පුවත්

හිටපු විදේශ රැකියා හා කම්කරු අමාත්‍ය මනූෂ නානායක්කාර අද (01) අල්ලස් හෝ දූෂණ චෝදනා විමර්ශන කොමිෂන් සභාව හමුවේ පෙනී සිටිමින් ප්‍රකාශයක් ලබා දී තිබේ.

ත්‍රස්තවාදය වැළැක්වීමේ පනත යටතේ අපරාධ පරීක්ෂණ දෙපාර්තමේන්තුව විසින්  අත්අඩංගුවට ගෙන රක්ෂිත බන්ධනාගාරගත කර සිටින  කෝරලගමගේ මන්දිනු පත්මසිරි පෙරේරා නොහොත් කෙහෙල්බද්දර පද්මේ විසින් මත්ද්‍රව්‍ය ජාවාරම් සම්බන්ධයෙන් ලියන ලද පොත් 8 ක්  රස පරික්ෂක වෙත යැවීමට කොළඹ ප්‍රධාන මහේස්ත්‍රාත් අසංග එස් .බෝදරගම අද (1) නියෝග කළා.

දේශපාලන පක්ෂ තනි පුද්ගලයන් හෝ තනි නායකයින් මත යැපීම වෙනුවට අභ්‍යන්තර ප්‍රජාතන්ත්‍රවාදයෙන් යුතු ශක්තිමත් පක්ෂ ආයතන ලෙස ගොඩනැගිය යුතු බව ගම්පහ දිස්ත්‍රික් පාර්ලිමේන්තු මන්ත්‍රී වෛද්‍ය කවින්ද ජයවර්ධන අවධාරණය කරයි.

හිටපු ජනාධිපති රනිල් වික්‍රමසිංහගේ ආරක්ෂක නිලධාරියෙකු සමඟ ඇති වූ සිදුවීමකට අදාළව චෝදනා එල්ල වූ කැමරා ශිල්පියා කොම්පඤ්ඤවීදිය පොලිසිය මගින් අත්අඩංගුවට ගෙන තිබේ.

කළු රාජ්‍යයට සුදු අන්දන බව කියමින්, තවත් චිකාගෝ පන්නයේ මාෆියාවක් ක්‍රියාත්මක වෙමින් ඇතැයි සමගි ජනබලවේගයේ නියෝජ්‍ය නීති ලේකම් රජිත ලක්මාල් මහතා පවසනවා.

හිටපු ජනාධිපති රනිල් වික්‍රමසිංහගේ ආරක්ෂක නිලධාරියෙකු සහ රූපවාහිනී කැමරා ශිල්පියෙකු අතර කොළඹ කොටුව මහේස්ත්‍රාත් අධිකරණ පරිශ්‍රයේදී සිදුවූ සිද්ධිය සම්බන්ධයෙන් ක්ෂණික, අපක්ෂපාතී සහ සාධාරණ පරීක්ෂණයක් පවත්වන ලෙස ශ්‍රී ලංකා වෘත්තීය ජනමාධ්‍යවේදීන්ගේ සංගමය (SLWJA) ශ්‍රී ලංකා පොලිසියෙන් ඉල්ලා සිටියි.

ස්වාධීන අධිකරණය කෙරෙහි තමන්ගේ සම්පූර්ණ විශ්වාසය පවතින නමුත්, ඇතැම් නිලධාරීන් නීතිය අවභාවිත කරන බවද, සාක්ෂි ගොඩනැගීමට කටයුතු කරන බව ද ශ්‍රී ලංකා පොදුජන පෙරමුණේ මෙහෙයුම් ප්‍රධානී, හිටපු අමාත්‍ය ජොන්ස්ටන් ප්‍රනාන්දු පවසයි.

ණය සහ ලීසිං වාරික ගෙවීමට නොහැකි වන පාරිභෝගිකයන්ගේ වාහන, නීතිමය පද්ධතිය මඟහැර බලහත්කාරයෙන් හා ප්‍රචණ්ඩකාරී ලෙස අත්පත් කරගන්නා "සීසර්ලාගේ" මැර ක්‍රියාපරිපාටිය වහාම නතර කළ යුතු බව විපක්ෂ නායක සජිත් ප්‍රේමදාස පවසයි.

ඇමෙරිකා එක්සත් ජනපදයේ සිනමා කලා හා විද්‍යා ඇකඩමිය (Academy of Motion Picture Arts and Sciences) විසින් පවත්වනු ලබන ලෝක ප්‍රකට ඇකඩමි (ඔස්කාර්) සම්මාන උළෙල සඳහා ශ්‍රී ලංකාවේ නිල නියෝජනය තීරණය කිරීම වෙනුවෙන් පත්කරන ලද 2027 ශ්‍රී ලංකා ජාතික ඔස්කාර් තේරීම් කමිටුවේ සාමාජිකයින්ගේ නාමලේඛනය නිල වශයෙන් ප්‍රකාශයට පත් කර ඇත.

ප්‍රවීණ මාධ්‍යවේදියකු, ගත්කතුවරයකු සහ ඡායාරූප ශිල්පියකු ලෙස දශක පහකට ආසන්න කාලයක් ශ්‍රී ලංකාවේ කලා හා මාධ්‍ය ක්ෂේත්‍රයට මහඟු සේවයක් කළ මනෝජ් රූපසිංහ මහතා ඊයේ (30) පස්වරුවේ අභාවප්‍රාප්ත වී තිබේ. මිය යන විට ඒ මහතා 71 වැනි වියේ පසුවිය.

ඊයේ (30) දින කොළඹ කොටුව මහේස්ත්‍රාත් අධිකරණ පරිශ්‍රයේදී පෞද්ගලික මාධ්‍ය ආයතනයක කැමරා ශිල්පියෙකු විසින් හිටපු ජනාධිපති රනිල් වික්‍රමසිංහගේ ආරක්ෂක නිලධාරියෙකුට ශාරීරිකව පහරදීමක් සිදුවූ බවට වාර්තා වන සිදුවීම සම්බන්ධයෙන් Rata Next සංවිධානය සිය දැඩි කනස්සල්ල සහ අවධානය පළ කර තිබේ.

අනාගත පරපුරට උරුම කළ යුත්තේ දූෂිත පසක් හෝ ප්ලාස්ටික්වලින් පිරුණු මුහුදක් නොව, නිදහසේ හුස්ම ගෙන නිරෝගීව ජීවත් විය හැකි පිරිසිදු හරිත පරිසරයක් බව අග්‍රාමාත්‍ය ආචාර්ය හරිනි අමරසූරිය පැවසුවාය.

කිලිනොච්චිය, පලෙයි රක්ෂිතයේ LTTE ත්‍රස්ත සංවිධානයට අයත් කඳවුරක් ඇති බවට ව්‍යාජ පුවතක් ප්‍රචාරය කිරීමේ සිද්ධියට අදාළව අත්අඩංගුවට ගත් සැකකරු ලබන 7 වැනිදා දක්වා යළිත් රක්ෂිත බන්ධනාගාරගත කිරීමට කොළඹ කොටුව මහේස්ත්‍රාත් පසන් අමරසේන අද (30) නියෝග කළේය.

කීර්තිමත් ජ්‍යෙෂ්ඨ මානව හිමිකම් ක්‍රියාකාරිකයෙකු, නීතිවේදියෙකු, කතුවරයෙකු සහ කවියෙකු වූ බැසිල් ප්‍රනාන්දු මහතා අභාවප්‍රාප්ත විය.

ශ්‍රී ලංකාවේ ආපදා කළමනාකරණ කටයුතු සඳහා නෙදර්ලන්ත රජය විසින් ලබා දී තිබූ වාහනයක් පෞද්ගලික පරිහරණයට යොදා ගැනීම හේතුවෙන් හිටපු අමාත්‍ය ඒ.එච්.එම්. ෆවුසි මූලික අයිතිවාසිකම් උල්ලංඝනය කර ඇතැයි තීරණය කළ ශ්‍රේෂ්ඨාධිකරණය, ඔහුට රුපියල් ලක්ෂ 66ක මුදලක් ඒකාබද්ධ අරමුදලට ගෙවන ලෙසත් ප්‍රසිද්ධියේ සමාව ඉල්ලන ලෙසත් ඊයේ (29) නියෝග කළේය.

හිටපු ජනාධිපති රනිල් වික්‍රමසිංහට එරෙහිව අපරාධ පරීක්ෂණ දෙපාර්තමේන්තුව විසින් ඉදිරිපත් කළ නඩුව අද (30) කොළඹ කොටුව මහේස්ත්‍රාත් අධිකරණයේදී කැඳවීමෙන් අනතුරුව හිටපු ජනාධිපතිවරයා පිටතට පැමිණෙන අවස්ථාවේදී, ඔහුගේ ආරක්ෂක නිලධාරියෙකුට පෞද්ගලික මාධ්‍ය ආයතනයක කැමරා ශිල්පියෙකුගෙන් ප්‍රහාරයක් එල්ල වී ඇති වී ඇති බව වාර්තා වෙනවා.

ශ්‍රී ලංකන් ගුවන් සේවයට එයාර්බස් මිලදී ගැනීමේදී සිදුවූ බව කියන මූල්‍ය අක්‍රමිකතා සහ මුදල් විශුද්ධිකරණ සිද්ධිය සම්බන්ධයෙන් අපරාධ පරීක්ෂණ දෙපාර්තමේන්තුව විසින් සැකකරුවෙකු ලෙස නම් කර රක්ෂිත බන්ධනාගාරගත කර සිටි පාර්ලිමේන්තු මන්ත්‍රී නාමල් රාජපක්ෂ ඇප මත මුදා හැරීමට කොටුව මහේස්ත්‍රාත් පසන් අමරසේන අද (30) නියෝග කළේය.

ඉස්ලාම් දහමට අපහාසයක් සිදු කළේ යැයි චෝදනා කරමින් බොදු බල සේනා සංවිධානයේ ලේකම් පූජ්‍ය ගලගොඩඅත්තේ ඥානසාර හිමියන්ට එරෙහිව නීතිපතිවරයා විසින් ගොනුකර තිබෙන නඩුවක් අද කැඳවනු ලැබු අවස්ථාවේ දී හිමිනම අධිකරණය හමුවේ පෙනී නොසිටි බැවින් කොළඹ මහාධිකරණය වරෙන්තුවක් නිකුත් කලේය.