V2025

පුවත්

මැතිවරණය පැවැත්වීම අසීරුයි : මැකොස කියයි !

මැතිවරණයට අදාළ සෞඛ්‍ය උපදෙස් ගැසට් නොකළහොත් මැතිවරණය පැවැත්වීම අසීරු වනු ඇතැයි දැඩිව ප්‍රකාශ කරන බව මැතිවරණ කොමිෂන් සභාවේ සභාපති මහින්ද දේශප්‍රිය පැවසීය. 

ඔහු මේ බව සඳහන් කළේ වවුනියාව දිස්ත්‍රික් ලේකම් කාර්යාලයේ ඊයේ (13දා) පැවති සාකච්ඡාවකින් අනතුරුව මාධ්‍ය වෙත අදහස් දක්වමින්ය.

ප්‍රදේශයේ දින දාහතරක නිරෝධායන කටයුතු අවසන් කළ වහාම තැපැල් ඡන්දය විමසීමේ කටයුතු ආරම්භ කරන බවත් සඳහන් කළ ඔහු ප්‍රදේශයේ පවතින තත්ත්වය මත තැපැල් ඡන්ද විමසීමේ කටයුතු කල් තැබීමට සිදු වූ බවද ඔහු සඳහන් කළේය.

සෞඛ්‍ය මාර්ගෝපදේශ ගැසට් මගින් ප්‍රකාශ නොකර මුව ආවරණ පලඳින්න, අත්සෝදන්න, මීටරය දුරින් සිටින්න කියා ජනතාවට ප්‍රකාශ කිරීම පලක් නොවන ක්‍රියාවක් බවත් එය අනිවාර්‌යෙන්ම ගැසට් මගින් ප්‍රකාශයට පත්කළ යුතු දෙයක් බවත් පැවසූ මැතිවරණ කොමිසමේ සභාපති වැඩිදුරටත් මෙසේද පැවසීය.

“කොරෝනා වයිරසයේ දෙවන රැල්ලක් නිර්මාණය වීමේ අවදානමක් ඇතැයි කියා අප විශ්වාස කරන්නේ නැහැ. අවදානම වළක්වා ගැනීම සඳහා අවශ්‍ය කටයුතු අප කරගෙන යනවා. අවදානම වළක්වා ගැනීම සඳහා සෞඛ්‍ය උපදෙස් හා සමාජ දුරස්ථභාවය පිළිපැඳීමෙන් එය වළක්වා ගත හැකියි. සෑම ඡන්ද රැස්වීමක හා සිදුකරන සෑම කාර්යකදීම සෞඛ්‍ය උපදෙස්වලින් කරුණුවලින් දෙකක් හෝ පිළිපඳිනවානම් අපට පුළුවන් මේ අවදානම තුරන්කරන්න.

අප ජනතාවගෙන් හා දේශපාලනඥයින්ගෙන් ඉල්ලා සිටින්නේ මේ අවදානම තුරන් කිරීම සඳහා සෞඛ්‍ය මාර්ගෝපදේශ අනුව ක්‍රියාකරන්න කියා. අනික් අතට කියා නොපමාව සෞඛ්‍ය මාර්ගෝපදේශක ගැසට් මගින් ප්‍රකාශයට පත්නොකර බොරුවට මුව ආවරණ පලඳින්න, අත්සෝදන්න, මීටරය දුරින් ඉන්න කියා කිව්වට වැඩක් වන්නේ නැති වගත් අපි බලධාරීන්ට කියනවා"

Comment (0) Hits: 321

රට වටේම කොරෝනා ප්‍රතිඵල ගලා එනකොට : සෞඛ්‍ය අධ්‍යක්ෂ ජනරාල් කියන කතාව !

කන්දකාඩු හි පිහිටි මත්ද්‍රව්‍යයන්ට ඇබ්බැහි වූ පුද්ගලයින් පුනුරුත්ථාපනය කිරිමේ මධ්‍යස්ථාන දෙකේ ආශ්‍රිතයින් සමාජය තුල සංචරණය කර ඇති බැවින් ඔවුන් හරහා වෛරසය සමාජයට සම්ප්‍රේෂණය වී ඇත්නම් ඉදිරියේදී කොරෝනා ආසාදිත රෝගීන් හමුවීමේ අවධානමක් ඇතිවිය හැකි බව සෞඛ්‍ය සේවා අධ්‍යක්ෂක ජනරාල් විශේෂඥ වෛද්‍ය අනිල් ජාසිංහ  පවසයි.

රාජාංගනය, වැලිකන්ද සහ හබරාදුව ප්‍රදේශයෙන් වාර්තා වූ කොරෝනා ආසාදිත උපදේශකවරුන්ගේ සංචරණ සම්බන්ධයෙන් හා ඔවුන්ගේ ආශ්‍රිතයින් හා ඇසුරු කළ පුද්ගලයින් ගැන බුද්ධි අංශ විසින් සොයා බලා ඔවුන් සම්බන්ධයෙන් අවශ්‍ය ක්‍රියා මාර්ග ගනිමින් පවතින බව සෞඛ්‍ය අධ්‍යක්ෂක ජනරාල්වරයා පෙන්වා දුන්නේය.

වැලිකන්ද ප්‍රදේශයෙන් වාර්තා වූ කොරෝනා ආසාදිත උපදේශකවරයාගේ පුත්‍රයා පාසැල් ගොස් ඇති බවත් ඒ සම්බන්ධයෙන් ද අවධානය යොමු කොට ඇති බව ඔහු සඳහන් කළේය.

කන්දකාඩු පුනුරුත්ථාපන මධ්‍යස්ථාන දෙක ආශ්‍රිතව ඇතිව තිබෙන කොරෝනා වෛරසයේ ව්‍යාප්තිය දෙවන කොරෝනා රැල්ලක් නොවන බවත් එය පැවති රෝග පොකුරේ තවත් ව්‍යාප්තවීමක් බවත් සෞඛ්‍ය අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ  වැඩිදුරටත් පැවසීය.

රට වටේ කොරෝනා !

මේ අතර කන්දකාඩු  පුනරුත්ථාපන නිරෝධායන කඳවුරේ සේවය කළ හෝමාගම කැන්දලන්ද සහ ගොඩගම ප්‍රදේශවල යුද හමුදා නිලධාරීන් දෙදෙනකුට නව කොරෝනා වෛරසය ආසාදනය වී ඇති බවට තහවුරු වීම හේතුවෙන් ඔවුන්ගේ ආශ්‍රිතයින් බවට සොයා ගත් පුද්ගලයින් 35 දෙනෙකු ස්වයං නිරෝධායනයට යොමු කළ බව හෝමාගම සෞඛ්‍ය වෛද්‍ය නිලධාරී කාර්යාලයේ පරිපාලන මහජන සෞඛ්‍ය පරීක්ෂක ප්‍රියන්න විජේසූරිය ප්‍රකාශ කර සිටී.

එමෙන්ම ගම්පහ දිස්ත්‍රික්කයේ ස්ථාන දෙකකින් කොරෝනා වෛරසය ආසාදනය වු පුද්ගලයින් දෙදෙනෙකු වාර්තා වී ඇති බව ගම්පහ දිස්ත්‍රික් පරිපාලන මහජන සෞඛ්‍ය පරීක්ෂක චමින්ද සමරදිවාකර ප්‍රකාශ කර සිටී.

මෙලෙස කොරෝනා වෛරසය ආසාදනය වී ඇත්තේ කන්දකාඩු නිරෝධායන මධ්‍යස්ථානයේ උප්දෙෂකවරයෙකුට සහ ඔහු සමග එහි ගිය රියදුරෙකුටය.

මීට අමතරව කන්දකාඩු පුනරුත්ථාපන මධ්‍යස්ථානයේ සේවය කළ අනුරාධපුර කැකිරාව කිතුල්හිටියාව පදිංචි යුද හමුදා නිලධාරියෙකුටද කොවිඩ් 19 ආසාදනය වී ඇතැයි ඊයේ (13) තහවුරු වීමත් සමග අද (14) අලුයම ආරක්ෂක අංශ විසින් ඔහුගේ පවුලේ සාමාජිකයන් නිරෝධායනය කිරීමට පියවර ගත්හ.

මේ අතර කලවාන ප්‍රදේශයෙන්ද රෝගීන් කිහිප දෙනකු වාර්තා වීමත් සමග කඩසාප්පු වසා දැමීමට ව්‍යාපාරිකයන් පියවර ගෙන ඇත.

Comment (0) Hits: 367

ජන්ද වැඩවලට ජායාරූපය ගන්නවත් එපා කියූ ජනාධිපති අන්න කැන්වසිං යනවා !

"මැතිවරණ ව්‍යාපාරය සඳහා තමන්ගේ ඡායාරූපයවත් භාවිතා නොකරන්නැයි කියූ ජනාධිපතිවරයා ජනහමු නොව කැන්වසිං ව්‍යාපාරවල යෙදෙන සංදර්ශනාත්මක තත්වය රූපවාහිනියෙන් අපි දැක්කා. ජනාධිපතිවරයා ජනතාව සමඟ මීටරයක දුරින් ඉන්නවා. හැබැයි ජනතාව සෙන්ටිමීරයට පැක් කරලා. එතැනිදිත් පෙන්නුම් කළේ නායකයන් උපරිමයෙන් ආරක්‍ෂා වී සාමාජිකයන්ට කවරක් වූවත් කම් නැතැයි කියන ප්‍රතිපත්තිය ක්‍රියාවට නැගීමයි" යැයි ජනතා විමුක්ති පෙරමුණ නායක ජාතික ජනබලවේගය කොළඹ දිස්ත්‍රික් අපේක්ෂක අනුර කුමාර දිසානායක පවසයි.

අද රාජ්‍ය සේවය පිළිබඳව රාජ්‍ය නිලධාරීන් තුළ ඇත්තේ අතෘප්තියක් බවත් රාජ්‍ය සේවය ශක්තිමත් කිරීමේ ප්‍රතිපත්තිමය දැක්මක් ඇත්තේ තමන් සතුව බවත් ඔහු අවධාරණය කර සිටියි.

ඔහු මේ බව සඳහන් කර සිටියේ ඊයේ (13) ජාතික ජනබලවේගය පැවැත්වූ මාධ්‍ය හමුවක අදහස් දක්වමින් වන අතර එම මාධ්‍ය හමුවේදී දැක්වුණු අදහස් පහත දැක්වෙයි.

රටේ මළමිනී පිරීමට තිබූ අවස්ථාව වළක්වුවේ මැතිවරණ කොමිසම !
 

තමන්ගේ බල වුවමනාව වෙනුවෙන් පැවැත්වීමට සූදානම් කර සිටි මැතිවරණය සම්බන්ධයෙන් අවසන් තීරණය මැතිවරණ කොමිෂන් සභාව මැදිහත් වීමෙන් අපේ රටේ මළමිනීවලින් කිරීමට තිබූ තත්වය අවසන් කිරීමට සුවිශේෂී කාර්යභාරයක් ඉටු කළා. ඒ සම්බන්ධයෙන් අපි ඔවුන්ට විශේෂ ස්තුතිය පිරිනමනවා. ඒ වගේම අපේ රටේ සෞඛ්‍ය කාර්යමණ්ඩලය මේ මට්ටමින් ක්‍රියාකර තිබෙන්නේ 1977න් පසුව පැවති සෑම ආණ්ඩුවක් විසින්ම සෞඛ්‍ය සේවය පෞද්ගලික අංශයට පවරා වර්ධනය කරන්න පටන් ගත් පසුබිමකයි. නමුත් කොවිඞ් 19 වසංගතය පාලනය කිරීම සඳහා සෞඛ්‍ය අංශයේ මැදිහත්වීමෙන්, කැපවීමෙන් සුවිශේෂී කාර්යභාරයක් ඉටුකළා. ඔවුන්ගේ දැනුම සහ අත්දැකීම් නොතිබෙන්න මෙය තවත් ව්‍යසනයක් දක්වා වර්ධනය විය හැකිව තිබුණා. ඒ පිළිබඳව අපේ ඇගයීමක් පවතිනවා. පොලීසිය සහ හමුදාව මෙම තත්වය මැඩපැවැත්වීමට විශේෂ කාර්යභාරයක් සිදුකළා. පමා වී හෝ ආණ්ඩුව ගනු ලැබූ තීන්දු-තීරණ මෙම තත්වය මැඩපැවැත්වීමට ඉවහල් වුණා. 


වසංගතය මැඩපැවැත්වීමේ මූලික කාර්යභාරය අත්හැර අනියත විශ්වාසයක් සමාජය තුළ නිර්මාණය කරන්න ආණ්ඩුව ක්‍රියා කළා. මැතිවරණය ඉක්මනින් පවත්වා ගැනීමේ වුවමනාවෙන් ආණ්ඩුව දිගටම ක්‍රියා කළා. කල් දැමූ මැතිවරණය අගෝස්තු මාසේ 05වැනිදාට කොමිසම විසින් දින නියම කළාට පසු මැතිවරණ ක්‍රියාවලිය පවත්වාගෙන යාමේ නිර්ණායක පද්ධතියක් දේශපාලන ව්‍යාපාරවලට ලබා දුන්නා. රැස්වීමකට සහභාගි විය යුතු සංඛ්‍යාව, ඒ සම්න්ධයෙන් ආසන පැනවිය යුතු ආකාරය, සහභාගි වන්නන්ගේ දත්ත රැස් කිරීම වගේ කොන්දේසි ගණනාවක් තිබුණා. නමුත් මැතිවරණ පනත අනුව කොමිසමට නීති පැනවීමේ බලයක් නැහැ. මේ නිසා නිරෝධායන පනත අනුව නීති පැනවීමේ බලය තිබෙන සෞඛ්‍ය අධ්‍යක්‍ෂ ජනරාල් තුමා මගින් මැතිවරණ ව්‍යාපාරයේ සීමාකම් සඳහා අවශ්‍ය වන රෙගුලාසි නීතියක් බවට පත්කිරීමේ ගැසට් නිවේදනය නිකුත් කළේ නැහැ. මෙය සෞඛ්‍ය අංශයේ මගහැරීමක් නොවෙයි. දේශපාලන අංශය විසින් හිතාමතාම අත්හැරීමක්. ආණ්ඩුවේ මැතිවරණ ව්‍යාපාරය සකස් කර තිබෙන්නේ සංදර්ශනයක ආකාරයටයි. රැස්වීමේදී ඉදිරිපත් වන කරුණු වෙනුවට මේ සංදර්ශනය සඳහා වැඩිම කාල වේලාවක් යොදවනවා. සෞඛ්‍ය රෙගුලාසි ගැසට් කළා නම් ආණ්ඩුවට විශාල බාධාවක් ඇතිවෙනවා. ඒ නිසා හිතා මතාම එම ගැසට්  කිරීම අත්හැර දැමූ බව පැහැදිලියි. 

මැතිවරණ ව්‍යාපාරය සඳහා තමන්ගේ ඡායාරූපයවත් භාවිතා නොකරන්නැයි කියූ ජනාධිපතිවරයා ජනහමු නොව කැන්වසිං ව්‍යාපාරවල යෙදෙන සංදර්ශනාත්මක තත්වය රූපවාහිනියෙන් අපි දැක්කා. ජනාධිපතිවරයා ජනතාව සමඟ මීටරයක දුරින් ඉන්නවා. හැබැයි ජනතාව සෙන්ටිමීරයට පැක් කරලා. එතැනිදිත් පෙන්නුම් කළේ නායකයන් උපරිමයෙන් ආරක්‍ෂා වී සාමාජිකයන්ට කවරක් වූවත් කම් නැතැයි කියන ප්‍රතිපත්තිය ක්‍රියාවට නැගීමයි. ජයවර්ධනපුර විශ්වවිද්‍යාලයේ පරීක්‍ෂණාගාර තුළින් වෛරස් ආසාධනය සිදුවී ඇති බවට ලබා දී තිබූ තීරණ බැහැර කරමින් ඔවුන් පරීක්‍ෂණ ක්‍රියාවලියෙන් ඉවත් වී ඇති බව මාධ්‍ය වාර්තාකර තිබුණා. මෙයින් කියැවෙන්නේ රට තුළ සාමාන්‍ය තත්වයක් තිබෙන බව බලහත්කාරයෙන් ඒත්තු ගැන්වීමේ උවමනාවක් ආණ්ඩුවට තිබෙන බවයි. ඒ ඡන්දය සඳහායි. රැස්වීම්වල සීමාකම් පිළිබඳ නිර්ණායකයන් ඉදිරිපත් කර මැතිවරණ කොමිසමටත් එහි සාමාජිකයන්ටත් රාජපක්‍ෂලාගේ බුරා පනින කට්ටිය අවලාද නගන හැටි අපි දැක්කා. ප්‍රධාන රැස්වීම් අවලංගු කිරීම මැතිවරණ කොමිසමේ කුමන්ත්‍රණයක් බවට චෝදනාවක් තිබෙනවා. ඒනිසා ආණ්ඩුවට සාමාන්‍ය තත්වයක් ඇතිවේ යැයි කියා බොරු මතයක් නිර්මාණය කරන්න උත්සාහ කිරීමේ ප්‍රතිඵලයක් හැටියට සියලු ජනතාවන්ට මේ සම්බන්ධයෙන් තිබුණු බිය මුළුමනින්ම අත්හැරනේන පටන් ගත්තා. මේ නිසා කන්දකාඩුවේ මත්ද්‍රව්‍ය පුනරුත්ථාපන මධ්‍යස්ථානය මූලික කරගෙන බරපතළ වෛරස් ව්‍යාප්තියක් ඇතිවී තිබෙනවා. 
 
කොරෝනා සම්බන්ධව ආණ්ඩුවේ කෙරුවාව !
 
මේ මධ්‍යස්ථානයට වෛරසය ඇතුළු වුණේ කොහොමද කියන එක තාමත් හොයාගෙන නැහැ. ඒ මධ්‍යස්ථානයේ සේවය කළ තනැත්තියකට කොවිඞ් 19 රෝගයේ සියලුම ලක්‍ෂණ තිබුණු බවත් එම මධ්‍යස්ථානයේ විශාල පිරිසකටද එම ලක්‍ෂණ තිබුණු බවත් නමුත් එය වෛරස් උණ තත්වයක් හැටියට කල්පනා කළ බව ෆේස්බුක් සටහනක තිබුණා. කොවිඞ් අනතුර පිළිබඳව අවධානයක් සමාජයේ තිබුණා නම් මේ ලක්‍ෂණ පහළ වන විට තමන්ට කොවිඞ් වෛරසය වැළඳී ඇති බවට සැක හිතෙනවා. නමුත් මැතිවරණය ඉලක්ක කරගෙන ආණ්ඩුව රට තුළ ගොඩනගා තිබූ සාමාන්‍ය තත්වය පිළිබඳව අවධානය නිසා ජනතාව අතරින් රෝගය සඳහා තිබූ බිය පහවී තිබුණා. ඒ නිසා දැන් පොදු ජනතාවගේ ආරක්‍ෂාව පිළිබඳව සැකයක්, අවිනිශ්චිතතාවයක් මතුවී තිබෙනවා. අපි මේකට අනියත බියක් නිර්මාණය කරගත යුතු නැහැ. නමුත් ඉදිරි ආසන්න දින කිහිපය පුරා අපි හැම දෙනාම දැඩි විමසිල්ලකින් පසුවිය යුතු තත්වයක් නිර්මාණය වී තිබෙනවා. පාලකයන් බලය වෙනුවෙන් මොන කටයුතු කළත් අපි ජනතාවගෙන් ඉල්ලා සිටින්නේ ඔබ ප්‍රවේශම් වෙන්න, සෞඛ්‍ය අංශ විසින් ලබාදී තිබෙන සෞඛ්‍ය ආරක්‍ෂණ කටයුතු නිසි පරිදි පිළිපදින්න කියන ඉල්ලීමත් කරනවා. 

මේ මාධ්‍ය සාකච්ඡාවේ මූලික අවධානය ඊළගට යොමු කරන්න කැමතියි. ඒ, අපේ රටේ රාජ්‍ය සේවය මුහුණ දී සිටින ගැටළු පිළිබඳව. මේ කොවිඞ් වසංගතය හරහා පෙන්නුම් කර තිබෙන්නේ ශක්තිමත් රාජ්‍ය සේවක අවශ්‍යතාවයි. විශාල ගොඩනැගිලිවල සුව පහසුවට විශාල අයකිරීම් සහිත රෝහල් පද්ධතියක් පෞද්ගලික අංශයට තිබෙනවා. නමුත් එක කොවිඞ් රෝගියෙක්වත් එම රොහලකට බාර ගත්තේ නැහැ. එක පරීක්‍ෂණයක්වත් සිදුකළේ නැහැ. මෙම වසංගතයේ සියලුම බර රාජ්‍ය අංශයේ රෝහල්වලට පැවරී තිබෙනවා. රාජ්‍ය අංශය නීති සම්පාදනය සහ යටිතල පහසුකම් සම්පාදනයට පමණක් සීමා කිරීමට පැවති සෑම ආණ්ඩුවක්ම ක්‍රියාකර තිබුණා. රජයෙන් අත්හැරිය යුතු අත්‍යාවශ්‍ය මහජන සේවාන් අතර සෞඛ්‍ය සේවයත් තිබුණා. අපේ රටේ වතු, කර්මාන්ත ශාලා පෞද්ගලික අංශයට පවරමින් තිබෙනවා. එහි ප්‍රධාන දිගුවක් වශයෙන් රනිල් වික්‍රමසිංහගේ පාලනය තුළ 2016 ජනවාරි මස පළමුවැනිදා සිට රාජ්‍ය සේවයට බඳවා ගන්නා අයගේ විශ්‍රාම වැටුප අහෝසි කළා. මේ දිනයට පෙර ලබාදුන් පත්වීම් ලිපියක සඳහන් වෙන්නේ “මෙම තනතුර ස්ථිරය, මෙම තනතුර විශ්‍රාම වැටුප් සහිතය, තවද ඔබේ පත්වීම එක් වර්ෂයක පුහුණු කාලයකින් යුක්ත වේ.” කියලයි. නමුත් 2016 ජනවාරි 01වැනිදාට පසුව ලබාදුන් පත්වීම් ලිපියක සඳහන් වෙන්නේ “මෙම තනතුර ස්ථිරය, එතකුදු වුවත් ඔබ වර්ෂ 3ක පරිවාස කාලයකට යටත් විය යුතුය.” කියල විතරයි. විශ්‍රාම වැටුපක් පිළිබඳව පත්වීම් ප්‍රදානය කිරීමේ ලිපිය සඳහන් වෙන්නේ නැහැ. මේ දිනයේ ඉඳලා රාජ්‍ය සේවයට බඳවා ගන්නා අයගේ විශ්‍රාම වැටුප අහෝසි කරලා තියෙන්නේ. වෙනත් යෝජානා ක්‍රමයක් හදන බව කීවත් තාමත් ඒ කිසිවක් නැහැ.

ජීවනාංකය ඉහළ යාමට සමාන්තරව වැටුප් වර්ධකයක් නියම කර තිබුණා. 2016 ජනවාරි 01වැනිදා ඉඳන් 2020 ජනවාරි 01වැනිදා දක්වා විශ්‍රාම ගිය අයට ඔවුන්ගේ ස්ථිර වැටුපේ ගැටළු මතුවී තිබෙනවා. විශ්‍රාමය සම්බන්ධයෙන් ලබාදෙන ලිපියේ ඔහු විශ්‍රාම ගන්නා මොහොතේ විශ්‍රාම වැටුප සහ 2020 ජනවාරි 01වැනිදා සිට ලබාදීමට නියමිත වැටුප ගැන සඳහන් කර තිබුණා. සාමාන්‍යයෙන් ගත්තොත් රු. 10500 සිට 25,000 දක්වා මුදලකින් වැඩිවීමට නියමිතව තිබුණා. 2019 දෙසැම්බර් 10වැනිදා විශ්‍රාම වැටුප් අධ්‍යක්‍ෂ ජනරාල්තුමා චක්‍රලේඛයක් නිකුත් කරමින් ජනවාරි 01වැනිදා සිට නියමිත විශ්‍රාම වැටුප් ඉහළ දැමීම කරන බවට දැන්වූවා. නමුත් ජනවාරි 20වැනිදා චක්‍රලේඛයක් නිකුත් කර වැඩිවූ විශ්‍රාම වැටුප නතර කරන බව දැක්වූවා. අවසානයේ සිදුවී තිබෙන්නේ විශ්‍රාම වැටුප් කොමසාරිස්තුමාටත් මේ හිමි විශ්‍රාම වැටුප නැතිවන තත්වයක්. රාජ්‍ය සේවකයන්ගේ විශ්‍රාම වැටුප කප්පාදු කරපු ආණ්ඩුවක් මේ. අපේ ලාල් කාන්ත සහෝදරයා මේ සම්බන්ධයෙන් ශ්‍රේෂඨාධිකරණයේ නඩුවක් පවරා තිබෙනවා. පහුගිය අවුරුද්දේ ඔක්තෝම්බර් මාසයේ විධායක ශ්‍රේණියේ නිලධාරීන්ගේ වැටුප් වර්ධක සම්බන්ධයෙන් විශාල උද්ඝෝෂණයක් තිබුණා. එහි ප්‍රතිඵලයක් හැටියට මසකට රු. 15,000ක අතුරු දීමනාවක් දීමේ එකඟතාවකට ආවා. ජනවාරි මාසයේ සිට ලබාදීමට නියමිතව තිබූ මේ දීමනාවත් ආණ්ඩුව නතර කර දැම්මා. 
 
වැටුප් වර්ධකත් නෑ : අතිකාල දීමනාත් කපලා !

රාජ්‍ය සේවයේ විශාල පුරප්පාඩු ප්‍රමාණයක් තිබෙනවා. උදාහරණයක් හැටියට දුම්රිය දෙපාර්තමේන්තුවේ 7,000කට පමණ, සෞඛ්‍ය දෙපාර්තමේන්තුවේත්  මේ වගේ විශාල පුරප්පාඩු ගණනක් තිබෙනවා. රැකියාවකට බඳවාගෙන උසස්වීම් සහ වැටුප් වර්ධක ලබා දෙනවාට වඩා ඉන්න සේවකයන්ට අතිකාල දීමනා ලබාදී අදාළ සේවයන් ලබාගැනීමට ආණ්ඩුව ක්‍රියා කරනවා. දැන් මේ අතිකාල දීමනාත් කප්පාදු කරනවා. සෞඛ්‍ය දෙපාර්තමේන්තුව ඇතුළු දෙපාර්තමේන්තු ගණනාවක අතිකාල අත්හිටුවලා. කොවිඞ් වසංගතය පාලනය කිරීමට විශාල කැපවීමක් කළ සෞඛ්‍ය සේවයේ පවා අතිකාල කපා දැමුවා. ඒ නිසා ඔවුන්ට උද්ඝෝෂණය කරන්න සිද්ධවෙලා තිබෙනවා. රාජ්‍ය සේවය තුළ විශාල බලපෑමක් කළ හැකි ක්‍ෂේත්‍ර වෘත්තීය ක්‍රියාමාර්ග හරහා තමන්ට නියමිත වැටුප් වර්ධක ලබාගන්න හැකිවී තිබෙනවා. නමුත් බලපෑම් කළ නොහැකි සේවාවන්ට වැටුප් වර්ධක නැහැ. මේ තත්වය තුළ අපේ රටේ විකෘති වැටුප් විෂමතාවයක් ඇතිවී තිබෙනවා. අනෙකුත්  ක්‍ෂේත්‍රවල යෙදී ඉන්න බොහෝ දෙනෙකුට ජවන වියදම ඉහළ යාමට සමාන්තරව ආදායම් වැඩි කර ගන්න පුළුවන්. නමුත් ස්ථීර මාසික වැටුප් ලබන අයට මේ අවස්ථාව නැහැ. ජීවන අංකයට සමාන්තර වැටුප් වැඩිවීමේ ක්‍රියාමාර්ග තිබුණාට දැන් ඒවා අනුගමනය කරන්නේ නැහැ. 2006 සිට වැටුප් විෂමතාවය අවම කර ගැනීමේ විශාල අරගලයක් තිබෙනවා. 

මේ නිසාම රනුක්ගේ ඒක පුද්ගල වැටුප් කමිටුව වාර්තාවක් ලබාදී තිබෙනවා. පහුගිය නොවැම්බර් මාසයේ ඊට අදාළ නිර්දේශ ලබාදී ජනවාරි මාසයේ සිට ක්‍රියාත්මක වීමට නියමිතව තිබුණා. නමුත් ඒ වාර්තාවත් පැත්තකට දමලා. මේ ආණ්ඩුව වැටුප් විෂමතාවය ඉවත් කිරීමට ගන්නා ලද ක්‍රියාමාර්ග අත්හැරීම පිළිබඳව වගකියන්න ඕනෑ. අපේ රටේ රාජ්‍ය සේවයට පත්වීම් ලබාදීමේදී පහුගිය කාලයේ අධ්‍යාපන සුදුසුකම්, උසස්වීම් වගේ මූලික කිසිදු සැලකිල්ලක් නැතිව ලබාදී තිබෙනවා. පුස්තකාල සහායක කියලා දේශපාලන පත්වීම් ලබාදී තිබෙනවා. නමුත් සමහර ඉස්කෝලවලට පුස්තකාල නැහැ. රාජ්‍ය අංශය වර්ධනය කරන්නේ නැතිව විවිධ දේශපාලන වුවමනාවන් මත රාජ්‍ය අංශය පිරෙව්වා. මේ නිසා අවුරුදු 4ක උපාධි පාඨමාලා හදෑරූ අය සංවර්ධන නිලධාරීන් වශයෙන් පත්කර සිටිනවා. හදාරා තිබෙන උපාධි පිළිබඳව කිසිදු සැලකිල්ලක් නැතිව අපේ තරුණ පරම්පරාව මංමුලාකර තිබෙනවා. විශේෂයෙන්ම පොලීසියටත් මෙවැනි බරපතළ විෂමතාවයන් පවතිනවා. පොලිස් සේවයට බඳවා ගන්නා කොස්තාපල් තනතුරේ අවුරුදු තිස් ගාණක් ඉඳලා විශ්‍රාම යන්න සිදුවී තිබෙනවා. මේ වගේ විවිධ උදාහරණ මගින් පැහැදිලි වී තිබෙන්නේ රාජ්‍ය සේවයේ විශාල අතෘප්තිකර තත්වයක් තිබෙන බවයි. රාජ්‍ය සේවය බිඳවැටීමට ප්‍රධාන හේතුවක් බවට ප්‍රවාහන පද්ධතියේ තිබෙන ගැටලු බලපා තිබෙනවා. නිසි ප්‍රවාහන පහසුකම් නැතිව තෘප්තිමත් රාජ්‍ය සෙවයක් ලබාගන්න බැහැ. ඒ වගේම 1970ට කලින් තිබුණු රාජ්‍ය සේවා කොමිෂන් සභාව අහෝසි කිරීමත් එක්ක අද රාජ්‍ය සේවය පිළිබඳව ඒ නිලධාරීන් තුළ පවා විශාල අතෘප්තියක් ගොඩනැගී තිබෙනවා. මේ නිසාම ප්‍රතිලාභ ලබාගන්නා පුරවැසියා තෘප්තිමත් නැහැ. 
 
හමුදා නිලධාරීන් බාල්දුම වෙලා !
 

රජයේ වැදගත් ස්ථානවලට හිටපු හමුදා නිලධාරීන් පත්කර උපායමාර්ගයක් ආණ්ඩුව අනුගමනය කරනවා. යම්කිසි ජනතාවගෙන් පිරිසකුත් මේ උපාය මාර්ගය අනුගමනය කිරීමෙන් රාජ්‍ය සේවය ගොඩනැගි හැකි බවට කල්පනා කරනවා. අපේ හිටපු හමුදාපති දයා රත්නායක වරාය අධිකාරියේ සභාපති බවට පත්කළා. නමුත් ඔහු යටතේ නැගෙනහිර ජැටියේ දොඹකර ටික ගොඩබා ගන්න බැරි වුණා. මීට කලින් වී මිලදී ගැනීමේ ක්‍රියාවලිය දිසාපතිවරයාට කේන්ද්‍රගතව තිබුණා. ඒකටත් හමුදාව යෙදවූවා. පාරිභෝගික අධිකාරියටත් හමුදා නිලධාරියෙක් පත්කළා. එතුමා වී මෝල් නිරීක්‍ෂණය කරන්න ගියා. නිරීක්‍ෂණය කරන්න යනකොට රු. 90ට තිබුණු හාල් කිලෝ එක නිරීක්‍ෂණයෙන් පස්සේ රු. 98ක් වුණා. මම මේ කියන්නේ හමුදා නිලධාරීන් යුද්ධය අවසන් කිරීමේදී විශාල කැපකිරීමක් දැක්වූවත්, විශේෂ අවස්ථාවන්හිදී කාර්යසාධක බලකා වශයෙන් විශාල කැපකිරීමක් කළ කණ්ඩායමක්. ඔවුන් තැන් තැන්වල ඉහළ නිලයන්ට පත්කර හමුදාවට තිබුණු ගරුත්වයත් නැති කිරීමට ආණ්ඩුව ක්‍රියාකර තිබෙනවා. මේ නිසා දැන් ජනතාව “ඩඞ්ලිගේ හාල්වල ගාන කීයද, බි්‍රගේඩියර්ගේ හාල්වල ගාන කීයද” කියල අහන තත්වයට පත්වෙලා. ජනාධිපතිවරයා රජයේ ප්‍රධාන තැන්වලට කඩා පැනීමත් ඒ වගේම හමුදා නිලධාරීන් ප්‍රධාන තැන්වල ඉහළ පුටුවලට පත් කිරීමත් අසාර්ථක වී ඇති බව තහවුරු වෙලා. 


ඒ නිසා අපේ රටේ රාජ්‍ය සේවය ඉතාමත් ශක්තිමත් තැනකට පත්කිරීමේ ප්‍රතිපත්තිමය දැක්මක් අපිට තිබෙනවා. නිවැරදි ආකාරයට රාජකාරි පැවරීම්, උසස්වීම් ලබාදීම්, සේවාවට සරිලන වේතනයන් ලබාදීම් අපේ ප්‍රතිපත්තියේ ඇතුළත් වෙනවා. තෘප්තිමත් රාජ්‍ය සේවකයෙක් තුළින් ජනතාවට තෘප්තිමත් සේවාවක් ලබාගත හැකි ස්ථාන බවට රාජ්‍ය සේවය පත් කරනවා. අපි මාලිමාවෙන් ඉදිරිපත් කර තිබෙන මැතිවරණ අපේක්‍ෂකයන් වටා ඒකරාශී වී ශක්තිමත් මහජන නියෝජනයක් පාර්ලිමේන්තුව තුළ ලබාදෙන්න කියලා සියලු දෙනාගෙන්ම ඉල්ලා සිටිනවා. 
 
7B0A6338
 
ආණ්ඩුවේ මැතිවරණ ක්‍රියාවලිය නිසා ජනතාව රෝගය පිළිබඳව සැහැල්ලු තත්වයකට පත්වුණා - ජාතික ජන බලවේගයේ කළුතර දිස්ත්‍රික් අපේක්‍ෂක, විශේෂඥ වෛද්‍ය නිහාල් අබේසිංහ

 අපේ රට තුළට කොරා්නා වෛරසය ව්‍යාප්ත වන විට ලෝකයේ වෙනත් රටවල අත්දැකීම් අපිට තිබුණා. රෝගය පැතිරෙන ආකාරය, අවදානම් කණ්ඩායම්, රෝගය වළක්වා ගැනීමේ ක්‍රියාමාර්ග වගේ මූලික කරුණු බොහොමයක් ගැන අවබෝධක් අපිට තිබුණා. නමුත් සෞඛ්‍ය අංශ සහ අනෙකුත් සහායක අංශවල පූර්ණ ක්‍රියාකාරිත්වයට අදාළ පසුබිම ආණ්ඩුව සකස් කර දුන්නේ නැහැ. තීරණ ගැනීමේ බරපතළ ගැටලු තිබුණා. වසංගත රෝග වැළැක්වීම පිළිබඳව අවුරුදු 60 අත්දැකීම් අපේ රටේ තිබෙනවා. නමුත් ඒ අත්දැකීම් මෙහිදී ලබාගත්තේ නැහැ. මේ වගේ තීරණ ගැනීමේදී දේශපාලන අරමුණු මත ආණ්ඩුව ක්‍රියා කිරීමෙන් මුලදී ලබාගත් ජයග්‍රහණ පවා අහෝසි වී යන තත්වයක් දැන් උද්ගත වී තිබෙනවා. හමුදා අංශ වසංගතය පාලනය කිරීමට යොදා ගැනීම ගැටලුවක් නැහැ. නමුත් තීරණ ගැනීම නිශ්චිත වෙලාවේදී කළේ නැහැ. ගුවන්තොටුපොළ සහ වරාය වසා දැමීම මුලදී කළේ නැහැ. රටට ඇතුල්වන පිරිස මේ රෝග පරීක්‍ෂණයට යොදා ගැනීමේ වැඩපිළිවෙළක් තිබුණේ නැහැ. ජනවාරි 30වැනිදා ලෝක සෞඛ්‍ය සංවිධානය මෙය ගෝලීය වසංගතයක් බව ප්‍රකාශයට පත්කළා. නමුත් මාර්තු අන්තිම වෙනතුරු ආණ්ඩුව ඒ පිළිබඳව උනන්දුවක් දැක්වූයේ නැහැ. මේ නිසා මුල් රෝගීන් සිය දෙනාගෙන් හැටක් විතර විදෙශයන්ගේ සිට පැමිණි අය වී තිබුණා. 

රෝග නිරෝධායන කටයුතු නිසි පරිදි සිදු වුණෙත් නැහැ. විශේෂයෙන්ම විදේශයන්ගේ සිට පැමිණෙන අයත්, නාවික හමුදාවේ අයත් කණ්ඩායම් වශයෙන් නිරෝධායනය කිරීමේදී පළමු දින 14 ඇතුළත රෝගී තත්වයන් ඇති වුවහොත් ඒ කණ්ඩායමම තවත් දවස් 14ක් තියා ගත්තා. ඔන්න ඔය විදිහටයි අපේ රටේ නිරෝධායන සැලැස්ම ක්‍රියාත්මක වුණේ. සමහර නාවික නිලධාරීන් මේ තත්වය යටතේ මාස දෙකක් යන තුරු නිරෝධායන කඳවුරුවල රඳවාගෙන ඉඳලා. දැන් මැතිවරණය කිට්ටු වෙලා තියෙද්දී මේ ආණ්ඩුව මුල් කාලයේ දැක්වූ සැහැල්ලු ගතියම පවත්වා ගෙන යන්න උත්සාහ කළා. මාස දෙකක් තුළ මේ රටේ ජනතාව ඉතාමත්ම විනයගරුකව රෝගය පැතිරීම වළක්වන්න කළ කැපකිරීම් මේ වනවිට අවදානමට ලක්කර තිබෙනවා. ඒ කාලය තුළත් රු. 5,000 දීමනාව ලබාගන්න ජනතාව දින ගණනාවක් ඒ කාර්යාල අසල රැඳී සිටියා. නමුත් සමාජයෙන් රෝගීන් වාර්තා නොවීම නිසා රෝගය පැතිරුණේ නැහැ. නමුත් මාස දෙකකට පස්සේ ආණ්ඩුවේ මැතිවරණ ක්‍රියාවලිය නිසා ජනතාවත් සැහැල්ලු තත්වයට පත්වුණා. ජාතික ජන බලවේගයේ අපි සෞඛ්‍ය නිර්ණායකවලට අදාළව මැතිවරණ නීතිවලට අනුගත වෙලා අපේ ක්‍රියාමාර්ග දියත් කළා. නමුත් ආණ්ඩු පක්‍ෂය සහ ඇතැම් කණ්ඩායම් ඊට අනුගත නොවුණා පමණක් නොවේ, රූපවාහිනියෙන් දිගින් දිගටම ප්‍රදර්ශනය කළේ අනුගත වීමක් අවශ්‍ය  නොවන බව හැඟවෙන තත්වයක්. ඒ නිසා මේ වනවිට කන්දකාඩු මූලික කරගෙන කොවිඞ් ව්‍යාප්ත වෙන්න පටන්ගෙන තිබෙනවා. අපි ජනතාවගෙන් ඉල්ලා සිටින්නේ රෝගය වැළැක්වීමේ ක්‍රියාමාර්ගවලට අනුගත වී දිගටම ක්‍රියා කරන්න කියලයි. ජනතාවට මේ රෝගය වළක්වා ගන්න අවශ්‍ය වුණාට ආණ්ඩු පක්‍ෂයට ඒ වුවමනාව නොවීම පිළිබඳව අපි කණගාටු වෙනවා. කොවිඞ් වසංගතයෙන් වැළකී මේ තියෙන පාලන ක්‍රමය වෙනස් කර සමාජ පරිවර්තනයක් කර ගන්න ජාතික ජන බලවේගය සමග එක්වෙන්න කියලා ආයාචනය කරනවා.

මේ ආණ්ඩුවෙන් ජාවාරම්කාරයින්ට මිස ජනතාවට ප්‍රමුඛත්වයක් නැහැ - ලංකා කම්කරු සම්මේලනයේ මහින්ද රත්නායක

1977 ජේ.ආර්. ජයවර්ධනගෙන් පටන් ගත්ත නව ලිබරල් ආර්ථිකයත් එක්ක පෞද්ගලික අංශය දිරිමත් කර රාජ්‍ය අංශය දුර්වල කරන්න අධිකාරීවාදී පාලනයක් ඉතාමත් අත්‍යවශ්‍යයි. ලංකාවේ කම්කරු පංතිය අතීතයේදී දිනාගත් අයිතිවාසිකම් ක්‍රමානුකූලව එකින් එක කප්පාදු කරලා. අද පෙන්ෂන් එකත් නැහැ. රාජ්‍ය සේවයට බැඳෙන්නේ විශාල පඩියක් ගන්න නොවෙයි. සමාජ ආරක්‍ෂණය ඇතුළු අනෙකුත් පහසුකම් ගන්න බලාගෙනයි. නමුත් මේ වෙනකොට ඒ රාජ්‍ය සේවි ඉතාමත් කණගාටුදායක මට්ටමෙන් බිඳවට්ටා පෞද්ගලික අංශයට සියලුම සේවාවන් ලබාදෙන්න ක්‍රියා කිරීමයි. නව ලිබරල් ආර්ථික ප්‍රතිපත්තිය මුලින්ම ක්‍රියාත්මක කරපු චිලියේ සිදු කළෙත් මේ දේමයි. ඇමරිකාවේ ඒජන්තයන් හමුදා නායකයෙක් බලයට පත් කරලා ඒ තුළින් මෙය ක්‍රියාත්මක කරන්න පටන් ගත්තා. ඔහු පත්කළ විගසම සියලුම මාධ්‍ය ආයතනවලට හමුදා ජනරාල්වරු පත්කළා. ඉන් පසු රාජ්‍ය සේවකයන් 350,000ක් දේශපාලන හේතුන් උඩ එළියට දැම්මා. ඊට පස්සේ රාජ්‍ය සේවය තුළට ඔත්තු සේවාවන් දැම්මා. වෘත්තීය සමිති නායකයෝ, ප්‍රජාතන්ත්‍රවාදී නිදහස වෙනුවෙන් වැඩකරන කම්කරු පංතිය 20,000ක් විතර මරා දැම්මා. 60,000ක් විතර හිර ගෙවල්වලට දාලා සියලු වෘත්තීය සමිති තහනම් කළා. වැඩ කරන ජනතාවගේ කලාකරුවෙකු වූ වික්ටර් හාරා ඝාතනය කළා. චිලියේ නව ලිබරල් ආර්ථික ප්‍රතිපත්ති ක්‍රියාත්මක කළේ මේ ආකාරයට. 

ඊට  පස්සේ එංගලන්තයේ මාග්‍රට් තැචර් මෙය ක්‍රියාකාරිත්වයට ගත්තා. ගල් අඟුරු කම්කරුවන් ඇතුළු වැඩ කරන ජනතාව ඊට එරෙහිව නැගිට්ටා. ඔවුන් සියලු දෙනාම එළියට දැම්මා. මේ විදිහටම ඇමරිකාවේ රේගන් යටතේ මේ ප්‍රතිපත්තිය ක්‍රියාත්මක කළා. ඊට විරුද්ධව ගුවන් සේවකයන් නැගී හිටියා. ඒ අරගලයත් බිමටම සමතලා කර දැම්මා. ඉන් පසුව ලංකාවේ ක්‍රියාත්මක කරන්න පටන් ගත්තා. 1980 ජූලි වර්ජනයේදී ජේ.ආර්. ජයවර්ධන ලංකවේ වෘත්තීය සමිති ව්‍යාපාරය සමතලා කර දැම්මා. 80,000ක් දෙනා එළියට ඇදලා දාලා විධායක ජනාධිපති ධුරයේ අධිකාරිවාදී පාලනය ආරම්භ කළා. ඒ විධායක ජනාධිපතිධුරයේ අවසාන අදියර තමයි දැන් මේ ඇවිත් තියෙන්නේ. අද සියලුම දේවල් අර්ධ හමුදාකරණයකට ලක් වෙමින් තිබෙනවා. කොවිඞ් වසංගතය මර්දනය කිරීම පවා හමුදාව ප්‍රමුඛ කරගෙන කාර්යසාධක බලකාය හැදුවා. නමුත් මෙහි ප්‍රමුඛ කරගත යුත්තේ සෞඛ්‍ය කාර්යාංශයි. සෞඛ්‍ය සේවය, විශේෂඥ වෛද්‍යවරුන් මූලික කරගත්ත අතුරු සේවා සැපයීම හමුදාවේ කාර්යභාරයයි. නමුත් එය නොකර ජනතාව බියගැන්වීමේ වැඩපිළිවෙළ ඉදිරියට ගෙන දැන් එය අසාර්ථක වී ඇති බව පැහැදිලි වී තිබෙනවා. මේ තත්වයන්  අවසන් කරන්න ජාතික ජන බලවේගයට ඡන්දය පාවිච්චි කර වැඩ කරන ජනතාවගේ ජයග්‍රහණ තහවුරු කරන ලෙස ඉල්ලනවා. අගෝස්තු 05වැනිදාට පස්සේ ප්‍රජාතන්ත්‍රවාදී නිදහස රැක ගැනීමට මේ ඡන්දය තීරණාත්මකයි. දූෂිත දේශපාලඥයන් සහ මූල්‍ය ජාවාරම්කාරයන් මූලික කර ගන්නවා මිස ජනතාවට ප්‍රමුඛත්වයක් මේ ආණ්ඩුවෙන් ලැබෙන්නේ නැහැ. 

මාධ්‍යවේදීන් නැගූ ප්‍රශ්නවලට පිළිතුරු දෙමින්..!

ක්‍රිකට් පාවාදීමක් යැයි චෝදනාවක් එල්ල කරමින් මහින්දානන්ද ඇමතිවරයා බරපතළ ප්‍රහාරයක් එල්ල කළා. ක්‍රීඩා පනත අනුව වැරදිකරුවෙකු වන ප්‍රකාශ කර නිකුත් කර තිබෙනවා. ඊට අදාළව පරීක්‍ෂණය පවත්වා පාවාදීමක් නැති බව ප්‍රකාශ කළා. මේ නිසා කීඩා පනත අනුව වැරදිකරුවෙක් වී දඩ මුදලක් සහ බන්ධනාගාරගත තිරීමක් යන දඬුවම් දෙකම පැමිණවිය හැකියි. සමාජවාදී තරුණ සංගමය මේ පිළිබඳව පැමිණිලි ඉදිර්ිපත් කර තිබෙනවා. ඒ සම්බන්ධයෙන් විධිමත් ක්‍රියාමාර්ග ගන්නා බව තාමත් අපිට දැනෙන්නේ නැහැ. ඒ නිසා මේ සතියේ නැවත පොලිස්පතිවරයා මුණගැසී මේ පිළිබඳව විමසීමට බලාපොරොත්තු වෙනවා.
 
Comment (0) Hits: 335

එජාප විරුද්ධ කිසිඳු පාර්ශවයක් සමඟ සන්ධානත් නෑ : ආණ්ඩුත් නෑ - පක්ෂ නායකගෙන් සහතිකයක් !

එක්සත් ජාතික පක්ෂයට විරුද්ධ කිසිඳු පාර්ශවයකට ආණ්ඩුවක් හැදීමට කිසිඳු අවශ්‍යතාවක් නැති බවත් එවැන්නකට උදව් ද නොකරන බවත් හිටපු අග්‍රාමාත්‍ය , එක්සත් ජාතික පක්ෂයේ නායක රනිල් වික්‍රමසිංහ පවසයි.

ඒ ඊයේ (13) රත්මලාන ප්‍රදේශයේ පැවති ජනහමුවක අදහස් දක්වමින්ය.

ලංකා ඉතිහාසයේ සෑම අවස්ථාවකම එක්සත් ජාතික පක්ෂ විරෝධී පිරිස අවසන් මොහොතේ එකතුවූ බවත්, ශ්‍රී ලංකා පොදු ජන පෙරමුණද එවැනි පක්ෂයක් බවත් එහිදී හිටපු අග්‍රාමාත්‍යවරයා පෙන්වා දුන්නේය.

එම නිසා එක්සත් ජාතික පක්ෂයට විරුද්ධ පිරිස් සමග කිසිදු විටකදි සංධාන ගත නොවන බව අවධාරණය කල ඔහු අපහාස කිරීමෙන් ජන්ද නොලැබෙන බවත් එසේ ලැබෙනවා නම් තමන් උදේ සිට බැන බැන යන බවත් සඳහන් කර සිටියේය.

හිටපු අග්‍රාමාත්‍යවරයා මේ ආකාරයේ අදහස් දැක්වීමක් සිදුකර ප්‍රතිචාර දක්වා සිටියේ එජාප විරෝධී කොටස් ගෙන යන ජන්දයෙන් පසුව "පොහොට්ටු -එජාප " සන්ධාන කතාවටය.

 

Comment (0) Hits: 248

පාස්කු ප්‍රහාරය ගැන : බරපතළ අනාවරණයක් : සිනමන් බෝම්බකරු සහ ශ්‍රී ලංකා ටෙලිකොම් අතර ගනුදෙනු සොයන්නැයි ඉල්ලීමක්!

පාස්කු ඉරිදා ප්‍රහාරයේදී  සිනමන් ග්‍රෑන්ඩ් හෝටලයට  මරාගෙන මැරෙන ප්‍රහාරයක් එල්ල කළ ඉන්සාෆ් අහමඩ්ට අයිති කොලොසස් (පුද්ගලික) වෙත ජනාධිපති කාර්යාලයේ හා ආරක්ෂක අමාත්‍යංශයේ නිලධාරීන් ගෙන් මෙන්ම ශ්‍රී ලංකා ටෙලිකොම් සමාගම ඇතුළු රජයේ ආයතන කිහිපයක විශේෂ අනුග්‍රහයක් ලැබී ඇද්දැයි බරපතල සැකයක් මතුව ඇත.

ඒ අනුව සෘජුවම එවකට ජනාධිපති වූ  මෛත්‍රීපාල සිරිසේන හිරවෙන තත්ත්වයක් පෙන්නුම් කරයි.

මීට පදනම් වන්නේ බස්නාහිර පළාත් සභාවේ හිටපු මන්ත්‍රීවරයෙක් වන සමස්ත ලංකා මක්කල් කොන්ග්‍රස් පක්ෂයේ කොළඹ දිස්ත්‍රික් සංවිධායක, එම්.ජේ.එම්. ෆායිස් විසින් අපරාධ පරීක්ෂණ දෙපාර්තමේන්තුවේ, නියෝජ්‍ය පොලිස්පති, නුවන් වෙදසිංහ වෙත යොමුකළ ලිපියකි.

එහි ඇමුණුම් සාක්ෂි සහිතව පෙන්වාදී ඇත්තේ , කොලොසස් (පුද්ගලික) සමාගමට වැඩි වැදගත්කමක් ලබා දී ඇති ශ්‍රී ලංකා ටෙලිකොම් ඇතුළු රජයේ ආයතන සහ ඉන්සාෆ් අහමඩ් අතර සෘජු හෝ වක්‍ර සම්බන්ධතා තිබුනේ ද යන්නත් එම අරමුදල් ත්‍රස්තවාදය සඳහා යොදා ගත්තේද යන්නත් විමර්ශනය කරන ලෙසයි.

2011 අප්‍රේල් 21 වන දින සිදුවූ පාස්කු ඉරිදා ප්‍රහාරය සම්බන්ධයෙන් අපරාධ පරීක්ෂණ දෙපාර්තමේන්තුව (CID) විසින් සිදු කරන ලද විමර්ශනවල ඇතැම් කරුණු සම්බන්ධයෙන් මතුවී ඇති බරපතල ගැටළු ඉස්මතු කරමින්  එම්.ජේ.එම් ෆායිස් විසින් නියෝජ්‍ය පොලිස්පති වෙත යොමුකර ඇති ලිපිය මගින් ,  ''මුල් අවධියේදී අදාල විමර්ශන කටයුතු සාධාරණ ලෙසට සිදු කළ නමුත් වර්තමානයේදී එම පරීක්ෂණ කටයුතු දේශපාලනීකරණය වී ඇති බව පෙනෙන්නට තිබෙන බවට'' සැක මතුකර තිබේ.

එම ලිපියේ මෙසේද සඳහන් වේ.

''සිනමන් ග්‍රෑන්ඩ් හෝටලයේ මරාගෙන මැරෙන බෝම්බකරුවන්ගෙන් එක් අයෙකු වූ ඉන්සාෆ් අහමඩ් නමැති පුද්ගලයාට අයත් කොලොසස් (පුද්ගලික) සමාගමට අදාළව මේ වන විට අපරාධ පරික්ෂ දෙපාර්තමේන්තුව විසින් පරීක්ෂණ පැවැත්වෙමින් තිබේ.

ඒ අනුව, 2017.10.27 වන දින ජනාධිපති මෛත්‍රීපාල සිරිසේන මහතාගේ සම්බන්ධීකරණ ලේකම් ඒ.එන්.ආර් අමරතුංග මහතා විසින්, කොලොසස් (පුද්ගලික) සමාගම විසින් ඒවා තිබු  ලිපියක් ද සහිතව ආරක්ෂක අමාත්‍යාංශයේ ලේකම් වෙත ලිපියක් යොමු කරමින් හිස් පිත්තල පතොරම් කොපු තොගයක් ලබා දීමට කටයුතු කරන ලෙසට දැනුම් දී ඇත.

WhatsApp Image 2020 07 13 at 7.59.19 PM

 (ඇමුණුම I) 

හිස් තඹ පතරොම් කිලෝ 1000ක් !

ඉන්පසුව මෙම ලිපියට අමතරව, ආරක්ෂක අමාත්‍යාංශයේ අතිරේක ලේකම් (ආරක්ෂක) විසින් 2018.02.05 වැනි දින කොලෝසස් සමාගමේ කළමනාකරු වෙත ලිපියක් යොමු කරමින් පවසා ඇත්තේ, උක්ත කරුණ සම්බන්ධයෙන් තමන්ගේ අවශ්‍යතාවය මත හිස් තඹ පතරොම් කිලෝ 1000ක් කාර්මික සංවර්ධන මණ්ඩලයෙන් ලබා ගන්නා ලෙසයි. 

WhatsApp Image 2020 07 13 at 7.59.18 PM

 (ඇමුණුම II) 

එපමණක්ද නොව, 2018.06.06 වන දින හිටපු ජනාධිපති මෛත්‍රීපාල සිරිසේන මහතාගේ මහජන සම්බන්ධතා අධ්‍යක්ෂ ජනරාල් ශාන්ත බණ්ඩාර මහතා විසින් කාර්මික සංවර්ධන මණ්ඩලයේ සභාපතිවරයාට ලිපියක් යවමින් ඉල්ලා ඇත්තේ, කොලොසස් (පුද්) සමාගම ඉල්ලුම් කර ඇති අබලි තඹ මෙට්‍රික් ටොන් 500 ක් ලබාදීමට අවශ්‍ය කටයුතු කර දෙන ලෙසයි. 

එසේම එම ලිපියේ සදහන් කර තිබුනේ කොලොසස් (පුද්ගලික) සමාගම විසින් කරගෙන යනු ලබන කර්මාන්ත වැඩිදියුණු කිරීම සදහා අතිගරු ජනාධිපතිතුමන් වෙතින් සහාය දෙන ලෙස ඉල්ලීමක්ද කර ඇත.

WhatsApp Image 2020 07 13 at 7.59.18 PM

   (ඇමුණුම III) 

මෙට්‍රික් ටොන් 1000ක පමණ භූගත රැහැන් තොගයක්:

තවද ශ්‍රී ලංකා ටෙලිකොම් සමාගම විසින් යැන්කි කන්ස්ට්‍රක්ෂන් සමාගම (Yanky Constructions Company) වෙත නිකුත් කරන ලද මෙට්‍රික් ටොන් 1000ක පමණ භූගත රැහැන් තොගයක්  කොලොසස් (පුද්ගලික) සමාගම වෙත ලබා දී ඇත. 

මේ සම්බන්ධයෙන් හුවමාරු වූ ලිපි කිහිපයක් අමුණා ඇත.

Doc 2020.07.13

(ඇමුණුම IV)

එමෙන්ම මෙම ව්‍යාපෘති හරහා උපයාගත් අරමුදල් ත්‍රස්තවාදී ක්‍රියාකාරකම් සඳහා යොදා ගෙන තිබේද යන්න සැක සහිතය.

එබැවින්, මේ සිදුවීමට අදාළ සියලු ආයතන පිළිබඳව ගැඹුරින් විමර්ශනය කිරීමට මෙන්ම එම පරීක්ෂණ කටයුතු අපක්ෂපාතී ලෙස ක්‍රියාත්මක කිරීමට හැකි නම් එය බෙහෙවින් අගය කරනු ඇත. 

එසේම කොලොසස් (පුද්ගලික) සමාගමට වැඩි වැදගත්කමක් ලබා දී ඇති මෙම ආයතන සහ ඉන්සාෆ් අහමඩ් අතර සෘජු හෝ වක්‍ර සම්බන්ධතා තිබේද යන්නත් එම අරමුදල් ත්‍රස්තවාදය සඳහා යොදා ගත්තේද යන්නත් විමර්ශනය කරන ලෙස ඉල්ලා සිටිමි. තවද මෙම විමර්ශන ක්‍රියාවලිය වේගවත්  කරන ලෙසත් ඉල්ලා සිටිමි.

මේ කාරණය සම්බන්ධයෙන් ඔබ දක්වන කාරුණික සැලකිල්ල සහ මැදිහත්වීම පිළිබඳව මා බෙහෙවින් කෘතඥ වෙමි.

එම්.ජේ.එම්. ෆායිස් 
හිටපු පළාත් සභා මන්ත්‍රී 
බස්නාහිර පළාත් සභාව

Latter new 2020.07.13

 

Comment (0) Hits: 367

කොරෝනා ආසාදිතයින් 2,646 දක්වා ඉහළට

අද දිනය (13) වන විට මෙරටින් වාර්තා වන සමස්ත කොරෝනා ආසාදිතයින් ගණන 2,646 දක්වා ඉහළ ගොස් තිබේ.

අද දින මේ වනවිට වාර්තා වන කොරෝනා ආසාදිත රෝගීන් ගණන 29 ක් බව රජයේ ප්‍රවෘත්ති දෙපාර්තමේන්තුව පවසයි.

එම කොරෝනා ආසාදිතයින් වාර්තා වී ඇත්තේ මෙසේය.

මාලදිවයිනේ සිට පැමිණි 2යි – නිරෝධායනට ලක් වෙමින් සිටින

රාජාංගන ප්‍රදේශයේ පදිංචි 2ක් – කළින් හඳුනාගත් ආසාදිතයකුගේ ආශ්‍රිතයන්

සේනපුර පුනරුත්ථාපන මධ්‍යස්ථානයේ රැඳවියන් 11 ක්

කන්දකාඩු පුනරුත්ථාපන මධ්‍යස්ථානය තුළම රැඳවියන්ගේ ආශ්‍රිතයන් 14 කි.

Comment (0) Hits: 229

තවත් කොරෝනා ප්‍රතිඵලයක් : රාජාංගනයේ තැපැල් ජන්දය කල් යයි : බස් රථ තුළ බිස්නස් තහනම් !

අනුරාධපුර රාජාංගනය ප්‍රාදේශීය ලේකම් කොට්ඨාසයේ තැපැල් ඡන්ද සලකුණු කිරීම අද (13) සිදු නොවීය.

ඒ සම්බන්ධව අනුරාධපුර දිස්ත්‍රික් ලේකම්වරයා ඊයේ (12) දැනුම්දීමක් සිදුකර ඇති බවත් වාර්තා වෙයි.

එහිදී වැඩිදුරටත් වාර්තා වන්නේ පවතින කොවිඩ් වසංගත තත්ත්වය හේතුවෙන් මෙම තීරණය ගත් බවත්, ඡන්ද විමසුම සඳහා වෙනත් දිනයක් මැතිවරණ කොමිසම මගින් ඉදිරියේ දී දැනුම් දෙනු ඇති බව දිස්ත්‍රික් ලේකම්වරයා සඳහන් කර ඇති බවය.

රාජාංගනයේ සංචාරය තහනම්  !

 එසේම කොවිඩ්  ආසාදිත රෝගීන් කිහිපදෙනෙක් හමු වූ රාජාංගනය යාය 1, 3 සහ 5 යන කලාපවල සංචරණය සම්පූර්ණයෙන්ම අඩාල කර  ඇති බව සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ අද (13) පැවසීය.

එම තීරණය ගනු ලැබුවේ එම පිරිස්වල ආරක්ෂාවට බව ද ඔහු පැවසීය.

රාජාංගනය ප්‍රදේශයේ පැවති මළ ගෙදර සහ බණ සංවිධානය කළ අවස්ථාවේදී සෞඛ්‍යාරක්ෂිත ක්‍රමවේද භාවිත කළේ නම් මෙවැන්නක් සිදු නොවීමට ඉඩ තිබුණු බවද සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ පෙන්වා දුනි.  

වැලිකඩ බන්ධනාගාරයෙන් හඳුනාගත් ආසාදිතයා මගින් ඇති වූ කන්දකාඩු පොකුර පාලනයට අවශ්‍ය පියවර මේ වනවිට ගෙන ඇති බවද ඔහු කීය.

"රෝගීන් හඳුනාගැනීම, ස්පර්ශකයින් හඳුනාගැනීම සහ ඔවුන් නිරෝධායනය කිරීම සාර්ථකව සිදුවෙලා තිබෙනවා."

බස් රථ තුළ ජංගම වෙළඳාම් තහනම් !

තවද   කොරෝනා හෙවත් කොවිඩ්-19 කන්දකාඩු පොකුර වර්ධනය වීම හේතුවෙන් රට පුරා යළි කොරෝනා වෛරසය පැතිරයාමේ අවදානම නිසා බස්රථ තුළ ජංගම වෙළඳාම තහනම් කිරීමට ප්‍රවාහන අමාත්‍යාංශය නියෝග කර තිබේ.

බස්රථ තුළ වෙළඳාමේ නිරතවන ඇතැම් ජංගම වෙළෙඳුන් සෞඛ්‍යාරක්ෂිත ක්‍රම අනුගමනය ⁣නොකරණ බවට අනාවරණය වීම හේතුවෙන් මෙලෙස නියොග කළ බව එම අමාත්‍යාංශය සඳහන් කරයි.

ඒ අනුව සියලුම ලංගම සහ පුද්ගලික බස්රථවල වෙළඳාම් කිරීම තහනම් කර ඇත.

Comment (0) Hits: 245

මැතිවරණ මාර්ගෝපදේශ ගැසට් නොකරන්නේ කැම්පේන්වලට බාධාවක් නිසාදැයි සැකයක් !

2020 පාර්ලිමේන්තු මැතිවරණය පැවැත්වීමට අදාළ සෞඛ්‍ය මාර්ගෝපදේශ ගැසට් නිවේදනයක් මගින් රෙගුලාසි ලෙස කඩිනමින් බලාත්මක කිරීමේ නීතිමය අවශ්‍යතාව මැතිවරණ කොමිෂන් සභාවේ සභාපති මහින්ද දේශප්‍රිය සඳුදා (ජූලි 13) යළි අවධාරණය කළේය.

බිබීසී සිංහල සේවය කළ විමසීමක දී ඔහු සඳහන් කළේ මැතිවරණ පැවැත්වීම මෙන්ම ජනතාවගේ ජීවිත රැකගැනීම ද කළ යුතු බවය.

මැතිවරණ කොමිෂන් සභාවේ සභාපතිවරයා විසින් සෞඛ්‍ය මාර්ගෝපදේශ මාලාව ගැසට් නොකිරීම ගැන විස්තර කරන අයුරු.

මැතිවරණ කොමිෂන් සභාවේ සභාපතිවරයා විසින් සෞඛ්‍ය මාර්ගෝපදේශ මාලාව ගැසට් නොකිරීම ගැන විස්තර කරන අයුරු.

''අපි ජනාධිපතිතුමා එක්ක සාකච්ඡාවක් තිබුණා ජුනි 17 වැනිදා. එතනට සෞඛ්‍ය සේවා අධ්‍යක්ෂ ජනරාල්, සෞඛ්‍ය ලේකම් ඔක්කොම ඇවිල්ලා හිටියා. එතනදී එකඟ වුණා මේක ගැසට් කරවන්න. පසුව අපි නීතිපති හමුවුණා. සෞඛ්‍ය ඇමතිනියත් හමුවුණා. සේරම කියන්නේ ගැසට් කරනවා කියලා. අපි මුහුණ දෙන බරපතලම ගැටලුව තමයි සෞඛ්‍ය මාර්ගෝපදේශ මේ දක්වා නිසි ලෙස බලාත්මක නොවී තිබීම.'' යනුවෙන් මැතිවරණ කොමිෂන් සභාවේ සභාපතිවරයා කියා සිටියේය.

අදාළ ගැසට් නිවේදනය නිකුත් කිරීමේ වගකීම සෞඛ්‍ය ඇමතිවරියට පැවරෙන බව පැෆ්රල් [PAFFREL] හෙවත් නිදහස් හා සාධාරණ මැතිවරණයන් සඳහා ජනතා ක්‍රියාකාරිත්වය සංවිධානයේ විධායක අධ්‍යක්ෂ රෝහණ හෙට්ටිආරච්චි බීබීසී සිංහල සේවයට පැවසුවේය.

ඔහු පෙන්වා දෙන්නේ අදාළ රෙගුලාසි ගැසට් නොකිරීම තුළ, ජනතාව එම උපදෙස් නොසළකා ක්‍රියා කළහොත් තමන්ට පැවරුණු දෙයක් නොකර සිටීමේ වරදට සෞඛ්‍ය ඇමතිවරිය වගකිව යුතු බවය.

''ජනාධිපති, නීතිපති, සෞඛ්‍ය අධ්‍යක්ෂ ජනරාල් මේ හැමෝම කියල තියෙද්දිත් සෞඛ්‍ය ඇමැතිනියට තියෙන බාධාව මොකක්ද කියලා අපිට හිතාගන්න බෑ. ඡන්දෙට කැම්පේන් කරන්න තියෙන බාධා නිසා මේක නොකරනවද කියන සාධාරණ සැකය තියෙනවා. මේ වෙලාවේ කොරෝනා නැවත වරක් මතුවෙන ලක්ෂණ පේන්න තියෙන නිසා මේක වහා කළ යුතුයි.'' යනුවෙන් රෝහණ හෙට්ටිආරච්චි වැඩිදුරත් සඳහන් කළේ නීතියක් නොවුණද නිරෝධායන ක්‍රම අනුගමනය කිරීම සියලු පුරවැසියන්ගේ වගකීම බව ද පෙන්වා දෙමිනි.

සෞඛ්‍ය සේවා අධ්‍යක්ෂ ජනරාල්ගේ අදහස

මේ සම්බන්ධයෙන් අදහස් විමසීමට සෞඛ්‍ය අමාත්‍යවරිය සහ සෞඛ්‍ය ලේකම්වරයා සම්බන්ධ කර ගැනීමට අප කිහිප වරක් උත්සාහ කළ ද එය සාර්ථක නොවීය. කෙසේ වෙතත් සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ ජූලි 13 වැනිදා ''දෙරණ අරුණ'' වැඩසටහනේදී පළකළේ මෙවන් අදහසකි.

''මැතිවරණය පිළිබඳ මාර්ගෝපදේශ සකස් කරල දැන් බොහෝ කල්. ඒ වගේම තමයි සමස්ත සමාජයේ ක්‍රියාවලින්, වෘත්තීය ක්‍රියාවලීන් සම්බන්ධයෙන් මේ තියෙන මාර්ගෝපදේශ සකස් කරලා වෙබ් අඩවි වලට පළ කරලා ප්‍රචාරය කරලා ගොඩක් කල්. ඒ නිසා ඒවා සිද්ධවෙලා තියෙනවා. ඒ ගැසට් කිරීමේ කතාන්දරය ගැන පහුගිය කාලේ කතා කළා. මං හිතනවා මේ වනවිට ගරු අමාත්‍යතුමිය මේ සම්බන්ධයෙන් අවධානය යොමු කරලා කටයුතු කරයි කියලා. ඇතිවෙන තත්ත්වයන් අනුව යම්කිසි නෛතික රාමුවකට යොමු වෙන්නේ නැතුව මේ තත්ත්වයන් හොදින් පාලනය කර ගැනීමේ අවස්ථාවන් අපෙන් ගිලිහී යන බව කියන්න අවශ්‍යයි.'' යනුවෙන් සෞඛ්‍ය සේවා අධ්‍යක්ෂ ජනරාල්වරයා එහිදී පැවසුවේය.

මොනවද මේ මැතිවරණ මාර්ගෝපදේශ ?

මහින්ද දේශප්‍රිය මහතා සඳහන් කරන පරිදි මූලික කරුණු තුනක් පදනම් කරගෙන මෙම සෞඛ්‍ය මාර්ගෝපදේශ මාලාව සකස් කර ඇත.

01. මීටරයක දුර පවත්වාගෙන යෑම.

02. නිරතුරුව අත් සේදීම.

03. මුව ආවරණ පැළඳ සිටීම.

ඉහත මුලික කරුණු මත පදනම ලෙස ගෙන ඡන්ද ප්‍රචාරක කටයුතු සිදුකිරීමේදී, ඡන්ද විමසීම පැවැත්වීමේදී සහ ඡන්ද ගණන් කිරීමේදී අනුගමනය කළ යුතු මූලික පියවර මොනවද යන්න එකිනෙක විස්තර සහ රූපසටහන් සහිතව අදාළ සෞඛ්‍ය මාර්ගෝපදේශ මාලාවේ දක්වා ඇත.

මත්ද්‍රව්‍යවලට ඇබ්බැහිවූවන් පුනරුත්ථාපනය කරන කන්දකාඩු මධ්‍යස්ථානයෙන් 'අලුත් පොකුරක්' වාර්තා වීමත් සමග කොරෝනාවෛරසය ගැන යළිත් සමාජ අවධානය වැඩිවී ඇති බව පෙනෙන්නට තිබේ.

'කන්දකාඩු අලුත් පොකුර'

කන්දකාඩු පුනරුත්ථාපන මධ්‍යස්ථාන සාමාජිකයන් හා ඔවුන්ගේ ආශ්‍රිතයන් 96 දෙනෙකු සඳුදා (ජූලි 13) පෙරවරු 10න් අවසන්වූ පැය 24 තුළ ආසාදිතයින් ලෙස අලුතෙන් වාර්තා වී ඇතැයි සෞඛ්‍ය අමාත්‍යංශයේ වසංගත රෝග විද්‍යා ඒකකය පවසයි. ඒ අනුව 'කන්දකාඩු අලුත් පොකුරෙන්' පමණක් රෝගීන් 491 දෙනෙකු ජූලි 10 වැනිදා සිට ජුලි 13 දක්වා කාලය තුළ වාර්තාවී ඇත.

කන්දකාඩු මධ්‍යස්ථානයේ සේවය කරන අය ඉන් පිටතට ගොස් තිබූ නිසා එම ආසාදිතයින් හා ඔවුන් ඇසුරු කළ අයද හඳුනාගෙන ප්‍රතිකාර සහ නිරෝධායන කටයුතු සඳහා යොමු කර තිබේ.

කන්දකාඩු පුනරුත්ථාපන මධ්‍යස්ථානයේ සේවය කරන නිලධාරියෙකු රාජාංගනයේ අවමංගල්‍ය උත්සවකට සහභාගී වී තිබිණි. එම නිවසේ පැවති දානයකට ද 150කට ආසන්න පිරිසක් සහභාගී වී ඇතැයි සෞඛ්‍ය බලධාරිහු පවසති. රාජාංගනයේ අසාදිත සංඛ්‍යාව 14කි. ඒ අතර සිටි 5 ශ්‍රේණියේ දරුවෙකු පාසල් යෑම නිසා එම පාසලේ දරුවන් ද නිරෝධායනයට යොමු කර ඇත.

පවතින තත්ත්වය සැළකිල්ලට ගෙන සඳුදා (ජූලි 13) සිට සිකුරාදා (ජූලි17) දක්වා කාලය තුළ දිවයිනේ සියලු රජයේ පාසල් යළි වසා තබන්නට රජය තීරණයක් ගන්නා ලදී. ඒ අනුව පුද්ගලික පාසල් හා උපකාරක පංති පැවැත්වීම ද අත්හිටුවා ඇත.

ජූලි 13, 14 සහ 15 තෙදින තුළ ජනාධිපතිවරයාගේ සහ අග්‍රාමාත්‍යවරයාගේ ප්‍රධානත්වයෙන් පැවැත්වීමට නියමිතව තිබූ සියලු ප්‍රචාරක රැළි අත්හිටුවන බව ශ්‍රී ලංකා පොදුජන පෙරමුණ නිවේදනය කරන ලදී.

රාජාංගනය සෞඛ්‍ය නිලධාරී කොට්ඨාසය හැර දිවයිනේ සෙසු ප්‍රදේශවල තැපැල් ඡන්දය සඳුදා (ජූලි 13) පැවැත්වුණි.

කොරෝනා රෝගීන් සංඛ්‍යාව ඉහළට

සඳුදා (ජූලි 13) පෙරවරු 10ට නිකුත් කෙරුණු දෛනික තත්ත්ව වාර්තාවට අනුව මේ දක්වා ශ්‍රී ලංකාව තුළ තහවුරු වූ රෝගීන් සංඛ්‍යාව 2617කි. වෙනත් රටවලින් පැමිණි විදේශිකයන් 31ක්, වෙනත් රටවලින් පැමිණි ශ්‍රී ලාංකිකයන් 830ක් සහ නාවික හමුදා සාමාජිකයන් හා ආශ්‍රිතයන් 950ක් ද ඊට ඇතුළත්ය.

සුවපත් වූ සංඛ්‍යාව 1981කි. මරණ 11ක් වාර්තාවී ඇත. කොරෝනා බවට තහවුරු කළ රෝගීන් 625ක් සහ සැක සහිත රෝගීන් 112 දෙනෙකු රෝහල්ගතව ප්‍රතිකාර ගනු ලැබේ.

(බීබීසී )

Comment (0) Hits: 232

ගැටුමට මහේෂ් සහ කැටිපේ එනවාට : ITN පොහොට්ටුන් බය වෙයි : වැඩසටහන උඩුයටිකුරු කරයි !

ස්වාධීන රූපවාහිනිය (ITN ) විකාශය කරන සජීවී දේශපාලන  සංවාදාත්මක වැඩසටහනක් සඳහා පූර්ව දැනුවත් කරතිබූ දේශපාලන නියෝජිතයන් පෞද්ගලික සහ දේශපාලන හේතු මත අවසන් මොහොතේ වෙනස් කිරීමේ අපකීර්තිමත් කටයුත්තක් සම්බන්ධව තොරතුරු වාර්තා වෙයි.

 වාර්තා වන ආකාරයට අදාළ වැඩසටහන විකාශය කිරීමට නියමිත වන්නේ එළැඹෙන ( 15 ) වනදා ය.
 
එදින වැඩසටහනට පෙර ආරාධනා කර තිබී ඇත්තේ එක්සත් ජාතික පක්ෂය වෙනුවෙන් මහනුවර දිස්ත්‍රික් අපේක්ෂක මහේෂ් සේනානායක , ජාතික ජනබලවේගය වෙනුවෙන් කොළඹ දිස්ත්‍රික් අපේක්ෂක විමල් කැටිපෙආරච්චි පොදුජන පෙරමුණේ අපේක්ෂකයන් වන මාතර නිරෝෂන් ප්‍රේමරත්න සහ කළුතර සංජීව එදිරිමාන්න ය.
 
නමුත් හදිසියේ එම තීන්දුව වෙනස් කිරීමට පාලනාධිකාරිය තීරණය කර ඇති අතර ඒ අනූව අදාළ වැඩසටහනට මහනුවර දිස්ත්‍රික් එක්සත් ජාතික පක්ෂයේ අපේක්ෂක මහේෂ් සේනානායක සහ ජාතික ජනබලවේගය කොළඹ දිස්ත්‍රික් අපේක්ෂක විමල් කැටිපෙආරච්චි ඉවත් කර ඒ වෙනුවට එක්සත් ජාතික පක්ෂයේ අපේක්ෂක සුසිල් කිඳෙල්පිටිය සහ පෙරටුගාමී පක්ෂයේ සී. සිරිමල්වත්ත යන අයය.
 
එහි අභ්‍යන්තර ආරංචි මාර්ග සඳහන් කරන ආකාරයට පළමුව සිදුකළ පක්ෂ නියෝජිතයන් නම් කිරීමේදී නිශ්පාදන සැලැස්ම වී ඇත්තේ ITN හී සේවය කළ  මෙවර මැතිවරණය වෙනුවෙන් ඉදිරිපත් වන අපේක්ෂකයන් ලෙස මහේෂ් , විමල්, නිරෝෂන් , සංජීව යොදා ගැනීමට ය.
 
නමුත් ඒ සම්බන්ධව වැඩිදුරටත් සිදුකළ සාකච්ඡා තුළ මහේෂ් සහ විමල් හමුවේ කොතරම් සාර්ථකව පොදුජන පෙරමුණ අපේක්ෂකයන් මුහුණදෙනු ඇද්ද  යන්න ගැන සැකසහිත බව අවධාරණය වී ඇත.
 
එහිදී අදහස් විමසීමේදී පොහොට්ටු නියෝජිතයන් මැදිහත්ව පවසා ඇත්තේ මහේෂ් සේනානායක සහ විමල් කැටිපෙආරච්චි වෙත තම හිතවතුන් දෙදෙනා නිරාවරණය නොකළ යුතු බවය. එයින් පොදුජන පෙරමුණ ට හෝ තම හිතවතුන් දෙදෙනාට වාසියකට වඩා සිදුවන්නේ අවාසියක් බවත් මේ සිව්දෙනාම ITN සේවය කර ඇති බැවින් ඔවුනොවුන්ගේ හැකියාව , බුද්ධි මට්ටම් ගැන තක්සේරුවක් ඇති බවත් ඔවුන් පෙන්වා දී ඇත.
 
ඒ අනූව තීන්දු කර ඇත්තේ ITN හී සේවය කළ අපේක්ෂකයන් ලෙස වෙනුවට මාධ්‍ය වෘත්තිකයන් ලෙස කටයුතු කළ අපේක්ෂකයන් ලෙස වැඩසටහන ඉදිරිපත් කිරීමටය.
 
Comment (0) Hits: 611

''ජාත්‍යන්තර 'ගේමකට' සීරුවෙන් ඉන්න'' - රවිනාථ තානාපතිවරුන් බලමුළු ගන්වයි !

ඉදිරි මහ මැතිවරණයෙන් පසු බලවත් රටවල් කිහිපයක් සමග දැඩි ප්‍රතිපත්තියක පිහිටා කටයුතු කිරීමට සුදානම් වන්නැයිවිදේශ අමාත්‍යංශයේ ලේකම් රවිනාථ ආරියසිංහ විසින් විදෙස් රටවල සිටින ශ්‍රී ලාංකීය තානාපතිවරුන්ට හා මහ කොමසාරිස්වරුන්ට විශේෂ දැනුම් දීමක් සිදුකර ඇතැයි ඉතා විශ්වාසවන්ත කටයුතු ආරංචිමාර්ගවලින් වාර්තාවේ.
පසුගිය ජුලි 08 බදාදා දිනයේ විදෙස් හි සිටින ශ්‍රී ලාංකීය මහ ලේකම්වරුන් හා තානාපතිවරුන් සමග පවත්වා ඇති වීඩියෝ සංවාදයක දී ඔහු එම දැනුම්දීම සිදුකර ඇතැයි පැවසේ.

ඉදිරියේදී බටහිර රටවල් පමණක් නොව මුස්ලිම් අරාබි රටවල් පවා ශ්‍රී ලංකාවට එරෙහිව මානව හිමිකම් චෝදනා නගමින් ආර්ථික සම්බන්ධක පැනවීමේ ඉඩක් ඇතැයි එහිදී පැහැදිලිකර ඇති මුදල් අමාත්‍යංශයේ ලේකම්වරයා, ඊට මුහුනදීම සඳහා එවැනි රටවල දේශපාලනඥයින් පමණක් නොව දේශපාලනඥයින්ට බලපෑමක් කළහැටි ව්‍යාපාරිකයින් හා මාධ්‍යවේදීන්ද බිලිබා ගැනීමට අවශ්‍ය උපාය උපක්‍රම හා සැලසුම් ඉදිරිපත් කරන ලෙසත් එහිදී අවධාරණය කර ඇතැයි ඉහත ආරංචිමාර්ග පවසයි.

ඉදිරියේදී පැවැත්වීමට නියමිත ජනාධිපතිවරණයෙන් ඩොනල්ඩ් ට්‍රම්ප් පරදා, බරැක් ඔබාමා රජයේ උප ජනපති ලෙස දෙවරක් කටයුතු කර ඇති ජෝ බයිඩ්න් ජයග්‍රහණය කිරීමේ ඉඩක් පවතින බවත්, එහිදී එක්සත් ජාතීන්ගේ මූලස්ථානයේ එක්සත් ජනපදයේ නිත්‍ය නියෝජිතයා ලෙස කටයුතු කළ සමන්තා පවර් රාජ්‍ය ලේකම්වුවහොත් එය ශ්‍රී ලංකාවට එතරම් සුබදායක නොවන බවත් පෙන්වා දී ඇති විදේශ අමාත්‍යංශ ලේකම්වරයා, එවැනි තත්වයක් මතුවුහොත් ගතයුතු ක්‍රියාමාර්ග යෝජනා කරන්නැයි ද ඉල්ලා ඇතැයි පැවසේ.

පැය 06කට ආසන්න කාලයක් පුරා කඩින් කඩ පැවති මෙම සාකච්ජාවේදී එහි දෙවන පියවර ලෙස ජුලි 15 අනිද්දා, විදෙස් ආර්ථික සම්බන්ධතා පිළිබඳවත්, තෙවැනි වටය ලෙස ජුලි 25 දා මුලික එකඟතා සම්බන්ධයෙන් සාකච්ජා කිරීමටත් තීන්දු කර ඇතැයි ඉහත ආරංචිමාර්ග වැඩිදුරටත් කියා සිටියි.

විදේශ ලේකම්වරයා මෙම සාකච්ජාව පැවැත්වුයේ විදේශ අමාත්‍ය දිනේෂ් ගුණවර්ධනගේ අනුදැනුම මතදැයි අනාවරණය වී නොමැත.

බරපතල අනතුරක් : මෝඩ උද්දච්ච ස්ථාවරයකට

මේ සම්බන්ධයෙන් theleader.lk වෙත අදහස් දැක්වූ විදෙස් හි සිටින ශ්‍රී ලාංකීය රාජ්‍ය නිලධාරියකු පැවසුයේ, මහ මැතිවරණයෙන් පසු ආණ්ඩුව බරපතල තීන්දු තීරණ ගණනාවක් ගැනීමට නියමිත බව හැඟී ගිය බවයි.

ඉදිරියේදී ආණ්ඩුව මානව හිමිකම් හා ප්‍රජාතන්ත්‍රවාදය නොසලකා කටයුතු කිරීමේ බරපතල අවධානමක් විදේශ ලේකම්වරයාගේ පැහැදිලි කිරීම් වලින් ඒත්තු ගිය බව ද ඔහු සඳහන් කළේය. ''රාජපක්ෂ ආණ්ඩුව ජාත්‍යන්තර කටයුතු සම්බන්ධයෙන් මෙදා පාරත් මෝඩ උද්දච්ච ආකාරයෙන් කටයුතු කරන්නැයි හදන්නේ'' එම නිලධාරියා කියා සිටියේය.

Ian Paisley Jrjpgපසුගිය මහින්ද රාජපක්ෂ පාලන සමයේ දී ද විදෙස් රටවල දේශපාලනඥයින්ට කප්පම්දීමට යාමෙන් ශ්‍රී ලංකාවට ජාත්‍යන්තර වශයෙන් බලවත් කැළලක් සිදුවූ ආකාරය ද ඔහු සිහිපත් කළේය.

බ්‍රිතාන්‍ය පාර්ලිමේන්තුවේ අනුමැතියකින් තොරව සිය පවුලේ සාමාජිකයින් සමඟ මෙරට සංචාරයක නිරතවීම සහ එම සංචාරය පිළිබඳ තොරතුරු හෙළි කිරීමට නොහැකිවීමෙන් බ්‍රිතාන්‍ය පාර්ලිමේන්තු මන්ත්‍රී ඉයන් පේස්ලි ජූනියර්ගේ මන්ත්‍රී ධූරය අත්හිටුවීමට එරට පාර්ලිමේන්තුව කටයුතු කලේ ශ්‍රී ලංකාවට ද ඇතුල් පහරක් දෙමිනි.

2013 වසරේ පසුගිය රජයේ අනුග්‍රහය මත ඉයන් පේස්ලි ජූනියර් මෙරටට පැමිණ ඇති අතර ඒ වෙනුවෙන් ලක් රජය පවුම් ලක්ෂයක මුදලක් වියදම් කර ඇති බවද අනාවරණය විය. එම සංචාරය පිළිබඳ විමසීමේදී මන්ත්‍රීවරයාට අදාල තොරතුරු හෙළි කිරීමට නොහැකිවීමෙන් බ්‍රිතාන්‍ය පාර්ලිමේන්තුව ඔහුගේ මන්ත්‍රී ධූරය අත්හිටුවීය.

ශ්‍රී ලංකාවේ මුස්ලිම් විරෝධය ගැන මුස්ලිම් රටවල් කනස්සල්ලෙන් !

BBC news 2020.04.14කොරෝනා ආසාදිතයකු ආදාහනය කරන අවස්ථාවක්...

ගෝඨාභය රාජපක්ෂ ආණ්ඩුවට මේවනවිට බටහිර රටවලින් පමණක් නොව මුස්ලිම් අරාබි රටවලින් ද බලපෑම් එල්ලවෙමින් තිබේ.

කෝවිඩ් 19 වසංගතය පැතිරීම සමග මුස්ලිම්වරුන්ට කරන අඩන්තේට්ටම් අත්හිටුවන ලෙස තෙල් අපනයනය කරන ප්‍රධාන රටවල් ඇතුළු ලෝකයේ බලවත් ඉස්ලාමීය රාජ්‍ය ශ්‍රී ලංකාවට දැනමත් දැනුම් දීමක් කර තිබේ.

මුස්ලිම්වරුන්ට එරෙහිව සිදුකෙරෙන ක්‍රියා හෙලා දකින ඉස්ලාමීය සහයෝගිතා සංවිධානය (OIC) එම ප්‍රජාවේ අයිතිවාසිකම් ආරක්ෂා කිරීමට පියවර ගන්නා ලෙස කෝපාන්විත ස්වරයෙන් යුත් නිවේදනයකින් ශ්‍රී ලංකාවේ රජයෙන් ඉල්ලා සිටී.

“ශ්‍රී ලංකාවේ මුස්ලිම්වරුන් ඉලක්ක කරගෙන නැග එන වෛරී භාෂණය සහ එදිරිවාදිකම්, රට තුල නව කොරෝනා වසංගතය (කෝවිඩ් 19) පැතිරීමට මුස්ලිම් ප්‍රජාව වගකිව යුතු බවට වන පක්ෂග්‍රාහී හා සනාථ නොකළ චෝදනා ප්‍රවර්ධනය කිරීම පිළිබඳ වාර්තා මෙන්ම, වසංගතයට ගොදුරු වූ මුස්ලිම්වරුන්ගේ සිරුරු ආදාහනය කළ බව හා එම පිළිවෙතට විරුද්ධ වූ ප්‍රජා සාමාජිකයන් අත් අඩංගුවට ගැනීම පිළිබඳ වාර්තා ද කෙරෙහි ඉස්ලාමීය සහයෝගිතා සංවිධානයේ (OIC) බරපතල අවධානය යොමුවී තිබේ,” යි එම සංවිධානය ප්‍රකාශ කරයි.

කොරෝනා රෝගාතුර වී මියයන ශ්‍රී ලංකාවේ ඉස්ලාම් බැතිමතුන්ගේ සිරුරු ලෝක සෞඛ්‍ය සංවිධානයේ නිර්දේශ සහ ඉස්ලාමීය වත් පිළිවෙත් වලට පටහැනිව ආදාහනය කිරීමත්, කෝවිඩ් 19 වසංගත මර්දනය බාර රාජ්‍ය බලධාරීන් මෙන්ම ප්‍රධාන ධාරාවේ ජනමාධ්‍ය හා සමාජ මාධ්‍ය මුස්ලිම් විරෝධී වෛරය ඇවිලවීමත් එක්සත් ජාතීන් ඇතුළු ජාත්‍යන්තර හා හා දේශීය මානව හිමිකම් සංවිධාන වල කනස්සල්ලට මේ වනවිටත් හේතුවී තිබේ.

රටවල් 57 කින් සැදුම්ලත් OIC සංවිධානයද ශ්‍රී ලංකාවේ රජයේ ප්‍රතිපත්තිය හෙලා දකිමින් මුස්ලිම්වරුන්ගේ ගෞරවය රැකදීමට මැදිහත්වන ලෙස ඉල්ලා සිටී.

( ද ලීඩර් )

Comment (0) Hits: 386

ජූලි 12 වනදා පස්වරු 12.12 ට සිටවූ ජොනීගේ පැළ 12 !

අද දින එනම් 2020 ජූලි 12 පස්වරු 12.12ට පැල 12ක් සිටවා කුරුණෑගල දිස්ත්‍රික්කය පුරා පැල දෙලක්ෂ පනස්දාහක් සිටුවීමේ සමාරම්භක අවස්ථාවට වරාය හා නාවික කටයුතු,මහා මාර්ග සංවර්ධන අමාත්‍ය ජොන්ස්ටන් ප්‍රනාන්දු ගේ ප්‍රධානත්වයෙන් කුරුණෑගල ගනේවත්ත ප්‍රදේශයේ දී පැවැත්විණි.
 
ගෝඨාභය රාජපක්ෂ ජනාධිපතිතුමන් කුරුණෑගල දිස්ත්‍රික්කය වැඩි ඡන්ද දෙලක්ෂ පනස්දාහකින් ජයග්‍රහණය කිරිම නිමිත්තෙන් මෙම පැල දෙලක්ෂ පනස් දාහක් සිටුවීමේ ව්‍යාපෘතිය ආරම්භ කරන ලදි.
 
මෙම ව්‍යාපෘතිය කුරුණෑගල දිස්ත්‍රික්කයේ තරුණ තරුණියන් 31,000ක් සහභාගී කරවාගෙන ඉදිරියේ දි ක්‍රියාත්මක කිරීමට නියමිත ය.
 
මෙම අවස්ථාවට පාර්ලිමේන්තු මන්ත්‍රී නාමල් රාජපක්ෂ ද සහභාගී විය.
 
පසුගිය ජනාධිපතිවරණය ජයග්‍රහණය කලාට පසුව කුරුණෑගල දිස්ත්‍රික්කයේ පැල ලක්ෂයක් සිටුවන බවට අමාත්‍ය ජොන්ස්ටන් ප්‍රනාන්දු  මීට පෙර ප්‍රකාශ කර තිබුණි.මෙහිදී කුරුණෑගල දිස්ත්‍රික්කය පුරා පලතුරු,ඖෂධීය ශාඛ ගෙවතුවල සිටු වීම සිදු කෙරෙනු ඇත.
 
මෙහි විශේෂත්වය වනුයේ සෞඛ්‍යාරක්ෂිත ක්‍රම අනුගමනය කරමින් අවම පිරිසකගේ සහභාගීත්වයෙන් මෙම පැල සිටවීමේ ව්‍යාපෘතිය ආරම්භ විය.

IMG 20200712 WA0004

IMG 20200712 WA0005

IMG 20200712 WA0006

IMG 20200712 WA0007

 
Comment (0) Hits: 302

රජයේ පාසල් හා පිරිවෙන් හෙට සිට ලබන 17 වැනිදා දක්වා වසා දැමේ

හෙට (13) සිට ජුලි 17 සිකුරාදා දක්වා දිවයින පුරා සියලු පාසල් වසා දැමීමට තීරණය කළ බව අධ්‍යාපන අමාත්‍යාංශය නිවේදනය කරයි.

අධ්‍යාපන අමාත්‍ය ඩලස් අලහප්පෙරුම  සහ අධ්‍යාපන බලධාරීන් අතර පැවති සාකච්ඡාවකින් අනතුරුව මෙම තීරණය ගෙන ඇති බව අධ්‍යාපන අමාත්‍යාංශයේ මාධ්‍ය ඒකකය සඳහන් කළේය.

ඒ අනුව, සෞඛ්‍ය සහ ආරක්ෂක අංශවල මාර්ගෝපදේශයන් ද සැලකිල්ලට ගෙන පාසල් ක්ෂේත්‍රය තුළ ඇතිවිය හැකි අයහපත් තත්ත්වයන් නිරීක්ෂණයට භාජනය කිරීම සඳහා එක් සතියක්, දිවයිනේ සියලුම පාසල් සහ පිරිවෙන් සඳහා නිවාඩු ලබා දීමට තීරණය කරන ලදි.

මෙම තීරණය, සියලුම පෞද්ගලික පාසල්, ජාත්‍යන්තර පාසල් සහ උපකාරක පන්ති විසින් ද අනුගමනය කරනු ඇතැයි, අධ්‍යාපන අමාත්‍යාංශය අපේක්ෂා කර සිටී.

එසේ වුවද, තැපැල් ඡන්ද මධ්‍යස්ථාන ලෙස භාවිත කරන පාසල් අදාළ දිනවල විවෘත කර තැපැල් ඡන්ද ප්‍රකාශ කිරීමේ රාජකාරී කටයුතු යථා පරිදි පවත්වා ගෙන යාම විදුහල්පතිවරුන්ගේ වගකීම බව අධ්‍යාපන අමාත්‍යාංශය නිවේදනය වැඩිදුරටත් සඳහන් කරයි.

SCHOOL C 1000PX

Comment (0) Hits: 258

පාසල් පද්ධතිය අනතුරේ - ගුරු සංගමය

අධ්‍යාපන ලේකම්වරයාගේ නියෝග කි‍්‍රයාත්මක නොකිරීමෙන් පාසල් පද්ධතිය අනතුරට ලක්ව ඇති බව ලංකා ගුරු සංයමය චෝදනා කරයි.

 ලංකා ගුරු සංයමය මේ චෝදනාව එල්ලකර සිටින්නේ නිවේදනයක් නිකුත්කරමින් වන අතර එම නිවේදනය පහත දැක්වෙයි.

රාජාංගනය යාය 1 විදුහලේ දරුවෙකු මේ වන විට කෝවිඞ් 19 අසාධිත බවට තහවුරු වී ඇති අතර, එම පාසලේ ළමුන් 70 ක් පමණ නිරෝධායනයට යොමු කොට ඇත. එසේම ගාල්ල, ගෝනාපීනුවල සාරාලංකාර විදුහලේ ගුරුවරියක් ඇතුළු දරුවන් මේ වන විට නිරෝධායනයට යොමුකර ඇත. මේ තත්වයට හේතුවූයේ කන්දකාඩු පුනරුත්ථාපන මධ්‍යස්ථානයෙන් කෝවිඞ් 19 අසාධිතයන් වාර්තාවීමත් එහි සේවය කළ අය දිවයින පුරා විවිධ ප‍්‍රදේශවල පිහිටි තම නිවෙස් වෙත පැමිණ තිබීමත්ය.

කෝවිඞ් 19 වසංගත තත්වය  පාලනයට අදාළ සෞඛ්‍ය නිර්දේශ අනුව අධ්‍යාපන ලේකම්වරයා විසින් නිකුත් කරන ලද නියෝග වූයේ දෙවන අදියරේදී 5, 11, 13 ශ්‍රේණි පමණක් ආරම්භ කළ යුතු බවත්, පාසල් තුළ අනවශ්‍ය ඒකරාශීවීම් වැලැක්වීම සඳහා ඉගැන්වීමට නියමිත කාලච්ජේදයට පැය බාගයකට පෙර ගුරුවරු පැමිණීමත්, අදාළ කටයුතු අවසන් වූ පසු පිටව යාමත්, පාසලේ පැමිණීමේ ලේඛනය වෙනුවට වෙනත් ලේඛනයක් භාවිතා කිරීමත් ඇතුළු නියෝග ගණනාවකි. මෙම නියෝග නොතකා හැර සමහර පළාත්, කලාප අධ්‍යාපන බලධාරීන් මෙන්ම විදුහල්පතිවරු ද අත්තනෝමතිකව කටයුතු කිරීම හේතුවෙන් උද්ගත වී ඇති තත්වය තුළ සමස්ත පාසල් පද්ධතිය අනතුරුදායක තත්වයකට පත්ව ඇත.

කෝවිඞ් 19 ආසාධිත දරුවා වාර්තා වූ රාජාංගනය යාය 01 විදුහලේ විදුහල්පතිවරයා අධ්‍යාපන ලේකම්වරයාගේ නියෝගයට පටහැනිව එම පාසලේ සියලූම ශ්‍රේණිවල දරුවන් පාසලට කැඳවා තිබූ අතර, අවශ්‍ය ගුරුවරු පමණක් කැඳවීමට නියෝග කර තිබියදී ගෝනාපීනුවල සාරාලංකාර විදුහලේ විදුහල්පතිවරයා ගුරුවරු අනවශ්‍ය ලෙස පාසලට කැඳවා තිබුණි. මේ නිසා එම පාසල්වල දරුවන් සහ ගුරුවරු බරපතල අනාරක්ෂිත තත්වයකට පත්කර ඇත. මේ ආකාරයටම ගම්පහ කලාපයේ නියෝජ්‍ය කලාප අධ්‍යාපන අධ්‍යක්ෂවරියක විසින් අධ්‍යාපන ලේකම්වරයාගේ නියෝග පසෙක දමා ගම්පහ කලාපයේ පාසල්වල සියලූම ගුරුවරු පාසල්වලට කැඳවීමට නියෝග කර තිබුණි.  අධ්‍යාපන අමාත්‍යාංශ ලේකම්වරයාගේ නියෝගය අනුව පාසල් නොපැමිණි ගුරුවරියකට කොළඹ කලාප අධ්‍යාපන අධ්‍යක්ෂවරයා සේවය අතහැර යාමේ නියෝගයක් ද නිකුත් කර සෙසු ගුරුවරු බියගැන්වීමට කටයුතු කර තිබුණි. වැලිමඩ, හම්බන්තොට, හෝමාගම, ජයවර්ධනපුර, පිළියන්දල, මාතලේ, වත්තේගම, දෙනුවර, මහියංගනය, මහනුවර ඇතුළු අධ්‍යාපන කලාප ගණනාවකට අයත් පාසල්වල සියලූම ගුරුවරු පාසල්වලට ගෙන්වීමට කලාප අධ්‍යාපන බලධාරීන්, කොට්ඨාස අධ්‍යක්ෂවරු සහ විදුහල්පතිවරු කටයුතු කර තිබුණේ රෝග ව්‍යාප්තිය  පාලනය වෙනුවෙන් අධ්‍යාපන ලේකම්වරයා ලබාදී තිබූ ඉහත නියෝග තුට්ටුවකට මායිම් නොකරමිනි. මෙයින් පැහැදිලි වන්නේ පාසල් පද්ධතිය අධ්‍යාපන අමාත්‍යාංශයේ පාලනයෙන් ගිලිහී ඇති බවද ? මේ දිනවල මනාප පොරයේ යෙදෙන අමාත්‍ය මණ්ඩලයෙන් අප ඉල්ලා සිටින්නේ මෙම තත්වය පිළිබඳව ක්ෂණික අවධානය යොමු කරන ලෙසයි.

කෝවිඞ් 19 වසංගත තත්වය යළි පැතිරීමේ තත්වය තුළ පාසල් පද්ධතිය දැඩි අවධානමකට ලක්ව ඇත්තේ ඉහත ආකාරයට විදුහල්පතිවරු සහ නිලධාරීන් කටයුතු කිරීම නිසාය.  අධ්‍යාපන ලේකම්වරයාගේ සහ අමාත්‍යාංශයේ වගකීමක් විය යුත්තේ අදාළ නියෝග වහා කි‍්‍රයාත්මක කිරීමට අවශ්‍ය කටයුතු යෙදීමයි.

මෙයට,
 
ජෝසප් ස්ටාලින්
ප‍්‍රධාන ලේකම්
Comment (0) Hits: 1097

චම්පික රණවක හිරකරන සාක්ෂියක් !

2016 වසරේ රාජගිරියේ දී සිදු වූ රිය අනතුරේදී එම ජීප් රථය පැදවූයේ තමන් නොවන බව හිටපු ඇමැති චම්පික රණවකගේ රියදුරා ලෙස කටයුතු කළ තුසිත  දිළුම් කුමාර පිලිගෙන ඇත.

විමර්ෂකයන් හමුවේ මේ බව එම රියදුරා පිලිගත් බව නියෝජ්‍ය සොලිස්ටර් ජනරාජ් දිලීප පීරිස්  අධිකරණයට කරුණු වාර්තා කර ඇත.

ඒ අනුව දිලුම් තුසිත කුමාර නමැත්තාට ද අධිකරණය නොමග යැවීම යටතේ චෝදනා ගොනු කර ඇති අතර හිටපු අමාත්‍ය පාඨලී චම්පික රණවක සහ එවකට වැලිකඩ පොලිස් ස්ථානාධිපති ලෙස කටයුතුවල සුදත් අස්මඩල යන අයට මහාධිකරණය හමුවේ අධිචෝදනා ගොනු කර තිබේ.

අදාල අනතුරෙන් බරපතළ තුවාල ලත් සන්දීප් සම්පත් නම් තරුණයා අදටද ආබාධිතව සිටින අතර ඔහු සමග තවත් යතුරු පැදියකින් ගමන් කල ඔහුගේ මිතුරකු සඳහන් කර ඇත්තේ එම ජීප් රථය පැදවූයේ චම්පික රණවක හිටපු ඇමැතිවරයා බව තමන් දෑසින් දුටු බවත් ඔහු සමඟ කථා කළ බවත්ය.

Comment (0) Hits: 520

මෙන්න තවත් කොරෝනා ප්‍රතිඵලයක් : හමුදා නිලධාරියකු සහ ඔහුගේ දරුවන් දෙදෙනාට කොරෝනා

කන්දකාඩු පුනරුත්ථාපන මධ්‍යස්ථානයේ උපදේශන කටයුතු සඳහා පැමිණි හමුදා නිලධාරියකු සහ ඔහුගේ දරුවන් දෙදෙනා හට කොරෝනා වෛරසය අසාදනය වී ඇති බවට ඊයේ (10) දින තහවුරු වී තිබේ. 

මෙම හමුදා නිලධාරියාගේ එක් දරුවකු 11 වෙනි වියේ පසුවන අතර අනෙත් දරුවා ට වයස අවුරුදු එක හමාරකි. 

 ඉකුත් ජූලි 01 වන දින මෙම හමුදා නිලධාරියා උපදේශන කඳවුරක් පැවැත්වීම සඳහා පිටව ගොස් ඇති අතර, ඊට පසු දින අනුරාධපුර ට පැමිණ ඇත. එහෙත් අදාළ කඳවුරට ගොස් නොමැති බවයි වාර්තා වූයේ. 

ඉන් අනතුරුව එම නිලධාරියා පවුලේ අවමගුල් කටයුත්තකට සම්බන්ධ වී ඇති බවද සඳහන්.

මෙම පුද්ගලයා රාජාංගනයේ යාය 05 ප්‍රදේශයේ පදිංචිකරුවකු වන අතර, එකී මළගෙදර එම කලාපයේ යාය 03 ප්‍රදේශයේ පවත්වා ඇත. 

මීට අමතරව, සිය වැඩිමහල් දරුවා ඉකුත් ජූලි 6 සහ 7 යන දෙදින තුල රාජාංගනයේ ට්‍රැක් 01 ප්‍රදේශයේ පාසලක උපකාරක පන්ති සඳහා සහභාගී වී තිබේ. එම පන්ති වල ළමුන් 70 පමණ අධ්‍යාපනය ලැබූ බවට සඳහන්. 

කෙසේවෙතත්, හමුදාපති ශවේන්ද්‍ර සිල්වා මහතා පවසා තිබෙන්නේ අවදානමක් සහිත සියළු පුද්ගලයන් ස්වයං නිරෝධායනය සඳහා යොමු කර ඇති බවත්, ඒ අනුව බරපතල අවදානමක් නොමැති බවත් ය.

 (LNB )

Comment (0) Hits: 447

මහජන ධනයේ ආරක්ෂකයන් ජවිපෙ - අනුර

අද රටේ පාලකයින් වංචා දුෂණ සිදුකිරීමට යම් ප්‍රමාණයකින් හෝ බියට පත්ව ඇත්නම් එයට හේතුව ජනතා විමුක්ති පෙරමුණේ පාර්ලිමේන්තු නියෝජනය බව ජනතා විමුක්ති පෙරමුණේ නායක , ජාතික ජන බලවේගයේ කොළඹ දිස්ත්‍රික් අපේක්ෂක අනුර කුමාර දිසානායක  පවසයි.

ඔහු මේ බව සඳහන් කර සිටියේ මහරගම  ප්‍රදේශයේ පැවති ජන හමුවකට එක් වෙමින් ය.

මෙහිදී වැඩිදුරටත් අදහස් දැක්වු ජවිපෙ නායක  පවසා සිටියේ, වසර 5ක් පුරා තම මන්ත්‍රීවරු 6 දෙනා පාර්ලිමේන්තුව තුළ සිය කාර්යභාර්ය ඉටුකර ඇති බවය.

ඒ සෑම මොහොතක්ම ජනතාව වෙනුවෙන් කැපකර ඇති බවත් පැවසු ඔහු , මහජනතාවගේ ධනයේ ආරක්ෂකයෝ ලෙස සෑම විටම ජනතා විමුක්ති පෙරමුණේ මන්ත්‍රී කණ්ඩායම පාර්ලිමේන්තුව තුළ කටයුතු කළ බව ද පැවසීය.

ජනතාවගේ හඬ පාර්ලිමේන්තුවට ගෙන ආවේ ජනතා විමුක්ති පෙරමුණ බව ද පැවසු ඔහු , ජවිපෙට කතිරය ගසා පාර්ලිමේන්තු යැවු සියලු දෙනාගේ ගෞරවය රැක ඇතැයි ද කියාසිටියේය.

Comment (0) Hits: 229

කොරෝනා දෙවැනි රැල්ලක ලකුණු : දිනකට PCR පරීක්ෂණ 5000 ක් අවශ්‍යයි : GOMA රතු එලි දල්වයි !

කන්දකාඩු පුනරුත්ථාපන මධ්‍යස්ථානයෙන් හමුවූ ආසාදිතයින් පොකුරත් සමඟ රට තුළ කොරෝනා හෙවත් කොවිඩ් 19 දෙවැනි රැල්ලක් මතුවීමේ දැඩි අවදානමක් මතුව ඇති බැවින් දිනකට සිදුකරන පී.සී.ආර් පරීක්‍ෂණ ප්‍රමාණය වහා ඉහළ නැංවිය යුතු යැයි රජයේ වෛද්‍ය නිලධාරීන්ගේ සංගමය පවසයි.

දෙවැනි රැල්ලක් පැමිණීම වළක්වා ගැනීමට නම් මසකට පී.සී.ආර් පරීක්‍ෂණ 68,000ක් එනම් දිනකට 2,500ක් පමණ කළ යුතු බවට සෞඛ්‍ය අමාත්‍යාංශයේ වසංගතවේද විද්‍යාඥයින් පවසා තිබියදීත් පසුගිය මාස දෙකක කාලයේදී දිනකට සිදුකර ඇත්තේ පරීක්‍ෂණ 500ත් 1,600ත් අතර ප්‍රමාණයක් බව රජයේ වෛද්‍ය නිලධාරීන්ගේ සංගමයේ ලේකම් වෛද්‍ය සෙනාල් ප්‍රනාන්දු  පැවසීය.

 සමාජය තුළ කොරෝනා වයිරසය ඇත්දැයි හඳුනාගත හැක්කේ විද්‍යාත්මක ක්‍රමයකට අහඹු නියඳි තෝරාගෙන පී.සී.ආර් පරීක්‍ෂණ කිරීමෙන් පමණක් බැවින් දිනකට එම පරීක්‍ෂණ 2,500ක්, 5,000ක් වැනි ප්‍රමාණයක් කළ යුතුව තිබෙන බව ද වෛද්‍ය සෙනාල් ප්‍රනාන්දු  සඳහන් කළේය.

ලේකම්වරයා මේ බව පැවසුවේ රජයේ වෛද්‍ය නිලධාරීන්ගේ සංගම් මූලස්ථානයේදී පැවති මාධ්‍ය හමුවක් අමතමිනි.

වයිරසය වැළඳීමේ දැඩි අවදානමක් ඇති අය ලෙස හඳුනාගෙන ඇති අය මෙන්ම රෝහල්වල බාහිර රෝගී අංශවලට එන උණ සෙම්ප්‍රතිශ්‍යා රෝග ලක්‍ෂණ ඇති අය, සාමාන්‍ය නිරෝගී ජනතාව, රෝගීන් සමඟ සබඳතා පැවැත්වූ අය හා ඔවුන්ගේ ස්පර්ශකයින් අතරින් අහඹු නියඳි තෝරාගෙන පරීක්‍ෂා කළ යුතු බව ද ලේකම්වරයා කීවේය.

පරීක්‍ෂණවලින් වයිරස ආසාදිතයින් නොවන අයත් නැවත නැවත පරීක්‍ෂා කළ යුතු බව කී සෙනාල් ප්‍රනාන්දු  එසේ සිදුකළේ නම් කන්දකාඩු පුනරුත්ථාපන කඳවුරේ ආසාදිතයින් සංඛ්‍යාව මෙතරම් ඉහළ නොයාමට ඉඩ තිබූ බව ද පැවසීය.

මීට පෙර දිනපතා රැස්වූ වසංගතවේද විද්‍යාඥයින්, විශේෂඥ වෛද්‍යවරුන්ගෙන් සමන්විත කොවිඞ් 19 පාලනය කිරීමේ තාක්‍ෂණ කමිටුව මේ වන විට මසකට වඩා කාලයකින් රැස්වී නැතැයි කී ලේකම්වරයා එය ඉතා බරපතල තත්ත්වයක් බවත්, එය නැවත කැඳවමින් අවශ්‍ය තීන්දු තීරණ ගන්නැයි සෞඛ්‍ය බලධාරීන්ගෙන් ඉල්ලා සිටින බවත් සඳහන් කළේය.

– lankadeepa

Comment (0) Hits: 277

රට විරුවන් මුදාගැනීමේ මෙහෙයුම් නවතී !

විදේශයන්හි සිරවී සිටින ශ්‍රී ලාංකිකයන් ගුවන් මගින් ශ්‍රී ලංකාවට ගෙන්වීම තාවකාලිකව නවත්වා දැමීමට තීරණය කර ඇති බව ජනාධිපති අතිරේක ලේකම් ජයනාත් කොළඹගේ  සඳහන් කරයි.

කන්දකාඩු පුනරුත්ථාපන මධ්‍යස්ථානයෙන් ආසාදිතයන්ට රැසක් හඳුනා ගැනීම හේතුවෙන් මෙම තීරණය ගත් බව ඔහු පැවසීය.

දැනට නිරෝධන මධ්‍යස්ථාන වලදී ද ඉඩකඩ සීමිත වීම සහ කන්දකාඩු රැඳවියන් හා ඔවුන්ගේ පවුල්වල අයද නිරෝධායන කළ යුතු නිසා විදේශයන්ගෙන් මෙරටට ගෙන මෙසේ තාවකාලිකව අත්හිටවූ බව ද ඔහු සඳහන් කළේ ය.

ඒ අනුව එළැඹෙන 14 වැනිදා සිට විදේශයන්හි පිරිස් මෙරටට ගෙන්වීම තාවකාලිකව අත්හිටුවීමට නියමිතය.

Comment (0) Hits: 314

Page 8 of 503