පුවත්

නීතිඥ ලක්ෂාන් ඩයස් ගේ ‘කුරු ලෙන’ නොහොත් ‘රෙද්ද අස්සේ මහත්තයාගේ දුව සිල්වියාගේ කතාව’ නවකතාව සහ මොරටුවේ ඉතිහාසය වටා ගෙතෙන වියත් සංවාදයක් මොරටුව ශුද්ධවූ එම්මානුවෙල් දේවස්ථානයේ හෙරිටේජ් කමිටුව විසින් සංවිධානය කරනු ලබන “මොරටුව සංවාදය” වැඩසටහන යටතේ  2026 සැප්තැම්බර් 12 වන සෙනසුරාදා උදෑසන 10.00 සිට 12.00 දක්වා මොරටුව, ඉඩම, ශුද්ධවූ එම්මානුවෙල් පළාත් ශාලාවේ දී පැවැත්වේ.

ජනාධිපති අනුර කුමාර දිසානායක අද (10) ශ්‍රී ලංකා බාලදක්ෂ සංගමයේ නියෝජිතයින් සමග හමුවකට සහභාගි විය.

අප සංචිත ගොඩනගන්නේ අර්බුදයක් බලාපොරොත්තුවෙන් නොව, ඊළඟ අර්බුදය පැමිණෙන්නේ කවදාදැයි අප නොදන්නා බැවින් යැයි යනුවෙන් මහා බැංකු අධිපති ආචාර්ය පී. නන්දලාල් වීරසිංහ පැවසී ය.

ගල් අඟුරු නැව් 19ක් ගෙනාවා. ඒ 19ක් ගෙනාවා විතරක් නෙවෙයි, ආපු නැව් 19න් මෙට්‍රික් ටොන් 1,20,000ක් අතුරුදහන්! මෙට්‍රික් ටොන් 1,20,000ක් කියන්නේ කෝටි 462ක් වටින ගල් අඟුරු අතුරුදහන්. ඒ කියන්නේ මොකක්ද? ඔබතුමාලා නැව් දෙකක් අතුරුදහන් කරලා. ජනාධිපතිතුමා කිව්වේ කාලා බලලා නෙවෙයි ගත්තේ කියලා. ඉතින් අපිත්, රටේ ජනතාවත් හිතුවා හරි කාලා බලලා නෙවෙයි ගත්තේ කියලා. බලනකොට ගත්තට පස්සෙත් කාලා යැයි ශ්‍රීලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ පැවසීය. ඔහු මේ බව ප්‍රකාශ කලේ අද (10) දින පාර්ලිමේන්තුව අමතමිනි.

අධිකරණය ඉදිරියේ අල්ලස් කොමිසමට වෙනම නීතියක් තිබිය නොහැකි බවත්, අධිකරණ ක්‍රියාවලිය අනුගමනය කිරීමට කොමිසම බැඳී සිටින බවත් කොළඹ ප්‍රධාන මහෙස්ත්‍රාත් අසංග එස්. බෝදරගම මහතා ඊයේ (08දා) අවධාරණය කළේය.

අල්ලස්, දූෂණ හා අක්‍රමිකතා පිළිබඳ විමර්ශනය සඳහා ව්‍යවස්ථාපිතව පිහිටුවා ඇති ස්වාධීන කොමිෂන් සභාවක් විසින් විමර්ශනයක් සිදුකරමින් පවතින අවස්ථාවක, එම විමර්ශනයට අදාළ පුද්ගලයා අල්ලස් හෝ දූෂණ චෝදනා විමර්ශන කොමිෂන් සභාව ඇතුළු ස්වාධීන කොමිෂන් සභා සඳහා ඉහළ නිලධාරීන් පත්කරන ආණ්ඩුක්‍රම ව්‍යවස්ථා සභාවේ ප්‍රධානියා වශයෙන් කටයුතු කිරීම සහ එකී විමර්ශනයට සම්බන්ධ සාක්ෂි සහ තොරතුරු ලබා දෙන උත්තරීතර පාර්ලිමේන්තුවේ ප්‍රධානියා වශයෙන් තවදුරටත් කටයුතු කිරීම හේතුවෙන් නීතිමය, සදාචාරාත්මක, ආයතනික විශ්වාසවන්තභාවය සහ මහජන විශ්වාසය සම්බන්ධයෙන් ප්‍රශ්න මතු වන්නේ යැයි පාර්ලිමේන්තු මන්ත්‍රී නීතිඥ දයාසිරි ජයසේකර සඳහන් කරයි.

2016 මාර්තු 29 වැනිදා පැවති මහ බැංකු බැඳුම්කර සිද්ධිය සම්බන්ධයෙන් හිටපු මුදල් ඇමති රවී කරුණානායක, හිටපු මහ බැංකු අධිපති අර්ජුන් මහේන්ද්‍රන් ඇතුළු විත්තිකරුවන් 11 දෙනෙකුට එරෙහිව ගොනු කර ඇති නඩුව යළි ඔක්තෝබර් 04  වැනිදා පවත්වන ලෙස කොළඹ මහාධිකරණ විනිසුරු ලංකා ජයරත්න නියෝග කළා ය.

පැමිණිල්ල සාක්ෂිකරුවන් ගෙන්නුවාට ඒ අය අධිකරණයේ සාක්ෂිකරුවන්. ඔවුන් මැඩ පැවැත්වීමට හෝ ඔවුන්ට බලපෑම් කිරීමට ඔබට බැහැ. අධිකරණය මේ සියල්ල නිරීක්ෂණය කරමින් ඉන්නේ යැයි කියමින් මහාධිකරණ විනිසුරු ප්‍රියන්ත ලියනගේ නිතිපතිවරයා වෙනුවෙන් පෙනී සිටි නියෝජ්‍ය සොලිස්ටර් ජෙනරාල් ලක්මිණි ගිරිහාගමට දැඩිව අවවාද කළේ ය.

රන් ආලේපිත ගිනි අවියක් සන්තකයේ තබා ගැනීම ඇතුළු චෝදනා යටතේ දුමින්ද දිසානායකට සහ විත්තිකාර කාන්තාවට අද මහාධිකරණය කොළඹ මහාධිකරණ විනිසුරු උදේෂ් රණතුංග මහතා ඉදිරියේ අධි චෝදනා භාර දුන්නේ ය.

අධිකරණයට අපහාස කිරීමේ චෝදනා මත සිර දඬුවම් නියම වී සිටි බොදු බල සේනා සංවිධානයේ ලේකම් පූජ්‍ය ගලගොඩ අත්තේ ඥානසාර හිමියන්ට හිටපු ජනාධිපති මෛත්‍රීපාල සිරිසේන මහතා විසින් ප්‍රධානය කළ පොදු සමාව බල රහිත බව ශ්‍රේෂ්ඨාධිකරණය තීන්දු කළේ ය.

විසි දෙවැනි (22) ආණ්ඩුක්‍රම ව්‍යවස්ථා සංශෝධන තීරණාත්මක නඩු විභාගයේ දී  පූජ්‍ය බලංගොඩ කස්සප හිමියෝ සිය කරුණු දැක්වීමේදී බුද්ධ ධර්මය පිළිබඳව සඳහන් කළ අවස්ථාවේ දී ඊට පිළිතුරු දෙමින් තමන් තීරණ ගනු ලබන්නේ නීතිය පදනම් කරගෙන මිස බෞද්ධ ඉගැන්වීම් පදනම් කරගෙන නොවන බව අග්‍රවිනිශ්චකාරතුමා පැවසීම බුද්ධ ධර්මය නොසලකා හැරීමක් වනවා සේ ම ආණ්ඩුක්‍රම ව්‍යවස්ථාවේ 9 වැනි වගන්තියට සහ අධිකරණ තීන්දු මගින් ඊට දී ඇති අධිකාරී තීන්දුවලට පරස්පර යැයි ජනතාවාදී ඒකාබද්ධ විපක්ෂයේ කැඳවුම්කරු මහාචාර්ය ජී ඒල්. පීරිස් සඳහන් කරයි.

කළු සල්ලි සුදු කිරිම වැළැක්වීම බැංකුවලට පමණක් සීමා වූවක් නොවන බවත්, මූල්‍ය නොවන නියමිත ව්‍යාපාර සහ වෘත්ති (DNFBPs) මෙන්ම නීතිඥවරුන්, නොතාරිස්වරුන් සහ ස්වාධීන නීති වෘත්තිකයින් වෙත ද එහි වගකීමක් පැවරී ඇති බව ශ්‍රී ලංකා මහ බැංකුවේ අධිපති ආචාර්ය පී. නන්දලාල් වීරසිංහ ප්‍රකාශ කළේ ය.

ශ්‍රී ලංකාවේ බලශක්ති සුරක්ෂිතතාව ශක්තිමත් කරමින්, කෙරවලපිටිය කාර්මික කලාපයේ ඉදිකෙරෙන මෙගාවොට් 350ක ‘සහස්ධනවි’ සංයුක්ත චක්‍ර විදුලි බලාගාරයේ (Combined Cycle Power Plant) සංවර්ධන කටයුතු සඳහා වන ගිවිසුම ශ්‍රී ලංකා ආයෝජන මණ්ඩලය (BOI) විසින් සාර්ථකව ලියාපදිංචි කර ඇත. එය ලියාපදිංචි කර ඇත්තේ 1978 අංක 4 දරන ශ්‍රී ලංකා ආයෝජන මණ්ඩල පනතේ 17(2) වගන්තිය යටතේ 2026 අගෝස්තු 13වන දා ය.

99වන ඇකඩමි (ඔස්කාර්) සම්මාන උලෙළහි ජාත්‍යන්තර දීර්ඝ වෘතාන්ත සිනමා කාණ්ඩය (International Fsature Film) සඳහා හ්‍රී ලංකාව නියෝජනය කරමින් චිත්‍රපටයක් නිල වශයෙන් ඉදිරිපත් කිරීම සඳහා අවශ්‍ය කටයුතු මේ ව විට ආරම්භ කර ඇතැයි රාජ්‍ය චිත්‍රපට සංස්ථාවේ සභාපති සුදත් මහදිවුල්වැව සඳහන් කරයි.

ශ්‍රී ලංකා සුරාබදු දෙපාර්තමේන්තුවේ කාර්ය මණ්ඩලයේ පැවති පුරප්පාඩු පිරවීම සඳහා නව බඳවාගැනීම් සිදු කරන බව සුරාබදු දෙපාර්තමේන්තුව නිවේදනයක් නිකුත් කරමින් පවසයි.

කල් ඉකුත් වූ තේ ඇසුරුමක් පාරිභෝගිකයකුට අලෙවි කිරීම සම්බන්ධයෙන් SPAR SL (PRIVATE) LIMITED සමාගමට එරෙහිව පාරිභෝගික කටයුතු පිළිබඳ අධිකාරිය විසින් පවරන ලද නඩුවේ දී, විත්තිකාර සමාගම වරද පිළිගැනීමෙන් අනතුරුව කොළඹ අංක 05 මහේස්ත්‍රාත් අධිකරණය විසින් රු. 200,000/-ක දඩ මුදලක් නියම කර ඇත.

මහ බැංකු බැඳුම්කර සිද්ධිය සම්බන්ධයෙන් හිටපු මහ බැංකු අධිපති අර්ජුන් මහේන්ද්‍රන් ඇතුළු විත්තිකරුවන් 10 දෙනකුට එරෙහිව ගොනු කර ඇති නඩුවේ වැඩිදුර පුර්ව නඩු විභාග සම්මන්ත්‍රණය නොවැම්බර් මස 02වන දා පවත්වන ලෙස කොළඹ ස්ථිර ත්‍රිපුද්ගල මහාධිකරණය නියම කළේ ය.

නියමිත දිනට වත්කම් සහ බැරකම් ප්‍රකාශ (වාර්ෂික හෝ පශ්චාත් විශ්‍රාම ප්‍රකාශ) ඉදිරිපත් නොකිරීම සම්බන්ධයෙන් පරිපාලන දඩ මුදල් අය කර ගැනීමට පෙර හේතු දැක්වීමට අවස්ථාව ලබා දීම 2026 සම්බන්ධයෙන් අල්ලස් හෝ දූෂණ චෝදනා විමර්ශන කොමිසන් සභාව නිවේදනයක් නිකුත් කර ඇත.