පුවත්

පොදුජන කවියෙකු ලෙස ප්‍රකට නාගොල්ලාගොඩ ධර්මසිරි බෙනඩික් (බෙනා) විසින් රචිත නවතම කාව්‍ය සංග්‍රහය වන‘අත්තන මලට වඩා රත්නේ කෙට්ටු වෙලා’කෘතිය දැන් නිකුත් වී තිබේ.

විදේශ කටයුතු, විදේශ රැකියා සහ සංචාරක අමාත්‍ය විජිත හේරත්, තායිලන්ත කම්කරු අමාත්‍ය ජුලපාන් අමෝර්න්විවාට්ගේ ආරාධනයකට අනුව, 2026 සැප්තැම්බර් 14 සිට 16 වැනි දින දක්වා තායිලන්තයේ සිදු කළ නිල සංචාරය සාර්ථකව අවසන් කළේ ය.

අධිවේගී මාර්ගවල ගමන් ගන්නා රථවාහනවල ඉදිරිපස සහ පසුපස ආසනවල ගමන් කරන සියලුම මගීන් සඳහා ආසන පටි (Seat Belts) පැළඳීම අද (18) මධ්‍යම රාත්‍රී 12.00 සිට අනිවාර්ය කිරීමට ප්‍රවාහන, මහාමාර්ග සහ නාගරික සංවර්ධන අමාත්‍යාංශය පියවර ගෙන තිබේ. ප්‍රවාහන, මහාමාර්ග සහ නාගරික සංවර්ධන අමාත්‍ය බිමල් රත්නායක විසින් නිල වශයෙන් නිවේදනය කර ඇත.

පුනර්ජනනීය බලශක්තිය උපයෝගීකර ගනිමින් විදුලිය උත්පාදනය කිරීමේ රජයේ ජාතික වැඩසටහන යටතේ දඹුල්ල, ඉබ්බන්කටුව වැව මත ඉදිකරන ලද මෙගාවොට් 05ක ධාරිතාවකින් යුත් “දිය ජනනි” පාවෙන සූර්ය විදුලි බලාගාරය ජාතික විදුලිබල පද්ධතියට එක් කිරීම ජනාධිපති අනුර කුමාර දිසානායකගේ ප්‍රධානත්වයෙන් අද (18) පස්වරුවේ සිදු විය.

ශ්‍රී ලංකන් ගුවන් සමාගම සඳහා එයාර්බස් ගුවන් යානා මිලදී ගැනීමේදී රුපියල් මිලියන 100ක අල්ලසක් ලබා ගත්තේයැයි චෝදනා ලබා රක්ෂිත බන්ධනාගාරගත කර සිටින පාර්ලිමේන්තු මන්ත්‍රී නාමල් රාජපක්ෂ මේ මස 29 වැනිදා දක්වා තවදුරටත් රක්ෂිත බන්ධනාගාරගත කිරීමට කොළඹ මහේස්ත්‍රාත් අධිකරණය නියෝග කළේය.

අධිකරණයට අපහාස කළේ යැයි චෝදනා කරමින් කොටුව මහේස්ත්‍රාත් අධිකරණය විසින් තමන්ට එරෙහිව ඉදිරිපත් කර තිබෙන පැමිණිල්ල බල රහිත කිරීමේ නියෝගයක් නිකුත් කරන මෙන් ඉල්ලා පාර්ලිමේන්තු මන්ත්‍රී දිලිත් ජයවීර විසින් ඉදිරිපත් කරන ලද රිට් පෙත්සම පිළිබඳ නියෝගය මේ මස 30 වන දා ප්‍රකාශයට පත්කරන බව අභියාචනාධිකරණය නිවේදනය කළේ ය.

බලය සහ දේපළ අයිතිය: රජය හමුවේ, යම් වරප්‍රසාදලත් පන්තියක් හමුවේ පමණක් කේන්ද්‍රගත කිරීමට හෝ ඒකරාශී කිරීමට හෝ තම පක්ෂය බලාපොරොත්තු වන්නේ නැතැයි Viii වැනි විධායක ජනාධිපති, එක්සත් ජාතික පක්ෂ නායක රනිල් වික්‍රමසිංහ පැවසී ය.

රේන් වික්‍රමතුංග විසින් රචිත Unbowed & Unafraid කෘතියේ සිංහල පරිවර්තනය ''ලසන්ත'' යන මැයෙන් කසුන් පුස්සෙවෙල ගේ පරිවර්තනයක් ලෙස ජනගත කිරීම සැප්තැම්බර් 25 වැනිදා සවස 3.00ට ජාතික චිත්‍රපට සංස්ථාවේ තරංගනී ශාලාවේ දී ජනගත කරයි.

ප්‍රජාතන්ත්‍රවාදය සුරැකීම සඳහා වන නිදහස් සටන් මධ්‍යස්ථානයේ ආරාධනයෙන් ශ්‍රී ලංකාවේ පාර්ලිමේන්තුව නියෝජනය කරන සහ නොකරන දේශපාලන පක්ෂ සියල්ල ම එක් වේදිකාවක අසුන් ගත්තේ ය.

වරලත් ප්‍රවාහන හා සැපයුම් ආයතනයේ (CILT) 2026 ජාත්‍යන්තර සමුළුව "ඩිජිටල් පරිවර්තනය - මිනිසා, කෘතිම බුද්ධිය සහ ගෝලීය ගමනාගමනයේ අනාගතය" යන තේමාව යටතේ අද (17) කොළඹ සිනමන් ලයිෆ් (Cinnamon Life) පරිශ්‍රයේ දී පැවැත්විණි.

අම්බලන්ගොඩ ඓතිහාසික මෝදර දේවාලය විසින් 82 වැනි වරටත් සංවිධානය කිරීමට සැලසුම් කර තිබූ වාර්ෂික මහා පෙරහැර මංගල්‍යය පැවැත්වීම සඳහා අවසර ලබා නොදීමට අම්බලන්ගොඩ පොලිස් ස්ථානාධිපතිවරයා ගෙන ඇති තීරණයට එරෙහිව මෝදර දේවාල පෙරහැර කමිටුව අද (17) අභියාචනාධිකරණය හමුවේ රිට් පෙත්සමක් ගොනු කළේ ය.

දූෂණ චෝදනාවක් සම්බන්ධයෙන් අල්ලස් කොමිසම විසින් අත්අඩංගුවට ගත් ජාතික ගමනාගමන කොමිෂන් සභාවේ හිටපු සභාපති රේණුක පෙරේරා ලබන 29 දක්වා රක්ෂිත බන්ධනාගාරගත කිරිමට කොළඹ ප්‍රධාන මහේස්ත්‍රාත් අසංග එස් බෝදරගම අද (17) නියෝග කළේ ය.

ශ්‍රී ලංකන් ගුවන් සමාගමේ (SriLankan Airlines) නව වැඩබලන ප්‍රධාන විධායක නිලධාරී (Acting CEO) ලෙස පසුගියදා පත් කරන ලද විපුල් මිස්රා (Vipul Misra) සහ සිවිල් ගුවන්සේවා නියෝජ්‍ය අමාත්‍ය ජනිත රුවන් කොඩිතුවක්කු අතර විශේෂ හමුවක් පසුගිය 15වන දා ශ්‍රී ලංකන් ගුවන් සමාගම් පරිශ්‍රයේ දී පැවැත්විණි. මෙම සාකච්ඡාව සඳහා අමාත්‍යාංශ ලේකම් ඩබ්ලිව්.ඩබ්ලිව්.එස් මංගල ද සහභාගී විය.

යාපනය ශික්ෂණ රෝහල, යාපනය හෙද විදුහල ඇතුළු උතුරු පළාතේ රෝහල් සහ සෞඛ්‍ය ආයතන සඳහා රේඛීය අමාත්‍යාංශය යටතේ මෙන්ම උතුරු පළාත් සභාව යටතේ ද අලුතින් බඳවාගත් සෞඛ්‍ය කාර්ය සහායක 350 දෙනෙකු සඳහා පත්වීම් ප්‍රදානය සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස සහ උතුරු පළාත් ආණ්ඩුකාර නාගලිංගම් වේදනායගම් යන අය ගේ ප්‍රධානත්වයෙන් හෙට (18) පස්වරුවේ කන්කසන්තුර පාර, තිවියාමහල් (Thiviya mahal) හි දී සිදුකරයි.

අනුරාධපුර ශික්ෂණ රෝහලේ හෘද රෝග සහ හෘද උරස් ශල්‍ය වෛද්‍ය සංකීර්ණ ගොඩනැගිල්ලේ ඉදිකිරීම් ජනාධිපති අනුර කුමාර දිසානායක ගේ ප්‍රධානත්වයෙන් ඊයේ (16) ආරම්භ කළේ ය.

මුලතිව් දිස්ත්‍රික් මහ රෝහලේ නව සිව්මහල් වෛද්‍ය වාට්ටු සංකීර්ණයේ ඉදිකිරීම් ඊයේ (16) ජනාධිපති අනුර කුමාර දිසානායක ගේ ප්‍රධානත්වයෙන් ආරම්භ ආරම්භ කළේ ය.

දේශීය ආදායම් සංශෝධන පනතට අනුව විනිසුරුවරුන්ගේ වැටුප්වලින් අත්තිකාරම් පෞද්ගලික ආදායම් බදු (APIT) අයකිරීමට දේශීය ආදායම් දෙපාර්තමේන්තුව ගත් තීරණය නීත්‍යනුකූල බව ශ්‍රේෂ්ඨාධිකරණය තීන්දු කර තිබෙනවා.

දූෂණ චෝදනාවක් සම්බන්ධයෙන් හිටපු නාවික හමුදාපති වසන්ත කරන්නාගොඩ සහ යෝෂිත රාප්පක්ෂට එරෙහිව අල්ලස් කොමිසම විසින් ගොනු කර තිබෙන නඩුව අද (17) කොළඹ මහාධිකරණය හමුවේ කැඳවනු ලැබුවා.