පුවත්

ජනතා විමුක්ති පෙරමුණේ නායක වත්මන් ජනාධිපති අනුර කුමාර දිසානායක ඇතුළු විත්තිකරුවන් හත්දෙනෙකුට එරෙහිව නීතිඥ නාගානන්ද කොඩිතුවක්කු මහතා පවරා තිබූ රුපියල් බිලියනයක (රුපියල් කෝටි 100ක) අලාභය ඉල්ලා සිටි සිවිල් නඩුව ප්‍රතික්ෂේප කරමින් කොළඹ අතිරේක දිස්ත්‍රික් අධිකරණය ලබා දී තිබූ නියෝගය බස්නාහිර පළාත් සිවිල් අභියාචන මහාධිකරණය විසින් ඉවත දමනු ලැබ ඇත.

කිලිනොච්චියේ 24 හැවිරිදි තරුණ සංගීතඥ ගනේෂකුමාර් සංකීතන් (Ganesh Kumar Sankeethan), ත්‍රස්තවාදය වැළැක්වීමේ පනත (PTA) යටතේ අත්අඩංගුවට ගෙන රක්ෂිත බන්ධනාගාරගත කර ඇත.

විද්‍යුත් තැපැල් පණිවිඩ යොමු කිරීම මගින් රජයේ මුදල් ඇමරිකානු ඩොලර් මිලියන 2.5 ආසන්න මුදලක් වංචා කිරීමේ සිද්ධියේ විමර්ශන ප්‍රගතිය අපරාධ පරීක්ෂණ දෙපාර්තමේන්තුව විසින් අධිකරණයට වැඩිදුර වාර්තාවක් ගොනු කරමින් කොළඹ කොටුව මහේස්ත්‍රාත් පසන් අමරසේන හමුවේ දැනුම් දෙන ලදී.

රජය විසින් ක්‍රියාත්මක කිරීමට යන හදිසි සහ රටේ පවතින ගැටලුවල මූලාරම්භයට විසඳුම් සැපයීමට අපොහොසත් වීම පිළිබඳ එක්සත් ජාතික පක්ෂය සිය විරෝධය පළ කර සිටී.

සෑම සෙනසුරාදාවකම පැවැත්වෙන The Asian Review Sinhala ලේඛක-පාඨක සහෘද කතාබහ මෙවර වෙන්වන්නේ ගයනි ගුරුගේ විසින් රචිත 'ලිලිත්ලා' කෙටිකතා සංග්‍රහය පිළිබඳ සහෘද කතාබහටයි.

ජනපති අනුර කුමාර දිසානායක හන්දි හන්දි ගානේ කියන ඩොලර් මිලියන 1,000 ක සංචිතයක් භාන්ඩාගාරයෙහි නොමැති බවත්,ඩ මේ ආණ්ඩුවේ පළමු අවුරුද්ද තුල භාණ්ඩාගාරයේ මුදල් ශේෂය වැඩිවුණේ රුපියල් බිලියන 110කින් පමණක් යැයි හිටපු ආණ්ඩුකාර රජිත් කීර්ති තෙන්නකෝන් පවසයි.

මහා භාණ්ඩාගාරයේ ඩොලර් මිලියන 2.5 ක මංකොල්ලය හෙවත් ඩොලර් 2,509,430 ක මුදලක් තුන්වන පාර්ශවයක් අතට පත්වීම සඟවා ඉතිහාසයෙන් මකා දැමීමට මුදල් අමාත්‍යාංශය ලැජ්ජා සහගත උත්සාහයක නිරතව ඇතැයි ‍ෆ්‍රී  ලෝයර්ස් සංවිධානය පවසයි.

ප්‍රජා ශක්ති ගම් දහසක් වැඩසටහනට සමගාමීව මහනුවර දිස්ත්‍රික් සමාරම්භ කරමින් වාරි ව්‍යාපෘතියක ඇළ වේල්ලේ  ඉදිකිරීමේ කටයුතු ඊයේ (02) මහනුවර කුණ්ඩසාලේ දී පැවැත්විණි. 

නවසීලන්ත විදේශ කටයුතු අමාත්‍ය වින්ස්ටන් පීටර්ස් ගේ ආරාධනාවකට අනුව විදේශ කටයුතු, විදේශ රැකියා සහ සංචාරක අමාත්‍ය විජිත හේරත් 2026 මැයි 26 සිට 31 වැනි දින දක්වා නවසීලන්තයේ නිල සංචාරයක නිරත විය.

අගවිනිසුරු ප්‍රීති පද්මන් සූරසේන ඇතුළු ඉහළ අධිකරණ විනිසුරුවරුන් ගේ විශ්‍රාම වයස ස්ථිර වශයෙන් ම දිගු කරන බව ජනාධිපති අනුර කුමාර දිසානායක පවසා ඇතැයි වාර්තා වෙයි.

ඩී. එස්. සේනානායක විද්‍යාලයීය නව ක්‍රීඩාංගණයේ ගෘහස්ථ ක්‍රිකට් පුහුණු දැල් ගොඩනැඟිල්ලක් (Indoor Cricket Nets Building) ඉදිකිරීම් කටයුතු ආරම්භ කරන බව ඩී. එස්. සේනානායක විද්‍යාලය ඉහළ අභිමානයෙන් යුතුව නිවේදනය කර සිටියි. මෙම විශේෂ ව්‍යාපෘතිය ආරම්භ කරනු ලබන්නේ ඩී. එස්. සේනානායක විද්‍යාලයේ කීර්තිමත් ආදි ශිෂ්‍යයෙකු මෙන්ම ආදි ශිෂ්‍ය සංගමයේ හිටපු සභාපතිවරයෙකු ද වන,  මධුර වික්‍රමරත්න ගේ අනුග්‍රහය සහ මූලිකත්වය ඇතිව ය.

ග්‍රන්ථ නාමාවලිකරණයේ ශ්‍රී ලාංකීය සන්නාමය ලෙස හැඳින්වෙන ආචාර්ය එච්. ඒ. අයි. ගුණතිලක ගේ ශාස්ත්‍රීය වටිනාකම පිළිබිඹු කරනු වස් පැවැත්වෙන දේශනය ජුනි මස 05වන දා පො. ව. 09.00 සිට ප.ව. 12.30 දක්වා ජාතික පුස්තකාල ශ්‍රවණාගාරයේ දී පැවැත් වේ.

කපිල චන්ද්‍රසේන ගේ ජංගම දුරකථන FBI හරහා ඇමරිකාවේ ඇපල් සමාගම වෙත යොමු කිරීමට අධිකරණ අමාත්‍යාංශය හරහා පියවර ගනිමින් සිටිනවා යැයි කොළඹ අපරාධ කොට්ඨාසය අද කොළඹ කොටුව මහේස්ත්‍රාත් පසන් අමරසේන හමුවේ දන්වා සිටියේ ය.

සමාජ මාධ්‍යයේ දැඩි අවධානයට ලක්වූ කුලී රථ රියදුරෙකු කොල්ලකෑමේ සිද්ධියට සම්බන්ධ සැකකරුවන් තිදෙනෙකු පොලිසිය විසින් අත්අඩංගුවට ගෙන ඇත.

මවගෙන් දරුවාට මානව ප්‍රතිශක්ති ඌනතා වෛරසය ( HIV) හා උපදංශය (Syphilis) සම්ප්‍රේශණය වැළැක්වීමට රුධිරය පරීක්ෂා කිරීම කලක සිට ශ්‍රී ලංකාවේ ක්‍රියාත්මක විය. එම ද්විත්ව තුරන් කිරීමේ වැඩසටහන (Dual Elimination) සාර්ථක බවටත්, මවගෙන් දරුවාට මානව ප්‍රතිශක්ති ඌනතා වෛරසය ( HIV) හා උපදංශය (Syphilis) සම්ප්‍රේශණයවීම වැලැක්වු රටක් ලෙස වසර 2019 දී ලෝක සෞඛ්‍ය සංවිධානයේ සහතිකය ශ්‍රී ලංකාවට ලැබුණි. එසේම අඛණ්ඩව මෙම සාධනීය තත්වය පවත්වාගෙන යන රටක් ලෙස ශ්‍රී ලංකාවට ලෝක සෞඛ්‍ය සංවිධානයෙන් සහතිකය හා ප්‍රශංසාව හිමිවිය.

ශ්‍රී ලංකා ජාතික රෝහලේ (NHSL) රුපියල් මිලියන 99ක් වැය කර පූර්ණ ප්‍රතිසංස්කරණයකින් පසු පිහිටුවන ලද "ස්නායු රෝග විද්‍යා ආයතනය" (Institute of Neurology) සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතාගේ ප්‍රධානත්වයෙන් සහ සෞඛ්‍ය නියෝජ්‍ය අමාත්‍ය වෛද්‍ය හංසක විජේමුණි මහතාගේ සහභාගිත්වයෙන් අද (ජුනි 01) පෙරවරුවේ ජනතා අයිතියට පත් කළේ ය.

මේ වන විට ගත වූ මාස පහ ඇතුළත ඉන්ධන මිල හත්වෙනි වතාවටත් වැඩි කරලා ඇති බවත්, මෙවර එය සෑහෙන ප්‍රමාණයකින් වැඩි කර ඇති බවත්, මෙලෙස ඉන්ධන මිල ඉහළ දමන්නේ ජාත්‍යන්තර මූල්‍ය අරමුදල පනවලා තිබෙන අනිවාර්ය කොන්දේසි හේතුවෙන් යැයි හිටපු අමාත්‍ය මහාචාර්ය ජී. එල්. පීරිස් පැවසී ය.

අඛණ්ඩ ඛනිජ තෙල් සැපයුම මිල සම්බන්ධව බලශක්ති අමාත්‍ය අනුර කරුණාතිලක ගේ ප්‍රධානත්වයෙන් මාධ්‍ය සාකච්ඡාවක් ලංකා ඛනිජ තෙල් තොග පර්යන්ත සමාගමේ දී අද (01)  පැවැත්විණ.