පුවත්

ජන්ද මංකොල්ලයට පැමිණියහොත් දණහිසින් පහළට නොව හිසටම වෙඩි තියන්න කියා පසුගිය 2015 ජනාධිපතිවරණය අවස්ථාවේ ප්‍රකාශ නිකුත් කළ මැතිවරණ කොමිසමේ සභාපති මහින්ද දේශප්‍රිය මෙවර ජනාධිපතිවරණය හමුවේ කරන ප්‍රකාශ බැලු විට ඔහු මැතිවරණ කොමිසමේ සභාපතිවරයාම ඔහුගේ හිසට වෙඩි තබාගෙනද යන සැකය මතුවන බව මාධ්‍යවේදී ඥානසිරි කොත්තිගොඩ ප්‍රශ්න කරයි.
 
ඔහු මේ ප්‍රශ්න කිරීම සිදුකරන්නේ පොදුජන පෙරමුණේ ජනාධිපති අපේක්ෂක ගෝඨාබය රාජපක්ෂ වෙනුවෙන් මැතිවරණ නීති අමුඅමුවේ උල්ලංඝනය කරමින් නිකුත්කර පළකළ යුදහමුදාපති ලුතිනන් ජනරාල් ශවේන්ද්‍ර ද සිල්වාගේ නිල ඇඳුමින් සිටින  රුව සහිත  ජායාරූපයක් සමග ඔහුගේ ප්‍රකාශයක් පළකල දැන්වීම සම්බන්ධව මැතිවරණ කොමිසමේ සභාපති කටයුතු කළ ලිහිල් ප්‍රතිපත්තිය විවේචනය කරමිනි.
 
ලංකා ඊ නිව්ස් වෙබ් අඩවිය වෙත ලිපියක් ලියමින් ඔහු මේ බව සඳහන් කරන අතර එම ලිපිය පහත දැක්වෙයි.
 
 කණකොක් සුද පෙනෙන්නේ ඉගිලුනු විටදී කිව්වලු. ඒ වගේම කෙනකුගේ ස්ථාවරය පැහැදිලි වෙන්නෙත් ඔහු හෝ ඇය ගන්නා තීන්දු තීරණ හා කට ඇරියාම තමයි. මාළුවා නහින්නේ කට නිසා කියල කිව්වත් මහින්ද දේශප්‍රිය අපේ ඡන්ද කොමසාරිස් උන්නැහේ ප්‍රසිද්ධ වුනේ කට නිසා. 2015 ඡන්ද වෙලාවේ ඔහු කිව්වේ ඡන්ද මංකොල්ලයකට කවුරු හරි ආවොත් දණෙන් පහළ නෙමේ ඔළුවටම තියල දාන්න කියලා. එහෙම කියපු ඡන්ද කොමසාරිස් පසුගිය දිනවල කරපු ප්‍රකාශ දෙකක් ගැන විපරම් කරළා බැලුවම එයා තමන්ම ඔළුවටම තියාගත්තද කියල හිතෙනවා.
එක ප්‍රකාශයක් තමයි හමුදාපතිගේ රුව සහිත මැතිවරණ ප්‍රචාරක දැන්වීමක් පිලිබඳ මැතිවරණ කොමිසමේ සභාපතිවරයාගේ අවසාන නිගමනය. අනෙක තමයි යුද්ධයෙන් අත්වූ ජයග්‍රහණයක් ගැන එලිබස්සපු මතය.

නීති විරෝධී දැන්වීම බාර දුන්නේ කවුද?

හමුදාපතිගේ රුව සහිත මැතිවරණ ප්‍රචාරක දැන්වීමට තමාගේ කිසිම සම්බන්ධයක් නැහැ, ඒක පැරණි කතාවක් කියල තමයි හමුදාපතිගේ පැත්තෙන් කිව්වේ. දැන්වීම පළකරපු පොදු ජන පෙරමුණ නැත්නම් පොහොට්ටුවෙන් කියලා තියෙන්නේ මේ දැන්වීම පිළිබඳ සිය පක්ෂයේ කිසිම සම්බන්ධයක් නැහැ කියලා. මේ ප්‍රකාශ දෙකෙන් පස්සේ ප්‍රචාරක දැන්වීම පිලිබඳ ප්‍රශ්නය තව දුරටත් ගෙනයාමේ අවශ්‍යතාවයක් නැහැ කියලා ෆයිල් එක වහල දාපු එක තමයි මැතිවරණ කොමසාරිස් කළේ. අඩුම තරමින් මේ නීති විරෝධී දැන්වීම බාර දුන්නේ කවුද කියලවත්, මැතිවරණ නීති උල්ලංඝනය කරන දැන්වීම් පල කළ බලවතා කවුද කියලා පත්තරයෙන් කිසිදු ප්‍රශ්න කිරීමක්වත් එතැනින් එහාට සිද්ධ වුනේ නැහැ. එහෙම වුනත් මැතිවරණ නීති අකුරට ක්‍රියාත්මක කිරීමට මැතිවරණ කොමිසමේ සභාපති දුන් ප්‍රතිඥාව ගැන දේශපාලන පක්ෂ හෝ මාධ්‍ය විසින් කොමසාරිස්වරයාගෙන් ප්‍රශ්න කරපු බවක් පේන්නත් නෑ.

 මැකෝගෙ තීන්දුවත් ‌ඩේසි ආච්චිගෙ මැණික් මල්ල වගේ..!

"මම දන්නේ නෑ," "මට මතක නෑ," "මම නියෝග දුන්නේ නෑ," "නයා කාපු නිසා අල්ලස් කොමිසමට එන්න බැරිවුනා." මේ වගේ කතා පොහොට්ටු පක්ෂයට හරි සිම්පල්. මල්වානේ සහ මාතර හදපු මාලිගා තියෙනවා. ඒවා හදපු කොන්ත්‍රාත් කරුවොත් ඉන්නවා, ඒත් අයිතිකාරයෝ නෑ. යෝෂිත රාජපක්ෂට කෝටි ගණනක වටිනා ඉඩමක් දෙහිවල තිබුනා. මේ මුදල් උපයා ගත්තේ කොහොමද කියන චෝදනාව පොලිසිය ප්‍රශ්න කළාම යෝෂිත කිව්වේ එයාගේ ඩේසි ආච්චි දුන්නා කියලා. ඩේසි ආච්චි පොලිසියට කිව්වේ නන්නාඳුන පුද්ගලයෙක් ඇවිත් කෝටි ගණනක් වටිනා මැණික් මල්ලක් ගේ දොරකඩ දාල ගිහිල්ලා තිබුනා. ඒක විකුණලා තමයි ඉඩම ගත්තේ කියලා. ඊට පස්සේ ඒ චෝදනාවලට සිද්ද වුනේ මොකක්ද කියල දෙයියන්ට වඩා දන්නේ ඒ දවස්වල හිටපු අධිකරණ ඇමති විජේදාස රාජපක්ෂ තමයි. මොකද රාජපක්ෂ සමාගම නඩු වලින් බේරා ගත්තේ තමන් යැයි විජේදාස රාජපක්ෂ දැන් උජාරුවෙන් කියමින් යන්නේ. එහෙම බැලුවාම මැතිවරණ කොමසාරිස් ගේ මේ තීන්දුව මල්වානේ සහ මාතර මාලිගාත්, ඩේසි ආච්චිගේ මැණික් මල්ලේ තීන්දුවත් වගේම තමයි. ඉතිං මැතිවරණ කොමසාරිස් විශ්‍රාම ගිය දවසක හරි මැතිවරණ ප්‍රචාරක දැන්වීමේ වැඩේ ලිස්සලා ඇරියේ ඇයි කියලා දැන ගන්න ලැබේවායි අපි ප්‍රාර්ථනා කරමු.

 “රටටම අයිති” යුද ජයග්‍රහණය..!

අනෙක් කාරනාව තමයි "යුද ජයග්‍රහණය එක පක්ෂයකට අයිති එකක් නොවේ, එය මුළු රටේම ජයග්‍රහණයක්" කියලා මහින්ද දේශප්‍රිය මැතිවරණ කොමසාරිස් කියපු කතාව. මේ කතාව බැලූ බැල්මට පෙනෙන්නේ මාර ලිබරල්, හරි බැලන්ස් කතාවක් කියලා. හැබැයි හොඳට අධ්‍යයනය කරළා බැලුවොත් මේක කොලේ වහල ගහපු ගැහිල්ලක් කියලා තමයි ඔප්පු වෙන්නේ. මොකද මැකො තොත්ත බබෙක් නෙමේ කියලා අපි දන්න නිසා.

සී ඒ චන්ද්‍රප්‍රේම "ගෝඨාස් වෝර්" නමින් පොතක් එහෙමත් ලියලා යුද ජයග්‍රණයේ අයිතිය රාජපක්ෂ සමාගමට පේටන්ට් බලපත්‍රයයකින් පවරලා දීලා තියෙන්නේ. රාජපක්ෂවාදී මාධ්‍යයත් තොරතෝන්චියක් නැතිව උදේ හවා ඒ මතය ජනගත කරළා තියෙන්නේ. එහෙම තියෙද්දී යුද ජයග්‍රහනයේ අයිතිය කියන්න ගිහින් තමයි හිටපු හමුදාපති සරත් ෆොන්සේකාට හිරේ ලගින්නත් වුනේ. යුදවාදී, ජාතිවාදීන්ගේ ඡන්දය කඩා ගන්න තියෙන මේ එකම තුරුම්පුව අරගෙන තමයි සහෝදර සමාගමෙන් ගෝඨාභය රාජපක්ෂ මෙවර ජනාධිපතිවරණයට රඟන්නේ. ඒ වේදිකාවේ ප්‍රධානම මාතෘකාව වෙලා තියෙන්නෙත් “තිස් වසරක කුරිරු යුද්ධය හමාර කළේ ගෝඨාභය, ඒනිසා රටේ ජාතික ආරක්ෂාව තහවුරු කරන්න, සහතික කරන්න පුලුවන් එයාට විතරයි. ඒ වෙනුවෙන් ඔහු දිනවන්න” කියලා. එවැනි පසුබිමක යුද්ධය රටේම ජයග්‍රහණයක් කියලා මැතිවරණ කොමසාරිස් කරන්නා වූ ප්‍රකාශය පොහොට්ටු අපේක්ෂක ගෝඨාභය ප්‍රවර්ධනය කිරීමක් නොවෙයිද? ඒක එහෙම නොවෙයි නම් ඒ ගැන පිළිතුරක් දිය යුත්තේ මැතිවරණ කොමසාරිස් මහින්ද දේශප්‍රියමයි.

යුද අපරාධ කාටද?

අනෙක් අතට මේ යුද්ධයට විරුද්ධ, එය ජයග්‍රහණයක් නෙමේ මහා විනාශයක් කරා අපේ රට අරගෙන ගියේ කියන මතයේ ඉන්නා ලක්ෂ ගණනක් වූ ජනතාවක් දකුණේ ඉන්නවා. මැතිවරණ කොමසාරිස්ගේ ප්‍රකාශය අනුව ඒ ජනතාව මේ රටට අයිති නැද්ද?. නැතිනම් ඒ මතයට මේ රටේ ඉඩක් නැද්ද? ඔවුන් දේශ ද්‍රෝහින්ද? මැතිවරණ කොමසාරිස් මහින්ද දේශප්‍රිය ඒකටත් පිළිතුරක් දිය යුතුයි.

උතුරේ දෙමළ අම්මලා දවස් දාහකට අධික කාලයක් අඛන්ඩ උපවාසයක් කළා. ඇයි?. යුද්ධය අවසානයේදී හමුදාවට බාර දුන්, බාර වුනු තමන් ගේ ඥාතීන්ට මොකද වුනේ කියලා තොරතුරක් ඉල්ලලා. එහෙම කවුරුත් රඳවාගෙන නැහැ කියලා තමයි. හමුදාවත්, ආණ්ඩුවත් කිව්වේ. යුද්ධය තීන්දු කරපු පොහොට්ටු අපේක්ෂක ගෝඨාබයත් පසුගිය මාධ්‍ය හමුවකදී කිව්වෙත් කිසිදු කෙනෙක් අතුරුදහන්වීමක් කරළා නැහැ කියලා. දැන් අපට මැතිවරණ කොමසාරිස්වරයා කියන්නෙත් ඒ ප්‍රකාශ පිළිගන්න කියලද?. මොකද යුද්ධය රටටම අයිති ජයග්‍රහණයක් නම් ඒකෙන් මේ රටේම ජිවත්වන එක ජනකොටසකට විතරක් මේවගේ අපරාධයක්, අයුක්තියක් වෙන්න බැහැනේ. කවුරුත් ජයග්‍රහණයේ කොටස් කරුවන් වෙන්න ඕන. නැතිනම් උතුරු නැගෙනහිර වෙනම රටක් කියලද මැතිවරණ කොමසාරිස්වරයා අපට මේ කියන්නේ?.

උතුරේ යුද්ධය නිසා වැන්දඹු භාවයට පත්වුනු අසූදාහකට වඩා වැඩි පිරිසක් ඉන්නවා. දේශපාලන නියෝග මත සිදුකළා කියන යුද අපරාද චෝදනා හමුදාවට තියෙනවා. යුද්ධයේදී අල්ලාගත් දෙමළ ජනයාගේ පාරම්පරික ඉඩ කඩම්වල තවම ආණ්ඩුවේ හමුදාව රැඳී ඉන්නවා. කිසිදු චෝදනාවකින් තොරව අවුරුදු දහයකට වැඩි කාලයක් දෙමළ තරුණ තරුණියන් ත්‍රස්තවාදය වැළැක්වීමේ පනත යටතේ හිර ගෙවල ගාල් කරගෙන ඉන්නවා. එහෙම තියෙද්දිත් රාජ්‍ය නිලධාරියෙක් වන මැතිවරණ කොමසාරිස් මහින්ද දේශප්‍රියටත් දැන් මේ ජන ඝාතක යුද්ධය මුළු රටම බාරගත යුතු යුද ජයග්‍රහණයක් වෙලා.

“යුද ජයග්‍රහණය” රටටම අයිති එකක් කිව්වාම ඒ යුද්ධයේ වෙච්චි අපරාධ බාර ගන්න කෙනෙක් ශ්‍රී ලංකාවේ නැතිව යනවා. නමුත් තමන්ට ජාතියක් හැටියට අපරාධයක් කළ බවට දෙමළ ජනතාව අවුරුදු දහයකට වැඩි කාලයක් තිස්සේ පෙන්වා දෙනවා. ඒ පිළිබඳව මධ්‍යස්ථ, අපක්ෂපාතී, ස්වාධීන විය යුතු මැකෝ, මේක "මුළු රටම බාරගත යුතු යුද ජයග්‍රහණයක්" යි කීමෙන් ලෝකයාට රටට දෙන පණිවිඩය මොකක්ද?. ඒක තමයි යුද අපරාධ විභාග කිරීම අවශ්‍ය නෑ කියන අපේක්ෂකයා හරි කියන එක. එහෙනම් මැකො කියන්න ඕන පැහැරගැනීම්, අතුරුදහන් කිරීම්, වධහිංසා, අත් අඩංගුවේ මරා දැමීම්, රෝහල් සහ යුද මුක්ත කලාප වලට බෝම්බ ගැහීම් කළේ පිට දේසක්කාරයන්ද කියලා?

මැකෝ දේශපාලන මතවාදයක පාර්ශවකරුවෙක් වෙලා..!

එමනිසා ජනාධිපතිවරණයක් මුවවිට තිබියදී මැතිවරණ කොමසාරිස්වරයා කර තිබෙන මේ ප්‍රකාශයෙන් ඔහු එක් දේශපාලන මතවාදයක පාර්ශවකරුවෙක් වෙලා තියෙනවා. ඒ මතවාදයේ ඉන්නා පොහොට්ටු අපේක්ෂකයා අනෙක් අපේක්ෂකයන්ට වඩා ඉහළින් ඔසවලා තියෙනවා. මොකද යුද්ධය රටේම ජයග්‍රහණයක් නම් දිනවිය යුත්තේ රටටම ජයග්‍රහණය අරගෙන දුන් පුද්ගලයානේ. ඒක යුද අපරාධ චෝදනා එල්ලවන සේනාංකයකට අණ දුන් ලුතිනන් ජෙනරාල් ශවේන්ද්‍ර සිල්වා යුනිෆෝම් ගහගෙන ඡන්ද දැන්වීම් වල පෙනී ඉන්නවට වඩා ලොකු වරදක් නෙවෙයිද, කොමසාරිස් තුමෝ?

යුද්ධය කියන්නේ සිය බලය තව දුරටත් රැක ගැනීම උදෙසා පාලකයන් ගන්නා වූ දේශපාලන උපක්‍රමයක්. ඒ දේශපාලන උපක්‍රමය සිය බලය පවත්වාගෙන යාම වෙනුවෙන් මේ රටේ ජනතාව මත එක්තරා ජුන්ටාවක් විසින් බලෙන් පටවපු එකක් මිස ජනතා අනුමැතියෙන් ලබා ගත්ත තීන්දුවක් නෙමෙයි. 2015 දී ලක්ෂ හතරහමාරකින් ඒ ජුන්ටාව, ඒ තීන්දුව ජනතාව පැරද්දුවේ ඒ නිසයි.

වැටත් නියරත් ගොයම කන්න වුනොත්..!

එනිසා මැතිවරණ සමයේ සර්වබලධරයා වන්නා වූ මැතිවරණ කොමසාරිස් ගේ මේ හැසිරීම නම් ඒ තරම් සුබදායක තත්වයක් නෙමේ කියලයි මට නම් පෙනෙන්නේ. කුඹුරේ ආරක්ෂාවට තියෙන වැටත් නියරත් ගොයම කන්න වුනොත් කාට කියමුද ඒ අමාරුව කියලා බලාගෙන ඉඳලා හරියන්නේ නෑ. අනෙකුත් දේශපාලන පක්ෂ, ඡන්ද නිරීක්ෂන ආයතන, ඡන්දදායකයෝ මේවා ගැනත් විමසිලිමත් වෙන්න, ක්‍රියාත්මක වෙන්න ඕන. පොරොවෙන් කපන්න එන තත්වයට වැඩෙන්න කලින් නියපොත්තෙන් කඩලා දැම්මොත් තමයි හොඳ. එහෙම නොවුනොත් මෙහෙම ගිහිල්ලා සමහර විට ඡන්දය ප්‍රකාශ කරන දවසට මානසික ආතතිය නොහැදී ඉන්න බැරි කමකුත් නෑ. මතකනේ 2010 දී මෙයාගේ ලොක්කාට එහෙම වුනා. එදා ඉඳලා අද වෙනකම් ලොක්කාගේ ඇඩ්රසුත් නෑ.

කාල් මාක්ස් කියන පඬිවරයා මීට අවුරුදු සියයකටත් වැඩිය කාලෙකදී තමයි කිව්වේ "ලොව නොවෙනස් වන්නා වූ එකම ධර්මතාවය වෙනස්වීම පමණකි" යි කියලා. අදටත් ඒ ධර්මතාවය එහෙමම තමයි. ඒ නිසා මහින්ද දේශප්‍රිය, මහින්ද රාජපක්ෂ වුනොත් පොහොට්ටුව පිපිලා, අනෙක් සියලු ගස් වැල්, මල් අකාලයේ පරවෙලා යාවි.

-ඥානසිරි කොත්තිගොඩ-

පොදුජන පෙරමුණට හිතවත් විදුහල්පතිවරුන් විසින් මේ මැතිවරණ මෙහෙයුම සිය පාසල්වල මේ වන විට ආරම්භ කර තිබේ.

ත්‍රස්ත භීතිය දෙමාපියන් සහ දරුවන් තුල ඇතිවන සේ උදෑසන පාසලට පැමිණෙන දරුවන් ගේ පාසල් බෑග් දැඩි සෝදිසියකට ලක් කිරීම, පාසල් ගේට්ටුව අසල දෙමාපියන් රැදවීම හා ත්‍රස්ත භීතිය සම්බන්ධයෙන් පාසල් සංවර්ධන සමිති හරහා මව්පියන්ට අසත්‍යය කරුණු හුවා දැක්වීම මේ අමුතු මාදිලියේ මැතිවරණ ප්‍රචාරක උපක්‍රමයයි.

 මේ මෙහෙයුම සදහා ශ්‍රී ලංකා පොදුජන පෙරමුණට සහය දක්වන විදුහල්පතිවරු සහ එම පෙරමුණේට සහය දක්වන දෙමාපියන් දැනුවත් කිරීම ශ්‍රී ලංකා පොදුජන පෙරමුණේ මාතර දිස්ත්‍රික්ක බලමණ්ඩලයේ නියමුවන් ගේ ප්‍රධානත්වයෙන් පසුගියදා මාතර ප්‍රධාන පෙලේ හෝටලය කදී සිදුකර ඇත.

අදාල සාකච්ඡාවට අනුව ඔක්තෝබර් 20 සිට නොවැම්බර් 12 දිනය දක්වා මාතර දිස්ත්‍රික්කයේ පාසල් වල ගේට්ටුව අසලදී දරුවන්ගේ බෑග් පරික්ෂා කිරීම හා ගේට්ටුව අසල පොදුජන පෙරමුණට හිතවත් මව්පියන් රැදවීම ඊයේ (21) සිට ආරම්භ කර ඇති බව දැනගන්නට තිබේ.

මේ සදහා තවත් කණ්ඩායමක් කටකතා පැතිර වීමට හා ප්‍රසිද්ධ ස්ථානවල සැක ඇතිවන සේ පාර්සල් තැබීමට යොදවා ඇතැයිද දැනගන්නට ඇත.

අප වාර්තාකරුවන් පවසන්නේ ඊයේ (21) සිට මාතර දිස්ත්‍රික්ක යේ පාසල් කිහිපය ක ගේට්ටුව අසල දෙමාපියන් රැදවීම හා පාසල් දරුවන්ගේ බෑග් පරික්ෂා කිරීම සිදුවන බවයි.

මෙම මෙහෙයුමට සමාන්තරව ඊට අදාල දැන්වීමක්ද මේ දිනවල රූපවාහිනී ඔස්සේ විකාශනය කිරීමට ශ්‍රී ලංකා පොදුජන පෙරමුණ ප්‍රචාරක ඒකකය කටයුතු කර ඇත.

ආරක්ෂක අමාත්‍යංශයේ දැනුම්දීමක් නැහැ !

මාතර පාසල් දරුවන් හා දෙමාපියන් බියගන්වමින් සිදුකෙරෙන මෙම මෙහෙයුම සම්බන්ධයෙන් අප කළ විමසීමකදී මාතර පාසලක විදුහල්පතිවරයකු පැවසුයේ, දකුණු පළාත අධ්‍යාපන අධ්‍යක්ෂක විසින් නිකුත්කළ චක්‍ර ලේඛනයක් මත  මත මෙවැනි පියවරක් ගත්බවයි. දකුණු පළාත අධ්‍යාපන අධ්‍යක්ෂවරයාට මෙම දැනුම්දීම කර ඇත්තේ ජනාධිපති ලේකම් කාර්යාලය විසින් බවද ඔහු වැඩිදුරටත් කියා සිටියේය.

ඒ සම්බන්ධයෙන් විමසීමට දකුණු පළාත අධ්‍යාපන අධ්‍යක්ෂවරයා දුරකථනය ඔස්සේ සම්බන්ධකර කර ගැනීමට දරු උත්සාහය අසාර්ථකවිය.

කෙසේවුවද ජනාධිපති කාර්යාලයේ ජ්‍යෙෂ්ඨ නිලධාරියකු ගෙන් කළ විමසීමේදී ඔහු පැවසුයේ ජනාධිපති ලේකම්වරයා විසින් හෝ වෙනත් කිසිඳු බලධාරියකු විසින් එවැනි දකුණු පළාත අධ්‍යාපන අධ්‍යක්ෂවරයාට මෙවැනි පියවරක් ගැනීමට කිසිඳු දැනුම්දීමක් කර නොමැති බවයි.
(මාතර කිඹුලා)

ආරක්ෂක අමාත්‍යංශයේ හිටපු ලේකම්වරයකු වන ගෝඨාබය රාජපක්ෂට එරෙහිව ලසන්ත වික්‍රමතුංගගේ දියණිය වන අහිම්සා වික්‍රමතුංග විසින් අමෙරිකානු අධිකරණයක ගොනු කළ චෝදනාව එම අධිකරණ විසින් නිෂ්ප්‍රභා කර තිබේ.

අමෙරිකා එක්සත් ජනපදයේ කැලිෆෝනියාහි දිස්ත්‍රික් අධිකරණයේ විනිසුරුවරයෙකු විසින් මෙම නඩුව නිෂ්ප්‍රභ කර ඇති බව වාර්තා වෙයි.

ගෝඨාබය රාජපක්ෂට එරෙහිව අප්‍රේල් මස 04 වනදා ලසන්ත වික්‍රමතුංගගේ දියණිය වෙනුවෙන් යුක්තිය සහ වගවීම සඳහා මධ්‍යස්ථානය විසින් මෙම නඩුව ගොනු කර තිබුණි.

ගෝඨාබයගේ නීතිඥයන් විසින් ගොනු කරන ලද ප්‍රතිචාරය:

අහිම්සා වික්‍රමතුංග විසින් එක්සත් ජනපදයේදී ගෝඨාභය රාජපක්ෂට එරෙහිව ගොණු කරන ලද නඩුව ඉවත දැමීම සඳහා රාජපක්ෂගේ නීතිඥයන් විසින් ගොනු කරන ලද ප්‍රතිචාරය -

# ගෝඨාබයගේ නීතිඥයන් සඳහන් කරන පරිදි ලසන්තගේ ඝාතනය "රාජ්‍ය ක්‍රියාවක්" වන අතර, එහිදී ඔහු විසින් කරන ලද කාර්ය අයත් වන්නේ "රාජකාරි කටයුතු" ලෙසය.

# ඒ පදනම මත ගෝඨාබය "විදේශ නිළධාරියෙකු" ට හිමි නෛතික විනිර්මුක්තිය ඉල්ලා සිටියේය ( ඇමරිකාවෙන් )

# අහිම්සා කියා සිටියේ, ගෝඨාබය එහිදී "රාජකාරි කටයුත්තක්" සිදු කළා වුවද, ඔහු ඇමරිකානු පුරවැසියෙකු බැවින්, ඇමරිකානු අධිකරණ වලින් ඔහුට බේරී සිටීමට පදනමක් නොමැති බවයි.

# අධිකරණය අවසානයේදී තහවුරු කලේ, ලසන්ත ඝාතනය රාජ්‍ය අනුග්‍රහය සහිතව සිදුවූවක් බවත්, ගෝඨාබයගේ ඇමරිකානු පුරවැසිභාවය මතභේදයට තුඩු දී තිබුණද, එහිදී විදේශ නිළධාරියෙකු ලෙස ඝෝඨාබය රාපක්ෂට ඇමරිකාව තුළ විනිර්මුක්තිය හිමි බවත්ය.

# මෙහි හරය ගෙන බලන කල, ඇමරිකානු අධිකරණය ගෝඨාබය නිර්දෝෂි බව කියා නැත. ඔවුන් කියන්නේ ලසන්ත වික්‍රමතුංග ඝාතනය ශ්‍රී ලංකාවේ රජය විසින් කරන ලද්දක් වන අතර, ගෝඨාබය ශ්‍රී ලංකා රජයේ නිළධාරියෙකු නිසා, ඔහුට එහිදී විනිර්මුක්තය හිමිවන බවයි.  

# අහිම්සා පවසන අන්දමට ඇය මෙම තීන්දුවට එරෙහිව අභියාචනයක් ඉදිරිපත් කරන්නට සූදානම් වන්නීය. "මාධ්‍යවේදියෙකු, ඔවුන්ගේ වාර්ථාකරණය හේතුවෙන් මරා දැමීම "රාජ්‍ය ක්‍රියාවක්" නොවන බව"  ඇ‍ය කියයි. 

ශ්‍රී  ලංකා නිදහස් පක්‍ෂය බලලෝභීන්ගෙන් හා අවස්ථාවාදීන්ගෙන් බේරා ගත යුතු කාලය පැමිණ ඇති බව හිටපු ජනාධිපතිනි චන්ද්‍රිකා බණ්ඩාරනායක කුමාරතුංග සදහන් කරයි.

නිවේදනයක් නිකුත් කරමින් ඇය පවසන්නේ පක්‍ෂය නිසි මගට ගෙන ඒම සදහා වූ සටන ආරම්භ කරන බවයි.

පවුල්වාදය පරදවා මෙරට පොදු මිනිසාට හිමි නිසි තැන ලබාදීමේ SWRD බණ්ඩාරනායක ප්‍රතිපත්තිය වෙත පක්ෂය නැවත ගෙනායුතු බවත් ඇය එහිදී අවධාරණය කර ඇත.

හිටපු ජනාධිපතිනිය ඊයේ (21) නිකුත්කළ එම නිවේදනය පහත දැක්වෙයි.

ගෝඨාභය ඇමරිකාවේ බදු නීතිය යටතේ තවමත් ඇමරිකානු පුරවැසියෙකු බවත්  ඔහු ජයගත්තද වසරකින් යළි ජනාධිපතිවරණයක් පැවැත්වීමට යාමට සිදුවෙන බවට ආන්දෝලනාත්මක අනාවරණයක් ලංකා ඊ නිව්ස් වෙබ් අඩවිය සිදුකර ඇත.

එය පහත දැක්වෙයි.

"ගෝඨාභය රාජපක්ෂ පිරිසිදු ජනාධිපති අපේක්ෂකයෙකු නම් තමා විසින් ඇමරිකාවේ පුරවැසිභාවය ලබා ගැනීම සඳහා ඉදිරිපත් කළ ඉල්ලුම් පත්‍රය මහජනතාවට ඉදිරිපත් කළ යුතුය.

ශ්‍රී ලංකාවේ සිංහල අයෙකුට ඇමරිකාවේ දේශපාලන රැකවරණ ලබා ගැනීම සඳහා එහි නීතියට අනුව අවස්ථා දෙකක් තිබේ.

1. දෙමළ ත්‍රස්තවාදීන්ගෙන් තම ජීවිතයට තර්ජනයක් තිබෙන බවට කරුණු ‌පෙන්වීම. නැතිනම්

2. ශ්‍රී ලංකා රජයේ හමුදා‌‌වෙන් තමාට හිරිහැර කර මරණීය තර්ජන තිබෙන බවට කරුණු ‌පෙන්වීම යි.

නමුත් මෑත භාගයේ ගෝඨාභය විසින් කළ කතාවලදී කීවේ ඔහු හොඳ හමුදා නිලධාරියෙකු නිසා ඔහුට හමුදාවේ උසස් නිලධාරීන්ගෙන් හොඳ චරිත සහතික ලැබුණු බවයි.

එය එසේ නම් ඔහු ඇමරිකාවේ ‌දේශපාලන රැකවරණ ඉල්ලා ඇත්තේ අනිවාර්යෙන් දෙමළ කොටි සංවිධානයේ තර්ජන නිසා හා රජය විසින් තමාට ආරක්ෂාව ලබා නොදුන් නිසා ඔහු ඇමරිකාවේ ආරක්ෂාව පැතු බව පවසා විය යුතුය.

ඇමරිකාවේ දේශපාලන ආරක්ෂාව ඉල්ලන අය ලංකාවට බැන බැන, හමුදාවට බැන බැන, ඔවුන් මානව හිමිකම් උල්ලංඝනය කරන බවට ඇමරිකානු රජයට ඔප්පු කළ යුතුය.

එබැවින් පළමු ‌කොටම ‌ගෝඨාභය රාජපක්ෂ දේශපාලන රැස්වීම් වලදී තමා ‌දේශප්‍රේමියෙකු බව කියා ජනතාව නොමග යවන බව පැහැදිලිය.

ඇමරිකාව ආරක්ෂා කරන බවට දිවුරා පොරොන්දු වෙමි..
--------------------------------
ගෝඨාභය ලංකාවේ ජනතාව නොමග යවන තවත් කරුණක් ඇත.

ගෝඨාභය ඇමරිකාවේ පුරවැසිභාවය ලබාගැනීමේ දිවුරුම් ප්‍රකාශයේ පහත සඳහන් ප්‍රකාශය සහතික කළ යුතුය

"මා පහත සඳහන් ප්‍රකාශය සත්‍ය බවට අවංකව ප්‍රකාශ කරමි. මා සියලුම බැඳීම්, සම්බන්ධතා, රාජ්‍ය ආලය වෙනත් රටකට ඇත්නම් එය අදින් අවසන් කරන අතර තවදුරටත් ඇමරිකා එකසත් ජනපද ආණ්ඩුක්‍රම ව්‍යවස්ථාව ආරක්ෂා කරමින් එහි වගන්ති වලට ගරු කරන අතර යම්කිසි විරුද්ධ වාදියෙක් ඇමරිකාවේ හෝ ඉන් පිටත දී ඉදිරිපත් වුවහොත් ඔහුට විරුද්ධව නැගී සිට ඇමරිකාව ආරක්ෂා කරන බවට දිවුරා පොරොන්දු වෙමි. මෙම ප්‍රකාශය මා ඉදිරිපත් කරන්නේ ස්ව කැමැත්තෙන්, කිසිඳු පැකිලීමකින් තොරව, කිසිදු අන් පරමාර්ථයක් පිණිස නොවන බවටත්, සත්‍ය හා අවංක බවටත් දෙවියන්ගේ නාමයෙන් ප්‍රකාශ කරමි."

දැන් ලංකාවට පැමිණ ‌ගෝඨාභය ප්‍රකාශ කරන්නේ කුමක්ද? ජනතාව ‌මෙය අවබෝධ කරගත යුතුය.

ගෝඨාභය තවමත් ඇමරිකානුවෙකි..
--------------------------------
ගෝඨාභය තවමත් ඇමරිකානුවෙකි. ඔහු තවමත් ඇමරිකානු පුරවැසිභාවය ඉවත් කරගෙන නොමැත. ඒ ‌මෙසේය. යමෙකු ඇමරිකානු පුරවැසිභාවය අහෝසි කිරීමට ඉල්ලුම් කිරීමෙන් පසුව ඇමරිකාවේ අදායම් බදු දෙපාර්තුමේන්තු නීතියට අනුව තමන්ගේ ආදායම් වාර්තාව වසර අවසානයේ ගොනු කළ යුතුය. ඒ තාක්කල් නීතියට අනුව සම්පුර්ණයෙන් යමෙකුගේ පුරවැසිභාවය අහෝසි නොවේ. එමනිසා ගෝඨාභය රාජපක්ෂ තවමත් ඇමරිකානු පුරවැසියෙක් ලෙස බදු නීතිය යටතේ සළකනු ලබයි. රාජ්‍ය භාණ්ඩාගාරයෙන් නිකුත් කරන පුරවැසිභාවය අහෝසි වුවන්ගේ නාමලේඛනයේ ‌ගෝඨාභයගේ නම මේ දක්වා සඳහන් වී නොමැත්තේ ‌මේ ‌හේතුව නිසා ය.

තවද යමෙකු D.S. 4079 පත්‍රය අත්සන් කළ පමණින් ඇමරිකානු පුරවැසිභාවය අහෝසි නොවේ. එහි ‌මෙසේ සඳහන් ය.

28 U.S. section 7701 (a) 50

(50)Termination of United States citizenship

(A) In general
An individual shall not cease to be treated as a United States citizen before the date on which the individual’s citizenship is treated as relinquished under section 877A(g)(4).

බදු නීතියට අනුව බදු ගොනු කිරීම සිදුවන්නේ එම වසරේ දෙසැම්බර් 31න් පසුවයි. එම නිසා ‌ගෝඨාභයට සිය 1040 tax return ගොනුකළ හැක්කේ 2019 දෙසැම්බර් 31 න් පසුවය. එබැවින් ඔහු තවමත් ඇමරිකානු පුරවැසියෙක් බව ස්ථිරය.

ශ්‍රී ලංකාවේ නීතිඥවරුන්, දේශපාලන පක්ෂ, මැතිවරණ ‌කොමිසම, මැතිවරණ නිරීක්ෂණ සංවිධාන ආදිය මේ පිළිබඳව නිසි අවධානය යොමු ‌නොකරන්නේ මන්දැයි මට වටහා ගත ‌නොහැකිය.

අවසාන නිගමනය..
--------------------------------
ගෝඨාභය රාජපක්ෂ ඇමරිකාවේ පුරවැසිභාවය ඇමරිකානු රාජ්‍ය දෙපාර්තුමේන්තුව විසින් ඉවත් කළ බවට සහතික කළත් බදු දෙපාර්තුමේන්තුවේ බදු නීතිය යටතේ ඔහු තවමත් ඇමරිකානු පුරවැසියෙක් ලෙස පිළිගැනේ. මේ අනුව ශ්‍රී ලංකාවේ මැතිවරණ නීතිය යටතේ ජනාධිපති අපේක්ෂත්වයට ගෝඨාභය රාජපක්ෂ පැහැදිලිවම නුසුදුස්සෙකි. ඒ අනුව ඔහු ජයගත්තද ඡන්ද ‌පෙත්සමකින් පරාජය වීම ස්ථිරය. (විනිසුරුවරුන් ඉල්ලා අස්නොවී නඩුව ඇහුවොත්) එවිට වසරකින් හමාරකින් යළි ජනාධිපතිවරණයක් පැවැත්වීමට සිදුවනු නිසැක ය.

අනෙක් අතට ගෝඨාභය රාජපක්ෂ ඇමරිකානු පුරවැසිභාවය අහෝසි කරගෙන ඇත්තේ නම් ඔහුට ඇමරිකාවට පැමිණීම සඳහා වීසා ලබා ගත යුතු වේ. නමුත් ඇමරිකානු ගමන් බලපත්‍රය පුරවැසිභාවය අහෝසි කිරීමේ ක්‍රියාවලියේදී ඔහු ඇමරිකානු රාජ්‍ය දෙපාර්තුමේන්තුවට භාර දී ඇත්නම් පුරවැසිභාවය අහෝසි කිරීමේ ක්‍රියාවලිය සම්පුර්ණ වනතුරු ඔහු ඇමරිකානු පුරවැසික් ලෙස සැලකෙන බැවින් ඔහුට ඇමරිකාවට පැමිණීමට වීසා ඉල්ලුම් කළ නොහැක.

මේ පිලිබඳව ශ්‍රී ලංකාවේ සහ ඇමරිකාවේ ශ්‍රී ලාංකිකයන්ට සත්‍ය පැහැදිලි කරන ලෙසට මම ‌ගෝඨාභයට අභියෝග කරමි.

නීතීඥ රොබ්සන් සිල්වා
නිව්යෝර්ක්

ගෝඨාබය රාජපක්ෂගේ සහ රාජපක්ෂ පවුලේ සාමාජිකයන්ගේ තරම පිළිබඳව තමන් තරම් දන්නා වෙනත් කිසිදු පුද්ගලයෙක් නොමැති බවත්, ගෝඨාබය රාජපක්ෂ වැනි නිර්දය පුද්ගලයෙකු කිසිසේත් රටේ නායකත්වයට පත් නොවිය යුතු බවත් රාජපක්ෂ පවුලේ සමීපතම හිතවතකුව සිටි හිටපු පාර්ලිමේන්තු මන්ත්‍රී සජින් වාස් ගුණවර්ධන පවසයි.

 ඔහු මේ බව පවසා සිටියේ ගාල්ල දිස්ත්‍රික්කයේ අම්බලන්ගොඩ, බලපිටිය, කරන්දෙනිය, රත්ගම යන ආසනවල ශ්‍රීලනිප පාක්ෂිකයන් පිරිසක් අමතමිනි. මෙම හමුව අම්බලන්ගොඩ සී-බ්‍රීස් හෝටලයේදී පැවැත්විණි.

බලපිටිය හිටපු ශ්‍රීලනිප ආසන සංවිධායකවරයා ද වන සජින් වාස් ගුණවර්ධන එහිදී තවදුරටත් පවසා සිටියේ, ඉතිහාසය පුරා මෙරට ප්‍රගතිශීලී බලවේගය නියෝජනය කළ ශ්‍රී ලංකා නිදහස් පක්ෂය තෝරාගත යුත්තේ ගෝඨාබය රාජපක්ෂ නොව සජිත් ප්‍රේමදාස බවයි.

වත්මන් නවීන ලෝකය දුවන්නේ ප‍්‍රායෝගික මිනිසුන් අතින් බව මහානගර හා බස්නාහිර සංවර්ධන අමාත්‍ය පාඨලී චම්පික රණවක මහතා පවසයි.

අමාත්‍යවරයා  මෙම අදහස් පළකර සිටියේ,  ජාතික ජනතා පෙරමුණ විසින් පදනම් ආයතනයේ සංවිධානය කර තිබූ විශේෂ හමුවකට සහභාගී වෙමිනි.

එහිදී අදහස් දැක්වූ අමාත්‍යවරයා, 

“මේ රටේ නිදහස ප‍්‍රජාතන්ත‍්‍රවාදය, ජනතාවගේ අනාගත ආර්ථික දියුණුව, සමාජ දියුණුව, මේ රට බලගතු රටක් බවට පරිවර්තනය කරන්න 2019 නොවැම්බර් පවත්වන ජනාධිපතිවරණයේදී සජිත් පේ‍්‍රමදාස මහතාට දිනවීමට අපි කැපවිය යුතුයි. මේ රටේ ප‍්‍රජාතන්ත‍්‍රවාදී නිදහස් මැතිවරණ කි‍්‍රයාවලියත් දැන් දශක ගණනාවක සිට  කි‍්‍රයාත්මකයි.  1931 සිට මේ රටේ සර්වජන ඡන්ද අයිතිය කි‍්‍රයාත්මක කර තිබෙනවා. ඒ ඡන්ද අයිතිය ලබාදෙන වෙලාවේ මෙරට ප‍්‍රභූවරු ඇතැම් ආගමික කණ්ඩායම් මේ රටේ සෑම ජන කණ්ඩායමකටම ඡන්ද අයිතිය ලැබෙනවාට, කාන්තාවන්ට ලැබෙනවාට, දුගියන්ට ලැබෙනවාට, කුලභේදයෙන් පහළ යැයි කියන අයට ලැබෙනවාට විරුද්ධ උනා. නමුත් මේ රටේ ගෞරවණිය මහා සංඝරත්නය ඇතුළු ප‍්‍රගතිය ප‍්‍රාර්ථනා කරන පිරිස් ඉදිරිපත් වෙලා ඒ සර්ව ජන ඡන්ද අයිතිය අපේ රටේ සෑම ජනතාවකටම ලබාදුන්නා.

එහි ප‍්‍රතිඵලයක් හැටියට ආණ්ඩු මාරුකර තිබෙනවා.  අලූත් ආණ්ඩු ඇතිකර තිබෙනවා. ඒ වගේම මේ රටේ ඉතාම භයානක යුදමය තත්ත්වයක් තිබුණත් කිසිම අවස්ථාවක හමුදා ආණ්ඩු හදන්න කවර අවස්ථාවකවමත් අපි ඉදිරිපත් වෙලා නැහැ. ඒ නිසා ඒ රැකගත්ත ප‍්‍රජාතාන්ත‍්‍රික සම්ප‍්‍රදාය අපි ඉදිරියට රැගෙන යා යුතුයි. මොකද රෙජිමේන්තු ගත කරපු, මිලිටරිකරණය කරපු ආණ්ඩුවලින් සිදුවෙන්නේ ඒ අවස්ථාවේදී විනය පවත්වාගැනීම නෙමෙයි පසුව ගැටලු ගැටුම් තව වැඩිවෙලා භයානක ප‍්‍රශ්නවලට රට මුහුණ දෙන එක විතරයි.

මේ රටේ ඇති වූ විශාල ගැටලුවක් තමයි පසුගිය කාලයන්හි හැමදාම වගේ උද්ඝෝෂණ. තුනක් හතරක් රටේ පැවැත්වෙනවාමයි. මේ නිසා ජන ජීවිතයට මහත් බාධාවල් මේ වැඩවර්ජන උද්ඝෝෂණ නිසා ඇති වෙනවා. මේක රජයේ අස්ථාවරත්වයක් හැටියට, රජයේ නොසැලකිල්ලක් හැටියට රජය මේවා පාලනය කළ යුතුයි කියන හැඟීමක්  ජනතාව අතින් මතු උනා. නමුත් මෙය රජයේ දුර්වලතාවයක්වත් රජයේ නොසැලකිල්ලක්වත් නෙමෙයි රජය මේ රටේ නිදහසට ප‍්‍රජාතන්ත‍්‍රවාදයට ලබාදුන් ඉඩකඩ. පසුගිය වසර 5 ක ආසන්න කාලය තුළ එකම පුද්ගලයෙක්වත් ආරක්‍ෂක අංශ විසින් උද්ඝෝෂණ, වැඩවර්ජන කළා කියලා, විරෝධය දැක්වූවා කියලා ඝාතනය කළේ නැහැ. ප‍්‍රජාතන්ත‍්‍රවාදී ආකාරයට තමයි මේ සියලුම දේ සිදු කර තිබෙන්නේ. එය මේ රටේ ඉතිහාසයේ වාර්තාවක්.

ඒ වගේම අපි දන්නවා ඇතැම් දේවල් මර්දනය කරන්න ගියහම තාවකාලිකව ස්ථාවර පාලනයන් ආවට, දිගු කාලීනව භයානක ප‍්‍රශ්න පැන නැගුණු බව. 1981 දී සංවර්ධන සභා මැතිවරණය ජයගැනීම සඳහා එවකට පැවති ආණ්ඩුව කි‍්‍රයා කරපු ආකාරය නිසා එල්.ටී.ටී.ඊ ත‍්‍රස්තවාදීන්ට ලොකු පිටුබලයක්, ලොකු ශක්තියක් ඒ දෙමළ ජනතාව තුළින්  ලැබුණා. 83 ජනතා විමුක්ති පෙරමුණ, සම සමාජ පක්ෂය, කොමියුනිස්ට් පක්ෂය ආදිය තහනම් කිරීම නිසා ඒ පක්ෂවලට, විශේෂයෙන්ම ජනතා විමුක්ති පෙරමුණට කැරැල්ලක් ගහන්න අවශ්‍ය ශක්තිය ලැබුණා. ඒ නිසා තාවකාලිකව යම් යම් දේවල් අපට මර්දනයෙන් පාලනය කරන්න පුළුවන් උනත් පසුව ඒවා භයානක බරපතළ  ප‍්‍රශ්න, විරෝධතා බවට පත් වෙනවා. ඒ නිසා මේ රජය කවුරු මොනවා කිව්වත්, මොන දුර්වලතා තිබුණත් ඒ  නිදහසත්, ප‍්‍රජාතන්ත‍්‍රවාදයත් අපේ ජනතාවට ලබාදුන්නා. එය නැවතත් මිලිටරිකරණය වෙච්ච, රෙජිමේන්තුකරණය වෙච්ච රටකට එක වරිගෙකට, එක පවුලකට භාර නොදී ප‍්‍රජාතන්ත‍්‍රවාදීව පවුල් පනස්පන් ලක්‍ෂයටම භාර දීම තමයි රටේ ජනතාව බලාපොරොත්තු වෙන්නේ.

අද මේ රටේ දේශපාලන ප‍්‍රවණාතාවයක් තිබෙනවා. ඒක තමයි මේ දේශපාලන පක්ෂවලට ගැටගැහිච්ච නැති  විශාල පිරිසක් ඉන්නවා. අදටත්, මේ අවසානයේ තිබෙන සංඛ්‍යාලේඛන අනුවත් මේ රටේ 30% ක් පමණ ජනතාවක් තවම තීරණය කර නැහැ මේ ජනාධිපතිවරණයේදී කාටද ඡන්දය දෙන්නේ කියලා. මේ 30% තමයි තීරණය කරන්නේ කවර දේශපාලන පක්ෂයක්, කවර මත ප‍්‍රකාශ කළත් අනාගත ජනාධිපතිවරයා කවුද කියලා. මේ අය ඇතැම් විට උගත්තු, වෘත්තීයවේදියෝ, එහෙම නැත්නම් සමාජ කි‍්‍රයාකාරීන්.   නමුත් ජයග‍්‍රාහකයා තීරණය වෙන්නේ පක්ෂවල ජනතාව අතරින් නෙමෙයි. අනිවාර්යයෙන්ම මේ මැදිහත් නොබැඳි ඔබවැනි ජනතා සංවිධානවලින් තමයි ජයග‍්‍රාහකයා තීරණය කරන්නේ.

ඒ වගේම යුක්තිය පසිඳලීමේ කි‍්‍රයාවලිය දූෂිතයින්ට පමණක් නෙමෙයි අපරාධකරුවන්ට දඬුවම්දීමේ කි‍්‍රයාවලිය පොලිස් සේවය, අධිකරණ සේවය, බන්ධනාගාර සේවයේ විප්ලවකාරී පරිවර්තනයක් සිදුවිය යුතු යුගයක් ඇවිත් තිබෙනවා. එම විප්ලවකාරී පරිවර්තනය අපි මීළඟ රජයේදී ඉටු කරන්න බලාපොරොත්තු වෙනවා.  යුක්තිය පසිඳලීමේ කි‍්‍රයාවලිය, ස්වාධින පමණක් නෙමෙයි, කාර්යක්ෂම අපක්ෂපාතී කි‍්‍රයාවලියක් කරන්නත් ඒ වගේම විශිෂ්ඨතා ඇති පිරිස් පොලීසියේ විමර්ශන අංශවලට වගේම නීතිපති දෙපාර්තමේන්තුවේ අංශවලටත්, ඒ වගේම බන්ධනාගාරය අපරාධකාරයින්ගේ ක්‍ෂෙම භූමියක් නොවී කාර්යක්‍ෂම බන්ධනාගාර සේවයක් බවට පරිවර්තනය කරන්න අපි කටයුතු කරනවා. 

ඒ වගේම ප‍්‍රායෝගිකත්වය, මේ රටේ ගොඩක් අපට බලපා තිබෙන විශාල ගැටලුවක් තමයි රටේ අනවශ්‍ය තරම් දාර්ශනික මතවාද වැඩිවීම. ධනවාදය, සමාජවාදය, කොමියුනිස්ට්වාදය, ලිබරල්වාදය, සමාජ ප‍්‍රජාතන්ත‍්‍රවාදය වගේ අදහස විශාල ප‍්‍රමාණයක් ඇවිත් දැන් ජාතිකවාදය ආගමික අන්තවාදය වගේ තවත් නොයෙක් පැති ඇතිවෙලා තිබෙනවා. ඒ නිසා මේවා තුළින් නැතිව අපි ප‍්‍රායෝගිකව ඉදිරියට යා යුතුයි. අද මේ ලෝකය දුවන්නේ ප‍්‍රායෝගික මිනිසුන් අතින්. අද මේ ලෝකයේ අනාගතය තීරණය වෙන්නේ තාක්ෂණයේ ජය කෙහෙළි  නංවන ප‍්‍රමාණය මතයි” යනුවෙන් අමාත්‍යවරයා වැඩිදුරටත් පැවසීය.

ගෝඨාභය රාජපක්ෂගේ කදවුරේ කථිකයන් කිහිප දෙනෙකු වේදිකාවේ අන්තවාදය වපුරමින් ජනාධිපතිවරණ ප්‍රචාරක කටයුතුවල නියැලි සිටින බව ජාතික මහජන සභාවේ කැදවුම්කරු චමීර පෙරේරා පැවසිය.

ඔහු ඒබැව් කියා සිටියේ අද (21) හැටන් නගරයේ පැවති මාධ්‍යය හමුවේදිය.

එහිදී චමීර පෙරේරා වැඩිදුරටත් මෙසේද පැවසීය.

ගෝඨාභය රාජපක්ෂගේ කදවුර මේ රටේ ජාති වාදය, ආගම්වාදය අවුස්සන ආකාරයට ඔවුන්ගේ වේදිකාවේ කථිකයන් වන විමල් විරවංශ, උදය ගම්මපිලම වැනි අය යෙදි සිටිනවා.

ජන්දයක් වෙනුවෙන් මේ ජනතාව අතර ගැටළු ඇති කිරිම , බේද ඇති කිරිම , බරපතල ප්‍රශ්නයක්.විමල් විරවංශ ගෝඨාභය රාජපක්ෂ කදවුරේ  ජාති වාදය , ආගම් වාදය , අන්තවාදය අවුලන ප්‍රධානතම පුද්ගලයා වෙමින් පහුගිය දවසක යාපනයේ ජාත්‍යන්තර ගුවන් තොටුපල විවෘත කර ගනිමින් ගුවන් තොටුපල ගැන ලියලා තියෙන පුවරුව මුලින්ම දමිල භාෂාවෙන් ලියලා තියෙනවා කියලා බරපතල ලෙස ජාතිවදය අවුස්සන ආකාරයට කතා කරලා තිබ්බා.

මේක ගොබ්බ ජාති වාදයක් , මහින්ද රාජපක්ෂ වගේ අවුරුදු 40 දේශපාලනය කරපු කෙනෙක්ට තේරෙන්න ඕනි මේ ගොබ්බ ජාති වාදින් මේ රටේ ජාති වාදය අවුස්සන ආකාරය , මේක ඒ  අයගේ දේශපාලන ගමනටම බරපතල ප්‍රශ්නයක්.

 පසුගිය බදාදා (9) පොලිස් අපරාධ විමර්ශන අංශය (සී.අයි.ඞී.) කොළඹ කොටුව මහේස්ත‍්‍රාත් අධිකරණයට ‘‘බී’’ වාර්තාවක් ඉදිරිපත් කෙළේය. එම ‘‘බී’’ වාර්තාව පදනම්ව තිබුණේ, එසේ මෙසේ කෙනෙකුගේ නොව, හිටපු නාවික හමුදාපති වසන්ත කරන්නාගොඩ අපරාධ විමර්ශන පොලීසියට ලබා දුන් ප‍්‍රකාශයක් මතයි. නාවික හමුදාව තුළ එදා ක‍්‍රියාත්මක වෙමින් පැවති මැර කල්ලි විසින් සිදු කෙරෙමින් තිබූ රුදුරු ක‍්‍රියා පිළිබඳව හිටපු ආරක්ෂක අමාත්‍යාංශ ලේකම් ගෝඨාභය රාජපක්ෂව දැනුම්වත් කොට තිබුණු බව එම ‘‘බී’’ වාර්තාවෙන් පෙන්වා දී තිබේ. එසේ තිබියදීත්, මේ නාවික හමුදා මැර කල්ලිවල සාපරාධී ක‍්‍රියා නතර කිරීමට ගෝඨාභය රාජපක්ෂ කිසි පියවරක් ගෙන නොතිබුණා පමණක් නොව, එම ක‍්‍රියා අඩු කිරීම සඳහා, අද්මිරාල් වසන්ත කරන්නාගොඩ, අද්මිරාල් රවීන්ද්‍ර විජේගුණවර්ධන, නාවික හමුදාවේ එවක සේවය කළ ජනාධිපති නීතිඥ ශවීන්ද්‍ර ප‍්‍රනාන්දු වැනි ඉහළ නිලධාරියෙකුට කිසි උපදෙසක් දී තිබුණේ නැති බවත්, පොලිස් ‘බී’ වාර්තාවෙන් අධිකරණයට පෙන්වා දී තිබේ.

ඒ තරුණයන් පැහැරගෙන ගොස් ත‍්‍රිකුණාමලේ ‘ගන් සයිට්’ නමැති ස්ථානයේ රඳවාගෙන සිට පසුව අතුරුදහන් කැරැුවීම සම්බන්ධයෙන් දැනට අත්අඩංගුවේ පසුවන නාවික හමුදා නිලධාරීන්ව තමන් බලයට පත්වීමෙන් පසු දාම නිදහස් කරන බව, එකී රුදුරු අපරාධ සහායක, වර්තමාන ජනාධිපති අපේක්ෂක ගෝඨාභය රාජපක්ෂ පසුගිය දා අනුරාධපුරයේදී කියා සිටීම, ඒ තත්වය යටතේ අරුමයක් නොවේ.

අගෝස්තු 21 වැනි දා මේ නඩුව මහේස්ත‍්‍රාත් අධිකරණය ඉදිරියේ කැඳවුණු අවස්ථාවේ ‘කලම්බු ටෙලිග‍්‍රාෆ්’ වාර්තා කළ පරිදි, නීතිපති දෙපාර්තමේන්තුවේ අතිරේක සොලිසිටර් ජෙනරාල්වරයෙකු වශයෙන් පසුව විශ‍්‍රාම ගිය ඉහත කී ජනාධිපති නීතිඥ ශවීන්ද්‍ර ප‍්‍රනාන්දු පස් වතාවක්ම පොලිස් අපරාධ විමර්ශන අංශයට ප‍්‍රකාශයක් ලබාදීම මගහැර සිටීමෙන් පසුව අගෝස්තු 21 වැනි දා අධිකරණය ඉදිරියේ පෙනී සිටි අවස්ථාවේ ඔහු වෙනුවෙන් කරුණු දැක්වූ ජනාධිපති නීතිඥ නලින්ද ඉන්ද්‍රතිස්ස අධිකරණයට කියා සිටියේ, මේ සිද්ධිය පිළිබඳ තොරතුරු හෙළි කිරීමේ හැකියාවක් හිටපු අතිරේක සොලිසිටර් ජෙනරාල් ෂවීන්ද්‍ර ප‍්‍රනාන්දුට නැති බවයි. ඒ සඳහා අවසරයක් වශයෙන් ඔහු ගෙනහැර දැක්වූයේ ‘1988 ශ්‍රේෂ්ඨාධිකරණ රීති පද්ධතියේ (නීතිඥවරුන් සඳහා වන චර්යා සහ ආචාර ධර්ම*’ අංක 31-38 අතර රීතිවලිට ගැනෙන විශ්වසනීයත්වය පිළිබඳ ආචාර ධාර්මික හේතු සහ නීතිඥ-සේවාදායක වරප‍්‍රසාද ආදියයි. එදා ජනාධිපති නීතිඥ නලින්ද ඉන්ද්‍රතිස්ස අධිකරණයට කී පරිදි, තමාගේ සේවාදායකයා (හිටපු අතිරේක සොලිසිටර් ජෙනරාල් ෂවීන්ද්‍ර ප‍්‍රනාන්දු* එම තොරතුරු ලබාදීමට කැමැත්තෙන් සිට ඇතත්, ඒ සඳහා නාවික හමුදාවේ අදහස් වීමසීමෙන් පසුව ඒ සඳහා ඔහුට අවසර ලැබී නැත. එනම්, තරුණයන් පැහැරගෙන ගොස් අතුරුදහන් කිරීමේ සිද්ධියට අදාළ කිසි තොරතුරක් ලබා නොදෙන ලෙස නාවික හමුදාව ඔහුට උපදෙස් දී ඇති බව ය.

මේ සිද්ධිය තුළ හිටපු අතිරේක සොලිසිටර් ජෙනරාල් ශවීන්ද්‍ර ප‍්‍රනාන්දුගේ එකී නිහීන සහ තුච්ඡු අපරාධ සහායකත්වය නිසා, ඔහු ආරක්ෂා කිරීමේ පිළිවෙතක් අනුගමනය නොකිරීමටත්, ඔහු වෙනුවෙන් පෙනී නොසිටීමටත් තමන් තීරණය කොට ඇති බව නීතිපති දෙපාර්තමේන්තුව අධිකරණයට දැනුම් දී ඇතැයි ‘කලම්බු ටෙලිග‍්‍රාෆ්’ වෙත දැනගන්නට තිබේ.

අදාළ තොරතුරු හෙළි කිරීමෙන් වැළැකී සිටින ලෙස නාවික හමුදාව විසින් ජනාධිපති නීතිඥ ශවීන්ද්‍ර ප‍්‍රනාන්දුට ඇත්තෙන්ම උපදෙස් දී ඇත්දැයි නාවික හමුදාවෙන් විමසා තමන් වෙත වාර්තා කරන ලෙස මහේස්ත‍්‍රාත්වරයා පොලීසියට නියෝග කර ඇති බව වාර්තා වෙයි. ඒ අතරේම, ‘අපරාධ නඩු විධාන සංග‍්‍රහයේ’ 255 යටතේ, හිටපු අතිරේක සොලිසිටර් ජෙනරාල් ශවීන්ද්‍ර ප‍්‍රනාන්දුගෙන් ප‍්‍රකාශයක් සටහන් කරගන්නා ලෙස මහේස්ත‍්‍රාත් අධිකරණය පොලීසියට උපදෙස් දී ඇති බවත් සැළයි.

මීට කලින් පොලිස් අපරාධ විමර්ශන අංශයට ප‍්‍රකාශයක් ලබාදෙමින් හිටපු නාවික හමුදාපති අද්මිරාල් වසන්ත කරන්නාගොඩ කියා ඇත්තේ, නාවික හමුදාව තුළ ක‍්‍රියාත්මක වෙමින් පැවති සාපරාධී පිරිස් පිළිබඳ ආරංචිය ලද සැණින්, ඒ සම්බන්ධයෙන් වහා පියවර ගන්නා ලෙස එවක නාවික හමුදාවේ නීති අංශය භාරව සිටි ජනාධිපති නීතිඥ ශවීන්ද්‍ර ප‍්‍රනාන්දුට තමා දැනුම්දුන් බව ය. කෙසේ වෙතත්, දැන් හෙළිදරව් වී ඇති පරිදි, ඒ සම්බන්ධයෙන් කිසි පියවරක් ගැනීමට ශවීන්ද්‍ර ප‍්‍රනාන්දු අසමත්ව ඇතිවා පමණක් නොව, හිතාමතාම ඒ සිද්ධිය යටගැසීමටත්, සාක්ෂිකරුවන් බිය වද්දමින් සාක්ෂි යටපත් කිරීමටත්, තමන් විසින් තෝරාගත් නාවික හමුදා භටයන් කිහිප දෙනෙකු කෙරෙහි විශේෂ අනුග‍්‍රහයක් පොලීසියෙන් ලබාගැනීමටත්, තමාවම සැකකරුවෙකු බවට පත්වීම වළක්වා ගැනීමටත්, නාවික හමුදාවේ නීති අංශය භාර ප‍්‍රධානියා වශයෙන් එදා ඔහු කටයුතු කර තිබේ.
 
මේ සිදුවීම් අපක්ෂපාතීව පරීක්ෂා කිරීමේ පොරොන්දුව පිට 2015 දී බලයට පත් ජනාධිපති මෛත‍්‍රීපාල සිරිසේන, මේ සිද්ධියට කරන්නාගොඩගේ සම්බන්ධතාවක් තිබියදීත්, පසුගිය අගෝස්තුවේදී නිර්ලජ්ජී ලෙස ඔහුව නාවික හමුදා අද්මිරාල් තනතුරට උසස් කෙළේය. මෙය එදා බොහෝ දෙනාගේ නිර්දය විවේචනයට ලක්විය.

තරුණයන් 11 දෙනා අතුරුදහන් වීමේ සිද්ධියට අදාළ විමර්ශන කටයුතු සම්පූර්ණ නොකිරීමක් සහ අනවශ්‍ය ප‍්‍රමාදයක් ඇති කිරීමක් ගැන වැඩ බලන පොලිස්පතිවරයාට නීතිපතිවරයා මේ මෑතකදී චෝදනා කෙළේ එවැනි සිදුවීම්ද මධ්‍යයේ ය. ඊට අමතරව, ‘සන්ඬේ ලීඩර්’ පුවත්පතේ කර්තෘ ලසන්ත වික‍්‍රමතුංග සහ රගර් ක‍්‍ර‍්‍රීඩක වසීම් තාජුඞීන් ඝාතනය කිරීමේ සහ ‘ද නේෂන්’ පුවත්පතේ නියෝජ්‍ය කර්තෘ කීත් නොයාර් පැහැරගෙන යාමේ සහ මුතූර් ප‍්‍රදේශයේ සේවය කළ සහනාධාර සේවකයන් ඝාතනය කිරීමේ සිදුවීම් පිළිබඳ පරීක්ෂණත් පමා වී ඇතැයි ද නීතිපතිවරයා චෝදනා කෙළේය.

දැනට සේවයේ නියුක්ත ජ්‍යෙෂ්ඨතම හමුදා නිලධාරියා වන මාණ්ඩලික ප‍්‍රධානී රවීන්ද්‍ර විජේගුණරත්න, මේ තරුණයන් 11 දෙනා පැහැරගෙන යාමේ සිද්ධිය ගැන, වසන්ත කරන්නාගොඩ සේම දැනුවත්ව සිටි බවට ගිය වසරේ චෝදනා ලැබීය. ඒ සියල්ල මධ්‍යයේ, මේ වසරේ පෙබරවාරියේ පොලිස් අපරාධ පරීක්ෂණ දෙපාර්තමේන්තුව අධිකරණයට වාර්තා කර ඇති පරිදි, ඉහළ තැන්වල මැදිහත්වීම යටතේ, මේ සිද්ධියට සම්බන්ධ ඇතැම් සැකකරුවන්ගේ ටෙලිෆොන් ඇමතුම් පිළිබඳ දත්ත, අදාල පෞද්ගලික දුරකථන සමාගමේ වාර්තාවලින් මකා දමා ඇත.

මේ සිද්ධියට අදාළ සාක්ෂි සහ සාක්ෂිකරුවන් කෙරෙහි අයුතු බලපෑම් කර ඇති ප‍්‍රථම අවස්ථාව එය නොවේ. 2018 නොවැම්බර් 25 වැනි දා, මාණ්ඩලික ප‍්‍රධානියාගේ ආරක්ෂක නිලධාරීන් විසින් මාණ්ඩලික ප‍්‍රධානියා ඉදිරියේදීම, මේ සිද්ධියේ සාක්ෂිකරුවෙකු වන ලූතිනන් කමාන්ඩර් ගලගමගේ ලක්සිරිට පහර දෙන ලදි. ලූතිනන් කමාන්ඩර් ලක්සිරි ඒ ගැන පැමිණිලි කිරීමට කොටුව පොලිස් ස්ථානයට ගිය අවස්ථාවේ ඔහුගේ පැමිණිල්ල සටහන් කර නොගන්නා ලෙස නාවික හමුදාව පොලීසියට බලපෑම් කොට ඇතිවා පමණක් නොව, පසු දා සිද්ධිය වූ ස්ථානයට පොලීසිය යන විට, අදාළ සී.සී.ටී.වී. කැමරා දර්ශන, මාණ්ඩලික ප‍්‍රධානියාගේ ගෝලයන් විසින් මකා දමා තිබුණි.

2018 නොවැම්බර් 28 වැනි දා, අද්මිරාල් රවීන්ද්‍ර විජේගුණරත්නව අත්අඩංගුවට ගැනුණු අතර, දෙසැම්බර් 5 වැනි දා දක්වා රක්ෂිත බන්ධනාගාරගත කෙරුණි. අද්මිරාල් විජේගුණරත්න විසින් නේවි සම්පත් නමැති සැකකරුවා ආරක්ෂා කොට රැුක බලාගෙන සිටි බව පෙන්වන සාක්ෂි ඒ වන විට පොලිස් අපරාධ විමර්ශන අංශය මගින් සොයාගෙන තිබුණි. එදා පොලීසිය අධිකරණයට වාර්තා කර තිබුණු පරිදි, ත‍්‍රිකුණාමලේ නාවික කඳවුරට අනුබද්ධව සේවය කළ නේවි සම්පත් නමැත්තා, නීතියෙන් පලා ගොස්, නාවික හමුදාවේ ඇතැම් නිලධාරීන්ගේ අනුග‍්‍රහය යටතේ නාවික නිලධාරී නිල නිවස්නයේ සැඟව සිටි බවත්, වර්තමාන මාණ්ඩලික ප‍්‍රධානී රවීන්ද්‍ර විජේගුණරත්න ඒ බව දැන සිටි බවත් හෙළි වී තිබේ. නීතියේ රැුහැනට හසු නොවී සිටීම සඳහා මේ සැකකරුට අවශ්‍ය පහසුකම්, උපදෙස් සහ ආරක්ෂාව මාණ්ඩලික ප‍්‍රධානී රවීන්ද්‍ර විජේගුණරත්න විසින් සපයා ඇති බව පොලීසිය තවදුරටත් අධිකරණයට දන්වා සිටියේය. එපමණක් නොව, මේ සැකකරුට ලංකාවෙන් පලා යාම සඳහා නාවික හමුදාපතිවරයාගේ ගිණුමකින් රුපියල් ලක්ෂ පහක මුදලක් රෙයා අද්මිරාල් හෙට්ටිආරච්චි හරහා අද්මිරාල් විජේගුණරත්නගේ අනුදැනුමෙන් යුතුව ලබා දී ඇතැයිද පොලීසිය අධිකරණයට වාර්තා කෙළේය.

කරුණු එසේ තිබියදී, නීත්‍යානුකූල ආණ්ඩුව පෙරලීමේ දින 51 කුමන්ත‍්‍රණය අස්සේ ජනාධිපති මෛත‍්‍රීපාල සිරිසේන කෙළේ, අපරාධ පරීක්ෂණ දෙපාර්තමේන්තුවේ සංවිධානගත අපරාධ අංශයේ ප‍්‍රධානියා වශයෙන් මේ සිද්ධිය ඇතුලූ තවත් ප‍්‍රධාන පෙළෙ අපරාධ විමර්ශන ගණනාවක් කරමින් සිටි පොලිස් පරීක්ෂක නිශාන්ත සිල්වාව, පොලිස් කොමිසමේ අනුමැතියකින් තොරව, මීගමුව පොලිස් කොට්ඨාශයට මාරු කිරීමයි.

   තරුණයන් 11 දෙනා පැහැරගෙන ගොස් ඝාතනය කිරීමේ සිද්ධියේ සැකකරුවකු වන මාණ්ඩලික ප‍්‍රධානී අද්මිරාල් රවීන්ද්‍ර විජේගුණරත්නම ජාතික ආරක්ෂක මණ්ඩලයේ රැුස්වීමකදී රහස් පොලිස් නිලධාරී නිශාන්ත සිල්වාට එරෙහිව අභූත චෝදනාවක් නැගීම, ජනාධිපතිවරයා විසින් එම පොලිස් නිලධාරියාව මීගමුවට මාරු කිරීමේ තීරණයට හේතු විණැයි අපරාධ පරීක්ෂණ දෙපාර්තමේන්තුව භාර ජ්‍යෙෂ්ඨ නියෝජ්‍ය පොලිස්පති රවි සෙනෙවිරත්න විසින් පොලිස් කොමිසමට වාර්තා කර ඇති බව මීට පෙර ‘කලම්බු ටෙලිග‍්‍රාෆ්’ වෙබ් අඩවිය වාර්තා කොට තිබේ. කෙසේ වෙතත්, එම පොලිස් නිලධාරියා මාරු කර යැවීමේ ජනාධිපති නියෝගය, ‘ජාතික පොලිස් කොමිසමේ’ ක්ෂණික මැදිහත් වීම මත ව්‍යර්ථ විය. ඒ, පොලිස් කොමිසමේ උපදෙස් පිට පොලිස්පති පූජිත ජයසුන්දර වහාම අදාළ මාරුව ඉල්ලා අස්කර ගැනීම නිසා ය.

ඉදිරි නොවැම්බර 16 වන දිනට නියමිත ජනාධිපතිවරණය පැවැත්වීමේදී මැතිවරණ කොමිසම කෙතරම් අපක්ෂපාතී වනු ඇතිද යන්න ගැන ජනතාව අතර අතිශය වැදගත් හා බරපතල ප්‍රශ්නයක් මතු වී ඇතැයි ප්‍රවීණ දේශපාලන විචාරකයකු මෙන්ම, ජ්‍යෙෂ්ඨ මාධ්‍යවේදියකු වන කුසල් පෙරේරා පවසයි.

ඔහු විසින් ජාතික මැතිවරණ කොමිසමේ සභාපතිවරයාට විද්‍යුත් තැපෑලෙන් අද (20) දින යොමුකර ඇති ලිපියක මේ බව සඳහන්කර ඇත.

විශ්‍රාමික ආරක්ෂක සේවා ප්‍රධානීන්නට අමතරව වත්මන් හමුදාපතිගේ ප්‍රකාශයක්ද යොදා සිංහල පුවත් පතක පල කෙරුණු මැතිවරණ ප්‍රචාරක දැන්වීම සම්බන්ධයෙන් ජාතික මැතිවරණ කොමිසමේ සභාපතිවරයාගේ ඇල්මැරුණ ප්‍රතිපත්තිය එහිදී  දැඩිව විවේචනය කර තිබේ.

මාධ්‍යවේදී කුසල් පෙරේරා විසින් මැතිවරණ කොමිසමේ සභාපති වෙත යොමුකළ එම සම්පුර්ණ ලිපිය පහත දැක්වෙයි.

සභාපති
ජාතික මැතිවරණ කොමිසම

මැතිවරණ ලේකම් කාර්යාලයය

රාජගිරිය. 

සභාපති තුමනි, 

හමුදාපති සම්බන්ධ කෙරුණු මැතිවරණ ප්‍රචාරක දැන්වීම පිළිබඳවය 

විශ්‍රාමික ආරක්ෂක සේවා ප්‍රධානීන්නට අමතරව වත්මන් හමුදාපතිගේ ප්‍රකාශයක්ද යොදා සිංහල පුවත් පතක පල කෙරුණු මැතිවරණ ප්‍රචාරක දැන්වීම මැතිවරණ ප්‍රචාරක කටයුතු සම්බන්ධයෙන් බරපතල ප්‍රශ්නයක් මතු කළ බැව් අවිවාදිතය. 

එයට සමාජයේ පැන නැගුණු විරෝධය හමුවේ එය වරදක් බව ඔබ ප්‍රකාශ කළ අතර, ඒ සම්බන්ධයෙන් මැතිවරණ කොමිසම ලෙස ඔබ ගත් එකම පියවර වූයේ හමුදාපතිගෙන් සහ ශ්‍රී ලංකා පොදුජන පෙරමුණෙන් කරුණු විමසීම පමණි. එම ප්‍රචාරක දැන්වීම පිළිබඳව ඔවුන්ගේ කිසිදු සම්බන්ධයක් නැතැයි ඔවුන් දන්වා ඇතැයිද ඒ අනුව එම පැහැදිලි කිරීම් සහ හමුදාපතිගේ පැහැදිලි කිරීම ඔබ පිළිගන්නේ යැයි මෙම නොවැම්බර 20 වන ඉරිදා ප්‍රධාන ධාරාවේ ඉංග්‍රීසි පුවත් පතක සඳහන්ව ඇත. 

ඔවුන්ගේ නිදොස් බව පිළිගැනීමෙහි ප්‍රශ්නයක් නැත. එය කිසිවකු ප්‍රශ්න කරන්නේද නැත. එහෙත් එම ප්‍රචාරක දැන්වීමෙන් ඡන්දදායකයාට සිදුවූ බරපතල අගතියට ඉන් විසඳුමක් නොලැබෙන බව ඔබ හොඳාකාරව දැන සිටිය යුතුය. එනිසා එම ප්‍රචාරක දැන්වීම පළ කළ පුවත් පතටත් එය පළ කිරීම සඳහා පුවත් පතට දැන්වීම බාරදුන් පුද්ගලයාට හෝ පුද්ගල කණ්ඩායමට එරෙහිව වහා පියවර ගත යුතුව ඇත. ඒ සඳහා එකී දැන්වීම බාරදුන් පුද්ගලයා හෝ පුද්ගල කණ්ඩායම පිළිබඳව අදාල තොරතුරු පැය 24 ක් ඇතුළත මැතිවරණ කොමිසමට ලබා දෙන්නට යැයි පුවත් පත් හිමිකරුගෙන් ඉල්ලා සිටින්නට මැතිවරණ කොමිසමට බලයක් ඇත. එතෙක් එම පුවත් පතෙහි මැතිවරණ ප්‍රචාරක දැන්වවීම් පළ කිරීම අත්හිටු වන්නටත් මැතිවරණ කොමිසමට බලයක් ඇතැයි මම විශ්වාස කරමි. එවැනි පියවර කිසිත් නොගෙන හමුදාපතිගේ සහ ශ්‍රී ලංකා පොදුජන පෙරමුණේ නිදොස් බව පිළිගනිමින් ප්‍රශ්නය එතැනින් තුනීකර අමතක කර දැමීමට ඔබගේ උත්සාහයක් ඇතැයි මම චෝදනා කරමි. 

එය ඉදිරි නොවැම්බර 16 වන දිනට නියමිත ජනාධිපතිවරණය පැවැත්වීමේදී ඔබ හා මැතිවරණ කොමිසම කෙතරම් අපක්ෂපාතී වනු ඇතිද යන්න ගැන ජනතාව අතර අතිශය වැදගත් හා බරපතල ප්‍රශ්නයක් මතු කිරීමට හේතු වනු ඇත. එවැනි ප්‍රශ්න කිරීමක් සාධාරණය කිරීම සඳහා මීට ඉහතින්ද පළාත් පාලන මැතිවරණය පැවැත්වීම පිළිබඳව ඔබගේ ප්‍රකාශ සහ තීන්දු හේතු වූ බැව් මතක් කරනු කැමැත්තෙමි. ඒ සම්බන්ධව මවිසින් 2019 ජනවාරි 19 වන දින ඔබ වෙත යොමු කළ ලිපිය වෙත නැවත ඔබගේ අවධානය යොමු කරමි. එයට මෙතෙක් ඔබගෙන් පිළිතුරු නොලැබුණු බවද මෙහි අවධාරණය කරමි. 

එබැවින් ඡන්දදායකයාට බරපතල අගතියක් සිදු කෙරුණු අනියමින් පල කෙරුණු මෙම මැතිවරණ ප්‍රචාරක දැන්වීම පිළිබඳව අදාල පුවත් පතට සහ ඊට වගකිව යුතු පුද්ගලයාට හෝ කණ්ඩායමට එරෙහිව වහා පියවර ගනිමින් ජාතික මැතිවරණ කොමිසමෙහි ස්වාධීනත්වය හා අපක්ෂපාතිත්වය සමාජය හමුවේ තහවුරු කරන මෙන් මෙයින් ඉල්ලමි. 

ස්තුතියි.

මෙයට විශ්වාසී,

මාධ්‍යවේදී හා දේශපාලන විචාරක

කුසල් පෙරේරා 

දෙමළ පක්ෂ සහයෝගය ලබාදෙන අපේක්ෂකයා සම්බන්ධයෙන් නිශ්චිත තීරණයක් තැපැල් ඡන්දය ප්‍රකාශ කිරීමට පෙර ලබාදෙන බව ඉලංගෙයි තමිල් අරසු කච්චි පක්ෂ නායක මාවෙයි සේනාධිරාජා පවසයි.

උතුරු නැගෙනහිර බහුතරයක් රාජ්‍ය සේවකයින් තැපැල් ඡන්දය ලබාදීමට සුදුසුකම් ලබා ඇති බැවින් අදාළ පිරිස වෙනුවෙන් මෙවර ජන්දය ප්‍රකාශ කළ යුතු අපේක්ෂකයා සම්බන්ධයෙන් දෙමළ පක්ෂ තීරණය ලබාදෙන බව ඔහු සඳහන් කර ඇත.

දෙමළ ජනතාව නියෝජනය කරන දෙමළ දේශපාලන පක්ෂ ජනාධිපතිවරණ සම්බන්ධයෙන් එක්සත් ජාතික පක්ෂ නායකයින් සමඟ මේ සතිය තුළදි සාකච්ජාවක් පැවැත්වීමට නියමිත බවද මාවේයි සේනාධිරාජා පෙන්වායෙි.

මේ අතර aithiya.lk වාර්තා කර ඇති පරිදි උතුරු හා නැගෙනහිරින් ඡන්ද ලක්ෂ 10ක් ගන්නා පිළේ ජය ස්ථිර වෙයි.

''අනෙකුත් ජාතිකයන් විශේෂයෙන් දමිල හා මුස්ලිම් ජාතිකයන්ගේ ඡන්ද ප්‍රමාණයෙන් වැඩි ප්‍රථිශතයක් සැමදා එක්සත් ජාතික පක්ෂය ප්‍රමුඛ එක්සත් ජාතික සංධානය විසින් ලබා ගනී. එය 2015 වර්ෂයේ දී ඉතා ඉහල අගයක් ගනු ලැබීය.

උතුරු නැගෙනහිර පලාත් තුළින් පමණක් මහින්ද රාජපක්ෂ මහතා ජන්ද 3,23,600ක් ගන්නා විට මෛත්‍රීපාල සිරිසේන විසින් ඡන්ද 9,78,111 ක් ලබා ගන්නා ලදී. එය ප්‍රථිශතයක් ලෙස ගත්විට 73.5% ක් විය.

එම ප්‍රතිශතය දකුණු ප්‍රදේශයේ දී ‌‌‌‌මෛත්‍රීපාල සිරිසේන ලැබු පසු බැසීම සමනය කර සමස්ථ ඡන්ද ප්‍රථිශතයෙන් 51.28% ලබා ගනිමින් මෛත්‍රීපාල සිරිසේනට ජනාධිපතිවරණයේ ජයග්‍රාහකය බවට පත්වීමට ද හේතු විය.

ඒමෙන්ම 2015 ජනාධිපතිවරණයේ දී උතුරු නැගෙනහිර හැර අනෙකුත් පළාත් තුළින් මහින්ද රාජපක්ෂ මහතා විසින් ඡන්ද 54,44,490 (50.45%) ලබා ගත් විට මෛත්‍රීපාල සිරිසේනට ලබා ගත හැකි වුයේ ඡන්ද 52,39,051 (48.54%) කි. ඒ අනුව මෛත්‍රීපාල සිරිසේන මහතා ගොඩ ගියේ උතුරු හා නැගෙනහිරින් ලබා ගත් 73.5% ක් වූ ඡන්ද ප්‍රතිශතය නිසාවෙනි.

මෙවර සජිත් ප්‍රේමදාසට 2015 දී මෙන් ලක්ෂ 9 ඉක්ම වූ ඡන්ද ලබා ගැනීමට හැකි වේ නම් ජයග්‍රහණය ස්ථිරවෙනු නොවනුමානය. එයට ප්‍රධාන හේතුවක් වන්නේ 2015ට වඩා මෙවර සජිත් ප්‍රේමදාස මහතාට දකුණේ වැඩි වාසියක් ලබා ගැනීමට හැකියාව ලැබී ඇති නිසාය.

ඊට හේතුවක් වී ඇත්තේ දශක ගණනාවකට පසුව එක්සත් ජාතික පක්ෂයේ අපේක්ෂකයෙන් ජනාධිපතිවරණයට ඉදිරිපත් වීම නිසා එක්සත් ජාතික පාක්ෂිකයින්ගේ උනන්දුව උපරිමයට පැමිණ තිබීමත්, 2015 දී මහින්ද රාජපක්ෂට සමග සිටි එම්.එච්.එම් ෆවුසි, විජේමුණි සොයිසා, එස්.බී නාවින්න, සජින් වාස්, ලක්ෂමන් සෙනෙවිරත්න ඇතුළු මන්ත්‍රීවරු ගණාවක් සජිත් ප්‍රේමදාසට සම්බන්ධ වී සිටීමත්, කුමාර වෙල්ගම, මහින්ද සමරසිංහ, ඇතුලූ මන්ත්‍රීවරු ගනනාවක් තවමත් නිශ්ෂබ්දව සිටීමත් නිසාය. ''

එක්සත් ජනතා නිදහස් සන්ධාන පාර්ලිමේන්තු මන්ත්‍රී කුමාර වෙල්ගමගේ නිවසට රහසිගතව ඇතුළුවූ පුද්ගලයෙක් හෝ කණ්ඩායමක් එහි කාමරයක අල්මාරියක තිබූ දෑ පැහැරගෙන ගොස් ඇති බව පොලීසියට පැමිණිලිකර ඇති බව වාර්තා වෙයි.

 අලුත්ගම කළුවමෝදර ප්‍රදේශයගේ ගංඟාවක් ආසන්නයේ පිහිටා ඇති වෙල්ගම මන්ත්‍රීවරයාට  නිවසට අදාල සොරුන් පැමිණ ඇත්තේ ගඟ පිහිටි නිවසේ පිටුපස පැත්තේ ජනේලයක් කඩා දැමිමෙන් බවද වාර්තා වේ.

අලුත්ගම පොලීසියට වෙල්ගම මන්ත්‍රීවරයා විසින් සිදුකරන ලද පැමිණිල්ලක් මත පදනම්ව පරීක්ෂණ ආරම්භ කර ඇති අතර පොලීසිය සොයාගෙන ඇති පරිදි ආරක්ෂක වැටක් නොමැති ගඟ දෙසින් පැමිණි සැකකරුවන් ජනේලයක් කඩා කාමරයට ඇතුළුවී එහි අල්මාරියක් විවෘතකර කිසියම් දෙයක් පැහැරගෙන ගොස් ඇති නමුත් මුදල් තැන්පත් කර තිබූ සේප්පුව රැගෙන යාමට උත්සහ දරා නැත.

මෙසේ පැමිණී පිරිස හෝ පුද්ගලයා සැලකියයුතු යමක් සොරකම් කරගෙන ගොස් නැති බැවින් එසේ පැමිණ ඇත්තේ සොරකමකට ද නැත්නම් ජීවිත හානියක් සිදුකිරීමේ අරමුණින්ද යන්න පොලීසිය විසින් විමර්ශණය කරමින් පවතී.

කුමාර වෙල්ගම මන්ත්‍රීවරයා පොදුජන පෙරමුණෙන් ඉවත්ව නිදහස් පක්ෂය සමග එක්වන්නේ ගෝඨාභය රාජපක්ෂ ජනාධිපතිධූර අපේක්ෂකයා ලෙස පත්කිරීමට එරෙහිවය. එහිදී ඔහු විසින් ඉතා දැඩි ප්‍රකාශයක් කරමින් කියා සිටියේ මිනීමරුවන් ජනපති කරන්නට තමන් සහය නොදෙන බවය.

ඉන් අනතුරුව නිදහස් පක්ෂය සමග එක්වන ඔහු නිදහස් පක්ෂය ගෝඨාභයට සහය දීමට එකඟවීමත් සමග සක්‍රීය දේශපාලන කටයුතු වලින් බැහැරව නිහඬව කටයුතු කිරීමට තීරණය කර තිබේ. වෙල්ගමගේ සහය ගෝඨාභයට ලබාදෙන ලෙස බලකරමින් මතුගම ප්‍රදේශයේදී උපවාසයක්ද පැවැත්වූ නමුත් වෙල්ගමගේ තීරණයේ වෙනසක් සිදුවී නැත.

එවැනිට අර්බුදකාරී වටපිටාවක ඔහුගේ නිවසට ඇතුල්වූ පුද්ගලයෙක් හෝ කණ්ඩායකමක අපේක්ෂාව වන්නට ඇත්තේ ජීවිත හානියක් කිරීමටද යන්න සැක සහිත බවටත් සැකසංකා මතුවෙමින් තිබේ.

Pic by - dailymirror

ශ්‍රී ලංකා නිදහස් පක්ෂය යළි ගොඩනැගීම සඳහා හිටපු ජනපතිනී චන්ද්‍රිකා බණ්ඩාරනායක කුමාරණතුංග විසින් ආරම්භ කර ඇති දේශපාලන මෙහෙයුමට එක්වීමට හිටපු අමාත්‍ය ශ්‍රී.ල.නි.ප උප සභාපති කුමාර වෙල්ගම මෙන්ම අර්ජුන රණතුංග අමාත්‍යවරයා ද එකඟත්වය පලකර ඇති බව වාර්තාවේ.

ඉතා විශ්වාසවන්ත කටයුතු ආරංචි මාර්ග සදහන් කරන ආකාරයට ඔවුන් දෙදෙනාම ඒ සම්බන්ධයෙන් චන්ද්‍රිකා බණ්ඩාරනායක කුමාරණතුංග දැනුවත් කර ඇති අතර ඇය දිවයිනට පැමිණි වහාම ඒ සම්බන්ධයෙන් අවසන් එකඟත්වයක් ඇතිකර ගැනීමට නියමිතය.

විදේශගතව සිටින චන්ද්‍රිකා පසුගිය සෙනසුරාදා යළි දිවයිනට පැමිණීමට නියමිතව සිටියද එය දින කිහිපයකින් කල්දමා තිබිණ.

''ගත්ත තීන්දුව වෙනස් කරන්නේ නැහැ' -වෙල්ගම 

මේ අතර ශ්‍රී.ල.නි.ප උප සභාපති කුමාර වෙල්ගම පවසන්නේ, තමන් කිසි දිනක පොහොට්ටුව හෝ හංසයා යටතේ දේශපාලනය නොකරණ බවත්, හිටපු ජනාධිපතිනිය සමඟ ශ්‍රීලනිප ය ගොඩගැනීමේ සටන ඉදිරියට ගෙන යන බවත් ය.

ඒ මහතා මේ අදහස් පළ කළේ ඔහුට පොහොට්ටුවට එක්වන ලෙස ඉල්ලමින් මතුගම නගරයේ පැවැති උපවාසය පිළිබඳ මාධ්‍ය වෙත අදහස් දක්වමිනි. නුවරළියේ පැවැති මේ මාධ්‍ය හමුවේ දී ඒ මහතා වැඩි දුරටත් මෙසේ ද පැවසීය. 

''මගේ ගමේ මගේ පාක්ෂිකයෝ මට බල කරනවා මට පොහොට්ටුවට යන්න කියලා. එත් මම ගත්ත තීන්දුව වෙනස් කරන්න කැමති නැහැ.

ඒ තීන්දුවේ මම අදත් ඉන්නවා, හෙටත් ඉන්නවා, ඡන්දෙන් පස්සෙත් ඉන්නවා. මහජනතාව හිතයි අර ජයරාජ් ප්‍රනාන්දු පුල්ලේ මහත්තයා වගේ මමත් පාක්ෂිකයෝ දම්මලා උපවාස කරවනවා මට පොහොට්ටුවට යන්න පාර කපා ගන්න කියලා. මට එහෙම පාර කපා ගන්න අවශ්‍යතාවයක් නැහැ. ඒ අය මගේ කැමත්ත ගන්න, මට තියෙන් ආදරයට එහෙම උපවාස කරනවා ඇරෙන්න ඒ සඳහා මගේ බලපෑමක් නැහැ.

''මම හංසයාට යන්නෙත් නැහැ''

මේ යන ක්‍රමයට ශ්‍රී ලංකා නිදහස් පක්ෂයක් නැත්තටම නැති වෙනවා. තවම ශ්‍රී. ල.නි.ප.යට අනාගතයක් තියෙනවා. මේ වනතුරුත් චන්ද්‍රිකා බණ්ඩාරනායක කුමාරතුංග මැතිනිය හිට ගන්නවානම් මාත් එක්ක කෙලින් මම මේ සටන ඉදිරියට ගෙනියන්න, පක්ෂය නැවත ගොඩගන්න මම ඉදිරිපත් වෙන්න බොහොම කැමැත්තෙන් ඉන්නේ.

මම ආයෙ කවදාවත් පොහොට්ටුවට යන්නේ නැහැ. හැබැයි මම හංසයාට යන්නෙත් නැහැ. මම ශ්‍රී ලංකා නිදහස් පක්ෂය ආරක්ෂා කරන්න ඉතුරු වෙන දාහද, දෙදාහද මම ඒ අයත් එක්ක නැගිටිනවා.

මතුගම නගරයේ මහා සංඝරත්නයේ ප්‍රධානත්වයෙන් 17 වැනිදා ආරම්භ කළ උපවාසය 18 වැනිදා වන විටත් පැවති අතර එම ස්ථානයට පැමිණි කුමාර වෙල්ගමගේ පුත් පළාත් සභා මන්ත්‍රී සෙනාල් වෙල්ගම උපවාස කරුවන්ට කරුණු පැහැදිලි කළද ඔවුන්ගේ මතයේ වෙනසක් නොවිය.

එහෙත්, කුමාර වෙල්ගම නුවරඑළියේ සිට ලබා දුන් ප්‍රකාශය හමුවේ ඊට ප්‍රතිචාර දක්වමින් උපවාසය අත්හිටුවීමට ඔවුන් කටයුතු කළහ.

'පොහොට්ටු' පක්ෂයේ ජනාධිපති ගෝඨාබය රාජපක්ෂට සහයදෙන සියලු දෙනාම අන්තවාදීන් බවට මුදල් ඇමති මංගල සමරවීර චෝදනා කරයි.

ටීඑන්ඒ සංවිධානය විසින් ඉදිරිපත්කර ඇති අන්තවාදී යෝජනා මාලාවකට එක්සත් ජාතික පෙරමුණේ අපේක්ෂකයා එකඟවී ඇතැයි 'පොහොට්ටුවේ' ඇතැමුන් කරන ප්‍රකාශ සම්බන්ධයෙන් අදහස් දක්වමින් ඉහත ප්‍රකාශය කළ ඇමතිවරයා, තවදුරටත් මෙසේද පැවසිය.

''මේ අය ලඟ ඉන්නේ ඔක්කොම අන්තවාදීන්. ඇත්ත වශයෙන්ම මේ රටේ ප්‍රජාතන්ත්‍රවාදී දේශපාලනයේ දිගින් දිගටම කටයුතු කරන ටීඑන්ඒ සංවිධානයත් එක්ක එකතුවෙලා අපි විවෘත ප්‍රසිද්ධ දේශපාලනයක් කරගෙන යනකොට අද ගෝඨාභය රාජපක්ෂට උදවු කරන අන්තවාදීන් අපට චෝදනා කරනවා.

මේක අද ඊයේ එකතුවීමක් නෙවෙයි 2014 ඉඳලම එකට ආපු ගමනක් මේ ගමන ඉස්සරහට යනවා, ප්‍රජාතන්ත්‍රවාදී දේශපාලන පක්ෂ නායකයෝ එකතුකර ගන්නවා. මේ රටේ සියලු ජාතීන් එකතුකරන පක්ෂය තමයි එක්සත් ජාතික පක්ෂය.

ඊළාම් කොඩිය ඔසවපු වර්ධරාජා ?

නමුත් ඒ සම්බන්ධයෙන් කිඹුල් කඳුලු හෙලන පොහොට්ටු කාරයෝ අද කා එක්කද එකතුවෙලා ඉන්නේ. එක පැත්තකින් මේ රට වෙනම ඊළාම් රාජ්‍යයක් පිහිටෙව්වයි කියලා එක්දහස් නවසිය අසූ ගණන්වල ඊළාම් කොඩිය තිරිකුණාමළේ ඔසවපු ඊපීආර්එල්එෆ් සංවිධානයේ එවකට මහ ඇමති වර්ධරාජා පෙරුමාල්.

කිසිම විටෙක සම්බන්ධන්ලා, සුමන්දිරම්ලා, මාවෙයි සේනාධිරාජලා කවදාවත් මේ රට තුළ ඊළාම් කොඩිය ඉස්සුවේ නැහැ.

නමුත් ඊළාම් කොඩිය උස්සලා වෙනම නිලනොවන ඊළාම් රාජ්‍යයක් ප්‍රකාශයට පත් කරපු වර්ධරාජා පෙරුමාල් ඉන්නේ කොහෙද? අද ප්‍රසිද්ධියේම ගෝඨාභය රාජපක්ෂ මහත්මයාගේ මැතිවරණ ව්‍යාපාරයේ.

කරුණා -පිල්ලෙයාන් -හිස්බුල්ලා?

අනිත් පැත්තෙන් අපේ පොලීසියේ සෙබළුන් 600ක් මරණකොට එල්ටීටී ත්‍රස්තවාදීන්ගේ කණ්ඩායමට නායකත්වය දුන් කරුණා අම්මාන් ඉන්නේ කොහෙද අද? ගෝඨාභය රාජපක්ෂගේ කඳවුරේ.

ඒවගේම නැගෙනහිර පළාතේ එල්ටීටීඊ සංවිධානය මෙහෙයවපු පිල්ලෙයාන් ඉන්නේ අද කොහෙද? මහින්ද රාජපක්ෂගේ ගෝඨාභය රාජපක්ෂගේ කඳවුරේ.

අනික් පැත්තෙන් ඒ අයම මුස්ලිම් අන්තවාදය කියාගෙන සයිටම් ආයතනය හරහා මේ රටේ අන්තවාදය වපුරනවායි කියලා චෝදනා කරපු හිස්බුල්ලා ඉන්නේ කොහෙද 'පොහොට්ටු' කඳවුරේ.

කඳවුරු දෙක පැහැදිලියි !

අන්න එහෙමනම් ඇත්ත වශයෙන්ම කඳවුරු දෙක පැහැදිලියි. මේ රට එකතු නරන්න කැමති මේ රටේ සියලුම මධ්‍යස්ථ බලවේගයන් එක්සත් ජාතික පෙරමුණ පක්ෂය වටා, සජිත් ප්‍රේමදාස මහතා වටා එකතු එකතුවෙනකොට, අද මේ රටේ සියලුම ත්‍රස්ථවාදී අන්තවාදී බලවේගයන් ගෝඨාභය රාජපක්ෂ හිටපු ආරක්ෂක ලේකම්වරයා වටේ එකතුවෙලා තියෙනවා.

ඒ නිසා ජනතාව මේ ගැන හොඳින් කල්පනා කරලා විවෘතව හිතලා ඇස්බැන්දුම් නැතුව තීන්දුවක් ගන්න ඕනේ වෙලාව දැන් ඇවිල්ලයි තියෙන්නේ.

TNA : 'අසාධාරණ ඉල්ලීමක් ඉල්ලලා නැහැ'

එක්සත් ජාතික පක්ෂයේ අපි 2015 ඡන්දෙදිත් ඡන්දෙන් පස්සෙත් ඔය කියන දෙමල, මුස්ලිම් පක්ෂ එක්ක දිගින් දිගටම වැඩ කරා මේක අලුත් දෙයක් නෙවෙයි. මුස්ලිම් කොන්ග්‍රසය වෙන්න පුළුවන් අනෙකුත් මුස්ලිම් පක්ෂ වෙන්න පුළුවන්, මනෝගනේෂන් මැතිතුමාගේ පක්ෂය වෙන්න පුළුවන්. එහෙමත් නැත්නම් දිගම්බරම් මන්ත්‍රීතුමාගේ පක්ෂය වෙන්න පුළුවන් ඒ අය සියලු දෙනාම එක්සත් ජාතික පෙරමුණේ නිල සාමාජිකයෝ.

අනික් පැත්තෙන් අපි පසුගිය මැතිවරණයෙන් පස්සේ අපි ටිඑන්ඒ සංවිධානයත් එක්ක විවෘතව එලිපිටම වැඩ කරා, වැඩ කරමින් ඉන්නවා. ඒ නිසා ඒ අයත් එක්ක අලුතෙන් ගිවිසුම් ගහන්න අපිට උවමනාවක් නැහැ.

මොකද එක පැත්තකින් එක්සත් ජාතික පක්ෂය තමයි මේ රටේ සියලු ජාතීන් සියලු ආගම් සියලු භාෂා එකතුකරන්න පුළුවන් ආණ්ඩුව. ඒක අපි ඔප්පු කරලා තියෙනවා.

මේ රටේ බෙදී වෙන් වෙලා හිටපු ජාතීන් ඒකතු කරන්නේ අපි. නමුත් රට බෙදන්නේ රට කඩන්නේ ඔය පොහොට්ට්වේ ඉන්න අය. මේ අය නහයෙන් අඩන්නේ මේ අයට සම්බන්ධන්ලා හකීම්ලා රිෂාඩ්ලා එකතු කරගන්න බැරි නිසා..

මේ අය ටීඑන්ඒ සංවිධානයට ඇඟිල්ල දික්කරාට ඒ අය කිසිම අසාධාරණ ඉල්ලීමක් ඉල්ලලා නැහැ. අපේ සම්බන්ධන් මැතිතුමා අපිට මතකයි දෙමළ නායකයන්ගෙන් වේදිකාවට ඇවිල්ලා සිංහ කොඩිය ප්‍රසිද්ධියේ ප්‍රදර්ශනය කරපු එකම දෙමළ නායකයා අපිත් එක්ක වැඩ කරනවා.

නමුත් අනික් පැත්තෙන් මේ අය ගන්න බැරි වුණාට මහින්ද රාජපක්ෂත් එක්ක ඉන්නේ කවුද? මේ රට බෙදන්න කටයුතු කරපු අන්තවාදී නායකයෝ.

වීඩියෝ

ආහාර බෝග ආනයනය සීමාකොට දේශීය වගා වැඩසටහන් ආරම්භ කිරීම මගින්  මෙරට ආහාර සුරක්ෂිතතාවය සහතික කරන බව නව ප්‍රජාතන්ත්‍රවාදී පෙරමුණේ ජනාධිධුර අපේක්ෂක, අමාත්‍ය සජිත් ප්‍රේමදාස පවසයි.

ඔහු ඒ බව සදහන් කර සිටියේ   තඹුත්තේගම නගරයේ පැවැති ජනාධිපතිවරණ ප්‍රචාරක රැළියක් අමතමින්ය.එහිදී වැඩිදුරටත් අදහස් දැක්වූ නව ප්‍රජාතන්ත්‍රවාදී පෙරමුණේ ජනාධිධුර අපේක්ෂක, අමාත්‍ය සජිත් ප්‍රේමදාස මෙසේද පැවසීය.

“මේ රටේ ගොවි ජනතාව වෙනුවෙන් ජනාධිපති කාර්ය සාධන බලකායක් මම නිර්මාණය කරනවා. ජනාධිපති කාර්ය සාධක බළකාය තුළින් මේ රටේ හැම ගොවිජන කේන්ද්‍රයකම ජනාධිපති ලේකම් කාර්යාලයේ ජාතික සංවර්ධන ඒකකයක් ස්ථාපනය කරනවා.

කෘෂිකර්මාන්තය ශක්තිමත් කරමින් පිටරටින් ආහාර භෝග ගෙන්වීම වෙනුවට අපේ ගොවියා ශක්තිමත් කරමින් දේශිය ආහාර භෝග සුරක්ෂිතතාව ඇති කරන බව.

ඒ විතරක් නෙමෙයි වී ගොවියා වෙනුවෙන් වී කිලෝවක් සඳහා රුපියල් පනහක සහතික මිලක් ලබාදෙනවා.පාර්ලිමේන්තුවට පනතක් ගෙනැල්ලා කිසිම ආණ්ඩුවකට වෙනස් කරන්න බැරි විදිහට රුපියල් පනහක සහතික මිලක් වී සඳහා ලබාදෙනවා. මාස 06 ක් ඇතුළත කලාවැව මැතිවරණ කොට්ඨාශයේ අලි මිනිස් ගැටුමට තිරසර විසදුමක් ලබාදෙනවා.

වැව් අමුණුවලට වැඩි වැඩියෙන් ජලය ගලාගෙන එන විදිහට අපි වාරි පුනරුත්ථාපන වැඩසටහන් නිර්මාණය කරලා රටට බත සපයන ගොවි ජනතාවගේ හිසට කිරුළු පලන්දන යුගය නිර්මාණය කරනවා”

එක්සත් ජනතා නිදහස් සන්ධානයේ භාණ්ඩාගාරික ධූරයට පාර්ලිමේන්තු මන්ත්‍රී දුමින්ද දිසානායක මහතා පත්කර තිබේ.

පාර්ලිමේන්තු මන්ත්‍රී දුමින්ද දිසානායක මහතා ශ්‍රී ලංකා නිදහස් පක්‍ෂයේ ජාතික සංවිධායකවරයා ලෙස ද කටයුතු කරනු ලබයි.

එක්සත් ජනතා නිදහස් සන්ධානයේ විධායක සභාව එහි සභාපති, ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් රැස්වූ අවස්ථාවේදී දුමින්ද දිසානායක මහතා එම තනතුරට පත්කර තිබේ.

මීට පෙර එම ධූරයේ කටයුතු කළ අනුර ප‍්‍රියදර්ශන යාපා මහතා   ශ්‍රී ලංකා පොදුජන පෙරමුණ හා එක්ව කටයුතු කිරීම හේතුවෙන් දුමින්ද දිසානායක මහතා එම තනතුරට පත්කර තිබේ.