V2025

ව්‍යාපාරික

ඖෂධ නියාම අධිකාරියට තවත් චෝදනාවක් !

කොවිඩ් ප්‍රතිසංස්කරණ එන්නත් ඇතුලු බටහිර ඖෂධ 250 ක් නිෂ්පාදනය කිරීමට හැකියාව ඇති තම සමාගමට සෞඛ්‍ය අමාත්‍යාංශය සහ ජාතික ඖෂධ නියාමන අධිකාරිය අවසර දෙන්නේ නැතැයි දේශීය ඖෂධ සමාගමක් වන පන්නල නිව්ජෙන් ලංකා සමාගම චෝදනා කරයි.

රට ඩොලර් අර්බුදයකට මුහුණ පා ඇති මෙම අවස්ථාවේ දී ඖෂධ ආනයනය සදහා වැයවන විශාල මුදල් ප්‍රමාණය ඉතිරි කරගෙන ඖෂධ අපනයනය කිරීමෙන් විශාල විදේශ විනිමය ප්‍රමාණයක් උපයා ගත හැකි අවස්ථවක් රජයට මගහැරී ඇතැයිද එම සමාගමේ සාමාන්‍යාධිකාරි රොහන්ත දිසානායක පවසයි.

සෞඛ්‍ය අමාත්‍යාංශයේ නිසි අවසරය නොලැබීම හේතුවෙන් රුපියල් කෝටි 600 ක ආයෝජනයක් සිදුකර ආරම්භ කර ඇති මෙම ආයතනය අද වන විට සිදුකරනුයේ සිය නිෂ්පාදන ධාරිතාවයෙන් සීයට දෙකක් පමණක් බවද ඔහු පවසයි.

වැඩිදුරටත් ඔහු මෙසේද සඳහන් කරයි.

අපි 2017 වර්ෂය වෙනකොට යටිතල පහසුකම් ඇතුලු සියලු ඉදිකිරීම් අවසන් කළා. මෙහිදී අපි නිෂ්පාදන ඒකක තුනක් ඉදිකලා. සාමාන්‍ය ඖෂධ, ප්‍රතිජීවක ඖෂධ සහ ජෛව සමාන නිෂ්පාදන මෙම ඒකක තුන තුල නිපදවීමට සැලසුම් කළා. ඒත් එක්කම අපි මෙම අමුද්‍රව්‍ය සහ නිෂ්පාදන පරීක්ෂා කිරීම් කටයුතු සදහා අති නවීන තාක්ෂණික උපාංග වලින් යුතු පරීක්ෂණාගාර කීපයකුත් ඉදිකරලා තියෙනවා.

අපි 2017 වර්ෂයේදී ජාතික ඖෂධ නියාමන අධිකාරියට කිව්වා අපිට බටහිර ඖෂධ 250 ක් නිෂ්පාදනය කිරීමේ හැකියාව තියෙනවා කියලා. ඒ සදහා අපි නියැදි සහිතව අවශ්‍ය ලිපිගොනු එම ආයතනයට බාරදුන්නා. මේ ආකාරයෙන් අපි නිෂ්පාදන කටයුතු සිදුකළානම් ඖෂධ ආනයනය සදහා වසරකට වැයවන මුදලින් රුපියල් බිලියන 5 ක් මේ රට තුල ඉතිරි කරගැනීමට හැකියාව තිබුණා. ඒ සමගම අපේ නිෂ්පාදන අපනයනය කිරීම තුලින් වසර දෙකකට ඇමරිකන් ඩොලර් මිලියන 50 බැගින් විදේශ විනිමයක් උපයාගැනීමට හැකියාවක් තිබුණා.

අප නිෂ්පාදනය කරන ඖෂධ ම්ළදී ගැනීම සදහා අපි රාජ්‍ය ඖෂධ නීතිගත සංස්ථාව සමග ගිවිසුමකට එළැඹියා නමුත් ඒ කටයුතු ක්‍රියාත්මක වුනේ නැහැ. ඒත් එක්කම ජෛව සමාන නිෂ්පාදන නිපදවීම ආරම්භ කිරීම සදහා ජාතික ඖෂධ නියාමන අධිකාරිය සහ ලෝක සෞඛ්‍ය සංවිධානය විසින් අපට කර්මාන්තශාලාවේ යම් යම් අවශ්‍යතා සපුරාගන්නා ලෙස දන්වා සිටියා. ඒ අනුව කටයුතු කරමින් අපි ඒ කටයුතු සිදුකළා. ඉන්පසු අපි අමුද්‍රව්‍ය ආනයනය කරලා අදාල ඖෂධ වල නියැදි නිෂ්පාදනය කළා. අපට ඒ සදහා රුපියල් මිලියන 500 ක් වැයවුනා. මේ ඔක්කොම පිළිකා සදහා ලබාදෙන ඖෂධ. දැන් අපි ඒ නියැදි වසර දෙකකට ආසන්නව ළග තබාගෙන ඉන්නවා. නමුත් අපට තවමත් අනුමැතිය ලැබී නැහැ. අපි ඒ නියැදි අදාල තත්ව යටතේ තබාගෙන ඉන්නවා. විශේෂයෙන්ම අපිට තමා සම්පූර්ණ ජීවානුහරණ පද්ධතියක් සහිත කර්මාන්තශාලාවක් තියෙන්නේ මේ රටේ.

මේ දිනවල විශේෂයෙන්ම කොවිඩ් වසංගතය සදහා ඒ අදාළ අමුද්‍රව්‍ය ගෙනල්ලා කෙළින්ම නිෂ්පාදනය කිරීමේ හැකියාව අපට තියෙනවා. අපි ඒ ගැන රජයට කියලා තියෙනවා නමුත් මේ දක්වා ප්‍රතිචාරයක් නැහැ. ඒ වගේම අපි රුසියාවේ සහ වියට්නාමයේ ප්‍රධාන ඖෂධ නිෂ්පාදන සමාගම් දෙකක් සමග තාක්ෂණය හුවමාරු කරගැනීමට ගිවිසුම් ගත වෙලා තියෙනවා. ඒ අනුව එම සමාගම් ඔවුන්ගේ නිෂ්පාදන අලෙවි කරන රටවල් වලට අපේ නිෂ්පාදනත් අලෙවි කිරීමේ හැකියාවක් අපට තියෙනවා.

මෙම කර්මාන්තශාලාවේ ධාරිතාවයෙන් සීයට එකක් දෙකක් පමණ නිෂ්පාදනයක් කරලා අපට මෙම කර්මාන්තශාලාව පවත්වාගෙන යාමේ ගැටලුවක් තියෙනවා. විශේෂයෙන්ම අපි මෙම ක්ෂේත්‍රයේ ප්‍රවීන විදේශික සේවක සංඛ්‍යාවක් බදවාගෙන තිබෙනවා. ඒත් එක්කම මෙරට තරුණ උපාධිධාරින් පිරිසක් අපි සේවය සදහා එක්කරගෙන තියෙනවා. ඔවුන්ට නිසිලෙස වැටුප් ලබාදීම සහ කර්මාන්තශාලාව නඩත්තු කරගෙනයාමට විශාල මුදලක් වැයවෙනවා. අපේ ධාරිතාවය අඩුම වශයෙන් සීයට අසූවකටවත් පැමිණෙන්නේ නම් අනිවාර්යයෙන්ම අපට තවත් රැකියා 400 ක් පමණ ලබාදීමට හැකියාව තිබෙනවා.

01 1

03 2

04

 

Comment (0) Hits: 246

මූල්‍ය සමාගම් දෙකක් ඒකාබද්ධ කිරීමට මහ බැංකුවේ අනුමැතිය

මෙරට ලැයිස්තුගත මූල්‍ය සමාගම් දෙකක් වන ආපිකෝ ෆයිනෑන්ස් කම්පැනි පීඑල්සී හා ඇසෝසියේටඩ් මෝටර් ෆයිනෑන්ස් කම්පැනි පීඑල්සී යන මූල්‍ය සමාගම් දෙක ඒකාබද්ධ කිරීම සඳහා ශ්‍රී ලංකා මහ බැංකුවේ මූලික අනුමැතිය හිමිව තිබේ.

2020 දෙසැම්බර් 22 දින අදාළ අනුමැතීන් ලද බව එම සමාගම් දෙක කොළඹ කොටස් වෙළෙඳපොළ වෙත දැනුම් දී සිටී.

ආපිකෝ ෆයිනෑන්ස් කම්පැනි පීඑල්සී හි 94.02% ක හෙවත් 6,992,610 ක කොටස් අයිතිය ඇසෝසියේටඩ් මෝටර් ෆයිනෑන්ස් කම්පැනි පීඑල්සී සතුව පවතී.

සෙසු කොටස්කරුවන් සතු හිමිකාරීත්වය ප්‍රකාශිත ප්‍රාග්ධනයෙන් 5.98% ක් හෙවත් කොටස් 444,890 කි.

මෙම ඒකාබද්ධ කිරීමට අනුව ආපිකෝ ෆයිනෑන්ස් කම්පැනි පීඑල්සී කොටස්කරුවන් හට ඔවුන් සතු  සෑම කොටස් 100 ක් වෙනුවෙන් ඇසෝසියේටඩ් මෝටර් ෆයිනෑන්ස් කම්පැනි පීඑල්සී  කොටස් 76 බැගින් හිමිවනු ඇත.

මෙහිදී මුදල් ගෙවීමක් සිදුනොකෙරේ.2021 මාර්තු 31 දින වන විට අදාළ ඒකාබද්ධ කිරීමේ කටයුතු අවසන් කිරීමට සැලසුම් කර තිබේ.

(දෙරණ )

Comment (0) Hits: 577

පුද්ගලික ක්‍රෙඩිට් කාඩ්වලින් බිස්නස් කරන්න බැහැ – මහ බැංකුව !

වාණිජ බැංකු විසින් පුද්ගලික පරිහරණය සඳහා නිකුත් කර තිබෙන ක්‍රෙඩිට් කාඩ්පත් ව්‍යාපාරික අරමුණ සඳහා භාවිත කිරීමට නොහැකි බව ශ්‍රී ලංකා මහ බැංකුව පවසයි. අද (19) පැවති මාධ්‍ය හමුවක දී මේ සම්බන්ධයෙන් කළ විමසීමක දී ශ්‍රී ලංකා මහ බැංකුවේ නියෝජ්‍ය අධිපතිනි ටී. එම්. ජේ. වයි. පී. ප්‍රනාන්දු  මේ බව සඳහන් කළාය.

"මේක මේ දවස් කිහිපයේම අපිට අහන්න ලැබුණු දෙයක්. ණය කාඩ්පපත්වලින් ගෙවීම් සම්බන්ධව ශ්‍රී ලංකා මහ බැංකුවෙන් කිසිම අලුත් නීතියක් පනවා හෝ ඒසේ කාඩ්පත් ගෙවීම් නවත්වන්න කියලා නැහැ. දැනට තියෙන නීතිය තමයි ණය කාඩ්පතක් පාවිච්චි කරන්න පුළුවන් තමන්ගේ පෞද්ගලික අවශ්‍යතාවයකට අවශ්‍ය කරන දෙයක් ලබා ගන්න. ‌වෙළෙඳාමක් වගේ දේකට භාණ්ඩ ලබාගන්න පාවිච්චි කරන්න බැහැ. නමුත් සාමාන්‍යයෙන් තමුන්ගේ පාවිච්චියට අන්තර්ජාලයෙන් භාණ්ඩ මිල දී ගන්න, අධ්‍යාපන ආයතනයකට ගෙවීමක් කිරීම වැනි සාමාන්‍යයෙන් කරන කටයුතු කරන්න තාම පුළුවන්. ඒකට කිසිම බාධාවක් අපේ නීතිවලින් ඇතිකරලා නැහැ."

ක්‍රෙඩිට් කාඩ්පත් හරහා විදේශ ගෙවීම් සිදුකිරීමේ දී බැංකු විසින් යම් යම් සීමා පනවා ඇති බවක් වාර්තා වී තිබෙන අතර ඒ් පිළිබඳව ශ්‍රී ලංකා මහ බැංකු අධිපති මහාචාර්ය ඩබ්. ඩී ලක්ෂ්මන් මහතා මෙසේ කියා සිටියේය. "ඔබට පුද්ගලික පරිහරණයට ලැප්ටොප් පරිගණකයක් ක්‍රෙඩිට් කාඩ්පත භාවිතා කරලා ඒය මිල දී ගන්න පුළුවන්. නමුත් ඔබ වාණිජ අරමුණක් ඇතිව ලැප්ටොප් 10 ක් හෝ 15 ක් මිල දී ගන්න කටයුතු කරනවා නම් ඒය ප්‍රශ්නාර්ථයක් විය හැකියි."

මේ අතර විදේශ ‌ගෙවීම් සිදුකිරීමේ දී ක්‍රෙඩිට් කාඩ්පත් සඳහා අමතර ගාස්තු අයකිරීමක් වාණිජ බැංකු විසින් මේ වන විට සිදුකරන අතර ඒ සම්බන්ධයෙන් කළ විමසීමක නියෝජ්‍ය අධිපතිවරිය වැඩිදුරටත් පැවසුවේ මහ බැංකුවේ ජාත්‍යන්තර කටයුතු මෙහෙයුම් දෙපාර්තමේන්තුව මේ පිළිබඳ සොයා බලන බවයි.

(අද දෙරණ )

Comment (0) Hits: 217

අලුත් ආණ්ඩුවේ ඇමතිකමට කොළඹ කොටස් තැරැව්කාරයන්ගේ සංගමයේ පැසසුමට !

අක්‍රීයව පැවති දේශීය ආර්ථික කාර්යයන් නව අමාත්‍ය මණ්ඩලය පත්කිරීම තුලින් සක්‍රීය කිරීමට කටයුතු කිරීම සම්බන්ධයෙන් කොළඹ කොටස් තැරැව්කරුවන්ගේ සංගමය (CSBA) ආග්‍රාමාත්‍ය මහින්ද රාජපක්‍ෂ මහතා ප්‍රමුඛ නව රජයටත්, අභිනව මුදල් හා ප්‍රාග්ධන වෙළෙඳපොළ සහ රජ්‍ය ව්‍යාවසාය ප්‍රතිසංස්කරණ රාජ්‍ය අමාත්‍ය ගරු අජිත් නිවාඞ් කබ්රාල් මහතා වෙතත් සිය උණුසුම් සුබපැතුම් පුදකර සිටී.

ශ්‍රී ලාංකීය ඉතිහාසය තුළ සුවිශේෂී කඩඉමක් සනිටුහන් කරමින් වෙළෙඳපොළ කාර්යයන් ඉලක්ක කර ගනිමින් ඒ සඳහාම වූ අමාත්‍යවරයකු පළමුවරට පත්කිරීම සම්බන්ධයෙන් අතිගරු ජනාධිපති ගෝඨාභය රාජපක්‍ෂ මහතා සහ අග්‍රාමාත්‍ය මහින්ද රාජපක්‍ෂ මහතා වෙත විශේෂ ස්තුතියක් එම සංගමය විසින් ප්‍රදානය කරන අතර, මෙහිදී මූල්‍ය සහ රාජ්‍ය ව්‍යවසාය මෙන්ම ශ්‍රී ලංකා මහ බැංකුවේ අධිපති, ආර්ථික කටයුතු පිළිබඳ අග්‍රාමාත්‍ය ජ්‍යෙෂ්ඨ උපදේශක වැනි ක්‍ෂේත්‍රයන් රැසක බහුල අත්දැකීම් ඇති අජිත් නිවාඞ් කබ්රාල් මහතා වැනි අයෙකු රාජ්‍ය අමාත්‍යවරයා වශයෙන් පත්කිරීම පැසසුම් ලැබියයුතු කාර්යයකි. කොළඹ තැරැව්කරුවන්ගේ සංගමය පසුගිය වසර කිහිපය තුල සුවිසල් අභියෝග රැසකට මුහුණ දුන් අතර, සංගමයක් ලෙස දේශීය ආර්ථිකයේ වර්ධනය සඳහා සිය දායකත්වය ලබාදීමේ අරමුණින් ක්‍රියාත්මක විය.

අභිනවයෙන් පත්වූ මෙම නව රජය සමඟ සංගමයක් ලෙස සමීපව කටයුතු කිරීමට යොමුවන්නේ එමගින් විදේශීය ආයෝජක ඉල්ලීම් වර්ධනය කිරීම හා සමගාමීව ශ්‍රී ලාංකීය ජනතාවගේ නිෂ්පාදන ප්‍රවර්ධනය කිරීමේ මූලික අරමුණ පෙරදැරි කර ගනිමිනි. මෙහිදී CSBA හි සභාපති කෝසල ගමගේ මහතා අදහස් දක්වමින් “පොදුවේ රටක් විදිහට පසුගිය වසර කීපය මුළුල්ලේ අපට අති විශාල අභියෝග රැසකට මුහුණ දීමට සිදුවිය.

නමුත් එම තත්ත්වය වෙනස් වෙමින් පත්වූ මෙම නව අමාත්‍ය මණ්ඩලය යටතේ අපට අපේක්‍ෂා සහගත අනාගතයක පෙරනිමිති පහළ වී ඇත. විශේෂයෙන් සංගමයක් විදිහට අපි මෙම ක්‍ෂේත්‍රයේ වර්ධනය අපේක්‍ෂා කරමින් ගරු රාජ්‍ය අමාත්‍ය අජිත් නිවාඞ් කබ්රාල් මහතා සමඟ සමීපව කටයුතු කිරීමටත්, එතුමන්ගේ සංවර්ධන කාර්යයන් වෙනුවෙන් සංගමයක් ලෙස අප සහාය දැක්විමටත් අපේක්‍ෂා කරනු ලබන අතර, එමඟින් නැවත වරක් ශ්‍රී ලංකාව සමෘද්ධිමත් ජාතියක් බවට පත්කිරීමේ දී සුවිශේෂී කාර්යභාරයක් ඉටු කිරීමට අප බලාපොරොත්තු වෙමු.

”ශ්‍රී ලංකාවේ සුරැකුම්පත් හා විනිමය කොමිෂන් සභාව මගින් බලපත්‍ර ලබා දී නියාමනය කරනු ලබන කොටස් තැරැව්කාර සමාගම් නියෝජනය කරනු ලබන ප්‍රමුඛතම සංගමය වන කොළඹ කොටස් තැරැව්කරුවන්ගේ සංගමය, 1995 වසරේදී පිහිටුවා ගනු ලැබූවකි. ශ්‍රී ලාංකිය ආර්ථිකයේ වර්ධනය අපේක්‍ෂාවෙන් සක්‍රීය කාර්යයක නිරතවෙමින් වර්තමානය වන විට සමාගම් 18 ක් මෙම සංගමයේ සාමාජිකත්වය ලබා ඇත.

Comment (0) Hits: 694

“Hope 4 Sri Lanka” වැඩසටහන ඇරඹෙයි

තරුණ ප්‍රජාව ව්‍යාපාර කරා යොමු කරමින් ජාතික ආර්ථිකය ශක්තිමත් කිරීමට තරුණ ව්‍යවසායකයින් 50,000 ක් බිහිකිරීමේ “Hope 4 Sri Lanka” නවතම වැඩසටහන පසුගියදා මහරගම ජාතික තරුණ සේවා සභාවේදී අමාත්‍ය නාමල් රාජපක්ෂගේ ප්‍රධානත්වයෙන් පැවැත්විණි.

තරුණ හා ක්‍රීඩා අමාත්‍ය නාමල් රාජපක්ෂගේ සංකල්පයක් අනුව ආරම්භ කළ “Hope 4 Sri Lanka” වැඩසටහන අමාත්‍යතුමාගේ මෙහෙයවීම හා අධීක්ෂණය යටතේ ජාතික තරුණ සේවා සභාව මගින් ක්‍රියාත්මක කරණු ලබයි.

කුඩා හා මධ්‍ය පරිමාණ ව්‍යවසායකයින් බිහිකිරීම හරහා දේශීය ආර්ථිකය ශක්තිමත් කිරීමේ අරමුණින් ව්‍යවසායක නවකයින් දිස්ත්‍රික් මට්ටමින් තෝරාගැනීම සිදුකෙරේ.

ඒ අනුව, මේ සදහා තරුණ තරුණියන් දිස්ත්‍රික් මට්ටමින් පවත්වන සම්මුඛ පරීක්ෂණ හරහා තෝරාගනු ලබන අතර, තෝරාගත් කණ්ඩායම් සදහා දින 05 ක ව්‍යවසායකත්ව පුහුණුවක් ලබා දීම සිදු කරයි.

වයස අවුරුදු 18 ත් 45 ත් අතර පිළිගත් උසස් අධ්‍යාපන මට්ටමක් හෝ වෘත්තීය නිපුණතා සහතිකයක් හිමි, තමාගේම ව්‍යාපාරයක් පිළිබඳව පැහැදිලි ඉලක්කයක් සහිත තරුණ තරුණියන්ට මේ සදහා ඉදිරිපත් විය හැක.

විවිධ ක්ෂේත්‍ර හරහා තරුණ ව්‍යවසායකයින් නිර්මාණය කිරීමේදී ඔවුන්ට අවශ්‍ය මූලික දැනුමේ සිට ව්‍යාපාරයක් ආරම්භ කිරීම, වෙළඳපොළ සොයාගැනීම හා විවිධ අවපාතයන්හි දී නොවැටි ව්‍යාපාරය පවත්වාගැනීම දක්වා තරුණ තරුණියන් දැනුමින් ශක්තිමත් කරමින් නිරන්තර නිරීක්ෂණවලට ලක්කිරීම මෙහිදී සිදුවේ.

ව්‍යාපාරයක් ආරම්භ කිරීමට දැනුම ලබාදීම හා මූල්‍ය අවශ්‍යතාවය ඉටුකරදීම සඳහා රාජ්‍ය බැංකු සම්බන්ධ කරදීම මෙහිදී සිදුවේ. මෙම ක්‍රියාවලියේ දී ව්‍යාපෘතියට සම්බන්ධ වන අනෙකුත් අතරමැදි පාර්ශ්වය ලෙස USAID ආයතනයට අනුබද්ධ YouLead ආයතනය ක්‍රියා කරනු ලබයි.

YouLead හි ශ්‍රී ලංකා ශාඛාව මගින් Hope 4 Sri Lanka ව්‍යාපෘතිය හා සම්බන්ධ වන ව්‍යාවසායකයින් සඳහා අවශ්‍ය පුහුණුව සම්පූර්ණයෙන්ම නොමිලේ ලබාදෙයි.

නව ව්‍යාවසායකයින් ලබාගන්නා ණය මුදල් වෙනුවෙන් 60%ක ඇපකරයක් ද YouLead ආයතනය මගින් ලබාදීමට මෙහිදී එකගතාවය පලකර ඇත.

ලාංකීය නිර්මාණශීලී තරුණ්‍යයට ව්‍යවසායකයින් ලෙස නැඟීසිටීමට මඟපෙන්වීම තුලින් ඔවුන් ආර්ථිකමය වශයෙන් ශක්තිමත් කිරීම සහ දළ ජාතික නිෂ්පාදනයට තරුණ්‍යයේ දායකත්වය මේ හරහා ලබා ගැනීමද මෙමගින් අපේක්ෂා කරයි.

මෙහිදි සුලු පරිමාණ ව්‍යවසායකයින් සදහා බැංකු ණය ලබා ගැනීමට අවශ්‍ය ලියකියවිලි හා Startup Sri Lanka වැඩසටහනේ ජයග්‍රහකයින් හට චෙක්පත් සහ සහතිකපත් පිරිනැමීම ද අමාත්‍ය නාමල් රාජපක්ෂ මැතිතුමාගේ ප්‍රධානත්වයෙන් සිදුවිය.

Comment (0) Hits: 194

ක්‍රෙඩිට් කාඩ් ණය පොළිය පහළට

ක්‍රෙඩිට් කාඩ් සඳහා උපරිම ණය පොළිය 18% දක්වා පහත හෙළීමට ශ්‍රී ලංකා මහ බැංකුවේ මුදල් මණ්ඩලය තීරණය කර තිබේ.

උගස් පොළී අනුපාතය ද, 10% දක්වා පහළ දමා ඇතැයි මහ බැංකුව සඳහන් කළේ ය.

පෙර සැලසුම් කළ බැංකු අයිරා ණය පොළිය පහත දමා ඇත්තේ 16% ලෙසයි.

ඊයේ රැස්වූ ශ්‍රී ලංකා මහ බැංකුවේ මුදල් මණ්ඩලය, වර්තමාන ප්‍රතිපත්ති පොලී අනුපාත නොවෙනස්ව පවත්වාගෙන යාමට ද තීරණය කර තිබේ.

ඒ අනූව නිත්‍ය තැන්පතු පහසුකම් අනුපාතය, 4.5% ක් ලෙසත්, නිත්‍ය ණය පහසුකම් අනුපාතය 5.5% ක් ලෙසත් පවතිනු ඇති.

ව්‍යවස්ථාපිත සංචිත අනුපාතය 2% ක් බව ද ශ්‍රී ලංකා මහ බැංකුව නිවේදනය කළේ ය.

Comment (0) Hits: 768

කොරෝනා කාලේ උත්සව සංවිධානයට : මාර්ගෝපදේශ අත්පොතක් එයි ! (වීඩියෝ )

උත්සව සංවිධානය කිරීමේදී අනුගමනය කළ යුතු ආරක්ෂක විධිවිධාන සම්බන්ධයෙන් පරිපූර්ණ මාර්ගෝපදේශ මාලාවක් ඇතුළත් අත්පොතක් ප්‍රකාශයට පත්කිරීමට උත්සව කළමනාකරණ සංගමය (Event Management Association - EMA) පසුගියදා කටයුතු කළේ ය. උත්සව සංවිධාන කටයුතු සඳහා සම්බන්ධ වන සියලුම දෙනා මෙම මාර්ගෝපදේශ දැඩිව අනුගමනය කළ යුතු බව එම සංගමය අවධාරණය කරයි.

ඒ කොළඹ නගරය සඳහා පනවා තිබූ COVID-19 සීමාවන් රැසක් මේ වනවිට ලිහිල් කර තිබෙන තත්ත්වයට සමගාමීවය.

මාස 14 කට අධික කාලයක් තිස්සේ වරින්වර පනවන ලද සංචරණ සීමාවන් නිසා මෙරට උත්සව කළමනාකරණ ක්ෂේත්‍රය දැඩි අර්බුදයකට මුහුණ පා ඇත. එම නිසා ඉදිරියේදී යළිත් එවැනි තත්ත්වයන් ඇතිවීම වළක්වා ගැනීම සඳහා දැඩි වගකීමෙන් යුතුව කටයුතු කළ යුතු බව උත්සව කළමනාකරණ සංගමය පෙන්වා දෙන අතර, ඒ සඳහා අනුගමනය කළ යුතු සෞඛ්‍ය හා සනීපාරක්ෂක විධිවිධාන නව අත්පොතෙහි සවිස්තර ලෙස දක්වා තිබේ.

උත්සව කළමනාකරණ සංගමය යනු උත්සව කළමනාකරණ සමාගම් මෙන්ම මංගල උත්සව සැලසුම්කරුවන්, උපකරණ කුලියට දෙන සමාගම් (නාද පද්ධති, ආලෝකකරණ පද්ධති, LED ආදිය), වේදිකා සහ පසුතල නිර්මාණකරුවන්, ගෘහභාණ්ඩ සහ යටිතල පහසුකම් කුලියට දෙන සමාගම්, ඩිජිටල් නිර්මාණ සමාගම්, උත්සව ශාලා, මල් සැපයුම්කරුවන්, සංගීතඥයන්, වඩු කාර්මිකයන්, උත්සව සහය සේවාවන් සපයන්නන්, විනෝදාස්වාද සේවාවන් සපයන්නන්, නර්තන කණ්ඩායම්, චිත්‍ර ශිල්පීන්, සැලසුම් නිර්මාණ ශිල්පීන්, පිරිසැකසුම්කරුවන්, කාර්මිකයන් සහ තවත් බොහෝ අංශ නියෝජනය කරන සංවිධානයකි. මෙම ක්ෂේත්‍රය සමස්තයක් වශයෙන් ජාතික ආර්ථිකයට රු. බිලියන 30 ක පමණ දායකත්වයක් ලබාදෙයි.

“අපගේ ක්ෂේත්‍රය සම්බන්ධයෙන් යහපත් තීරණයක් ගැනීම පිළිබඳව රජයට අපගේ ස්තූතිය හිමිවනවා. ඉතාමත් දුෂ්කර මාස කිහිපයකට පසුව දැන් අපගේ සාමාජිකයන්ට යළිත් තම ජීවනෝපායන්හි නියැළීමට අවස්ථාව ලැබේවි. කෙසේ නමුත් COVID-19 සම්බන්ධ ආරක්ෂක විධිවිධාන අප දැඩිව අනුගමනය කළ යුතුයි. මීට පෙර උත්සව පැවැත්වීමට අවසර ලබාදී තිබුණු විට, ඇතැම් අය මෙම ආරක්ෂක විධිවිධාන මුළුමනින්ම නොතකා හරිමින් කටයුතු කිරීම කනගාටුදායක තත්ත්වයක් වුණා. යළිත් එවැනි තත්ත්වක් උදාවී COVID-19 රෝගීන් වාර්තා වීම ඉහළ ගියහොත්, නැවතත් උත්සව තහනම් වී මුළු කර්මාන්තයම කඩාවැටීමට ඉඩ තිබෙනවා. ඒ නිසා, ක්ෂේත්‍රයට සම්බන්ධ සියලුම දෙනා සහ ඔවුන්ගේ පවුල්වල සාමාජිකයන් වෙනුවෙන් අප ඉල්ලා සිටින්නේ යළිත් එවැනි තත්ත්වක් ඇතිවීමට ඉඩ නොතබන ලෙසයි. ඒ වෙනුවෙන් මෙම විධිවිධාන සියල්ල වහාම ක්‍රියාත්මක කිරීමට පියවර ගන්නා මෙන් ක්ෂේත්‍රයට සම්බන්ධ සියලුම දෙනාගෙන් අප දැඩිව ඉල්ලා සිටිනවා.” උත්සව කළමනාකරණ සංගමයේ සභාපති රොෂාන් විජයරත්න මහතා පැවසී ය.

“බොහෝ උත්සව කළමනාකරණ සමාගම් තම යටිතල පහසුකම්, උපකරණ හා පුහුණු කටයුතු ආදිය සඳහා රු. මිලියන 10 පමණ සිට රු. මිලියන 800 ක් පමණ දක්වා සුවිශාල ආයෝජනයන් සිදුකර තිබෙනවා. ඔවුන් දැන් සිටින්නේ සේවක වැටුප් ගෙවීමට හෝ මූල්‍යමය වගකීම් පියවීමට පවා නොහැකි තත්ත්වයකයි. නිසි අත්වැලක් නොමැති වුවහොත් මේ සමාගම් බංකොලොත් වේවි. එසේ වුවහොත් ක්ෂේත්‍රයේ සෘජු රැකියා වල නියුතු 130,000 කට අධික පිරිසකට සහ වක්‍ර රැකියා වල නියුතු 600,000 කට අධික පිරිසකට මෙන්ම ඔවුන්ගේ පවුල් වල අයටත් විශාල බලපෑමක් ඇතිවෙනවා.” උත්සව කළමනාකරණ සංගමයේ උප සභාපති සජිත් කොඩිකාර මහතා පෙන්වා දුන්නේ ය.

උත්සව යනු ව්‍යාපාර වල අලෙවිකරණ හා විකුණුම් කටයුතු වල අනිවාර්ය අංගයකි. ව්‍යාපාරික උත්සව සුලබ වීම යනු යහපත් ආර්ථිකයක ලක්ෂණයක්ද වේ.

“මෙහිදී ශ්‍රී ලංකාව උත්සව පැවැත්වීම සඳහා සුදුසු ආරක්‍ෂිත රටක් ලෙස පිළිගැනීමක් දිනාගැනීමේ හැකියාවත් සැලකිල්ලට ගත යුතුයි. විද්‍යාත්මක ප්‍රවේශයක් ඔස්සේ වසංගත තත්ත්වය පාලනය කරමින්, තිරසාර ලෙස ඉදිරියට යාමට ක්‍රමයක් සොයාගතහොත් අපට උත්සව සහ වෙනත් සංචාර කටයුතු සඳහා සුදුසු රටක් ලෙස ශ්‍රී ලංකාවට ජාත්‍යන්තර ප්‍රසිද්ධියක් ලබාදීමට හැකියාව ලැබේවි.” උත්සව කළමනාකරණ සංගමයේ භාණ්ඩාගාරික නිශාන් වාසලතන්ත්‍රී මහතා පැවසී ය.

‘සුරක්ෂිත උත්සව තානාපතිවරුන්’ පත්කිරීම යනු උත්සව කළමනාකරණ සංගමයේ නව අත්පොතෙහි දක්වා ඇති තවත් වැදගත් යෝජනාවකි. නිසි මාර්ගෝපදේශ වලට අනුකූල නොවන ආකාරයට පවත්වනු ලබන උත්සව සම්බන්ධයෙන් වාර්තා කිරීම ඔවුන්ට පැවරෙන මූලික වගකීම වේ.

එමෙන්ම COVID-19 රෝග ව්‍යාප්තිය පාලනය කරමින් රටේ ආර්ථිකය යළි පණගැන්වීම සඳහා රජය දරන උත්සාහයට උත්සව කළමනාකරණ සංගමය සිය පූර්ණ සහයෝගය පළකර සිටී.

“ජනතාවට COVID-19 එන්නත් ලබාදීම සඳහා රජය දරන උත්සාහය අප අගය කළ යුතුයි. එහිදී අපගේ ක්ෂේත්‍රයේ සාමාජිකයන්ටද ප්‍රමුඛත්වය ලබාදෙන මෙන් අප ඉල්ලා සිටිනවා. මෙම වසංගත තත්ත්වයෙන් මිදීම සඳහා අර්ථවත් ඉඩකඩක් නිර්මාණය කරගැනීමට නම් අප හැකි ඉක්මනින් අවම වශයෙන් ජනගහනයෙන් 60% කට වත් එන්නත් ලබාදිය යුතුයි.” උත්සව කළමනාකරණ සංගමයේ උපදේශක ජෙරී ජයසිංහ මහතා පැවසී ය.

උත්සව කළමනාකරණ සංගමය ප්‍රකාශයට පත්කළ මෙම අත්පොත, 2021 ජූලි 19 දින සිට www.emalk.org වෙබ් අඩවිය තුළින් ලබාගත හැකි වේ.

Comment (0) Hits: 256

කස්තුරි චෙල්ලරාජා හේමාස් සමූහ ප්‍රධාන විධායක ධූරයට

හේමාස් හෝල්ඩින්ග්ස් පීඑල්සී හි සමූහ ප්‍රධාන විධායක නිලධාරී ස්ටීවන් එන්ඩර්බි මහතා සිය ධූරයෙන් විශ්‍රාම යෑමෙන් අනතුරුව 2020 ඔක්තෝබර් 01 වන දින සිට බලපැවැත්වෙන පරිදි එම ධූරය සඳහා කස්තුරි චෙල්ලරාජා විල්සන් මහත්මිය පත් කළ බව හේමාස් හෝල්ඩින්ග්ස් නිවේදනය කළේය. මෙම අනුක්‍රමික සැලැස්මෙහි කොටසක් ලෙස, 2020 ජූලි මස 1 වන දින සිට බලපැවැත්වෙන පරිදි කස්තුරි මහත්මිය හේමාස් හෝල්ඩින්ග්ස් හි නියෝජ්‍ය ප්‍රධාන විධායක නිලධාරි මෙන්ම අධ්‍යක්ෂ මණ්ඩල සාමාජිකාවක් ලෙස ද පත් කරනු ඇත.

"අභ්‍යන්තර කුසලතා සංවර්ධනයට ප්‍රමුඛතාව දෙන, අපගේ සමාගමේ අනුක්‍රමික සැලසුම් වලට අනුකූල වන පරිදි විධිමත් තේරීම් ක්‍රියාවලියකින් පසුව කස්තුරි සමූහ ප්‍රධාන විධායක නිලධාරී ලෙස පත් කිරීමට අධ්‍යක්ෂ මණ්ඩලය තීරණය කළා. කස්තුරි 2002 සිට අප සමඟ සිටින දීර්ඝ කාලීන සාමාජිකාවක් බැවින් ඇය හේමාස් හට ආගන්තුකයෙක් නොවන අතර එවන් අයෙක් සමූහයේ ඉහළම විධායක තනතුරට පත්වීම ගැන අප සතුටු වෙනවා. ” යැයි හේමාස් හෝල්ඩින්ග්ස් සමාගමේ සභාපති හුසේන් එසුෆාලි මහතා අදහස් දක්වමින් පවසා සිටියේය.

මෙම පරිවර්තනමය ක්‍රියාවලිය පිළිබඳව එසුෆාලි මහතා තවදුරටත් සිය අදහස් පළ කරමින්, “පසුගිය වසර හයක ස්ටීවන්ගේ සේවා කාලය තුළ හේමාස් වඩාත් විධිමත්, නොසැලෙන සහ ක්‍රියාකාරී සංවිධානයක් බවට පත් කිරීමට හැකි වී තිබෙනවා. අනාගතය දෙස බලන විට එය අපට හොඳ ස්ථාවරයක් ලබා දෙන්නක් වනු ඇත. වසර ගණනාවක් මුළුල්ලේ හේමාස් වෙනුවෙන් ස්ටීවන් සිදුකල කළ අපිරිමිත දායකත්වය වෙනුවෙන් මා ඇතුළු අධ්‍යක්ෂ මණ්ඩලය ඔහුට ස්තූතිවන්ත වෙනවා. එමෙන්ම අපගේ හෝටල් ව්‍යාපාරයන්හි අධ්‍යක්ෂ මණ්ඩල සාමාජිකයෙකු ලෙස ස්ටීවන් අප සමඟ දිගටම සම්බන්ධ වීම ගැන අපි සතුටු වෙනවා. ” යනුවෙන් සඳහන් කළේය.

"අපගේ පවතින ව්‍යාපාර වර්ධනය කිරීමට පමණක් නොව, පාරිභෝගික, සෞඛ්‍ය සේවා සහ ප්‍රවාහන යන අංශයන්හි "නව වර්ධන" ක්ෂේත්‍රයන් දක්වා ව්‍යාප්ත කිරීම සඳහා ශ්‍රී ලංකාව තුළ මෙන්ම ආසියානු කලාපයේ බොහෝ ආකර්ෂණීය අවස්ථාවන් අනාගතය විසින් ලබා දෙනු ඇති බවට අපට පෙනී යනවා. හේමාස් හි ආදායම පසුගිය වසර පහ තුළ දෙගුණ වී ඇති අතර, ඉදිරි වර්ෂයන්හි වේගවත් වර්ධනයක් අපි අපේක්ෂා කරනවා." එසුෆාලි මහතා වැඩිදුරටත් ප්‍රකාශ කළේය.

හේමාස් හි දශක දෙකක තම වෘත්තීමය කාලසීමාව අතරතුර කස්තුරි මහත්මිය, සමාගමේ ප්‍රධාන ක්‍රියාවලි නිළධාරී (Chief Process Officer ) බවට පත්වූ අතර ඉන් අනතුරුව 2011 දී ඇය සමූහයේ ගුවන්, සංචාරක සහ ප්‍රවාහන ව්‍යාපාර ප්‍රධානී ලෙස කටයුතු කර ඇත. 2016 දී කස්තුරි මහත්මිය හට හේමාස් Pharmaceuticals හි කළමණාකාර අධ්‍යක්ෂ ධූරය පැවරුණු අතර එහිදී ඇය නිරන්තරයෙන් පැන නගින සෞඛ්‍ය ක්ෂේත්‍රයේ අවශ්‍යතා සපුරාලීම සඳහා සියලු පාර්ශවකරුවන් සමඟ සමීපව කටයුතු කරමින් අභියෝගාත්මක නියාමන පරිසරයක් තුළ තිරසාර වර්ධනයක් ලබා දී ඇත.

කස්තුරි මහත්මිය එක්සත් රාජධානියේ වරලත් කළමනාකරණ ගණකාධිකාරී ආයතනයේ සාමාජිකාවකි. ඇය ඇමරිකා එක්සත් ජනපදයේ හාවඩ් ව්‍යාපාරික පාසලේ (Harvard Business School) ජ්‍යෙෂ්ඨ විධායක නායකත්ව වැඩසටහන ඇතුළු නායකත්ව වැඩසටහන් රැසකට සහභාගී වී ඇත. වසර ගණනාවක් තිස්සේ ඇය කර්මාන්ත සංසද සහ ප්‍රජාවන් සඳහා ක්‍රියාකාරිනියක ලෙස දායක වී ඇත. ඇය Capital Alliance Ltd හි අධ්‍යක්ෂ මණ්ඩල සාමාජිකාවක් ලෙස කටයුතු කරන අතර ශ්‍රී ලංකා ඖෂධ ආනයනකරුවන්ගේ සංසදයේ සභාපති ධූරය හොබවයි. කස්තුරි මහත්මිය 2019 දී ශ්‍රී ලංකාවේ සුවිශේෂී කාන්තාවන් ගේ ලැයිස්තුවට (Women Changemakers in Sri Lanka) තේරී පත්වීමත් සමඟ ශ්‍රී ලංකා පාර්ලිමේන්තුවේ පිළිගැනීමට ද ලක් වූවාය.

හේමාස්, පාරිභෝගික, සෞඛ්‍ය සත්කාර, ප්‍රවාහන සහ හෝටල් යන ව්‍යාපාර ක්ෂේත්‍රයන්හි තම නිෂ්පාදන හා සේවාවන් හරහා දිනපතා මිලියන ගණනක පාරිභෝගිකයින්ගේ ජීවිත ස්පර්ශ කරයි. ශ්‍රී ලංකාව තම ප්‍රධාන මෙහෙයුම් මූලස්ථානය කරගත් හේමාස් සමූහය, බංග්ලාදේශය, බටහිර බෙංගාලය සහ මියන්මාරයෙහි ද තම මෙහෙයුම් කටයුතු ක්‍රියාත්මක කරයි.

Comment (0) Hits: 883

කොළඹ කොටස් වෙළෙඳපොළ ඩිජිටල්කරණයේ දෙවන අදියර ඇරඹේ

කොළඹ කොටස් වෙළෙඳපොළ ඩිජිටල්කරණයේ දෙවන අදියර පසුගියදා ජනාධිපති කාර්යාලයේ දී ජනාධිපති ගෝඨාභය රාජපක්ෂගේ ප්‍රධානත්වයෙන් ආරම්භ කෙරිණ.

ශ්‍රී ලංකා සුරැකුම්පත් සහ විනිමය කොමිෂන් සභාව (SEC) සහ කොළඹ කොටස් හුවමාරුව (CSE) ශ්‍රී ලංකාවේ ප්‍රාග්ධන වෙළෙඳපොළ ඩිජිටල්කරණයේ පළමු අදියර පසුගිය වසරේ සැප්තැම්බර් මස ආරම්භ වූ අතර ආයෝජකයන්ගේ කොටස් ගනුදෙනු ක්ෂණිකව තහවුරු කිරීම, සාංගමික ක්‍රියාකාරකම් පිළිබඳ ආයෝජකයා දැනුවත් කිරීම හා ආයෝජන අවස්ථා පුළුල් කිරීම ඇතුළු ප්‍රතිලාභ රැසක් හිමිකර දීම එහි අරමුණ විය.

ඩිජිටල්කරණය හඳුන්වා දීමත් සමග කොටස් වෙළෙඳපොළ තොරතුරු භාගත කිරීම වේගවත්වීම නිසා නව ආයෝජකයන් 65000ක් ඉක්මවමින්, නව මධ්‍යම තැන්පතු ක්‍රම (CDS) ගිණුම් 17,000ක් විවෘත කෙරුණු බව කොටස් වෙළෙඳපොළ පාලන අධිකාරිය පෙන්වා දුන්නේය.

ඩිජිටල්කරණයත් සමග ආයෝජකයන්ට ලෝකයේ ඕනෑම තැනක සිට සිංහල,දෙමළ හෝ ඉංග්‍රීසී භාෂාවන්ගෙන් ගනුදෙනු කළ හැකිවීම, මාසික ප්‍රකාශන ලබාගැනීම, තොරතුරු හුවමාරුව හා වෙනස් කිරීම මෙන්ම දේශීය සමාගම්වලට ගිණුම් විවෘත කිරීමේ අවස්ථාව හිමි වේ.

Comment (0) Hits: 216

රාජේෂ් මනි Mastercardහි ශ්‍රී ලංකා සහ මාලදිවයින් ප්‍රධාන විධායක නිළධාරී ලෙස පත් වෙයි

Mastercardහි ශ්‍රී  ලංකා සහ මාලදිවයින යන රටවල ප්‍රධාන  විධායක නිළධාරීවරයා ලෙස ලෙස රාජේෂ් මනී මහතා පත් කළ බව පසුගියදා නිවේදනය කරන ලදී. පසුගිය මාර්තුමස මුලදී රාජේෂ් මනී මෙම තනතුරට පත් කරනු ලැබුවේ එම තනතුරෙහි කටයුතු කරමින් සිට වෙනත් තනතුරකට පත් වූ සංතෝෂ් කුමාර් පසුවය.

රාජේෂ් මනී සිය වෘත්තීය භූමිකාව තුළ ගෙවීම් සහ ෆින්ටෙක් යන අංශයන්හි දශක දෙකක පමණ සුවිසල් අත්දැකීම් ලබා ඇති අතර රාජ්‍ය සබඳතා පිළිබඳ ඔහු සතු අත්දැකීම් තුළින් රජයේ මෙන්ම මූල්‍ය ආයතන, ඩිජිටල් ක්‍රියාකාරීන් සහ ව්‍යාපාරිකයන් වෙනුවෙන් සහයෝගී හවුල්කරුවකු ලෙස Mastercardහි තත්වය තවදුරටත් වර්ධනය කිරීමටද හැකියාව උදා වේ. ඔහුගේ නව පත්වීම තුළින් Mastercardහි මෙහෙයුම් තව දුරටත් වර්ධනය වනු ඇත. ශ්‍රී ලංකාව සහ මාලදිවයින Mastercard සඳහා වැදගත් වෙළෙඳපොලක් වන අතර ඒවායේ වර්ධන හැකියාවන් සහ ඩිජිටල්කරණය කරා යොමු වීමේ ශ්‍රී ලංකා රජයේ ප්‍රතිපත්තිය ඊට තවත් පහසුවක් වනු ඇත. 

Comment (0) Hits: 992

LOLC කොටස් මිලේ අසාමාන්‍ය ඉහළ යාමක් : විමර්ශනත් ඇරඹේ !

කොළඹ කොටස් වෙළෙඳපොළේ අසාමාන්‍ය කොටස් ගනුදෙනුවක් පිළිබඳව ශ්‍රී ලංකා සුරැකුම්පත් හා විනිමය කොමිෂන් සභාව විමර්ශනයක් ආරම්භ කර තිබේ.

කොමිෂන් සභාව නිකුත්කළ නිවේදනයක සඳහන් වූයේ, කොටස් වෙළෙඳපොළ නීති සහ රෙගුලාසි උල්ලංඝනය කරමින් යම් අයථා ගනුදෙනු සිදුවී ඇති නම් දැඩි පියවර ගන්නා බවයි.

LOLC ඩිවලොප්මන්ට් ෆයිනෑන්ස් නමැති කොටස් වෙළෙඳපොළ ලැයිස්තුගත සමාගමේ කොටස් මිල ගණන් අසාමාන්‍ය ලෙස ඉහළ යාම පිළිබඳව පසුගිය දින කිහිපයේ වෙළෙඳපොළ තුළ දැඩි අවධානයක් යොමුවිය.

කොළඹ කොටස් වෙළෙඳපොළ දත්ත අනුව ඊයේ දිනයේ මෙම සමාගමේ කොටසක් අලෙවි කර තිබුණේ, රුපියල් 618 යි සත 75 කටයි.

මැයි මස අවසානය වනවිට රුපියල් 73 ක අගයක පැවති LOLC ඩිවලොප්මන්ට් ෆයිනෑන්ස් සමාගමේ කොටසක මිල 747% කින් මෙලෙස අසාමාන්‍ය ලෙස ඉහළ ගොස් තිබිණ.

නමුත් සමස්තයක් ලෙස ඊයේ දිනයේ කොළඹ කොටස් වෙළෙඳපොළ දර්ශක ඊට පෙර දින දෙකට සාපේක්ෂව පහත වැටී තිබිණ.

සුරැකුම්පත් හා විනිමය කොමිෂන් සභාව විමර්ශනයක් ආරම්භ කර ඇත්තේ මෙම ක්‍රියාවලිය සම්බන්ධවයි.

පසුගිය 28 වනදා කොළඹ කොටස් වෙළෙඳපොළ සිදුකර ඇති විමසීමකට අදාළව ප්‍රතිචාර දක්වමින් LOLC ඩිවලොප්මන්ට් ෆයිනෑන්ස් සමාගමේ සභාපතිවරයා දැනුම්දී ඇත්තේ මූල්‍යමය වශයෙන් සංවේදී කිසිදු තොරතුරක් සමාගම සඟවා නොමැති බවයි.

සමාගමේ වර්ෂ අවසාන ප්‍රගතිය සහ LOLC සමූහයේ ප්‍රගතිය සැලකිල්ලට ගෙන මෙලෙස අසාමාන්‍ය ලෙස කොටස් මිල වැඩි වන්නට ඇතැයි, එම ප්‍රතිචාරයේ සඳහන් ය.

මේ අතර LOLC ඩිවලොප්මන්ට් ෆයිනෑන්ස් සමාගම කොටස් වෙළෙඳපොළ තුළ ජනතාවට විවෘතකර ඇති කොටස් ප්‍රමාණය පිළිබඳව ද මේ වනවිට දැඩි කථාබහක් ඇතිවී තිබේ.

කොළඹ කොටස් වෙළෙඳපොළ වාර්තා පරීක්ෂා කිරීමේදී පෙනී යන්නේ LOLC ඩිවලොප්මන්ට් ෆයිනෑන්ස් සමාගමේ මුලු කොටස් ප්‍රමාණයෙන් 99.89% ක්ම එල්ඕඑල්සී සමාගම් ජාලයට අයත් වන බවයි.

55.55% ක කොටස් LOLC හෝල්ඩින්ග්ස් සමාගම සතු වන අතර තවත් 44.34% ක් සතුවන්නේ LOLC සමාගම් ජාලයට අයත් කොමර්ෂල් ලීසිං ඇන්ඩ් ෆයිනෑන්ස් සමාගමටයි.

මේ අනුව LOLC ඩිවලොප්මන්ට් ෆයිනෑන්ස් සමාගම කොටස් වෙළෙඳපොළ තුළ ජනතාවට නිකුත්කර ඇති කොටස් ප්‍රමාණය 0.01%කි.

සුරැකුම්පත් හා විනිමය කොමිෂන් සභා නීතී රීති හා රෙගුලාසිවලට අනුව මෙතරම් සුලු කොටස් ප්‍රමාණයක් ජනතාවට විවෘත කරමින් ලැයිස්තුගත සමාගමක් පවත්වාගෙන යා හැකිද?

අවමය සියයට 20 කවත් කොටස් ප්‍රමාණයක් ජනතාව වෙනුවෙන් විවෘත කළ යුතු නොවේද?

කෙසේවෙතත් මේ කරුණු පිළිබඳව දැන් විමර්ශනයක් ආරම්භ කර තිබේ.

News First

Comment (0) Hits: 259

ව්‍යසනයේ දී පවා ජනතාව අත්නොහැරි : SLT විශිෂ්ටත්වය !

කොවිඩ් 19 ගෝලීය වසංගතයට ලංකාවත් මුහුණදී අති දුෂ්කර තත්ත්වයක සිටින මොහොතක පවා සියලුම ප්‍රධාන පෙළේ රෝහල් , ත්‍රිවිධ හමුදාවේ සහ පොලීසියේ, නිරෝධායන මධ්‍යස්ථාන ඇතුළු වසංගතයට සෘජුව මුහුණ දෙන පාර්ශවයන්ගේ විදුලි සංදේශන සියඵ උපරිමයෙන් සපයමින් ශ්‍රී ලංකා ටෙලිකොම් (SLT ) සිදු කරන සේවය බොහෝ දෙනෙකුගේ පැසසුමට ලක් ව ඇත.

අවධානම් මධ්‍යයේ තිබෙන සේවා සැපයීම් ගැටලුවකින් තොරව  අඛණ්ඩව ලබාදෙමින් පමණක් නොව සුවසැරිය ගිලන් රථ සේවය ඇතුළු තවත් රාජ්‍ය ආයතන ගණනක ඉල්ලීම මත නව  සේවාවන් සැපයීමට SLT කටයුතු කළ ආකාරයත් ප්‍රශංසනීයය.

එපමණක් නො ව නිවසේ සිට සේවය කරන පිරිසට අවශ්‍ය සේවාවන් සපයමින් , ඇඳිරි නීතිය නිසා නිවසේ සිර වී සිටින පිරිසට අන්තර් ජාල පහසුකම් සඳහා විවිධාකාර සේවාවන් මුදල් අය කිරීමකින් තොරව සහ විවිධ වට්ටම් ලබා දෙමින් SLT සිදු කරන සේවය අගය කළ යුතු ය. මෙකී සේවාවන් සැපයීම සඳහා රුපියල් මිලියන 475 කට අධික මුදලක් වැය කර ඇති බවත් වාර්තා වෙයි. 

මේ ආකාරයට වසංගත තත්වයකදී ප්‍රශංසා ලැබීමට තරම් ආයතනය සහ සේවක කොටස් විශිෂ්ටත්වයට ගෙන ගියේ SLT හී නව සභාපති සහ අධ්‍යක්ෂ මණ්ඩලයේ මගපෙන්වීම හා අධීක්ෂණය යටතේය යන්නත් සඳහන් කළ යුතුමය.

එසේම මෙතෙක් කල්  පරිබාහිරව ආයතනයට  සේවය කළ සේවකයන් 1802 ක පිරිසක් හා සම්බන්ධව වසර කිහිපයක සිට විසඳාගැනීමට නොහැකි ව තිබූ ප්‍රශ්නයක් විසඳීමටත් නව පාලන අධිකාරිය සමත් වී ඇත.

වඩාත්  සුවිශේෂී කරුණ වන්නේ  මෙය වෘත්තීය සමිති සමඟද එක්වී නිසි ක්‍රමවේදයකට අනුව විසඳා ගැනීමට හැකි ව තිබීම ය. මෙම විසඳුමෙන් ආයතනයට මෙන්ම සේවකයන්ට ද මහත් ප්‍රතිලාභ ලැබෙන බවත් නිසැකය.

පසුගිය වසරේ SLT සමූහය රුපියල් බිලියන 86ක ආදායමක් ලබා ඇත. SLT සමූහයේ ඉදිරි  ව්‍යාප්තිය සඳහා ශක්තිමත් අඩිතාලමක් ඉදි කරමින් SLT සහ  මොබිටෙල් එකම සන්නාම තලයකට ගෙන එකිනෙකා ශක්තිමත් කර ගනිමින්  ප්‍රබල වෙළඳ  වෙළඳ නාමයක් ගොඩ නගමින් සිටියි. 

මේ හරහා කොටස් වෙළඳ පොළට අනුබද්ධ ව්‍යාපාරයක් ලෙස ආයෝජකයන් විශේෂයෙන්  මුදල් අමාත්‍යාංශය හරහා ආයෝජනය කර ඇති ආයෝජකයන් හට විශාල රුකුලක් වනු ඇත.

මේ හරහා කොටස් වෙළඳ පොළට අනුබද්ධ ව්‍යාපාරයක් ලෙස ආයෝජකයන් විශේෂයෙන්  මුදල් අමාත්‍යාංශය හරහා ආයෝජනය කර ඇති ආයෝජකයන් හට විශාල රුකුලක් වනු ඇත.
Comment (0) Hits: 1749

ප්‍රීමා පිටි මිලත් ඉහළට !

ප්‍රිමා සමාගම විසින් පාන් නිෂ්පාදන සදහා භාවිතා කරන ලබන (මිල්ක් බ්‍රැන්ඩ්) පිටි කිලෝ එකක මිල රු 3.50 කින් (15) දින සිට වැඩි කර ඇති බව ප්‍රිමා තිරිගු පිටි එජන්තවරුන් වෙත දැනුම් දි ඇත.

ප්‍රිමා සමාගම විසින් මිල්ක් බ්‍රැන්ඩ් කිලෝ 50 ක් සහිත පිටි මිටියක් රු හාරදහසකට අලෙවි කල අතර , නව මිල වැඩි කිරිමත් සමග පිටි කිලෝ 50 ක් රු 4175 දක්වා ඉහල යන බව  ප්‍රිමා තිරිගු පිටි අලෙවි නියෝජිතයන් පවසයි.පාන් නිෂ්පාදනය සදහා භාවිතා කරනු ලබන පිටි කිලෝවක මිල වැඩි කිරිමත් සමග බේකරි නිෂ්පාදනවලද මිල  දැමිමට සිදු වන බවයි බේකරි නිෂ්පාදකයින් කියා සිටියි.

ප්‍රිමා තිරිගු පිටි සමාගම විසින් රොටි සදහා භාවිතා කරනු ලබන පිටි කිලෝවක් පසුගිය දා රු 4 කින්ද වැඩි කරනු ලැබිණ.

Comment (0) Hits: 277

අතටම මුදල් ලබා දෙමින් සම්පත් බැංකුව PickMe සමඟ අසමසම සේවාවක් අරඹයි

සම්පත් බැංකුවේ ගනුදෙනුකරුවන් අතටම මුදල් ලබා දීමේ පහසුකම සළසා දීම වෙනුවෙන් සම්පත් බැංකුව පසුගියදා PickMe Digital Mobility Solutions Lanka (PVT) Ltd සමඟ එක්ව තවත් සුවිශේෂී මූල්‍ය සේවාවක් දියත් කරනු ලැබීය.

ශ්‍රී ලාංකේය බැංකු ක්ෂේත්‍රය තුළ මෙතෙක් අත් නොවිඳි නව්‍ය මූල්‍ය විසඳුමක් වන මෙයල ගනුදෙනුකරුවන්ගේ සුභ සිද්ධිය වෙනුවෙන් නිරන්තරයෙන් සැළකිලිමත් වන සම්පත් බැංකුවේ කාලීන අවශ්‍යතා සපුරාලීම වෙනුවෙන් වූ ප්‍රයත්නයක් ලෙස පෙන්වා දිය හැකිය. දැනට ක්‍රියාත්මක ඇඳිරිනීති තත්වය සමඟ බොහෝ ශ්‍රී ලාංකිකයන් සතුව ප්‍රමාණවත් මුදල් ප්‍රමාණයක් නොමැති අතර මෙම සුවිශේෂී මූල්‍ය විසඳුම තුළින් COVID-19 අවදානමෙන් ජනතාව ආරක්ෂා කර ගනිමින් ඔවුන්ගේ මුදල් අවශ්‍යතාවයන්ද සපුරාලීමට සම්පත් බැංකුව කටයුතු කර ඇත. එසේම ජනතාවට සහනයක් වෙමින් මෙහිදී අය කරනු ලබන බැංකු ගාස්තු 50‍්‍%කින් නිදහස් කිරීමටද සම්පත් බැංකුව පියවර ගෙන තිබීම විශේෂත්වයකි.

ඕනෑම ගනුදෙනුකරුවකු හට තමන්ගේ නිවසටම මුදල් ගෙන්වා ගැනීම සඳහා අවශ්‍ය වන්නේ සම්පත් විශ්ව සේවාව සහ PickMe සේවාව වෙත පිවිසීම පමණකිග පහසු පියවර කිහිපයක් අවසානයේ ගනුදෙනුකරුවන් හට Mobile Cash ගනුදෙනුවක් නිර්මාණය කර ගැනීමෙන් පසු PickMe සේවාව වෙත පිවිස එහි ත්‍ක්ිය යටතේ ඇති I want to receive  යන්න තෝරාගෙන Cash from ATM ක්ලික් කරන්නග ඉන් පසුව සම්පත් බැංකුවෙන් ගනුදෙනුකරු වෙත කෙටි පණිවිඩයක් එවනු ලබන අතර ගනුදෙනුකරු විසින් අදාළ PickMe රියදුරු වෙත කෙටි පණිවිඩය යොමු කළ යුතුයග ඡුසජනඵැ රියදුරු ගනුදෙනුකරු විසින් ඉල්ලුම් කළ මුදල් ඔහුගේ අතටම ලබා දෙනු ඇත. එහිදී මුදල් ලබා ගත් රිසිට් පත සමඟ ගනුදෙනුකරු වෙත මුදල් ලබා දීමෙන් පසුල කිසිඳු ගැටලුවකින් තොරව තමන් අතට මුදල් ලැබුණු බවට පාරිභෝගිකයා සහතික කළ යුතුයග ගනුදෙනුකරු විසින් PickMe රියදුරු වෙත මුදල් ගෙවා PickMe සේවාව හරහා සේවාවෙහි තත්වය පිළිබඳව ඇගයීමක් ලබා දීමෙන් පසු ගනුදෙනුව සම්පූර්ණ වේ.

මෙහිදී ඇතිවන යම් ප්‍රමාදයක් හෝ තමන් වෙත ලබා දුන් මුදල ඉල්ලුම් කළ මුදල හා නොගැළපේ නම් ගනුදෙනුකරු හට 1331 යන PickMe පාරිභෝගික සහායක අංකයට හෝ 011 2303050 යන සම්පත් බැංකු පාරිභෝගික සේවා අංකයට අමතා අදාළ ගැටලුව විසඳා ගත හැකියග මේ සම්බන්ධයෙන් වැඩි විස්තර සහ රූප රාමු මගින් සිදු කරන මඟ පෙන්වීම් https://www.sampath.lk/en/personal/electronic-banking/sampath-mobile-cash#doorstep-cash-delivery  වෙතින් ලබා ගත හැකිය.

මෙම සේවාවට පහසුකම් සපයන රියදුරන් හට විශේෂ පුහුණුවක් ලබා දී ඇති අතර ඒ තුළින් එම ක්‍රියාවලිය විධිමත් අයුරින් සිදුකර ගැනීමට හැකි වනු ඇත. ස්වයංක්‍රීය ටෙලර් යන්ත්‍රයන්හි (ATM) ක්‍රියාකාරීත්වය පිළිබඳව රියදුරෙකුට යම් සැකයක් වේ නම්, එහිදී ගත යුතු පියවර පිළිබඳව සඳහන් ස්ටිකර් සම්පත් බැංකු ස්වයංක්‍රීය ටෙලර් යන්ත්‍රයන්හි (ATM) අලවා තිබීම හේතුවෙන් එය තව තවත් පහසු කරනු ලබයි. එසේම අමතර ආරක්ෂිත අංගයන්ද එහි ඇතුළත් වේග උදාහරණයක් ලෙස රියදුරෙකු රහස්‍ය අංකය වැරදි ලෙස අඛණ්ඩව තෙවරක් ඇතුළත් කළහොත් ගනුදෙනුව ස්වයංක්‍රීයව අගුලු වැටෙනු ඇත.

මෙම සේවාව දිනපතා පෙගවග 9 සිට පගවග 6 දක්වා සම්පත් බැංකු ගනුදෙනුකරුවන් වෙත ලබා දී ඇති අතර දැනට කොළඹ 01 සිට 15 සහ තදාසන්න ප්‍රදේශයන් ආවරණය කරනු ලබයි. ඉදිරියේදී වැඩි ප්‍රදේශයක් ආවරණය වන පරිදි මෙම සේවාව තව දුරටත් ව්‍යාප්ත කිරීම සම්පත් බැංකුවේ අරමුණයි. දැනට පවතින ඇඳිරිනීති තත්වය යටතේ මෙය වඩාත් ආරක්ෂිත මූල්‍ය විසඳුමක් ලෙසද සඳහන් කළ හැකිය. මීට අමතරව මෑතකදී හඳුන්වා දෙනු ලැබූ ජංගම ස්වයංක්‍රිය ටෙලර් යන්ත්‍ර සේවාව (Mobile ATM) මෙන්ම මෙම දුෂ්කර කාලය තුළ ශ්‍රී ලාංකිකයන්ට අත්‍යවශ්‍ය භාණ්ඩ හා සේවා සපුරා ගැනීම වෙනුවෙන් මුදල් ගනුදෙනු කිරීමට හැකිවන පරිදි තවත් නව්‍යකරණ බැංකු සේවාවන් රැසක් සම්පත් බැංකුව විසින් හඳුන්වා දෙනු ලැබීය.

Sampath PickMe Artwork S 05 05 1

Comment (0) Hits: 882

ශ්‍රී ලංකා - චීන මහ බැංකු දෙක ගිවිසුමකට අත්සන් තබයි

ශ්‍රී ලංකා මහ බැංකුව චීන මහජන බැංකුව සමග ද්වි පාර්ශවික මුදල් හුවමාරු ගිවිසුමකට අත්සන් තබා තිබේ.

දෙරටේ ආර්ථික සංවර්ධනය සඳහා ද්විපාර්ශවික වෙළඳාම සහ සෘජු ආයෝජන ප්‍රවර්ධනය කිරීමටත්, දෙපාර්ශවයේම එකඟතාව මත වෙනත් අරමුණු සඳහා භාවිතා කිරිමට හැකි වන පරිදිත්, ශ්‍රී ලංකා මහ බැංකුව (CBSL) සහ චීන මහජන බැංකුව (PBoC) ද්විපාර්ශවික මුදල් හුවමාරු ගිවිසුමකට එලඹෙන ඇත. මහජන චීන ජනරජය ශ්‍රී ලංකාවේ විශාලතම ආනයන ප්‍රභවය වේ.  2020 දී, චීනයෙන් කරනු ලැබූ ආනයන වටිනාකම ඇමරිකානු ඩොලර් බිලියන 3.6 ක් විය (ශ්‍රී ලංකාවේ ආනයනයන්ගෙන් 22.3%).

ශ්‍රී ලංකා මහ බැංකුවේ මුදල් මණ්ඩලයේ නිර්දේශය මත, මෙම හුවමාරු ගිවිසුමට අමාත්‍ය මණ්ඩල අනුමැතිය ලැබී ඇත. මහබැංකු දෙකෙහි අධිපතිවරුන් වන, ශ්‍රී ලංකා මහ බැංකු අධිපති, දේශමාන්‍ය මහාචාර්ය ඩබ්ලිව්. ඩී. ලක්ෂ්මන්  සහ චීන මහජන බැංකු අධිපති, ආචාර්ය යී ගැන්ග්, මෙම ගිවිසුමට අත්සන් තබා ඇත.

මෙම ගිවිසුම යටතේ, ශ්‍රී ලංකා මහ බැංකුව උපරිම වශයෙන් චීන යුවාන් බිලියන 10 ක (ආසන්න වශයෙන් ඇමරිකානු ඩොලර් බිලියන 1.5 ක) මුදල් හුවමාරු පහසුකමකට හිමිකම් ලබා ඇත. මෙම ගිවිසුම වසර තුනක (3) කාල සීමාවක් සඳහා වලංගු වේ.

Comment (0) Hits: 424

Covid- 19 වෙනුවෙන් අලියාන්ස් ලයිෆ් රක්ෂණාවරණ නොමිලේ ලබාදෙයි

Covid-19 හෙවත් නව කොරෝනා වෛරසය හේතුවෙන් රට තුළ උද්ගතව ඇති තත්වය සහ එහි ස්වභාවය අවබෝධ කර ගනිමින් පාරිභෝගික අවශ්‍යතා සපුරාලීම වෙනුවෙන් සිය සේවාවන් තව තවත් ඉහළ නැංවීමට අලියාන්ස් ලයිෆ් ඉන්ෂුවරන්ස් ලංකා ලිමිටඞ් කටයුතු කර ඇත. Covid-19 හි බලපෑම හේතුවෙන් අපහසුතාවයට ලක්වන සිය ජීවිත රක්ෂණ ඔප්පු හිමියන් තව දුරටත් ආරක්ෂා කිරීම වෙනුවෙන් ඒ සඳහා අතිරේක ආවරණ මාලාවක් ඉදිරිපත් කිරීමට අලියාන්ස් ලයිෆ් මෙහිදී ඉදිරිපත්ව ඇත.

එහිදී දැනට අලියාන්ස් ලයිෆ් සමඟ කටයුතු කරන රක්ෂණ ඔප්පු හිමියන්ට මෙන්ම නව රක්ෂණ ඔප්පු හිමියන් වෙනුවෙන්ද Covid-19 හේතුවෙන් අවාසනාවන්ත ලෙස ජීවිතය අහිමි වුවහොත් රුපියල් 500,000 ක ජීවිත ආවරණයක් සහ අවමංගල වියදම් වෙනුවෙන් රුපියල් 50000 ක අතිරේක ආවරණයක් ද ලබා දීමට අලියාන්ස් ලයිෆ් කටයුතු කරනු ලබයි.

ඊට අමතරව සිය රක්ෂණ ඔප්පු හිමියන් Covid-19 වෙතින් වඩා හොඳින් ආරක්ෂා කර ගැනීම වෙනුවෙන් රෝහල් ගත කිරීම් වියදම් ප්‍රතිපූර්ණය කිරීම ඇතුලු ප්‍රතිලාභ රැසක් හිමිකර දීමටද අලියාන්ස් ලයිෆ් කටයුතු කර ඇත. රෝහල් මුදල් ප්‍රතිලාභ වලට අමතරව අසාධ්‍ය රෝගාබාධ හා ආබාධිත රක්ෂණාවරණයක් ද ඊට ඇතුළත් වේ.

එමෙන්ම මෙවන් අවස්ථාවක මුදල් පරිහරණය නුසුදුසු වන බැවින් රක්ෂණ ඔප්පු සඳහා වන ගෙවීම් eZ cash, genie ගෙවීම් mcash හරහා සිදු කිරීමටදල අලියාන්ස් හි නිල වෙබ් අඩවිය භාවිතා කිරීමට ද අවස්ථාව සලසා දී තිබීම විශේෂත්වයකිග ඒ තුළින් මෙවැනි මොහොතක ඔබගේ ඔප්පු සහ ප්‍රතිලාභයන් සක්‍රීයව පවත්වා ගැනීමේ වැදගත්කම අලියාන්ස් අවධාරණය කොට සිටියි.

මෙම සියලු ප්‍රතිලාභයන් 2020 ජූනි 30 වනදා දක්වා වලංගු වේග මේ පිළිබඳ වැඩිදුර විස්තර පෙගව 8ග30 සිට පගව 5ග00 දක්වා කාලය තුළ +94 11 2317988 /+94 11 2317989 යන අංකයන්ට ඇමතීමෙන් හෝ This email address is being protected from spambots. You need JavaScript enabled to view it. විද්්‍යුත් තැපෑල තුළින් දැන ගත හැකිය.

Comment (0) Hits: 793

ඇල්ටෙයාර් බහුමහල් මිශ්‍ර සංවර්ධන ව්‍යාපෘතියේ පළමු අදියර විවෘත වෙයි

කොළඹ, කොම්පඤ්ඤවීදියේ පිහිටි ඇල්ටෙයාර් බහුමහල් මිශ්‍ර සංවර්ධන ව්‍යාපෘතියේ පළමු අදියර ඊයේ (12) කෙරිණි.

නාගරික සංවර්ධන, වෙරළ සංරක්ෂණ, අපද්‍රව්‍ය බැහැරලීම සහ ප්‍රජා පවිත්‍රතා තා කටයුතු රාජ්‍ය අමාත්‍ය ආචාර්ය නාලක ගොඩහේවා, මුදල් හා ප්‍රාග්ධන වෙළඳපළ සහ රාජ්‍ය ව්‍යවසාය ප්‍රතිසංස්කරණ රාජ්‍ය අමාත්‍ය අජිත් නිවාඩ් කබ්රාල් සහ ශ්‍රී ලංකාවේ ඉන්දියානු මහ කොමසාරිස් ගෝපාල් බග්ලේ යන මහත්වරු මෙම අවස්ථාවට එක් වූහ.

මෙම ඇල්ටෙයාර් ගොඩනැගිල්ලෙහි උස මීටර් 230 ක් වන අතර මෙය මහල් 68 කි.

ඒ අනුව වර්ග 4 කින් සමන්විත අති සුඛෝපභෝගී නිවාස 407 කින් ඇල්ටෙයාර් ගොඩනැගිල්ල සමන්විතය.

මෙහි පිහිටි වාණිජ ප්‍රදේශය වර්ග අඩි 30,000 කි. සියලු නිවාස නවීන පහසුකම්වලින් සමන්විතය.

ඉතා උසස් තත්ත්වයේ අමුද්‍රව්‍ය භාවිතා කර ඉදිකර ඇති මෙම නිවාස වර්ග අඩි 1400 සිට වර්ග අඩි 5000 ක් දක්වා ප්‍ර මාණයක පවතී.

View the embedded image gallery online at:
http://newstube.lk/business#sigProIdc714a81357

Comment (0) Hits: 440

කොවිඩ්-19 හමුවේ ගනුදෙනුකරුවන්ට සම්පත් බැංකුවෙන් සහන රැසක්

සම්පත් බැංකුව අත්‍යාවශ්‍යම මොහොතේ ගනුදෙනුකරුවන් වෙත සහන රැසක් හිමි කර දෙයි.

ශ්‍රී ලාංකේය බැංකුකරණයේ ප්‍රමුඛයකු වන සම්පත් බැංකුව සිය ගනුදෙනුකරුවන්ගේ අවශ්‍යතා හඳුනාගනිමින් ඊට අවශ්‍ය සේවාවන් ලබා දීම වෙනුවෙන් නිරන්තරයෙන් කැපවී සිටියි.

සියලු ව්‍යාපාරයන් වෙත දැඩි බලපෑමක් එල්ල කර ඇති වත්මන් තත්වය තුළ සුලු හා මධ්‍ය පරිමාණ අංශයන්හි වැවිලි කර්මාන්ත, ධීවර, රෙදිපිළි, ප්‍රවාහන හා තොරතුරු තාක්ෂණ ඇතුලු ව්‍යාපාර රැසක් වෙනුවෙන් මාස 6ක ණය සහන කාලයක් සම්පත් බැංකුව විසින් ලබා දී ඇත. තවද ව්‍යාපාරයන් නැවත නගා සිටුවීම වෙනුවෙන් ව්‍යාපාර කාරක ප්‍රාග්ධන අවශ්‍යතා සඳහා 4% පොලී අනුපාතයක් යටතේ ණය පහසුකම් සළසා දීමටද සම්පත් බැංකුව කටයුතු කර ඇත.

අගරු චෙක්පත් මෙන්ම ගෙවීම් නවතා ඇති සියලු චෙක්පත් සඳහා 2020.09.30 දක්වා ගාස්තු අය නොකිරීමටද සම්පත් බැංකුව කටයුතු කරනු ඇති අතර රුපියල් 500,000කට අඩු වටිනාකමකින් යුත් චෙක්පත් සඳහා වන වලංගු කාලය 2020.04.30 දක්වා දීර්ඝ කිරීමටද සම්පත් බැංකුව පියවර ගෙන ඇත.

එසේම සුලු හා මධ්‍ය පරිමාණ ව්‍යවසායකයන්ට තව දුරටත් සහනයක් වෙමින් සම්පත් ලීසිං පහසුකම් යටතේ ලබා ගත් ත්‍රිරෝද රථ, පාසල් සේවා වෑන් රථ, ලොරි රථ, කුඩා ප්‍රමාණයේ භාණ්ඩ ප්‍රවාහන වාහන සහ බස් රථ සඳහා මාස 6ක සහන කාලයක් ලබා දීමට සම්පත් බැංකුව පියවර ගෙන ඇත. ඊට අමතරව ස්වයං රැකියාවන්හි නියුතු වූවන් විසින් ලීසිං පදනම යටතේ මිලදී ගෙන ඇති යතුරු පැදි හා කුලී රථ (ටැක්සි) සඳහා ද මාස 6ක සහන කාලයක් මේ යටතේ හිමිවේ. සම්පත් ලීසිං හරහා ලබාගත් පෞද්ගලික ලීසිං පහසුකම්වල ලක්ෂ 10කට අඩු වාරික ගෙවීම් සඳහා මාස 3ක සහන කාලයක් ලබා දීමටද සම්පත් බැංකුව කටයුතු කර ඇත.

රට තුළ පවතින අර්බුධකාරී තත්වය හේතුවෙන් සම්පත් බැංකුව මඟින් ලබා දී තිබෙන රුපියල් ලක්ෂ 10ක් දක්වා පුද්ගලික ණය සඳහා මාස 3ක සහන කාලයක් හිමි කර දීමට මෙහිදී සම්පත් බැංකුව කටයුතු කර ඇත. ඒ අනුව රුපියල් ලක්ෂ 10ක් දක්වා පුද්ගලික ණය ලබා ගෙන ඇති සම්පත් බැංකු ගනුදෙනුකරුවන් හට තම ණය වාරික ගෙවීම වෙනුවෙන් මාස 3ක සහන කාලයක් හිමිවනු ඇත.

මේ මොහොතේ සම්පත් කාඞ්පත් හිමියන්ට ද ඉමහත් සහනයක් හිමිකර දී ඇති සම්පත් බැංකුව රුපියල් 50,000ක වටිනාකමින් යුත් සම්පත් බැංකු ක්‍රෙඩිට් කාඞ් පත් සඳහා 15%ක උපරිම පොලී අනුපාතයක් ලබා දෙමින් අවම මාසික ගෙවීම 50%කින් අඩු කිරීමට සම්පත් බැංකුව කටයුතු කර ඇත. එම සහනය 2020. අප්‍රේල් මස අවසන් වන තුරු ක්‍රියාත්මක වේ. එසේම 2020.09.30 දක්වා ක්‍රෙඩිට් කාඞ් පත් ගෙවීම් වෙනුවෙන් කිසිඳු ප්‍රමාද ගාස්තුවක් අය නොකිරීමටද සම්පත් බැංකුව තීරණය කොට ඇත.

මීට අමතරව මේ මොහොතේ දුෂ්කරතාවයට පත්ව සිටින සිය ගනුදෙනුකරුවන් වෙනුවෙන් ජංගම ස්වයංක්‍රීය ටෙලර් යන්ත්‍ර ^ Mobile ATM & පහසුකම්ද සළසා දීමට පියවර ගෙන ඇත. බැංකුවට හෝ නගරයේ ස්යංක්‍රීය ටෙලර් යන්ත්‍රය වෙත නොගොස් තමන්ගේ නිවස අසලට පැමිණෙන ජංගම ස්වයංක්‍රීය ටෙලර් යන්ත්‍ර තුළින් මුදල් ලබා ගැනීමට මෙන්ම මුදල් තැන්පත් කිරීමටද ගනුදෙනුකරුවන්ට අවස්ථාව උදා වේ.

Allianz වත්මන් තත්වය මනාව හඳුනාගනිමින් අතිරේක රක්ෂණාවරණයන් රැසක් හිමි කර දෙයි

COVID-19 හෙවත් නව කොරානා වෛරසය අදාළව රට තුළ උද්ගතවන තත්වය සහ එහි ස්වභාවය අවබෝධ කර ගනිමින් පාරිභෝගික අවශ්‍යතා සපුරාලීම වෙනුවෙන් සිය සේවාවන් තව තවත් ඉහළ නැංවීමට Allianz Life Insurance Lanka Limited කටයුතු කර ඇත. COVID-19 හි බලපෑම හේතුවෙන් අපහසුතාවට ලක්වන සිය ජීවිත රක්ෂණ ඔප්පු හිමියන් තව දුරටත් ආරක්ෂා කිරීම වෙනුවෙන් ඒ සඳහා අතිරේක ආවරණ මාලාවක් ඉදිරිපත් කිරීමට Allianz Life මෙහිදී ඉදිරිපත්ව ඇත.

එහිදී දැනට Allianz සමඟ කටයුතු කරන ක්ෂණ ඔප්පු හිමියන්ට මෙන්ම නව රක්ෂණ ඔප්පු හිමියන් වෙනුවෙන් COVID-19 හේතුවෙන් අවාසනාවන්ත ලෙස ජීවිතය අහිමි වුවහොත් රුපියල් 50,000ක පරිපූරක ජීවිත ආවරණයක් සහ අවමංගල වියදම් වෙනුවෙන් තවත් අතිරේක රුපියල් 50,000ක මුදලක් ලබා දීමටද Allianz Life කටයුතු කරනු ලබයි. එමෙන්ම සිය රක්ෂණ ඔප්පු හිමියන් ඣඪෂෘ-19 වෙතින් වඩා හොඳින් ආරක්ෂා කර ගැනීම වෙනුවෙන් රෝහල් ගත කිරීම් වියදම් ප්‍රතිපූර්ණය කිරීම ඇතුලු ප්‍රතිලාභ රැසක් හිමිකර දීමටද කටයුතු කර ඇත. රෝහල් මුදල් ප්‍රතිලාභ වලට අමතරව බරපතල රෝගාබාධ හා ආබාධිත රක්ෂණාවරණයද ඊට ඇතුළත් වේ.

මෙම සියලු ප්‍රතිලාභයන් 2020 ජූනි 30 වනදා දක්වා වලංගු වලංගු වේ. වෛරසය ව්‍යාප්ත වීම පාලනය කිරීම වෙනුවෙන් රජය ගනු ලබන ක්‍රියාමාර්ගයන්ට සහාය දැක්වීම Allianz හි සියලු ගනුදෙනුකරුවන් සහාය දැක්විය යුතු බැවින් නැවත දැන්ම් දෙන තුරු සිය ප්‍රධාන කාර්යාලය සහ සියලු ශාඛාවන් නැවත දැනුම් දෙන තුරු විවෘත නොකිරීමටද කටයුතු කර ඇති බව ්කකස්බ‘ සිය ගනුදෙනුකරුවන්ට දැනුම් දෙනු ලබයි. මේ පිළිබඳ වැඩිදුර විස්තර පෙ.ව 8.30 සිට ප.ව 5.00 දක්වා කාලය තුළ යන +9411 2317988 /+94 11 2317989 අංකයන්ට ඇමතීමෙන් හෝ This email address is being protected from spambots. You need JavaScript enabled to view it. විද්්‍යුත් තැපෑල තුළින් දැන ගත හැකිය.

 

Comment (0) Hits: 1206

Page 1 of 5