පුවත්

පාර්ලිමේන්තු මන්ත්‍රී චමින්ද විජේසිරිට වසර එකහමාරක සිර දඬුවමක් බදුල්ල මහාධිකරණය විසින් අද (28) නියමකර ඇත.

මෝටර් රථ ප්‍රවාහන දෙපාර්තමේන්තුවේ නීත්‍යනුකූල නොවන වාහන පැවරීමකට අදාළව සිදුකරන විමර්ශනයක් සම්බන්ධයෙන් අල්ලස් කොමිසම විසින් අත්අඩංගුවට ගත් එම දෙපාර්තමේන්තුවේ හිටපු කළමනාකරණ සේවා නිලධාරිනියක ඇප මත මුදා හැරීමට කොළඹ ප්‍රධාන මහේස්ත්‍රාත් අසංග එස්. බෝදරගම අද ( 27) නියෝග කළේ ය.

ඉතිහාසයේ පළමු වතාවට මෙවර දෙවිනුවර පෙරහැරේ කාවාඩි නැටුම නවතා ඇතැයි ශ්‍රීලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ පැවසීය.

පාර්ලිමේන්තු මන්ත්‍රී අර්චුනා රාමනාදන්ට එරෙහිව නිකුත් කළ වරෙන්තුව ආපසු කැඳවන ලෙස කොටුව මහේස්ත්‍රාත් පසන් අමරසේන අද නියෝග කළේ ය.

ශ්‍රී ලංකාව පුරා සැලකිය යුතු ලෙස පැතිර යන ඩෙංගු ව්‍යාප්තියට ප්‍රතිචාර දක්වමින්, ශ්‍රී ලංකාවේ එක්සත් ජනපද තානාපති කාර්යාලය, ශ්‍රී ලංකා සෞඛ්‍ය අමාත්‍යාංශය සහ ජාතික ඩෙංගු මර්දන ඒකකය සමග එක්ව, මහජන සෞඛ්‍ය පළිබෝධ පාලන සහ වාහක-සම්ප්‍රේෂිත රෝග ප්‍රතිචාර වැඩසටහනක් ආරම්භ කර ඇත.

එමගින් ඩෙංගු රෝගය වැළැක්වීම, කල්තියා හඳුනාගැනීම සහ ඊට කාර්යක්ෂමව ප්‍රතිචාර දැක්වීම සඳහා ශ්‍රී ලංකාවේ හැකියාව තවදුරටත් ශක්තිමත් කිරීම අරමුණු කරයි.

ගෝලීය හෙපටයිටිස් තුරන් කිරීමේ සංවිධානයක් වන (Coalition for Global Hepatitis Elimination - CGHE) විසින් ප්‍රකාශයට පත් කරන ලද 2026 වසරේ හෙපටයිටිස් තුරන් කිරීමේ ශූරයන් (Hepatitis Elimination Champions) අතරට ජාතික ලිංගාශ්‍රිත රෝග සහ ඒඩ්ස් මර්දන වැඩසටහනේ (NSACP) විශේෂඥ වෛද්‍ය සත්‍යා හේරත් තේරී පත්ව තිබේ.

පාරිභෝගික කටයුතු පිළිබඳ අධිකාරිය පනතේ නීතිරීති හා විධිවිධාන උල්ලංඝනය කරමින් කටයුතු කළ ඇල්ල, කරදගොල්ල, නැෆෝරා ඇල්ල ප්‍රදේශයේ පිහිටි “Future Life Hotels and Resorts (Pvt) Ltd” ආයතනයට එරෙහිව පාරිභෝගික කටයුතු පිළිබඳ අධිකාරියේ බදුල්ල දිස්ත්‍රික් විමර්ශන නිලධාරීන් විසින් බණ්ඩාරවෙල මහෙස්ත්‍රාත් අධිකරණය හමුවේ නඩු පවරා තිබුණි.

ශ්‍රේෂ්ඨාධිකරණයේ විනිසුරන්ගේ කාලය දීර්ඝකිරිමට අවශ්‍ය නම් වහාම ජනමත විචාරණයක් පවත්වන්නැයි ශ්‍රී ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ පැවසී ය.

ඇමරිකානු ඩොලර් මිලියන 2.5 ක (රුපියල් මිලියන 750 කට වැඩි) විදේශ ණය වංචාව පිළිබඳ රජයේ මුදල් පිළිබඳ කාරක සභාවේ (COPF) වාර්තාව යනු සත්‍යයෙන් අඩක් පමණක් පවසන ලේඛනයක බවත්, හැකර්වරුන් මුදල් සොරා ගත්තේ කෙසේ ද යන්න එහි සාර්ථකව විස්තර කරන නමුත්, ඊට ඉඩ සැලසූ ඉහළ පෙළෙහි නිලධාරීහූ සම්පූර්ණයෙන්ම ආරක්ෂා කරන බව එක්සත් ජාතික පක්ෂය සඳහන් කරයි.

තිස්ස -මාතර ප්‍රධාන මාර්ගයේ අම්බලන්තොට නගරයේ ඊයේ (25) පස්වරු 7.15ට පමණ යතුරු පැදි දෙකක් එකිනෙක ගැටීමෙන් සිදුවූ රිය අනතුරකින් යතුරු පැදි දෙකේ ගමන් ගත් පුද්ගලයින් හතර දෙනෙකු තුවාල ලබා අම්බලන්තොට රෝහලට ඇතුළත් කිරීමෙන් පසු හම්බන්තොට මහ රෝහල වෙත මාරුකර යවා ඇත.

ශ්‍රී ලංකා අග්නිදිග විශ්වවිද්‍යාලයේ 18වන සම්මාන පදවි ප්‍රදානෝත්සවය ඔලුවිල්හි පිහිටි ප්‍රධාන විශ්වවිද්‍යාල පීඨ ශ්‍රවණාගාරයේදී අද (25) උත්කර්ෂවත් අන්දමින් ආරම්භ විය.

නඩු අහන්න,ඉක්මන් කරන්න,අධිකරණ වල ප්‍රමාණය වැඩි කරන්න. විනිශ්චයකාරවරුන්ගේ වයස් සීමාව වැඩි කළ ද අධිකරණ ප්‍රමාණය වැඩි නොවන බවත්, අධිකරණ පද්ධතියට බැඳෙන්නට බලාපොරොත්තුවෙන් බලාගෙන විශාල පිරිසක් රැඳී සිටින බවත් ශ්‍රීලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ පැවසීය.

ඩෙංගු රෝගය සඳහා සුදුසුකම් ලත් බටහිර හෝ ආයුර්වේද වෛද්‍යවරයකු නියම කරන ඖෂධ හැර කිසිදු අත් බෙහෙතක් ඩෙංගු රෝගීන්   භාවිත නොකළ යුතු බව බොරැල්ල ජාතික ආයුර්වේද රෝහලේ කායික රෝග විශේෂඥ වෛද්‍ය සමින්ද ආරියරත්න අවධාරණය කරයි.

මුදල් විශුද්ධිකරණය වැළැක්වීමේ පනත යටතේ හිටපු ජනාධිපති මහින්ද රාජපක්ෂ ගේ පුත් යෝෂිත රාජපක්ෂට එරෙහිව ගොනු කර තිබෙන නඩුව වැඩිදුර විභාගය සඳහා අගෝස්තු මස 20 වනදා කැඳවන ලෙස කොළඹ මහාධිකරණය නියම කළා.

දූෂණ චෝදනාවක් සම්බන්ධයෙන් අල්ලස් කොමිසම විසින් අත්අඩංගුවට ගන්නා ලද හිටපු දකුණු පළාත් ප්‍රධාන ලේකම්වරයකු වූ රන්නුළු චන්ද්‍රසිරි ද සොයිසා ලක්ෂ 10 බැගින් වූ ශරීර ඇප දෙකක් මත මුදා හැරීමට කොළඹ ප්‍රධාන මහේස්ත්‍රාත් අසංග එස් බෝදරගම අද නියෝග (24) කළා.

මාධ්‍යවේදී ප්‍රගීත් එක්නැළිගොඩ පැහැරගෙන ගොස් අතුරුදන් කිරීමේ සිද්ධියට අදාළ නඩුවේ හතරවැනි සාක්ෂිකරුව වන සුමතිපාල සුරේෂ් කුමාර නොහොත් මුරලි නැවත සාක්ෂියට කැඳවන ලෙස අද (24) කොළඹ ත්‍රිපුද්ගල මහාධිකරණ විනිසුරු මඩුල්ල නියෝග කළා.

කොළඹ බාන්ස් පෙදෙසේ කෝටි ගණනක් වටිනා ඉඩමක් අඩු වටිනාකමක් යොදා ලියාපදිංචි කිරීම  සංවිධානාත්මක අපරාධ කල්ලියක් විසින් සිදු කරන ලද මහා පරිමාණ වංචාවක් බව කොළඹ ප්‍රධාන මහේස්ත්‍රාත් අසංග එස් බෝදරගම  හමුවේ කරුණු දැක්වූ නීතිපතිවරයා පවසා සිටියා.

රේගු ආඥා පනත උල්ලංඝනය කර භාණ්ඩ ආනයනය කරන මුවාවෙන් ඩොලර් පිටරට පටවන මහා ජාවාරමට මෙරට ප්‍රධාන පෙළේ සමාගම් 21ක් සම්බන්ධ බවට කරුණු අනාවරණය වන හෙයින් එය තහවුරු කරගැනීම සඳහා තවදුරටත් විමර්ශන සිදු කරන බව කොළඹ ප්‍රධාන මහේස්ත්‍රාත් අසංග එස් බෝදරගම  හමුවේ කරුණු දැක්වූ රහස් පොලිසිය  ඊයේ(23) පැවසී ය.