ඉරණමඩු ජලාශයේ ජලපෝෂකවලට ලද අධික වර්ෂාව හේතුවෙන් වාන් දොරටු විවෘත කර ඇති බැවින් ආරක්ෂිත ස්ථානවලට යොමුවන්නැයි ආපදා කළමනාකරණ මධ්‍යස්ථානය ජනතාවගෙන් ඉල්ලා සිටියි.
ජලය ගලාගෙන යන ඇල මාර්ගයේ ශක්තිමත් භාවයට යොදා තිබූ පැති බැමි කැඩී ගොස් ඇති බව වාර්තා වන බවත් එම නිසා ඉතාම ඉක්මනින් සුරක්ෂිත ස්ථානවලට යොමුවන්නැයි එම මධ්‍යස්ථානය ඒ ආසන්නයේ සිටින ජනතාවගෙන් ඉල්ලා සිටියි.
ලබාදෙන උපදෙස් පිළිපදිමින් අනතුරුදායක ස්ථානවලින් හැකි ඉක්මනින් ඉවත්වන්නැයි රජය මහජනතාවගෙන් ඉල්ලා සිටියි.
ආපදා කළමනාකරන මධ්‍යස්ථානය සහ දිස්ත්‍රික් ලේකම් කාර්යාල ,ප්‍රාදේශීය ලේකම් කාර්යාල දිගින් දිගටම ඉවත් වන ලෙස දැන්වුවද ජනතාව ඇතැම් අනතුරුදායක ස්ථානවලින් ඉවත් නොවන බව වාර්තා වී ඇති බවත් එම නිසා රජයේ උපදෙස් පිළිපදිමින් අනතුරුදායක ස්ථානවලින් වහාම ඉවත්වන ලෙස රජය මහජනතාවගෙන් ඉල්ලා සිටියි.
උද්ගත වී තිබෙන තත්ත්වය සලකා බලමින් රට තුළ හදිසි තත්ත්වයක් ප්‍රකාශයට පත් කිරීමට ජනාධිපති අනුර කුමාර දිසානායක මහතා අද පියවර ගත්තේ ය.
අති විශේෂ ගැසට් නිවේදනයක් නිකුත් කරමින් ඔහු එලෙස හදිසි තත්ත්වයක් ප්‍රකාශයට පත් කළේ ය.
අහිතකර කාලගුණික තත්ත්වය හේතුවෙන් මිය ගිය ගණන 132ක් දක්වා ඉහළ ගොස් තිබෙන අතර අතුරුදන් වූ පිරිස 176ක් යැයි ද ආපදා කළමනාකරණ මධ්‍යස්ථානය මීට ටික වේලාවකට පෙර නිවේදනය කළේ ය.
මේ අතර අනතුරුදායක ස්ථානවලින් ජනතාව තවමත් ඉවත් වී නැතැයි ද ආපදා කළමනාකරණ මධ්‍යස්ථානය සහ අනෙකුත් රජයේ ආයතන අවධාරණය කරයි.
එම නිසා ලබාදෙන උපදෙස් පිළිපදිමින් අනතුරුදායක ස්ථානවලින් හැකි ඉක්මනින් ඉවත්වන්නැයි රජය මහජනතාවගෙන් ඉල්ලා සිටියි.
ආපදා කළමනාකරන මධ්‍යස්ථානය සහ දිස්ත්‍රික් ලේකම් කාර්යාල ,ප්‍රාදේශීය ලේකම් කාර්යාල දිගින් දිගටම ඉවත් වන ලෙස දැන්වුවද ජනතාව ඇතැම් අනතුරුදායක ස්ථානවලින් ඉවත් නොවන බව වාර්තා වී ඇති බවත් එම නිසා රජයේ උපදෙස් පිළිපදිමින් අනතුරුදායක ස්ථානවලින් වහාම ඉවත්වන ලෙස රජය මහජනතාවගෙන් ඉල්ලා සිටියි.
ඇති වී තිබෙන අහිතකර කාලගුණ තත්ත්වය හේතුවෙන් පවුල් 176,868ක පුද්ගලයන් 646,567 දෙනකු පීඩාවට පත්ව සිටිති. රජය මේ වනවිට සුරක්ෂිත මධ්‍යස්ථාන 716ක් ස්ථාපිත කර තිබෙන අතර ඒවායේ පවුල් 22,212ක පුද්ගලයන් 78,010 රැඳී සිටින බව ද ආපදා කළමනාකරණ මධ්‍යස්ථානය සඳහන් කරයි.
කාලගුණ විද්‍යා දෙපාර්තමේන්තුවේ අධ්‍යක්ෂ ජනරාල් අතුල කරුණානායක ගේ විශේෂ ප්‍රකාශයක්
