V2025

ව්‍යාපාරික

හොඳම ශ්‍රී ලංකා වෙළදනාම 2017

"හොඳම ශ්‍රී ලංකා වෙළදනාම 2017" සම්මාන ප්‍රධානෝත්සවය අග්‍රාමාත්‍ය රනිල් වික්‍රමසිංහගේ සහභාගීත්වයෙන් පසුගිය 11 වනදා කොළඹ, හිල්ටන් හෝටලයේදී පැවැත්විණි.

මෙම අවස්ථාවට නීතිය හා සාමය සහ දක්ෂිණ සංවර්ධන අමාත්‍ය සහ අග්‍රාමාත්‍ය කාර්ය මණ්ඩල ප්‍රධානී සාගල රත්නායක, ප්‍රාථමික කර්මාන්ත අමාත්‍ය දයා ගමගේ, ජාත්‍යන්තර වෙළෙද රාජ්‍ය අමාත්‍ය සුජීව සේනසිංහ, පාර්ලිමේන්ත්‍ර මන්ත්‍රී මයන්ත දිසානායක සහ අග්‍රාමාත්‍ය නියෝජ්‍ය කාර්ය මණ්ඩල ප්‍රධානි සහ අග්‍රාමාත්‍ය මාධ්‍ය ප්‍රකාශක රෝසි සේනානායක ඇතුළු ආරාධිතයන් රැසක් සහභාගී වී සිටියහ.

View the embedded image gallery online at:
http://newstube.lk/business?start=36#sigProIdeaa97e8720

Comment (0) Hits: 292

ඕමාන් එයාර්, ශ්‍රී ලංකාවේ වසර 8යි

ඕමානයේ ජාතික ගුවන් සමාගම වන ඕමාන් එයාර්, ශ්‍රී ලංකාවේ මෙහෙයුම් අරඹා වසර 08 ක් සපුරා ඇති බව වාර්තා වේ.

ඕමානයේ මස්කට් අගනුවර සහ කොළඹ අතර ගුවන් ගමන් මෙන්ම ලොව ජනප්‍රිය ගමනාන්ත රැසක් කරා ගුවන් ගමන් වාර ක්‍රියාත්මක කරනු ලබයි.

මේ සම්බන්ධයෙන් අදහස් දක්වමින් ඕමාන් ගුවන් සමාගමේ මෙරට හා මාලදිවයින් දූපත් වල කළමනාකරු - ගිහාන් කරුණාරත්න මහතා පවසා තිබුනේ ශ්‍රී ලංකාවේ මෙහෙයුම් අරඹා අට වසරක් ගතවීම සම්බන්ධයෙන් ඉමහත් සතුටු වන බවයි.

Comment (0) Hits: 631

BCCS Awards 2017 දී BOC වෙත සම්මාන 2ක්

2017 Best Corporate Citizen Sustainability සම්මාන උළෙලේදී ලංකා බැංකුව “Triple Bottom Line – Economic Sustainability (Profit) Award” සහ “Category Winner Economic Contribution Award” යන සම්මාන දිනා ගැනීමට සමත් විය.

මෙම සම්මාන යුගලය ලංකා බැංකුවට ප්‍රධානය කර ඇත්තේ තිරසාර ව්‍යාපාර සංවර්ධනය,ආර්ථික අගය නිර්මාණය සහ ජාතික ආර්ථිකයට දක්වන දායකත්වය පිළිගැනීමට ලක්කරමින්ය.

ලංකා වාණිජ මණ්ඩලයේ විසින් සංවිධානය කල BCCS Awards 2017 සම්මාන උළෙල ශ්‍රී පසුගියදා කොළඹ සිනමන් ග්‍රෑන්ඩ් හෝටලයේදී පැවැත්වුණු අතර එහි ප්‍රධාන ආරාධිතයා වුයේ ලංකාවේ ජපන් තානාපති කෙනිචි සුගනුමා ය.

Comment (1) Hits: 324

oDoc වෙත පොදු රාජ්‍ය මණ්ඩලීය සම්මානයක්

විනාඩි කිහිපයක් ඇතුලත රෝගීන් ස්මාට් ජංගම දුරකථන හරහා වෛද්යවරුන් සමඟ සම්බන්ධ කිරීමට කටයුතු කරන oDoc සමාගම, ටෙලිමෙඩිසින් කාණ්ඩය යටතේ පොදු රාජ්‍ය මණ්ඩලීය ඩිජිටල් සෞඛ්‍ය සම්මානය දිනා ගැනීමට සමත්ව ඇත.

වසරකට වැඩි කාලයක පටන් oDoc ජංගම දුරකථන ඇප් මෘදුකාංගය තුළින් සමාගම ඉලක්ක කරනුයේ රෝගීන්ට සපයන වෛද්ය උපදේශන සේවා සම්බන්ධයෙන් ඉතා පහසු කිරීමය.

රෝගීන් සහ වෛද්‍යවරුන් යන දෙපාර්ශවයටම සමාන ප්‍රතිලාභ හිමිවන ලෙස සකස්කර ඇති oDoc සමාගමේ සේවා සැපයීම හරහා විද්‍යුත් සෞඛ්‍ය වාර්තා (Electronic Health Records), වීඩියෝ දුරකථන ඇමතුම් උපදේශන සහ ඔබේම ජංගම දුරකථනයට ලබා ගත හැකි වලංගු වෛද්‍ය ප්‍රලේඛන (drug e-prescriptions) මඟින් නවීන තාක්ෂණය මුසු කල කඩිනම් කරදරයකින් තොර සෞඛ්ය සේවාවක් ලබා ගැනීමට ලාංකිකයින්ට දැන් අවස්ථාවක් ඇත.

මෙම සුවිශේෂී සම්මානයෙන් පිදුම් ලැබීම පිළිබඳව අදහස් දැක්වූ oDoc හි නිර්මාතෘ සහ ප්‍රධාන විධායක නිළධාරී හේෂාන් ප්‍රනාන්දු පැවසූයේ, ‘‘අපි ජංගම දුරකථන තාක්ෂණය සහ කෘත්රිම බුද්ධිය සංකලනය කරමින් හොඳම සායනික විශේෂඥයන් සමඟ එක්ව, පූර්ණ වෛද්ය උපදේශන ඔබ වෙත ගෙන ඒමට කටයුතු කරනවා’’ කියාය.

Comment (0) Hits: 264

මහජන බැංකුවේ නව්‍යතා මධ්‍යස්ථානය යෝර්ක් වීදියේ විවෘතයි

මහජන බැංකුවේ නව්‍යතා මධ්‍යස්ථානය මහජන බැංකුවේ සභාපති හේමසිරි ප‍්‍රනාන්දු මහතාගේ ප‍්‍රධානත්වයෙන් පසුගියදා කොළඹ 01, යෝර්ක් වීදියේදී විවෘත කෙරිණි.

ශ‍්‍රී ලංකා බැංකුකරණ ඉතිහාසයේ සුවිශේෂි මං සලකුණක් සනිටුවහන් කරමින් මහජන බැංකුව හඳුන්වාදී ඇති ඩිජිටල්කරණ කි‍්‍රයාදාමයට සමගාමීව තොරතුරු තාක්ෂණ දෙපාර්තුමේන්තුවේ කි‍්‍රයාවලිය තවත් වැඩිදියුණු කිරිමේ අරමුණින් මෙම නව්‍යතා මධ්‍යස්ථානය ස්ථාපිත කර ඇත.

මෙම විවෘත කිරිමේ අවස්ථාවට මහජන බැංකුවේ ප‍්‍රධාන විධායක නිලධාරි/ සාමාන්‍යාධිකාරි එන්. වසන්ත කුමාර්, ජ්‍යෙෂ්ඨ නියෝජ්‍ය සාමාන්‍යාධිකාරි (ව්‍යාපාරික බැංකු) රසිත ගුණවර්ධන, ජ්‍යෙෂ්ඨ නියෝජ්‍ය සාමාන්‍යාධිකාරි (පුද්ගල කේන්ද්‍රිය බැංකු කටයුතු) කේ. බී. රාජපක්ෂ, ජ්‍යෙෂ්ඨ නියෝජ්‍ය සාමාන්‍යාධිකාරි (බැංකු මෙහෙයුම්) බොනිෆස් සිල්වා, නියෝජ්‍ය සාමාන්‍යාධිකාරි (තොරතුරු තාක්ෂණ) සඳලාල් එදිරිසිංහ, නියෝජ්‍ය සමාන්‍යාධිකාරි (ඩිජිටල් බැංකුකරණ) රංජිත් කොඩිතුවක්කු යන මහත්වරුන් ඇතුළු ආයතනික කළමනාකාරිත්වය හා විධායක කළමනාකාරිත්වය, බැංකු කාර්ය මණ්ඩලයේ විශාල පිරිසක් සහභාගි වූහ.

මහජන බැංකුවේ පහළම ස්ථාවරයේ සිට ඉහළම ස්ථාරය දක්වා සියලූම මෙහෙයුම් අංශ ඇතුළත් වන පරිදි සමස්ත මෙහෙයුම් ආකෘතියම ආවරණය කරමින් අංග සම්පුර්ණ ඩිජිටල් ව්‍යාපෘතියක් කි‍්‍රයාත්මක කරන දිවයිනේ ප‍්‍රථම බැංකුකරණ ආයතනය වන්නේ මහජන බැංකුවයි. එමෙන්ම මෙම වැඩසටහන ඔස්සේ මහජන බැංකුවට ජාත්‍යන්තර බැංකු හා මූල්‍ය සේවා ක්ෂේත‍්‍රයේ පරිණාමයට සමගාමීව ඉහළම තලයේ සේවාවන් සැලසීමේ හැකියාව සැලසේ.

දැනට ලොව පවතින දියුණුතම තාක්ෂණික පදනමක් සිය ඩිජිටල්කරණ ක‍්‍රියාවලිය සඳහා මහජන බැංකුව උපයෝගී කරගෙන තිබේ. බැංකු ක්ෂේත‍්‍රය තුළ පෙරමුණට පැමිණීමට උපකාරී වන මෙම නවතම තාක්ෂණය, ශාඛා ජාලය සමඟ සම්බන්ධ කරන කේන්ද්‍රස්ථානයක් ලෙස මෙම නව්‍යතා මධ්‍යස්ථානය කටයුතු කරනු ඇත.

Comment (0) Hits: 261

ඩීමෝ 800 ට ජාතික හරිත සම්මානය

පරිසර හිතකාමී සමාගමක් ලෙස ඩීමෝ හි ක්‍රියාකාරීත්වය යළිත් වරක් ඇගයීමට ලක්වෙයි.

මධ්‍ය පරිසර අධිකාරිය විසින් සංවිධානය වාර්ෂිකව සංවිධානය කරන ජාතික හරිත සම්මාන 2017 හිදී ඩීමෝ 800 වෙත කුසලතා සම්මානයක් හිමිවිය.

වාහන සේවා අංශය වෙනුවෙන් පිරිනැමුනු මෙම කුසලතා සම්මානය ඩීමෝ හි මූලස්ථානය වන ඩීමෝ 800, මර්සිඩීස් බෙන්ස් මධ්‍යස්ථානයේ පරිසර හිතකාමී ක්‍රියා පිළිවෙල අගයමින් පිරිනැමුණි.

ජාතික හරිත සම්මාන 2017 හිදී රථවාහන අංශයෙන් සම්මානයක් හිමිකරගත් එකම සමාගම ඩීමෝ ආයතනයයි. මධ්‍යම පරිසර අධිකාරිය විසින් ජාතික හරිත සම්මාන උළෙල පැවැත්වීමේ අරමුණ වන්නේ විවිධ ආයතන , සංවිධාන සහ පුද්ගලයින් විසින් පරිසරය සුරැකීම වෙනුවෙන් දක්වන දායකත්වය ඇගයීමට ලක් කිරීමයි.

ඩීමෝ හි කළමණාකාරීත්වය හරිත ගොඩනැගිලි සංකල්පය අනුගමනය කරන අතර තම ක්‍රියාකාරීත්වයෙන් පරිසරයට සිදුවන බලපෑම අවම වන ආකාරයෙන් කටයුතු කිරීමට නිරන්තරයෙන් වග බලා ගනියි. ඒ අනුව මෙරට පරිසරය ආරක්ෂා කිරීමේ ක්‍රියාවලියේ කොටස් කරුවෙකු බවට පත්වීම සිය අරමුණ කරගනිමින් මෙම සමාගම කටයුතු කරයි.

එහි ප්‍රතිඵලයක් ලෙස ඩීමෝ 800, මර්සිඩීස් බෙන්ස් මධ්‍යස්ථානය නිර්මාණය වන අතර මෙම ගොඩනැගිල්ලේ ඉදිකිරීමේ සිට එහි ජීව කාලය දක්වාම පාරිසරික බලපෑම් අවම වන ආකාරයට එය නිර්මාණය කිරීම විශේෂත්වයකි. මෙම ගොඩනැගිල්ලෙහි ඉදිකිරිම් වලදී පවා අඩු ජලය ප්‍රමාණයක් සහ බලශක්තිය අවම වශයෙන් භාවිත කිරීමට කටයුතු කර තිබේ. එමෙන්ම නවීන හරිත තාක්ෂණයෙන් යුතු උපාංග එම ගොඩනැගිල්ලේ පහසුකම් සඳහා යොදාගැනීමට ද ඩීමෝ කටයුතු කර තිබේ. බලශක්තිය අරපිරිමසින ආකාරයේ උපකරණ රැසක් මේ සඳහා යොදාගෙන තිබේ.

ලොව සුපතල HVAC අභ්‍යන්තර සිසිල් කරන පද්ධතියක් ,LED විදුලි බුබුලු , නවීන ගොඩනැගිලි කළමණාකරණ පද්ධතියක්, දැඩි සූර්ය තාපය ගොඩනැගිල්ල තුළට වැටීම වළක්වන බිත්ති වීදුරු, වැසි ජලය යළි භාවිතයට යොදාගැනීම, ජලය පිරිමැසීමේ පහසුකම්, ගෙවතු පරිපාලනය සඳහා බිංදු ජල සම්පාදන ක්‍රමවේද ආදී වශයෙන් වන පරිසර හිතකාමී ක්‍රමෝපාය රැසකින් මෙම ගොඩනැගිල්ල සමන්විත වෙයි. ඩීමෝ 800, මර්සිඩීස් බෙන්ස් මධ්‍යස්ථානයෙහි ක්‍රියාත්මක මෙම පරිසර ආරක්ෂණ වැඩසටහන් සඳහාUSGBC LEED රන් සහතිකය පවා හිමිවිය. පරිසරය සුරැකීම සම්බන්ධයෙන් සමාගමක් වශයෙන් ඩීමෝ දක්වන දායකත්වය මෙම සම්මාන සහ ඇගයීම් මඟින් තහවුරු කෙරෙයි.

 මෙම පරිසර හිතකාමී ප්‍රදර්ශනාගාරය සහ සේවා මධ්‍යස්ථානය ක්‍රියාත්මක වන්නේ ද පරිසරයට සිදුවන බලපෑම අවම කරමිනි. එහි සේවකයින් ඒ සඳහා පළපුරුද්දක් සහ පුහුණුවත් ලත් පිරිසක් වීම විශේෂත්වයකි. පරිසරය සුරැකීම සඳහා වන 3R සංකල්පය (Reducing, Reusing and Recycling) හෙවත් අවම කිරීම , ප්‍රතික්ෂේප කිරීම හා ප්‍රතිචක්‍රියකරණය කිරීම යනාදී සංකල්ප වලට අනුව මෙහි සේවක මණ්ඩලය කටයුතු කිරීමද විශේෂත්වයකි. පාරිසරික තේමාවක් යටතේ කටයුතු කිරීම හෝ පරිසර හිතකාමී ව කටයුතු කිරීම සිය ව්‍යාපාරික සීමා සඳහා බාධාවක් කර නොගෙන එය ද සම්බන්ධ කර ගනිමින් සිය පරිසර හිතකාමී වැඩපිළිවෙළ ඉදිරියට ගෙනයාමට ඩීමෝ සමාගම කටයුතු යොදා තිබේ.ඒ අනුව අනාගත පරපුර සඳහා පාරිසරික සම්පත් ආරක්ෂා කර ගැනීම සඳහා ඩීමෝ සිය දායකත්වය ලබා දෙයි. පාරිසරික සම්පත් යළි යළි නිපදවාගනිමින්, ඒවා යළි ස්ථාපනය කර පරිසරය සුරැකීමේ වැඩසටහන ක්‍රියාකාරී දායකත්වය ලබාදීමට ඩීමෝ සමාගම කටයුතු කර තිබේ. ඒ යටතේ එක්සත් ජාතීන්ගේ සංවිධානය විසින් නම් කර ඇති තිරසර සංවර්ධන ඉලක්ක වෙත ළඟාවීමට ශ්‍රී ලංකාවට හැකිවනු ඇතැයි ඩීමෝ සමාගම විශ්වාස කරයි.

Comment (0) Hits: 333

අලුත් වාහන බද්ද හොඳම වාහනයක් ගන්න අවස්ථාවක්

මෙවර අයවැය හරහා එන්ජින් ධාරිතාව අනුව වාහන බදු පැනවීමට ප්‍රතිපත්තියක් ගෙන ඒම වාහන අපනයන කරුවන්ගේ පැසසුමට ලක්ව තිබේ.

එම ප්‍රතිපත්තිය හරහා එකම ධාරිතාව යටතේ ඇති වාහන සඳහා සමාන බදු පැනවීම හේතුවෙන් පාරිභෝගියන් හට වඩා හොඳම වාහනය මිල දී ගැනීමට හැකි වනු ඇති බවට එම සංගමයේ සභාපති ජගත් රාමනායක විශ්වසය පල කරයි.

මෙම බදු ක්‍රමය රුසියාව වැනි රට වල මීට අවුරුදු 10 පමණ පෙර සිට ආරම්භ කරන ලද බව මෙන්ම මේ හරහා වංචා දුෂණ වලින් තොරව රටේ බ්දු ආදායමද ඉහල යන බව ඔහු පෙන්වා දුන්නේ කොළඹ පැවති මාධ්‍ය හමුවකදීය.

2014 වසරේ පැවති රජයට මෙම යෝජනාව ඉදිරිපත් කල බව කී සභාපති ජගත් රාමනායක මෙවර අයවැයෙන් එම බදු ප්‍රතිපත්තිය ක්‍රීයාත්මක කිරිම ගැන සතුට වන බව වැඩි දුරටත් කියා සිටියේය.

automobile exports

(ceylonjournals)

Comment (0) Hits: 409

Page 3 of 3