රුපියල් මිලියන 12,000ක් වැය කරමින්, අතිනවීන පහසුකම්වලින් සමන්විත මහල් 16කින් යුත් දැවැන්ත හෘද ප්රතිකාර මධ්යස්ථානයක් ජාතික රෝහල් පරිශ්රය තුළ ස්ථාපිත කරන බවත්, එහි ඉදිකිරීම් මෙම වර්ෂයේ දී ආරම්භ කිරීමට නියමිත බවත්, වසර තුනක් තුළ එහි ඉදිකිරීම් අවසන් කිරීමට සැලසුම්කර ඇති බවත් සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස පැවසී ය.
ශ්රී ලංකා පොත් ප්රකාශකයන්ගේ සංගමයේ 39 වන වාර්ෂික මහා සභා රැස්වීම 2026-06-13 දින කොළඹ ටාජ් සමුද්ර හෝටලයේ දී උත්සවශ්රීයෙන් පැවැත්විණි.
පාස්කු ඉරිදා ත්රස්ත ප්රහාරය සම්බන්ධයෙන් සිදුකරන විමර්ශන සහ අධිකරණ ක්රියාවලියට බාධා කිරීම සහ බලපෑම් කිරීමේ චෝදනා මත හිටපු පාර්ලිමේන්තු මන්ත්රීවරුන් වන විමල් වීරවංශ සහ උදය ගම්මන්පිල අසංක නවරත්න යන අයට මෙන්ම සර්වජන බලය පක්ෂයේ නායක පාර්ලිමේන්තු මන්ත්රී දිලිත් ජයවීර, මහින්ද පතිරණ සහ සුගීෂ්වර බණ්ඩාරයන අයට ලබන ජූලි මස 01 දා අධීකරණය හමුවේ පෙනී සිටින ලෙසට නොතිසි නිකුත් කරන්නැයි අපරාධ පරීක්ෂණ දෙපාර්තමේන්තුව සිදු කළ ඉල්ලීම කොටුව මහේස්ත්රාත් පසන් අමරසේන අද ප්රතික්ෂේප කළේ ය.
2019 වසරේ සිදු කළ පාස්කු ඉරු දින ප්රහාරය සම්බන්ධයෙන් රඳවා ප්රශ්න කරමින් සිටින, හිටපු බුද්ධි අංශ නායක සුරේෂ් සලේ ගේ බිරිඳ වන මනෝරි සලේ බන්ධු සේන විසින් අපරාධ පරීක්ෂණ දෙපාර්තමේන්තුවේ අධ්යක්ෂ ශානි අබේසේකර වෙත යොමු කරන ලද ලිපියට ශානි අබේසේකර විසින් පිළිතුරු ලිපියක් යොමු කර ඇත.
පේරාදෙණිය ශික්ෂණ රෝහලේ අවම පහසුකම් යටතේ මෙතෙක් පවත්වාගෙන ගිය හදිසි අනතුරු සහ හදිසි ප්රතිකාර ඒකකය නවීන පහසුකම් සහිතව පුළුල් පරිශ්රයක පිහිටුවා නව්යකරණය කිරීමෙන් අනතුරුව ප්රතිකාර සේවාවන් සඳහා එක් කිරීමත්, එමෙන්ම නවීන පහසුකම් සහිතව නව පරිශ්රයක ස්ථාපනය කළ ප්රධාන වෛද්ය රසායනාගාරයේ සේවා කටයුතු ආරම්භ කිරීමත් සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස ගේ ප්රධානත්වයෙන්, සෞඛ්ය නියෝජ්ය අමාත්ය වෛද්ය හංසක විජේමුණි ගේ සහභාගීත්වයෙන් අද (14) සිදුවිය .
වයස 11ක දැරියකට සාපරාධී ලිංගික අතවරයක් කිරීම සම්බන්ධයෙන් සැකකරුවකු වී සිටින පල්ලේගම හේමරතන නමැති චිවරධාරියාට එරෙහිව සිදුකරන විමර්ශනවලට බලපැම් නොකරන්නැයි ඉල්ලමින් ළමා හිංසනයට තිත පදනමේ (Stop Child Cruelty)] සභාපතිවරිය මෙන්ම විධායක අධ්යක්ෂවරිය ද වන වෛද්ය තුෂ් (තුෂාර) වික්රමනායක ජාතික ජනබල වේගය පක්ෂයේ ජාතික ලයිස්තු මන්ත්රිවරියක වන ලක්මාලි හේමචන්ද්ර වෙත ලිඛිත ඉල්ලීමක් කර ඇත.
ජනතාවාදී ඒකාබද්ධ විපක්ෂයේ නායකයින් අද (13) දින මහනුවර ඓතිහාසික මල්වතු මහා විහාරයට පැමිණ, මල්වතු මහා විහාර පාර්ශවයේ මහානායක අතිපූජ්ය තිබ්බටුවාවේ ශ්රී සිද්ධාර්ථ සුමංගලාභිධාන මහානායක නාහිමිපාණන් වහන්සේ බැහැදැක ආශීර්වාද ලබාගත්තේ ය.
වධහිංසා වැළැක්වීම පිළිබඳ එක්සත් ජාතීන්ගේ අනුකමිටුව (SPT) 2026 ජුනි 15 වැනි දින සිට 24වන දා දක්වා ශ්රී ලංකාව වෙත සිය දෙවැනි සංචාරය සිදු කිරීමට නියමිතව ඇත.
බාලවයස්කාර දැරියක් බරපතළ ලෙස අපයෝජනය කළ බව කියන සිද්ධියට අදාළව චෝදනා ලබා සිටින, හිටපු අටමස්ථානාධිපති සැකකාර පල්ලේගම හේමරතන හිමියන්ට DNA පරීක්ෂණයක් සඳහා රුධිර සාම්පල ලබාදෙන ලෙස අනුරාධපුර ප්රධාන මහේස්ත්රාත් සියපත් සසිඳු වික්රමරත්න අද (ජූනි 12) නියෝග කළේ ය.
පේරාදෙණිය විශ්වවිද්යාලීය ජාත්යන්තර දමිළ විද්යා (Tamilology) පර්යේෂණ සම්මේලනය විශ්වවිද්යාලීය ශ්රාස්ත්ර පීඨයේදී අද (11) ආරම්භ විය.
මධ්යම පරිසර අධිකාරියේ මධ්යම පළාත් කාර්යාලයෙ මෙහෙයවීම මත විද්යුත් සහ ඉලෙක්ට්රෝනික් අපද්රව්ය රැස් කර ප්රතිචක්රීයකරණය කිරීමේ වැඩසටහනක් ක්රියාත්මක විය.
ජ්යෙෂ්ඨ නියෝජ්ය පොලිස්පති වරුණ ජයසුන්දරව ත්රස්තවාදය වැළැක්වීමේ පනත යටතේ අත්අඩංගුවට ගැනීමට හෝ රඳවා ගැනීමට මෙම අවස්ථාවේ තීරණයක් ගෙන නොමැති බව නීතිපති අද (12) අභියාචනාධිකරණයට දැනුම් දී ඇත.
ශ්රී ලංකාවේ එක්සත් ජනපද තානාපති කාර්යාලය, ඉන්ඩිපෙන්ඩන්ස්-ප්රභේදයේ ලිටෝරල් කම්බැට් නෞකාවක් වන යූඑස්එස් කැන්බරා (එල්සීඑස් 30) (USS Canberra (LCS 30)) ජූනි 12 දින කොළඹ වරායට පැමිණීම පිළිබඳව නිවේදනය කරයි.
උපරිමාධිකරණයේ පුරප්පාඩුව පවතින විනිසුරුවරුන් ගේ පත්වීම් ප්රමාදය පිළිබඳ ව අවධානය යොමු කරමින් වහාම එකී පුරප්පාඩු පිරවීමට ක්රියා කරන ලෙස ව්යවස්ථාදායකය සභාවේ සභාපතිවරයා ලෙස අතිගරු ජනාධිපතිතුමා ගෙන් ඉල්ලීමක් කරන ලෙස ද, පාර්ලිමේන්තුවේ කථානායකවරයා ලෙස ආණ්ඩුක්රම ව්යවස්ථාවේ ප්රතිපාදන ක්රියාත්මක කර ජනතාව සතු පරමාධිපත්යයේ ප්රධාන අංගයක් වන අධිකරණයේ ස්වාධීනත්වය ආරක්ෂා කිරීමට පියවර ගන්නා ලෙස ද ඉල්ලා සිටිමින්, විපක්ෂයේ පාර්ලිමේන්තු මන්ත්රීවරුන් අත්සන් කළ ලිපියක් අද (12) ගරු කතානායක වෛද්ය ජගත් වික්රමරත්න වෙත බාරදී ඇත.
(මාධ්ය අංශය )විපක්ෂ නායක කාර්යාලය - ශ්රී ලංකා පාර්ලිමේන්තුව
හිටපු රාජ්ය බුද්ධි සේවා ප්රධානී සුරේෂ් සලේ ගේ මානසික සෞඛ්ය තත්ත්වය පරීක්ෂා කිරීම සඳහා පත් කරන ලද විශේෂ වෛද්ය මණ්ඩලය සම්බන්ධයෙන් අසත්ය සහ දෝෂසහගත තොරතුරු පදනම් කරගෙන කළ ප්රසිද්ධ ප්රකාශයක් සම්බන්ධයෙන් ජ්යෙෂ්ඨ කථිකාචාර්ය හා දේශපාලන විශ්ලේෂක මහින්ද පතිරණ අද (12) කොටුව මහේස්ත්රාත් අධිකරණයෙන් කොන්දේසි විරහිතව සමාව අයැද සිටියේ ය.
තනි තනිව නොව සෑම බලවේගයක් සමගම එකට එකතු වී ඉදිරි දේශපාලන අභියෝගවලට මුහුණදිය යුතු ආකාරය සම්බන්ධයෙන් Viiiවන විධායක ජනාධිපති රනිල් වික්රමසිංහ සිය කෘත්යාධිකාරී මණ්ඩලය දැනුවත් කළේ ය
ජූනි 8 සිට 12 දක්වා, ශ්රී ලංකාවේ එක්සත් ජනපද තානාපති කාර්යාලය, House Democracy Partnership (HDP) සහ එක්සත් ජනපද කොංග්රස් අයවැය කාර්යාලය (CBO) සමග සහයෝගයෙන්, රජයේ වියදම්, ආර්ථික ප්රතිපත්ති සහ යෝජිත නීති සම්පාදන ස්වාධීනව විශ්ලේෂණය කිරීමේ හැකියාව ශක්තිමත් කිරීමට ශ්රී ලංකා පාර්ලිමේන්තුවට සහාය ලබා දෙයි.
වගා ආයෝජන මුවාවෙන් මහජනතාව නොමග යවමින් වාංචනික ලෙස මුදල් උපයන්නන්ට හසු නොවන්නැයි ද, තමන් මහන්සියෙන් හරිහම්බ කරගත් මුදල් ඔවුන් ගේ ගොදුරු බවට පත් වීමට ඉඩ නොතබන්නැයි ද ශ්රී ලංකා මහ බැංකුවේ අධිපති ආචාර්ය පී. නන්දලාල් වීරසිංහ මහජනතාව ගෙන් ඉල්ලා සිටි.
newstube.lk වෙබ් අඩවියේ පළවන සියළු ප්රවෘත්ති සහ විශේෂාංග ආශ්රිතව කිසිවකුට හානිකර යමක් පළ වී ඇත්නම් ඒ අගතියට පත් පාර්ශවයට ඊට ප්රතිචාර දැක්වීමට ඇති අයිතියට අපි ගරු කරමු.
ඔබගේ ප්රතිචාර
