පුවත්

විසි දෙවැනි (22) ආණ්ඩුක්‍රම ව්‍යවස්ථා සංශෝධන තීරණාත්මක නඩු විභාගයේ දී  පූජ්‍ය බලංගොඩ කස්සප හිමියෝ සිය කරුණු දැක්වීමේදී බුද්ධ ධර්මය පිළිබඳව සඳහන් කළ අවස්ථාවේ දී ඊට පිළිතුරු දෙමින් තමන් තීරණ ගනු ලබන්නේ නීතිය පදනම් කරගෙන මිස බෞද්ධ ඉගැන්වීම් පදනම් කරගෙන නොවන බව අග්‍රවිනිශ්චකාරතුමා පැවසීම බුද්ධ ධර්මය නොසලකා හැරීමක් වනවා සේ ම ආණ්ඩුක්‍රම ව්‍යවස්ථාවේ 9 වැනි වගන්තියට සහ අධිකරණ තීන්දු මගින් ඊට දී ඇති අධිකාරී තීන්දුවලට පරස්පර යැයි ජනතාවාදී ඒකාබද්ධ විපක්ෂයේ කැඳවුම්කරු මහාචාර්ය ජී ඒල්. පීරිස් සඳහන් කරයි.

කළු සල්ලි සුදු කිරිම වැළැක්වීම බැංකුවලට පමණක් සීමා වූවක් නොවන බවත්, මූල්‍ය නොවන නියමිත ව්‍යාපාර සහ වෘත්ති (DNFBPs) මෙන්ම නීතිඥවරුන්, නොතාරිස්වරුන් සහ ස්වාධීන නීති වෘත්තිකයින් වෙත ද එහි වගකීමක් පැවරී ඇති බව ශ්‍රී ලංකා මහ බැංකුවේ අධිපති ආචාර්ය පී. නන්දලාල් වීරසිංහ ප්‍රකාශ කළේ ය.

ශ්‍රී ලංකාවේ බලශක්ති සුරක්ෂිතතාව ශක්තිමත් කරමින්, කෙරවලපිටිය කාර්මික කලාපයේ ඉදිකෙරෙන මෙගාවොට් 350ක ‘සහස්ධනවි’ සංයුක්ත චක්‍ර විදුලි බලාගාරයේ (Combined Cycle Power Plant) සංවර්ධන කටයුතු සඳහා වන ගිවිසුම ශ්‍රී ලංකා ආයෝජන මණ්ඩලය (BOI) විසින් සාර්ථකව ලියාපදිංචි කර ඇත. එය ලියාපදිංචි කර ඇත්තේ 1978 අංක 4 දරන ශ්‍රී ලංකා ආයෝජන මණ්ඩල පනතේ 17(2) වගන්තිය යටතේ 2026 අගෝස්තු 13වන දා ය.

99වන ඇකඩමි (ඔස්කාර්) සම්මාන උලෙළහි ජාත්‍යන්තර දීර්ඝ වෘතාන්ත සිනමා කාණ්ඩය (International Fsature Film) සඳහා හ්‍රී ලංකාව නියෝජනය කරමින් චිත්‍රපටයක් නිල වශයෙන් ඉදිරිපත් කිරීම සඳහා අවශ්‍ය කටයුතු මේ ව විට ආරම්භ කර ඇතැයි රාජ්‍ය චිත්‍රපට සංස්ථාවේ සභාපති සුදත් මහදිවුල්වැව සඳහන් කරයි.

ශ්‍රී ලංකා සුරාබදු දෙපාර්තමේන්තුවේ කාර්ය මණ්ඩලයේ පැවති පුරප්පාඩු පිරවීම සඳහා නව බඳවාගැනීම් සිදු කරන බව සුරාබදු දෙපාර්තමේන්තුව නිවේදනයක් නිකුත් කරමින් පවසයි.

කල් ඉකුත් වූ තේ ඇසුරුමක් පාරිභෝගිකයකුට අලෙවි කිරීම සම්බන්ධයෙන් SPAR SL (PRIVATE) LIMITED සමාගමට එරෙහිව පාරිභෝගික කටයුතු පිළිබඳ අධිකාරිය විසින් පවරන ලද නඩුවේ දී, විත්තිකාර සමාගම වරද පිළිගැනීමෙන් අනතුරුව කොළඹ අංක 05 මහේස්ත්‍රාත් අධිකරණය විසින් රු. 200,000/-ක දඩ මුදලක් නියම කර ඇත.

මහ බැංකු බැඳුම්කර සිද්ධිය සම්බන්ධයෙන් හිටපු මහ බැංකු අධිපති අර්ජුන් මහේන්ද්‍රන් ඇතුළු විත්තිකරුවන් 10 දෙනකුට එරෙහිව ගොනු කර ඇති නඩුවේ වැඩිදුර පුර්ව නඩු විභාග සම්මන්ත්‍රණය නොවැම්බර් මස 02වන දා පවත්වන ලෙස කොළඹ ස්ථිර ත්‍රිපුද්ගල මහාධිකරණය නියම කළේ ය.

නියමිත දිනට වත්කම් සහ බැරකම් ප්‍රකාශ (වාර්ෂික හෝ පශ්චාත් විශ්‍රාම ප්‍රකාශ) ඉදිරිපත් නොකිරීම සම්බන්ධයෙන් පරිපාලන දඩ මුදල් අය කර ගැනීමට පෙර හේතු දැක්වීමට අවස්ථාව ලබා දීම 2026 සම්බන්ධයෙන් අල්ලස් හෝ දූෂණ චෝදනා විමර්ශන කොමිසන් සභාව නිවේදනයක් නිකුත් කර ඇත.

රාජ්‍ය බුද්ධි සේවයේ හිටපු අධ්‍යක්ෂ විශ්‍රාමික මේජර් ජෙනරාල් සුරේෂ් සලේ අත්අඩංගුවට ගැනීමට එරෙහිව පැවති සත්‍යග්‍රහයක් අතරතුර කළ ප්‍රකාශ සහ එම නඩුවට අදාළව එයින් පසු කළ ප්‍රකාශ සම්බන්ධයෙන් විමල් වීරවංශ, උදය ගම්මන්පිල සහ දිලිත් ජයවීර ඇතුළු හය දෙනෙකුට එරෙහි අධිකරණයට අපහාස කිරීමේ පැමිණිල්ල සම්බන්ධයෙන් ඉදිරි පියවර ගැනීමට අභියාචනාධිකරණය නියෝග කරයි.

ශ්‍රී ලන්කන් ගුවන් සමාගම එයාර් බස් මිලදී ගැනීමේ සිද්ධියේ සැකකරුවකු වන මියගිය ශ්‍රී ලංකන් ගුවන් සමාගමේ හිටපු ප්‍රධාන විධායක නිලධාරී කපිල චන්ද්‍රසේන ගේ ඇපල් ජංගම දුරකතනයේ දත්ත ලබා ගැනීම සඳහා වූ අධිකරණ නියෝගය ඇපල් සමාගම වෙත ඊමේල් මගින් යොමු කළ බව අපරාධ පරීක්ෂණ දෙපාර්තමේන්තුව අද (09) කොටුව මහේස්ත්‍රාත් පසන් අමරසේන හමුවේ දැනුම් දුන්නේ ය.

වැල්ලවත්ත මුහුදු තීරයේ පිහිටි අවන්හලක් කඩා ඉවත් කරන ලෙස දන්වමින් වෙරළ සංරක්ෂණ අධ්‍යක්ෂවරයා විසින් නිකුත් කර තිබෙන නොතිසියක් ලබන 21වන දා දක්වා ක්‍රියාත්මක කිරීම වළක්වාලමින් අභියාචනාධිකරණය අතුරු තහනම් නියෝගයක් නිකුත් කර ඇත.

ගණේමුල්ල සංජීව ඝාතන සිද්ධියේ ප්‍රධාන සැකකාරියක වන ඉෂාරා සෙව්වන්දිට යාපනයේ අලෙයියාලෙයි සිට ඉන්දියාවට පලා යෑම සඳහා ආධාර අනුබල දුන් බෝට්ටු රියැදුරා ලබන 18 වැනිදා දක්වා රක්ෂිත බන්ධනාගාර ගත කිරීමට කොළඹ ප්‍රධාන මහේස්ත්‍රාත් අසංග එස් බෝදරගම ඊයේ (08) නියෝග කර ඇත.

හිටපු ජනාධිපති රනිල් වික්‍රමසිංහ ගේ ධූර කාලයේ විශේෂ ව්‍යාපෘති අධ්‍යක්ෂක ජනරාල්වරයා වශයෙන් කටයුතු කරමින් රුපියල් කෝටි 22 අධික මුදලක් සාපරාධී සාවද්‍ය පරිහරණය, විශ්වාසය කඩ කළ බවට සැක පිට රක්ෂිත බන්ධනාගාර ගත කර සිටින හිටපු ජනාධිපති ගෝඨාභය රාජපක්ෂ ගේ හිටපු පුද්ගලික ලේකම් සුගීෂ්වර බණ්ඩාර ඇප මත මුදා හරින ලෙස කළ ඉල්ලීම කොටුව මහේස්ත්‍රාත් පසන් අමරසේන අද (08) ප්‍රතික්ෂේප කළේ ය.

මෙරට නිල සංචාරයක නිරත ඉන්දීය ආරක්ෂක අමාත්‍ය ශ්‍රී රාජ්නාත් සිං සහ ජනාධිපති අනුර කුමාර දිසානායක අතර හමුවක් අද (09) ජනාධිපති කාර්යාලයේ දී සිදු විය.  

අධිකරණ ඇමතිවරයා, පොදු රාජ්‍ය මණ්ඩලීය නීතිඥ සංවිධානයට දරුණු ප්‍රහාරයක් එල්ල කිරීම පිළිබඳව අද පුවත්පත්වල ප්‍රධාන පුවත ලෙස පළ වී ඇතැයි ජනතාවාදී ඒකාබද්ධ විපක්ෂයේ කැදවුම්කරු මහාචාර්ය ජී.එල්. පීරිස් පැවසී ය.

ශ්‍රේෂ්ඨාධිකරණ තීන්දුව හෑල්ලු කරමින්, 2/3 බලයෙන් මාධ්‍ය මර්දන වගන්ති සම්මත කිරීමට දරන ඕනෑම උත්සාහයක් ප්‍රජාතන්ත්‍රවාදයේ මළගම වනු ඇතැයි දිනන දකුණ සාමූහිකය සඳහන් කරයි.

මීගමුව බන්ධනාගාරයේ ඇතිවූ  ගැටුමේ දී ජීවිතක්ෂයට පත් වූ ඉන්දීය ජාතික රැඳවියකු වන උම්නිතාත් සරත්චන්ද්‍රන් නමැත්තාගේ මෘත දේහය අධිකරණයෙන් ලද නියෝගය අනුව ඉන්දීය මහ කොමසාරිස් කාර්යාලයේ නිලධාරීන්ගේ මැදහත්වීම මත මීගමුව මහ නගර සභාවට අයත් මඤ්ඤොක්කා හේන පොදු සුසාන භූමියේදී සැප්තැම්බර් 02 දින විශේෂ ආරක්ෂාවක් යටතේ මිහිදන් කළ බව අපරාධ පරික්ෂණ දෙපාර්තමේන්තුව මීගමුව මහෙස්ත්‍රාත් අධිකරණයට දන්වා සිටියේ ය.

කොළඹ මහාධිකරණයේ විභාග වන හිටපු නියෝජ්‍ය ඇමති සරණ ගුප්ත ගුණවර්ධන යන අයට විරුද්ධව අල්ලස් කොමිසම විසින් පවරා ඇති අල්ලස් නඩුවකට අධිකරණයේ විනිසුරුතුමා ලවා අත්හිටවු සිර දඩුවම් ලබා දීම සඳහා