආයෝජන අවස්ථාව ලබා ගැනීමටය.

නාගරාජාට : මලික් - ජෝන් පිහිට වෙයි 

නාගරාජා වෙත ඒ අවස්ථාව හිමිවන්නේ ඉහත කී දේශපාලන ප්‍රබලයාට පසුව ඉඩම් අමාත්‍යධුරය ලබා ගන්නා ජෝන් අමරතුංග සමයේදී ය. ඒ සමයේ මලික් සමරවික්‍රම අමාත්‍යවරයා හරහා අමාත්‍ය ජෝන් අමරතුංග සම්බන්ධ කරගෙන කන්තලේ ව්‍යාපෘතිය සඳහා ඉඩම ලබා ගැනීමට  ගිවිසුම් අත්සන් කරගෙන ඇත.

පසුව ඔහු ඒ වන විටත් ඩොලර් මිලියන 10ක් ආයෝජනය සඳහා යටකර තිබු නිසාත්  ඉදිරි ආයෝජන කටයුතු සඳහාත් කන්තලේ සීනි කර්මාන්තශාලාවේ තිබු අබලි යකඩ විකුණා ගැනීමට ඉල්ලා ඇති අතර එහෙත් එම අවස්ථාවේ අමාත්‍යංශ ලේකම් මහානාම සිය බලතල යොදා එය ප්‍රතික්ෂේප කර ඇත.

පසුව මුදල් අමාත්‍යංශයේ නීති නිලධාරියෙකුද ඇතුළත්ව එම ප්‍රශ්නය විසඳීම සඳහා කමිටුවක් පත්කර ඇති අතර එහි සභාපතිවරයා වී ඇත්තේද මහානාම ය. එසේම කර්මාන්ත ශාලාවේ අබලි ද්‍රව්‍ය ආයෝජකයාට නොමිලේ විකුණා ගැනීමට අවස්ථාව ලබාදීම ගැන ප්‍රදේශයේ ජනතාවද විරෝධය දක්වා ඇති අතර එම ප්‍රශ්නය අවසානයේ ජනාධිපතිවරයා වෙත පැමිණිල්ලක් ලෙස ඉදිරිපත්ව ඇත.

එහිදී ජනාධිපතිවරයා අදාළ කමිටුව විසුරවා අබලි යකඩ තරගකාරී මිලකට වෙන්දේසි කරන ලෙස දන්වා ඇත.
කෙසේ වුවත් මහානමගේ බලපෑම් හේතුවෙන් වසර දෙකක් පුරා ‘එම්.ජී. සුගර් හා රජය ‘ජාත්‍යන්තර බේරුම්කරණයට‘ යන තැනට වැඩ සිදුව ඇති අතර නාගරාජා ද උත්සාහ දරා ඇත්තේ කෙසේහෝ තම ආයෝජන අවස්ථාව ලබා ගැනීමටය.

ඒ හමුවේ මහානාම ද උත්සාහ දරා ඇත්තේ කෙසේ හෝ අදාළ අල්ලස නාගරාජා වෙතින් ලබා ගන්නටය.

මහානාම ජනාධිපති කාර්ය මණ්ඩල ප්‍රධානියා වෙයි 

ඉබ්බා දියට දැම්මා මෙන් මහානාම නම් තක්කඩි නිලධාරියාට මීට මාස කිහිපයකට පෙර මෛත්‍රීපාල සිරිසේන ජනාධිපතිගේ කාර්ය මණ්ඩල ප්‍රධානියා ලෙස පත්වීම ලැබෙන්නේ ඔය අතර තුරේය. එතැන් පටන් තම නිලය යොදාගෙන මහානාම නම් දුෂිතයා නාගරාජා වෙත බලපෑම් කරමින් අදාළ අල්ලස කෙසේ හෝ ලබා ගන්නට උත්සාහ ගෙන ඇත. 

නාගරාජා පෙනේ පුප්පයි : මහානාම කොටුවෙයි 

දිගින් දිගටම සිදුවන මෙම රාජ්‍ය නිලධාරී බලපෑම ඉවසාගත නොහැකිවූ නාගරාජා අවසානයේ කොටි 10 අල්ලසින් එක් වාරිකයක් ලෙස කෝටි දෙකක මුදලක් දෙන්නට පොරොන්දුවී ඇත්තේ ඒ අනුවය. එහෙත් ඒ අදාළ ආයෝජනය ලබාගන්න නොව ජනාධිපතිවත් අපකීර්තියට පත්කරන මේ දුෂිත නිලධාරියා අල්ලස් කොමිසමට අල්ලා දෙන්නය.

අද මහානාම සහ දිසානායක යන අන්ත දුෂිත නිලධාරීන් අල්ලස් කොමිසම අත්අඩංගුවට ගත්තේ ඒ අනුවය. 

ආණ්ඩුවේ දුෂණ විරෝධී වාචාලයනි, ගාමිණි සෙනරත්ගේ බඩ : හිනා වෙලාම කොර වෙලා ඇති 

ඒ අනුව පෙනී යන්නේ දේශපාලනඥයින් අමාත්‍යංශ ලැබීමේදී සිය විෂය පථ ගැන මාරාන්තිකව උනන්දු වන්නේ ජනතාවට සේවය කිරීමට වඩා පරම්පරා ගණනකට මල්ල පුරවා ගන්න අවස්ථාව ගැනීම සඳහා බවය. එසේම රාජ්‍ය නිලධාරී තන්ත්‍රය දේශපාලනඥයින් පරදවන තැනට මේ වන විට දුෂිතව ඇති බවය. සියල්ලට වඩා වැදගත් වන්නේ හිටපු ජනාධිපති මහින්ද රාජපක්ෂගේ කාර්ය මණ්ඩල ප්‍රධානී ගාමිණි සෙනරත්ගේ මහා පරිමාණ අන්ත දුෂිත ඉපයීම් ගැන විමර්ශන සිදුකිරීමට අංජනම් බලමින් සිටින අතරවාරයේ මෛත්‍රී ජනාධිපතිගේ කාර්ය මණ්ඩල ප්‍රධානියා අල්ලස් දැලට හසුවීමය. ඒද නිකං නොව ජනාධිපතිගේ අමාත්‍යංශයක ආයතන ප්‍රධානියෙකු වූ දැව සංස්ථා සභාපතිවරයා සමඟය. 

ජනවාරි 08 වෙනසේ අදට ඉතිරිව ඇති එකම වෙනස මේ ආකාරයට ලොකු මෝරෙකු අල්ලස් දැලට හසුකර ගන්න අවස්ථාව හිමිවීමය. මේ ගැන ජනාධිපති කාර්යාලයේ ඉහළ නිලධාරියෙකු  ජනාධිපතිවරයා දැනුවත් කළ අවස්ථාවේ ජනාධිපතිවරයා සඳහන් කර ඇත්තේද "තරාතිරම අවශ්‍ය නෑ, නීතිය හරියට ක්‍රියාත්මක කරන්න " කියාය.

එහෙත් මේ අනාවරණය අප අවසන් කරන්නේ මේ කතාවේ දැනට අනාවරණය නොවූ කොටසක් ද ඇති බවට ඔබට දන්වමින්ය.  ආරම්භයේ සඳහන් කළ ලෙස මේ කතාවේ අප ඔබට ගෙනවිත් ඇත්තේ මුල සහ මැද පමණය. අග තවමත් විමර්ශනයේය.

Comment (0) Hits: 857

ශ්‍රී ලංකා ටෙලිකොම් - මොබිටෙල් : දුෂණ හොයන්න ජනාධිපති කොමිසමක්

ජනාධිපතිවරයා දුෂණයට ඔතරම් විරුද්ධ නම් ශ්‍රී ලංකා ටෙලිකොම් - මොබිටෙල් සඳහා ජනාධිපති විමර්ශන කොමිසමක් පත්කළ යුතු බව එම ආයතනයේ සේවකයින් සඳහන් කරයි.

ඒ  මේ වන විට එම ආයතනය බරපතල සැක සහිත ගනුදෙනු වලින් පිරීගත්  අන්ත දුෂිත මෙන්ම ඉතිහාසයේ කිසිදා නොවූවිරූ පාඩුවක් ලබන තැනට පත්ව ඇති නිසාය.
රහසේ සිදුකළ ඩොලර් මිලියන 85 (රුපියල් බිලියන 13 කට අධික ) ගනුදෙනුව 

වාර්තා වන තොරතුරු අතුරින් ශ්‍රී ලංකා ටෙලිකොම් - මොබිටෙල් හී සිදුව තිබෙන එවැනි අතිශය සැකසහිත ගනුදෙනුවක් වන්නේ Mobitel - stage 8  (upgrade) ටෙන්ඩරය Huawei සමාගමට සහ ZTE සමාගමට ලබාදී ඇති ආකාරයයි. 

Huawei සමාගමට ලබාදී ඇති ටෙන්ඩරයේ වටිනාකම  ඇමරිකානු ඩොලර් මිලියන 79 ක් වන අතර  ZTE සමාගමට ලබාදී ඇති ටෙන්ඩරයේ වටිනාකම ඇමරිකානු ඩොලර් මිලියන 6 කි. 

මෙහි ඇති ගැටළුව වන්නේ ඇමරිකානු ඩොලර් මිලියන 85ක් තරම් ඇති විශාල වටිනාකමකින් යුතු  අදාළ ගනුදෙනුව සිදුකිරීමේදී කිසිඳු ටෙන්ඩර් පටිපාටියක් අනුගමනය කර නොතිබීමය.  මෙවැනි අධික වැයක් දරන්නට සිදුවන ගනුදෙනුවකදී ඒ සඳහා කැබිනට් අනුමැතිය මෙන්ම විධිමත් ප්‍රසම්පාදන ක්‍රියාවලියක් තුළ සිදුකිරීම නෛතික අවශ්‍යතාවක් වුවත් ඒ ගැන කිසිඳු තැකීමක් ටෙලිකොම්- මොබිටෙල් පරිපාලනය සිදුකර නොමැත.

සේවක පිරිස් සඳහන් කරන ආකාරයට මෙම ගනුදෙනුව මුළුමනින්ම පසුගිය වසරේ සිදුකොට ඇත්තේ ටෙලිකොම් සභාපති කුමාරසිංහ සිරිසේනගේ මැදිහත්වීම මතය.

සභාපති කුමාරසිංහගේ චීන සංචාරයට - Huawei අනුග්‍රහය 

එසේම මෙම ගනුදෙනුව තවදුරටත් සැක උපදවන කාරණයක් වන්නේ පසුගිය සිංහල - හින්දු අවුරුදු සමයේ එනම් අප්‍රේල් 16 සිට 22 දක්වා පී.ජී කුමාරසිංහගේ සමස්ථ පවුලටම චීන සංචාරයක් සඳහා Huawei සමාගම අනුග්‍රහය දක්වා ඇති බවද සේවක පිරිස් එල්ල කරන චෝදනාවය.

IT අංශයත් Virtusa සමාගමට : වසරකට රුපියල්  බිලියන 1ක් වැය බරක් 

එපමණක් නොව මේ වන විට ශ්‍රී ලංකා ටෙලිකොම් හී IT අංශය නංවාලීම සඳහා කියමින් Virtusa සමාගමට ලබාදීමේ සුදානමක් පවතින බවද වාර්තා වෙයි. ඒ පිළිබඳ සේවක පිරිස් අනාවරණය කරමින් සඳහන් කරන්නේ IT අංශයේ සමස්ථ ක්‍රියාවලිය වසරකට  රුපියල් බිලියන 1ක් ගෙවා  අදාළ සමගම හරහා සිදුකර ගැනීමේ  අපේක්ෂාවෙන් මෙම කටයුත්ත දියත්කර ඇති බවය.

එහිදීද කිසිඳු ටෙන්ඩර් කැඳවීමක් හෝ විධිමත් ප්‍රසම්පාදන ක්‍රියාවලියක් සිදුව නොමැති බවද ඔවුන් සඳහන් කරයි. එපමණක් නොව ශ්‍රී ලංකා ටෙලිකොම් හී හදවත බඳු IT අංශය පෞද්ගලික සමාගමක් හරහා කරවා ගැනීමට යාම තුළ සමස්ත ආයතන පද්ධතියම අවධානමේ වැටීමක් සිදුවන බවද ඔවුන් පෙන්වා දෙයි. 

හැමෝම නොදැක්කා වගේ ඉන්නේ ජනාධිපතිගේ සහෝදරයා නිසා 

මේ පිළිබඳ තොරතුරු අනාවරණය කරන පාර්ශව සඳහන් කර සිටින්නේ මේ කිසිඳු සැකකටයුතු ගනුදෙනුවක් සම්බන්ධව මාධ්‍ය හෝ වගකිවයුතු පාර්ශව කතා නොකරන බවත් ශ්‍රී ලංකා ටෙලිකොම් සභාපති පී.ජී.කුමාරසිංහ , ජනාධිපති මෛත්‍රීපාල සිරිසේනගේ සහෝදරයාවීම ඊට හේතුවී ඇති බව තමන් විශ්වාස කරන බවය. 

සභාපති කොච්චර දක්ෂද : 5 ගුණයකින් ණය බර වැඩි කර ඇත !

එසේම වත්මන් සභාපතිවරයා යටතේ ශ්‍රී ලංකා ටෙලිකොම් හී කඩාවැටීම පෙන්වා දෙමින් තොරතුරු මුලාශ්‍ර සඳහන් කරන්නේ මේ වන විට රුපියල් බිලියන 35 කට අධික ණයක් සහිතව ආයතනය මුල්‍ය අර්බුදයකට ගමන් කර ඇති බවත් ආයතනය පවත්වාගෙන යන්නේ මහජන බැංකුවෙන් ලබාගත් බැංකු අයිරාවකින් බවය. 

එහෙත් වත්මන් ආණ්ඩුව බලයට පත්වන විට ශ්‍රී  ටෙලිකොම් හී ණය ප්‍රමාණය රුපියල් බිලියන 6.9 ක් පමණක් වූ බවත් ඒ ණයද සමාගම ගෙන ඇත්තේ ආයතනය වර්ධනය කිරීමට අවශ්‍ය ව්‍යාපෘති සඳහා බවද වාර්තා වෙයි.

මිලියන 500 ක පාඩුවක් !

ඒ අනුව ආයතනයේ ණය 5 ගුණයකින් පමණ වැඩිකිරීම හැර ආයතනයේ යහපත වෙනුවෙන් වත්මන් සභාපතිවරයා සිදුකළ කිසිඳු සේවයක් නොමැති බවද සඳහන් වෙයි. එසේම   ආයතනය රුපියල් මිලියන 500ක පමණ බරපතල පාඩුවක්  ලබමින් සිටින බව ඒ හේතුවෙන් සේවකයින්ගේ බෝනස් ගෙවීමට පවා නොහැකි තත්ත්වයක් උද්ගතව පවතින බවත්  සඳහන් කරන තොරතුරු මුලාශ්‍ර වැඩිදුරටත් සඳහන් කර සිටින්නේ මේ ආකාරයට තවත් කාලයක් ගියහොත් ශ්‍රී ලංකා ටෙලිකොම් බංකොලොත්වීමේ අවධානමක්ද පවතින බවය.

kiththiසභාපතිගේ අහිංසක ආසාව : කිත්ති පෙරේරා කොහොම හරි CEO කරන්න 

මේ අතර ශ්‍රී ලංකා ටෙලිකොම් හී විධායක නිලධාරී කිත්ති පෙරේරා මේ වන විටත් පුරප්පාඩුව පවතින ප්‍රධාන විධායක නිලධාරී තනතුර සඳහා යොදා ගැනීමේ උත්සාහයකද සභාපතිවරයා නිරතව සිටින බව වාර්තා වෙයි. 

ටෙලිකොම් සභාපති කුමාරසිංහ මේ සම්බන්ධව "කිත්තිව CEO කරමු. මට ඒකට ඔයාලගේ උදව් ඕන" යනුවෙන්  අධ්‍යක්ෂ මණ්ඩලයටද පවසා ඇති බවත් වාර්තා වෙයි.   අයතා ඉපයීම් සම්බන්ධව දුෂණ චෝදනා ලාභියකු වන කිත්ති පෙරේරා  ප්‍රධාන විධායක නිලධාරියා ලෙස පත්වුවහොත් ශ්‍රී ලංකා ටෙලිකොම් පවතින තත්ත්වයද ඊට අහිමි වන බව මෙන්ම මේ වන විටත් ප්‍රධාන විධායක නිලධාරී තනතුර සඳහා ඇබෑර්තු නිවේදනයේ දැක්වෙන සුදුසුකම් ද කිත්ති පෙරේරා සපුරා නොමැති බවද වැඩිදුරටත් වාර්තා වෙයි.

සභාපතිගේ දෑත් ශක්තිමත් කරන්න : රාජපක්ෂ නඩය හරි හරියට වැඩ 

එසේම කිත්ති පෙරේරා ඇතුළු රාජපක්ෂ හිතවාදී නඩයක්ම මේ වන විට සභාපතිවරයා සමඟ මෙම දුෂිත ගනුදෙනු රැසක නිරතව සිටින බවත් එය ජනාධිපතිවරයාගේ දේශපාලන කීර්ති නාමයට බරපතල හානිකර තත්ත්වයක් බවද ඔවුන් සඳහන් කරයි.

ඒ අනුව තොරතුරු මුලාශ්‍ර සඳහන් කර සිටින්නේ මේවා ගැන කෝපනොවී එල්ලවන චෝදනා ඇත්තද නැත්තද යන්න ගැන විමර්ශනය කිරීමේ යුතුකමක් ජනාධිපතිවරයාට ඇති බවය. එසේම එවැනි විධිමත් විමර්ශනයක් සිදුකළ විට ශ්‍රී ලංකා ටෙලිකොම්- මොබිටෙල් හී සිදුව තිබෙන දුෂණ සම්බන්ධවද ජනාධිපති විමර්ශන කොමිසමක් අවශ්‍ය බවට කරන යෝජනාවේ සාධාරණත්වයක් ඇති බව පෙනීයනු ඇති බවද ඔවුන් සඳහන් කරයි.

Comment (0) Hits: 859

බෞ.කො.ජ : කතරගම දෙයියන්ගේ දේ ගැන - මේ ප්‍රශ්නවලට උත්තර තියනවාද ?

රුහුණු මහා කතරගම දේවාලයේ බස්නායක නිලමේ ලෙස කටයුතු කළ දොන් පියතිස්ස කුමාරගේ ගේ සේවය වහාම අත්හිටුවීමට බෞද්ධ කටයුතු කොමසාරිස් ජනරාල් නිමල් කොටවෙලගෙදර තීරණය කරනු ලැබූ බව වාර්තා වුයේ පසුගිය අප්‍රේල් 10 වනදා සිටය.

ඒ වෙනුවෙන් වන අමාත්‍ය විධානය ලබාදී තිබුණේ බුද්ධ ශාසන අමාත්‍ය ගාමිණී ජයවික්‍රම පෙරේරා විසින් වන අතර අමාත්‍යවරයා ඒ බව 09 වනදා මාධ්‍ය වෙතද අනාවරණය කර තිබිණ.

කතරගම බස්නායක නිලමේ වූ දොන් පියතිස්ස කුමාරගේ (ඩී.පී.කුමාරගේ) ගේ සේවය මීට පෙරද බෞද්ධ කටයුතු කොමසාරිස් ජනරාල් නිමල් කොටවෙලගෙදර විසින් අත්හිටවූවා අපට මතකය. ඒ 2017 අගෝස්තු මාසයේය. ඊට ආසන්නතම සිදුවීම වුයේ කතරගම මහදේවාලයේ යතුරක් බලහත්කාරයෙන් පැහැරගෙන ගොස් රදවා තබා ගත් බවට වන සිද්ධියක් ය.

තවත් වසර 2ක් ධුරය දැරීමට තියනවා

ඒ අනුව නැවත වරක් ඩී.පී.කුමාරගේ ගේ බස්නායක නිලමේ පදවියට තට්ටු වන්නට යන බවක් පෙනෙන්නට ඇත. ඒ ඔහුට එම ධුරය දැරීම සඳහා තවත් වසර දෙකක් තිබියදීය.

මෙවර සේවය අත්හිටුවීමට අදාළව අමාත්‍යවරයා සඳහන් කරන්නේ මූල්‍ය චෝදනා ඇතුළු චෝදනා රැසක් නිලමේවරයාට එල්ලවී තිබෙන බවත් විශ්‍රාමික ශ්‍රේෂ්ඨාධිකරණ විනිසුරුවරයෙකුගේ ප්‍රධානත්වයෙන් සිදුකළ විමර්ශනයකදී අනාවරණයවී තිබෙන බවය. එසේම කතරගම මහ දේවාලයේ මූල්‍ය පරිපාලනය පිළිබඳව විධිමත් විගණනයක් ස්වාධීනව පැවැත්වීමේ අරමුණින් බස්නායක නිලමේවරයාගේ සේවය අත්හිටුවා පරීක්ෂණයක් කරන බවත් එය විගණකාධිපති දෙපාර්තමේන්තුව කරනු ඇති බවත් අමාත්‍යවරයා සඳහන් කර ඇත.

ඇමතිවරයා වැඩිදුරටත් සඳහන් කර සිටින්නේ විගණන වාර්තාවට අනුව බස්නායක නිලමේවරයා සම්බන්ධ ඉදිරි ක්‍රියාමාර්ග ගන්නා බවය.

කිසියම් පාර්ශවයකට මුල්‍ය චෝදනාවක් ඇත්නම් ඒ ගැන විමර්ශනය කළ යුතුවා මෙන්ම ඊට එරෙහිව නෛතික ක්‍රියාමාර්ග ගැනීම ගැන වාදයක් නැත. එය අනිවාර්යයෙන් සිදුවීම ශිෂ්ට සමාජයක සිදුවිය යුත්තක්ය. එසේම මිනිස් සමාජය ඊට අදාළ නීති අණපනත් සම්මත කරගෙනද ඇත. ඒ අනුව වැඩේ කොතරම් හොඳ වුවත් සිදුකළ යුත්තේ ඒ අණපනත්, ව්‍යවස්ථා වලට අනුවය. දෙයියන්ගේ දේ කෙසේ වෙතත් මනුස්ස ක්‍රමයේ නියමය එයය.

ඒ නිසාම දෙයියන්ගේ පමණක් නොව බුදුන්ගේ දෙයක් වුවත් ඒ කරන්නේ කෙසේද යන්නට අණපනත් ඇත. ඒ නිසා මොකක් කළත් කලයුතු වන්නේ ඒ ක්‍රමයට මිස එයින් පරිභාහිරව නොවේය. පොතේ හැටියට වැඩේ යන්නේ නෑ කියන්නේ එතැන වෙන ගේමක් ඇති බවය.

ඇත්ත ප්‍රශ්නය ඇත්තේ මුදල් සම්බන්ධව

කතරගම සිදුවීම කාලයක පටන් නිරීක්ෂණයෙන් සිටි අපට මේ මොහොතේ කියන්න ඇත්තේද ඒ කතාවමය.

ඒ හැර මෙතනදී කතරගම දෙයියන්ගේද නැතිනම් අහවල් දෙයියාගේද කියා වෙනසක් අපට නැත. ඒ දෙයියලා සමඟ ගනුදෙනුවක් අපට නැති නිසාය. අප ගනුදෙනු කරන්නේ මිනිසුන් සමඟ නිසා "දේවාලයේ මිනිසුන්ගේ ප්‍රශ්නය" සමඟ බවද සිහිකළ යුතුව ඇත.

කතරගම සිදුවීමේ ඇත්ත ප්‍රශ්නය ඇමැතිවරයාද කියූ ලෙස තිබෙන්නේ මුදල් වලය. ඒ අනුව අපේ සුදානම දේවාලයේ මුදල් ප්‍රශ්නයේ බොහෝ දෙනෙකුට අත්හැරුණු කළාපයක් පෙන්වන්නටය.

ජන්දයෙන් පරාජයවූ අපේක්ෂකයා වැඩ බලන්න පත්කරලා

බුද්ධ ශාසන අමාත්‍යාංශයේ සහ බෞද්ධ කටයුතු දෙපාර්තමේන්තුවේ ආරංචිමාර්ග සඳහන් කරන ආකාරයට මේ වන විට කුමාරගේ මහතා වෙනුවට වැඩ බලන බස්නායක නිලමේවරයා ලෙස දිල්රුවන් රාජපක්ෂ මහතා පත් කර ඇත. එසේම එම ආරංචිමාර්ග සඳහන් කර සිටින්නේ දිල්රුවන් රාජපක්ෂ මීට පෙර කතරගම බස්නායක නිලමේ ධුරය සඳහා තරග කළ අයෙකු බවය.

එසේම අදාළ පත්කිරීම සැකසහිත බවත් මේ සූදානම් වන්නේ කතරගම දේවාලයේ පරිපාලන අර්බුදයක් ඇතිකොට දිල්රුවන් රාජපක්ෂව බස්නායක නිලමේ කිරීමේ කූට සැළැස්මක් බවද දැනගන්නට ඇත.

ඒ බව පෙන්වා දෙන විශ්වාසවන්ත ආරංචිමාර්ග වැඩිදුරටත් සඳහන් කර සිටින්නේ මීට පෙර කතරගම දේවාලයේ කපුමහතුන් සහ බස්නායක නිලමේ අතර පැනනැගුණු ගැටළුවේදී බස්නායක නිලමේ වරයාගේ සේවය අත්හිටුවා බෞද්ධ කටයුතු දෙපාර්තමේන්තුවේ සහකාර කොමසාරිස් වරයෙකු පත්කරන්නට තීන්දු කළත් මේ අවස්ථාවේ මීට පෙර නිලවරණයකට ඉදිරිපත්වුවකු ඊට යෙදවීම තුළ බරපතල සැකයක් මතුවන බවය.

15.1 පරීක්ෂණයක් ඕන නැද්ද ?

එසේම 1931 අංක 19 දරණ විහාර හා දේවාලගම් ආඥා පනත යටතේ බස්නායක නිලමේ සම්බන්ධව ප්‍රශ්නයක් ඇත්නම් ක්‍රියාකළ යුතු ආකාරය පිළිබඳ එහි 15.1 කොටසේ පැහැදිළිව දක්වා තිබෙන බවත් නමුත් මේ කටයුතු සිදුවන්නේ ඒ ආකාරයට නොවන බවද වාර්තා වෙයි.

15.1 පරීක්ෂණය හරහා ඉතා පැහැදිළිව මේ ප්‍රශ්නය විසඳාගත හැකි බවත් ඊට අනුව බස්නායක නිලමේ වරයා වරදක් සිදුකර ඇත්නම් ඔහුව ධූරයෙන් නෙරපීමට, නෛතික ක්‍රියාමාර්ග ගැනීමට මෙන්ම රුපියල් 200.00 ක දඩයක් පැනවීමට පවා අවස්ථාව තිබෙන බව එම ආරංචිමාර්ග පෙන්වා දෙයි.

මේ තුල තිබෙන සැබෑ ප්‍රශ්නය ඇත්තේ දේවාලය අරක්ගෙන සිටින කපුමහතුන් කිහිපදෙනෙකු සමඟ එකතුවූ පිරිසක් එහි ඇති ආදායම් වංචනිකව බෙදා ගැනීමේ සුදානම බවත් ඊට මැදිහත්ව සිටින පාර්ශවයට වත්මන් බස්නායක නිලමේ අනුගත නොමැති බැවින් ඔහුව ධුරයෙන් ඉවත්කරන්න ගන්නා උත්සාහයක් බවත් එම වාර්තා පෙන්වා දෙයි.

අමාත්‍යංශ නිලධාරියකුගේ මේ කතාවත් අහන්න

මේ සම්බන්ධව අමාත්‍යංශයේ ඉහළ නිලධාරියකු සමඟ newatube සිදුකළ නිල නොවන කතා බහේදී වූ අනාවරණය මෙසේය.

"මෙතන තියෙන්නේ සල්ලි බෙදාගැනීමේ ප්‍රශ්නයක්. සොමිපාල රත්නායක ප්‍රධාන කපු තැන එක්ක ආව ගමන්ම දැන් ඉන්න බස්නායක නිලමේ ප්‍රශ්නයක් හදාගත්තා. ඒ දේවාලයේ කපුවන්ගේ තේවා කරන කාලයට තුණ්ඩු දාන ක්‍රමයක් හඳුන්වාදීලා.

එතැනදී දේවාලයේ ප්‍රධාන කපුවන් 5ක් හිටියා. මේ අය එක්කෙනෙක් එක මාසය ගානේ මාස 5ක් තේවා කරනවා. ඒ ඒ මාස වල ආදායම ඒ අයට. හැබැයි හැම කෙනාම ලක්ෂ 20ක් දේවාලයට දෙන්න ඕන. ඉතිරි මාස 7ට තුණ්ඩු දාලා ඒ ඒ අයට තේවා දුන්නා. ඇසල මාසයේ විතරක් තේවාව කරන කෙනා ලක්ෂ 30ක් දේවාලයට දෙන්න ඕන.

දැන් හිතන්න පුළුවන්ද මෙතන තියන ආදායම. ඔය විදිහට වැඩේ යනකොට එක පාරක් සොමිපාල රත්නායක ප්‍රධාන කපු තැන තුන්ඩු මාසයට අමතරව තවත් මාසයක් බලෙන් වගේ තේවාව බාරනොදී කරගෙන ගියා. අපිටත් ඒ ගැන වාර්තා වුණා. ඒත් ඒ වෙලාවේ මොකුත් වුණේ නෑ. පස්සේ ඊළඟ මාසයත් එයා බලෙන් කරන්න යනකොට තමයි බස්නායක නිලමේ අර යතුර ගත්තා කියන ප්‍රශ්නය ආවේ.

එතැනත් ප්‍රශ්න දෙකක් තිබුණා. එකක් බස්නායක නිලමේ බලෙන් යතුර ගත්තාද කියන එක. අනික මේ සිද්ධිය මුල් කරගෙන කපු පාර්ශවයේ මැරයන් පිරිසක් බස්නායක නිලමේ වලව්වට පැනලා බඩු මුට්ටු විනාශ කරලා තර්ජනය කලාය කියන එක.

ඔය බස්නායක නිලමේ වලව්වට පැනලා යකා නටපු සිද්ධිය ගැන තවමත් තිස්සමහාරාම අධිකරණයේ නඩුවක් යනවා. ඔය ප්‍රශ්නය තමයි මේ ඇදීඇදී යන්නේ.

ඔය කොයි අයියත් අන්තිමට කපු තැන් ශේප් කරගෙනයි ඉන්න බලන්නේ. දැන් දැක්කනේ මුවමස් කිලෝ 20ක් තිබිලා අහුවුණා. නීතියෙන් තහනම්, ඒත් කපුවා කියනවා පුජාවට ගෙනාවේ කියලා. හොඳම සිද්ධිය කියන්නේ පුජාවට ගෙනාව මස් තිබුණේ දේවාලයේ පුජාසනයේ නෙවෙයි, කපුවාගේ ෆ්‍රිජ් එකේ. ඔන්න ඕකයි තත්ත්වය."

ඒ ඔහුගේ කතාවය.

විශ්‍රාමික ශ්‍රේෂ්ඨාධිකරණ විනිසුරුගේ විමර්ශන වාර්තාව කෝ ?

අනතුරුව අප ඔබගේ අවධානයට යොමු කරන්නේ ඉහත යතුරු සිදුවීමට අදාළ අමාත්‍යංශ විමර්ශනය සිදුවූ ආකාරයය සහ ඉන් අනතුරුව වූ සිදුවීම් පෙළ ගැස්මේ තිබෙන බරපතල සැකසහිත කලාපයයි.
පළමුව යතුරේ - වලව්වේ සිදුවීම සම්බන්ධව අමාත්‍යවරයා සමඟ සාකච්ඡාවට ඇමතිගේ පුතා (හෝ ඥාති) මෙන්ම,දෙපාර්තමේන්තුවේ ඉහල නිලධාරින්, බස්නායක නිලමේ, ප්‍රාදේශීය ලේකම්වරුන්, පොලිසිය, කපුමහතුන්ගේ පාර්ශවය සහභාගීව ඇත.

එහිදී දෙපාර්ශවයටම අදාළව චෝදනා ඉදිරිපත් වූ බැවින් ඒ ගැන සොයා බලන්නට විශ්‍රාමික ශ්‍රේෂ්ඨාධිකරණ විනිසුරු වරයෙකුගෙන් යුතු කමිටුවක් පත්කරන බවට අමාත්‍යවරයා දැනුම්දී ඇත.

ඒ අනුව දැන් අමාත්‍යවරයා කියන්නේ අදාළ කමිටු වාර්තාව පදනම් කරගෙන මෙම වැඩ තහනම සිදුකල බවය. කෙසේ වුවත් මේ සිදුවීම් පෙළ නිරීක්ෂණයෙදී මතුවන ප්‍රශ්න මෙසේය.

බෞද්ධ කටයුතු කොමසාරිස් ජනරාල්තුමනි, මේ ප්‍රශ්න ඔබේ අවධානයට නොව පිළිතුරු අපේක්ෂාවෙන් බව සළකන්න

1. විශ්‍රාමික ශ්‍රේෂ්ඨාධිකරණ විනිසුරුවරයාගේ වාර්තාවේ සඳහන් කාරනා ප්‍රසිද්ධ නොකරන්නේ ඇයි ?

2. එය රහස්‍ය වාර්තාවක්ද?

3. එම විමර්ශනයේදී තුණ්ඩු ක්‍රමය උල්ලංඝණය කිරීම සම්බන්ධව ප්‍රධාන කපුතැනට චෝදනා නැද්ද?

4. බස්නායක නිලමේ වරයා ඔවුන් සම්බන්ධව එල්ල කරන චෝදනා විමර්ශනය කර නැද්ද?

5.නිදර්ශනයක් වශයෙන් ගිවිසුම් ගත ආකාරයට මාසිකව දේවාලයට ලක්ෂ 20 බැගින් ගෙවා තිබෙනවාද යන්න සොයා බැලීම වැදගත් නැද්ද?

6. දේවාලයට නියමිත පරිදි ගෙවිය යුතු මුදල් කපුතැන් විසින් ලබානොදෙන බවට වන පැමිණිලි කීයක් විභාග කර තිබෙනවාද?

7. ඒවා මුදල් ප්‍රශ්න නොවේද?

8. 1931 අංක 19 දරණ විහාර හා දේවාලගම් ආඥා පනත යටතේ , බස්නායක නිලමේ වරයාට 15.1 පරීක්ෂණයක් සිදුනොකරන්නේ මන්ද?

9. බස්නායක නිලමේගේ වැඩතහනමට අදාළව චෝදනා පත්‍රයක් නිකුත් නොකළේ ඇයි ?

10. වැඩබලන පදනමින් බස්නායක නිලමේ තනතුර සඳහා දිල්රුවන් රාජපක්ෂ පත්කිරීමේ විශේෂත්වය මොකක්ද?

11. ඔහු වෙනුවට බෞද්ධ කටයුතු දෙපාර්තමේන්තුවේ සහකාර කොමසාරිස් වරයෙකු පත් නොකිරීමට ඇති විශේෂ කාරණය මොකක්ද?

12. බෞද්ධ කටයුතු අමාත්‍යංශයට අයත් 1931 අංක 19 දරණ විහාර හා දේවාලගම් ආඥා පනත යටතේ ගැනෙන වැඩිහිටි කන්ද, කිරිවෙහෙර මුදල් කටයුතු සිදුවන ආකාරය සහ එය විධිමත්ව සිදුවන බවට බලධාරීන්ට සහතික කළ හැකිද?

13. කතරගම මුලික විමර්ශනයක වාර්තාව පවා සඟවා එහි බස්නායක නිලමේ ඉවත්කරන පදනමින් රත්නපුර මහා සමන් දේවාලයේ බස්නායක නිලමේ ඉවත් නොකරනේ ඇයි?

14. රත්නපුර මහා සමන් දේවාලයේ සිදුවූ මුල්‍ය අක්‍රමිකතා සම්බන්ධව නිකුත් කර ඇති විගණන වාර්තාව ගැන අමාත්‍යවරයා සහ බෞද්ධ කටයුතු කොමසාරිස් නොදන්නවාද?

මේ ප්‍රශ්න අපට මතුවුයේ කතරගම දේවාලයේ ගිණුම් පවා අත්හිටුවමින් එහි සේවක වැටුප් පවා ගෙවීමට නොහැකි වන ලෙස නටන විජ්ජුම්බරය දෙස බලා සිටින විටය. දැන් ඉතිං ඒ ප්‍රශ්න වලට පිළිතුරු දීමේ අයිතිය වගකිව යුතු පාර්ශව වන ඔබ සතුය. දුෂ්කර ප්‍රශ්න ඇත්නම් ඒවාට අවශ්‍ය උත්තර ඇමතිතුමා වෙතින් විමසන්නටද ඔබට අවස්ථාව ඇත. අවම වශයෙන් බෞද්ධ කටයුතු කොමසාරිස්වරයා හෝ මේ ප්‍රශ්න වලට පිළිතුරු දෙනු ඇතැයි අපි අපේක්ෂා කරමු.

ඒ කතරගම ගොස් වැඩියෙන් ඉල්ලා වැඩියෙන් පුදා කෙළවා ගන්නා මිත්‍යා දෘෂ්ටිකයන්ට යුක්තිය ඉටුකර දෙන්නට නොව. දෙයියන්ට කෙසේ වෙතත් රටේ නීතියට ඔබලා කොතරම් මහත්වරුන්ද යන්න ජනතාවට දැනගන්නටය. එසේම මිත්‍යා දෘෂ්ටිකයන්ටද හැදෙනවා නම් ඉගෙනගන්න දෙයක් මෙහි ඇත. මේ මල් වට්ටියට අපි අතගැසුවේද ඒ නිසාය.

හරෝ හරා .. කවුද හොරා..!!!

Comment (0) Hits: 1807

Page 1 of 3