ඉන්දීය කණ්ඩායම විස්සයි විස්ස ලෝක කුසලාන ජයග්රහණය සැමරීමේදී ඉන්දීය ජාතික කොඩියට නිගරු වන අයුරින් කටයුතු කළ බවට චෝදනා කරමින් සුපිරි ක්රීඩක හර්දික් පාණ්ඩ්යාට එරෙහිව නීතිමය පියවර ගන්නා ලෙස ඉල්ලා පැමිණිල්ලක් ගොනු කර තිබේ.
ඉන්දීය මාධ්ය වාර්තා කරන පරිදි, මෙම පැමිණිල්ල ඉදිරිපත් කර ඇත්තේ පූනේ නුවර පදිංචි නීතිඥවරයෙකු විසිනි.
අදාළ පැමිණිල්ලේ සඳහන් වන්නේ ලෝක කුසලාන ජයග්රහණයෙන් පසු පැවැති සැමරුම් උත්සවයකදී පාණ්ඩ්යා ජාතික කොඩිය සිරුරේ ඔතාගෙන වේදිකාවක් මත වැතිර සිටින අයුරු දක්නට ලැබුණු බවයි.
ඉන්දියාවේ "ජාතික ගෞරවයට අපහාස කිරීම වැළැක්වීමේ පනත" (Prevention of Insults to National Honour Act) යටතේ ජාතික කොඩිය භාවිත කළ යුතු ආකාරය පිළිබඳව දැඩි නීති පවතී.
පාණ්ඩ්යාගේ හැසිරීම එම නීති උල්ලංඝනය කිරීමක් බව පැමිණිලිකාර නීතිඥවරයා තර්ක කරයි.
අදාළ සිදුවීම දැක්වෙන වීඩියෝ දර්ශන සමාජ මාධ්ය ඔස්සේ ප්රචාරය වීමත් සමඟ මෙම විරෝධය මතු වී තිබේ.
මෙම ක්රියාව සම්බන්ධයෙන් විධිමත් පරීක්ෂණයක් පවත්වන ලෙස ඉල්ලා පූනේ ප්රදේශයේ පොලිස් ස්ථානයක් වෙත මෙම ලිඛිත පැමිණිල්ල ඉදිරිපත් කර ඇත.
කෙසේ වෙතත්, මෙම පැමිණිල්ල සම්බන්ධයෙන් මෙතෙක් හර්දික් පාණ්ඩ්යාට එරෙහිව කිසිදු නිල නඩුවක් පැවරීමක් හෝ චෝදනා ගොනු කිරීමක් සිදු කර නොමැත.
බලධාරීන් ප්රකාශ කර ඇත්තේ ඉදිරි විමර්ශන කටයුතු පිළිබඳව තවමත් තීරණයක් ගෙන නොමැති බවයි.ජයග්රාහී උදියෝගය මැද සිදුවූ මෙම සිදුවීම සම්බන්ධයෙන් ඉන්දීය ක්රිකට් ලෝලීන් අතර ද මේ වන විට විවිධ අදහස් පළ වෙමින් පවතී.
මූලාශ්ර
Hardik Pandya in trouble? Complaint filed over Indian flag incident
