V2025

ව්‍යාපාරික

“DLB සත්කාර”  අට වන වෛද්‍ය කදවුර නුවරඑළියේදී

සංවර්ධන ලොතරැයි මණ්ඩලයේ අලෙවි නියෝජිත අලෙවි සහායක මහත්ම මහත්මීන් වෙනුවෙන් පවත්වනු ලබන “ DLB සත්කාර ” වෛද්‍ය කදවුරු මාලාවේ අටවන වෛද්‍ය කදවුර නුවරඑළිය දිස්ත්‍රික්කය සදහා 2019.11.10 වන දින නුවරඑළිය නගරයේදී පවත්වන ලදී.

මෙම වෛද්‍ය කදවුර සදහා 400කට ආසන්න පිරිසක් සහභාගි වූ අතර එහිදී වෛද්‍ය පරීක්ෂණ හා වෛද්‍ය උපදෙස් සමගින් ඖෂධ ලබාදීමත් අක්ෂි පරීක්ෂාව සමගින් ඇස් කණ්ණාඩි ලබාදීමත් සිදුවිය.

මේ සදහා සංවර්ධන ලොතරැයි මණ්ඩලයේ සභාපති සේන සූරියප්පෙරුම මහතා,නුවරඑළිය කලාප කළමනාකරු උපාලි සමන්කුමාර මහතා සහ කොළඔ දිස්ත්‍රික් කලාප කළමනාකරු චින්තක අයිලප්පෙරුම යන අය සහභාගී විය.

View the embedded image gallery online at:
http://newstube.lk/business#sigProIdacb4ff4508

Comment (0) Hits: 75

රජය සතු ව්‍යාපාර 10 ක් සමඟ සාමූහික අභිලාෂ ප්‍රකාශ අත්සන් තැබේ !

රජය විසින් තෝරාගත් රජය සතු ව්‍යාපාර 10 ක් සමඟ සාමූහික අභිලාෂ ප්‍රකාශ අත්සන් තැබීම 2019 ජූනි 10 වන දින ප.ව. 5.30 ට මුදල් අමාත්‍යාංශයේ “රන්දොර” ශාලාවේදී සිදු කෙරිණි.

රජය සතු ව්‍යාපාරවල කාර්යසාධනය ඉහළ නැංවීමේ අරමුණින් 2017 වර්ෂයේදි රාජ්‍ය ව්‍යාපාර දෙපාර්තමේන්තුව විසින් සාමූහික අභිලාෂ ප්‍රකාශ සංකල්පය හඳුන්වාදෙන ලදී. 2017 පෙබරවාරි 07 වන දින මෙම සංකල්පය සඳහා අමාත්‍ය මණ්ඩල අනුමැතිය ලබාදෙන ලද අතර, ලංකා ඛනිජතෙල් නීතිගත සංස්ථාව, ලංකා විදුලිබල මණ්ඩලය, ශ්‍රී ලංකා වරාය අධිකාරිය, ගුවන් තොටුපළ හා ගුවන් සේවා (ශ්‍රී ලංකා) සමාගම , ජාතික ජල සම්පාදන හා ජලාපවහන මණ්ඩලය යන ප්‍රධාන රජය සතු ව්‍යාපාර 5 ක් සමඟ 2017 මාර්තු 15 වන දින මෙම ප්‍රකාශ සඳහා අත්සන් තබන ලදී.

ඉන් අනතුරුව, අමාත්‍ය මණ්ඩල අනුමැතියට අනුගත වෙමින් තවත් රජය සතු ව්‍යාපාර 10 ක් සමඟ සාමූහික අභිලාෂ ප්‍රකාශ අත්සන් කිරීමට සැලසුම් කරන ලද අතර, ශ්‍රී ලංකා රාජ්‍ය වැවිලි සංස්ථාව, නාගරික සංවර්ධන අධිකාරිය, සී/ස ලංකා සතොස සමාගම, මධ්‍යම ඉංජිනේරු උපදේශක කාර්යාංශය, රාජ්‍ය දැව සංස්ථාව, සී/ස කුරුණෑගල වැවිලි සමාගම, රාජ්‍ය ඖෂධ නීතිගත සංස්ථාව, සී/ස මිල්කෝ (පුද්ගලික) සමාගම, ජාතික පශු සම්පත් සංවර්ධන මණ්ඩලය සහ භූ විද්‍යා සමීක්ෂණ හා පතල් කාර්යාංශය එම ආයතන වේ.

සාමූහික අභිලාෂ ප්‍රකාශය යනු මුදල් අමාත්‍යාංශයේ ලේකම්, අදාළ රේඛීය අමාත්‍යාංශයේ ලේකම් සහ අධ්‍යක්ෂ මණ්ඩලය වෙනුවෙන් අදාල රාජ්‍ය ව්‍යාපාරයේ සභාපතිවරයා විසින් අත්සන් කරනු ලබන ත්‍රෛපාර්ශවීක ගිවිසුමක් වන අතර රටෙහි සාර්ව ආර්ථික අරමුණු සාක්ෂාත් කර ගැනීම සඳහා වාණිජමය ශක්‍යතාවයෙන් යුතුව ක්‍රියා කිරීමට යෝග්‍ය වේදිකාවක් නිර්මාණය කිරීම මෙහි මෙහෙවර වේ. සාමූහික අභිලාෂ ප්‍රකාශය තුල පහත සඳහන් අරමුණු අන්තර්ගත වේ; රාජ්‍ය අයවැ‍යෙන් ස්වාධීනව හා වාණිජමය ශක්‍යතාවයෙන් යුතුව ක්‍රියා කිරීමේ හැකියාව ඇති කිරීම, ආයතනික යහපාලනය ඉහළ නැංවීම, මූල්‍ය කළමනාකරණය ශක්තිමත් කිරීම, මානව සම්පත් කළමනාකරණය ශක්තිමත් කිරීම, මෙහෙයුම් ක්‍රියාවලියේ වෙනස්කම් සිදුකිරීම සහ ව්‍යාපාර ක්‍රියාවලිය නවීකරණය කිරීම, මෙහෙයුම් විනිවිදභාවය හා වගවීම ඉහළ නැංවීම, ව්‍යාපාර මෙහෙයුම් කටයුතු වල කාර්යක්ෂමතාවය හා ඵලදායීත්වය සහතික කිරීම සහ ආයෝජන සඳහා සාධාරණ ප්‍රතිලාභ ජනනය කිරීම. තවද, මෙම ප්‍රකාශය තුළ වසර තුනක කාලපරිච්ඡේදය පුරා පැතිරුණු, රාජ්‍ය ආයතනවල සංයුක්ත සැලැස්ම, ක්‍රියාකාරී සැලැස්ම හා වාර්ෂික අයවැය හා සම්බන්ධ වන ප්‍රධාන කාර්යසාධන දර්ශකද ඇතුළත් වේ. මීට අමතරව, රජය සතු ව්‍යාපාරයන්හි සියලු වාණිජමය නොවන මෙහෙයුම් වල බලපෑමද සාමූහික අභිලාෂ ප්‍රකාශයෙහි ඇතුළත් කර ඇත.

ශ්‍රී ලංකාවේ දළ දේශීය නිෂ්පාදිතය වැඩි කිරීමෙන් ආර්ථික ඉලක්ක සපුරා ගැනීම සඳහා උපාය මාර්ගික වැදගත්කමක් ඇති රාජ්‍ය ආයතන වෙත සාධනීය ලෙස දායක වීමට සාමූහික අභිලාෂ ප්‍රකාශය මඟින් හැකියාව ලැබෙනු ඇත. මෙම රාජ්‍ය ව්‍යාපාරයන්හි ඇති අරමුණු සාක්ෂාත් කර ගැනීම සඳහා, රජයේ ප්‍රධාන අපේක්ෂාවන් වන්නේ මෙහෙයුම් සහ මූල්‍ය කාර්යක්ෂමතාව වැඩිදියුණු කිරීම සඳහා දියුණු ආයතනික පුරුදු, නවීන මූල්‍යකරණය, ප්‍රබල හා විචක්ෂණ මූල්‍ය කළමනාකරණය, තරඟකාරිත්වයට නිරාවරණය වීම, ජාත්‍යන්තර මට්ටමේ යහපත් භාවිතයන් හා ඵලදායී මානව සම්පත් කළමනාකරණය කිරීම තුළින් එම ආයතන සවිබල ගැන්වීම සහ පහසුකම් සැපයීම වේ.

සාමූහික අභිලාෂ ප්‍රකාශය තෝරාගත් රජය සතු ව්‍යාපාර සහ රේඛීය අමාත්‍යාංශ විසින් ඔවුන්ගේම කළමනාකරණ මෙවලම ලෙස භාවිතා කරනු ලබන්නේ කෙතරම් දුරකටද යන්න මත සාමූහික අභිලාෂ ප්‍රකාශ ක්‍රියාවලියේ කාර්යක්ෂමතාවය මූලික වශයෙන්ම රඳා පවතී. සාමූහික අභිලාෂ ප්‍රකාශයන්හි ප්‍රගතිය රාජ්‍ය ව්‍යාපාර දෙපාර්තමේන්තුව මඟින් අධීක්ෂණය කරනු ලබන අතර, කාලානුරූපීව ප්‍රගති වාර්තාවන් අමාත්‍ය මණ්ඩලයේ අවධානය පිණිස ඉදිරිපත් කරනු ලබයි.

මෙම වැඩපිළිවෙළ ක්‍රියාවට නැංවීමේ සාර්ථකත්වය මත රජය විසින් වරින් වර අනෙකුත් රජය සතු ව්‍යාපාර 400 සඳහාද මෙම පියවර ගැනීමට අපේක්ෂා කෙරේ.

 10mfm

 

Comment (0) Hits: 259

ලොතරැයි ඉතිහාසයේ ලොකුම ජයමල්ල කෝටි 14.5 දිනාගනී

එදා මෙදා තුර ශ්‍රි ලාංකීය ලොතරැයි ඉතිහාසයේ වැඩිම සුපිරි ජයමල්ල වෙනුවෙන් ජයග්‍රාහකයෙක් බිහි කිරීමට සංවර්ධන ලොතරැයි මණ්ඩලයේ කෝටිපති කප්රුක ලොතරැයියට හැකියාව ලැබී ඇත.

සංවර්ධන ලොතරැයි මණ්ඩලයේ වැඩිම ආරම්භක සුපිරි ජයමල්ල වන කෝටි 7.5 ක ජයමල්ලක් සහිත කෝටිපති කප්රුක ලොතරැයියේ 513 වන වාරයේ සුපිරි ජයමල්ල වූ රු.14 50 29 213ක අති දැවැන්ත ජයමල්ල දිනා ගැනීමට පසුගිය 2019.10.27 වන ඉරිදා දින රත්නපුර දිස්ත්‍රික්කයේ ගොඩකවෙල ප්‍රදේශයේ වාසනාවන්තයෙක් හෝ වාසනාවන්තියක් සමත්ව ඇත.

එම ජයග්‍රාහී ලොතරැයිපත අලෙවි කර ඇත්තේ සංවර්ධන ලොතරැයි මණ්ඩලයේ ගොඩකවෙල අලෙවි නියෝජිත ආර්.පී. සෝමා ප්‍රියන්ති මහත්මියයි.

2016 වසරේදී වෙළදපලට නිකුත් කරන ලද කෝටිපති ශනිදා ලොතරැයිය කෝටිපති කප්රුක නමින් වඩාත් ආකර්ෂණීය ලෙස ඉදිරිපත් කිරීම පසුගිය අගෝස්තු මස සිදුවූ අතර වසර තුනක් වැනි ඉතාමත් කෙටි කාලයකදී මෙවන් සුපිරි ජයමල්ලකට හිමිකරුවෙක් බිහි කීරීම ඉතාමත් සතුටුදායක කරුණකි.
මේ වන විට කෝටිපති (ශනිදා) දැන් කෝටිපති කප්රුක ලොතරැයිය මගින් 2016 සිට මේ දක්වා සුපිරි ජයග්‍රාහකයින් 08 දෙනෙක් බිහිකර ඇති අතර ඔවුන් වෙත ලබාදුන් සමස්ත ත්‍යාග මුදල් වල වටිනාකම රුපියල් මිලියන 751 කි. නැතහොත් කෝටි 75.1 කි.

කෝටිපති කප්රුක ශ්‍රි ලාංකිය ලොතරැයි පාරිභෝගිකයන් හට අනාගතයේදී ලොතරැයි කප් රුකක් වන අතර සංවර්ධන ලොතරැයි මණ්ඩලය තම සියලුම පාරිභෝගිකයන් හට සැමදා ජයග්‍රාහණයන් හිමිවේවායි මේ වාර්තාගත අවස්ථාවේදී ප්‍රාර්ථනා කරයි.

kk news

Comment (0) Hits: 202

ඇඹිලිපිටියට සහ ත්‍රිකුණාමලයට කුඩා පරිමාණ සූර්ය බලාගාර !

සූර්ය බල සංග්‍රාමය වැඩසටහන යටතේ දිවයින පුරා මධ්‍යම ජාලයට සම්බන්ධ කුඩා පරිමාණ සූර්ය බලාගාර 90ක් ඉදි කිරීම සඳහා සුදුසු ග්‍රිඩ් උපපොළවල් 17ක් හඳුනා ගන්නා ලදී.

ඒ අතුරින් ත්‍රිකුණාමලය ග්‍රිඩ් උපපොළ සඳහා සම්බන්ධ කරගැනීමට අපේක්ෂිත මෙගාවොට් 1ක ධාරිතාවයෙන් යුත් සූර්ය බල ව්‍යාපෘති 7න් ව්‍යාපෘති 3ක් සීමාසහිත සන්කෝර් සෝලර් සිටි පුද්ගලික සමාගම වෙතත්, ඉතිරි ව්‍යාපෘති 4 සීමාසහිත කැපිටල් සිටි හෝල්ඩින් පුද්ගලික සමාගම වෙත පිරිනැමීමටත්, මොණරාගල ග්‍රිඩ් උපපොළ සඳහා සම්බන්ධ කරගැනීමට අපේක්ෂිත මෙගාවොට් 1ක ධාරිතාවයෙන් යුත් සූර්ය බල ව්‍යාපෘති 5න් ව්‍යාපෘති 4ක් සීමාසහිත ගෝල්ඩන් කෝපරේෂන් ලංකා ප්‍රද්ගලික සමාගම වෙතත් ඉතිරි ව්‍යාපෘතිය සීමාසහිත නිහෝන් ග්‍රීන් පවර් කම්පැනි පුද්ගලික සමාගම වෙතත් අමාත්‍ය මණ්ඩලය විසින් පත් කරන ලද සාකච්ඡා සම්මුති කමිටුවේ නිර්දේශය පරිදි ප්‍රදානය කිරීම පිණිස විදුලිබල, බලශක්ති සහ ව්‍යාපාර සංවර්ධන අමාත්‍ය රවී කරුණානායක ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී.

Comment (0) Hits: 318

“DLB සත්කාර” හත්වන වෛද්‍ය කදවුර හම්බන්තොට දිස්ත්‍රික්කයේදී

සංවර්ධන ලොතරැයි මණ්ඩලය තම අලෙවි නියෝජිත සහ අලෙවි සහායක මහත්ම මහත්මින් වෙනුවෙන් “ DLB සත්කාර ” යන තේමාව යටතේ ක්‍රියාත්මක කරනු ලබන වෛද්‍ය කදවුරු මාලාවේ තවත් අදියරක් පසුගියදා ක්‍රියාත්මක කරන ලදී.

එය හම්බන්තොට දිස්ත්‍රික්කයේ අලෙවි නියෝජිත සහ අලෙවි සහායක මහත්ම මහත්මීන් වෙනුවෙන් පවත්වන ලද අතර එය මෙම වෛද්‍ය කදවුරු මාලාවේ හත්වන වෛද්‍ය කදවුරයි.

පසුගිය ඔක්තෝබර් 13 වන දින පවත්වන ලද මෙම වෛද්‍ය කදවුර සදහා 300කට ආසන්න පිරිසක් සහභාගි වූ අතර එහිදී වෛද්‍ය පරීක්ෂණ හා වෛද්‍ය උපදෙස් සමගින් ඖෂධ ලබාදීමත් අක්ෂි පරීක්ෂාව සමගින් ඇස් කණ්ණාඩි ලබාදීමත් සිදුවිය.

මේ සදහා සංවර්ධන ලොතරැයි මණ්ඩලයේ සභාපති සේන සූරියප්පෙරුම මහතා, නියෝජ්‍ය සාමාන්‍යාධිකාරී චානක දොඩංගොඩ මහතා සහකාර සාමාන්‍යාධිකාරී (විකුණුම්) සුනිල් ජයරත්න මහතා, හම්බන්තොට දිස්ත්‍රික් කලාප කළමනාකරු මහින්ද දිසානායක මහතා ඇතුලු පිරිස සහභාගී විය.

View the embedded image gallery online at:
http://newstube.lk/business#sigProIdb472434f72

Comment (0) Hits: 127

රිෂාඩ් සම්පකාර ක්ශේත්‍රයේ ගැටලු විසදයි !

මෙරට මෙන්ම ජාත්‍යන්තර වශයෙන්ද පුළුල් හා කාර්යක්ෂම සේවාවක් සපයමින් පොදු අරමුණු ඉටුකරගැනිම උදෙසා සමුපකාර ව්‍යාපාරය සුවිශේෂී දායකත්වයක් සපයනු ලබයි.

එහෙත් මෙරට සමුපකාර ක්ෂේත්‍රය තුළ දේශපාලනීකරණය, අකාර්යක්ෂම කළමනාකරණය හා පරිපාලන ගැටලු ආදි තත්ත්වයන් නිරීක්ෂණය වී ඇත.

එබැවින් සමස්ත සමුපකාර ක්‍රමවේදය, එහි දැනට පවතින ගැටලු, එම ගැටලු සඳහා විසඳුම් සහ ඒ සඳහා සමුපකාර නීති රාමුව තුළ සිදුවිය යුතු සංශෝධනය සම්බන්ධයෙන් නිර්දේශ ඉදිරිපත් කිරීම සඳහා විද්වත් මණ්ඩලයක් පත් කිරීම පිණිස කර්මාන්ත හා වාණිජ කටයුතු, දිගුකාලීනව අවතැන්වූ පුද්ගලයන් නැවත පදිංචි කිරීම, සමුපකාර සංවර්ධන සහ වෘත්තීය පුහුණු හා නිපුණතා සංවර්ධන අමාත්‍ය රිෂාඩ් බදියුදීන් ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී.

Comment (0) Hits: 273

DLB SWEEP APP මඟින් සිය පාරිභෝගිකයින්ට වඩාත් ඉහළ සේවාවක්

දශක තුනකට වැඩි කාලයක් පුරා ඔබේ ජීවිතයම එළිය කරන සංවර්ධන ලොතරැයි මණ්ඩලය බිහිකළ වාසනාවන්ත ලක්ෂපතියන්,කෝටිපතියන් ගණන අපමණයි.

දිනෙන් දින, පියවරෙන් පියවර සාර්ථකත්වයේ මාවත ඔස්සේ ඉදිරියටම යන සංවර්ධන ලොතරැයිය කාලානුරූපීව සමාජ, ආර්ථික හා තාක්ෂණික ප්‍රවණතාවන්ට අනුව හැඩගැසුණු ලොතරැයියකි.

ආරම්භයේ සිට මේ දක්වා ලොතරැයිපතක් හරහා නව තාක්ෂණයේ නව මංපෙත් ඔබ වෙත සමීප කළ සංවර්ධන ලොතරැයි මණ්ඩලය ජාත්‍යන්තර ලොතරැයි ව්‍යාපාරයේ පූර්වාදර්ශයක් උකහා ගනිමින් ශ්‍රී ලාංකීය ලොතරැයි ව්‍යාපාරයේ නව මානයන් කරා ගමන් කිරීමට මූලික අඩිතාලම දැනටමත් තබා අවසන්.

ඒ අනුව සංවර්ධන ලොතරැයි මණ්ඩලය හඳුන්වා දෙන DLB SWEEP APP මඟින් සිය පාරිභෝගිකයින්ට වඩාත් ඉහළ සේවාවක් ලබාදීම ඔවුන්ගේ බලාපොරොත්තුවයි.

ඔබගේ පහසුව වෙනුවෙන්ම සකසන ලද DLB SWEEP යෙදවුම මඟින් සංවර්ධන ලොතරැයි මණ්ඩලයට අයත් සියලුම ලොතරැයි ජයග්‍රහණයන්හි දෛනික නිල ප්‍රථිපල හා මාස 06ක් පැරණි නිල ප්‍රථිපල ඉතාම විශ්වාසවන්ත ලෙස නිවැරදිව,ඉක්මණින් දැන ගැනීමේ හැකියාව දැන් ඔබට උදාකර තිබේ.

IMG 4478කාර්යබහුල ඔබේ ජීවන රටාවට පහසුවක් වෙමින් ඔබවෙත එන DLB SWEEP APP හරහා ඔබගේ ජංගම දුරකථනය ඔස්සේ ඔබ කැමති ඕනෑම වේලාවක ජයග්‍රාහී ලොතරැයි නිල ප්‍රථිපල ඉතාම නිවැරදිව,එසැණින් දැනගැනීමේ අවස්ථාව පමණක් නොව ලොතරැයි ටිකට් පතේ ඇති QR සංකේතය භාවිත කර ලොතරැයි ටිකට් පතට අදාළ ත්‍යාග තිබේද හා ඊට අදාළ ත්‍යාග මුදල දැනගැනීමේ පහසුකමද සලසා ඇත.

ලොතරැයි පතක් වෙනුවෙන් ඔබ වැය කරන රුපියල් විස්සෙන් නැවතත් ඔබවම ජයග්‍රාහකයෙක් කරනා සංවර්ධන ලොතරැයි මණ්ඩලය ඔබ වෙනුවෙන් පමණක් නොව රට වෙනුවෙන්ද සෞඛ්‍ය සහ අධ්‍යාපනික මෙහෙවරක යෙදී සිටින්නේ ජනාධිපති අරමුදල සහ මහපොළ ශිෂ්‍යත්ව භාරකාර අරමුදල ශක්තිමත් කරමින්ය.

ජනධිපති අරමුදල වෙනුවෙන් සම්පූර්ණ ලාභාංශ පරිත්‍යාග කරන එකම රාජ්‍ය ආයතනය වන සංවර්ධන ලොතරැයි මණ්ඩලය සිය ලොතරැයි අලෙවි නියෝජිත ජාලය හරහා විශාල පිරිසකට රැකියා නිර්මාණය කර දී තිබෙන බව පවසන්නේ හද පිරි සතුටිනි.

DLB SWEEP APP හරහා ජයග්‍රාහී ලොතරැයි නිල ප්‍රථිපල ලබාගැනීමේ හැකියාව දැනටමත් ක්‍රියාත්මක වන අතර ඔබේ පහසුව සඳහා ඉදිරියේදී DLB SWEEP APP ඔස්සේ තවත් පහසුකම් ගණනාවක් හඳුන්වා දීමට සංවර්ධන ලොතරැයි මණ්ඩලය බලාපොරොත්තු වේ.

පුංචි රුපියල් විස්සකින් ජාතික මෙහෙවරක යෙදෙන සංවර්ධන ලොතරැයිය සමඟින් ඔබත් දිනා,රටත් දිනවන්න.

ඔබත් අදම ඔබේ ජංගම දුරකථනයට හෝ ටැබ් යන්ත්‍රයට සංවර්ධන ලොතරැයි මණ්ඩලයේ DLB SWEEP APP ඩවුන්ලෝඩ් කරගන්න.App Icon 02

 

Comment (0) Hits: 147

එන්ට‍ප‍්‍රයිස් ශ්‍රී ලංකා තුරුණු දිරිය ණය යෝජනා ක්‍රමයෙන් 744කට රු. මිලියන 306ක් !

එන්ට‍ප‍්‍රයිස් ශ්‍රී ලංකා වැඩසටහන යටතේ ක‍්‍රියාත්මක ලංකා බැංකුවේ තුරුණු දිරිය ණය යෝජනා ක‍්‍රමය මගින් ව්‍යවසායකයින් 744 දෙනෙකුට රුපියල් මිලියන 306කට අධික ණය ලබා දී ඇතැයි අග‍්‍රාමාත්‍ය කාර්යාලයේ ප‍්‍රතිපත්ති සංවර්ධන කාර්යාලය සඳහන් කරයි.

ලංකා බැංකුව මගින් ඉදිරිපත් කළ නවතම ප‍්‍රගති සමාලෝචන වාර්තාවක් උපුටා දක්වමින් ඔවුහු මේ බව සඳහන් කරති.

ඒ අනුව සබරගමු පළාත වැඩිම ණය ප‍්‍රමාණයක් නිකුත් කර තිබූ අතර එය ව්‍යවසායක ණය 146ක් දක්වා ඉහළ ගොස් තිබුණි.

බස්නාහිර සහ උතුරු පළාත ණය 103ක් සහ 105 බැගින් නිකුත් කරමින් පිළිවෙළින් දෙවන සහ තෙවන ස්ථානවලට පත් වී තිබේ.

වැඩිම ණය නිකුත් කර තිබූ දිස්ත‍්‍රික්කය බවට රත්නපුර පත්ව ඇති අතර එම ප‍්‍රමාණය ව්‍යයවසායක ණය 116ක් දක්වා ඉහළ ගොස් තිබුණි.

කුඩා පරිමාණ තරුණ ව්‍යවසායකයින් නගා සිටුවමින් ජාතික ආර්ථිකය ශක්තිමත් කරවීමේ අරමුණින් එන්ට‍ප‍්‍රයිස් ශ්‍රී ලංකා වැඩසටහන යටතේ තුරුණු දිරිය ණය යෝජනා ක‍්‍රමය ක‍්‍රියාත්මක වේ.

මේ වන විට තුරුණු දිරිය ණය යෝජනා ක‍්‍රමය මගින් දිවයිනේ සියලුම දිස්ත‍්‍රික්ක ආවරණය වන පරිදි ව්‍යවසායක ණය ලබා දී ඇති අතර දිවයින පුරා විසිරී සිටින තරුණ ව්‍යවසායක පිරිස් දිනෙන් දින ණය ව්‍යාපෘතියට එක්වෙමින් සිටින බවද අග‍්‍රාමාත්‍ය කාර්යාලයේ ප‍්‍රතිපත්ති සංවර්ධන කාර්යාලය සඳහන් කරයි.

උපාධියක් හෝ පිළිගත් වෘත්තීය නිපුණතා සහතිකයක් සහිත වසර 03 කට නොඅඩු කාලයක් ව්‍යපාරයේ නියැලි සිටින සහ වසර 40කට නොවැඩි තරුණ ව්‍යවසායකයින් උදෙසා සුරැකුම්, ඇපකරුවන් රහිතව හෝ ලිහිල් ඇප සහිතව අඩු පොලියක් යටතේ ණය පහසුකම් ලබා දෙයි.

දිවයින පුරා පිහිටි ලංකා බැංකු ශාඛාවලින් හෝ ප‍්‍රදේශීය ලේකම් කාර්යාල මඟින් මේ පිළිබඳව වැඩිදුර තොරතුරු ලබා ගත හැක.

ලංකා බැංකුව, අග‍්‍රාමාත්‍ය කාර්යාලයේ ප‍්‍රතිපත්ති සංවර්ධන කාර්යාලය, ජාතික ප‍්‍රතිපත්ති, ආර්ථික කටයුතු, නැවැත පදිංචි කිරීම් හා පුනරුත්ථාපන, උතුරු පළාත් සංවර්ධන, වෘත්තීය පුහුණු හා නිපුණතා සංවර්ධන සහ යෞවන කටයුතු අමාත්‍යාංශයේ මධ්‍යම වැඩසටහන් කළමනාකරණ ඒකකය සහ කුඩා ව්‍යාපාර සංවර්ධන අංශය ඇතුළුව දිවයිනේ සියලුම ප‍්‍රදේශීය හා දිස්ත‍්‍රික් ලේකම් කාර්යාලයන් හි මැදිහත් වීම මත මෙම ණය යෝජනා ව්‍යාපෘතිය ක‍්‍රියාත්මක වේ.

Comment (0) Hits: 288

ඉතිහාසයේ වැඩිම ත්‍යාගලාභීන්: ජාතික ලොතරැයි මණ්ඩලයෙන්

ඉතිහාසයේ වැඩිම ත්‍යාග ලාභීන් ප්‍රමාණයක් බිහිකර ඇති ජාතික ලොතරැයි මණ්ඩලය අද දින රුපියල් කොටි 18 කට වඩා වටිනා මුදල් ත්‍යාග, මෝටර් රථ 03 සහ යතුරු පැදි 17 ත්‍යාග ලාභීන් වෙත ලබාදෙන ලදී.

View the embedded image gallery online at:
http://newstube.lk/business#sigProIdc0053cbb52

Comment (0) Hits: 149

සංචාරක සංවර්ධන අධිකාරියේ නව සභාපති ජොහාන් ජයරත්න

ශ්‍රී ලංකා සංචාරක සංවර්ධන අධිකාරියේ සභාපතිවරයා වූ කිෂු ගෝමස් මහතා ඉන් ඉවත් කර ඒ වෙනුවට එහි නව සභාපතිවරයා වශයෙන් යොහාන් ජයරත්න මහතා පත් කළ බව සංචාරක සංවර්ධන , වනජීවි සහ ක‍්‍රිස්තියානි කටයුතු අමාත්‍යාංශය සඳහන් කරයි.

සංචාරක අමාත්‍ය ජෝන් අමරතුංග මහතා විසින් අද (14) සිට ක‍්‍රියාත්මක වන පරිදි මෙම පත් කිරීම සිදු කර ඇත.

මෙම පත් කිරීමට අදාළ ලිපිය අමාත්‍ය ජෝන් අමරතුංග මහතා විසින් අද පෙරවරුවේ ජොහාන් ජයරත්න මහතා වෙත ලබා දෙන ලදී.

ජොහාන් ජයරත්න මහතා සංචාරක සංවර්ධන අධිකාරියේ සභාපති ධූරයට පත් වීම පෙර සංචාරක සංවර්ධන අධිකාරියේ කළමනාකාර අධ්‍යක්ෂක ලෙසද ,ගුවන්තොටුපල සහ ගුවන්සේවා අධිකාරියේ විධායක අධ්‍යක්ෂකවරයකු ලෙසද කටයුතු කර ඇත.

කෙසේ වෙතත් කිෂු ගෝමස් මහතා පසුගිය පෙබරවාරි මාසයේ සිට කටයුතු කළ සංචාරක ප‍්‍රවර්ධන කාර්යාංශයේ සභාපති ධුරයේ තවදුරටත් රැඳී සිටින බව සංචාරක අමාත්‍යාංශය සඳහන් කර සිටී.

පාස්කු ඉරිදා එල්ල වුණු ත‍්‍රස්තවාදී ප‍්‍රහාරයෙන් අනතුරුව සංචාරක කර්මාන්තය සංවර්ධනය කිරීමේදී සංචාරක සංවර්ධන අධිකාරිය සහ සංචාරක ප‍්‍රවර්ධන කාර්යාංශය මුහුණ දී ඇති නව අභියෝග වෙත මුහුණ දීම සඳහා මෙම නව පත් කිරීම සිදුකළ බවද එම අමාත්‍යාංශ්‍ය කියා සිටී.

ඒ අනුව මේ වසර තුළදී ගෝලීය වෙළෙඳ පොළ තුළ ශ්‍රී ලංකාවේ සංචාරක සන්නාමය ප‍්‍රවර්ධනය කිරීමේ කටයුතු කිෂු ගෝමස් මහතා යටතේ පවතින ප‍්‍රවර්ධන කාර්යාංශය හරහාද, දේශීය සංචාරක කර්මාන්තය දියුණු කිරීමේ කටයුතු ජයරත්න මහතා යටතේ පවතින සංචාරක සංවර්ධන අධිකාරිය යටතේද සිදු කිරීම අරමුණ බව සංචාරක සංවර්ධන,වනජීවි සහ ක‍්‍රිස්තියානි කටයුතු අමාත්‍යාංශය වැඩිදුරටත් සඳහන් කළේය.

Comment (0) Hits: 415

DLB  සාර්ථක අලෙවි ප්‍රවර්ධන වැඩසටහනක : උතුරේ අලෙවි නියෝජිතයන් අගයයි ! 

සංවර්ධන ලොතරැයි මණ්ඩලය මගින් දීප ව්‍යාප්තව පැවැත්වීමට නියමිත අලෙවි නියෝජිතයන් අගයන "අභිමානී" වැඩසටහන් මාලාවේ  ප්‍රථම වැඩසටහන සහ අලෙවි කුටි ලබාදීමේ වැඩසටහන් මාලාවේ 2019, සමාරම්භක වැඩසටහන උතුරු පළාත් අලෙවි නියෝජිතයන්  වෙනුවෙන් ඊයේ (08)  යාපනය නගරයේදී පැවැත්විණ.

ඒ මුදල් අමාත්‍ය මංගල සමරවීරගේ ප්‍රධානත්වයෙනි.

සංවර්ධන ලොතරැයි මණ්ඩලයේ උතුරු පළාත් අලෙවි නියෝජිතයන් ඇගයීම මෙන්ම අලෙවි ප්‍රගතිය සමාලෝචනය කිරීම, අලෙවි නියෝජිත ගැටලු සාකච්ඡා කිරීම එහිදී සිදුවිය.

2018 වර්ෂයේ උතුරු පළාතේ දිස්ත්‍රික් මට්ටමින් හොදම අලෙවියක් සිදුකළ අලෙවි නියෝජිතයන් අගයමින් මූල්‍ය ත්‍යාග , කුසලාන සහ සහතිකපත් ප්‍රදානය මුදල් අමාත්‍ය මංගල සමරවීරගේ සහ මෙම වැඩසටහන අගය කරමින් ඊට  සහභාගි වූ යාපනය මහ නගර සභාවේ නගරාධිපති ඉමානුවෙල් ආනෝල්ඩ් අතින් සිදුවිය. 

අලෙවි නියෝජිත හමුවට සමගාමීව පැවැත්වූ අලෙවි කුටි බෙදාදීමේ වැඩසටහන සංකේතවත් කරමින් මුදල් අමාත්‍යවරයා විසින් සංවර්ධන ලොතරැයි මණ්ඩලය විසින් සන්නාම කරන නව අලෙවි කුටි 06 අදාළ අලෙවි නියෝජිතයන්  සදහා ප්‍රදානය කරන ලදී.

මෙම අවස්ථාව සදහා සංවර්ධන ලොතරැයි මණ්ඩලයේ සභාපති සේන සූරියප්පෙරුම, ක්‍රියාකාරී අධ්‍යක්ෂ එච්.ආර්.විමලසිරි, සාමාන්‍යාධිකාරී අනුර ජයරත්න, නියෝජ්‍ය සාමාන්‍යාධිකාරී (මුදල්) විජිතා සෝමරත්න, නියෝජ්‍ය සාමාන්‍යාධිකාරී (අලෙවි) චානක දොඩංගොඩ, සහකාර සාමාන්‍යාධිකාරී (මුදල්) කසුන ජයසූරිය,සහකාර සාමාන්‍යාධිකාරී (විකුණුම්) සුනිල් ජයරත්න, උතුරු නැගෙනහිර පළාත් කලාප කළමනාකරු කුමාරසිරි ඇතුලු කාර්ය මණ්ඩලය සහභාගීව සිටියහ.

dlb2

dlb3

dlb4

dlb5

dlb6

dlb7

dlb8

dlb9

dlb10

dlb11dlb12

dlb14

Comment (0) Hits: 175

සංචාරයක ව්‍යාපාරයේ නියෝජිතයන් අගමැති හමුවෙයි !

පාස්කු ඉරු දින එල්ල වූ ත්‍රස්ත ප්‍රහාරයෙන් අනතුරුව ව්‍යාපාරික ප්‍රජාව හමුවේ බල පා ඇති තත්ත්වය පිළිබඳ සාකච්ඡා කිරීම සඳහා ලංකා වාණිජ මණ්ඩලයේ සභාපති රාජේන්ද්‍ර ත්‍යාගරාජා මහතා ප්‍රමුඛ සංචාරක ක්ෂේත්‍රයේ නියෝජිත කණ්ඩායමක් පසුගිය දා අග්‍රාමාත්‍ය රනිල් වික්‍රමසිංහ හමු විය.

එහිදී එම නියෝජිත පිරිස තමන්ට බලපාන ගැටලූ බොහොමයක් අග්‍රාමාත්‍යතුමාගේ අවධානයට යොමු කළ අතර, එම ගැටලූ සහගත තත්ත්වයන් සමනය කිරීම සඳහා අනුගමනය කළ යුතු පියවර සම්බන්ධයෙන් යෝජනා ද ඉදිරිපත් කළහ.

මහජන ආරක්ෂාව සහතික කිරීම සඳහා රජයට ගත හැකි සෑම පියවරක්ම ගන්නා බව අග්‍රාමාත්‍යවරයා නියෝජිත පිරිස හමුවේ ප්‍රකාශ කර සිටියේය.

ආරක්ෂාව සම්බන්ධයෙන් තමන් මේතාක් සාර්ථක පියවර රැසක් ගෙන තිබෙන බවත් අග්‍රාමාත්‍යවරයා සඳහන් කළේය. කෙසේ නමුත් ප්‍රහාරයට සම්බන්ධ සෑම සැකකරුවකුම අල්ලා ගන්නා තෙක් එම අවදානම නොඅඩුව පවතින බව පැවසූ අග්‍රාමාත්‍යවරයා, ඉන් පසු රට නැවතත් සුපුරුදු තත්ත්වයට පත් වනු ඇති බව ද පවසා සිටියේය.

ත්‍රස්තවාදීන්ට මෙවන් දැවැන්ත ප්‍රහාරයක් සැලසුම් කිරීමට හැකි වීම පිළිබඳව ව්‍යාපාරික නියෝජිත පිරිස එහිදී විමතිය පළ කළහ. රටේ ආරක්‍ෂක අංශ ක්‍රියාකාරිත්වයේ හිඩැස් පිළිබඳව අදහස් දැක්වූ ඔවුහු ආරක්‍ෂක විධිවිධාන තර කිරීමේ අවශ්‍යතාව පෙන්වා දුන්හ. රටේ දේශපාලන නායකයින් අතර සහයෝගීතාව සහ මනා සම්බන්ධතාව ගොඩනගා ගැනීමේ අවශ්‍යතාව අවධාරණය කළ එම නියෝජිත පිරිස, මෙම උවදුර මර්දනය කිරීම සඳහා දේශපාලන නායකත්වය විසින් සියලූ ආකාරයේ භේද පසෙක ලා සැබෑ රාජ්‍ය තාන්ත්‍රිකයන් ලෙස කටයුතු කිරීමේ වැදගත්කම පෙන්වා දුන්හ.

රටේ නීතිය හා සාමය ආරක්ෂා කරගනිමින්, වාර්ගික ගැටුම් ඇති නොවන අයුරින් සෑම පුරවැසියකුගේම ආරක්ෂාව තහවුරු කිරීමට ගත හැකි සෑම පියවරක්ම ගත යුතු බව ද නියෝජිත පිරිස එහිදී අග්‍රාමාත්‍යවරයා වෙත පවසා සිටියහ. මතභේද වළක්වා ගැනීම පිණිස, ගැටලූ සහගත තත්ත්වයන් නිරාකරණය කරගැනීම සඳහා නිළ මාධ්‍ය ප්‍රකාශකයකු ලෙස පත් කළ පුද්ගලයකු ලවා දිනපතා ආරක්ෂාව පිළිබඳ නිවේදන ඉදිරිපත් කිරීම සුදුසු යැයි නියෝජිත පිරිස යෝජනා කළහ.

තම අදහස් සහ යෝජනා ඉදිරිපත් කිරීම සම්බන්ධයෙන් අග්‍රාමාත්‍යතුමා, ව්‍යාපාරික නියෝජිත පිරිස වෙත සිය ස්තූතිය පළකර සිටියේය. රජය කෙරෙහි සිය විශ්වාසය අඛණ්ඩව පවත්වාගෙන යන ලෙස අග්‍රාමාත්‍යතුමා මෙහිදී ව්‍යාපාරික ප්‍රජාවගෙන් ඉල්ලීමක් ද කළේය. මේතාක් සිදුකළ අනර්ඝ මෙහෙවර සම්බන්ධයෙන් රටේ ආරක්ෂක අංශ සහ බුද්ධි අංශ වෙත සිය ප්‍රණාමය පළ කළ අග්‍රාමාත්‍යවරයා , ආර්ථික ක්‍රියාකාරකම් මනා ලෙස පවත්වා ගෙන යාමට අවශ්‍ය වාතාවරණය හැකි ඉක්මණින් ඇති කිරීමට පියවර ගන්නා බව ද ප්‍රකාශ කර සිටියේය. අවසාන වශයෙන් මෙම ත්‍රස්ත උවදුර මැඩපැවැත්වීම සඳහා රජයේ සියලූම අංශ අතර සහයෝගය වර්ධනය කරගත යුතු බව පෙන්වා දුන්නේය.

B37A0087

Comment (0) Hits: 330

එන්ටර්ප්‍රයිස් ශ්‍රී ලංකා ප්‍රදර්ශනය 2 : ජූලි 24-27 අනුරාධපුරයේ !

නව ව්‍යවසායක පරාදීසයක් බිහි කිරීමට මග කියන දෙවැනි එන්ටර්ප්‍රයිස් ශ්‍රී ලංකා ප්‍රදර්ශනය ජූලි මස 24 සිට 27 දක්වා පුරා දින හතරක් අනුරාධපුරය වලිසිංහ හරිස්චන්ද්‍ර ක්‍රීඩාංගණයේදී පැවැත්වීමට නියමිත බව වාර්තා වෙයි.

අගමැති රනිල් වික්‍රමසිංහගේ උපදෙස් මත මුදල් ඇමැති මංගල සමරවීර විසින් මෙහෙයවන නව ව්‍යවසායකයින් දස ලක්ෂයක් බිහි කිරීමේ වැඩපිළිවෙළට සහ වසර 2025දී පොහොසත් රටක් බිහි කිරීමේ දැක්මට උතුරුමැද පළාතේ පිරිස් වැඩි වැඩියෙන් එක්කර ගැනීමට මෙවර ප්‍රදර්ශනය තුළින් රජය බලාපො‍‍රොත්තු වන බව මේ සම්බන්ධව රජය නිවේදනය කරයි.

නව ව්‍යවසායකයෙකුට ව්‍යාපාරයක් ඇරඹීමට අවශ්‍ය මූලික කරුණු එන්ටර්ප්‍රයිස් ශ්‍රී ලංකා රජයේ පොලී සහන ණය යෝජනා ක්‍රම පිළිබද දැනුම්වත් කිරීම සහ එම ණය ලබා ගැනීමට ඇති බාධා ඉවත් කිරීමේ ජංගම සේවාවක්ද මේ දින හතර පුරාම පැවැත්වේ.

මේ සඳහා රජය් සහ පෞද්ගලික දෙඅංශයේ සෑම බැංකුවකම ප්‍රධානීහු හා බලයලත් නියෝජිතයෝ එක්ව ජනතාවට මෙහිදී සේවා සපයනු ඇත.

Comment (0) Hits: 241

බෝම්බ ප්‍රහාරයෙන් සංචාරක ව්‍යාපාරයට වූ හානිය 20%යි - කිෂූ ගෝමස්

පසුගිය පාස්කු ඉරිදා එල්ල වූ ප්‍රහාරයන් ශ්‍රී ලංකාවේ සංචාරක කර්මාන්තය පමණක් නොව, මුළු ආර්ථිකයටම දැඩි බලපෑමක් වූ බව ශ්‍රී ලංකා සංචාරක ප්‍රවර්ධන කාර්යාංශයේ සභාපති කිෂු ගෝමස් පවසයි.

විදෙස් මාධ්‍ය වෙත අදහස් දක්වමින් ශ්‍රී ලංකා සංචාරක ප්‍රවර්ධන කාර්යාංශයේ සභාපතිවරයා මේ බව සඳහන් කර ඇත.

කෙසේ වෙතත් සභාපතිවරයා සඳහන් කරන්නේ ඉන්දුනිසියාවේ බාලි සහ ප්‍රංශයේ පැරිස් වැනි සංචාරක ගමනාන්තවලටද මෙවැනිම ප්‍රහාල එල්ල වූ බවත් ඒ දෙස බලන විට ශ්‍රී ලංකාවට නැවත නැගී සිටීමට හැකියාවක් ඇති බවට තමා විශ්වාස කරන බවයි.

රටෙහි ආරක්ෂාව සඳහා මේ වන විට ත්‍රිවිධ හමුදාව විසින් ගෙන යන වැඩපිළිවෙල සියල්ල සාර්ථක වී ඇති බවත් ඉදිරියේදී ආරක්ෂිත පරිසරය හමුවේ ශ්‍රී ලංකාවට යළි නැගී සිටීමට හැකි වන ඇති බවත් සභාපති කිෂු ගෝමස් පෙන්වාදී තිබේ.

මේ අතර සංචාරකයින්ගේ සංඛ්‍යාව සහ ආර්ථික බලපෑම අනුව පසුගිය පාස්කු ඉරිදා එල්ල වූ ප්‍රහාරවලින් සංචාරක කර්මාන්තයට එල්ල වූ උපරිම බලපෑම 20%ක් පමණ බව ශ්‍රී ලංකා සංචාරක ප්‍රවර්ධන කාර්යාංශයේ සභාපති කිෂු ගෝමස් වැඩිදුරටත් සඳහන් කර ඇත.

Comment (0) Hits: 295

නුවරඑළියට කේබල් කාර් ව්‍යාපෘතියක් !

නානුඹය සිට සිංගල් ට්‍රී කන්ද හරහා නුවරඑළිය ග්‍රෙගරි වැව දක්වා කේබල් කාර් ව්‍යාපාතියක් ආරම්භ කිරීමට කැබිනට් අනුමැති හිමිව තිබේ.

සීමාසහිත අවුට්ඩොර් ඉංජිනියරින් ලංකා පුද්ගලික සමාගම හා එහි විදේශීය හවුල්කරුවන් වන ඩොපෙල්මේ කේබල් කාර් සමාගම මෙම ව්‍යාපෘතිය ක්‍රියාත්මක කිරීමට අදාළ ව්‍යාපෘති යෝජනාව ඉදිරිපත් කර තිබේ.

ඒ සඳහා වැය කිරීමට ඇස්තමේන්තු ගත මුදල ඇමෙරිකානු ඩොලර් මිලියන 50කි. නානුඹය දුම්රිය ස්ථානය, නුවර එළිය තුරඟ තරග පිටිය හා සිංගල් ට්‍රී කඳු මුදුණ යා කරමින් කුළුණු 21ක් මත ගොඩනැගීමට යෝජිත මෙම ව්‍යෘතිය හරහා එකවර මගීන් 10කට ගමන් කළ හැකි කුටි 88කින් සමන්විතය.

එහි පළමු අදියර යටතේ කුටි 43ක් ස්ථාපිත කිරීමට සැලසුම් කර තිබේ. මෙම ව්‍යාපෘතිය ආයෝජන මණ්ඩලයේ ව්‍යාපෘතියක් ලෙස ක්‍රියාත්මක කිරීම සඳහා අවබෝධතා ගිවිසුමකට එළැඹීමට වැවිලි කර්මාන්ත අමාත්‍ය නවීන් දිසානායක ඉදිරිපත් කළ කැබිනට් පත්‍රිකාවට අනුමැතිය ලැබී තිබේ.

Comment (0) Hits: 300

කොළඹ කොටස් වෙළෙඳපොළ තාවකාලිකව නවතී !

පවතින අයහපත් ආරක්ෂක තත්ත්වයන් යටතේ කොළඹ කොටස් වෙළඳපොළ අද (22) දිනයේදී සිය කටයුතු නවතා දැමීමට තීරණය කර ඇත.

මේ පිළිබඳ තීරණය ඊයේ (21) ගෙන ඇති අතර ආරක්ෂාව තහවුරු වූ විගස එය නැවත විවෘත කිරීමට නියමිත බවත් වාර්තා වෙයි.

Comment (0) Hits: 290

ඔස්ට්‍රේලියාව ලංකාව සම්බන්ධ සංචාරක සීමා ලිහිල් කරයි !

ශ්‍රී ලංකාවේ සංචාරය කරන ඔස්ට්‍රේලියානු පුරවැසියන්ට පනවා තිබූ සීමා ලිහිල් කර තිබේ.

නිවේදනයක් නිකුත් කරමින් ඔස්ට්‍රේලියානු විදේශ කටයුතු අමාත්‍යංශය සඳහන් කර ඇත්තේ, සංචාරක සීමා ලිහිල් කළ ද මෙරට මාධ්‍ය වාර්තා පිළිබඳව සැලකිලිමත් වීම වැදගත් බවය.

මෙරට සංචාරය කරන විට ආරක්ෂක තත්ත්වය සම්බන්ධයෙන් යාවත්කාලීන තොරතුරු ගැන සෑම විටම දැනුවත්ව සිටිය යුතු බව ද එම නිවේදනය හරහා ඔස්ට්‍රේලියානු රජය පුරවැසියන්ට දැනුම් දී තිබේ.

ඔස්ට්‍රේලියාව ඇතුළු රටවල් රැසක් එම රටවල පුරවැසියන්ට ශ්‍රී ලංකාවේ සංචාරය කිරීමේදී සීමා පනවනු ලැබුවේ අප්‍රේල් 21 වන දා එල්ල වූ ත්‍රස්ත ප්‍රහාරය පදනම් කරගෙනය.

Comment (0) Hits: 385

ලංකා හොස්පිට්ල්ස් හී ලොකු පුටු මාරුවෙයි !

කොළඹ කොටස් වෙළෙඳපොළේ ලැයිස්තුගත රෝහල් සමාගමක් වන ලංකා හොස්පිටල්ස් කෝපරේෂන් පීඑල්සී හි අධ්‍යක්ෂ මණ්ඩලයේ විශාල වෙනස්කම් රැසක් වාර්තා වී තිබේ.

මේ අනුව සමාගමේ අධ්‍යක්ෂ මණ්ඩල සාමාජිකයින් වූ වෛද්‍ය සරත් පරණවිතාන, පූජ්‍ය තීනියාවල පාලිත හිමි, නන්දන ජයන්ත මුණසිංහ, අසේන්ද්‍ර චමින්ද සිරිවර්ධන, කීර්ති කොටගම, සාඩි වඩූඩ් හා වෛද්‍ය අනිල් අබේවික්‍රම යන අය 2019 මාර්තු මාසයේ අවසානයේ සිට බලපැවැත්වෙන පරිදි අදාළ තනතුරුවලින් ඉල්ලා අස් වී තිබේ.

මේ අතර රෝහලේ නව අධ්‍යක්ෂ මණ්ඩල සාමාජිකයින් ලෙසින් සිද්දි ෆාරුක් (සභාපති), වෛද්‍ය අනුර විජේවර්ධන, ජයන්ති ගුණවර්ධන, උපුලාංගනී මාලගමුව, රාජු ඒ. චන්දිරම් හා අජිත් උදය අමරසේකර යන අය 2019 මාර්තු 29 දින සිට බලපැවැත්වෙන පරිදි පත් කර ඇත.

ලංකා හොස්පිටල්ස් පීඑල්සී හි සමාගම් ලේකම්වරයා විසින් මේ බව ඊයේ (01) කොළඹ කොටස් වෙළෙඳපොළ වෙත දැනුම් දී තිබේ.

Comment (0) Hits: 408

Page 1 of 4