පුවත්

මහනුවර ඓතිහාසික ශ්‍රී දළදා මාළිගාවේ වාර්ෂික ඇසළ පෙරහර මංගල්‍යයේ කටයුතු සඳහා සහභාගි වීමට මහනුවරට පැමිණ සිටින ජනාධිපති අනුර කුමාර දිසානායක අද (27) පස්වරුවේ මල්වතු, අස්ගිරි මහා නාහිමිවරුන් ප්‍රමුඛ අනුනායක හිමිපාණන් වහන්සේ බැහැදැක ආශිර්වාද ලබා ගත්තේ ය.

පවතින වියළි කාලගුණික තත්ත්වය සහ අධික තාපය හමුවේ වනජීවීන්ගේ පැවැත්ම හා පරිසර පද්ධතියේ ආරක්ෂාව තහවුරු කිරීමේ අරමුණින්, රුහුණු (යාල) ජාතික උද්‍යානයේ I සහ II කලාප එළඹෙන 2026 සැප්තැම්බර් මස 14වැනිදා සිට ඔක්තෝබර් මස 15 වැනිදා දක්වා මාසයක කාලයකට සියලුම සංචාරකයින් සඳහා තාවකාලිකව වසා තැබීමට කටයුතු කරන බව වනජීවී සංරක්ෂණ දෙපාර්තමේන්තුව සදහන් කරයි.

ඩුබායිහිදී අත්අඩංගුවට ගත් සංවිධානාත්මක අපරාධ කල්ලි සාමාජිකයෙකු වන ලලිත් කන්නන්ගර නොහොත් ‘බස් ලලිත්’ නැමැත්තා අද (25) අලුයම මෙරටට රැගෙන විත් ඇත.

රැඳවුම් නියෝග මත රඳවාගෙන සිටි බව කියන මත්ද්‍රව්‍ය ජාවාරම්කරුවෙකු වන කෙහෙල්බද්දර පද්මේ අද [25] අපරාධ පරීක්ෂණ දෙපාර්තමේන්තුව විසින් කොළඹ මහේස්ත්‍රාත් අධිකරණයට ඉදිරිපත් කර ඇත.

දියබෙදුම රණවිරු ගම්මානයේ නිරීක්‍ෂණ චාරිකාවක නිරත වූ යුද්ධ හමුදාධිපතිතුමන් වෙත, අභාවප්‍රාප්ත රණවිරුවකුගේ පූර්ණ ආබාධිත බිරිඳක් විසින් කරන ලද ඉල්ලීමකට ක්ෂණිකව ප්‍රතිචාර දක්වමින් එම ආබාධිත මාතාව වෙත නව රෝද පුටුවක් පිරිනැමීමට යුද හමුදාපතිතුමන් කටයුතු කර තිබේ.

හිටපු රාජ්‍ය බුද්ධි අංශ ප්‍රධානී මේජර් ජෙනරාල් සුරේෂ් සලේ අසාධාරණ ලෙස රැඳවුම් නියෝග මත රඳවාගෙන සිටීම, ඔහුට එල්ල වී ඇති අමානුෂික අඩන්තේට්ටම් සහ වත්මන් ආණ්ඩුව නීතිය ක්‍රියාත්මක කිරීමේ දී සිංහල බෞද්ධයන්ට එක් ආකාරයකිනුත්, දෙමළ සහ අන්‍ය පාර්ශ්වයන්ට තවත් ආකාරයකිනුත් සලකන දෙබිඩි පිළිවෙත පිළිබඳව ජාතික නිදහස් පෙරමුණ දැඩි විරෝධය පළ කරන බව ජාතික නිදහස් පෙරමුණේ දේශපාලන මණ්ඩල සභික සඳුන් බණ්ඩාර බෝදරගම පැවසී ය.

ශ්‍රී ලංකා නීතීඥ සංගමයේ සභාපතිවරයා වහා ඉල්ලා අස්විය යුතු යයි පවසමින් කොළඹ අලුත් කඩේ නීතිඥ සංගම් මූලස්ථානය ඉදිරිපිට කිහිපදෙනෙකු පැවැත්වූ විරෝධතාව දැඩි පිළිකුලින් යුතුව හෙළා දකින බව ජනතාවාදී ඒකාබද්ධ විපක්ෂය සඳහන් කරයි.

සෙංකඩගල ඇසළ පෙරහැර මංගල්‍යයේ දෙවන රන්දෝලි පෙරහැර වීදි සංචාරය කිරීම අද (24) පස්වරු 7.00 ට යෙදෙන සුබ මොහොතින් සිදුවේ.

මහජන සෞඛ්‍ය පරීක්ෂකවරුන්ගේ සංගමය හෙට (24) පෙරවරු 8.00 සිට දීපව්‍යාප්ත දැඩි වෘත්තීය සමිති ක්‍රියාමාර්ගයකට පිවිසීමට තීරණය කරඇතැයි වාර්තා වෙයි.

හොරු අල්ලන්නට කතා කරන ජනාධිපතිවරයාට තමන් ගේ සද්භාවය පෙන්වීමට අවශ්‍ය නම් මේ මොහොතේ ජනාධිපති ලේකම්වරයාට විරුද්ධව ක්‍රියාමාර්ගයක් ගත හැකි යැයි ශ්‍රී ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ මහතා පැවසී ය.

ඔහු මෙම අදහස් පළ කළේ ඊයේ (22) කුලියාපිටියේ දී පැවති රැස්වීමක් අමතමිනි.

ලෝක ප්‍රකට ලේඛක සල්මන් රුෂ්ඩි ගේ KNIFE - Meditations After an Attempted Murder නම් කෘතිය ඇසුරින් අනුර බී සෙනවිරත්න කළ පරිවර්තනය ‘පිහිය’ - ඝාතන ප්‍රයත්නයකින් පසු සිතිවිලි’ නමින් සොඳුරු ග්‍රන්ථ ප්‍රකාශක ප්‍රේම් දිසානායක ගේ ප්‍රකාශන අනුග්‍රහයෙන් ‘සුරස’ පොතක් ලෙස අද ළඟදී ම වෙළඳපොළට නිකුත් කරයි.

යාපනය – පණ්ඩතරිප්පු ප්‍රදේශයේ පැවති උත්සවයක් සඳහා ගිනිකෙළි සංවිධානය කළ සමාගමේ හිමිකරු රක්ෂිත බන්ධනාගාරගත කර ඇත.

ගුවන් නියමුවරියක් ලෙස පෙනී සිටිමින් විදෙස් රැකියා ලබා දෙන බව පවසා කෝටි ගණනක මුදල් වංචා කළ කාන්තාවක් කොළඹ වංචා විමර්ශන කාර්යාංශය විසින් අත්අඩංගුවට ගෙන අලුත්කඩේ මහේස්ත්‍රාත් අධිකරණයට ඉදිරිපත් කිරීමෙන් අනතුරුව රක්ෂිත බන්ධනාගාර ගත කර තිබෙනවා. මෙලෙස අත්අඩංගුවට ගෙන ඇත්තේ අනුරාධපුර - නොච්චියාගම ප්‍රදේශයේ පදිංචි 44 හැවිරිදි කාන්තාවකි.

කැලණිය විශ්වවිද්‍යාලයේ නව උපකුලපති ලෙස මහාචාර්ය එන්.ඩී. ප්‍රනාන්දු  පත් කිරීමට ජනාධිපති අනුර කුමාර දිසානායක  කටයුතු කර තිබේ.

එල්-නිනෝ දේශගුණික බලපෑමට මුහුණදීම සඳහා පත් කරන ලද විශේෂ අමාත්‍ය මණ්ඩල අනුකමිටුවේ සහ නිලධාරී කමිටුවේ සාකච්ඡාවක් ජනාධිපති අනුර කුමාර දිසානායක ගේ ප්‍රධානත්වයෙන් ඊයේ (21) පෙරවරුවේ ජනාධිපති කාර්යාලයේ දී පැවැත්විණි.

දූෂණ චෝදනාවක් සම්බන්ධයෙන් අල්ලස් හෝ දූෂණ චෝදනා විමර්ශන කොමිෂන් සභාව විසින් හිටපු අමාත්‍ය කෙහෙළිය රඹුක්වැල්ල සහ අපරාධ පරීක්ෂණ දෙපාර්තමේන්තුව හිටපු නියෝජ්‍ය පොලිස්පති සුමිත් ප්‍රසාද් රණසිංහට එරෙහිව ගොනු කරනු ලැබ ඇති නඩුවේ වැඩිදුර වාර්තා නොවැම්බර් 20 වන දින අධිකරණයට ඉදිරිපත් කරන ලෙස කොළඹ ප්‍රධාන මහේස්ත්‍රාත් අසංග එස්. බෝදරගම අද (21) නියෝග කළා.

රක්ෂිත බන්ධනාගාරගත කර සිටින ඉෂාරා සෙව්වන්දී නමැත්තිය රජයේ රස පරීක්ෂකවරයා වෙත යවා ඩී. එන්.ඒ සහ ඡායාරූප පරීක්‍ෂා කර වාර්තා ලබාගත් බව අපරාධ පරීක්‍ෂණ දෙපාර්තමේන්තුව කොළඹ ප්‍රධාන මහේස්ත්‍රාත් අසංග එස් .බෝදරගම හමුවේ අද (21) දන්වා සිටියේ ය.

2015 වසරේ සිදු වූ මහ බැංකු බැඳුම්කර නිකුතුවකින් රජයට රුපියල් බිලියන දහයකට අධික පාඩුවක් සිදු කළැයි කියන සිද්ධියක් සම්බන්ධයෙන් හිටපු මහ බැංකු අධිපතිවරයෙකු වූ අර්ජුන මහේන්ද්‍රන්ට පනවා තිබෙන නඩුව ඔක්තෝබර් 30 වන දින යළි කැඳවීමට කොළඹ ප්‍රධාන මහේස්ත්‍රාත් අසංග එස් බෝදරගම  අද (21) නියෝග කළේ ය.