මෙරට රාජ්‍ය ආයතන, පෞද්ගලික ව්‍යවසායන්, රාජ්‍ය නොවන සංවිධාන හෝ ලාභ නොලබන සංවිධාන ආදී සියලු සංවිධානවල කළමනාකාරීත්ව විශිෂ්ටතා අගැයීමට ශ්‍රී ලංකා කළමනාකරණ ආයතනය විසින් සංවිධානය කරනු ලබන 2025 ජාතික කළමනාකරණ විශිෂ්ටතා සම්මාන (NMEA) උළෙල සඳහා මෙම මස 30 දක්වා ඉල්ලුම් පත් කැඳවේ.
ශ්‍රී ලංකාවේ කළමනාකරණය සඳහා පිහිටුවා ඇති ඉහළම වෘත්තීය ආයතනය වන ශ්‍රී ලංකා කළමනාකරණ ආයතනය (IMSL), 2025 IMSL ජාතික කළමනා කරණ විශිෂ්ටතා සම්මාන (NMEA) උළෙල සංවිධානය කරයි.
කළමනා කරණ විශිෂ්ටත්වයේ ප්‍රමුඛයන් ලෙස පිළිගැනීම සඳහා තරඟ කිරීම සඳහා රට පුරා ඇති ඕනෑම නීත්‍යානුකූලව ලියාපදිංචි ආයතනයකට මෙම අවස්ථාව විවෘතව ඇත.
කළමනාකරණ අංශයේ ආයතනික විශිෂ්ටත්වය හඳුනා ගැනීම සහ අගැයීම සඳහා NMEA උළෙල වාර්ෂිකව පවත්වනු ලැබේ. අනෙකුත් සම්මාන වැඩසටහන් මෙන් නොව, මෙහි එකම අවධානය යොමු වන්නේ ශ්‍රී ලංකාව සඳහා තිරසාර වර්ධනයක් ඇති කිරීම සඳහා ආයතනික සංවිධාන විසින් සිදු කරන ලද හොඳම කළමනාකරණ භාවිතයන්, නවෝත්පාදනයන්, නායකත්වය සහ පරිවර්තනීය දායකත්වයන් ඉස්මතු කිරීමය.
මෙම වසරේදී, කාණ්ඩ 15 ක් යටතේ සම්මාන ප්‍රදානය කෙරෙන අතර, රන්, රිදී සහ ලෝකඩ මට්ටම්වලින් ජයග්‍රාහකයින් හඳුනා ගනු ලැබේ. සාධාරණත්වය, විශ්වසනීයත්වය සහ ඉහළම පිළිගැනීමේ ප්‍රමිතීන් සහතික කරමින්, සෑම අයදුම්පතක්ම කීර්තිමත් විනිශ්චය මණ්ඩලයක් විසින් දැඩි ලෙස ඇගයීමට ලක් කරනු ලැබේ.
මහාචාර්ය සරත් කොඩිතුවක්කු
NMEA 2025 හි වැදගත්කම පිළිබඳව අදහස් දක්වමින්, IMSL හි සභාපති ජ්‍යෙෂ්ඨ මහාචාර්ය සරත් කොඩිතුවක්කු මෙසේ පැවසීය.
'' මෙම සම්මාන උළෙල හරහා (NMEA) හරහා, ජාතික සංවර්ධනයට දායක වන කළමනාකරණ භාවිතයන්හි විශිෂ්ටත්වය, නවෝත්පාදනය සහ නායකත්වය දිරිමත් කිරීම අපගේ අරමුණයි.
තම ඉදිරි දර්ශනය තවදුරටත් දක්වමින් IMSL හි උප සභාපති සහ NMEA උළෙලෙහි සභාපති ප්‍රසාද් විජේසූරිය මහතා මෙසේ පැවසීය.
"NMEA 2025 යනු සංවිධාන වලට තම ජයග්‍රහණ ප්‍රර්දර්ශනය කිරීමට සහ රටේ හොඳම කළමනාකරණ ආයතනයන්ට උරෙනුර ගැටී තරගකර තම ආයතනික විශිෂ්ටතා මිණුම් සලකුණු කිරීමට ඇති අද්වීතීය අවස්ථාවකි. මෙම සම්මාන පිළිගැනීම ගැන පමණක් නොව, විශිෂ්ටත්වයේ නව ප්‍රමිතීන් සැකසීම සහ එම ආදර්ශයන් අන් ආයතනද අනුගමනය කිරීමට පෙළඹ වීමට ද මහඟු පිටිවහලක් වේ.
මෙම කීර්තිමත් අගැයුම් වැඩසටහනට අයදුම් කිරීමට සහ එහි කොටස්කරුවන් වීමට සියලු සංවිධාන වෙත ඇරයුම් කරනු ලැබේ.
සම්මාන කාණ්ඩ, සුදුසුකම් සහ අයදුම් කිරීමේ ක්‍රියාවලිය පිළිබඳ වැඩිදුර තොරතුරු සඳහා කරුණාකර www.imslawards.lk වෙබ් අඩවිය වෙත පිවිසෙන්න යැයි සංවිධායක මණ්ඩලය පවසයි.
වැඩිදුර විමසීම් සඳහා, විද්‍යුත් තැපෑල: This email address is being protected from spambots. You need JavaScript enabled to view it. මගින් හෝ දුරකථන අංක: +94 77 267 9200 (ප්‍රශාන්) | +94 71 407 2631 (මංජුල) ඇමතීමෙන් තොරතුරු ලබාගත හැකිය.
(සටහන | ජේ.මුණසිංහ)