පුවත්

අධිකරණයට අපහාස කිරීමේ චෝදනා සම්බන්ධයෙන් වැරදිකරු වීමෙන් අනතුරුව පූජ්‍ය ගලගොඩඅත්තේ ඥානසාර හිමියන්ට පනවා තිබෙන වසර 6ක සිර දඬුවමේ ඉතිරි කාල සීමාව අද (05) සිට යළි ක්‍රියාත්මක කිරීමට පියවර ගන්නා ලෙස අභියාචනාධිකරණය බන්ධනාගාර කොමසාරිස් ජෙනරාල්වරයාට නියෝග කළේය.

සංවිධානාත්මක අපරාධ කල්ලි සාමාජිකයෙකු වන හපුන්ත්‍රිගේ දොන් පියුම් හස්තික නොහොත් "පියුමා" නැමැත්තා එළඹෙන 14 වැනිදා දක්වා තවදුරටත් රක්ෂිත බන්ධනාගාර ගත කිරීමට කොටුව මහේස්ත්‍රාත් පසන් අමරසේන අද (05) නියෝග කළේය.

ජාත්‍යන්තර මූල්‍ය අරමුදලේ (IMF) විස්තීර්ණ ණය පහසුකම යටතේ ශ්‍රී ලංකාව ක්‍රියාත්මක කරන ආර්ථික ප්‍රතිසංස්කරණ වැඩසටහනේ හත්වැනි සමාලෝචනය අවසන් කිරීම සඳහා ජාත්‍යන්තර මූල්‍ය අරමුදලේ කාර්ය මණ්ඩලය සහ ශ්‍රී ලංකා බලධාරීන් අතර කාර්ය මණ්ඩල මට්ටමේ එකඟතාවකට පැමිණ ඇත.

මරණ දණ්ඩනය ක්‍රියාත්මක කිරීම සම්බන්ධයෙන් නීතිමය, සමාජ විද්‍යාත්මක සහ මානව හිමිකම් කෝණයෙන් විමසා බලන විශේෂ මහජන සම්මන්ත්‍රණයක් හෙට (06 ) කොළඹ පැවැත්වීමට ලංකා තානාපතිවරුන්ගේ සංසදය (Lanka Ambassadors Forum UK/SL) කටයුතු යොදා තිබේ.

මඩකලපුව දිස්ත්‍රික්කයේ ප්‍රධානතම රෝහල වන මඩකලපුව ශික්ෂණ රෝහලේ රුපියල් මිලියන 550 ක මධ්‍යම රජයේ මූල්‍ය ප්‍රතිපාදන යටතේ ඉදිකෙරුණු සත් මහල් වකුගඩු හා රුධිර කාන්දුකරණ ඒකකය (Nephrology and Dialysis Unit) සෞඛ්‍ය හා ජනමාධ්‍ය අමාත්‍යාංශයේ ලේකම් විශේෂඥ වෛද්‍ය අනිල් ජාසිංහගේ ප්‍රධානත්වයෙන් පසුගියදා ජනතා අයිතියට පත් කෙරිණි.

නවක පවුල් සෞඛ්‍ය සේවා නිලධාරිනියන් 1056 දෙනෙකු සඳහා පත්වීම් ලිපි ප්‍රදානය කිරීම සෞඛ්‍ය හා ජනමාධ්‍ය අමාත්‍‍ය වෛද්‍ය නලින්ද ජයතිස්සගේ ප්‍රධානත්වයෙන් අද (04) අරලියගහ මන්දිර පරිශ්‍රයේදී සිදු කෙරුණු අතර, එහිදී අදහස් දක්වමින් අමාත්‍යවරයා අවධාරණය කළේ මහජන සෞඛ්‍ය ක්ෂේත්‍රයේ ප්‍රබල කොටස්කරුවන් වන පවුල් සෞඛ්‍ය සේවා නිලධාරිනියන් 2900කට ලබන දෙසැම්බර් මාසයේදී යතුරුපැදි ලබාදීමට කටයුතු කරන බවයි.

වරෙන්තුවක් නිකුත් කර තිබියදී අත්අඩංගුවට ගන්නා ලද බොදු බල සේනා සංවිධානයේ ලේකම් පූජ්‍ය ගලගොඩ අත්තේ ඥානසාර හිමියන් හෙට දින දක්වා රක්ෂිත බන්ධනාගාර ගත කරන ලෙස කොළඹ මහේස්ත්‍රාත් අධිකරණය නියම කළා.

"ජඩ බදු හකුලාගනිව්! ජීවන බර පහත දමව් !" යන මැයෙන් ජන අරගල ව්‍යාපාරය ඊයේ සංවිධානය කළ විරෝධතාවට එක්වූ සුජිත් කුරුවිට ඇතුළු සාමාජිකයින් හයදෙනෙකු පොලීසිය මගින් අත්අඩංගුවට ගැනීමට එරෙහිව ජන අරගල ව්‍යාපාරය අද (04) නුගේගොඩදී විශේෂ මාධ්‍ය හමුවක් කැඳවන ලදී.

ලංකාවට ආනයනය කළ ගල්අඟුරු නැව් 19ම ප්‍රමිතියෙන් තොර බවට තහවුරු වී තිබියදීත් ඒ සම්බන්ධයෙන් අල්ලස් කොමිෂන් සභාවට පැමිණිලි 13ක් සහ රහස් පොලීසියට (CID) පැමිණිලි 10කට වැඩි ප්‍රමාණයක් ඉදිරිපත් කර ඇති නමුත්, අද වන තෙක් එකදු නඩුවක් හෝ පවරා නොමැති බව ශ්‍රීලංකා පොදුජන පෙරමුණේ ජාතික කැදවුම්කරු ඩී.වී චානක පැවසුවේය.

ඒ අනුව ජනපති අනුර කුමාර දිසානායක, හිටපු බලශක්ති අමාත්‍ය කුමාර ජයකොඩ් සහ මාලිමාව සිට්න්නේ නීතියට උඩින්දැයි ඔහු විමසා සිටි අතර යුක්තිය කොහේදැයි ඔහු ප්‍රශ්නකර සිටියේය.

අධිකරණ වරෙන්තු ලැබ සිටින ගලගොඩඅත්තේ ඥානසාර හිමියන් අත්අඩංගුවට ගෙන තිබේ.

ශ්‍රී ලංකාවේ නීති අධ්‍යාපනය සහ පර්යේෂණ ක්ෂේත්‍රයේ ප්‍රගමනය උදෙසා ස්ථාපිත කරන ලද 'මහාචාර්ය ජී.එල්. පීරිස් නීති අධ්‍යාපන හා පර්යේෂණ භාරය' (The Professor G.L. Peiris Trust for Legal Education and Research) නිල වශයෙන් පිහිටුවීම කොළඹ විශ්වවිද්‍යාලයේ සෙනෙට් මන්දිරයේදී පැවැත්විණි. ජ්‍යෙෂ්ඨ විද්වතුන්, නීති වෘත්තියේ ප්‍රධානීන් සහ සිවිල් සමාජයේ සම්භාවනීය පිරිසකගේ සහභාගීත්වයෙන් මෙම උත්සවය පැවැත්විණි.

ශ්‍රී ලංකාව කලාපීය ඩිජිටල් හා AI මධ්‍යස්ථානයක් කිරීමටත්, 2030වන විට ඩොලර් බිලියන 5ක ඩිජිටල් අපනයන ඉලක්කයට ළඟාවීමටත් රජයේ අවධානය යොමු කරන ඇතැයි ඩිජිටල් ආර්ථික නියෝජ්‍ය අමාත්‍ය එරංග වීරරත්න  පවසයි.

හිටපු ජනාධිපති මහින්ද රාජපක්ෂගේ පුත් යෝෂිත රාජපක්ෂට එරෙහිව මුදල් විශුද්ධිකරණය වැළැක්වීමේ පනත යටතේ ගොනු කර තිබෙන නඩුවේ සාක්ෂි විභාගය කල් තැබීමට කොළඹ මහාධිකරණය නියම කළා.

කොකේන් මත්ද්‍රව්‍ය ජාවාරම් කිරීමේ චෝදනා එල්ල වී සිටින ප්‍රබල මත්ද්‍රව්‍ය ජාවාරම්කරුවකු බව කියන ශිරාන් බාසික් ඇතුළු විත්තිකරුවන් තුන් දෙනෙකුට එරෙහිව ගොනු කර තිබෙන නඩුව වැඩිදුර පූර්ව නඩු විභාග සම්මන්ත්‍රණය සඳහා නොවැම්බර් මස 11 වනදා කැඳවන ලෙස කොළඹ මහාධිකරණය නියම කළා.

හෙරොයින් මත්කුඩු සන්තකයේ තබා ගැනීම සහ ජාවාරම් කිරීම යන චෝදනා වලට වරදකරු කෙරුණු කාන්තාවකට කොළඹ මහාධිකරණය විසින් ජීවිතාන්තය දක්වා සිර දඬුවම් නියම කළා.

ආන්දෝලනාත්මක 'ක්‍රිෂ්' ගනුදෙනුවට අදාළව සිදුකෙරෙන විමර්ශනවලට අනුව 'ක්‍රිෂ් ට්‍රාන්ස් හෝල්ඩින්ග්ස්' සමාගමේ අධ්‍යක්ෂවරුන් වන ඉන්දීය ජාතිකයන් දෙදෙනෙකුට වරෙන්තු නිකුත් කරන ලෙස අල්ලස් කොමිසම කළ ඉල්ලීම කොළඹ ප්‍රධාන මහේස්ත්‍රාත් අසංග එස්. බෝදරගම මහතා විසින් ප්‍රතික්ෂේප කර තිබේ.

අල්ලස් කොමිසම විසින් අත්අඩංගුට ගත්  මිනුවන්ගොඩ මහේස්ත්‍රාත් අධිකරණ රෙජිස්ට්‍රාර්වරයා ලබන 6 දක්වා රක්ෂිත බන්ධනාගාරගත කිරිමට කොළඹ ප්‍රධාන මහේස්ත්‍රාත් අසංග එස් බෝදරගම අද(2) නියෝග කළා.

පාස්කු ඉරුදින ත්‍රස්ත ප්‍රහාර මාලාවේ සැකකරුවකු ලෙස රඳවාගෙන ප්‍රශ්න කෙරෙන, දැනට කොළඹ ජාතික රෝහලේ ප්‍රතිකාර ලබන හිටපු යුධ හමුදා බුද්ධි ප්‍රධානී තුවාන් සුරේෂ් සලේ රෝහලෙන් මුදා නොහැරීමට අදාළව වෛද්‍ය වාර්තා නිකුත් කළ වෛද්‍යවරුන් දසදෙනාට ලබන ඔක්තෝම්බර් 06 වනදා අධිකරණයේ පෙනී සිටින ලෙස කොටුව මහේස්ත්‍රාත් ප්‍රසන්න අමරසේන අද (02) නොතීසි නිකුත් කළේය.