පුවත්

මෙරට 42 වන විගණකාධිපති ලෙස පත් කෙරුණු සමුදිකා ජයරත්න වෙත ඊට අදාළ පත්වීම් ලිපිය ජනාධිපති ලේකම් ආචාර්ය නන්දික සනත් කුමානායක විසින් ජනාධිපති කාර්යාලයේ දී අද (05) භාර දෙනු ලදී.

අනාගතය උදෙසා අපි නිදහස් සහ බහු පක්ෂ ක්‍රමය ආරක්ෂා කළ යුතු යැයි එක්සත් ජාතික පක්ෂයේ නායක, හිටපු ජනාධිපති රනිල් වික්‍රමසිංහ පැවසී ය.

මාලිගාවත්ත වකුගඩු රෝහලෙහි නියෝජ්‍ය අධ්‍යක්ෂවරයාට එරෙහි විමර්ශනය බලපෑම්වලින් තොරව සිදු කිරීම සඳහා එම රෝහලෙන් ඉවත් කරන්නැයි තම සංගමය ඉල්ලා සිටිය ද ඒ පිළිබඳ සාධනීය පිළිතුරක් හෝ වැඩ පිළිවෙළක් මෙතෙක් ක්‍රියාත්මක නොවූ බැවින් රජයේ විකිරණ විද්‍යා තාක්ෂණවේදීන්ගේ සංගමය නියෝජ්‍ය සෞඛ්‍ය අමාත්‍යවරයා වෙත 'කඩිනම් අවධානය පිණිස' ලිපියක් යොමු කර ඇති බව එම සංගමය සඳහන් කරයි.

රෝහණ බණ්ඩාර මන්ත්‍රීවරයාට ලබා දිය යුතු ආරක්ෂාව තවදුරටත් ක්‍රියාත්මක නොවන බැවින් ඒ සම්බන්ධයෙන් රජය අවධානය යොමු කළ යුතු යැයි විපක්ෂ නායක සජිත් ප්‍රේමදාස පැවසී ය.

“සංස්කෘතික සබඳතා පිළිබඳ ඉන්දීය කවුන්සිලයේ” (ICCR) ආරාධනාවකට අනුව ජනතා විමුක්ති පෙරමුණේ ප්‍රධාන ලේකම් ටිල්වින් සිල්වා ඇතුළු නියෝජිත පිරිසක් ඉන්දියානු සංචාරයක් සඳහා අද (05) පෙරවරුවේ නවදිල්ලි නුවර බලා පිටත්ව වූහ.

සමගි ජන බලවේගයේ කුරුණෑගල දිස්ත්‍රික් මන්ත්‍රී නීතිඥ දයාසිරි ජයසේකරට  වරප්‍රසාද ප්‍රශ්නයක්   මතු කිරීමට  කතානායකවරයා ඉඩ නොදීම හේතුවෙන් ජයසේකර ඇතුළු විපක්ෂ මන්ත්‍රීවරුන් පිරිසක් එක දිගට කෑ කෝ ගැසීමෙන්  පාර්ලිමේන්තුවේ උණුසුම් තත්වයක් අද (5) පෙරවරුවේ ඇතිවිය.

වලාන මධ්‍ය දූෂණ මර්දන ප්‍රහාරක බළාකායේ අධ්‍යක්ෂ සහකාර පොලිස් අධිකාරී රොහාන් ඕලුගල රෝගී තත්ත්වයක් හේතුවෙන් කොළඹ ජාතික රෝහලේ හදිසි ප්‍රතිකාර ඒකකයට ඇතුළත් කර ඇති බව උසස් පොලිස් නිලධාරියෙක් පැවැසීය.

නව විගණාකාධිපති ලෙස ඉකුත් දා තේරී පත් වූ සමුදිකා ජයරත්න අද (05) එම ධුරයේ වැඩ භාර ගෙන තිබේ.

කෘත්‍රීම බුද්ධිය පුවත්පත් ආයතන වෙත කරන බලපෑම සම්බන්ධයෙන් වන මෙම පර්යේෂණය සඳහා ඔබ පුවත්පත් හෝ සඟරා ක්ෂේත්‍රයට සම්බන්ධව කටයුතු කරන්නේ නම් මතු දැක්වෙන ප්‍රශ්නාවලිය පුරවා සහයෝගය ලබා දෙන ලෙස ජාතික පුස්තකාල සේවා මණ්ඩලය ඉල්ලා සිටී.

සෑම සෙනසුරාදාවකම පැවැත්වෙන The Asian Review Sinhala ලේඛක-පාඨක සහෘද කතාබහ මෙවර වෙන්වන්නේ මො.ල. සෙනෙවිරත්නගේ 'සිපීර්' කෘතිය පිළිබඳ සහෘද කතාබහට ය.

ඉන්දීය අග්‍රාමාත්‍ය නරේන්ද්‍ර මෝදි ගේ ශ්‍රී ලංකා සංචාරයේ දී ජනාධිපති අනුර කුමාර දිසානායක සමඟ පැවැත් වූ සාකච්ඡාවක ප්‍රතිඵලයක් ලෙස ඉන්දීය අග්‍රාමාත්‍ය නරේන්ද්‍ර මෝදී ගේ මැදිහත්වීමෙන් සහ ඉන්දීය රජයේ පූර්ණ අනුග්‍රහයෙන් මෙරටට වැඩම කරවූ “ශ්‍රී සර්වඥ ධාතූන් වහන්සේ වන්දනාවේ” සමාරම්භය සනිටුහන් කරමින් ශ්‍රී සර්වඥ ධාතූන් වහන්සේ වෙත ප්‍රථම මල් පූජාව සිදු කිරීම ජනාධිපති අනුර කුමාර දිසානායක අතින් අද (04) පස්වරුවේ සිදු විය.

සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා සහ ශ්‍රී ලංකා සෞඛ්‍ය තොරතුරුවේදී විද්‍යාලයේ නිලධාරීන් අතර විශේෂ සාකච්ඡාවක් ඊයේ (03) පස්වරුවේ සෞඛ්‍ය හා ජනමාධ්‍ය අමාත්‍යංශයේ දී පැවැත්විණි.

2022 සංඛ්‍යා ලේඛන අනුව 2,63,000ක් කර්මාන්ත වැසී ගොස් තවත් 1,50,000ක් පමණ බංකොලොත් වී ඇතැයි විපක්ෂ නායක සජිත් ප්‍රේමදාස පැවසී ය.

78 වන ජාතික නිදහස් දිනය වෙනුවෙන් බන්ධනාගාරගත රැඳවියන් 49 දෙනෙකුට විශේෂ ජනාධිපති සමාව පිරිනමා ඇති බව බන්ධනාගාර දෙපාර්තමේන්තුව පවසයි.

එකල සිටි නායකයින් දූරදර්ෂි ලෙස වැඩ කළ බැවින් රට නොබෙදී ඉතිරි වූ බවත්, ඒකීය ශ්‍රී ලංකාවක් නිර්මාණය කිරීමට හැකි වූ බවත්. එබැවින් අද 78වන නිදහස් දිනය අභිමානවත් ලෙස සැමරිය යුතු යැයි දිනන දකුණ සාමූහිකය විධායක සභික නිශාන්ත ශ්‍රී වර්ණසිංහ පැවසී ය.

ශ්‍රී ලංකාවේ 78වන ජාතික නිදහස් දිනය අද (04) සමරන අවස්ථාවේ දී, බ්‍රිතාන්‍යයේ චාල්ස් රජු විසින් ශ්‍රී ලංකා ජනාධිපතිවරයාට සහ ශ්‍රී ලාංකික ජනතාවට විශේෂ සුබ පැතුම් පණිවිඩයක් යොමු කරනු ලැබ ඇත.

වතු කම්කරුවන් ගේ ඒ අයිතිය මංකොල්ල කමින් සමාගම් ලාභ උපයන අතර ම ආණ්ඩුව ද සමාගම්වලට වාසිදායක අන්දමින් කටයුතු කරන බවත්, වතු හාම්පුත්තුන්ගේ සාක්කු ඩොලර්වලින් පිරෙන ආකාරයට නීති, අන පනත් සම්මත කරන්නේ යැයි අයිතිය ව්‍යාපාරයේ කැඳවුම්කරු ඉන්ද්‍රානන්ද ද සිල්වා පැවසී ය.

එළඹෙන මැයි පළමුවන දා එක්සත් ජාතාක පක්ෂය සහ සමගි ජනබලවේගය එක්ව මැයි රැලියක් පැවැත්වීමට තීරණය කර ඇතැයි Neth News you tube නාලිකාව ඉදිරිපත් කරන 'කනින් කොණින්' වැඩසටහන වාර්තා කරයි.