ආර්ථික

වාර්ෂික උද්ධමන අනුපාතය අනුව ශ්‍රී ලංකාව ලෝකයේ තෙවන ස්ථානයට (119%) පත්ව සිටින බව ඇමරිකාවේ ජොන් හොප්කින්ස් විශ්වවිද්‍යාලයේ සමීක්ෂණ වාර්තා පවසයි.

මේ සම්බන්ධයෙන් වන සමීක්ෂණ වාර්තාව ඇමරිකාවේ ජොන් හොප්කින්ස් විශ්වවිද්‍යාලයේ මහාචාර්ය ස්ටීව් හැන්කේ නිකුත්කර ඇති අතර ඒ ‘හැන්කේ උද්ධමන දර්ශකය’ යාවත්කාලීන කරමිනි.

වාර්තාව අනුව ශ‍්‍රි ලංකාවට වඩා උද්ධමනයක් පෙන්වන්නේ සිම්බාවේ හා ලෙබනනය පමණි.

මෙම යාවත්කාලිනව සදහා මුලාශ‍්‍ර කොටගෙන ඇත්තේ දැනට මාස දෙකකට පෙර දත්තයන් වීමද විශේෂත්වයක් වන අතර මූල්‍ය විශ්ලේෂකයන් පවසන්නේ ලංකාවේ ආර්ථිකය ඉදිරියට තවත් බරපතළ විය හැකි බවය.

ශ්‍රී ලංකාවේ සිට ගෘහ සේවය සඳහා මෙරටට පැමිණෙන කාන්තාවක් සඳහා කුවෙට් ජාතිකයන් ඩිනාර් 2500කට ආසන්න මුදලක් ගෙවිය යුතුයි.

මේ මුදල් ඉස්සර කෝටි ගණනින් ලංකාවේ ගිණුම් වලට බැරවූ අතර විශාල ඩොලර් ප්‍රමාණයක් මවිබිමට බැර විය. නමුත් දැන් මේ සම්පූර්ණ මුදලම යන්නේ උන්ඩියල් හරහා ඩුබායි රාජ්‍යයටයි. ලංකාවට යවන මුදල ලංකාවෙන්ම ගිණුම් වලට බැර වෙන්නේ වැඩිපුර මුදලක්ද සමගයි.

ඒ හේතුවෙන් ලංකාවට හිමිවිය යුතු විශාල ඩොලර් ප්‍රමාණයක් මෙරට විපක්ෂයේ දේශපාලන ක්‍රියාකාරීන් හරහා ඩුබායි රාජ්‍යයට හුවමාරු වේ.

කම්කරු ඇමතිතුමා විසින් යම්කිසි නීතියක් තානාපති කාර්‍ය්ලය හරහා පැනවුවහොත් මෙය වලකා ගත හැකිය. හේතුව මේ සියලුම කාන්තාවන්ගේ වසර දෙකේ ගිවිසුම අනුමත කර ගැනීම සඳහා සියලුම ගිවිසුම් තානාපති කාර්‍ය්ලයට යැවිය යුතුයි.

එතනදී මේ අය වෙනුවෙන් හාම්පුතුන් ගෙවන මුදල මනි එක්ස්චේන්ජ් එකක් හරහා ලංකා ගිණුමකට යවා රිසිට් පත සමග තානාපති කාර්‍ය්ලයට යන ලෙස දන්වා නීතියක් සම්පාදනය කල යුතුයි. එවිට එම මුදල් මේ රටවලින් කෙලින්ම ලංකාවට යන ක්‍රමයක් වෙත ජනතාවට නැඹුරු වීමට සිදුවේ.

එමගින් නැවතත් අපේ ඩොලර් සංචිතය යථා තත්වයට ගෙන ආ හැකියි. මේ වනවිට සෑම වැටුපක්ම ලංකාවට යන්නේ උනිඩියල් හරහායි. මේ උන්ඩියල්කරුවන් හැමදාම ගෙන්ගෙට යමින් නිවෙස්වල සේවය කරන අයගේ වැටුප ඒ මොහොතේම ලංකාවට යවා මෙහෙන් ඔවුන්ගේ වැටුප ලබා ගෙන උන්ඩියල් හරහා ඩුබායි රාජ්‍යයට වැඩි මුදලට විකුනනු ලැබේ.

මේ වසරේ මාර්තු මාසයේ මෙරට උද්ධමනය 21.5% ක් දක්වා වාර්තාගත ලෙස ඉහළ නැග තිබේ. ජන හා සංඛ්‍යාලේඛන දෙපාර්තමේන්තුව විසින් මාර්තු මාසයට අදාළව නිකුත් කරන ලද ජාතික පාරිභෝගික මිල දර්ශන (NCPI) වාර්තාවේ මේ බව සඳහන්ය.

ජන හා සංඛ්‍යාලේඛන දෙපාර්තමේන්තු වාර්තාව සඳහන් කරන්නේ ආහාර හා ආහාර නොවන කාණ්ඩවල සිදුවූ සීඝ්‍ර මිල වැඩිවීම මෙම තත්වයට හේතු වූ බවයි. ආහාර කාණ්ඩයේ මිල වැඩිවීම 29.5% ක් වන අතර ආහාර නොවන කාණ්ඩයේ භාණ්ඩ මිල ඉහළයාම 14.5%ක් බව එහි සඳහන්ය.

මේ නවතම රජයේ දත්ත අනුව ශ්‍රී ලංකා ඉතිහාසයේ උද්ධමනය 20% ඉක්මවා ගිය පළමු අවස්ථාව මෙයයි.

කෙසේ වුවද පසුගිය 20 වැනිදා එක්සත් ජනපදයේ ජෝන් හොප්කින්ස් විශ්වවිද්‍යාලයේ ආර්ථික විද්‍යාඥ මහාචාර්ය ස්ටීව් හැන්කේ විසින් පළ කළ ට්වීටර් සටහනක පෙන්වා දී තිබුණේ ශ්‍රී ලංකාවේ අප්‍රේල් 20 වනදා දක්වා උද්ධමනය 120% ක ඉහළ අගයක් වාර්තා කර ඇති බවයි.

රුපියල දිගින් දිගටම පහළ බැසීම සහ බලශක්ති අර්බුදය මෙන්ම අත්‍යවශ්‍ය ආහාර ද්‍රව්‍ය වල මිල ඉහළ යාම මත ලංකාවේ උද්ධමනය ඉහළ නගිමින් ඇති බව ඔහු මීට පෙර සඳහන් කර තිබිණි.

Government officials in #SriLanka have requested emergency financial help from the IMF. As long as Lanka retains its central bank, It will be caught up in an economic death spiral. Today, I measure inflation in LKA at a stunning 120%/yr. pic.twitter.com/o1NphedqXn

— Steve Hanke (@steve_hanke) April 21, 2022
මූලාශ්‍ර 01 – http://www.statistics.gov.lk/WebReleases/NCPI_March_2022

(Lanka truth )

ආනයනික ආහාර භාණ්ඩ 09 කට විශේෂ වෙළෙඳ භාණ්ඩ බද්දක් පැනවීමට මුදල් අමාත්‍යංශය තීරණය කර තිබේ.

ඊට අනුව යෝගට්, ඇපල්, මිදි, දොඩම් ඇතුළු කාණ්ඩ 09ක් යටතේ භාණ්ඩ වර්ග කිහිපයකට මේ බදු පැනවෙයි.

මෙම විශේෂ වෙළඳ භාණ්ඩ බද්ද මාර්තු මස 10 වනදා සිට ක්‍රියාත්මක වී මාස 06ක කාලයක් බපැවැත්වෙනු ඇත.

ඒ සමඟම අදාළ බදු පනවන ලබන ආනයනික භාණ්ඩවල වෙළෙඳපොළ මිලගණන්ද ඉහළ යාමට නියමිතව ඇත.

අදාළ භාණ්ඩ සහ බදු ඇතුලත් ලේඛනය පහත දැක්වෙයි.

ඇමෙරිකා එක්සත් ජනපද ඩොලරයක විකුණුම් මිල අද (11) රුපියල් 330 ක අගයක් ගෙන ඇත.

ඒ බව ප්‍රධාන පෙළේ වාණිජ බැංකු සහ රාජ්‍ය බැංකු වල දිනපතා යාවත්කාලීන වන වෙබ් අඩවි වල දක්නට ලැබිණ.

මේ අතර මහ බැංකුව විසින් අද දින නිකුත් කරන ලද විනිමය අනුපාතිකයේ ඇමෙරිකා එක්සත් ජනපද ඩොලරයක ගැණුම් මිල රුපියල් 310.88වූ අතර විකුණුම් මිල 321.49 ලෙස සටහන් විය.

මහ බැංකුව විසින් අද දින නිකුත් කරන ලද විනිමය අනුපාතිකයේ ඇමෙරිකා එක්සත් ජනපද ඩොලරයක ස්ථිර නොවූ ගණුදෙනුව සිදු කරන අවස්ථාවේ විය හැකි විකුණුම් මිල ලෙස රුපියල් 311.67 ලෙස සටහන් වීම විශේෂත්වයක් විය.

ලෝක වෙළෙඳපොලේ බොරතෙල් බැරලයක මිල ඩොලර් 98 ක් දක්වා පහළ ගොස් ඇති බව විදේශ මාධ්‍ය වාර්තා කරයි.

පසුගිය මාසයක පමණ කාලය තුළ බොරතෙල් බැරලයක මිල ඩොලර් 120 ට්ස් ආසන්න විය.

ඊට හේතුව ලෙස විදෙස් මාධ්‍ය වාර්තා කර තිබුණේ රුසියාව සහ යුක්රේනය අතර පවතින යුධමය තත්වය බවයි.

කෙසේ වුවත් මෙරට මූල්‍ය වෙළෙඳ පොළ විශ්ලේෂකයන් පවසන්නේ මෙරට ඉන්ධන මිල පහල යාමක් සිදුවනු ඇතැයි මේ මොහොතේ අපේක්ෂා කළ නොහැකි බවය.

හිටපු මුදල් අමාත්‍ය මංගල සමරවීර හඳුන්වා දුන් ඉන්ධන මිල සූත්‍රය ක්‍රියාත්මක වී නම් අනිවාර්යයෙන් මාසයේ මැද ඉන්ධන මිල පහල යාමක් සිදුවිය යුතුව තිබුණත්, වත්මන් ආණ්ඩුව බලයට පැමිණි සැනින් එය අවලංගු කළ බවත් ඔවුන් සිහිපත් කරයි.

අමාත්‍යවරුන් ඉල්ලා අස්වීමත් සමඟ ශ්‍රී ලංකාවේ ප්‍රතිපත්ති සම්බන්ධයෙන් අවිනිශ්චිත තත්ත්වයක් නිර්මාණය වන බව ජාත්‍යන්තර ණය ශ්‍රේණිගත කිරීමේ ආයතනයක් වන මූඩිස් ආයතනය සඳහන් කරයි.

ශ්‍රී ලංකාවේ විදේශ විනිමය හිඟයක් මෙන්ම ණය ගෙවීම සම්බන්ධයෙන් අර්බුදයක් තිබෙන මොහොතක අමාත්‍යවරුන් සහ නිලධාරීන් ඉල්ලා අස්වීම නිසා මෙලෙස ප්‍රතිපත්ති සම්බන්ධයෙන් අවිනිශ්චිත තත්ත්වයක් නිර්මාණය වන බව මූඩිස් ආයතනය සඳහන් කර ඇත.

පවතින දේශපාලන තත්ත්වය නිසා ප්‍රධාන සංවර්ධන පාර්ශවකරුවන්ගෙන් මුදල් ලබාගැනීමේ මෙන්ම විදේශ විනිමය ආකර්ෂණය කරගැනීමේ ක්‍රියාවලියට බාධා එල්ල වන බවත් විශේෂයෙන්ම ශ්‍රී ලංකාව විදේශ ණය වගකීම් පියවීම සඳහා ප්‍රාග්ධන ගලා ඒම් මත යැපීම නිසා එලෙස මුදල් ගැනීමේ ක්‍රියාවලියට දැඩි ලෙස බාධා එල්ල වනු ඇතැයි මූඩිස් ආයතනය පවසා ඇත.

මේ වසරේ පෙබරවාරි මාසය අවසන් වනවිට ශ්‍රී ලංකාවේ සංචිත ප්‍රමාණය ඇමෙරිකානු ඩොලර් බිලියන 2ක් දක්වා අඩු වී ඇතැයි ද එය රජයේ වාර්ෂික ණය ගෙවීම් වන ඇමෙරිකානු ඩොලර් බිලියන 6ත් 7ත් අගයටත් වඩා අඩු යැයි ද එම ආයතනය සඳහන් කර ඇත.

ශ්‍රී ලංකාව සතුව ඇති සංචිත ප්‍රමාණය මාස දෙකක ආනයනය ආවරණය කරගැනීමට ද ප්‍රමාණවත් නොවන බව මූඩිස් ආයතනය සඳහන් කර ඇත.

ශ්‍රී ලංකාව 2025 දක්වා ආසන්න වශයෙන් ඇමෙරිකානු ඩොලර් බිලියන 6ත් 7ත් අතර අගයක් ණය වශයෙන් ගෙවිය යුතු බව මූඩිස් ආයතනය පවසා ඇත.

ශ්‍රී ලංකාවේ උද්ධමනය 2021 නොවැම්බර් මාසයේ දී ඉලක්කම් දෙකේ අගයකට පත්වුණු බවත් මේ වසරේ පෙබරවාරි මාසයේ දී එය සියයට 17.5ක් දක්වා ළඟා වූ බව මූඩීස් වාර්තාවේ දැක්වේ.

- lankadeepa

මෙරට ප්‍රධාන පෙළේ බලපත්‍රලාභී වාණිජ බැංකු අද (15) නිකුත් කළ දෛනික විනිමය අනුපාතිකවලට අනුව ඇමෙරිකානු ඩොලරයට සාපේක්ෂව ශ්‍රී ලංකා රුපියල තවදුරටත් අවප්‍රමාණය වී ඇත.

මහජන බැංකුව, ලංකා බැංකුව, කොමර්ෂල් බැංකුව සහ සම්පත් බැංකුව යන බැංකු හතර අද (15) නිකුත් කළ දෛනික විනිමය අනුපාතිකවලට අනුව ඇමෙරිකා එක්සත් ජනපද ඩොලරයක විකුණුම් අනුපාතය රුපියල් 275 ක් දක්වා අවප්‍රමාණය වී ඇත.

ඇමෙරිකානු ඩොලරයකට මහජන බැංකුව ලබාදෙන ගැනුම් අනුපාතිකය රුපියල් 264.33ක් වන අතර විකුණුම් අනුපාතිකය රුපියල් 274.99කි. ලංකා බැංකුවේ ගැනුම් අනුපාතිකය රුපියල් 265ක් වන අතර විකුණුම් අනුපාතිකය 275කි. කොමර්ෂල් බැංකුවේ ගැනුම් අනුපාතිකය ඩොලර් 265.00ක් වන අතර විකුණුම් අනුපාතිකය 275.00කි. සම්පත් බැංකුවේ ගැනුම් අනුපාතිකය 265ක් සහ විකුණුම් අනුපාතිකය 275ක් වේ.

රුපියලට සාපේක්ෂව ඇමරිකානු ඩොලරය තවදුරටත් ඉහළ යමින් තිබේ.

පෞද්ගලික බැංකු කිහිපයකම ඩොලරයක විකුණුම් මිල රුපියල් 320 ක් හා ගැණුම් මිල රුපියල් 300ක් ලෙස ප්‍රකාශයට පත් කර ඇත.

මහ බැංකුවේ විනිමය අනුපාත අනුව ඩොලරයක විකිණුම් මිල රුපියල් 308ක් හා ගැණුම් මිල රුපියල් 298ක් ලෙස සදහන් වෙයි.

මේ සම්බන්ධයෙන් අදහස් දක්වමින් මූල්‍ය වෙළෙඳ පොළ විශ්ලේෂකයන් පවසන්නේ කෘතිම ලෙස පාලනය කළ ඩොලරය , පාවීමට ඉඩදීම නිසි වෙලාවේ සිදුනොවූ බවත් , එය නිදහස් සරණය වෙනුවෙන් අත්හල අවස්ථාව ගැටලු සහගත බවයි.

ආර්ථික සහ මූල්‍ය කටයුතු වලදී ගතයුතු තීන්දු තීරණ නිසි වෙලාවට ගතයුතු බවත් ඒ හැර කල් ඉකුත්වූ තීන්දු තත්ත්වය තවදුරටත් බරපතළ කරන බවත් ඔවුන් පෙන්වා දෙයි.

ශ්‍රී ලංකා මහ බැංකුව ඊයේ (07) නිකුත් කර ඇති නිවේදනයක් අනුව ඩොලර් එකක් සඳහා රුපියල් 230ක් දක්වා විශාල වශයෙන් අවප්‍රමාණය කිරීමක් සිදු කර තිබේ.

මේ දක්වා ශ්‍රී ලංකා මහ බැංකුව විසින් ඩොලරයේ රුපියල් විනිමය අනුපාතය විකුණුම් මිල රුපියල් 203ක මට්ටමේ කෘතීමව පවත්වාගෙන තිබිණි. එහෙත් කළුකඩ වෙළඳපොළේ එය රුපියල් 250ක් පමණ වී තිබිණි. මෙම තත්වය තුළ මහ බැංකුව විසින් අවම වශයෙන් රුපියල් 27කින් ඩොලරයට නියම වී තිබූ විනිමය අනුපාතය පා කර හැර තිබේ.

කෙසේ වුවත් මේ සම්බන්ධයෙන් අදහස් දක්වමින් මූල්‍ය වෙළෙඳ පොළ විශ්ලේෂකයන් පවසන්නේ මේ වනවිට පවතින ඩොලර් අර්බුදය හමුවේ දැනට පවතින රුපියල් 250ක් පමණ වූ කළු කඩ මිල තව දුරටත් එසේම පවතිනු ඇති බව පුරෝකථනය කළ හැකි බවයි.

එසේම මෙම තත්වය තුළ මහ බැංකුවට තවදුරටත් රුපියල පාකර හැරීමට සිදුවනු ඇති බවත් ඔවුන් පවසයි.

මහ බැංකු නිවේදනය මෙන්න !

 බාහිර කම්පනවල දැඩි බව සහ දේශීය ආර්ථිකයේ මෑත කාලීන ප්‍රවණතා සැලකිල්ලට ගනිමින්, එවැනි ආර්ථික තත්ත්වයන්ට මුහුණ දීම සඳහා ශ්‍රී ලංකා මහ බැංකුවේ මුදල් මණ්ඩලය විසින් 2022 මාර්තු 04වන දින පුළුල් ප්‍රතිපත්ති මාලාවක් ප්‍රකාශයට පත්කරන ලදි. එමෙන්ම, ශ්‍රී ලංකා මහ බැංකුව ගෝලීය මෙන්ම දේශීය වශයෙන් ඇතිවෙමින් පවතින සාර්ව ආර්ථික සහ මූල්‍ය වෙළඳපොළ ප්‍රවණතා සමීපව නිරීක්ෂණය කරන බවට නිවේදනය කරන ලද අතර, උද්ධමනය, විදේශීය අංශය සහ මූල්‍ය අංශයේ ස්ථායීතාව ළඟා කර ගැනීමේ අරමුණින් තවදුරටත් ක්‍රියාමාර්ග ගැනීමට සූදානමින් සිටින බවද දැනුම් දෙන ලදි.

ඒ අනුව, වහාම ක්‍රියාත්මක වන පරිදි, විනිමය අනුපාතිකයෙහි ඉහළ නම්‍යශීලීභාවයක් සහිතව ගනුදෙනු කිරීමට වෙළඳපොළට ඉඩ සලසනු ලැබේ. විදේශ විනිමය ගනුදෙනු එක්සත් ජනපද ඩොලරයකට රුපියල් 230 කට නොවැඩි මට්ටමක පවතිනු ඇතැයි ද මහ බැංකුව අපේක්ෂා කරයි.

ශ්‍රී ලංකා මහ බැංකුව තවදුරටත් දේශීය විදේශ විනිමය වෙළපොළෙහි ප්‍රවණතා සමීපව නිරීක්ෂණය කරමින් අවශ්‍ය පරිදි සුදුසු ප්‍රතිපත්ති ගැළපීම් සිදු කරනු ඇත.

කොළඹ කොටස් වෙළෙඳපොළ ගනුදෙනු කටයුතු තාවකාලිකව අත්හිටුවා තිබේ.

ඒ, කොළඹ කොටස් වෙළෙඳපොළ S&P SL20 මිල දර්ශක අගය 5%කට වැඩි අගයකින් පහත වැටීම හමුවේ ය.

අද (2) වන විට ලෝක වෙළඳපොලේ බොරතෙල් තෙල් මිල බැරල් එකක් ඩොලර් 108ත් 110ත් අතර මිලක පවතින බව වාර්තා වෙයි.

ඒ අනුව බ්‍රෙන්ට් කෘඩ් බොරතෙල් බැරලයක මිල ඇමෙරිකා එක්සත් ජනපද ඩොලර් 109.83 වී ඇති අතර ඩබ්ලිව්.ටී.අයි බොරතෙල් බැරලයක මිල ඇමෙරිකා එක්සත් ජනපද ඩොලර් 108.10 වී තිබේ.

මේ අතර ඇමෙරිකා එක්සත් ජනපදය හදිසි උපාය මාර්ගික ක්‍රියා මාර්ගයක් ලෙස ඇමෙරිකාවේ ඛනිජ තෙල් අතිරේක සංචිතයෙන් බොරතෙල් බැරල් මිලියන 30ක් ලෝක බොරතෙල් වෙළඳපොල වෙත නිදහස් කරන බව නිවේදනය කර තිබේ.

ඒකාබද්ධ ජාත්‍යන්තර බලශක්ති ඒජන්සියේ (IEA) රැස්වීමකින් පසුව රුසියානු-යුක්රේන යුද්ධය හේතුවෙන් අහස උසට නගින බොරතෙල් බැරලයක මිල පාලනය කිරීම සඳහා සාමාජික රටවල් 30ක් විසින් තම අතිරේක බොරතෙල් සංචිතවලින් බොරතෙල් බැරල් මිලියන 60ක් ලෝක වෙළඳපොල වෙත නිදහස් කිරීමට එකඟ වී ඇත.

බලාගාර 08ක් කොට උඩ !

මේ අතර ජාතික විදුලි පද්ධතියට විදුලිය ජනනය කරන ඉන්ධන විදුලිබලාගාර 10න් අටක්ම ඉන්ධන නොමැතිවීම නිසා අක්‍රීය වී ඇතැයි ලංකා විදුලිබල මණ්ඩලය පවසයි.

එම බලාගාර 08 අක්‍රීය වීමෙන් ජාතික විදුලි පද්ධතියට මෙගාවොට් 424ක් අහිමිවී ඇති බව කී එම නිලධාරියා සපුගස්කන්ද A සහ B බලාගාර දෙක සහ ‘සොජිට්ස්’ බගාලාරය පමණක් මේ වනවිට ක්‍රියාත්මක වන බවද සඳහන් කළ බව lanka truth වෙබ් අඩවිය වාර්තා කරයි.

එම පුවතේ වැඩිදුරටත් සඳහන් වන්නේ යුගදනවි බලාගාරය සඳහා ඉන්ධන අද දිනයේ ලබාදෙන බවට ඛනිජ තෙල් සංස්ථාව පවසා තිබූ බවත් නැප්තා මේ වනවිට විදුලිබලාගාරයට පොම්ප කරමින් සිටීම නිසා එම ප්‍රමාණය අද දිනයේ පාවිච්චි කළ හැකි බව අදාළ නිලධාරියා පැවසූ බවයි.

ජෝන් හොප්කින්ස් විශ්වවිද්‍යාලයේ ව්‍යවහාරික ආර්ථික විද්‍යාව පිළිබඳ මහාචාර්යවරයෙක් වන ස්ටීව් හැන්කි ගේ නවතම උද්ධමන වගුවට අනූව ශ්‍රී ලංකාව හයවෙනි ස්ථානය දක්වා ඉහළට පැමිණ ඇත.

ස්ටීව් හැන්කි ගේ උද්ධමන වගුවට අනූව 14.2% ක් ව තිබූ ශ්‍රී ලංකාවේ උද්ධමනය 55% දක්වා වාර්තාගත ලෙස ඉහළ ගොස් ඇත.

මහාචාර්ය ස්ටීව් ට අනූව ශ්‍රී ලංකාව තුළ 1884 සිට 1950 දක්වා ක්‍රියාත්මක මුදල් මණ්ඩලයක් ක්‍රියාත්මක කිරීම තුළින් ශ්‍රී ලංකාවේ තිබෙන ඉහළ උද්ධමනයට කදිම විසඳුමක් සොයාගත හැකි බව ස්ටීව් හැන්කි මහතා පෙන්වා දෙයි.

විශේෂ කාරණය නම් මීට පෙර මහාචාර්ය හැන්කි ගේ උද්ධමන වගුවට ශ්‍රී ලංකාව ඇතුළත් වී නොතිබීම සහ මෙවර එම උද්ධමන වගුවට ශ්‍රී ලංකාව හයවෙනි ස්ථානය දක්වා ඉහළ ගොස් ඇතුළත් වී තිබිමයි.

 - Lankadeepa

ඉන්දියාව මෙරටට ලබාදීමට යෝජනා කෙරුණු ඩොලර් බිලියනයක ණය මුදල සඳහා ඉන්දීය කැබිනට් මණ්ඩලයේ අනුමැතිය හිමිව ඇති බව වාර්තා වෙයි.

මුදල් අමාත්‍යංශ ආරංචි මාර්ග මේ බව පවසයි.

පසුගියදා මෙරට මුදල් අමාත්‍ය බැසිල් රාජපක්ෂ සහ මුදල් අමාත්‍යංශ ලේකම් ඉන්දීය සංචාරයක නිරත වීමට නියමිතව තිබූ නමුත් පසුව එය කල් දැමුණු බව වාර්තා විය.

කෙසේ වුවත් මේ වන විට වාර්තා වන්නේ ඉතා නුදුරු දිනයක මෙකී ඩොලර් බිලියනයක ණය ගිවිසුම අත්සන් කිරීමට දෙරට කටයුතු කරනු ඇති බවය.

චීනයෙන් ලබාගෙන ඇති ණය ආපසු ගෙවීම සදහා තවත් ඩොලර් බිලියනයක ණයක් ලංකාවට ලබා දීමට චීන රජය තීරණය කර ඇත.

චීනයෙන් ලබාගෙන ඇති ණය ප‍්‍රතිව්‍යුහගත කරදෙන ලෙස ලංකාව ඉල්ලා තිබුණු අතර, ඒ වෙනුවට තවත් ණයක් ලංකාවට ලබා දීමට චීනය මෙසේ තිරණය කර තිබේ.

මෙම ඩොලර් බිලියනයක මුදල සම්පූර්ණයෙන්ම චීන ණය ආපසු ගෙවීම සදහා යෙදවීමට සිදුවන බවද දැනගන්නට ඇත.

(මූලාශ්‍රය මව්රට )

කොළඹ කොටස් වෙළඳපොලේ දෛනික ගනුදෙනු අද දහවල් හදිසියේ අත්හිටුවීමට සිදුවිය. අද පස්වරු 1.45 සිට මිනිත්තු 30 ක කාලයක් ගනුදෙනු අත්හිටවූ බවයි වාර්තා වෙයි.

ඉතිහාසයේ සියලු කොටස් මිල දර්ශකයෙහි තනි දිනක් තුළ දක්නට ලැබුණු දෙවැනි විශාලතම පහළ යාම අද දිනයේ වාර්තා වී ඇත.

එහිදී සියලු කොටස් මිල දර්ශක අගය ඒකක 542.67 කින් පහළ ගිය අතර එය දෙවැනි වන්නේ 2021 පෙබරවාරි 02 වැනි දින ඒකක 561.75කින් සියලු කොටස් මිල දර්ශකයේ වාර්තා වූ කඩා වැටීමට පමණි.

දිනය අවසානයේ දී සියලු කොටස් මිල දර්ශකය ඒකක 11,591.37 ක් ලෙසින් සටහන් වූ අතර 2021 දෙසැම්බර් 21 දිනෙන් පසු වාර්තා වූ අඩුම සියලු කොටස් මිල දර්ශක අගය වේ.

මේ අතර දිනයේ ගනුදෙනු අතරවාරයේ දී S&P SL20 දර්ශකය පූර්ව ගනුදෙනු දිනයට සාපේක්ෂව 5% ක ප්‍රමාණයක් ඉක්මවා පහළ යාම හේතුවෙන් පස්වරු 1.44 ට මිනිත්තු 30 ක කාලයක් සඳහා කොටස් වෙළෙඳපොළ ගනුදෙනු පද්ධතියේ ස්වයංක්‍රීයව අත්හිටුවීමක් ද වාර්තා වුණි.

S&P SL20 දර්ශක අගය දිනය අවසානයේ දී ඒකක 3,932.78 ක් ලෙසින් දැක්වුණේ ඒකක 207.88 ක පහළ යාමක් සමඟිනි.

රුපියල් බිලියන 4.22 ක ගනුදෙනු පිරිවැටුමක් අද දින වාර්තා විය.

එකතු කළ අගය මත බදු පනතේ සංශෝධනවලට රජයේ මුදල් පිළිබඳ කාරක සභාවේ අනුමැතිය හිමි වී ඇත.

රජයේ මුදල් පිළිබඳ කාරක සභාවේ සභාපති පාර්ලිමේන්තු මන්ත්‍රී අනුර ප්‍රියදර්ශන යාපා ගේ ප්‍රධානත්වයන් රැස්වූ අවස්ථාවේදී මෙම අනුමැතියන් දී ඇත.

ඒ අනුව මූල්‍ය සේවා සැපයීම මත එකතු කළ අගය මත බද්ද 15% සිට 18% දක්වා ඉහළ දැමීමට නියමිතව ඇත.

කෙසේ වුවත් වසංගත තත්ත්ව සහ මහජන හදිසි තත්ත්ව වලදී සිදු කෙරෙන වෛද්‍ය උපකරණල යන්ත්‍ර සහ ඖෂධ පරිත්‍යාග එකතු කළ අගය මත බද්දෙන් නිදහස් කිරීමටත් මුදල් පිළිබඳ කාරක සභාවේදී අනුමත වී තිබේ.

පසුගිය වසර අවසන් වනවිට ඩොලර් කෝටි 200ක වත්කම් ඍණ ශේෂයක් තිබූ ශ්‍රී ලංකා මහ බැංකුව දිගටම ස්වැප් ණය පහසුකම් යටතේ විදේශ විනිමය ලබා ගැනීම නිසා අති අවදානමකට පත්ව ඇති බව ආර්ථික විශ්ලේෂකයන් විවිධ අවස්ථාවල පෙන්වා දී ඇත.

හිටපු මහ බැංකු නියෝජ්‍ය අධිපතිවරයෙකු වන ආචාර්ය ඩබ්ලිව්. ඒ. විජේවර්ධන මාධ්‍යයට අදහස් දක්වමින් දිගින් දිගටම පෙන්වා දෙන්නේ මෙම තත්වය ඉතාමත්ම අනතුරුදායක බවය.

මහාචාර්ය සිරිමල් අබේරත්න, ආචාර්ය අමින්ද මෙත්සිල, ආචර්ය නන්දසිරි කිහිඹියහෙට්ටි, ආචාර්ය නිශාන් ද මෙල් ඇතුළු විශ්ලේෂකයන් කිහිප දෙනෙකුම මෙම තත්වය පෙන්වාදී තිබේ. පසුගිය සතියේ ඉන්දීය සංචාරයක යෙදුණු විදේශ ඇමති ජී. එල්. පීරිස් ප්‍රකාශ කර තිබෙන්නේ ඉන්දියාවෙන් තවත් ඩොලර් කෝටි 250ක හදිසි ණය මුදලක් ලබා දෙන බවය.

මෙම වසරේ පසුගිය මාස එක හමාරක කාලය තුළ ස්වැප් ණය පහසුකම් යටතේ ඩොලර් මිලියන 5,000ක පමණ විදේශ විනිමය ලබා ගැනීමේ එකඟතා ඇතිකර ගෙන තිබිණි. මෙසේ ලබා ගන්නා ණය සඳහා අධික පොලියක් ගෙවීමට සිදුවීම සහ ඒ මගින් වත්කම් ඉපදවීමක් සිදු නොවන බැවින් විශේෂයෙන්ම ශ්‍රී ලංකා මහ බැංකුව අති අවදානමකට පත්වන බව පෙන්වාදී ඇත.

මෙම වසර අවසන්වන විට විදේශ ණය සහ පොලිය වශයෙන් ඩොලර් මිලියන 6,903.7ක් ගෙවීමට සිදුවී තිබෙන අතර කෙටි කාලීනව එදිනෙදා ගණුදෙනු සඳහා විදේශ විනිමය ලබා ගැනීමෙන් අති විශාල පොලී ප්‍රමාණයක් එකතුවේ.

රටේ මූල්‍ය පද්ධතිය හසුරවන ශ්‍රී ලංකා මහ බැංකුව හෝ ආණ්ඩුවේ වගකියයුත්තන් මේ පිළිබඳව කිසිදු අවධානයක් යොමු නොකිරීම ඉතා විනාශකාරී ප්‍රතිඵල අත්කරදීමට හේතුවන බව අවධාරණය කර තිබේ.

Lanka truth