පුවත්

අනුර දිසානායක ජනාධිපතිවරයා කතා කරන්නේ හිතලු මත පදනම් වී වුව ද තමන් කතා කරන්නේ සාක්ෂි මත පදනම් වී යැයි පිවිතුරු හෙළ උරුමය නායක උදය ගම්මන්පිල පැවසී ය.

රට තුළ මහත් ආන්දෝලනාත්මක තත්ත්වයක් ඇති කරමින්, මියගිය විදේශ සම්පත් කළමනාකරණ දෙපාර්තමේන්තුවේ සහකාර අධ්‍යක්ෂ රංග නිශාන්ත රාජපක්ෂ ගේ මරණය සම්බන්ධයෙන් මාධ්‍ය හමු, පාර්ලිමේන්තු විවාද සහ සමාජ මාධ්‍ය හරහා එකිනෙකට පරස්පර විවිධ අදහස් සැක සංකා මතු කරමින් පවතින්නේ යැයි දිනන දකුණ සංවිධානය සඳහන් කරයි.

බහාලුම් 323ක් පරීක්ෂා නොකර නිදහස් කිරීම පිළිබඳ සොයා බලා වාර්තා කිරීමට පත්කල පාර්ලිමේන්තු තේරීම් කාරක සභාව හමුවේ කරුණූ දැක්වීමට අද (06) පිවිතුරු හෙළ උරුමය නායක නීතිඥ උදය ගම්මන්පිල පාර්ලිමේන්තුවට පැමිණියේ ය.

තැපැල් දෙපාර්තමේන්තුව විසින් US Post වෙත ගෙවන ලද ඩොලර් ලක්ෂ 6ක මුදලක් එම දෙපාර්තමේන්තුව වෙත නොලැබීම සම්බන්ධයෙන් විමර්ශන ආරම්භ කළ බව අපරාධ පරීක්ෂණ දෙපාර්තමේන්තුවේ පරිඝණක විමර්ශන ඒකකය අද (6) කොටුව මහේස්ත්‍රාත් පසන් අමරසේන හමුවේ දැනුම් දුන්නේය.

දිට්වා සුළි කුණාටුව හේතුවෙන් අවතැන්ව සිටින අයට ආධාර ලබා දෙන බව පවසමින් බලශක්ති අමාත්‍යවරයා ලෙස සහ සිවිල් ගුවන්සේවා අමාත්‍යවරයා ලෙස පෙනී සිට, ව්‍යාජ ලේඛන සකස් කර ආධාර එකතු කළ බව කියන සිද්ධිය සම්බන්ධයෙන් කොළඹ පරිගණක අපරාධ කොට්ඨාසය අත්අඩංගුවට ගෙන අධිකරණයට ඉදිරිපත් කළ සුදේශ් නලින්ද අල්විස් නැමැති සැකකරු ලබන 20 තෙක් රක්ෂිත බන්ධනාගාර ගත කරන ලෙස ලෙස කොටුව මහේස්ත්‍රාත් පසන් අමරසේන අද (06)නියෝග කළේ ය.

බොදු බල සේනා සංවිධානයේ මහලේකම් ගලගොඩඅත්තේ ඥානසාර හිමියන් විසින් මාධ්‍යට අදහස් දක්වමින් කුරානයට, ඉස්ලාම් ධර්මයට අපහාස කිරීමේ සිද්ධියට අදාළව උන්වහන්සේට එරෙහිව කොළඹ මහාධිකරණය හමුවේ අධි චෝදනා ගොනු කර නඩු පවරා ඇතැයි කොළඹ අපරාධ කොට්ඨාසය කොටුව මහේස්ත්‍රාත් පසන් අමරසේන හමුවේ දැනුම් දුන්නේ ය.

අනාගතයේ දී ගැනීමට නියමිත නඩු තීන්දු පිළිබඳව ජනාධිපතිවරයා කල් තියා ම ඉඟි සපයන්නේ කුමන පදනමක් යටතේ දැයි සමගි ජනබලවේගයේ නීතිඥ සංගමයේ ප්‍රධාන ලේකම් නීතිඥ සුදත් වික්‍රමරත්න විමසී ය.

ජාත්‍යන්තර මූල්‍ය අරමුදලේ නිර්දේශය මත වර්තමාන රජය විසින් සිදුකර ඇති නව බදු සංශෝධන හරහා රටේ “නිෂ්පාදන ආර්ථිකයේ කොඳුනාරටිය” බඳු කුඩා හා මධ්‍යම පරිමාණ ව්‍යවසායකයන් වෙත අනුකම්පා විරහිත මාරාන්තික ප්‍රහාරයක් එල්ල කර ඇතැයි ජාතික නිදහස් පෙරමුණේ මධ්‍යම කමිටු සාමාජික ආචාර්ය සුපුන් ජයසිංහ අනාවරණය කරයි.

කාට මොනවා කළ ද ආණ්ඩුවේ වංචා වහගැනීමට නොහැකි වන බව ජනාධිපතිවරයාට දන්වන්නැයි පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ පැවසී ය.

ශ්‍රීලන්කන් ගුවන් සමාගමට එයාර් බස් ගුවන් යානා මිලදී ගැනීමේදී අමෙරිකානු ඩොලර් මිලියන 2ක අල්ලසක් ලබා ගත්තේ යැයි කියන සිද්ධිය  සම්බන්ධයෙන් රක්ෂිත බන්ධනාගාර ගත කර සිටි එම සමාගමේ හිටපු ප්‍රධාන විධායක නිලධාරි කපිල චන්ද්‍රසේන ඇප මත මුදා හරින ලෙස කොළඹ මහේස්ත්‍රාත්  අසංග. එස්. බෝදරගම අද (05) නියෝග කළේ ය.  

2025/2026 අධ්‍යන වර්ෂය සඳහා රජයේ විශ්වවිද්‍යාලවලට සිසුන් බඳවා ගැනීම 2026 සැප්තැම්බර් මාසයේ පළමු සතියේ සිට ආරම්භ කිරීමට සැලසුම් කර ඇති බව අග්‍රාමාත්‍ය ආචාර්ය හරිනි අමරසූරිය පාර්ලිමේන්තුවේ දී අද (06) ප්‍රකාශ කළා ය.

පාර්ලිමේන්තු මන්ත්‍රීවරුන් වෙනුවෙන් ක්‍රියාත්මක වන රුපියල් දෙලක්ෂ පනස් දහසක ප්‍රතිලාභ සහිත සමූහ රක්ෂණ යෝජනා ක්‍රමය යටතේ තමාට හිමි හිමිකම ප්‍රතික්ෂේප කර, එම මුදල් දිට්වා අරමුදල වෙත ලබාදෙන ලෙස පාර්ලිමේන්තු මන්ත්‍රී රවී කරුණානායක පාර්ලිමේන්තුවෙන් ඉල්ලීමක් කර ඇත.

දික්ඕවිට ප්‍රදේශයේ දී පොලිස් මත්ද්‍රව්‍ය නාශක කාර්යාංශය විසින් අවස්ථා තුනක දී අත්අඩංගුවට ගත් මත්ද්‍රව්‍ය කිලෝ 600 අධික  තොගය සම්බන්ධයෙන් සිදු කරන විමර්ශනයේ සැකකරුවෙක් වන දිසානායක මුදියන්සේලාගේ බන්දුල දිසානායක යන අය මෙම ජාවාරම මෙහෙයවා ඇති බව විමර්ශන අනාවරණය කළ බව පොලිස් මත්ද්‍රව්‍ය නාශක කාර්යාංශය වැඩිදුර වාර්තාවක් ඉදිරිපත් කරමින් කොළඹ ප්‍රධාන මහේස්ත්‍රාත් අසංග එස්. බෝදරගම හමුවේ ඊයේ (5) දැනුම් දුන්නේය.

ගණේමුල්ල සංජීව ඝාතන සිද්ධිය සම්බන්ධයෙන් සිදුකරන විමර්ශනවලට අදාළව වැලිසර අධි ආරක්ෂිත බන්ධනාගාරයේ රඳවා සිටින ප්‍රබල පාතාල ක්‍රියාකාරිකයකු වන චමින්ද රවී ජයනාත් නොහොත් ‘දෙමටගොඩ චමින්ද’ නමැත්තා ගෙන් ප්‍රකාශයක් සටහන් කර ගැනීමට කොළඹ ප්‍රධාන මහෙස්ත්‍රාත් අසංග එස්. බෝදරගම කොළඹ අපරාධ කොට්ඨාශයට ඊයේ (05)  අවසර ලබා දුන්නේ ය.

මුදල් විශුද්ධිකරණ පනත යටතේ තිස්තුන් කෝටියක මුදලක් තම ගිණුමට බැර කරවා ගැනීමේ සිද්ධියට අදාලව රක්ෂිත බන්ධනාගාරගත කර සිටි ලොකු පැටී ලබන 15 දක්වා යළි රක්ෂිත බන්ධනාගාරගත කිරීමට කොළඹ ප්‍රධාන මහේස්ත්‍රාත් අසංග එස්. බෝදරගම මහතා ඊයේ (5) නියෝග කළේ ය.

අද දවස අපිට ඉතාමත් සුවිශේෂී දවසක්. Shirly Samarasinghe සහෝදරයා ගේ නවතම සිනමා නිර්මාණය වන "සිලිලාරේ..." අද කීර්තිමත් ලන්ඩන් ආසියානු සිනමා උළෙල (London Asian Film Festival) හරහා සිය ජාත්‍යන්තර ගමන් මග ආරම්භ කරනවා.

ආණ්ඩුක්‍රම ව්‍යවස්ථාවේ 12 (1) වගන්තිය යටතේ නීතිය සැමට එක සමානයි ලෙස දක්වා ඇති වගන්තිය උල්ලංඝණය වී ඇති බව පවසමින් නව ජනතා පෙරමුණ විසින් අද දින තලංගම පොලිසියේ පොලිස් ස්ථානාධිපතිතුමන් ඇතුළු ඉහළ පෙලිස් නිලධාරින් කිහිපදෙනකු සම්බන්ධව පැමිණිල්ලක් බාර දෙන ලදී.

ස්පාටකස් ලිපි කියවන පාඨක ප්‍රජාව වෙනුවෙන් ම සංවිධානය කළ සම්මන්ත්‍රණයක් එළඹෙන 09වන දා උදැසන 09.00 සිට සවස 03.00 දක්වා කොළඹ, මරදාන, ඩීන්ස් පාරෙහි පිහිටි CSR මධ්‍යස්ථානයේ දී පැවැත් වේ.