V2025

ආර්ථික

ඇති හැකි අයට වැඩි වගකීමක් පැවරෙන නව බදු ක්‍රමය අප්‍රේල් 1 සිට ක්‍රියාත්මකයි - ඇමති මංගල

අලුත් දේශීය ආදායම් බදු පනතෙන් බලාපොරොත්තු වෙන්නේ රටේ බදු ගෙවීමේ ව්‍යුහාත්මක වෙනස්කම් ඇතිකර බදු ගෙවිය හැකි, ඇති හැකි අයට වැඩි වගකීමක් ලබා දෙමින්, නැති බැරි දුප්පත් ජනතාවට ඇතිව තිබෙන බදු පීඩනය යම් දුරකට අවම කර ගනිමින් රටේ සංවර්ධනය ඉදිරියට ගෙනයාම බව මුදල් හා ජනමාධ්‍ය අමාත්‍ය මංගල සමරවීර සඳහන් කරයි.

අමාත්‍යවරයා මෙසේ සඳහන් කර සිටියේ අප්‍රේල් 1 වනදා සිට බලාත්මක වන 2017 අංක 24 දරන නව දේශීය ආදායම් පනත සම්බන්ධව මාර්තු 19 දින පැවති මහජන සම්මන්ත්‍රණයේදීය.

මේ වන විටත් පවතින පැරණි බදු ක්‍රමය යටතේ 82%ක් තරම් විශාල බදු ප්‍රතිශතයක් එකතු කරගනු ලබන්නේ මහජනතාව එදිනෙදා පරිභෝජනයට ගන්න ආහාර පාන, බඩු භාණ්ඩ මත පටවන බදු වලින් බවත් නව බදු ක්‍රමය අනුව එම ප්‍රමාණය 60%කා ප්‍රතිශතයක් දක්වා අඩු වන බවද අමාත්‍යවරයා එහිදී පැවසීය.

එසේම පැවති බදු ක්‍රමය තුල දේශපාලන බල අධිකාරයට තමන්ගේ පුද්ගලික අභිමතයට අනුව ක්‍රියා කිරීමට විශාල ඉඩ කඩක් තිබුනු බවත් ඒ යටතේ ජනතාවට ඉමහත් අසාධාරණයක් වන ආකාරයට තෝරාගත් පාර්ශව වෙත පමණක් මහාපරිමාණයේ බදු සහන ලැබුණු බව පෙන්වා දුන් අමාත්‍යවරයා නව බදු ක්‍රමය තුළ එවැනි අයතා කටයුතු වළක්වා ඇති බවද පෙන්වා දුන්නේය.

මෙම සම්මන්ත්‍රණයේදී අමාත්‍යවරයා සිදුකළ අදහස් දැක්වීම පහත දැක්වේ.

නෝනාවරුනි, මහත්වරුනි.

⦁ 2017 අංක 24 දරන නව දේශීය ආදායම් පනත බල පැවැත්වීමට ඇත්තේ තව දින කීපයක් පමණයි. ලබන අප්‍රේල් 01 දා සිට අපි මේ අලුතින් හදුන්වා දුන් පනත ක්‍රියාත්මක වීමත් සමගම දේශීය ආදායම් දෙපාර්තමේන්තුවේ බදු එකතු කිරීමේ කටයුතු විශාල වෙනස් වීමකට ලක් වීමට නියමිතයි.

⦁ මේ නව බදු පනත ගැන රටේ ජනතාව වගේම බදු ගෙවන පුරවැසියන් දැනුවත් කිරීමේ සම්මන්ත්‍රණ මාලාවක පළමුවැන්න අද මේ ස්ථානයේදී දියත් කෙරෙනවා.

⦁ මම පලමුවෙන්ම මේ කටයුත්ත සංවිධානය කිරීම ගැන දේශීය ආදායම් දෙපාර්තමේන්තුවේ නිලධාරීන් සියලු දෙනාටමත්, මුදල් හා ජනමාධ්‍ය අමාත්‍යාංශයේ නිලධාරීන්ටත් ස්තූතිය පුද කරන්න කැමතියි.

⦁ මොකද අපි අලුතින් දෙයක් කරනකොට, නව ක්‍රමවේදයක් අදුන්නලා දෙනකොට විවිධ අදහස් මතවාද සමාජයේ මතුවෙලා එන්න පුලුවන්.

⦁ එතනදි යතාවාදී ලෙසකට සමාජය, ජනතාව දැනුවත්ව සිටීම තුල අපි බලාපොරොත්තු වෙන අලුත් වෙනස්කම් ඉතා යහපත් විදිහකට ලගාකර ගන්න පුලුවන් බව මා විශ්වාස කරනවා.

⦁ ඇත්තෙන්ම මේ පනතේ පසුබිම ගත්තොත් අපේ රජය අලුතින් පත් වෙද්දි මහජනතාවට ඉදිරිපත් කරපු අපේ ආර්ථික දැක්මේ ප්‍රමුඛතාවයක් තමයි රටේ පවතින අණ පනත් නූතන ලෝකයට ගැලපෙන විදිහකට වෙනස් කරලා රටේ ආර්ථිකය වේගයෙන් වර්ධනය වෙමින් ඉදිරියට යන්න පුලුවන් මහජනතාවට එදිනදා ජීවිතයේ කටයුතු ලේසි පාසුවෙන් කරගන්න පසුබිමක් හදනවා කියන එක.

⦁ එතනදි රටේ බදු ආදායම එකතු කිරීමේ ක්‍රියාදාමයට විශාල ප්‍රමුඛතාවයක් දෙන්න අපි කටයුතු කළා.

⦁ මොකද රජයක් විදිහට පවතින්න නම් ඕනෑම රටක බදු එකතු කිරීමත් එම මහජනයා ගෙවන බදු මනා ලෙස කලමනාකරණය කර ගැනීමත් ඉතා විශාල වැදගත්කමක් ගන්නවා.

⦁ ඒක ඒ තරම් වැදගත් වෙන්නේ රජයක් රටේ සංවර්ධනයට, මහජනතාවගේ එදිනෙදා සුභසාදන කටයුතු සදහා - ඒ කියන්නේ සෞඛ්‍ය, අධ්‍යාපනය, මං මාවත් වගේම ස්වාභාවික ආපදා කලමනාකරණය - වැනි කටයුතු සදහා විශාල මුදලක් වැය කරනවා.

⦁ එහිදී රටේ බදු ආදායම් ක්‍රමවත්ව එකතු කරලා කලමනාකරණය කරනවා නම් පොදු මහජනතාවට වැදගත් සේවයක් ලබාදෙන අතරේ රටේ සංවර්ධනය නොකඩවා ඉදිරියට ගෙනියන්න හැකියාව ලැබෙනවා.

⦁ නමුත් අවාසනාවකට වගේ අපේ රටේ බදු ආදායම් දීර්ඝ කාලයක් තිස්සේ ලොකු කඩා වැටීමකට ලක් වෙලා තිබුනා.

⦁ උදාහරණයක් විදිහට 2014 වෙනකොට රටේ ජාතික ආදායමෙන් 10% වගේ ප්‍රමාණයකට බදු ආදායම් පහල වැටිලා තිබුනා. මේ අවුරුදු 20 ක විතර කාලයක් තිස්සේ දිගටම තිබිච්ච බදු ආදායම් අඩු වීමේ ප්‍රවනතාවයේ උච්ච අවස්ථාවක්.

⦁ එතනදිත් ආදායම් බදු වලින් ලැබෙන රාජ්‍ය ආදායම 2% වගේ ඉතාම පහල මට්ටමකට වැටිලා තිබුනා. එවැනි තත්වයක රටේ බදු බර ඇත්තෙන්ම විශාල වශයෙන් දුප්පත් පොදු මහජනතාවගේ උර මතට තමයි වැටිලා තියෙන්නේ.

නෝනාවරුනි , මහත්වරුනි

⦁ අපි මේ අලුත් දේශීය ආදායම් බදු පනතෙන් බලාපොරොත්තු වෙන්නේ රටේ බදු ගෙවීමේ ව්‍යුහාත්මක වෙනස්කම් ඇතිකර ගනිමින් යම්කිසි ක්‍රමවත් ආකාරයකට - සරලව කිව්වොත් බදු ගෙවිය හැකි, ඇති හැකි අයට වැඩි වගකීමක් ලබා දෙමින්, නැති බැරි දුප්පත් ජනතාවට ඇතිවෙලා තියන බදු පීඩනය යම් දුරකට අවම කර ගනිමින් - අපි බලාපොරොත්තු වෙන රටේ සංවර්ධනය ඉදිරියට ගෙන යාමයි.

⦁ මෙතනදි මං කියන්න ඕන අපේ තිබුනු ක්‍රමයේ අඩුපාඩු මොනවගේද කියලා. එතනදි දැනටත් බදු ගෙවන තමුන්නාන්සේලා පිළිගන්නවා ඇති තිබුනු ක්‍රමය ඉතාම සංකීර්ණ, ඒ වගේම බදු ගෙවන්නා අපහසුතාවයට පත් කරන, ගෙවනවට වඩා නොගෙවා ඉන්න එක ලේසියි වගේ හැගීමක් ඇති වෙන පීඩාකාරී බදු ක්‍රමයක්.

⦁ අපි අලුතින් හදුන්වා දෙන බදු පනතින් මේ සංකීර්ණ ක්‍රමය සරලත්වයකට ගෙනල්ලා, ඒ වගේම බදු ගෙවන්නාට තමන් රට වෙනුවෙන් යුතුකමක් ඉටු කරනවාය යන්න ස්වයං අභිමානයක් ඇතිවෙන විදිහට තමයි මේ අලුත් ක්‍රමය හදලා තියෙන්නේ.

 ⦁ ඒ වගේම මේ පැවතිච්ච බදු ක්‍රමය තුල දේශපාලන බල අධිකාරයට තමන්ගේ පුද්ගලික අභිමතයට අනුව ක්‍රියා කිරීමට විශාල ඉඩ කඩක් තිබුනා.

⦁ ඒ නිදහස අවභාවිතා කරන්නත් විශාල ඉඩ කඩක් තිබුනා.අතීතයේදී ඒ නිදහස කොච්චර පාවිච්චි කරලා තිබුනද කිව්වොත් අවස්ථා 200 කට වැඩි ප්‍රමාණයකදි බදු සහන ලබා දෙන්න කලින් කලට ක්‍රියාත්මක වෙලා තිබුනා.

⦁ මේ බදු සහන ලබා දීම් පුද්ගලික අභිමතයකට සිදුකරන තත්වයකට පත් වුනාම ඒවා අවභාවිතා කරන ප්‍රමාණය වැඩි වෙනවා. ඒ වගේම සාධාරණ ලෙස බදු ගෙවන දේශපාලන බලපෑම් නොකළ හැකි ඔබ වැනි මහජනතාවට අසාධාරනයකුත් වෙනවා.

⦁ මොකද සමාන ලෙස සැලකීමක් රටේ පොදු ප්‍රතිපත්ති ක්‍රියාත්මක කිරීමේදී සිදු නොවීමෙන්. නීති රීති පද්දතියක් මත ගොඩනැගුනු, සැමට එක සේ ක්‍රියාත්මක වන බදු ප්‍රතිපත්තියක් රටකට අවශ්‍යයයි. මේ අලුත් බදු පනත මගින් ඒ අභිමතයට ක්‍රියාත්මක වීමේ හැකියාව අවම කරලා තියෙනවා.

⦁ මීලගට ගත්තොත් රටේ බදු ගෙවීමේ ව්‍යුහය දැනට තියෙන්නේ ඍජු බදු 18%ක් හා වක්‍ර බදු 82% ලෙස. මෙහෙම තියෙන කොට ඇත්තෙන්ම 82% ක වක්‍ර බදු අපි ගන්නේ මහජනතාව එදිනෙදා පරිභෝජනයට ගන්න ආහාර පාන, බඩු භාණ්ඩ මත පටවන බදු වලින්.

⦁ ඒකෙන් බඩු භාණ්ඩ මිල වැඩි වෙලා පොදු ජනතාවට විශාල බදු බරක් නොදැනිම පැටවෙනවා. ඒ වගේම ඇති හැකි බදු ගෙවිය හැකි අයත්, නැති බැරි පොදු ජනතාවත් එකම විදිහේ, සමාන බදු ගෙවන්නන් බවට පත් වෙනවා.

 

⦁ ඒ ක්‍රමය එතරම් සාධාරන නෑ. ඒක නිසා අපි අලුත් බදු පනතින් ඍජු බදු 40% දක්වා වැඩිකරලා, වක්‍ර බදු 60% දක්වා අඩුකරලා ඉතා ඉක්මනින් ව්‍යුහාත්මක වෙනස්කම් අත්කර ගන්න බලාපොරොත්තු වෙනවා.

 

නෝනාවරුනි , මහත්වරුනි

⦁ අපි මේ ව්‍යුහාත්මක වෙනස්කම් ඇති කරන්නේ මේ වෙනකොට මැදි ආදායම් ලබන රටවල් අතරට ගැනෙන ශ්‍රී ලංකාව ඉතා ඉක්මනින් ඉහල මැදි ආදායම් තත්වයට පත්කර ගන්නයි.

⦁ එතනදි අපි රටේ පවතින නීති රීති, පරිපාලන ක්‍රම වේද සරල කිරීම සහ මහජනතාවට, ඒ වගේම ආයෝජකයන්ට පහසු කිරීම තුල රටේ සංවර්ධනයත්, ආර්ථික වර්ධනයත් ඉක්මන් වන බව මම කියන්න කැමතියි.

⦁ විශේෂයෙන්ම අපි වගේ මැදි ආදායම් ලබන රටවල් වලට ජාත්‍යන්තර ආධාර, උපකාර, පරිත්‍යාග ලබා දීම ඉතාම අවමයි. එතැනදි අපිට විදේශ ආයෝජන සහ දේශීය මූලාශ්‍රයන්ගෙන් ලැබෙන බදු ආදාම් වැනි දේ ඉතාම වැදගත්.

⦁ මොකද රට ඉදිරියට ගෙන යන්න නම් ප්‍රති ආයෝජනත්, යටිතල පහසුකම් දියුණු කිරීමත් ඉතාම වැදගත් වෙනවා. එතැනදි බදු ගෙවන ඔබගේ සහයෝගය රටේ ඉදිරි ගමනේ කොදුනාරටිය ලෙස සැලකිය හැකි බවත් මම කියන්න කැමතියි.

⦁ ඒ වගේම මේ වසර වෙනුවෙන් මා ඉදිරිපත් කරපු ජාතික අය වැයේ මූලිකම පදනම තමයි ව්‍යවසායකත්වය. එතැනදි අපි අලුතින් ව්‍යාපාර කරන මේ රටේ තරුණ ගැහැණු පිරිමි හැම දෙනාටම ඉදිරියට එන්න පුලුවන් ක්‍රම වේදයන් රාශියක් ඉදිරිපත් කළා.

⦁ ඔවුනට අත හිත දීලා ඉදිරියට අරගෙන අනාගතයේ තමන්ට නැගී හිටින්න උදව් කරපු රටේ ජනතාව වෙනුවෙන් බදු ගෙවන වැදගත් පුරවැසියන් පිරිසක් බිහිකර ගැනීම තමයි අපේ යුතුකම.

⦁ ඒ සියලු කටයුතු වෙනුවෙන් ඔබලා අපි එකතු වෙලා මේ අලුත් බදු ක්‍රමය සාර්ථක කරගෙන මුලු රටම විශාල ආර්ථික පිම්මකට සූදානම් කිරීම තමයි මේ මොහොතේ අපේ බලාපොරොත්තුව.

⦁ ඒක නිසා රටේ බදු ගෙවන පුරවැසියා වැදගත් ස්වයං අභිමානයක් ඇති පුද්ගලයෙක් බවට පත් කොට දේශීය ආදායම් දෙපාර්තමේන්තුවට බදු ගෙවන්න යද්දි අර තමන්ගේ ජීවිතේ අකමැතිම දේ කරන්න යන පුද්ගලයා වෙනුවට මහන්සියෙන් ඉපයූ දේ තමන්ගේ රට වෙනුවෙන්, අනාගතය වෙනුවෙන් ආයෝජනය කරන වැදගත් පුරවැසියා මේ නව පනත තුලින් බිහි වේවා කියලා මම ප්‍රාර්ථනා කරනවා.

⦁ ඒ වගේම පෝසත් මිනිසුන් සිටින දුප්පත් ආණ්ඩුවක් වෙනුවට, පොහොසත් ජනතාවක් සිටින පොහොසත් ආණ්ඩුවක් මේ පනත තුලින් බිහි වේවා කියලා මම ප්‍රාර්ථනා කරනවා.

Comment (0) Hits: 331

නොසන්සුන් දේශපාලනය නිසා රුපියල සුනේසුන්?

රටේ පවතින දේශපාලන අර්බුදය නිසා නැවත වරක් ඩොලරයට සාපේක්ෂව රුපියලේ අගය අවප්‍රමාණය වෙමින් ඇති බව මුල්‍ය වෙළඳපොළ විශ්ලේෂකයින් සඳහන් කරයි.

ශ්‍රී ලංකා මහා බැංකුව ඊයේ (20) නිවේදනයක් නිකුත්කරමින් පැවසුවේ විනිමය අනුපාතවලට අනුව ඩොලරයට සාපේක්ෂව විකුණුම් අගය 157.14 ක් වූ අතර ගැනුම් අගය 153.36 ක් වන බවය. නමුත් මහ බැංකුව ඊට පෙර දින (19) නිවේදනය කළ විනිමය අනුපාතවලට අනුව ඩොලරයට සාපේක්ෂව රුපියලේ විකුණුම් අගය 165.97 ක් ලෙස පැවතුණි

මේ බව දක්වමින් මුල්‍ය වෙළඳපොළ විශ්ලේෂකයින් සඳහන් කර සිටින්නේ රුපියල දිගින් දිගටම අවප්‍රමාණය වීම සහ රටේ දේශපාලන අස්ථාවරත්වය අතර පැහැදිළි සම්බන්ධයක් පවතින බවය.

මේ හේතුවෙන් කොටස් වෙළඳපොළ මිල ගණන් අවස්ථා කිහිපයදීම පහත වැටි තිබෙන බවද ඔවුන් පෙන්වා දෙන අතර රොයිටර් පුවත් සේවයද වාර්තා කර තිබුණේ දේශපාලන අවිනිශ්චිතතාවය හේතුවෙන් රුපියලේ අගය තවදුරටත් අවප්‍රමාණය වීමේ අවදානමකට පත්ව ඇති බවය.

මහ බැංකු අධිපති ඉන්ද්‍රජිත් කුමාරස්වාමි මහතාද පසුගිය සතියේ ප්‍රකාශ කර සිටියේ වර්තමානයේ ඇතිවී තිබෙන දේශපාලන අස්ථාවරකාරී තත්ත්වය කඩිනමින් අවසන් කළයුතු බවයි.

එසේම රජයේ නැවත ණය ගෙවීම් හේතුවෙන් මේ වසරේදී රුපියල ඉහළ ද්‍රවශීලතාවක් ගනු ඇතැයි ද සියයට 2ත් 3ත් අතර අගයකින් පහත වැටෙනු ඇතැයි ද අපේක්ෂා කරයි. පසුගිය වසරේදී රුපියල සියයට 2.5න් පහළ වැටුණු අතර 2016 වසරේදී එම අගයට 3.9ක් විය.

Comment (0) Hits: 310

සේවක අයිතීන්- වරප්‍රසාද නොදෙන හාම්පුතුන්ට වැඩ වරදියි

සේවකයින්ට හිමි අයිතීන් හා වරප්‍රසාද ලබා නෙදෙන ආයතන පරීක්ෂා කොට ඔවුන්ට විරුද්ධව නීතිමය පියවර ගැනීම සඳහා සිදු කරන පරීක්ෂණ මේ වසරේ සිට වේගවත් කිරීමට කම්කරු දෙපාර්තමේන්තුව තීරණය කර ඇති බව වාර්තා වෙයි.

එහිදී තීරණය වී ඇත්තේ සේවක අයිතීන් සහ වරප්‍රසාද නොදෙමින් සේවකයින් සේවයේ යොදවන අයතන කම්කරු නිලධාරින් විසින් සිදුකරන විමර්ශන වැඩි කිරීමය.

ඒ අනුව සාමාන්‍යයෙන් කම්කරු දෙපාර්තමේන්තුව වසරකට ආයතන 75,000ක් පමණ පරික්ෂාවට ලක්කරන අතර මේ වසරේ සිට එම සංඛ්‍යාව 90,000 දක්වා වැඩි කිරීමය පියවරගෙන ඇති අතර ඒ බව කම්කරු කොමසාරිස් ජනරාල් ඒ.විමලවීර ද තහවුරු කර ඇත.

මෙම විමර්ශන දිස්ත්‍රිකක් කම්කරු කාර්යාල මඟින් පුහුණු කම්කරු නිලධාරින් ලවා සිදු කෙරෙන අතර එම කටයුතු අධීක්ෂණය කිරීම සඳහා වෙනම නිලධාරින් කණ්ඩායමක් යොදවා ඇත. එසේම ඔවුන් මාස 3කට වරක් එම කාර්යාලවලට ගොස් පරීක්ෂණ වල ප්‍රගතිය විමසා බැලීමට නියමිතව ඇත.

තවද සේවක අර්ථසාධක අරමුදල් හා සේවා භාර අරමුදල් නොගෙවා පැහැර හරින හාම්පුතුන්ට විරුද්ධවය නඩු පැවැරීමේ කටයුතුද කඩිනම් කිරීමට කම්කරු දෙපාර්තමේන්තුව කටයුතු කරන බවද වාර්තා වෙයි.

Comment (0) Hits: 233

නව ආර්ථික වැඩපිළිවෙලක් ලබන සතියේ

රටට අවශ්‍ය කඩිනම් ආර්ථික කළමනාකරණ වෙනස්කම් සහිත නව වැඩපිළිවෙල ජාතික ආර්ථික සභාව හරහා ලබන සතියේදී රටට ඉදිරිපත් කිරීමට තීරණය කර ඇති බව වාර්තා වෙයි. 

වාර්තා වන ආකාරයට ජාතික ආර්ථික සභාව අද (20) පෙරවරුවේ ජනාධිපති කාර්යාලයේදී ජනාධිපති මෛතී‍්‍රපාල සිරිසේනගේ ප‍්‍රධානත්වයෙන් රැස්වූ අවස්ථාවේදී මෙම තීරණයට එළැඹ ඇත.

ආර්ථික කළමනාකරණයේදී රටට අවශ්‍ය කඩිනම් වෙනස්කම් සහ එහිදී ගතයුතු තීන්දු තීරණ මෙන්ම කි‍්‍රයාත්මක කළයුතු කෙටිකාලීන, මධ්‍ය කාලීන සහ දිගුකාලීන වැඩසටහන් පිළිබඳ මෙහිදී දීර්ඝ වශයෙන් සාකච්ඡාවට ලක් වී ඇති බවද වාර්තා වෙයි.

එසේම රටේ ජාතික ආර්ථිකය ශක්තිමත් කිරීම උදෙසා අවශ්‍ය තීන්දු තීරණ ගැනීම සඳහා ජනාධිපතිවරයා විසින් පසුගිය වසරේදී ජාතික ආර්ථික සභාව පත්කරන ලද අතර එය මෙවර රැස්වූයේ 08 වන වරටය.

මෙම අවස්ථාව සඳහා අග‍්‍රාමාත්‍ය රනිල් වික‍්‍රමසිංහ මහතා සහ අමාත්‍යවරුන් වන සරත් අමුණුගම, නිමල් සිරිපාල ද සිල්වා, මංගල සමරවීර, ජොන් සෙනෙවිරත්න, සජිත් පේ‍්‍රමදාස, රවුෆ් හකීම්, මලික් සමරවික‍්‍රම, ෆයිසර් මුස්තාෆා, නවීන් දිසානායක යන මැති ඇමතිවරුන් එක්ව සිටි බවද වාර්තා වෙයි.

එසේම ජනාධිපති ලේකම් ඔස්ටින් ප‍්‍රනාන්දු, ජාතික ආර්ථික සභාවේ මහලේකම් මහාචාර්ය ලලිත් පී. සමරකෝන්, අග‍්‍රාමාත්‍ය ලේකම් සමන් ඒකනායක, අමාත්‍ය මණ්ඩල ලේකම් සුමිත් අබේසිංහ, මුදල් අමාත්‍යාංශයේ ලේකම් ආචාර් ආර්.එච්.එස්. සමරතුංග, ජාතික ප‍්‍රතිපත්ති හා ආර්ථික කටයුතු අමාත්‍යාංශයේ ලේකම් කේ.ඞී.එන්. රුවන්චන්ද්‍ර, මහබැංකු අධිපති ආචාර්ය ඉන්ද්‍රජිත් කුමාරස්වාමි ඇතුළු නිලධාරින්ද ඊට සහභාගීවු බව වාර්තා වෙයි.

Comment (0) Hits: 311

විදේශිකයින්ට ඇඳිරි නීතිය සමයේ විශේෂ වරප්‍රසාදයක්

මෙරට සංචාරය කරන විදෙස් සංචාරකයින් මහනුවර සංචාරය කිරීමේදී යම්කිසි ආකාරයකට ඇඳිරි නීතිය පනවා ඇති සමයේ සිය ගමනාන්ත වෙත ළඟාවීම සඳහා අවසර පතක් ලෙස ආගමන විගමන බලපත්‍රය වලංගු බව රජය නිවේදනය කරයි.

මහනුවර කේන්ද්‍රීයව ඇතිවී තිබෙන ජාතිවාදී ප්‍රහාරයන් හමුවේ විදෙස් සංචාරකයින් දුෂ්කරතාවයට මුහුණදීම වැළක්වීමේ අරමුණින් මෙම තීන්දුව නිකුත් කර ඇති බව සංචාරක සංවර්ධන හා ක්‍රිස්තියානි ආගමික කටයුතු අමාත්‍යංශය සඳහන් කර සිටියි.

එසේම මේ තීන්දුව සම්බන්ධව ආරක්ෂක අංශ දැනුවත් කර ඇති බවත් ඒ හේතුවෙන් කිසිඳු විදෙස් සංචාරකයකු කිසිඳු අපහසුතාවකට ලක්නොවෙතැයි අපේක්ෂා කරන බවත් ඊට සියල්ලන්ගේ සහය ලැබෙනු ඇති බව විශ්වාස කරන බවත් අමාත්‍යංශය වැඩිදුරටත් සඳහන් කර සිටියි.

Comment (0) Hits: 256

2017 වසරේ මත්ස්‍ය අපනයන ආදායම ඇ.ඩොලර් බිලියන 15 ඉක්මවයි

2017 වසරේ මත්ස්‍ය අපනයනය හරහා මෙරටට ඇමරිකන් ඩොලර් බිලියන 15 කට අධික ආදායමක් ලැබී ඇති බව ධීවර හා ජලජ සම්පත් සංවර්ධන අමාත්‍ය සහ මහවැලි සංවර්ධන රාජ්‍ය අමාත්‍ය මහින්ද අමරවීර සඳහන් කරයි.

අමාත්‍යවරයා මේ බව සඳහන් කර ඇත්තේ සීනෝර් පදනමේ පැවති උත්සවකදීය.

එසේම ශ්‍රී ලංකාවේ ධීවර ක්ෂේත්‍රය මේ වන විට විශාල දියුණුවක් ලබා ඇති බවත් ඒ තුළ 2017 වසරේ මෙරට අපනයන ආදායමින් 44%ක් මුහුදු ආහාර අපනයනයෙන් ලබාදීමට හැකිවී ඇති බවද අමාත්‍යවරයා එහිදී පවසා ඇත.

එහිදී වැඩිදුරටත් අදහස් දැක්වූ අමාත්‍යවරයා මෙරට දිනපතා මත්ස්‍ය අස්වැන්නෙන් 40%ක් පමණ පසු අස්වනු හානියට ලක්වන බවත් ඉදිරියේදී එම තත්ත්වය වෙනස් කිරීම සඳහා පියවර ගැනීමට කටයුතු කරන බවත් පවසා ඇත.

Comment (0) Hits: 257

ලංකාවේ ඒකපුද්ගල ණය ලක්ෂ 4 ඉක්මවයි

මෙරට ඒකපුද්ගල ණය ප්‍රමාණය 2016 වසර අවසාන වන විට රුපියල් 417913.00 බව වාර්තා වෙයි.

මේබව අනාවරණය වී ඇත්තේ විගණකාධිපති දෙපාර්තමේන්තුව විසින් නිකුත් කරන ලද නවතම මහජන ණය කළමනාකරණ වාර්තාවට හරහාය.

2015 වසර අවසානයේ දී ශ්‍රී ලංකාවේ ඒක පුද්ගල ණය ප්‍රමාණය සටහන් වූයේ රුපියල් 371462.00 ක් වශයෙන් වන අතර 2005 වසර අවසන් වන විට ශ්‍රී ලංකාවේ ඒක පුද්ගල ණය ප්‍රමාණය රුපියල් 108908.00 ක් ලෙසින් සටහන් විය.

ඒ අනුව වසර 11 ක් තුළ දී ශ්‍රී ලංකාවේ ඒක පුද්ගල ණය ප්‍රමාණය සිව් ගුණයකින් ඉහළ ගොස් ඇත.

Comment (0) Hits: 305

මහ බැංකුව වාර්තා ගත පොලී අනුපාතිකයක

දරුණු කාලගුණික විපර්යාසයන්ට මුහුණ දෙමින් වුවද ශ්‍රී ලංකා මහා බැංකුව වාර්තා ගත ආකාරයෙන් පොලි අනුපාතිකය පවත්වා ගැනීමට සමත්ව ඇති බව වාර්තා වේ.

පසුගිය බ්‍රහස්පතින්දා මහා බැංකු අධිපති ඉන්ද්‍රජිත කුමාරස්වාමි මහතා පැවසුවේ ස්ථාවර ණය පහසුකම් අනුපාතය 8.75 ක ප්‍රතිශතයක සහ ස්ථාවර තැන්පතු පහසුකම 7.25 ක ප්‍රතිශතයක තබා ගැනීමට හැකිව තිබෙන බවයි.

බ්ලූම්බර්ග් සමීක්ෂණයේදී ආර්ථික විද්‍යාඥයින් හත්දෙනෙකු පමණ මේ පිළිබඳ අනාවැකි පළකර තිබුණි.

වසර 40 ට පසු පැවති දරුණුම නියඟයට මුහුණ දෙමින් සහ දශකයකට පසු ඇතිවූ දරුණු ගංවතුරෙන් පසු සැපයුම් ක්‍රියාදාමය ඇණහිටීම හේතුවෙන් උද්ධමන අනුපාතය මහා බැංකුවේ ඉලක්ක කරගෙන සිටි මට්ටම වූ සියයට 4 සිට සියයට 6 ක් දක්වා ඉහල යාමත් සමඟ පසුගිය වසරේ ආර්ථික වර්ධනය සීමා විය.

ජනවාරි මාසයේදී පාරිභෝගික භාණ්ඩවල මිල සියයට 5.8 කින් ඉහළ ගොස් තිබේ.

තිරසාර වර්ධන මාවතකට පහසුකම් සැලසීම සඳහා මාධ්‍ය කාලීනව මධ්‍යස්ථ මට්ටමෙන් උද්ධමනය පවත්වාගෙන යාමේ මුදල් මණ්ඩලයේ තීරණය මේ අනුව නිවැරදි බව මහා බැංකුව පවසා තිබේ.

Comment (0) Hits: 334

ලංකාව ව්‍යාපාර සඳහා ආකර්ශනීය කේන්ද්‍රස්ථානයක් කරනවා - අගමැති

ශක්තිමත්, තිරසර හා නම්‍යශීලී ආර්ථිකයක් ඔස්සේ ශ්‍රී ලංකාව ව්‍යාපාර සඳහා ආකර්ශනීය කේන්ද්‍රස්ථානයක් බවට පත් කරලීමට රජය කැපවී සිටින බව අග්‍රාමාත්‍ය රනිල් වික්‍රමසිංහ සඳහන් කර ඇත.

අග්‍රාමාත්‍යවරයා මෙසේ දන්දහන් කර ඇත්තේ පසුගියදා සිංගප්පූරුවේ පැවති ‘ඉන්වෙස්ට් ශ්‍රී ලංකා’ ආයෝජන සමුළුව අමතමින්ය.

එසේම චීනයේ සිට ස්පාඤ්ඤය දක්වා වෙසෙන බිලියන 3 ක ජනතාවගේ අවශ්‍යතා වෙනුවෙන් භාණ්ඩ හා සේවා සැපයිය හැකි, ඉන්දීය සාගරයේ ආර්ථික හා මුල්‍ය කේන්ද්‍රස්ථානය ලෙස ශ්‍රී ලංකාවේ භූගෝලීය පිහිටීමේ වාසිය ලබා ගැනීමට දැන් ජාත්‍යන්තර ආයෝජකයන්ට අවකාශ ලැබී ඇති බවද අග්‍රාමාත්‍යවරයා එහිදී සඳහන් කර ඇත.

ශ්‍රී ලංකාවේ ශක්තීන් කෙරෙහි වැඩි බරක් තබමින්, කලාපයේ කැපී පෙනෙන ස්ථානයක් දිනා ගැනීමට ශ්‍රී ලංකාව සමත් වෙමින් සිටින බවත් අග්‍රාමාත්‍යවරයා එහිදී අවධාරණය කර ඇත.03

මේ අතර අග්‍රාමාත්‍යවරයා සහ සිංගප්පූරුවේ වෙළඳ හා කර්මාන්ත අමාත්‍ය එස්. ඊස්වරන් අතර ද්වීපාර්ශව සාකච්ඡාවක් ෆෝ සීසන්ස් හෝටලයේ තිබී ඇති අතර එහිදී මේ වසරේ සිංගප්පූරුව සහ ශ්‍රී ලංකාව අතර අත්සන් තැබුණු නිදහස් වෙළඳ ගිවිසුම වෙනුවෙන් අග්‍රාමාත්‍යවරයා ලබාදුන් දායකත්වය අමාත්‍ය එස්. ඊස්වරන්ගේ ඇගයීමට ලක්ව ඇති බවද වාර්තා වෙයි.

එසේම එම ගිවිසුම පදනම් කර ගනිමින්, දෙරට අතර වෙළඳ හා ආර්ථික සබඳතා ශක්තිමත් කරලීමේ අවශ්‍යතාවය පිළිබඳව මෙම සාකච්ඡාවේදී අවධානය යොමුකර තිබෙන බවද දැනගන්නට ඇත.

07

Comment (0) Hits: 249

වරලත් ගණකාධිකාරී ආයතනයට නව සභාපතිවරයෙක්

ශ්‍රි ලංකා වරලත් ගණකාධිකාරී ආයතනයේ 2018-2019 වර්ෂ සදහා නව සභාපති පත්වීමේ සමාරම්භක උත්සවය පසුගියදා (08) දින කොළඹ, හිල්ටන් හෝටලයේදී අග්‍රාමාත්‍ය රනිල් වික්‍රමසිංහ මහතාගේ ප්‍රධානත්වයෙන් පැවැත්විණි.

එම අවස්ථාවට මුදල් රාජ්‍ය අමාත්‍ය එරාන් වික්‍රමරත්න, පාර්ලිමේන්තු මන්ත්‍රී රවී කරුණානායක, නව සභාපති ජගත් චන්ද්‍ර පෙරේරා, සහ හිටපු සභාපති ලසන්ත වික්‍රමසිංහ යන මහත්වරුන් ඇතුළු ආරාධිතයන් රැසක් සහභාගි වී සිටියහ.

View the embedded image gallery online at:
http://newstube.lk/economy?start=126#sigProId89fd1fff48

Comment (0) Hits: 342

"ඉන්වෙස්ට් ශ්‍රී ලංකා" සමුළුව මාර්තු 02 සිංගප්පුරුවේ

කොළඹ කොටස් වෙළඳපොල විසින් සංවිධානය කරන "ඉන්වෙස්ට් ශ්‍රී ලංකා" සමුළුව මාර්තු 02 වන දා සිංගප්පූරුවේ ‘ෆෝ සීසන්ස්’ හෝටලයේදී පැවැත්වීමට නියමිත බව වාර්තා වෙයි.

ශ්‍රී ලංකාවේ ආයෝජන ප්‍රවර්ධනය සඳහා පැවැත්වෙන මෙම සමුළුවට කලාපයේ මුල්පෙළේ ආයෝජකයින් රැසක් සහභාගී වීමට නියමිත බවද වාර්තා වන අතර ඊට සහභාගී වීමට අග්‍රාමාත්‍ය රනිල් වික්‍රමසිංහ අද (01) සිංගප්පූරුව බලා යෑමට නියමිතව ඇත.

වාර්තා වන ආකාරයට මෙම සමුළු මීට පෙර එක්සත් රාජධානිය, අමෙරිකා එක්සත් ජනපදය, ඔස්ට්‍රේලියාව, නවසීලන්තය, එක්සත් අරාබි එමීර් රාජ්‍යය, ඉන්දියාව, ස්විට්සර්ලන්තය සහ හොංකොං යන රටවල සංවිධානය කර ඇත.

එසේම 2018 වසරේ ශ්‍රී ලංකා - සිංගප්පූරු නිදහස් වෙළඳ ගිවිසුම අත්සන් තැබීමත් සමග දෙරටේ ආර්ථික හා වෙළඳ සබඳතා ඉහළ තලයකට නැංවුණු අතර, ඒ ගිවිසුම ඔස්සේ ශ්‍රී ලංකාවට ලැබෙන ප්‍රතිලාභ ඉහළ නැංවීමට මෙම සමුළුව ඉවහල් වනු ඇත.

සිංගප්පූරු වෙළඳ හා කර්මාන්ත අමාත්‍ය එස්. ඊස්වරන් මහතා, ශ්‍රී ලංකා මහබැංකු අධිපති ආචාර්ය ඉන්ද්‍රජිත් කුමාරස්වාමි මහතා ඇතුළු ආරාධිතයන් රැසක් සමුළුවට එක්වීමට නියමිතය.

Comment (0) Hits: 226

කාන්තා ශ්‍රම බලකාය ඉහළට

ජනලේඛන හා සංඛ්‍යාලේඛන දෙපාර්තමේන්තුව විසින් නිකුත් කරන ලද ශ්‍රී  ලංකා ශ්‍රම  බලකා සමීක්ෂණයේ කාර්තුමය වාර්තාවට අනුව  2017 වසරේ තෙවන කාර්තුව වන විට  කාන්තා ශ්‍රම බලකායේ වැඩිවීමක් දක්නට ලැබේ. 

මෙය 2012 දී කාන්තා ශ්‍රම  බලකායේ සහභාගිත්ව අනුපාතය සමග සැසඳීමේදී වසර ගණනාවක් තුළ ක්‍රමික  වැඩිවීමකි. එහෙත් ශ්‍රම බලකායේ  පිරිමි සහභාගීත්වය සෑම විටම කාන්තාවන්ට වඩා ඉහළ වේ.

එම වාර්තාවට අනුව රටේ ආර්ථිකය තුළ ක්‍රියාකාරී  ජනගහනය මිලියන 8.52 ක් වේ. මේ අතරින් සියයට 63.1 ක් පිරිමින්  වන අතර 36.9 ක් කාන්තාවන් වේ.

 ආර්ථිකමය වශයෙන් ක්‍රියාකාරී ජනගහණය තීරණය කරන බව පැවසෙන්නේ නිරීක්ෂණය කරනු ලබන සතිය තුළ වයස අවුරුදු 15 සහ ඊට වැඩි රැකියා සහිත සහ රැකියා විරහිත ජනගහනය ඇසුරිණි. මෙම වාර්තාව මගින් ආර්ථිකමය වශයෙන් මිලියන 7.37 පමණ ජනතාවක් ක්‍රියාකාරී නොවන බව පෙන්වා දී  තිබේ. 

2017 වසරේ තෙවන කාර්තුවේදී ශ්‍රම  බලකායේ සහභාගීත්වය 53.6 ක් වන  බව එම වාර්තාවේ සඳහන් වේ. මෙයින්, පිරිමි ශ්‍රම  බලකායේ සහභාගිත්ව අනුපාතය 73.6 ක් වන අතර කාන්තා ශ්‍රම  බලකායේ සහභාගිත්ව අනුපාතය 36.6 ක් වන අතර පිරිමි-ගැහැණු සහභාගිත්ව අනුපාතිකයන් අතර 37 ක  වෙනස්කම් පෙන්නුම් කරයි.

මෙම වාර්තාව පදනම්ව නිවාස ඒකක 6,440  නියැදියක් මත පදනම් වේ. 

Comment (0) Hits: 516

සුළු හා මධ්‍ය පරිමාණ ව්‍යවසායකයින් සඳහා ණය යෝජනා ක්‍රම 100ක පුළුල් වැඩපිළිවෙලක් !

දේශීය සුළු හා මධ්‍ය පරිමාණ ව්‍යවසායකයින් සහ ව්‍යාපාරිකයින් නගාසිටුවීම සඳහා ඒකාබද්ධ ණය යෝජනා ක‍්‍රම 100ක පුළුල් වැඩපිළිවෙළක් ඉදිරි මාස කිහිපය තුළ කි‍්‍රයාවට නංවන ලෙස ජනාධිපතිතුමා මුදල් අමාත්‍යාංශයට, මහබැංකුවට සහ රාජ්‍ය බැංකු ප‍්‍රධානීන්ට උපදෙස් දී ඇති බව වාර්තා වෙයි.

ජනාධිපති මාධ්‍ය ඒකකය විසින් නිකුත් කළ නිවේදනයක මේ බව සඳහන් අතර එහි වැඩිදුරටත් දැක්වෙන්නේ ජාතික ආර්ථික සභාව මඟින් ආර්ථික පුනර්ජීවනය උදෙසා ඒකාබද්ධ ණය යෝජනා ක‍්‍රම 100ක වැඩපිළිවෙළ ඉදිරිපත් කර තිබෙන බවත් ඊට අදාළව 28 වනදා රාජ්‍ය බැංකු ප‍්‍රධානීන් සමග ජනාධිපති කාර්යාලයේ පැවති සාකච්ඡාවේදී ජනාධිපතිවරයා මෙම උපදෙස් ලබා දෙනු ලැබූ බවය.

දේශීය කර්මාන්තයේ නව පුනර්ජීවයක් සඳහා

දේශීය සුළු හා මධ්‍යම පරිමාණ ව්‍යවසායකයින් හා ව්‍යාපාරිකයින් දිරි ගන්වමින් මෙරට දේශීය කර්මාන්තයේ නව පුනර්ජීවයක් ඇති කිරීම මෙහි අරමුණ වන අතර ඉදිරි මාස කිහිපය තුළ කි‍්‍රයාවට නැංවීමට අපේක්ෂිත මෙම වැඩපිළිවෙළ පිළිබඳ වාර්තාවක් ඉදිරි සති දෙකක කාලය තුළ තමා වෙත ලබාදෙන ලෙස ජනාධිපතිවරයා මෙහිදී මුදල් අමාත්‍යාංශය වෙත උපදෙස් දුන් බවද එම නිවේදනයේ දැක්වේ.

ප‍්‍රතිලාභ ආර්ථික කි‍්‍රයාදාමයන් ගලායාමේ වැදගත්කම

ජනාධිපති මාධ්‍ය ඒකකය නිකුත් කල එම නිවේදනයේ මෙසේද සඳහන්ව ඇත. "රාජ්‍ය බැංකු මගින් උපයා ගන්නා ලාභ කොතෙක් දුරට මහජනතාව වෙත ගලායනවාද යන්න පිළිබඳ අවධානය යොමුවිය යුතු බව මෙහිදී අවධාරණය කළ ජනාධිපතිතුමා, අදාළ ප‍්‍රතිලාභ ආර්ථික කි‍්‍රයාදාමයන් තුළ සාමාන්‍ය ජනතාව මෙන්ම ව්‍යවසායකයින් වෙත ද ගලායමට සැලැස්වීම ඉතා වැදගත් බව පෙන්වා දුන්නේය.

එමෙන්ම මෙම ණය යෝජනා ක‍්‍රම පිළිබඳ ජනතාව දැනුවත් කිරීමට පුළුල් ප‍්‍රචාරක වැඩපිළිවෙළක අවශ්‍යතාවය ද ජනාධිපතිතුමා පැහැදිළි කළේය.

කොන්දේසි - ඇප - ලියවිලි අවම කරන්න

බොහෝ ව්‍යවසායකයින්ට මුහුණදීමට සිදුව ඇති ප‍්‍රධාන ගැටලූවක් වන්නේ ණය ලබාගැනීමේදී පනවා ඇති කොන්දේසි සහ ඇපලියවිලි සම්බන්ධව මතුවන ගැටලූ බව මෙහිදී පෙන්වා දුන් ජනාධිපතිතුමා ණය ලබා ගැනීමේ කොන්දේසි, සුරැකුම්පත් සහ ඇප ලියවිලි අවම මට්ටමින් පවත්වා ගනිමින් අපහසුතාවයකින් තොරව ව්‍යවසායකයින්ට ණය ලබාගැනීමට අවශ්‍ය පසුබිම සකසා දීමේ වැදගත්කම ද පැහැදිළි කළේය.

රැකියා විරහිත උපාධිධාරින් ව්‍යවසායකයින් කිරීම

විශේෂයෙන් රැකියා විරහිත උපාධිධාරින් ව්‍යවසායකයින් බවට පත්කිරීම අරමුණ කර ගනිමින් විශේෂ වැඩසටහන් කි‍්‍රයාත්මක කිරීමට ද ජනාධිපතිතුමා උපදෙස් දුන්නේය. දේශපාලන බේදයකින් තොරව මෙම වැඩසටහන්වල ප‍්‍රතිලාභ සියලූ ජනතාව වෙත ලබාදිය යුතු බව අවධාරණය කළ ජනාධිපතිතුමා මෙම වැඩසටහන් කි‍්‍රයාත්මක කිරීමේදී ග‍්‍රාම නිලධාරින්ගේ සහය ලබාගැනීමට ද උපදෙස් දෙනු ලැබීය.

රාජ්‍ය බැංකු මහජන හිතෛෂී විය යුතු අතර, ණය ලබා ගැනීමට හෝ සේවා ලබාගැනීමට පැමිණෙන පොදු ජනතාව සමග ඉතා සුහදශීලිව කටයුතු කරමින් ඔවුන්ගේ අවශ්‍යතා ඉටුකරදීම පිළිබඳ කාර්ය මණ්ඩල දැනුවත් කරන ලෙස ද ජනාධිපතිතුමා රාජ්‍ය බැංකු සභාපතිවරුන් වෙත උපදෙස් දුන්නේය.

ආර්ථික වර්ධනයට අවශ්‍ය ණය ලබාදීම ප‍්‍රශස්ත මට්ටමක නෑ

ලාංකීය රාජ්‍ය බැංකු වාණිජ්‍යකරණයට ලක්වීම හේතුවෙන් සමාජ ප‍්‍රශ්න හඳුනාගැනීම හා රටේ ආර්ථික වර්ධනයට අවශ්‍ය ණය ලබාදීම ප‍්‍රශස්ත මට්ටමක නොපවතින බව ද ජනාධිපතිතුමා මෙහිදී සඳහන් කළේය. ලංකා බැංකුව, මහජන බැංකුව, රාජ්‍ය උකස් හා ආයෝජන බැංකුව ඇතුළු මුදල් අමාත්‍යාංශය යටතේ පවතින රාජ්‍ය බැංකු මගින් දේශීය සුළු හා මධ්‍ය පරිමාණ කර්මාන්තකරුවන් වෙනුවෙන් දැනට කි‍්‍රයාත්මක කරන ණය යෝජනා ක‍්‍රම පිළිබඳව කරුණු විමසූ ජනාධිපතිතුමා ව්‍යවසායකයින් සිදුකරන යෝජනා සැලකිල්ලට ගනිමින් එම ණය යෝජනා ක‍්‍රම කි‍්‍රයාත්මක කිරීමේ වැදගත්කම ද පෙන්වා දුන්නේය.

අමාත්‍යවරුන් වන මංගල සමරවීර, ලක්ෂ්මන් කිරිඇල්ල, මුදල් අමාත්‍යාංශයේ ලේකම් ආචාර්ය ආර්.එච්.එස්. සමරතුංග, ව්‍යවසාය සංවර්ධන අමාත්‍යාංශයේ ලේකම් රවින්ද්‍ර හේවාවිතාරණ,මහබැංකු අධිපති ආචාර්ය ඉන්ද්‍රජිත් කුමාරස්වාමි, ජාතික ආර්ථික සභාවේ මහලේකම් මහාචාර්ය ලලිත් සමරකෝන් යන මහත්වරුන් සහ රාජ්‍ය බැංකු සභාපතිවරුන්, අධ්‍යක්ෂවරුන් ඇතුළු නිලධාරින් මීට එක්ව සිටියහ.

Comment (0) Hits: 269

ශ්‍රී ලංකාව මෙතෙක් ලබාගත් ඉහළම ඍජු විදේශ ආයෝජනය 2017 වසරේදී

ලංකාවේ ඍජු විදේශ ආයෝජන(FDI) මෙතෙක් වාර්තා වූ ඉහළම අගය වන ඇමරිකානු ඩොලර් බිලියන 1.63 ක වර්ධනයක් 2017 වසරේදී අත්කරගෙන ඇතැයි වාර්තා වේ. ඊට පෙර වසරේ වාර්තා වී තිබුණේ ඇමරිකානු ඩොලර් මිලියන 802 ක ආයෝජනයක් පමණි. සෘජු විදේශ ආයෝජන ප්‍රවර්ධනය කිරීම හා පහසුකම් සැලසීම සඳහා වන ආයෝජන මණ්ඩලය(BOI) සඳහන් කර පරිදි මීට පෙර වාර්තා වූ ඉහළම අගය වන්නේ 2014 වසරේ වාර්තාවූ ඇමරිකානු ඩොලර් මිලියන 1.61 ක ප්‍රමාණයයි.

මෙම වර්ධනය සඳහා බලපාන ලද ප්‍රධාන හේතුව රජයේ ආර්ථික සැලසුම් යටතේ ක්‍රියාත්මක ණය මුදල් හරහා රජයේ යටිතල පහසුකම් සංවර්ධනය නොකිරීම සහ ආයෝජන සහ අපනයන ආර්ථික සැලසුම් ක්‍රියාවලියයි.

මෙසේ ඉහළ වර්ධනයක් අත්කරගෙන ඇති ක්ෂේත්‍ර වන්නේ අපනයන ඉලක්ක කරගත් නිෂ්පාදන (+27%) සහ සේවා අතරින් සංචාරක සහ තොරතුරු තාක්ෂණ (+50%) යටිතලපහසුකම් (+190%) යන ක්ෂේත්‍රයි . වැඩිම ඍජු විදේශ ආයෝජන පැමිණ ඇත්තේ චීනයෙන්, හොංකොං, ඉන්දියාව සහ සිංගප්පුරුව යන රටවලිනි.

ආයෝජන මණ්ඩලයේ අධ්‍යක්ෂ ජනරාල් දුමින්ද ආරියසිංහ මහතා පවසන පරිදි විදෙස් ආයෝජන ඉහළ නැංවීමේ අරමුණින් විවිධ සේවා එකම ස්ථානයකින් සැපයිය හැකි ආකාරයේ virtual One Stop Shop නම් ක්‍රමය තවත් රාජ්‍ය ආයතන 24 ක් සමඟ එකතුවකින් 2018 වසරේ සිට ක්‍රියාත්මක කිරීමට සැලසුම් කර තිබේ.

එසේම සංවර්ධන උපායමාර්ග හා ජාත්‍යන්තර වෙළඳ අමාත්‍ය මලික් සමරවික්‍රම මහතා මේ පිළිබඳව දහස් දක්වමින් 2020 වනවිට ඍජු විදේශ ආයෝජන ඇමරිකානු ඩොලර් බිලියන 5 දක්වා වැඩිකිරීමට බලාපොරොත්තු වන බව පවසා තිබේ. එසේම 2018 වසරේ මීට සමගාමීව ඇමරිකානු ඩොලර් බිලියන 2.5 ක වර්ධනයක් අත්කර ගනු ඇති ඔහුගේ විශ්වාසයයි.

සෘජු ආයෝජනයන් සඳහා දිරිමත් කිරීම සහ පහසුකම් සැපයීම සඳහා, නව දේශීය ආදායම් පනත මගින් සමාගම් විසින් සිය සම්පූර්ණ ආයෝජන ආපසු අයකර ගන්නා තෙක් වඩා වේගවත් ආයෝජන දීමනා සපයයි. නව විදේශ විනිමය පනත හරහා ආයෝජන වැඩිදියුණු කිරීම සඳහා විදේශ විනිමය පාලනය ද ලිහිල් කර තිබේ.

ආයෝජන මණ්ඩලය විසින් මිලේනියා, බිංගිරිය, වැලිගම සහ මාවතගම යන ප්‍රදේශවල නව අපනයන ප්‍රවර්ධන කලාප කීපයක් සංවර්ධනය කිරීමේ කටයුතු ආරම්භ කර ඇත

Comment (0) Hits: 674

G -24 රටවල්හි තාක්ෂණික කමිටු රැස්වීම 27 දා කොළඹදී ඇරඹේ

G -24 රටවල්හි තාක්ෂණික කමිටු රැස්වීම මුදල් හා ජනමාධ්‍ය අමාත්‍ය මංගල සමරවීරගේ ප්‍රධානත්වයෙන් හෙට (27) කොළඹ බණ්ඩාරනායක සම්මන්ත‍්‍රණ ශාලාවේදී පැවැත්වීමට නියමිතය.

දින දෙකක් පැවැත්වෙන මෙම තාක්ෂණික කමිටු රැස්වීම සඳහා සාමාජික රටවල මුදල් අමාත්‍යංශ ලේකම්වරුන් හා මහා බැංකු අධිපතිවරුන් ඇතුළු ජ්‍යෙෂ්ඨ නියෝජිතයින් 45 කට වැඩි ප‍්‍රමාණයක් සහභාගී වීමට නියමිත බවද වාර්තා වෙයි.

G -77 රටවල් සමූහයේ පරිච්ඡේයක් වන 24 කණ්ඩායම 1971 දී ස්ථාපිත කරන ලද්දේ ජාත්‍යන්තර මූල්‍ය සහ මූල්‍ය ගැටලූ, සංවර්ධනය පිළිබඳ සංවර්ධනය වෙමින් පවත්නා රටවල්හි ස්ථාවරයන් සම්බන්ධීකරණය කිරීමට සහ ඔවුන්ගේ අවශ්‍යතා ජාත්‍යන්තර මූල්‍ය කටයුතු පිළිබඳ සාකච්ඡාවන්හි ප‍්‍රමාණවත් ලෙස නියෝජනය කිරීම තහවුරු කිරීමේ අරමුණින් යුතුවය.

ජාත්‍යන්තර මූල්‍ය කටයුතු හා සංවර්ධන පිළිබඳ අන්තර් රාජ්‍ය 24 කණ්ඩායම ලෙස නිල වශයෙන් හඳුන්වන G-24 කණ්ඩායම සඳහා ජාත්‍යන්තර මූල්‍ය අරමුදල මඟින් ලේකම් කාර්යාල සේවා සපයනු ලබයි.

G-24 තාක්ෂණික කමිටු රැස්වීම් ජාත්‍යන්තර මූල්‍ය අරමුදල හා මූල්‍ය කමිටු හා සංවර්ධන කමිටු රැස්වීම්වලට පෙරාතුව න්‍යාය පත‍්‍රයේ අඩංඟු කරුණු සංවර්ධනය වෙමින් පවත්නා රටවල සාමාජිකයින්ට කල් වේලා ඇතිව සාකච්ඡා කිරීමට හැකිවන පරිදි වසරකට දෙවතාවක් පැවැත්වේ.

G-24 කාර්යාංශය, G-24 කණ්ඩායමේ විධායක අංශය වන අතර එහි සභාපති, පළමු උප සභාපති, දෙවන උප සභාපති සහ හිටපු සභාපති දෙදෙනෙකුගෙන් සමන්විත වේ. වර්තමානයේදී මෙම G-24 කාර්යංශයේ නායකත්වය ශ‍්‍රී ලංකාවට හිමිව ඇති අතර, මුදල් හා ජනමාධ්‍ය අමාත්‍ය මංගල සමරවීර මහතා එහි සභාපතීත්වය දරයි.

Comment (0) Hits: 236

සංවර්ධන ලොතරැයි මණ්ඩලයේ 35 වන සංවත්සරය

ජීවිතයම එළිය කරන සංවර්ධන ලොතරැයිය තම 35 වන සංවත්සරය පසුගිය 19 වන දාට යෙදී තිබුණි. ඒ වෙනුවෙන් ජනාධිපතිතුමා, අගමැතිතුමා, මුදල් හා ජනමාධ්‍ය ඇමතිතුමාට, ආයතනයටත් ඇතුළු ලක්වැසි සියලු දෙනාටත් සෙත් පතා පරිත‍්‍රාන පිරිත් සජ්ජායනයක් හා සංඝයා වහන්සේලා තිස්පස් නමක් සදහා උදෑසන දානය පිළිගන්වීම සංවර්ධන ලොතරැයි මණ්ඩලයේ කාර්යාල පරිශ‍්‍රයේදී සිදුවිය.

මෙම අවස්ථාව සදහා සංවර්ධන ලොතරැයි මණ්ඩලයේ සභාපති එස් ඒ පී සූරියප්පෙරුම මහතා කි‍්‍රයාකාරී අධ්‍යක්ෂ එච් ආර් විමලසිරි මහතා, ජනාධිපති අතිරේක ලේකම් හා ජනාධිපති අරමුදලේ ලේකම් ඩී එන් නානායක්කාර මහතා, සංවර්ධන ලොතරැයි මණ්ඩලයේ සාමාන්‍යාධිකාරී සමන් ජයසිංහ මහතා ඇතුලූ නිළධාරීන් හා කාර්ය මණ්ඩලයද සහභාගි වී තිබේ.

තවද මෙම අවස්ථාව සදහා ලොතරැයිපත් බෙදා හැරීමේ සහ අලෙවි නියෝජිත මහත්ම මහත්මීන්ද සහභාගී විය.

Comment (0) Hits: 530

ආනයනික අර්තාපල් බද්ද අද මධ්‍යම රාත්‍රියේ සිට ඉහළට

ආනයනික අර්තාපල් කිලෝ ග්‍රෑම් එකක් මත මෙතෙක් පනවා තිබූ රුපියල් 1.00 ක් වූ විශේෂ වෙළඳ භාණ්ඩ බද්ද අද (23) මධ්‍යම රාත්‍රියේ සිට ක්‍රියාත්මක වන පරිදි රුපියල් 30.00 දක්වා ඉහළ දමන බව මුදල් හා ජනමාධ්‍ය අමාත්‍යංශය සඳහන් කරයි.

දේශීය අල ගොවියාට සහන දීමට

මුදල් හා ජනමාධ්‍ය අමාත්‍යංශය නිවේදනයක් නිකුත් කරමින් මේ බව සඳහන් කරන අතර එහි වදිදුරටත් සඳහන් වන්නේ දේශීය අර්තාපල් අස්වැන්න මේ වන විට වෙළඳපොළට පැමිණෙමින් ඇති බැවින් දේශීය අර්තාපල් ගොවියන්ට සහන සැලසීම වෙනුවෙන් මෙම බදු වැඩිකිරීම සිදුකළ බවය.

එසේම නව බදු සංශෝධනය එළඹෙන මාර්තු 21 දක්වා ක්‍රියාත්මක බවද මුදල් හා ජනමාධ්‍ය අමාත්‍යංශය නිකුත් කළ නිවේදනයේ සඳහන්ය.

Comment (0) Hits: 321

සිංගප්පුරු අගමැති ලබන 22 දිවයිනට

 
සිංගප්පුරු අග්‍රාමාත්‍ය ලී සින් ලුන් මහතා ලබන 22 මෙරටට පැමිණිමට නියමිත බව වාර්තා වේ. 
 
ජනාධිපති මෛත්‍රීපාල සිරිසේන මහතාගේ ආරාධනයකට අනුව මෙරටට පැමිණෙන  සිංගප්පුරු අග්‍රාමාත්‍යවරයා 23 වනදා ජනාධිපති මෛත්‍රිපාල සිරිසේන මහතා හමුවීමට ද එදින පස්වරුවේ අග්‍රාමාත්‍ය රනිල් වික්‍රමසිංහ මහතා ද හමුවීමට නියමතව ඇත. 
 
සිංගප්පුරු අග්‍රාමාත්‍යවරයාගේ ශ්‍රී ලංකා සංචාරයේදී ශ්‍රී ලංකාව හා සිංගප්පූරුව අතර නිදහස් වෙළෙඳ ගිවිසුමකට ද අත්සන් තැබීමට නියමිත බව රජයේ ආරංචි මාර්ග සඳහන් කරයි.  
 
එම ආරංචි මාර්ග වැඩිදුරටත් සඳහන් කළේ ඒ මහතා වෙළෙද සමුළුවකට ද සහභාගීවිමට නියමතව ඇති බවයි.  
Comment (0) Hits: 509

Page 8 of 11