V2025

ගොසිප්

පොහොට්ටුවේ අපේක්ෂකයා .......

hemalayaමාලිංගගේ සමු ගැනීමත් තමන්ගේ ඡන්ද ගොඩටම ආශිර්වාදයක් කරගත් හිටපු ජනාධිපතිතුමා ඛෙත්තාරාමෙන් එළියට පැන ගත්තේ පේ‍්‍රමදාසයා මැරිලත් ක‍්‍රිකට් තියෙනකල් මිනිහගේ නම තියෙන්න වැඩක් කෙරුවට මට එහෙම වැඩක් කර ගන්න බැරි වුණානේ යයි සිතමිනි. සිකියුරියේ මැදිහත් වීමෙන් ඉක්මණින් එන්නට මග පාදාගත් හිටපු ජනාධිපතිවරයා තමන්ට ඉදිරියෙන් යන හේමලයාගේ විශාලත්වය දැක හේමලයා එහෙම නම් තමන් කොහොම ඇත්දැයි සිතන්නට විය. පවිත‍්‍රලා, ගීතලා විතරක් නෙවෙයි පබාලා වුවද කොර වෙන හැඩිදැඩි බවක් තමන්ට ඇතැයි සිතූ ඔහු ගමන තරමක් බාල කෙරුවේ මයික් එකක්වත් අහළ පහලක තිබේදැයි විපරම් කරමිනි.

 කොහොම හරි මාලිංගගෙන් ලකුණු ටිකක් එකතු වුණා නේද?

 මෙච්චර වෙලා තමන්ගේ හිතේ විතරක් තිබුණු දේ තවත් එකෙක් හිතුවේ කොහොමදැයි හිතූ හිටපු ජනාධිපතිවරයා එකත් එකටම මාලිංගගේ වයිෆරේ දිහා කන්න වගේ බලාගෙන උන් ආරක්ෂක නිළධාරියා වන්නට ඇතැයි සිතා පිටුපස බැලීය. ඒකා පෙනෙන තෙක් මානයක නැති බව තේරුම් ගත් හිටපු ජනාධිපතිවරයා යළිත් පය ඉක්මන් කළේ අලූතින් ගත් බුලට් රූෆින් රථයට ගොඩ වීමටය.

මාලිංග කිව්වෙ ඇත්තමද?

යළිත් සුපුරුදු එකාමය. මේ කතා කරන්නේ මටත් වඩා ලොකු හේමලයා යැයි දැනගත් හිටපු ජනාධිපතිවරයා ඊට පිළිතුරු දෙන්නට විය.

ඇයි බොරු කියලද හිතන්නේ. ඇත්ත තමයි. ඒලියන්තයා දාලා මාලිංගගේ අමාරුව හොද කෙරුවේ. එයත් දකුණේ මමත් දකුණේ. මොකක්ද වැරැද්ද?

නෑ නෑ මම ඇහුවේ ඒක නිකන් අර මාලිංගට කියලා හැමෝටම එන්න කියවගෙන එයාටම කියලා ලකුණු දා ගත්ත වගේ වැඩක් නේද?

 එහෙම තමයි. මාකටිං. දැන් දැක්කනේ අර මහ පොළොවෙන් ඉපදුණ කෙනාට දුන්න හූව. ඒව ප්ලෑන් .ඔන්න මගෙ ප්ලෑන් නෙවෙයි හරිය.

ජනාධිපතිවරණෙකුත් ළග එනව නේද?

ආ ඔව්. ඔව්. එනව එනව

දැන් කවුද පොහොට්ටුවේ අපේක්ෂකයා

රාජපක්ෂ

හරි හරි රාජපක්ෂ කියල දන්නවා. ඒ ඇර ඉතිං වෙන කෙනෙකුට ඔය පක්ෂෙන් ඔලූව උස්සන්න දෙන්නෙ නෑනේ. මොන රාජපක්ෂද? ගෝඨද?

ගෝඨ කියල කවුරු කිව්වත් මම තවම එහෙම කියල නෑනේ. කාටද දෙන්නෙ කියල තීරණය කරන්නෙ මම. මොකා කෑ ගැහුවත් මම කියන කෙනා තමයි අපේක්ෂකයා.

එතකොට ගෝඨට දෙන්නෙ නෑ

නෑ.

ඇයි ?

ගෝඨට දීල දිනුවොත් මගෙ ලොකු එකාට යන කල මොකක්ද?

ඒ කිව්වේ .

ඒ කිව්වේ මගේ ලොකු එකා ජනාධිපති කරන්නෙ කොහොමද?

එතකොට කාටද දෙන්නේ අර ටෙන් ප‍්‍රසන්ටද?

අපොයි. එයාට නම් කොහොමත් දෙන්නෙ නෑ. එයා ඉතින් ඞීල් දෙයියනේ. එයාට දුන්නොත් හොදට තියෙයි. 2015 පැරදුණෙත් මිනිහා හින්ද තමයි.

ලොකු අයියා ?

ලොකු අයිය නම් වරදක් නෑ. ඒ වුණාට අයියා දිනුවොත් අයියගේ පුතා අපිට උඩින් යයි කියල තමයි සැක. ඌටත් ජනාධිපති උණ ගැහුවොත්.

එතකොට දෙන්න කෙනෙක් නෑනේ ?

ඇයි යකෝ විහාර මහා දේවි වාගේ මගේ ගෑණි ඉන්නේ. එයාට දෙනවනේ. මමත් ගොඩ ළමයිනුත් ගොඩ.

පක්ෂෙ පරාදයි ?

හරි. ඒක තමයි වෙන්න ඕනේ. තව අවුරුදු 10ක් වත් පැරදි පැරු ඉන්න තමයි මගෙ ට‍්‍රයි එක.

ඒ මොකද?

තව අවුරුදු 10ක් යද්දි ලොකු එකාට හොද වයස. පාර්ලිමේන්තුවේ අවුරුදු 20ක විතර පරණයි. ජනාධිපති තරගකට දාන්න පුලූවන්නේ. එතකොට ඉතින් යූ ඇන් පී එකෙත් හරි හමන් එකෙක් නැති වෙයිනේ.

මෛත‍්‍රී එක්ක එකතු වෙන්නෙ නැද්ද?

මම නම් කැමතියි. කොහෙද මේ පක්ෂෙ උන් කැමති නෑනේ. මිනිහා එක්ක එකතු වුණත් වෙන්නේ පරදින එකම තමයි. වෙන මොකක් වෙන්නද?

ඒ වුණාට දැන් පොහොට්ටුව ඇතුළෙත් කචල් නේද?

ඔවුන් මරා ගන්න තරමට මට හොදයි. එතකොට අභියෝගයක් නෑනේ. ඔවුන් එකතු වුණොත් තමයි රාජපක්ෂලාට අභියෝගයක් වෙන්නේ. ඒක හින්දා පක්ෂෙ ඇතුළේ මොකා මරා ගත්තත් මට කමක් නෑ.

අර වෙල්ගම දැන් ජාතිත් වෛරයි නේද?

වෙල්ගම හොද එකා. මම කියන දේ හොදට අහනවා.

එතකොට ඔය කරන්නේ ඔබතුමා කියන දේද?

ඒ ගැන මෙතන කියවන්න ඕනේ නෑ. ඒක අපේ වැඩක්.

අර පක්ෂ 16ක් එකතු වුණ එකේ මුස්ලිම් පක්ෂෙකුත්  ඉන්නවා නේද? කලින් මුස්ලිම් පක්ෂ එකතු කර ගන්නේ නෑ කිව්වේ ?

මම කිව්වෙ නෑනේ. ඔය විමල්ලා කෑ ගැහුවට .

ඇත්තටම මොලේ තියෙන දෙතුන් දෙනෙක් ඉද්දි ඇයි ඔය විමල්ටම කතා කරන්න දෙන්නේ ?

විමල් තමයි අපේ පාක්ෂිකයන්ට හොදට කතා කරන්න දන්නේ. මොලේ තියෙන දේශපාලකයො හිටියට මොලේ තියෙන පාක්ෂිකයෝ නෑනේ. ඒක හින්දා විමලගේ කතාවලට චූන් වෙනවා. අපිට ඡන්දෙ දෙනවා.

මේ පාර ඡන්දෙට ඩමි හදන්නෙ නැද්ද?

හදන්න දෙයක් නෑ. කොොහාමත් අපි මේ පාර ඡන්දෙට දාන්නේ ඩමියක් තමයි.

කියූ හිටපු ජනාධිපතිවරයා බුලට් රූෆින් රථයේ දොර ඇර හරි බරි ගැසී ඉද ගත්තේ තවත් හිටියොත් මූ අහන දේවල්වලට මොන මොනවා කියවෙයිදෝයි සිතමිනි.

අසංක ධර්ම ශ්‍රී

Comment (0) Hits: 684

මහරගම තුරුණු පොසොන් කලාපය ඇරඹේ !

මෙවර පොසොන් පොහොය වෙනුවෙන් ජාතික තරුණ සේවා සභාව විසින් සංවිධානය කරන "ජාතික තුරුණු පොසොන් කලාපය" ඊයේ (13 ) පස්වරුවේ ආරම්භ විය.

ජාතික තරුණ සේවා සභා පරිශ්‍රයේදී පැවැත්වෙන මෙම පොසොන් කලාපය තුල සර්වඥ ධාතූන් වහන්සේ වන්දනා, පහන් කූඩු නිර්මාණ, පොසොන් බැතිගී, රේ දම්දීමේ පිංකම පොසොන් දන්සල් ඇතුළු අංශ රැසකින් යුක්තය.

පොසොන් පොහොය වෙනුවෙන් මෙවර නෙත් එෆ් එම් රේඩියෝව පවත්වන ශ්වේත පූජා සජීවි විකාශය ගෙන එන්නේද මහරගම පිහිටි ජාතික තරුණ සේවා සභා පරිශ්‍රයේ සිටය.

නෙල්ලිගල ජාත්‍යන්තර බෞද්ධමධ්‍යස්ථානයේ සිට වැඩම කරන ලද අති ගෞරවණීය ශ්‍රී සර්වඥ ධාතුන් වහන්සේලා ඊයේ (13) දහවල් කාලයේදී මහරගම විපශ්‍යාරාම විහාරස්ථානයේ සිට ඉතා විචිත්‍රවත් පෙරහරකින් මහරගම ජාතික තරුණ සේවා සභා පරිශ්‍රයෙහි නිර්මාණය කර ඇති ජාතික තුරුණු පොසොන් කලාපයේ සුගන්ධ කුටිය වෙත වැඩම කරනු ලැබුවහ.

මෙම අවස්ථාව සඳහා ජාතික තරුණ සේවා සභාවේ සභාපති/ අධ්‍යක්ෂ ජනරාල් නීතිඥ එරන්ද වැලිඅංගේ මැතිතුමා ප්‍රමුඛ ජාතික තරුණ තරුණ සේවා සභාවේ ජ්‍යෙෂ්ඨ නිලධාරීන් හා සේවක මහත්ම මහත්මීන් ඇතුළු තරුණ තරුණියන් විශාල පිරිසක් සහභාගී වී සිටියහ.

පහන් කූඩු ඇතුළු අංශ රැසකින් විචිත්‍ර වූ ජාතික තුරුණු පොසොන් කලාපය අද පස්වරු 06.30 ට පමණ ජනතාව වෙත විවුර්ත වනු ඇති බව සංවිධායකයන් වැඩිදුරටත් සඳහන්කර සිටියි.

62197474 2286275658304013 1649837319399669760 nghh

Comment (0) Hits: 847

අගමැති හීනය

hemalayaගෙදර යනවාටත් වැඩි වාර ගණනක් නිතර යැවෙන ජනාධිපති නිල නිවස දැන් දයාසිරිට නුහුරු නුපුරුදු තැනක් නොවේ. ශ‍්‍රී ලංකා නිදහස් පක්ෂයේ මහ ලේකම් ධූරය භාරගත් දාසිට මේ දක්වා ජනාධිපති මන්දිරයටත් නිල නිවසටත් යාම තමන්ගේ රාජකාරියේ කොටසක් කරගත් නිසාම දැන් ඒවායේ නිත්‍ය සාමාජිකයෙක් බවට ඔහු නිරායාසායෙන්ම පත්ව ඇත. කුකුළා වී පැදුරට යන්නා සේ සිදුවන මේ ගමන ගැන පක්ෂයේ තවත් අය සිටින්නේ එතරම් හිත හොදකින් නොවන බවද ඔහු දනී. රාත‍්‍රී 10 පමණ වන තුරුත් පැවති රැස්වීම අවසන් වුණේ ජනාධිපතිතුමා 10ට නින්දට යන නිසාය. ජනාධිපතිතුමාගේ නින්දේ පිහිටෙන් එළියට පැනගත් දයාසිරි නිළ රථයට දුවගෙන එන විටත් නිළ රථයේ ලයිට් දල්වා සහචරයන් බලා සිටිනු දක්නට ලැබිණ.

ලේකම් තුමා මොකෝ හදිස්සිය ?

 මේ ? 10ට විතර තමන් එක්ක කතා කරන්නේ මොකාදැයි බැලූ දයාසිරි හිතුනේ එකත් එකටම පක්ෂෙ උන් තමන්ගේ හොර අල්ලන්නට මොකෙක් හෝ එවා ඇති බවයි. නිළ රථයේ ලයිට් එළියෙන් තමන් පිටුපස සැගවුන හේමලයා දයාසිරිගේ ඇස ගැටුණේ ඒ අල්ලපනල්ලේය. මේ කතා කරන්නේ තමන්ගේ හේමලයා බව තේරුම් ගත් ඔහු ඊට නොපැකිල උත්තර දුන්නේය.

10ත් පහුවෙලා. ඒකයි හදිස්සි.

හරි ඉතිං දැන් තියෙන්නේ ගෙදර ගිහින් නිදිය ගන්නනේ?

 ගෙදර ගිහිං නිදා ගන්න කලින් තව යන්න තැන් කොච්චර තියෙනවද ? මගෙ හේමලය වෙලත් උඹ දන්නැති හැටි. එහෙම තමයි අපි වැඩ කරන්නෙ. අන්තිමට හේමලයවත් දන්නෙ නෑ.

ඒක නෙමෙයි. අර හීනෙ ලොස් වෙයි වගේ නේද?

මොන හීනෙද?

අගමැති හීනෙ.

ඒ මොකද?

නෑ දැන් වෙල්ගම කාරයත් ආපහු පක්ෂෙට ආවෙ ඕකටනේ.

වෙල්ගම ආව කියල මට මොනව වෙන්නද? ජනාධිපතිතුමා විශ්වාස කරන්නෙ මාව විතරයි. ඒකනේ මාව පක්ෂෙ ලේකම් කළේ.

එතකොට ඊළග අගමැති අපේක්ෂකයා දයාසිරි වෙන එක ස්ථිරයි.

කිරි ගහට ඇන්න වගේ. ජනාධිපතිතුමා මේ පාර ජනාධිපති අපේක්ෂකයා වුණොත් ශ‍්‍රී ලංකා එකේ අගමැති අපේක්ෂකයා දයාසිරි.

දිනයිද?

පැරදුනත් මොකෝ. ඊට පස්සේ ශ‍්‍රී ලංකා එකේ නායකයනේ.

එදා ඉදන් හිටපු ශ‍්‍රී ලංකා කාරයෝ දයාසිරි නායකයා වෙනකල් බලං ඉදියි කියලද හිතන්නේ ?

 මට උඩින් ඉදියි කියලා හිතන හැම එකාම පොහොට්ටුවට පටවනවා. නැත්නම් යූ ඇන් පී එකට යවනවා. එතකොට කවුද මට අභියෝග කරන්නේ. මාව ඉල්ලලම නායකයා කරනවා.

දුමින්දලා, අමරවීරලා නිකං ඉදියි ?

එයාලා දැනටමත් ඇම කාලා ඉවරයි. බලමුකෝ මොකද වෙන්නේ කියලා.

එතකොට අර යාලූවා සජිත් ආවොත් සපෝට් කරන කතාව බොරුවක්ද ?

ඒක බොරුවක් නෙවෙයිනේ. දැනටමත් අපේ ජනාධිපතිතුමත් සපෝට් කරන්නේ සජිත්ටනේ.

නෑ. නෑ. සජිත් ජනාධිපති අපෙක්ෂකය වුණොත් යූ ඇන් පී එකට පනින කතාව.

පිස්සුද? එහෙම පැනල දිනුවත් හම්බ වෙන්නෙ ඇමති කමක් විතරනෙ. ඒ වගේද මෙහෙම ඉදල ශ‍්‍රී ලංකා එකේ නායකයා වුණාම.

වැඩක් නෑනෙ. දැන් ශ‍්‍රී ලංකා එක්ක නෑ වගේනෙ.

ඒක නම් එහෙම තමයි. ඒත් ඉතිං ඔය පොහොට්ටුවත් වැඩි ආයුෂක් නෑනේ. මහින්ද ලොක්කා ඉන්නකල් විතරයි. එතකොට ශ‍්‍රී ලංකා එක තමයි විපක්ෂෙ.

දයාසිරි විපක්ෂ නායක ?

නිකම්ම එහෙම වෙන්න එපැයි.

එතකොට ඇමතිකමක් ගන්නේ නෑ ?

ජනාධිපතිවරණෙන් බහුතරයක් ගන්න ටීම් එකට පක්ෂයක් හැටියට සහයෝගය දෙනවා. එතකොට ඇමති කමක් ෂුවර්. ඡන්දයක් කිට්ටු කරලා ටීම් එකම අයින් වෙනවා. එතකොට දෙකම වෙනවනේ. කොහොමද මගේ ලෝයර් මොලේ.

අර පාස්කු ප‍්‍රහාරය පිටිපස්සේ විදෙස් බලවේගයක් ඉන්නවා කිව්වේ. ඇත්තටම ඒ ගැන දන්නවද?

අනේ මම නම් දන්නේ නෑ. ජනාධිපතිතුමා තමයි එහෙම කියන්න කිව්වේ.

ඒ කියන්නේ ජනාධිපතිතුමා එහෙම එකක් දන්නවා ?

ඒක නම් මම දන්නේ නෑ. අනික ඉතිං ෂීෂී කියන්නේත් විදෙස් බලවේගයක් නේ. ඒ කතාවේ වරදක් නෑනේ.

දැන් එතකොට ශ‍්‍රී ලංකා එකෙන්මද ජනාධිපති අපේක්ෂකයා එන්න ඔනේ ?

නැතුව. ඒකනේ මම හැම වෙලාවෙම කියන්නේ.

ජනාධිපතිතුමාට ආදරේටද ? පක්ෂෙට ආදරේටද ?

ඒ මොන බම්බුවකටවත් නෙවෙයි අයිසෙ මගේ තැන හදා ගන්න. පොහොට්ටුවෙන් එකෙක් දැම්මොත් ඒ වැඬේ අමාරුයි. ශ‍්‍රී ලංකා එකෙන් දාලා ඇන ගත්ත ගමන් මම ගොඩ. ජනාධිපති පැරදුනාට මම දිනුම්නේ.

ලේකම්තුමාගේ ප‍්‍රමාදය නිසාම රියදුරා නිල රථය මාර්ගය දෙසට හරවන්නට වූයෙන් දයාසිරිගේ හේමලයා කෙමෙන් සැගවෙන්නට විය. යළිත් වරක් මතුවෙන්නට පෙර ෆයිල් ටිකත් කිහිල්ලට ගත් දයාසිරි දුවගෙන ගොස් වාහනයට නැග ගත්තේ හේමලයාට හොරෙන් රාත‍්‍රියේ තවත් වැදගත් වැඩකට යාමට තිබූ හෙයිනි.

හේමලයා

අසංක ධර්ම ශ‍්‍රී

Comment (0) Hits: 748

දෙරණ මුදලාලි සමඟ දේශපාලන දිවියේ 20 වසර සැමරූ ඇමති සාගල !

වරාය නාවික සහ දක්ෂිණ සංවර්ධන අමාත්‍ය සාගල රත්නායකගේ දේශපාලන ජිවිතයට ඊයේ (10) දිනට වසර 20 ක් සම්පූර්ණ විය.

ඒ නිමිත්තෙන් ඊයේ දහවල් අරලියගහ මන්දිරයේ සාදයක් සංවිධානය කර තිබූණි. එය අග්‍රාමාත්‍ය මාධ්‍ය මෙහෙයුම්කාරිණි ඉෂිනි වික්‍රමසිංහ සහ කොළඹ දිස්ත්‍රික් එක්සත් ජාතික පක්ෂ කළමනාකරු ලසන්ත ගුණවර්ධන ඇතුළු පිරිසක් විසින් මෙම උත්සවය සංවිධානයකර තිබුණි.

මෙම උත්සවය අග්‍රාමාත්‍ය රනිල් වික්‍රමසිංහගේ ප්‍රධානත්වයෙන් පැවති අතර ඊට ඇමති සාගලගේ සමීපතමයන් ඇතුළු පිරිසක් ආරාධනා ලැබී ඇත. තම සහෝදර දේශපාලඥයන් කැඳවීම කෙසේ වෙතත් අග්‍රාමාත්‍ය රනිල් වික්‍රමසිංහගේ රජයට උදේ හවස අවලාද නගන දෙරණ නාලිකාවේ ප්‍රධානී, දිලිත් ජයවීර හට ආරාධනා කිරීමට ඔවුන් අමතක කර නොතිබිණි.

රට තුල ජාතිවාදය අවුලන චෝදනාව මත රජය මිට පෙර දෙරණ සහ හිරු රූපවාහිනී නාලිකා වෙත ආණ්ඩුවේ දැන්වීම් ලබාදීම තනම්කර තිබියදී මෙලෙස රටට සහ වික්‍රමසිංහ ආණ්ඩුවට උදේ හවස පහර පිට පහර එල්ලකරන දිලිත් ජයවීර වැන්නවුන් අරලියගහ මන්දිරයට වද්දාගෙන පාටි දැමීම පාක්ෂිකයන්ට කොකා පෙන්වීමක් නොවන්නේද, ඇමති සාගල කෙසේවෙතත් අග්‍රාමාත්‍ය වික්‍රමසිංහ අභිමුවට දිලිත් ගෙන්වමින් දිලිත්ගේ මඩ සෝදා හරින්නේ කවුරුන්ද, කාගේ උවමනාවටද යන්න පාක්ෂිකය පමණක් නොව සමස්ත රට වසින්ම දැනගත යුතු කාරණයකි. නොයෙසේනම් එකී නාලිකාවට ලබාදී ඇති දැන්වීම් තහනම සහ එක්සත් ජාතික පාක්ෂිකයන්ගේ තහනම නොතකා මෙලෙස ප්‍රසිද්ධ උත්සවයකට ඔහු කැඳවන්නේ කාගේ හයි හත්තියකටද යන්න පැනනැගෙන ගැටලුවයි.

දිලිත් සමඟ නොව වෙනත් ඕනෑම කෙනෙකු සමඟ පාටි එකක් නොව දහයක් දැම්මට අපටනම් කම් නැත. එහෙත් රටේ ජනතාවට එකක් කියා. මන්දිරවල තවත් යමක් කිරීම ජනතාවට විහිළු සහගත කාරණයක් මෙන්ම පාක්ෂිකයාගේ සිත් අමනාප කරවන කාරණයක් බැවිනි. මිට පෙර 2018 පළාත් පාලන මැතිවරණයේදීද ජාතික මට්ටමේ මැතිවරණ ව්‍යාපාරයේ කටයුතු සඳහා එක්සත් ජාතික පක්ෂය දිලිත්ගේ ප්‍රචාරණ ආයතන සමඟ කටයුතු කරනු අපට දැකගත හැකිවිය.එම මැතිවරණයෙන් එජාපය අමතක නොවන පරාජයක් රට තුල ලබාගත් අතර එය අමතක වූවාක් මෙන් නැවත ඔහු සමඟ මන්දිරවල පාටි දැමීම දේශපාලන ඩීල් කෙරුවාවේ නිරුවත ලොවට කියාපෑමකි. කවුරුන් විසින් කාගේ උවමනාව මත මෙම පුද්ගලයා ගෙන එනු ලැබුවද ගෙන එන්නේ කොතැනටදැයි වත් නොසිතා සිදුකල මෙම ක්‍රියාවට මෙන්ම මිට පෙර මෙන්ම ඉදිරියටද මෙවැන්නන් සමඟ ඩීල දමමින් පක්ෂයේ පරාජය කරා එක්සත් ජාතික පක්ෂය ගෙනයාමට උත්සහ දරන්නන් මිට වගකිව යුතුය. මිට වගකිව යුත්තේ වෙනත් කවරෙක්වත් නොව මෙකි උත්සවය සංවිධානය කල සංවිධායක මණ්ඩලය බව පැහැදිලිවම කිවයුතුය.

Comment (0) Hits: 963

සිම්බාබ්වේ වෙත ක්‍රිකට් තහනමක් !

වහාම ක්‍රියාත්මක වන පරිදි සිම්බාබ්වේ ක්‍රිකට් තාවකාලිකව තහනම් කිරීමට අයි.සී.සී. ය විසින් පියවර ගෙන ඇත.

එරට ක්‍රිකට් ක්‍රීඩාවට සිදුවන දේශපාලන ඇගිලි ගැසීම් හේතුවෙන් මෙම තීරණය ගත් බව අන්තර්ජාතික අයි.සී.සී.ය ප්‍රකාශ කරයි.

ඊයේ (18) පැවති එහි කමිටු රැස්වීමකදී මෙම තීරණය ගෙන ඇත්තේ සියළුදෙනාගේ කැමැත්තෙන බව වාර්තා වේ. මේ අනුව අදාළ තහනම ක්‍රියාත්මක වන කාළය තුළදී අයි.සී.සී. ය විසින් සිම්බාබ්වේ ක්‍රිකට් වෙනුවෙන් ලබා දෙන අරමුදල් නවතා ඇති අතර අයි.සී.සී. ය සංවිධානය කරන කිසිදු තරගයකට සහභාගි වීමට සිම්බාබ්වේට හැකියාවක් නොලැබෙනු ඇත.

කෙසේ වෙතත් මේ සම්බන්ධයෙන් වැඩිදුර විස්තර අයි.සී.සීය විසින් දන්වා නොමැත. මීට පෙර පසුගිය මසදී අයි.සී.සී. ය විසින් සිම්බාබ්වේ ක්‍රිකට් පාලක මණ්ඩලයේ සියළු සාමාජිකයන්ගේ තනතුරු අත්හිටුවීමටද ක්‍රියා කළහ.

Comment (0) Hits: 593

ශ්‍රී ලංකා රග්බි සංගමය : ක්‍රීඩිකාවන්ගෙන් අයැදුම්පත් කැඳවයි !

ශ්‍රී ලංකා රග්බි සංගමයේ කාන්තා රග්බි ප්‍රවර්ධනය කිරීමේ වැඩසටහන යටතේ නවක රග්බි ක්‍රීඩිකාවන් බඳවාගැනීම සඳහා අයැදුම්පත් කැඳවයි.

එම ක්‍රීඩිකාවන් වෙනුවෙන් මාස තුනක විශේෂ පුහුණු වැඩමුළුවන් පැවැත්වීමට නියමිතය.

එම වැඩමුළුවට තෝරාගන්නා ක්‍රීඩිකාවන්ට සියලු පහසුකම් රග්බි සංගමය ලබාදෙන බව ද රග්බි සංගමය පවසයි.

වයස 19 ත් 24 ත් අතර ක්‍රීඩිකාවන්ට ජූනි මස 15 වැනිදා දිනට පෙර අයැදුම් කළ හැකි අතර වැඩි විස්තර 0112667321 හෝ 0776714779 යන දුරකථනවලින් තනූජා වීරක්කොඩි ඇමතීමෙන් ලබාගත හැකිය.

Comment (0) Hits: 653

සහෝදරයාගේ ආඩම්බරය.................

hemalayaහේමලයා

අසංක ධර්ම ශ‍්‍රී

ආණ්ඩුවට එරෙහිව විශ්වාස භංගය දිනුවද පැරදුනද එහෙම විශ්වාස භංගයක් ගෙන ඒම පිළිබද දිසානායක සහෝදරයා සිටියේ තරමක් ආඩම්බරයකිනි. ආණ්ඩුව එකත් තමන්ගේ ඞීල් ඇතැයි කෑ ගැසූ බොහෝ දෙනාට ඉන් පිළිතුරක් ලැබෙනු ඇතැයි අපේක්ෂා කළ ඔහු ඒ පිළිබද සිත සිතාම ගෝල්ෆේස් පැත්තේ රවුමක් ගැසුවේ හිතේ නිදහස ගතටද විදින්නට සළසමිනි. ඈත පෙනෙන ෆෝස් සිටිය දිහා තරමක් ආයාසයෙන් බලා සිටි දිසා නායක සහෝදරයා තමන්ට හිසට ඉහළින් නැගෙන හිරුගෙන් බේරෙන්නට පොල් ගසක් යටට කිට්ටු කරන අතරේම පක්ෂයේ නායකත්වය ගැනද කල්පනාවකට වැටුණේය. ඉර එළිය මදක් අඩු වෙත්ම සෙවණැල්ලද සැගවෙන්නට ගොස් යළි මතු ආවේ දිසානායක සහෝදරයා සමග කතා බහකට මුල පුරමිනි.

ආ සහෝදරයා කාලෙකින් මේ පැත්ත මතක් වෙලා තියෙන්නේ..

දැන් අවුරුදු කිහිපයක සිට පක්ෂයේ නායකතුමා ලෙස මිස සහෝදරයා ලෙස බොහෝ දෙනා නොඅමතන නිසාම මේ නුපුරුදු ඇමතුම කාගෙන්දැයි වට පිට බැලූ දිසානායක නායකතුමාට තමන්ගේ හේමලයා ඇස ගැටුණේ එවිටය.

අපි පුලූවන් හැම වෙලාවෙම එනවා. පහුගිය ටිකේ ඉතින් කොයි තරම් වැඩද? ඒකයි එන්න බැරි වුණේ. අම්මප.

හරි හරි . දැන් ඡන්දෙකුත් ළගම එනවා නේද? කවුද මේ පාර ජ වි පෙ අපේක්ෂකයා.

මේ. ඕනේ නැති ප‍්‍රශ්න අහන්න එපා සහෝදරයා. මේ වෙලාවේ අපේ පක්ෂය ඉන්නේ ජනාධිපති, හොයන්න නෙමේ. පොදු ජනතාවගේ ප‍්‍රශ්නය ගැන බලන්න. අපිට ජනාධිපති වෙන්න උවමනාවක් නෑ. ජනතාවගේ ප‍්‍රශ්න වෙනුවෙන් පෙනී සිටීමයි අපේ පක්ෂයේ සැබෑ වගකීම.

ඒක හරි ඒ වුණාට ජනාධිපතිවරණෙට අපේක්ෂකයෙක් ඉන්න එපැයි.

මතකනෙ අපේ පක්ෂෙන් අපේක්ෂකයො දැපු අයට වුණ දේවල්. මේ පාරත් මොකක් හරි මිනිස්සුන්ට නොතේරෙන තේරවිල්ලක් කියලා ෂේප් වෙනවා.

ඒ කියන්නේ අපේක්ෂකයෙක් නෑ.

කවුරු හරි ඉදිරිපත් වුණොත් දානවා.

ඒ කියන්නේ පක්ෂයේ නායකයා ඉදිරිපත් වෙන්නේ නෑ.

මල්ලි. මම ඉදිරිපත් වෙලා පැරදුනාම මේ නායකකම නැතුව යනවා. අර කාන්තය බලන් ඉන්නෙම මේකට වැඬේ දෙන්න. රනිල් මහත්තයට වෙලා තියෙන වැඬේම තමයි දැන් මටත් වෙලා තියෙන්නෙ.

ලාල් කාන්ත ජනාධිපති අපේකෂක කම ඉල්ලූවොත්?

ඒකත් ප‍්‍රශ්නයක්. එතකොට නායක කමත් දෙන්න වෙනවා.

දැන් මොකද කරන්නේ?

අනේ මන්දා ගෙදර ගියොත් අඹු නසී මග සිටියොත් තෝ නසී’. අම්මප. අපේ උන්ට මොකක් හරි බෝලයක් බස්සනවා. එතකොට ඕක ෂේප්.

 මේ පාර භංගෙත් පරාදයි නේද?

ඕක ඉතිං කලින්ම දන්නවනේ.

දන්නවනම් ගෙනාවේ.

දන්න හින්ද තමයි ගෙනාවේ. ආණ්ඩුව පරදින්න නම් අපි විශ්වාසභංග ගේන්න ඕනේ නෑනේ.

ඒ වුණාට මාධ්‍යයෙන් කිව්වෙ නම් ආණ්ඩුව පරද්දන්න ගෙනාව වගේනේ.

කියද්දි එහෙම තමයි. මේ ආන්ඩුව වට්ටලා ජනතාව කබලෙන් ලිපට දාන්න කියලද අපට කියන්නේ.

එහෙනම් අහවල් මගුලකටද විශ්වාසභංගයක් හදිසියේ ගෙනාවේ.

ඒක තේරෙන්නෙ නැද්ද?

නැති හින්ද තමයි අහන්නේ.

පහුගිය ටිකේ වෙච්ච සීන් වලින් ආණ්ඩුවේ විශ්වාසේ කොොහාමත් භංග වෙලානේ තිබුණේ. රටේ මිනිස්සුන්ගේ විතරක් නෙවෙයි. ඔය පක්ෂ වල ඉන්න ලොකු ලොකු අයගේ පවා විශ්වාසේ භංග වෙලා තිබුණේ.

ඉතිං

ඉතිං කියන්නේ ඒ භංගවුණ විශ්වාසේ ආයේ හදන්න තමයි අපි විශ්වාසභංගයක් ගෙනාවේ.

ඒ කියන්නේ ආන්ඩුවට සහාය දීමක් වුණේ?

නැතුව. ඒක තමයි.

එතකොට දැන් වමේ වැඬේ ඒකද?

වම කියන්නේ මොකක්ද සහෝදරයා. දැන් ඒක පාවිච්චි කරන්නේ පස්ස පැත්ත හෝදන්න විතරයි. තව ටික කාලෙකින් ඒකත් නැති කරල තමයි මම මේ පක්ෂෙන් යන්නේ.

ඒ කියන්නේ දැන්ම යන්න අදහසක් නෑ.

මැතිවරණ පැරදුනා කියලා හරි පක්ෂෙන් සාමාජිකයෝ ගියා කියල හරි මම යන්න ඔනේ නෑනේ.

ජ විෙ පට ඇමතිකම් දෙන්න ඔනේ කියලා අගමැති තුමා කිව්වේ.

ඔව් එහෙම කතාවකුත් කිව්වා. 3ක් 4ක් දෙන්න කියලා. අපිට කාගෙවත් ඇමතිකම් ඕනේ නෑ. අපි හැමෝම ඇමතිලා වෙන දවස වැඩි ඈතක නෑ.

හැමෝම කිව්වේ?

පක්ෂෙ අය. පාර්ලිමේන්තුවේ අය.

දැනුත් ඉන්නේ 6 යි නේ.

ඊළග පාර 4ක්වත් වෙයි නේ. එතකොට අගමැතිතුමා දෙන ඇමතිකම් 4 ගත්තාම අපි ඔක්කොම ඇමතිලානේ.

කලූ වලාකුලක් ඇවිත් ඉර වහගන්ද්දී හේමලයා දිසානායක සහෝදරයාගෙන් ඈත් ව්නට විය. තව දුරටත් කල්පනාවකට බරවෙමින් සහෝදරයා ෂැංග‍්‍රිලා හෝටලය දෙසට ඇදෙන්නට වූයේ සවස තේ වෙලාවද ලංව තිබූ නිසාමදැයි ඔහුවත් දැන තිබුණේ නැත.

 

Comment (0) Hits: 657

ප්‍රවීණ රංගන ශිල්පිනී චිත්‍රා වාකිෂ්ට දිවි සැරියෙන් සමුගනියි !

ප්‍රවීණ රංගන ශිල්පිනී චිත්‍රා වාකිෂ්ට සිය දිවියෙන් සමුගෙන තිබේ.

මිය යන විට ඇය 83 වැනි වියේ පසුවූවාය.

කෝපිකඩේ ටෙලිනාට්‍ය ආරම්භයේ සිටම ඊට රංගනයෙන් දායක වූ චිත්‍රා වාකිෂ්ඨ මහත්මිය එදා මෙදාතුර ටෙලිනාට්‍ය සහ චිත්‍රපට රැසකට සිය රංගන දායකත්වය ලබාදුන්නාය. ගැහැණු ළමයි චිත්‍රපටය සදහා වාකිෂ්ඨ මහත්මිය කළ රංගනය වෙනුවෙන් ජනාධිපති සම්මානයෙන් ද පිදුම් ලැබූ අතර, ශ්‍රී ලංකාවේ ප්‍රථම ටෙලිනාට්‍යය වන දිමුතු මුදු ටෙලිනාට්‍යයේ සිට රෝගාතුර වන තෙක්ම ඇය සිය රංගන කාර්යයෙහි නිරතව සිටියාය.

සිනමාව හා රූපවාහිනිය හරහා සිය රංගන ප්‍රතිභාව ඉදිරිපත් කළ චිත්‍රා වාකිෂ්ට කොළඹ ජාතික රෝහලේ ප්‍රතිකාර ලබමින් සිටින විට අද (31දා) අභාවප්‍රාප්ත වි තිබේ.

මියයෑමට පෙර ඇය පිළිකා රෝගයකින් පීඩා විදි බවත් වාර්තා වෙයි.

අවසන් කටයුතු පසුව දැනුම් දීමට නියමිතව ඇත.

Comment (0) Hits: 676

යෝෂිත හොරෙන්ම යුග දිවියට

හිටපු ජනාධිපති මෙන්ම වත්මන් විපක්‍ෂ නායක, කු.දි.පා මන්ත‍්‍රී මහින්ද රාජපක්‍ෂ මහතාගේ දෙවැනි පුත් වන යෝෂිත රාජපක්‍ෂ මහතා විවාහප‍්‍රාප්ත විය.

ඒ නිතීෂා ජයසේකර නම් යුවතියක් සමගිනි.

මේ පිළිබදව පාර්ලිමේන්තු මන්ත‍්‍රී නීතීඥ නාමල් රාජපක්ෂ මහතා සිය ෆේස්බුක් ගිණුමෙහි සටහන් කර තිබුණේ මෙසේය.

b7e8538115aca458752367323277de8f92a7b226

මීට මාස කිහිපයකට පෙර ඔහුගේ බාල සොයුරු රෝහිත රාජපක්ෂද විවාහ දිවියට ඇතුළත් වූ අතර වැඩිමල් සොයුරු නාමල් රාජපක්ෂයේ විවාහය ලබන සැප්තැම්බර් මාසයේදී සිදුවනු ඇතැයි ආරංචි මාර්ග සදහන් කරයි.

 යෝෂිත රාජපක්ෂ අද දින විවාහ ගිවිසගත් නිතීෂා ජයසේකර පිළිබද මීට පෙර කිසිදු සදහනක් නොතිබූ අතර මුලින් ටෙලි නාට්‍ය අධ්‍යක්ෂ ආනන්ද අබේනායක මහතාගේ දියනිය වන යසාරා අබේනායක සමගද පසුව ලොහාන් රත්වත්තේ දියණිය වන යොහානා රත්වත්තේ සමගද යෝෂිත රාජපක්ෂ විවාහ වීමට නියමිත බවට තොරතුරු පළ විය.

ඒ දෙදෙනාම යෝෂිත රාජපක්ෂගේ පෙම්වතියන් වූ අතර යසාරා අබේනායක සී එස් එන් රූපවාහිනියේ ඉහළ තනතුරක්ද හෙබවීය. රගර් ක‍්‍රීඩක වසීම් තාජුඩීන්ගේ මරණය සම්බන්ධයෙන්ද පසුගිය සමයේ යසාරාගේ මෙන්ම යෝෂිතගේද නම් ඈදී තිබිණ. කෙසේ වුවද යසාරා පසුගිය සමයේ ශ‍්‍රී ලංකාව අත හැර ගොස් ඇති බවටද මාධ්‍ය වාර්තා පලවිය.

Comment (0) Hits: 826

වින් ඩිසල්, ඇවටර් චිත‍්‍රපටයට

ෆාස්ට් ඇන් ෆියුරියස් චිත‍්‍රපට මාලාව හරහා අතිශයින් ජනප‍්‍රියත්වයට පත් වින් ඩිසල් 2020,21 වසරේ තිරගත වීමට නියමිත ඇවටර් චිත‍්‍රපට මාලාව හා සම්බන්ධ වීමට කැමැත්ත පල කර ඇත.

2020 ඇවටර් චිත‍්‍රපටයේ රූගත කිරීම් මේ වන විට සිදු වන අතර වින් ඩිසල් ඒ සදහාද එක්ව ඇති බව විදෙස් ආරංචි මාර්ග සදහන් කරයි.

2020 වසරේදී වින් ඩිසල් තවත් චිත‍්‍රපට රැුසක් තුළින් පේ‍්‍ර‍්‍රක්ෂකයා හමුවට පැමිණීමට නියමිතය.

Comment (0) Hits: 784

ලොව හොඳම අවන්හල

ලොව පවතින හොඳම අවන්හල ලෙස ප්‍රංශයේ Mirazur අවහන්හල පසුගියදා සිංගප්පූරුව් පැවති සම්මාන උළෙලකදී පිදුම් ලැබීය.

ලෝකයේ හොඳම අවන්හල් 50ක එකතුවකින් පවත්වාගෙන යනු ලබන මෙම තරගාවලියෙන් පළමු තැන හිමිව ඇත්තේ ප්‍රංශයේ French Riviera නමැති අවන්හලයි.

ආර්ජන්ටිනාවේ සූපවේදියෙකු විසින් පවත්වාගෙන යනු ලබන මෙම Mirazur අවහන්හලේ කේවියර් ක්‍රීම් සමග තමන්ගේ වත්තෙන් ලබා ගන්නා ලද කෑම වර්ග හේතුවෙන් වඩා ජයනප්‍රියත්වයට හා ප්‍රශංසවට භාජනය වී ඇත.

 

Comment (0) Hits: 731

මගේ තාත්තා සුපිරිසිදු චරිතයක් - බන්දුල ගූණවර්ධනගේ දුව කියයි

තම පියා විදෙස් කාන්තාවක සමග අනියම් ඇසුරක් පවත්වන බවට පැතිර ඇති ආරංචිය අසත්‍යයක් බවත් ඔහුගේ සුපිරිසිඳු චරිතය අමු අමුවේ ඝාතනය කළ අයට හොඳක් සිදු නොවනු ඇති බවත් හිටපු අධ්‍යාපන ඇමති බන්දුල ගුණවර්ධනගේ දියණියක වන නීතීඥ කුමුදුමලී ගුණවර්ධන සටහනක් තබමින් පවසා ඇත.

කී බෝඩ් වීරයින් විසින් නිර්මාණය කළ මේ අවලාද ප්‍රචාරය කරන්නට දායකවූ සැමට කර්මය අනුව විපාක පඩිසන් දෙනු ඇති බවත් ඇය වැඩිදුරටත් දන්වා තිබේ.

ඇගේ දීර්ඝ ෆේස් බුක් සටහන පහත දැක්වේ.

unnamed 2

Comment (0) Hits: 909

කිම් කාඩේෂියන්ගේ කිමෝනෝ යට ඇඳුමට ජපානයේ විරෝධය !

ඇමෙරිකානු නිරූපන ක්ෂේත්‍රයේ රූපවාහිනී තාරකාවක් වන කිම් කාඩේෂියන් වෙස්ට් (Kim KardashianWest) විසින් ශරීරය හැඩකර පෙන්වීම පිණිස හඳුන්වා දෙනු ලැබූ නව ඇඳුම් සන්නාමයක් ජපානයේ ජනතාව කුපිත කිරීමට හේතු වී තිබේ.

'කිමෝනෝ ඉන්ටිමේට්ස්' (Kimono Intimates) නමින් අඟහරුවාදා (ජුනි 25) නව ඇඳුම් වර්ගය වෙළෙඳපොළට හඳුන්වා දීමේ අරමුණ කාන්තාවන්ගේ හැඩය සැමරීම සහ වැඩි කර පෙන්වීම බව කිම් කාඩේෂියන් පවසයි.

කෙසේ නමුත් ජපානයේ ජනතාව සමාජ මාධ්‍යවල මෙම ඇඳුම් සන්නාමය දැඩි ලෙස විවේචනය කර තිබේ. ඒ එමගින් ජපානයේ සම්ප්‍රදායක කිමානෝ ඇඳුමට අගෞරවයක් වන බව පවසමිනි.

"අපි කිමානෝ ඇඳුම අඳින්නේ අපේ සෞඛ්‍ය, ළමයින්ගේ වර්ධනය, විවාහ, උපාධි උත්සව, ආදාහන උත්සව වගේ දේවල්වලට. මේ ඇඳුම අපේ පවුල්වලට පරම්පරා වලින් ලැබුණු දෙයක්," එක් ජපාන කාන්තාවක් වන යුකා ඔහිෂි බීබීසීයට කියා සිටියාය.

"මේ හඳුන්වා දී තිබෙන ඇඳුම අපේ කිමෝනෝ ඇඳුමට කිසිම සමානකමක් නැහැ. ඇය නමක් තෝරලා ඇති ඇයගේ කිම් නම ඇතුළත්. මේ දේට අපේ සංස්කෘතියේ ඇති තැන ගැන කිසිම ගරු කිරීමක් කරලා නැහැ."

1 3

මෙවැනි ජපානයේ සංස්කෘතිමය වැදගත්කමක් ඇති නමක් සිය ඇඳුම් සන්නාම සඳහා කිම් කාඩේෂියන් විසින් යොදාගනු ලැබීම ගැන ඇතැමුන් විරෝධය පළකරද්දී තවත් සමහරුන් කණස්සල්ල පළකරන්නේ සාම්ප්‍රදායික ඇඳුමක නමක් යට ඇඳුම් සන්නාමයක නමකට යොදා ගැනීම ගැනය.

මේ මගින් අනාගතයේදී ජනතාව කිමානෝ යන නම ජපානයට වඩා කිම් කාඩේෂියන් වෙත සම්බන්ධ කළ හැකි බව ද ඇතැම් ජපාන වැසියන්ගේ මතය වී තිබේ.

"කිම්ට විශාල ජනප්‍රියත්වයක් තිබෙනවා පොප් සංස්කෘතිය තුළ. මට බයක් තියෙනවා මිනිස්සු කිමානෝ කියන්නේ ඇගේ සන්නාමයක් කියල විතර දන්න තත්වයක් ඇතිවෙයි කියලා," යුකා ඔහිෂි සඳහන් කළාය.

මේ අතර කිමානෝ ඇඳුම ගැන විශේෂඥවරියක වන මහාචාර්ය ශේයිලා ක්ලිෆ් මේ ගැන අදහස් දක්වමින් පැවසුවේ සාම්ප්‍රදායික කිමානෝ ඇඳුමට සම්පුර්ණයෙන්ම ප්‍රතිවිරුද්ධ ඇඳුමක් සමග එය හඳුන්වාදීමට සිදුවීම හාස්‍යජනක බවය.

"මම තන පටයක් හදලා ඒකට සාරියක් කියන නමක් දැම්මොත්, සමහර ජනතාව ඒ ගැන කුපිත වෙයි. ඒක කිසිම ගරුසර නොමැතිව කළ දෙයක් වෙනවා. කිමෝනෝ කියන්නේ ජපානයේ අනන්‍යතාවයේ සංකේතයක්. ඒ වචනය කිම් කාඩේෂියන්ට අයත් නැහැ," ඇය කියා සිටියාය.

kim kardashian met gala 4 1557217076

(බීබීසී)

Comment (0) Hits: 766

බන්දුල සමග ඇවිද යන ඇය කවුද ?

එක්සත් ජනතා නිදහස් සන්ධාන පාර්ලිමේන්තු මන්ත්‍රී බන්දුල ගුණවර්ධන සුදු ජාතික කාන්තාවක් සමග අත් අල්ලාගෙන එකට ඇවිද යන ජායාරූප සහ වීඩියෝ කිහිපය මෙරට සමාජ මාධ්‍ය ජාල අතර වැඩි අවධානයකට ලක්විය.

මේ සම්බන්ධව අපට ලැබුණු තොරතුරු අනූව මෙම සුදු ජාතික කාන්තාව නමින් Anna Barchetti Durisch ය.

මැය ස්වීට්සර්ලන්ත ජාතිකයෙකු වන අතර එසේම දැන උගත් කාන්තාවක බව ඇගේ තොරතුරු කියාපායි.

IMG 20190506 WA0001

තවද ඇය බන්දුල ගුණවර්ධන මන්ත්‍රීවරයාගේ විශ්වවිද්‍යාල මිතුරියක් මෙන්ම බන්දුල ගුණවර්ධනගේ ඉල්ලීම නිසාම ශ්‍රී ලංකාවේ සමාජ සුබසාධන ක්‍රියාවලීන් සඳහා සෘජුවම දායක වන සහ පවුලේ හිතවතියකද වන බව මන්ත්‍රීවරයාට සමීප ආරංචි මාර්ග සදහන් කරයි.

එසේම anna මෙරට හිටපු මෙන්ම අදටත් පාර්ලිමේන්තුව නියෝජනය කරන මැති ඇමතිවරුන් සහ කිහිපදෙනකුම ඉතා සමීපව ඇසුරු කරන තැනැත්තියක වශයෙන්ද ප්‍රසිද්ධය.

FB IMG 1557125449870

FB IMG 1557126546158

IMG 20190506 WA0002

Comment (0) Hits: 967

දැක්කා නම් කියන්න : විදේශ සේවා නියුක්ති කාර්යාංශය දන්වයි !

ලෙබනනයේ රැකියාවක් සදහා ගොස් සිටින ඒ.එම්.පොඩිමැණිකේ මහත්මිය එහිදී ඇතිවූ අසනීප තත්ත්වයක් හේතුවෙන් බ්රූට්, රෆික් හරිරි රෝහලේ ප්‍රතිකාර ලබමින් සිටින අතර, ඇය මේ වන විට සිහිවිසංඥ තත්ත්වයේ පසුවන බැවින් ඇය පිළිබදව තොරතුරු සොයා ගැනීමට නොහැකි වී තිබේ.

ඇය දාහියා ප්‍රදේශයේ නවාතැන් ගෙන සිට ඇති බවට තොරතුරු වාර්තා වී ඇති අතර, ඇය පිළිබදව සොයා බැලීම සදහා වැඩිදුර තොරතුරු අවශ්‍ය වී තිබේ.

ඇය පිළිබදව තොරතුරක් දන්නේ නම් ශ්‍රි ලංකා විදේශ සේවා නියුක්ති කාර්යාංශයේ විදේශ සම්බන්ධතා අංශයේ දුරකථන අංක 0112-864149ට හෝ ලෙබනන් තානාපති කාර්යාලයේ කම්කරු අංශයේ 05956037/ 76700657ට දැනුම් දෙන මෙන් කාරුණිකව ඉල්ලා සිටියි.

dahiya

Comment (0) Hits: 769

ඔය හිතාන ඉන්න සිරිසේන නොවේ !

ගරු ජනාධිපතිතුමනී......,

ඔබගේ බල කෑදරකමට ඔබ විනාශ වූවා මිසක ඔහු ඔබ විනාශ කලේ නැත. ඔබ ජනාධිපති වී සතියෙන් ඔබගේ ප්‍රකාශයක් වෙබ් පිටුවක් උපුටා දක්වා තිබිණ.එනම්..,

" ...... මම ඔය හිතාන ඉන්න සිරිසේන නොවේ..!"

මා ඊට පසුවදනක් එක්කරමින් ප්‍රකාශකලේ යම් ආකාරයට සමගිව රනිල් වික්‍රමසිංහ අග්‍රාමාත්‍යවරයා සමග කටයුතු කලහොත් මෛත්‍රී නාමයද, වික්‍රමසිංහ නාමය මෙන් මහඉහළින් ශ්‍රී ලංකා ඉතිහාස පොතේ ලියවෙන බවයි.... එසේ නොවන්නේනම් ඔහු නින්දාවේ පතුලටම කිදා බසින බවයි. මම පේන කියන්නෙකු නොවේ. නමුත් පෙළගැසෙන කරුණු විග්‍රයක යෙදුනේනම් එම නිගමනය සරළය....

නමුත් ජයග්‍රහණයෙන් පසුව ඔබ වටා රැස්වූ හා ඔබ විසින් ලංකරගත් චිරස්ථිතික, කුහක පුද්ගලයින් හා බලවේග හේතූවෙන් ඔබ නැවත ජනාධිපති ලෙස පත්වීම්ට ඉව ඇල්ලූ අතර එහි කූඨප්ප්‍රාප්තිය ලෙස ඔබ විසින් ඔබව ජනාධිපති ලෙස පත්කල බලවේග ඔක්තොබර් 26 වන දින පවාදෙනු ලැබිණ. එය කිසිසේත් රනිල් වික්‍රමසිංහ පාවාදීමක් නොවේ. ඇතැම්විට එවැනි තීරණයකට ඔබ පත්වීමට එ.ජා.ප. ඇතුලේ බල අරගලයක යෙදී සිටින පිරිස් වක්‍රව හෝ ඔබව පෙළබෙව්වා විය හැක. කෙසේ හෝ අවසානයේ ඒ සියලු බලවේග පරාජය කර රටේ ප්‍රජාතන්ත්‍රවාදී කිරුළ පළදවා නැවතත් අප ගරු අග්‍රාමාත්‍යවරයා ලෙස රනිල් වික්‍රමසිංහ මැතිතුමාව නැවත ඔබ ලව්වාම පත්කෙරෙවෙමු....! එය මුදලට කේවල් උන මැති, ඇමතිලාගේ මෙහෙයුමක් නොවේ. එය මේ රටේ ප්‍රජාතන්ත්‍රවාදයට ආදරය කරන සත්‍යය මිනිසුන්ගේ මෙහෙයුමකි. ඇතැම් මැති, ඇමතිවරු ගණන් උස්සා උස්සා දවල්ට අරලියගහ මන්දිරයේද, රෑට විදුලි පහන් නිවා පැජට් පාරේ කල සාකච්චා අප දැනඋන්නෙමු.

ජනාධිපතිතුමනී ඔබට තුරුම්පු තියා රජ වංශයේ එක කොළයකුද අත ඉතිරි නොවේ. අයවැයෙන් 119 බලයක් වර්ථමාන ආණ්ඩුව පෙන්නා අවසන්ය. ඒ නිසා 3/2 බලයකින් මිස ඔබට ආණ්ඩුව විසිරවිය නොහැක. පළාත් සභාව ඔබ විසින්ම සීමා නිර්ණය උගුලක හිරකර එය අච්චාරුවක් කර ඇත. සැප්තැම්බර් 20 වෙනකම් එය කිසිසේත් පැවැත්වීමට නොහැක.(ඌව පළාත් සභාව විසුරවන දිනය). එසේනම් දැන් කල යුත්තේ ජනාධිපතිවරණයක් පැවැත්වීමය. එය ඉක්මන් කරන තරමට ඔබට හිතකරය. මක්නිසාද යත් ඔබ කිළී මහරාජා එක්ව සිදුකල 'සුරක්ෂා' ගණුදෙනුව, සුරෙන් බටගොඩ සමග එක්ව ' පාවෙන බලාගාර' , විජයදාස රාජපක්ෂ සමග එක්ව ' පිබිදෙන පොළොන්නරුව' හොරකම් දැන් දැන් හෙළිවෙමින් පැවතීමයි. ඒ නිසා ඉදිරි කාලයේ කාගේ නැතත් ජනාධිපතිතුමනී ඔබේ කොළේ ඉරෙනු අනිවාර්‍යය වේ...

නමුත් මෙදා අවුරුද්දේ මත්ද්‍යව්‍යය නිසා සිදුවූ අනතුරු යම් තරමක් අඩුව ඇතිබවට වාර්තා වේ. එහි යම් ප්‍රශස්ථයක් ඇත. ඒ හැර ඔබ වැපීරූ දෙයක් නොමැත....එමෙන්ම ගෝඨාභයට කිසිසේත්ම ජනාධිපති අපේක්ෂකයා විය නොහැක. හේතුව ඔහු ඇමරිකාවට ගොස් ඊට අදාල මූලික අවශ්‍යතාවයන්ද ඉටු නොකර ආපසු මෙහි පැමිණීමයි. නමුත් ඔබ වටා ඉන්න ඇතැමුන් ඔබව නැවත ප්‍රපාතයකට හෙළමින් ඇත. ඒ ඔබගේ ධූර කාලය ජනවාරී 8න් එහාට බල පැවැත්වෙන බවයි. එයද ඔබ වටා හිදිමින් රටේ සාරය අවසානය දක්වාම උන්ට සූප්පු කිරීමට අවස්ථාව උදාකරගැනීමට කරන ඊනියා මතයක් පමණී....ජනාධිපතිතුමනී කල යුත්ත ඔබ කරන්න. අප රනිල් වික්‍රමසිංහ මැතිතුමාගේ තීරණය සමග එක්ව ඒකී තීරණය ජයග්‍රහණය කරවන්නෙමු. ඒ අපගේ වහල් බාවය නිසා නොව , ඔහු මෙතෙක් බිහිවූ නායකයින් අතර විසල් දැක්මක් සහිත මෙන්ම විශ්වාසනීය නායකයා වන නිසාමය.

අවසානයේ මට කීමට ඇත්තේ සිරිසේන ජනාධිපතිතුමනී ඔබ රනිල් වික්‍රමසිංහ මැතිතුමා සමග එක්ව, එකට ජනවාරී 08 දක්වා නිර්පාක්ෂිකව රටේ ජනාධිපතිවරයා ලෙස කටයුතු කලේනම් ඔබ විශ්‍රාමයන්නේ දියුණු රටක් නිර්මාණයට කැපවූ ශේෂ්‍ඨ නායකයෙක් ලෙසටය. නමුත් අවසානයේ පල්ලේවත්ත ගමරාළ පරපුරටම අත්විදින්න සිදුවූ 'නාම විනාශයට' මේ රටේ ජනාධිපති ලෙස පත්වූ ඔබද පත්විය....!

ජනාධිපතිතුමනී ' බලය ' යනු සිහිවිකල්ලයෙන් සෙල්ලම් දැමිය හැක්කක් නොවේ. එය සැමවිටම සීරූවෙන්, මාරුවෙන් භාවිතා කලයුතු, මනා සිහියෙන් පාවිච්චි කලයුතු මහාඅනර්ග වස්තුවකී...!

ගැලපෙන, ගැලපෙන පරිදි සැමට ආදේශකරගත හැක.
#PandulaPATHMANATH

(උපුටා ගැනීමකි)

Comment (0) Hits: 825

අයියෝ ශාන්ත , ජනකාන්ත රූකාන්ත :දඹදෙණිය - කටුගම්පල පාර බලන්න එන්න !

Shantha Bandara,Janakantha Rookantha Dambadeniya, දඹදෙණිය - කටුගම්පල පාර බලන්න එන්න.....

දඹදෙණියේ සිට ලබුයාය හන්දිය දක්වා දිවෙන මාර්ගය වැසි සමයත් සමග තව තවත් අබලන් වනු දැකීමට නොහැකි වන තැන මේ අයුරින් සටහනක් තැබීමට කටයුතු කරමි.

මේ පිළිබදව මීට පෙරද සදහන් කළද ඊට දේශපාලන අධිකාරීන්ගෙන් කිසිදු ප‍්‍රතිචාරයක් නොමැති වීම ප‍්‍රදේශවාසීන් ලෙස අප ලද අභාග්‍යයකි. ඊට හේතුව වන්නේ ජනතාවට ආදරය කරන දේශපාලකයන් නොවීම විය හැකිය. එහෙත් යළිත් මේ පිළිබදව අවධානය යොමු කරන්නේ වැස්සත් සමග අදාළ මාර්ගයේ පැවති විශාල ප‍්‍රමාණයේ වලවල්වලට වතුර පිරී පයින් යන අයෙකුට හෝ මාර්ගයේ ගමන් කිරීමට සාතිශය දුෂ්කර ව පවතින අවස්ථාවකය. මාර්ගය සකස් කිරීමට තිබෙන්නේ දඹදෙණියේ සිට උපරිම කි.මී. 2ක ප‍්‍රමාණයක් පමණකි. ඉන් එපිට කාපට් අතුරා මාර්ගය සකසන්නට ඒ ඒ ආසනයන් හා සම්බන්ධ දේශපාලකයන් කටයුතු කර ඇත. අවාසනාවකට දඹදෙණියට එවන් දේශපාලනයක් නැත.

අප කාට හෝ අපගේ ඡුන්දය ලබා දෙන්නේ පොදු ජනතා අවශ්‍යතාවන් පිළිබ`ද ජනතාව වැදගෙන ගොස් ඔවුන්ට කියන්නට නොවේ. එහෙත් ජනතාව ඒ තැනට ඇද දමන්නට ඔවුන් කටයුතු කර ඇත. ජනතා නියෝජිතයන් මූලික ජනතා අවශ්‍යතාවන් පිළිබදවවත් සොයා බැලිය යුතුය. එසේ නොමැති පරිසරයක් තුළ හෙට දවසේ මනාප සොයා එන්නන්ට අමනාප නොවන ලෙස සලකන්නට අපි මග බලා සිටින බව පමණක් මතක් කර සිටිමු.

අදාළ මාර්ගය ඉතා ඉක්මණින් පිළිසකර කිරීමට කටයුතු කරන්නේ නම් එය ඔබගේ වගකීමක් මෙන්ම යුතුකමක් බව මතක් කර සිටිමි.

ඡායාරූප ඇත. පළ නොකරන්නේ බලධාරීන් මාර්ගය පැමිණ නිරීක්ෂණය කළ යුතු හෙයිනි.

අසංක ධර්මසිරිගේ ෆේස් බුක් පිටුවෙනි !

Comment (0) Hits: 671

කංජිපානි ඉම්රාන් සේරම වමාරයි !

ඩුබායි පොලිස් අත්අඩංගුවේ සිටින මාකඳුරේ මධුෂ් මෙරටට පිටුවහල් කරයිද නැති නම් ඔහු වෙනත් රටක රැකවරණය ලැබෙයිද යන්න පිළිබඳ ඇත්තේ සැබවින්ම ගැටලුවකි. එම ගැටලුව නිර්මාණය වන්නේ එරටින් පිටුවහල්වීම වළක්වා ගන්නට මාකඳුරේ මධුෂ් මේ වන විටත් එරට අධිකරණයේ පිහිට පතා ඇති බැවිනි. මධුෂ් වෙනුවෙන් ඉදිරිපත් ව සිටින ඉන්දියානු නීතීඥයන් පිරිසක් එරට අධිකරණයට පෙත්සමක් ඉදිරිපත් කරමින් පෙන්වා දී ඇත්තේ ශ්‍රී ලංකාව තුළ මධුෂ්ට ජීවිත තර්ජන ඇති බවය.

මධුෂ්ගේ පෙත්සම

ඒ බව තහවුරු කිරීමට නීතිඥයන් මඟින් මධුෂ් එරට අධිකරණයට අවධාරණය කර ඇත්තේ කුඩා කල සිය මව පවා ඝාතනයට ලක් වී ඇති බවය.

මධුෂ්ගේ මව නමින් මාලනී සමරසිංහය. ඇය ඝාතනය වන්නේ 88-89 භීෂණ සමයේදීය. ඒ ජනතා විමුක්ති පෙරමුණේ රැස්වීමකට සහභාගි වී නිවසට යමින් සිටියදීය. එසේ සිය මව ඝාතනය වන විට මධුෂ් පාසල් යන වයසේ පසු වූ කුඩා දරුවෙකි.

මවගේ ඝාතනය පමණක් නොව, සිය එකම සහෝදරයා වූ නිරෝෂන් ලක්ෂිතගේ ඝාතනයද ඔහු එම අභියාචනයට ඇතුළත් කරන්නට අමතක කර නැත. සුදු වෑන් රථයකින් පැමිණි සන්නද්ධ කණ්ඩායමක් මධුෂ්ගේ සහෝදරයා පැහැරගෙන යන්නේ 2009 වසරේදීය. පැහැරගත් දිනට පසු දින වෙඩි තබා ඝාතනය කළ ඔහුගේ මළ සිරුර හමුවන්නේ මාතර වේල්ල මත තිබියදීය.

මධුෂ් පෙන්වා දෙන්නේ තමන් ඩුබායි රාජ්‍යයට එන්නේ සිය සහෝදරයා මරා දැමූවන් තමාවද ඝාතනය කරන්නට උත්සහ ගත් බැවින් යැයි කියාය. අජිත් එරංග වර්ණකුලසූරිය නමින් සකස් කළ විදෙස් ගමන් බලපත්‍රයකින් ඩුබායි රාජ්‍යයට 2015 වසරේ සංචාරකයෙකු ලෙස පය තබා ඇති මකඳුරේ මධුෂ් දැන් එරට රැදී සිටින්නේ ව්‍යාපාරිකයෙකු ලෙසිනි. ඒ වසර තුනක් රැඳී සිටීමට ඇති නේවාසික විසා බලපත්‍රයක්ද ඇතැතිවය. එම ආයෝජන වීසා බලපත්‍රය ඔහු ලබා ගන්නේ 2016 වසරේදීය.

සිය ජීවිතාරක්ෂාවට අමතරව පිටුවහල් කිරීමෙන් ගැලවීමට මධුෂ් සිය නීතීඥයන් මඟින් තවත් සුවිශේෂි කරුණක් ඉදිරිපත් කර ඇත. එනම් තමන් පිටුවහල් කළහොත් සිය ව්‍යාපාර කඩා වැටීමකට ලක් වන බවකි. එසේම සිය වත්කම් සියල්ලක්ම ඩුබායි රටේ ආයෝජනය කර ඇති බැවින් ඒවා අතහැර යන්නට හැකියාවක් නැති බවද පෙන්වා දී තිබේ.

ආයෝජන වීසා

මධුෂ් ආයෝජන වීසා බලපත්‍රයක් ලබාගන්නේ මහා ලොකු ව්‍යාපාරිකයෙකු ලෙස නොවේ. මෙරටින් පලා ගොස් එරට සැඟවී සිටින බොහෝ අපරාධකරුවන් එරටේ රැඳී සිටින්නේ ආයෝජන වීසාවලට මුවා වීය. වැට් බදු වංචාවේ මහා මොළකරු බව සඳහන් මොහොමඩ් කුදිප්දීන්, මහා පරිමාණයේ මත්කුඩු ජාවාරම්කරුවෙකු වන කිරුළපොන මොරිල්, රුසියාවේ හිටපු තානාපති උදයංග වීරතුංග, එල්.ටී.ටී.ඊ. සංවිධානයේ හිටපු ක්‍රියාකාරිකයෙකු වන එමිල් කාන්තන්, මහා පරිමාණයේ මත්කුඩු ජාවාරම්කරුවෙකු වන මොහොමඩ් මුබාරක්ද එරට රැදී සිටින්නේ ආයෝජන වීසා මඟිනි.

මධුෂ් සමඟ ඩුබායි පොලිස් අත්අඩංගුවේ පසුවූ කංජිපානි ඉම්රාන්ද එරට රැඳී සිටියේ ආයෝජන වීසා මඟිනි. එමෙන්ම මේ වන විට මරණීය දණ්ඩනය හිමි වී බන්ධනාගාරයේ සිටින වෙලේ සුදා නැමැති කුප්‍රකට මත්කුඩු ජාවාරම්කරුද රිමාන්ඩ් භාරයේ සිටින මොහොමඩ් සිද්ධික් යන මත්කුඩු ජාවරම්කරුද කාලයක් ඩුබායි රටේ රැඳී සිටියේද ආයෝජන වීසා මඟිනි. මත්කුඩු ඇණවුමකට ඩුබායි සිට පාකිස්තානයට ගොස් සිටියදී එරට ආරක්ෂක අංශවලට හසු වී මෙරටට භාර නොදෙන්නට ඔවුන් දෙදෙනාද අද සිටින්නේ ඩුබායි රටේය.

මේ අය ආයෝජන වීසා අයැදුම් කරන්නේ ආයෝජන වීසා හිමි විදේශිකයන්ට ඩුබායි රටේ වරප්‍රසාද රැසක් හිමි වන බැවිනි. ආයෝජන වීසා අත දරන්නන්ට එරටේ නිවාස පවා 99 බද්දට මිලදී ගැනීමට හැකියාව හිමි මේ. මධුෂ්ට එරටේ නිවසක් හිමි වී ඇත්තේ ඒ අනුවය. සිය අනියම් බිරිය සහ දරුවන් සමඟ මධුෂ් වාසය කරන්නේ එම නිවසේය. කංජිපානි ඉම්රාන්ගේ සිය බිරියසහ දරුවන් සමඟ පදිංචිව සිට ඇත්තේ ඊට යාබද නිවසකය. එයද 99 බද්දට කංජිපානි සිය බිරියගේ නමින් මිලදී ගත්තකි.

ඩුබායි රටේ ආයෝජකයෙකු වන්නට මුදල් යහමින් ඇති නම් එතරම් අපහසු කාර්යක් නොවේ. ආයෝජන වීසා සකස් කර දෙන්නට සංවිධානය වූ පිරිස් එහි සිටිති. ඒ අය ඩුබායි නීතියේ කනින් රිංගා මුදලට එම වීසා සකස් කර දෙන්නේ ලක්ෂ පනහක හැටක කුට්ටියක් අතට ගෙනය. ඊට අමතරව ආයෝජන වීසා බලපත්‍රය වෙනුවෙන් පමණක් මෙරට මුදලින් රුපියල් කෝටියකට ආසන්න මුදලක්ද වැය කළ යුතුය.

දන්නා ශිල්ප සියල්ලක්ම දමා මෙරටට පිටුවහල් කිරීම වළක්වා ගන්නට මධුෂ් දැඩි උත්සහයක නිරත වන්නේ පසුගිය පෙබරවාරි 05 වැනිදා සාදයේදී අත්අඩංගුවට ගත් සියලු දෙනාම නිදහස් කර මෙරටට එවන්නට එරට මහජන නීතිය ක්‍රියාත්මක කරන්නා තීරණය කිරීමත් සමගිනි.

කංජිපානි කියන කතාව

කංජිපානි ඉම්රාන් උසස් පෙළ දක්වා අධ්‍යාපනය ලැබූවෙකු බව සඳහන්ය. ඔහුගේ මුල්ම රැකියාව මාලිගාවත්තේ පිහිටි පොදු වෙළඳ සංකීර්ණය තුළ ඇති කුකුළු මස් කඩේ මුදල් අයකැමිකමය. පාසල් ගමනට සමුදීමෙන් පසු වසර තුනක් තිස්සේම ඔහු එහි සේවය කළේය. පසුව තමාගේම යැයි කියා කුකුළු මස් කඩයක් ඔහු මාලිගාවත්ත හංදියේ දමා ගත්තේය.

මුස්ලිම් පාතාලයේ රජු ලෙස එකල වැජඹුණු ෆාජිගේ කල්ලියේ ප්‍රබල ක්‍රියාකාරිකයෙකු වන මංජල් අක්‍රම් ඔහුට මුණ ගැසෙන්නේ එහිදීය. පාතාල මර්ධන මෙහෙයුමකින් පසු අතුරුදන්වන සිය බිරිය සහ දරුවන් බලා කියා ගැනීමේ වගකීම ඉන් අනතුරුව කරට ගන්නේ කංජිපානිය. ඒ වන විට කංජිපානි ඉම්රාන්ද සිටියේ විවාහකවය. ඔහුට එම බිරියට දාව දරුවන් දෙදෙනෙකි. සිය මිතුරා වූ මංජල් අක්‍රම්ටද දරු දෙදෙනෙකි. මංජල් අක්‍රම්ගේ බිරියට කංජිපානි ඉම්රාන් කිට්ටු වීම ෆාජිගේ සහෝදරයෙකු වූ බයියාට එතරම් රිස්සුවේ නැත. ඇහැට කනට පෙනෙන සුරූපී කාන්තාවක වූ මංජල් අක්‍රම්ගේ බිරියට ඒ වන විටත් බයියා සිටියේ ඇස ගසාගෙනය.

ප්‍රශ්න කිරීම

එබැවින් බයියා අවස්ථා දෙකකදීම කංජිපානි ඉම්රාන්ට කොකා ගස්සා තිබිණි. ඒ අවස්ථා දෙකකදීම දිවි ගලවා ගන්නා කංජිපානි 2015 වසරේ මාර්තු 28 වැනිදා රටින් පනින්නේ බයියාගෙන් ජීවිතය ගලවා ගන්නටය. එහි ගොස් වැඩි කාලයක් යන්නට මත්තෙන් ආයෝජන වීසා බලපත්‍රයක් ලබා ගන්නා ඔහු මංජල් අක්‍රම්ගේ බිරිය සහ දරුවන් දෙදෙනා එරටට ගෙනාවා ගත්තේය. ඒ ඇගේ නමින් ඔහු එරටින් මිලදී ගත් නිවසකටය. පසු කාලයේ ඔහු සිය දරුවන් දෙදෙනාවද ඩුබායි ගෙන්වාගත්තේය. දැන් මංජල් අක්‍රම්ගේ බිරියට දාවද කංජිපානි ඉම්රාන්ට දරුවෙක් සිටී. මේ දරුවන් පස් දෙනාටම ඔහු වෙනසක් නොකරමින් සලකන්නේ තමන්ගේ දරුවන්ට සේය. පොලිසිය පවසන්නේ කංජිපානි ඉම්රාන්ගේ අපරාධ ලේඛනය සැකසෙන්නේ ඩුබායි ගිය පසු බවය

“මම මගේ බිරිය මැරුවේ නැහැ. මට රිද්දන්න එයාව මැරුවේ පූකුඩි කන්නලා“ සියලු අපරාධ පිළිගනිමින් කංජිපානි සිය බිරිය නොමැරූ බව පවසන්නේ හැඬූ කඳුළිනි. ඔහු පවසන්නේ තමන් බිරියට අසීමිතව ආදරය කරන බවකි. එසේ නම් බිරිය ඩුබායි රටට ගෙන්වා නොගෙන දරුවන් පමණක් එරටට ගෙන්වාගෙන අනියම් බිරියක් සමඟ වාසය කරන්නේ ඇයි දැයි කළ ප්‍රශ්න කිරීම්වලට ඔහුට පිළිතුරු නැත. ඒ සිය බිරිය ඝාතනය කළේ කංජිපානි ඉම්රාන් විසින්ම බවට සාක්ෂි ගොන්නක්ම පොලිසිය සතුව ඇති බව ඔහුද හොඳාකාරවම දන්නා බැවිනි.

“මධුෂ් කියන්නේ වැඩක් කරන්න ඉස්සරින් දහපාරක් හිතන මොළයක් තියෙන කෙනෙක්, එයා කරන කියන දේවල් අපිට හිතා ගන්වත් බැහැ. ලංකාවේ නිල් දියමන්තිය උස්සල ඉවරවෙලයි මටත් කීවේ ඒ දියමන්තියත් සෞදියෙන් හොරකම් කරගෙන ආපු එකක් කියලයි මධුෂ් අයියා කිව්වේ. සුද්දෙක් දාල වැඩේ කලා කියලයි කිව්වේ“ දියමන්ති කොල්ලය ගැන දන්න දේවල් ටික කංජිපානි ඉම්රාන් ප්‍රශ්න කිරීම් හමුවේ පවසන්නේ එසේය.

කොළඹ අපරාධ කොට්ඨාසය භාරයේ සිටින කංජිපානි ඉම්රාන් රඳවා තබා ඇත්තේ කොළඹ වරාය භූමියේ පිහිටි අධි ආරක්ෂිත සිර මැදරියකය. ඔහු බියෙන් සලිතව සිටින්නේ වෙඩි පහරකින් මරුමුවට පත්වේ වි යැයි කියාය. පොලිස් සිරමැදිරියෙන් පිටතට ගන්නා සෑම අවස්ථාවකදීම පාහේ ඔහු වැසිකිළියට දෙතුන් පාරක්ම යන්නේ ඒ නිසාය.

“ බුම්මයි, පූකුඩිකන්නයි මම එළියට එනකම් බලාගෙනයි ඉන්නේ“ කංජිපානි ඉම්රාන් මරණ බියෙන් සලිතව කියන්නේ එසේය.

බුම්මා යැයි කියන්නේ එල්.ටී.ටී.ඊ හිටපු වෙඩික්කරුවෙකි. මාකඳුරේ මධුෂ්ගේ ප්‍රතිවිරුද්ධ පාර්ශ්වය වන කොස්ගොඩ සුජීගේ කල්ලියට සම්බන්ධව සිටින බුම්මා පසුගිය කාලයේ කොළඹ සිදු වුණු ඝාතන රැසකටම සම්බන්ධව සිටින්නෙකි. පොලිස් විශේෂ කාර්ය බළකාය ජා-ඇල පැත්තේ නිවසක් වටලා සොයාගත් අවි ආයුධ සහ මත්කුඩු තොගය බුම්මාගේය. පූකුඩිකන්නා ඔහුගේ ලොක්කාය. ඩුබායි සිට කංජිපානි ඉම්රාන් මෙහෙයවූ බව සඳහන් ඝාතකන ලැයිස්තුවේ පූකුඩිකන්නාගේ පියාගේ නමද ලියැවී ඇත. එම ඝාතනය සිදු වන්නේ මෝදර තැපැල් කන්තෝරුව ආසන්නයේදී ඉකුත් වසරේදීය.

මධුෂ්ට මෙරට ඇති වත්කම් ගැන පවා කංජිපානි ඉම්රාන් පොලිස් ප්‍රශ්න කිරීම්වලදී බොහෝ තොරතුරු හෙළි කර ඇත. එකී හෙළිදරව් අතර මධුෂ්ට අයත් මෙරට පිහිටි සංචාරක හෝටලයක් තිබේ. එම හෝටලය ඇත්තේ කෙහේදැයි එහි නම කුමක්දැයි කංජිපානි කියන්නට දන්නේ නැත. එහෙත් හෝටලයක් ඇති බව නම් ඔහු දනී. ඊට අමතරව මධුෂ් සිය මත්කුඩු ජාවරමෙන් උපයාගත් කෝටි ගණනක මුදල් යොදවා බහුදින ධීවර යාත්‍රා කිහිපයක්ද මිලදීගෙන තිබේ.

ඉඩම් කට්ටි කර විකිණිමේ ව්‍යාපාරයකද මධුෂ් මුදල් ආයෝජනය කර ඇති බව සඳහන්ය. ඒ කා සමඟ දැයි කංජිපානි ඉම්රාන් කිසිවක් දන්නේ නැත. එහේත් මධුෂ්ගේ මුදල් ආයෝජනය කර ආරම්භ කළ වාහන කුලී ආයතනයක් ගැන නම් කංජිපානි හොඳාකාරවම දැන සිටී. ඒ ඩ්‍රොප් මී නම් වූ වාහන කුලී ආයතනයයි. එහි හිමිකරු ලෙස පෙනී සිටියේ කංජිපානි ඉම්රාන්ගේ අඹ යහළුවෙකු වන රිස්ඛාන්ය.

“රිස්ඛාන් අහිංසකයෙක්. මිනිහගෙ නමින් ඩ්‍රොප් මී පටන්ගන්න කොට මධුෂ් අයියට මම කිව්වා එයාව මේ වැඩවලට ගාව ගන්න එපා කියලා. ඇහුවේ නැහැ. අන්තිමට මොකද වුණේ. මධුෂ්ට රිද්දන්න රිස්ඛාන්ඛාන්ට වෙඩි තියලා මැරුවා“ කංජිපානි ඉම්රාන් ඒ බව කියන්නේ අදටත් කණගාටු වෙමිනි.

මධුෂ්ගේ කළු සල්ලි සුදු කරන්නට මධුෂ්ගේ ව්‍යාපාර බොහොමයක් මෙහෙයවූ පුද්ගලයෙකු වන රිස්ඛාන් පසුගිය වසරේදී ඝාතනය වන්නේ කොළඹ අලුත් කඩේ අධිකරණ සංකීර්ණය ආසන්නයේ පිහිටි ඔහුගේ නිවස ඉදිරිපිටදීය.

“රිස්ඛාන් මැරුවේ ගොත අසංක. මිනිහට අපිත් එක්ක ප්‍රශ්නයක් තිබුණා. සමයං මරපු එකට. සමයංගේ තැන දැන් ඉන්නේ ගොත අසංක. වැලිකඩ ඉඳගෙනයි වැඩේ ප්ලෑන් කළේ. මධුෂ් අයියා ගොතයට හිරේ ඇතුළේම තියල වැඩක් දෙන්නයි හිතාගෙන හිටියේ. ඩුබායි පොලිසියට අහුවෙච්ච නිසා ඔක්කොම වැඩ අවුල් වුණා“ කංජිපානි ඉම්රාන් ලෙයට ලෙය පළිගන්නට කළ සූදානමක් ගැන හෙළි කරන්නේ එසේය.

“රිස්ඛාන් මැරුවා කියලා දැනගත්තාම මම මධුෂ් අයියා එක්ක රණ්ඩු වුණා. අහිංසකයා මරා ගත්ත කියලා. ඒ වේලාවෙ මධුෂ් අයියා මට කිව්වා උඹ දුක්වෙන්න එපා. ඕකුන්ගෙන් මම පළිගන්නවා කියලා. සතියක් යන්න ඉස්සරින් රිස්ඛාන් මරපු එකාගේ බෙල්ල ගෙනත් රිස්ඛාන් මරපු තැනම තියනවා කියලත් කිව්වා. ඒ වගේම මධුෂ් අයියා කළා. ඒ සතියම මම මධුෂ් අයියා එක්ක කතා කළේ නැහැ.”

“රිස්ඛාන්ට වෙඩි තියපු කොස්මල්ලි කොහොම හොයාගත්තද දන්නේ නැහැ. වීඩියෝ කෝල් එකක් අරගෙන කොස් මල්ලි එක්කත් මධුෂ් අයියා කතා කළා. කොස්මල්ලි ගහක ගැටගහලයි හිටියේ. දැන් උඹගේ බෙල්ල කපලා මරනවා කියලත් කොස් මල්ලිට කිව්වා. අන්තිමට ඒ කිව්වා වගේ බෙල්ල කපලා රිස්ඛාන්ගේ ගේ ගාවට ගිහින් දැම්මා. බෙල්ල කපල මරන එක මධුෂ් අයියා වීඩියෝ කෝල් එකෙන් බලාගෙන හිටියා“ මධුෂ් ලේ පිපාසිතයෙකු බව කංජිපානි ඉම්රාන් පෙන්වා දෙන්නේ එසේය.

කංජිපානි ඉම්රාන් පවසන්නේ මාකඳුරේ මධුෂ් වීරයෙකු කර ඇත්තේ ජන මාධ්‍ය බවය. සමාජ මාධ්‍ය සහ ජනමාධ්‍යවල මධුෂ් ගැන තොරතුරු පළ වන විට මධුෂ් පිම්බුණු බවත් ඔහු වැඩි වැඩියෙන් අපරාධවලට යොමු වුණේ ඒ නිසා බවත් කංජිපානි ඉම්රාන් කියයි.

“මධුෂ් අයියා එයාගේ දුවගේ උපන්දින පාටිය සංවිධානය කරන්නේ එයාගේ හයිය පෙන්නන්න. ඒක දැනගත්තු මම අයියට කිව්වා ෂේප් එකේ ඉමු. අපිට පාටි මොකටද කියලා. ඒත් අයියා ඇහුවේ නැහැ. එයාට උවමනා වුණේ දැනෙන යමක් කරන්න. තරු හයේ හෝටලයක්ම මේකට යොදා ගත්තේ ඒ නිසයි. මම එපා කියද්දී ලංකාවෙන් කට්ටියත් ගෙන්න ගත්තා. මම ඒ ගැන හිටියේ හිතේ අමාරුවෙන්. මම පාටියට යන්නේ නැහැ කියල හිතාගෙනයි හිටියේ. අන්තිම මොහොතේ බිරියයි දරුවොයි එක්ක ගියේ අයියා තරහා වුණොත් කියලයි. මම එනකම් අයියා කේක් එක කපල තිබුණේ නැහැ.

අන්තිමට පාටියට ගියේ මමයි බිරියයි දරුවෝ ටිකයි. හැබැයි මට අමුත්තක් තේරුණු නිසා දරුවොයි බිරියයි ඉක්මනින් ගෙදරට පිටත් කළා. මමත් වැඩි වේලාවක් ඉන්නේ නැතිව ගෙදරට යන්න කියලා කාර් එකට නැග්ගා. ඒ රටේ සී.අයි.ඩී.ය කඩා පැන්නේ ඒ වෙලාවේ. කාර් එකේ හිටපු මාවත් එයාලා අත්අඩංගුවට ගත්ත“ එදා ඩුබායි සාදය ගැන කංජිපානි ඉම්රාන් පවසන්නේ එවැන්නකි.

කංජිපානි ඉම්රාන් එරට රැදී සිට ඇත්තේ රන් ව්‍යාපාරිකයෙකු ලෙසිනි. නමුත් ඔහු ආයෝජන වීසා බලපත්‍ර ලබාගන්නේ ජංගම දුරකතන සහ උපාංග ව්‍යාපාරයේ නිරතව සිටින්නෙකු ලෙස පෙනී සිටිමිනි. ඒ සියල්ල ව්‍යාජ රඟපෑම්ය. සැබෑ ව්‍යාපාරය වූයේ මත්කුඩු ජාවාරමය.

“ මධුෂ් අයියයි, වැලිකඩ හිරේ ඉන්න සිද්ධිකුයි තමයි ලංකාවට වැඩියෙන්ම හොරොයින් ගේන්නේ. දෙන්න අතරයි තරගෙ තියෙන්නේ. මම කරන්නේ මධුෂ් අයියගේ බඩු කොළඹ බෙදන එක. මාසෙකට මට ලක්ෂ 15ක් 20ක් ලැබෙනවා. හැබැයි වැඩියෙන්ම මධුෂ් අයියගේ බඩු එහා මෙහා කරන්නේ නවාස්. මිනිහා ඉන්දියාවේ ඉඳගෙනයි වැඩේ කරන්නේ“ මධුෂ්ගේ මත්කුඩු ජාලය ගැන කංජිපානි ඉම්රාන් වමාරන්නේ එසේය.

කංජිපානි ඉම්රාන් පවසන නවාස් නැමැත්තා මීගමුවේ සිටි පාතාලයේ නම ගිය කල්ලි නායකයෙකු වූ ෆොරෝස්ගේ මස්සිනාය. පොලිස් මත්ද්‍රව්‍ය කාර්යාංශයේ වැටලීම් අංශයේ සේවයේ නිරතව සිටි පොලිස් පරීක්ෂක නියෝමාල් රංගජීවට වෙඩි තබා ඝාතනය කිරීමේ සැලසුම පිටුපසද සිටියේ ඔහුය. ඔහු ඉන්දියාට පනින්නේ රංගජීවට වෙඩි තැබීමෙන් පසුවය. කංජිපානි ඉම්රාන් පවසන්නේ රංගජීව ඝාතනය කරන්නට මධුෂ් සැලසුම් කරන්නේ සිය අනියම් බිරිය වන දිලිනි ඉෂාරාගේ ඉල්ලීමක් ඉටු කරන්නටය. ඒ සිය සැමියා වූ කළු තුෂාර වැලිකඩ බන්ධනාගාරයේදී වෙඩි ප්‍රහාරයකින් මරුමුවට පත් වීමට පළිගන්නටය.

මධුෂ්ගේ පැමිණීම

කංජිපානි ඉම්රාන් බොහෝ රහස් මේ වන විටත් වමාරමින් සිටී. ඒ අතර හෙළි කළ නොහැකි රහස් ගොන්නකි. මධුෂ්ට මෙරට පැවැති දේශපාලන සහ බලවතුන්ගේ සම්බන්ධකම්ද ඒ අතර නැතුවාම නොවේ. විදේශකටයුතු ඇමති තිලක් මාරපන මහතා මාකඳුරේ මධුෂ්ව මෙරටට භාරදෙන ලෙස එක්සත් එමීර් රාජ්‍යයෙන් විශේෂ ඉල්ලීමක් කරන්නට අබුඩාබි බලා ඉකුත් සතියේ හදිසියේම යන්නේද ඒ නිසාය.

එම ගමනට නීති පති දෙපාර්තමේන්තුවේ ජ්‍යෙෂ්ඨ නිලධාරියෙක් සහ අපරාධ පරීක්ෂණ දෙපාර්තමේන්තුවේ පොලිස් අධිකාරීවරයෙක්ද එක් වී සිටියහ. ඒ අය පසුගිය 03 වෙනිදා එරට විදේශ කටයුතු රාජ්‍ය ඇමති ආචාර්ය අන්වර් බින් මොහොමඩ් ගර්ෆාෂ් මහතා මුණ ගැසී මධුෂ් මෙරටට පිටුවහල් කරගන්නට රාජ්‍ය තාන්ත්‍රික කතාබහක නිරත වන්නේ මධුෂ්ට එරෙහිව ඇති අපරාධ ලේඛනයක්ම ඉදිරිපත් කරමිනි. එම සාකච්ඡා අවසානයේදී ඒ සම්බන්ධයෙන් මෛත්‍රීපාල සිරිසේන ජනාධිපතිවරයා විසින් එක්සත් එමීර් රාජ්‍යයේ ජනාධිපති ෂික් කලීෆා බින් සයිඩ් අල් නයන් මහතා වෙත යොමු කළ ලිපියක්ද එරට විදේශ කටයුතු ඇමතිවරයා අත තිලක් මාරපන ඇමතිවරයා තබන්නේ එය එරට ජනාධිපතිවරයාට ලබාදෙන්නටය.

තිලක් මාරපන ඇමතිවරයා එසේ එරට විදේශ කටයුතු ඇමතිවරයා සමඟ සාකච්ඡාවල නිරතව සිටියදී එරට අත්අඩංගුවේ සිට තවත් 09 දෙනෙකු නිදහස් කිරීමට එරට පොලිසිය පියවර ගත්තේය. මාරපන ඇමතිවරයා එක්සත් එමීර් රාජ්‍යයට යන විට නිදහස් කළ 09 දෙනාගෙන් තවත් දෙදෙනෙකු මෙරටට එන්නට නියමිතය. මධුෂ් හැරුණු කොට ඉදිරි දින කිහිපය තුළ සියලු දෙනාම මෙරටට එනු ඇත. මධුෂ්ගේ පැමිණිම ප්‍රමාද වන්නේ ඔහු නඩුවක් ගොනු කර ඇති බැවිනි. දැනගන්නට ඇති ආකාරයට අනුව එම නඩුව විභාගයට ගැනීමට තීරණය වී ඇත්තේ ලබන 18 වැනිදාය. ඒ අනුව මධුෂ් මෙරටට පිටිවහල් කිරීමක් සිදු වන්නේදැයි නැතිදැයි යන්න පිළිබඳ සියල්ල තීරණය වන්නේ 18 වැනිදායින් පසුවය.

(සිළුමිණ )

Comment (0) Hits: 769

Page 4 of 11