ගොසිප්

ඉතිහාසයේ රට මුහුණ දී ඇති බරපතලම ව්‍යවස්ථා විරෝධී දේශපාලන කුමන්ත්‍රණය අබියස මෙතෙක් වෙන වෙනම සටන් කළ සියලු සංවිධාන එක සටන්  පෙරමුණක් ලෙස සහභාගී වීමට තීරණය කර තිබේ.

ඒ වෙනුවෙන් සංවිධානය වන විරෝධතා උද්ඝෝෂණය හෙට (12)  සවස 3.30ට කොළඹ ලිප්ටන් වටරවුමේ දී පැවැත්වෙයි.

ඊට  අතුරුදහන් වුවන්ගේ පවුල් එකමුතුව, අලුත් පියාපත්, අලුත් පරපුර, කාන්තාව හා මාධ්‍ය සාමුහිඛය, චිත්‍රපට අධ්‍යක්ෂවරුන්ගේ සංසදය, දිදුළන හදවත, ප්‍රජාතන්ත්‍රවාදය උදෙසා මාධ්‍ය පෙරමුණ, ප්‍රජාතන්ත්‍රවාදය උදෙසා මාධ්‍ය මෙහෙයුම, ප්‍රජාතන්ත්‍රවාදය උදෙසා සමනල්ලු, මාරුතයේ හඬ, යහපත් සමාජයක් වෙනුවෙන් ලේඛක ලේඛිකාවෝ,  රයිස් අප් ශ්‍රී ලංකා, සමාජ සමානාත්මතාව සඳහා විශ්වවිද්‍යාල ආචාර්යවරු,වෘත්තීය වෙබ් මාධ්‍යවේදීන්ගේ සංගමය, ශ්‍රී ලංකාවේ කාන්තාවෝ, සාධු ජනරාව, සමබිම ඇතුළු සමාජ සංවිධාන රැසක් එක්ව සිටියි.

යොවුන් ඔලිම්පික් ක්‍රීඩා උළෙලට සහභාගීවන ශ්‍රී ලංකා කණ්ඩායම වෙනුවෙන් පළමු පදක්කම දිනා දීමේ ගෞරවය හිමිකරගැනීමට හලාවතින් ක්‍රීඩාවට දායාද වූ පාරමී මාරිස්ටෙලා සමත්ව ඇත.

ආර්ජන්ටිනාවේ පැවැත්වෙන ක්‍රීඩා උළෙලේ මීටර් 2000 බාධක දිවීමේ ඉසව්වට සහභාගීවෙමින් තුන්වැනි ස්ථානය දිනා ගත් පාරමී, එහි අවසන් තරග වටය ලෙස පැවති  පැවති කිලෝමීටර් 4 ක් වූ රට හරහා දිවීමේ තරගය 17 වැන්නා ලෙස අවසන් කරමින් මෙම පදක්කම තහවුරු කරගැනීමට සමත්ව තිබේ.

මෙම ක්‍රීඩා උළෙලේ මලල ක්‍රීඩා ඉසව් සඳහා සහභාගීවන ක්‍රීඩක ක්‍රීඩිකාවන් අදියර දෙකක් යටතේ තරග කළ යුතු අතර, තරග දෙකේදීම දක්වන දක්ෂතා අනුව පදක්කම් පිරිනැමීම සිදුකරයි

පාරමී මීටර් 2000 බාධක දිවීමේ ඉසව්වේ තුන්වැනි ස්ථානය හිමිකරගෙන තිබීම සහ අවසන් තරග වටයේ  පැවති තරගයේ දක්ෂතාද ගණනය කර ලෝකඩ පදක්කම පිරිණමා තිබේ.

2007 වසරේ ලෝක ශූරතා මලල ක්‍රීඩා තරගාවලියෙ ්දී සුසන්තිකා ජයසිංහ විසින් ලෝකඩ පදක්කමක් දිනාගැනීමෙන් පසුව මලල ක්‍රීඩාවෙන් මෙරට ක්‍රීඩකයෙකු හෝ ක්‍රීඩිකාවක ලැබූ ඉහළම ජයග්‍රහණය මෙය වේ.

16 වියැති පාරමී වසන්තී මාරිස්ටෙලා කුලියාපිටිය මධ්‍ය මහා විද්‍යාලයේ අධ්‍යාපනය හදරන සිසුවියකි.

ආරක්ෂක මාණ්ඩලික ප්‍රධානි රවින්ද්‍ර විජේගුණරත්න අත්අඩංගුවට ගත් පසුගිය නොවැම්බර් 28 දින රාත්‍රී ඔහුගේ බිරිඳ වන යමුනා ද සේරම් මහත්මිය හමුදා මූලස්ථානයේ අවන්හලට පැමිණ කළහකාරී ලෙස ලෙස හැසිරී බලහත්කාරකම් පා ඇතැයි වාර්ථා වේ.
 
එදින රාත්‍රියේ නාවික හමුදා මූලස්ථානයේ නිළධාරී, අවන්හල තුළ තරුණයන් 11 දෙනෙකු පැහැරගෙන යෑමේ නඩුවේ ප්‍රධාන සාක්ෂිකරු වන ලුතිනන් කමාන්ඩර් ගලගමගේ ලක්සිරි සහ තවත් නිලධාරීන් දෙදෙනෙකු මත්පැන් පානය කරමින් සිට ඇත.
 
එම දිනයේ රාත්‍රී 8.30ට පමණ අවන්හලේ පුවත්පත් බලන ස්ථානයේ සිට මත්පැන් පානය කරන ස්ථානයට රවින්ද්‍ර විජේගුණරත්නගේ බිරිඳ සහ ඇගේ පුත්‍රයා පැමිණ ඇත. එම අවස්ථාවේදී නාවික හමුදා මාණ්ඩලික ප්‍රධානියාගේ හා නාවික හමුදා මෙහෙයුම් අධ්‍යක්ෂකවරයාගේ ෆෑලෑග් ඔෆිසර් යනුවෙන් හඳුන්වන නිලධාරීන් දෙදෙනා ඇයට ගුඩ් මෝර්නිං මැඩම් යනුවෙන් ආමන්ත්‍රණය කර ඇත. එහිදී ලුතිනන් කර්නල් ලක්සිරිගේ නම කියමින් අසභ්‍ය වචනයෙන් බැණවැදී ඇත. එම අවස්ථාවෙන් මඟහැරීම සඳහා ලුතිනන් කර්නල් ලක්සිරි අවන්හලේ වෙනත් දොරටුවකින් පිටවී ඇති අතර එම අවස්ථාවේ එසේ පිටවී යන්නේ කවුදැයි රවින්ද්‍ර විජේගුණරත්නගේ බිරිඳ විමසා ඇතත් ඔහු එයට ප්‍රතිචාර නොදක්වා පිවවී ඇත.
 
ඉන් පසු අවන්හලේ මත්පැන් පානය කරන කොටසේ ඉතිරිවී සිටි අනෙක් නිලධාරීන් දෙදෙනාට සහ අනෙකුත් සේවකයන් දෙදෙනාට පිටතට යන ලෙසට නියෝග කර ඇති ඇය සහ ඇගේ පුත්‍රයා නාවික හමුදා මාණ්ඩලික ප්‍රධානී සහ එහි අධ්‍යක්ෂ ජෙනරාල් මෙහෙයුම් සමඟ රාත්‍රී 10 පසුවන තුරු පැය දෙකකට අධික කාලයක් සාකච්ඡාවක නිරත ව සිට ඇත.
අනිද්දා

ජාතික රූපවාහිනී සංස්ථාව මේ දිනවල සමාජ මාධ්‍ය තුළ විශාල  වශයෙන්ම සාකච්ඡාවන මාතෘකාවක් බවට පත්ව ඇත. 

ඒ ජාතික රූපවාහිනියේ සිදුකරන්නට යන වෙනස් කිරීමක් සම්බන්ධයෙනි. විශේෂයෙන්ම සමාජ මාධ්‍ය තුළ දැඩි විවේචනයකට ලක්වූයේ ජාතික රූපවාහිණියේ සලකුණ සැළලිහිණියා ඉවත් කර රූ ලෙසින් ඉංග්‍රීසි භාෂාවෙන් එන සළකුණක් යොදා ගන්නට සූදානම් වීම පිළිබඳවය.

මේ පිළිබඳ පළමු හෙලිදරව්ව පුද්ගලික රූපවාහිනී නාලිකාවකට අයත් පුවත්පතක් මඟින් සිදු කෙරුණු අතර එම පුවතත් සමඟ සමාජ මාධ්‍ය තුළ ලැව්ගින්නක් ලෙසින් මෙය පැතිරෙන්නට විය.

ඒ එල්ලවන චෝදනාවලට රූපවාහිනී සංස්ථාවේ සභාපතිනියද  සිය ෆේස්බුක් ගිණුමෙන් පිලිතුරු දී තිබුණු අතර එම පිළිතුරට දැඩි විවේචනයක් එල්ල වූයේ ඇය අසත්‍ය ප්‍රචාරයක් ගෙනියන බව පවසමිනි.

 කෙසේ වෙතත් මේ පිළිබඳ අප කළ සොයා බැලීමකදී ආවරණය වුයේ ශ්‍රී ලංකා රූපවාහිනී සංස්ථාව පිළිබඳ ජනතා ආකර්ශනය අඩු වී ඇති මොහොතක වැඩි ජනතා ආකර්ශනයක් ඇති කර ගැනීම වෙනුවෙන් සිදුකළ සෘණාත්මක අලෙවි ප්‍රවර්ධන වැඩසටහනක් මෙලෙස ක්‍රියාත්මක වී ඇති බවයි.

එය තවදුරටත් තහවරු කරමින් ජාතික රූපවාහිනියේ නව අධ්‍යක්ෂ ජෙනරාල් සාරංග විජේරත්න මහතා සති අන්ත සිංහල පුවත් පතකට ප්‍රකාශයක්ද නිකුත් කර තිබුණි. එම සම්මුඛ සාකච්ඡාවේදී එය මෙහෙයවූ මාධ්‍යවේදියා සාරංග විජේරත්න මහතාගෙන් විමසා තිබුනේ මෙය රූපවාහිනියේ ගරිල්ලා මාර්කටින් වැඩක් ද යන්නයි. නමුත් ඊට සෘජු පිලිතුරක් දීමට සාරංග විජේරත්න මහතා අපොහොසත් වී අති අතර ඔහු එහිදී ලබා දී ඇති පිළිතුර මෙසේය.

ඒක එහෙම වෙන්නත් පුළුවන් නොවෙන්නත් පුළුවන්. මොකද අපිව විවේචනය කලේ රටේ නම ගිය පුද්ගලයෝ. කැළුම් පාලිත මහීරත්න, විනී හෙට්ටිගොඩ වගේ අය. ඉතින් අපේ රූ බ්‍රෑන්ඩ් එක මිලියන ගාණක් වියදම් කරලා කරගන්න බැරි ප්‍රචාරණය මේ වන විට අපි සමාජ මාධ්‍ය හරහා අරගෙන ඉවරයි යනුවෙනි.
සාරංගගේ මේ ප්‍රකාශයෙන් පැහැදිලි වන්නේ යම් කිසි සැලසුමකට අනුව ජාතික රූපවාහිනිය විසින් සිය ඩිජිටල් මාධ්‍ය සඳහා වු නව සන්නාමය ප්‍රවර්ධන කටයුතු මෙසේ සිදු කර ඇති බවයි.

 කෙසේ නමුත් ජාතික රූපවාහිනියේ සභාපතිනිය මෙන්ම අධ්‍යක්ෂ ජෙනරාල්වරයා ද පැහැදිළිවම ප්‍රකාශ කරන්නේ ඔවුන් රූපවාහිනියේ සැළලිහිණියා ලකුණ කිසි ලෙසකින්වත් වෙනස් නොකරන බවත් ඩිජිටල් මාධ්‍ය වෙනුවෙන් පමණක් රූ සන්නාමය යොදා ගන්නා බවයි.

මේ සම්බන්ධව සාරංග විජේරත්න ඉරිදා ඇපල් පුවත්පතට ලබාදී තිබු සම්පුර්ණ සම්මුඛ සාකච්ඡාව පහත පළවේ.

දේශපාලන, සමාජ හා සංස්කෘතික වෙනසක් සඳහා වූ ස්වාධීන කලාකරුවන්, ජනමාධ්‍යෙව්දීන් සහ සිවිල් සමාජ ක්‍රියාකාරිකයන්ගේ එකමුතුව - ‘‘දිදුලන හදවත’’ සංවිධානයේ ප්‍රවෘත්ති සාකච්ඡාව නොවැම්බර් 14 (හෙට) පෙරවරු 10 ට මරදාන, සමාජ හා සාමයික කේන්ද්‍ර ශාලාවේදී (CSR) පැවැත්වේ.

මේ වන විට රට ඇද දමා ඇති අගාධයෙන් ගොඩගැනීම සඳහා කළ යුතු දෑ පිළිබඳ සාකච්ඡා කිරීම මෙහි මුඛ්‍ය අරමුණ වේ. ඒ  සඳහා පෙරමුණ ගන්නා ඔබ සැමට මෙයට  සහභාගි වන මෙන් ඉල්ලා සිටිමු.

ස්තූතියි.
දිදුලන හදවත සංවිධානය
 
සම්බන්ධීකරණය - විමල් කැටිපෙආරච්චි 0772 980450
අසංක සායක්කාර 0771307776

වෛද්‍ය නුවන්දිකා සිරිවර්ධන විසින් 2018 වසරේ  Ms. British Empire කිරුළ ජයග්‍රහණය කිරීම  සැමරීම සඳහා උත්සවයක් සංවිධානය කරයි. 

මෙම උත්සවය බත්තරමුල්ල වොටර්ස් එජ් හෝටලයේදී පසුගියදා පැවැත්විණ.   

2018 වසරේ සැප්තැම්බර් මාසයේ ඕස්ට්‍රේලියාවේ පර්ත් නුවරදී පැවැති   Ms. British Empire තරඟය පැවැත්විණ. 

ඒ වෙනුවෙන් පැවති මෙම ප්‍රිය සාදය විශේෂ ආරාධිත අමුත්තන් රැසකගේ සහභාගිත්වයෙන් පැවැත්වුනු අතර වෛද්‍ය නුවන්දිකා සිරිවර්ධන වෙත සිය සුභ පැතුම් පිරිනැමීම සඳහා ඇයගේ සමීප හිතවතුන් මෙන්ම පවුලේ සාමාජිකයින් විසින් මෙම අවස්ථාව සංවිධානය කොට තිබුණි. 

මෙහිදී ඇය සිය ජයග්‍රහණය වෙනුවෙන් උදව් උපකාර කළ, ඇප කැප වූ සියලු දෙනාට සිය ස්තුතිය පිරිනැමුවාය.

මෙහිදී අදහස් දැක්වූ වෛද්‍ය නුවන්දිකා සිරිවර්ධන කියා සිටියේ Ms British Empire 2018 කිරුළ  හිමිකරගැනීම තමන්ට මහත් ගෞරවයක්  බවයි. 

ජාත්‍යන්තරය හමුවේ සිය මව් රට වෙනුවෙන් මෙම ජයග්‍රහණය අත්පත් කර ගැනීමට හැකිවීම මහත් භාග්‍යයක් බවද ඇය කියා සිටියාය. මෙම කිරුළ හිමිකරගැනීමේ අත්දැකීම් සහ පළපුරුද්ද අනුව යමින් ශ්‍රී ලාංකික ජන සමාජය ජාත්‍යන්තරය හමුවේ ඔසවා තැබීමට තමන් කැප වන බවද ඇය මෙහිදී පෙන්වා. 
දුන්නාය. එමෙන්ම මෙම ජයග්‍රහණය සඳහා තමන්ට හිමිවූ ත්‍යාග මුදල මුළුමනින්ම මෙරට පිළිකා රෝගීන්ගේ පහසුකම් දියුණු කිරීම සඳහා යොදවන බව ඇය අවධාරණය කළාය. ඊට අමතරව ශ්‍රී ලාංකික ජන සමාජය වෙනුවෙන් තවත් ව්‍යාපෘති ගණනාවකටම සම්බන්ධ වීමට තමන් අපේක්ෂා කරන බව වෛද්‍ය නුවන්දිකා සිරිවර්ධන වැඩිදුරටත් සඳහන් කළාය.

නිරූපණ ක්ෂේත්‍රයේ වසර ගණනාවක අත්දැකීම් සමඟ ඇය මුල්ම වරට  StarNow ආයතනය හරහා  Ms British Empire 2018 සඳහා ශ්‍රී ලංකාව නියෝජනය කරමින් ඉදිරිපත් වීමට සුදුසුකම් ලැබුවාය. එහි මුල් අදියර වශයෙන් පැවැත්වෙන ඡායාරූප යොමු කිරීමේ අවස්ථාවේදී  එහි  නිල ජාත්‍යන්තර ජුරි සභාව විසින් වෛද්‍ය නුවන්දිකා සිරිවර්ධන එම තරඟය සඳහා සහභාගි වීමට සුදුසු බවට නිර්දේශ කිරීමෙන් අනතුරුව  අවසන් තරඟය සදහා තෝරාගැනීමට  සජීවී දැක්මක් ( live show ) පැවැති අතර එයින්ද  ජය ගනිමින් අවසාන මහා තරඟය සඳහා වෛද්‍ය නුවන්දිකා සිරිවර්ධන සුදුසුකම් ලැබුවා ය.  මෙම තරඟාවලිය සඳහා ඇය පුහුණු කරනු ලැබූවේ ප්‍රමුඛ පුහුණූකරුවෙකු  සහ නිර්මාණකරුවෙකු වන බ්‍රයන් කර්කොවන් විසිනි.  මෙම තරඟාවලිය සඳහා වෛද්‍ය නුවන්දිකා සිරිවර්ධනගේ ඇඳුම නිර්මාණය කරනු ලැබුවේ  ප්‍රමුඛ ඇඳුම් නිර්මාණ ශිල්පිණයක වන රැෆීලියා ප්‍රනාන්දු විසිනි. 

වෛද්‍ය නුවන්දිකා ලක්මාලි සිරිවර්ධන  ශ්‍රේණිගත වෛද්‍ය නිලධාරිණියක් වන අතර ඇය නවගමුව ප්‍රාදේශිය රෝහලේ සේවය කරයි. වෛද්‍ය නුවන්දිකා වෛද්‍ය පරිපාලන ක්ෂේත්‍රය වෙත පිවිසීම සඳහා  වන උපාධිය හදාරමින් එහි සිව්වන වසර සම්පූර්ණ කර සිටියි.

වෛද්‍ය ක්ෂේත්‍රයට සම්බන්ධව කටයුතු කිරීමට අමතරව වෛද්‍ය නුවන්දිකා සිරිවර්ධන 2017 වසරේ සිට වෝටර්ස් එජ් හෝටලයේ අධ්‍යක්ෂ මණ්ඩල සාමාජිකාවක් ලෙස ද කටයුතු කරයි. මීට අමතරව ඇය  Healthy life style හි බස්නාහිර පළාත් සන්නාම තානාපතිනිය වන අතර ප්‍රමුඛ විලාසිතා සහ රූපලාවන්‍ය උපකරණ සන්නාමයක් වන Elegant Cleopatra හි සන්නාම තානාපතිනිය ලෙස ද කටයුතු කරයි. මීට අමතරව ඇය ගීත රචිකාවක් මෙන්ම ගායිකාවක් ලෙසද සිය කුසලතා එළි දක්වා ඇති අතර මේ වනවිට  වෛද්‍ය නුවන්දිකා සිරිවර්ධන ශ්‍රී ලංකාවේ පිළිකා ප්‍රතිකාර සඳහා  ආධාර කිරීම වෙනුවෙන් වන පිළිකා පදනම හා එක්ව කටයුතු කරයි.

ජනාධිපති සිරිසේනගේ අතිශය නින්දා සහගත ‘සමනළ කතාව‘ට එරෙහිව සමරිසි ප්‍රජාව සහ ක්‍රියාධරයන් පෙළගැසී ඇත.

ජනාධිපති සිරිසේන විසින් පසුගිය නොවැම්බර් 5 වැනිදා අග්‍රාමාත්‍ය රනිල් වික්‍රමසිංහ මහතා සම්බන්ධයෙන් ‘සමනළ‘ යන යෙදුම භාවිතා කරමින් අපහාසාත්මක ලෙස ප්‍රසිද්ධ වේදිකාවේ සිදුකළ හැසිරීම හෙළා දකිමින් සහ ඒ පිළිබඳ සිය ස්ථාවරය පළ කිරීම සඳහා සමරිසි ප්‍රජා සාමාජිකයන් සහ ක්‍රියාධරයන් විසින් ඊයේ (07) ලිපිටන් වට රවුමේ විරෝධයකට එක්ව සිටියේද ඒ අනුවය.

මේ රටේ පීඩිත ජනයා අතර සමරිසි ප්‍රජාව ප්‍රධාන වන බවත් ඔවුන්ගේ ජීවිත පවා බොහෝ තර්ජන මැද ගෙවන විට එම ප්‍රජාව සමච්චලයට ලක්කිරීම රාජ්‍ය නායකයා ලෙස නොකළ යුතු නින්දාසහගත ක්‍රියාවක් බවද විරෝධතාවට එක්වූ පිරිසේ අදහස විය.

එසේම මේ වන විට ලංකාවේ සමරිසි ප්‍රජාව සමස්ත ජන්දදායකයන් අතුරින් 6%ට ආසන්න ප්‍රමාණයක් නියෝජනය වන බවත් ජනාධිපතිවරයාගේ මේ ප්‍රකාශය හේතුවෙන් ඒ සියළු දෙනා පීඩක පාලකයාට එරෙහිව කටයුතු කරන බවද ඔවුන් සඳහන් කරයි.

තවද කට වචනයකට හෝ වැරදීමෙන්, නොදන්නා කම නිසා මේ ආකාරයේ පහත් කතාවක් ජනාධිපතිවරයා වෙතින් ප්‍රකාශවී ඇති බැවින් මේ ප්‍රජාවගෙන් සමාව ගන්නට ජනාධිපති සිරිසේන කටයුතු කළයුතු  බවත් සිරිසේන ජනාධිපති මනුෂ්‍යයෙක්, මහත්මයෙක් බවට පිළිගැනීම ලබන්නේ එවිට බවත් ඔවුන්ගේ අදහස වී ඇත.

පහත දැක්වෙන්නේ ලිප්ටන් වටරවුමේ වට රවුමේ පැවති ඒ විරෝධයේ වැඩිදුරටත් දැක්වුණු අදහස් ය.

සෑම වසරකම ඔක්තෝබර් 13 වනදා "No Bra Day" වශයෙන් නම් කර ඇත.

2011 වසරේ පමණ සිට මෙම දිනය ලෝක මට්ටමින් සැමරෙන අතර එහි අරමුණ වන්නේ ස්වයං පරීක්ෂණය, විනිවිද පෙනෙන පරීක්ෂාවන් සහ පියයුරු පිළිකා හඳුනාගැනීම සඳහා කාන්තාවන් දැනුවත් කිරීම හා කාන්තාවන් දිරිමත් කිරීමයි.

ඔක්තෝබර් 13 වන දින මැමෝග්රැම් පරීක්ෂාව ලබා ගැනීමට කාන්තාවන්ට දිරිගන්වනු ලැබේ. මේ වන විට වෛද්‍ය තාක්ෂණයේ දියුණුව වෛද්‍යවරයෙකුට වසර දෙකකට පමණ පෙර පිළිකා අවධානම දැනගන්නට හැකියාව ඇත.

ITN පරිච්ඡේදය අවසන්ය.

මීට වසර තුනකට පෙර සුබ පැතූ - ඊයේ සහ අද දුරකථනයෙන් තොරතුරු විමසූ - අප කෙරෙහි බලාපොරොත්තු දල්වාගත් සියලු සහෝදරත්වයට ස්තූතියි. 

ධෛර්යවන්ත සභාපතිනිය තිලකා ජයසුන්දර මහත්මිය සහ ප්‍රධාන විධායක නිලධාරී චන්දන තිලකරත්න මහතා නොමැතිව ``ඇවිත් වැඩකරන්නැ``යි අපට කෙරෙන නිවට යෝජනා සහමුළින්ම ප්‍රතික්ෂේප කරන්නෙමු. 

ඩීල් දැමීම අපගේ ක්‍රමය නොවේ.

ITN වගකීම් දරද්දී අපගේ ප්‍රමුඛ ප්‍රයත්නය වූයේ ම `සුදර්මන් කෙනෙක්` නොවී වැඩකරන්නේ කෙසේද යන්නය. එවන් අපි, ඒ මැරයන් සමග ම තත්පරයකටවත් හිටගන්නේ නැත.

`රටකට ඕනෑ අපමණ අගයක්` ගීතය ලියූවේ ප්‍රජාතන්ත්‍රවාදය පිළිබඳ දේශපාලන අභිලාෂයන් මත මිස, හුදු පුද්ගල ජයග්‍රහණයක් වෙනුවෙන් පමණක් ම නොවන බව මෛත්‍රීපාල සිරිසේන පාර්ශවයේ දැනගැනීම පිණිස මෙහි සටහන් කරමි. 

2015 බල හුවමාරුව සිදු නොවූයේ නම්, සින්දු ලිවීම පිළිබඳ අපට කෝචෝක් කරන ඇතැම් සහෝදර සහෝදරියන් පවා සොයාගෙන රාජපක්ෂ රෙජීමයේ මිලිටරි යන්ත්‍රය එන්නට ඉඩ තිබිණි. 

දේශපාලන තීන්දු තීරණ ගැන සත පහක පසුතැවිල්ලක් නැත.මාධ්‍ය කම්කරුවන්ට රස්සාවල් මහ දේවල් ද නොවේ.

මිත්‍යාවට සහ ජාතිවාදයට එරෙහිව අපට කළ හැකි දේ අපි කළෙමු.කෙසේවෙතත්,ITN පරිශ්‍රයේ දුරකථනවලින් අප අමතා නිසි පරිදි තර්ජනයක් කරගත නොහැකිව තෙපරබාන `මාරයා`* මෙපමණ ඉක්මනට අවදිවූයේත් මැර කණ්ඩායමක් ITN අත්පත් කරගෙන සිටින්නේත් ව්‍යවස්ථා කුමන්ත්‍රණයේ ප්‍රතිඵලයක් ලෙසිනි. 

සුහද මිනිස්කම වෙනුවට නරුම ත්‍රාඩකම යළි ඒ බිල්ඩිමට අරක් ගෙන තිබේ.

අනෙක් අතට,ප්‍රජාතන්ත්‍රවාදය යනු ශුද්ධ වූ වචනයක් නොවෙතත් `අවකාශයන් හැකිලෙද්දී` වමටය දකුණටය කියා වර්ගීකරණයක් නැත. මක්නිසාද යත් සමාජය සංයුක්තය.මිනිස් නිදහස උදෙසා වූ සටන ඇත්තේ බත්තරමුල්ල වික්‍රමසිංහපුර අටවන ලද පුහුණු වහලුන් සහිත දීන කඳවුරක නොව ඉන් එළියේය.

හරි.

අපි සූදානම් !

*මාරයා ඇමතුම ගෙන තිබුණේ ප්‍රධාන විධායක නිලධාරිවරයාටය.

- විමල් කැටිපෙආරච්චි

පිදුරංගල අඩ නිරුවත් ඡායාරූප ගැන ලංකාවේ ජනමධ්‍ය වාර්තා කළ කරුණු බහුතරයක් අසත්‍යය. නම් ගම් පවා වැරදිය. පට්ටපල් බොරු සහ අතේ රෝල් ය.

පහතින් දැක්වෙන ඡායාරූප මේ ගැන පළවු ඒවාය. මේ ඡායාරූප අත්අඩංගුවේ පසුවන ළමුන්ගේ නොවේ. වෙනත් පුද්ගලයින්ගේ ඒවාය. මේ ළමුන් ගේ කය ඇති එක ද ග්‍රැෆික් පොටෝවකි.රටක් බොරුවෙන් ඇන්ද වූ, පිදුරංගල මාධ්‍ය වාර්තා ගැන නිරීක්ෂණ කිහිපයක් මෙසේය.එයින් කිහිපයක් පමණක් මෙසේය.

1. 1. ළමයින්ට නඩු පවරා ඇත්තේ පොලිස් අඥාපනත හෝ අසභ්ය ප්රකාශන පනත යටතේ නොව ඇප ලබා දිය නොහැකි පුරා විද්‍යා පනතක් අල්ලාගෙන ය. දඩුවම ගැන රූපවාහිනී නාලිකා කියූ ගණන් ඉලක්කම් ද, සත්‍ය නෙවේ.
   2. පිදුරංගල නායක හාමුදුරුවෝ ආනන්ද හිමියන් නොවේ. ආනන්ද හිමි ට මේ ස්ථානයට ඇතුළුවීම තහනම් කළ අධිකරණ නියෝගයක් තිබේ. පිදුරංගල නායක හිමියන් ගේ නම පූජ්ය පුබ්බලියේ හිමි ය.
   3. පැමිණිල්ල් දැමූයේ ආනන්ද හිමි යැයි මධ්‍ය කියයි. උසාවි වාර්තා අනුව නම්, සැබෑ පැමිණිලිකරු ඔහු නොව, ආනන්ද හිමි එවූ දායක සභාවේ කෙනෙකි.
   4. පුරා විද්‍යා අධ්‍යක්ෂ ජෙනරාල් ගේ උවමනාවට මෙය පුරා විද්යා පනතට හරවා ඇත. එයට උපදෙස් මණ්ඩාවලගෙනි. පොලීසිය පැමිණිලිකරු, පළමුවන සාක්ෂිකරු බවට පත් කරයි. නමුත්, තමන්ට පැමිණිල්ලක් දමන්නට මණ්ඩාවල කියූ බව උසාවියට දැමූ බී වාර්තාවේ ද දැක්වේ.
   5. පොලීසිය වාර්තා ඉල්ලන්නේ ද මණ්ඩාවලගෙනි. ඒය ලබා නොදෙන්නේ ද පුරා විද්‍යා අධ්‍යක්ෂ මණ්ඩාවල ය. ඒ නිසා ළමයින්ට ඇප නැත.
   6. සැප්. 3 දා ඒ වාර්තා උසාවියට නැත. ඒ නිසා ආයෙත් ළමයි හිරේය. ඒ කථා ජනමාධ්‍ය එකක්වත් කියන්නේ නැත.
   7. තමන් සිසුන්ට සමාව දෙනවා යැයි හාමුදුරුවෝ ජනමාධ්‍යයට නිවේදනයක් ලබාදෙයි. නමුත්, ඒ ගැන අධිකරණයට දිවුරුම්පෙත්සමක් ඉල්ලන්නට යන දෙමාපියන්ට හා නීතිඥයාට ආනන්ද හිමි එය දෙන්නට බෑ කියයි.
   8. පැමිණිලිකරු ගැන කිව්ව කථා සමහරක් ද ඇත්ත නොවේ. වොයිස් කට් දුන්නේ පිදුරංගල සැබෑ නායක හාමුදුරුවන් නොව, අධිකරණ නියෝගයකින් එහි අයිතිය අහිමි කර, මේ ස්ථානයෙන් ඈත වෙනත් පංසලක් සාදාගෙන සිටිනා භික්ෂුන් වහන්සේ නමකි.
   9. ලෝකයේ වැඩිම සෙක්ස් සොයන රට ‘පුකක්‘ නිසා කර ගත් හදිය තේරුම් ගැනීමට මේ පසුබිම වැදගත්ය. පිදුරංගල ගැන ඔබ තොරතුරු ලබා ඇත්තේ කුමකින් ද?

   තමන්ගේ කුණු රස තවරා වැල කථා ප්‍ර‍වෘත්ති ලියූ අයගෙන් ද?

   ‘නිවැරදි තොරතුරු නොලබන ජාතියක් ඉක්මනින් හෝ පමා වී හෝ කවදා හෝ කාගේ හෝ වහළුන් බවට පත් වනු ඇත්තේය යැයි වරක් හැරල්ඩ් ලැස්කි පවසා ඇත.

   අපි නම් දැන් ඒ තත්වයට ලගයි ලගයි වාගේය.

   (මානව හිමිකම් කේන්ද්‍රය )

   

   

කොළඹ වරායේ ජය බහාලුම් පර්යන්තයේදී (JCT) ඇලුමිනියම් ෆොස්ෆයිඩ් (Aluminium Phosphide)වර්ගයේ රසායනික ද්‍රව්‍ය පිරවූ බහාලුමක් පිපිරීමෙන් හටගත් ගින්න මුළුමනින්ම නිවා දැමීමේ කටයුතු සඳහා නාවික හමුදා ගිනි නිවීමේ කණ්ඩායම ඊයේ (ඔක්තෝබර් 23) සහාය දැක්වීය. 

ඇතිවු ගින්න සම්බන්ධයෙන් නාවික හමුදාවට තොරතුරු වාර්තා වූ සැනින් බටහිර නාවික විධානයට අයත් ගිනි නිවීමේ කණ්ඩායමක් එම ස්ථානය වෙත කඩිනමින් පිටත් කර යැවීමට නාවික හමුදාව කටයුතු කරන ලදී.

ඒ අනුව, ක්‍ෂණිකව ක්‍රියාත්මක වූ නාවික හමුදා ගිණි නිවීමේ කණ්ඩායම හා නාවික හමුදා රසායනික ජීව විද්‍යාත්මක විකිරණ න්‍යෂ්ඨික ඒකකයේ නාවිකයින් සහ වරාය ගිනි නිවිමේ ඒකකයේ නිලධාරින් එක්ව මහත් පරිශ්‍රමයක් දරමින් එම රසායනික ගින්න සම්පූර්ණයෙන් නිවා දැමීම‍ට කටයුතු කරන ලදී.

තම ප්‍රතිරූපය කෙළසමින් දියත්කර ඇති සංවිධානාත්මක නින්දිත මිලේච්ච ක්‍රියාවක් සම්බන්ධව මුහුණුපොතේ සටහනක් තැබීමට ජනප්‍රිය රංග ශිල්පිණියක වන සමනලී ෆොන්සේකා කටයුතු කර ඇත.

මෙම පහත් ක්‍රියාවට සම්බන්ධව සිටින පාර්ශව  පුද්ගල අනන්‍යතාවයක් නොමැති ඕපපාතිකයන්‍ නැවත  හෘදසාක්ෂියක් නොමැති නිවටයන් බවත් ඇය තම සටහනේ දක්වා තිබේ.

මෙවන් පටු දේශපාලන වාසි වෙනුවෙන් පෙනී සිටිමින්, තමාව සදාචාරාත්මකව ප්‍රශ්න නොකොට ඕනෑම දෙයක් කිරීමට සූදානම් පිරිසකින් සමාජයකට සිදුවන කිසිඳු හෝ යහපතක් නැති බවත් විනීත බව යනු ස්ත්‍රියකගේ සායේ දිග පළල නොවන අතර  විනීත බව යනු සමාජයක් ලෙස අපි එකිනෙකා කෙරෙහි දක්වන ආදරය හා ගෞරවය බවද එහි සඳහන්ව ඇත.

සමනලී ෆොන්සේකා සිය මුහුණුපොතේ තබා ඇති සම්පුර්ණ සටහන පහත දැක්වේ.

"මේ නොවැදගත් ක්‍රියාව ගැන කිසිවක් නොලියා සිටීමට කලින් සිතුවද මෙය තවදුරටත් නොවැදගත්ම නොවන යැයි හැඟුන නිසා මෙය ලියා තැබීමට තීරණය කළෙමි.

කලාකරුවන් පරස්පර දේශපාලන මතයන් දැරූ අවස්තාවන් අතීතය පුරා ලංකාව තුල අප දැක ඇත. ඇතැම් අවස්ථාවලදී පාතාල පක්ෂ දේශපාලන බලයේ ප්‍රහාරයන්, තර්ජනයන් වලට ඔවුන් ලක් වුණද, සාමාන්‍ය සමාජයේ තර්ජනයන් වලට ඔවුන් හට මුහුණ පාන්නට සිදුවුණේ ඉතාමත් අල්ප ලෙසය. එහෙත් අද වනවිට මේ පාතාල පක්ෂ දේශපාලන බලය ඉතා දරුණු ලෙස සාමාන්‍ය ජනතාව අතට ද පත් වෙමින් පවතී. එයට මූලික හේතුව සමාජ ජාලා වෙබ් අඩවි වුවද, මෙය ඉතා සංවිධානාත්මකව සිදුකරනු ලබන ම්ලේච්ඡ ක්‍රියාවකි. මේ මොහොතේ මා විසින් සිදු කළා යැයි කියනා ක්‍රිස්තියානි ආගමකට අපහාස වන ආකාරයේ ව්‍යාජ ප්‍රකාශයක් මාගේ රූපය භාවිතා කරමින් සමාජ ජාලා වෙබ් අඩවි හරහා සීඝ්‍රයෙන් සංසරණය වෙමින් පවතී. මීට පෙරද ඒ ආකාරයේම බෞද්ධාගමට අපහාස වන ආකාරයේ ප්‍රකාශයක් මා විසින් සිදු කළා යැයි මාගේ රූපය භාවිතා කරමින් ව්‍යාජ ප්‍රචාරයක් මොවුන් විසින්ම ගෙනයනු ලැබිණ. මෙවැනි කිසිඳු ප්‍රකාශයක්, කිසිඳු දිනෙක, කිසිඳු තැනක හෝ ලියවිල්ලක, කිසිවෙකු ඉදිරියේ මා සිදු කර නැති අතර මා එසේ සිදුකොට ඇත්නම් ඒවා සාක්ෂි සහිතව ඉදිරිපත් කර මා හට නඩු පවරන ලෙසට මා මෙවැනි බියගුල්ලන්ට ප්‍රකාශකර සිටිනවා.

මම මහා නිළියකට සරිලන ජීවිතයක් නඩත්තු කරන්නියක නොවෙමි. මා ඉතාම සාමාන්‍ය ලෙස, සාමාන්‍ය ජනතාව සමඟ ජීවත් වන කෙනෙකි. මේ අතිශය සදාචාර විරෝධී ක්‍රියා මගින් ස්ත්‍රියක ලෙස මගේ එදිනෙදා ජීවිතයට විය හැකි තර්ජනයන් සුළුවෙන් තැකිය නොහැක. කෙනෙකුගේ ජීවිතයක්, ආත්ම ගෞරවයක් පිළිබඳව හැඟීම් මාත්‍රයක් හෝ නොමැති මෙවන් ආත්ම ශක්තිය හීන පහත් මින්සුන් තමා අදහන ආගමටකටවත්, තමා ජීවත් වන සමාජයටවත්, තමා විශ්වාස කරන දේශපාලනයටවත් කිසිදා සවිඤ්ඤාණික වූ පිරිසක් නොවේ. ඔවුන් පුද්ගල අනන්‍යතාවයක් නොමැති ඕපපාතිකයන්‍ ය, හෘදසාක්ෂියක් නොමැති නිවටයන්ය, මෙවන් පටු දේශපාලන වාසි වෙනුවෙන් පෙනී සිටිමින්, තමාව සදාචාරාත්මකව ප්‍රශ්න නොකොට ඕනෑම දෙයක් කිරීමට සූදානම් පිරිසකින් සමාජයකට සිදුවන කිසිඳු හෝ යහපතක් නැත.

විනීත බව යනු ස්ත්‍රියකගේ සායේ දිග පළල නොවේ, විනීත බව යනු සමාජයක් ලෙස අපි එකිනෙකා කෙරෙහි දක්වන ආදරය හා ගෞරවය යි. විනීත බව යනු කුමන මත ගැටුම්, පරස්පරතා තිබුණද අපි එකෙනෙකා කෙරෙහි දක්වන විවේචනයේ ඇති සදාචාරාත්මක විශ්වාසවන්ත භාවයයි. ස්වකීය අවංකභාවයන් දිය වී යන, මෙවන් හැඟීම් දැනීම් නැති ප්ලාස්ටික් සමාජයක මූලයන් මා ජීවත් වී සිටියදීම දැක ගැනීමට ලැබීම ඉතාම ඛේදජනක තත්ත්වයකි. එහෙත් මේ කිසිඳු සිදුවීමක් නිසා මනුෂ්‍යත්වයේ නාමයෙන් මෙම සමාජය වෙනස් කිරීම සඳහා තව තවත් වැඩ කළ යුතුය යන සිතිවිල්ලට මා අත්හැර යන්නට කිසිදිනෙක මා ඉඩ දෙන්නේ නැත...! ආදරය වැඩි ඈතක නොවේ... ස්තූතියි...!"

• සමනලී ෆොන්සේකා.
• * හැකිනම් ශෙයා කරන්න...!

ලෝකයේ සංචාරය කිරීමට හොඳම රට ලෙස ලංකාව අංක එකේ ස්ථානයට නම්කර ඇත.

සුප්‍රකට Lonely Planet සඟරාව විසින් වාර්ෂිකව මෙම ශ්‍රේණිගත කිරීම කර තිබෙන  අතර ඊට අනුව  2019 වසරේ සංචාරය කිරීමට හොඳ රටවල් අතර අංක එකේ ස්ථානයට  ලංකාව  නම් කර තිබේ.

ශ්‍රී ලංකාවට අමතරව සිම්බාබ්වේ, පැනමා, ජර්මනිය යන රටවල් මුල් සථාන පහ අතර පසුවෙයි.

ශ්‍රී ලංකාවේ අවම පිරිවැයක් යටතේ සංචාරය කිරීමට අවස්ථාව තිබෙන බව එහි  පෙන්වාදී තිබෙන අතර  ශ්‍රීලංකාවේ වෙරළ තීරය , සීගිරිය,සිංහරාජය සහ මධ්‍යම කඳුරය සංචාරය කළම යුතු ස්ථාන යැයිද දක්වා තිබේ.

පෘතුගාලයේ සුප්‍රසිද්ධ පාපන්දු ක්‍රීඩක ක්‍රිස්ටියානෝ රොනාල්ඩෝ 2009 වසරේදී තමන් දූෂණයට ලක්කළ බවට අමෙරිකානු කාන්තාවක නගා ඇති චෝදනා "අසත්‍ය පුවතක්" බව පවසමින් රොනාල්ඩෝ එය ප්‍රතික්ෂේප කර තිබේ.

"තමන්ගේ නම භාවිත කරමින් (ඔවුන්) ප්‍රසිද්ධියක් ලැබීමට උත්සහ කරන" බව ඉන්ස්ටග්‍රෑම් වෙත මුදා හළ වීඩීයෝවක් මගින් ඔහු පවසා ඇත.
එය සාමාන්‍ය දෙයක් බව ද ඔහු එහි සඳහන් කර තිබේ.

රොනාල්ඩෝගේ නීතිඥයින් පවසන්නේ, අදාළ සිද්ධිය පිළිබඳව මුලින් ම වාර්තා කළ ජර්මනියේ Der Spiegel සඟරාවට එරෙහි නඩු පවරන බවය.

33 හැවිරිදි ක්‍රිස්ටියානෝ රොනාල්ඩෝ විසින් ලාස් වේගාස්හි හෝටල් කාමරයකදී 34 හැවිරිදි කැත්රින් මයෝගා (Kathryn Mayorga) නමැති කාන්තාව දූෂණය කරනු ලැබ ඇති බව එම සඟරාවෙහි දැක්වේ.

ඒ පිළිබඳ ලාස් වේගාස් පොලිසියට තමන් දූෂණය කිරීමට පිළිබඳ කැත්රින් පැමිණිළි කර තිබූ බව වාර්තා වේ.

මේ අතර, මේ සිදුවීම පිළිබඳ ප්‍රසිද්ධියේ චෝදනා නොකරන බවට රොනාල්ඩෝ සහ ඇය අතර අමෙරිකානු ඩොලර් 375000ක රහස්‍යමය ගනුදෙනුවක් 2010 වසරේදී සිදුව ඇති බවට ද වාර්තා පළවී තිබේ.

එම රහස්‍ය එකඟතාව නීත්‍යනුකූල නොවන බවට තහවුරු කිරීමට කැත්රින්ගේ නීතිඥයෝ ක්‍රියා කරමින් සිටිති.

මේ අතර, නිවේදනයක් නිකුත් කරමින් රොනාල්ඩෝගේ නීතිඥ ක්‍රිස්ටියන් ෂර්ට්ස් (Christian Schertz) සඳහන් කර ඇත්තේ, "Der Spiegel සඟරාවේ පළ කර ඇති වාර්තාව සම්පූර්ණයෙන් ම නීතිවිරෝධී එකක්" බව ය.

"බොහෝ විට මෑත වසර කීපය තුළ සිදුවූ දරුණුම පුද්ගල අයිතිවාසිකම් උල්ලංඝණය කිරීම" මගින් "අයුක්ති සහගත හානියක්" කිරීම සම්බන්ධයෙන් අදාළ සඟරාවෙන් වන්දියක් අය කර ගැනීමට තමන්ට උපදෙස් ලැබී ඇති බව ද ඔහු තවදුරටත් සඳහන් කරයි.‍‍

ක්‍රිස්ටියානෝ රොනාල්ඩෝ මෙතෙක් කලක් පෘතුගාලයේ බිහිවූ විශිෂ්ටතම පාපන්දු ක්‍රීඩකයෙකු ලෙස සැලකේ.
බීබීසී

ලෙබනන් රටෙහි රැකියාව සදහා පිටත්ව ගොස් එහිදී කිසිදු තොරතුරක් නොමැති කාන්තාවක පිළිබදව තොරතුරක් ලබාගැනීම සදහා ශ්‍රී ලංකා විදේශ සේවා නියුක්ති කාර්යාංශය මහජන සහය පතයි.

මෙසේ තොරතුරු අවශ්‍යව ඇත්තේ රඹුක්කන, කොටවැල්ල ප්‍රදේශයේ පදිංචිව සිටි වනසිංහ ආරච්චිලාගේ රේණුකා වනසිංහ නැමැති අය සම්බන්ධයෙන් වන තොරතුරුය.

රේණුකා වනසිංහ මහත්මිය 2005 වසරේ ජනවාරි මස 08 වන දින ලෙබනනය බලා පිටත්ව ගොස් තිබෙන අතර මේ වන විට ඇය සම්බන්ධයෙන් කිසිදු තොරතුරක් නොමැති බව විදේශ සේවා නියුක්ති කාර්යාංශය සඳහන් කරයි.

මෙම කාන්තාව පිළිබද තොරතුරක් දන්නා අයෙක් වේ නම් විදේශ සේවා නියුක්ති කාර්යාංශයේ සමථ III අංශයේ 0112864136 යන දුරකතන අංකයට දැනුම් දෙන ලෙසද එය  ඉල්ලා සිටියි.

තොරතුරු අවශ්‍ය කාන්තාවගේ ඡායාරූපය මේ සමග අමුණා තිබේ.

දිනක් හිටපු ජනපති මහින්ද ඇතුලු පිරිස එන්ගලන්ත සංචාරයක යෙදී සිටි අවස්ථාවකදී එලිසබෙත් මහ රැජීන විසින් තමන් සමග තේ පැන් සංග්‍රහයකට සහභාගි වන ලෙස ආරාධනාවක් කලේය . තමන්ද රජ කෙනෙකු ලෙසින් තම පාක්ෂිකයන් හදුන්වන අවස්ථාවකදී , රජ පවුලක් හැසිරෙන්නේ කෙසේදැයි දැන ගැනිමට ආසාවෙන් සිටිනිසා මෙ ආරාධනාව ඉතසිතින් බාර ගැනුනි . නියමිත වෙලාවට තම බිරිද සමග බකිංහැමි මාලිගය වෙත පැමිනි ඔවුන් රැජින විසින් උනුසුමිව පිලිගැනුනි. ඔවිහු තේ බොමින් ඇය සමග සුහද කතාබහක යෙදිනි.

මහින්ද - ඔබෙ සාර්ථකත්වයේ රහස කුමක්ද ?

රැජින - නිතරම බුද්ධිමත් කාර්යශුර අය ලං කර ගෙන සිටීම.

මහින්ද - ඔබ තුමියට මට ඒ ගැන උදාහරනයක් දෙන්න පුලුවන්ද ?

රැජින - ඉතා හොද ප්‍රශ්නයක් ජනාධිපතිතුමනි ... පොඩිඩක් ඉන්න මං ඔබට එය තහවුරැ කරන්නං

ඇය එසැනින් බොත්තමක් ඔබා කතාබහ සියල්ලන්ටම ඇසෙන පරිදි තම අගමැති ඩෙවිඩි කැමරන් දුරකථනයෙන් සමිබන්ධ කර ගත්තේය.

රැජින - අගමැතිතුමනි ! කරැනාකර මගේ මෙ ප්‍රශ්නයට උත්තරයක් දිය හැකිද ?

කැමරන් - අසන්න මහ රැජින ...

රැජින - අගමැතිතුමනි ! මගේ ප්‍රශ්නය මෙයයි ... ඔබෙ මවට දරැවෙක් ඉන්නවා... ඔබෙ පියාටත් දරැවෙක් ඉන්නවා.... මෙ දරැවා ඔබෙ සහෝදරයෙකුත් නොවෙයි ... ඔබෙ සහෝදරියෙකුත් නොවෙයි... එසේනමි මෙ දරැවා කවුද ?
කැමරන් - ඒ මමයි මහ රැජින !

රැජින - ඔබ නිවැරදියි . බොහොම ස්තුතියි අගමැතිතුමා... ( දුරකථනය විසන්ධිකරමින් ජනපති මහින්ද දෙසට හැරෙමින්) දැන් ඔබට තහවුරැ උනාද ?

මහින්ද - ඔවි මහ රැජින .. මමත් ඔබව අනුගමනය කරන්නමි.. බොහොම ස්තුතියි !

පෙරලා ලංකාවට පැමිනි පසු මහින්ද තමන්ගේ ප්‍රධාන දේශපාලන උපදේශක වන විමල් වීරවංශගේ බුද්ධිය පරික්ෂා කිරීමට සිත් විය. ඔහු විමල්ව කාල්ටන් නිවසට  කැදවීය .

මහින්ද - විමල් මල්ලී ! මං ප්‍රශ්නයක් අහන්න උත්තර දෙන්න පුලුවන්ද?

විමල් - කියන්න අයියා ! අයියට මොනාද මං කරන්නේ නැත්තේ .....

මහින්ද - හොදයි මල්ලි .. හොදට අහගන්න ... ... ඔයාගේ මවට දරැවෙක් ඉන්නවා... ඔයාගේ පියාටත් දරැවෙක් ඉන්නවා.... මෙ දරැවා ඔයාගේ සහෝදරයෙකුත් නොවෙයි ... ඔයාගේ සහෝදරියෙකුත් නොවෙයි... එහෙනං මෙ දරැවා කවුද ?

විමල් හිතන්නට විය. මහින්ද එංගලන්තයට ගියාට පස්සේ මාර උගතෙක් වී දැයි සිතීය. තමන්ව මෙසේ අමාරැවෙ දාන්න හිතුනේ කාගෙන් වත් කේලමක් අසා දැයි සිතීය. මද වෙලාවක් සිට කටහඩ අවදි කලේය..

විමල් - අයියා ...මට ටික වෙලාවක් දෙනවද ?

මහින්ද - හරි මල්ලි හරි !

විමල් කාල්ටන් නිවසට එලියට ගොස් හනිකට තම පක්ෂයේ ඉහල සාමාජිකයන් කැදවීය.. මුසාමිල් , වීරකුමාර ආදීන් හනිකට පැමින ජනාධිපතිගේ ප්‍රශ්නයට උත්තරය කුමක්දැයි සාකචිචා කලේය.

නමුත් කිසිවෙකුටත් උත්තරය සොයාගත නොහැකි විය.. මුනුත් මං වගේම යංතං අට පාස් එවුන් තමයි කියා සිතු විමල් වහාම තම පක්ෂයේ අනුශාසක ලෙස කටයුතු කරන දොස්තර ගුනදාස අමරසේකර හමුවීමට ඔහුගේ නිවසට ගියේය. ඔහුට මහින්ද ඇසූ ප්‍රශ්නය යොමු කලේය.

විමල් - මගේ ප්‍රශ්නය මෙයයි ... ඔබෙ මවට දරැවෙක් ඉන්නවා... ඔබෙ පියාටත් දරැවෙක් ඉන්නවා.... මෙ දරැවා ඔබෙ සහෝදරයෙකුත් නොවෙයි ... ඔබෙ සහෝදරියෙකුත් නොවෙයි... එසේනමි මෙ දරැවා කවුද ?

අමරසේකර - ඉතිං ඒ මමනේ ( ක්ෂනයකින් පිලිතුරැ දිය )

විමල් ඔහුට ස්තුති කොට නැවතත් මහින්ද හමු විය.

විමල් - අයියා උත්තරය හමිබඋනා ..

මහින්ද -.. මං දන්නවනේ මල්ලිගෙ මොලේ .... අට පාස් නෑ කියලා  ගහන්නේ තනිකර මඩනේ... එහෙනං කියන්න මල්ලියේ ..!

විමල් - ( ආඩමිබරයෙන් ) ඒ දරැවා තමයි දොස්තර ගුනදාස අමරසේකර !!!

මහින්ද - ( මුහුන රතුවෙමින් ) මෝඩයා .. දැං තේරෙනවා අට පාස් නෑ කියලා  කියන්නේ ඇත්ත තමයි කියලා .

විමල් - ( ලැජ්ජාවෙන් ඇඔරෙමින් ) එහෙනං කවුද අයියේ මෙ දරැවා ?

මහින්ද - ඒ දරැවා තමයි ඩෙවිඩි කැමරන් !!!!!!

(උපහාසය කතාවක් - උපුටා ගත්තකි)

කැනඩාව තුළ කංසා  සම්පූර්ණයෙන් නීත්‍යනුකූල කිරීමට එරට බලධාරීන් කටයුතු කර ඇති අතර  ඒ අනුව හෙට (17) සිට  එරට තුළ මෙතෙක් බලපෑ සියලු තහනම් නිෂ්ප්‍රභ වී යන බව වාර්තා වෙයි.

ඒ අනුව කැනේඩියානු ෆෙඩරල් නීතිය සැකසෙන්නේ  වැඩිහිටියන්ට පමණක් බලපත්‍රලාභී නිෂ්පාදකයින්ගෙන් කංසා මිලට ගැනීමට හා පරිභෝජනයට හැකියාව ලැබෙන ආකාරයටය

කැනඩාව යනු  ලෝකයේ වැඩිම තරුණ ජනගහණයක් කංසා පරිභෝජනය  කරන රටක් ලෙස සැළකෙන අතර ජාවාරම් නැවැත්වීමටත් ඒ හරහා  ඇමරිකානු ඩොලර්  බිලියන 8.7  ක් පමණ ආදායමක් රජයට ලැබෙනු ඇති බව එරට බලධාරීන් විශ්වාසය පළකරන බවද වාර්තා වෙයි. 

කෙසේවෙතත් මෙම නිතිය විවිධ ප්‍රාන්ත වල වෙනස්කම් සහිතව බලාත්මක වනු ඇති බවත් ඒ අනුව  ඔන්ටේරියෝ ප්‍රාන්තයේ දුම්පානය කරන ඕනෑම තැනක  කංසා පානය කිරීම‍ට හැකිවුවත්  නිව් ලුන්ඩ්ස්වික්, නිව් ෆවුන්ලන්ඩ් හ‍ා ලැබ්‍රදෝර් ප්‍රාන්තයන්හි එලෙස සෑම දුම් පානය කරන ස්ථානයක කංසා පානය කළ නොහැකි බවත් විදෙස් මාධ්‍ය වාර්තා සඳහන් කර ඇත.

ස්වාභාවිකව නිෂ්පාදනය කරන තල් රා, පොල් රා, කිතුල් රා ආදිය දුරාතීතයේ සිට අපේ රටේ ගැමි ජනජීවිතය සමඟ බැඳී තිබුණි. එසේ නමුත් රා බී මැරුණු මිනිස්සු ගැන අපේ රටේ ඉතිහාසයේ අප අසා තිබුනේ නැත.