අනුරාධපුර දිස්ත්‍රික් සංවර්ධන කමිටුවේ සභාපතිවරයා ලෙස පාර්ලිමේන්තු මන්ත්‍රී හිටපු ඇමති එස්.එම්. චන්ද්‍රසේන පත්කර ඇත.
ජනාධිපති රනිල් වික්‍රමසිංහ විසින් මෙම පත්කිරීම කර තිබෙන අතර ඒ අනුරාධපුර දිස්ත්‍රික් පාර්ලිමේන්තු මන්ත්‍රී කේ.එච්. නන්දසේන අභාවප්‍රාප්ත වීමෙන් අනුරාධපුර දිස්ත්‍රික් සංවර්ධන කමිටු සභාපති ධුරය පුරප්පාඩු වූ නිසා ය.
ඒ අනුව චන්ද්‍රසේන මන්ත්‍රීවරයා හෙට දිනයේ මෙම නව ධුරයේ රාජකාරි ආරම්භ කිරීමට නියමිතව ඇත.
පොදුජන පෙරමුණ තුළ එස්.එම්. චන්ද්‍රසේන මන්ත්‍රීවරයා ප්‍රසිද්ධව සිටින්නේ උග්‍ර රාජපක්ෂවාදියකු ලෙසය.