පුවත්

හෝමූස් සමුද්‍ර සන්ධිය වසා දැමීමෙන් නාවුක ගමනාගමනයට බාධා එල්ල වීම ඇතුළු මැද පෙරදිග යුද්ධය හා බැඳුණු විවිධ ගෝලීය කාරණා හේතුවෙන් ලංකාවේ ආහාර අර්බුදයක් නුදුරේ ම ඇතිවීමේ අවදානමක් පවතින බවට ආර්ථික විශ්ලේෂකයෝ පුරෝකතනය කරති.

සීමාවාසික පුහුණුව අවසන් කළ වෛද්‍යවරුන්ට පත්වීම් ලබාදීමේ ක්‍රමවේදයට එරෙහිව රජයේ වෛද්‍ය නිලධාරීන්ගේ සංගමය (GMOA) ආරම්භ කර ඇති වෘත්තීය සමිති ක්‍රියාමාර්ගය සම්බන්ධයෙන් සෞඛ්‍ය අමාත්‍ය නලින්ද ජයතිස්ස අද (4) සිය දැඩි විරෝධය පළ කළේය.

ලේඛක දීපචෙල්වන් ගේ කෘති රේගුව විසින් අත් අඩංගුවට ගනු ලැබීම පිළිබඳව අපි ලියූවෙමු; අනතුරුව සංස්කෘතික අමාත්‍ය සුනිල් සෙනවි මීට මැදිහත් වූ බව දන්වමින් නිකුත් කළ සටහනක් ද අපි පළ කළෙමු.

නීත්‍යනුකූල සහ පිළිගත් ක්‍රියා පටිපාටිය උල්ලංඝනය කරමින් ශ්‍රේණිධාරී වෛද්‍යවරුන් ගේ පශ්චාත් සීමාවාසික අනුයුක්ත කිරීමේ ලැයිස්තුවට සහ දුෂ්කර සේවා ස්ථාන මාරු ලැයිස්තුවට දේශපාලන මැදිහත්වීම් හරහා සෞඛ්‍ය අමාත්‍යවරයා විසින් සිදුකරන ලද අක්‍රමිකතාවන්ට විරුද්ධව රජයේ වෛද්‍ය නිළධාරින්ගේ සංගමය විසින් වෘත්තිය ක්‍රියාමාර්ග මාලාවක් ආරම්භ කර ඇත.

මෙවර පැවති රයිගම් සම්මාන උලෙළෙහි දී ''ඉරගිනි මද්දහන්න'' ටෙලිනාට්‍යය වෙනුවෙන් නිර්මාණය කළ සංගීතය හොඳ ම රයිගම් ටෙලි සම්මානය ලෙස පිදුම් ලැබුව ද, එදින එම සම්මානය බාර ගැනීම සඳහා එහි නිර්මාතෘ වන දර්ශන රුවන් දිසානායක නොපැමිණියා යැයි චෝදනා කරමින් අදාළ සම්මානය අවලංගු කර ඇත.

රට තුළ වෛද්‍ය වැඩ වර්ජනයක් ක්‍රියාත්මක වන මොහොතේ, වර්ජනය ක්‍රියාත්මක කරන රජයේ වෛද්‍ය නිලධාරින්ගේ සංගමය (GMOA) හෝ සෞඛ්‍ය අමාත්‍යංශ පාර්ශ්වයෙන් හෝ ජනතාව වෙනුවෙන් කරුණු දක්වන බවක් දක්නට නැතැයි සමස්ථ ලංකා රජයේ වෛද්‍ය නිලධාරීන්ගේ සංගමයේ සභාපති වෛද්‍ය ගිෂාන්ත දසනායක පැවසී ය.

පරිපූරක වෛද්‍ය සේවාවේ නවක උපාධිධාරීන් බඳවා ගැනීමේ දී, සෞඛ්‍ය අමාත්‍යාංශය විසින් සකසන ලද දැනුම මිනුම් තරගයක් බලහත්කාරයෙන් ක්‍රියාත්මක කරමින්, වෘත්තීය සුදුසුකම්වලට අමතරව දේශපාලන අභිප්‍රේරණ අනුව බඳවා ගැනීම් සහ අනුයුක්ති කිරීම් තීරණය කිරීමට නලින්ද ජයතිස්ස ඇමතිවරයා මීට මාස කිහිපයකට පෙර දැඩි තර්ජනාත්මක උත්සාහයක් ගත් බව සෞඛ්‍ය වෘත්තීයවේදීන්ගේ විද්වත් සංගමය සඳහන් කරයි.

අභාවප්‍රාප්ත, හිටපු පාර්ලිමේන්තු මන්ත්‍රිවරයකු මෙන් ම අමාත්‍යවරයකු වූ මහින්ද විජේසේකර ගේ වියෝව පිළිබඳව හිටපු ජනපති රනිල් වික්‍රමසිංහ ශෝක පණිවුඩයක් නිකුත් කර ඇත.

රිය අනතුරකින් බරපතල තුවාල ලබා කොළඹ ජාතික රෝහලේ දැඩි සත්කාර ඒකකයේ ප්‍රතිකාර ලබමින් සිටි පුවත්පත් කලාවේදි භක්ති ධර්මප්‍රිය මෙන්ඩිස් අද (03) අභවප්‍රප්ත විය.

රහස් පොලිසිය භාරයේ තිබූ බුද්ධිමය දේපළක් සොරකම් කර ඇත්නම් එහි වගකීම බාරගත යුත්තේ රහස් පොලිසියේ ප්‍රධානියා වන ශානි අබේසේකර යැයි පිවිතුරු හෙළ උරුමය පක්ෂ නායක උදය ගම්මන්පිල පැවසී ය.

රටටත් ජනතාවටත් කළ: බොරුව, රැවටිල්ල, ඇන්දවිල්ල හේතුවෙන් අද රජය නියෝජනය කරන මැතිඇමතිවරුන්ට ජනතාව හමුවට යා නොහැකි තත්ත්වයක් උදා වී ඇතැයි විපක්ෂ නායක සජිත් ප්‍රේමදාස පැවසී ය.

මෙවර යල කන්නයේ වගා කටයුතු සඳහා ජලය නිකුත් කිරීමේදී කිසිදු ගැටලුවක් පැන නොනගින බව වාරිමාර්ග දෙපාර්තමේන්තුව සහතික වෙයි.

ශ්‍රී ලංකාවේ සංචාරයක නියුතු රුසියාවේ නියෝජ්‍ය විදේශ අමාත්‍ය Andrey Rudenko සහ විදේශ කටයුතු, විදේශ රැකියා හා සංචාරක අමාත්‍ය විජිත හේරත් මහතා අතර හමුවක් ඊයේ (02) අමාත්‍යාංශයේ දී පැවැත්විණි.

ශ්‍රී ලංකාව සහ රුසියාව අතර 11වන ද්විපාර්ශ්විග දේශපාලන උපදේශන වටය කොළඹ විදේශ කටයුතු, විදේශ රැකියා සහ සංචාරක අමාත්‍යාංශයේදී, 2026 අප්‍රේල් දෙවන දා පැවැත්විණි. දෙපාර්ශ්වය ම දෙරට අතර සබඳතා පුළුල් ලෙස සමාලෝචනය කළ අතර, සම්බන්ධතාවේ විෂය පථය සහ වැදගත්කම වැඩි දියුණු කිරීම සඳහා වන ඉදිරි පියවර සම්බන්ධයෙන් සාකච්ඡා කළහ.

ප්‍රමිතියෙන් තොර ගල් අඟුරු ගෙනැවිත් විශාල පාඩුවක් කළා සේ ම සහල් ආනයනය හරහා ද රටට විශාල පාඩුවක් අත් කර දෙන්නට ආණ්ඩුව උත්සහ දරමින් සිටින්නේ යැයි පාර්ලිමේන්තු මන්ත්‍රී සජබ මහ ලේකම් රංජිත් මද්දුම බණ්ඩාර පැවසී ය.

පවතින කාලගුණික සහ දේශගුණික වෙනස්කම්, ඉදිරියේ දී ඇති විය හැකි එල්නිනෝ තත්ත්වය සහ යල කන්නයේ වී වගාව ආරම්භ වීමත් සමග සිදු කළ යුතු ජල කළමනාකරණය පිළිබඳ සාකච්ඡාවක් ඊයේ (02) ජනාධිපති කාර්යාලයේ දී සිදු කෙරිණ.

වසරක් පාසා පැවැත්වෙන නුවරඑළිය වසන්ත සැනකෙළිය වෙත පැමිනෙන්නැයි ජාතික රූපවාහිනය ආරාධනා කර සිටියි.

දෙමළ ප්‍රගතිශීලී සන්ධානයේ නායක පාර්ලිමේන්තු මන්ත්‍රී මනෝ ගනේෂන් ඇතුළු එම පක්ෂයේ සාමාජිකයන් පිරිසක් ජනාධිපති කාර්යාලයේ දී අද (02) ජනාධිපති අනුර කුමාර දිසානායක හමුවූහ.