මේ දින වල දිවයින පුරා සිනමා ශාලා වලදී තිරගත වන,

ස්ටෑන්ඩ් අප් මුවමන්ට් ලංකා සාමූහිකය නිෂ්පාදනය කළ, චින්තන ධර්මදාස අධ්‍යක්ෂනය කළ, 'අභිසාරි' සිංහල චිත්‍රපටිය මලයාලම් සහ හින්දි බසින් හඬකැවීමටත්, ඉන්දියාවේ ප්‍රදර්ශනය කිරීමටත්, ඉන්දියානු සමාජ ක්‍රියාකාරී එකමුතුවක් ඉදිරිපත් වී සිටිනවා.

අධිකරණ අමාත්‍යවරයා විසින් කැබිනට් මණ්ඩලයට ඉදිරිපත් කරන ලද විනිසුරුවරුන් ගේ විශ්‍රාම වයස ඉහළ නැංවීමේ යෝජනාව කැබිනට් මණ්ඩලය විසින් අනුමත කරන ලද ඇති බව සැලකිල්ලට ගන්නා බවත්, මෙම යෝජනාව ව්‍යවස්ථා සංශෝධනයක් වන බැවින් එය පාර්ලිමේන්තුවේ තුනෙන් දෙකක (2/3) බහුතරයකින් සම්මත වීමෙන් අනතුරුව, ජනමත විචාරණයකට යොමු කළ යුතුද නැද්ද යන්න පිළිබඳ තීරණයක් ලබා දීම සඳහා ශ්‍රේෂ්ඨාධිකරණයට යොමු කරනු ඇතැයි බලාපොරොත්තු වන බව රට Next සංවිධානය සඳහන් කරයි.

පෞද්ගලික රෝහල් සහ රසායනාගාර මගින් සිදුකරනු ලබන Full Blood Count (FBC) රුධිර පරීක්ෂා සඳහා පාරිභෝගික කටයුතු පිළිබඳ අධිකාරිය පනවා ඇති පාලන මිල (උපරිම ගාස්තුව රු. 400/-) ඉක්මවා මුදල් අය කරමින් පාරිභෝගික කටයුතු පිළිබඳ අධිකාරිය පනත යටතේ නිකුත් කර ඇති විධාන අංක 67 උල්ලංඝනය කළ වවුනියාව, රෝහල් පාරේ පිහිටි “අබිෂා හොස්පිට්ල් (Abisha Hospital Pvt Ltd)” ආයතනයට එරෙහිව පාරිභෝගික කටයුතු පිළිබඳ අධිකාරියේ වවුනියාව දිස්ත්‍රික් විමර්ශන නිලධාරීන් වවුනියාව මහෙස්ත්‍රාත් අධිකරණය හමුවේ නඩු පවරා තිබුණා.

මෙරට පොදු ප්‍රවාහන සේවාව කාර්යක්ෂම කිරීම සඳහා ආනයනය කළ නව මෙට්‍රෝ බස් රථ 104 රැගත් නෞකාව අද (29)  දින පස්වරු  6.30ට පමණ මෙරටට ළඟා වීමට නියමිතයි.

ජනතා විමුක්ති පෙරමුණේ නිර්මාතෘ රෝහණ විජේවීර අත්අඩංගුවේ පසුවෙද්දී ඝාතනය කිරීමට තමන් සම්බන්ධ බවට කෙරෙන ප්‍රකාශ සමාජ මාධ්‍ය ඔස්සේ ප්‍රචාරය වීම වැළැක්වීමේ නියෝගයක් ඉල්ලා විශ්‍රාමික මේජර් ජෙනරාල් අශෝක තෝරදෙණිය පවරා තිබූ නඩුව කොළඹ මහාධිකරණය මගින් නිෂ්ප්‍රභ කර ඇත.

කොමිෂන් සභා සඳහා නව සාමාජිකයන් බඳවා ගැනීමේ දී අනුගමනය කරන අයැදුම් කිරීමේ ක්‍රියා පරිපාටිය පිළිබඳ මාර්තු 12 ව්‍යාපාර සිය කනස්සල්ල පළ කරමින් කතානායකවරයා වෙත ලිපියක් යොමු කර ඇත.

ආයතනවලට මුදල් ගෙවමින් සමීක්ෂණ නොකර පළාත් සභා ඡන්දය පැවැත්වූවා නම් ජනාධිපතිවරයාට රටේ ජනතාව ගෙන් සියයට කීයක් කැමතිද නැද්ද යන්න නිහ්චය කරගත හැකි යැයි ශ්‍රීලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ පැවසී ය.

පසුගිය දා මීගමුව බන්ධනාගාරය තුළ සිදුවූ ඛේදනීය සිදුවීම සම්බන්ධයෙන් මීගමුව මහේස්ත්‍රාත් අධිකරණයේ දී මේ දිනවල විභාග වන නඩුකරයට අදාළ තවත් එක් නඩු විභාගයක් පසුගිය 27වන දා මීගමුව අධිකරණයේ දී, ප්‍රධාන මහේස්ත්‍රාත් ශීලනී පෙරේරා ඉදිරියේදී විභාගයට ගත්තේ ය.

අධිකරණ ස්වාධීනත්වය සහ නීතියේ ආධිපත්‍ය සුරුකීම සඳහා 2026-07-29වන දා පැවැත්වීමට යෝජිත ශ්‍රී ලංකාවේ නීතිඥ සංගමයේ විශේෂ සභා රැස්වීමට samagi lawyers federation හි පූර්ණ ආශිර්වාදය පළ කර සිටින බවත්, එම රැස්වීමට සහභාගි වී මෙරට අධිකරණ ස්වභාවය සහ නීතියේ ආධිපත්‍ය සුරැකීමට දායක වන ලෙස සමස්ත නීතිඥ ප්‍රජාව වෙතින් ඉල්ලා සිටින බවත් samagi lawyers federation සඳහන් කරයි.

කිරින්ද ධීවර වරායේ වැලි කැණීමේ ව්‍යාපෘතියක් කොරියානු සමාගමකට ලබාදී  රජයට රුපියල් කෝටි දෙකකට අධික පාඩුවක් කළේ යැයි කියන සිද්ධිය සම්බන්ධයෙන්  හිටපු ධීවර ඇමති රාජිත සේනාරත්නට මෙම මස 31 වන දින අධි චෝදනා ගොනු  කරන බව  අල්ලස් කොමිසම  වෙනුවෙන් අධිකරණයේ පෙනී සිටි සහකාර නිතී අධ්‍යක්‍ෂක සුලෝචනා හෙට්ටිආරච්චි   අද(28)  කොළඹ ප්‍රධාන මහේස්ත්‍රාත් අසංග එස් බෝදරගම හමුවේ දැන්වූවා.