පුවත්

දූෂණ චෝදනාවක් සම්බන්ධයෙන් අල්ලස් කොමිසම විසින් හිටපු අමාත්‍ය කුමාර ජයකොඩිට එරෙහිව ගොනුකරන ලද නඩුවේ වැඩිදුර සාක්ෂි විභාගය සැප්තැම්බර් මස 7 වනදා කැඳවන ලෙස කොළඹ මහාධිකරණ විනිසුරු රශන්ත ගොඩවෙල දින නියම කළේ ය.

බන්ධනාගාරගත කාන්තාවන්ට හිංසා කිරීම, පහරදීම, වෛද්‍ය ප්‍රතිකාර ලබාදීම හා මානව හිමිකම් කොමිසමට ප්‍රවේශය ලබාදීම සම්බන්ධයෙන් ‘නිදහසේ කාන්තාවෝ’ සංවිධානය ගරු අධිකරණ අමාත්‍ය හර්ෂණ නානායක්කාර සහ පාර්ලිමේන්තු මන්ත්‍රීවරියන්ගේ සංසදයේ සභාපතිනි සාරෝජා පෝල්රාජ් මහත්මිය වෙත ඉල්ලීම් කිහිපයක් ඉදිරිපත් කර ඇතැයි නිදහසේ කාන්තාවන්වෝ සංවිධානය සඳහන් කරයි.

රටේ මේ වනවිට උද්ගත වී තිබෙන වැදගත් කරුණු කිහිපයක් සම්බන්ධයෙන් එක්සත් ජාතීන්ගේ සංවිධානය දැනුවත් කළා යැයි මහාචාර්ය ජී. එල්. පීරිස් පැවසී ය.

ජූලි මස 5 සහ 6 යන දිනවල මීගමුව බන්ධනාගාරයේ ඇති වූ කැරැල්ල ශ්‍රී ලාංකීය බන්ධනාගාර ඉතිහාසයේ සිදු වූ බියකරුම සිදුවීම් අතරින් එකක් බවත්, මේ වන විට මියගිය සංඛ්‍යාව 33ක් දක්වා ඉහළ ගොස් ඇති අතර, ඊට රැඳවියන් 23 දෙනකු සහ බන්ධනාගාර නිලධාරීන් 10 දෙනෙක් ඇතුළත් වන බව ජනතාවාදී ඒකාබද්ධ විපක්ෂය සඳහන් කරයි.

ශ්‍රී ලංකාව සහ ඉන්දියාව අතර මාධ්‍ය ක්ෂේත්‍රයේ සහයෝගීතාව, වෘත්තීය සබඳතා හා දැනුම් හුවමාරුව තවදුරටත් ශක්තිමත් කිරීමේ අරමුණින් ශ්‍රී ලංකා–ඉන්දියානු මාධ්‍ය මිත්‍රත්ව සංගමය (Sri Lanka–India Media Friendship Association - SLIMFA) සංවිධානය කරන “SLIMFA මාධ්‍ය සම්මන්ත්‍රණය 2026” පසුගියදා කොළඹ ටාජ් සමුද්‍රා හෝටලයේ දී පැවැත්විණි.

මාලිමා ආණ්ඩුව බලයට පත්වීමෙන් අනතුරුව අවස්ථා දෙකකදී ඉහළ නැංවූ පුද්ගලික අංශයේ අවම ජාතික වැටුප, අදාළ ආයතනවල සේවක සේවිකාවන්ට මෙතෙක් නොගෙවා ඇති ආයතන පිළිබඳ වහාම සොයා බලා නීතිමය පියවර ගන්නා ලෙස කම්කරු දෙපාර්තමේන්තුවට උපදෙස් දී ඇතැයි කම්කරු නියෝජ්‍ය අමාත්‍ය මහින්ද ජයසිංහ පැවසී ය.

දෙනියාය රෝහලේ වෛද්‍ය උපකරණවලට අවශ්‍ය රුපියල් මිලියන 600ක ප්‍රදානයක් ලබාදීම වෙනුවෙන් ඉන්දියාව සහ ලංකාව අත අවබෝධතා ගිවිසුමක් අත්සන් කර ඇත.

කොළඹ මහ නගර සභාවේ ශ්‍රී ලංකා නිදහස් පක්ෂ මන්ත්‍රිනී දීපා එදිරිසිංහ සිය මන්ත්‍රී ධුරයෙන් ඉල්ලා අස්වී ඇතැයි එම පක්ෂයේ භාණ්ඩාගාරික, හිටපු අමාත්‍ය ලසන්ත අලගියවන්න ඊයේ (13) ප්‍රකාශ කර ඇත.

විදෙස් රැකියාවල නියුක්තව සිට පැමිණි සියලු දෙනා විධිමත්ව ලියාපදිංචි කර ඔවුන් වෙනුවෙන් විශ්‍රාම වැටුපක් ලබා දීමට කටයුතු කරන්නේ නම් වත්මන් ජනාධිපතිවරයාට රජවිය හැකි යැයි සමබිම පක්ෂයේ නායක දීප්ති කුමාර ගුණරත්න පැවසී ය.

දීර්ඝ කාලයක් තිස්සේ, වේදිකාව මත ද, ගුවන් විදුලියෙන් ද, සිනමාවෙන් ද, රූපවාහිනියෙන් ද රසික සහ ප්‍රේක්ෂක මනදොළ පිනවූ ජ්‍යේෂ්ඨතම රංගවේදියකු වන විජේරත්න වරකාගොඩ ඇගයුම් උලෙළ එළඹෙන 16වන දා සවස 06ට සුදර්ශි ශාලාවේ දී පැවැත්වේ.

මානව ප්‍රතිශක්ති ඌනතා වෛරසය HIV/STI හෙපටයිටිස් ඇතුළු ලිංගිකව සම්ප්‍රේෂණය වන රෝග කල්තියා හඳුනාගැනීම සඳහා වන ජංගම ඒකක මගින්, ප්‍රජාව තුළ ළඟාවීමට අපහසු ජන කොටස් වෙත සේවා සැපයීම (Mobile Units: Reaching the Unreached within the Community Neighbourhood) විශේෂ ජංගම සායන වැඩසටහනක් ක්ෂේත්‍රයේ ක්‍රියාත්මක කිරීමට සෞඛ්‍ය හා ජනමාධ්‍ය අමාත්‍යාංශය පියවර ගෙන ඇත.

හේතු දහයක් මත අධිකරණ ඇමතිතුමාට එරෙහිව විශ්වාසභංග යෝජනාවක් ගෙන ඒ්මට කටයුතු කර ඇති බවත්, එම විශ්වාස භංගයට තමන් ද සහයෝගව පළ කරන්නේ යැයි පිවිතුරු හෙළ උරුමයේ නායක උදය ගම්මන්පිල පැවසී ය.

සෑම පුද්ගලයකුට ම ප්‍රතිලාභ සැලසෙන, ගුණාත්මක සහ පහසුකම් සහිත පොදු ප්‍රවාහන ක්ෂේත්‍රයක් ගොඩනැගිය යුතු බවත්, එමගින් ජනතාවට ප්‍රවාහනය සඳහා පෞද්ගලිකව දැරීමට සිදුව ඇති වැය බර අවම කරමින් ගුණාත්මක ප්‍රවාහන සේවාවක් රට තුළ සහතික කළ හැකි යැයි ද ජනාධිපති අනුර කුමාර දිසානායක පැවසී ය.

මීගමුව බන්ධනාගාරයේ සිද්ධියෙන් අනතුරුව වැලිකඩ බන්ධනාගාරයට මාරුකර යවා ඇති සිරකරුවන් දෙදෙනකුට නීතිමය උපදෙස් ලබාදීම බන්ධනාගාර නිලධාරීන් ගේ ඇහුම්කන් දීමට යටත්ව සිදුකරන ලෙස කළ දැනුම් දීමක් සිරකරු අයිතිවාසිකම් සුරැකීමේ කමිටුවේ සභාපති නීතිඥ සේනක පෙරේරා ප්‍රමුඛ නීතිඥ කණ්ඩායමක් විසින් ප්‍රතික්ෂේප කරන ලදී.

හිටපු ඇමති විමල් වීරවංශ ඇතුළු හය දෙනෙකුට එරෙහිව එරෙහිව ගොනු කර තිබෙන, මහජන පීඩාවක් සිදුකළේ යන චෝදනාවට අදාළ නඩුව වැඩිදුර විභාගය සඳහා සැප්තැම්බර් 21 කැඳවන ලෙස නියම කර ඇත.

විදර්ශන ප්‍රකාශන ආයතනය විසින් සංවිධානය කරනු ලබන විදර්ශන සාහිත්‍ය ත්‍යාගය 2026 සඳහා නිර්දේශිත කාව්‍ය දිගු ලැයිස්තුව නිකුත් කර ඇත.

මුදල් ක්‍රම සම්පාදන සහ ආර්ථික සංවර්ධන අමාත්‍යංශය විසින් ශ්‍රී ලංකා ආර්ථිකය ස්ථාවරත්වයට පත් වූ ආකාරය සහ 2026 මැයි මස මූල්‍ය ප්‍රගතිය පිළිබඳ සම්පූර්ණ වාර්තාවක් නිකුත් කරනු ලැබ ඇත.

කාලගුණ විද්‍යා දෙපාර්තමේන්තුවේ, ස්වභාවික විපත් පිළිබඳ පූර්ව අනතුරු ඇඟවීමේ මධ්‍යස්ථානය, හෙට (13) දිනය සඳහා වලංගු වන පරිදි, අද (11) පස්වරු 5.00ට මෙම නිවේදනය නිකුත් කර ඇත.