V2025

ආර්ථික

ශ්‍රී ලංකා සුරැකුම්පත් හා විනිමය කොමිෂන් සභාවේ නිලධාරීන් පත් කෙරේ

මුදල් හා ජනමාධ්‍ය අමාත්‍ය මංගල සමරවීර මහතා විසින් ශ්‍රී ලංකා සුරැකුම්පත් හා විනිමය කොමිෂන් සභාවේ සභාපති ලෙස රනිල් තිස්ස විජේසිංහ මහතා අද (24) දින පත් කර තිබේ.
 එම කොමිෂන් සභාවේ අනෙකුත් සාමාජිකයන් ලෙස පහත නිලධාරීන් ද පත් කරනු ලැබ ඇත.

චන්ද්‍රකුමාර් රාමචන්ද්‍ර මහතා

ජයන්ත ප්‍රනාන්දු මහතා

අර්ජුන හේරත් මහතා

රජීව් අමරසූරිය මහතාසහ

මංජුල හිරන්‍ය ද සිල්වා මහතා

Comment (0) Hits: 159

නිදහස් වෙළඳ ගිවිසුමේ විවේචනවලට අමාත්‍යාංශයෙන් පිළිතුරු

ශ්‍රී ලංකා - සිංගප්පූරු නිදහස් වෙළඳ ගිවිසුම හරහා ඉන්දියානු, මැලේසියානු හෝ වෙනත් කිසිඳු රටක පුද්ගලයෙකුට මෙරට තුළ සේවය කිරීමට අවස්ථාව හිමි නොවන බව සංවර්ධන උපාය මාර්ග හා ජාත්‍යන්තර වෙළඳ අමාත්‍යංශය සඳහන් කරයි.

අද (12) නිවේදනයක් නිකුත් කරමින් සංවර්ධන උපාය මාර්ග හා ජාත්‍යන්තර වෙළඳ අමාත්‍යංශය මේ බව සඳහන් කරන අතර එහි තවදුරටත් සඳහන් වන්නේ ශ්‍රී ලංකා - සිංගප්පූරු වෙළඳ ගිවිසුම කැබිනට් මණ්ඩලයේ අනුමැතිය මත අත්සන් කර බවයි.

මෙම ගිවිසුම හරහා සිංගප්පූරු ජාතිකයෙකුට හැර වෙනත් අන්‍ය ජාතිකයෙකුට මෙරට කුමන තරාතිරමක සේවාවක් සිදු කිරීමට වුවද අවස්ථාවක් හිමි නොවන බවත් සිංගප්පූරු ජාතිකයෙකුට වුවද එම අවස්ථාව හිමිවන්නේ වසර 05ක කාලයක් සඳහා පමණක් බවද එම නිවේදනයේ සඳහන්ව ඇත.

එසේම මෙම ගිවිසුම හරහා නිදහස් වෘත්තිකයන්ට ශ්‍රී ලංකාවේ සේවය කිරීමට අවස්ථාව හිමිනොවන බව අවධාරණය කරන සංවර්ධන උපාය මාර්ග හා ජාත්‍යන්තර වෙළඳ අමාත්‍යංශය වැඩිදුරටත් සඳහන් කර ඇත්තේ සිංගප්පූරුව තුළ අවම වශයෙන් සියයට 35 ක අගය එකතු කිරීමක් හෝ සැකසීමක් සිදු නොකරන කිසිඳු භාණ්ඩයක් මෙරටට ගෙන්වීමට අවස්ථාව හිමි නොවන බවය.

 

Comment (0) Hits: 226

බස් මාෆියාවේ ඇත්ත හෙළිවේ : භූමිතෙල් පරිභෝජනය 50%කින් අඩුවෙලා !

භූමිතෙල් මිල ඉහළ දැමීම නිසා භූමිතෙල් පරිභෝජනය 50% කින් පමණ අඩුවී ඇතැයි ඛනිජ තෙල් කර්මාන්ත අමාත්‍ය  අර්ජුන රණතුංග  අද (22) පැවති කැබිනට් හමුවේදී අනාවරණය කර ඇති බව වාර්තා වෙයි.

භුමිතෙල් ඩීසල් සමඟ කලවම් කර බස් රථ ධාවනයට යොදාගෙන ඇති නමුත් භූමිතෙල් මිල රුපියල් 57කින් වැඩි කිරිමත් සමඟ බස්රථ ධාවනයට භූමිතෙල් යොදා ගැනීමට අඩුවී ඇතැයි ද අමාත්‍යවරයා එහිදී  පෙන්වා දී ඇත.

මේ තත්ත්වය නිසා භූමිතෙල් පරිභෝජනය 50% කින් පමණ අඩුවී ඇති බවත්  භූමිතෙල් සහනයෙන් වැරදි ප්‍රයෝජන ගෙන ඇති බව මින් පැහැදිලි වන බවද අමාත්‍යවරයා  සඳහන් කර ඇත.

රුපියල් 44ක් වශයෙන් පැවැති භූමිතෙල් ලීටරයක මිල මීට සති දෙකකට පමණ පෙර රුපියල් 101 දක්වා වැඩි කෙරිණි. රුපියල් 57 කින් භූමිතෙල් මිල ඉහළ දැමුනත් රජය සඳහන් කර සිටියේ සමෘද්ධි ලාභීන් ඇතුළු ධීවර ජනතාව සඳහා පමණක් පැරණි මිල යටතේ භූමිතෙල් සහනාධාරය ලබාදෙන බවය.

ජාවාරම් මඩින විට : ඒකාබද්ධ විපක්ෂයට රිදෙන හේතුවත් එළියට !

එහිදී ඒකාබද්ධ විපක්ෂය ඇතුළු ඇතැම් පාර්ශව ඊට එරෙහිව මාරාන්තික විරෝධයක් දක්වා සිටියේ ආණ්ඩුව පොඩි මිනිහාගේ කරමත බදුබර පටවන බව සඳහන් කරමින්ය. මේ ආකාරයටම ආනයනික රත්‍රන් සඳහාද තීරුබදු වැඩිකළ අවස්ථාවේ ඒකාබද්ධ විපක්ෂයේ ආර්ථික ඔස්තාර්ලා මාරාන්තික විරෝධයක් පෑවා අපට මතකය.

නමුත් පසුව අනාවරණය වුයේ මෙරට පැවති ආනයනික රත්‍රන් සඳහා වූ තීරුබදු සහනය යොදාගෙන ආනයනය කරනු ලබන රන් තොග නීති විරෝධී ආකාරයෙන් ඉන්දියාව ඇතුළු රටවලට අපනයනය කිරීමේ ජාවාරමක් ක්‍රියාත්මක බවය. දිගින් දිගටම රේගුව විසින් එවැනි අවස්ථා වැටලූ අතර තවමත් එම වැටලීම්  සිදුවෙමින් පවතී. 

මේ සම්බන්ධව newstube.lk වෙත අදහස් දැක්වූ වෙළඳපොල ආර්ථික විශ්ලේෂකයකු සඳහන් කර සිටියේ පසුගිය පාලන සාමය තුළ ජනතාවට සහනාධාර දෙන බවට මහා පරිමාණ ප්‍රචාරණ සිදුකර ලබාදුන් බොහෝ සහන පිටුපස ඇත්තටම ක්‍රියාත්මක වුයේ ජාවාරම් බවය.

එහෙයින් ආණ්ඩු වෙනසින් පසුව පවා ජාවාරම්කාරයින් වෙතින් පැවති පාලකයන් වෙත මහා ධනස්කන්ධ ගලා ආ බවත් නමුත් පසුගිය මාස කිහිපයක සිට එම ජාවාරම් එකිනෙක මර්දනය කිරීමට පියවර ගන්නා විට විශේෂයෙන් ඒකාබද්ධ විපක්ෂය මාරාන්තිකව ඒවාට විරෝධය පලකරන බවය.

එසේම රටේ ආර්ථිකයට යටින් දිවෙන කළු ආර්ථිකයන් ගැන ජනතාවට ඇති අඩු අවබෝධය හේතුවෙන් ජනතාව සිතන්නේ මේ අය තමන් වෙනුවෙන් හඬ නගනබව වුවත් මේ අය ඇත්තට පෙනී සිටින්නේ ජාවාරම්කාර මාෆියා වෙනුවෙන් බව ද ඔහු පැවසීය.

Comment (0) Hits: 296

ශ්‍රී ලංකා මහ බැංකුව රුපියල බේරාගන්නා මෙහෙයුම අරඹයි

එක්සත් ජනපද ඩොලරයට සාපේක්ෂව රුපියලේ අගය පහත වැටීම වළක්වා ගැනීම සඳහා ඩොලර් මිලියන 136.65 ක් වෙළෙඳපොළට නිකුත් කළ බව ශ්‍රී ලංකා මහ බැංකු අධිපති ආචාර්ය ඉන්ද්‍රජිත් කුමාරස්වාමි පවසයි. 

මහ බැංකු අධිපතිවරයා මේ බව සඳහන් කර සිටියේ ඊයේ  (11) මහ බැංකු පරිශ්‍රයේ පැවති මාධ්‍ය හමුවකට එක්වෙමින්ය.

මෙම කාලපරිච්ඡේදයේ දී ඩොලර් මිලියන 30 ක් වෙළෙඳපොළෙන් මහ බැංකුව මිල දී ගත් බවත් මේ අනුව රුපියල ආරක්ෂා කිරීම සඳහා ශුද්ධ වශයෙන් ඩොලර් මිලියන 100 ක් මහ බැංකුව වියදම් කර ඇති බවත් මහ බැංකු අධිපතිවරයා වැඩිදුරටත් සඳහන් කර ඇත.

Comment (0) Hits: 167

සහන සේවා සඳහා අවශ්‍ය තරම් මුදල් නිකුත් කරන්න : භාණ්ඩාගාරයට උපදෙස්

මේ දිනවල පවත්නා අධික වර්ෂාව හා ඒ හේතුවෙන් ඇතිවූ ජල ගැල්මෙන් පීඩාවට පත්ව සිටින ජනතාවට සහන සැලසීමට හැකිවන පරිදි අවශ්‍ය තරම් මුදල් වහා ලබාදෙන්නැයි මුදල් හා ජනමාධ්‍ය අමාත්‍ය මංගල සමරවීර මහතා විසින් මහා භාණ්ඩාගාරයේ නිලධාරීන් වෙත අද (22) උපදෙස් නිකුත් කර ඇත.

අයහපත් කාලගුණය හේතුවෙන්  දිස්ත්‍රික්ක 11 ක පවුල් 3,438 කට අයත් 13,314 දෙනෙකුට අධික පිරිසක් ආපදාවට ලක්ව ඇතැයි ආපදා කළමනාකරණ මධ්‍යස්ථානය විසින් නිවේදනය කර ඇත.

මේ අනුව මෙම ස්වභාවික ආපදාවෙන් විපතට පත්වූ ජනතාවට දිස්ත්‍රික් මට්ටමින් සහන ලබාදීම සඳහා ආපදා කළමනාකරණ මධ්‍යස්ථානය හා දිසාපතිවරුන්ගෙන් ලැබෙන ඉල්ලීම් පරිදි අදාළ  අංශ වෙත වහාම මුදල් නිකුත් කිරීමට කටයුතු කර ඇතැයි මුදල් හා ජනමාධ්‍ය අමාත්‍යාංශයේ ලේකම් ආචාර්ය ආර්.එච්.එස්. සමරතුංග මහතා පවසයි.

Comment (0) Hits: 187

ළමා ගිණුම් බද්දෙන් නිදහස් : කතුවරුන්ටත් ඉල්ලූ සහනය ලැබෙයි

ළමා ගිණුම්වල පොළිය මත  පනවා තිබූ බදු මුදල මුළුමනින්ම අහෝසි කිරීමට මුදල් හා ජනමාධ්‍ය අමාත්‍ය මංගල සමරවීර නිලධාරීන් වෙත උපදෙස් නිකුත් කළ බව වාර්තා වෙයි.

ඒ අනුව වයස අවුරුදු 18 ට අඩු බැංකු ගිණුම් හිමි දරුවන්ගේ තැම්පත් මුදලෙහි පොලිය රුපියල් 5000 ට වැඩි නම් එම පොළිය මත පනවා තිබූ 2.5%ක බදු අයකිරීම මින් ඉදිරියට සිදුනොවන අතර එය බදු රහිත තත්ත්වයට පත්වේ.

එසේම ග්‍රන්ථ කතුවරයන්ගේ කර්තෘ භාගය සඳහා පනවා තිබූ බදු මුදල් සංශෝධනය කර එය මසකට රුපියල් 50000ක් දක්වා සහ වසරකට රුපියල් ලක්ෂ 5ක් දක්වා බද්දෙන් නිදහස් කිරීමටද අමාත්‍යවරයා කටයුතු කර ඇත.

මේ බව අනාවරණය වුයේ ඊයේ (10) මුදල් අමාත්‍යංශයේ පැවති මාධ්‍ය හමුවේදීය.

ළමා ඉතුරුම් සහ ගත්කතුවරයින් සම්බන්ධව ලැබුණු ජනතා පැමිණිලි සැලකිල්ලට ගෙන මෙම තීරණ ගැනීමට කටයුතු කළ බව එහිදී අමාත්‍ය මංගල සමරවීර සඳහන් කර සිටියේය.

එසේම ගත්කතුවරුන් සම්බන්ධව සිදුකළ බදු සංශෝධනයේ ප්‍රතිලාභය මෙරට පොත් ලියන අති බහුතරයකට හිමිවන බවත් අදාළ ප්‍රශ්න සම්බන්ධව තමන් දැනුවත් කළ සැමට ස්තුති කිරීමටද මෙය අවස්ථාව කරගන්නා බවද අමාත්‍යවරයා පවසා සිටියේය.

මේ අතර  නව බදු ක්‍රමය යටතේ වැට් බද්ද ක්‍රමයෙන් පහත හෙලීමට අවස්ථාව ලැබෙනු ඇති බව මුදල් හා ජනමාධ්‍ය අමාත්‍ය මංගල සමරවීර සඳහන් කර තිබෙන අතර ඒ දේශිය ආදායම් කොමසාරිස් සංගමයේ වාර්ෂික සමුළුවට එක්වෙමින්ය.

එහිදී  අමාත්‍යවරයා වැඩිදුරටත් සඳහන් කර ඇත්තේ  2020 වසර වන විට වක්‍ර බදු අඩු කිරිම රජයේ සැලසුම වී ඇති බවත් ඒ තුළ අති බහුතරයක් ජනතාවට බදු මත ඇතිවන පීඩනයෙන් සහනයක් ලැබීමට අවස්ථාව උදාවන බවත්ය.

Comment (0) Hits: 191

ග්‍රාම ශක්ති මල් සංගමය සහ හේලීස් සමාගම අතර ගිවිසුමක්

ඌව පළාත් ග්‍රාමශක්ති මල් සංගමය සහ හේලීස් පෞද්ගලික සමාගම අතර අවබෝධතා ගිවිසුමකට අත්සන් තැබීම අද (21) සිදුවිය. 

මල් වගාකරුවන්ට ගැටලූවක්ව පැවති ස්ථාවර මිලක් සහ නව වෙළෙදපොළක් සොයා ගැනීමට මෙම ගිවිසුම මගින් හේලීස් සමාගම ඉදිරිපත්ව ඇත.

ග්‍රාමශක්ති ජනතා ව්‍යාපාරයේ ඌව පළාත් ප්‍රගති සමාලෝචන රැස්වීම අද (21) ජනාධිපති මෛත්‍රීපාල සිරිසේනගේ ප්‍රධානත්වයෙන් බදුල්ල පුස්තකාල ශ්‍රවණාගාරයේ දී පැවැත්වුණු අතර එහිදි ජනාධිපතිතුමා ඉදිරියේ මෙම ගිවිසුමට අත්සන් තැබිණි.

දේශීය හා විදේශීය වෙළෙඳපොල අරමුණු කරගෙන සීමා සහිත හේලීස් ආයතයේ  දායත්වයෙන් බදුල්ල දිස්ති‍්‍රක්කයේ වැලිමඩ, ඌව පරණගම හා හපුතලේ ප‍්‍රාදේශීය ලේකම් කොට්ඨාස වල මෙම විසිතුරු මල්  වගා කිරීමේ ව්‍යාපෘතිය කි‍්‍රයාත්මක වන අතර බදුල්ල සහ මොණරාගල දිස්ති‍්‍රක්ක සඳහා  ග‍්‍රාමශක්තී ව්‍යාපාරය වෙනුවෙන් රජය ලබාදෙන මුදල්වල පළමු වාරිකය ප‍්‍රදානය කිරීම ද මෙහිදී ජනාධිපතිතුමා අතින් සිදු වූ බවත් ඒ  අනුව බදුල්ල දිස්ති‍්‍රක්කය සඳහා  රුපියල් මිලියන 22.5 ක් ද මොණාරගල දිස්ති‍්‍රක්ක සඳහා රුපියල් මිලියන 16.5 ක් ලබාදීම සිදු කෙරුණු බවද එම නිවේදනයේ සඳහන්ව ඇත.

2020 දී ගම් 5000ක් සංවර්ධනය කරන වැඩක් ! qqqq2

එසේම 2020 වන විට ගම් 5,000 ක් සංවර්ධනය කෙරෙන සහ දිළිඳුකම  පිටුදැකීමේ ග‍්‍රාමශක්ති ජනතා ව්‍යාපාරය යථාර්තයක් කරගැනීමසඳහා  දේශපාලන බේදයෙන් තොරව එක්වන්නැයි ජනාධිපතිවරයා සියළු පාර්ශවයන්  වෙත විවෘත ආරාධනයක් කර ඇති අතර ඒ අද පෙරවරුවේ  බදුල්ල පුස්තකාල ශ‍්‍රවණාගාරයේ පැවති  ග‍්‍රාමශක්ති ජනතා ව්‍යාපාරයේ ඌව පළාත් ප‍්‍රගති සමාලෝචන රැස්වීමට එක්වෙමින්ය.

අමාත්‍යවරුන් වන නිමල් සිරිපාල ද සිල්වා, හරින් ප‍්‍රනාන්දු, ඇතුළු පක්ෂ විපක්ෂ පළාත් සහ ප‍්‍රාදේශීය සභා මහජන නියෝජිතයින් ද, පළාතේ රාජ්‍ය නිලධාරින් ද මෙම අවස්ථාවට එක්ව සිටියහ.

ඌව පළාත තුළ ග‍්‍රාමශක්ති ව්‍යාපාරය කි‍්‍රයාත්මක වන අන්දම සහ  එහි ප‍්‍රගතිය ද  මෙහිදී සමාලෝචනයක්ද සිදුව ඇති අතර දේශපාලන නියෝජිතයින් සහ රාජ්‍ය නිලධාරින් යන දෙපාර්ශවයම මෙම අවස්ථාවට එක්ව ඇත.

ඌව පළාතේ ජනතාව මුහුණදී සිටින ගැටලූ පිළිබඳවද  මෙහිදී  අවධානය යොමුකර ඇති අතර ඇතැම් ගැටලූවලට ලබාදිය හැකි කඩිනම් විසඳුම් සම්බන්ධවද ජනාධිපතිවරයා නිලධාරින්ට උපදෙස් දුන් බව එම නිවේදනයේ සඳහන්ව ඇත.

බදුල්ල දිස්ති‍්‍රක්කයේ වැලිමඩ ප‍්‍රාදේශීය ලේකම් කොට්ඨාසයේ කොස්කණුවෙල ග‍්‍රාමනිලධාරි වසම තුළ වසා දමා ඇති බෑග් කර්මාන්ත ශාලාව ග‍්‍රාමශක්ති ජනතා ව්‍යපාරය යටතේ කඩිනමින් ආරම්භ කර කි‍්‍රයාත්මක කිරීමට,  මොණරාගල දිස්ති‍්‍රක්කයේ කෘෂිකර්මාන්තය දියුණු කිරීම සඳහා  අවශ්‍ය වැඩපිළිවෙළ පිළිබඳව ද ජනාධිපතිතුමා රාජ්‍ය නිලධාරින්ගේ විශේෂ අවධානය යොමු කරවන්නටද කටයුතු කර ඇත.

වැස්සෙන් වැඩ ගන්න සූදානම් වෙන්න 

එසේම මේ දිනවල පවතින අධික වර්ෂාව හේතුවෙන් පීඩාවට පත් ජනතාවට කඩිනම් සහන සැලසීම සඳහා  අවශ්‍ය සියලූ පියවර ගැනීමට ද ජනාධිපතිතුමා නිලධාරින්ට උපදෙස් දී ඇති අතර පැවති නියං තත්වය පහව ගොස් වසර 05 කට පසුව ප‍්‍රමාණවත් වැසි තත්ත්වයක් රටට  ලැබී තිබෙන අතර එම ජලය කළමනාකරණය කර ගනිමින් ඉදිරි කෘෂිකර්ම කටයුතු සාර්ථක කර ගැනීමේ වදැගත්කම ද ජනාධිපතිතුමා පෙන්වා දී ඇත.

අප රටට ඉහළ ආර්ථික සංවර්ධනයක් කරා ගමන් කළ හැක්කේ කෘෂි ආර්ථිකය පදනම් කරගත් ආර්ථික රටාවක් තුළින් වන අතර, එහි ප‍්‍රමුඛ වැඩකොටසක් ඉටුකිරීම වෙනුවෙන් ආරම්භ කළ ග‍්‍රාමශක්ති ජනතා ව්‍යාපාරය සාර්ථක කර ගනිමින් සශ‍්‍රීක රටක් ගොඩනැගීම සඳහා  දේශපාලන පක්ෂ බේදයකින් තොරව වගකීම් ඉටුකිරීමට කැපවන්නැයි ද මෙහිදී ජනාධිපතිතුමා සියලූ ප‍්‍රාදේශීය දේශපාලනඥයින්ගෙන් වැඩිදුරටත් ඉල්ලා ඇත.

Comment (0) Hits: 256

අමරවීර වට්ටක්කා ප්‍රශ්නය විසඳයි !

වෙළඳපොළ මිල පහළ වැටී විකුණාගත නොහැකිව ගොවීන් වෙත මහත් පීඩාවක්ව තිබෙන වට්ටක්කා අස්වැන්න මිලදී ගැනීම සඳහා මහා භාණ්ඩාගාරය විසින් රුපියල් ලක්ෂ 50ක මුදලක් කෘෂිකර්ම අමාත්‍යංශය වෙත  ලබා දී ඇති බව වාර්තා වෙයි.
 
ඒ අනුව අදාළ  මුදල් මේ වන විටත් දිස්ත්‍රික් කෘෂිකර්ම නිලධාරීන් වෙත මුදා හැර ඇති බවත්  වට්ටක්කා අස්වනු මිලදී ගෙන සුදුසු පරිදි වෙළඳපළට නිකුත් කිරීමේ වැඩපිළිවෙළක් අරඹන ලෙස අමාත්‍යංශය එම නිලධාරීන්ට උපදෙස් දී ඇති බවද කෘෂිකර්ම අමාත්‍යංශ ආරංචිමාර්ග සඳහන් කර සිටියි.
 
එසේම කෘෂිකර්ම අමාත්‍ය මහින්ද අමරවීර සඳහන් කර සිටින්නේ  අස්වනු අළෙවි කර ගැනීමට නොහැකිව  වට්ටක්කා ගොවීන් මුහුණදී ඇති දුෂ්කරතාව සලකා බලා ඔවුන් ආරක්ෂා කිරීම වෙනුවෙන්  තමා භාණ්ඩාගාරයෙන් මෙම මුදල ඉල්ලා සිටි බවය.
 
අමාත්‍යවරයා මේ බව සඳහන් කර ඇත්තේ නව ඇමති ධූරයේ වැඩ භාර ගැනීමෙන් පසු ප්‍රථම වරට ගොවිජන සේවා දෙපාර්තමේන්තුවේ කටයුතු නිරීක්ෂණය කිරීම සඳහා ඊයේ(08) එහි ගිය අවස්ථාවේය. 
 
එසේම වගා කටයුතු වලදී වෙළඳපොළ සහ කාළගුණික තත්වයන් සැලකිල්ලට ගනිමින් විද්‍යාත්මක ප්‍රවේශයක් තුළ ගොවීන්ව  වගාකටයුතු සඳහා යොමු කරවීමට  ගොවිජන සේවා දෙපාර්තමේන්තුව පියවර ගතයුතු බවත්  අමාත්‍යවරයා එහිදී සඳහන් කර ඇත. 
Comment (0) Hits: 252

ලංකා - සිංගප්පූරු නිදහස් වෙළඳ ගිවිසුමෙන් වෘත්තිකයන්ට අසාධාරණයක් නෑ - අගමැති

 ලංකා - සිංගප්පූරු නිදහස් වෙළඳ ගිවිසුම යටතේ මෙරට කිසිදු වෘත්තිකයෙකුට අවස්ථා අහිමි වීමක් හෝ අසාධාරණයක් හෝ සිදු නොවන බව අග්‍රාමාත්‍ය රනිල් වික්‍රමසිංහ සඳහන් කර ඇත.

එසේම අදාළ ගිවිසුම හරහා මෙරට රැකියා වෙළඳපොළ විදේශිකයන්ට විවෘත කිරීමක් සිදු නොවන බවත් අග්‍රාමාත්‍ය රනිල් වික්‍රමසිංහ සඳහන් කර ඇති අතර ඒ  ශ්‍රී ලංකා ඉංජිනේරු ආයතනයේ සහ ශ්‍රී ලංකා ගෘහ නිර්මාණ ශිල්පී ආයතනයේ නියෝජිත පිරිසක් අරලියගහ මන්දිරයේ දී හමුවූ අවස්ථාව්දීය. 

ශ්‍රී ලංකා - සිංගප්පූරු නිදහස් වෙළඳ ගිවිසුම සම්බන්ධව විවිධ වෘත්තිකයන්ට තිබෙන ගැටළු සහ දුරාවබෝධයන් විසදා ගැනීම සඳහා නිරන්තරයෙන් සාකච්ඡා වාරයන් පැවැත්වීමට ද මෙහිදී තීරණයවූ බවද වාර්තා වෙයි.

ගිවිසුම හා එහි උපලේඛණ සම්බන්ධයෙන් ගැටළු මතුවී ඇති තැන් පිළිබඳව, දැනුම් දෙන ලෙස ද, එවිට සත්‍ය තත්වය පැහැදිලි කර ගත හැකි බව ද එහිදී අග්‍රාමාත්‍යවරයා සඳහන් කර ඇති අතර ඒ අනුව  ගිවිසුම ක්‍රියාත්මක වීම නිරීක්‍ෂණය කිරීමේ කටයුතුවලට ක්‍රියාශීලීව සම්බන්ධ වීමට ශ්‍රී ලංකා ඉංජිනේරු ආයතනයේ සහ ශ්‍රී ලංකා ගෘහ නිර්මාණ ශිල්පී ආයතනයේ   නියෝජිතයන්ද එකඟත්වය පළ කර ඇත. ඒ නිරීක්‍ෂණ අනුව ගිවිසුම වාරානුකූලව සංශෝධනය කරලීමේ අවකාශ ඇති බව ද එහිදී  අවධාරණය වී තිබේ.

මෙහිදී අදහස් දක්වා ඇති  සංවර්ධන උපාය මාර්ග සහ ජාත්‍යන්තර වෙළඳ කටයුතු අමාත්‍ය මලික් සමරවික්‍රම සඳහන් කර ඇත්තේ  වෙළඳ ගිවිසුම්වලට එළැඹිමේ පරමාර්ථය විදේශ ආයෝජන මෙරටට ඇද ගැනීමත්, ශ්‍රී ලාංකේය වෘත්තිකයන්ට විදේශ රැකියා අවස්ථා ඇති කිරීමත්, ලෝකයේ අනෙකුත් රටවල සමාගම් සමග මෙරට සමාගම්වලට ඒකාබද්ධව ව්‍යාපාර කිරීමට අවස්ථාව සැලසීමත් බව ය. 

අග්‍රාමාත්‍ය ලේකම් සමන් ඒකනායක, සංවර්ධන උපාය මාර්ග සහ ජාත්‍යන්තර වෙළඳ කටයුතු අමාත්‍යංශයේ ලේකම් චාන්දනී විජේවර්ධන, ආගමන විගමන පාලක ජනරාල් එම්. එන්. රණසිංහ යන මහත්ම මහත්මීන් ද, මුදල් හා ජනමාධ්‍ය අමාත්‍යංශයේ සහ නීතිපති දෙපාර්තමේන්තුවේ නිලධාරීන්ද  මේ අවස්ථාවට සහභාගීව ඇති බවද වාර්තා වෙයි.

Comment (0) Hits: 215

එන්ටර්ප්‍රයිස් ශ්‍රී ලංකා හී අරමුණ මංගල මැනිලා නුවරදී හෙළිකරයි

ශ්‍රී ලාංකිකයන් සතුව පවතින සහජ ව්‍යවසායකත්ව හැකියා දියුණු කොට ව්‍යවසායකත්ව පාරාදීසයක් ගොඩනැගීමේ අරමුණින් එන්ටර්ප්‍රයිස් ශ්‍රී ලංකා’ ජාතික වැඩපිළිවෙළ හඳුන්වා දුන් බව මුදල් හා ජනමාධ්‍ය ඇමැති මංගල සමරවීර අන්දහන් කරයි.

අමාත්‍යවරයා මේ බව සඳහන් කර ඇත්තේ පිලිපීනයේ මැනිලා නුවර පැවැත්වුණු ආසියානු සංවර්ධණ බැංකුවේ 51 වැනි වාර්ෂික සමුළුව අමතමින්ය.

රජය 2018 අයවැයෙන් එන්ටර්ප්‍රයිස් ශ්‍රී ලංකා ජාතික වැඩපිළිවෙල හඳුන්වාදීමට සමගාමීව අලුත් ව්‍යවසායක පරපුරක් බිහි කිරීමට මුල්‍ය යෝජනා ක්‍රම ගණනාවක් හඳුන්වාදුන් බවත්  ඒ යටතේ රටපුරා විසිරුණු සුළු හා මධ්‍ය පරිමාණ ව්‍යවසායක පරපුරක් බිහි කිරීමට මෙන්ම කාන්තාවන්ට, සුවිශේෂී බලගැන්වීම් ලබාදීමට යෝජනා කර ඇති බවද අමාත්‍යවරයා එහිදී පෙන්වාදී ඇත.

එසේම ලංකාව වඩා වේගවත් ආර්ථික හා සාමාජයික වර්ධනයක් අපේක්ෂා කරන රටක් ලෙස රටේ ජනතාවට නව රැකියා, නව ආදායම් උත්පාදන මාර්ග සලසාදීමට කටයුතු කරන බවත්  එන්ටර්ප්‍රයිස් ශ්‍රී ලංකා වැඩපිළිවෙළ හරහා ඒ වෙනුවෙන් විශාල දායකත්වයක් සැපයෙන බවද සඳහන් කර ඇත.

තවද  2017 වසරේ   ඩොලර් බිලියන 1.9ක්  ලෙස ලංකා ඉතිහාසයේ වැඩිම සෘජු විදේශ ආයෝජන ලබාගන්නට හැකිවීම විශාල ජයග්‍රහණයක් බව සඳහන් කර ඇති අමාත්‍යවරයා තවදුරටත් එම තත්ත්වය වර්ධනය කරමින් ආර්ථිකය ශක්තිමත් කිරීමට ඇතැම් ආර්ථික ක්ෂේත්‍ර සහ නීති රීති ප්‍රතිසංස්කරණය කරන්නට කටයුතු කළ බවත් එම කටයුතුද මේ වන විට සාර්ථකවී ඇති බවද පෙන්වාදී ඇත.

එමෙන්ම  රාජ්‍ය ණය කළමනාකරණය ඉතාම වැදගත් කටයුත්තක් ලෙස සලකා තම රජය ක්‍රියා කරන බවත් ඒ වෙනුවෙන් සාර්ථක පියවර ගනිමින් සිටින මේ පසුබිමේ ආසියානු සංවර්ධන බැංකුවේ වැඩිදුර  දිරිගැන්වීම්  අපේක්ෂා කරන බවද අමාත්‍යවරයා සඳහන් කර ඇත.

ආසියානු සංවර්ධන බැංකුව ලංකාවේ  දිගුකාලීන මිත්‍රශීලී සංවර්ධන පාර්ශ්වකරුවෙක් වන බවත්  එමඟින් අපේ රටේ සමාජ, ආර්ථික, යටිතල පහසුකම් සංවර්ධනයට, මානව සම්පත් සංවර්ධනයට ලබාදී ඇති අති මහත්වූ  දායකත්වයට ස්තුති කරන අතර එම  මිත්‍රශීලීභාවය අඛණ්ඩව පවත්වා ගන්නා බවද අමාත්‍යවරයා එහිදී සඳහන් කර ඇත.

PIC 02

Comment (0) Hits: 198

ලංකා - සිංගප්පූරු ගිවිසුම ගැන : ආර්ථික විද්‍යාඥ රිකාර්ඩෝ හවුස්මන් කතා කරයි!

ශ්‍රී ලංකා සිංගප්පූරු නිදහස් වෙළෙඳ ගිවිසුම නිසා සිංගප්පූරුවේ වෘත්තිකයන් මෙරටට පැමිණ මෙරට වෘත්තීයවේදීන්ගේ රැකියා අහිමිවනු ඇතැයි ඇති කරගෙන තිබෙන බිය පදනම් විරහිත එකක් බව ලොව ප්‍රකට ආර්ථික විද්‍යාඥයකු වන රිකාර්ඩෝ හවුස්මන් මහතා පසුගිය දා කොළඹ දී ප්‍රකාශ කළේය.

මේ ගිවිසුමෙන් වෘත්තිකයන්ට නිදහසේ මෙරටට පැමිණීමට අවස්ථා සලසා නැති බවත් එසේ සැලසුවද සිදුවිය හැක්කේ සිංගප්පූරුවෙන් මෙරටට පැමිණීම නොව මෙරටින් එරටට යාම බව ද හවුස්මන් මහතා පැවැසීය. සිංගප්පූරුවේ වෘත්තිකයන්ගේ වැටුප් මට්ටම් ශ්‍රී ලංකාවට වඩා ඉහළ බව පෙන්වා දුන් ඒ මහතා, ඔවුන්ට මෙරටට පැමිණීමට දිරිගැන්වීමක් නැති බව ද කීවේය.

ඉන්දියාවේ තොරතුරු තාක්ෂණ වෘත්තිකයන් අඩු වැටුපට මෙරටට පැමිණීමේ අදහස් ගැන සඳහන් කළ මහාචාර්යවරයා කීවේ ඉන්දියාවේ වෙනත් වෘත්තීන්හි වැටුප් අඩු වුවද තොරතුරු තාක්ෂණ ක්ෂේත්‍රයේ වෘත්තිකයන්ගේ වැටුප් ශ්‍රී ලංකාවට සාපේක්ෂව ඉහළ මට්ටමක පවතින බවයි. එම නිසා ඔවුන්ගේ පැමිණීම ගැන ඇත්තේ ද අස්ථාන බියක් බව ඒ මහතා පෙන්වා දුන්නේය.

ජාත්‍යන්තර සංවර්ධනය පිළිබඳ හාවර්ඩ් මධ්‍යස්ථානයේ අධ්‍යක්ෂවරයකු වන මහාචාර්ය රිකාර්ඩේ හවුස්මන් මහතා කෙනඩි රාජ්‍ය පාසලේ ආර්ථික සංවර්ධන ක්‍රියාමාර්ග අංශයේ මහාචාර්යවරයා ලෙස ද කටයුතු කරයි. ඇඩ්වකාචාන් මත සම්පාදන ආයතනය විසින් පසුගිය බදාදා කොළඹ දී සංවිධානය කර තිබූ දේශනයක් අවසානයේ සභාවෙන් නැඟුණු ප්‍රශ්නවලට පිළිතුරු දෙමින් හවුස්මන් මහතා ඉහත අදහස් ප්‍රකාශ කළේය.

සිය දේශනයේ දී ඒ මහතා ප්‍රකාශ කළේ ශ්‍රී ලංකාවේ සංවර්ධනයට ඇති ප්‍රධාන ප්‍රශ්නයක් වන්නේ විදේශීය වෘත්තිකයන්ට මෙරටට සංක්‍රමණයවීමට අවස්ථාව දීම නොව එම අවස්ථා සීමාකර තිබීම බවයි. විදේශික සංක්‍රමණික වෘත්තිකයන් දේශීය වෙළෙඳ පොළට ඇතුළුවීම නිසා දේශීය වශයෙන් රැකියා වියුක්තිය ඇති වනු ඇතැයි හා වැටුප් පහත වැටෙනු ඇතැයි බොහෝ දෙනා කල්පනා කළ ද සැබැවින්ම සිදුවන්නේ රැකියා සුලභවීම හා වැටුප් ඉහළ යාම බව ජාත්‍යන්තර අත්දැකීම් උපුටා දක්වමින් ඒ මහතා පෙන්වා දුන්නේය.

සංවර්ධනයේ ඉදිරියට යාමට නම් අපගේ අපනයන විවිධාංගීකරණය කරමින් එයට තව තවත් භාණ්ඩ එක් කළ යුතු යැයි කී මහාචාර්යවරයා එය කළ හැකි වන්නේ විවිධ වර්ගයේ කුසලතා ඇති වෘත්තිකයන් රට තුළට ගෙන්වා ගැනීමෙන් බව ද ‍පෙන්වා දුන්නේය. වෙනත් රටවල මෙන් මෙබඳු වෘත්තිකයන් ගෙන්වා ගැනීම සඳහා අප රටේ ද නිත්‍ය පදිංචිය හා පුරවැසිභාවය ලබාදීමේ ක්‍රම හා නීති රීති අලුතින් සැකසිය යුතු බව ද ඒ මහතා කීය.

ජාත්‍යන්තර අත්දැකීම් උපුටා දක්වමින් මහාචාර්යවරයා කීවේ ඇල්බේනියාවෙන් ග්‍රීසියට ගොස් රැකියා කළ ජනයා ග්‍රීසියේ ඇති වූ ප්‍රශ්න නිසා ආපසු පැමිණි විට එරටේ රැකියා විරහිතභාවය වැඩිවී වැටුප් පහළ වැටෙනු ඇතැයි බොහෝ දෙනා සිතා සිටි බවයි. එහි දී සිදු වූයේ රැකියා අවස්ථා වර්ධනය වී වැටුප් ද ඉහළ යාමය. ලොව සෑම රටකම අත්දැකීම් එසේම බව මහාචාර්ය හවුස්මාන් මහතා පෙන්වා දුන්නේය.

අප ර‍ටේ තොරතුරු තාක්ෂණ වෘත්තිකයකු ගෙන්වා ගත්විට රට තුළ තවත් රැකියා තුනක් නිර්මාණය වනු ඇති බවට ගණන් බලා තිබෙන බවත්, අමෙරිකාවේ එය 2.6ක ප්‍රමාණයක් බවත් ඒ මහතා කීවේ මෙහි දී සිදුවන්නේ තේ වැඩියෙන් ගෙන්වන විට සීනි සඳහා ඉල්ලුම ඉහළ යාම වැනි ක්‍රියාවලියක් බවයි.

අප ඉන්න රට පවත්වාගෙන යන්න අප සතු කුසලතා ප්‍රමාණවත් වුවද අපට අවශ්‍ය රට ගොඩනැඟීමට ඒවා ප්‍රමාණවත් නැති බව තේරුම් ගෙන සංක්‍රමණික වෘත්තිකයන්ට ඉඩ සැලසීමට මෙන්ම මෙරටින් පිටව ගොස් සිටින ඩයස්පෝරාවේ පිරිස් නැවත ගෙන්වා ගැනීමට ද කටයුතු කළ යුතු බව මහාචාර්ය රිකාර්ඩේ හවුස්මන් මහතා පෙන්වා දුන්නේය.
මූලෝපායික අධ්‍යයනයන් පිළිබඳ කදිර්ගාමර් මධ්‍යස්ථානයේ දී මහාචාර්ය රිකාර්ඩේ හවුස්මන් මහතා කළ සම්පූර්ණ දේශනය අන්තර්ජාලයේ යූ ටියුබ් මඟින් නැරැඹිය හැකිය.

සී. ජේ. අමරතුංග

Comment (0) Hits: 247

අඩු මිලට තෙල් දීලා : සංස්ථාවේ පාඩුව රුපියල් බිලියන 217යි

අඩු මිලට ඉන්ධන සැපයීම හේතු කොට 2017 වසරේ  ඛනිජ තෙල් නීතිගත සංස්ථාව රුපියල් බිලියන 217 ක අලාභයක් ලබා ඇති බව ශ්‍රී ලංකා මහ බැංකු ආරංචිමාර්ග සඳහන් කරයි.

එසේම මහ බැංකුව පෙන්වා දෙන්නේ මීට වසර දෙකකට පෙර ලෝක වෙළෙඳපොළේ බොර තෙල් බැරලයක මිල ඩොලර් 48ක මට්ටමේ පැවතුණ ද එය මේ වන විට ඩොලර් 80ක් දක්වා ඉහළ ගොස් තිබෙන බවත් නමුත් අඛණ්ඩව වසර දෙකක් අඩු මිලට තෙල් සැපයීම සිදුකරන්නට ඛනිජ තෙල් සංස්ථාව කටයුතු කර ඇති බවය.

එසේම මෙරට තෙල් සැපයුමෙන් 80% ක් පමණ ඛනිජ තෙල් සංස්ථාව සිදුකිරීමත් පසුගියදා IOC සමාගම සිය තෙල් මිල ඉහළ දැමීමත් හමුවේ ඛනිජ තෙල් සංස්ථාවේ ඉන්ධන සඳහා ඉල්ලුම වැඩිවී ඇති බවත් ඒ හමුවේ පවතින අලාභය තවත් වැඩිවීමේ අවධාමනක් පවතින බවත් ශ්‍රී ලංකා මහ බැංකු ආරංචිමාර්ග පෙන්වා දෙයි.

තවද ඛනිජ තෙල් නීතිගත සංස්ථාව විසින් රාජ්‍ය බැංකු වෙත රුපියල් බිලියන 300ක් පමණ ණය ගෙවීමට තිබෙන අතර රජයේ ආයතන වෙතින් තෙල් සංස්ථාව වෙත විශාල ණය මුදලක් ගෙවීමට තිබෙන බවත් මහා බැංකුව සඳහන් කරයි. 

සංස්ථාව දැවැන්ත අලාභයකට මුහුණ දෙමින් සිටින  මේ තත්ත්වය රටේ ආර්ථිකයට බලවත් තර්ජනයක් විය හැකි බැවින් ඒ සඳහා කඩිනම් විසඳුමක් ලබාදිය යුතුව ඇති බවද එම ආරංචිමාර්ග සඳහන් කර සිටියි.

කෙසේ වුවත් ලෝක වෙළඳපොළේ තෙල් මිල ඉහළ යාම කෙසේ වුවත් රටේ තෙල් මිල ඉහළ නොදැමිය යුතු බවට ඇතැමුන් ව්‍යාජ අදහස් සමාජගත කරමින් සිටින බවද එහි ඉහළ නිලධාරියෙකු පැවසීය.

එහෙත් ඇත්ත කතාව වන්නේ මිල අඩුවට සංස්ථාව තෙල් සපයන්නේ පාඩුව දරාගෙන බවත් එම දාරගත් පාඩුව නැවත ගෙවීමට සිදුවන්නේ ජනතා බදු මුදල්වලින් ඇතුළු රාජයේ මුල්‍ය මුලාශ්‍ර වලින් බවද ඔහු අන්දහන් කරයි. එසේම ලෝක වෙළඳපොළේ තෙල් මිල ඉහළයාම ලංකා රජයට පාලනය කළ හැකි තත්ත්වයක් නොවන බවත් සඳහන් කළ එම නිලධාරියා වැඩිදුරටත් සඳහන් කර සිටින්නේ දේශපාලනය කරන උදවිය බලය සඳහා කියන විවිධ කතා සමඟ තෙල් මිල ප්‍රශ්නය පටළවා නොගත යුතු බවය.

Comment (0) Hits: 189

ආසියානු සංවර්ධන බැංකුවෙන් ඇ.ඩො. මිලියන 675 ක ආයෝජනයක් !

ආසියානු සංවර්ධන බැංකුවේ ණය ආධාර යටතේ ක්‍රියාත්මක වෙන මහවැලි ජල සුරක්ෂිතතා ආයෝජන වැඩසටහන දැනට ක්‍රියාත්මක වෙමින් පවතින ප්‍රධානතම වැඩසටහන් අතුරින් එකක් වන අතර මෙහි සමස්ථ ආයෝජන පිරිවැය ඇ.ඩො. මිලියන 675 ක් වෙයි.

එයින් ඇ.ඩො. මිලියන 453 ක මුදලක් ආසියානු සංවර්ධන බැංකුව මගින් බහුඅදියර මූල්‍යයන පහසුකම යටතේ සපයනු ලබන අතර ශ්‍රී ලංකා රජය මෙහි පළමු අදියර සදහා ඇ.ඩො. මිලියන 150 ක මුදලක් ලබා ගැනීම සඳහා ආසියානු සංවර්ධන බැංකුව සමඟ දැනටමත් ණය ගිවිසුම් දෙකකට එළැඹී ඇත.
 
ඉහල ඇළහැර ව්‍යාපෘතිය, වයඹ ඇල ඉදිකිරීමේ ව්‍යාපෘතිය සහ මිණිපේ වම් ඉවුර ඇල පුනරුත්ථාපන වයාපෘතිය යන ප්‍රධාන ව්‍යාපෘති තුන මෙම වැඩසටහන යටතේ ක්‍රියාත්මක කරනු ලැබේ. මෙම වැඩසටහන යටතේ ජලය ගෙනයාමේ සහ රදවා ගැනීමේ නව සහ වැඩිදියුණු කල යටිතල පහසුකම් ඉදිකරන අතර එය වයඹ, උතුරු මැද හා මධ්‍යම පළාත් වල කෘෂිකාර්මික ඉඩම් වල ඵලදායීතාවය ඉහල නැංවීමටත් හේතු වනු ඇත. මෙම වැඩසටහන යටතේ කිලෝ මීටර් 138 ක දිගින් යුතු උමං ජල මාර්ග ඇතුළුව ඇලමාර්ග ඉදිකරනු ලැබේ. ඊට අමතරව කිලෝ මීටර් 158 ක දිගින් යුතු ඝන මීටර් මිලියන 36 ක ධාරිතාවයකින් යුතු නව ජලාශ දෙකක් ඉදිකිරීම සහ කිලෝ මීටර් 74 දිගින් යුතු මිණිපේ වම් ඉවුර ඇළ පුනරුත්ථාපනය කිරීම සිදුකරනු ඇත.
 
සම්පූර්ණ වැඩසටහන මඟින් ඉහළ ඇළහැර ව්‍යාපෘතිය යටතේ ගොවි පවුල් 25,000 කටද, වයඹ ඇළ ඉදිකිරීමේ ව්‍යාපෘතිය යටතේ ගොවිපවුල් 40,000 කටද, මිණිපේ වම් ඉවුර ඇළ පුනරුත්ථාපනය කිරීමේ ව්‍යාපෘතිය යටතේ ගොවිපවුල් 15,000 කටද සෘජුවම ප්‍රතිලාභ හිමිවනු ඇත. මීට අමතරව ආරක්ෂිත පානීය ජලය සැපයීම මඟින් එම පෙදෙස් වල වෙසෙන ජනතාව නිදන්ගත වකුගඩු රෝගයට ගොදුරුවීමේ අවධානම වැලැක්වීමට හේතුවනු ඇත.
 
යෝජිත දෙවන අදියර යටතේ, පහත සදහන් සංරචක තුන මුල්‍යයනය කරනු ලැබේ.
 
i.    මොරගහකන්ද සහ හුරුළු වැව ජලාශ සම්බන්ධ කරන කිලෝමීටර් 62 ක් දිග ඉහළ ඇළහැර මාර්ගයේ කිලෝමීටර 28 ක් දිග උමං මාර්ගයේ කොටසක් ඉදිකිරීම
ii.   කළුගග හා මොරගහකන්ද ජලාශය සම්බන්ධ කරන කිලෝමීටර් 8.8 ක් පමණ දිග ඇළ මාර්ගයේ කොටසක් ඉදිකිරීම
iii   පළමු අදියරේදී ඉදිකිරීම ආරම්භකළ මහකිතුල හා මහකිරුල ජලාශ, මහකිතුල අභ්‍යන්තර ඇලමාර්ගය ඉදිකිරීම තවදුරටත් සිදුකිරීම

Comment (0) Hits: 224

ආරක්ෂක අංශවල මහාපරිමාණ ව්‍යාපාර නිසා වෙළඳපොල විකෘති වෙලා !

රාජ්‍ය ආරක්ෂක අංශ විසින් පවත්වාගෙන යනු ලබන  වෙළෙඳාම් හා කෘෂිකර්මාන්ත ව්‍යාපාර  ඒකාධිකාර බවට පත්වීමේ අවදානම හමුවේ ශ්‍රී ලංකාවේ ආර්ථිකයට මෙන්ම පොදු ජනතාවගේ ජීවිකාවටද එල්ලවී ඇති හානිදායක බලපෑම ගැන ශ්‍රී ලංකාවේ සංක්‍රාන්ති යුක්තිය නගා සිටුවීම අරමුණු කොටගත්, නීති අධ්‍යයනය සඳහා වන දකුණු ආසියා මධ්‍යස්ථානය (SACLS) සමීක්ෂණ වාර්තාවක් එළිදක්වා ඇත.

වැඩිම අවධානම උතුරු නැගෙනහිර ජනතාවට 

පශ්චාත් යුද සමයේ ආර්ථික ක්‍රියාකාරිත්වයක් නැති තැනක ක්ෂේත්‍ර ගණනාවක ව්‍යාපාරවලට හමුදා ආයතන ඇතුල්වීම නිසා ඇතිවී තිබෙන අයහපත් බලපෑම “බලය සහ ලාබය: ශ්‍රී ලංකාවේ හමුදා ව්‍යාපාර පිළිබඳ ගවේෂණය” නම් පිටු 46 කින් අදාළ වාර්තාව සමන්විත අතර ඊට අනුව මෙහි වැඩිම අවධානමක් මතුව තිබෙන්නේ හමුදාකරණයට යටත්වී සිටින උතුරු නැගෙනහිර ජනතාව වෙතය. 

රාජයේ ආරක්ෂක අංශ තරු පංතියේ සංචාරක හෝටල්, කෘෂිකාර්මික ව්‍යාපාර,  විනෝදාස්වාද කර්මාන්තය ඇතුළු විවිධාකාර  ව්‍යාපාර වල යෙදෙමින් කෝටි ගණනින් ලාබ උපයන බවත් පශ්චාත් යුද පසුබිමේ ශ්‍රී ලංකා රජය විශාල හමුදාවක්  වෙනත් කර්මාන්ත වෙත යොමුකර වැටුප් ගෙවමින් නඩත්තු කරන ආකාරයද  එහි දක්වා ඇත.

figure11

 එසේම රාජ්‍ය අනුග්‍රහයෙන් ආරක්ෂක අංශ විසින් පවත්වාගෙන යන ව්‍යාපාර පරිපාලනය හෝ නෛතික අධීක්ෂණය හෝ කෙරෙන ආකාරයක් දැනගන්නට නැති බව පෙන්වා දෙන එම වාර්තාව වැඩිදුරටත් සඳහන් කර ඇත්තේ  මෙම ව්‍යාපාර තුළ සැලකිය යුතු මුල්‍ය ගනුදෙනු සිදුකරන නමුත් ඒවා සිදුවන්නේ  විගණකාධිපතිට හෝ පොදු මහජනතාවට හෝ වගකීමෙන් තොරව බවය. රාජ්‍ය සම්පත් යොදා ගනිමින් ආරක්ෂක අංශ මහත් ලාබ උපයන නිවාඩු නිකේතන, සංචාරක හා හෝටල් කර්මාන්තයට මහා පරිමාණයෙන් ඇතුල් වීම ඔවුන්ගේ නිල රාජකාරිය වන “ආරක්ෂාව සහ ජාතිය  ගොඩනැගීමට” කිසිදු සම්බන්ධයක් නැති බව පෙන්වා දෙන එම වාර්තාව ඒ තුළ වෙළෙඳපොල විකෘති කිරීමක්, සාමාන්‍ය වැසියන්ගේ ආර්ථික ඉඩප්‍රස්තා අහිමි කරලීමක් සිදුව ඇති බවද දක්වා ඇත.

 ඒ අනුව අදාළ වාර්තාව වැඩිදුරටත් අවධාරණය කර සිටින්නේ මෙම වෙළඳපොළ විකෘතිය නැති කිරීම සඳහා අදාළ  ව්‍යාපාර රජයට හෝ පෞද්ගලික අංශයට පවරන ලෙසය.  

සිවිල් ආරක්ෂක දෙපාර්තමේන්තුවේ ප්‍රගති වාර්තා අනුව 2014 වසරේ රුපියල් මිලියන 371.5 ක මුදලක් ඉපයූ ඔවුන්ගේ ආදායම 2016 වසරේ රුපියල් මිලියන 821.8 දක්වා වේගයෙන් ඉහල ගොස් ඇති ආකාරය.
chart1

නීති අධ්‍යයනය සඳහා වන දකුණු ආසියා මධ්‍යස්ථානය (SACLS)  නිකුත් කර ඇති වාර්තාව 

Comment (0) Hits: 236

ඉන්ධන සහනාධාරයේ පළමු ගෙවීම ජුනි මාසයේ

භූමිතෙල් පරිභෝජනය කරන විදුලිය සැපයුම් නැති සමෘද්ධි ප්‍රතිලාභීන්ගේ නිවෙස් වලට හා වතුකරයේ ජනතාවට මෙන්ම විදුලිය සැපයුම් නැති පෙදෙස්වල නිවෙස්වලටද භූමිතෙල් පැරණි මිලටම තවදුරටත් ලබාදීමට රජය තීරණය කර ඇත. 

ඒ අනුව මැයි මස 10 වනදා සිට භූමිතෙල් සඳහා සහනාධාරය  ලබාදීමට නියමිත අතර, ඒ සඳහා වන ප්‍රථම ගෙවීම ජූනි මස සිදු කරන බව මුදල් හා ජනමාධ්‍ය අමාත්‍යංශය සඳහන් කරයි.

මුදල් හා ජනමාධ්‍ය අමාත්‍යංශයේ ප්‍රවෘත්ති අධ්‍යක්ෂ විසින් නිකුත් කළ නිවේදනයක මේ බව සඳහන් වන අතර 47,555 ක් පමණ වන විදුලිය නැති පවුල් ඒකක වලට, සමෘද්ධිලාභී සාමාජිකයන්ගේ පවුල් වලට, ඔවුන්ගේ සමෘද්ධි දීමනාවට අමතරව භූමිතෙල් සහනාධාර ගෙවීමට හැකිවන පරිදි මහා භාණ්ඩාගාරය විසින් සමාජ සවිබල ගැන්වීමේ අමාත්‍යාංශය වෙත ඒ සඳහා වන ප්‍රතිපාදන නිකුත් කරන බවද එම නිවේදනයේ සඳහන්ව ඇත.

එසේම බාහිර මෝටර් බෝට්ටු (Outboard Motors)භාවිත කරන ධීවරයින් 24,282 දෙනෙකු දිවයින පුරා සිටින බවට ගණන් බලා ඇති අතර එම ධීවර ප්‍රජාව සඳහාද අදාළ දීමනාව ජූනි මස සිට ගෙවන බවද එම නිවේදනයේ වැඩිදුරටත් සඳහන්ව ඇත. එමෙන්ම, කුඩා ප්‍රමාණයේ එක්දින ධීවර යාත්‍රා භාවිත කරන ධීවර ප්‍රජාවටද මෙම භූමිතෙල් සහන තවදුරටත් ලැබෙනු ඇත.

මිල සූත්‍රය නිසා ඕන කෙනෙකුට කළින්ම ඉන්ධන මිල දැනගන්න පුළුවන් 

අමාත්‍ය මණ්ඩලය විසින් අනුමත කරන ලද ඉන්ධන මිල සූත්‍රය විනිවිදභාවයකින් ක්‍රියාත්මක කිරීමට නියමිතව ඇති බවත් එසේම ඒ හරහා  ඕනෑම කෙනෙකුට ඉන්ධන මිල උච්ඡාවචනය පිළිබඳව  පූර්ව අවබෝධයක් ලබාගැනීමටද හැකිවනු ඇති බවද එම නිවේදනයේ වැඩිදුරටත් සඳහන්ව ඇත.

ඉන්ධන සඳහා මිල සූත්‍රය හඳුන්වාදීමත් සමඟ ඉදිරියට  සිංගප්පූරුවේ මිල දර්ශකය පාදක කර ගනිමින් සහ විනිමය අනුපාතයද සැලකිල්ලට ගෙන සෑම මාස දෙකකට වරක්ම ඉන්ධන මිල නිර්ණය කරනු ඇති බවත් ඒ අනුව විදේශීය වෙළෙඳපොලේ ඉන්ධන මිල උච්ඡාවචනය වීම අනුව දේශීය වෙළෙඳපලේ ඉන්ධන මිලද අඩු වැඩි වනු ඇති බවද එම නිවේදනයේ සඳහන්ව ඇත.

Comment (0) Hits: 187

කිරිපිටි මිල ඉහළයාම ගැන පාරිභෝගික අධිකාරියෙන් නිවේදනයක්

කිරිපිටි සඳහා වන නව මිල ගණන් වලංගු වන්නේ 2018-05-05 වනදා සිට නිෂ්පාදනය කරනු ලබන කිරිපිටි සඳහා බව පාරිභෝගික අධිකාරිය සඳහන් කරයි.

නිවේදනයක් නිකුත් කරමින් පාරිභෝගික අධිකාරිය මේ බව සඳහන් කරන අතර නව මිල වැඩි කිරීම දැනට වෙළඳපොළේ තිබෙන සම්පුර්ණ යොදය සහිත කිරි පිටි මිලට කිසිසේත්ම බල නොපාන බවද එහි සඳහන් කර ඇත. 

එසේම නව මිල ගණන් අනුව ආනයනික සම්පුර්ණ යොදය සහිත කිරිපිටි ග්‍රෑම් 400 පැකට්ටුවක මිල රුපියල් 20.00 සහ කිලෝ ග්‍රෑම් 1 කිරි පිටි පැකට්ටුවක මිල රුපියල් 50.00 කින්ද මිල ඉහළ යන බව එම නිවේදනයේ දැක්වේ. 

2012 වසරේ සිට කිරි පිට මිල ඉහළ ගිය ආකාරය පහත වගුවේ දැක්වේ.

කර

Comment (0) Hits: 199

ධීවරයන්ට සහ සමෘද්ධිලාභීන්ට ඉන්ධන සහනය ස්ථිරයි - අගමැති 

ඉන්ධන මිල වැඩි වුවත් එහි පීඩනය ධීවර ජනතාවට සහ සමෘද්ධිලාභීන්ට නොදැනීම සඳහා එම පාර්ශවයන් වෙත සහන මිලට ඉන්ධන නිකුත් කරන්නට රජය කටයුතු කරන බව අග්‍රාමාත්‍ය රනිල් වික්‍රමසිංහ සඳහන් කරයි.

ඊයේ (12) ගාල්ල, හික්කඩුව ප්‍රදේශයේ පැවති උත්සවයකට එක්වෙමින් අග්‍රාමාත්‍යවරයා මේ බව සඳහන් කළ අතර ලෝක වෙළඳපොළ තුළ ඉන්ධන මිල ඉහළගොස් ඇති ආකාරයට තවදුරටත් එය දරාගැනීමට රජයට දුෂ්කරව තිබෙන බවද පැවසීය.

එසේම ලෝක වෙළඳ පොලේ තෙල් මිල අඩුවූ පසු මෙරට ඉන්ධන මිලද අඩු කිරීමට අපේක්ෂා කරන බව සඳහන් කළ අග්‍රාමාත්‍යවරයා වැඩිදුරටත් පවසා සිටියේ ලෝක වෙළඳ පොලේ තෙල් මිල පාලනය කිරීමට අපට හැකියාවක් නොමැති බවත් ලෝක වෙළඳ පොලේ තෙල් මිල වැඩි වන විට මෙරට තෙල් මිල වැඩි වීමටත් ලෝක වෙළඳ පොලේ තෙල් මිල අඩු වන විට එම වාසිය ජනතාවට ලබාදිය යුතු බවය.

Comment (0) Hits: 179

කිරිපිටි මිල ඉහළ දමන්න : ජීවන වියදම් කමිටුව නිර්දේශ කරයි

ආනයනික කිරිපිටි මිල ඉහළ දැමීම සඳහා ජීවන වියදම් කමිටුව පාරිභෝගික කටයුතු පිළිබඳ අධිකාරිය වෙත නිර්දේශ ඉදිරිපත් කර ඇති බවත් ඊට අනුව ආනයනික කිරිපිටි මිල වැඩිකිරිමට අදාළ ගැසට් නිවේදනය අද (04) පස්වරුවේ නිකුත් කිරීමට කටයුතු කරන බව පාරිභෝගික කටයුතු පිළිබඳ අධිකාරිය සඳහන් කරයි.

ඒ අනුව ගෑම් 400 කිරිපිටි පැකට්ටුවක මිල රුපියල් 20 කින් සහ කිලෝග්‍රෑමයක කිරිපිටි පැකට්ටුවක මිල රුපියල් 50කින් ඉහළ දැමීමට ජීවන වියදම් කමිටුව නිර්දේශ කර ඇත.
ආනයනික කිරිපිටි මිල 2015 වසරේ සිට වැඩි කර නොමැති අතර මිල වැඩිකිරීම සම්බන්ධයෙන් කිරිපිටි සමාගම් විසින් ඉල්ලීම් ඉදිරිපත් කර තිබූ බව වාර්තා වේ.

කෙසේවෙතත් ජීවන වියදම් කමිටු ආරංචිමාර්ග සඳහන් කර සිටින්නේ ආනයනික කිරිපිටි  සමාගම් ඉල්ලා සිටි මිලට වඩා අඩුමිලකින් කිරිපිටි මිල වැඩිකිරිමට ඊයේ (03) රැස්වූ අවස්ථාවේ තීරණය කළ බවය.

Comment (0) Hits: 248

Page 5 of 10