කෙරවලපිටිය සිට කොළඹ වරාය දක්වා දිවෙන 220kV භූගත විදුලි සම්ප්‍රේෂණ රැහැන් පද්ධතිය ඉදිකිරීම් කටයුතුවල සමාරම්භය සනිටුහන් කිරීම බලශක්ති නියෝජ්‍ය අමාත්‍ය අර්කම් ඉල්යාස් ගේ ප්‍රධානත්වයෙන් කෙරවලපිටිය ග්‍රිඩ් උපපොළ පිවිසුම අසල දී සිදු කළේ ය.
හිටපු පාර්ලිමේන්තු මන්ත්‍රීනී හිරුණිකා ප්‍රේමචන්ද්‍ර තමන්ට පැනවූ සිරදඬුවමට එරෙහිව ඉදිරිපත් කළ අභියාචන පෙත්සම විභාග කිරීම සැප්තැම්බර් 23 වැනිදා කැඳවන ලෙස අභියාචනාධිකරණය විසින් අද (06) නියෝග කළේ ය.
කොළඹ වරාය නගරය (Port City) ආසන්නයේ දී චීන ජාතිකයකු පැහැරගෙන ගොස් ඝාතනය කිරීමේ සිද්ධියට අදාළ චීන ජාතිකයන් දෙදෙනා ලබන 20 දක්වා රක්ෂිත බන්ධනාගාරගත කරන ලෙස කොළඹ අතිරේක මහේස්ත්‍රාත් ඖෂධ මිගාර මහත නියෝග කරයි.
මත්ද්‍රව්‍ය නාශක කාර්යාංශය මගින් 2016 වසරේ දී දෙහිවල ප්‍රදේශයේ දී කොකේන් ග්‍රෑම් 495ක් සමග අත්අඩංගුවට ගත් පුද්ගලයෙකුට අද දින කොළඹ මහාධිකරණ විනිසුරු ලංකා ජයරත්න මෙනවිය විසින් ජීවිතාන්තය දක්වා සිර දඬුවම් නියම කරන ලදී.
රටට භාණ්ඩ ආනයනය කරන මුවාවෙන් 2023 වසරේ සිට මේ දක්වා කාලය තුළ නීතිවිරෝධී අයුරින් අමෙරිකානු ඩොලර් මිලියන 751 කට වඩා වැඩි දැවැන්ත මුදලක් විදේශ රටවලට යැවූ බව කියන සිද්ධියට අදාලව මූල්‍ය විමර්ශන කොට්ඨාසය විසින් අත්අඩංගුවට ගත් ජාවාරම්කරුවෙකු වන ජිෆ්රි මොහොමඩ් නමැත්තා අද අධිකරණයට ඉදිරිපත් කිරීමෙන් අනතුරුව නමැත්තා ලබන 20වනදා දක්වා රක්ෂිත බන්ධනාගාරගත කිරීමට කොළඹ ප්‍රධාන මහෙස්ත්‍රාත් අසංග එස්. බෝදරගම අද (06) නියෝග කළේ ය.
පොලිස්පති ප්‍රියන්ත වීරසූරිය පිළිබඳව ශ්‍රී ලංකා පොදුජන පෙරමුණේ මහලේකම් නීතිඥ සාගර කාරියවසම් කළ ප්‍රකාශය සම්බන්ධයෙන් මධ්‍යම අපරාධ විමර්ශන කාර්යංශය විසින් 17661/2026 දරන නඩු අංකය යටතේ අද (06) කඩුවෙල මහේස්ත්‍රාත් අධිකරණයට කරුණු වාර්තා කර ඇත.
විපක්ෂයේ සියලු පක්ෂ සහභාගීත්වයෙන් කොළඹ, ශ්‍රීමත් මාකස් ප්‍රනාන්දු මාවතේ විපක්ෂ නායක කාර්යාලයේ දී ජූලි මස 23වන දින පක්ෂ නායක රැස්වීමක් කැඳවීමට ගත් පියවර සම්බන්ධයෙන් සමගි ජන බලවේගයේ නායක, විපක්ෂ නායක සජිත් ප්‍රේමදාසට එක්සත් ජාතික පක්ෂ කෘත්‍යාධිකාරී මණ්ඩලය ප්‍රශංසාව පළ කර සිටී.
නීත්‍යානුකූල ආනයන බලපත්‍ර නොමැතිව නීති විරෝධී ලෙස මෙරටට ගෙන එන ලද, පිළිකා සහ හෘද රෝග සඳහා වන ඖෂධ ඇතුළු විවිධ වර්ගයේ ඖෂධ සහ වෛද්‍ය උපකරණ තොගයක් ගබඩා කරගෙන සිටි කොළඹ හැව්ලොක් ටවුන් (Havelock Town) ප්‍රදේශයේ ස්ථානයක් පාරිභෝගික කටයුතු පිළිබඳ අධිකාරියේ විමර්ශන නිලධාරීන් කණ්ඩායමක් විසින් ඊයේ (2026 අගෝස්තු 05) වැටලීමට ලක්කරන ලදී.
සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස සහ අධිකරණ හා ජාතික ඒකාබද්ධතා අමාත්‍ය හර්ෂණ නානායක්කාර අද (06) කොළඹ අගරදගුරු මැදුරේදී කොළඹ අගරදගුරු අතිඋතුම් මැල්කම් කාදිනල් රංජිත් හිමිපාණන් බැහැදැක විශේෂ සාකච්ඡාවක නිරත විය.
කොල්ලුපිටිය ක්‍රෙස්කැට් නිවාස සංකීර්ණයේ නිවසක නේවාසිකව සිටිය දී පසුගිය වසරේ දෙසැම්බර් මස 03වන දා එහි මහලකින් ඇඳ වැටී මියගිය විදේශ ජාතික ක්ලබ් චෙලාගෝ ඇලෙක්සැන්ඩර් යන අය මරණයට පත්වී ඇත්තේ අපරාධයක් හේතුවෙන් ද යන්න විමර්ශන කර අධිකරණයට වාර්තාවක් ගොනු කරන ලෙස කොටුව මහේස්ත්‍රාත් පසන් අමරසේන කොළඹ දකුණ අපරාධ කොට්ඨාසය ජ්‍යෙෂ්ඨ පොලිස් අධිකාරිවරයාට නියෝගයක් නිකුත් කළේ ය.
හිටපු ජනාධිපති පුත්‍රයින් වන යෝෂිත රාජපක්ෂ සහ රෝහිත රාජපක්ෂ ඔසාඩා ප්ලාන්ටේෂන් යන සමාගම සතු Kelly Group දොළොස් බාගේ අක්කර 135ක තේ ඉඩම හා 1918 ඉදි කරන ලද අක්කර භාගයක පමණ බංගලාව සහිත දේපළ අයථා ලෙස අත්පත් කරගෙන ඇති බැවින් විමර්ශනයක් කරන ලෙස අල්ලස දූෂණයට එරෙහි පුරවැසි බලය සංවිධානය අල්ලස් කොමිසමෙන් ඉල්ලා ඇත.
මඩකළපුව ශික්ෂණ රෝහලේ පිළිකා රෝගීන්ගේ විකිරණ ප්‍රතිකාර සිදුකරන ලියනියර් ඇක්සලරේට යන්ත්‍රය අගෝස්තු 03වන දා සිට බිඳවැටී ඇති අතර මේ හේතුවෙන් දිනකට පිළිකා රෝගීන් 60කට ආසන්න ප්‍රමාණයක විකිරණ ප්‍රතිකාර සිදුකිරීම නවතා දමා ඇත.
ශ්‍රී ලන්කන් ගුවන් සේවයට පළල් බඳ සහිත නව ගුවන් යානා ඇණියක් ප්‍රතිශ්ඨාපනය කිරීමේ දී ඇමරිකානු ඩොලර් මිලියන දෙකක පමණ සිදුව ඇති ඳූෂණ වංචා සම්බන්ධයෙන් ශ්‍රී ලන්කන් ගුවන් සේවයේ හිටපු විධායක නිලධාරී කපිල චන්ද්‍රසේන ගේ බිරිඳ වෙනුවෙන් තැබූ ඇප මුදල් රාජසන්තක නොකිරීමට හේතු අවසන් වශයෙන් ලබන සැප්තැම්බර් මස 05 වනදා අධිකරණයට දැනුම් දෙන ලෙස කොටුව මහේස්ත්‍රාත් පසන් අමරසේන ඇපකරුවන් ට නියම කළේ ය.
මහා භාණ්ඩාගාරයට අයත් අමෙරිකානු ඩොලර් මිලියන 2.5ක මුදලක් හැකර්වරුන් ලබාගැනීමේ සිද්ධියට අදාළව සිදු කරන විමර්ශනයට අදාළව ශ්‍රී ලංකා ටෙලිකොම් ආයතනය තාක්ෂණික කමිටුව රැස් වී දත්ත පිටපත් කරමින් සිටින බව අපරාධ පරීක්ෂණ දෙපාර්තමේන්තුව කොටුව මහේස්ත්‍රාත් පසන් අමරසේන හමුවේ වැඩිදුර වාර්තාවක් ඉදිරිපත් කරමින් දැනුම් දුන්නේය.
2026 වර්ෂයේ රජයේ පාසල් හා රජයේ අනුමත පෞද්ගලික පාසල්වල තෙවන පාසල් වාරයේ පළමු අදියර (සිංහල හා දෙමළ පාසල් සඳහා) හෙටින් (07) අවසන් වන බව අධ්‍යාපන අමාත්‍යංශය නිවේදනය කරනවා.
පාස්කු ප්‍රහාර මාලාව සම්බන්ධයෙන් රඳවා ප්‍රශ්න කරන හිටපු බුද්ධි ප්‍රධානී තුවාන් සුරේෂ් සලේ නමැති සැකකරු සම්බන්ධයෙන් ප්‍රකාශ නිකුත් කළ: හිටපු ඇමති විමල් වීරවංශ, උදය ගම්මන්පිල, හිටපු ජනාධිපතිවරයෙකු ගේ ලේකම්වරයකු වන සුගීශ්වර බණ්ඩාර, ශ්‍රී ලංකා මහජන පක්ෂයේ නායක අසංක නවරත්න, ජේෂ්ඨ කථිකාචාර්යවරයකු වන මහින්ද පතිරණ සහ දෙරණ මාධ්‍ය ජාලයේ අධිපති සුසන්ත දිලිත් ජයවීර යන අයට එරෙහිව අධිකරණයට අපහාස කර ඇති බව කොටුව මහේස්ත්‍රාත් පසන් අමරසේන අද 05 තීරණය කළේ ය.
රුපියල් කෝටි 2500ක් පමණ වටිනා බවට සැලකෙන ජාඇල මෙල්වත්ත ප්‍රදේශයේ වළදමා ඇති බවට සැක කෙරෙන පෞරාණික රන් ආලේපිත හනුමන්තා පිළිමයක් විකිණීමට තැත් කළ බවට රක්ෂිත බන්ධනාගාර ගත කර ඇති සැකකරුවන් දෙදෙනා තවදුරටත් ලබන 19 තෙක් රක්ෂිත බන්ධනාගාර ගත කරන ලෙස කොටුව මහේස්ත්‍රාත් පසන් අමරසේන අද (5) නියෝග කළේ ය.
රාජපක්ෂලාට අදාළ එක නඩුවක් හෝ ශ්‍රේෂ්ඨාධිකරණයේ නැති බවත්, ඒවා විභාග වන මහේස්ත්‍රාත් අධිකරණ සහ මහාධිකරණවල විනිසුරුවරුන් ගෙන් බහුතරය වයස අවුරුදු 30 - 50 අතර අය යැයි ද පෙරටුගාමී සමාජවාදී පක්ෂයේ අධ්‍යාපන ලේකම් පුබුදු ජයගොඩ පැවසී ය.
newstube.lk වෙබ් අඩවියේ පළවන සියළු ප්‍රවෘත්ති සහ විශේෂාංග ආශ්‍රිතව කිසිවකුට හානිකර යමක් පළ වී ඇත්නම් ඒ අගතියට පත් පාර්ශවයට ඊට ප්‍රතිචාර දැක්වීමට ඇති අයිතියට අපි ගරු කරමු.
ඔබගේ ප්‍රතිචාර
