පුවත්

ශ්‍රී ලංකාව සමඟ එක්සත් ජනපදයේ හවුල්කාරිත්වය තවදුරටත් ශක්තිමත් කිරීම සහ නිදහස්, විවෘත සහ සමෘද්ධිමත් ඉන්දු-පැසිෆික් කලාපයක් සඳහා වන පොදු ප්‍රමුඛතා ඉදිරියට ගෙන යෑමේ අරමුණින්, එක්සත් ජනපද කොන්ග්‍රස් සභිකා ක්‍රිසී හූලහෑන් ගේ නායකත්වයෙන් යුත් කොංග්‍රස් නියෝජිත පිරිසක් ජූලි 27 සිට 30 දක්වා ශ්‍රී ලංකාවේ නිල සංචාරයක නිරත වෙති.

''අධිකරණ ක්‍රියාවලිය කාර්යක්ෂම සහ විධිමත් කිරීමේ" මුවාවෙන් ආණ්ඩුක්‍රම ව්‍යවස්ථාව සහ 1978 අංක 2 දරන අධිකරණ සංවිධාන පනත සංශෝධනය කිරීම සඳහා පසුගියදා ලැබුණු කැබිනට් අනුමැතිය සම්බන්ධයෙන් 'දිනන දකුණ' සාමූහිකය සිය දැඩි විරෝධය සහ සැකය පළ කර සිටින බව එම සාමූහිකය සඳහන් කරයි.

ශ්‍රේෂ්ඨ කලාවකට ජාතියක්, ආගමක් හෝ භාෂාවක් නොමැති අතර මනුෂ්‍යත්වය සහ එකමුතුකම එහි සැබෑ භාෂාව බවත්, ආචාර්ය සුජාතා අත්තනායක බඳු කලාකරුවන් ගේ නිර්මාණ ඒ සත්‍යය වටහා දී ඇති බවත් අග්‍රාමාත්‍ය ආචාර්ය හරිනි අමරසූරිය පැවසුවා ය.

ක්‍රමයේ වෙනසක් ඇති කරනවා කියන මාලිමා රජය මේ වන විට ප්‍රජාතන්ත්‍රවාදී ක්‍රමයම කඩාකප්පල් කරන ක්‍රියාවලියක නිරත ව සිටින බවත් පුරප්පාඩු වී තිබෙන උපරිමාධිකරණවල තනතුරු පුරවන්න රජය සහ ජනාධිපතිවරයා අපොහොසත් වී ඇති බවත් විපක්ෂ නායකවරයා පැවසී ය.

ඉකුත් මැයි 02 වැනිදා තායිලන්තයේ සිට ගුවන් මගින මෙරටට කුෂ් මත්ද්‍රව්‍ය රැගෙන ඒමෙ දී අත්අඩංගුවට ගෙන රක්ෂිත බන්ධනාගාරගත කළ භික්ෂුන් වහන්සේලා සිව්දෙනකුට මීගමුව මහාධිකරණය ඇප නියම කළ අතර ඇප ලබා පිටව යෑමට මත්තෙන් නිකපොත සුමන රක්ඛිත හිමි බන්ධනාගාර සිද්ධිය සම්බන්ධයෙන් සාක්ෂි ලබා දුන්නේ ය.

මීගමුව බන්ධනාගාරයේ නිලධාරීන් සහ රැඳවියන් 32 දෙදෙනකු ඝාතනය වීම සම්බන්ධයෙන් දැනට බන්ධනාගාරගතව සිටින රැඳවියන්ට අධිකරණය හමුවේ ප්‍රකාශයක් කිරීමට අවසර ඇති බව මීගමුව ප්‍රධාන මහෙස්ත්‍රාත් ශිලනි පෙරේරා  සඳහන් කළා ය.

ශ්‍රේෂ්ඨාධිකරණයේ වැඩකටයුතු සම්බන්ධයෙන් අතපෙවීමට ඒකල බ්‍රිතාන්‍ය කිරීටය නියෝජනය කළ ආණ්ඩුකාරතුමා හෝ උත්සාහ නොකළ බවත්, හු පවා ශ්‍රේෂ්ඨාධිකරණයේ වැඩකටයුතු සම්බන්ධයෙන් අතපෙවීමට උත්සාහ නොකළ බවත්, ශ්‍රේෂ්ඨාධිකරණයේ ගරුත්වයට සහ ස්වාධීනත්වයට සම්පූර්ණ සැලකිල්ල දැක්වූවා යැයි ජනතාවාදී ඒකාබද්ධ විපක්ෂයේ කැඳවුම්කරු මහාචාර්ය ජී. එල්. පීරිස් පැවසී ය.

බුදුරජාණන් වහන්සේ බුද්ධත්වය ලැබීමෙන් පසු බරණැසට වැඩම කර පස්වග තවුසන්ට ප්‍රථම ධර්ම දේශනාව පැවැත් වූ  සාරානාත් පුදබිමේ ධම්මික ස්තූපය (Dhamek Stupa) ලෝක උරුමයක් ලෙස නම් කිරීම පිළිබඳව යුනෙස්කෝ සංවිධානයට සහ  අග්‍රාමාත්‍ය නරේන්ද්‍ර මෝදි මැතිතුමන් ප්‍රමුඛ ඉන්දීය රජයට ශ්‍රී ලංකා මහාබෝධි සංගමයේ පුණ්‍යානුමෝදනා පූර්ව කෘතඥතාවය පළ කර සිටියි.

දේශීය ඖෂධ නිෂ්පාදනය හුදෙක් ආර්ථික අරමුණක් නොව, ජාතික සෞඛ්‍ය ආරක්ෂණයේ ප්‍රධාන ස්ථම්භයක්" බව සෞඛ්‍ය නියෝජ්‍ය අමාත්‍යවරයා පවසයි.

දූෂණ චෝදනා ත්‍රිත්වයක් සම්බන්ධයෙන් ඇප මත මුදා හැර සිටින ශ්‍රී ලංකන් ගුවන් සේවා සමාගමේ හිටපු සභාපති ඇන්තනි නිශාන්ත වික්‍රමසිංහ ගේ සිද්ධියට අදාලව විමර්ශන අවසන් කර අධිකරණයට වාර්තාවක් ඉදිරිපත් කරන ලෙස කොළඹ ප්‍රධාන මහේස්ත්‍රාත් අසංග එස් බෝදරගම අද ( 28) අල්ලස් කොමිසට නියෝග කළේ ය.

විමල් වීරවංශ ගේ සොහොයුරු සරත් විරවංශ ඇප මත මුදා හැරිමට කොටුව මහේස්ත්‍රාත් පසන් අමරසේන අද 28 නියෝග කළේ ය.

පාර්ලිමේන්තු මන්ත්‍රී චමින්ද විජේසිරිට වසර එකහමාරක සිර දඬුවමක් බදුල්ල මහාධිකරණය විසින් අද (28) නියමකර ඇත.

මෝටර් රථ ප්‍රවාහන දෙපාර්තමේන්තුවේ නීත්‍යනුකූල නොවන වාහන පැවරීමකට අදාළව සිදුකරන විමර්ශනයක් සම්බන්ධයෙන් අල්ලස් කොමිසම විසින් අත්අඩංගුවට ගත් එම දෙපාර්තමේන්තුවේ හිටපු කළමනාකරණ සේවා නිලධාරිනියක ඇප මත මුදා හැරීමට කොළඹ ප්‍රධාන මහේස්ත්‍රාත් අසංග එස්. බෝදරගම අද ( 27) නියෝග කළේ ය.

ඉතිහාසයේ පළමු වතාවට මෙවර දෙවිනුවර පෙරහැරේ කාවාඩි නැටුම නවතා ඇතැයි ශ්‍රීලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ පැවසීය.

පාර්ලිමේන්තු මන්ත්‍රී අර්චුනා රාමනාදන්ට එරෙහිව නිකුත් කළ වරෙන්තුව ආපසු කැඳවන ලෙස කොටුව මහේස්ත්‍රාත් පසන් අමරසේන අද නියෝග කළේ ය.

ශ්‍රී ලංකාව පුරා සැලකිය යුතු ලෙස පැතිර යන ඩෙංගු ව්‍යාප්තියට ප්‍රතිචාර දක්වමින්, ශ්‍රී ලංකාවේ එක්සත් ජනපද තානාපති කාර්යාලය, ශ්‍රී ලංකා සෞඛ්‍ය අමාත්‍යාංශය සහ ජාතික ඩෙංගු මර්දන ඒකකය සමග එක්ව, මහජන සෞඛ්‍ය පළිබෝධ පාලන සහ වාහක-සම්ප්‍රේෂිත රෝග ප්‍රතිචාර වැඩසටහනක් ආරම්භ කර ඇත.

එමගින් ඩෙංගු රෝගය වැළැක්වීම, කල්තියා හඳුනාගැනීම සහ ඊට කාර්යක්ෂමව ප්‍රතිචාර දැක්වීම සඳහා ශ්‍රී ලංකාවේ හැකියාව තවදුරටත් ශක්තිමත් කිරීම අරමුණු කරයි.

ගෝලීය හෙපටයිටිස් තුරන් කිරීමේ සංවිධානයක් වන (Coalition for Global Hepatitis Elimination - CGHE) විසින් ප්‍රකාශයට පත් කරන ලද 2026 වසරේ හෙපටයිටිස් තුරන් කිරීමේ ශූරයන් (Hepatitis Elimination Champions) අතරට ජාතික ලිංගාශ්‍රිත රෝග සහ ඒඩ්ස් මර්දන වැඩසටහනේ (NSACP) විශේෂඥ වෛද්‍ය සත්‍යා හේරත් තේරී පත්ව තිබේ.

පාරිභෝගික කටයුතු පිළිබඳ අධිකාරිය පනතේ නීතිරීති හා විධිවිධාන උල්ලංඝනය කරමින් කටයුතු කළ ඇල්ල, කරදගොල්ල, නැෆෝරා ඇල්ල ප්‍රදේශයේ පිහිටි “Future Life Hotels and Resorts (Pvt) Ltd” ආයතනයට එරෙහිව පාරිභෝගික කටයුතු පිළිබඳ අධිකාරියේ බදුල්ල දිස්ත්‍රික් විමර්ශන නිලධාරීන් විසින් බණ්ඩාරවෙල මහෙස්ත්‍රාත් අධිකරණය හමුවේ නඩු පවරා තිබුණි.