විනෝදාස්වාද

ජිප්සීස් සංගීත කණ්ඩායමේ නායක ප්‍රවීණ ගායන ශිල්පි , සංගීතඥ සුනිල් පෙරේරා අභාවප්ප්‍රාප්ත වී තිබේ.

කොළඹ පෞද්ගලික රෝහලක ප්‍රතිකාර ලබමින් සිටියදී අභාවප්ප්‍රාප්ත වන විට ඔහුගේ වයස අවුරුදු 69 කි.

සංගීතඥ සුනිල් පෙරේරා සංගීත කලාව පෝෂණය කළ මෙරට කණ්ඩායම් සංගීතයේ පුරෝගාමියෙකි.

1952 සැප්තැම්බර් 14 වනදා උපන් සුනිල් පෙරේරා  පුතුන් දෙදෙනෙකුගේ සහ දියණියන් දෙදෙනෙකුගේ පියෙකි.

සමාජ ආසාධාරණයට එරෙහිව නිරන්තරයෙන් පෙනී සිටි සුනිල් පෙරේරා, ගීතයෙන් සිය අදහස් සමාජගත කළේ ය.

වඩු වැඩෙන් දිවි රකින, ලුණු දෙහි, පැරදුනේ මං, බොමු අපි කොත්තමල්ලී, පිටිකොටපන් නෝනේ, මගේ නර්ස් නෝනා, තාත්ත මට ඇනපු ටොක්ක වැනි අතිශය ජනප්‍රිය ගීත සුනිල් පෙරේරාගේ නිර්මාණ අතර, සුවිශේෂයි.

ප්‍රවීණ චිත්‍ර ශිල්පී කලාසූරී ජයසිරි සේමගේ අභාවප්‍රාප්තවී ඇති අතර දේහය මේ වනවිට මහජන ගෞරවය සඳහා කොළඹ ජයරත්න මල් ශාලාවේ තැන්පත් කර ඇත.

කලක් රෝගාතුරව සිටි එතුමා ජිවන ගමනට සමු දුන්නේ ඊයේ (25) දෙහිවල පිහිටි සිය නිවසේ දී ය.

ශ්‍රී ලාංකික සිතුවම් කලාව ජාත්‍යන්තරට ගෙන ගොස් සම්මානයට පාත්‍ර වූ, මෙරට කීර්තියක්, ගෞරවයක් අත්කරදුන් මේ ප්‍රවීන සිතුවම් ශිල්පියා මිය යන විට 84 වැනි වියෙහි පසුවිය.

එතුමාගේ දේහය පිළිබඳ අවසන් කටයුතු අද (26) පස්වරුවේ බොරැල්ල කනත්තේ දී සිදු කිරීමට නියමිත ය.

ලෝක ඡායාරූප ශිල්පින්ගේ සිහිනයක් බඳූ වූ BBC wildlife photographer of the year 2021 තරගයේ ප්‍රදර්ශන මට්ටමට හා ජුරියේ විශේෂ පැසසුමට (Highly Commended) ලක්වීමට ශ්‍රී ලාංකීක ඡායාරූප ශීල්පිණීයකට හා මෙරට ළාබල ඡායාරූප ශිල්පියෙකුට මෙවර හැකියාව ලැබි ඇත.

ඒ බුද්ධිනී ඩී සොයිසා හා ගඟන වික්‍රමසිංහ යන දෙදෙනාට ය.

මෙම දෙදෙනාගේ ඡායාරූප හැරෙන්ට මෙම තරගය සඳහා මීට පෙර මෙවැනි ජයග්‍රහණයකට උරැමකම් කියු(2002) එකම ශ්‍රී ලාංකීයා වුයේ රුක්ෂන් ජයවර්ධනය.

ඔහුගෙන් පසුව මේ සඳහා මේ ආකාර සුදුසුකමක් ලද දෙවැනි හා තෙවැනි ශ්‍රී ලාංකීකයන්වන්නේ බුද්ධිනී හා ගඟන ය.

බුද්ධිනී ඩී සොයිසා මහත්මියගේ 'A Great Swim' නමින් පළ කරන ලද ඡායාරූපය හා ගඟන වික්‍රමසිංහගේ 'Lockdown chicks' නමින් පළ කරන ලඳ ඡායාරෑපය මෙවර අංශ දෙකක් යටතේ ජුරියේ විශේෂ පැසසුමට ලක්ව ඇත.

ලොව පුරා අති දක්ෂ ඡායාරෑප ශීල්පින්ගේ ඡායාරූප 55000ක් අතරින් මෙම ඡායාරූප යුගලය අවසන් කිහිපය අතරට පැමිණ ඇත.

මෙහි තවත් විශේෂත්වය වන්නේ ගඟන වයස අවුරැදු 11ක කුඩා දරුවෙකු වීම ය.

ගඟන ලංකාවේ ප්‍රවීන උරග විද්‍යාඥණයෙකු වන මෙන්ඩිස් වික්‍රමසිංහ මහතාගේ කනිටු පුත්‍රයා ය.

කොරෝනා   වසංගතය මැද ආරම්භ වූ ටෝකියෝ ඔලිම්පික් ක්‍රිඩා උළෙල  නිමාවට පත් විය.

අමෙරිකාවයි මෙවරත් පදක්කම් සටහනේ පෙරමුණ ගත්තේය.

ඔවුන් රන් පදක්කම් 39ක්, රිදි පදක්කම් 41 සහ ලෝකඩ පදක්කම් 33ක් දිනා ගැනීමට සමත් වුණා.

අමෙරිකාව අවසන් වරට පැවති ඔලිම්පික් උළෙල තුනේදී පදක්කම් සටහනේ ප්‍රථමයා බවට පත්ව ඇත.

ඔලිම්පික් ඉතිහාසයේ වැඩිම වාර ගණනකදී පදක්කම් සටහනේ පළමුවන ස්ථානය හිමි කර ගෙන ඇත්තේද අමෙරිකාවයි.

මෙවර ටෝකියෝ ඔලිම්පික් ක්‍රීඩා උළෙලෙදී පදක්කම් සටහනේ ප්‍රථම ස්ථානය සඳහා චීනය සහ අමෙරිකාව අතර කරට කර සටනක් පැවති අතර,= මෙවර අමෙරිකාව පදක්කම් සටහනේ පෙරමුණ ගත්තේ එක් රන් පදක්කමකින් චීනය අභිබවමිනි.

චීනය රන් පදක්කම් 38ක්, රිදී පදක්කම් 32ක් සහ ලෝකඩ පදක්කම් 18ක් ලබා ගනිමින් දෙවන ස්ථානය හිමි කර ගත් අතර, සත්කාරක ජපානය රන් පදක්කම් 27ක් දිනා ගනිමින් තෙවන ස්ථානය දිනා ගැනීමට සමත් විය. මහා බි්‍රතාන්‍ය රන් පදක්කම් 22ක් දනා ගනිමින් සව් ස්ථානයේ දින ගත්හ.=

ඉන්දියාව පිරිමි හෙල්ල විසි කිරීමේ ඉසව්වෙන් ඊයේ දිනා ගත් රන් පදක්කම සමග මෙවර පදක්කම් සටහනේ 48වන ස්ථානය දිනා ගත්තේය. ඒ, රන් පදක්කමක්, රීදි පදක්කම් දෙකක් සහ ලෝකඩ පදක්කම් 04ක් දිනා දිනා ගනිමිනි. මෙය සැලකෙන්නේ ඉන්දියාව ඔලිම්පික් ඉතිහාසයේ දැක්වූ ඉහළ=ම දක්ෂතාව ලෙසයි.

මෙවර ටෝකියෝ ඔලිම්පික් ක්‍රිඩා උළෙල සඳහා ශ්‍රී ලංකාව නියෝජනය කරමින් ක්‍රිඩක ක්‍රීඩිකාවන් 09 දෙනෙකු සහභාගී විය. කෙසේවෙතත් ඔවුන්ට කැපීපෙනෙන දක්ෂතා දැක්වීමට නොහැකි වු අතර සියලු දෙනා පළමු වටයෙන්ම ඉවත් වීමට සිදු විය.

ඔලිම්පික් ක්‍රිඩා උළෙලක වැඩිම රටවල් සංඛ්‍යාවක් පදක්කම් දිනා ගත් පළමු අවස්ථාව ලෙසයි මෙවර ටෝකියෝ ඔලිම්පික් උළෙල ඉතිහාස ගත වූ අතර, මීට පෙර 2008 බෙයිජින් ඔලිම්පික් ක්‍රිඩා උළේලේදී රටවල් 87ක් පදක්කම් දිනා තිබිණි.

මෙවර ටෝකියෝ ඔලිම්පික් උළෙල සැලකෙන්නේ ඉතිහාසයේ සංවිධානය කෙරුණු අසීරුතම ඔලිම්පික් ක්‍රීඩා උළෙල ලෙසයි.

ලොව පුරා පවතින කොරෝනා වසංගත තත්ත්වය හේතුවෙන් 2020 වසරේ පැවැත්වීමට නියමිතව තිබු ටෝකියෝ ඔලිම්පික් ක්‍රීඩා උළෙල මෙම වසරට කල් දැමුණි.

මීළග ඔලිම්පික් ක්‍රීඩා උළෙල 2024 වර්ෂයේ ප්‍රංශයේ පැරිස් නුවරදී පැවැත්වීමට නියමිතය.