ශ්‍රී ලංකන් ගුවන් සේවයට එයාර්බස් මිලදී ගැනීමේදී සිදුවූ බව කියන මූල්‍ය අක්‍රමිකතා සහ මුදල් විශුද්ධිකරණ සිද්ධිය සම්බන්ධයෙන් අපරාධ පරීක්ෂණ දෙපාර්තමේන්තුව විසින් සැකකරුවෙකු ලෙස නම් කර රක්ෂිත බන්ධනාගාරගත කර සිටි පාර්ලිමේන්තු මන්ත්‍රී නාමල් රාජපක්ෂ ඇප මත මුදා හැරීමට කොටුව මහේස්ත්‍රාත් පසන් අමරසේන අද (30) නියෝග කළේය.
ඉස්ලාම් දහමට අපහාසයක් සිදු කළේ යැයි චෝදනා කරමින් බොදු බල සේනා සංවිධානයේ ලේකම් පූජ්‍ය ගලගොඩඅත්තේ ඥානසාර හිමියන්ට එරෙහිව නීතිපතිවරයා විසින් ගොනුකර තිබෙන නඩුවක් අද කැඳවනු ලැබු අවස්ථාවේ දී හිමිනම අධිකරණය හමුවේ පෙනී නොසිටි බැවින් කොළඹ මහාධිකරණය වරෙන්තුවක් නිකුත් කලේය.
හිටපු ජනාධිපති රනිල් වික්‍රමසිංහ මහතාට එරෙහිව ගොනුකර ඇති නඩුව ලබන නොවැම්බර් මස 11 වැනිදා දක්වා කල් තැබීමට කොළඹ කොටුව මහේස්ත්‍රාත් පසන් අමරසේන අද (30) නියෝග කළේය.
පොදු දේපළ පනත යටතේ චෝදනා ඉදිරිපත් කර ගොනුකර ඇති නඩුවට ඉදිරිපත් වීම සඳහා හිටපු ජනාධිපති රනිල් වික්‍රමසිංහ මීට සුළු මොහොතකට පෙර කොළඹ කොටුව මහෙස්ත්‍රාත් අධිකරණයට පැමිණියා.
තම බිරිඳගේ උපාධි ප්‍රදානෝත්සවයට සහභාගී වීම සඳහා රාජ්‍ය මුදල් අවභාවිත කළ බවට චෝදනා කරමින් හිටපු ජනාධිපති රනිල් වික්‍රමසිංහ මහතාට සහ හිටපු ජනාධිපති ලේකම් සමන් ඒකනායක මහතාට එරෙහිව ගොනුකර ඇති නඩුව අද (30) පස්වරු 2.00 ට යළි කැඳවීමට නියමිතය.
ශ්‍රී ලන්කන් ගුවන් සේවයට පළල් බද සහිත නව ගුවන් යානා ඇණියක් ලබා ගැනීමේදී සිදුව ඇති බව කියන ඇමරිකානු ඩොලර් මිලියන දෙකක පමණ දූෂණ සිදුවීමට අදාළ නඩුවේ දෙවන සැකකාරිය වෙනුවෙන් තබන ලද රුපියල් මිලියන 40ක ශරීර ඇප මුදල රාජසන්තක කරන ලෙස කොටුව මහේස්ත්‍රාත් පසන් අමරසේන අද (30) නියෝග කළේය.
ශ්‍රී ලංකාව සහ ඕස්ට්‍රේලියාව අතර ජ්‍යෙෂ්ඨ නිලධාරී මට්ටමේ සාකච්ඡාවල 6 වැනි වටය සහ උපායමාර්ගික සාගර සංවාදයේ 4 වැනි වටය පසුගියදා (සැප්තැම්බර් 21) කොළඹදී සාර්ථකව අවසන් විය.
ප්‍රවීණ නාට්‍යවේදියකු වන චාලක රණසූරිය ගේ නවතම නාට්‍ය නිර්මාණය වන ''අටවන බුවනෙක'' ඔක්තෝබර් 03වන දින සවස 03.30ට සහ 07ට බොරැල්ල පුංචි තියටර්හි දී වේදිකාගත කරයි.
එයාර් බස් ගනුදෙනුව සම්බන්ධයෙන් සැකපිට රක්ෂිත බන්ධනාගාර ගත කර සිටින පාර්ලිමේන්තු මන්ත්‍රී නාමල් රාජපක්ෂට එරෙහි නඩුකරය අද (30) කැදවන ලෙස කොටුව මහේස්ත්‍රාත් පසන් අමරසේන නියෝග කර ඇත.
ගවේෂණාත්මක මාධ්‍යවේදියකු ලෙස ප්‍රකට තිලක් සේනාසිංහ ප්‍රබන්ධ කෘති මෙන් ම සමාජ විමර්ශන පිළිබඳ කෘති කිහිපයක් ම සම්පාදිත ලේකකයෙකි.
ඔහු විසින් සම්පාදිත''පැරණිමත ගැන අලුත් දැනුමක්''නමැති නවතම ග්‍රන්ථය පසුගියදා(27) කොළඹ ජාත්‍යන්තර පොත් ප්‍රදර්ශන භූමියෙහි පිහිටි ප්‍රධාන පීඨිකාවේ දී ජනගත කළේ ය.
ක්‍රිෂ් ගනුදෙනුවට අදාළව භාවිත කර ඇති මුදල් මුදල් විශුද්ධිකරණයෙන් උපයා ගත් මුදල් බවට ඉන්දීය රජය දැනුම් දී ඇති බව අල්ලස් හෝ දූෂණ චෝදනා විමර්ශන කොමිෂන් සභාව අද (29) කොළඹ ප්‍රධාන මහේස්ත්‍රාත් අධිකරණය හමුවේ කරුණු දක්වමින් කියා සිටියේය.
මහජනතාවට වඩාත් කඩිනම්, කාර්යක්ෂම සහ විනිවිදභාවයෙන් යුත් රාජ්‍ය සේවාවක් සහතික කිරීම අරමුණු කරගනිමින් රජය ක්‍රියාත්මක කරන ඩිජිටල් පරිවර්තන වැඩසටහන යටතේ පළාත් පාලන ආයතන සහ ප්‍රාදේශීය ලේකම් කාර්යාල ඩිජිටල්කරණය කිරීමේ වැඩසටහන්වල ප්‍රගති සමාලෝචන සාකච්ඡාවක් ජනාධිපති අනුර කුමාර දිසානායකගේ ප්‍රධානත්වයෙන් අද (29) පස්වරුවේ ජනාධිපති කාර්යාලයේදී පැවැත්විණි.
මඩකලපුවේදී පුද්ගලයින් 05 දෙනෙකු ඝාතනය කිරීමේ සිද්ධිය සම්බන්ධයෙන් අත්අඩංගුවට ගෙන සිටින හිටපු රාජ්‍ය අමාත්‍ය සිවනේසතුරෙයි චන්ද්‍රකාන්තන් හෙවත් පිල්ලෙයාන්, හමුදා බුද්ධි අංශයේ තොරතුරුකරුවන් දෙදෙනෙකු ඇතුළු තිදෙනා යළි රක්ෂිත බන්ධනාගාරගත කර තිබේ.
පාර්ලිමේන්තුවේදී සම්මත වී දැනට ශ්‍රී ලංකා නීතියේ කොටසක් බවට පත්ව ඇති 22 වැනි ආණ්ඩුක්‍රම ව්‍යවස්ථා සංශෝධනය ඉදිරියේදී පත්වන අලුත් පාර්ලිමේන්තුවක් මගින් සම්පූර්ණයෙන්ම අවලංගු කිරීමට පූර්ණ බලය මෙන්ම යුතුකමක් සහ වගකීමක්ද පවතින බව මහාචාර්ය ජී. එල්. පිරීස් පවසනවා.
2011 වසරේදී යාපනයේදී අතුරුදන් වූ ලලිත් කුමාර් වීරරාජු සහ කුගන් මුරුගානන්දන් යන ක්‍රියාකාරීන් දෙදෙනා පිළිබඳ නඩුවට අදාළව, හිටපු ජනාධිපති සහ හිටපු ආරක්ෂක ලේකම් ගෝඨාභය රාජපක්ෂ අද (සැප්තැම්බර් 29) කොළඹ මහේස්ත්‍රාත් අධිකරණයේ සිට මාර්ගගත (Online) ක්‍රමවේදය ඔස්සේ සාක්ෂි ලබා දුන් බව වාර්තා වේ.
ඉඩම් හිමිකම් නිරවුල් කිරීමේ දෙපාර්තමේන්තුවේ කොමසාරිස් (විමර්ශන) ලෙස කටයුතු කරමින් නිල බලය අයුතු ලෙස යොදා ගෙන ආයතනයේ ලිපි ශීර්ෂ භාවිතා කර විධිමත් නොවන විමර්ශන අංකයක් යටතේ නිකුත් කර ඇති විමර්ශන වාර්තාවකින්,
බොරැල්ල එලියට් පාරේ වරිපනම් අංක 30 ස්ථානයේ, ප්‍රමාණයෙන් හෙක්ටයාර් 1.0982 ක් වන, වෙළඳපල වටිනාකම රු.1,586,000,000/-ක් (රුපියල් එකසිය පනස්අට කෝටි හැට ලක්ෂයක්) වන රජයේ ඉඩම, පෞද්ගලික පාර්ශවයක් සතු ඉඩමක් ලෙසට ඒත්තු ගන්වා එමඟින් රජයට පාඩුවක් මෙන් ම වෙනත් තැනැත්තෙකුට වාසියක් සිදු කිරීම මඟින් දුෂණය නැමැති වරද සිදු කිරීම යන චෝදනාව මත ඉඩම හිමිකම් නිරවුල් කිරීමේ දෙපාර්තමේන්තුවේ හිටපු කොමසාරිස්වරයෙකු (විමර්ශන) වූ මලේ පතිරණගේ නිශාන්ත මෝහන් වික්‍රමසිංහ යන අය 2026.09.29 වන දින පෙ.ව.9.45 ට පමණ අල්ලස් හෝ දුෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදී
එයාර් බස් ගනුදෙණුව සම්බන්ධයෙන් සිදු කරනු ලබන විමර්ශනයකට අදාලව අල්ලස් කොමිසම විසින් අත්අඩංගුවට ගෙන රක්ෂිත බන්ධනාගාරගත කර සිටින පාර්ලිමේන්තු මන්ත්‍රී නාමල් රාජපක්ෂ විසින් කරන ලද ඇප ඉල්ලීම කොළඹ ප්‍රධාන මහේස්ත්‍රාත් අසංග එස් බෝදරගම අද (29) ප්‍රතික්ෂේප කළා.
ඕස්ට්‍රේලියානු ජාතික ව්‍යාපාරිකයකුට අයත් සමාගම් කොටස් අයුතු ලෙස පරිහරණය කර රුපියල් මිලියන 21 ක් සාපරාදී විශ්වාසය කඩ කළ බවට චෝදනා ලබා සිටි හිටපු අමාත්‍ය උදය ගම්මන්පිල මහතා නිදොස් කොට නිදහස් කරන ලෙස කොළඹ මහාධිකරණය නියම කළා.
newstube.lk වෙබ් අඩවියේ පළවන සියළු ප්‍රවෘත්ති සහ විශේෂාංග ආශ්‍රිතව කිසිවකුට හානිකර යමක් පළ වී ඇත්නම් ඒ අගතියට පත් පාර්ශවයට ඊට ප්‍රතිචාර දැක්වීමට ඇති අයිතියට අපි ගරු කරමු.
ඔබගේ ප්‍රතිචාර
