පුවත්

කොළඹ නගරයේ රථවාහන තදබදය අවම කිරීම සහ මගී ජනතාවට පහසු ප්‍රවාහන සේවයක් සැලසීම සඳහා මාර්ග 7ක් ඔස්සේ ධාවනයට එක්කර ඇති 'මෙට්‍රෝ බස්' රථ ඉලක්ක කරගනිමින්, පෞද්ගලික බස් රථ රියදුරන් විසින් හිතාමතා අනතුරු සිදුකිරීමේ සංවිධානාත්මක ක්‍රියාවලියක් නිරීක්ෂණය වී ඇති බව පොලීසිය පවසයි.

අධ්‍යාපන ප්‍රතිසංස්කරණ ක්‍රියාත්මක කරන මොහොතක කාලගුණික දේශගුණික විපර්යාස ගැන කතා කරන මොහොතේ පරිසරය සහ තිරසර සංවර්ධනය විෂය අනිවාර්ය විෂයක් ලෙස 1 වසරේ සිට ක්‍රියාත්මක කිරීම අතිශය වැදගත් බවට යෝජනා කරන බව විපක්ෂ නායක සජිත් ප්‍රේමදාස පැවසීය.

පොස්පේට් ආනයනය කරන සමාගම් තුනකින් රුපියල් ලක්ෂ 81ක මුදලක් අල්ලස් ලෙස ඉල්ලා සිය බැංකු ගිණුමට බැර කරවා ගත්තේ යැයි කියන සිදුවීමට අදාළව අත්අඩංගුවට ගත් හිටපු අමාත්‍ය හා බදුල්ල දිස්ත්‍රික් පාර්ලිමේන්තු මන්ත්‍රී චාමර සම්පත් දසනායකගේ හිටපු පුද්ගලික ලේකම්වරයා එළඹෙන 23 වැනිදා දක්වා යළිත් රක්ෂිත බන්ධනාගාරගත කිරීමට කොළඹ ප්‍රධාන මහේස්ත්‍රාත් අසංග එස්. බෝදරගම අද (09) නියෝග කළේය.

ග්‍රීක බැඳුම්කර සිද්ධියට අදාළව තමන්ට එරෙහිව කොළඹ ත්‍රිපුද්ගල මහාධිකරණ විනිසුරු මඩුල්ල හමුවේ ගොනුකර තිබෙන නඩුව අභියෝගයට ලක් කරමින් හිටපු මහා බැංකු අධිපති අජිත් නිවාඩ් කබ්රාල් විසින් ඉදිරිපත් කර තිබූ අභියාචනා පෙත්සම ශ්‍රේෂ්ඨාධිකරණය හමුවේ අද (09) ඉල්ලා අස්කර ගනු ලැබීය.

වත්කම් විමර්ශනයකට අදාළව අක්මීමන ප්‍රාදේශීය සභාවේ හිටපු සභාපතිවරයෙකු වු හපුතන්ත්‍රිගේ මිලින්ද හපුතන්ත්‍රි යන අයට එරෙහිව HCB/374/25 යටතේ ගොණු කර තිබු නඩුවට අදාළව විත්තිකරු වරදකරු කරමින් ගරු මහාධිකරණ විනිසුරු රෂාන්ත ගොඩවෙල විසින් පසුගිය 2026 ඔක්තෝබර් මස 01 වන දින තීන්දුව ලබා දෙන ලදී.

රටේ නීති තිබියදී, තනි තනි පුද්ගලයන් වෙනුවෙන් නියෝග ලබා දීමට තමන් සූදානම් නොමැති බව ජනාධිපති අනුර කුමාර දිසානායක ත්‍රෛනිකායික මහා සංඝරත්නය හමුවේ අද (8) පවසා තිබේ.

දූෂණ විරෝධී පනත සංශෝධනය කිරීමට රජය පියවර ගෙන ඇත්තේ එහි අරමුණු දියාරු කිරීමට නොව, පනත ක්‍රියාත්මක කිරීමේදී හඳුනාගත් ප්‍රායෝගික, ආයතනික සහ මානව සම්පත් ගැටලු විසඳමින් දූෂණ විරෝධී ක්‍රියාවලිය තවදුරටත් ශක්තිමත් කිරීම සඳහා බව අග්‍රාමාත්‍ය අචාර්ය හරිනි අමරසූරිය පාර්ලිමේන්තුවේදී අවධාරණය කළාය.

අග්‍රාමාත්‍ය ආචාර්ය හරිනි අමරසූරිය සහ ආසියා පදනමේ නියෝජිත පිරිසක් අතර හමුවක් ඔක්තෝබර් 07 වැනිදා පාර්ලිමේන්තුවේදී සිදුවිය.

අමාත්‍යවරයකු වශයෙන් කටයුතු කරමින් සිය නිත්‍යානුකූල ආදායම ඉක්මවා රුපියල් මිලියන 75කට අධික වත්කම් අයතා ලෙස අත්පත් කර ගැනීම සම්බන්ධයෙන් හිටපු අමාත්‍ය විමල් වීරවංශට එරෙහිව අල්ලස් කොමිසම විසින් ගොනු කර තිබෙන නඩුවේ වැඩිදුර සාක්ෂි විභාගය ලබන 20 වැනිදා කැඳවීමට අද (08) කොළඹ මහාධිකරණය නියෝග කළේය.

මහරගම අපේක්ෂා රෝහලේ නව සීටී සිමියුලේටර් (CT Simulator) යන්ත්‍රයේ ඇති වී තිබෙන තාක්ෂණික දෝෂයක් හේතුවෙන් විකිරණ ප්‍රතිකාර සඳහා රෝගීන් 1500කට ආසන්න සංඛ්‍යාවක් පොරොත්තු ලේඛනයේ රැඳී සිටින බව රජයේ විකිරණ විද්‍යා තාක්ෂණවේදීන්ගේ සංගමය පවසයි.

සිර දඬුවම් නියම වී සිටින පූජ්‍ය ගලගොඩ අත්තේ ඥානසාර හිමියන් වෙනත් නඩුවලට අදාළව අධිකරණ හමුවට ඉදිරිපත් කිරීමේදී උන්වහන්සේ චීවරය සහිතව ඉදිරිපත් කිරීමට පියවර ගන්නා ලෙස බන්ධනාගාර බලධාරීන් වෙත නියෝගයක් නිකුත් කරන්නැයි ඉල්ලා ශ්‍රේෂ්ඨාධිකරණය හමුවේ මූලික අයිතිවාසිකම් පෙත්සමක් ඉදිරිපත් කර තිබේ.

කතානායක වෛද්‍ය ජගත් වික්‍රමරත්නට එරෙහි විශ්වාසභංග යෝජනාවක් අත්සන් කිරීම අද (08) දින පාර්ලිමේන්තු සංකීර්ණයේ පිහිටි විපක්ෂ නායක කාර්යාලයේදී සිදුවිය.

ගලගොඩඅත්තේ ඥාණසාර ස්වාමීන් වහන්සේගේ සිවුර ඉවත් කර සිරකරු ඇඳුම ඇන්දවීමේ තීරණය මගින් ආණ්ඩුක්‍රම ව්‍යවස්ථාවේ 9 වැනි සහ 10 වැනි වගන්ති උල්ලංඝණය වන බවද, බුද්ධාගම මෙන්ම ආගමික නිදහසද බරපතල අභියෝගයට ලක්වන බව එක්සත් ජාතික පක්ෂ සභාපති වජිර අබේවර්ධන පැවසුවේය.

පූජ්‍ය ගලගොඩඅත්තේ ඥානසාර හිමියන්ගේ සිවුර ගලවා ඉවත් කර සිරකරු ඇඳුම ඇන්දවීමට පියවර ගැනීම බුද්ධ ධර්මයට කළ අපහාසයක් බවත්, එම ක්‍රියාව කිසිසේත්ම අනුමත නොකරන බවත් ජනතාවාදී ඒකාබද්ධ විපක්ෂය පවසයි.

2023 අංක 9 දරන දූෂණ විරෝධී පනත සංශෝධනය කිරීම සඳහා වන පනත් කෙටුම්පත පිළිබඳ අද (08) පැවැත්වෙන පාර්ලිමේන්තු විවාදය අවසානයේ, කාරක සභා අවස්ථාවේදී ඉදිරිපත් කිරීමට නියමිත සංශෝධන සම්බන්ධයෙන් දැඩි අවධානයක් යොමු කරන ලෙස ‘දිනන දකුණ සාමූහිකය’ සියලුම පාර්ලිමේන්තු මන්ත්‍රීවරුන්ගෙන් ඉල්ලා සිටියි.

පූජ්‍ය ගලගොඩඅත්තේ ඥාණසාර හිමියන් ගිහි ඇඳුමකින් අධිකරණය දක්වා රැගෙන ඒම තුළ ආණ්ඩුව චේතනාන්විතවම රට අන්තවාදීත්වයකට තල්ලුකර ඇති බව සමගි ජනබලවේගයේ හිටපු පාර්ලිමේන්තු මන්ත්‍රී බුද්ධික පතිරණ පවසයි.

අධිකරණ තීන්දුවක් අනුව බන්ධනාගාර ගත කර සිටින පූජ්‍ය ගලගොඩඅත්තේ ඤාණසාර ස්වාමීන් වහන්සේ ගිහි වස්ත්‍ර සහිතව අධිකරණය වෙත ඉදිරිපත් කිරීම සම්බන්ධයෙන් අති පූජනීය ත්‍රෛනිකායික මහානායක ස්වාමීන් වහන්සේලා විසින් බන්ධනාගාර කොමසාරිස් ජනරාල්වරයා වෙත ලිපියක් යොමු කර තිබෙනවා.

රාජ්‍ය සේවයේ ඩිජිටල්කරණය ශක්තිමත් කිරීමේ සහ වේගවත් කිරීමේ උත්සාහයක කොටසක් ලෙස රාජ්‍ය අංශයේ සේවකයන්ට නිල විද්‍යුත් තැපැල් ලිපින ලබාදීමට රජය තීරණය කර ඇති බව ඩිජිටල් ආර්ථික අමාත්‍යාංශය පවසයි.