පුවත්

එයාර් බස් ගනුදෙනුවට අදාළව රුපියල් 15,000ක මුදලකට ව්‍යාජ ඇපකරුවන් දෙදෙනකු ඉදිරිපත් කිරීම හේතුවෙන් අත්අඩංගුවට ගන්නැයි නියම කර සිටි කපිල චන්ද්‍රසේන ගේ දේහය කොල්ලුපිටිය නිවසක තිබී සොය ගත් බව කොල්ලුපිටිය පොලිසිය තහවුරු කරයි.

රාජ්‍ය බුද්ධි සේවයේ හිටපු ප්‍රධානී සුරේෂ් සලේ විසින් ත්‍රස්තවාදය වැළැක්වීමේ පනත යටතේ තමාට නිකුත් කර තිබෙන රැඳවුම් නියෝගය බල රහිත කිරීමේ රිට් ආඥාවක් නිකුත් කරන ලෙස ඉල්ලා ඉදිරිපත් කරන ලද රිට් පෙත්සම ඊයේ (07) අභියාචනාධිකරණය හමුවේ සලකා බැලීම ආරම්භ විය.

භාණ්ඩාගාර ලේකම් ආචාර්ය හර්ෂණ සූරියප්පෙරුම ගේ ද්විත්ව පුරවැසි භාවය පිළිබඳව දිනන දකුණ විසින් ප්‍රශ්න කරනු ලැබ දින තුනක් ගතවී ඇති බවත්, ලේකම්වරයා ඒ සඳහා පිළිගත හැකි සාක්‍ෂි සාධක සහිත පිළිතුරක් මෙතෙක් ලබාදී නොමැති බවත් දිනන දකුණ සංවිධානය සඳහන් කරයි.

ඉතා සංකීර්ණ ගැටලු සහ අභියෝග හමුවේ වුවත් තම අනාගත ඉලක්ක සාර්ථකව ජය ගැනීමට අධිෂ්ඨානශීලීව විනය ගරුකව කටයුතු කළ යුතු බව ශ්‍රී ලංකා යුධ හමුදාවේ මේජර් ජනරාල් ඩබ්.එම්.එස්.එන්.විජේකෝන් ප්‍රකාශ කළේ ය.

මාලිමා ආණ්ඩුවේ නවතම වංචාව පිට රටින් ආයනය කරන පිරිපහදු නොකළ පොල් තෙල් සඳහා වැට් බදු අය නොකිරීම යැයි පාර්ලිමේන්තු මන්ත්‍රී එස්. එම්. මරික්කාර් පැවසී ය.

ඩයස්පෝරාව විසින් මෙහෙයවනු ලබන ඇතැම් රාජ්‍ය නොවන සංවිධාන (NGO) උතුරේ යුද්ධයෙන් අහිමි වූ අසරණ දුප්පත් ජනතාවගේ "ජායරුප" ප්‍රදර්ශනය කිරීම මුවාවෙන්, කළු සල්ලි සුදු කිරීමේ දැවැන්ත නීති විරෝධී ජාවාරමක් රහසිගතව ක්‍රියාත්මක කරන බවට බරපතළ චෝදනාවක් එල්ල වී තිබේ.

පාස්කු ප්‍රහාරයට පෙර වව්නතිව්හි දී සිදුවූ පොලිස් නිලධාරීන් දෙදෙනාගේ ඝාතනය සම්බන්ධයෙන් පරීක්ෂණ නොමග යැවීම සදහා කුමන්ත්‍රණය කළ බවට සැක පිට ත්‍රස්තවාදය වැළැක්වීමේ පනත යටතේ රඳවා ප්‍රශ්න කිරීමෙන් අනතුරුව රක්ෂිත බන්ධනාගාර ගතව සිටින මඩකළපුව කොට්ඨාස බුද්ධි ඒකකයේ ස්ථානාධිපතිවරයා ඇතුළු දෙදෙනා ලබන 20 තෙක් තවදුරටත් රක්ෂිත බන්ධනාගාර ගත කරන ලෙස කොටුව මහේස්ත්‍රාත් පසන් අමරසේන නියෝග කළා.

සංවිධානාත්මක අපරාධ කල්ලි සාමාජිකයෙකු වන හපුන්ත්‍රිගේ දොන් පියුම් හස්තික නොහොත් "පියුමා " ලබන ලබන 20 තෙක් තවදුරටත් රක්ෂිත බන්ධනාගාර ගත කරන ලෙස කොටුව මහේස්ත්‍රාත් පසන් අමරසේන නියෝග කළේ ය.

පාස්කු ඉරුදින ප්‍රහාරයට අදාළ සැක පිට ත්‍රස්තවාදය වැළැක්වීමේ පනත යටතේ රඳවාගෙන සිටින රාජ්‍ය බුද්ධි සේවයේ හිටපු ප්‍රධානී සුරේෂ් සලේ අධිකරණ නියෝග ප්‍රකාරව පසුගිය අප්‍රේල් මස 22 දා අධිකරණ වෛද්‍ය නිලධාරී වරයා වෙත ඉදිරිපත් කිරීමෙන් අනතුරුව ඊට අදාළ වාර්තා කොටුව මහේස්ත්‍රාත් පසන් අමරසේන වෙත අපරාධ පරීක්ෂණ දෙපාර්තමේන්තුව විසින් ඉදිරිපත් කරනු ලැබී ය.

ජනාධිපතිවරයා මුදල් ලේකම්වරයා බවට පත් කරපු කෙනාගේ ක්‍රියාමාර්ගය අනුව කෝටි අසූවකට වඩා වැඩි එදා වටිනාකමට අද සමහරවිට ඩොලර් එක උඩට ගියොත් ඒ වටිනාකම තව වැඩිවෙන්න පුළුවන්. කෝටි අසූවට වඩා වැඩි ගණනක් අන්තරස්දහන් වෙලා ඒත් ජනාධිපතිවරයා මුදල් අමාත්‍යාංශ ලේකම්  මුදල් අමාත්‍යාංශය මහ බැංකුව ආණ්ඩුව තාම නිදියැයි ශ්‍රී ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ මහතා පැවසීය.

මෙතෙක් වැට් බද්දට හසු නොවුණ පුද්ගලයින් විශාල ප්‍රමාණයක් බදු දැලට හසු කර ගැනීමට ආණ්ඩුව උත්සායක නිරතවන්නේ යැයි පේරාදෙණිය විශ්වවිද්‍යාලයේ මහාචාර්ය ප්‍රසන්න පෙරේරා පැවසී ය.

අනුර දිසානායක ජනාධිපතිවරයා කතා කරන්නේ හිතලු මත පදනම් වී වුව ද තමන් කතා කරන්නේ සාක්ෂි මත පදනම් වී යැයි පිවිතුරු හෙළ උරුමය නායක උදය ගම්මන්පිල පැවසී ය.

රට තුළ මහත් ආන්දෝලනාත්මක තත්ත්වයක් ඇති කරමින්, මියගිය විදේශ සම්පත් කළමනාකරණ දෙපාර්තමේන්තුවේ සහකාර අධ්‍යක්ෂ රංග නිශාන්ත රාජපක්ෂ ගේ මරණය සම්බන්ධයෙන් මාධ්‍ය හමු, පාර්ලිමේන්තු විවාද සහ සමාජ මාධ්‍ය හරහා එකිනෙකට පරස්පර විවිධ අදහස් සැක සංකා මතු කරමින් පවතින්නේ යැයි දිනන දකුණ සංවිධානය සඳහන් කරයි.

බහාලුම් 323ක් පරීක්ෂා නොකර නිදහස් කිරීම පිළිබඳ සොයා බලා වාර්තා කිරීමට පත්කල පාර්ලිමේන්තු තේරීම් කාරක සභාව හමුවේ කරුණූ දැක්වීමට අද (06) පිවිතුරු හෙළ උරුමය නායක නීතිඥ උදය ගම්මන්පිල පාර්ලිමේන්තුවට පැමිණියේ ය.

තැපැල් දෙපාර්තමේන්තුව විසින් US Post වෙත ගෙවන ලද ඩොලර් ලක්ෂ 6ක මුදලක් එම දෙපාර්තමේන්තුව වෙත නොලැබීම සම්බන්ධයෙන් විමර්ශන ආරම්භ කළ බව අපරාධ පරීක්ෂණ දෙපාර්තමේන්තුවේ පරිඝණක විමර්ශන ඒකකය අද (6) කොටුව මහේස්ත්‍රාත් පසන් අමරසේන හමුවේ දැනුම් දුන්නේය.

දිට්වා සුළි කුණාටුව හේතුවෙන් අවතැන්ව සිටින අයට ආධාර ලබා දෙන බව පවසමින් බලශක්ති අමාත්‍යවරයා ලෙස සහ සිවිල් ගුවන්සේවා අමාත්‍යවරයා ලෙස පෙනී සිට, ව්‍යාජ ලේඛන සකස් කර ආධාර එකතු කළ බව කියන සිද්ධිය සම්බන්ධයෙන් කොළඹ පරිගණක අපරාධ කොට්ඨාසය අත්අඩංගුවට ගෙන අධිකරණයට ඉදිරිපත් කළ සුදේශ් නලින්ද අල්විස් නැමැති සැකකරු ලබන 20 තෙක් රක්ෂිත බන්ධනාගාර ගත කරන ලෙස ලෙස කොටුව මහේස්ත්‍රාත් පසන් අමරසේන අද (06)නියෝග කළේ ය.

බොදු බල සේනා සංවිධානයේ මහලේකම් ගලගොඩඅත්තේ ඥානසාර හිමියන් විසින් මාධ්‍යට අදහස් දක්වමින් කුරානයට, ඉස්ලාම් ධර්මයට අපහාස කිරීමේ සිද්ධියට අදාළව උන්වහන්සේට එරෙහිව කොළඹ මහාධිකරණය හමුවේ අධි චෝදනා ගොනු කර නඩු පවරා ඇතැයි කොළඹ අපරාධ කොට්ඨාසය කොටුව මහේස්ත්‍රාත් පසන් අමරසේන හමුවේ දැනුම් දුන්නේ ය.

අනාගතයේ දී ගැනීමට නියමිත නඩු තීන්දු පිළිබඳව ජනාධිපතිවරයා කල් තියා ම ඉඟි සපයන්නේ කුමන පදනමක් යටතේ දැයි සමගි ජනබලවේගයේ නීතිඥ සංගමයේ ප්‍රධාන ලේකම් නීතිඥ සුදත් වික්‍රමරත්න විමසී ය.