පුවත්

ආණ්ඩුවේ රස පරීක්ෂක දෙපාර්තමේන්තුවෙහි අපරාධ නීති පද්ධතිය තුළ මත්ද්‍රව්‍ය විශ්ලේෂණ හැකියාව ශක්තිමත් කිරීම වෙනුවෙන් දකුණු කොරියානු රජයේ KOICA ව්‍යාපෘතිය මඟින් දියත් කරන ලද ව්‍යාපෘතිය අවසන්වීමෙන් පසුව පවත්වන ලද නිල උත්සවය අධිකරණ සහ ජාතික ඒකාබද්ධතා අමාත්‍යාංශයේ ලේකම්, ජනාධිපති නීතිඥ, අයෙෂා ජිනසේන ගේ ප්‍රධානත්වයෙන් බත්තරමුල්ලේ පිහිටි ආණ්ඩුවේ රස පරීක්ෂක දෙපාර්තමේන්තු ශ්‍රවණාගාරයේ දී ඊයේ (31) පැවැත්විණි.

පහුගිය සෙනසුරාදා නෙලුම් මාවත කාර්යාලයට තරුණ ගෑනු ළමයි කණ්ඩායමක් ඇවිත් හිටිය. කට්ටිය ඇවිත් හිටියෙ නායකත්ව පුහුණු වැඩමුළුවකට.

අද වන විට සමාජයේ: භීෂණය රජ වී, පාතාල කල්ලි, මිනිමරු කල්ලි, ඝාතන කල්ලි සමාජයේ පාලනය ඔවුන්ගේ අතට ගෙන ඇතැයි විපක්ෂ නායක සජිත් ප්‍රේමදාස පැවසී ය.

අද මධ්‍යම රාත්‍රියේ සිට ක්‍රියාත්මක වන පරිදි ඉන්ධන මිල සංශෝධනය තිබේ.

සීතාවක සහ ආනමඩුව ප්‍රාදේශීය සභාවල බලය පිහිටුවීමේදී මතුව ඇති ගැටලුව විසඳා ගැනීම සඳහා නීතිපතිවරයාගෙන් මත විමසීමක් කර ඇතැයි රාජ්‍ය පරිපාලන පළාත් සභා හා පළාත් පාලන අමාත්‍ය ආචාර්ය චන්දන අභයරත්න  පැවසීය.

කොළඹ පාරිභෝගික මිල දර්ශකය අනුව ගණනය කළ ඔක්තෝම්බර් මාසයේ උද්ධමන අනුපාතය සියයට 2.1 ක් දක්වා වැඩි වී ඇත.

සැමියා රාජකාරි කටයුත්තකට යෑමට නිවසින් පිටත් වූ පසු අලුයම හතරට පමණ බලහත්කාරයෙන් නිවසට ඇතුල් වී පිහියක් පෙන්වා බිය ගන්වා නිවසේ සිටි කාන්තාවක් හා ඇගේ බාල වයස්කාර දැරියන් දෙදෙනාට බරපතල ලිංගික අපයෝජන කිරීමේ චෝදනාවලට වරදකරු වු විත්තිකරුවෙකුට වසර 41 ක බරපතල වැඩ සහිත සිර දඬුවම් නියම කළ හෝමාගම මහාධිකරණ විනිසුරු නවරත්න මාරසිංහ එම සිරදඬුවමේ කාලය එකවර එනම් වසර 17කින් ගෙවී යන ලෙස ලබාදීමට ඊයේ ( 30) නියෝග කළේය.

මාධ්‍යවේදී ප්‍රගීත් එක්නැලිගොඩ පැහැර ගෙන ගොස් අතුරුදන් කිරීම සම්බන්ධයෙන් යුද හමුදා බුද්ධි අංශ සාමාජිකයින් පිරිසකට එරෙහිව නීතිපති විසින් ගොනු කර තිබෙන නඩුව දෙසැම්බර් මස 05 වැනිදා යළි කැඳවන ලෙස කොළඹ මහාධිකරණය නියෝග කර තිබේ.

අත්අඩංගුවේ පසුවන කෙහෙල්බද්දර පද්මේ සමග විදේශ රටවලට ගොස් සම්බන්ධතා පැවැත්වූ බවට සැකකෙරෙන රංගන ශිල්පිනියන් පස්දෙනකු අපරාධ පරීක්ෂණ දෙපාර්තමේන්තුවට කැඳවා ප්‍රකාශ සටහන් කරගෙන ඇති බව එම දෙපාර්තමේන්තුව අද (31) අධිකරණය හමුවේ ප්‍රකාශ කළේය.

විදේශ ආයෝජන සඳහා ජනාධිපති විශේෂ නියෝජිත ලෙස ජනාධිපති අනුර කුමාර දිසානායක  විසින් බස්නාහිර පළාත් ආණ්ඩුකාර හනීෆ් යූසුෆ්  පත් කර තිබේ.

විෂ මත්ද්‍රව්‍ය පනත හා මුදල් විශුද්ධිකරණය වැළැක්වීමේ පනත යටතේ රිමාන්ඩ් භාරයට පත් කර සිටි බැකෝ සමන් නමැත්තාගේ බිරිඳ වන ශාධිකා ලක්ෂානී නමැත්තිය ඇප මත මුදා හරින ලෙස කොළඹ මහෙස්ත්‍රාත් අධිකරණය නියම කළේය.

පොලිස්පතිවරයාගේ පැමිණිල්ලක් මත වැල්ලවාය මහෙස්ත්‍රාත් මංජුල රත්නායකගේ වැඩ තහනම් කිරීමට අධිකරණ කොමිෂන් සභාව තීන්දු කර ඇත.

2020 දී සීනි ආනයනයේදී සිදු වූ බව කියන සීනි වංචාවට වගකිව යුතු අයගෙන් රුපියල් බිලියන 15.9 ක් අයකර ගැනීමට නියෝගයක් ඉල්ලා විපක්ෂයේ සිටියදී අමාත්‍ය සුනිල් හඳුන්නෙත්ති සහ නීතිඥ සුනිල් වටගල විසින් ගොනු කරන ලද මූලික අයිතිවාසිකම් පෙත්සම 2026 ජනවාරි 19 වන දින සහය සඳහා කැඳවීමට ශ්‍රේෂ්ඨාධිකරණ නියම කරයි.

ශ්‍රී ලංකා රේගුව විසින් මෙම වසරේදී එකතු කරන ලද බදු ආදායම ඊයේ දින (30) සවස වනවිට රුපියල් ට්‍රිලියන දෙකේ කඩඉම ඉක්මවා ගියේය.

රජයේ වෛද්‍ය නිලධාරීන්ගේ සංගමය විසින් අද (31) උදෑසන 8.00 සිට ආරම්භ කිරීමට නියමිතව තිබූ දීප ව්‍යාප්ත වැඩ වර්ජනයක් තාවකාලිකව අත්හිටුවා තිබේ.

ඔස්ට්‍රේලියාවේ, මෙල්බර්න් නුවර ධම්ම සරණ විහාරයේ විහාරාධිපති නාඔටුන්නේ විජිත හිමි බාල වයස්කාර ගැහැනු ළමුන් 6 දෙනෙකුට එරෙහිව ලිංගික අපරාධ සිදු කිරීම සම්බන්ධයෙන් අධිකරණය හමුවේ වරදකරු වී ඇතැයි එරට මාධ්‍ය වාර්තා කරයි.

ඩී.එස්.සේනානායක විද්‍යාලයීය ජනමාධ්‍ය කවය විසින් සංවිධානය කරනු ලබන නින්නාද මාධ්‍ය දින උත්සවය නොවැම්බර් මස 7 වන දින අරලියගහ මන්දිරයේ දී උත්සවශ්‍රීයෙන් පැවැත්වීමට කටයුතු යොදා ඇත.