V2025

ගොසිප්

පිස්සුද ? හැටිද?

hemalayaපොහොට්ටුවේ තරුණ සමුළුව අවසන් කර නිවසට පැමිණි ජනාධිපති අපේක්ෂකයා මේ රටේ තරුණයින් කියන වුනුත් මේ තරම් මී හරක් නම් අනික් එවුන් ගැන කවර කතා දැයි සිතා මහ හයියයෙන් සිනාසෙන්නට විය. මාධ්‍යවේදීන් එකෙක්වත් ඇතුළට වද්දා නොගෙන තමන්ගේම උන්ට කියා ප‍්‍රශ්න අසාගෙන දවස් ගාණක් පුරුදු වූ උත්තර පොරක් සේ දේද්දී ඊට හුරේ දැම්ම තරුණ සමුළුවට ආ තරුණයන් එකත් එකටම ගංජා ගසා හෝ ගුලි කා සිටින්නට ඇතැයි සිතූ පොහොට්ටුවා මෙහෙම උන් ඉද්දී ජනාධිපති වෙන එක කජ්ජක්දැයි තමන්ටම කියා ගන්නට විය.

 මැණික් ගග ඉහත්තාවේ තමන් දුක් මහන්සියෙන් උපයා ඉදිකළ පොඩි පැල්පතට වී නින්දක් නිදා ගන්නට ඇත්නම් සිතූ ජනාධිපති අපේක්ෂකයා මේ වෙලාවේ ඒ පැත්තේ යාම නුවනට හුරු නැති බව සිතා ඒ අදහස අත් හැරගන්නට වයි. තමා ජනාධිපති වූ විගසම ඒ නිවස තමන්ගේම බව පවසන බවත් ඒ ගැන ප‍්‍රශ්න කරන්නට එන මාධ්‍යවේදීන් තමන්ගේ උන්ට කියා ලසන්න ගිය දිහාටම යවන්නට හැකි බවත් සිතූ අපේක්ෂකයා ජනේලයේ තිරය ඈත් කළේ අහල පහල පාක්ෂකයින්වත් තමන් හමුවන්නට ඇවිත් ඇද්දැයි දැකගනු රිසියෙනි.

 පාක්ෂකයෙක් තියා කාක්කෙවත් තමන් හමුවන්නට ඇවිත් නැති බව දුටු අපේක්ෂකයා මුන්ට අර මහින්දයම තමයි ලොකු. පෙන්නම්කො කවුද ලොකු කියලා ඉලෙක්ෂන් එකෙන් පස්සේ යයි කියමින් ශීතකරණට දිහාවට ඇදෙන්නට වූයේ මොනවාගෙන් හෝ තොල කට ටිකක් තෙමා ගන්නටය.

දැන් අර වැඬේ ගොඩද ?

එලියේ කාක්කෙක්වත් හිටියෙ නැති එකේ දැන් ඉන්නෙ මොකාදැයි සිතූ අපේක්ෂකයා මොකෙක් හෝ තමන්ට කඬේ යන එකෙක් වන්නට ඇතැයි සිකා නැවත ජනේලයෙන් එබී බැලූවේ ඒකා මොන වගේ මී හරකෙක්දැයි හරියටම දැනගන්නටය. එහෙම මී හරකෙක් තියා මැස්සෙක්වත් නැති තැන දත්මිටි කමින් ආපසු හැරුණ අපේක්ෂකයා එතකොට මේ කතා කෙරුවේ හොල්මන්දැයි කල්පනා කරන්නට විය.

ආණ්ඩුවේ සල්ලිවලින් හදා තමන්ගේ වැඩක් විදියට පෙන්වූ දෙමව්පියන්ගේ කෞතුකාගාරෙන් තාත්තාවත් ඇවිද්දැයි සිතූ ඔහු ඉක්මණට ගොස් දොරේ ලොක් එක දැම්මේ හොල්මන්වලට තියා හුළගකටවත් එන්න බැරි වෙන ලෙසිනි.

මම ඇහුවේ අර ඇමරිකාවේ පුරවැසිභාවෙ ගැන ?

ජනේලයෙන් වැටෙන් ඉර එළිය තමන් විනිවිද ගොස් බිත්තියේ පතිතව ඇති හේමලයා ඔහු දුටුවේ එවිටය.

ආ පුරවැසිභාවෙද ? ඒක මම අප්‍රේල් වලනේ අයින් කර ගත්තේ .

එහෙනං අර මේ මාසේ රිපෝට්වලත් නම නැත්තේ ෙ

නම තියෙන්නම ඕනෙ නෑනේ මම අයින් කරගත්තා. ඒක මේ රටේ අපේ පවුලට කඬේ යන උන් පිළි ගන්නවා. අනිත් උන් පිළිගත්තෙ නැති වුණාට කමන් නෑ.

ඒ වුණාට ඉතිං ඩුවල් සිටිසන් තියෙද්දි ජනාධිපති නාමයෝජනා දෙන්න බෑනේ ?

කවුද බෑ කියන්නේ. අපිත් එකක් ඉන්න උන් අපි කියන ඕන දෙයක් අහනවා. නාම යෝජනා ගන්න බෑ කියලා මැතිවරණ කොමසාරිස් කිව්වොත් අපි ඒ ඔෆිස් එක වටලනවා.

වැටලූවට නීතිය වෙනස් වෙන්නේ නෑනේ.

හරි හරි ඒ වටලද්දි මගෙ අතුරුදන් කිරීමේ සෙට් එකේ එකේක දාලා දෙන්නකෙුට විතර වැටෙන්ඩම කියලා දානවා.

අහිංසක මිනිස්සුනේ ?

මෙච්චර කාලෙකුත් අපි අතුරුදහන් කෙරුවේ එහෙම උන් තමයි. කෝ හෙනවත් තියනවද? අලි වැඩ කරන්නෙ අපේ වාසියට.

හරි දැන් එහෙම මැරුණොත් ?

මැරුණාම මිනිස්සු ඇවිස්සෙනවා ආණ්ඩුවට විරුද්ධව. එතකොට අපේ නෑනව දානව ජනාධිපති අපේක්ෂකයා විදියට උඩින්ම දිනනවා.

මාර ප්ලෑන් නේද?

මේව මැදමුලනේ ප්ලෑන්.

ඒත් ඉතිං මිනිස්සු මරාගෙන ?

අපි කොහොමත් ආවේ මිනිස්සුන්ගේ මිනී උඩින් තමයි.

ඒ කිව්වේ ?

ඒ කිව්වේ දැන් අපේ අයියා ආවේ සුනාමියෙන් මැරුණ මිනිස්සුන්ගේ මිනී උඩින්. ඒ මිනිස්සුන්ට හම්බවුණ සල්ලි තමයි ඡන්දෙට වියදම් කළේ. මම එන්නෙත් ඉතින් එහෙමනේ.

ඇවිල්ල ඉන්නේත් මිනී උඩමද?

ඒව ඉතිං කියන්න බෑ. අපිට විරුද්ධව මොකෙක් හරි ආවොත් මගෙ උන් මොනව කරයිද දන්නේ නෑ.

ඇත්තටම අර ලසන්නතට මොකද වුණේ ? එතකොට එක්නැලිගොඩට

ලසන්ත කියන්නෙ අර පත්තරේ හාදයනේ. මිනිහා පවුලේ ප‍්‍රශ්නෙකට වෙඩි තියාගෙන මොකකින්ද ඇණගෙන තිබුණේ. එක්නැලිගොඩනං ඒ ගෑණි එක්ක ඉන්න බෑ කියලා රට ගිහිං වෙන්න ඇති. මම නං දන්නේ නෑ.

එතකොට අර කීත්නොයාර්, උපාලි තෙන්නකොන්, පෝද්දල ගුටි කෑවේ යාලූවන්ගෙන් වෙන්න ඇති නේද?

කවුද දන්නේ. මම නං එයාලව දන්නේවත් නෑ.

ජනාධිපති වෙන්නත් කලිං මාධ්‍යයට තර්ජනය කරනවා නේද?

කවුද තර්ජනය කළේ. මම කිව්වේ මම කියන දේ විතරක් දාන්න හරස් ප‍්‍රශ්න අහන්න එපා කියලා.

ඒ උනාට උන්ට ප‍්‍රශ්න අහන්න අයිතියක් තියෙනවනේ ?

උන්ට එහෙම ප‍්‍රශ්න අහන්න අයිතියක් තිබුණට මට උත්තර දෙන්න අයිතියක් නෑනේ.

ඒ කියන්නේ ?

ඒ කියන්නේ අයියා මට කියල තියෙන්නේ අහන ප‍්‍රශ්නවලට වැඩිය උත්තර දෙන්න යන්න එපා කියලා.

ඒ ඇයි ?

උන් දිගට දිගට ප‍්‍රශ්න ඇහුවොත් මට මල පනිනවා. ඊට පස්සේ ඉතිං සුදු වෑන්..... නෑ නෑ මේ මේ

මොකක්ද ඒ සුදු වෑන් කතාව. ඇත්තද සුදු වෑන් නිර්මාතෘ ඔයා කියන්නේ ?

අනේ මට වෑන් හදන්න නං බෑ. වාහනවලට තෙල් ගහන්නනං පුළුවන්. ඉතිං මම කොහෙද ඔකේ නිර්මාතෘ වෙන්නේ.

එතකොට සුදුවෑන් කතා බොරුද?

අමූලික බොරු. මම බුද්ධාගමට අනුව ජීවත් වෙන කෙනෙක්. දැක්කනේ පහුගිය ටිකේ පන්සල් ගිය යෑම.

ආ ඔව් ඒකනං දැක්කා. ඇත්තටම ඇයි ඇමරිකාවට ගියේ ?

අපේ පවුල ආසයිනේ එකයි.

හමුදාවෙන් අයිං වුණේ?

ඒ වෙද්දි මට මෙහෙ හමුදාවේ කරන්න දෙයක් තිබුණේ නෑ. ඇමරිකාවේ හමුදාවට යන්න තමයි අයින් වුණේ.

මම නං අහල තියෙන්නේ මානසික විකෘතිතාවයක් නිසා අයින් වුණා කියලා.

අයින් වෙන්න හේතුවක් විදියට එහෙම දැම්මා .

ඒක ඇත්තකුත් තියෙනවා නේද?

මේකා හදන්නේ තමන් පිස්සේක් බව ඔප්පු කිරීමට යැයි සිත ජනාධිපති අපේක්ෂකයා වට පිට බලා බිම වැටී තිබූ සෙල්ලම් සුදු වෑන් එකක් අතට ගත්තේ පුරුද්දට මෙනි.

 අසංක ධර්මශ්‍රී

Comment (0) Hits: 456

සිම්බාබ්වේ වෙත ක්‍රිකට් තහනමක් !

වහාම ක්‍රියාත්මක වන පරිදි සිම්බාබ්වේ ක්‍රිකට් තාවකාලිකව තහනම් කිරීමට අයි.සී.සී. ය විසින් පියවර ගෙන ඇත.

එරට ක්‍රිකට් ක්‍රීඩාවට සිදුවන දේශපාලන ඇගිලි ගැසීම් හේතුවෙන් මෙම තීරණය ගත් බව අන්තර්ජාතික අයි.සී.සී.ය ප්‍රකාශ කරයි.

ඊයේ (18) පැවති එහි කමිටු රැස්වීමකදී මෙම තීරණය ගෙන ඇත්තේ සියළුදෙනාගේ කැමැත්තෙන බව වාර්තා වේ. මේ අනුව අදාළ තහනම ක්‍රියාත්මක වන කාළය තුළදී අයි.සී.සී. ය විසින් සිම්බාබ්වේ ක්‍රිකට් වෙනුවෙන් ලබා දෙන අරමුදල් නවතා ඇති අතර අයි.සී.සී. ය සංවිධානය කරන කිසිදු තරගයකට සහභාගි වීමට සිම්බාබ්වේට හැකියාවක් නොලැබෙනු ඇත.

කෙසේ වෙතත් මේ සම්බන්ධයෙන් වැඩිදුර විස්තර අයි.සී.සීය විසින් දන්වා නොමැත. මීට පෙර පසුගිය මසදී අයි.සී.සී. ය විසින් සිම්බාබ්වේ ක්‍රිකට් පාලක මණ්ඩලයේ සියළු සාමාජිකයන්ගේ තනතුරු අත්හිටුවීමටද ක්‍රියා කළහ.

Comment (0) Hits: 267

ICC සභාපති අගමැති හමුවෙයි !

ජාත්‍යන්තර ක්‍රිකට් කවුන්සිලයේ සභාපති ශෂාන්ක් මනෝහාර් සහ අග්‍රාමාත්‍ය රනිල් වික්‍රමසිංහ අතර විශේෂ සාකච්ඡාවක් ඊයේ (23) පෙරවරුවේ අරලියගහ මන්දිරයේදී පැවැත්විණි.

මෙම අවස්ථාවට විදුලි සංදේශ, විදේශ රැකියා සහ ක්‍රීඩා අමාත්‍ය හරීන් ප්‍රනාන්දු, ජාත්‍යන්තර ක්‍රිකට් කවුන්සිලයේ උප සභාපති ඉම්රාන් ක්වාජ්, විදුලි සංදේශ, විදේශ රැකියා සහ ක්‍රීඩා අමාත්‍යංශ ලේකම් ඩබ්ලිව්.ඒ. චූලානන්ද පෙරේරා සහ ශ්‍රී ලංකා ක්‍රිකට් ආයතනයේ සභාපති ෂම්මි සිල්වා යන ඇතුළු පිරිසක් එක්ව සිටියහ.

Comment (0) Hits: 292

සහෝදරයාගේ ආඩම්බරය.................

hemalayaහේමලයා

අසංක ධර්ම ශ‍්‍රී

ආණ්ඩුවට එරෙහිව විශ්වාස භංගය දිනුවද පැරදුනද එහෙම විශ්වාස භංගයක් ගෙන ඒම පිළිබද දිසානායක සහෝදරයා සිටියේ තරමක් ආඩම්බරයකිනි. ආණ්ඩුව එකත් තමන්ගේ ඞීල් ඇතැයි කෑ ගැසූ බොහෝ දෙනාට ඉන් පිළිතුරක් ලැබෙනු ඇතැයි අපේක්ෂා කළ ඔහු ඒ පිළිබද සිත සිතාම ගෝල්ෆේස් පැත්තේ රවුමක් ගැසුවේ හිතේ නිදහස ගතටද විදින්නට සළසමිනි. ඈත පෙනෙන ෆෝස් සිටිය දිහා තරමක් ආයාසයෙන් බලා සිටි දිසා නායක සහෝදරයා තමන්ට හිසට ඉහළින් නැගෙන හිරුගෙන් බේරෙන්නට පොල් ගසක් යටට කිට්ටු කරන අතරේම පක්ෂයේ නායකත්වය ගැනද කල්පනාවකට වැටුණේය. ඉර එළිය මදක් අඩු වෙත්ම සෙවණැල්ලද සැගවෙන්නට ගොස් යළි මතු ආවේ දිසානායක සහෝදරයා සමග කතා බහකට මුල පුරමිනි.

ආ සහෝදරයා කාලෙකින් මේ පැත්ත මතක් වෙලා තියෙන්නේ..

දැන් අවුරුදු කිහිපයක සිට පක්ෂයේ නායකතුමා ලෙස මිස සහෝදරයා ලෙස බොහෝ දෙනා නොඅමතන නිසාම මේ නුපුරුදු ඇමතුම කාගෙන්දැයි වට පිට බැලූ දිසානායක නායකතුමාට තමන්ගේ හේමලයා ඇස ගැටුණේ එවිටය.

අපි පුලූවන් හැම වෙලාවෙම එනවා. පහුගිය ටිකේ ඉතින් කොයි තරම් වැඩද? ඒකයි එන්න බැරි වුණේ. අම්මප.

හරි හරි . දැන් ඡන්දෙකුත් ළගම එනවා නේද? කවුද මේ පාර ජ වි පෙ අපේක්ෂකයා.

මේ. ඕනේ නැති ප‍්‍රශ්න අහන්න එපා සහෝදරයා. මේ වෙලාවේ අපේ පක්ෂය ඉන්නේ ජනාධිපති, හොයන්න නෙමේ. පොදු ජනතාවගේ ප‍්‍රශ්නය ගැන බලන්න. අපිට ජනාධිපති වෙන්න උවමනාවක් නෑ. ජනතාවගේ ප‍්‍රශ්න වෙනුවෙන් පෙනී සිටීමයි අපේ පක්ෂයේ සැබෑ වගකීම.

ඒක හරි ඒ වුණාට ජනාධිපතිවරණෙට අපේක්ෂකයෙක් ඉන්න එපැයි.

මතකනෙ අපේ පක්ෂෙන් අපේක්ෂකයො දැපු අයට වුණ දේවල්. මේ පාරත් මොකක් හරි මිනිස්සුන්ට නොතේරෙන තේරවිල්ලක් කියලා ෂේප් වෙනවා.

ඒ කියන්නේ අපේක්ෂකයෙක් නෑ.

කවුරු හරි ඉදිරිපත් වුණොත් දානවා.

ඒ කියන්නේ පක්ෂයේ නායකයා ඉදිරිපත් වෙන්නේ නෑ.

මල්ලි. මම ඉදිරිපත් වෙලා පැරදුනාම මේ නායකකම නැතුව යනවා. අර කාන්තය බලන් ඉන්නෙම මේකට වැඬේ දෙන්න. රනිල් මහත්තයට වෙලා තියෙන වැඬේම තමයි දැන් මටත් වෙලා තියෙන්නෙ.

ලාල් කාන්ත ජනාධිපති අපේකෂක කම ඉල්ලූවොත්?

ඒකත් ප‍්‍රශ්නයක්. එතකොට නායක කමත් දෙන්න වෙනවා.

දැන් මොකද කරන්නේ?

අනේ මන්දා ගෙදර ගියොත් අඹු නසී මග සිටියොත් තෝ නසී’. අම්මප. අපේ උන්ට මොකක් හරි බෝලයක් බස්සනවා. එතකොට ඕක ෂේප්.

 මේ පාර භංගෙත් පරාදයි නේද?

ඕක ඉතිං කලින්ම දන්නවනේ.

දන්නවනම් ගෙනාවේ.

දන්න හින්ද තමයි ගෙනාවේ. ආණ්ඩුව පරදින්න නම් අපි විශ්වාසභංග ගේන්න ඕනේ නෑනේ.

ඒ වුණාට මාධ්‍යයෙන් කිව්වෙ නම් ආණ්ඩුව පරද්දන්න ගෙනාව වගේනේ.

කියද්දි එහෙම තමයි. මේ ආන්ඩුව වට්ටලා ජනතාව කබලෙන් ලිපට දාන්න කියලද අපට කියන්නේ.

එහෙනම් අහවල් මගුලකටද විශ්වාසභංගයක් හදිසියේ ගෙනාවේ.

ඒක තේරෙන්නෙ නැද්ද?

නැති හින්ද තමයි අහන්නේ.

පහුගිය ටිකේ වෙච්ච සීන් වලින් ආණ්ඩුවේ විශ්වාසේ කොොහාමත් භංග වෙලානේ තිබුණේ. රටේ මිනිස්සුන්ගේ විතරක් නෙවෙයි. ඔය පක්ෂ වල ඉන්න ලොකු ලොකු අයගේ පවා විශ්වාසේ භංග වෙලා තිබුණේ.

ඉතිං

ඉතිං කියන්නේ ඒ භංගවුණ විශ්වාසේ ආයේ හදන්න තමයි අපි විශ්වාසභංගයක් ගෙනාවේ.

ඒ කියන්නේ ආන්ඩුවට සහාය දීමක් වුණේ?

නැතුව. ඒක තමයි.

එතකොට දැන් වමේ වැඬේ ඒකද?

වම කියන්නේ මොකක්ද සහෝදරයා. දැන් ඒක පාවිච්චි කරන්නේ පස්ස පැත්ත හෝදන්න විතරයි. තව ටික කාලෙකින් ඒකත් නැති කරල තමයි මම මේ පක්ෂෙන් යන්නේ.

ඒ කියන්නේ දැන්ම යන්න අදහසක් නෑ.

මැතිවරණ පැරදුනා කියලා හරි පක්ෂෙන් සාමාජිකයෝ ගියා කියල හරි මම යන්න ඔනේ නෑනේ.

ජ විෙ පට ඇමතිකම් දෙන්න ඔනේ කියලා අගමැති තුමා කිව්වේ.

ඔව් එහෙම කතාවකුත් කිව්වා. 3ක් 4ක් දෙන්න කියලා. අපිට කාගෙවත් ඇමතිකම් ඕනේ නෑ. අපි හැමෝම ඇමතිලා වෙන දවස වැඩි ඈතක නෑ.

හැමෝම කිව්වේ?

පක්ෂෙ අය. පාර්ලිමේන්තුවේ අය.

දැනුත් ඉන්නේ 6 යි නේ.

ඊළග පාර 4ක්වත් වෙයි නේ. එතකොට අගමැතිතුමා දෙන ඇමතිකම් 4 ගත්තාම අපි ඔක්කොම ඇමතිලානේ.

කලූ වලාකුලක් ඇවිත් ඉර වහගන්ද්දී හේමලයා දිසානායක සහෝදරයාගෙන් ඈත් ව්නට විය. තව දුරටත් කල්පනාවකට බරවෙමින් සහෝදරයා ෂැංග‍්‍රිලා හෝටලය දෙසට ඇදෙන්නට වූයේ සවස තේ වෙලාවද ලංව තිබූ නිසාමදැයි ඔහුවත් දැන තිබුණේ නැත.

 

Comment (0) Hits: 322

සංවිධායක කැපිල්ල...............

hemalayaඋදා වෙමින් පවතින තත්වය තුළ ඉදිරියේදී කුමකින් කුමක් සිදුවේදෝයි අහස පොළව ගැටලමින් කල්පනා කරමින් සිටි බැසිල් සිතුවේ මෙදා පාරත් රාජපක්ෂ තියා එහෙම නමක් ගෑවුණ එකෙකුටවත් අරලියගහ මන්දිරය ළගිනවත් යන්නට සිදු නොවන බව ඒකාන්ත බවයි. 11 වැනිදා ගෙදර නැහැදිච්චම එකා මේ රටේ ජනාධිපති අපේක්ෂකයා ලෙස නම් කිරීමෙන් එය වඩාත් තහවුරු වූ බව දැනගත් රාජපක්ෂ සහෝදරයා තනිවම පක්ෂය ගලවා ගැනීමට ම`ගක් සොයමින් සිටියේය. ජනාධිපති අපේක්ෂකයා ලෙස සිය ගෝටා නම් කළ දා සිට පැත්ත පළාතේ නොගිය බැසිල් සහෝදරයා ඒ වෙනුවට විවිධ පුද්ගලයන් සම`ග දේශපාලන ඞීල් දාගන්නට උත්සාහ කෙරුවේ සහෝදරයාට කෙළවෙන බව සක්සුදක් සේ දැන ගෙනය.

බැරි වෙලා හෝ මේකාට ජනාධිපති කම ලැබුණොත් මුලින්ම කපා දමන්නේ තමන්ගේ බෙල්ල බව දැනගත් ඔහු ඒ බව සිතමින් නිවසෙන් එළියට තමන් මහන්සියෙන් හරි හම්බ කර ඉදිකළ මල්වානේ නිවසට අත් වූ ඉරණම පිළිබදවද සිතමිනි. ඉර තරමක් නැගෙමින් තිබුණු නිසා රාජක්ෂ සහෝදරයා පසුකර ඉර එළිලය ගලායන්නට වූයෙන් හේමලයා බිමට ප‍්‍රාතිර්භූර්ත විය.

මේ දැන්ම තියාම කැපිල්ල නේද?

තමන්ගේ හිතේ තියෙන දේ තමන්ගේ හිත ඇර වෙන දන්නේ මොකාදැයි වට පිට බැලූ බැසිල්ට කිසිවකු පදකින්නට ලැබුණේ නැත. එකත් එකටම ජනාධිපති අපේක්ෂකයා තමන්ගේ හොර ඇල්ලීමට මොකෙක් හෝ එවා ඇතැයි සිතූ ඔහු මල් ප`දුරු එකින් එක පිරික්සන්නට වූයේ ඒ කොහෝ හෝ මේකා හැංගී සිටීදැයි විපරම් කරමිනි.

 කැපිල්ල හින්ද නේද ගියේ නැත්තේ ?

කතාව ඇහෙන්නේ තමන්ගේ පසුපසින් බව දැනගත් බැසිල් ආපසු හැරී බලද්දී තමන්ගේ හේමලයා දුටුවේය.

මම ඇහුවේ දැනටමත් කැපිල් පටන් අරන් නේද?

තමන්ගේ හේමලයා වුණත් මූටත් ඇත්ත කතාව කිව යුතු නැතැයි සිතූ ඔහු බේගලයක් ඇද බාන්නට විය’

මොන කැපිල්ලද .

ඇයි ඉතිං ඔය ජනාධිපති අපෙක්ෂකයා දැන් අර හොර අගමැතිතුමාවයි උන්දැගෙ බිරින්දැයි ඉස්සර කොරං යන්නේ. කෝ ඔබතුමා නිකමටවත් පේන්න නෑනේ.

ආ. ඒකද? ඒක කැපිල්ල නොවෙයි. මම හිතලමයි ඒවට නොයා ඉන්නේ

ඒ මොකද?

වැඩක් ඇති දේවල්වලට යන්න එපැයි.

ඒ කියන්නේ දැන් ඔය යන එක වැඩක් නෑ කියලද?

කොහෙද වැඩක් තියෙන්නේ? අපේක්ෂකයා නම් කරනකොටම මම දැන ගත්තා වැඩක් වෙන්නේ නෑ කියලා.

ඒ කියන්නෙ තමන්ගෙ සහෝදරයා ගැනවත් විශ්වාසයක් නැද්ද ?

මොන විශ්වාසයකද? ඔයිට වඩා හොදයි අර සිරිසේනට ජනාධිපති අපෙක්ෂක කම දුන්නනං.

එතකොට දැන් පක්ෂෙ සංවිධායක විදියට වැඩ කරේ සහෝදරයා අපේකෂකයා කරන්න නෙවෙයිද?

සහෝදරයා අපේක්ෂකයා කෙරුවට වැඩක් තියෙනවද? දැන් පේනවනේ වෙන දේ. කටවුට් ටික ගලෝනවා. අපේක්ෂකයා හැංගෙනවා. නිකං නාගත්ත එක විතරයි.

එතකොට කවුද එයාව අපේක්ෂකයා විදියට පත් කෙරුවේ.

කවුද ඉතිං අර ගංජ කාරයයි. ගොඩහේවයි දෙන්න තමයි මහින්ද ලොකකගෙත් ඔලූව කෑවේ. නැත්නම් අගේට හොද කෙනෙක්ව දාන්න තිබුණනේ.

දැන් එයාට නොමිනේෂන් හම්බවෙයිද?

ඇමරිකන් කාරයෙකුට මෙහේ ඡුන්ද ඉල්ලන්න බෑනේ. මම සිංහලේට කිව්වා. වෙන කෙනෙක් දාමු කියලා. කොහෙද අහන්නෙ නෑනේ.

කවුද ? අර හොර අගමැතිද ?

එයාටත් වඩා එයාගෙ පුතාලා.

ආ. ඇයි එයාලා ඔයා කියන දේ අහන්නේ නැද්ද ?

ගිය පාර පැරදුනේ මම හින්ද කියලනේ එයාල කියන්නේ. ඒක හින්ද මේ පාර එයාලට ඕන විදියට තමයි වැඩ. මම පැත්තක. බලමුකො කවුද දිනන්නේ කියල.

ඇත්තටම කවුරු දිනයිද?

දිනන්න චාන්ස් එකනම් අපට තිබුණා. කොහෙද පටන් ගද්දිම කෑවනේ.

ඒ කිව්වේ ?

දැක්කෙ නැද්ද අර ස්ටේජ් එක. තිනිකරම මැදමුලන වලව්ව.

ඉතින් හොදයිනේ?

ත්‍හාද කොහෙද ගග මිනිස්සුන්ට පෙන්නන්න ඔනේ මේක රාජක්ෂලගේ බූදලයක් නෙමෙයි කියන එක. හඑතකොට තමයි මිනිස්සු පැහැදෙන්නේ.

ඒ වුණාට දැන් ඉන්න පාක්ෂකයෝ කැමති රටම රාජපක්ෂ බූදලයක් වෙනටනේ ?

එහෙම මී හරක් පාක්ෂකයො හින්ද තමයි මෙහෙම වෙලා තියෙන්නේ. උන් එහෙම හිතුවට මේ රටේ යමක් කමක් තේරෙන උන් එහෙම හිතන්නෙ නෑ. උන්ගෙ හිත දිනාගන්න නං ඒ විදියට වැඩ කරන්න ඔනේ. නැත්නං වැඩක් නෑ.

දැන් අර උතුරේ ගිහින් දෙමළ අයත් එක්ක සාක්ච්ඡා කළා නේද?

ඔව්’ සාකච්ඡා කළා තමයි. ඒත් දැන් ඒ මිනිස්සුත් අපිත් එක්ක එකතු වෙන එක නවතිනවනේ මේ අපේක්ෂකයා හිනිද්ා.

කොහොමත් ඉතිං ඔයාලා සිංහල බෞද්ධ ඡුන්දනේ ඉල්ලන්නේ ?

ඔහෙම ඉල්ලලා ඡුන්දයක් දිනන්න පුලූවන්ද? අනික කවුද ඔය සිංහල බෞද්ද ඡුන්ද ඉල්ලන්නේ.

ඇයි අර විමල්. ගම්මන්පිල

ආ එයාලාද ? එයාලා ඔය නිකං සක්ක කෑලි විතරයි. අනික ඒයාලා කියන ඒවා කවුද ගණන් ගන්නේ.

දැන් තර්ටීන් ප්ලස් දෙන්න කැමති වුණා නේද?

ඔව්.

ඉතින් දෙනවද?

දෙන්නෙ කොහෙද මෙහෙම එකෙක් ජනාධිපති කරගෙන.

දැන් එතකොට බැසිල්ට මොකද වෙන්නේ ?

මොකද වෙන්නේ කියලා තව ටික දවසකින් බලා ගන්න පුලූවන්.

පොහොට්ටුව දිනවනවද?

මටනම් දිනවන්න වුවමනාව තියෙනවා. ඒත් අපේ ලොක්කට නෑනේ ?

ලොක්කට කිව්වේ ?

මහින්දට

ඒ මොකද ?

ඒ මොකද කියල මගෙන් අහන්න එපා. හමුබවුන වෙලාවක එයාගෙන්ම අහපං එතකොට කියයි.

කියමින් බැසිල් ගෙට ගොඩ වැදුණේ පොහොට්ටුව පිපෙන්නට කලිං පරවෙන්නේ තමන්ගේ උංගේ උද්දච්ඡ කම නිසාම නේදෝයි තමන්ටම කියා ගනිමිනි.

අසංක ධර්මශ්‍රී

Comment (0) Hits: 333

යෝෂිත හොරෙන්ම යුග දිවියට

හිටපු ජනාධිපති මෙන්ම වත්මන් විපක්‍ෂ නායක, කු.දි.පා මන්ත‍්‍රී මහින්ද රාජපක්‍ෂ මහතාගේ දෙවැනි පුත් වන යෝෂිත රාජපක්‍ෂ මහතා විවාහප‍්‍රාප්ත විය.

ඒ නිතීෂා ජයසේකර නම් යුවතියක් සමගිනි.

මේ පිළිබදව පාර්ලිමේන්තු මන්ත‍්‍රී නීතීඥ නාමල් රාජපක්ෂ මහතා සිය ෆේස්බුක් ගිණුමෙහි සටහන් කර තිබුණේ මෙසේය.

b7e8538115aca458752367323277de8f92a7b226

මීට මාස කිහිපයකට පෙර ඔහුගේ බාල සොයුරු රෝහිත රාජපක්ෂද විවාහ දිවියට ඇතුළත් වූ අතර වැඩිමල් සොයුරු නාමල් රාජපක්ෂයේ විවාහය ලබන සැප්තැම්බර් මාසයේදී සිදුවනු ඇතැයි ආරංචි මාර්ග සදහන් කරයි.

 යෝෂිත රාජපක්ෂ අද දින විවාහ ගිවිසගත් නිතීෂා ජයසේකර පිළිබද මීට පෙර කිසිදු සදහනක් නොතිබූ අතර මුලින් ටෙලි නාට්‍ය අධ්‍යක්ෂ ආනන්ද අබේනායක මහතාගේ දියනිය වන යසාරා අබේනායක සමගද පසුව ලොහාන් රත්වත්තේ දියණිය වන යොහානා රත්වත්තේ සමගද යෝෂිත රාජපක්ෂ විවාහ වීමට නියමිත බවට තොරතුරු පළ විය.

ඒ දෙදෙනාම යෝෂිත රාජපක්ෂගේ පෙම්වතියන් වූ අතර යසාරා අබේනායක සී එස් එන් රූපවාහිනියේ ඉහළ තනතුරක්ද හෙබවීය. රගර් ක‍්‍රීඩක වසීම් තාජුඩීන්ගේ මරණය සම්බන්ධයෙන්ද පසුගිය සමයේ යසාරාගේ මෙන්ම යෝෂිතගේද නම් ඈදී තිබිණ. කෙසේ වුවද යසාරා පසුගිය සමයේ ශ‍්‍රී ලංකාව අත හැර ගොස් ඇති බවටද මාධ්‍ය වාර්තා පලවිය.

Comment (0) Hits: 455

පිලිප්ගේ පොත් වැඩේට : එන්න සෙට් වෙන්න !

දේශපාලන තීරු ලිපි රචකයකු වන කේ.ජී.පිලිප් ශාන්ත වත්මන් දේශපාලන අර්බූදය සම්බන්ධයෙන් ලියූ “යැංකි විකී හා අපි” ග්‍රන්ථය මේ මස 28 වන දා බදාදා හවස 3.00ට මහවැලි කේන්ද්‍රයේ දී ජන ගත කෙරේ.

එහිදී ශ්‍රී ලංකාවේ කොමියුනිස්ට් පක්ෂයේ නායක ඩිව්. ගුණසේකර, කොළඹ විශ්ව විද්‍යාලයේ ජේෂ්ඨ කථිකාචාර්ය ආචාර්ය නිර්මාල් දේවසිරි, මහ බැංකුවේ හිටපු නියෝජ්‍ය අධිපති ආචාර්ය ඩබ්ලිව්.ඒ. විජේවර්ධන හා ආචාර්ය සුනිල් විජේසිරිවර්ධන දේශන පවත්වති.

FB IMG 1566391151356

Comment (0) Hits: 308

ලොව හොඳම අවන්හල

ලොව පවතින හොඳම අවන්හල ලෙස ප්‍රංශයේ Mirazur අවහන්හල පසුගියදා සිංගප්පූරුව් පැවති සම්මාන උළෙලකදී පිදුම් ලැබීය.

ලෝකයේ හොඳම අවන්හල් 50ක එකතුවකින් පවත්වාගෙන යනු ලබන මෙම තරගාවලියෙන් පළමු තැන හිමිව ඇත්තේ ප්‍රංශයේ French Riviera නමැති අවන්හලයි.

ආර්ජන්ටිනාවේ සූපවේදියෙකු විසින් පවත්වාගෙන යනු ලබන මෙම Mirazur අවහන්හලේ කේවියර් ක්‍රීම් සමග තමන්ගේ වත්තෙන් ලබා ගන්නා ලද කෑම වර්ග හේතුවෙන් වඩා ජයනප්‍රියත්වයට හා ප්‍රශංසවට භාජනය වී ඇත.

 

Comment (0) Hits: 427

හැංගි හැංගි බඳින වෙස්......

hemalayaකාම්බෝජ සංචාරයෙන් සිරි ලංකාවට සතර මහා නිධානයම අරං එන්නට හැකි වීම පිළිබදව පස්වනක් ප‍්‍රීතියෙන් පිනාගොස් සිටි ජනාධිපතිවරයා රාත‍්‍රී 10 වන්නටත් පෙර නින්දට වැටුණේ රට තුළ උද්ගලතව ඇති දේශපාලන අලකලංචිය ගැනවත් බිදකුදු නොසිතමිනි. තමන්ට බෞද්ධ රටකින් මහත් පිළිගැනීමක් ලැබූණයි සිතූ ජනාධිපතිවරයා හෙට දවසේ මුළු මහත් බෞද්ධ රටවල් සියල්ල එකතුව තමන් එකම බෞද්ධ නායකයා යැයි හඩ නගා කියනු ඇතැයි සිතුවේ නින්ද සිහිනයක් ආසන්නයටම ගෙන යමිනි.

ඒ මොහොතේ ඔහු සිටියේ ඊළග ජනාධිපතිවරයා ලෙස සිංහාසනාරූඪවය. තමන් නැවතත් ජනාධිපතිවරයා ලෙස නිතරගයෙන් පත්කර ගැන්මට සමස්ත ශ‍්‍රී ලාංකිකයන් ජාති ආගම් භේද පසෙකලා එකා මෙන් සිදු කළ කැපවීම වෙනත් කිසි`දු නායකයෙකුට නොලැබෙන අවස්ථාවක් බව සිතූ එතුමා එය තමන්ගේ විශිෂ්ට සේවාවට කළ ගුණ සැළකීමක් බව සිතා ආඩම්බර වන්නට විය. තමන්ගේ එක පැත්තක ගෝඨාත් අනිත් පැත්තෙන් පත්කර ගන්නට යන අගමැතිවරයාත් දැන තමනගේ සුවච කීකරු ගෝලයන් බවට පත්ව ඇති බව සිතූ ජනාධිපතිවරයා අමාරුවෙන් කෙලින් කරගත් කොන්ද සිිංහාසනයට හේත්තු කරමින් දෑස් විවර කර ඉදිරිපස බැලූවේ තමන් වටේ තව මොකා මොකා හිලෑ වී ඇකත්තැයි සැක හැර දැන ගැනීමටය. දෑස් විවර වනවාත් සම`ගම දුටු දසුනෙන් සරමත් යාංතං තෙත් වූ බවක් තේරුණු ජනාධිපතිවරයා මුහුණේ හීන් දාඩිය බිංදු දෙක තුනක් පිස දැම්මේ තමන් බය වූ බව කිසිවකු දැනගනීයැයි සිතමිනි.

තමන්ගේ ඉදිරිපසින් රනිල් සජිත් සහ පිරිවර සමග අවි අමෝරාගෙන සිටිනු දුටු ජනාධිපතිවරයා ගැස්සී ඇහැරුණේ මුන් මට හීනෙන්වත් ආයෙත් ජනාධිපති වෙන්න දෙන්නෙ නැති හැටියක් යැයි කෑ ගසමිනි. කොතරම් භය වූවාද කියතොත් තොල කටත් වියළී ඇති බව දැනගත් ජනාධිපතිවරයා නැගිට කාමරයේ ලයිට් එක දැම්මේ වතුර බිංදුවකින් තොග තෙමා ගන්නටය. ලයිට් එක පත්තු වෙනවාත් සමගම මතු වුණු හේමලයා දුටු ජනාධිපතවරයා මේකත් මම පස්සෙන්ම එනවනේ සිතමින් වතුර වීදුරුවෙන් තොල තේමා ගත්තේ දැන් දැන් හේමලයාත් ඔනෑවට වඩා වැඩි යැයි කල්පනා කරමිනි.

මොකද මේ දෙගොඩ හරියෙ හැඇරගෙන

දැන්නං ඉතිං හේමලයාගෙන් ගැලවුමක් නැතිබව දැනගත් ජනාධිලතිවරයා ඊට උත්තර දුන්නේ එහෙම හරි තමන්ගේ දුක අහං ඉන්නට එකෙක් සීටීම පිළිබද සතුටු වෙමිනි.

දෙගොඩ හරියෙ ඇහැරගෙන කියන්නෙ අරුං මට බුදිය ගන්නවත් දෙන එකක් යැ

කවුද? සහරාන්ද

සහරාන්වත් ටිරාන්වත් නෙවෙයි.

අන්න අර යූ ඇන් පී එකේ උන්.

ඇයි දැන් ශ‍්‍රී ලංකා එකට පනින්න කෝල් අරං කරදර කරනවද?

උන්ට ශ‍්‍රී ලංකා එකට පනින්න තරං අමාරුවක් තියෙනවාද? මේකට පැනල උන් මොනව කරන්නද ? මේකට පනින් එකෙකුට දැං වෙන්නේ කනේරු කාලා මැරෙන්න තමයි.

එහෙනං බුදියන්න දෙන්නේ නෑ කිව්වේ?

නෑ බං මම මේ හොද හීනයක් දැක දැකා හිටියේ. ඒ හීනෙත් අර රනිලූයි මිනිහගෙ සෙට් එකයි හිටියනේ මාව මරන්න වගේ.

ආ ඒකද? ඉතිං දැන් ඔබ තුමා ඒ මිනිස්සුන්ට කරපු දේවල් හැටියට එහෙම දෙයක් නොකර ඔහොම ඉන්න එකත් ලොකු දෙයක්’

ඇයි මම මොනවද කරේ ?

ඇයි යකෝ ඒ පක්ෂෙ මිනිස්සුන්ගේ ඡන්දෙ දිනලා ඒ මිනිස්සුන්ගේ කර පිටින් ජනාධිපති වෙලා පස්සේ ඒ මිනිස්සුන්ට විරුද්ධව වැඩ කරපු එක කොයි තරම් අසමජ්ජාති වැඩක්ද ?

එහෙම නැතුව හරියන්නෙ නෑනේ. උන්ගෙත් එකක් හිටියනං මම අවලංගු කාසියක් වෙනවා.

දැනුත් ඉතිං ඒකෙ වෙනසක් නෑනේ.

හේමලයා කියූ කතාවට ජනාධිපතිවරයාගේ හදවත කී ගාන්නට වුවද එය පිටතට නොපෙන්වා තවත් වතුර පොදකින් තොල තෙමා ගත්තේ ඇත්තටම තමන් දැන් අවලංගු කාසියක් බවට පත්ව ඇතිදැයි ආවර්ජනය කරමින්.

ඒක නෙවෙයි මොකද මේ දවස්වල සද්ද නැත්තේ ?

සද්ද දාලා මොනව කරන්නද ? මම සද්ද දැම්මා කියලා මේ ඉන්න එකෙක්වත් මම කියන දේ අහන්නෙ නෑනේ.

එකෙක්වත් කිව්වේ පක්ෂෙ වුණුත් එක්කද?

ඔව් පේන්නෙ නැද්ද මම පව් කියලා ජාතික ලැයිස්තුවෙන් ඇතුළට ගත්ත වුනුත් දැන් මට කොකා පෙන්නනවා. ඔය ඉතිං ආතක් පාතක් නැති දෙතුන් දෙනෙක් ඉන්නවා. උනුත් කොයි වෙලාවේ මාව දාලා මාරුවෙයිද දන්නේ නෑ.

හැබැයි අර සිරියි, වල්ගමයි නම් තාම ඉන්නවා නේද?

උන් දෙන්න ඉන්නවා. උන් දෙන්නට විතරයි මාව ආපහු ජනාධිපති කරන්න ඕනේ කියලා හිතෙන්නේ. වෙන එකෙක්ටවත් එහෙම හිතෙන්නෙ නැති එකනෙ වැඬේ.

දැන් එතකොට අර පොහොට්ටුවේ අපේකෂකයට ඔබතුමා සහාය දෙනවා කියල කතාවක් යන්නේ ?

කවුද මම. මම නම් සහයෝගය දෙන්නේ නෑ. කව්ද කියන්නේ ?

හරි එතකොට මහිනද්ල එක්ක ඞීල් එකක් ඇත්තෙම නැද්ද ?

එහෙම ඞීල් එකක් නෑ.

එහෙනම් හොරෙන් හමුබ වුණේ.

කවුද ? ආා ඒ හම්බ වුණේ අර ගුවන් හමුදාවෙයි, නේවි එකෙයි ලොක්කන්ට තරු දෙන්නනේ ?

එයාද ඒව දෙන්න කිව්වේ ?

ඔව්. ඔව්.

ඒකත් ඞීල් එකේ කොටසක් නේද?

මොන ඞීල් එකක්ද ?

හරි හරි බලමුකෝ හැංගි හැංගි වෙස් බැන්දට නටන්න වෙන්නේ එළියෙනේ.

මේකා එක්ක තවත් කතා කරන්න ගියොත් තමන්ගේ ඉතිරි වී ඇති සායමද යන බව දැනගත් ජනාධිපතිවරයා ලයිට් එක නිවා දමා ඇදට පැනගත්තේ සිහිනයේ ඉතිරි හරිය රස විදීමේ අපේක්ෂාවෙනි.

අසංක ධර්ම ශ්‍රී

Comment (0) Hits: 329

කිම් කාඩේෂියන්ගේ කිමෝනෝ යට ඇඳුමට ජපානයේ විරෝධය !

ඇමෙරිකානු නිරූපන ක්ෂේත්‍රයේ රූපවාහිනී තාරකාවක් වන කිම් කාඩේෂියන් වෙස්ට් (Kim KardashianWest) විසින් ශරීරය හැඩකර පෙන්වීම පිණිස හඳුන්වා දෙනු ලැබූ නව ඇඳුම් සන්නාමයක් ජපානයේ ජනතාව කුපිත කිරීමට හේතු වී තිබේ.

'කිමෝනෝ ඉන්ටිමේට්ස්' (Kimono Intimates) නමින් අඟහරුවාදා (ජුනි 25) නව ඇඳුම් වර්ගය වෙළෙඳපොළට හඳුන්වා දීමේ අරමුණ කාන්තාවන්ගේ හැඩය සැමරීම සහ වැඩි කර පෙන්වීම බව කිම් කාඩේෂියන් පවසයි.

කෙසේ නමුත් ජපානයේ ජනතාව සමාජ මාධ්‍යවල මෙම ඇඳුම් සන්නාමය දැඩි ලෙස විවේචනය කර තිබේ. ඒ එමගින් ජපානයේ සම්ප්‍රදායක කිමානෝ ඇඳුමට අගෞරවයක් වන බව පවසමිනි.

"අපි කිමානෝ ඇඳුම අඳින්නේ අපේ සෞඛ්‍ය, ළමයින්ගේ වර්ධනය, විවාහ, උපාධි උත්සව, ආදාහන උත්සව වගේ දේවල්වලට. මේ ඇඳුම අපේ පවුල්වලට පරම්පරා වලින් ලැබුණු දෙයක්," එක් ජපාන කාන්තාවක් වන යුකා ඔහිෂි බීබීසීයට කියා සිටියාය.

"මේ හඳුන්වා දී තිබෙන ඇඳුම අපේ කිමෝනෝ ඇඳුමට කිසිම සමානකමක් නැහැ. ඇය නමක් තෝරලා ඇති ඇයගේ කිම් නම ඇතුළත්. මේ දේට අපේ සංස්කෘතියේ ඇති තැන ගැන කිසිම ගරු කිරීමක් කරලා නැහැ."

1 3

මෙවැනි ජපානයේ සංස්කෘතිමය වැදගත්කමක් ඇති නමක් සිය ඇඳුම් සන්නාම සඳහා කිම් කාඩේෂියන් විසින් යොදාගනු ලැබීම ගැන ඇතැමුන් විරෝධය පළකරද්දී තවත් සමහරුන් කණස්සල්ල පළකරන්නේ සාම්ප්‍රදායික ඇඳුමක නමක් යට ඇඳුම් සන්නාමයක නමකට යොදා ගැනීම ගැනය.

මේ මගින් අනාගතයේදී ජනතාව කිමානෝ යන නම ජපානයට වඩා කිම් කාඩේෂියන් වෙත සම්බන්ධ කළ හැකි බව ද ඇතැම් ජපාන වැසියන්ගේ මතය වී තිබේ.

"කිම්ට විශාල ජනප්‍රියත්වයක් තිබෙනවා පොප් සංස්කෘතිය තුළ. මට බයක් තියෙනවා මිනිස්සු කිමානෝ කියන්නේ ඇගේ සන්නාමයක් කියල විතර දන්න තත්වයක් ඇතිවෙයි කියලා," යුකා ඔහිෂි සඳහන් කළාය.

මේ අතර කිමානෝ ඇඳුම ගැන විශේෂඥවරියක වන මහාචාර්ය ශේයිලා ක්ලිෆ් මේ ගැන අදහස් දක්වමින් පැවසුවේ සාම්ප්‍රදායික කිමානෝ ඇඳුමට සම්පුර්ණයෙන්ම ප්‍රතිවිරුද්ධ ඇඳුමක් සමග එය හඳුන්වාදීමට සිදුවීම හාස්‍යජනක බවය.

"මම තන පටයක් හදලා ඒකට සාරියක් කියන නමක් දැම්මොත්, සමහර ජනතාව ඒ ගැන කුපිත වෙයි. ඒක කිසිම ගරුසර නොමැතිව කළ දෙයක් වෙනවා. කිමෝනෝ කියන්නේ ජපානයේ අනන්‍යතාවයේ සංකේතයක්. ඒ වචනය කිම් කාඩේෂියන්ට අයත් නැහැ," ඇය කියා සිටියාය.

kim kardashian met gala 4 1557217076

(බීබීසී)

Comment (0) Hits: 432

පාස්පෝට් හොරු..................

මේ කවුද ඒයි ගෝරා කියන්නේ ?

ඇඳට වී මදක් ඇලවෙන්නට හදනකොටම බිරිඳ හදිසියේම කඩාගෙන පැන්නේ මගේ මොකක් හෝ හොරයක් හසු වී වන්නට ඇතැයි සිතූ මම ගෝරා ගෑවුණ නමක් වත් දන්නේ දැයි මඳකට සිතා බැලීමි.

මොකද තමුසෙ ගල් ගැහිලා. මම ඇහුවේ ගෝරා කියන්නෙ කවුද කියල ?

මං දන්නෙ කොහොමද ? ගෝරා කියා නමක් ඇති එකියක් හෝ එහෙම ගෑවුණු එකියක්වත් ජීවිතෙට හම්බ වී නොමැති බව සක් සුදක් සේ පසක් කර ගත් මම උත්තර බැන්දේ මොකක් හෝ කොස්සක් ඇති වග ඉවෙන් මෙන් දැන ගනිමිනි.

බොරු කියන්න එපා. තමුසෙ දන්නෙ නැත්තන් අර පොතක පිටි පස්සේ ලියල තියෙන්නෙ මම ගෝරා ට කැමති නෑ කියලා.

එකත් එකටම පහුගිය දවසක ප‍්‍රවෘත්ති නරඹන අතර වාරයේ පොතක පිටු පස හිටපු ආරක්ෂක ලේකම් වරයා ජනාධිපතිවරණයට ඉදිරිපත් වීමේ පිළිකුල නිසාම ගෝරාට කැමති නෑ යනුවෙන් තැබූ සටහන බිරිඳගේ නෙත ගැටී ඇති බව දැනගත් මම ඇයට පවසා සිටියේ ගෝරා යනු හිටපු ආරක්ෂක ලේකම්වරයාගේ නම කෙටි කර ලියූවක් බවයි.

ආ ඒකද? මම හිතුවේ මොකක් හරි සක්කර වට්ටමක් කියලා. හරි දැන් මොකද ගෝරට කැමති නෑ කියල ලිව්වේ.
කැමති නෑ කියල ලිව්වේ කැමති නැති හින්දනේ.

ඇයි ඒ මනුස්සයට අකමැති වෙන්නේ. දැන් අර ඇමරිකාවේ පදිංචියත් බල්ලට දාලා අපේ රටේ ජනතාව වෙනුවෙන් ඉදිරිපත්වීමම කොච්චර එකක්ද? කාටද එහෙම කැපවීමක් කරන්න පුලූවන්.

ඇමරිකාවේ පදිංචියට ගියේ කොහෙ පදිංචිය බල්ලට දාලාද දන්නෙ නෑ නේද?
බිරිඳගේ ප‍්‍රශ්නයට මමත් ප‍්‍රශ්නයක් යොමු කළෙමි.

ඒක නම් ඉතිං ඔය ඕන තරං කට්ටිය පිටරට පදිංචියට යන්නේ. අපිටත් යන්න පුලූවන්නං ?

ඒ පාර එන පොට එතරම් සුදුසු නැතැයි සිතූ මම කතාව වෙන පැත්තකට හැරවීමට උත්සාහ ගත්තෙමි.

දැන් ඔය ගෝරා ගැන ඔයා මොනවද දන්නේ ?
එයා ජාතික වීරයෙක් කියල තමයි අර කොම්බු ටී වී එකේ නම් නිතරම කියන්නේ. රට හදන්න එයාම ඕනෙ කියල අර රටට පුදුම ආදරේ හාමුදුරු කෙනෙකුත් කිව්වේ.

වෙන මොකුත් කිව්වෙ නැද්ද ?

වෙන මොනවද?

සුදු වෑන් වලින් අහිංසක මිනිස්සු අතුරුදහන් කරපු ඒවා. ලසන්තට මොකද වුණේ ? ඒකනැලිගොඩ කෝ . ලලිත් කූගත්ට මොකද කළේ. හිරගෙදර වෙඩි තිබ්බෙ කවුද ? රතුපස්වල මිනීමරුවො කවුද ? කටුණායක රොෂේන්ගෙ ඝාතකයො කවුද? ඒ ගැන මොනවත් කිව්වෙ නැද්ද ?

ආ ඒව ගැන නම් මොනවත් කිව්වෙ නෑ. ඇත්තට ඒව කෙරුවෙ කවුද ?

ඒව කරපු කෙනා තමයි ඔය රට බේර ගන්න හොඳයි කියල හාමුදුරුවො කියනනෙ.

එහෙම එකෙක් රට බේර ගන්න නෙවෙයි අර බන්ධනාගාරෙ අලූගෝසු තනතුරටනම් හොඳයි නේද?

බිරිඳගේ මොළය ටික ටික පෑදී එන බව තේරුණු මම ඊට තව තවත් කරුණු එකතු කළෙමි.

දැන් ඔය ටී වී එකේ කිව්වද ඇමරිකාවෙ පදිංචිය අත් ඇරියා කියලා.
එහෙනං. ඔය කිව්වෙ. දැන් ඔක්කොම හරි කියලා.

ඕකනෙ මේ යක්කු ජනාධිපතිවරණෙට එන්නත් කලිං ඉ`දලම මිනිස්සු රවට්ටනවනේ. ඒ යකාගෙ 2ැමරිකාවේ පුරවැසිභාවය තවම අයින් කරලා නෑ. මීට අවුරුද්දකට විතර කලිනුත් ඔය චැනල් එකේමද කොහොද කියනව මම අහගෙන පුරවැසිකම අයින් කරා කියලා. ඇමරිකාවේ පුරවැසිකම ගන්නවා වගේම තමයි අයින් කරන එකත්. ඒකට අවුරුද්දක්වත් යනවා. අද ගිහින් හෙට අයින් කර ගන්න බෑ.

එහෙනං ඔය කියන්නේ. අර මොකකද ලියවිල්ලකුත් පෙන්නුවේ.

ඒ ලියවිල්ල ඇමරිකාවේ පුරවැසිභාවය අයින් කර ගන්න කියල මෙයා ඉල්ලපු එක හමුබවුණා කියල එහෙ ආගමන විගමන එකෙන් දීපු ලියුම. හරි ඉතිං එහෙම පුරවැසිකම අහෝසි කරගත්තනම් පිළිකනු ගානේ කියවන්නෙ නැතිව ඉස්සරහට ඇවිත් කියන්න පුලූවන්නේ. කෝ එහෙම කරන්නෙ නෑනේ.

එහෙනං එයා කොොහමද අර ලංකාවෙ පාස්පෝට් එකක් අරන් තියෙන්නෙ. දිවිත්ව පුරවැසිභාවය නැත්නම් විතරනෙ ලංකාවෙ එකක් ගන්න පුලූවන්.

ඒ පැත්තෙ ඉන්නෙ පාස්පෝට් හදන්න කප් ගහපු අයනේ. ඇයි අර එක පාරක් දැක්කෙ නැද්ද ගෑණියි මිනිහයි දෙන්නම හොර පාස්පෝට් හදලා මාට්ටු වුණේ’ තාම නඩු. ඒවගෙන් බේරෙන්න තමයි ඔය දැන් දගලන්නේ.
ඉතිං කොහොමද මේ වැඬේ එහෙම එකක් කියන්නේ.

ඒ ගොල්ලෝ තරම් අහුවෙන්නේ නැතිව හොර ගේම් ගහන්න මේ දකුණු ආසියාවෙන නැතුව ඇති.

හරි ඉතිං කියනවකෝ දැන් මේ හොර පාස්පෝට් හදලා තියෙන්නේ කොොහාමද කියලා.
බිරිදගේ පෙරැුත්තය නිසා මම සිද්ධිය අග ඉ`දන් මුලටම කීවෙමි.

දැන් ඔය ලංකාවෙ එක හදන්න ඇප්ලිකේෂන් එකක් දාන්න ඕනේ තමන් ද්විත්ව පුරවැසියෙක් නෙවෙයි කියලා. මෙයා එහෙම එක්ක දාලා නෑ. මේ පාස්පෝට් එකේ ඉල්ලූම් පත්තරේ භාර අරන් තියෙන්නේ හවස 3න් පස්සේ. එහෙ භාර ගන්න නීතියක් නෑ. හොඳම දේ තමයි මේකට දාලා තියෙන අයිඩින්ටි නම්බර් එක. ඒක අලූත් එකක. ඒ නම්බර් එක එන්ටර් කරපුවාම මෙයාට ඩුවල් සිටිසන් තියෙනවා කියලා පෙන්නන්නෙ නෑනේ’
ඔන්න ඔහොම තමයි එයා පාස්පෝට් හදලා තියෙන්නේ.

එතකොට එහෙම එක් කෙනෙක්ද මේ ජනාධිපති කරන්න හදන්නේ. යැයි පැවසූ බිරිඳ මම ලියා තිබූ තැනින්ම පහලින් මමත් ගෝරාට කැමති නෑ යැයි ලියනවා දුටු මම ආපහු දෑස් පියා ගත්තේ කෙටි නින්දකට ඇරයුම් කරමිනි. -

අසංක ධර්ම ශ්‍රී

Comment (0) Hits: 331

දැක්කා නම් කියන්න : විදේශ සේවා නියුක්ති කාර්යාංශය දන්වයි !

ලෙබනනයේ රැකියාවක් සදහා ගොස් සිටින ඒ.එම්.පොඩිමැණිකේ මහත්මිය එහිදී ඇතිවූ අසනීප තත්ත්වයක් හේතුවෙන් බ්රූට්, රෆික් හරිරි රෝහලේ ප්‍රතිකාර ලබමින් සිටින අතර, ඇය මේ වන විට සිහිවිසංඥ තත්ත්වයේ පසුවන බැවින් ඇය පිළිබදව තොරතුරු සොයා ගැනීමට නොහැකි වී තිබේ.

ඇය දාහියා ප්‍රදේශයේ නවාතැන් ගෙන සිට ඇති බවට තොරතුරු වාර්තා වී ඇති අතර, ඇය පිළිබදව සොයා බැලීම සදහා වැඩිදුර තොරතුරු අවශ්‍ය වී තිබේ.

ඇය පිළිබදව තොරතුරක් දන්නේ නම් ශ්‍රි ලංකා විදේශ සේවා නියුක්ති කාර්යාංශයේ විදේශ සම්බන්ධතා අංශයේ දුරකථන අංක 0112-864149ට හෝ ලෙබනන් තානාපති කාර්යාලයේ කම්කරු අංශයේ 05956037/ 76700657ට දැනුම් දෙන මෙන් කාරුණිකව ඉල්ලා සිටියි.

dahiya

Comment (0) Hits: 470

උප ජනාධිපති.................

hemalayaඉර බැහැගෙන යන විට ජනාධිපතිවරයාගේ හදවත වැඩි වැඩියෙන් ගැහෙන්නට වූයේ තවත් හෝරාවක් යන්නට මතතෙන් රනිල්ව පෙරලන් යන්නට තමන් විසින් අගමැතිවරයා බවට පත් කළ මහින්ද තනිව තමන් මුණ ගැසීමට පැමිණෙන බව මතක් වීමෙනි. ඉර හැරෙන්නනටත් කලින් නිල නිවසට පැන ගත්තේ හිත එකලාසයක් කර ගන්නට වුව මේ වන විටත් පැයකට හත් අට වතාවක්ම සුළු දිය පහකරන්නට යන්නට සිදු වූයේ මොකක් හෝ තැති ගැන්මක් නිසාදෝයි කල්පනා කරමින් සිටි ජනාධිපතිවරයා රූපවාහිනීය ක‍්‍රියාත්මක කළේ තමන් අල්ලේ නටවන මාධ්‍ය නාලිකාව රටේ තත්වය ගැන කුමක් කියන්නේදැයි බලා ගන්නටය. රූපවාහිනිය ක‍්‍රියාත්මක කළ විගසම එහි ආලෝකය ජනාධිපතිවරයා පසුකර ගොස් බිත්තියට පතිත විය.

මොකද නිකන් වෙව්ලන්නේ ?

තමන් මෙච්චර බය වී සිටින බවක් ජයන්තිවත් නොදන්නා කොට මේක දැනගත් එකා මොකාදැයි දැනගන්නට ජනාධිපතිවරයා වට පිට බැලූවේ එවිටය.

මම මම මේ හේමලයා

පුටුව යටයි පාපිස්ස යටයි රූපවාහිනිය අස්සෙයි අහැම තැනම නැමී නැමී කතා කරපු එකා හොයන්නට මහන්සි වෙන ජනාධිපතිවරයා තමන්ගේ හේමලයා අ`දුර ගත්තෙ’ එවිටය.

මම වෙව්ලන්නේ නෑ. මේ ටිකක් ඒ සී එක වැඞී ඒකයි. අර ඉර එළියට පිච්චි පිච්චි හිටිය අපට මේ ඒසී යන්ත‍්‍ර එච්චර හුරු එව්වයැ.

අද පොහොට්ටු ලොක්ක එනව කිව්ව නේද?

ඒක තමයි මම මේ කල්පනා කලේ හිටං. මේක මොන ගැටයක් ගහයිද දන්නේ නෑ. හැබැයි ඕක දන්නව මම හො`ද චීත්තෙ කියලා. බලමු මොකාටද එන්න හදන්නෙ කියලා.

ජනාධිපති අපේක්ෂක කම දෙන්න කැමති වෙයිද?

යකෝ මම ඒ යකාව අගමැති කෙරුවා. ඒක කරගෙන යන්න බැරි වුණාට මට කරන්න දෙයක් නෑ. කළගුණ සලකන්න එයාලා දැන ගන්න ඕනේ.

දුන්නේ නැත්තං ?

උප ජනාධිපති කමක් හරි ඉල්ලනවා. නැත්තං මගෙ උන්ට යන කල දසාව මොකක්ද?

ඒත් ඉතිං එහෙ පාක්ෂිකයො ඉල්ලන්නේ අර ලේකම්වනේ ?

පාක්ෂිකයො ඉල්ලූවට මිනිහට එන්න වෙන්නේ නෑ. මම ඒවට ගැට දාලා තියෙන්නේි අවසානෙදි මාව තමයි එයාලට දාන්න වෙන්නේ. එහෙම වුණොත් මම ආයෙත් ජනාධිපති.

මුලින්ම ජනාධිපති වුණාම කිව්වේ ආයේ ඉල්ලන්නේ නෑ කියල නේද? මොනවද ඔය දිව දෙකේ කතා ?

මම ඉල්ලන්නෙ නෑ කිව්වෙ නෑනේ. අරන් බලන්න මම කිව්වෙ ඉල්ලන්න බලාපොරොත්තු වෙන්නෙ නෑ කියලා. මොකද මට කවදාවත් ජනාධිපති වෙන්න බලාපොරොත්තුවක් තිබුණෙත් නෑනේ.

දැන් අර එල්ලූම් ගහේ වැඬේ මොකද ?

ආ ඒකද? ඒක ක‍්‍රියාත්මක කරන්න ඔක්කොම හරි හෙට අන්ද්දා ක‍්‍රියාත්මක කරනවා.

ඒ උනාට ගොඩක් අය විරුද්ධයි නේ?

විරුද්ධනං තමා. ඒ උනාට උන්ට තේරෙන්නෙ නෑනේ මට තියෙන උවමනාව

ඇත්තටම මොකක්ද උවමනාව ?

ඔය මොකෙක් හරි කුඩු කාරයෙක් එල්ලලා මිනිස්සුන්ගේන් ලකුණු ටිකක් දා ගන්න. ඔය ක-ුඩු ගහන උන්ගේ නෑදෑයෝ එහෙම ඒකට කැමතියිනේ. ඊට පස්සේ උන් හරි කියයිනේ මාව ආපහු ජනාධිපති කරන්න කියලා. තේරෙන්නේ නැද්ද ?

යූ ඇන් පී එක ඇතුළෙත් කචල් නේද?

මගෙ දේශපාලන පරිණත බව තමයි. රනිල්ට පුලූවන්ද මම එක්ක හැරෙන්නවත්.

ඒ කිව්වේ ?

යූ ඇන් පී එක ගිණි තිබ්බේ මම. ඒක පාක්ෂිකයො දන්නෙත් නෑ ඇතුළෙ උන් දන්නේත් නෑ. එහෙම ගිණි තිබ්බෙ නැත්නං මට යන්න අතක් නැති වෙනවා. පොහොට්ටුවටත් වෙන්නෙ ඒ ටිකම තමයි.

කොහොමත් ඔබතුමාට නම් යන්න අතක් නැති වෙයි නේද?

ඒ කොහොමද ? අඩුම ගානේ ඇමති කමක් හරි අරන් මම පාර්ලිමේන්තුවට යනවා. තව පවුගේ එකෙක්වත් දේශපාලනේට ඇවිල්ලත් නෑ’ ඒ එනකල් මේක අල්ලං ඉන්න ඔනෙනේ හිටං.

ඒ අනාට පක්ෂෙ ඉන්න දැවැන්තයො පොහොට්ටුවට පනිනවා නේද? අර සිරීපාදෙ යනවා කියපු ඩයල් එක එහෙම ?

ඒ යකාට කොහොම හරි ඔනේ පද්මෙ උඩට යන්නනේ. ඔහෙ යනනෙ නැතෑ. ඇත්ත තේරුම් ගත්ත එකෙක් මෙතන ඉන්නෙ නෑනේ.

ඒ කියන්නේ මෙතන ඉන්නේ ඇත්ත තේරුම් නොගත්ත අයද?

උනුත් දන්නවා. හෙට අන්ද්දා වෙද්දි තව කී දෙනෙක් යයිද කියලා තමයි මම බයේ ඉන්නේ ?

දැන් ඔය මත් ද්‍රව්‍යවලට විරුද්ධව සටන් කරපු එකේ ප‍්‍රථිපලයක් තියෙනවද?

මොකද නැත්තේ. අර පහුගිය කාලේ පත්තර කාරයො මගේ දුවට බාර් ලයිසන් තියෙනවා කියල ප‍්‍රසිද්ධ කළේ. මම මත් දුව්‍ය වලට විරුද්ධ හින්දා දැන් ඒක මිනිස්සුන්ට විතරක් නෙවෙයි ඒව ලියපු උන්ටත් අමතක වෙලා. ඒකම මදිදි ?

ඒ මිසක්. මත් ද්‍රව්‍යනම් අඩු වෙලා නෑ ? කසිප්පු බීලම තොගයක් මැරිලා තියෙන්නේ ?

හොද වැඬේ හොද වැඬේ. ඒකනේ මම කිව්වේ. එල්ලල මරන්න ඔනෙ කියලා.

මත්පැන් බලපත‍්‍ර තියෙන අයටඊළග ඡුන්දෙදි නොමිනේෂන් දෙන්න එපා කියලා හාමුුදුරුවෝ ඉල්ලූව නේද?

ඔව්. සිංහල බෞද්ධයෙක් හැටියටත්, මහපොළොවෙන් ඉපදුණු සුජාත ගොවි පුත‍්‍රයෙක් හැටියටත් මම ඒ අන්ව තමයි කටයුතු කරන්නේ.

ඒ කියන්නේ ඔබ තුමාට ඉල්ලන්න වෙන්නෙත් නෑ ?

මට ප‍්‍රශ්නයක් නෑනේ. මට බාර් නෑනේ.

ඒ් උනාට දුවට තියෙනවනේ ?

දුවට තිබ්බට මට නෑනේ.

ඒ ඔයාගෙ දුවනේ ?

හේමලයා තමන්ව බිත්තියම තද කරන බව තේරුම්ගත් ජනාධිපතිවරයා පැනපු ගමන් රූපවාහිනිය ක‍්‍රියා විරහිත කෙරුවේ අහල පහලක දුවවත් මේක අහගෙන සිටියාදෝයි විපරම් කරමිනි.

අසංක ධර්ම  ශ්‍රී

Comment (0) Hits: 444

අයියෝ ශාන්ත , ජනකාන්ත රූකාන්ත :දඹදෙණිය - කටුගම්පල පාර බලන්න එන්න !

Shantha Bandara,Janakantha Rookantha Dambadeniya, දඹදෙණිය - කටුගම්පල පාර බලන්න එන්න.....

දඹදෙණියේ සිට ලබුයාය හන්දිය දක්වා දිවෙන මාර්ගය වැසි සමයත් සමග තව තවත් අබලන් වනු දැකීමට නොහැකි වන තැන මේ අයුරින් සටහනක් තැබීමට කටයුතු කරමි.

මේ පිළිබදව මීට පෙරද සදහන් කළද ඊට දේශපාලන අධිකාරීන්ගෙන් කිසිදු ප‍්‍රතිචාරයක් නොමැති වීම ප‍්‍රදේශවාසීන් ලෙස අප ලද අභාග්‍යයකි. ඊට හේතුව වන්නේ ජනතාවට ආදරය කරන දේශපාලකයන් නොවීම විය හැකිය. එහෙත් යළිත් මේ පිළිබදව අවධානය යොමු කරන්නේ වැස්සත් සමග අදාළ මාර්ගයේ පැවති විශාල ප‍්‍රමාණයේ වලවල්වලට වතුර පිරී පයින් යන අයෙකුට හෝ මාර්ගයේ ගමන් කිරීමට සාතිශය දුෂ්කර ව පවතින අවස්ථාවකය. මාර්ගය සකස් කිරීමට තිබෙන්නේ දඹදෙණියේ සිට උපරිම කි.මී. 2ක ප‍්‍රමාණයක් පමණකි. ඉන් එපිට කාපට් අතුරා මාර්ගය සකසන්නට ඒ ඒ ආසනයන් හා සම්බන්ධ දේශපාලකයන් කටයුතු කර ඇත. අවාසනාවකට දඹදෙණියට එවන් දේශපාලනයක් නැත.

අප කාට හෝ අපගේ ඡුන්දය ලබා දෙන්නේ පොදු ජනතා අවශ්‍යතාවන් පිළිබ`ද ජනතාව වැදගෙන ගොස් ඔවුන්ට කියන්නට නොවේ. එහෙත් ජනතාව ඒ තැනට ඇද දමන්නට ඔවුන් කටයුතු කර ඇත. ජනතා නියෝජිතයන් මූලික ජනතා අවශ්‍යතාවන් පිළිබදවවත් සොයා බැලිය යුතුය. එසේ නොමැති පරිසරයක් තුළ හෙට දවසේ මනාප සොයා එන්නන්ට අමනාප නොවන ලෙස සලකන්නට අපි මග බලා සිටින බව පමණක් මතක් කර සිටිමු.

අදාළ මාර්ගය ඉතා ඉක්මණින් පිළිසකර කිරීමට කටයුතු කරන්නේ නම් එය ඔබගේ වගකීමක් මෙන්ම යුතුකමක් බව මතක් කර සිටිමි.

ඡායාරූප ඇත. පළ නොකරන්නේ බලධාරීන් මාර්ගය පැමිණ නිරීක්ෂණය කළ යුතු හෙයිනි.

අසංක ධර්මසිරිගේ ෆේස් බුක් පිටුවෙනි !

Comment (0) Hits: 340

පොහොට්ටුවේ අපේක්ෂකයා .......

hemalayaමාලිංගගේ සමු ගැනීමත් තමන්ගේ ඡන්ද ගොඩටම ආශිර්වාදයක් කරගත් හිටපු ජනාධිපතිතුමා ඛෙත්තාරාමෙන් එළියට පැන ගත්තේ පේ‍්‍රමදාසයා මැරිලත් ක‍්‍රිකට් තියෙනකල් මිනිහගේ නම තියෙන්න වැඩක් කෙරුවට මට එහෙම වැඩක් කර ගන්න බැරි වුණානේ යයි සිතමිනි. සිකියුරියේ මැදිහත් වීමෙන් ඉක්මණින් එන්නට මග පාදාගත් හිටපු ජනාධිපතිවරයා තමන්ට ඉදිරියෙන් යන හේමලයාගේ විශාලත්වය දැක හේමලයා එහෙම නම් තමන් කොහොම ඇත්දැයි සිතන්නට විය. පවිත‍්‍රලා, ගීතලා විතරක් නෙවෙයි පබාලා වුවද කොර වෙන හැඩිදැඩි බවක් තමන්ට ඇතැයි සිතූ ඔහු ගමන තරමක් බාල කෙරුවේ මයික් එකක්වත් අහළ පහලක තිබේදැයි විපරම් කරමිනි.

 කොහොම හරි මාලිංගගෙන් ලකුණු ටිකක් එකතු වුණා නේද?

 මෙච්චර වෙලා තමන්ගේ හිතේ විතරක් තිබුණු දේ තවත් එකෙක් හිතුවේ කොහොමදැයි හිතූ හිටපු ජනාධිපතිවරයා එකත් එකටම මාලිංගගේ වයිෆරේ දිහා කන්න වගේ බලාගෙන උන් ආරක්ෂක නිළධාරියා වන්නට ඇතැයි සිතා පිටුපස බැලීය. ඒකා පෙනෙන තෙක් මානයක නැති බව තේරුම් ගත් හිටපු ජනාධිපතිවරයා යළිත් පය ඉක්මන් කළේ අලූතින් ගත් බුලට් රූෆින් රථයට ගොඩ වීමටය.

මාලිංග කිව්වෙ ඇත්තමද?

යළිත් සුපුරුදු එකාමය. මේ කතා කරන්නේ මටත් වඩා ලොකු හේමලයා යැයි දැනගත් හිටපු ජනාධිපතිවරයා ඊට පිළිතුරු දෙන්නට විය.

ඇයි බොරු කියලද හිතන්නේ. ඇත්ත තමයි. ඒලියන්තයා දාලා මාලිංගගේ අමාරුව හොද කෙරුවේ. එයත් දකුණේ මමත් දකුණේ. මොකක්ද වැරැද්ද?

නෑ නෑ මම ඇහුවේ ඒක නිකන් අර මාලිංගට කියලා හැමෝටම එන්න කියවගෙන එයාටම කියලා ලකුණු දා ගත්ත වගේ වැඩක් නේද?

 එහෙම තමයි. මාකටිං. දැන් දැක්කනේ අර මහ පොළොවෙන් ඉපදුණ කෙනාට දුන්න හූව. ඒව ප්ලෑන් .ඔන්න මගෙ ප්ලෑන් නෙවෙයි හරිය.

ජනාධිපතිවරණෙකුත් ළග එනව නේද?

ආ ඔව්. ඔව්. එනව එනව

දැන් කවුද පොහොට්ටුවේ අපේක්ෂකයා

රාජපක්ෂ

හරි හරි රාජපක්ෂ කියල දන්නවා. ඒ ඇර ඉතිං වෙන කෙනෙකුට ඔය පක්ෂෙන් ඔලූව උස්සන්න දෙන්නෙ නෑනේ. මොන රාජපක්ෂද? ගෝඨද?

ගෝඨ කියල කවුරු කිව්වත් මම තවම එහෙම කියල නෑනේ. කාටද දෙන්නෙ කියල තීරණය කරන්නෙ මම. මොකා කෑ ගැහුවත් මම කියන කෙනා තමයි අපේක්ෂකයා.

එතකොට ගෝඨට දෙන්නෙ නෑ

නෑ.

ඇයි ?

ගෝඨට දීල දිනුවොත් මගෙ ලොකු එකාට යන කල මොකක්ද?

ඒ කිව්වේ .

ඒ කිව්වේ මගේ ලොකු එකා ජනාධිපති කරන්නෙ කොහොමද?

එතකොට කාටද දෙන්නේ අර ටෙන් ප‍්‍රසන්ටද?

අපොයි. එයාට නම් කොහොමත් දෙන්නෙ නෑ. එයා ඉතින් ඞීල් දෙයියනේ. එයාට දුන්නොත් හොදට තියෙයි. 2015 පැරදුණෙත් මිනිහා හින්ද තමයි.

ලොකු අයියා ?

ලොකු අයිය නම් වරදක් නෑ. ඒ වුණාට අයියා දිනුවොත් අයියගේ පුතා අපිට උඩින් යයි කියල තමයි සැක. ඌටත් ජනාධිපති උණ ගැහුවොත්.

එතකොට දෙන්න කෙනෙක් නෑනේ ?

ඇයි යකෝ විහාර මහා දේවි වාගේ මගේ ගෑණි ඉන්නේ. එයාට දෙනවනේ. මමත් ගොඩ ළමයිනුත් ගොඩ.

පක්ෂෙ පරාදයි ?

හරි. ඒක තමයි වෙන්න ඕනේ. තව අවුරුදු 10ක් වත් පැරදි පැරු ඉන්න තමයි මගෙ ට‍්‍රයි එක.

ඒ මොකද?

තව අවුරුදු 10ක් යද්දි ලොකු එකාට හොද වයස. පාර්ලිමේන්තුවේ අවුරුදු 20ක විතර පරණයි. ජනාධිපති තරගකට දාන්න පුලූවන්නේ. එතකොට ඉතින් යූ ඇන් පී එකෙත් හරි හමන් එකෙක් නැති වෙයිනේ.

මෛත‍්‍රී එක්ක එකතු වෙන්නෙ නැද්ද?

මම නම් කැමතියි. කොහෙද මේ පක්ෂෙ උන් කැමති නෑනේ. මිනිහා එක්ක එකතු වුණත් වෙන්නේ පරදින එකම තමයි. වෙන මොකක් වෙන්නද?

ඒ වුණාට දැන් පොහොට්ටුව ඇතුළෙත් කචල් නේද?

ඔවුන් මරා ගන්න තරමට මට හොදයි. එතකොට අභියෝගයක් නෑනේ. ඔවුන් එකතු වුණොත් තමයි රාජපක්ෂලාට අභියෝගයක් වෙන්නේ. ඒක හින්දා පක්ෂෙ ඇතුළේ මොකා මරා ගත්තත් මට කමක් නෑ.

අර වෙල්ගම දැන් ජාතිත් වෛරයි නේද?

වෙල්ගම හොද එකා. මම කියන දේ හොදට අහනවා.

එතකොට ඔය කරන්නේ ඔබතුමා කියන දේද?

ඒ ගැන මෙතන කියවන්න ඕනේ නෑ. ඒක අපේ වැඩක්.

අර පක්ෂ 16ක් එකතු වුණ එකේ මුස්ලිම් පක්ෂෙකුත්  ඉන්නවා නේද? කලින් මුස්ලිම් පක්ෂ එකතු කර ගන්නේ නෑ කිව්වේ ?

මම කිව්වෙ නෑනේ. ඔය විමල්ලා කෑ ගැහුවට .

ඇත්තටම මොලේ තියෙන දෙතුන් දෙනෙක් ඉද්දි ඇයි ඔය විමල්ටම කතා කරන්න දෙන්නේ ?

විමල් තමයි අපේ පාක්ෂිකයන්ට හොදට කතා කරන්න දන්නේ. මොලේ තියෙන දේශපාලකයො හිටියට මොලේ තියෙන පාක්ෂිකයෝ නෑනේ. ඒක හින්දා විමලගේ කතාවලට චූන් වෙනවා. අපිට ඡන්දෙ දෙනවා.

මේ පාර ඡන්දෙට ඩමි හදන්නෙ නැද්ද?

හදන්න දෙයක් නෑ. කොොහාමත් අපි මේ පාර ඡන්දෙට දාන්නේ ඩමියක් තමයි.

කියූ හිටපු ජනාධිපතිවරයා බුලට් රූෆින් රථයේ දොර ඇර හරි බරි ගැසී ඉද ගත්තේ තවත් හිටියොත් මූ අහන දේවල්වලට මොන මොනවා කියවෙයිදෝයි සිතමිනි.

අසංක ධර්ම ශ්‍රී

Comment (0) Hits: 359

මහරගම තුරුණු පොසොන් කලාපය ඇරඹේ !

මෙවර පොසොන් පොහොය වෙනුවෙන් ජාතික තරුණ සේවා සභාව විසින් සංවිධානය කරන "ජාතික තුරුණු පොසොන් කලාපය" ඊයේ (13 ) පස්වරුවේ ආරම්භ විය.

ජාතික තරුණ සේවා සභා පරිශ්‍රයේදී පැවැත්වෙන මෙම පොසොන් කලාපය තුල සර්වඥ ධාතූන් වහන්සේ වන්දනා, පහන් කූඩු නිර්මාණ, පොසොන් බැතිගී, රේ දම්දීමේ පිංකම පොසොන් දන්සල් ඇතුළු අංශ රැසකින් යුක්තය.

පොසොන් පොහොය වෙනුවෙන් මෙවර නෙත් එෆ් එම් රේඩියෝව පවත්වන ශ්වේත පූජා සජීවි විකාශය ගෙන එන්නේද මහරගම පිහිටි ජාතික තරුණ සේවා සභා පරිශ්‍රයේ සිටය.

නෙල්ලිගල ජාත්‍යන්තර බෞද්ධමධ්‍යස්ථානයේ සිට වැඩම කරන ලද අති ගෞරවණීය ශ්‍රී සර්වඥ ධාතුන් වහන්සේලා ඊයේ (13) දහවල් කාලයේදී මහරගම විපශ්‍යාරාම විහාරස්ථානයේ සිට ඉතා විචිත්‍රවත් පෙරහරකින් මහරගම ජාතික තරුණ සේවා සභා පරිශ්‍රයෙහි නිර්මාණය කර ඇති ජාතික තුරුණු පොසොන් කලාපයේ සුගන්ධ කුටිය වෙත වැඩම කරනු ලැබුවහ.

මෙම අවස්ථාව සඳහා ජාතික තරුණ සේවා සභාවේ සභාපති/ අධ්‍යක්ෂ ජනරාල් නීතිඥ එරන්ද වැලිඅංගේ මැතිතුමා ප්‍රමුඛ ජාතික තරුණ තරුණ සේවා සභාවේ ජ්‍යෙෂ්ඨ නිලධාරීන් හා සේවක මහත්ම මහත්මීන් ඇතුළු තරුණ තරුණියන් විශාල පිරිසක් සහභාගී වී සිටියහ.

පහන් කූඩු ඇතුළු අංශ රැසකින් විචිත්‍ර වූ ජාතික තුරුණු පොසොන් කලාපය අද පස්වරු 06.30 ට පමණ ජනතාව වෙත විවුර්ත වනු ඇති බව සංවිධායකයන් වැඩිදුරටත් සඳහන්කර සිටියි.

62197474 2286275658304013 1649837319399669760 nghh

Comment (0) Hits: 373

අගමැති හීනය

hemalayaගෙදර යනවාටත් වැඩි වාර ගණනක් නිතර යැවෙන ජනාධිපති නිල නිවස දැන් දයාසිරිට නුහුරු නුපුරුදු තැනක් නොවේ. ශ‍්‍රී ලංකා නිදහස් පක්ෂයේ මහ ලේකම් ධූරය භාරගත් දාසිට මේ දක්වා ජනාධිපති මන්දිරයටත් නිල නිවසටත් යාම තමන්ගේ රාජකාරියේ කොටසක් කරගත් නිසාම දැන් ඒවායේ නිත්‍ය සාමාජිකයෙක් බවට ඔහු නිරායාසායෙන්ම පත්ව ඇත. කුකුළා වී පැදුරට යන්නා සේ සිදුවන මේ ගමන ගැන පක්ෂයේ තවත් අය සිටින්නේ එතරම් හිත හොදකින් නොවන බවද ඔහු දනී. රාත‍්‍රී 10 පමණ වන තුරුත් පැවති රැස්වීම අවසන් වුණේ ජනාධිපතිතුමා 10ට නින්දට යන නිසාය. ජනාධිපතිතුමාගේ නින්දේ පිහිටෙන් එළියට පැනගත් දයාසිරි නිළ රථයට දුවගෙන එන විටත් නිළ රථයේ ලයිට් දල්වා සහචරයන් බලා සිටිනු දක්නට ලැබිණ.

ලේකම් තුමා මොකෝ හදිස්සිය ?

 මේ ? 10ට විතර තමන් එක්ක කතා කරන්නේ මොකාදැයි බැලූ දයාසිරි හිතුනේ එකත් එකටම පක්ෂෙ උන් තමන්ගේ හොර අල්ලන්නට මොකෙක් හෝ එවා ඇති බවයි. නිළ රථයේ ලයිට් එළියෙන් තමන් පිටුපස සැගවුන හේමලයා දයාසිරිගේ ඇස ගැටුණේ ඒ අල්ලපනල්ලේය. මේ කතා කරන්නේ තමන්ගේ හේමලයා බව තේරුම් ගත් ඔහු ඊට නොපැකිල උත්තර දුන්නේය.

10ත් පහුවෙලා. ඒකයි හදිස්සි.

හරි ඉතිං දැන් තියෙන්නේ ගෙදර ගිහින් නිදිය ගන්නනේ?

 ගෙදර ගිහිං නිදා ගන්න කලින් තව යන්න තැන් කොච්චර තියෙනවද ? මගෙ හේමලය වෙලත් උඹ දන්නැති හැටි. එහෙම තමයි අපි වැඩ කරන්නෙ. අන්තිමට හේමලයවත් දන්නෙ නෑ.

ඒක නෙමෙයි. අර හීනෙ ලොස් වෙයි වගේ නේද?

මොන හීනෙද?

අගමැති හීනෙ.

ඒ මොකද?

නෑ දැන් වෙල්ගම කාරයත් ආපහු පක්ෂෙට ආවෙ ඕකටනේ.

වෙල්ගම ආව කියල මට මොනව වෙන්නද? ජනාධිපතිතුමා විශ්වාස කරන්නෙ මාව විතරයි. ඒකනේ මාව පක්ෂෙ ලේකම් කළේ.

එතකොට ඊළග අගමැති අපේක්ෂකයා දයාසිරි වෙන එක ස්ථිරයි.

කිරි ගහට ඇන්න වගේ. ජනාධිපතිතුමා මේ පාර ජනාධිපති අපේක්ෂකයා වුණොත් ශ‍්‍රී ලංකා එකේ අගමැති අපේක්ෂකයා දයාසිරි.

දිනයිද?

පැරදුනත් මොකෝ. ඊට පස්සේ ශ‍්‍රී ලංකා එකේ නායකයනේ.

එදා ඉදන් හිටපු ශ‍්‍රී ලංකා කාරයෝ දයාසිරි නායකයා වෙනකල් බලං ඉදියි කියලද හිතන්නේ ?

 මට උඩින් ඉදියි කියලා හිතන හැම එකාම පොහොට්ටුවට පටවනවා. නැත්නම් යූ ඇන් පී එකට යවනවා. එතකොට කවුද මට අභියෝග කරන්නේ. මාව ඉල්ලලම නායකයා කරනවා.

දුමින්දලා, අමරවීරලා නිකං ඉදියි ?

එයාලා දැනටමත් ඇම කාලා ඉවරයි. බලමුකෝ මොකද වෙන්නේ කියලා.

එතකොට අර යාලූවා සජිත් ආවොත් සපෝට් කරන කතාව බොරුවක්ද ?

ඒක බොරුවක් නෙවෙයිනේ. දැනටමත් අපේ ජනාධිපතිතුමත් සපෝට් කරන්නේ සජිත්ටනේ.

නෑ. නෑ. සජිත් ජනාධිපති අපෙක්ෂකය වුණොත් යූ ඇන් පී එකට පනින කතාව.

පිස්සුද? එහෙම පැනල දිනුවත් හම්බ වෙන්නෙ ඇමති කමක් විතරනෙ. ඒ වගේද මෙහෙම ඉදල ශ‍්‍රී ලංකා එකේ නායකයා වුණාම.

වැඩක් නෑනෙ. දැන් ශ‍්‍රී ලංකා එක්ක නෑ වගේනෙ.

ඒක නම් එහෙම තමයි. ඒත් ඉතිං ඔය පොහොට්ටුවත් වැඩි ආයුෂක් නෑනේ. මහින්ද ලොක්කා ඉන්නකල් විතරයි. එතකොට ශ‍්‍රී ලංකා එක තමයි විපක්ෂෙ.

දයාසිරි විපක්ෂ නායක ?

නිකම්ම එහෙම වෙන්න එපැයි.

එතකොට ඇමතිකමක් ගන්නේ නෑ ?

ජනාධිපතිවරණෙන් බහුතරයක් ගන්න ටීම් එකට පක්ෂයක් හැටියට සහයෝගය දෙනවා. එතකොට ඇමති කමක් ෂුවර්. ඡන්දයක් කිට්ටු කරලා ටීම් එකම අයින් වෙනවා. එතකොට දෙකම වෙනවනේ. කොහොමද මගේ ලෝයර් මොලේ.

අර පාස්කු ප‍්‍රහාරය පිටිපස්සේ විදෙස් බලවේගයක් ඉන්නවා කිව්වේ. ඇත්තටම ඒ ගැන දන්නවද?

අනේ මම නම් දන්නේ නෑ. ජනාධිපතිතුමා තමයි එහෙම කියන්න කිව්වේ.

ඒ කියන්නේ ජනාධිපතිතුමා එහෙම එකක් දන්නවා ?

ඒක නම් මම දන්නේ නෑ. අනික ඉතිං ෂීෂී කියන්නේත් විදෙස් බලවේගයක් නේ. ඒ කතාවේ වරදක් නෑනේ.

දැන් එතකොට ශ‍්‍රී ලංකා එකෙන්මද ජනාධිපති අපේක්ෂකයා එන්න ඔනේ ?

නැතුව. ඒකනේ මම හැම වෙලාවෙම කියන්නේ.

ජනාධිපතිතුමාට ආදරේටද ? පක්ෂෙට ආදරේටද ?

ඒ මොන බම්බුවකටවත් නෙවෙයි අයිසෙ මගේ තැන හදා ගන්න. පොහොට්ටුවෙන් එකෙක් දැම්මොත් ඒ වැඬේ අමාරුයි. ශ‍්‍රී ලංකා එකෙන් දාලා ඇන ගත්ත ගමන් මම ගොඩ. ජනාධිපති පැරදුනාට මම දිනුම්නේ.

ලේකම්තුමාගේ ප‍්‍රමාදය නිසාම රියදුරා නිල රථය මාර්ගය දෙසට හරවන්නට වූයෙන් දයාසිරිගේ හේමලයා කෙමෙන් සැගවෙන්නට විය. යළිත් වරක් මතුවෙන්නට පෙර ෆයිල් ටිකත් කිහිල්ලට ගත් දයාසිරි දුවගෙන ගොස් වාහනයට නැග ගත්තේ හේමලයාට හොරෙන් රාත‍්‍රියේ තවත් වැදගත් වැඩකට යාමට තිබූ හෙයිනි.

හේමලයා

අසංක ධර්ම ශ‍්‍රී

Comment (0) Hits: 406

දෙරණ මුදලාලි සමඟ දේශපාලන දිවියේ 20 වසර සැමරූ ඇමති සාගල !

වරාය නාවික සහ දක්ෂිණ සංවර්ධන අමාත්‍ය සාගල රත්නායකගේ දේශපාලන ජිවිතයට ඊයේ (10) දිනට වසර 20 ක් සම්පූර්ණ විය.

ඒ නිමිත්තෙන් ඊයේ දහවල් අරලියගහ මන්දිරයේ සාදයක් සංවිධානය කර තිබූණි. එය අග්‍රාමාත්‍ය මාධ්‍ය මෙහෙයුම්කාරිණි ඉෂිනි වික්‍රමසිංහ සහ කොළඹ දිස්ත්‍රික් එක්සත් ජාතික පක්ෂ කළමනාකරු ලසන්ත ගුණවර්ධන ඇතුළු පිරිසක් විසින් මෙම උත්සවය සංවිධානයකර තිබුණි.

මෙම උත්සවය අග්‍රාමාත්‍ය රනිල් වික්‍රමසිංහගේ ප්‍රධානත්වයෙන් පැවති අතර ඊට ඇමති සාගලගේ සමීපතමයන් ඇතුළු පිරිසක් ආරාධනා ලැබී ඇත. තම සහෝදර දේශපාලඥයන් කැඳවීම කෙසේ වෙතත් අග්‍රාමාත්‍ය රනිල් වික්‍රමසිංහගේ රජයට උදේ හවස අවලාද නගන දෙරණ නාලිකාවේ ප්‍රධානී, දිලිත් ජයවීර හට ආරාධනා කිරීමට ඔවුන් අමතක කර නොතිබිණි.

රට තුල ජාතිවාදය අවුලන චෝදනාව මත රජය මිට පෙර දෙරණ සහ හිරු රූපවාහිනී නාලිකා වෙත ආණ්ඩුවේ දැන්වීම් ලබාදීම තනම්කර තිබියදී මෙලෙස රටට සහ වික්‍රමසිංහ ආණ්ඩුවට උදේ හවස පහර පිට පහර එල්ලකරන දිලිත් ජයවීර වැන්නවුන් අරලියගහ මන්දිරයට වද්දාගෙන පාටි දැමීම පාක්ෂිකයන්ට කොකා පෙන්වීමක් නොවන්නේද, ඇමති සාගල කෙසේවෙතත් අග්‍රාමාත්‍ය වික්‍රමසිංහ අභිමුවට දිලිත් ගෙන්වමින් දිලිත්ගේ මඩ සෝදා හරින්නේ කවුරුන්ද, කාගේ උවමනාවටද යන්න පාක්ෂිකය පමණක් නොව සමස්ත රට වසින්ම දැනගත යුතු කාරණයකි. නොයෙසේනම් එකී නාලිකාවට ලබාදී ඇති දැන්වීම් තහනම සහ එක්සත් ජාතික පාක්ෂිකයන්ගේ තහනම නොතකා මෙලෙස ප්‍රසිද්ධ උත්සවයකට ඔහු කැඳවන්නේ කාගේ හයි හත්තියකටද යන්න පැනනැගෙන ගැටලුවයි.

දිලිත් සමඟ නොව වෙනත් ඕනෑම කෙනෙකු සමඟ පාටි එකක් නොව දහයක් දැම්මට අපටනම් කම් නැත. එහෙත් රටේ ජනතාවට එකක් කියා. මන්දිරවල තවත් යමක් කිරීම ජනතාවට විහිළු සහගත කාරණයක් මෙන්ම පාක්ෂිකයාගේ සිත් අමනාප කරවන කාරණයක් බැවිනි. මිට පෙර 2018 පළාත් පාලන මැතිවරණයේදීද ජාතික මට්ටමේ මැතිවරණ ව්‍යාපාරයේ කටයුතු සඳහා එක්සත් ජාතික පක්ෂය දිලිත්ගේ ප්‍රචාරණ ආයතන සමඟ කටයුතු කරනු අපට දැකගත හැකිවිය.එම මැතිවරණයෙන් එජාපය අමතක නොවන පරාජයක් රට තුල ලබාගත් අතර එය අමතක වූවාක් මෙන් නැවත ඔහු සමඟ මන්දිරවල පාටි දැමීම දේශපාලන ඩීල් කෙරුවාවේ නිරුවත ලොවට කියාපෑමකි. කවුරුන් විසින් කාගේ උවමනාව මත මෙම පුද්ගලයා ගෙන එනු ලැබුවද ගෙන එන්නේ කොතැනටදැයි වත් නොසිතා සිදුකල මෙම ක්‍රියාවට මෙන්ම මිට පෙර මෙන්ම ඉදිරියටද මෙවැන්නන් සමඟ ඩීල දමමින් පක්ෂයේ පරාජය කරා එක්සත් ජාතික පක්ෂය ගෙනයාමට උත්සහ දරන්නන් මිට වගකිව යුතුය. මිට වගකිව යුත්තේ වෙනත් කවරෙක්වත් නොව මෙකි උත්සවය සංවිධානය කල සංවිධායක මණ්ඩලය බව පැහැදිලිවම කිවයුතුය.

Comment (0) Hits: 520

Page 2 of 10