V2025

පුවත්

නන්දසේන කාදිනල් හමුවීමට සැලැස්මක් යොදයි : කොන්ත්‍රාත්තුව විශ්‍රාමික හමුදා ප්‍රධානීන්ට !

මීළඟ ජනාධිපතිවරණයට ඉදිරිපත් වන කිසිදු අපේක්ෂකයෙකු තමන් හමුවීමට නොපැමිණෙන ලෙස අගරදගුරු මැල්කම් රංජිත් කාදිනල් හිමිපාණන් මිට ඉහතදී ප්‍රකාශ කර තිබුන ද උන්වහන්සේ හා පොහොට්ටු පක්ෂයේ ජනාධිපති අපේක්ෂක නන්දසේන ගෝඨාභය රාජපක්ෂ අතර හමුවක් ඉක්මනින්ම සංවිධානය කර දේශපාලන වාසියක් ලබාගැනීමට 'වියත්මඟ' සංවිධානයේ විශ්‍රාමික හමුදා ප්‍රධානින් කිහිප දෙනෙකු මේ වනවිට කටයුතු කරමින් සිටියි.

පාස්කු ඉරිදා ත්‍රස්ත ප්‍රහාරය පිළිබඳ සොයා බැලීමට ස්වාධීන කොමිෂන් සභාවක් පත් කරන්නැයි අති උතුම් මැල්කම් කාදිනල් රංජිත් හිමිපාණන් රාගම තේවත්ත බැසිලිකා දේවස්ථානයේදී ඊයේ (25) පැවති රෝගීන් ආශිර්වාද ගැන්වීමේ මංගල්‍යයට එක්වෙමින් කල ඉල්ලීමට වහා ප්‍රතිචාර දක්වමින්, එම ඉල්ලීම සිය රජයක් තුළ නොපමාව ඉටු කරන බව ජනාධිපති අපේක්ෂක නන්දසේන රාජපක්ෂ ඊයේ (25) මාධ්‍ය නිවේදනයක් ඔස්සේ දැනුම්දී සිටියේ, එවැනි හමුවකට අවශ්‍ය වටපිටාව සකසා ගැනීමේ 'වියත්මඟ' මෙහෙයුමේ පියවරක් ලෙසය.

පාස්කු ඉරිදා දිනයේ මියගිය පුද්ගලයන්ටත්, කටුනායක සිදුවීමේදී රෝෂේන් චානක ඝාතනයටත්, රතුපස්වල සිදුවීමේදීත් සාධාරණ පරීක්‍ෂණයක් සිදු නොකල යුක්තිය ඉටු නොකළ කිසිඳු ජනාධිපති අපේක්ෂකයෙකු තමන් වහන්සේ හමුවීමට නොපැමිණෙන ලෙස අගරදගුරු මැල්කම් රංජිත් කාදිනල් හිමිතුමන් පාස්කු ප්‍රහාරයට තෙමසක් පිරීම හා කටුවාපිටිය දේවස්ථානය පිළිසකර කිරීමෙන් අනතුරුව නැවත ආසිරි ගැන්වීම නිමිති කොටගෙන පැවති දිව්‍ය පූජාවේදී කළ ප්‍රකාශ සමාජයේ මහත් ආන්දෝලනයට ලක් විය.

විශේෂයෙන් ම සියළු දේශපාලන පක්ෂ වල ජනාධිපති අපේක්ෂකයන් ඉලක්ක කොට සිදුකළ ප්‍රකාශය කතෝලික සභාව තුළ පමණක් නොව, බහුතරයක් වූ අනෙකුත් ජනතාවගේ ද පැසසුමට ලක්විය.

තමන් කිසිදු දේශපාලන පක්‍ෂයකට අයත් නැති බවත් තමත් සමස්ත ශ්‍රී ලංකා ජනතාවගේ පක්‍ෂයේ බවත් එහිදී පැවසු උන්වහන්සේ, තමන් දේශපාලනයට සම්බන්ධ නොකර ගන්නා ලෙසද ඉල්ලා සිටියේය.

'ද ලීඩර්' වෙත වාර්තා වන පරිදි පසුගිය 11 වෙනි දින ශ්‍රී ලංකා පොදුජන පෙරමුණේ ජනාධිපති අපේක්ෂකයා ලෙස නන්දසේන රාජපක්ෂ ප්‍රකාශයට පත්කිරීමෙන් පසුව, ඔහුගේ පාර්ශවය විසින් දිගින් දිගටම අවස්ථා කිහිපයකදීම , අගරදගුරු හිමිපාණන්ව බැහැ දැකීමට උත්සාහ දරා ඇත.

එය අසාර්ථක වු තැන නන්දසේන රාජපක්ෂ විසින් කතෝලික ඡන්ද පදනම ඉලක්ක කොට, පාස්කු ප්‍රහාරයේ වාසිය තම දේශපාලන මඩිය තර කර ගැනීමේ අරමුණින් පසුගිය දා මහනුවර රදගුරු හිමිපාණන් ව සහ ගාල්ල අනුනායක හිමිපාණන් ව බැහැ දැකීමට කටයුතු කළේය.

නමුත් එම බැහැ දැකීම් කතෝලික ජනතාව අතර එතරම් කතාබහට හෝ අවධානයට ලක් නොවු හෙයින්, මැල්කම් කාදිනල් රංජිත් හිමිපාණන්ගේ ප්‍රසාදය දිනා, එතුමන්ගේ ආශීර්වාදය මේ මොහොතේ කෙසේ හෝ ලබා ගැනීමට නන්දසේන පාර්ශවය විසින් උපාය දූතයන් යෙදවීමට කටයුතු කර ඇත.

ඒ අනුව, කොළඹ අගරදගුරු මැදුරේම, කාදිනල් හිමිපාණන්ට ඉතා කුළුපග ව සේවය කරන පුද්ගලයෙකු රාජපක්ෂ වරුන්ගේ ඕනෑ එපාකම්, අගරදගුරු තුමා ලවා ඉටුකරවා ගැනීමේ කූඨ උපක්‍රමයක නිරත වන බව ඉතා විශ්වාස කටයුතු ආරංචි මාර්ග වලින් වාර්තාවේ. එහි එක් පියවරක් ලෙස නන්දසේන රාජපක්ෂ විසින් අගරදගුරුතුමන් වෙත නිකුත් කළ ලිපිය දැක්විය හැක.

සාකච්ඡාවකට ඉඩ ප්‍රස්තාව සලසා දීමට:

කාදිනල් හිමිපාණන් විසින් තමන්ට ඉතාම සමීප කිහිපදෙනෙකු සමග කෙරුණු කතාබහක දී පවසා ඇත්තේ - " ඔවුන් අපේ ඉල්ලීම ගැන (ස්වාධීන පරීක්ෂණයක් පැවැත්වීම ගැන) ප්‍රකාශයක්, පැහැදිලි ස්ථාවරයවත් නිකුත් කරානම්, සාකච්ඡාවකට ඉඩ ප්‍රස්තාව සලසා දීමට හැකිවනු ඇති බවයි.

කාදිනල්තුමාගේ එම අදහස, රැස්ව සිටි සුළු පිරිසගෙන් එක් අයෙකු (උපාය දූතය) නන්දසේන පාර්ශවය වෙත දැනුම් දී ඇති බවත්, ඒ අනුව ක්‍රියාත්මක වූ නන්දසේන රාජපක්ෂ ඊට පසුදිනම (අගෝස්තු 25) ඉහත කී ලිපිය මගින්, තමන් බලයට පැමිණි පසු කාදිනල් හිමියන් කියන ආකාරයේ පරීක්ෂණයක් පැවැත්වීමට එකග වී ඇත.

ඒ අනුව, මෙම ලිපිය පදනම් කරගනිමින් කාදිනල් හිමිපාණන් සහ නන්දසේන රාජපක්ෂ මහතා අතර හමුවක් නුදුරේදීම පැවැත්වීමට ඉතා සූක්ෂම ලෙස සැලසුම් සැකසෙමින් තිබේ.

Comment (0) Hits: 192

ජනාධිපතිත් පුරවැසියෙක් : පාස්කු තේරීම් කාරක සභාවට යායුතුයි - හිටපු හමුදාපති

රටේ පුරවැසියකු ලෙස ජනාධිපතිවරයාද පාස්කු ප්‍රහාරය සම්බන්ධව විමර්ශනය කරන පාර්ලිමේන්තු විශේෂ තේරීම් කාරක සභාව හමුවට ඉදිරිපත් විය යුතු බව හිටපු හමුදාපති ජනරාල් මහේෂ් සේනානායක පවසයි.

අද (26) ඔහු මේ බව සදහන් කර සිටියේ විශ්‍රාම ගැනීමෙන් අනතුරුව මහනුවර ශ්‍රී දළඳා මාලිගය වැඳ පුදා ගැනීමට ගිය අවස්ථාවේ මාධ්‍ය සිදුකළ විමසුමකට ප්‍රතිචාර දක්වමින්ය.

තමන්ටද ඉදිරියේදී කැඳවීමක් ලැබුනොත් යුධ හමුදා නීති අංශයේ මෙන්ම නීතිපති දෙපාර්තමේන්තුවේ උපදෙස් අනුව ඊට සහභාගිවන බවත් ඒ සම්බන්ධයෙන් සැඟවීමට කිසිවක් නොමැති බවද ඔහු මෙහිදී සඳහන් කර සිටියේය.

වසර 38ක කීර්තිමත් හමුදා සේවයක් අවසානයේ විශ්‍රාම යන මේ මොහොතේ තමා රට වෙනුවෙන් සිදු කල මෙහෙවර පිළිබඳ සෑහීමකට පත් වෙනවා වගේම තමන් කෙරෙහි සහ යුධ හමුදාව ගැන ජනතාව දැක්වූ කැමැත්ත ගැන මම ඔවුන්ට ස්තුතියි කරන බවත් හිටපු යුධ හමුදාපති ජෙනරාල් මහේෂ් සේනානායක පැවසීය.

පසුගිය කාලය පුරා යුධ හමුදාව කෙරෙහි මෙන්ම තමන් කෙරෙහි ජනතාව තැබූ කැමැත්ත සම්බන්ධයෙන් ස්තූතිය පිරි නමන බව පැවසු හිටපු යුධ හමුදාපතිවරයා, මෙය සිංහල බෞද්ධ රටක් බවත් එහි ඉන්නේ ශ්‍රී ලාංකීක නැමති පවුල බව කියා සිටියේය. මේ රටේ ජීවත් වෙන සිංහල, මුස්ලිම්, හින්දු යන ඕනෑම අයෙක් මේ පවුල තුළ සිටිය හැකි බවත් සිංහල ජනතාව සෑම විටම පවුලක තාත්තාගේ කාර්යභාරය ඉටු කළ යුතු බවත් තාත්තා නිරන්තරයෙන් පවුලේ සෙසු සාමාජිකයින් සමගියෙන් හා සංහිදියාවෙන් යුතුව ඔවුන් රැක ගත යුතු බවත් සඳහන් කළේය.

විශ්‍රාම ගියත් රටට සේවය කිරීමට සූදානම් !

විශ්‍රාම ගියත් තමාට තවමත් රටට සේවය කිරීමට ශක්තිය හා ජවය ඇති බවත් නිරන්තරයෙන් තමා රටේ ඉදිරි කටයුතු සඳහා එකතු වන බවත් ඔහු පැවසීය.

ඒ ඒ සඳහා පක්ෂයකට එක්වනවාද යන්න ගැන විමසූ විට හිටපු යුධ හමුදාපතිවරයා කියා සිටියේ දේශපාලනයට එන්නේ නැතිව ජනතාවගේ සුබ සිද්ධිය වෙනුවෙන් තමන්ට වැඩ කිරීමට හැකි බවයි.

යුධ හමුදාව ජනතාවගේ බවත් කිසිවිටෙකත් යුද හමුදාව පක්ෂයක් නියෝජනය නොකරන බවත් හමුදාවේ විනය තුළින් තමා සියලු අභියෝගවලට සාර්ථකව මුහුණ දුන් බවත් තමාට ඇති ජවය අනුව ඕනෑම මොහොතක රට වෙනුවෙන් සේවය කිරීමට කැමති බවත් ඒ ගැන තමන් ජනාධිපතිවරයාට ද දැනුම් දුන් බවත් ඔහු පැවසීය.

ෆීල්ඩ් මාර්ෂල් සුදුසුකම සරත් ෆොන්සේකාට විතරයි !

ෆීල්ඩ් මාර්ෂල් තනතුර සම්බන්ධයෙන් මෙහිදී මාධ්‍යවේදීන් හිටපු යුධ හමුදාපතිවරයා ගෙන් කරුණු විමසු අවස්ථාවේදී ඒ සම්බන්ධයෙන් අදහස් දක්වමින් ඔහු කියා සිටියේ එවැනි තනතුරක් දැරීමට තමාට සුදුසුකමක් නොමැති බවයි.

යුද්ධයක් ඇති විටෙක සිටින හමුදාපතිවරයෙකුට එය පිරිනැමෙන බවත්, ෆීල්ඩ් මාර්ෂල් සරත් ෆොන්සේකාට එම තනතුර ලැබිය යුතු බව පැවසූ හිටපු යුධ හමුදාපති මහේෂ් සේනානායක, එදා සරත් ෆොන්සේකා යුධ හමුදාවට අණ නොදුන්නේ නම් අද කථා කිරීමට ඇති නිදහස උදා නොවෙනු ඇති බවත් අවධාරණය කළ අතර එමෙන්ම රටේ නැවතත් යුද්ධයක් ඇති නොවේවා යන්න තම ප්‍රාර්ථනය වන බවත්, එනිසා නැවත වතාවක් ෆීල්ඩ් මාර්ෂල් කෙනෙක් අවශ්‍ය නොවන බවද කියා සිටියේය.

 

Comment (0) Hits: 249

ටර්මිනේටර් නන්දසේන : මාධ්‍ය වෙතින් සමාව ගැනීම ප්‍රතික්ෂේප කරයි !

ශ‍්‍රී ලංකා පොදුජන පෙරමුණ තරුණ සම්මේලනයේදී මාධ්‍යවේදීන්ට සිදුවූ අපහසුතාවය ගැන සමාව ඉල්ලා සිටිය යුතු බවට පොදුජන පෙරමුණ නියෝජනය කරන එක්බද්ධ විපක්‍ෂයේ පාර්ලිමේන්තු මන්ත්‍රීවරුන් පිරිසක් නන්දසේන රාජපක්ෂ වෙත යෝජනා කර ඇතත් ඔහු ඊට කිසිදු ප්‍රතිචාරයක් දක්වා නොමැති බව වාර්තා වෙයි.

එහිදී මන්ත්‍රීවරුන් යෝජනා කර ඇත්තේ සිදුවූ අපහසුතාව සම්බන්ධව කණගාටුව ප්‍රකාශ කිරීම හරහා නන්දසේන රාජපක්ෂ සහ මාධ්‍ය අතර ඇති කළු චිත්‍රය වෙනස් කිරීමට අවස්ථාව ලබාගත හැකි බවය.

කෙසේ වුවත් නන්දසේන රාජපක්ෂ ඊට යහපත් ප්‍රතිචාරයක් නොදැක්වීම හේතුවෙන් ඒකාබද්ධ විපක්ෂය නියෝජනය කරන මන්ත්‍රීවරුන් කිහිපදෙනකු මාධ්‍යවේදීන් වෙතින් සමාව ගැනීමට තීරණය කර ඇත.

කිසිදු නිදහසට කරුණු දැක්වීමක් නොකර මාධ්‍යවේදීන්ගෙන් පක්‍ෂයක් ලෙස සමාව ඉල්ලා සිටින බව පවසමින් ඒකාබද්ධ විපක්ෂයේ පාර්ලිමේන්තු මන්ත්‍රී ශෙහාන් සේමසිංහ පොදුජන පෙරමුණ පක්‍ෂ මූලස්ථානයේදී පැවති මාධ්‍ය හමුවක් අමතමින් සදහන් කර ඇත්තේ ඒ අනූවය.

ඉදිරියේදී පැවැත්වෙන සියළු පොදු කටයුතුවලදී මාධ්‍ය සම්බන්ධීකරණ ගැන වැඩි අවධානයක් යොමු කරන බවද ඔහු සදහන් කලේය.

මෙම සිදුවීම ගැන පොදුජන පෙරමුණේ මාධ්‍ය අංශය විසින්ද නිවේදනයක් නිකුත් කරමින් සමාව ඉල්ලා ඇත.

ටර්මිනේටර් පැහැදිලියි !

කෙසේ වුවත් සමාජ මාධ්‍ය ජාල තුළ මෙන්ම දේශපාලන විචාරකයන් මේ සම්බන්ධව දැඩි අවධානයක් යොමුකර තිබේ. ඔවුන් පෙන්වා දෙන ආකාරයට බැසිල් රාජපක්ෂ විසින් ආරක්ෂක අමාත්‍යාංශයේ ලේකම් ලෙස හිටපු තම සහෝදරයා වූ නන්දසේන රාජපක්ෂ ව ටර්මිනේටර් ලෙස හැඳින්වීම ඉතා නිවැරැදි බවය.

හදිසි කෝපය සහ පාලනය කරගත නොහැකි ආවේග තවමත් නන්දසේන රාජපක්ෂ වෙතින් ප්‍රකාශ වන බවත් එබැවින් ජනාධිපති අපේක්ෂකයා වූ නන්දසේන සහ ආරක්ෂක අමාත්‍යාංශයේ හිටපු ලේකම් වූ නන්දසේන අතර වෙනසක් නොමැති බවත් ඔවුන් පෙන්වා දෙයි.

එවැනි අයෙකු රටේ පාලනය බාරදීමට තරම් ජනතාව මුග්ධ නම් එහි ප්‍රතිඵල ලැබීමට ඔවුන් සූදානම් විය යුතු බවටත් දේශපාලන විචාරකයන් අනතුරු හඟවයි.

Comment (0) Hits: 155

ශාන්ත බණ්ඩාරට : යන එන මං නැති වෙයි !

අභාවප්‍රාප්ත සාලින්ද දිසානායක මන්ත්‍රීවරයාගේ පුරප්පාඩුව පියවීමට එක්සත් ජනතා නිදහස් සන්ධාන‌යේ කුරුණෑගල ලයිස්තුවෙන් යළි පාර්ලිමේන්තුවට ඒමට ජාතික ලයිස්තු මන්ත්‍රි ශාන්ත බණ්ඩාර ඉල්ලා අස්විය.

නමුත් ඒ පුරප්පාඩු වූ ජාතික ලයිස්තු මන්ත්‍රී ධුරයට කිසිවකුත් නම් ‌කිරීමට ජනාධිපතිවරයා මෙතෙක් කටයුතු ‌කර නැත.

දේශපාලන ආරංචි මාර්ග සදහන් කරන ආකාරයට ජනාධිපති සිරිසේන තීරණය කර ඇත්තේ ජනපතිවරණය අවසන් වන තුරු එම ජාතික ලයිස්තු ධූරය පිරවීමෙන් වැළකී සිටීමට තීරණයක් ගෙන ඇත.

ශාන්ත බණ්ඩාරට නීතිමය ගැටලුවක් මත තවමත් කුරුණෑගල මන්ත්‍රී ආසන ධූරය හිමිනොවන තත්ත්වයක් මතුව ඇති බවත් එම ආරංචි මාර්ග වැඩිදුරටත් සදහන් කරයි.

Comment (0) Hits: 209

කතානායක කරූට ජාතික තලයේ මඩක් : නිල නිවේදනය මෙන්න !

දේශපාලන පෙරළියක් සිදුවුවහොත් තමන් කථානායක ධුරයෙන් සමුගන්නා බවට කරු ජයසුරිය කර ඇතැයි කියන ප්‍රකාශය සම්බන්ධයෙන් පළවී ඇති මාධ්‍ය වාර්තා සම්බන්ධයෙන් කථානායක කාර්යාලය පැහැදිලි කිරීමක් සිදුකර තිබේ.

ඒ අනුව කථානායක කරු ජයසුරිය එවැනි කිසිදු ප්‍රකාශයක් සිදුකර නොමැති බවත් පළවී ඇති මාධ්‍ය වාර්තා සත්‍යයෙන් තොර බව නිවේදනයක් නිකුත් කරමින් කථානායක කාර්යාලය අවධාරණය කරයි.

කථානායක කාර්යාලය නිකුත් කරනු ලැබූ නිවේදනය පහත දැක්වේ.

" 2018 ඔක්තෝම්බර් මස 26 වන දින පාර්ලිමේන්තුවේ බහුතරය නොමැතිව නව අගමැතිවරයෙකු දිව්රුම් දිමේ නිතීවිරෝධි සහ ප්‍රජාතන්ත්‍ර විරෝධි ක්‍රියාවලිය වැනි සිදුවිමක් යලි උද්ගත වුවහොත් කථානායකවරයා සිය ධුරයට සමුදී ඉවත්ව යන බවට ප්‍රකාශ කලේ යැ’යි අද දින (2019.08.26) ඇතැම් මුද්‍රිත මාධ්‍යයන්හි සහ සමාජ මාධ්‍ය කිහිපයක පළව ඇති නිසි මුලාශ්‍රයක් පදනම් කර නොගත් පුවත මුළුමනින්ම සාවද්‍ය බව දන්වා සිටිමු.

කථානායකවරයා කිසිවිටකත්, එවන් මතයක් නොදරන අතර එවන් ප්‍රකාශයක්ද, සිදුකර නොමැති බව අවධාරණය කර සිටිමු.

පාර්ලිමේන්තු ප්‍රජාතන්ත්‍රවාදයට පටහැනිව සිදුවන ඕනෑම ක්‍රියාමාර්ගයකට එරෙහිව පාර්ලිමේන්තුව විසින් ගත යුතු උපරිම ක්‍රියාමාර්ග ගැනීම‍ට කිසිවිටකත් පසුබට නොවිය යුතුය’ යන ස්ථාවරයක එතුමන් දැඩිව පිහිටා සිටියි.

කෙසේ වුවත් ඉහත සඳහන් පුවත, හුදෙක් එම පුවත පළ කරන ලද අදාල මාධ්‍ය ආයතනයන්හි, අනුමාන කිරිමක් පමණක් බව පෙනී යයි , එබැවින් එවැනි තත්වයක් යළි උද්ගත වනු ඇතැයි ගරු කථානායකතුමන් කිසි ලෙසකත් විශ්වාසය නොකරයි."

FB IMG 1566807115897

Comment (0) Hits: 149

එස්බී - ඩිලාන් - අමුණුගම : ශ්‍රිලනිපයෙන් පන්නා දමයි : තීන්දුව අද රෑ !

ශ්‍රී ලංකා නිදහස් පක්ෂයේ විශේෂ මධ්‍යම කාරක සභා රැස්වීමක් අද (26) රාත්‍රී 7:00 ට ජනාධිපති සිරිසේනගේ ප්‍රධානත්වයෙන් පැවැත්වීමට නියමිත අතර එහිදී මධ්‍යම කාරක සභාවේ සාමාජිකයන් 4දෙනෙකු ඉවත් කිරීමට නියමිත බව වාර්තා වෙයි.

එසේම අද පැවැත්වෙන මධ්‍යම කාරක සභාව සඳහා ඩිලාන් පෙරේරා , එස්.බී. දිසානායක , සරත් අමුණුගම යන පාර්ලිමේන්තු මන්ත්‍රීවරුන් වෙත ආරාධනා කර නොමැති බවත් උතුරේ හිටපු ආණ්ඩුකාර රෙජිනෝලඩ් කුරේ ද ඒ අතර වන බවත් එම ආරංචි මාර්ග පවසයි.

එළඹෙන ජනාධිපතිවරණයේදී පක්ෂයක් ලෙස ගන්නා තීරණය පිළිබඳ ශ්‍රිලනිප ය මෙහිදී අවසන් එකගතාවකට පැමිණීමේ ප්‍රධාන අපේක්ෂාවෙන් යුතුව අද මධ්‍යම කාරක සභාව රැස්වෙන අතර ඒ සම්බන්ධ තොරතුරු විරුද්ධ පාර්ශව වෙත ලැබීම වැලැක්වීමට මේ තීරණය ගෙන ඇති බවත් වැඩිදුරටත් වාර්තා වෙයි.

ශ‍්‍රී ලංකා පොදුජන පෙරමුණ නම් කළ ජනාධිපති ධූර අපේක්ෂක ගෝඨාභය රාජපක්ෂට ශ‍්‍රී ලංකා නිදහස් පක්ෂය සහය දක්වනු ඇති බවට වාර්තා පළ වුවද, පක්ෂයක් ලෙස ශ‍්‍රී ලංකා නිදහස් පක්ෂය ඒ සම්බන්ධයෙන් මෙතෙක් නිල වශයෙන් ප‍්‍රකාශයක් සිදු කර නැත.

කෙසේවෙතත්, නිදහස් පක්ෂයේ මන්තී‍්‍රවරුන් පිරිසක් අද පැවැත්වෙන මධ්‍යම කාරක සභාව වර්ජනය කිරිමේ සූදානමක් ගැන ද මාධ්‍ය වාර්තා පළවෙමින් ඇති අතර ඒ සම්බන්ධව එස්.බී දිසානායක මන්ත්‍රීවරයා පවසා ඇත්තේ තමන් අද මධ්‍යම කාරක සභාව වර්ජනය කරන බවයි. එසේම පක්ෂයට එක ස්ථාවරයක් නොමැති බවද ඔහු සඳහන් කර තිබේ.

Comment (0) Hits: 138

ගෝඨාගේ නම ජන්ද හිමි නාම ලේඛනයේ : මැතිවරණ කොමිසමෙන් විමර්ශනයක් !

ගෝඨාභය රාජපක්ෂ ඇතුළු ශ්‍රී ලාංකික පුරවැසියන් නොවූ සිවුදෙනෙකුගේ නම් 2005 ඡන්දහිමි නාමලේඛනයට නම ඇතුළත් කර තිබීම පිළිබඳව 'අනිද්දා' නියෝජ්‍ය කතෘ ලසන්ත රුහුණගේ මැතිවරණ කොමිෂන් සභාවට කළ පැමිණිල්ලට අදාළව මැතිවරණ කොමිෂන් සභාව විමර්ශනයක් ආරම්භ කර තිබේ.

ගෝඨාභය රාජපක්ෂ, බැසිල් රාජපක්ෂ, අයෝමි රාජපක්ෂ. පුෂ්පා රාජපක්ෂ හා ඩඩ්ලි රාජපක්ෂ යන 2005 දී ශ්‍රී ලාංකික පුරවැසියන් නොවූ පිරිසකගේ නම් වීරකැටිය මැදමුලන ප්‍රදේශයේ ඡන්දහිමි නාමලේඛනයට අතුළත් කිරීමෙහි නීතිවිරෝධීභාවය පිළිබඳව එම පැමිණිල්ලෙන් පෙන්වා දී ඇත.

අගෝස්තු 19 වැනිදා මැතිවරණ කොමිෂන් සභාවේ සාමාජිකයන් ඒ පිළිබඳව සාකච්ඡා කර ඇත. ඒ අනුව එම කාලයට අදාළ ලිපිලේඛන නිරීක්ෂණය කිරීමටත්, මෙම පැමිණිල්ලට අදාළව මැතිවරණ කොමිෂන් සභාවට ගතහැකි පියවර පිළිබඳ සොයා බැලීමටත් එහිදී එකඟ වී තිබේ.

සිදුවීම පිළිබඳව පොලිසියට පැමිණිල්ලක් ඉදිරිපත් කළ හැකිද යන්න පිළිබඳවත් එලෙස ඡන්දහිමි නාමලේඛනයකට පුරවැසියෙකු නොවන අයෙකුගේ නම ඇතුළත් කරන අවස්ථාවකදී වරදක් කර ඇත්තේ කවුරුන් විසින්ද යන්නත් එහිදී සාකච්ඡාවට ලක්වී තිබේ.

(අනිද්දා )

Comment (0) Hits: 153

වෙල්කම් ටු මාතර - ප්‍රසිඩන්ට් ප්‍රේමදාස ! : මංගලගේ මාතර කථාව !

වෙල්කම් ටු මාතර - ප්‍රසිඩන්ට් ප්‍රේමදාස !

මෙම ‌ඓතිහාසික රැලියේ ප්‍රධාන අමුත්තා තමුන්නාන්සේලාට අපිට අමුත්තෙක් නෙවෙයි. ගරු අමාත්‍ය ඒ වගෙම මේ අවුරුද්දේ දෙසැම්බර් මාසේ මේ රටේ විධායක ජනාධිපතිවරයා හැටියට දිවුරුම් ‌දෙන සජිත් ප්‍රේමදාස මැතිතුමනි. මම එතුමා පිළිගත්ත වෙලාවෙ කනට කරලා කිව්වා වෙල්කම්ටු මාතර ප්‍රසිඩන්ට් ප්‍රේමදාස කියලා මොකද මම ඉතිහාසයට එකතු වෙනවා එතුමාට ජනාධිපති කියලා මුල්ම වතාවට කිව්වේ මාතරින් කියන එක දැන් ඉතිහාස පොත් වලට යම්කිසි දවසක එකතු වෙන්න ඔනේ. ඒ වගේම අද අපිත් සමඟ එකතුවෙලා ඉන්න සහෝදර මැති ඇමතිවරුනි, පළාත් සභා ගරු මන්ත්‍රීවරුනි, ප්‍රාදේශිය සභා පළාත් පාලන ආයතන වල මන්ත්‍රීවරුනි, මාතර දිස්ත්‍රික්කයේ මා සහෝදර අමාත්‍ය බුද්ධික පතිරන ඇමති තුමනි, මාතර දිස්ත්‍රික්කයේ සියලුම ආසන සංවිධායකවරුනි අනෙකුත් සම්භාවනීය අමුත්තනි,

සෑම ජනාධිපතිවරණයකදීම මාතර රැලිය !

අද අපිත් සමඟ එකතුවී සිටින අබාදිත රණවිරු සංවිධානේ ඒ වගේම කලා සංවිධානවල විශේෂ සම්භාවනීය අමුත්තනි, නෝනාවරුනි මහත්වරුනි, අප ආදරනීය මාතරවාසී ජනතාවනි, මම 1999 ඉඳලම මේ රටේ පැවතුන සෑම ජනාධිපතිවරණයකම මහා මැතිවරණයකදීම මේ වගේ පිළිගැනීම් රැස්වීම් අපි මාතරදී තියලා තියෙනවා. 1994 චන්ද්‍රිකා කුමාරතුංග මැතිණිය අපි පිළිගත්තා. ඊට පස්සේ 2005දී මහින්ද රාජපක්ෂ පිළිගත්තා. ඊට පස්සේ 2015 දී අපේ රනිල් වික්‍රමසිංහ අගමැතිතුමා පිළිගත්තා. මෛත්‍රීපාල සිරිසේන ජනාධිපතිතුමත් පිළිගත්තා.

මෙහෙම ජන ගඟක් දැකලා නෑ !

හැබැයි මිත්‍රවරුනි මේ වගේ ජන ගංඟාවක් මේ වසර 30 ඇතුළතදි මාතරදී මම දැක තිබුනේ නැ. විශේෂයෙන්ම අද උදේ වෙනකොට තුබුන දේශගුණය තත්වය අනුව ඇත්තෙන්ම හිතුවා මේක කල් දාන්න වෙයිදෝ කියලා. මොකද ඊයේ රාත්‍රීයේ ඉඳලම වහිනවා. මේ පිට්ටනිය මහා වඩ වගුරක් වෙලා තිබුණා. මේ ස්ටේජ් එක ගහන අයටවත් මේක උස්සගන්න බැරුව හිටියා. ඒත් මම උදේ සජිත් ප්‍රේමදාස ඇමතිතුමාට කෝල් එකක් දුන්නම, මොකක්ද කරන්නේ 11ටත් වහිනවා. එවෙලේ එතුමා මට කියපු දේ තමයි, ස්වභාවධර්මයටවත් අපේ ගමන ආපස්සට හරවන්න දෙන්න එපා. වරුසාව වැස්සත් අව්ව පෑව්වත් මම මාතරට එනවා රැස්වීම තියන්න කිව්වා. අන්න ඒ් අනුව තමයි අද අපි මේ ‌ෙඑතාහාසික රැස්වීම අපි මාතරදී පවත්වන්නේ. මිත්‍රවරුනි ඇත්තවශයෙන් මේ රැස්වීමේ තවත් වැදගත් අංගයක් තියෙනවා. අංගයක් කියන්නේ සැමරුමක් තියෙනවා.

අගෝස්තු 23 ඓතිහාසික දිනයක් !

මොකද අදවගේ දවසක තමයි සජිත් ප්‍රේමදාස මැතිතුමන්ලා අපි එදා රනිල් වික්‍රමසිංහ අගමැතිතුමත් එක්ක මහා ඡන්දේ බහුතර ආසන සංඛ්‍යාවක් පිහිටුවලා, අද තමයි අපි පාර්ලිමේන්තුවේ දිවුරුම් දීලා අවුරුදු ගණනාවකට පස්සේ එක්සත් ජාතික පෙරමුණ ආණ්ඩුවක් හදලා අදට හරියටම අවුරුදු හතරයි. දැන් සමහරු ඒ අවුරුදු හතරේ මොනවද කළේ කියලා අහනවා.

අවුරුදු හතරේ මොනවද කරේ !

මේ ආණ්ඩුව මොනවත් කරලා නැහැ නේද කියලා අහනවා. මම මිත්‍රවරුනි කෙටියෙන් හෝ ඒ සිහිබුද්ධිය අඩු අයට ටිකක් මතක් කරන්න ඕන . එක පැත්තකින් අපි මේ කාලය තුළ මේ රට ගොඩනැගුවේ ප්‍රජාතන්ත්‍රවාදය, සංහිඳියාව සහ සංවර්ධනය කියන කුළුනු තුන උඩ. මේ වසර හතර තුලදී අපි ලබාගත්, මම නම් දකින විශාලම ජයග්‍රහණ සංවර්ධනය පැත්තෙන් අපි කරපුවා කියමු. නමුත් විශාලතම ජයග්‍රහණය තමයි අපිට අද නිදහසේ හිතන්න පුළුවන්, ලියන්න පුළුවන්, කියන්න පුළුවන්. අපේ විරුද්ධවාදීන්ට පවා මැරවර ප්‍රහාර නැතිව මාතර බෝධියට ඇවිල්ලා තමන්ගේ දේශපාලනය කරන්න පවා අපි නිදහසක් ලබා දීල තියෙනවා. මෙන්න මේ නිදහසවගේම අපි ලෝකය යලි වතාවක් දිනාගෙන තයෙනවා. හුදෙකලා වුණ රටක අපි හිටියේ. ඒ කාලේ රාජ්‍ය නායකයෝ අපිට උදවුකරන්නේ එන්නේ ස්වාසිලන්තයෙන්, උගන්ඩාවෙන් පමණයි.

මුළු ලෝකයක් ලංකාව දිනාගෙන !

නමුත් අද මුළු ලෝකයම ලංකාව වටා ඒකරාශී වෙලා තියෙනවා. ඒ නිසාම ඒ මිනීමරු මිලේච්ඡ යුගයේදී අපිට අහිමිවුණ ජීඑස්පී ප්ලස් සහනය ලැබිලා අපිට අද අලුත් රැකී රක්ෂා ලක්ෂයකට වඩා යළි වතාවක් පිහිටෙව්වා. ඒ විතරක් නෙවෙයි මේ දකුණේ අපිට යළි වතාවක් යුරෝපයට මාළු විකුනන්ණට පුළුවන් අවස්ථාවක් ලැබිලා ද ධීවර කාර්මිකයන් ඒ තුළින් අද විශාල වාසි ලබාගෙන තියෙනවා. ඒ විතරක් නෙවෙයි අපි මේ වගේ නිදහස් පරිසරයක් තුළ කවදාවත් නොතිබුණ සංවර්ධනයක් ලබාදීල තියෙනවා. දැන් මේගොල්ලන් කතාකරනවා මේ සංවර්ධනය ගැන. නමුත් අපි 2014 දි මිත්‍රවරුනි අපි මේ ගමන ආරම්භ කරේ රාජපක්ෂගේ නය පොට්ටනිය අපේ කරේ තියාගෙන.

වසරක් පාසා වැඩිවූ ණය කන්ද !

හැබැයි අපි මේවෙනකොට අපි ඒ ණය වසරක් වසරක් පාසා වෙලාවට හරියටම ගෙවලා ලංකා ඉතිහාසයේ වැඩිම ප්‍රමාණය මේ අවුරුද්දේ ගෙවලා, අපිට ආයිමත් ණය ගෙවන්න වෙන්නේ රාජපක්ෂලා වෙනුවෙන් 2020 ඔක්තෝබර් මාසේ. නමුත් මේ අය පසුගිය කාලය තුළ රුපියල් ට්‍රිලියන 11.9 ක් තවත් අපිට නය ගෙවන්න ඉතුරුකරලා තියෙනවා. හැබැයි අපි නය ගෙවනගමන් මහා පරිමාණයේ සංවර්ධන කටයුතුවලට අතගැහුවා. මිත්‍රවරුනි මහින්ද රාජපක්ෂ අනුන්ගේ දරුවන්ට නම් දෙන්න හරි දක්ෂයි. එතුමා 1997 දී මමයි ෆවුසි ඇමතිතුමයි මුල්ගල් තියලා ආරම්භ කරපු දක්ෂිණ අධිවේගී මාර්ගය 2014 දී එයා‌ගේ නම ගහගෙන, මගේ නම තිබුණ මුල්ගලත් මේ නිල්වලා ගඟට විසිකරලයි ඒක අවසන් කළේ. ඒ අයට අනූ හතේ ආරම්භ කරපු මේ මහාමාර්ග අධිවේගී මාර්ගය හදන්න අවුරුදු 17 ක් ගියා. මේ අවුරුදු 17 දී ඒ අය මහාමාර්ග අධිවේගී මාර්ග හැදුවේ ඔය දකුණෙ අපි ආරම්භ කරපු එකයි. ගුවන්තොටු‌පළේ ඉඳලා, ඒත් ඊට ඉස්සෙල්ලා 2002 ආණ්ඩුවෙන් ආරම්භ කරපු, රනිල් වික්‍රමසිංහ මහතා ආරම්භ කරපු දෙක විතරයි කෙරේ. ඒ අය අවුරුදු 17 කට කිලෝමීටර් 174ක් හදනකොට මිත්‍රවරුණි අපි මේ අවුරුද්ද අවසන් වෙනකොට, මේවෙනකොටත් කිලෝමීටර් 145ක් අවස් කරලා ඉවරයි. මාතර ඉඳලා හම්බන්තොට යන අධිවේගී මාර්ගයට අපි මුල්ගල් තිබ්බේ 2016 දී අපි මුල්ගල් තියලා අපි සල්ලි හොයලා පටන් අරන් දැන් ඒක ඉවරයි අවුරුදු තුනක් යන්න ඉස්සෙලාලා .මේ නොවැම්බර් මාසේ මාතරින් හම්බන්තොටට අධිවේගී මාර්ගය අපි විවෘත කරනවා. ඒ වගේම කඩවත ඉඳලා කෙලවරපිටියට යන පාර අධිවේගී මාර්ගය කිලෝමීටර් 9.5. ඒකත් අපි 2016 දී මුදල් වෙන් කරලා ආරම්භ කරේ.

මේ සර්කියුලර් රෝඩ් එකත් අපි ඔක්තෝබර් අන්තිමට විවෘත කරාම, මාතර ඉඳලා තමුන්නාන්සේලාට ගුවන්තොටුපොළට කෙළින්ම එකපාරට පැයකුත් විනාඩි හතලිස් පහකින් ගුවන්තොටුපොළට යන්නට පුළුවන්. මේ විදිහට අපේ උඩරට මන්ත්‍රීතුමන්ලා ඇමතිතුමන්ලා දන්නවා, මේවෙනකොටත් ඒ සෙන්ට්‍රල් ඒක්ස්ප්‍රේස් වේ එකේ දෙවෙනි අදියර අවසන් වෙමින් තියෙනවා. ඒක විවෘත කරන්නේ එන මාර්තු දැනටමත් සියයට අසූවක් ඉවරයි. මේ ඔක්කොම එක්ක අපි කිලෝමීටර් 145 ක් වෙන් කරලා තියෙනවා. අපි පාරවල් හදනවා. ගෙවල් හදනවා. අපේ නිවාස ඇමතිතුමා මම නම් හිතන්නේ මේවෙනකොට තමන්ගේ පියාගේ වාර්තාවත් පසුකරමින් ඉන්නේ. මම දන්න හැටියට එතුමා 259වැනි නිවාස යෝජනා ක්‍රමය විවෘත කරා. ඒ වගේම මේ මාතර ජනතාව දැනගන්න ඔ්නේ අපි මේ හැමදෙයක් කරනකොට පාරවල් හදනකොට, එදා ගෝඨාභය වගේ හමුදාව දාලා මිනිස්සු බය කරලා ඒ තැන්වලින් පන්නන්නේ නැහැ. අපි ඒ අයට වන්දි මුදල් දීලා නීත්‍යානුකූල විදිහටයි හැම දෙයක්ම කරන්නේ. මේ හක්මන පාර පුළුල් කරන්න පසුගිය සතියේ අපි වැඩ ආරම්භ කරා. මිත්‍රවරුණි මුළු පුළුල් කිරීමටම යන්නේ රුපියල් මිලියන 760 යි. හැබැයි වන්දි මුදල විතරක් මිලියන 1333යි. අපි ජනතාව රවට්ටන්නේ නැතුව ජනතාවට ලැබිය යුතු වන්දි මුදල දුන්නා.

අලුත් යුගයක් ගේනවා කියන ගෝඨාභය !

නමුත් අලුත් යුගයක් ගෙනෙනවා කියන ගෝඨාභය ඒ කාලේ නගර සංවර්ධනය කරේ ගෝඨාභයටගේ ඉන්න ජුන්ටාව දාලා, ඒ ගෙවල්වලට ගිහිල්ලා බය කරලා උඹලා මෙතනින් ගියේ නැත්නම් මරනවායි කියලා සතපහක්වත් වනිදි ගෙවන්නේ නැතුව . මම මුදල් ඇමතිවරයා හැටියට පත්වුණායින් තමයි, ගෝඨාභයගේ කාලේ එළවපු මිනිස්සුන්ටත් එක්සත් ජාතික පක්ෂ ආණ්ඩුවෙන් තමයි වන්දි දුන්නේ. ඒ සඳහා අපි බිලියන 35 ක් වෙන් කළා. අනිත්පැත්තෙන් ගම්පෙරළිය වගේ වැඩසටහන්වලින් අද ජනතාවට කවදාවත් නොලැබුණ සංවර්ධනයක් ලැබෙනවා. විශේෂයෙන්ම පොඩ්ඩක් බලන්න. හැම ආසනයකටම පේදුරුතුඩුවේ ඉඳලා දෙවුන්දරතුඩුව දක්වා තියෙන හැම ආසනයකටම අපි කෝටි 30 ක් මුදලින් ලබා දීලා මේවෙනකොට ඇත්තවශයෙන්ම මුළු රටම එකම වැඩ බිමක් බවට පත්වෙලා තියෙනවා.

උතුරේ සහ දකුණේ සංවර්ධන ව්‍යාපෘති 99726 !

මේ මොහොත වෙනකොටත් ගම්පෙරළිය යටතේ ලංකාව පුරාම කිළිනොච්චියේ ඉඳලා පේදුරුතුඩුවේ ඉඳලා දෙවුන්දර දක්වා ව්‍යාපෘති 99726 ක් ක්‍රියාත්මක වෙනවා. ඒ විතරක් නෙවෙයි මේ මාතර දිස්ත්‍රික්තය තුළ ගම්පෙරළිය ව්‍යාපෘති 2916 ක් ක්‍රියාත්මක වෙනවා. ගරුතර ස්වාමීන් වහන්ස, අපේ සමහර ස්වාමීන්වහන්සේලා මට පන්සල්වලට එන්න එපාය කියලත් යම් යම් නීතිරීති දානවා. ඒකට ප්‍රශ්නයක් නැහැ. නමුත් මම සන්තෝසයි කියන්න, ලංකා ඉතිහාසයේ වැඩිම මුදලක් පන්සල් සංවර්ධනය සඳහා වෙන් කරලා තියෙන්නේ මේ ආණ්ඩුවෙන් කියන එක. ඇත්තවශයෙන්ම මේ මොහොත වන විට පන්සල් පල්ලි කෝවිල් 9851 ලංකාවේ අළුත් වැඩියා වෙනවා. ඒකෙන් සියයට අසූපහක්ම බෞද්ධ සිද්ධස්ථාන. මේ 9851 දියුණු කරන්න මම මිලියන 4861 ක් වෙන් කරලා තියෙනවා. මෙන්න මේ විදිහට අපි එක පැත්තකින් බෞද්ධ දර්ශනය. මම නම් කතාකරන්නේ බුද්ධාගම ගැන නෙවෙයි බෞද්ධ දර්ශනය, බුදුරජානන් වහන්නේගේ දර්ශනය ජනතාව තුළට ගෙනයෑම සඳහා මම එන අවුරුද්ද වෙනකොට මීටත් වඩා වැඩි මුදලක් පන්සල් පල්ලි කෝවිල් සඳහා වෙන් කරන බවත් මම මේ අවස්ථාවේදී කියන්න ඔ්නේ. ඒක නිසා තව එකක් කියන්න ඔ්නේ දැන් ඊට පස්සේ කවුරු ඇහුවත් කියනවා බඩු මිල වැඩීනේ, ජීවන වියදම වැඩීනේ කියලා කියනවා. මම ඒ නිසා, මේ පෙරේදා 2014 රාජපක්ෂලාගේ පවුල් පාලනය අපිට මේ රට බාරදෙනකොටත්, අනිත් පැත්තෙන් අද අවුරුදු 4 කටත් පස්සේ තියන මිලත් ගැන බැලුවම ඔය කියන දේ නෙවෙයි පෙනෙන්නේ. අවුරදු හතරකටත් පස්සේ අත්‍යාවශ්‍ය අපිට අවශ්‍ය දේවල් 2014 වඩා අඩුයි. උදාහරණයක් ගන්න අද සම්බා හාල් එක 84යි. එදා 86 , පොල් ගෙඩියක් 45 එදා. අද 38. සීනි එදා 109 යි. කිරිපිට 947 ක් මේ අම්මලා ගෙවුවා එදා අද ගෙවන්නේ 920. රතු පරිප්පුවලට මේ අම්මලා ගෙවුවා එදා 162ක්, අද අපි ගෙවන්නේ රුපියල් 100 යි. ඒ විතරක් නෙවෙයි පාන් පිටි ටිකක් රොටියක් පුච්චගන්න එදා අපි රුපියල් 97 ක් ගෙවනකොට අද ගෙවන්නේ 87යි. ගිහිල්ලා අපේ ඇමතිතුමා යටතේ තියෙන සතොසෙ බලන්න ගණන් මිලවල්. ඒ විතරක් නොවයි එදා ගෑස් 2146යි අද අපේ 1750. එතකොට ඉන්ධන. මම මිල සූත්‍රය හඳුන්වා දුන්නට පස්සේ මට බනිනවා හරියට නමුත් මම මිල සූත්‍රය හඳුන්වාදීල රජයට එන ලාබයත් අඩු කරලා තාමත් අපේ මිල අඩුයි. ඉන්ධන 92 ඔක්ටේන් එක එදා 158යි, අද 138යි. 95 ඔක්ටේන් එක එදා 165 අද 163යි, භූමිතෙල් ලීටරය එදා 83යි, අද 70යි. ඩීසල් ලීටරය එදා 118යි අද 104. සුපර් ඩීසල් එක එදා 140යි අද 138යි. අන්න ඒ නිසා ගරු මිත්‍රවරුනි රැටෙන්න එපා එක එක්කෙනාගේ බොරු ප්‍රචාරවලට. දැන් අපි අවුරුදු හතරක් තිස්සේ මේ තරම් ශක්තිමත් අත්තිවාරමක් දාලා තියෙනවා.

යහපාලනයට මුහුණදීමට සිදුවූ අභියෝග !

අපි මේ අවුරුදු හතර තිස්සේ මහා අභියෝගයන්ට මුහුණ දුන්නා. අස්වාභික අභියෝගයන්ට මුහුණ දුන්නා, ස්වාභාවික අභියෝගයන්ට මුහුණ දුන්නා, 2006 දී මහා නියඟයකට මුහුණ දුන්නා, 2016 දී 2017 දී මහා ගංවතුරකට මුහුණ දුන්නා. ඊට පස්සේ ගිය අවුරුද්දේ ඔක්තෝබර් 26 ව්‍යවස්ථාදායක කුමන්ත්‍රණයකට මුහුණ දුන්නා. මේ අවුරුද්දේ පාස්කු බෝම්බ ප්‍රහාරයටකට මුහුණ දීලත් අද අපි ශක්තිමත් අත්තිවාරමක් උඩ ඊළඟ පිම්මත් පනින්නයි අපි මේ රට සූදානම් කරන්නේ. ඇත්තවශයෙන්ම අවුරුදු හතරක් තිස්සේ මම කියන්න ඔ්නේ, අපි මේ කරපු සංවර්ධනයට මග පෙන්නුවේ අපේ අග්‍රාමාත්‍යතුමා රනිල් වික්‍රමසිංහ මැතිතුමා. එතුමා දැන් කවුරුත් බැන්නට අවුරුදු 17 ක් තිස්සේ මේ පක්ෂය ආරක්ෂාකරගෙන ආවා. බැනුම් අහගෙන, එක එක අපවාද අහගෙන ආරක්ෂා කරගෙන අවිල්ලා දැන් අපේ පක්ෂය ඊළඟ පරිවර්ථනයට සූදානම් වෙන්න ඔ්නේ. අන්න ඒ නිසා තමයි විශේෂයෙන්ම අපි ලබා දුන් මේ ශක්තිමත් පදනම උඩ ඊළඟ අදියරයට, එහෙම නැත්නම් අපි බලාපොරොත්තු වෙන විස්සයි විස්ස ශ්‍රී ලංකාවකට ගෙන යන්නට පුළුවන් අපේ කැබිනට් මණ්ඩලයේ තරුණ නායකත්වය සජිත් ප්‍රේමදාස කියන එක අපි හැම කෙනෙක්ම පිළිගන්න ඔ්නේ. මෙතුමා එක්ක මටත් ප්‍රශ්ණ තිබුණා.

අවුරුදු 2කට පෙර කුරුදු පොලු ගබ්බය්හ්

ඇත්තෙන්ම මට මතකයි මීට අවුරුදු හයකට විතර ඉස්සෙල්ලා කුරුඳු පොල්ලක් දෙකකුත් අතට ගත්තා, එකක් දෙකක් නෙවෙයි ටිකක් වැඩිපුරත් ගත්තා නෙවෙයි ගැනුනා. නමුත් මම මේ ආණ්ඩුව පිහිටුවලා ආණ්ඩුවේ එකම කැබිනට් මණ්ඩලයේ ඇමතිවරයෙක් හැටියට විශේෂයෙන්ම අද මුදල් ඇමතිවරයා හැටියට දකින දෙයක් තමයි සජිත් ප්‍රේමදාසට භාණ්ඩාගාරයේ මුදල් වෙන් කරනකොට බයක් නැතුව වෙන් කරන්න පුළුවන්, මොකද එක පැත්තකින් හොරකම් කරන්නේ නැහැ, අනික් පැත්තෙන් ඒ මුදල කාර්යක්ෂමව වියදම් කරනවා. මේ අවුරුද්දේ මුදල් සමහරක් අමාත්‍යංශ සියයට සියයට දෙකක් තුනක් අද වෙනකොටත් කරලා නැහැ. මෙතුමා දැන් වෙනකොට සියයට අසූහතකටත් වඩා වියදම් කරලා හැබැයි අපිට හැබැයි දැන් ගෙවල්වල ඉන්නත් බැහැ තවත් සල්ලි ඉල්ලනවා. ඒ තරම් උනන්දුවක් තියෙනවා. ඒ පියාගේ උරුමය එතුමාට තියෙනවා. ඒ නිසා තමයි විශේෂයෙන්ම යළිවතාවක් මේ රට රාජපක්ෂ පවුලේ වහල් යුගයට යන එක නවත්තන්නට පුළුවන් එකම නායකයා සජිත් ප්‍රේමදාස. ගෝඨා බිය.

ගෝඨා භීෂණය !

මම නම් කියන්නේ ගෝඨාභය නෙවෙයි. මොකද භීෂණ යුගයේ බියගුල්ලෙක්. තමුන්නාන්සේලා දැන් කියන්නේ නැතුව ගෝඨාබිය කියන්න පටන්ගන්න.ගෝඨාභය බියගුළු යුගයක සංකේතයක් යළි වතාවක් දැන් මහණවෙස් අරගෙන වගේ දැන් මේ රටේ ජනාධිපති වෙන්න හදනවා. ඒ වගේම අජිත් පෙරේරායි අනිත් අයයි කිව්වා වගේ අපි බෙදිලා වෙන් වෙලා නැහැ.

අපි එක්සත් ජාතික පක්ෂය හැටියට සියලු දෙනාම එකතු වෙලායි ඉන්නේ. අන්න ඒ නිසා මම නම් විශ්වාස කරනවා ඊළඟ සතියේ ඉතාමත් කෙටි කාලයක් ඇතුළතදී අපේ මුළු පක්ෂයම එකතුවෙලා රනිල් වික්‍රමසිංහ අපේ ආදරණීය ගෞරවනීය අග්‍රාමාත්‍යතුමාගේ යෝජනාවෙන්, කරු ජයසූරිය මැතිතුමාගේ ස්තීරත්වයෙන් සජිත් ප්‍රේමදාස අපේ ජනාධිපති අපේ අපේක්ෂකයා බවට පත් කරනවා විතරක් නෙවෙයි, මේ වෙනකොටත් එතුමාට අපේ අනෙකුත් සහෝදර පක්ෂ සියල්ලම එතුමාට සහයෝගය ප්‍රකාශ කරලා තියෙනවා. අන්න එහෙමනම් තව සතියක් දෙකක් ඇතුළත අපි තමුන්නාන්සේලා මේ වගේ තවත් දහගුණයක් එක්ක ගෝල්ෆේස් පිටියේදී අපේ ජනාධිපති අපේක්ෂකයාත් එක්ක එනකොට, එතුමා වටේ අපේ අග්‍රාමාත්‍යතුමා, අපේ කථානායකතුමා විතරක් නෙවෙයි රමුෆ් හකීම්ලා රිෂාද් බදියුදීන්ලා මනෝ ගනේෂන්ලා දිගම්බරම්ලා රාජිත සේනාරත්නලා චම්පික රණවකලා විතරක් නෙවෙයි අපි උතුරේ ජනතාවගෙනුත් සහයෝගය අරගෙන ඇත්තවශයෙන්ම 1994 දී මේ ස්ථානයේ උයන්වත්තේදී මේ වගේම විශාල රැලියක් තියලා තම ඡන්ද ව්‍යාපාරය ආරම්භ කරපු චන්ද්‍රිකා කුමාරතුංගගේ වාර්තාවත් කඩමින් සීයට හැටපහක්වත් මේ රටේ ඡන්ද ලබාගමින් එක්සත් ජාතික පක්ෂයෙන් අපේම යූඑන්පී ජනාධිපතිවරයෙක් වසර විසිපහකට පස්සේ ලැබෙන බවට සහතික වෙමින් තමුන්නාන්සේලා සියලු දෙනාට මාගේ ස්තූතිය පිරිනමමින්, ඒ වගේම අද වරුසාව නොබලා මේ කටයුතු කරපු සියලු දෙනාට, විශේෂයෙන්ම එක්සත් ජාතික පක්ෂයේ බලමණ්ඩලයේ ලේකම් නලින් මහත්මයා, උපුල් නිශාන්ත මහත්මයා ඒ වගේම අපේ සමීර මහත්මයා, ඒ වගේම මේ සෙනඟ මෙතනට මාතර දිස්ත්‍රික්කයේ ගේන්නට කටයුතු කරපු ආසන සංවිධායකවරුන්, ඒ වගේම අපේ පක්ෂයේ අනෙක් නායකයන් සියලු දෙනාට ස්තූති වන්ත වෙමින් එක්සත් ජාතික පක්ෂයට ජයවේවා කියමින් මගේ වචන ස්වල්පය අවසන් කරනවා.

Comment (0) Hits: 107

සන්ධාන සාකච්ඡා මේසයෙන් තිලංග - පියදාස දොට්ට : පොහොට්ටුවෙන් බැසිල් එයි !

ශ්‍රී ලංකා නිදහස් පක්ෂය සහ පොදුජන පෙරමුණ අතර සන්ධානයක් වෙනුවෙන් වන සාකච්ඡාවේ ශ්‍රිලනිප පාර්ශවය නියෝජනය කල පාර්ලිමේන්තු මන්ත්‍රී තිලංග සුමතිපාල සහ හිටපු මහ ලේකම් රෝහණ ලක්ෂ්මන් පියදාස ඉවත්කර ඇති බව වාර්තා වෙයි.

ඒ අනූව අදාල සාකච්ඡාව හෙට (27) පැවැත්වීමට නියමිත අතර ඒ සදහා ශ්‍රිලනිප ය නියෝජනය කරන්නේ මහ ලේකම් දයාසිරි ජයසේකර, උප සභාපති මහින්ද අමරවීර සහ නියෝජ්‍ය ලේකම් ලසන්ත අලගියවන්න යන මන්ත්‍රීවරුන් ය.

එසේම පොදුජන පෙරමුණ පාර්ශවයේ නියෝජිත කණ්ඩායමේ නායකත්වය සඳහා බැසිල් රාජපක්ෂ පත්ව ඇති බවත් වාර්තා වෙයි.

මීට පෙර පොහොට්ටු පාර්ශවයෙන් ඊට සහභාගී වූ ආචාර්ය ජගත් වැල්ලවත්ත ඉවත්කර තිබේ. මීට අමතරව පක්ෂයේ සභාපති මහාචාර්ය ජී. එල්. පීරිස් සහ පාර්ලිමේන්තු මන්තී‍්‍ර ඩලස් අලහප්පෙරුම ද, මෙම සාකච්ඡා සඳහා සහභාගී වන බව දේශපාලන ආරංචි මාර්ග සදහන් කරයි.

ශ‍්‍රී ලංකා නිදහස් පක්ෂය සහ ශ‍්‍රී ලංකා පොදුජන පෙරමුණ අතර පැවැත්වෙන නව සාකච්ඡා සඳහා සහභාගී වන පිරිස මෙලෙස වෙනස් කර ඇත්තේ ජනාධිපති සිරිසේන සහ විපක්ෂ නායක මහින්ද රාජපක්ෂගේ උපදෙස් මත බවත් දැනගන්නට තිබේ.

දෙපාර්ශවයේ සාකච්ඡා සඳහා ඇති සූදානම පිළිබඳ ශ‍්‍රී ලංකා නිදහස් පක්ෂයේ නියෝජ්‍ය ලේකම් පාර්ලිමේන්තු මන්තී‍්‍ර ලසන්ත අලගියවන්න මාධ්‍ය වෙත අදහස් දක්වමින් සදහන් කර ඇත්තේ අද (26) සවස ශ්‍රී ලංකා නිදහස් පක්ෂයේ මධ්‍යම කාරක සභාව ජනාධිපති සිරිසේන ගේ ප්‍රධානත්වයෙන් කැඳවා තිබෙන බවත් එහිදී පක්ෂ දෙකේ සාකච්ඡා පිළිබඳව සිය පාර්ශ්වයෙන් ඉදිරිපත් කරන කරුණු පිළිබඳව අනුමැතිය ලබාගැනීමට නියමිත බවත් ය. ඒ වගේම ශ්‍රී ලංකා නිදහස් පක්ෂයේ සංවත්සර උත්සවය පිළිබඳවත් මෙහිදි සාකච්ඡා කරන බවත් ඔහු පවසා තිබේ.

මේ අතර ජනාධිපතිවරණය සම්බන්ධව ශ්‍රිලනිප අවසන් තීන්දුව මතය අද මධ්‍යම කාරක සභාවේදී ගනු ඇති බවත් දේශපාලන ආරංචි මාර්ග සදහන් කරයි.

Comment (0) Hits: 154

පොහොට්ටු අපේක්ෂකයා ටර්මිනේටර්ගේ ඇත්ත හැසිරීම : උවිදු සිහිකරයි !

පොහොට්ටු පාර්ශවයේ ජනාධිපති අපේක්ෂකත්වය ලැබීමෙන් අනතුරුව ගෝඨාභය රාජපක්ෂ මේ වන විට සමස්ථ ජනතාව මුලා කර ඔහුගේ භීෂණකාරී ස්වභාවය අමතක කරවීමේ ව්‍යාපෘතියක් දියත් කර ඇත.
ඒ වෙනුවෙන් ඔහු මේ වන විට මාධ්‍ය නිදහස, සමාජ විනය, රාජ්‍ය සේවය , පුරවැසි අයිතිවාසිකම්  ගැන පවා ගජබින්න දෙසමින් සිටියි.
ඒ පසුබිමේ ගෝඨාභය රාජපක්ෂ ආරක්ෂක අමාත්‍යාංශයේ ලේකම් ලෙස කටයුතු කරන අතරේ මාධ්‍යවේනියකට ආමන්ත්‍රණය කළ ආකාරය සාක්ෂි සහිතව සිහිපත් කිරීමට මාධ්‍යවේදී උවිදු කුරුකුලසුරිය කටයුතු කර ඇත.
උවිදු සිය ෆේස් බුක් ගිනුමේ ඒ මෙසේ සිදුකර ඇත.
"උඹ ගූ! ගූ! මාධ්‍යවේදිනියක්. හුකන ගූ ගොඩක්. ගූ කන ඊරියක් - හුකන මාධ්‍යවේදිනියක් තෝ -මේ ගැන ඒක අවලම් වචනයක් හරි ලියල තිබ්බොත් මම උඹලගේ හුකන පත්තරේට විරුද්ධව නඩු දානවා - ඔව් මම උඹට තර්ජනය කරනවා තමයි. මම කියපු ඒක වචනයක් හරි ලියපන්කො. මම කිව්වා, එක අවලම් හුකන වචනයක් හරි ලියපන්කො. අපි බලාගමු. ඒ වුණාට මම උඹ හිරේ දානවා. මිනිස්සු උඹව මරාවි. මිනිස්සුන්ට පිළිකුල් තෝව. උන් උඹව මරාවි." - ගෝඨාබය රාජපක්ෂගේ වාග් මාලවෙන්
ගෝටා විනය, නිදහස​, මාධ්‍ය නිදහස ආදිය​ ගැන​ කතා කරන්නට පටන් ගෙන ඇත​, ඉහත උපුටා දැක්වූයේ ගෝටාගෙ බාසාවය​. මේවා ඉංග්‍රිසියෙන් ලියවී ඇති නිසා ගොඩක් අය දන්නේ නැත​. ඒ වගේම ඒ දිනවල අවුරුදු 12-13 සිටි දරුවන් මෙවර ඡන්ද දායකයෝ වෙති. ඒ අය ඉදිරියේ දුන් ටෝක් නිසා මේවා කියවා ගන්නේ නම් හොඳයි. බලයේ ඉන්න කොට මෙහෙමයි කතා කරේ. ඉංග්‍රිසි ලිපියේ ලින්ක් එක මේ: 
තම පුද්ගලික මිතුරෙකු මෙන්ම ගුවන් නියෙමුවෙකු වන අයෙකු තමන්ට බලු පැටියෙක් ගෙනත් දීමට හැකි යැයි කීම නිසා ස්විස්ටර්ලන්තයේ සූරිච් නුවරට යෑම සඳහා අදාළ ගුවන් නියමුවාට අවශ්‍ය පහසුකම් බලෙන් සකස් කර දීම ගැන ගෝඨාබය රාජපක්ෂ මහතාගෙන් විමසීමට යාමේදී ඔහු දූෂිත වචන පාවිච්චි කරමින් කෝපයෙන් බෙරිහන් දීමට පටන් ගත්තේය. මෙම මාධ්‍යවේදිනිය අවස්ථා දෙකකදී ඔහුගෙන් අදාළ කාරණය විමසුවාය.
ජුලි පස් වන දින පැවැත් වූ දුරකථන සංවාදය;
ප්‍රශ්නය : රාජපක්ෂ මහත්මයා! මම දන්නේ නැහැ ඔබ මේ ගැන දන්නවද කියා, අපට දැන ගන්නට ලැබුණා ශ්‍රී ලංකන් ගුවන් සේවයේ ගුවන් යානයක් ඔබ තුමාට බලු පැටියෙක් ගෙන ඒමට මේ සිකුරාදා සුරිච් නුවරට යාමට නියමිතයි කියා?
පිළිතුර : ඉතින් මොකද්ද එකේ වැරැද්ද? ඒක ස්ථීර ගුවන් යානයක්, ඔව් ඔවුන් බලු පැටියෙක් ගේනවා.. ඒකා මගේ ගෑණිට. එකේ කිසිම වරදක් නැහැ. බල්ලෙක් විතරක් ගෙන්න නෙමෙයි අලියෙක් උණත් රැගෙන එන්න මට සියලු අයිතීන් තිබෙනවා. ඒකට මම ගෙවනවා. ඕන දෙයක් රැගෙන ඒමේ සියලු අයිතිය මට තියෙනවා. මේක පළමු වතාව නෙමෙයි, මීට කලිනුත් ඔවුන් මට බලු පැටියෙක් ගෙනත් දීල තියෙනවා. මොකද්ද එකේ වැරැද්ද, මම ගෙවලා තියෙනවා . මට සියලුම අයිතීන් තියෙනවා.
ප්‍ර: ඇත්තවශයෙන්ම ඔව්. නමුත් කාරණය ඒක නෙමෙයි. අපට ආරංචි වුණා කැප්ටන් ප්‍රවීන් විජේසිංහ පුද්ගලිකව ඔබෙන් ඉල්ලීමක් කරලා තිබෙනවා සූරිච් වලට පියාසර කොට බලු පැටියාව අරන් එන්න.
පි: ඔව්. ඉතින් මොකෝ. මිනිහා මගේ යාලුවෙක්. හිටපු ගුවන් හමුදා නිලධාරින් මේවනවිට සේවය කරන ශ්‍රී ලංකන් ගුවන්සේවයේ මට යාළුවො ඉන්නවා. ඔවුන් මම කැමති දේවල් කරනවා. එකේ ඇති වරද මොකද්ද.
ප්‍ර: නමුත් A340 නමැති ගුවන් යානය පැදවීමට මෙම ගුවන් නියමුවා සුදුසුකම් ලද්දෙක් නෙමෙයි. ඒ නිසා ශ්‍රී ලංකන් ගුවන් සේවයට බලපෑම් කරනු ලැබුවා අදාළ ගුවන් යානය වෙනුවට A330 මාරු කිරීම සඳහා
පි : නෑ ගුවන් යානය මාරු කරනු ලැබුවේ නැහැ.
ප්‍ර: ඒක එහෙම මාරු නොකරන්න හේතු වුනේ ගුවන් නියමු මඟ පෙන්වන්නගේ සභාපතිවරයා ඊට විරුද්ධ වූ නිසයි.
පි: කිසි කෙනෙක් විරුද්ධ වුණේ නැහැ. මේ දේ ගැන එක අවලන් වචනයක් හරි උඹ ලිව්වොත් මම උඹට විරුද්ධ නඩු දානවා. මම ඔය කිසි අවලන් උසාවියකට බය මිනිහෙක් නෙමෙයි. මම උඹලට විරිද්ධව දැනටමත් නඩු දාල තියෙනවා , මම ආයෙත් නඩු දානවා. ඒක මගේ අයිතියක්.
ප්‍ර: නිවැරදියි. ඒවගේම තමයි ජනමාධ්‍යවේදිනියක් හැටියට මටත් තියෙන අයිතිය ඔබ මැදිහත්වෙලා ඉන්න කාරණයක් සම්බන්ධව ඔබේ පැත්තේ කතාව ගැන දැන ගැනීම.
පි: ගිහින් අහගන්නවා ශ්‍රී ලංකන් ගුවන් සේවයෙන්
ප්‍ර: අපි මේ වන විටත් කතා කළා. කොහොම වුනත් කාරණය මේකයි. ගුවන් යානයේ පීඩනය සහ පාලනය ගැන මනාව දන්නා ඕනෑම ගුවන් නියමුවෙකුට බලු පැටියෙක් අරන් එන්න පුළුවන්. නමුත් මෙම කාරණය සම්බන්ධයෙන් අදාළ ගුවන් යානය පැදවීමට සිදුසුකම් නොළත් කපිතාන් ප්‍රවීන් විජේසිංහවම පැදවීමට තෝරා ගැනීමයි .....
පි: ඉතින් මොකෝ. මිනිහා පැදෙව්වා කියලා තියෙන වරද මොකද්ද. මම උඹට කියනවා .. මේ ගැන ඒක අවලම් වචනයක් හරි ලියල තිබ්බොත් මම උඹලගේ හුකන පත්තරේට විරුද්ධව නඩු දානවා. මෙන්න මේ විදිහට තමයි උඹලා ඔක්කොම මිග් ගනුදෙනුව ගැන ලිව්වෙත්. කිසිම දෙයක් තොපි අවලම්මු හොයන්නේ බලන්නේ නැතුව ලිව්වා. තොපේ ඔක්කොම හුකන ප්‍රකාශන ඔක්කොම යම් කිසි කෙනෙක් කිව්වා යම් කිසි දෙයක්.
ප්‍ර: අන්න ඒ නිසා තමයි මම ඔබ තුමාට කතා කළේ. යම් කෙනෙක් කිව්වා කියා මම ලියන්න යන්නේ නැහැ. මම ඔබට කතා කළේ ඔබේ පැත්තේ කතාව ගැන දැන ගන්න.
පි: උඹ ලියපන්කො ඒක අවලම් වචනයක්. මම නඩු දාන්නම්. මම ආයෙත්, ලියපු එකාට සහ උඹලගේ හුකන පත්තරේට නඩු දානවා.
ප්‍ර: රාජපක්ෂ මහත්තයෝ ඔබතුමා මට තර්ජනය කරනවාද?
පි: ඔව් මම උඹට තර්ජනය කරනවා තමයි. මම කියපු ඒක වචනයක් හරි ලියපන්කො. මම කිව්වා එක අවලම් හුකන වචනයක් හරි ලියපන්කො. අපි බලාගමු.
ප්‍ර: රාජපක්ෂ මතත්යෝ මම ඔබතුමාට කතා කළේ ජනමාධ්‍යවේදිනියක් හැටියට ඔබ තුමාගෙන් මේ ගැන දැන ගන්න නමුත් ඔබ කළේ තිත්ත කුණුහරපෙන් බැණ වැදුන එක.
ගරු ආරක්ෂක ලේඛම් ධූරය දරන නන්දසේන ගෝඨාභය රාජපක්ෂ මහතා තම දුරකථනය විසන්ධි කරනු ලැබුවේය.
යලිත් ජුලි 06 වන දින ආරක්ෂක ලේඛම් වරයා ඇමතීමට ජනමාධ්‍යවේදිනිය කටයුතු කරනු ලැබුවේ අදාළ කාරණය ගැන ශ්‍රී ලංකන් ගුවන් සේවය දැනුවත් කොට ඇතිබව දැන ගැනීමට ලැබීමෙන් පසු එය පුවත්පතේ පල නොකරන බව දැනුම් දීම සඳහාය. අදාළ කාරණය පල නොකරනු ලබන්නේ ඔහු විසින් කුනුහරම කියමින් තර්ජනය කළ නිසා නොව එය නිරාකරණය වී තිබු නිසා බව දැනුම් දීමට කතා කළද ඔහු ලබා දුන් පිළිතුරු පහත දැක් වේ.
ප්‍ර: රාජපක්ෂ මහත්තයෝ, මම ඔබට ආයෙත් කතා කරන්නේ ශ්‍රී ලංකා ගුවන්සේවයේ නිලධාරියෙකු මා වෙත දැන් වූවා ගුවන් නියමු ප්‍රවීන් විජේසිංහට අදාළ ගුවන් යානය කළමනාකාරිත්වයට මාරු කොට බලු පැටියා ගෙන ඒමට ඉඩ දීම හමුවේ මගීන් 50 දෙනෙකුට ගමන් කිරීමට නොහැකි වන බව ඔබ නොදැන සිටි නිසා කියා.
පි: මම ඊයේ කිව්වා නේද මට කතා කරන්න එපා කියලා. මේ මෝඩ ගුවන් නියමුවන් මේ නිසා ගුවන් යානා මාරු කිරීමට යනවනම් එක මගේ වරදක් නෙමෙයි. මම ඒක කරනවා දැන්, නමුත් මේ ගුවන් නියමු එකිනෙකා අතර රණ්ඩු තියෙනවා. උඹල වගේ ගූ මාධ්‍යවේදියෝ ඔවුන්ට ඇහුන්කම් දෙනවා. ඔවුන් හුකන මෝඩයෝ. ඒක මගේ වරදක් නෙමෙයි.
ප්‍ර: ඇත්ත. නමුත් ඇත්ත කාරණය තමයි මේ තීරණය ගැනීම සහ පසුව එය ජෙයිෂ්ඨ ගුවන් නියමුවන් කළමනාකාරිත්වයට කළ බලපෑම නිසා වෙනස් කිරීමට සිදු වීම.
පි: ඒක වැරදියි; මම ඒක පරික්ෂා කළා එහෙම තීරණයක් අරන් තිබී නැහැ.
ප්‍ර: ඒක ඇත්තටම සිද්ද වුණා. කොහොම වුනත් මට තර්ජනය කළ නිසා නෙමෙයි ඔබ මේ ගැන නිවැරදි ක්‍රියාමාර්ගයක් ගැනීමට පොරොන්දු වූ නිසා අදාළ කාරණය ප්‍රසිද්ද කිරීම නැවත්වීමට තීරණය කළ බව මම කියන්න කැමතියි.
පි: ඔව් මම තර්ජනය කළා තමයි. උඹලා වගේ මාධ්‍යවේදියෝ ගූ කන ඌරෝ වගේ ජාතියක්. ගූ ! ගූ! ගූ ! ගූ! මාධ්‍යවේදියෝ. උඹල වගේ උන් 90 % මේ රටේ ඉන්න මිනිස්සුන්ට වදයක්. ඔවුන් උඹලව පිළිකුල් කරනවා. උඹ වරෙන් මගේ උත්සවයකට මම එතනදී උඹව පෙන්නලා කියන්නම් මේ ඉන්නේ සන්ඩේ ලීඩර් එකේ කතෘ තුමිය. එහිදී 90% මිනිස්සු උඹව පිළිකුල් කරයි.
ප්‍ර: මම හිතන්නේ නැහැ
පි : උඹ හිතන්නේ නැහැ. ඒ උඹේ උද්ධච්ච කම. උඹ ගූ! ගූ! මාධ්‍යවේදිනියක්. හුකන ගූ ගොඩක්. ගූ කන ඊරියක්. මම උසාවි යන්නම්. මම මිග් ගනුව්දෙනුව ගැන උඹල ලිව්වා දේට දාල තියෙන පැමිණිල්ල අයින් කරන්නෙත් නැහැ.
ප්‍ර: ඒ කතාව ගැන මම කිසි දෙයක් කළේ නැහැ ඉතින් මට ඒ ගැන කියන්න බැහැ
පි: ඒ වුණාට මම උඹ හිරේ දානවා. උඹ රට දෙකට කඩන්න හදන, ඇත්ත බෞද්ධයන්ව බේදබින්න කරන ගූ මාධ්‍යවේදිනියක්. තානාපතිවරුන් වගේම රාජ්‍ය නොවන සංවිධාන, පකිසොත්ති වගේ වුන් උඹට ගෙවනවා
ප්‍ර: මම සුභ පතනවා
පි: උඹ ගූ කන ඊරි. උඹ හුකන ගූ කන මාධ්‍යවේදිනියක්..
ප්‍ර: රාජපක්ෂ මහත්තයෝ මම හිතනවා ඔබ තුමාට ඔබ තුමාව හොඳින් ඇසෙනවා කියලා
පි : මිනිස්සු උඹව මරාවි. මිනිස්සුන්ට පිළිකුල් තෝව. වුන් උඹව මරාවි.
ප්‍ර: ඒ ඔබතුමාගේ නියෝගය මතද ?
පි: මොකක්? නෑ. මගේ නෙමෙයි. නමුත් ඔවුන් උඹව වගේ කුනුවුන හුකන් මාධ්‍යවේදිනියක්ව මරයි.
Comment (0) Hits: 243

එජාප අධීක්ෂණ මන්ත්‍රීවරුන් පිරිසක් ඉල්ලා අස්වීමට සූදානම් !

එක්සත් ජාතික පක්ෂයේ අධීක්ෂණ මන්ත්‍රීවරුන් ලෙස කටයුතු කරන මන්ත්‍රීවරුන් පිරිසක් ඉල්ලා අස්වීමට තීරණය කර ඇති බව වාර්තා වේ.

එම පක්ෂ පාර්ලිමේන්තු මන්ත්‍රී හේෂා විතානගේ සඳහන් කළේ දැනට මන්ත්‍රීවරුන් 29 දෙනෙකු අධීක්ෂණ මන්ත්‍රීවරුන්ගේ ලෙස පත්කර ඇති බවත් එයින් විසි දෙනෙකු පමණ මෙසේ ඉල්ලා අස්වීමට තීරණය කර ඇති බවත්ය.

අධීක්ෂණ මන්ත්‍රීවරුන් ලෙස පත් කළ ද කිසිම කාර්යයක් පවරා නැති බවත් කිසිදු බලයක් නැති බවත් පෙන්වා දුන් මන්ත්‍රීවරයා දැනටමත් තමන් සහ චමින්ද විජේසිරි මන්ත්‍රීවරයා එම ධුරවලින් ඉල්ලා අස්වු බව ද පැවසීය.

ඉල්ලා අස්වීමේ ලිපි අගමැති රනිල් වික්‍රමසිංහ වෙත බාර දුන් බවද ඔහු කියා සිටියේය.

Comment (0) Hits: 136

ඇමති හරීන් සැරටම බුදි : 21න් පහළ හොකී ජවුසං ඔඩුදුවයි !

ජාතික දේශපාලනය, ක්‍රිකට් ගැන උනන්දු වන තරමට ක්‍රීඩා අමාත්‍යවරයා හොකී ක්‍රීඩාව සම්බන්ධව උනන්දුවක් නොදැක්වීම හේතුවෙන් ක්‍රීඩකයන් රැසකගේ ක්‍රීඩා ජීවිතය වැනසීයාමේ අවධානමක් මතුව ඇති බව මාපියන් පවසයි.

21න් පහළ ආසියානු හොකී තරගාවලිය සඳහා ශ්‍රී ලංකා කණ්ඩායම තෝරාගෙන ඇති ආකාරය බලවත් අසාධාරණ බවට දුක්ගැනවිල්ල ඉදිරිපත් කරමින් ක්‍රීඩක ක්‍රීඩිකාවන් කිහිපදෙනකු ගේ මාපියන් මේ බව පැවසීය.

එහිදී ඔවුන් පෙන්වාදෙන කරුණු කිහිපයක් ක්‍රීඩා අමාත්‍ය හරීන් ප්‍රනාන්දු ඇතුළු බලධාරීන්ගේ අවධානයට යොමුකිරීම වැදගත් බව අපේ විශ්වාසය වෙයි.

1: මීට පෙරත් නිව්ස් ටියුබ් වෙබ් අඩවිය වාර්තා කළ ආකාරයට 21න් පහළ ආසියානු හොකී තරගාවලිය සඳහා පුහුණුකරු පත්කර ඇත්තේ මූලික නිර්නායකයන් ගැන කිසිදු තැකීමක් සිදුනොකරය. අවම වශයෙන් කණ්ඩායමේ පුහුණුකරු තනතුර සදහා ඉදිරිපත් වූ කිසිවෙකුට සම්මුඛ පරීක්ෂණයක් හෝ පවත්වා නැත.

එහිදී ක්‍රීඩාව මුළුමනින් නින්දිත තැනට ඇද දමමින් අත ඔසවා සිදුකළ ජන්ද විමසීමක් හරහා පුහුණුකරු පත්කර ඇත.

එකම සුදුසුකම හොකී නිලවරණයේ දී ජන්දය ලබාදීම !

2: වෙන්නප්පුව හොකී සංගමය නියෝජනය කරන අයෙකුට මේ ආකාරයට අත ඔසවා සිදුකළ ජන්ද විමසීමෙන් පුහුණුකරු තනතුර පිරිණමා ඇත. එහිදි මූලික සුදුසුකම ලෙස හඳුන්වා ඇත්තේ පසුගිය දූෂිත හොකී නිලවරණය අවස්ථාවේ වත්මන් ජාතික හොකී සංගම් නිලධාරීන් වෙනුවෙන් ජන්දය දීමය.

හොකී ක්‍රීඩාව වනසමින් සිදුකළ මේ නින්දිත කටයුත්තට පසුව දැන් කණ්ඩායම තෝරාගෙන ඇති අතර ඒ කටයුත්ත ද අත ඔසවා පුහුණුකරු පත්කල ආකාරයට දෙවැනි නැත.

තේරීම් කමිටුවේ 3යි : එයින් අයෙක් තවමත් ක්‍රීඩකයෙක් !

3: හොකී තේරීම් කමිටුව සඳහා සාමාජිකයන් 5ක් සිටිය යුතු වුවත් එහි සාමාජිකයන් ඉන්නේ 3ක් පමණි. වැඩබැරි ටාසන් බඳු ඔවුන්ගේ රාජකාරිය වී ඇත්තේ අදිසි හස්තයකින් සැකසෙන හොකී කණ්ඩායම අනුමත කිරීමය.

එම තේරීම් කමිටුව කොතරම් දූෂිත ද යන්නට කදිම සාක්ෂියක් වන්නේ මෙවර ජාතික මහා ක්‍රීඩා උළෙල නියෝජනය කල වයඹ පළාතේ ක්‍රීඩකයකු ජාතික තේරීම් කමිටුවේ සාමාජිකයකු කර තිබීමය.

ඒ අනුව නම් දැන් අලුතෙන් තේරීම් කමිටුවක් අනවශ්‍ය අතර ක්‍රීඩකයන් ඔවුනොවුන්ගේ නම් යොදාගෙන කණ්ඩායම නම් කරගත හැකිය.

අප මේ කරන අනාවරණය ගැන යමෙකුට හිනා වෙන්නද අඩන්නද කියා හිතාගන්නට දුෂ්කර විය හැකිය. එහෙත් මේ අනාවරණය ඇත්තය. හොකී සංගමයේ වත්මන් නිලධාරීන් එතරම් දූෂිතය.

ක්‍රීඩා දක්ෂතාව කිසිසේත් අදාල නොවේ !

4: එසේම 21න් පහළ කණ්ඩායම තෝරාගෙන ඇත්තේද අන්ත දූෂිත ආකාරයට වන අතර එහිදී ක්‍රීඩකයන්ගේ පෞද්ගලික දක්ශතා කිසිවක් සැලකිල්ලට ගෙන නැත.

ඒ වෙනුවට ඉහළ පෙළේ පාසල් කිහිපයක ක්‍රීඩකයන් යොදා කණ්ඩායම තෝරාගෙන තිබේ.

කණ්ඩායම තෝරාගෙන ඇත්තේ පුහුණුකරුවන් සහ පුහුණුකාරියන් දෙතුන් දෙනෙකු ලබාදුන් ලයිස්තුවක් අනූව වන අතර එහිදී අවම වශයෙන් ක්‍රීඩකයන්ගේ ශාරීරික යෝග්‍යතාව ගැන පවා කිසිදු සොයාබැලීමක් සිදුකර නැත.

5: ගමක මරණාධාර සමිතියක පවා සභාපති තෝරා ගන්නේ ඇවිදින්න හැකි , අවම වශයෙන් සමිතියට එන්න පුළුවන්ද යන්න හෝ සලකා බලමින් ය. ඒ අවම නිර්නායකය රට නියෝජනය කරන කණ්ඩායමක් තේරීම සදහා යොදාගෙන නොතිබීම තුළ සුමිත් එදිරිසිංහ ප්‍රමුඛ හොකී මාෆියාව ක්‍රීඩාවට කරන විනාශය පැහැදිලිය.

චණ්ඩි තෝරපු කණ්ඩායමක් !

21න් පහළ හොකී කණ්ඩායම තෝරන අවස්ථාවේ ඇතැම් ක්‍රීඩකයන් මෙන්ම මාපියන් වෙත හොකී සංගම් නිලධාරීන් බැන තර්ජනය කර එම ස්ථානයෙන් පළවා හැර ඇති බවත් මාපියන් චෝදනා කරයි.

තමන් වෙහෙසී හරිහම්බ කරගත් දේ වියදම් කර දරුවන් ක්‍රීඩාවට යොමුකරන්නේ ඔවුන්ගේ දක්ශතා දැකීමට බවත් ඔවුන්ගේ දේශීයව මෙන්ම අන්තර්ජාතික මට්ටමේ දක්ශතා ඔප්නංවා ගැනීමට සේවාව සැපයිය යුතු ජාතික හොකී සම්මේලනය ඒ වෙනුවට බඩගෝස්තර මාෆියාවක් පැමිණ වනසමින් සිටින බවත් මාපියන් පෙන්වා දෙයි.

දරුවන්ගේ ක්‍රීඩා ජීවිතය වගේම සමස්ථ රටේම හොකී ක්‍රීඩාව නැතිභංග කරන මේ නිලධාරී මාෆියාව සම්බන්ධව ක්‍රීඩා අමාත්‍යවරයා දැනුවත් කරන ලෙස නිලධාරීන් වෙත අවස්ථා ගණනක් පැමිණිලි කර ඇති නමුත් ඒ කිසිවකට ප්‍රතිඵල ලැබී නොමැති බවත් මාපියන් චෝදනා කරයි.

එසේම තවත් මාපියන් පිරිසක් චෝදනා කරන්නේ හොකී ක්‍රීඩාව සම්බන්ධව හරීන් ප්‍රනාන්දු අමාත්‍යවරයා කිසිදු උනන්දුවක් නොදක්වන බවයි.

Comment (0) Hits: 163

සජිත්ට හෝ ගෝඨාට 50%ක් ගන්න බැරිවුනොත් මොකද වෙන්නේ ? (වීඩියෝ)

මෙවර ජනාධිපතිවරණයේදී කිසිදු අපේක්ෂකයෙක් හට වලංගු ජන්ද සංඛ්‍යාවෙන් 50% ලබා ගත නොහැකි වෙතැයි මත පළවේ.

එවැනි තත්ත්වයක් මතු වුවහොත් සිදුවන්නේ කුමක්දැයි යන්න මැතිවරණ කොමිසම සිය ෆේස්බුක් පිටුවේ මෙසේ පැහැදිලි කර ඇත.

ප්‍රශ්නය:-
ජනාධිපතිවරණයක දී සමස්ත ප්‍රකාශිත ඡන්ද සංඛ්‍යාවෙන් 50% කට වැඩි ඡන්ද ප්‍රතිශතයක් ලබා ගැනීමට කිසිදු අපේක්ෂකයකු සමත් නොවුනහොත් නැවත ඡන්ද විමසීමක් (Re Poll) සිදුවේ ද?

පිළිතුර:-
එසේ නැවත ඡන්ද විමසීමක් (Re Poll) කිරීමක් අවශ්‍ය නොවේ. අපේක්ෂකයන් තිදෙනෙකුට හෝ එයට වැඩි පිරිසක් තරඟ කළහොත් පමණක් වලංගු ඡන්ද සංඛ්‍යාවෙන් අඩක් හා එකක් එනම්50% වැඩි ප්‍රමාණයක් ලබා ගැනීමේ අවශ්‍යතාව මතු වේ.

මේ පිළිබඳව උදාහරණ සහිතව මෙසේ පැහැදිලි කර ඇත.

ජනාධිපතිවරණයේ දී ඡන්දය ප්‍රකාශ කිරීමේ දී ඡන්දදායකයින්ට ස්වකීය කැමැත්තේ ප්‍රමාණය හෙවත් මනාපයේ ප්‍රමාණය අනුව අපේක්ෂකයන්ට 1, 2, 3 අංක යොදා මනාප භාවිත කරමින් ඡන්දය දිය හැකිය.

කැමැත්ත එක් අපේක්ෂකයකුට පමණක් නම් අවශ්‍ය 1 පමණක් ද යෙදිය හැකි ය. නැතහොත් සුපුරුදු කතිරය (x) යෙදිය හැක.

A, B, C, D සහ E යනුවෙන් අපේක්ෂකයින් පස් දෙනෙකු තරඟ කරන්නේ යැයි ද සමස්ත වලංගු ඡන්ද සංඛ්‍යාව 100ක් වන බව ද උපකල්පනය කරමු. එවිට ඒ ඒ අපේක්ෂකයා ලබා ගන්නා ඡන්ද සංඛ්‍යාව මෙසේ යැයි සිතමු.

A= 40, B = 35, C= 15, D= 6, E= 4

මේ අනුව තරගය පවතින්නේ පළමුවන්නා හා දෙවැන්නා වූ A සහ B අතර පමණක් වේ. සෙසු තිදෙනා C, D, E තරගයෙන් ඉවත් කෙරේ. පළමු හා දෙවන ස්ථාන ලබාගත් A හා B ගේ ඡන්ද පත්‍රිකාවල ලකුණු කර ඇති මනාප පිළිබඳව කිසිදු සැලකිල්ලක් දක්වන්නේ නැත.

අනතුරුව ඡන්ද 15ක් ලබා ගත් C ගේ ඡන්ද පත්‍රිකා සියල්ල සලකා බලනු ලැබේ. C සඳහා කතිරය පමණක් සලකුණු කර ඇති ඡන්ද ඇත්නම් ඒවා ද පසෙක තබනු ලැබේ. එමෙන්ම 1 පමණක් සලකුණු කර ඇති ඡන්ද පත්‍රිකා ඇත්නම් ඒවා ද පසෙක තබනු ලැබේ. එසේ කරන්නේ ඒවායේ වෙනත් අයකුට මනාප ප්‍රකාශ කර නොමැති බැවිනි.

එම ඡන්ද පත්‍රිකාවල 1, C සඳහා ද 2, A හෝ B, සඳහා ලකුණු කර ඇති නම් A සඳහා ලකුණු කළ ඡන්ද පත්‍රිකා A ට වෙන් කර ඇති පෙට්ටියට ද B සඳහා ලකුණු කර ඇත්නම් B සඳහා වෙන් කර ඇති පෙට්ටියට ද දමනු ලැබේ.

C සඳහා 1 ලකුණු කර ඇති ඡන්ද පත්‍රිකාවල 2 ඉලක්කම හෙවත් 2 මනාපය සටහන් කොට තිබුණේ D හෝ E සඳහා නම්, 3ඉලක්කමක් හෙවත් 3 මනාපය එහි සටහන් තබා ඇත් ද යන්න පරීක්ෂා කර බලා 3 සටහන් කොට නොමැති නම් එය ද පසෙකින් තබනු ලැබේ. 2 ඉලක්කම D හෝ E සඳහා වූ විට 3 සටහන් කර ඇත්තේ A සඳහා හෝ B සඳහා නම්

එම ඡන්ද ප්‍රතිකා අදාළ වන පරිදි A ගේ සහ B ගේ ඡන්ද සඳහා වෙන් කළ පෙට්ටිවලට දමනු ලැබේ. එහෙත් 2 මනාපය D සඳහා ලබා දී 3 සටහන් කොට ඇත්තේ E සඳහා නම්, එවිට E තරඟයේ නොමැති බැවින් එය ද පසෙක තබනු ලැබේ.

2, E සඳහා ලබා දී 3, D සඳහා දී ඇත්නම් එය ද ඒ අයුරින්ම පසෙක තබනු ලැබේ. ඒ අයුරින් D හා E ලබාගත් ඡන්ද 2,3 මනාප අනුව A හා B වෙත ලබාදීම හෝ පසෙක තැබීම කරමින් මෙම ඡන්ද 25ම A හෝ Bවෙත එකතු කිරීම හෝ නොසලකා හැරීම සිදු කරනු ලැබේ.

එසේ බෙදීමෙන් A සඳහා අමතර ඡන්ද 03ක් ද B සඳහා ඡන්ද 10ක් ද ලැබුණේ යැයි උපකල්පනය කළ විට A ගේ සමස්ත ඡන්ද සංඛ්‍යාව 43 ක් ද ( A= 40+3 = 43) ද B ගේ සමස්ත ඡන්ද සංඛ්‍යාව (B = 35+10 = 45) 45 ක් ද වනු ඇත.

දැන් වලංගු ඡන්ද සංඛ්‍යාව ඡන්ද 88 කි. A ගේ සහ B ගේ සමස්තයේ එකතුව එනම් 43 + 45 = 88 කි. මෙහි දී එයින් අඩකට එනම් 45 ක් ලබා ගන්නා ලද B හට මෙහි දී ජයග්‍රහණය හිමි වේ.

මෙහි දී වලංගු ඡන්ද සංඛ්‍යාව 100 ක් ලෙස සලකා ඉන් අඩකට වඩා එනම් 51 ක් ලබා ගැනීමේ අවශ්‍යතාවක් නැත.

• මෙහිදී A ට අමතර ඡන්ද 8ක් ද B ට අමතර ඡන්ද 5ක් ද ලදහොත් A = 48 ද B = 40 ද වී A ජයග්‍රහණය කරනු ඇත.

• Aට හෝ B ට කිසිම අමතර මනාපයක් නොලදහොත් A = 40, B = 35 බැවින් A ජයග්‍රාහකයා වේ.

• A හා B සමාන ඡන්ද සංඛ්‍යාවක් ලබා ඇත්නම් ජයග්‍රාහකයා තෝරා ගැනීම සඳහා මැතිවරණ කොමිෂන් සභාව විසින් කුසපත් ඇදීමක් මගින් අමතර ඡන්දයක් එක් අයෙකුට එකතු කරනු ඇත.

(උපුටා ගැනීම - බීබීසී සිංහල සේවය)

වීඩියෝ 

Comment (0) Hits: 155

එජාප අපේක්ෂකයා නම් කිරීම සති දෙකක් තුළ - කිරිඇල්ල

එක්සත් ජාතික පක්ෂය ප්‍රමුඛ නව සන්ධානයේ ජනාධිපති අපේක්ෂකවරයා ඉදිරි දෙසතිය තුළ එජාප කෘත්‍යාධිකාරි මණ්ඩලය රැස්වි තෝරා පත් කර ජනතාව වෙත ඉදිරිපත් කරන බව රාජ්‍ය ව්‍යවසාය සංවර්ධන සහ කන්ද උඩරට උරුමයන් පිළිබඳ අමාත්‍ය අධිනීතිඥ ලක්ෂ්මන් කිරිඇල්ල පැවසීය.

මහනුවර අංකුඹුර ප්‍රදේශයේ පැවැති උත්සවයකින් අනතුරුම මාධ්‍ය වෙත අදහස් දක්වමින් අමාත්‍යවරයා මේ බව පැවසීය.

මෙහිදී තවදුරටත් අදහස් දැක්වූ අමාත්‍යවරයා,

“එක්සත් ජාතික පක්ෂයේ අපේක්ෂකයා තෝරන්නේ කෘත්‍යාධිකාරි මණ්ඩලයෙන් . මං මේ ගැන කිපවතාවක්ම කිව්වා. අපේ පක්ෂයේ ක්‍රමයක් තියෙනවා. කලින් අවස්ථාවලත් අපේක්ෂකයා තේරුවේ කෘත්‍යාධිකාරි මණ්ඩලයෙන්. ඉදිරි සති දෙක ඇතුලත අපි කෘත්‍යාධිකාරි මණ්ඩලය රැස් කරලා අපි අපේ අපේක්ෂකයා තෝරනවා. ඒ අපේක්ෂකයා ජයග්‍රහණය කරවන්න අපි සියලු දෙනා වැඩ කරනවා.

අපේ කෘත්‍යාධිකාරි මණ්ඩලයේ බොහෝ බුද්ධිමත් උගත් පිරිස් ඉන්නේ. නිවරැදි තීරණයක් ගනී කවුරුවත් බය වෙන්න ඕන නෑ. ජනතාවගේ ඉල්ලීම් සැලකිල්ලට භාජනය කර ගෙන තීරණයක් ගනියි. අපි මේක දිනන්න නම් අපි හොඳ සන්ධානයක් හදන්න ඕන .සියලු ජාතීන් සියලු පක්ෂ නියෝජනය වන සන්ධානයක් හදන්න ඕන. කවුරු අපේක්ෂකයා වුණත් සන්ධානයක් නැතිව දිනන්නපුළුවන්ද? බෑ. පක්ෂ ගණනාවක් තියෙනවා. ඒ අයත් එක්ක කතා කරලා ශක්තිමත් සන්ධානයක් හදන්න ඕන. ඒ අයගේ ඉල්ලීම් මොනවද කියල බලන්න ඕන. පසුගිය අවුරුදු හතර තුළ අපි ක්‍රියා කළ ආකාරය ගැන විශ්වාසයක් තියෙනවා. විශේෂයෙන් සුළු ජාතීන් තුළ විශාල විශ්වාසයක් තියෙනවා. ඒ විශ්වාසය තහවුරු කරලා සන්ධානයක් අවශ්‍යයි. කවුරු දිනන්න වුණත් සන්ධානය අවශ්‍ය බවත් ඒ සන්ධානය ඉදිරි සති දෙක තුළ හැදෙන බව"

Comment (0) Hits: 91

නව සන්ධානයක් හරහා දේශපාලන පෙරළියකට සූදානම් - අගමැති රනිල්

රට ගොඩ නැංවිය හැකි ප්‍රතිපත්ති පදනම් කරගත් ශක්තිමත් හා බලවත් දේශපාලන සන්ධානයක් ස්ථාපිත කොට එම සන්ධානයෙන් ජනාධිපති අපේක්‍ෂකයෙකු ඉදිරිපත් කරමින් දේශයේ නව දේශපාලන පෙරළියක් සිදුකරන බව අග්‍රාමාත්‍ය රනිල් වික්‍රමසිංහ පවසයි.

සන්ධානයේ ප්‍රතිපත්ති එළිදැක්වීම හා අපේක්‍ෂකයා නම් කිරීම සමාන්තරව සිදු කිරීමට බලාපොරොත්තු වන බව පැවසූ වික්‍රමසිංහ අග්‍රාමාත්‍යවරයා සන්ධානයට එක්වන සියලූ දේශපාලන පක්‍ෂ තම තමන්ගේ පක්‍ෂ අනන්‍යතාව ආරක්‍ෂා කර ගනිමින් සන්ධානය හා අත්වැල් බැදගන්නා බවද සඳහන් කළේය.

අග්‍රාමාත්‍ය රනිල් වික්‍රමසිංහ මෙම අදහස් පළ කළේ ඊයේ (24) අංකුඹුර මාර්ගයේ ප්‍රතිසංස්කරණ කටයුතු ඇරඹිමෙන් හා අංකුඹුර නව බස් තැවතුම්පොළ විවෘත කිරීමෙන් පසු පැවති ජනහමුව අමතමිනි.

මෙහිදී වැඩිදුරටත් අදහස් දැක්වූ අග්‍රාමාත්‍ය රනිල් වික්‍රමසිංහ මෙසේ ද පැවසීය.

අංකුඹුර – අලවතුවල මාර්ග සංවර්ධනය කිරීමේ වැඩකටයුත්ත ආරම්භ කිරීමටත්, නව බස්නැවතුම්පොළ විවෘත කිරීමටත් මට අවස්ථාව ලැබුණා. ඒ.සී.එස්. හමීඩ් මැතිතුමා මන්ත්‍රීව සිටින කාලයේ මුලින්ම මම මේ ආසනයට පැමිණියා. පළමුවෙන්ම මගේ වැඩ ආරම්භ කළේ නියෝජ්‍ය විදේශ ඇමැති වශයෙන් ඒ.සී.එස්. හමීඩ් ඇමැතිතුමා යටතේ බවත් සඳහන් කළ යුතුයි. අධ්‍යාපන ඇමැති ලෙස මාගේ නම ජනාධිපතිවරයාට ඔහු එදා යෝජනා කළා. අධ්‍යාපන අමාත්‍ය ධූරය මට ගැලපෙන බව ඔහු එදා මට පෙන්වාදුන්නා. එතුමාට ස්තූතිවන්ත වෙන්න එදා මම අධ්‍යාපන අමාත්‍යංශයේ වැඩ භාරගත්තා. එතුමා සමග කටයුතු කිරීමේදී බොහෝ දේ ඉගෙන ගැනීමට හැකි වුණා. මගේ දේශපාලන ජීවිතයේ කොටසක් මම එතුමාගෙන් ඉගෙන ගත් බවත් සඳහන් කරන්න කැමැතියි.

මේ ප්‍රදේශයේ සෑම අංශයකම විශාල සංවර්ධනයක් ඇති කිරීමට එතුමා කැපවීමෙන් කටයුතු කළ බව සඳහන් කළ යුතුයි. එතුමාගේ අභාවය මෙම ප්‍රදේශයටත්, රටටත් විශාල පාඩුවක් වුණා. ඉන්පසු අබ්දුල් හලීම් මැතිතුමා පළාත් සභාවටත්, පසුව පාර්ලිමේන්තුවටත් තේරී පත් වුණා. ඒ.සී.එස්. හමීඩ් මැතිතුමා වගේම අබ්දුල් හලීම් මැතිතුමත් තමන්ගේ ප්‍රදේශයේ දියුණුව වෙනුවෙන් අවධානය යොමු කර විශාල වැඩකොටසක් සිදු කරමින් සිටිනවා.

ප්‍රදේශයේ රැකියා ලබාදීම, මාර්ග ඇතුළු යටිතල පහසුකම් සංවර්ධනය කිරීම වැනි වැඩකටයුතුත්, අමාත්‍යංශයේ වැඩකටයුතුත් එතුමා සාර්ථකව සිදු කරගෙන යනවා. මේ ප්‍රදේශයේ දියුණුව වෙනුවෙන් 2015 වසරේ සිට කටයුතු කිරීම පිළිබඳව එතුමාට ප්‍රශංසා කරන්න කැමැතියි.

අධ්‍යාපන ක්ශේත්‍රයේ වැඩිම සංවර්ධනයක් !

මෙම සියලූ වැඩකටයුතු සිදු කරමින් මෙම ප්‍රදේශයේ විශාල දියුණුවක් ඇති කිරීමට එතුමාට හැකියාව ලැබුණේ රජයෙන් ලැබුණු මුදල් නිසා බව සඳහන් කළ යුතුයි. රටේ සෑම ප්‍රදේශයකටම සංවර්ධනය වෙනුවෙන් අප මුදල් ලබාදී තිබෙනවා. ගම්පෙරළිය, රන්මාවත්, විමධ්‍යගත අයවැය, ළඟම පාසල හොඳම පාසල, සෞඛ්‍ය දියුණු කිරීම, උදාගම් වැඩසටහන, වතුකරයේ නිවාස ලබාදීම, සමෘද්ධි සහනාධාර ලබාදීම වැනි විශාල වැඩ සටහන් රට පුරා ක්‍රියාත්මක වන බව කිව යුතුයි.

පාසල් සංවර්ධනය වෙනුවෙන් ඇති කර තිබෙන ව්‍යාපෘති විවෘත කිරීමට ලබන වසරත් ප්‍රමාණවත් නොවන බව සඳහන් කරන්න කැමැතියි. ඒ නිසා අපි එක් දිනක පාසල් 500 ක ව්‍යාපෘති විවෘත කිරීමට තීරණය කළා. අබ්දුල් හලීම් මැතිතුමාත් මෙම ආසනයේ විවෘත කිරීමට නොහැකි තරම් සංවර්ධන ව්‍යාපෘති ප්‍රමාණයක් සිදු කර තිබෙනවා.

ආණ්ඩුව ගමට කිසිවක් කර නැහැ කියා ඇතැමුන් චෝදනා කරනවා. ඒ චෝදනා අපට පිළිගන්න බැහැ. අපි සෑම ගමකටම වසරකට අවම වශයෙන් එක් ව්‍යාපෘතියක් හෝ ලබාදී තිබෙනවා. එවැනි සංවර්ධනයක් රට තුළ ඇති කිරීමට අවශ්‍ය මුදල් අමාරුවෙන් අප සොයාගත් බව සඳහන් කළ යුතුයි.

2015 වසරේ රට භාරගන්නා අවස්ථාවේ රට ඉදිරියට ගෙන යෑමට මුදල් තිබුණේ නැහැ. 2009 වසරේ යුද්ධය අවසන් වුවත් 2010 වසරේ සිට රට සංවර්ධනය කරනවා වෙනුවට විශාල ණය ප්‍රමාණයක් ලබාගෙන ආණ්ඩුව ගෙන යා නොහැකි තැනකට පත්ව තිබුණා. ඒ නිසා වසර දෙකක් ඉතිරිව තිබිය දී ජනාධිපතිවරණයක් කැඳවීමට පසුගිය පාලකයින් තීරණය කළා.

ණය උගුලක හිරවී තිබූ ආර්ථිකය යළි ගොඩනැගීම !

වසර දෙකක් තිබියදී ජනාධිපතිවරණයක් අකමැත්තෙන් වුවත් කැඳවීමට ඔවුන්ට සිදු වුණා. අපි රට භාරගන්නා අවස්ථාවේ ණය ගෙවීමටවත් මෙරට මුදල් තිබුණේ නැහැ. අපි භාරගන්නා විට රටේ තත්ත්වය එය වුවත් රටේ ආර්ථිකය ස්ථාවර කර දියුණු කිරීමට පසුගිය කාලය තුළ අප කටයුතු කළා. ඒ නිසා ණය ගෙවීමට හැකියාවක් තිබෙන බව විශ්වාසයෙන් කිව යුතුයි. ණය ලබාගෙන හෝ ණය ගෙවිය හැකි තත්ත්වයකට අපි දැන් පැමිණ තිබෙනවා.

අයවැය මගින් රටේ ජනතාවගේ ආදායම ඉහළ නැංවීමට අප පියවර ගත්තා. වැට් බදු පැනවීමේදී බොහෝ පිරිස් අපට දෝෂාරෝපණ එල්ල කළා. එලෙස උපයාගත් ආදායම් අපතේ නොයවා මෙවැනි විශාල සංවර්ධනයක් රට පුරා සිදු කර තිබෙන බව සඳහන් කරන්න කැමැතියි. මේ ප්‍රදේශයේ දියුණුව වෙනුවෙන් මාර්ග ඇති කිරීම, ගොඩනැගිලි ඇති කිරීම, යටිතල පහසුකම් ඇති කිරීම වැනි සංවර්ධන වැඩකටයුතු රාශියක් එම මුදලින් සිදු කිරීමට අපට හැකි වුණා.

වසර දෙකකින් අපට සංවර්ධනය කිරීමට මුදල් ලැබෙන නිසා එදා අපි දෝෂාරෝපණ ඉවස ගෙන වැඩකටයුතු කරගෙන ගියා. නිවැරැදි දැක්මකට හා සැලසුමකට අනුව අප කටයුතු කළා. අධ්‍යාපනය හා සෞඛ්‍ය ක්ෂේත්‍රයට අපේ අවධානය වැඩි වශයෙන් යොමු කර තිබෙනවා. අධ්‍යාපනය වෙනුවෙන් ගොඩනැගිලි ඉදිකිරීම, ගුරුවරු බදවා ගැනීම, සුරක්‍ෂා රක්‍ෂණය ලබාදීම, වසර 13 ක අධ්‍යාපනය අනිවාර්ය කිරීම, නවීන තාක්‍ෂණය සමග අධ්‍යාපනය කිරීමට ටැබ් පරිගණක ලබාදීම වැනි විශාල වැඩකටයුතු ප්‍රමාණයක් අධ්‍යාපන ක්ෂේත්‍රය වෙනුවෙන් සිදු කර තිබෙනවා. ඒ වගේම ස්ටෙන්ට් නොමිලේ ලබාදීම, ඖෂධ මිල ගණන් පහත හෙළීම වැනි විශාල ආයෝජනයක් සෞඛ්‍ය ක්ෂේත්‍රයේ දියුණුව වෙනුවෙන් සිදුකර තිබෙනවා. මහනගර සංවර්ධන අමාත්‍යංශය හරහා නව නගර ඉදිවීම, කොළඹනගරය නවීන මහනගරයක් බවට පත් වෙමින් තිබෙනවා.

පාස්කු ප්‍රහාරය එල්ල වූ අවස්ථාවේ රටේ ආරක්‍ෂාව හා ආර්ථිකය කඩාවැටේවි යැයි ඇතැමුන් විශ්වාස කළා. සංචාරක ව්‍යාපාරය විනාශ වේ යැයි ඇතැමුන් ප්‍රකාශ කළා. අතීතයේ බෝම්බ ප්‍රහාර එල්ල වූ විට එලෙස සිදු වුවත්, පාස්කු ඉරිදා බෝම්බ ප්‍රහාරය සම්බන්ධයෙන් වැරැදිකරුවන් මාස දෙකක් තුළ අත්අංඩගුවට ගැනීමට ආරක්‍ෂක අංශවලට හැකි වුණා.

අපේල් මාසයේ බෝම්බ පිපිරීමෙන් පසු මැයි, ජූලි මාසවල තිබුණු අමාරු තත්වය පහව යමින් මුදල් සංසරණය වැඩිවී ආර්ථිකය ටිකෙන් ටික ඉහළ යමින් තිබෙනවා. මේ වසර අවසන්වීමට පෙර සංචාරකයින් ලක්‍ෂ 20 ක් පමණ මෙරටට පැමිණෙන බව සඳහන් කරන්න කැමැතියි.

අද දේශපාලනඥයන් ගැන රටේ තරුණ තරුණින්ගේ විශ්වාසය බිඳවැටී තිබෙනවා. ඒ නිසා තරුණයින් අපෙන් ඒ පිළිබඳව ප්‍රශ්න කරනවා. පාර්ලිමේන්තුවේ 225 දෙනාම ඔවුන් ප්‍රතික්ෂේප කරනවා. අලූතින් සිතමින් අලූත් අනාගතයක් ඇති කිරීමට ඒ නිසා අපි පියවර ගත යුතුයි. ඉන් බැහැරවීමෙන් පළක් වන්නේ නැහැ. සිදු වූ වැරැදි හඳුනාගෙන එම වැරැදි නිවැරදි කළ හැකි ආකාරය පිළිබඳව අප නැවත සිතිය යුතුයි.

රට තුළ රැකියා බිහි කිරීමට අවශ්‍ය කර්මාන්ත, සේවා, කෘෂිකර්මාන්තය, ධීවර අංශය, නව තාක්‍ෂණ අංශය, වෙළදාම දියුණු කිරීම සඳහා අවශ්‍ය ආයෝජන සිදු කිරීමට අපේ අවධානය යොමුවී තිබෙනවා. ප්‍රජාතන්ත්‍රවාදය ශක්තිමත් කිරීම, පරිසරය සුරකීම සිදු කරනවාත් සමග සම්ප්‍රදායික දේශපාලනයෙන් ඈත්වී නව දේශපාලනයකට යොමු විය යුතුයි.

2015 වසරේ දී කණ්ඩායම් රැසක් සමග එක්ව පොදු අපේක්‍ෂකයෙක් ජනාධිපති කිරීමට අපි පියවර ගත්තා. අමාරුවෙන් හෝ මේ ආණ්ඩුව වසර 4ක් ඉදිරියට ගෙන යෑමට අපට හැකි වුණා. දිනාගත් ජයග්‍රහණය හා සංවර්ධන වැඩපිළිවෙළ ආරක්‍ෂා කර ගනිමින් නවීන අපනයන ආර්ථිකයක් ඇති කිරීම වෙනුවෙන් නව දේශපාලන බලවේග ඒකරාශී කරගනිමින් නව දේශපාලන සන්ධානයක් ඇති කිරීමට අප තීරණය කළා.

ඒ අනුව නව සන්ධානය බිහිකිරීමේ වැඩකටයුතු මේ වනවිට අවසන් අදියරේ තිබෙන බව ප්‍රකාශ කරන්න කැමැතියි. අප සන්ධාන ගතවීමේ ගිවිසුම් තුළ අඩංගු වගන්ති කිහිපයක තිබුණු ගැටළු සංශෝධනය කරමින් පාර්ශ්වයන් අතර එකඟතාවන් ඇති කර ගෙන තිබෙනවා. මීළඟ මැතිවරණය සඳහා එම නව සන්ධානය තුළින් තරග කරන බව කිව යුතුයි. අමාරු අඩියකට රට වැටී තිබුණු අවස්ථාවක රට ගොඩනැගීමේ වගකීම අප භාරගෙන කටයුතු කළ ආකාරයටම ඉදිරියටත් වැඩ කරනවා. ඒ අනුව රට සංවර්ධනය කරා ගෙන යන වැඩපිළිවෙළ ඉදිරියේ දී අප ඉදිරිපත් කරනවා.
රටේ අනාගතය වෙනුවෙන් රට ගොඩනගන අපේ ප්‍රතිපත්ති මාලාව ඉදිරිපත් කිරීමෙන් තොරව අපේ අපේක්‍ෂකයා පිළිබඳව සඳහන් කරන්නේ නැහැ. ප්‍රතිපත්ති මාලාවත්, අපේක්‍ෂකයාත් යන දෙකම අප සතුව තිබෙන බව සඳහන් කරන්න කැමැතියි. රට දියුණු කර ඉදිරියට ගෙන යන ආකාරය පිළිබඳව අපෙන් ප්‍රශ්න කරන කණ්ඩායම්වල වැඩපිළිවෙළ කුමක්දැයි අහන්න කැමැතියි.

නුසුදුසු අයෙකු ජනාධිපති කිරීමේ සූදානමක් නෑ !

ඡන්දය ලබාදීමේන් නුසුදුසු අයෙකු ජනාධිපති කිරීම ඔබේ අරමුණ වන්නේ නැහැ. එම ඡන්දයේදී ඔබටත්, රටටත් සිදුවන සේවය පිළිබඳව සිතා ඡන්දය භාවිතා කරන මෙන් ඉල්ලා සිටිනවා. ඒ නිසා අලූතින් සිතමින් නව ප්‍රතිපත්ති සමග දේශපාලන පක්‍ෂ හා සංවිධාන සියල්ලකම එකතුවෙන් නව සන්ධානය ඇති කර අපේක්‍ෂකයා නම් කරනවා. එහි මූලික වැඩකටයුතු අපි මේ වනවිටත් සිදු කරමින් සිටිනවා. ඒ වෙනුවෙන් අනෙකුත් පාර්ශ්ව සමග සාකච්ඡා කරනවා. නව සන්ධානයක් වශයෙන් ඉදිරිපත්වීමට අපේ ප්‍රතිපත්තීන් ඉදිරිපත් කළ යුතුයි. එම ප්‍රතිපත්ති මගින් රට ගොඩනැගීමට පියවර ගත යුතුයි.
මේ රට ගොඩනැගීමට වෙන කිසිවෙකුටත් බැහැ. අපිම සිතමින් රට ගොඩනැගීමට කටයුතු කළ යුතුයි. රට ගොඩනැගීම වෙනුවෙන් අප ඉදිරිපත් වන බව සඳහන් කරන්න කැමැතියි. නව සන්ධානය තුළින් දේශපාලන පෙරලියක් ඇති කිරීමටත්, එම පෙරලිය තුළින් රට ගොඩනැගීමටත් අප බලාපොරොත්තු වෙනවා. එක් එක් ආණ්ඩුවල වෙන වෙන පක්‍ෂ සමඟ කටයුතු කර අත්දැකීම් රාශියක් අපට තිබෙනවා. එකට එකතුවී ආණ්ඩු කිරීම, අමාරු කාලවල ආණ්ඩු කිරීම පිළිබඳවත් අත්දැකීම් රාශියක් අපට තිබෙනවා. අප ඇති කරන මේ නව සන්ධානය හැර වෙනත් කිසිම කණ්ඩායමකට එතරම් අත්දැකීම් නොමැති බව සඳහන් කරන්න කැමැතියි.

එක්සත් ජාතික පක්‍ෂයේත් අනෙක් පක්‍ෂවලත් අනන්‍යතාවය රැකගනිමින් නව සන්ධානය ඇති කරනවා. පාඨලී චම්පික රණවක මැතිතුමා ජාතික හෙළ උරුමයේ අනන්‍යතාවය ආරක්‍ෂා කරමින් මේ සන්ධානය හා එක් වනවා. මෙවැනි ශක්තිමත් බලවේගයකට මුහුණදීමට කිසිවෙකුටත් බැහැ. තමන්ට ප්‍රතිපත්තියක් හා රට ඉදිරියට ගෙන යා හැකි කණ්ඩායමක් තිබේ නම් පමණක් පෝස්ටර්, පත්තර, රූපවාහිනි සියල්ල සුදුසු බව සඳහන් කරන්න කැමැතියි.

මෙම අවස්ථාවට මහා සංඝරත්නය ඇතුළු අනෙකුත් ආගමික නායකයින් හා රාජ්‍ය ව්‍යවසාය, කන්ද උඩරට උරුමය සහ මහනුවර සංවර්ධන අමාත්‍ය සහ පාර්ලිමේන්තු සභානායක ලක්‍ෂ්මන් කිරිඇල්ල, මහානගර හා බස්නාහිර සංවර්ධන අමාත්‍ය පාඨලී චම්පික, තැපැල් සේවා හා මුස්ලිම් ආගමික කටයුතු අමාත්‍ය අබ්දුල් හලීම් ප්‍රමුඛ දේශපාලනඥයින් සහ රාජ්‍ය නිලධාරීන් රැසක් සහභාගීවී සිටියහ.

FB IMG 1566726019284

Comment (0) Hits: 128

මාධ්‍යවේදී කීත් නොයාර්ට කෲර වදහිංසා කළ : යුද හමුදා සාජන් මේජර් රිමාන්ඩ් !

මාධ්‍යවේදී කීත් නොයාර්ට පහරදී කෲර වදහිංසා කළ සිද්ධියට අදාළව අපරාධ පරීක්ෂණ දෙපාර්තමේන්තුව අත්අඩංගුවට ගත් යුධ හමුදා බුද්ධි අංශ සාජන් මේජර් චාමික සුමිත් ලබන 27 වැනිදා තෙක් රිමාන්ඞ් භාරයට පත් කළ ගල්කිස්ස අතිරේක මහේස්ත‍්‍රාත් චන්දිම ලියනගේ නියෝග කර ඇත.

එසේම මෙම සිද්ධියේ නව වැනි සැකකරු ලෙස රක්ෂිත බන්ධනාගාර ගත කර සිටි යුධ හමුදා බුද්ධි නිලධාරී ලලිත් රාජපක්ෂ මහතා රුපියල් ලක්ෂ 25 බැගින් වූ ශරිර ඇප දෙකක් මත මුදා හැරිමටද මහේස්ත්‍රාත්වරයා නියම කළේය.

සැකකරුට ඇප නියම කිරීමේදී ඇප තැබිමෙන් අනතුරුව විදෙස් ගමන් තහනම් කිරිමේ නියෝගයක් ද පැනවීය.

2008 මැයි මස 22 වැනිදා රාති‍්‍ර 11. 39ට පමණ මාධ්‍යවේදී කීත් නොයාර් මහතා පැහැරගෙන ගොස් නිති විරෝධී ලෙසින් රඳවා තබාගෙන කෲර වදහිංසාවලට ලක්කර පසුව මුදා හැර තිබිණි.

මෙම සිද්ධියට අදාළ මහේස්ත‍්‍රාත් පරීක්ෂණය අධිකරණය හමුවේ කැඳවූ අවස්ථාවේදී නීතිපතිවරයාගේ උපදෙස් අනුව අත්අඩංගුවට ගනු ලැබූ මෙහි දහ වැනි සැකකරු අපරාධ පරික්ෂණ දෙපාර්තමේන්තුව විසින් අධිකරණයට ඉදිරිපත් කරන ලදී.

සිද්ධියට අදාළව සිදුකරන ලද විමර්ශන වල ප‍්‍රගතිය අධිකරණයට දැනුම් දුන් රහස් පොලීසිය මෙම සිද්ධියට අදාළව නීතිපති උපදෙස් ප‍්‍රකාරව මෙම සැකකරු අත්අඩංගුවට ගනු ලැබූ බවත් මාධ්‍යවේදී කිත් නොයාර් මහතා පැහැරගෙන ගොස් දොම්පේ බදුවත්ත ප‍්‍රදේශයේ නිවසකට රැගෙන ගිය සැකකරුවන් අතර මෙම සැකකරු ද සිටින බවට කරුණු අනාවරණය වි ඇතැයි ද දැනුම් දුන්නේය.

මෙම සිද්ධියට අදාළව යුද හමුදා බුද්ධි බලකායේ මේජර් ප‍්‍රභාත් ශ්‍රී සීවලී බුලත්වත්ත, හේමචන්ද්‍ර පෙරේරා, ප‍්‍රභාත් දුමින්ද වීරරත්න, ලසන්ත විමලවීර, නිශාන්ත ජයතිලක, නිශාන්ත කුමාර, චන්ද්‍රභය ජයසූරිය ඇතුළු බුද්ධි නිලධාරීන් හත් දෙනකු සැකකරුවන් ලෙසට අධිකරණය වෙත ඉදිරිපත් කිරිමෙන් පසු මේ වන විට ඇප මත මුදාහැර සිටින අතර මෙම අපරාධයට ආධාර හා අනුබල දුන් බවට සැකපිට මාස 05 ක කාලයක් රිමාන්ඩි භාරයේ පසුවු මෙහි අටවැනි සැකකරු වන හිටපු යුද හමුදා බුද්ධි අධ්‍යක්ෂ (විශ‍්‍රාමික) මේජර් ජනරාල් කුරුප්පු ආරච්චිගේ ධම්මික අමල් කරුණාසේකරද ඇප මත මුදා හැර ඇත.

මෙම සිද්ධිය ලබන දෙසැම්බර් මස 03 වැනිදා කැඳවිමට නියම කළ මහේස්ත‍්‍රාත්වරයා රක්ෂිත භාරයේ සිටින සැකකරු සදහා ලබන 27 වැනිදා යළි අධිකරණයට ඉදිරිපත් කරන ලෙස නියම කළේය.

Comment (0) Hits: 83

ගෝඨා පරණ පාරේ යයි : තරුණ සමුළුව මාධ්‍යට තහනම් කරයි !

ගෝඨාභය රාජපක්ෂගේ තරුණ සමුළුව ආවරණය කිරීම සඳහාවත් මෙරට මාධ්‍යවේදීන්ට සහ මාධ්‍යයට ඉඩ ලබාදී නොමැති බව වාර්තා වෙයි.

ගෝඨාභය රාජපක්ෂ යළි යළිත් ගමන් කරන්නේ ප්‍රජාත්‍රන්තවාදයට, මාධ්‍ය නිදහසට එරෙහි තම සුපුරුදු ගමනේම බව නැවත වරක් ප්‍රායෝගිකවම ඔප්පුකර සිටියේ ඊයේ(24) නෙලුම් පොකුණ රඟහලේ පැවති එම උත්සවයේදීය.

මේ වනතුරු මුද්‍රිත මාධ්‍ය හැර විදෘත් මාධ්‍ය සමග ඔහු සජීවී වැඩසටහන් සමග එක්නොවන අතර දෙරණ, හිරු (රාජපක්ෂවරුන්ගේ මාධ්‍ය ආයතන දෙක) වැනි මාධ්‍ය ආයතන වල සජීවී වැඩසටහන් පවා ගෝඨාභය පෙනී සිටින්නේ පූර්ව පටිගත කිරීමෙන් අනතුරුවය.

මුද්‍රිත මාධ්‍ය පවා ගෝඨාභය රාජපක්ෂ සමග සම්මුඛ සාකච්ඡා ලබාගත් විට පවා එහි මුද්‍රණය සඳහා නිකුත්කරන පිටපත ඔහු වෙත යොමුකර අවසර ලබාගැනීම අනිවාර්යකි.

මින් පෙරද ගෝඨාභය රාජපක්ෂ ආරක්ෂක ලේකම්වරයාව සිටියදී කිසිඳු අවස්ථාවකදී දෙස් විදෙස් මාධ්‍යවේදීන්ට අවශ්‍ය පරිදි මාධ්‍ය ආවරණ කටයුතු සිදුකිරීමට අවස්ථාව නොදුන් අතර සම්මුඛ සාකච්ඡා සඳහාද ඊට පෙර ප්‍රශ්න යොමුකොට අවසර ලබාගත යුතුව තිබිණ.

බීබීසී වැනි ජාත්‍යන්තර මාධ්‍ය ගෝඨාගේ එම ක්‍රමවේදය අනුගමනය කිරීම ප්‍රතික්ෂේප කළ අතර ඒ හමුවේ පිළිතුරු දීමට දුෂ්කර ප්‍රශ්න හමුවේ ඔහු ක්ෂණික කෝපයට පත්වෙයි.

දේශපාලන විචාරකයන් සදහන් කරන්නේ ගෝඨාභය රාජපක්ෂගේ මෙම ස්වභාවය තවමත් පාලනය නොවීම හේතුවෙන් ඔහුව මාධ්‍ය වෙත විවෘත නොකිරීමට රාජපක්ෂ කඳවුර තීරණය කර ඇති බවක් නිරීක්ෂණය වන බවය.

Comment (0) Hits: 262

කතානායක ඉල්ලා අස්වීමට තීන්දුවක් ගෙන නෑ !

කතානායක කරු ජයසූරිය එම තනතුරෙන් ඉල්ලා අස්වීමට තීරණය කර ඇති බවට පැතිර යන කටකතා අසත්‍ය බව කතානායක කාර්යාලය පවසයි.

ධුරයෙන් ඉල්ලා අස්වීමට කතානායක කරු ජයසූරිය මෙතෙක් කිසිදු තීරණයක් ගෙන නොමැති බවත් එවැනි ඉල්ලා අස්වීමක් සඳහා කිසිදු හේතුවක් නොමැති බවත් කතානායක කාර්යාලය අවධාරණය කරයි.

කතානායක කරු ජයසූරිය අපහසුතාවයට පත් කිරීමේ අරමුණින් කිසියම් පිරිසක් මෙවැනි කටකතා පතුරවමින් සිටින බැවින් එම කටකතාවලට නොරැවටෙන ලෙස කතානායක කරූ ජයසූරිය ජනතාවගෙන් ඉල්ලා සිටින බවත් එම ආරංචි මාර්ග සදහන් කරයි.

Comment (0) Hits: 103

Page 13 of 371