Exclusive

මීඩියා වෙත ලණුවක් 

 භයානක රෝග සහිත වනමි (Vannamei) නැමැති ඉස්සන් විශේෂයක් ලංකාවට ගෙනවිත් තිබෙන බවට පළවූ වාර්තා සියල්ල අමූලික අසත්‍ය බව වාර්තා වෙයි.

 මව්බිම පුවත්පතේ වාර්තා කර තිබු ආකාරයට එම ඉස්සන් හරහා බෝවන එක් රෝගයක් ඒඩ්ස් තරම් බරපතළය. 

 කෙසේ වුවත් මේ පිළිබඳ අප සිදුකළ සොයා බැලීමේදී අනාවරණය වුයේ අදාළ පුවත මුළුමනින්ම ව්‍යාපාරික ගැටයක් බවය. ඒ නැතිනම් වනමි ඉස්සන් ව්‍යාපෘතිය මෙරට ඇරඹීමට එරෙහිව ශ්‍රී ලංකා ජලජිවි වගා සංවර්ධන සන්ධානය නම් ඉස්සන් කොටු මුදලාලිලාගේ විරෝධයේ කොටසක් බවය.

 ව්‍යාපාරික ගැට එහෙමය. ඔවුන්ට ලාභය අංක එක කරගන්න ඕන ගේමක් ගහන්න දෙවරක් සිතන්නේ නැත. එහෙත් රටේ ආර්ථිකයට සහ ජනජීවිතයට සංවේදී කාරණාවක් සමාජගත කිරීමේදී මීටවඩා වගකීමකින් කටයුතු කළයුතුව ඇත. එහෙත් ලංකාවේ ෆට්ට මීඩියා පොරවල් වලට ඒවා අදාළ නැත.  ලංකාවේ මීඩියා වැඩ එහෙමය. ඒ නිසාම හැඩට අනාගන්න අවස්ථාද ඕනෑතරම් ය. වනමි ගැන කතාවද එසේමය.

 තක්කඩියන්ගේ ව්‍යාපාරික ගැටය 

 මේ සුදානම ඒ පිළිබඳ පෙළින් පෙළට කරුණු දක්වන්නය.

 වනමි ඉස්සන් මෙරටට ආනයනය කිරීම සම්බන්ධව මුලිකව විරෝධය පළකර සිටියේ ඉස්සන් මුදලාලිලාගේ සංගමය මැදිහත්වය. එහි සභාපතිද කවුද කියාගත් කෙනෙක් එක මොහොතින් වෛද්‍යවරයෙක් බවට පත්වුයේ වනමි ඉස්සන්ට භයානක රෝග ව්‍යාප්තියක් ගැන කියමින්ය.

 එසේම ම සතුන් මෙරටට ගෙන ඒමේදී පිළිපැදිය යුතු නීති රීති කඩකර ඇති බවද ඔහුගේ චෝදනාවේ විය.

 එමෙන්ම ශ්‍රී ලංකාවේ මේ වනවිට වනමි ඉස්සන් විශේෂය වගා නොකරන අතර හදුනා නොගත් භයානක රෝග 6 ඊට හේතු බවද ඔහු පවසා තිබිණ.

 ඒ හේතුවන් මෙරට ඉස්සන් වගාවත් අනතුරේ බව ඔහු පවසා තිබිණ. අවසානයේ ඔවුන් පොලිසියට ගොස් පැමිණිල්ලක්ද කරන්නේ මෙරට පොකුණු ඉස්සන් වගාව විනාශ කළ හැකි ව මී නමැති ඉස්සන් වර්ගයක් සංවිධනාත්මක ව්‍යාපාරික ආයතනයක් විසින් මෙරටට ගෙන්විමට ගෙන ඇති තීරණය වහාම නවතන ලෙසට ඉල්ලමින්ය.

 පැහැදිළිවම අප ඔහුට ව්‍යාපාරිකයෙක් ලෙස සහ නිෂ්පාදකයෙක් ලෙස ගරු කරමු. එහෙත් වනමි ගැන වනපු බොරු සහ ඒ තුළ සමස්ථ සමාජයක් නොමග යැවීමට ගත් උත්සාහය හේතුවෙන් හේ අමුම අමු තක්කඩියකු බවද පවසමු. ඉතින් ඒ තක්කඩියා සමඟ එකතුවූ පිස්සු මීඩියා හනුමලාටද මේ විවේචනය පොදු බවද සිහිපත් කරමු.

 වනමි විශේෂත්වය !

 මෙතෙක් මෙරට ඉස්සන් වගාව සඳහා යොදාගන්නේ මොනඩොං නමැති ඉස්සන් වර්ගයයි. මෙම වනමී වර්ගයේ ඉස්සන් මෙරටට ආනයනය කිරීමට තීන්දු කරනු ලබන්නේ එම ඉස්සන් හරහා ලැබිය හැකි අස්වැන්න අධික වීමත්, නිෂ්පාදන පිරිවැය අවමවීම සහ නිෂ්පාදන හානි අවම වීම යන කාරනාය. 

 එනිසාම ඉන්දියාව පවා මෙතෙක් ඉස්සන් වගාව සඳහා යොදාගෙන සිටි මොනඩොං ඉස්සන් වෙනුවට වනමි වර්ගයේ ඉස්සන් යොමුව ඇත. එපමණක් නොව තායිලන්තය, වියට්නාමය වැනි රටවල් වල ඉස්සන් නිශ්පාදනයෙන්  සියයට හැත්තෑවකට වඩා යොදාගන්නේ වනමි ඉස්සන් වර්ගයය. ඇත්තටම ඉහත තක්කඩි රංචුව කළබල වූයේද මේ ගැන ඔවුන් හොඳින් දැනසිටි නිසාය.

 සියළු කටයුතු නීත්‍යානුකුලව !

 එහෙත් ඒ තක්කඩියන් දැනගත යුතුව ඇත්තේ මේ ව්‍යාපෘතිය නියමු ව්‍යාපෘතියක් පමණක් වන බවය. එය පළමුව මෙරට ධීවර අස්වනු වැඩි කිරීමේ සහ වැඩි අපනයන ආදායමක් ඉලක්ක කර ධීවර අමාත්‍යංශය විසින් ජලජීවී වගා සංවර්ධන අධිකාරිය හරහා  සිදුකිරීමට නියමිතව තිබී ඇති නමුත් ප්‍රාග්ධන ප්‍රශ්න මත එය පෞද්ගලික සමාගමකට පවරා ඇත. එම සමාගමද මෙම නියමු ව්‍යාපෘතිය සඳහා මැදිහත්ව සිටින්නේ වනමි ඉස්සන් ව්‍යාපාරයේ ඒකාධිකාරයක් වෙනුවෙන් නොවේ. ඔවුන්ගේ අපේක්ෂාවද අඩු නිෂ්පාදන පිරිවැයක් තුළ වැඩි අස්වනු ප්‍රමාණයක් ලැබීමය. ඒ හරහා ආනයන ඉස්සන් ප්‍රමාණය වැඩි කර ගැනීමය. 

 එසේම මීට මැදිහත්ව ඇති පාර්ශව වල අපේක්ෂාව නවමි ඉස්සන්ගේ වැඩි අස්වනු යොදාගෙන 2020 වන විට අපනයන ආදායම ඇමරිකානු ඩොලර් බිලියන 2ක් බවට වර්ධනය කිරීමය. ඊට එරෙහි පාර්ශවය උත්සාහ කරන්නේ තමන්ට අහිමිවූ මේ ව්‍යාපෘතිය තමන්ට නැත්නම් කාටවත් නැති වන ලෙස වැදුම් ගෙයි අහවර කරන්නටය. ඒ වෙනුවෙන් ජනතාව අතර හුඹස් බියක් ජනිත කිරීමය. වැදගත් ව්‍යාපාරික ප්‍රජාවක් වෙත අප ගෞරවයෙන් තක්කඩි නම්බුව පිරිනමන්නේද ඒ නිසාය.

 එසේම මෙම ඉස්සන් තොගය ලංකාවට ගෙනවිත් ඇත්තේද නියමිත නෛතික ක්‍රියාවලිය තුළ වන අතර ඒ වෙනුවෙන් වන සාක්ෂි සියල්ල ඔවුන් සතුව ඇත. සාඩා නඩය කටමැත දොඩවන රෝග නම් කොහොමටත් වනමි ඉස්සන්, වගාව සඳහා යොදා ගන්නට පෙර පරීක්ෂා කරන රෝගය. එම රෝග මෙම ඉස්සන්ට නොමැති බව හවායි ජීව පර්යේෂණ ආයතනය  SPF Vannamei shrimp සහතික කර ඇත. 

 නරි වාදන් සියල්ල තොලොන්චියි : පුර්ණ විනිවිදභාවයෙන් සියල්ල සිදුවෙයි 

 ඒ පදනමින් ගෙනවිත් ඇති මේ ඉස්සන් කිසිම ආකාරයට නිදහස් කර නොමැති අතර ඒ අදාළ සාම්පල් පරීක්ෂා කිරීම් සඳහා පේරාදෙණිය වෙත යොමුකර තිබෙන නිසාය. එපමණක් නොව ශ්‍රී ලංකා ජලජීවී වගා සංවර්ධන අධිකාරියේ බත්තුලුවේ පරීක්ෂණාගාරය වෙතද අදාළ සාම්පල් යොමුකර ඇත. අනෙක් අතට මෙම නියමු ව්‍යාපෘතිය සඳහා යොදාගන්නට අපේක්ෂිත බිම අනෙක් ජලජ පද්ධති සමඟ සම්බන්ධයක් නොමැති ස්ථානයක්ය.

 සියල්ලටම වඩා වැදගත් කාරණය වන්නේ  කිසියම් හෝ රෝගී තත්ත්වයක් මෙම සතුන් වෙතින් අනාවරණය වුවහොත් එම සතුන් තොගයම විනාශ කිරීමට නියමිත අතර ශ්‍රී ලංකා ජලජීවී වගා සංවර්ධන අධිකාරිය ඊට සාක්ෂි දැරීමය. ඒ වෙනුවෙන් වන වගකීම ගෙන තිබීමය. ඊට අදාළව පෞද්ගලික සමාගම සමඟ ගිවිසුම්ගතව සිටීමය.

 ජලජීවී වගා සංවර්ධන අධිකාරියේ තහවුරුව !

 එපමණක් නොව ඊයේ (09) ශ්‍රී ලංකා ජලජීවී වගා සංවර්ධන අධිකාරියේ සභාපතිද අවධාරණය කර සිටියේ ඒඩ්ස් රෝගයට සමාන රෝග සහිත ඉස්සන් විශේෂයක් ලංකාවට ගෙන්වා ඇතැයි කියන ප්‍රකාශය සම්පූර්ණයෙන් අසත්‍ය ද්වේෂ සහගත ප්‍රකාශයක් බවය. 

"අපිට හවායි වලින් සහතිකයක් ලැබුනා රෝග දහයෙන් නිදහස් කියලා. නමුත් අපිත් පරීක්ෂා කරනවා.මේ වාර්තාවෙන් එකදු රෝගයක් හෝ අපි හදුනාගත්තොත් මුළු සත්ව කාණ්ඩයම විනාශ කරන්න අපි ගිවිසුම් ගත වෙලා තියෙන්නේ" ලෙසද ඔහු සඳහන් කර තිබිණ.

 ධීවර අමාත්‍යාංශයත් සාක්ෂි  !

 මේ පිළිබඳ අප ධීවර අටයුතු විෂයභාර අමාත්‍ය මහින්ද අමරවීර ඇමතු විට ඔහුද සඳහන් කර සිටියේ මේ නියමු ව්‍යාපෘතියක් පමණක් බවත් පර්යේෂණ දත්ත මත පමණක් ඊළඟ පියවරට යොමුවන බවය. 

 නාරා ආයතනයත් ඒ මතයේම !

 මේ පිළිබඳ නාරා ආයතනයේ අදහස වන්නේද ඉස්සන් වගාවේදී එහි කටයුතු නියමිත ප්‍රමිතියට සිදුනොකළහොත් කොහොමටත් ඉස්සන්ට වැළඳෙන රෝග වැළඳීමට ඉඩ ඇති බවත්, එහිදී වනමි ද මොනඩොන් ද යන්නේ වෙනසක් නොමති බවය.  

 සාඩා නඩයට බයිපෝලා !

 සාඩා නඩය අද පිස්සු හනුමලා මෙන් රට ගිනිතියමින් සිටියත් 2015 වසරේ ඔවුන්ද වනමි ඉස්සන් වෙනුවෙන් ව්‍යාපෘති වාර්තාවක් ඉදිරිපත් කර ඇත. ඒ අනුව  පිස්සු හනුමන්ලාගේ නාඩගම ඉතා පැහැදිළිය. සාඩා නඩය දොස්තරට ඇඳ වසංගත ගැන නංදොඩවන්නේ වෙනත් අරමුණක් ඉටුකර ගන්නටය. එතකොට මීඩියා ! අපට ප්‍රශ්නය ඇත්තේද ඒ ගැනය. මේ අනාවරණය අප සිදුකළේද අපි හැමෝම මිඩියා වුවත් භාවිතාව තුළ වෙනස්කම් ඇතිබවද තහවුරු කරන්නටය.

newstube- 

ජාතික තරුණසේවා සභාවේ "දැක්ම" ලෙස සටහන් වන්නේ "බලසතු වූ ශ්‍රී ලාංකික තරුණයෙක්" යන්නය. එහි "මෙහෙවර" ලෙස සටහන් වන්නේ "දේශීය හා ජාත්‍යන්තර අවස්ථා උපයෝගී කොට ගෙන ජිවිත අභියෝගී සදහා මුහුණ දීමට ශ්‍රී ලාංකීය තරුණයා සවිබල ගැන්වීම සදහා පහසුකම් සැපයීම"ය.

සභාවේ නිල වෙබ් අඩවියේ එසේ සඳහන් වුවත් 2016 දෙසැම්බර් 31 වනදායින් අවසන් මුල්‍ය වර්ෂයට අදාළ විගණන විමසුමෙන් හෙළිවන්නේ බලසතු ශ්‍රී ලාංකිකයා බිහිකිරීම කෙසේ වුවත් සභාව ඉබාගාතේ යනවා පමණක් නොව බරපතල සැකසංකා ඇතිවන ආකාරයේ ගනුදෙනුද එහි සිදුව තිබෙන බවය.

නීතීඥ එරන්දික වැලිඅංගේ කියන්නේ ජාතික තරුණසේවා සභාවේ සභාපති මෙන්ම අධ්‍යක්ෂ ජනරාල්වරයාය. ඔහුට මේ ආණ්ඩුවේ තිබෙන තැන කවුරුත් දන්නා අතර ඒ නිසා බොහෝ දෙනෙකු කැමති "වැලිඅංගේ මැතිතුමනි රටේ තාරුණ්‍ය ඔබේය! එහි නියමුවා ඔබය! ඔබ මාරය! සුපර්ය !" කියා වැලිඅංගේට "අං" තියන්නය. කට්ටිය එහෙම කියන විට වැලිඅංගේ "ෆට්ටයි" හිතෙනවාද ඇත.

එහෙත් එවැනි තුට්ටු දෙකේ කඩේ යවන වැඩ අපේ ළඟ නැත. අපේ කලාවද එය නොවේය. අප මේ බව අනාවරණය කර සිටින්නේ තරුණ දේශපාලනඥයකු ලෙස වැලිඅංගේට හැදෙන්න කියාදෙන්නද නොවේය. සමහර අයට තියන ඒ අසනීප අපට නැත. ඒ වෙනුවට අපි මේ අනාවරණය කරන්නේ යහපාලනයට වැරදුන තැනක් පෙන්වා දෙන්නටය. යහපාලනය බෝඩ් ලෑල්ලට සැඟවී එහි ආරම්භයේ පටන් කර ඇති සෙල්ලමක පළමු වර්ෂ පුර්ණයේ නිදර්ශන දක්වන්නටය. ඒ හැරුණු විට වැලිඅංගේ සමඟ වෙනත් කිසිඳු ආරෝවක් පෞද්ගලිකව අපට නැත.

අදාළ විගණකාධිපති දෙපාර්තමේන්තුව අදාළ වාර්තාව නිකුත් කර තිබෙන්නේ 2017 ඔක්තෝබර් 16 වනදාය. වැඩබලන විගණකාධිපති W.P.C. වික්‍රමරත්න ඊට අත්සන් තබා ඇත.

ලක්ෂ 79 කොම්පියුටර් ජිල්මාට්

ඒ යටතේ අප සිදුකරන පළමු හෙළිදරව්ව වන්නේ විධිමත් ප්‍රසම්පාදන ක්‍රියාවලියකින් තොරව සිදුකර තිබෙන පරිගණක මිලදී ගැනීමක් සම්බන්ධවය.ඒ ජාතික තරුණ සේවා සභාවේ ආංශික නිපුණතා සංවර්ධන වැඩසටහන යටතේ හලාවත පුහුණු මධ්‍යස්ථානය සඳහා ය. එහිදී රුපියල් 7,932 900. 00 ක් වැයකොට පරිගණක 75ක් මිලදී ගැනීමට සභාව කටයුතු කර ඇත.

 විධිමත් ප්‍රසම්පාදන ක්‍රියාවලියක් නෑ

මේ බව අනාවරණය කරමින් විගණන වාර්තාව පෙන්වා දෙන්නේ විධිමත් ප්‍රසම්පාදන ක්‍රියාවලියක් පමණක් නොව ප්‍රසම්පාදන මාර්ගෝපදේශය අනුවද සභාව කටයුතු කර නොමැති බවය. ඒ දිනෙන් දින අලුත් වන තාක්ෂණයෙන් යුතු පරිගණක වැනි තාක්ෂණ උපකරණ මිලදී ගැනීමේදී වෙළඳපොල මිල සැසඳුම් ක්‍රමවේදය යොදාගැනීම සුදුසු නැති නමුත් ඉහත පරිගණක මිලදී ගැනීම සිදුකර ඇත්තේ එකී ක්‍රමවේදය අනුව බවය.

එසේම එහි වන අනෙක් ගැටළුව වන්නේ අදාළ මිලදී ගැනීම සඳහා වන මිල ගණන් කැදවීමේදී විධිමත් ලංසු ලියවිලි භාවිතා කර නොතිබීමය. එසේම පරිගණක සඳහා සුසුසු පිරිවිතර සකස්කර නොමැති බවත් සකස් කර තිබූ පිරිවිතරහිද පරිගණකයක තිබිය යුතු අත්‍යාවශ්‍ය අංග 3ක් ඇතුළත් කර නොතිබූ බවද එහි දැක්වේ.

තවද මිල ගණන් ඇගයීමේදී මිල ඉදිරිපත් කළ ආයතන 5න් 3ක් ඉන් ඉවත්කර තිබෙන්නේ කිසිඳු හේතු දැක්වීමකින් තොරවය. එසේම එහිදී ඇගයීමට ලක්කර තිබෙන්නේ අවම මිල සහ උපරිම මිල පමණය.

වටෙන් ගොඩෙන් කියන්න දෙයක් නැත. මේ සිදුවීම් පෙළ ගැස්ම ඉතා පැහැදිළිව කියාපාන්නේ තෝරාගත් පාර්ශවයක් වෙත අදාළ පරිගණක මිලදී ගැනීමේ කටයුත්ත ලබාදීමට මේ සියල්ල සිදුකර ඇති බවය.

ඒ කුමන හෝ අටමගලක් සිදුකර මිලදී ගන්නට කටයුතු කලේ දෝෂ රහිත පරිගණක නම් ගැටළුවක් නැත. මන්ද රාජපක්ෂ සමයේ මෙන්ම මේ ආණ්ඩුවේ ඇතැමුන්ගේ හොරකම් ගැන හිතන විට ලක්ෂ 79ක් එතරම් ලොකු ගණනක් නොවන නිසාය.

එහෙත් වැලිඅංගේ ගේ අවාසනාවට එවැනි සහනයක් ලබන්නට මෙහිදී ඉඩක් නැත. ඒ එම පරිගණක 75න් 7ක්ම භාවිතයට ගන්නටත් පෙර සිට අක්‍රීයව පැවති බව විගණනයෙදී අනාවරණය වී ඇති නිසාය. එම පරිගණක 7 වටිනාකම රුපියල් 740 404.00 කි.

වැලිඅංගේ ගේ සැපයුම්කාර ආලේ !

මෙහි ඇති අනෙක් කණගාටුදායක කරුණ වන්නේ කාර්යසාධන සුරක්ෂණයක් ලබාගැනීමට පවා මේ කටයුත්තේදී ජාතික තරුණ සේවා සභාව කටයුතු නොකර තිබීමය. එහිදී ගිවිසුම්ගත කාලයකට යටත්ව ගෙවන මුදලින් ප්‍රමාණයක් රඳවා ගත්තා නම් අවම වශයෙන් සැපයුම්කරුට එරෙහිව නීතිමය කටයුතු සිදුකරන්නට සහ පාඩුව පියවා ගන්නට කටයුතු කරන්නට තිබිණ. ප්‍රසම්පාදන මාර්ගෝපදේශය තුළ ඊට අදාලව වෙනම වගන්ති නිකුත් කර තිබෙන්නේද එනිසාය.

එහෙත් මේ කිසිවක් නොකර සම්පුර්ණ මුදල සැපයුම්කරුට නිකුත් කිරීමට ජාතික තරුණසේවා සභාව කටයුතු කර ඇති අතර ඒ හොරකම නිසාද ? උද්දච්ච කමද? වැඩබැරි කමද යන්න අප දන්නේ නැත. එහෙත් විගණන වාර්තාව අනුව අපට කියන්නට ඇත්තේ මේ තුනම හෝ මෙයින් කිහිපයක් හේතුවෙන් මේ සිදුව තිබෙන බවය.

ඇඟිලි සලකුණු යන්ත්‍ර කතා වස්තුව

එසේම තරුණ සේවා සභාවට අයත් පළාත් කාර්යාල , දිස්ත්‍රික් කාර්යාල සහ පුහුණු මධ්‍යස්ථානවල කාර්ය මණ්ඩලයට පැමිණීම සහ පිටවීම සටහන් තැබීම සඳහා ඇඟිලි සලකුණු සටහන් යන්ත්‍ර 60ක් මිලදී ගැනීමේ ගනුදෙනුවද ඉතා සැකසහිත බවට විගණන වාර්තාව සාක්ෂි දරයි.

මෙම ඇඟිලි සටහන් යන්ත්‍ර 60 මිලදී ගැනීමට සැපයුම්කරුට සභාව විසින් සම්පුර්ණ මුදල ගෙවා ඇති අතර ඒ රුපියල් 2,793,167.00 ක්ය. එහෙත් විගණන දිනය වූ 2017 මැයි 31 දිනය වන විටත් සැපයීම් කර තිබෙන්නේ යන්ත්‍ර 51ක් පමණය. එනම් යන්ත්‍ර 9ක් සභාවට සැපයීමට සැපයුම්කාර පාර්ශවය කටයුතු කර නැත. එපමණක් නොව සපයනු ලැබූ යන්ත්‍ර 51න් ද අපේක්ෂිත කාර්ය ලබාගැනීමට හැකිව තිබෙන්නේ යන්ත්‍ර 3ක් හරහා පමණය. සවිකළ යන්ත්‍ර 29 කම මෘදුකාංග ඇතුළත් කර තිබී නොමැත. එසේම පැමිණීමේ වාර්තා ලබා ගැනීමට නොහැකි යන්ත්‍ර 16ක් වූ බවද විගණන වාර්තාව සඳහන් කරයි.

එපමණක් නොව පුදුම සහගත කරුණ වන්නේ මේ මිලදී ගැනීමේ කටයුත්තේදීද කාර්යසාධන සුරක්ෂණයක් තබා නොගැනීමය. ඒ අනුව පෙනෙන්නේ මේ එකම වරද දිගින් දිගටම සිදුකර ඇති බවය. කිසියම් කටයුත්තකදී අතපසුවීමක් සිදුවිය හැකි බව පිළිගත හැකි කාරණයක්ය. එහෙත් එකම වරද දිගටම කිරීම? එම වරද කියන්නේම රජයට වන පාඩුව වළක්වා ගැනීමට නොහැකිවීම නම්, ඒ අතපසුවීමක් නොව වෙන ගේමක් බව පැහැදිළිය. කෙටියෙන්ම කියනවා නම් මේවා හොර හිත මත දැනුවත්ව කර ඇති වැරදිය.

මේ ආකාරයට තරුණ සේවා සභාපති වැලිඅංගේ ගේ දස්කම් විස්කම් සඳහන් කරන විට මේවා මොන සෙල්ලම්ද? යනුවෙන් කෙනෙකුට සිතෙන්නට පුළුවන්ය. එහෙම හිතන අයට අපට කියන්න ඇත්තේ තවම සෙල්ලම ආරම්භ වී නොමැති බවත් මෙතෙක් කාරණා සෙල්ලමට පෙර පොඩි 'වොර්ම් අප්' පමණයි කියාය.

යොවුන් පාර්ලිමේන්තුවට වැඩ නොකරන ටැබ් පරිගණක

ඇත්තට සෙල්ලම පටන් ගැනීමේ ලකුණු පෙනෙන්න ගන්නේ සභාව විසින් යොවුන් පාර්ලිමේන්තු මන්ත්‍රීවරුන් වෙත බෙදාදුන් ටැබ් පරිගණක මිලදී ගැනීමේ ගනුදෙනුවේදීය. යොවුන් පාර්ලිමේන්තු මන්ත්‍රීවරුන් සඳහා 2015 දෙසැම්බර් 31 ටැබ් පරිගණක 327ක් මිලදී ගැනීමට තරුණසේවා සභාව කටයුතු කර ඇති අතර ඊට රුපියල් 15,859,500.00ක් වැයකර ඇත.

ගබඩාවට ගන්න විටත් 23ක් වැඩ නෑ !

එම යන්ත්‍ර සියල්ල හොඳින් ක්‍රියා කරන බවට තාක්ෂණික ඇගයීම් කමිටුව සහතික කර ඇති නමුත් විගණන අනාවරණය අනුව අදාළ යන්ත්‍ර සැපයුම්කාර පාර්ශවය සභාවේ ගබඩාවට භාරදෙන අවස්ථාව වන විටත් ටැබ් යන්ත්‍ර 23ක් ක්‍රියාකාරී තත්ත්වයේ තිබී නැත. එසේම තමන්ට ලැබුණු ටැබ් යන්ත්‍ර දෝෂ සහිත බව තරුණ මන්ත්‍රීවරුන් විගණනයට වාර්තා කළ බවද වාර්තාවේ දැක්වේ.

යොවුන් පුරයේ ටී ෂර්ට් ගැහිල්ල

වැලිඅංගේ ගේ සෙල්ලම පටන් ගෙන ඇති බව හොඳටම පැහැදිළි වන අවස්ථාව වන්නේ 2016 මාර්තු 31- අප්‍රේල් 04 පවත්වන ලද යොවුන් පුර වැඩසටහනයි. ඊට සහභාගීවන සිසුන්ට ටී ෂර්ට් ලබාදීමට සඳහා 11928ක් සඳහා ජාතික තරුණ සේවා සභාව රුපියල් 9,973,220.00 ක් වෙන්කර ඇත. එහෙත් වැඩසටහනට පසු දිනයේද ටී ෂර්ට් 1773ක් සඳහා ඉහත මුදලින් රුපියල් 1,932,000.00ක් ගෙවන්නට සභාව කටයුතු කර ඇති අතර ඒද කිසිඳු තාක්ෂණික කමිටු නිර්දේශයකින් තොරවය.

අලාභය ලක්ෂ 18යි !

එසේම විගණන වාර්තාවේ සඳහන් වන්නේ මෙම මිලදී ගැනීමේ කටයුතු විධිමත්ව සැලසුම් නොකිරීම සහ නියමිත කාලයට ප්‍රසම්පාදන කටයුතු සිඉදුනොකිරීම මත ටී ෂර්ට් මිලදී ගැනීම තුළ සභාවට රුපියල් 1,848,840.00 ක අලාභයක් සිදුව ඇති බවය.

ඊටත් වඩා පුදුම සහගත කරුණ වන්නේ ටී ෂර්ට් එකක මිලය. ටී ෂර්ට් 11928ක් තරම් මහා තොගයක් වෙනුවෙන් එකකට රුපියල් 836.11 ක් වැයකර ඇත. වැලිඅංගේ සභාපතිතුමාට මේ ගැන මොකක් කියනවාද අප දන්නේ නැති නමුත් මේ තුළ සියඹලා නම් එමට බව පැහැදිළිය.

ගොවිපළට අබ සරණයි : ලක්ෂ 172ක් වෙන වැඩවලට

එසේම 2016 වසරේ ගොවිපල සංවර්ධන කටයුතු සඳහා රුපියල් මිලියන 24.3ක් (ලක්ෂ 243ක්) වෙන්කර ඇති අතර එයින් 715ක් ම එනම් රුපියල් මිලියන 17.2ක් (ලක්ෂ 172ක්)ක් අදාළ සංවර්ධන කටයුත්තට යොදන්නේ නැතිව වෙනත් වැඩසටහන් සඳහා වෙන්කර ඇති බවද විගණන වාර්තාව සඳහන් කරයි.

ඊට අනුව මෙසේ ගොවිපල සංවර්ධනය සඳහා වෙන්කළ මුදල් වෙනත් කටයුත්තකට යෙදවීම හේතුවෙන් ඒවායේ යටිතල පහසුකම් සංවර්ධනය ඇණහිට අපේක්ෂිත ප්‍රතිලාභ නොලැබෙන තැනට පත්ව ඇත.

මුල්‍ය ප්‍රකාශන ගැන විගණන අනාවරණය

එසේම විගණන වාර්තාව අනුව මුල්‍ය ප්‍රකාශන පිළියෙල කිරීම සම්බන්ධව ජාතික තරුණ සේවා සභාවේ පවතින්නේ කොහෙත්ම තෘප්තිමත් විය හැකි තත්ත්වයක් නොවේ.

ඒ අනුව ජාතික තරුණ සේවා සභාවේ 98%ක කොටස් හිමිකාරීත්වයක් ඇතිව 1981 වර්ෂයේදී ආරම්භ කරන ලද සීමාසහිත තරුණ සේවා (පුද්) සමාගමේ මුල්‍ය ප්‍රකාශන, සභාවේ මුල්‍ය ප්‍රකාශන සමඟ ඒකාබද්ධ කර මුල්‍ය ප්‍රකාශන පිළියෙල කර නැත.

තවද සීමාසහිත තරුණසේවා (පුද්) සමාගමෙහි සහ සීමාසහිත ශ්‍රී ලංකා ජාතික තරුණ සේවා සමුපකාර සංගමයෙහි සභාපති ලෙස සභාවේ සභාපතිවරයා කටයුතු කරන අතර සමාගමෙහි පරිපාලන කටයුතු මෙන්ම ව්‍යාපාරික ස්ථානය ද සභාවේ ප්‍රධාන කාර්යාලය පිහිටි භුමියේ පවත්වාගෙන යයි. ඊට අවශ්‍ය විදුලිය, ජලය ඇතුළු අනෙකුත් යටිතල පහසුකම් ද කිසිඳු අගය කිරීමකින් තොරව සභාව විසින් සපයා ඇති නමුත් ඒ පිළිබඳ මුල්‍ය ප්‍රකාශන වල හෙළිකර නොමැති බවද විගණනයේදී අනාවරණය වී ඇත.

කතාව ඉවර නෑ : තව තියනවා

එපමණක් නොව ශ්‍රී ලංකා රාජ්‍ය අංශ ගිණුම්කරණ ප්‍රමිති සම්බන්ධවද ජාතික තරුණ සේවා සභාවේ හැසිරීම කොහෙත්ම තෘප්තිමත් විය හැකි මට්ටමක නැත. ඒ බවද ඉතා පැහැදිළිව විගණන වාර්තාවේ දැක්වේ. එසේම ගිණුම්කරණ අඩුපාඩු, මුල්‍ය කටයුතු වල පැහැදිළි නොකළ වෙනස්කම්, ලැබිය යුතු හා ගෙවිය යුතු ගිණුම් වල අඩුපාඩු, නීති රීති රෙගුලාසි හා කළමනාකරණ තීරණවලට අනුකූල නොවීම ඇතුළු කාරනා රැසක් සම්බන්ධවද ජාතික තරුණ සේවා සභාවේ කටයුතු අන්තිම නිල් බවට අදාළ විගණන වාර්තාව සාක්ෂි දරයි.

එපමණක් නොව රාජපක්ෂ පාලන සමයේ ජාතික තරුණ සේවා සභාවේ පැවති ජවුසං රැසක් එලෙසින්ම නඩත්තු කිරීමටත් වැලිඅංගේ කටයුතු කර තිබෙන බව විගණනයේදී අනාවරණය වී ඇත.

මේ වැලිඅංගේ ගේ සෙල්ලමේ ආරම්භය පමණය. නැතිනම් 2016 දෙසැම්බර් 31 වනදායින් අවසන් වූ පළමු වසරේ ජාතික තරුණ සේවා සභාවේ මුදල් සමඟ දැමූ සෙල්ලම් වල ප්‍රගති වාර්තාවෙන් කොටසක් පමණය. කෙටියෙන්ම නම් ජාතික තරුණ සේවා සභාවේ සභාපති ලෙස වැලිඅංගේ මුල්‍ය අංශයේ කොතරම් දුර්වලද යන්න තහවුරු කරන සාක්ෂි කිහිපයක් පමණය.

සොක්කන් ලොක්කන් වෙන්න යාම

මෙහි ඇති අමතක නොකළ යුතු කරුණ වන්නේ පැවති දුෂිත පාලනය අවසන් කර යහපාලන පුවරුව යටතේ බලයට පැමිණ වසරක් ඉක්මයන තැන මේ සියළු සෙල්ලම් සිදුව තිබීමය. ඇත්තටම ආණ්ඩුවේ ලොක්කන් බොහෝ දෙනෙකුගේ රෙදි නැති වුයේ සොක්කන්ගේ මේ මැටි මෝල් වැඩ නිසාය. නැතිනම් තනතුරක් ලැබුණු වහාම ජීවිත කාලයම නොකෑ කෑම දවසෙන් දෙකෙන් කන්න ගිය නිසාය. එහෙත් ඒවා දිරවා ගන්න බැරි වන්නේ ගෝලයන් ගැන විශ්වාසය තබා වැඩ භාරදුන් ලොක්කන්ටය.

වැලිඅංගේ තරුණසේවා සභාවේ සභාපතිධුරයට පත්කරනු ලැබුවේ අග්‍රාමාත්‍යවරයාය යන්න රහසක් නොවේය. අගමැති කියන්නේ නළුවෙක් නොවේ මොළයක් කීවත් වැලිඅංගේ යන්නේ ඒ පාරේ නොවන බව පළමු වසරේ ප්‍රගති වාර්තාව සාක්ෂි සපයා ඇත. ඇත්තටම වැලිඅංගේ ගේ ගමන සැලසුම්වී ඇත්තේ මොළය පැත්තක තබා නළුවෙක් වීමේ පාරකය. එනිසා ආරම්භයේ සිට සල්ලි විෂයේ වැලිඅංගේ දුර්වලවී ඇති බව පැහැදිළිය. එහෙත් මේ වැඩ වලින් රෙදි ගැලවෙන්නේ අග්‍රාමාත්‍යවරයාගේය. අපකීර්තියට පත්වන්නේ යහපාලනයය. මේ වැලිඅංගේ ගේ සල්ලි අංගේ පමණය.

ඊයේ (17) අලුයම 6.15 පමණ තලවතුගොඩ කීල්ස් සුපිරි වෙළඳ සැල ඉදිරිපිට කිඹුලා ඇලට වැටී අනතුරට පත්වූ මෝටර් රථය ජනාධිපතිවරයාගේ පුතා වූ දහම් සිරිසේනට අයත් බවත් අනතුර සිදුවූ අවස්ථාවේ ඔහු එය පදවා ඇති බවට පළවූ පුවත සම්බන්ධව විශේෂ විමර්ශනයක් සිදුකිරීමට ජනාධිපතිවරයා නියමකර ඇති බව වාර්තා වෙයි.

ජනාධිපති කාර්යාල ආරංචිමාර්ග සඳහන් කරන ආකාරයට අදාළ සිදුවීමට සම්බන්ධ විශේෂ කාරනා කිහිපයක් සම්බන්ධව අදාළ විමර්ශනයේදී වාර්තා අවශ්‍ය බවද ජනාධිපතිවරයා ආරක්ෂක අංශ වෙත දැනුම්දී ඇත.

ජනාධිපතිවරයාගේ නියෝගය

ඒ, අදාළ මෝටර් රථය අනතුර වූ අවස්ථාවේ පදවා ඇත්තේ කවුද? එහි හිමිකරු කවුද? අනතුර සිදුවීමෙන් පසුව අනතුරට වගකිව යුතු පාර්ශවය පොලිස් අත්අඩංගුවට ගෙන තිබෙනවාද? ඊට අදාළව සිදුකර ඇති විමර්ශන මොනවාද? පසුගියදා ජපානයේ සිදුකල නිල සංචාරය අවසන් කර තමන් සමඟ එකට පැමිණෙමින් සිටි තම පුතා වූ දහම් සිරිසේන මෙම මෝටර් රථය පැදවූ බවට පුවතක් නිර්මාණය වූයේ කෙසේද ? යන කාරණා ඇතුළත් සවිස්තර වාර්තාවක්ය.

අදාළ නියමය අනුව මේ වන විටත් එම සිදුවීමට අදාළ තොරතුරු රැසක් ජනාධිපතිවරයාට ලබාදීමට ආරක්ෂක අංශ කටයුතු කකර ඇති බවද වාර්තා වෙයි.

බීමතින් රිය පදවා ඇත්තේ කබීර්ගේ මස්සිනා ?

ඒ බව දැනුම්දෙන ආරංචිමාර්ග සඳහන් කරන ආකාරයට තලවතුගොඩ කීල්ස් සුපිරි වෙළඳ සැල ඉදිරිපිට කිඹුලා ඇලට වැටී තිබූ BMW වර්ගයේ මෝටර් රථය එම අවස්ථාවේ ධාවනය කර ඇත්තේ කබීර් හෂීම් අමාත්‍යවරයාගේ මස්සිනා කෙනෙකි.

ඊයේ (17) අලුයම 6.15 පමණ සිදුවූ මෙම අනතුරට සම්බන්ධ සුඛෝපභෝගී මෝටර් රථය තවම ලියාපදිංචි අංක තහඩුව පවා නිකුත්ව නොමැති නවතම රථයක් වන අතර එහි හිමිකරු වන්නේ තවත් ව්‍යාපාරිකයකු වන රිෂාඩ් හමීඩ් නමැත්තෙකි.

කෙසේ වුවත් ඊයේ (17) අලුයම මෙම මෝටර් රථය තලවතුගොඩ කීල්ස් සුපිරි වෙළඳ සැල ඉදිරිපිට කිඹුලා ඇලට වැටී අනතුරට ලක්වීමට පෙර ඇක්සියෝ හා කොරොල්ලා වර්ගයේ මෝටර් රථ දෙකක ගැටී ඇති අතර ඒ හේතුවෙන් අධිකව බීමත්ව සිට ඇති ඇමති මස්සිනා දැඩි බියටපත්ව එම ස්ථානයෙන් පලාගොස් ඇත.

අගමැති ඥාතියා ඇමති මස්සිනාගේ සහයට එයි

පසුව ඔහු තමන් අතින් සිදුවූ අනතුර සම්බන්ධව සිය හිතමිතුරන් දැනුවත් කර උදව් ඉල්ලා ඇත. එහිදී තම ව්‍යාපාරික සගයකු වන නිරෝෂන් විජේසුන්දර නම් ව්‍යාපාරිකයාටද සිදුවීම සම්බන්ධව දැනුම්දී ඇත.

මෙම නිරෝෂන් විජේසුන්දර නැමැත්තා අග්‍රාමාත්‍යවරයාගේ ඥාති සම්බන්ධයක් ඇති අයෙකු වන අතර ඇමති මස්සිනාට BMW රථය ලබාදුන් ව්‍යාපාරිකයා වන රිෂාඩ් හමීඩ්ගේද ගජ මිතුරෙක්ය. ඔවුන් සිය මිතුරා බේරා ගැනීම වෙනුවෙන් පසුව ක්‍රියාත්මකවී ඇත්තේ පළමුව අදාළ අනතුරේ වගකීම ගැනීම සඳහා වෙනත් රියදුරෙකු තලවතුගොඩ පොලිසිය වෙත ඉදිරිපත් කර ඇත.

එහෙත් එහිදී පොලිසිය දැනුම්දී ඇත්තේ අදාළ අනතුර සිදුවීමට පෙර බීමත්ව රිය පදවා ඇක්සියෝ හා කොරොල්ලා වර්ගයේ මෝටර් රථ දෙකක ගැටී මාර්ග අනතුරක් සිදුකර ඇති බැවින් මෝටර් රථයේ හිමිකරුද පොලිසියට ඉදිරිපත් විය යුතු බවය.

අනතුර සිදුකල බවට මේ වන විට චෝදනා ලබා සැකකරුව සිටින ඇමති මස්සිනා පොලිසියේ දැනුම්දීම වාහනයේ හිමිකරු වූ රිෂාඩ් හමීඩ් වෙත දන්වා ඇත. ඒ එම වාහනයට අදාළ නිල ලියවිලි තවමත් රිෂාඩ් හමීඩ් සතු , BMW- Bavarian Motors Pvt Ltd ආයතනය සතු බවද සිහිපත් කරමින්ය.

එහෙත් රිෂාඩ් හමීඩ් පොලිසියට ඉදිරිපත්වීම ප්‍රතික්ෂේප කර ඇති අතර ඒ වෙනුවට අනතුරින් හානියට පත් අනෙක් මෝටර් රථ දෙකට වන්දි මුදල් දීම සඳහා කොළඹ කෝටිපති ව්‍යාපාරිකයකුගේ මුල්‍ය උපදේශකවරයෙකු වන තරුණයකු පොලිසියට යැවීමට ඔවුන් කටයුතු කර ඇත.

අනතුරුව ඔවුන් සිය දේශපාලන හිතවත්කම් යොදාගෙන අදාළ මෝටර් රථය දහම් සිරිසේනට අයත් බවටත් අනතුර සිදුවූ අවස්ථාවේ ඔහු එම මෝටර් රථය පැදවූ බවටත් පුවත නිර්මාණය කර තම සමාජ ජාල ක්‍රියාකාරීන් හරහා එය ප්‍රසිද්ධ කිරීමට තීරණය කර ඇත. ඒ පොලිස් විමර්ශන අඩපන කිරීමට සහ අදාළ අනතුරේ චෝදනාවෙන් තම තමන් නිදහස්වීමේ අපේක්ෂාවෙන් යුතුවය.

දහම්ට එරෙහි මඩ පුවත පිටුපස රාජපක්ෂලාගේ FB බලකාය

වාර්තා වන ආකාරයට ඒ සඳහා අග්‍රාමාත්‍යවරයාගේ ඥාති සම්බන්ධයක් ඇති නිරෝෂන් විජේසුන්දර ද ඔහුගේ හිතවතකු වන මයන්ත දිසානායකද සහය වී ඇති බවට ආරක්ෂක අංශ වෙත අනාවරණය වී ඇති අතර ජනාධිපතිවරයාට එරෙහිව සමාජ මාධ්‍ය ජාල මෙහෙයවන පාර්ශව අදාළ පුවත ප්‍රසිද්ධ කර තිබෙන්නේ ඉන් අනතුරුව බවද හෙළිදරව්ව ඇත.

කෙසේ වුවත් මේ සම්බන්ධව ජනාධිපතිවරයාගේ පුතාගේ නම ගෑවීම හේතුවෙන් ජනාධිපතිවරයා උරණවී ඇති අතර සිය ජපන් සංචාරය අවසන් කර දිවයිනට පැමිණි වහාම සිදුවීමට අදාළ සියළු තොරතුරු දන්වන ලෙස ආරක්ෂක අංශ දැනුවත් කර ඇත්තේද ඒ අනුවය.

මෝටර් රථයේ හිමිකරු රිෂාඩ් හමීඩ් සහ රාජපක්ෂලාගේ සම්බන්ධය හෙළිවේ

මේ ආකාරයට අදාළ අනතුරට දහම් සිරිසේන සම්බන්ධ පුවත නිර්මාණය කිරීමට මුල්වූ පාර්ශව පිළිබඳ ආරක්ෂක අංශ සිදුකල විමර්ශන වලදී මෙම රිෂාඩ් හමීඩ් නමැත්තා හිටපු ජනාධිපති මහින්ද රාජපක්ෂ මහතාගේ පුතුන්ගේ සමීපතම ව්‍යාපාරික සගයෙක් බව අනාවරණය වී ඇත.

එසේම කොළඹ ඉසිපතන මාවතේ පිහිටි ඔහුගේ BMW- Bavarian Motors Pvt Ltd ආයතනය සඳහා මුදල් ආයෝජනය කිරීමට හිටපු අමාත්‍ය ජොන්ස්ටන් ප්‍රනාන්දු හා යෝෂිත රාජපක්ෂ විසින් බවටද තොරතුරු අනාවරණය වී ඇති අතර රග්බි ක්‍රීඩක තාජුදින් ඝාතනය සම්බන්ධයෙන් ද රහස් පොලිසිය මොහුගෙන් කටඋත්තර ලබාගෙන ඇති බවද ආරක්ෂක අංශ ජනාධිපතිවරයා දැනුවත් කර ඇති බව වාර්තා වෙයි.

වරදකරුවන් නීතිය ඉදිරියට ගෙන්න - ජනාධිපති

ඒ සම්බන්ධව ප්‍රතිචාර දක්වමින් ජනාධිපතිවරයා, තම පුතා වුවත් වරදක් කර ඇති බවට තහවුරු වනවා නම් ඔහුට එරෙහිව ක්‍රියා කිරීමට තමන් බාධා නොකරන නමුත් නිකරුණේ සිය දරුවන් අපවාදයට ලක්වීමට ඉඩදිය නොහැකි බවත් හේතුවෙන් තම පවුලේ කීර්තිනාමය කැතකර නම රැකගන්නට උත්සාහ කළ සියළු දෙනා නීතිය හමුවට පමුණුවන ලෙස ආරක්ෂක අංශ වෙත දැනුම්දී ඇති බව වාර්තා වෙයි

මේක දේශපාලන ප්‍රශ්නයක් නෙවෙයි : අගමැතිට හෝ ඇමතිට මඩ ගහන්න එපා - ජනාධිපති

එසේම අගමැතිවරයාගේ ඥාති සම්බන්ධයක් ඇති මෙන්ම ඇමතිවරයෙකුගේ ඥාති සම්බන්ධයක් පැවතීම නීතියෙන් ගැලවීමට වරප්‍රසාදයක් නොවිය යුතු බවත් වරදක් කර ඇති කවුරු වුවත් ඔවුන්ට එරෙහිව නීතිය ක්‍රියාත්මක විය යුතු බවද ජනාධිපතිවරයා ආරක්ෂක අංශ වෙත දැනුම්දී ඇති බවද දැනගන්නට ඇත.

එසේම අදාළ සිදුවීම මුල්කරගෙන අගමැතිවරයා හෝ අදාළ අමාත්‍යවරයාට මඩ ගසමින් දේශපාලනීකරණය නොකරන ලෙසත් කොහෙවත් යන නොසන්ඩාලයින් නිසා දේශපාලනඥයින් ජනතාවගෙන් බැනුම් අසන්නේ වරද කළවුන්ට එරෙහිව නීතිය අකුරට ඉටු නොවන නිසා බවද ජනාධිපතිවරයා එහිදී අවධාරණය කර ඇති බවත් වාර්තා වෙයි.

සබැදි පුවත

තලවතුගොඩ වැවට පෙරළුනු සුපිරි රථය හිමි ඇමති මස්සිනා ?

ඊයේ (17) අලුයම 6.15ට පමණ තලවතුගොඩ කීල්ස් සුපිරි වෙළඳ සැල ඉදිරිපිට කිඹුලා ඇලට වැටී තිබූ අති සුඛෝපභෝගී BMW i8 මෝටර් රථයේ හිමිකරු අමාත්‍ය කබීර් හෂීම් මහතාගේ පෞද්ගලික කාර්ය මණ්ඩලයේ සේවය කරන ඇමතිවරයාගේ මස්සිනා කෙනෙකුගේ බව අන්තර්ජාලයේ සමාජජාල මාධ්‍යයන්හි තොරතුරු පලවෙමින් ඇත.

එම වාර්තාවලට අනුව ඔහු එම රථය මිලදී ගෙන ඇත්තේ කොළඹ ඉසිපතන මාවතේ, BMW- Bavarian Motors Pvt Ltd ආයතනයෙනි. එහි හිමිකරු රිෂාඩ් හමීඩ් නමැත්තෙකි.

මෙම රිෂාඩ් හමීඩ් නමැත්තා හිටපු ජනාධිපති මහින්ද රාජපක්ෂ මහතාගේ පුතුන්ගේ සමීපතම ව්‍යාපාරික සගයෙකි.

මෙම වාහන ව්‍යාපාරයට මුදල් ආයෝජනය කර ඇත්තේ හිටපු අමාත්‍ය ජොන්ස්ටන් ප්‍රනාන්දු මහතා හා යෝෂිත රාජපක්ෂ මහතා විසින් බවටද ව්‍යාපාරික ක්ෂේත්‍රයේ කතාබහට ලක්වේ.

රග්බි ක්‍රීඩක තාජුදින් ඝාතනය සම්බන්ධයෙන් ද රහස් පොලිසිය මොහුගෙන් කටඋත්තර ලබාගෙන තිබිණ.

අති සුඛෝපභෝගී ලම්බෝගිනියක් ශ්‍රී ලංකාව ගෙන එම සම්බන්ධයෙන් මෙම රිෂාඩ් හමීඩ් නමැත්තාගේ බිරිඳ පසුගිය මාස කිහිපයකට පෙර සමාජ මාධ්‍ය අතර කතාබහට ලක්ව සිටියාය.

 දහම් සිරිසේනගේ සම්බන්ධය ?

 කෙසේවෙතත් ඊයේ ඇතැම් සමාජ මාධ්‍ය වාර්තා කර තිබුනේ, ජනාධිපති මෛත්‍රීපාල සිරිසේන මහතාගේ පුත් දහම් සිරිසේන මහතා මෙම රථයේ ගමන්කරමින් සිටියද මෙම අනතුර සිදුවූ බවයි.

එහෙත්, රූපවාහිනී නාලිකාවල පෙන්වූ පරිදි එම මෝටර් රථය නවතා තිබූ හෝටලයේ පිටයන අවස්ථාවේ CCTV දර්ශණවල දහම් සිරිසේන මහතා ඊට ගොඩවන බවක් නොපෙනෙයි.

අදාළ, මොටර් රථය කුඹුලා ඇලට වැටී තිබුණේ ඇක්සියෝ හා කොරෝලා වර්ගයේ මෝටර් රථ දෙකකද ගැටීමෙන් පසුවය.

එසේ හානියට පත් මෝටර් රථවලට වන්දි ගෙවීමට ලංකාවේ ඉහලම ව්‍යාපාරිකයකුගේ උපදේශකවරයකු ලෙස කටයුතු කරන තරුණ ව්‍යාපාරිකයකු පොරොන්දුවී තිබිණ.

මේ සම්බන්ධයෙන් Newstube.lk ජනාධිපති මධ්‍ය අංශයෙන් විමසීමක් කරන ලද අතර, එහි ප්‍රකාශකයෙකු පැවසූවේ දහම් සිරිසේන මහතා සම්බන්ධයෙන් මාධ්‍යයන්හි පළ වන ප්‍රවෘත්ති මුළු මුනින්ම අසත්‍ය බවත්, ජනාධිපති මෛත්‍රීපාල සිරිසේන මහතා සමග දහම් සිරිසේන මහතා ජපන් සංචාරයේ නිරතවූ බවත්, එම සංචාරය නිමවී මව්බිමට පැමිණියේ ඊයේ රාත්‍රිෙය්දී බවත්ය. 

මහපොල භාරකාර අරමුදලේ මුදල් රාජ්‍ය සුරැකුම්පත්වල ආයෝජනය සඳහා එම අරමුදල විසින් ලියාපදිංවි කළ සමාගමක් තිබියදී එහි සභාපතිවරයාට අයත් පෞද්ගලික සමාගමක් හරහා ආයෝජනය කර බරපතල මුල්‍ය අක්‍රමිකතාවක් සිදුකර ඇති බව වාර්තා වෙයි.

ලැබී ඇති තොරතුරුවලට අනුව මහපොල භාරකාර අරමුදලේ මුදල් රාජ්‍ය සුරැකුම්පත්වල ආයෝජනය සඳහා Nat Wealth Securities Ltd නමින් රාජ්‍ය සමාගමක් ඇත. එසේ තිබියදී මහපොළ භාරකාර අරමුදලේ මුදල් සුරැකුම්පත්වල ආයෝජනය කිරීම සඳහා Wealth Trust Securities Ltd නම් පෞද්ගලික සමාගම සහ ඊට අනුබද්ධ JK Asset Trust Management Ltd නම් යොදාගෙන ඇත.

පවුලේ සමාගමක් යොදාගෙන

Wealth Trust Securities Ltd නම් පෞද්ගලික සමාගම වික‍්‍රම වීරසූරියට නැතහොත් මහපොළ භාරකාර අරමුදලේ සභාපතිවරයාට අයත් සමාගමකි.

එසේම එහි අධ්‍යක්ෂ මණ්ඩලයේ සේනක වීරසූරිය සහ පි‍්‍රයන්ජිත් වීරසූය යන වික‍්‍රම වීරසූරියගේ පුතුන් දෙදෙනාද සිටියි. එසේම මහපොළ භාරකාර අරමුදලේ මුදල් ආයෝජනය සඳහා යොදාගත් බව සඳහන් වන JK Asset Trust Management Ltd නම් පෞද්ගලික සමාගමේ සභාපතිධුරය දරන්නේද වික‍්‍රම වීරසූරිය මහතාය.

වැඩිදුරටත් වාර්තා වන ආකාරයට මහපොළ භාරකාර අරමුදලේ මුදල් ඊට අයත් රාජ්‍ය සමාගම හරහා ආයෝජනය නොකොට එය එහි සභාපතිවරයා තම පවුලේ සෘජු සම්බන්ධයක් සහිත පෞද්ගලික සමාගම් හරහා ආයෝජනය කිරීම සිදුකර තිබෙන්නේ 2015 සැප්තැම්බර් 01දා සිට 2016 ඔක්තෝබර් 31 දක්වා ගෙවුනු කාලය තුළය.

මහපොළ සල්ලි බිලියනයක්

අදාළ කාලය තුළ මහපොළ භාරකාර අරමුදල සතු රුපියල් බිලියනක පමණ මුදලක් පමණ (මිලියන 1000ක්) මෙසේ පවුලේ සමාගම් හරහා රාජ්‍ය සුරැකුම්පත් වල ආයෝජනය කර ඇති බවද වාර්තා වෙයි.

පෞද්ගලික සමාගමට ලාභයි : රාජ්‍ය සමාගමට අලාභයි

එම කාලය තුළ වික්‍රම වීරසූරියගේ පෞද්ගලික සමාගම වූ Wealth Trust Securities Ltd සමාගම මහපොළ භාරකාර අරමුදලේ මුදලල් රාජ්‍ය සුරැකුම් පත් වල ආයෝජනය කිරීම හරහා රුපියල් පනස් දෙකෝටි විසි දෙලක්ෂ අසූඅටදාස් පන්සිය අසූ අටක් (රු: 522,288,588.00 ක්) පමණ එනම් රුපියල් මිලියන 552ක් ආයතා ලෙස උපයාගෙන ඇති බව වාර්තා වෙයි.

එසේම මේ සමයේ මහපොළ භාරකාර අරමුදල සතු රාජ්‍ය සමාගම වන Nat Wealth Securities රුපියල් දහඅට කෝටි අසූලක්ෂ එකසිය හතක් (රු: 188,000,107.00 ක් ), එනම් රුපියල් මිලියන 188ක් පමණ පාඩු ලබා ඇති බවද වාර්තා වෙයි.

අදාළ ක්‍රියාවලිය තුළ මහපොළ භාරකාර අරමුදල සතු රාජ්‍ය සමාගම මේ ආකාරයෙන් පාඩු ලැබුවත් 2013 - 2014 සමයේ එය අධික ලාභ ඉපයූ සමාගමකි. එසේම ආරංචිමාර්ග සඳහන් කරන ආකාරයට එම සමාගමේ 2013-2014 ආදායම් සහ 2015-2016 ආදායම් අතර පැහැදිළි වෙනසක්ද ඇත.

මලික්ගේ පත්වීම

එසේම අදාළ මුල්‍ය අක්‍රමිකතාව සිදුකළ සභාපතිවරයා වන වික්‍රම වීරසූරිය එම තනතුර සඳහා පත්කර තිබෙන්නේ මලික් සමරවික්‍රම අමාත්‍යවරයා බවත් ඒ පත්වීමද සිදුකර තිබෙන්නේ මහපොළ භාරකාර පනත උල්ලංඝණය වන ආකාරයට බව වාර්තා වෙයි.

මහපොළ පනතත් උල්ලංඝණය කරලා

එම පනත අනුව අදාළ භාරකාර අරමුදලේ සාමාජිකයන් වීමට අවස්ථාව හිමිවන්නේ වසය අවුරුදු 70ට අඩු අයට පමණකි. නමුත් එහි වික්‍රමවීරසුරිය සභාපතිවරයා 1939 වසරේ උපන් අයෙකු වන අතර ඊට අනුව 70 විය ඉක්මවූ අයෙකුද වෙයි.

ඒ බව සඳහන් කරන ආරංචිමාර්ග පෙන්වා දෙන්නේ අදාළ මුල්‍ය අක්‍රමිකතාව පමණක් නොව පනත උල්ලංඝණය වන ආකාරයට සිදුකර තිබ්බෙන පත්වීමේ සම්පූර්ණ වගකීම විෂයභාර අමාත්‍යවරයා ලෙස මලික් සමරවික්‍රම ගතයුතු බවය.

2016 මාධ්‍ය අනාවරණය

කෙසේ වුවත් මේ සම්බන්ධව මීට පෙර මාධ්‍ය අනාවරණය කර තිබිණ. ඒ මහපොළ භාරකාර අරමුදලේ සභාපතිවරයාගේ මේ කටයුතු හේතුවෙන් එම අරමුදල සතු රුපියල් බිලියන 7ක මුදල අවධානමේ බව හෙළිකරමින්ය.

එම සමයේ ඒ පිළිබඳ පරීක්ෂණයක් ආරම්භ කරන බවට වගකිවයුතු අංශ වෙතින් දැනගන්නට ලැබුණද මේ වන තෙක් ඒ ගැන හාවක් හුවක් නැත.

ඉඩමත් විකුණන්න ගියා

එසේම 2016 වසරේ මහපොළ භාරකාර අරමුදලට අයත් මහපොළ විශ්වවිද්‍යාලය ඉදිකිරීමට යෝජිත අක්කර 25 කින් යුත් මාලබේ පිහිටි ඉඩම පෞද්ගලික අධ්‍යාපන ආයතනයකට විකිණීමට එම අරමුදල සැලසුම් කර ඇති බවටද මාධ්‍ය වාර්තා පළවිය.

1988 වර්ෂයේදී මහපොළ ශිෂ්‍යත්ව අරමුදල ඇරඹීමත් සමග අදාළ ඉඩම අරමුදල වෙනුවෙන් මිලදී ගෙන තිබු අතර මහපොළ භාරකාර අරමුදලේ ඉහළ නිලධාරීන් කිහිප දෙනෙකුගේ වුවමණාවට එය සිදුකිරීමට යන බවද එහිදී අනාවරණය කර තිබිණ. ඒ මාධ්‍ය අනාවරණයන්ට සිදුවුයේ කුමක්ද යන්න තවමත් රට දන්නේ නැත.

පෙරටුගාමී හෙළිදරව්ව

මේ අතර පසුගිය 28 වනදා පෙරටුගාමී සමාජවාදී පක්ෂය විසින් පවත්වනු ලැබූ මාධ්‍ය හමුවකදී එහි අධ්‍යාපන ලේකම් පුබුදු ජයගොඩ ද මෙම මහාපරිමාණ මුල්‍ය අක්‍රමිකතාව පිළිබඳ විශේෂ අනාවරණයක් සිදුකරනු ලැබිණ.

එහිදී අදහස් දක්වමින් පෙරටුගාමී සමාජවාදී පක්ෂයේ අධ්‍යාපන ලේකම් පුබුදු ජයගොඩ මෙසේ පැවසීය.

”මහපොළ භාරකාර අරමුදල ආරම්භයේ සිට මේ දක්වාම මහපොළ භාරකාර අරමුදලේ පනතින්ම අයත්ව තිබුණේ වෙළඳ අමාත්‍යාංශයටයි. පසුකාලීනව නම් කළ විදිහට අභ්‍යන්තර වෙළඳ කටයුතු අමාත්‍යාංශය යටතේයි. 2015 සැප්තැම්බර් 21 නිකුත් කරපු ගැසට් නිවේදනයකින් මහපොළ භාරකාර අරමුදල, මලික් සමරවික‍්‍රම අමාත්‍යවරයා යටතේ තිබෙන සංවර්ධන උපායමාර්ග හා ජාත්‍යන්තර වෙළඳකටයුතු අමාත්‍යාංශය යටතට පත් කළා. ප‍්‍රශ්නයක් එනවා, මෙතරම් කාලයක් පැවතුණු සම්ප‍්‍රදායක් වෙනස් කරන්න හේතුව මොකද්ද කියලා"

වික්‍රමගේ වික්‍රමය

"80 දශකයේත් 90 දශකය මුල් භාගයේ පමණ මහපොළ සැණෙකෙලි පවත්වා ඒ සැණකෙලි හරහා අරමුදල් එකතුකළාට අමතරව මෙම අරමුදල සංවර්ධනය වන ප‍්‍රධාන විධික‍්‍රමය තමයි මේ අරමුදලේ තිබෙන මුදල් රාජ්‍ය සුරැකුම්පත්වල ආයෝජනය කිරීම. එයින් ලැබෙන පොලියෙන් තමයි මේ අරමුදල සංවර්ධනය කරන්නේ. රාජ්‍ය සුරැකුම්පත් වෙළඳපලට ඕනෑම කෙනෙකුට ගිහිල්ලා මුදල් ආයෝජනය කරන්න බැහැ. ඒ සඳහා ප‍්‍රාථමික වෙළඳුන් ලෙස ලියාපදංචි විය යුතුයි. ලංකාවේ එවැනි සමාගම් 16ක් තිබෙනවා. එනිසා රාජ්‍ය සුරැකුම්පත්වල මුදල් ආයොජනය කිරීම සඳහා මහපොළ භාරකාර අරමුදලින් රාජ්‍ය සමාගමක් ලියාපදිංචි කළා. National Wealth Corporation කියන සමාගමයි. එම සමාගමටම අනුබද්ධව තවත් රාජ්‍ය සමාගමක් Nat Wealth Securities Ltd නමින් ආරම්භ කළා. එම සමාගම විසින් තමයි රාජ්‍ය සුරැකුම්පත්වල මුදල් ආයෝජනය කරන්නේ. Nat Wealth Securities Ltd සමාගමේ සභාපතිවරයා ආචාර්ය වීරසූරියයි.

දෙවැනි එක මහපොළ භාරකාර අරමුදලේ සභාපති වනවාට අමතරව මහපොළ භාරකාර අරමුදලේ මුදල් රාජ්‍ය සුරැකුම්පත්වල ආයොජනය කිරීම සඳහා හදපු Nat Wealth Securities Ltd සමාගමේ සභාපතිවරයාත් ඔහුමයි.

ලැජ්ජා නැති කමේ දිග පළල සහ උස

ඔහු එහි සභාපතිවරයා ලෙස ඉන්නා අතරම ඔහුට තියනවා ඔහුගේම සමාගමක්. ඒ සමාගම තමයි Wealth Trust Securities Ltd සමාගම. මේ සමාගම රාජ්‍ය සුරැුකුම්පත් සඳහා ආයෝජනය කිරීම සඳහා ප‍්‍රාථමික වෙළඳුන් ලියාපදිංචි කළ සමාගම් 16න් එකක්. මේ පෞද්ගලික සමාගමේ කොටස් වැඩිම හිමිකාරීත්වය තියෙන්නේ මහාචාර්ය වික‍්‍රම වීරසූරියටයි. ඔහු යටතේ කොටස් 6,025,601ක් තිබෙනවා. Safe Holdings කියන සමාගමක් යටතේ තිබෙනවා කොටස් හැට අටලක්ෂ දහනමදාස් දෙසීයක්. Safe Holdings සමාගමේ සභාපතිවරයාත් වික‍්‍රම වීරසූරියමයි. ඒ අනුව ඔහුගේ පුද්ගලික නමින් තිබෙනවා කොටස් 60 ලක්ෂයක් විතර, ඔහු සභාපතීත්වය දරන සමාගමකට තිබෙනවා කොටස් ලක්ෂ 68ක් විතර. ඊට අමතරව මෙහි විශාල කොටස් හිමියෙක්ට ඉන්නේ Shinco Group කියන සමාගම. එයට කොටස් අසූ ලක්ෂයක් තිබෙනවා. Wealth Trust Securities Ltd කියන සමාගම වික‍්‍රම වීරසූරිගේ හිමිකාරීත්වය යටතේ තිබෙන ඔහුගේ පෞද්ගලික සමාගමක්.

අභ්‍යන්තර තොරතුරු එලියට ගියාද ?

මේ රාජ්‍ය සමාගමේ අධ්‍යක්ෂ මණ්ඩලයේ වික‍්‍රම වීරසූරිය, චන්දිමාල් මෙන්ඩිස් සහ නිල බලයෙන් මලික් සමරවික‍්‍රම ඇමතිවරයා ඉන්නවා. අමාත්‍යවරයාගේ පූර්ණ අනුදැනුම යටතේ රාජ්‍ය සමාගම මගහැර, පෞද්ගලික සමාගමක මුදල් ආයෝජනය කරනවා. පෞද්ගලික මූල්‍ය සමාගමට මහපොල භාරකාර අරමුදලේ අභ්‍යන්තර රහසිගත විගණන තොරතුරු යනවා. බැදුම්කර වංචාවේදීත් මෙහෙමයි වුනේ.

ශිෂ්‍යයන්ගේ ඉරණම

ඒ විතරක් නෙවේ, දැන් වෛද්‍ය ශිෂ්‍යයන්ට මහපොල දෙන්නේ නෑ. ‘සයිටම් පොද්ගලික වෛද්‍ය විද්‍යාලය අහෝසි කරන්න’ කියල මාස 10ක කාලයක් පන්ති වර්ජනයක නිරත වුනා. පන්ති වර්ජනයේ නිරතවෙද්දි විශ්ව විද්‍යාල ප‍්‍රතිපාදන කොමිෂන් සභාව කිව්වා පන්ති වර්ජන කාලයෙදී අධ්‍යයන කටයුතු සිදු නොවන නිසා එම කාලයට අදාලව මහපොල දෙන්නේ නෑ කියල. මොකද බැලූවේ මහපොල නැති වුණාම කන්න නැතුව ශිෂ්‍යයො ගෙවල්වලට යයි කියලා අරගල නොකර. නමුත් එහෙම උනේ නෑ. දිගටම ශිෂ්‍යයො හිටියේ අරගලයේ. ඒ කාලයට අදාල නොගෙවු වාරික 10ක් තිබෙනවා. සාමාන්‍යයෙන් වෛද්‍ය ශිෂ්‍යයෙක් සඳහා ඔවුන්ගේ පාඨමාලා කාලය අවුරඅදු 5ක් නිසා එක අවුරුද්දකට මහපොල වාරික 10 බැගින් මහපොල වාරික 50ක් සඳහා මුදල් වෙන් වෙනවා. දැන් පන්ති වර්ජනය අවසන් වෙලා පන්තිවලට යනවා. දැන් පන්ති පටන් අරගන. ඊට පස්සේ දැන් විශ්වවිද්‍යාල කොමිෂන් සභාව කියනවා වෛද්‍ය ශිෂ්‍යන්ට දෙන්නේ මහපොල වාරික 40යි, 50ක් දෙන්නේ නෑ පන්ති වර්ජනයේ යෙදුනු මාස10 සඳහා වාරික 10ක් කපනවා කියලා.

පන්ති වර්ජනය කළ මාස 10 කියල දෙයක් නෑ. දැන් ඒ මාස 10 නැවත අධ්‍යාපන කටයුතු සිදුවෙනවා. පාඨමාලාව අවුරුදු 5ම තිබෙනවා. ඔවුන් අලූතින් මාස 10ක් වෛද්‍ය සිසුන් අධ්‍යාපනය ලබනවා. නමුත් එක ශිෂ්‍යයෙක්ට වාරික 10 සඳහා රුපියල් 50000ක් කපනවා. අවම වශයෙන් සිසුන් 3000ට 3500ට මහපොල අහිමි වනවා. ඒ අනුව පන්ති වර්ජනය කළා කියල හේතුවක් දාලා මහපොළ අරමුදලෙන් ගෙවිය යුතු කෝටි 15ක් පමණ මහපොල වාරික වෛද්‍ය ශිෂ්‍යයන්ට දෙන්නේ නෑ. ගිය අවුරුද්දේ සිද්ද වුනු මුදල් වංචාව විසින් සිද්ධ වූ පාඩුව රුපියල් කෝටි 18ක්. දැන් හරියට හරි. එතන කෝටි 18ක් පාඩු වෙනවා, මෙතන තීරණය කරනවා කෝටි 15ක් සිසුන්ට ලැබිය යුතු මහපොල වාරික කපා දාන්න. දැන් ශිෂ්‍යයෝ පිටින් යවල තිබෙනවා මේ වංචාවේ පාඩුව. මලික් සමරවීරගේ සිට, වික‍්‍රම වීරසූරියගේ සිට, රතිල් වික‍්‍රමසිංහගේ පන්තියේ යාලූවා වන චන්දිමාල් මෙන්ඩිස්ලගේ සිට සියලූ දෙනා එකතුවෙලා කරපු හොරකමක්. මේ මහජන මුදල් අපහරණයෙහි බර දැන් පටවලා තිබෙනවා වෛද්‍ය ශිෂ්‍යයා උඩට. පාඩු වුණු කෝටි 18 කවර් කරන්න යන්නේ ශිෂ්‍යන්ට දෙන මහපොල වලින් කෝටි 15ක් කපලා. අපි හිතනවා මෙකට එරෙහිව නෛතික කි‍්‍රයාමාර්ග, උද්ඝෝෂණ කි‍්‍රයාමාර්ග සියල්ල ගතයුතුයි කියලා.”

උසස් අධ්‍යාපන හා මහා මාර්ග අමාත්‍යාංශයට අනුබද්ධ ‘මග නැගුම‘ ආයතනයේ සභාපතිවරයාවූ රජිව් සෙනවිරත්න පසුගිය පළාත් පාලන මැතිවරණ සමයේ රාජ්‍ය සේවයේ නිරතවන අතරතුර දේශපාලන ක්‍රියාකාරිකයෙකු ලෙස නීති විරෝධීව කටයුතු කර ඇති බව වාර්තා වෙයි.

ඒ ඔහු මඟ නැගුම ආයතනයේ සභාපතිවරයා ලෙස සිටින අතර පළාත් පාලන මැතිවරණයේ එක්සත් ජාතික පක්ෂ මැතිවරණ මෙහෙයුම් කාර්යාල ප්‍රධානියා ලෙසද කටයුතු කර තිබීම නිසාය.

රෙගුලාසි අමුඅමුවේ උල්ලංඝණය කරලා

මග නැගුම සභාපතිවරයා ලෙස කටයුතු කරන අතර එජාප මැතිවරණ මෙහෙයුම් කාර්යාල ප්‍ර‍ධානී තනතුරේ කටයුතු කිරීම - පළාත් පාලන ඡන්ද විමසීම සමයේ මහජන දේපල අයථා පරිහරණය, මැතිවරණ කොමිෂන් සභා නියෝග සහ ආයතන සංග්‍ර‍හය සහ මුල්‍ය රෙගුලාසි උල්ලංඝණය කිරීම සම්බන්ධ බරපතල වරදක් වන අතර කැෆේ සංවිධානය විසින් මැතිවරණ කොමිසම වෙත මේ පිළිබඳ පැමිණිලි කර ඇත.

කැෆේ සංවිධානය විසින් සිදුකර ඇති එම පැමිණිල්ලට අනුව රජිව් සෙනවිරත්න මහතා උසස් අධ්‍යාපන හා මහා මාර්ග අමාත්‍යාංශයට අනුබද්ධ ‘මග නැගුම‘ ආයතනයේ සභාපතිවරයා ලෙස කටයුතු කරන අතරතුර එක්සත් ජාතික පක්ෂ මැතිවරණ මෙහෙයුම් කාර්යාල ප්‍රධානියා ලෙස මැතිවරණ කොමිෂන් සභාව , මැතිවරණ නිරීක්ෂණ ආයතන සහ වෙනත් ආයතන සමඟ ලිඛිත ගණුදෙනු පවා සිදුකර ඇත.

කැෆේ ගෙනෙන සාක්ෂි මෙන්න

එසේම එජාප මැතිවරණ මෙහෙයුම් කාර්යාල ප්‍ර‍ධානී ලෙස මැතිවරණ කොමිෂන් සභාව, මැතිවරණ නිරීක්ෂණ ආයතන සහ වෙතත් ආයතන සමග රජීව් සෙනෙවිරත්න නැමති අයෙකු 2018 පළාත් පාලන ඡන්ද විමසීමට අදාළව ලිපි සහ ලේඛනවලට අත්සන් තබා ඇති බවත් ඔහු පිළිබද සොයා බැලීමේ දී පහත කරුණු කැෆේ සංවිධානයේ නිරීක්ෂණයට ලක්වී ඇති බවද කැෆේ සංවිධානය විසින් සිදුකල පැමිණිල්ලේ සඳහන් වෙයි.

ඉන් පළමු කරුණ ලෙස කැෆේ සංවිධානය පෙන්වා දෙන්නේ රජීව් සෙනෙවිරත්න නැමැත්තා, උසස් අධ්‍යාපන හා මහා මාර්ග අමාත්‍යාංශයට අනුබද්ධ ‘මග නැගුම‘ ආයතනයේ සභාපතිවරයා වන අතර ඒ බව එම ආයතනයේ නිල වෙබ් අඩවියේ http://maganeguma.lk/about-us/ සඳහන්ව තිබීම.

අනෙක් කරුණ වන්නේ රජීව් සෙනවිරත්න පළාත් පාලන ඡන්ද විමසීම සමයේ දී රජයේ ඒකාබද්ධ අරමුදලින් වැටුප් සහ දීමනා ලබන අතර, විධිමත් කාර්ය පටිපාටියෙන් තොරව, නියමිත අනුමැතියක් නොලබා එක්සත් ජාතික පක්ෂය ප්‍ර‍වර්ධනය කිරීමේ කාර්යයෙහි නිරත වෙමින් මැතිවරණ මෙහෙයුම් කාර්යාලයේ ප්‍ර‍ධානී ලෙස කටයුතු කර තිබීමය.

මැතිවරණ මෙහෙයුම් කාර්යාල ප්‍ර‍ධානීවරයා ලෙස මැතිවරණ කොමිෂන් සභාව, මැතිවරණ නිරීක්ෂණ සංවිධාන, පොලිස් දෙපාර්තමේන්තුව සහ වෙනත් ආයතන වෙත ලිපි ලේඛන ලියා ඇති බවත් රජයේ සේවකයෙකු ලෙස කටයුතු කරමින්, පක්ෂ ප්‍ර‍වර්ධනය සදහා කටයුතු කිරීම මැතිවරණ කොමිෂන් සභාව විසින් නිකුත් කර ඇති නියෝග/උපමාන පමණක් නොව ආයතන සංග්‍ර‍හයේ විධි විධාන හා රජයේ මුල්‍ය රෙගුලාසි උල්ලංඝනය කිරීමක්ද වන බව ද කැෆේ සංවිධානය පෙන්වා දෙයි.

මහජන දේපල අයථා පරිහරණයේ ජීවමාන සාක්ෂිය 

එසේම මැතිවරණ කොමිෂන් සභාව වෙත ලිපි දුසිම් ගණනක් යොමු කළ මේ පුද්ගලයා පසුගිය ඡන්ද විමසීම අතරතුර මහජන දේපල අයථා පරිහරනය, මානව සම්පත් අයථා පරිහරණය, රාජ්‍ය සේවකයින් විසින් දේශපාලන පක්ෂ ප්‍ර‍වර්ධනය පිළිබද ජීවමාන සාක්ෂියක් බවත් කැෆේ සංවිධානය සඳහන් කරයි.

රජීව් සෙනෙවිරත්න, මැතිවරණ කටයුතු සදහා භාවිත කළ දුරකතනය, වාහන, සහ වෙනත් ද්‍ර‍ව්‍ය බහුතරයක් මේ රටේ බදු ගෙවන ජනතාව විසින් දරා ඇති ද යන්න විධිමත් විමර්ශනයක් මගින් තහවුරු කර ගත හැකි බවද එහි සඳහන් කර තිබේ.

රාජපක්ෂ සමයේ වැඩිම පැමිණිලි ඉදිරිපත් කළ කෙනා

තවද 2008 සිට 2015 දක්වා පසුගිය රජය යටතේ මහජන දේපල අයථා පරිහණය සම්බන්ධයෙන් විශාල වශයෙන් පැමිණිලි කළ මෙම පුද්ගලයා අද එම ව්‍යවහාරයම සිදු කරමින් සෘජුව මැතිවරණ කොමිෂන් සභාව සමග ගණුදෙනු කරන බව මේ දක්වාම රහසක් වශයෙන් පැවතීම පුදුමයට කරුණක් බව සඳහන් කරන එම සංවිධානය මේ සම්බන්ධයෙන් විධිමත් විමර්ශනයක් පවත්වන ලෙසත්, එහි ප්‍ර‍තිඑල දන්වා එවීමට කටයුතු කරන ලෙසත් මැතිවරණ කොමිසමට දන්වා ඇත.

පෞද්ගලික තරහා පිරිමසීමක් - එජාප

මේ පිළිබඳ newstube.lk විසින් එජාප ප්‍රකාශකයකු වෙතින් කරුණු විමසු අවස්ථාවේ ඔහු සඳහන් කර සිටියේ කැෆේ සංවිධානයේ විධායක අධ්‍යක්ෂවරයාවූ රජිත් කීර්ති තෙන්නකෝන් පසුගිය මැතිවරණ සමයේ ස්වාධීන මැතිවරණ නිරීක්ෂකයකු ලෙස පෙනී සිට පක්ෂග්‍රාහීව හැසිරුණු ආකාරය සම්බන්ධව මැතිවරණ කොමිසමට රජීව් සෙනවිරත්න පැමිණිලි කිරීම හේතුවෙන් ඊට එකට එක කිරීමක් ලෙස මෙය සිදුකර ඇති බවය.

එසේම රජීව් සෙනවිරත්න අදාළ මැතිවරණ සාමය තුළ සිය නිලන් ඉවත්ව සිටියාද නැද්ද යන්න සම්බන්ධව තමන් ස්ථීරව නොදන්නා බවත් එසේ ඉල්ලා අස්වීමක් සිදුකර ඇත්නම් ඔහු එජාප මැතිවරණ මෙහෙයුම් කාර්යාලයේ සභාපතිවරයා ලෙස කටයුතු කිරීම වරදක් නොවන බවත් ඔහුට චෝදනා එල්ල කිරීමට පෙර ඒ පිළිබඳ සොයා බැලිය යුතු බවත් එම ප්‍රකාශකයා පැවසීය.

එහිදී අප ඔහුගේ අවධානයට යොමුකර සිටියේ මගනැගුම ආයතනයේ වෙබ් අඩවියේ රජීව් සෙනවිරත්න එහි සභාපතිවරයා ලෙස මැතිවරණ සමයේද සඳහන්ව තිබීම හමුවේ මෙසේ චෝදනා එල්ලවී ඇති බවය.

චෝදනා ඔප්පු කරන්න - එජාප

ඊට ප්‍රතිචාර දක්වමින් එජාප ප්‍රකාශකයා සඳහන් කර සිටියේ රාජ්‍ය අංශයේ වෙබ් අඩවි යාවත්කාළීන වීම පිළිබඳ ගැටළු ඇති බවත් අදාළ චෝදනා වලංගුවීමට නම් රජීව් සෙනවිරත්න මැතිවරණ මෙහෙයුම් කාර්යාලයේ ප්‍රධානියා ලෙස කටයුතු කරන අතරවාරයේ මග නැගුම ආයතනයේ නිල රාජකාරි සිදුකළ බවට ලිඛිත හෝ පිළිගත් සාක්ෂි ඉදිරිපත් විය යුතු බවය.

එවැනි පිළිගත් සාක්ෂී ඇත්නම් රටේ නීතියට අනුව ඔහු වරදක් සිදුකර ඇති බවත් ඊට අදාළ ඕනෑම නෛතික දඬුවමක් වෙත ඔහුව යටත් කරනවාට පක්ෂයේ කිසිඳු විරෝධයක් නොමැති බවය. එසේම එවැනි වරදක් සිදුව ඇති බවට ඔප්පු වනවා නම් අදාළ අමාත්‍යංශය භාර ලක්ෂමන් කිරිඇල්ල අමාත්‍යවරයාද ඒ පිළිබඳ ඔහු ජාතියෙන් සමාව ගතයුතු බවත් ඔහු පැවසීය.

නෛතික පසුබිම

රාජ්‍ය නිලධාරීන් මැතිවරණ නීති උල්ලංඝණය කිරීමට අදාලව ශ්‍රී ලංකා ආණ්ඩුක්‍රම ව්‍යවස්ථාවේ වන පැහැදිළි කිරීම මෙසේය.

ඊට අදාළව මැතිවරණ කොමිසම විසින් නිකුත් කළ ගැසට් නිවේදනය

බැඳුම්කර ගනුදෙනුව හරහා සේවක අර්ථසාධක අරමුදලට පමණක් ගනුදෙනු 7 කට අදාළව රුපියල් බිලියන 26ක පාඩුවක් සිදුව ඇති බවට කැෆේ සංවිධනයේ විධායක අධ්‍යක්ෂ කීර්ති තෙන්නකෝන් සහ රුසිරිපාල තෙන්නකෝන් සඳහන් කරන කාරනා සාවධ්‍ය වීමට වැඩි ඉඩක් ඇති බව නීති ක්ෂේත්‍රයේ ප්‍රවීණයන් සඳහන් කරයි.

තෙන්නකෝන් දෙබෑයන්ගේ නාඩගම

එසේම ඔවුන් පදනම් විරහිතව පක්ෂග්‍රාහී ලෙස සිදුකරන මෙම විවිධ ප්‍රකාශ බැඳුම්කර ගනුදෙනුව සම්බන්ධව සිදුවන නෛතික ක්‍රියාවලියට පවා දැඩි හානියක් සිදුකරන බවද නීති ක්ෂේත්‍රයේ ප්‍රවීණයන් පෙන්වා දෙයි.

විගණකාධිපති - කෝප් - ජනාධිපති කොමිසම වැඩ නාගෙනද

තෙන්නකෝන් මහත්වරුන් සඳහන් කරන තොරතුරු අනුව විගණකාධිපති විශේෂ විමර්ශනය සහ ජනතා විමුක්ති පෙරමුණේ සුනිල් හඳුන්නෙත්ති මන්ත්‍රීවරයාගේ සභාපතිත්වයෙන් යුතු කෝප් විමර්ශනය පමණක් නොව බැඳුම්කර ජනාධිපති කොමිසම පවා සිය කාර්ය නිසිලෙස ඉටුකිරීමට සමත්ව නොමැති බවක් හැගී යන බව සඳහන් කරන ක්ෂේත්‍රයේ ප්‍රවීණයන් වැඩිදුරටත් සඳහන් කර සිටින්නේ බැඳුම්කර ගනුදෙනුව සම්බන්ධව ඔවුන් සිදුකරන ප්‍රකාශ එතරම් බරපතල ලෙස නොගත යුතු බවය.

නින්දෙන් අවධිවුවා සේ ඔවුන් රුපියල් බිලියන 26ක පාඩුවක් ගැන එක් වරම මහා සොයාගැනීමක් කරනු ලැබූ ආකාරයේ හැසිරීමක් ඔවුන් පෙන්වන්නේ මෙතෙක් තමන් විසින් නඩත්තු කරමින් සිටි මතය පර්පෙචුවල් ට්‍රෙෂරීස් සමාගමේ විධායක නිලධාරියා ඉදිරිපත් කළ ලේඛනය නිසා අභියෝගයට ලක්වූ නිසා බවද නීති ක්ෂේත්‍රයේ ප්‍රවීණයන් සඳහන් කර සිටියි.

 බැඳුම්කර ගනුදෙනුව සම්බන්ධව ඇතිව තිබෙන සමාජ අවධානය සහ ඒ ආශ්‍රිත සිදුවීම් සම්බන්ධව newstube.lk සිදුකළ අදහස් විමසීමකදී නීති ක්ෂේත්‍රයේ ප්‍රවීණයන් කිහිපදෙනෙකු මෙම කරුණු අනාවරණය කර සිටිනු ලැබීය.

තෙන්නකෝන් දෙබෑයන් සීරියස් ගන්න එපා

බැඳුම්කර ගනුදෙනුවට අදාළව තෙන්නකෝන් මහත්වරුන් සඳහන් කරන කාරනා බැරෑරුම්ව නොගත යුතු බවට නිදර්ශන ලෙස නීති ක්ෂේත්‍රයේ ප්‍රවීණයන් සිහිපත් කර සිටින්නේ ප්‍රශ්නගත බැඳුම්කර ගනුදෙනුවට අදාළ ගැසට් පත්‍රය සම්බන්ධව පසුගිය වසරේ තෙන්නකෝන් මහත්වරුන් කටයුතු කළ වගකීම් විරහිත ආකාරයයි.

ගැසට් පත්‍රය ගැන සංදර්ශනයෙන් ඇනගත්තා මතකද

එදා ඔවුන් මහා සොයාගැනීමක් සිදුකළ බවක් පෙන්වමින් විශාල මාධ්‍ය සංදර්ශනයක් පවත්වා ශ්‍රී ලංකා මහ බැංකුව විසින් 2015 වසර ආරම්භයේ දී වෙන් කරවා ගත් අංකයක් යොදා ගනිමින් 2015 වසරේ සැප්තැම්බර් මාසයේ රජයේ මුද්‍රණාලය වෙත යොමුකර එය දෙසැම්බර් මස 15 හෝ ඊට ආසන්න දිනයක දී මුද්‍රණය කර ඇති බව පවසමින් කදිම නාඩගමක් නැටු බවත් එහෙත් එම කතාව අමුලික බොරුවක් බව පසුව අනාවරණය වූ එම නීතිවේදීන් පෙන්වා දෙයි.

 එදා කීර්ති තෙන්නකෝන් මහතා පුවත්පතක් වෙත විශේෂ ප්‍රකාශයක් කරමින් අදාළ සිදුවීම සම්බන්ධව සඳහන් කර තිබුණේ "බැඳුම්කර වංචාව නීතිය ඉදිරියේ දී අර්බුදයකට ලක් කර ඊට වගකිවයුතු පාර්ශ්ව සඟවා ඒ සියල්ලට රාජපක්ෂවරු වගකිවයුතු බවට නොමඟ යැවීමට මෙය සිදුකර ඇති බවත් ඒ බව තවදුරටත් තහවුරු කරනුයේ 2015 ජනවාරි 1 දින වන විට මෙම ගැසට් පත්‍රය මුද්‍රණය කළ මුදල් අමාත්‍යවරයා 2015 මාර්තු 1 දින සිදු වන දූෂිත බැඳුම්කර ගනුදෙනුවේ සැබෑ වටිනාකම අන්තිම රුපියල් සියයට (එනම් රුපියල් දසලක්ෂ 10,058 ක් බව) නිවැරැදිව දැන සිට ඇති මැජික් සටහන අනුව බවත් ය.

අදාළ ගැසට් පත්‍ර හෙළිදරව්ව 

එසේම මෙම දූෂිත ගනුදෙනුවේ පොලී අනුපාතය 12.5% ක් වන බව ද ගැසට් නිවේදනය තුළ සඳහන් කිරීමත් ඉතා සැක සහිත බවත් ඒ අනුව මේ සූදානම් වී ඇත්තේ ජනාධිපති කොමිසම පවා නොමඟ යවමින් එහි විමර්ශන අඩපණ කිරීමට බවත් ඔහු සඳහන් කර තිබිණ.'

 එදා මහා අභිරහසක් අනාවරණය කරගත් ආකාරයට ඔවුන් මේ ආකාරයේම හැසිරීමක් පෙන්නුම් කළත් අවසානයේ බැඳුම්කර ගනුදෙනු සම්බන්ධ රජයේ අතිවිශේෂ ගැසට් නිවේදන නිකුත් වන්නේ අදාළ බැඳුම්කර නිකුත් කිරීමෙන් පසුව බව අනාවරණය විය. හිටපු ජනාධිපති රාජපක්ෂ මුදල් අමාත්‍යවරයා ලෙස 2013 වසරේ එලෙස නිකුත් කරනු ලැබූ ගැසට් නිවේදනවල 2003 වසරේ නිකුත් කළ බැඳුම්කර නිකුතු වෙනුවෙන් ආඥා කළ බවට සඳහන් නිදර්ශන ඇති බව පසුව එම පුවත්පතම අනාවරණය කර තිබූ බවද ඔවුන් පෙන්වා දෙයි. එසේම ඔවුන් පෙන්වා දෙන්නේ අදාළ සිදුවීම හරහා තෙන්නකෝන් මහත්වරුන්ට බැඳුම්කර නිකුතුන් සම්බන්ධ මූලික දැනුමක් පවා නොමැතිව මාධ්‍ය සංදර්ශන පවත්වා ඇති බවයි.

බැඳුම්කර ගනුදෙනුවේ රාජ්‍ය පාඩුව ගැන විවිධ කතා

මේ අතර මෙතෙක් බැඳුම්කර ගනුදෙනුව හරහා රජයට සිදුවූ පාඩුව සම්බන්ධව විවිධ ගණන් ඉදිරිපත් වන ආකාරයක් පෙනෙන්නට ඇති බවත් එම ගණනය කිරීම් අතර පරස්පරයක් පවතින්නේ ඒවා සියල්ල උපකල්පනයන් මත සිදුකරනු ලබන ගණනය කිරීමේ ක්‍රමවේදය නිසා බව මුල්‍ය වෙළඳපොල විශ්ලේෂකයින් සඳහන් කර සිටියි.

කසුන් පලිසේනගෙන් පළිනොගන්න : අභියෝග කරන්න

එසේම පර්පෙචුවල් ට්‍රෙෂරීස් සමාගමේ විධායක නිලධාරි කසුන් පලිසේන අදාළ ගනුදෙනු හරහා රජයට කිසිඳු පාඩුවක් සිදුව නොමැති බවත් ඒ වෙනුවට ඔවුන් සමඟ ගනුදෙනු කළ රාජ්‍ය ආයතන 3 ට රුපියල් බිලියන 25 කට අධික ලාභයක් සිදුව ඇති බව ගණනය කර පෙන්වා දී ඇත.

ඒ අනුව ISIN, face value, cost of purches, carrying value, market value, capital gain profit/ loss, coupon received by holder till 22 jan.. 2018, coupon interest යන දත්ත දක්වා සේවක අර්ථසාධක අරමුදල රුපියල් 21,263,853,450.00 සහ ශ්‍රී ලංකා රක්ෂණ සංස්ථාව රුපියල් 2,976,658,500.00 සහ ජාතික ඉතිරි කිරීමේ බැංකුව 1,242,428,050.00 ලෙස රුපියල් 25,482,940,000.00 වශයෙන් රුපියල් බිලියන 25 කට අධික ලාභයක් උපයා ගෙන ඇති බව ගණනය කර දක්වා තිබේ.

කැල්කියුලේෂන් සමරි

ඒ අනුව නීති ක්ෂේත්‍රයේ ප්‍රවීණයන් පෙන්වා දී ඇත්තේ එම ගණනය කිරීම් නිවැරදි නම් සහ එය වැරදි බව න්‍යායිකව ඔප්පු කිරීමට අසමත් වුවහොත් අදාළ ගනුදෙනු මත රජයට අලාභයක් සිදුව ඇති බවට එල්ල කෙරෙන චෝදනා අහෝසිවී යා හැකි බවය.

 ඒ පදනමින් රජයට පාඩුවක් සිදුව ඇතැයි පවසන 

පාර්ශව දැන් කළ යුතුව තිබෙන්නේ කසුන් පලිසේන ඉදිරිපත් කර ඇති ගණනය කිරීම තුළ ඇති වරද අනාවරණය කිරීම බවත් අධිකරණයේදීද මේ පිළිබඳ අවධානය යොමුවනු ඇති බවත් ඔවුන් සඳහන් කර සිටියි.

මේ දත්ත වෙනුවෙන් කොමිසමේ දොරටු වැහුනා - PPT

කසුන් පලිසේන විසින් පසුගියදා තම ආයතනය සමඟ ගනුදෙනු කිරීම හරහා රාජ්‍ය ආයතන වෙත පාඩුවක් සිදුව නොමැති බව පෙන්වාදුන් එම දත්ත ජනාධිපති බැඳුම්කර කොමිසම හමුවේ අනාවරණය නොකළේ ඇයිද යන්න පිළිබඳ විමසීමේදී PPT පාර්ශවය සඳහන් කර සිටියේ ඔවුන්ට ඒ සඳහා නිසි අවස්ථාවක් නොලැබුණු බවය.

නීතිය ක්‍රියාත්මක කරනවාද ? පොලිටිකල් ගේමක්ද ?

පර්පෙචුවල් ට්‍රෙෂරීස් සමාගමේ හිමිකරු වූ අර්ජුන් ඇලෝසියස් ඇතුළු පිරිසට එරෙහිව නීතිය ක්‍රියාත්මක වන ආකාරය පිළිබඳ කිසිසේත්ම තෘප්තිමත් විය නොහැකි බව නීති ක්ෂේත්‍රයේ ප්‍රවීණයන් සඳහන් කරයි.

කාලෙන් කාලෙට වෙනස්වුන චෝදනා

ඔවුන් වැඩිදුරටත් පෙන්වා දෙන ආකාරයට බැඳුම්කර ගනුදෙනුව තුළ පර්පෙචුවල් ට්‍රෙෂරීස් සමාගම ලාභ ලැබූ ආකාරය සැකසහිත බවට ඉදිරිපත් කළ තර්ක පදනම් විවිධ අවස්තාවලදී වෙනස්වී තිබේ.

මේ වන විට මුලික ප්‍රවාදය ගොඩනැගී ඇත්තේ සමාගම ලැබූ ලාභය රජය ලැබූ අලාභයක් ලෙස දක්වමින්ය. එහෙත් මෙම සිදුවීම ආරම්භයේ ඊට අදාළව චෝදනා නැගු පාර්ශව සඳහන් කර සිටියේ හිටපු මහ බැංකු අධිපති අර්ජුන් මහේන්ද්‍රන් වෙතින් ලබාගත් තොරතුරු මත මෙම බැඳුම්කර ලබාගැනීමට ඔහුගේ බෑනා සතු පර්පෙචුවල් ට්‍රෙෂරීස් සමගම කටයුතු කළ බවත් ඒ අනුව මහ බැංකුවේ රහස්‍ය තොරතුරු පිටතටදීම සම්බන්ධව ඔවුන් වැරදිකරුවන් බවය.

අනෙක් ලංසුකාර සමාගම් ගැනත් බලන්න

නමුත් එක් එක් සමාගම් විසින් අදාළ ගනුදෙනු සඳහා ලංසු තබා ඇති ආකාරය අනුව පෙනී යන්නේ තවත් සමාගම් දෙකක් පර්පෙචුවල් ට්‍රෙෂරීස් සමාගම තැබූ ලංසු වලට ආසන්නව ලංසු තබා ඇති බවය. එසේම මේ පිළිබඳ කළ විමසුමකදී එම පාර්ශවයද සඳහන් කර සිටියේ බැඳුම්කර නිකුතුන්ට අදාළ මහ බැංකුවේ වෙබ් අඩවියේ තොරතුරු සහ රජයේ මුදල් අවශ්‍යතාව පිළිබඳ නිවැරදිව තක්සේරු කළ හැකි ඕනෑම අයෙකුට මෙසේ විශාල මුදලක් වෙනුවෙන් ලංසු තැබිය හැකි බවත් එම අවස්ථාව ලබාගැනීම තක්සේරු කිරීමේ දක්ෂතාව මත පදනම් වන්නක් වන බවය.

එසේම ප්‍රාථමික ගැනුම්කාර සමාගමක් මුල්‍ය වෙළඳපොල වෙත අවශ්‍ය තරම් ඉවකින් කටයුතු කර ලාභ ලැබීම වරදක් නොවන බවත් තම පාර්ශවය මෙහිදී ලංකා නීතිය උල්ලංඝණය වන කිසිඳු කටයුත්තක් සිදුකර නොමැති බවද ඔවුන් සඳහන් කර සිටියි.

පෙර්පෙචුවල් ට්‍රෙෂරීස් දාපු සෙල්ලම මොකක්ද?

මේ පිළිබඳ මුල්‍ය වෙළඳපොල විශ්ලේෂකයින් වෙතින් අප කළ විමසුමකදී ඔවුන් සඳහන් කර සිටියේ පර්පෙචුවල් ට්‍රෙෂරිස් සමාගම විසින් නිකුත් කළ ඔවුන්ගේ ආදායම් වාර්තාව ඇසුරෙන් මේ පිළිබඳ විශ්ලේෂණය කිරීමක් හැර ඊට වඩා වැඩි යමක් කිරීමට තමන්ට නොහැකි බවය. ඒ අනුව යමින් ඔවුන් පෙන්වා දෙන්නේ ඔවුන්ගේ ශුද්ධ පොලී ආදායමෙහි සංයුතිය පරීක්ෂා කළ විට එම සමාගම උපයා ඇති ආදායමින් පොලී වියදම් ලෙස විශාල මුදලක් ගෙවා ඇති බවත් ඔවුන්ගේ ආයෝජන මුළුමනින්ම පාහේ වෙනත් පාර්ශවයන් වෙතින් අඩු පොලියකට ණයට ගෙන ඇති බවක් පෙන්නුම් කරන බවය.

අඩු පොළියට කෙටි කාළීන ණය - වැඩි පොළියට දිගුකාලීන ආයෝජනයට

එසේම ඔවුන්ගේ ව්‍යාපාරික උපක්‍රමයේ ස්වභාවය වී තිබෙන්නේ අඩු පොලියට කෙටිකාලීන ණය ගනිමින්, වැඩි පොලී ලබා දෙන දිගුකාලීන ආයෝජන වල එම අරමුදල් යොදවා, මේ දිගුකාලීන බැඳුම්කර ඉතා ඉක්මණින් නැවත ද්වීතියික වෙළඳපොළෙහි විකුණා ප්‍රාග්ධන ලාභයක් මෙන්ම පොලී ආන්තිකයක්ද ඉපැයීම බවය. මෙය මුල්‍ය වෙළඳපොල තුළ ඉතා අවදානම් සහගත කටයුත්තක් නමුත් පර්පෙචුවල් ට්‍රෙෂරිස් සමාගම එම අවධානම ගැනීම තුළ සාර්ථකත්වයට පත්ව ඇති බවක් පෙන්නුම් කරන බවද ඔවුන් සඳහන් කර සිටියි.

අර්ජුන් මහේන්ද්‍රන්ට පෙරත් PPT අධික ලාභ ලබලා

එසේම පර්පෙචුවල් ට්‍රෙෂරිස් සමාගම අධික ලාභ ලබන්නේ අර්ජුන් මහේන්ද්‍රන් මහ බැංකු අධිපති ලෙස පත් වූ දින සිට නොවන බවත් 2014 මාර්තු අවසානය වන විට එම වසර තුළ අදාළ සමාගමේ ලාභය මිලියන 959.5ක් බවද මුල්‍ය වෙළඳපොල විශ්ලේෂකයින් පෙන්වා දෙයි.

ඒ අනුව පර්පෙචුවල් ට්‍රෙෂරීස් සමාගම තම මවු සමාගම වූ පර්පෙචුවල් කැපිටල් හෝල්ඩින්ග්ස් සමාගම විසින් යෙදවූ රුපියල් මිලියන 310.3ක ප්‍රාග්ධනයකට පමණක් හිම්කම් කියූ නමුත් මුල් වසරේ ලාභයෙන් වැඩි කොටසක් සමාගමේ ප්‍රාග්ධනයට එකතු කරගනිමින් සිය දෙවන වසර රුපියල් මිලියන 1,065.9ක ප්‍රාග්ධනයක් සමඟින් ආරම්භ කර ඇති බවත් දෙවන වසරේ එම සමගම ලබන ලාභය රුපියල් මිලියන 5,124.3ක් වී ඇති බවද ඔවුන් සඳහන් පෙන්වා දෙයි.

එසේම දෙවන වසර අවසානය වන විට පර්පෙචුවල් ට්‍රෙෂරිස් සමාගමේ ප්‍රාග්ධනය රුපියල් මිලියන 6,164.6 දක්වා ඉහළ ගොස් ඇති බවත් මේ ප්‍රාග්ධනය යොදවමින් සමාගම ඊළඟ මාස හය තුළ තවත් රුපියල් මිලියන 6,815.3ක ලාභ උපයා ඇති බවත් ඒ අනුව අදාළ සමාගම වසරකට 229.4%ක ප්‍රතිලාභ අනුපාතිකයක් පෙන්වා ඇති බවද මුල්‍ය වෙළඳපොල විශ්ලේෂකයින් පෙන්වා දෙයි.

කබ්රාල් සමයේ චෝදනා නෑ : ඒත් ලාභය !

එසේම 2015 පෙබරවාරි 27 දින පැවති වෙන්දේසියේදී පර්පෙචුවල් ට්‍රෙෂරිස් සමාගමට අනිසි වාසියක් සැලසුණු බව ඇතැමුන් පවසන නමුත් අර්ජුන් මහේන්ද්‍රන් අධිපතිධුරයෙන් ඉවත් වීමෙන් පසුවද එම සමාගම 229.4% තරමේ ඉහළ ප්‍රතිලාභ අනුපාතික වාර්තා කර ඇති බව පෙන්වා දෙන මුල්‍ය වෙළඳපොල විශ්ලේෂකයින් මහ බැංකු අධිපති ලෙස අජිත් නිවාඩ් කබ්රාල් කටයුතු කළ සමයේ ඔහුගේ සොහොයුරිය පර්පෙචුවල් ට්‍රෙෂරිස් සමාගමේ පූර්ණ අයිතිය ඇති මවු සමාගමේ අධ්‍යක්ෂවරියකව සිටි සමයේ පර්පෙචුවල් ට්‍රෙෂරිස් සමාගමේ ප්‍රතිලාභ අනුපාතිකය 309.2% තරම් ඉහළ මට්ටමක පැවත ඇති බවද පෙන්වා දෙයි.

මූලික දැනුමත් නැතිව ඔහේ මතුරණ මැතිරිලි

එහෙත් එම සමයට අදාළව කිසිඳු චෝදනාවක් පර්පෙචුවල් ට්‍රෙෂරීස් සමාගමට අදාළව නොමැති බවත් ඒ හමුවේ ප්‍රථමික ගැනුම්කාර සමාගමක ලාභය පිළිබඳ ප්‍රසිද්ධියේ සහතික දීමට ඉදිරිපත් වීමෙන් පෙනෙන්නේ මුල්‍ය වෙළඳපොල පිළිබඳ සහ එහි හැසිරීමට අදාළ මුලික දැනුම පවා එම පාර්ශව වෙත නොමැති බව යන්න බවද මුල්‍ය වෙළඳපොල විශ්ලේෂකයින් සඳහන් කර සිටියි.

චෝදනාව එකවර ප්‍රතික්ෂේප කරන්න බෑ

එසේම අර්ජුන් මහේන්ද්‍රන් මහ බැංකු අධිපති ලෙස සිටීම තුළ පර්පෙචුවල් ට්‍රෙෂරිස් සමාගමට අනිසි වාසියක් ලැබී ඇති බවට මතුකරණ තර්කය තමන් එකවර ප්‍රතික්ෂේප නොකරන නමුත් එම සමාගමේ ඉහළ ලාභ වලට එකම හේතුව ලෙස එය සැලකීමට කොහෙත්ම ඉඩක් නොමැති බවද ඔවුන් සඳහන් කරයි.

PPT ලැබූ ලාභය ලබන්න තවත් සමාගම් වලට පුළුවන්

එසේම ඔවුන් වැඩිදුරටත් සඳහන් කර සිටින්නේ මෙරට බැඳුම්කර නිකුත් කිරීමේ ක්‍රමවේදය තුළ පර්පෙචුවල් ට්‍රෙෂරිස් සමාගම විසින් හෝ වෙනත් එවැනි සමාගමක් විසින් බැඳුම්කර වෙළඳාමෙන් ඉදිරියේදී මෙවැනි විශාල ලාභ ලැබීමට ඉඩකඩ පවතින බවය. එහෙයින් සිදුකළ යුතුව ඇත්තේ පවතින ක්‍රමයට වඩා නියාමනයක් සහිත දියුණු ක්‍රමවේදයක් හඳුන්වාදීම බවත් දේශීය සමාගමක් ලබන ලාභය මත ඔවුන් හොරු ලෙස හංවඩු ගැසීම කොහෙත්ම වෙළඳපොල සමාජ ආර්ථිකයක් පිළිබඳ යහපත් හැසිරීමක් නොවන බවද ඔවුන් සඳහන් කර සිටියි.

නීතියේ අඩුවේ වාඩුව සමාගමෙන් ගන්නවාද ?

මේ පිළිබඳ අදහස් දක්වමින් නීති ක්ෂේත්‍රයේ ප්‍රවීණයන්ද සඳහන් කර සිටියේ කුප්‍රකට රාජ් රාජරත්නම් ඇමරිකාවේ ලැබූ චෝදනා මෙරටදී ලබන්නට කිසිඳු සමාගමකට ඉඩක් නොමැති බවත් ඒ මෙරට නීතියේ අඩුපාඩුවක් වන නිසා බවය.

ඒ අනුව සිදුකළ යුතුව තිබුණේ එම නව නීති හඳුන්වාදීම වුවත් මේ මොහොතේ ලංකාවේ සිදුවෙමින් පවතින්නේ අදාළ සමගම වරදක් සිදුකර ඇති බවට පුර්ව නිගමනයක සිට ඊට අදාළව නීති ගෙනෙන්නට යන තවත්වයක් බවත් ඔවුන් පෙන්වා දෙයි.

නීතිය නැව්වේ නැත්නම් ඇලෝ නිදහස්

එසේම කුමන හෝ ආකාරයට සැකකරුවන් වරදකරුවන් බවට පත්කිරීමේ අපේක්ෂාවක් මේ තුළ පවතින බවත් ඒ ආකාරයට නීති නැවීම කිසිසේත්ම ශිෂ්ට සමාජය අනුමත නොකරන බවය. එසේම එම නීති ප්‍රවීණයන් වැඩිදුරටත් සඳහන් කර සිටින්නේ ඒ හැර ලාභය ඉපයීම පදනම් කරගෙන අදාළ සමගම වැරදිකරුවන් කිරීමට ඉඩක් තමන් නොදකින බවය. එසේම මානව අයිතිවාසිකම් ගැන මාරාන්තිකව පෙනී සිටින ඇතැමුන්ගේ ඊනියා හැසිරීම මේ තුළ හෙළිවන බවත් ඒ සියල්ලට වඩා වෙළඳපොල සමාජ ආර්ථිකයක් තුළ සිටිමින් ව්‍යාපාරික ප්‍රශ්න දේශපාලනික ප්‍රශ්න බවට පත්කර ගැනීම හරහා ලංකාව තවමත් නව ගෝලීය තත්වයන්ට ගැලපීමට නොහැකි බැරිබැරියාවෙන් පෙලෙන බව ඔප්පු වන බවද ඔවුන් සඳහන් කරයි.

 (මේ නීති ක්ෂේත්‍රයේ සහ මුල්‍ය වෙළඳපොල සම්බන්ධ ප්‍රවීණයන් කිහිපදෙනෙකු සමඟ newstube.lk සිදුකළ අදහස් විමසීමක් ඇසුරෙන් සිදුකළ අනාවරණයක් බව සලකන්න.)

ශ්‍රී ලංකන් ගුවන් සේවයේ සහ මිහින් ලංකා ගුවන් සේවයේ සිදුව ඇති බරපතල මුල්‍ය අක්‍රමිකතා සොයන ජනාධිපති කොමිසමේ විමර්ශන කටයුතු පෙබරවාරි මස අග භාගයේ ආරම්භ කිරීමට නියමිතව ඇති බව වාර්තා වෙයි.

දේශපාලන ආරංචිමාර්ග සඳහන් කර සිටින ආකාරයට ශ්‍රී ලංකන් ගුවන් සේවයේ හිටපු සභාපති නිශාන්ත වික්‍රමසිංහ සහ මිහින් ලංකා ගුවන් සේවයේ සභාපති හිටපු පාර්ලිමේන්තු මන්ත්‍රී සජින් ද වාස් ගුණවර්ධන ඇතුළු හිටපු ජනාධිපතිවරයාගේ පවුලේ සහ හිතවතුන් රැසක් කොමිසමේ විමර්ශන කටයුතු ආරම්භයේදීම කැඳවීමට නියමිතව ඇත.

ගෝඨා සහ හිටපු ගුවන් හමුදාපතිත් ලයිස්තුවේ

එසේම සජින් ද වාස් ගුණවර්ධනට අමතරව මිහින් ලංකා ගුවන් සේවයේ අනෙක් ආරම්භක අධ්‍යක්ෂවරුන් වන ගෝඨාභය රාජපක්ෂ සහ හිටපු නාවික හමුදාපති රොෂාන් ගුණතිලකද මෙම පළමු වටයේ විමර්ශනවල සාක්ෂි සඳහා කැඳවීමට අපේක්ෂිතව ඇත.

ඊට ආසන්නතම හේතුව ලෙස සැලකෙන්නේ 2006 වසරේ ඔක්තෝබර් 07 වනදා මෙම සමගම මෙම ගුවන් සේවය ව්‍යවස්ථාපිත සමාගමක් ලෙස ඇරඹුණු නමුත් ඊට අදාළ නියමිත කැබිනට් අනුමැතිය හා සිවිල් ගුවන් සේවා අධිකාරියේ අනුමැතිය ලබාගෙන නොතිබීමය.

එසේම මුල්ම ගුවන්යානා මිලදී ගැනීමේදී නියමිත ටෙන්ඩර් පටිපාටියකට අනුව සිදුව නොමැති බව සම්බන්ධවද කොමිසම විමර්ශනය කරනු ඇති බව වාර්තා වෙයි.

ශිරන්ති , නාමල් සහ යෝෂිත දෙවැනි වටයේ මුල -

පසුගිය රාජපක්ෂ පාලන සමයේ ශ්‍රී ලංකන් ගුවන් සමාගමේ ප්‍රධානියා ලෙස කටයුතු කරනු ලැබුවේ හිටපු ජනාධිපති මහින්ද රාජපක්ෂගේ බිරිඳගේ සොයුරා වන නිශාන්ත වික්‍රමසිංහය. එහෙත් ශ්‍රී ලංකන් ගුවන් සේවයේ සහ මිහින් ලංකා ගුවන් සේවය තුළ සිදුවූ බොහෝ සිදුවීම් සඳහා ශිරන්ති රාජපක්ෂ මහත්මියද මැදිහත්ව ඇති බවට තොරතුරු ලැබී ඇති බව ආරංචිමාර්ග සඳහන් කර සිටියි.
ඒ අනුව කොමිසමේ විමර්ශන වලදී සාක්ෂි හරහා අනාවරණය කරගනු ලබන කරුණු හරහා එම මහත්මියවද කොමිසම හමුවට කැඳවීමට වැඩි ඉඩකඩක් ඇති බව වැඩිදුරටත් දැනගන්නට ඇත.

එසේම මේ වන විටත් නිකුත් කර ඇති වැලිඅමුණ වාර්තාවේ දැක්වෙන කරුණක් හේතුවෙන් පාර්ලිමේන්තු මන්ත්‍රී නාමල් රාජපක්ෂද කොමිසම හමුවට කැඳවීමට නියමිතව ඇත. ඒ නාමල් රාජපක්ෂගේ දේශපාලන කටයුතු සඳහා ශ්‍රී ලන්කන් ගුවන්සේවිකාවක් ගුවන් සමාගමේ වැටුප් මත මුදා හැර තිබීමය.

අප ආරංචි මාර්ග වැලිඅමුණ වාර්තාව උපුටා දක්වමින් පෙන්වා දෙන ආකාරයට හිටපු ජනාධිපති ලේකම් ලලිත් වීරතුංග ගේ ඉල්ලීමක් මත මෙම ගුවන් සේවිකාව නිදහස් කර ඇත. එසේම එහිදී එම ගුවන් සේවිකාව ගුවන් යානය තුළ සිදු කරන කටයුතු සඳහා දෙන දීමනා ඇතුළුව රුපියල් මිලියන 4.2 කට වැඩි මුදලක් නියමිත වැටුපට අමතරව ඇයට ගෙවා තිබේ.

එසේම හිටපු ජනාධිපතිවරයාගේ පුත් යෝෂිත රාජපක්ෂ සඳහා ලන්ඩනයේ සිට මෝටර් රථ අමතර කොටස් ශ්‍රී ලන්කන් ගුවන් සේවය ඔස්සේ යැවීමට කටයුතු කිරීම සම්බන්ධව යෝෂිත රාජපක්ෂ මහතාද කොමිසම හමුවට කැඳවීමේ ඉඩක් පවතී.

 නිශාන්ත වික්‍රමසිංහ අවධානමේ

එසේම දුෂණ සහ අක්‍රමිකතා වෙනුවෙන් හිටපු ආයතන ප්‍රධානියා වන ශිරන්ති රාජපක්ෂ මහත්මියගේ සහෝදරයා වන නිශාන්ත වික්‍රමසිංහට එරෙහිව බරපතල චෝදනා ඇති බවත් ඒ මත අපරාධ චෝදනා ලැබීමට වැඩි ඉඩක් ඇති බවද ආරංචිමාර්ග සඳහන් කර සිටියි.

වැලිඅමුණ වාර්තාව මගින් ඒ බව යෝජනා කර තිබූ බව පෙන්වාදෙන අප ආරංචිමාර්ග වැඩි දුරටත් සඳහන් කර සිටින්නේ වැලිඅමුණ වාර්තාව පදනම් කරගනිමින් අග්‍රාමාත්‍ය කාර්යාලයෙන් නිකුත් කළ නිවේදනයේද එවැන්නක් සඳහන්ව තිබූ බවය.

ඒ අනුව වැලිඅමුණ වාර්තාවේ සඳහන් වන ආකාරයට ශ්‍රී ලන්කන් ආයතන ප්‍රධානී වික්‍රමසිංහ සඳහා අතිසුඛෝපභෝගී මෝටර් රථයක් ලබාගැනීම සඳහා එවකට ශ්‍රී ලංකන් ගුවන් සේවයේ ප්‍රධාන විධායක නිලධාරී ලෙස කටයුතු කළ කපිල චන්ද්‍රසේන යොදවා කූට ලේඛන සකසා ඇත.

එසේම මෙම රථය ඔහු ලබා ගැනීමට කටයුතු කර ඇත්තේ ඒ වන විටත් නිශාන්ත වික්‍රමසිංහ වෙත නිකුත් කර තිබූ සුඛෝපභෝගී බෙන්ස් රථයට සහ අධි සුඛෝපභෝගී ප්‍රාඩෝ රථයට අමතරවය.

තවද “ශ්‍රී ලංකන් එයාර්ලයින් බ්‍රෑන්ඩ් ඇම්බැසඩර්” නමින් නව තනතුරක් නිර්මාණය කර නිශාන්ත වික්‍රමසිංහ ගේ හිතවත් ගුවන් සේවිකාවන්ට ලබා දී ඇති බවද වැලිඅමුණ වාර්තාවේ සඳහන් වන අතර ජනාධිපති කොමිසම හමුවේ මෙම කරුණුද විමර්ශනයට ලක්වනු ඇති බව වාර්තා වී ඇත.

ගුවන් සේවක පත්වීමේ ගැටළු

මීට අමතරව ශ්‍රී ලංකන් ගුවන් සමගම සඳහා සේවක බඳවා ගැනීම් සිදුකිරීමේදී බඳවා ගැනීමේ විභාගය නොකඩවා කිහිප වතාවක් ම අසමත් වූ කිහිප දෙනෙකු ම කළමනාකරුවන්ගෙන් ලැබුණු වාචික ඉල්ලීම් මත බඳවා ගෙන ඇති බවත් ප්‍රධාන විධායක නිලධාරී වශයෙන් කටයුතු කළ චන්ද්‍රසේන ඔහු දරු නිලය සඳහා සුදුසුකම් තිබූ අයෙක් නොවන බවත් දැනටම සාක්ෂි සහිතව වැලිඅමුණ වාර්තාවේ සඳහන් බව පැවසේ.

ජනාධිපති කොමිසමේ ගැසට් පත්‍රයට ජනාධිපතිගේ අත්සන යොදයි

මී ට අමතරව නීති විරෝධී ලෙස පුද්ගලයන් විදේශ වලට රැගෙන යාම, ශ්‍රී ලන්කන් කාර්යමණ්ඩලයේ මැදිහත්වීමක් සහ ගුවන් ආරක්ෂාව පිලිබඳ කිසිදු පළපුරුද්දක් නැති විශ්‍රාමික මේජර් ජෙනරාල් වරයෙක් රුපියල් හාර ලක්ෂ පනස් දහසක වැටුපකට බඳවාගෙන තිබීම, ඇතුළු චෝදනා රැසක් සම්බන්ධව කොමිසම විමර්ශනය කරනු ඇති බව දැනගන්නට ඇත.

ශ්‍රී ලංකන් ගුවන් සමාගම, සී\ස ශ්‍රී ලංකන් කේටරිං සමාගම සහ මිහින් ලංකා ගුවන් සේවයේ සිදුවූ මහා පරිමාණ මුල්‍ය වංචා සොයාබැලීමේ විශේෂ ජනාධිපති කොමිසම පත්කිරීමට අදාළ ගැසට් නිවේදනයට ජනාධිපතිවරයා පෙබරවාරි 02 වනදා අත්සන් කරනු ලැබූ අතර ඊට අදාළ මාධ්‍ය නිවේදනයක්ද ජනාධිපති මාධ්‍ය අංශය නිකුත් කර තිබිණ.

ජනාධිපති මාධ්‍ය අංශය නිකුත් කර ඇති නිවේදනයට අනුව පෙබරවාරි 02 වනදා ජනාධිපතිවරයා එම ගැසට් නිවේදනයට අත්සන් තබා ඇති අතර ඒ අනුව 2006 ජනවාරි මස 01 වැනි දින සිට 2018 ජනවාරි මස 31 වැනි දින දක්වා වූ කාල පරිච්ජේදය තුළ මෙම ආයතන තුළ සිදුවූ මුල්‍ය අක්‍රමිකතා සොයා බැලීමට මෙම කොමිසම කටයුතු කිරීමට නියමිතව ඇත.

කොමිසමේ සාමාජිකයන් මෙන්න

මෙම කොමිසමේ සාමාජිකයින් ලෙස ජනාධිපතිවරයා නම් කර තිබෙන්නේ ශ්‍රේෂ්ඨාධිකරණයේ විශ‍්‍රාමලත් විනිශ්චයකාර අනිල් ගුණරත්න, අභියාචනාධිකරණයේ විනිශ්චයකාර ඇතාඋඩ ආරච්චිගේ ගාමිණි රෝහන් අමරසේකර, මහාධිකරණයේ විශ‍්‍රාමලත් විනිශ්චයකාර පියසේන රණසිංහ, විශ‍්‍රාමලත් නියෝජ්‍ය විගණකාධිපති මල්ලවආරච්චිගේ දොන් ඇන්තනි හැරල්ඞ්, ශ‍්‍රී ලංකා ගිණුම් හා විගණන ප‍්‍රමිති සමීක්ෂණ මණ්ඩලයේ අධ්‍යක්ෂ ජනරාල් වසන්තා ජයසීලි කපුගම යන මහත්ම මහත්මීන්ය.

කොමිසමේ වගකීම මෙන්න

ජනාධිපති මාධ්‍ය අංශයේ නිවේදනයට අනුව මෙම ජනාධිපති කොමිසම විසින් අදාළ සමාගම්වල සිදුවූ පහත අක‍්‍රමිකතා පිළිබඳ සොයා බලනු ඇත.

01- මහා භාණ්ඩාගාරය, ලංකා බැංකුව, මහජන බැංකුව සහ යම් වෙනත් මූල්‍ය ආයතනයක් හෝ ආස්ථිත්‍යයක් විසින් මුල්‍ය සම්පත් යෙදවීම ඇතුළුව කොටස් ප‍්‍රාග්ධනය සහ ණය ගැනීමේ මාර්ගයෙන් අරමුදල් යෙදවීමේ සහ එබදු අරමුදල් ආයෝජනය කිරීම,

02- මිහින් ලංකා සමාගම ස්ථාපිත කරලීම, මෙහෙයුම් සහ නිමාකරලීම,

03- ශී‍්‍ර ලංකන් එයාර්ලයින්ස් සමාගම සහ එක්සත් අරාබි එමීර් රාජ්‍යයේ ජාත්‍යන්තර ගුවන් සමාගම වන එමිරේට්ස් එයාර්ලයින්ස් සමාගම අතර එළඹී ගිවිසුම අවසන් කරලීම, සහ ඊට හේතුන් සහ එහි සංකීර්ණ ප‍්‍රතිඵල

04- ගුවන් යානා සහ යම් වෙනත් වත්කකම් මිලදී ගැනීම, විකිණිම, බදුදීම, විකිණිම සහ ආපසු බද්දට ගැනීම, පැවරුම, හුවමාරුව, මුදාහැරීම සහ බැහැර කිරීමට අදාළ ගිවිසුම් වලට එළඹීම, දීර්ඝ කිරිම, සහ අවලංගු කරලීම

05- වටිනාකම රු මිලියන 50 ඉක්මවන ගුවන්යානා සහ යම් වෙනත් වත්කම් මිලදී ගැනීම, විකිණිම, බදුදීම, විකිණීම හා ආපසු බද්දට ගැනීම, පැවරුම, හුවමාරුව, මුදාහැරීම සහ බැහැර කිරීම ඇතුළුව භාණ්ඩ හා සේවාවන් ප‍්‍රසම්පාදනය සහ ගුවන් යානා සමූහය නැවත පිහිටුවීම

06- භාණ්ඩ, සේවා හෝ යම් වෙනත් කර්තව්‍යයක් සැපයීම සඳහා අනුයෝජිතයින්, තැරැව්කරුවන්, උපදේශකවරුන්, සමාගම් සහ යම් වෙනත් පුද්ගලයෙකු හෝ ආස්ථිත්‍යයක් බඳවාගැනීම සහ පත්කරලීම

07- අනෙකුත් රටවල්හි මාර්ග ජාලය සහ කාර්යාල විවෘත කරලීම, නඩත්තුව සහ අත්හිටුවාලීම

08- ශ‍්‍රී ලංකන් එයාලයින්ස්, ශී‍්‍ර ලංකන් කේටරිං සහ මිහින් ලංකා යන සමාගම් අතර ගණුදෙනු

09- බඳවාගැනීම , පත්කරලීම, පාරිශ‍්‍රමිකය, උසස් කිරීම, ස්ථාන මාරුව, සේවක අපවර්තනය සහ විශ‍්‍රාම ගැන්වීම, අධ්‍යක්ෂ මණ්ඩලය, ප‍්‍රධාන විධායක නිලධාරින්, සභාපතිවරු සහ සෙසු ජ්‍යෙෂ්ඨ කළමනාකාරිත්වය පත් කරලීම ඇතුළුව මානව සම්පත් කළමනාකරණය

10- මූල්‍ය වාර්තාකරණය, ආදළ ගිණුම්කරණ සහ විගණන ප‍්‍රමිතීන්ට අනුකුලව කි‍්‍රයා කිරීම, සහ මූල්‍ය සහ මෙහෙයුම් කාර්ය සාධනය සහ තත්ත්වය

ප්‍රශ්නගත බැඳුම්කර ගනුදෙනුව හරහා රජයට මහා පරිමාණයේ පාඩුවක් සිදුවූ බව සඳහන් සඳහන් කරමින් විවිධ අගයන් ඉදිරිපත් කරන බවත් ඒ සියල්ල අමූලික බොරු බව ඔප්පු කිරීමට සාක්ෂි තම සේවාදායකයා සතු බව අර්ජුන් ඇලෝසියස් මහතාගේ නීතිඥයන් සඳහන් කරයි.

ඇත්ත හෙළිකරන්න සුදානම්

අර්ජුන් ඇලෝසියස් මහතා ප්‍රශ්නගත බැඳුම්කර ගනුදෙනුව පිළිබඳ විශේෂ ප්‍රකාශයක් සිදුකිරීමට යන බවට සමාජ ජාල වෙබ් අඩවි තුළ පළවන පුවත් වල සත්‍ය අසත්‍යතාව විමසීම සඳහා newstube.lk කළ විමසුමකදී අර්ජුන් ඇලෝසියස් මහතාගේ නීතිඥයන් මේ බව සඳහන් කර සිටියේය.

කැත වැඩක් ගොඩක් වෙනවා

එහිදී වැඩි දුරටත් අදහස් අදහස් දක්වමින් ඔවුන් සඳහන් කර සිටියේ මේ වන විට බැඳුම්කර ගනුදෙනුව පිළිබඳ දේශපාලන වේදිකාවේ විවිධ ප්‍රකාශ විවිධ කතා පළකර සිටියත් ඒ පිළිබඳ තම සේවාදායකයා නිහඬව සිටි බවත් එහෙත් මේ වන විට එය තම සේවාදායකයාගේ සියළු ව්‍යාපාර අහිමි කරන නිදහස් වෙළඳපොල සමාජයක ව්‍යවසායකයකු කොහෙත්ම බලාපොරොත්තු නොවන තැනකට පත්ව ඇති බැවින් රටේ මෙන්ම ජාත්‍යන්තරවත් සියළු දෙනාට දැන ගැනීම සඳහා මේ ගනුදෙනුවේ ඇත්ත පැතිකඩ හෙළිකිරීමට තම සේවාදායකයා තීරණය කර ඇති බවය.

ලාභය ඇමරිකන් ඩොලර් මිලියන 170ක්

පසුගිය කාලයක් පුරා ඒ වෙනුවෙන් වෙන්කර බැඳුම්කර ගනුදෙනුව සම්බන්ධව තම සේවාදායක පාර්ශවය පැහැදිළි ගණනය කිරීමක් සිදුකළ බවත් ඒ හරහා මෙම ගනුදෙනුවට සම්බන්ධ රජයේ මුල්‍ය ආයතන රුපියල් බිලියන 25 (ඇමරිකානු ඩොලර් මිලියන 170) කට අධික ලාභයක් ලබා ඇති බව ඔප්පු කිරීමට සාක්ෂි තමන් සතුව ඇති බවද එම නීතිඥයන් සඳහන් කර සිටියේය.

වැඩිදුරටත් අදහස් දක්වමින් ඔවුන් පෙන්වා දුන්නේ බැඳුම්කර ගනුදෙනුවට තම සේවාදායකයා හරහා සම්බන්ධවූ රාජ්‍ය ආයතන තුනම ලැබූ ලාභය පිළිබඳ වාර්තා තමන් සතුව ඇති බවය.

රාජ්‍ය ආයතන 3 ලාභය මෙන්න

ඒ අනුව මෙම රාජ්‍ය ආයතන වන සේවක අර්ථසාධක අරමුදල රුපියල් බිලියන 21.5 ක් , ජාතික රක්ෂණ සංස්ථාව රුපියල් බිලියන 2.9ක් සහ ජාතික ඉතිරි කිරීමේ බැංකුව රුපියල් බිලියන 1.2 ලෙස ලාභ ලබා ඇත.

එසේම මෙතෙක් බැඳුම්කර ගනුදෙනුව පිළිබඳ සිදුකළ විමර්ශන වලදී විවිධ ආයතන රජයට අලාභයක් සිදුවූ බවට විවිධ අලාභයන් වාර්තා කළ බවත් ඒ සියල්ල උපකල්පිත අලාභයන් බවද ඔවුන් සඳහන් කර සිටියි.

කරුණු නොදැන ප්‍රශ්නය දේශපාලනික කරලා

රාජ්‍ය අරමුදල් විසින් මෙම බැඳුම්කර නිකුතු ද්වීතික වෙළඳපොළේ මිලදී ගත්තාට පාඩුවක් සිදු නොවන බවත් ඒවා නැවත වෙලඳාම් කර ලාබ ඉපැයීමේ අවස්ථාව තිබෙන බවද ඔවුන් සඳහන් කරයි. එසේම එය දිගින් දිගටම සිදුවන ක්‍රියාවලියක් බව සඳහන් කරන ඔවුන් වැඩිදුරටත් පෙන්වා දෙන්නේ බැඳුම්කර ගනුදෙනුව සහ ප්‍රාථමික ගැනුම්කාර ආයතන , ද්විතීක වෙලඳපොල සකසා ඇති ආකාරය ගැන වැඩි විස්තර නොදන්නා සමාජය නොමග යවමින් මෙතෙක් මෙම ප්‍රශ්නය දේශපාලනීකරණය කිරීම ඉතා කනගාටුදායක තත්ත්වයක් බවය.

හිටපු අමාත්‍ය පාර්ලිමේන්තු මන්ත්‍රී රවී කරුණානායක විසින් තමන්ගේ වරප්‍රසාද කඩවීමක් සම්බන්ධව පාර්ලිමේන්තුවේ සිදුකිරීමට නියමිතව තිබූ විශේෂ ප්‍රකාශය පූර්ව දැනුම්දීමකින් තොරව අත්හිටුවීමට කතානායක කරූ ජයසූරිය කටයුතු කර ඇති බව වාර්තා වෙයි.

එජාපය කැළඹෙයි

කතානායකවරයාගේ මෙම ක්‍රියාව සම්බන්ධව මේ වන විට එක්සත් ජාතික පක්ෂය තුළද දැඩි ආන්දෝලනයක් මතුව ඇති බව වාර්තා වන අතර පාර්ලිමේන්තු මන්ත්‍රී රවී කරුණානායක පාර්ශවය සඳහන් කර සිටින්නේ නියමිත පටිපාටිය අනුව යමින් අද (24) දිනයේ මන්ත්‍රීවරයා සිය වරප්‍රසාද කඩවී ඇති බවට ප්‍රකාශයක් සිදුකරන බව දැනුම්දී තිබියදී කතානායකවරයා මෙසේ කටයුතු කර ඇති බවය.

කතානායකගේ වැඩේ සැකයි

එසේම කතානායකවරයා මෙසේ අද දිනයේ එම ප්‍රකාශය සිදුකිරීමට අවස්ථාවක් නොතිබුණා නම් ඒ පිළිබඳ ඊයේ දිනයේ හෝ දැනුම්දීමට තිබූ බවත් ඒ හමුවේ කතානායකවරයාගේ මෙම හැසිරීම බරපතල සැකසංකා මතුකරණ කාරණයක් බව එක්සත් ජාතික පක්ෂයේ තරුණ මන්ත්‍රීවරයෙක් newstube.lk අමතා පැවසීය.

එසේම ඊයේ දිනයේ පාර්ලිමේන්තුව හමුවේ ප්‍රකාශයක් සිදුකරමින් කතානායකවරයා පවසා සිටියේ බැඳුම්කර කොමිසමේ වාර්තා ජනාධිපති කාර්යාලයට, පාර්ලිමේන්තුවට, නීතිපති කාර්යාලයට සහ මහා බැංකුවට පමණක් ලබාදුන් බවට ජනාධිපති කාර්යාලය සහතික කර තිබෙනවා කියා බවත් අවම වශයෙන් රවී කරුණානායක මන්ත්‍රීවරයා තමන්ද ජනාධිපති කාර්යාලයෙන් ලබාගත් බව පවසා ඇති නමුත් ඔහු වෙතින් ඒ පිළිබඳ විමසීමක්වත් කිරීමට කතානායකවරයා කටයුතු නොකිරීම සැකසහිත තත්ත්වයක් බවද එම මන්ත්‍රීවරයා සඳහන් කරයි.

රවීව දැන දැනම අවධානමේ දාලා

එසේම මේ වන විට පාර්ලිමේන්තු මන්ත්‍රී රවී කරුණානායක අත්අඩංගුවට ගැනීමේ සූදානමක් පවතින බවට ප්‍රවෘත්ති වාර්තා පළවෙමින් ඇති බවත් ඒ හමුවේ මන්ත්‍රීවරයාගේ වරප්‍රසාද කඩවීමේ ප්‍රකාශය සිදුකිරීමට වළක්වාලීමට කතානායකවරයාම කටයුතු කිරීම හමුවේ රවී කරුණානායක මන්ත්‍රීවරයා අවධානමේ හෙලීමේ ප්‍රයත්නයට කතානායකවරයා වක්‍ර අනුබලයක් සපයා ඇති බවක් පෙනීයන බවද එම මන්ත්‍රීවරයා සඳහන් කර සිටියේය.

කතානායක වාරණය කළේ අදිසි හස්තයක්ද ?

වැඩිදුරටත් තම අනන්‍යතාව හෙළිනොකිරීමේ සහතිකය පිට අපවෙත අදහස් දැක්වූ එම මන්ත්‍රීවරයා සඳහන් කර සිටියේ පැනනැග ඇති දේශපාලන වාතාවරණය හමුවේ කතානායකවරයා ද කිසියම් අදිසි හස්තයක මෙහෙයවීමකට නැතුව ඇතිදෝයි සැකයක් පවතින බවය.

එසේම ඒ පිළිබඳ මේ වන විටත් පක්ෂ අභ්‍යන්තරයේ නායක මට්ටමේ සාකච්ඡාවක් ආරම්භ කර ඇති බවත් එම සාකච්ඡාවෙන් පසුව මතුව ඇති තත්ත්වය පිළිබඳ තීරණයක් ලැබෙනු ඇති බවද මන්ත්‍රීවරයා වැඩිදුරටත් පැවසීය.

මේ අතර වරප්‍රසාද කඩවීම පිළිබඳ ප්‍රකාශය සිදුකිරීමට නොහැකිවීම පිළිබඳව පාර්ලිමේන්තු මන්ත්‍රී රවී කරුණානායක වෙතින් අප කළ විමසුමකදී මේ මොහොතේ කරුණු දැක්වීම ප්‍රතික්ෂේප මන්ත්‍රීවරයා තම පාර්ලිමේන්තු ප්‍රකාශය මාධ්‍ය වෙත ලබාදෙන බව පවසා newstube.lk වෙතද එය ලබාදුන්නේය.

පාර්ලිමේන්තු මන්ත්‍රී රවී කරුණානායක සිය වරප්‍රසාද කඩවීම සම්බන්ධව පාර්ලිමේන්තුවේ සිදුකිරීමට අපේක්ෂිත වූ කතාව පහත දැක්වේ.

බැඳුම්කර වාර්තාවෙන් වගඋත්තරකරුවන් වී සිටින කිසිඳු අයකුට නිදහසේ කටයුතු කිරීමට ඉඩක් නැතැයි ජනාධිපති මෛත්‍රීපාල සිරිසේන මහතා අවධාරණය කර සිටියි.

එම වගඋත්තරකරුවන් සියලු දෙනාට දඬුවම් දෙන බවටද හෙතෙම කියා සිටියි.

ජනාධිපතිවරයා එබව සඳහන් කර සිටියේ, කන්තලේ නගරයේ අද (21) පැවති මැතිවරණ ප්‍රචාරක රැළියක් අමතමිනි.

 මෙම ගණුදෙනුව පිටුපස ඇති අග්‍රාමාත්‍යවරයාගේ සම්බන්ධතාවය හෙළිදරව් වන බව එම වෙබ් අඩවිය පවසයි.

මේ අතර ජනාධිපති කාර්යාලයේ නිලධාරියකුගේ මෙහෙයවීම යටතේ ක්‍රියාත්මක වෙබ් අඩවියක් විසින් බැඳුම්කර ජනාධිපති කොමිසම් වාර්තාවෙන් අගමැති රනිල් වික්‍රමසිංහ මහතා වගඋත්තරකරු වන ආකාරය පැහැදිලිකර දී ඇත.

එම වෙබ් වාර්තාවේ මෙසේ සඳහන් වේ.

 ''හිටපු අමාත්‍ය රවී කරුණානායක මහතා මුදල් ඇමතිව සිටි, අර්ජුන් මහේන්ද්‍රන් මහතා අධිපතිව සිටි සමයේ මහ බැංකුවේ සිදු වූ බැඳුම්කර කොල්ලයට තමන්ගේ කිසිම සම්බන්ධයත් නැති බවත් තමන් සුද්ධවන්තයෙක් බවත් කීමට අග්‍රාමාත්‍යවරයා දැඩි උත්සාහයක නිරතවන නමුත් එම වංචාසහගත බැඳුම්කර ගණුදෙනුව සම්බන්ධයෙන් විමර්ශනය කිරීම සඳහා පත් කළ ජනාධිපති කොමිසම විසින් නිකුත් කළ වාර්තාවේ 26වන පරිච්ඡේදය පරීශීලනය කිරීමේදී, මෙම දූෂිත කොල්ලකාරී ගණුදෙනුව පිටුපස ඇති අග්‍රාමාත්‍යවරයාගේ සම්බන්ධතාවය මැනවින් හෙළිදරව් වන බව එම වෙබ් අඩවිය පවසයි.

බැඳුම්කර ජනාධිපති කොමිසම් වාර්තාව මඟින් ඉතාම පැහැදිලිව අග්‍රාමාත්‍ය රනිල් වික්‍රමසිංහ මහතා එවක මහ බැංකු අධිපතිව සිටි අර්ජුන් මහේන්ද්‍රන් මහතාව පත්කිරීමේ සිට කුප්‍රකට මහ බැංකු බැඳුම්කර කොල්ලයන් සිදුකර ගැනීම දක්වා පෙර සැලසුම් කර, සිදුකරන ලද්දක් බවට සුපැහැදිලිව අනාවරණය වේ.

මෙය බැඳුම්කර ජනාධිපති කොමිසම් වාර්තාවේ 26 වැනි පරිච්ජේදයේ පිටු අංක 848 සිට 855 දක්වා විශ්ලේෂණය කිරීමෙන් අවබෝධ කර ගත හැක.

 1. මහබැංකු අධිපතිවරයා ලෙස අර්ජුන මහේන්ද්‍රන් පත් කිරීම;

කොමිසමේ සොයාගැනීම්: අග්‍රාමාත්‍යවරයාගේ එකඟතාවය මත එතුමන් විසින් ජනාධිපතිවරයාට අර්ජුන මහේන්ද්‍රන් පත්කරලීමට නිර්දේශ කිරීම.

 2. අර්ජුන මහේන්ද්‍රන්ගේ පුරවැසිභාවය පිළිබඳ ගැටලුව

කොමිසමේ සොයාගැනීම්: එවැනි විදේශීය පුරවැසිභාවයක් සහිත පුද්ගලයකු නිර්දේශ කරන ලද පුද්ගලයාගේ ප්‍රමුඛත්වයන්ට හෝ හොඳ නරක පිළිබඳ දැක්මට අනුව තීරණය වන්නක්.

 3. මහ බැංකු අධිපතිවරයා ලන්සු තැබීමේ ක්‍රමවේදය වෙනස් කරලීම පිළිබඳ ගැටලුව

කොමිසමේ සොයාගැනීම් : අග්‍රාමාත්‍යවරයා උපදෙස් පමණක් ලබා දෙන ලදී. නමුත් මහ බැංකු අධිපතිවරයා එම ක්‍රමවේදය ඒකපාර්ශ්වීය ලෙස වෙනස් කරන ලදී.

 4. අර්ජුන මහේන්ද්‍රන් සහ අර්ජුන ඇලෝසියස් අතර පවතින ඥාති සම්බන්ධය හේතුවෙන් ඇතිවන අභිලාෂයන්හි ගැටුම

 කොමිසමේ සොයාගැනීම්: අග්‍රාමාත්‍යවරයා විසින් මහ බැංකු අධිපතිවරයා මත තබන ලද විශ්වාසය වැරදි වීම.

අග්‍රාමාත්‍යවරයා විසින් ඔහු මහ බැංකු අධිපතිවරයා වෙත තබන ලද විශ්වාසයේ ගෞරවය ආරක්ෂා කරනවාදැයි විමසා බැලීමට සක්‍රිය ලෙස දායක නොවීම පිළිබඳ කොමිසම කනගාටුව ප්‍රකාශ කරන ලදී.

 5. පිටිපන කමිටුව පිළිබඳ ගැටලුව

කොමිසමේ සොයාගැනීම්: පිටිපන කමිටුව මෙම විෂය ක්ෂේත්‍රය පිළිබඳ ගනුදෙනු කිරීමට අවශ්‍ය තාක්ෂණික දැනුමෙන් තොරවීම. ආරම්භයේදීම අග්‍රාමාත්‍යවරයා මේ සම්බන්ධයෙන් තාක්ෂණික දැනුමින් සන්නද්ධ කමිටුවක් පත් කළ යුතුව තිබුණි.

6. අග්‍රාමාත්‍යවරයා විසින් පාර්ලිමේන්තුවේ දී සිදු කරන ලද ප්‍රකාශය සම්බන්ධයෙන්: ‘‘මහේන්ද්‍රන් වෙන්දේසි ක්‍රියාවලියට මැදිහත්වීමක් නොවූ බව”

කොමිසමේ සොයාගැනීම්: සාක්ෂි ඊට විරුද්ධ කරුණක් ඔප්පු කර පෙන්වා තිබීම. අග්‍රාමාත්‍යතුමා විසින් මෙම ප්‍රකාශය වඩා හොඳ උපදෙස් ලබාගෙන කළ යුතුව තිබුණි. අර්ජුන මහේන්ද්‍රන් හා නියෝජ්‍ය අධිපතිවරයා වන සමරසිරි අග්‍රාමාත්‍යවරයාව නොමඟ යැවීම. මෙවැනි ප්‍රකාශයක් සිදු කර ලීමට පෙර මහ බැංකුව තුළ කුමක් සිදු වුනි දැයි ස්වාධීනව විමර්ශනය කළ යුතුව තිබුණි.

7. දූෂණ චෝදනාවක් පළමු වරට එල්ල වූවාට පසු ද අර්ජුන මහේන්ද්‍රන්ට තම ධුරයේ කටයුතු කිරීමට ඉඩ සැලසීම.

කොමිසමේ සොයාගැනීම්: මෙම කාලවකවානුව තුළ අර්ජුන මහේන්ද්‍රන්ගේ ක්‍රියාවන් සම්බන්ධයෙන් විමර්ශනය කිරීමට දක්ෂ, සුදුසු සහ දැනුවත්භාවයකින් යුක්ත කමිටුවක් පත් කළේ නම් තත්ත්වය මීට වෙනස් වනු ඇත. අර්ජුන මහේන්ද්‍රන් වැරදි කිසිවක් සොයා ගැනීමට නොහැකි වූයෙන් ඔහු මහ බැංකු අධිපති ධුරයෙන් ඉත් කරන තෙක් එහි සේවය කරන ලදී.

 අග්‍රාමාත්‍යවරයාගේ භූමිකාව පිළිබඳ අවසන් නිර්දේශය:

 අග්‍රාමාත්‍යවරයාගේ භූමිකාව පිළිබඳ නිර්දේශයක් නොමැත.

මෙහි සංක්ෂිප්තය 26 වන පරිච්ඡේදයේ අග්‍රාමාත්‍යවරයාගේ භූමිකාව පිළිබඳ දීර්ඝ වශයෙන් කවරක් සාකච්ඡා වූවේදැයි ප්‍රකාශ නොකරයි.

 1. විශ්ලේෂණය

අර්ජුන මහේන්ද්‍රන් ආණ්ඩුකාරවරයකු ලෙසින් සිතාමතාම තම පුද්ගලික වාසිය තකා හෝ තව පුද්ගලයෙකුගේ වාසිය තකා මහජන අරමුදල් හෝ ඔහුගේ භාරකාරත්වය යටතේ වූ අරමුදල් තම ධුරය භාවිතා කරමින් අවභාවිතයට ලක් කර ඇති බවට සාක්ෂි ඇති බව සනාථ වී ඇත.

 2. නිර්දේශය 17: අප කල්පනා කරන පරිදි 2015/2/27 දින පැවති බැඳුම්කර ගනුදෙනුව පිළිබඳව සිද්ධියේ දී අර්ජුන මහේන්ද්‍රන්ගේ මැදිහත් වීම එනම්, පර්පචුවල් ට්‍රෙෂරීස් සහ ටෙන්ඩර් මණ්ඩලය වෙත වෙන්දේසියේ මිලියන දහයක් පිළිගත යුතු බවට දුන් උපදෙස් හේතුවෙන් ඔහු මෙම පාඩුව සඳහා වගකිව යුතු බව අප විසින් නිශ්චය කරන ලදී.

 3. නිර්දේශය 20 : 2016 මාර්තු 29 දින වූ බැඳුම්කර වෙන්දේසියේ දී නිත්‍ය භාරකරුවන් විසින් තොරතුරු ලබාගැනීම සහ භාවිතා කිරීම.

 4. නිර්දේශය 21: නිත්‍ය භාරකරුවන් ඇතුළාන්තයේ තොරතුරු භාවිතා කරමින් ද්විතීය වෙළෙඳපොළෙහි වෙළෙඳාම හැසිරවීම හරහා නිත්‍ය භාරකරුවන් විශාල වශයෙන් ලාභ අත්පත් කොටගෙන ඇත.

 5. නිර්දේශය 19 : ඉහත සඳහන් කරන ලද හැසිරීම් රටාවන් දූෂ්‍ය ක්‍රියාදාමයන් සඳහා හේතු සහගත වන්නේද යන වග පරීක්ෂණයකට බඳුන් කිරීමට බැඳුම්කර කොමිසමට නිර්දේශ කිරීම.

 6. දූෂණයට එරෙහි වූ එක්සත් ජාතීන්ගේ සමුළුවෙහි ක්‍රියාපටිපාටීන් උල්ලංඝනය කිරීමේ නිර්වචනයට අනුව අග්‍රාමාත්‍යවරයාගේ වගකීම් කාර්යශූරව ඉටු කිරීමේ නොහැකියාව සිතාමතාම ඇති කිරීම. එනම්, මහබැංකු අධිපතිවරයාගේ ක්‍රියාපටිපාටීන් සහ නිලයෙහි බලය හෝ අනෙකුත් ශක්‍යතාවයන් පවතින නීතිවලට පරයා හැසිරවීම. එනම්, තමා වෙත හෝ තව පුද්ගල කොටසකට වාසි ලබාගැනීම පිණිස කටයුතු කිරීම.

 7. කොමිසම දක්වන පරිදි අග්‍රාමාත්‍යවරයා විසින් එක් වරක් නොව අවස්ථා ද්විත්වයකදීම හිටපු මහ බැංකු අධිපතිවරයාගේ නීති විරෝධී ක්‍රියාකලාපය තම නිරීක්ෂණයෙන් බැහැර කොට ඇත.

හිටපු මහ බැංකු අධිපතිවරයා පත්කිරීම අගමැති එකඟත්වය මත සිදුවූවකි. පාර්ලිමේන්තුවේදී එක් අවස්ථාවකදී පමණක් නොව, අවස්ථා ත්‍රිත්වයකදීම අග්‍රාමාත්‍යවරයා විසින් හිටපු මහ බැංකු අධිපතිවරයා වෙනුවෙන් පෙනී සිටීම. (ප්‍රථමයෙන් ප්‍රකාශයක් නිකුත් කිරීම, කෝප් වාර්තාව 1 සහ කෝප් වාර්තාව 2) එලෙසම ගැටලුව යට ගැසීම සඳහා අනු කමිටුවක් පත් කිරීමට සිදු විය. ඒ අනුව අග්‍රාමාත්‍යවරයා විසින් හිටපු මහ බැංකු අධිපතිවරයාට සිය අශෝභන ක්‍රියාවේ නිරත වන්නට හැකි පරිදි පාර්ලිමේන්තුවත්, මහජනතාවත්, නොමඟ යැවීමට කටයුතු සිදු කොට ඇත.

 8. එලෙසින්ම අග්‍රාමාත්‍යවරයා විසින් ජනපති නියමය වූ හිටපු මහ බැංකු අධිපතිවරයා ධුරයෙන් ඉවත් කිරීමේ තීරණයට ද විරෝධය ප්‍රකාශ කළේය.

 9. මේ අනුව විචක්ෂණ පුද්ගලයෙකුගේ මතය වනුයේ ද අග්‍රාමාත්‍යවරයා විසින් ස්වකීය නිලය සතු රාජකාරි මඟහරිමින්, තම හෝ අන්‍ය පුද්ගල ප්‍රයෝජනය සඳහා ශ්‍රී ලංකා මහ බැංකුව යටත් අමාත්‍යවරයා ලෙස තම රාජකාරිය සිදු කිරීමට අපොහොසත් හෝ මඟහැරීම කර ඇති බවයි.

 10. ශ්‍රී ලංකා නීතියට අනුව නෛතික වරදක් සිදු නොවී තිබුණ ද ජාත්‍යන්තර අල්ලස් හෝ දූෂණ විරෝධී සම්මුතිය යටතේ නීතිය කඩවීමක් සිදුවී ඇත.

 11. එසේ නමුදු, මෙම ක්‍රියා කලාපය නිසාවෙන් අග්‍රාමාත්‍යවරයා හා මහජනතාව අතර පැවති සමාජ සම්මුතිය පලුදු වී ඇති අතරම මෙම යහපාලන සංකල්පයන් වන විනිවිදභාවය, වගකීම සහ වගවීම හා කාර්යක්ෂමතාව පලුදු කිරීමකි.

 12. මේ සියල්ල හැරුණුකොට අග්‍රාමාත්‍යවරයා විසින් පාර්ලිමේන්තුව නොමඟ යවා ඇත.

 —මෙය 26 වැනි පරිච්ඡේදයේ අන්තර්ගතය.—

 රනිල් වික්‍රමසිංහ අගමැති සහ මහෙන්ද්‍රන් පවුල අතර ඇති දැඩි සම්බන්ධය ද, අගමැති විසින්, මහේන්ද්‍රන් එම තනතුරට පත් කිරීම ද, වැරදි පෙනි පෙනී ඔහු නිර්දෝශී බව පාර්ලිමේන්තුවේදී ප්‍රකාශ කිරීම ද, දැනුමක් හෝ හැකියාවක් නැති කමිටු පත් කරමින්, කරුණු වසං කිරීමට තැත් කිරීම ද සැලකූ විට, අගමැතිතුමා, තමා නිර්දෝෂී සහ සිදු වූ ගනුදෙනුව ගැන කිසිත් නොදන්නා බව ප්‍රකාශ කිරීම අසත්‍ය බව පෙනී යයි.''

ජනාධිපති බැඳුම්කර කොමිසමේ වාර්තාව පදනම් කරගෙන සම්මුති ආණ්ඩුව පෙරළීමේ කුමන්ත්‍රණයක් දියත්වූ බවට තොරතුරු අභ්‍යන්තර බුද්ධි අංශ අනාවරණය කරගෙන ඇති බව වාර්තා වෙයි.

වාර්තා වන ආකාරයට ප්‍රශ්නගත බැඳුම්කර ගනුදෙනුව පිළිබඳ වාර්තා වූ අවස්ථාවේ සිට ඒ මත පදනම්ව සම්මුති ආණ්ඩුව බිඳ දැමීම වෙනුවෙන් සැළසුම් සහගතව දියත්ව ඇති මෙම කුමන්ත්‍රණය අදියර කිහිපයක් හරහා දියත් කර ඇත.

පළමු ගොදුර රවී

ඒ අනුව කුමන්ත්‍රණයේ පළමු අදියර දියත්ව ඇත්තේ සම්මුති ආණ්ඩුවේ ප්‍රධාන දේශපාලන පක්ෂ දෙක වන එක්සත් ජාතික පක්ෂය සහ ශ්‍රී ලංකා නිදහස් පක්ෂය අතර අර්බුදයක් නිර්මාණය කිරීමය. ඒ වෙනුවෙන් ඔවුන් ප්‍රශ්නගත බැඳුම්කර ගනුදෙනුව සම්බන්ධව හිටපු අමාත්‍ය රවී කරුණානායක වගකිව යුතු බවට මහා පරිමාණයේ මාධ්‍ය ප්‍රචාරයක් ලබාදීමය.

අගමැතිට එරෙහිව මාධ්‍ය මෙහෙයුමක්

 මෙහිදී කුමන්ත්‍රණකාරී කණ්ඩායමේ ඉලක්කය වුයේ අග්‍රාමාත්‍ය රනිල් වික්‍රමසිංහ වුවත් පළමු අවස්ථාවේ දී ඔවුන් රවී කරුණානායක ඉලක්ක කර ඇත. පසුව ශ්‍රී ලංකා මහ බැංකුව විෂය භාර අමාත්‍යවරයා වන්නේ රනිල් වික්‍රමසිංහ අග්‍රාමාත්‍යවරයා බව සඳහන් කරමින් ඔහු ඉලක්කකර මාධ්‍ය මෙහෙයුම දියත් කර ඇත.

රනිල් - මෛත්‍රී කොටවන සැළසුම

අනතුරුව එය අග්‍රාමාත්‍ය රනිල් වික්‍රමසිංහ සහ ජනාධිපති මෛත්‍රීපාල සිරිසේන අතර ප්‍රශ්නයක් ඇතිවන තැනක් දක්වා වර්ධනය කර ඇති බව සඳහන් කරන බුද්ධි තොරතුරු පෙන්වා දෙන්නේ එහි අවසාන අදියර ලෙස බැඳුම්කර ජනාධිපති කොමිසමේ වාර්තාව පදනම් කරගෙන ජනාධිපතිවරයා සිදුකළ විශේෂ ප්‍රකාශයද විකෘති කිරීමට කටයුතු කර ඇති බව අනාවරණය වී ඇති බවය.

මේ සම්බන්ධ සියළු ලිඛිත සාක්ෂි අප වෙතද ලැබී ඇති අතර ඊට අදාළව newstube.lk අනාවරණය මෙසේය.

හදිසි විශේෂ ප්‍රකාශයට උපදෙස් දුන්නේ කවුද?

ප්‍රශ්නගත බැඳුම්කර ගනුදෙනුව සම්බන්ධව පත්කළ ජනාධිපති කොමිසමේ වාර්තාව ජනාධිපතිවරයා වෙත ලබාදෙනු ලැබුවේ පසුගිය දෙසැම්බර් 30 වනදාය.

අනතුරුව ජනාධිපතිවරයා ඒ පිළිබඳ විශේෂ ප්‍රකාශයක් නිකුත් කරන බවට නිවේදනය වූ අතර එම ප්‍රකාශය ජනාධිපතිවරයා සිදුකළේ ජනවාරි 03 වනදාය. පසුව දේශපාලන පක්ෂ ඇතුළු සිවිල් සමාජ ක්‍රියාකාරීන් මැදිහත්ව බැඳුම්කර කොමිසමේ වාර්තාව මෙන්ම ඒ වන විටත් ජනාධිපතිවරයාට ලබාදී තිබු වංචා සහ දුෂණ විමර්ශනය කිරීමේ ජනාධිපති කොමිසමේ අතුරු වාර්තා 34 ද පාර්ලිමේන්තුවෙ සභාගත කළයුතු බවට සමාජ මතයක් නිර්මාණය කෙරිණ.

කතානායකවරයා විසින් අදාළ වාර්තා පාරිමෙන්තුවට ඉදිරිපත් කරන ලෙස ජනාධිපති ලේකම්වරයාට දැනුම්දුන්නේද පාර්ලිමේන්තුව නියෝජනය කරන දේශපාලන පක්ෂ මැදිහත්ව කතානායකවරයා වෙතින් සිදුකළ ඉල්ලීමකට දැක්වූ ප්‍රතිචාරයක් වශයෙන්ය.

ඊට ප්‍රතිචාර දක්වමින් ජනාධිපති ලේකම් කාර්යාලය දැනුම්දී සිටියේ ජනවාරි 17 වනදා අදාළ වාර්තා පාර්ලිමේන්තුවට ඉදිරිපත් කරන බවය. ඒ අනුව ඊයේ (17) එම වාර්තා ජනාධිපති ලේකම් කාර්යාලය විසින් පාර්ලිමේන්තුව වෙත ලබාදෙනු ලැබීය.

ඒ වන විටත් බැඳුම්කර කොමිසමේ නිර්දේශ ඇතුළත් වාර්තාව නීතිපතිවරයා, ශ්‍රී ලංකා මහ බැංකුව වෙත යොමුකර ඇති බවටද මාධ්‍ය වාර්තා පළවිය. එසේම හිටපු අමාත්‍ය පාර්ලිමේන්තු මන්ත්‍රී රවී කරුණානායකද සඳහන් කර සිටියේ අදාළ වාර්තාවේ පිටපතක් තමන්ටද ලැබී ඇති බවත් ඊට අනුව තමන් බැඳුම්කර ගනුදෙනුවට කිසිඳු සම්බන්ධයක් නොමැති බව ඔප්පු වන බවය.

පාර්ලිමේන්තුව රැස්වීම කඩාකප්පල් කිරීම

කෙසේ වුවත් ජනාධිපති බැඳුම්කර කොමිසමේ නිර්දේශ ඇතුළත් වාර්තාව පාර්ලිමේන්තුවට නිකුත් වන බව නිවේදනය වූ අවස්ථාවේ සිට පාර්ලිමේන්තුව කඩාකප්පල් කිරීමේ සුදානමක් පිළිබඳව සහ ඉන් පසුවද පාර්ලිමේන්තුව රැස්වීම කඩාකප්පල් කිරීමේ සැළැස්මක් පිළිබඳ බුද්ධි තොරතුරු අනාවරණය වූ අතර ඒ පිළිබඳ කතානායක කාර්යාලයද නිවේදනයක් නිකුත් කොට තිබිණ.

බැඳුම්කර ගනුදෙනුව සහ එහි වාර්තාව පදනම් කරගෙන සම්මුති ආණ්ඩුව පෙරළීමේ කුමන්ත්‍රණයක් සිදුවූ බව අනාවරණය කරන බුද්ධි වාර්තා සඳහන් කරන්නේ මෙම පාර්ලිමේන්තුව රැස්වීම කඩාකප්පල් කිරීමේ සහ ආණ්ඩුව පෙරළීමේ කුමන්ත්‍රණය අතරද සම්බන්ධයක් පවතින බවය. ඒ කෙසේ හෝ අදාළ වාර්තාව පාර්ලිමේන්තුවට ගෙන ඒම වැලැක්වීම සඳහාය.

කුමන්ත්‍රණකරුවන් ජනාධිපතිගේ විශේෂ ප්‍රකාශයත් යොදාගෙන

ඊට අදාළව ඉහත ආණ්ඩු පෙරළීමේ කුමන්ත්‍රණය සම්බන්ධව විමර්ශනය කළ බුද්ධි තොරතුරු සඳහන් කර සිටින්නේ ජනාධිපතිවරයාගේ එම විශේෂ ප්‍රකාශය සහ ජනාධිපති කොමිසම් වාර්තාවේ තොරතුරු අතර බරපතල විෂමතා පවතින බවය. විශේෂයෙන්ම පාර්ලිමේන්තු මන්ත්‍රී රවී කරුණානායක මහතා සම්බන්ධව ජනාධිපතිවරයා සිදුකළ විශේෂ ප්‍රකාශයේ සහ කොමිෂන් වාර්තාවේ කරුණු අතර පැහැදිළි විකෘතියක් පවතින බව බුද්ධි විමර්ශනය තුළ අනාවරණය කරගෙන ඇත.

දැනුවත්ව ජනාධිපතිගේ ප්‍රකාශය විකෘති කළේ කවුද ?

ජනාධිපතිවරයා සිදුකළ විශේෂ ප්‍රකාශයේ සිංහල පිටපතේ රවී කරුණානායක මන්ත්‍රීවරයා සම්බන්ධව පලකළ අදහස් දැක්වීම මෙසේය.

"ඇලෝසියස් පවුලට අයත් සහ ඔවුන්ගේ පාලනයට නැතුව තිබූ වෝල්ට් ඇන්ඩ් රෝ සමාගම විසින් පෙන්ට්හවුස් තට්ටු නිවසකට කුලිය ගෙවීම පිළිබඳව හිටපු මුදල් අමාත්‍ය රවී කරුණානායක මහතා වෙත වගකීම වාර්තාවේ සඳහන් වෙනවා. ඔහුට විරුද්ධව අල්ලස් දුෂණ පනත යටතේ නඩු පැවරිය යුතු බවත් දණ්ඩ නීති සංග්‍රහය යටතේ කොමිෂන් සභාවට ඔහු අසත්‍ය සාක්ෂි දීම සම්බන්ධයෙන් ද නඩු පැවරිය යුතු බව මෙම වාර්තාවේ සඳහන් වෙනවා."

නමුත් පසුගියදා පාර්ලිමේන්තුවට ඉදිරිපත් කළ බැඳුම්කර ජනාධිපති කොමිසමේ වාර්තාවේ නිර්දේශ අතර සඳහන්ව ඇත්තේ මෙවැන්නකි.

කොමිෂන් වාර්තාවේ එම කොටස සම්බන්ධව වන විකෘති නොකළ පරිවර්තනය විය යුත්තේ මෙසේය.

24] 24 වැනි පරිච්ඡේදය තුළ පූ්ර්වයෙහි පෙන්වා ඇති පිදි අප කොමිසම නිර්දේශ කරනවා. ගරු රවී කරුණානායක මුදල් අමාත්‍යවරයා වශයෙන් සිටියදී වෝල්ට් හ රෝව් ඇසෝශියේට්ස් ( එය පර්පෙටුවල් ට්‍රෙෂරීස් ආයතනයට අයත් සහකාර සමාගමකි. එහි අයිතිය හ පාලනයද පර්පෙටුවල් ට්‍රෙෂරීස්හි පුද්ගලයින් විසින්ම කරන ලදී.) මගින් ගරු රවී කරුණානායක සහ ඔහුගේ පවලේ අය රැදී සිටි නිවසේ කල්බද්ද පිළිබදව කරන ලද බදු ගෙවීම් මගින් ඔහු සැලකිය යුතු වාසියක් සදහා අත්පත් ගත්තේ ද යන්න සොයා බැලීම හා එසේ ලබා ඇත්නම් පාර්ලිමේන්තු මන්ත්‍රී ගරු රවී කරුණානායකට එරෙහිව අල්ලස් පනත යටතේ සුදුසු ක්‍රියා මාර්ග ගත යුතද යන්න අල්ලස් හා දූෂණ විමර්ශන කොමිෂන් සභාව විසින් සලකා බැලිය යුතු බව

 25] 24 වන පරිච්ඡේදයේ පූර්වයෙහි සදහන් කර ඇති පරිදි, අප ඉදිරිපිටදී ගරු පාර්ලිමේන්තු මන්ත්‍රී රවී කරුණානායක විසින් ලබා දුන් සමහර සාක්ෂි අසත්‍යයද යන්න සලකා බැලිය යුතු බව හා එය එසේ වන්නේ නම් ගරු නීතිපතිතුමා සහ අනෙකුත් සුදුසු බලධාරීන් දණ්ඩ නීති සංග්‍රහයේ 179 වැනි වගන්තිය සහ හෝ 188 වැනි වගන්තිය යටතේ හෝ නීතියේ සෙසු අදාළ විධිවිධාන සමග අංක 17, 1948 කොමිෂන් සභා විමර්ශන පනතෙහි 09 වන කොටසට අනුව ඔහුට එරෙහිව නඩු පැවරිය යුතු බව අප තවදුරටත් නිර්දේශ කරනවා.

කොමිසමේ නිර්දශ නඩු බවට පෙරළුවේ කවුද ?

 ඒ අනුව බුද්ධි විමර්ශන තොරතුරු සඳහන් කර සිටින්නේ මෙහිදී ජනාධිපතිවරයාගේ විශේෂ ප්‍රකාශය තුළ රවී කරුණානායක සම්බන්ධව කොමිෂන් වාර්තාවේ නිර්දේශ විකෘති කිරීමක් සිදුව ඇති බවය.

එනම් ජනාධිපතිවරයාගේ විශේෂ ප්‍රකාශයේ වෝල්ට් ඇන්ඩ් රෝ සමාගම විසින් පෙන්ට්හවුස් තට්ටු නිවසකට කුලිය ගෙවීම පිළිබඳ රවී කරුණානායකට එරෙහිව නඩු පැවරිය යුතු බව සඳහන් වුවත් අදාළ වාර්තාවේ එය සඳහන් වන්නේ ඊට හාත්පසින්ම වෙනස් කරුණක්ය.

ඊට අනුව නම් කොමිසම නිර්දේශ කර ඇත්තේ රවී කරුණානායක මුදල් අමාත්‍යවරයා වශයෙන් සිටියදී වොල්ට් සහ රෝව් ඇසෝශියේට්ස් මගින් කරන ලද බදු ගෙවීම් මගින්, සැලකිය යුතු වාසියක් ගරු රවී කරුණානායක සහ ඔහුගේ පවුලේ අය රැදී සිටි නිවසේ කල්බද්ද සඳහා අත්පත් කර ගත්තේද යන්න සලකා බලන ලෙස අල්ලස් හෝ දුෂණ විමර්ශන කොමිසමට සිදුකර ඇති නිර්දේශයකි.

එසේම එම විමර්ශන හරහා එවැන්නක් ඔප්පු වුවහොත් ඊට සුදුසු පියවරක් අල්ලස් හෝ දුෂණ විමර්ශන පනත යටතේ ගන්නා ලෙස සිදුකර ඇති නිර්දේශයකි.

ඒ බව දක්වමින් බුද්ධි වාර්තා සඳහන් කරන්නේ ජනාධිපතිවරයාගේ සිංහල කතාව දැනුවත්ව උල්ලංඝණය කිරෙමක් සිදුව ඇති බවත් එසේ නොවන්නට ජනාධිපතිවරයකුගේ ප්‍රකාශයක් වෙනුවෙන් වන පරිවර්තනයක මෙවැනි දෝෂ මතුවීමට කිසිසේත්ම ඉඩක් නොමැති බවත්ය.

 ජනාධිපතිගේ විශේෂ ප්‍රකාශයේ සිංහල- ඉංග්‍රීසි පිටපත් වල බරපතල වෙනස්කම්

 එසේම ජනාධිපතිවරයාගේ විශේෂ ප්‍රකාශයේ සිංහල පිටපතේ සහ ඉංග්‍රීසි පිටපතේද බරපතල විකෘතියක් සිදුකර ඇති බවද බුද්ධි විමර්ශනයේදී අනාවරණය වී ඇත.

විශේෂයෙන්ම ජනාධිපති ලේකම් කාර්යාල වෙබ් අඩවියේ ජනාධිපතිවරයා කල විශේෂ ප්‍රකාශයේ සිංහල හා ඉංග්‍රීසි පරිවර්තන යම් පරස්පරතාවයන් දක්නට හැකි වීම බරපතල ගැටළුවක් බව සඳහන් කරන බුද්ධි වාර්තා වැඩිදුරටත් පෙන්වා දෙන්නේ එහිද විකෘති කිරීම සිදුකර ඇත්තේ රවී කරුණානායක සම්බන්ධ කරුණු ආශ්‍රිතව බවය.

 එහිදී ඇලෝසියස් පවුලට අයත් සහ ඔවුන්ගේ පාලනයට නැතුව තිබූ වෝල්ට් ඇන්ඩ් රෝ සමාගම විසින් පෙන්ට්හවුස් තට්ටු නිවසකට කුලිය ගෙවීම ලෙස සිංහල පරිවර්තනයේ කරුණු නිවැරදිව දක්වා ඇති නමුත් ඉංග්‍රීසි පරිවර්තනයේ දැක්වෙන්නේ අදාළ නිවස ඇලෝසියස් පවුලට සහ ඔවුන්ට අයත් වෝල්ට් ඇන්ඩ් රෝ සමාගමට අයත් බවය.

ඒ අනුව ජනාධිපතිවරයාවද මෙම පරිවර්තනය හමුවේ බරපතල හෑල්ලුවකට ලක්කර ඇති බවත් ඊට හේතුව අදාළ නිවසේ හිමිකාරීත්වය පවතින්නේ අනිකා විජේසුරියට බව ඉතා පැහැදිළිව කොමිසම හමුවේ අනාවරණයවී තිබීම බවද බුද්ධි තොරතුරු වල සඳහන්ය.

 ජනාධිපතිගේ කීර්ති නාමයත් පරදු තියලා

 එසේම අප අනාවරණය කරගත් බුද්ධි තොරතුරු වලට අනුව සම්මුති ආණ්ඩුව පෙරළීමේ කුමන්ත්‍රණය දියත් කළ පාර්ශව මේ හරහා සිය ඉලක්කය සපුරා ගැනීමට නොහැකි වුවහොත් බැඳුම්කර ජනාධිපති කොමිසමේ වාර්තාවද හෑල්ලුවට ලක්කිරීමේ සැළසුමක් සහිතව කටයුතු කර ඇති බවද සඳහන්ව ඇත.

ඒ හේතුව නොවන්න කිසිසේත්ම රාජතාන්ත්‍රික වටිනාකමක් සෘජුවම හිමිවන රාජ්‍ය නායකයාගේ ප්‍රකාශය සහ බැඳුම්කර කොමිෂන් වාර්තාවේ නිර්දේශ විකෘති කිරීමක් සිදුවිය නොහැකි බවද එහි සඳහන්ය.

ඒ බව තවදුරටත් තහවුරු කරමින් බුද්ධි තොරතුරු පෙන්වා දෙන්නේ බැඳුම්කර ජනාධිපති කොමිසමේ වාර්තාව නිකුත් කිරීමෙන් පසුවත් එක් පසෙකින් ජනාධිපතිවරයාගේ ප්‍රකාශය පවා යොදාගනිමින් රවී කරුණානායක තවදුරටත් බැඳුම්කර ගනුදෙනුවට වගකිව යුතු බව තහවුරු කළත් කොමිෂන් වාර්තාවේ කරුණු හමුවේ එම ප්‍රකාශය අවලංගු වන බවය.

එනම් පාර්ලිමේන්තු මන්ත්‍රී රවී කරුණානායක හෝ මුදල් අමාත්‍යංශය ශ්‍රී ලංකා මහ බැංකුවට හෝ රාජ්‍ය බැංකු තුනට කිසිත් විධාන කිරීමක් කර ඇති බවට කොමිසම ඉදිරිපිට සාක්ෂි කිසිත් නොමැති බව අදාළ කොමිෂන් වාර්තාවේ සඳහන් බවද බුද්ධි තොරතුරු අනාවරණය කර සිටියි.

වැඩිම අපවාදය ජනාධිපතිට

කෙසේ වුවත් මේ වන විට බැඳුම්කර ජනාධිපති කොමිසම සහ එහි වාර්තාවත්, ඊට අදාළව විකෘති කරනු ලැබූ ජනාධිපතිවරයාගේ විශේෂ ප්‍රකාශයත් පදනම් කරගෙන ජනාධිපතිවරයා සහ අග්‍රාමාත්‍යවරයා අතර මෙන්ම ශ්‍රී ලංකා නිදහස් පක්ෂය සහ එක්සත් ජාතික පක්ෂය අතර දැඩි ආතතිගත තත්ත්වයක් පෙන්නුම් කරයි.

එසේම නීති විශාරදයින්ද සඳහන් කර සිටින්නේ පිටු දහසකට අධික කොමිෂන් සභා වාර්තාව ලැබී දින තුනක් වැනි ඉතා කෙටි කාලයක් තුළ ඒ පිළිබඳ විශේෂ ප්‍රකාශයක් ජනාධිපතිවරයා විසින්ම සිදුකිරීම සම්බන්ධව තමන්ද මවිතයට පත්කළ සිදුවීමක්වූ බවය.

එසේම රාජ්‍ය නායකයාව මෙවැනි අවධානමකට පත්කිරීම හේතුවෙන් ජාත්‍යන්තරවද ජනාධිපතිවරයා අපවාදයකට ලක්වීමක්ද සිදුවන බවත් එය ජනාධිපතිවරයාගේ ප්‍රතිරූපයටද හානිකර බව ඔවුන් සඳහන් කර සිටියි.

මුදල් අමාත්‍ය මංගල සමරවීර මහතා ඉලක්කකර කරගනිමින් මේ සතිය පුරා පුළුල් මාධ්‍ය මෙහෙයුමක් ක්‍රියාත්මක කරන්නැයි පොහොට්ටු පක්ෂයේ මහ මොලකරු වන හිටපු අමාත්‍ය බැසිල් රාජපක්ෂ මහතා ඔහුගේ මාධ්‍ය ජාලයට දැනුම් දී ඇත.

එහිදී මුදල හා මාධ්‍ය අමාත්‍යංශය විසින් මත්පැන් සම්බන්ධයෙන් පසුගියදා සිදුකල සංශෝධනවලට එරෙහිව බෞද්ධ භික්ෂුන් වහන්සේලා හා 'ජාතික බලවේග' උසිගන්වා ප්‍රකාශ ලබා ගනිමින් මෙම ගැසට් නිවේදනය අවලංගු කරවා ගැනීමට බලපෑම් කරන ලෙසත්, ඒ හරහා ජනාධිපතිවරයා හා මුදල් ඇමතිවරයා අතර ගැටුමක් නිර්මාණය කරන ලෙසත් බැසිල් රාජපක්ෂ මහතා සිය මාධ්‍ය ජාලයට උපදෙස් දී ඇත.

එසේම, ඒකාබද්ධය අගමැති රනිල් වික්‍රමසිංහ මහතාට එරෙහිව විශ්වාසභංගයක් ගෙන එන බව හුවාදක්වමින්, ඇමති මංගල සමරවීර මහතා ඉන් වාසියක් ගෙන අගමැතිවීමට සැරසෙන බවට සැකයක් ඇතිවන ආකාරයේ පුවත් නිර්මාණය කරමින් අගමැතිවරයා සහ මංගල ඇමතිවරයා අතර ගැටුමක් ඇතිකිරීමට කටයුතු කරන ලෙසද බැසිල් රාජපක්ෂ මහතා සිය මාධ්‍ය නඩයට වැඩිදුරටත් දැනුම් දී ඇත.

නාමල්ගේ නඩයත් වැඩට බසී !

බැසිල් රාජපක්ෂ මහතාගේ මෙම මාධ්‍ය මෙහෙයුම සඳහා, පසුගිය සමයේ නාමල් රාජපක්ෂ මහතා සමග ක්‍රියාත්මක වූ 'තාරුණ්‍යට හෙටක් ' සංවිධානයේ හිටපු සාමාජිකයින් කිහිප දෙනෙකුද යොදා ගෙන තිබේ.

ඔවුන් ගෙන් ඇතැමුන් මේවනවිට ආණ්ඩුවට සම්බන්ධ මාධ්‍ය ආයතනවල ප්‍රධානින් ලෙස කටයුතු කිරීම බැසිල් රාජපක්ෂ මහතාගේ මෙහෙයුමට වාසි සහගතවී ඇතැයි වාර්තාවේ.

මේවනවිට දේශපාලන මාධ්‍ය ක්ෂේත්‍රයේ කාර්යක්ෂම සමාජ මාධ්‍ය මෙහෙයුමක් ක්‍රියාත්මක වන්නේ බැසිල් රාජපක්ෂ මහතා යටතේය. පසුගිය ජනාධිපතිවරයයේදී හා මහ මැතිවරණයේදී රාජපක්ෂවරුන්ට එරෙහිව සිටි සමාජ මාධ්‍ය ක්‍රියාකාරීන් පිරිසක් ද තමා වටා ගොනුකර ගැනීමට ඔහු සමත්ව තිබේ.

සබැඳි පුවත්
බැසිල් 'රිවිර' ගනී ! නව මුහුණුවරකින් කරලියට !!

ජනාධිපතිවරයා මේදිනවල කටයුතු කරන ආකාරය එක්සත් ජාතික පක්ෂ ප්‍රධානීන්ගේ බලවත් කනස්සල්ලට හේතුවී ඇතැයි 'සිරිකොත' එජාප මුලස්ථාන ආරංචිමාර්ග පවසයි.

ජනාධිපතිවරයා මේවනවිට කටයුතු කරන්නේ සන්ධාන ආණ්ඩුවක ප්‍රධානියකු ලෙස නොව, පෞද්ගලික න්‍යය පත්‍රයකට අනුව බව එජාප මැති ඇමතිවරුන් කිහිප දෙනෙකුම අගමැති රනිල් වික්‍රමසිංහ මහතා වෙත මැසිවිලි නගමින් සිටින බව එම ආරංචිමාර්ග සඳහන් කරයි.

බැඳුම්කර සිද්ධියට ආදාළ කොමිෂන් වාර්තාවේ පිටපතක් හෝ කිසිඳු සඳහනක් අගමැතිවරයාට හෝ දැනුම් නොදෙමින් ජනාධිපතිවරයා විසින් පසුගියදා කල විශේෂ ප්‍රකාශය පළාත් පාලන මැතිවරණය ඉලක්ක කර ගනිමින් සිදුකල ප්‍රචාරක කටයුත්තක් බවට චෝදනා කර ඇති එම එජාප මැති ඇමතිවරුන් පිරිස, වත්මන් ජනාධිපතිවරයාට වසර 2021 දක්වා ධූරයේ රැඳී සිටීමට ඇති හැකියාව සම්බන්ධයෙන් අර්ථ නිරූපණයක් ඉල්ලා ජනාධිපති මෛත්‍රීපාල සිරිසේන මහතා ශ්‍රේෂ්ඨාධිකරණය වෙත යොමුකර තිබු ලිපිය සම්බන්ධයෙන් ද සැකපළ කර තිබෙන බව පැවසේ.

එයට හේතුව වී ඇත්තේ අදාල ලිපිය සම්බන්ධයෙන් ද අගමැතිවරයා හෝ යහපාලන ආණ්ඩුවේ ප්‍රධාන පාර්ශ්වයක් වන එක්සත් ජාතික පක්ෂය දැනුවත් නොකිරීමයි.

ජනපති - අගමැති දුරස්භාවයක ?

 මේ වනවිට එජාපය හා ශ්‍රීලනිපය අතර සබඳතා දුරස්වෙමින් පවතින අතර දෙපාර්ශවයේ මැති ඇමතිවරුන් මැතිවරණ වේදිකාවල එකිනෙකාට එරෙහිව බරපතල ප්‍රකාශයන් ද සිදුකරමින් සිටිති.

මෙම සිදුවීම් හේතුවෙන් ආණ්ඩුවේ ප්‍රධාන පාර්ශ්ව දෙක අතර යම් දූරස්ථභාවයක් නිර්මාණය වී තිබේ.

එහෙත් තවමත් අගමැතිවරයා සිටින්නේ ශ්‍රීලනිප ඇමතිවරුන් සම්බන්ධයෙන් කෙසේ වෙතත් ජනාධිපතිවරයා සම්බන්ධයෙන් පූර්ණ විශ්වාසයෙනි.

ජනාධිපතිවරයාගේ ජයග්‍රහණය වෙනුවෙන් ප්‍රධාන කාර්යභාරය සිදුකළේ එක්සත් ජාතික පක්ෂය බැවින් එම විශ්වාසය කිසිසේත් කඩ නොකරනු ඇති බවට වික්‍රමසිංහ මහතා විශ්වාසය පළකර සිටී.

''ජනාධිපතිතුමාත්, මමත් නව දේශපාලන සංස්කෘතියක් නිර්මාණය කරලීම සඳහා කැපවී කටයුතු කරනවා.''

 ඊයේ (10) පාර්ලිමේන්තුව තුලදී විශේෂ ප්‍රකාශයක් කල අගමැති රනිල් වික්‍රමසිංහ මහතා, ජනාධිපතිවරයත්, තාමත් නව දේශපාලන සංස්කෘතියක් නිර්මාණය කරලීම සඳහා කැපවී කටයුතු කරන බව යලිත් අවධාරණය කළේය.

අගමැතිවරයා එහිදී වැඩිදුරටත් මෙසේ පැවසිය.

''මම හැමදාමත් කියන පරිදි, ජනාධිපතිතුමාත්, මමත් නව දේශපාලන සංස්කෘතියක් නිර්මාණය කරලීම සඳහා කැපවී කටයුතු කරනවා.

මෙය අපේ රටට අලූත් අත්දැකීමක්. පක්ෂ භේදයෙන් කුළල් කාගනිපු සමහර උදවියට තේරුම් ගන්නට බැරි තරම් සංකීර්ණ ක්‍රියාවලියක්. අත්දැකීම ආගන්තුක නිසා අඩුපාඩු, වැරදීම් සිදු වෙන්නට පුළුවන්. ඒවා අපි සකස් කර ගනිමු.

නමුත් පසුගිය ආණ්ඩු සමයේදී මෙන් වැරදි අඩුපාඩු සියල්ල පාපිස්සට යට කර, නීතියේ ආධිපත්‍යය පාගා දමන්නට අප සූදානම් නැහැ. සමාජ සාධාරණත්වය වලලා දමන්නට අප සූදානම් නැහැ.

ජනවාරි 08 වනදා අප බාර ගත්තේ ණය උගුලකට හසු වුණු රටක්. නීතිය ක්‍රියාත්මක නොවුණු රටක්. දූෂණයෙන් හා වංචාවෙන් පිරුණු රටක්. රාජ්‍ය ත්‍රස්තවාදයෙන් බිය වැද්දුණු රටක්.

ජනාධිපති මෛත්‍රීපාල සිරිසේන මහතාත්, මමත්, අපේ සම්මුතිවාදී රජයත් මේ තත්ත්වය වෙනස් කරලීමේ මාර්ගයට අපේ රට අවතීර්ණ කර තියෙනවා.

ඒ ගමන් මග කටුකයි. දුෂ්කරයි. බොරු වලවල්වල නොවැටී, මං මුලා නොවී, ඒ ගමන් මග ඉදිරියටම ගොස්, ශීලාචාර ආණ්ඩුවක්, සාධාරණ සමාජයක්, ප්‍රජාතන්ත්‍රවාදී ශ්‍රී ලංකාවක් බිහි කරලීම සදහා අප ඇපකැප වන බව අවසන් වශයෙන් සඳහන් කරන්න කැමැතියි.''

රාජපක්ෂ පාලන සමයේ සිදුවූ බරපතල දූෂණ හා රාජ්‍ය සම්පත් අවභාවිතය කිරීම විමර්ශනය කිරීම සඳහා පත්කළ ජනාධිපති පරීක්ෂණ කොමිෂන් සභාව විසින් සිදුවීම් 34 ක විමර්ශන අවසන් කොට ජනාධිපතිවරයාට ලබාදී ඇතත් ඊට අදාළ නීති ක්‍රියාමාර්ග ගැනීම සම්බන්ධව නීතිපති දෙපාර්තමේන්තුවට යොමුකර ඇත්තේ එයින් 5ක් පමණක් බව වාර්තා වෙයි.

ඇයි නීතිපතිට යොමු නොකරන්නේ ?

ඒ පිළිබඳ ප්‍රශ්න කරමින් දුෂණ විරෝධී සිවිල් සමාජ ක්‍රියාකාරීන් ප්‍රශ්න කර සිටින්නේ දුෂිතයන් සම්බන්ධව තොරතුරු ඇතුළත් ලිපිගොනු ජනාධිපතිවරයා සන්තකයේ තබාගෙන සිටීම යහපාලන මුලධර්මයක් නොවන බවත් එම වාර්තා සහ ඊට අදාළ නිර්දේශ ඉදිරි නයිතික ක්‍රියාමාර්ග ගැනීම සඳහා නීතිපති දෙපාර්තමේන්තුවට ඉදිරිපත් කළයුතු බවය.

තොරතුරු දැන ගැනීමේ ජනතා අයිතිය

තවද අදාළ වාර්තා පාර්ලිමේන්තුවේ සභාගත කර මේ සම්බන්ධව තොරතුරු දැනගැනීමට පොදුජනතාවට ඇති අයිතිය තහවුරු කළ යුතුබවත් ඒ හැර තවදුරටත් මේවා ගැන කල්මැරීම තුළ යහපාලනය ගැන ජනතා විශ්වාසය පළුදු වෙන බවද ඔවුන් සඳහන් කර සිටියි.

රාජපක්ෂ ක්‍රමය

එසේම ෆයිල් තිබෙන බව කියමින් දේශපාලන හෙට්ටුකිරීම රාජපක්ෂ ක්‍රමය බවත් 2015 ජනවාරි 08 බලවේග පෙළ ගැසුණේ එම සම්ප්‍රදායට එරෙහිව බවද ඔවුන් අවධාරණය කරයි.

ලැබී ඇති තොරතුරුවලට අනුව මේ වන විට නීතිපති දෙපාර්තමේන්තුවට යොමුකර ඇති විමර්ශන වාර්තා 5 මෙසේය.

 1. මීගමුව කලපුව සංවර්ධනය කිරීම වෙනුවෙන් වූ මුදල් අවභාවිත කිරීම. මෙහි චෝදනා ලබා ඇති පාර්ශවය වන්නේ හිටපු නියෝජ්‍ය අමාත්‍ය සරත් කුමාර ගුණරත්න ඇතුළු පිරිසකි.

2. මහියංගනය ප්‍රාදේශීය සභාවේ කඩ කාමර බෙදාදීම,ටෙන්ඩර් පටිපාටි අනුගමනය නොකිරීම සහ මුදල් ලබා ගැනීම ඇතුළු චෝදනා පිළිබඳ විමර්ශනය. මෙහි චෝදනා ලබා සිටින්නේ ඌව පළාත් සභාවේ හිටපු අමාත්‍ය රවීන්ද්‍ර අනුර විදානගමගේ ඇතුළු පිරිසකි.

3. ස්වාධීන රූපවාහිනී සේවයේ සාමාන්‍යාධිකාර විසින් සිදුකර ඇති මුල්‍ය අක්‍රමිකතා පිළිබඳ විමර්ශනය. මෙහි එහි හිටපු සභාපති අනුර සිරිවර්ධන ඇතුළු තවත් පස්දෙනෙකුද නම්කර ඇත.

4. ‘රක්නා ආරක්ෂක ලංකා’ පෞද්ගලික සමාගමේ දුෂණ ක්‍රියා සම්බන්ධ විමර්ශන වාර්තාව. මෙහි චෝදනා ලබා සිටින්නේ එහි හිටපු අධ්‍යක්‍ෂ මේජර් ජනරාල් කේ.බී.එගොඩවෙල ඇතුළු පිරිසක්ය.

5. හලාවත වැවිලි සමාගමේ සිදුව ඇති මුල්‍ය අක්‍රමිකතා සහ වංචා සම්බන්ධ විමර්ශනය. මීට අදාලව හිටපු අමාත්‍ය ජගත් පුෂ්පකුමාර ඇතුළු තවත් නවදෙනෙකු නම් කර ඇත.

විමර්ශන වාර්තා 29 ක් අතරමග නැවතිලා

මෙම විමර්ශන වාර්තා හැර මේ වනතෙක් කිසිඳු පියවරක් ගැනීමට කටයුතු කර නොමැති තවත් වාර්තා 29ක් ජනාධිපතිවරයා සතුව ඇති බවත් එම වාර්තා අනුව ඊට වගකිවයුතු පාර්ශව ශ්‍රී ලංකා නිදහස් පක්ෂය සහ එක්සත් ජනතා නිදහස් සන්ධානයට හිතවත් පාර්ශව බවද වාර්තා වෙයි.

එම කොමිෂන් වාර්තාවන්ට අදාළ තොරතුරු මෙසේය.

6. ආරක්ෂක අමාත්‍යංශය සඳහා පුපුරන ද්‍රව්‍ය කල් ඉකුත්වූ ඒවා වීම සහ ඊට අදාළ ප්‍රසම්පාදන නිසිලෙස සිදුනොකිරීම. මෙහි චෝදනා ලබා සිටින්නේ ආරක්ෂක අමාත්‍යංශයේ හිටපු අතිරේක ලේකම් දමයන්ති ජයරත්න ඇතුළු තවත් තිදෙනෙකුය.

7. අම්පාර හී පැවති දැයට කිරුළ ප්‍රදර්ශනය සමයේ සිදුකල දුෂණ සහ වංචා සම්බන්ධව අම්පාර නගරසභාවේ හිටපු සභාපති ඇතුළු තවත් හය දෙනෙකුට එරෙහි විමර්ශනය.

8. හෙක්ටර් කොබ්බෑකඩුව ගොවි කටයුතු පර්යේෂණ සහ පුහුණු කිරීමේ ආයතනයේ සිදුවූ වංචා සහ දුෂණ පිළිබඳ විමර්ශනය. මීට අදාලව හිටපු අමාත්‍ය මහින්ද යාපා අබේවර්ධන ඇතුළු තවත් සිව්දෙනෙක් නම්කර ඇත.

9. ශ්‍රී ලන්කන් ගුවන් සේවයේ දුෂණ ක්‍රියා සම්බන්ධ විමර්ශන වාර්තාව. හිටපු අමාත්‍ය ප්‍රියංකර ජයරත්න ඇතුළු තවත් සිව්දෙනෙක් මීට අදාලව නම් කර ඇත.

10. ශ්‍රී ලන්කන් ගුවන් සේවයේ දුෂණ ක්‍රියා සම්බන්ධව විමර්ශන වාර්තාව. මෙහි නැව් සංස්ථාවේ හිටපු සභාපති සංජය සේදර සෙනරත් ඇතුළු තවත් සිව්දෙනෙකු නම්කර ඇත.

11. දුෂණ ක්‍රියා සහ මුල්‍ය වංචා, දේපළ අවභාවිතය ඇතුළු චෝදනා රැසක් සම්බන්ධව උතුරු මැද පළාත් සභාවට අදාළ විමර්ශන වාර්තාව. මෙහි චෝදනා ලබා සිටින්නේ උතුරු මැද පළාත් සභාවේ හිටපු ප්‍රධාන අමාත්‍ය එස්.එම්. රංජිත් ඇතුළු හත්දෙනෙකි.

12. ලුනුවිල පොල් පර්යේෂණ ආයතනයේ සිදුවූ දුෂණ සහ වංචා සම්බන්ධ විමර්ශනය. එච්. ඒ. ජයන්ත ගුණතිලක ඇතුළු තවත් තිදෙනෙක් මීට අදාලව නම් කර ඇත.

13. උතුරු මැද පළාතේ ජල පෙරන මිලදී ගැනීමේදී ටෙන්ඩර් අක්‍රමිකතා සිදුකිරීම පිළිබඳ විමර්ශනය. මීට අදාලව එච්.ඒ. උපුල් සුසන්ත වික්‍රමරත්න ඇතුළු තවත් දහහතර දෙනෙක් නම්කර ඇත.

14. හම්බන්තොට වරාය විවෘත කිරීම සම්බන්ධ විමර්ශනය. මීට අදාලව වරායේ හිටපු සභාපති ප්‍රියත් බන්දු වික්‍රමුනිගේ ඇතුළු තවත් අට දෙනෙකු නම් කර ඇත.

15. මාර්ග සංවර්ධන අධිකාරියේ අධිවේගී මාර්ග ආශ්‍රිත දුෂණ විමර්ශනය. මේ සඳහා එහි හිටපු අධ්‍යක්ෂ ආර්.එම්. ගාමිණී ඇතුළු තවත් පස් දෙනෙකු නම් කර ඇත.

16. ශ්‍රී ලංකා ගුවන් හමුදාවේ හෙළිකොප්ටර් අවභාවිතය පිළිබඳ විමර්ශනය. මෙහි චෝදනා ලබා සිටින්නේ හිටපු අමාත්‍ය බැසිල් රාජපක්ෂ ඇතුළු තවත් නවදෙනෙකුය.

17. දුම්රිය දෙපාර්තමේන්තුවට අයත් නාවලපිටියේ පිහිටි දේපළ අවභාවිතය සම්බන්ධ විමර්ශනය. මෙහි චෝදනා ලබා සිටින්නේ හිටපු අමාත්‍ය මහින්දානන්ද අලුත්ගමගේ ඇතුළු තවත් සිව්දෙනෙකුය.

18. ටෙන්ඩර් පටිපාටියකින් තොරව රාජ්‍ය ඖෂධ නීතිගත සංස්ථාව සිදුකල විෂබීජ නාශක සහ සබන් මිලදී ගැනීම සම්බන්ධ විමර්ශනය. මීට අදාලව මහාචාර්ය ශාන්තිලාල් දේවප්‍රිය ඇතුළු තවත් පස්දෙනෙකු නම් කර ඇත.

19. ලංකා බැංකුවේ සාමාන්‍යාධිකාරී ඩී. එම්.ගුණසේකර සම්බන්ධ දුෂණ පිළිබඳ විමර්ශනය. මීට අදාලව එම්.කේ.ඩී. බන්දුසේන ඇතුළු තවත් හයදෙනෙකු නම් කර ඇත.

20. නිවාස සංවර්ධන අධිකාරියේ සිදුව ඇති අවභාවිතයන් සහ දුෂණ පිළිබඳ විමර්ශනය. මීට අදාලව හිටපු අමාත්‍ය විමල් වීරවංශ ඇතුළු තවත් දහසය දෙනෙකු නම්කර ඇත.

21. අමරානන්ද වීරසිංහ උඩරට සංවර්ධන අධිකාරියේ සභාපති ලෙස කටයුතු කරමින් සිටියදී සංචාරක අමාත්‍යංශයේ මුදල් මහින්ද රාජපක්ෂගේ ප්‍රචාරක කටයුතු සඳහා යෙදවීම සම්බන්ධ විමර්ශනය. මීට අදාලව ඒ.ජී.ඩබ්ලිව්.ආර්.ජී.වීරසිරි යන අය නම් කර ඇත.

22. පරන්තන් රසායනික සමාගමේ දුෂණ සහ වංචා පිළිබඳ විමර්ශනය. මීට අදාලව එහි හිටපු සභාපති ඩී.ජේ.යූ. පුරසිංහ නම් කර ඇත.

23. මධ්‍යම ඉංජිනේරු උපදේශන කාර්යාංශයේ දිගන ප්‍රාදේශිකයේ සිදුවූ දුෂණ සම්බන්ධ විමර්ශනය. මීට අදාලව ගාමිණී කිත්සිරි අමරවර්ධන ඇතුළු තවත් හත්දෙනෙකු නම් කර ඇත.

24. පාරිභෝගික කටයුතු පිළිබඳ අධිකාරියේ සිදුව ඇති වංචා පිළිබඳ විමර්ශනය. මෙහි චෝදනා ලබා සිටින්නේ රූම් මර්ෂුඩ් සහ අනුර සිරිවර්ධන ඇතුළු තවත් සිව්දෙනෙකුය.

25. පසු අස්වනු තාක්ෂණ ආයතනයේ සිදුව ඇති වංචා සම්බන්ධ විමර්ශනය. මීට අදාලව එම ආයතනයේ අධ්‍යක්ෂිකා වූ ස්වර්ණශිකා තිලකරත්න සහ තවත් අයෙකු නම් කර ඇත.

26. ලංකා සතොස ආයතනයේ නියෝජ්‍ය සාමාන්‍යාධිකාරී ආසිරි ප්‍රනාන්දු සිදුකර ඇති දුෂණ සහ වංචා පිළිබඳ විමර්ශනය. මීට අදාළව පුංචිබණ්ඩාර ජයසුන්දර ඇතුළු තවත් තිදෙනෙකු නම් කර ඇත.

27. ජාතික ගමනාගමන කොමිසමේ ෂෙරීන් අතුකෝරාළ, ආලෝක කරුණාරත්න සහ නෙවිල් වන්නිආරච්චි යන අය සිදුකර ඇති වංචා සහ දුෂණ පිළිබඳ විමර්ශනය. මීට අදාලව ඩබ්ලිව්.ටී. රේණුක දුෂාන්ත පෙරේරා ඇතුළු තවත් හත්දෙනෙක් නම් කර ඇත.

28. ජාතික තරුණසේවා සභාවේ හිටපු සභාපති ලලිත් පියුම් පෙරේරා සිදුකර ඇති දුෂණ සහ වංචා පිළිබඳ විමර්ශනය. මීට අදාලව ලලිත් පියුම් පෙරේරා ඇතුළු තවත් හයදෙනෙකු නම්කර ඇත.

29. ජාතික රූපවාහිනියේ සිදුව ඇති දුෂණ සහ වංචා පිළිබඳ විමර්ශනය. මීට අදාලව විමලසේන රූබසිංහ ඇතුළු තවත් හයදෙනෙකු නම් කර ඇත.

30. මධ්‍යම පළාත් සෞඛ්‍ය සේවා අධ්‍යක්ෂවරියවූ දොස්තර ශාන්ති සමරසිංහ විසින් සිදුකර ඇති අක්‍රමිකතා පිළිබඳ විමර්ශනය. මීට අදාලව ධම්මික කුමාර රණසිංහ යන අයද නම් කර ඇත.

31. ආපදා කළමනාකරණ අමාත්‍යංශයේ හිටපු ලේකම් එස්. එම්. මොහොමඩ් විසින් සිදුකල වංචා සහ දුෂණ වලට අදාළ විමර්ශන වාර්තාව. ලෙනාර්ඩ් රවින්ද්‍ර ඇතුළු දෙදෙනෙක් මීට අදාළ පාර්ශවයන් ලෙස නම් කර ඇත.

32. පුරාවිද්‍යා දෙපාර්තමේන්තුවේ දීඝවාපි චෛත්‍යයට අදාළ විමර්ශන වාර්තාව. මීට අදාලව දිසානායක මුදියන්සේලාගේ සෙනරත් බණ්ඩාර ඇතුළු පස්දෙනෙකු නම් කර ඇත.

33. ඇඹිලිපිටිය සහ කන්කසන්තුරේ සිමෙන්ති කර්මාන්තශාලා වලට අදාළව රාජ්‍ය සම්පත් සහ මුදල් අවභාවිතය සම්බන්ධව ව්‍යවසාය සංවර්ධන අමාත්‍යංශයේ හිටපු ලේකම් විලී ගමගේ සහ ඛනිජ වැලි සමාගමේ දිශාන් ගුණසේන යන අයට එරෙහිව විමර්ශනය කර ඇත. මීට අදාලව මහින්ද හතුරුසිංහ යන අය ඇතුළු පස්දෙනෙකු නම් කර ඇත.

34. ඖෂධ නියාමන අධිකාරියට අදාළ විමර්ශන වාර්තාව. එහි අධ්‍යක්ෂ අමල් හර්ෂ ද සිල්වාගේ දුෂණ හා වංචා සම්බන්ධව විමර්ශනය සිදුකර ඇත. මීට අදාලව කමල් බණ්ඩාර ජයසිංහ ඇතුළු දොලොස්දෙනෙකු නම් කර ඇත.

මේ වන විට ජනාධිපතිවරයා වෙත ලබා දී ඇති විමර්ශන වාර්තා 34

නිසි අධ්‍යාපන සුදුසුකම් පවා නොමැතිව ජාතික ලොතරැයි මණ්ඩලයේ ප්‍රධාන අලෙවි නිලධාරියා වශයෙන් කටයුතු කරන අසන්ත කල්‍යානන්දගේ අත්තනෝමතික තීරණ හේතුවෙන් එම ආයතනයේ බරපතල අර්බුද රැසක් නිර්මාණයවී ඇති බව වාර්තා වෙයි.

 කෘෂි උපාධියක් ඇති අලෙවි ප්‍රධානියා

කොන්ත්‍රාත් පදනම මත ජාතික ලොතරැයි මණ්ඩලයේ ප්‍රධාන අලෙවි නිලධාරියා ලෙස කටයුතු කරන නමුත් අසන්තට ඇත්තේ කෘෂිකර්මය විෂයට අදාළ උපාධියකි. අලෙවි අංශයේ ප්‍රධානියකු ලෙස කටයුතු කිරීමට සහ අලෙවි අංශය ප්‍රවර්ධනය කිරීමට කෘෂිකර්ම උපාධිය කොහෙත්ම නොසෑහෙන බව අමුතුවෙන් කිවයුතු නැත. ඒ අනුව ජාතික ලොතරැයි මණ්ඩලයට අසන්තගෙන් සිදුවන සේවය ගැන තක්සේරු කිරීමද දුෂ්කර නැත. එහෙත් තමන්ගෙන් සේවයක් ආයතනයට සිදුනොවුවත් ආයතනය හරහා තමන්ගේ මඩිය පුරවා ගැනීමට අසන්ත සමත්ව ඇත.

 මාර ගැහිල්ලක් ගහන්න - ගොවිසෙත දින 07ම

ඊට ආසන්නතම සිදුවීම ලෙස වාර්තා වන්නේ ගොවිසෙත ලොතරැයිය සතියේ දින 07ම දිනුම් ඇදීම සඳහා සුදානම් කර එහි ප්‍රචාරක කටයුතු media max ආයතනයට පැවරීමය. මෙම තීරණය හරහා අසන්තගේ මඩිය තරවන්නේ ජනවාරි මාසය තුළ ඔහු ජාතික ලොතරැයි මණ්ඩලයේ සේවයෙන් ඉවත්ව media max ආයතනයේ සේවයට එක්වීමට නියමිතව සිටින නිසාය. මෙම හෙළිදරව්ව සමඟ ඔහු අදාළ ආයතනයට එක්වීම හෝ නොවීම සිදුවුවත් අදාළ ගනුදෙනුව හරහා අසන්තගේ පිදේනියට අඩුවක් වන්නේ නැත.

වසර අවසාන විශේෂ දිනුම් ඇදීමේ ඇන්දිල්ල

මේ කටයුත්ත වෙනුවෙන් ඔහු පිඹුරුපත් සකස් කර ඇත්තේ අන් කිසිවක් නිසා නොවන බව තහවුරු වන අනෙක් සිදුවීම වන්නේ මෙවර 2017 වසර අවසාන විශේෂ දිනුම් ඇදීම සඳහාද ගොවිසෙත ලොතරැයිය යොදා ගනිමින්ය.

සාමාන්‍යයෙන් වසර අවසාන විශේෂ දිනුම් ඇදීම සඳහා ජාතික ලොතරැයි මණ්ඩලය යොදාගන්නේ වැඩිම අලෙවියක් ඇති ලොතරැයිය ය. ඒ අනුව පසුගිය කාලයක පටන් වසර අවසාන විශේෂ දිනුම් ඇදීම සඳහා යොදාගනු ලැබුවේ ජාතික ලොතරැයි මණ්ඩලයේ වැඩිම අලෙවියක් සතු ලොතරැයිය වන මහජන සම්පත ලොතරැයිය ය.

සාමාන්‍යයෙන් මහජන සම්පත යොදාගනිමින් සිදුකරන වසර අවසාන විශේෂ දිනුම් ඇදීමේදී ලක්ෂ 27 කට ආසන්න ලොතරැයිපත් ප්‍රමාණයක් විකිණී ඇති අතර ඒ පිළිබඳ ජාතික ලොතරැයි මණ්ඩලයේ වාර්තා සාක්ෂි දරයි.

එහෙත් 2017 වසර අවසාන දිනුම් ඇදීම සඳහා ගොවිසෙත ලොතරැයිය යොදාගත් නමුත් එහිදී විකිණී ඇත්තේ ලක්ෂ 07 කට ආසන්න ලොතරැයි ප්‍රමාණයක්ය.

එසේම වසර අවසාන දිනුම් ඇදීම සඳහා වෙන්කළ ත්‍යාගද අති විශාල ප්‍රමාණයක් නිකුත්වීම හේතුවෙන් අදාළ විශේෂ දිනුම් ඇදීමෙන් අපේක්ෂිත ලාභය ලැබීමේ අවස්ථාව ද ජාතික ලොතරැයි මණ්ඩලයට අහිමිව ගොස් ඇත.

මේ ආකාරයට වසර අවසාන විශේෂ දිනුම් ඇදීම සඳහා ආසන්නතම හේතුව ලෙස ඔහු ආයතනය දැනුවත් කර ඇත්තේ ගොවිසෙත ලොතරැයිය 2018 වසරේ ජනවාරි 01 වනදා සිට සතියේ දින 07 ම දිනුම් ඇදීමය.

එපමණක් නොව ගොවිසෙත ලොතරැයිය සඳහා මේ වන විට පළමු සුපිරි ත්‍යාගය ආරම්භ වන්නේ රුපියල් කෝටි 6 කින් බවත් ඒ හේතුවෙන් විශාල ලොතරැයි පත් ප්‍රමාණයක් විකිණීම සඳහා ගැනුම්කරුවන් ආකර්ශනය කරගත හැකි බවද පෙන්වා දෙමින්ය. මෙහිදී අමතක නොකළ කරුණක් වන්නේ ගොවිසෙත සඳහා සුපිරි ත්‍යාගය ලෙස මීට ඉහත පැවතියේ රුපියල් කෝටි 04ක් වුවත් අලෙවි දත්ත කිසිවක් නොසළකා එම මුදල රුපියල් කෝටි 06 ක් දක්වා වැඩි කරන්නට ගනුලැබූ තීරණයටද අසන්ත තීරණාත්මකව මැදිහත් වූ බවය.

කොහොමද කෘෂි මොළේ ?

කෘෂිකර්ම උපාධියෙන් අලෙවි අංශයක් මෙහෙයවන්නට ගිය විට තත්ත්වය එසේය. ලක්ෂ 27 ක් ලොතරැයි විකුණු දිනුම්වාරයක සහ ලක්ෂ 07 ක ලොතරැයි විකුණු දිනුම්වාරයක වෙනස ඕනම තොත්ත බබෙක්ට පහසුවෙන් වටහා ගන්නට පුළුවන.

 මේවා අලෙවි ප්‍රවර්ධන කටයුතු කියා කීවත් ඇත්තටම නම් මේවා වෙන ගේම් ය. ඒ කියන්නේ කිසියම් ලොතරැයියක් දින 07ක් දිනුම් අදින විට එහි ප්‍රචාරක කටයුතු සඳහා වෙන් කරනු ලබන මුදලද වැඩි කිරීමක් සිදුවන අතර, ප්‍රචාරක කටයුතු කරන ආයතන වෙත ලැබෙන මුදල් ප්‍රමාණයද එහිදී වැඩිවෙයි. ආයතනයට මොන දේ වුවත් අසන්තලා වැනි බහිරවයන් පෝෂණය වන්නේ අන්න ඒ කියන ප්‍රචාරක සමාගම් ලබන අමතර ආදායම් වලින් ලබන සංතෝසම් ප්‍රමාණය වැඩිවන පසුබිමේය.

එසේම මේ වන විට අසන්ත කල්‍යානන්ද සම්බන්ධව ජාතික ලොතරැයි මණ්ඩලය විසින් විශේෂ පරීක්ෂණයක් සිදුකිරීමට නියමිතව ඇති අතර ඊට පෙර එම ආයතනයෙන් ඉවත්වීමට ඔහු සැලසුම් කර ඇත්තේ අදාළ පරීක්ෂණය මඟ හැරීමටය.

ඒ අනුව 2018 ජනවාරි මාසය තුළ ඔහු එයින් ඉවත්වීමට නියමිත බවත් ගොවිසෙත ලොතරැයිය දින 7ම දිනුම් ඇදීමට සකස් කිරීම හරහා එහි ප්‍රචාරක කටයුතු සිදුකරන media max වෙත වැඩි මුදල් ප්‍රමාණයක් ලැබෙන්නට සැලස්සවීම අසන්තගේ සැලසුම වී ඇත.

FCID චෝදනා ඇති පාර්ශව සමඟ ඩීල්

එවකට Origin OEB ලෙසත් වර්තමානයේ Media Max ලෙසත් හදුන්වන ප්‍රචාරක ආයතනය වෙත තවත් බොහෝ වෙළද දැන්වීම් හා ප්‍රවර්ධන කටයුතු ලබාදීමට අසන්ත කටයුතු කර ඇත. මෙම ආයතනය Origin OEB ලෙස එවකට පැවති නමුත් යහපාලන ආණ්ඩුව බලය ලැබීමෙන් පසුව එය Media Max ලෙස රූපාන්තරය වී ඇත. ඒ අන් කිසිවෙකුගේ උපදෙස් මත නොව අසන්තගේ සහ නාලකගේ උපදෙස් අනුවය.

රාජපක්ෂ යුගය තුල ජාතික ලොතරැයි මණ්ඩලයේ Out Door Advertising ඒකාධිකාරය හිමිකර ගෙන සිටි ශාමන්ත යන පුද්ගලයා සිටින්නේද Media Max ආයතනයේය. Media Max ආයතනය දැන් පවත්වා‍ගෙන යනු ලබන්නේ ශාමන්ත සතු ගොඩනැගිල්ලක වන අතර ඔහු අසන්තගේද හොඳම හිතවතෙකි.

යහපාලන ආණ්ඩුව පවතින පසුබිමක වන තවත් මාරාන්තික ප්‍රහසනයක් වන්නේ මේ වන විටත් පසුගිය ජනාධිපතිවරණයේදී Digital Wall සම්බන්ධව පොලිස් මුල්‍ය අපරාධ කොට්ටාශයේ සිදුවන විමර්ශනයක චෝදනා ලබා සිටින ශාමන්තව තවමත් ජාතික ලොතරැයි මණ්ඩලයේ කටයුතු වෙනුවෙන් යොදා ගැනීමට අසන්ත ක්‍රියා කිරීමය.. ඒ සඳහා තවමත් ජාතික ලොතරැයි මණ්ඩලය හරහා ශාමන්ත වෙත ගෙවීම් සිදුකිරීමටද අසන්ත මැදිහත්ව සිටීමය.

එපමණක් නොව අසන්තගේ අනෙක් තැරැව්කාර ආයතනය සොයා ගැනීමට නම් තවත් වැඩිදුර තොරතුරු සෙවිය යුතු නැත. අසන්තගේ සිංග්ගපුරු සංචාරය සඳහා කටයුතු සුදානම් කළේ කවුද ? ඒ කුමන ආයතනයද? යන්න සෙවීම ඊට ප්‍රමාණවත්ය.

මාරාන්තික ප්‍රවර්ධන

එපමණක් නොව අසන්තගේ මේ කෘෂිකර්ම මොලයෙන් අලෙවි අංශයේ කටයුතු කරන්නට ගිය කළ සිදුවන තවත් වින්නැහියක් ද ඇත. ඒ මේ වන විටත් සාර්ථකව අලෙවි වෙමින් තිබෙන ලොතරැයි පත් සඳහා අනවශ්‍ය තරගයක් නිර්මාණය වීමය.

ව්‍යාපාරයක් හෝ කිසියම් කර්මාන්තයක් තවදුරටත් පුළුල් වීමක් “තරගය” තුළ සිදුවුවත් මෙතැනදී සිදුවන්නේ ඊට වෙනස් දෙයක්ය.

නිදර්ශනයක් ලෙස දක්වනවා නම් ජාතික ලොතරැයි මණ්ඩලය බදාදා ට දිනුම් අදිනු ලැබූ සුපිරි වාසනා ලොතරැයිය එම එක් දිනුම්වාරයක් සඳහා ටිකට්පත් ලක්ෂ 9 කට ආසන්න ප්‍රමාණයක් විකුණමින් සිටියදී එම දිනයට මෙගා පවර් නමින් ලොතරැයියක් හඳුන්වා දෙන්න අසන්ත ක්‍රියා කරයි.

එහිදී අවම වශයෙන් සලකා බැලිය යුතු සාමාන්‍ය කරුණු වන්නේ අදාළ ලොතරැයිය හරහා කොපමණ ආදායමක් මණ්ඩලය වෙත ලැබෙනවාද? සුපිරි වාසනා සම්පත එම දිනයට කොතරම් විකිණෙනවාද ? යන්නය. අසන්තගේ කෘෂි මොලය සතු අලෙවි දැනුම එළියට ගන්නට ඒ කරුණුද ප්‍රමාණවත්ය.

අලුතින් බදාදා දිනයට හඳුන්වාදුන් මෙගා පවර් පළමු ත්‍යාගය ලෙස රුපියල් කෝටි 10ක් වෙන් කරන නමත් විකුණාගත හැකි වන්නේ ටිකට්පත් ලක්ෂ 07 කට ආසන්න ප්‍රමාණයක් පමණි.

එහෙත් සුපිරි වාසනා ලොතරැයිය සිය පළමු ත්‍යාගය ලෙස රුපියල් කෝටියක් පිරිණමන අතර එක් දිනුම් අදින අවස්ථාවකදී ටිකට්පත් ලක්ෂ 9 කට අධික ප්‍රමාණයක් අලෙවි වෙයි.

එතනදී ආයතනයෙන් ඉවතට යන මුදල සහ ආයතනයට ලැබෙන මුදල් ප්‍රමාණය අතර වෙනස පැහැදිලි වන අතර නව ලොතරැයිය හඳුන්වාදීම තුළ සිදුවන අටමගල් ප්‍රවර්ධනයක් නැති බවද පැහැදිළිය.

අවසානයේ ආදායම් අඩුවීමේ තර්ජනයෙන් ආයතනයට ගැලවෙන්න හැකි වන්නේ සහ යෙදීමට ඇති ජනප්‍රිය උපක්‍රමය වන්නේ දිනුම් අවස්ථා ප්‍රමාණය අඩු කිරීමය. එහිද පාඩුව අවසානයේ සිදුවන්නේ ආයතනයටම වන අතර ඒ දිනුම් අඩුවූ විට ටිකට්පත් අලෙවිය පහත වැටීමක් සිදුවන නිසාය.

එපමණක් නොව අසන්තගේ කෘෂි මොලයෙන් මේ වන විටත් ජාතික ලොතරැයි මණ්ඩලය තුළ ගහපු ගේම් රැසක තොරතුරු වාර්තා වී ඇත.

ලිව්වට වඩා නොලිව්ව දේ බොහොමයි

මීට අමතරව පසුගිය කාලය පුරා වෙළද දැන්වීම් සදහා රු.8000.000/=ක මුදලක් වැය කොට “මහත්මා” සම්මාන උත්සවයේ අසන්තගේ වැඩ මෙන්ම ජාතික ලොතරැයි මණ්ඩලයේ මෙනුර ඇතුළු නිලධාරීන් කිහිපදෙනෙකු එකතුකරගෙන අසන්ත නැටු තවත් අවකෙලි රැසක් ගැන තොරතුරු ලැබී ඇත. එසේම ආයතනයේ රාජකාරි සිදුකරන අතර තුර පවත්වාගෙන යන ප්‍රචාරක ආයතන සහ ඒවා තුළ සම්බන්ධතා පවතින ආකාරය ගැනද තොරතුරු ලැබී ඇත. එහෙත් ඒ ඇතැම් තොරතුරු අප හෙළිනොකර සිටින්නේ ඔවුන්ගේ සදාචාරය ට වඩා අපේ සදාචාරය ඉහල තැනක ඇති නිසාය.

මේ කරුණු පවා අප හෙළිකර සිටින්නේ ජාතික ලොතරැයි මණ්ඩලය ඇත්තේ අසන්ත වැනි බහිරවයන්ට අරක් ගන්නට නොවන බවත් ඊට මිනිසුන් කෝටි පතියන් කරන අතර ඉටුකිරීමට ඇති සුවිශාල සමාජීය වැඩ කොටසක් ඇති බවට අප දැනුවත් නිසාය.

බැඳුම්කර කොමිසම් වාර්තාව දේශපාලනික බවත්, එම වාර්තාවේ කරුණු උපුටා දක්වමින් ජනාධිපතිවරයා දෙසැම්බර් මස 03දා කල ඇතැම් ප්‍රකාශ එකිනෙකට පරස්පර බවත් ප්‍රකට සමාජ පර්යේෂකයකු වන විජිත නානායක්කාර මහතා පවසයි.

ඔහු එබව සඳහන් කලේ 'නිව්ස් ටියුබ්' කල විමසීමකදීය.

2015ට පෙර බැඳුම්කර පරික්ෂා කිරීමට වරයක් නොතිබුණ හෙයින්, එම කාල සීමාවට පිටින් පරික්ෂණ සිදුනොකළ බව බැඳුම්කර කොමිසම පැහැදිලිව ප්‍රකාශකර ඇතැයි පවසන ජනාධිපතිවරයා, බැඳුම්කර ගනුදෙනුවලදී 2015ට වඩා වැඩි අලාභයක් 2008 -2015 වකවානුවේ සිදුව ඇතැයි පැවසීම ගැටලුකාරී බව විජිත නානායක්කාර මහතා කියා සිටියි.

බැඳුම්කර නිකුත්කිරීම සම්බන්ධව විමර්ශන හා පරීක්ෂණ කිරීමට එම කොමිසන් සභාවට බලය, වරය ලැබුණේ 2015 පෙබරවාරී 01 දා සිට 2016 මාර්තු 31 දක්වා කාලය පිළිබඳවයි.

2008 වසරේ සිට 2015 දක්වා නිකුත් කළ භාණ්ඩාගාර බැඳුම්කර පිළිබ`දව පරීක්ෂා කිරීමට මෙම කොමිසමට වරයක් නොතිබුණු හෙයින් එවැන්නක් සිදු කර නැතැයි පැවසු ජනාධිපතිවරයා, වැඩිපුරම සේවක අර්ථසාධක අරමුදල විනාශ වී ඇත්තේ එම කාලය තුළ බව කොමිසන් සභාව සඳහන් කරන බව අවධාරණය කර සිටියේය.

 මහේන්ද්‍රන් 'නරක'වී අගමැති 'හොඳ' වුණේ කොහොමද ?

බැඳුම්කර වෙන්දේසිවලට මැදිහත්වී ....

 හිටපු මහ බැංකු අධිපති අර්ජුන් මහේන්ද්‍රන් මහතා අසම්මත සහ සාවද්‍ය අන්දමින් තීරණ ගැනීමේ ක්‍රියාවලියක් මගින් බැඳුම්කර වෙන්දේසිවලට මැදිහත්වී ඇති අතර, අභ්‍යන්තර තොරතුරු පිටතට බෙදාදීම සම්බන්ධයෙන් වගකිවයුත්තෙකු බව වාර්තාවේ සඳහන්ව ඇතැයි ජනාධිපතිවරයා සිය විශේෂ ප්‍රකාශයේදී සඳහන් කළේය.

කෙසේවුවද අර්ජුන් මහේන්ද්‍රන් මහතා ජනාධිපති කොමිසම හමුවේ සාක්ෂි දෙමින් දිගින් දිගටම ප්‍රකාශ කලේ තමා සියලු කටයුතුකලේ අගමැතිවරයාගේ උවමනාව හා දැනුවත්වීම මත බවය.

එම කාරනා සම්බන්ධයෙන් තවදුරටත් අදහස් දැක්වූ විජිත නානායක්කාර මහතා, කොමිසම් වාර්තාවෙන් අර්ජුන් මහේන්ද්‍රන් මහතා ප්‍රධාන උත්තරකරුවකු කර ඔහුට උපදෙස්දුන් බව කියන අගමැතිවරයා නිර්දෝෂී වුයේ කෙසේදැයි සාධාරණ සැකයක් මතුවන බව පැවසිය.

 බැඳුම්කර චෝදනාවෙන් රවී නොදොස් කොට නිදහස් !

පර්පචුවෙල් ට්‍රේෂරීස් සමාගම, මහ බැංකු අධිපති අර්ජුන් මහේන්ද්‍රන් මහතාගේ ද, බැංකු නිලධාරින් සහ වෙනත් බාහිර පුද්ගලයින්ගේ ද සහභාගිත්වය හරහා නිත්‍යානුකූල නොවන අන්දමින් මුදල් උපයා ඇති බව පවසන කොමිසම් වාර්තාව, මෙම ආයතන හා සෘජුව වගනොකියන හිටපු මුදල් අමාත්‍ය රවී කරුණානායක මහතා එම චෝදනාවලට වරදකරුවකු ලෙස නම් කිරීම ගැටලුකාරී බව ද විජිත නානායක්කාර මහතා කියා සිටියේය.

කොමිසමේ නිර්දේශ අනුව සිදුව ඇත්තේ රවී කරුණානායක මහතා බැඳුම්කර ගනුදෙනුවෙන් නිදොස් කොට නිදහස් කිරීමක් බව ලෙස වුවද සැලකිය හැකියැයි ඔහු වැඩිදුරටත් පැවසිය.

ශ්‍රී ලංකා නිදහස් පක්ෂයේ කොළඹ පුරපති අපේක්ෂකයා ලෙස අසාඩ් සාලි මහතා ඉදිරිපත්වන හෙයින් තමාට ඔහු තරග කරන කොට්ඨාශයෙන් තරග කිරීමට අවස්ථාවක් ලබාදෙන ලෙස කොළඹ හිටපු නගරාධිපති ඒ.ජේ.එම්. මුසම්මිල් මහතා විසින් කල පළාත් පාලන මැතිවරණ නාමයෝජනාවලට පෙර කල ඉල්ලීම එජාපයේ ඇතැමුන්ගේ බලපෑම් මත ප්‍රතික්ෂේප වීම මේවනවිට එම පක්ෂයේ අභ්‍යන්තර අර්බුදයක් දක්වා වර්ධනය වෙමින් පවතිනබව 'සිරිකොත' එජාප මුලස්ථාන ආරංචිමාර්ග පවසයි.

මුසම්මිල් මහතා එම යෝජනාව ඉදිරිපත්කර ඇත්තේ, තමා මැලේසියානු මහ කොමසාරිස් ධුරයෙන් ඉල්ලා අස්වීමට සුදානම් බවටත්, ජයග්‍රහණයකින් පසු කිසිඳු විටෙක නගරාධිපති ධුරය බලාපොරොත්තු නොවන බවටත් සහතික වෙමිනි.

එජාප කොළඹ දිස්ත්‍රීක් නායක රවී කරුණානායක, පක්ෂයේ සභාපති අමාත්‍ය මලික් සමරවික්‍රම හා මහ ලේකම් අමාත්‍ය කබීර් හෂීම් යන මහත්වරුන් එම යෝජනාවට එකඟතාවය පළකර ඇතත් ප්‍රබල විරෝධයක් හමුවේ එම යෝජනාව ප්‍රතික්ෂේප වී තිබේ.

මෙය එජාපයට හිතවත් ප්‍රබල මුස්ලිම් පිරිසකගේ කනස්සල්ලට හේතුවී ඇත.

එසේම, ශ්‍රීලනිපයේ උවමනව මත අමාත්‍ය මනෝ ගනේෂන් මහතා වෙනම තරග කිරීම ද එජාප කොළඹ සුළු ජන ඡන්ද පදනමට බරපතල බලපෑමක් එල්ලකර තිබේ.

මෙය බරපතල දේශපාලන කාරණයක් වී ඇත්තේ, අලුත් පළාත් පාලන මැතිවරණ ක්‍රමය තුල කොළඹ ඇතුළු පළාත් පාලන ආයතන රාශියක ආණ්ඩු පිහිටුවීම ගැටලුවක්වීමේ අවධානමක් මතුව තිබෙන තත්ත්වක් තුලය.

 ඇමති චම්පිකගේ විග්‍රහය මෙන්න :

''පළාත් පාලන ආයතනය රාශියක ආණ්ඩු පිහිටුවීම ප්‍රශ්ණයක් වෙනවා ''

මේ අතර, බස්නාහිර හා මහා නගර සංවර්ධන අමාත්‍ය පාඨලී චම්පික රණවක මහතා පවසන්නේ, පළාත් පාලන ප්‍රතිඵලය කවරක් වුවත් පළාත් පාලන ආයතනය රාශියක ආණ්ඩු පිහිටුවීම ප්‍රශ්ණයක් බවයි.

සිය ෆේස්බුක් පිටුවට ඔහු කළ අදහස් දැක්වීමක මේ බව සඳහන් වෙයි.

එසේම ප්‍රධාන දේශපාලන පක්ෂ රාශියක ඉරණම තීරණය වන මැතිවරණයක් ලෙස පළාත් පාලන මැතිවරණය හැඳින්විය හැකි බවත් ඔහු පවසයි.

“2018 වර්ෂය කිසියම් ආකාරයකට ශ්‍රී ලංකාවේ දේශපාලන ක්‍ෂෙත්‍රයේ සංක්‍රමණික වර්ෂයක්. මේ වර්ෂයේ පෙබරවාරි මාසයේ පළාත් පාලන මැතිවරණය පැවැත්වෙනවා. පළාත් පාලන මැතිවරණවල ප්‍රතිපල කවරක් උනත් පවතින ඡන්ද ක්‍රමය නිසා පළාත් පාලන ආයතන සැලකිය යුතු ප්‍රමාණයක ආණ්ඩු පිහිටුවීම ප්‍රශ්නයක් වී තිබෙනවා.

ඒ අනුව පක්ෂ අතර ඇතිවන එකඟතාවයෙන් යුතු පළාත් පාලන ආණ්ඩු ඇතිවන බව නම් දැන් තබාම කිව යුතුයි.

ඒවගේම මේ ක්‍රියාවලියත් සමග ප්‍රධාන දේශපාලන පක්ෂ කිහිපයේම, එක්සත් ජාතික පක්ෂයේ, ශ්‍රී ලංකා නිදහස් පක්ෂයේ ඒ වගේම එක්සත් පොදු පෙරමුණේ මහින්ද රාජපක්ෂ මැතිතුමාගේ පක්ෂයේ මේ සියළුම දෙනාගේ දේශපාලන ඉරණම මෙයින් තීන්දු වෙනවා.

බොහෝ දෙනෙක් තමන් බලගතුයි, තමන් හොල්ලන්න බැහැයි කියා සිතුවට මේ මැතිවරණයේදී ඔවුන්ට එක්තරා ආකාරයකට පොදු ජනතාවගේ තීන්දුව පෙන්න පටන් ගන්නවා.

මහජන රැළිවලට ලක්‍ෂ ගණන් සෙනග සල්ලි දීලා, බස් දාලා අද්දවගෙන ආවට මොකද ජනතාවගේ තීන්දුව ඊට වඩා වෙනස් බව 2015 දී ඔප්පු උනා”