ක්‍රිෂ් ගනුදෙනුව සම්බන්ධයෙන් සිදු කරනු ලබන විමර්ශනයට අදාලව රක්ෂිත බන්ධනාගාරගත කර සිටින පාර්ලිමේන්තු මන්ත්‍රී නාමල් රාජපක්ෂ සහ එම සමාගමේ හිටපු අධ්‍යක්ෂිකා ජානකී සිරිවර්ධන ලබන 23 දක්වා තවදුරටත් රක්ෂිත බන්ධනාගාරගත කරන ලෙස කොළඹ ප්‍රධාන මහේස්ත්‍රාත් අසංග එස්. බෝදරගම අද(16) නියෝග කළේය.
ජනාධිපති ලේකම් කාර්යාලය, ජනාධිපති මන්දිරය, මුදල් අමාත්‍යාංශය ඇතුළු ස්ථාන කිහිපයකට ඇතුළු වීම සහ පදික වේදිකා අවහිර කිරීම තහනම් කරමින් කොටුව මහේස්ත්‍රාත් පසන් අමරසේන විසින් නියෝගයක් නිකුත් කර තිබේ.
නුවර සිට කොළඹ දක්වා පාගමනින් පැමිණ ජනාධිපති කාර්යාලය අසල සාමකාමී විරෝධතාවයක නියැලෙන භික්ෂූන් වහන්සේලාට එරෙහිව රජය ක්‍රියාකරන ප්‍රජාතන්ත්‍ර විරෝධී පිළිවෙත වහාම නතර කරන ලෙස විපක්ෂ නායක සජිත් ප්‍රේමදාස රජයට සහ ජනාධිපතිවරයාට බලකර සිටියි.
ශ්‍රී ලංකන් ගුවන් සමාගමේ ගුවන් ටිකට්පත් සඳහා සියයට පනහක (50%) ප්‍රතිලාභයක් ලබා දෙන බවට ප්‍රචාරය කරමින්, ජනතාවගේ මුදල් සොරකම් කිරීමේ මහා පරිමාණ ජාවාරමක් අනාවරණය කරගෙන ඇති බව අපරාධ පරීක්ෂණ දෙපාර්තමේන්තුව (CID) කොළඹ ප්‍රධාන මහේස්ත්‍රාත් අසංග එස්. බෝදරගම හමුවේ කරුණු දක්වමින් පැවසුවේය.
කොළඹ රිජ්වේ ආර්යා ළමා රෝහලට රුපියල් මිලියන 10ක් වටිනා CT Scan යන්ත්‍රයක් මිලදී ගන්නා බව පවසමින් සිදුකරන ලදැයි කියන මූල්‍ය අක්‍රමිකතාවක් සම්බන්ධයෙන් හිටපු ජනාධිපති ආර්යා ශිරන්ති රාජපක්ෂ ඇතුළු තිදෙනෙකුට එරෙහිව විමර්ශනයක් ආරම්භ කර ඇති බව මූල්‍ය අපරාධ විමර්ශන කොට්ඨාසය (FCID) අධිකරණයට දැනුම් දී තිබේ.
කොළඹ කොටුව ට්‍රාන්ස්වර්ක් චතුරශ්‍රය බදු දීමේ ක්‍රිෂ් ගනුදෙනුවේදී සිදු වූවා යැයි කියන මහා පරිමාණ මූල්‍ය වංචාව සම්බන්ධයෙන් පොලිසිය සිදු කරන විමර්ශන සඳහා ඕනෑම අවස්ථාවක සහාය ලබාදීමට සූදානම් බව අදාළ මුදල් හුවමාරු කළ බැංකු ගිණුමක හිමිකාර ව්‍යාපාරිකයෙකු අද (15) කොළඹ ප්‍රධාන මහේස්ත්‍රාත් අසංග එස්. බෝදරගම හමුවේ ප්‍රකාශ කළේය.
අධිකරණයට අපහාස කළේ යැයි චෝදනා කරමින් හිටපු අමාත්‍යවරුන් වන විමල් වීරවංශ, උදය ගම්මන්පිල, පාර්ලිමේන්තු මන්ත්‍රී දිලිත් ජයවීර ඇතුළු පිරිසකට එරෙහිව කොළඹ කොටුව මහේස්ත්‍රාත් අධිකරණය විසින් ඉදිරිපත් කළ පැමිණිල්ල මේ මස 19 වැනිදා යළි කැඳවන ලෙස අභියාචනාධිකරණය නියම කර තිබේ.
අයථා වත්කම් උපයා ගැනීමේ සිද්ධියක් සම්බන්ධයෙන් හිටපු නාවික හමුදා නිලධාරී යෝෂිත රාජපක්ෂට එරෙහිව පවරා ඇති නඩුවේ වැඩිදුර සාක්ෂි විභාගය ලබන ඔක්තෝබර් 30 යළි කැඳවීමට කොළඹ මහාධිකරණය අද (15) නියම කළේය.
නුවරඑළිය අනගාරික ධර්මපාල වට රවුම අසල ඉන්ධන පිරවුම්හලෙන් අලෙවි කෙරෙන නිල් පැහැති ෂෙල් ගෘහස්ථ ගෑස් සිලින්ඩර ලබාගැනීම සඳහා ඊයේ (14) සහ අද (15) දින පාරිභෝගිකයන් පෝලිම්වල රැඳී සිටින අයුරු දක්නට ලැබිණි.
වංචාවට, දූෂණයට, හොරකමට එරෙහිව කටයුතු ආරම්භ කළේ, යහපාලන ආණ්ඩුව බව මාලිමා ආණ්ඩුව නිල වශයෙන් පිළිගෙන ඇතැයි සමගි ජනබලවේගයේ මහලේකම් රංජිත් මද්දුම බණ්ඩාර පවසයි.
ජාතික ඵලදායිතා ලේකම් කාර්යාලය මගින් සංවිධානය කරන ලද 2025/26 ජාතික ඵලදායීතා සම්මාන(NPA) උළෙලේදී වතුපිටිවල අපනයන සැකසුම් කලාපය(BOI),රාජ්‍ය අංශයේ රාජ්‍ය ව්‍යවසායකයන් සඳහා වූ ඇගයීම් සම්මානයෙන් පිදුම් ලබා ඇත.
සිර දඬුවම් නියම වී සිටින බොදු බල සේනා සංවිධානයේ ලේකම් පූජ්‍ය ගලගොඩ අත්තේ ඥානසාර හිමියන්ගේ චීවරය ඉවත් කිරීමට බන්ධනාගාර බලධාරීන් ගෙන තිබෙන තීරණය බල රහිත කිරීමේ නියෝගයක් නිකුත් කරන මෙන් ඉල්ලා ගොනුකර තිබෙන පෙත්සම් සලකා බැලීම සඳහා ලබන 22 වනදා කැඳවන ලෙස අභියාචනාධිකරණය නියම කළේය.
ශ්‍රී ලංකාව තුළ සුවැති ආහාර සංස්කෘතියක් ගොඩනැඟීමේ සහ පෝෂණ මට්ටම ඉහළ නැංවීමේ ජාතික ප්‍රයත්නයේ තවත් එක් විශේෂ පියවරක් ලෙස "NUTRIFEST 2026" ආහාර සැණකෙළිය සහ අලෙවි ප්‍රදර්ශනය ඔක්තෝබර් 15 සහ 16 දෙදින කොළඹ විහාරමහාදේවී උද්‍යානයේදී පැවැත්වේ.
සවුදි මහරජතුමාට සහ එරට ශ්‍රේෂ්ඨාධිකරණයට ලාංකේය ජාතියේ ප්‍රණාමය පුද කරන බව ජපානයේ ප්‍රධාන සංඝනායක හා ඉන්දියාවේ සාංචි විහාරාධිපති පූජ්‍ය බානගල උපතිස්ස හිමියෝ පවසති.
ශ්‍රී ලංකාව හුදෙක් තාක්ෂණය භාවිත කරන රටක් නොව නවෝත්පාදන බිහිකරන රටක් බවට පරිවර්තනය කිරීම සඳහා රජය කැපවී සිටින බවත්, 2030 වන විට මෙරට ඩිජිටල් ආර්ථිකය ඇමෙරිකානු ඩොලර් බිලියන 15 දක්වා ඉහළ නැංවීම, ඩිජිටල් අපනයන ඇමෙරිකානු ඩොලර් බිලියන 5 දක්වා වර්ධනය කිරීම සහ ඩිජිටල් ක්ෂේත්‍රයේ වෘත්තිකයන් 200,000කින් සමන්විත ශ්‍රම බලකායක් ගොඩනැගීම රජයේ අරමුණ බව අග්‍රාමාත්‍ය ආචාර්ය හරිනි අමරසූරිය පැවසුවාය.
බන්ධනාගාරගත කර සිටින භික්ෂූන් වහන්සේලා ඇතුළු ආගමික නායකයින් අධිකරණය හමුවට හෝ පිටතට රැගෙන යාමේදී ඇඳිය යුතු ඇඳුම සම්බන්ධයෙන් නිර්දේශ ඉදිරිපත් කිරීමට කමිටුවක් පත් කිරීම සම්පූර්ණ ඇස්බැන්දුමක් බව එක්සත් ජාතික පක්ෂය නිවේදනයක් නිකුත් කරමින් පවසයි.
කොළඹ ප්‍රධාන පෙළේ පෞද්ගලික රෝහලකදී සැකකටයුතු ලෙස මියගිය බව කියන කාන්තාවකගේ දේහය සම්බන්ධයෙන් වහාම පශ්චාත් මරණ පරීක්ෂණයක් පවත්වන ලෙස මාලිගාකන්ද වැඩබලන මහේස්ත්‍රාත් ප්‍රේමලාල් අතුකෝරල කොළඹ ප්‍රධාන අධිකරණ වෛද්‍ය නිලධාරීවරයාට නියෝග කර තිබේ.
වෙළෙඳ අමාත්‍යවරයා වශයෙන් කටයුතු කරමින් සිටියදී සතොස ආයතනයේ සේවකයින්, ඔවුන්ගේ නිල රාජකාරිවලින් ඉවත්කර දේශපාලන ක්‍රියාකාරකම්වල යෙදවීම තුළින් රජයට පාඩු කළේ යැයි යන චෝදනාව යටතේ හිටපු අමාත්‍ය ජොන්ස්ටන් ප්‍රනාන්දු ඇතුලු විත්තිකරුවන් තුන්දෙනෙකුට එරෙහිව පවරා ඇති නඩුව ලබන 28 වන දින යළි කැඳවිමට කොළඹ මහාධිකරණය අද නියෝග කළේය.
newstube.lk වෙබ් අඩවියේ පළවන සියළු ප්‍රවෘත්ති සහ විශේෂාංග ආශ්‍රිතව කිසිවකුට හානිකර යමක් පළ වී ඇත්නම් ඒ අගතියට පත් පාර්ශවයට ඊට ප්‍රතිචාර දැක්වීමට ඇති අයිතියට අපි ගරු කරමු.
ඔබගේ ප්‍රතිචාර
