පුවත්

හිටපු ජනාධිපති මහින්ද රාජපක්ෂගේ බිරිඳ වන ශිරන්ති රාජපක්ෂ අල්ලස් හෝ දූෂණ චෝදනා විමර්ශන කොමිෂන් සභාව විසින් අත්අඩංගුවට ගෙන තිබෙනවා.

ආචාර්ය කරු ජයසූරිය සහ වෛද්‍ය වසන්තා ජයසූරිය විසින් ආරම්භ කරන ලද 'සූර්ය පදනම' මගින්, දකුණේ දරුවන්ට දමිළ භාෂාවත් උතුරේ දරුවන්ට සිංහල භාෂාවත් නොමිලේ උගන්වමින් ආරම්භ කළ ජාතික සමගියේ වැඩසටහනට මෙවර වසර 10ක් සපිරේ. ඒ වෙනුවෙන් එහි 10 වැනි කණ්ඩායම ඇගයීමේ සහ සහතික පත් පිරිනැමීමේ විශේෂ උත්සවයක් පසුගියදා යාපනයේ දී පැවැත්විණි. මතු දැක්වෙන්නේ මේ පිළිබඳව හිටපු කථානායක කරු ජයසූරියගේ මාධ්‍ය සම්බන්ධීකරණ අංශය නිකුත් කළ නිවේදනයයි.

සිරදඬුවම් නියම වී සිටින සිටින බොදු බල සේනා සංවිධානයේ ලේකම් පූජ්‍ය ගලගොඩඅත්තේ ඥානසාර හිමියන් අද (06) දින අධිකරණ භූමියට රැගෙන ආ අවස්ථාවේ උන්වහන්සේ ගිහි ඇඳුමින් සැරසී අධිකරණය වෙත රැගෙන ඒමේ සිදුවීම සම්බන්ධයෙන් විපක්ෂ නායක සජිත් ප්‍රේමදාස තම අදහස දක්වමින් නිවේදනයක් නිකුත් කර තිබේ.

සංවිධානාත්මක අපරාධ වැළැක්වීමේ පනත් කෙටුම්පත ගැසට් කිරීමට පියවර ගෙන තිබේ.

දැනට රැකියා විරහිත සිටින සියළු උපාධිධාරීන්ට රැකියා අවස්ථා ලබාදීමට අවශ්‍ය මුදල් ප්‍රතිපාදන ඉදිරි 2027 අයවැය මගින් වෙන් කරන ලෙස ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී නාමල් රාජපක්ෂ ජනාධිපති සහ මුදල් අමාත්‍ය අනුර කුමාර දිසානායකගෙන් ඉල්ලීමක් කරයි.

වසර 18කට ආසන්න කාලයක් රසිකයන් අතර අතිශය ජනප්‍රිය වූ “නෙළුම් විලෙන් පැන” ගීතය සම්බන්ධයෙන් ගායන ශිල්පී දුෂ්‍යන්ත් වීරමන්ට එරෙහිව ලබාගෙන තිබූ වාරණ නියෝගය ඉවත් කිරීමට කොළඹ වාණිජ මහාධිකරණය මහාධිකරණ විනිසුරු අමාලි රණවිර නියෝග කර තිබෙනවා.

පාස්කු ප්‍රහාරය සම්බන්ධ විමර්ශනවලට අදාළව රැඳවුම් නියෝග මත සිටින රාජ්‍ය බුද්ධි අංශයේ හිටපු අධ්‍යක්ෂ සුරේෂ් සලේ අද (06) පස්වරුවේ ජාතික රෝහලෙන් මුදාහැර නැවත අපරාධ පරීක්ෂණ දෙපාර්තමේන්තුවේ (CID) රැඳවුම් භාරයට පත් කිරීමට අපේක්ෂා කරන බව අතිරේක සොලිස්ටර් ජනරාල් දිලිප පීරිස් අධිකරණයට දැනුම් දුන්නේය.

විදේශීය මත්පැන් බෝතල් දහයක් සමඟ අත්අඩංගුවට ගත් පුද්ගලයින් දෙදෙනෙකුට එරෙහිව නීතිමය පියවර නොගෙන සිටීමට රුපියල් ලක්ෂ පහක අල්ලසක් ඉල්ලා, ඉන් රුපියල් ලක්ෂ හතරක මුදලක් ලබාගැනීමේ චෝදනාවලට වරදකරුවන් වූ සුරාබදු නිලධාරීන් සිව්දෙනෙකුට කොළඹ මහාධිකරණ විනිසුරු මොහොමඩ් මිහාල් මහතා අද(6) බරපතළ වැඩ සහිත වසර 28 බැගින් වූ සිරදඬුවම් නියම කළේය.

පාස්කු ඉරු දින සිදුවූ ප්‍රහාර මාලාවේ සැකකරුවෙක් ලෙස නම් කරමින් රදවා ප්‍රශ්න කරන දැනට කොළඹ ජාතික රෝහලේ ප්‍රතිකාර ලබන හිටපු යුධ හමුදා බුද්ධි ප්‍රධානී තුවාන් සුරේෂ් සලේ යන අය ජාතික රෝහලෙන් මුදා නොහැරීමට අදාලව වෛද්‍ය වාර්තා අත්සනින් නිකුත් කළ වෛද්‍යවරුන් දහදෙනාට සහ ජාතික රෝහලේ අධ්‍යක්ෂ වරයාට අද (6) පස්වරු 2.00 ට කොටුව මහේස්ත්‍රාත් අධිකරණය හමුවේ පෙනී සිටින ලෙස නොතිසි නිකුත් කර තිබේ.

ක්‍රිෂ් ගනුදෙනුව සම්බන්ධයෙන් සිදු කරනු ලබන විමර්ශනයට  අදාලව රක්ෂිත බන්ධනාගාරගත කර සිටින පාර්ලිමේන්තු මන්ත්‍රී නාමල් රාජපක්ෂ සහ එම සමාගමේ හිටපු අධ්‍යක්ෂිකා  ජානකී සිරිවර්ධන ලබන 16  දක්වා තවදුරටත් රක්ෂිත බන්ධනාගාරගත කරන ලෙස කොළඹ ප්‍රධාන මහේස්ත්‍රාත් අසංග එස් බෝදරගම අද (6) නියෝග කළා.

සිය සැමියාට අත්හිටවූ සිරදඬුවමක් ලබාදීමට විනිසුරු පෙළඹවීමට කොළඹ මහාධිකරණ කාර්යාල කාර්ය සහයකවරයෙකුට අල්ලස් මුදලක් ලබා දුන්නැයි කියන සිද්ධියට අදාලව අල්ලස් කොමිසම විසින් අත්අඩංගුවට ගත් හිටපු නියෝජ්‍ය අමාත්‍ය සරණ ගුණවර්ධනගේ බිරිඳ  ඇතුලු  තිදෙනා ලබන 20 දක්වා  යළිත් රක්ෂිත බන්ධනාගාරගත කිරීමට කොළඹ ප්‍රධාන මහේස්ත්‍රාත් අසංග එස්. බෝදරගම අද (6) නියෝග කළා.

සිරදඬුවම් නියම වී සිටින සිටින බොදු බල සේනා සංවිධානයේ ලේකම් පූජ්‍ය ගලගොඩඅත්තේ ඥානසාර හිමියන් අද(06) කොළඹ මහාධිකරණය වෙත ඉදිරිපත් කර තිබේ.

ජාත්‍යන්තර මලල ක්‍රීඩා පිටියේ ශ්‍රී ලංකා නාමය බැබළවූ ප්‍රවීණ ක්‍රීඩක ක්‍රීඩිකාවන් ඇගයීම වෙනුවෙන් ශ්‍රී ලංකා ප්‍රවීණයන්ගේ මලල ක්‍රීඩා සංගමය (Sri Lanka Masters Athletics)මගින් සංවිධානය කරන ලද 2026 විශේෂ උපහාර උළෙල 2026 සැපතැම්බර් 27 වන දින දෙහිවල කොන්කෝඩ් උත්සව ශාලාවේදී  උත්කර්ෂවත් ලෙස පැවැත්විණි.

වත්මන් රජයේ විදේශ ප්‍රතිපත්තිය දුර්වල වීම හේතුවෙන් ශ්‍රී ලංකාවට අද වන විට කලාපීය මෙන්ම ජාත්‍යන්තර වශයෙන් අභියෝග රැසකට මුහුණ දීමට සිදුව ඇති බව ජනතාවාදී ඒකාබද්ධ විපක්ෂයේ කැඳවුම්කරු මහාචාර්ය ජී. එල්. පීරිස් පවසයි.

සිරගත කළ පූජ්‍ය ගලගොඩඅත්තේ ඥානසාර හිමියන්ට සිරකරු අංකයක් ලබා දී  සිරකරුවන්හට ලබා දෙන ජම්පරය ලබා දුන් බව අද (05) පස්වරුවේ  බන්ධනාගාර මාධ්‍ය ප්‍රකාශක සේනක පල්ලේතැන්න පැවසුවේය.

ජනාධිපති අනුර කුමාර දිසානායක යනු පුංචිම පුංචි මිනිසෙකු බව දැන් රටටම හෙළිවෙමින් ඇතැයි සමගි ජනබලවේගයේ ජාතික සංවිධායක තිස්ස අත්තනායක පවසයි.

තමන් අත්අඩංගුවට ගැනීමේ අවදානමක් පවතින බව සඳහන් කරමින් හිටපු ජනාධිපති මහින්ද රාජපක්ෂගේ බිරිඳ වන ශිරන්ති රාජපක්ෂ මාලිගාකන්ද මහේස්ත්‍රාත් අධිකරණය හමුවේ අද (05) අපේක්ෂිත ඇප පෙත්සමක් ගොනු කර තිබේ.

අධිකරණයට අපහාස කිරීමේ චෝදනා සම්බන්ධයෙන් වැරදිකරු වීමෙන් අනතුරුව පූජ්‍ය ගලගොඩඅත්තේ ඥානසාර හිමියන්ට පනවා තිබෙන වසර 6ක සිර දඬුවමේ ඉතිරි කාල සීමාව අද (05) සිට යළි ක්‍රියාත්මක කිරීමට පියවර ගන්නා ලෙස අභියාචනාධිකරණය බන්ධනාගාර කොමසාරිස් ජෙනරාල්වරයාට නියෝග කළේය.