වත්මන් ආණ්ඩුව බලයට පත්වීමට පෙර ජනතාව හමුවේ තැබූ "දූෂණය නැති කර රටේ ආර්ථිකය ගොඩනගනවා" යන ප්‍රධාන ආඛ්‍යානය (Narrative) සම්පූර්ණයෙ න්ම අතහැර දමා, මේ වන විට "අපරාධ රාජ්‍යය නැති කිරීම" නමැති ව්‍යාජ ආඛ්‍යානයක් සමාජගත කරමින් සිටින්නේ යැයි ජාතික නිදහස් පෙරමුණේ නායක, හිටපු අමාත්‍ය විමල් වීරවංශ පවසයි.
බන්ධනාගාර පද්ධතියකට තාවකාලික පැලැස්තර යෙදීම නතර කර, එම පද්ධතිය ප්‍රතිසංස්කරණය කිරීමට රජය වහා පියවර ගත යුතු බව ශ්‍රීලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ සඳහන් කරයි.
දැනට පැය දෙකකට පමණ (සවස හතරහමාර)මහර බන්ධනාගාරය තුළ නොසන්සුන්තාවයක් හටගෙන ඇති බව පොලිස් මාධ්‍ය ප්‍රකාශක කාර්යාලය සඳහන් කරයි.
ජාතික පුස්තකාල සහ ප්‍රලේඛන සේවා මණ්ඩල සභාපති ධුරයෙන් ඉල්ලා අස්වන බව පැවසූ කිවියර ආචාර්ය රත්න ශ්‍රී විජේසිංහ අද එදා පැවසූ දේට වඩා හාත්පසින් ම වෙනස් ප්‍රකාශයක් කර ඇත. එනම් තමා සිය ඉල්ලා අස්වීමේ ලිපිය විෂය භාර අමාත්‍ය හිනිදුම සුනිල් සෙනවි වෙත යොමු කළ ද අමාත්‍යවරයා එම ලිපියි බාර නොගන්නා බවයි.
මීගමුව බන්ධනාගාර ගැටුමෙන් 32 දෙදෙනෙක් මියයාම සම්බන්ධයෙන් තවත් සැකකරුවකු නම් කිරීමට අපරාධ පරික්ෂණ දෙපාර්තමේන්තුව අධිකරණයෙන් අවසර ඉල්ලා සිටියේ ය. ඒ අනුව සිද්ධිය සම්බන්ධයෙන් පස්වන සැකකරු ලෙස පල්ලේගමගේ දිනුක ලක්මාල් හෙවත් ලැම්බා නැමති සිද්ධිය වන අවස්ථාවේ දී බන්ධනාගාරය තුළ සිටි රැඳවියකු නම් කරනු ලැබීය.
ජනාධිපතිවරයා සහ රජය අපහසුතාවට පත්වන ආකාරයෙන් සමාජ මාධ්‍ය ඔස්සේ විවිධ ප්‍රචාර සිදුකළ බවට සැක මත අත්අඩංගුවට ගෙන අධිකරණයට ඉදිරිපත් කළ පොලිස් නිලධාරියා රුපියල් ලක්ෂයක ශරීර ඇප මත මුදා හරින ලෙස කොටුව මහේස්ත්‍රාත් අධිකරණය නියෝග කර ඇත.
කන්කසන්තුරේ සිට කොළඹ දක්වා ධාවනය වූ දුම්රිය තුළ පිහිටි භෝජනාගාරයේ දී දේශීය බෝතල් කළ පානීය ජලය සඳහා රජය විසින් නියම කර තිබූ උපරිම සිල්ලර මිල ඉක්මවා අලෙවි කරමින්, පාරිභෝගික කටයුතු පිළිබඳ අධිකාරිය පනත යටතේ නිකුත් කර ඇති අංක 96 දරන විධානය උල්ලංඝනය කළ දුම්රිය භෝජනාගාර සේවයට අයත් “ජයබිම කේටරින්” — කොළඹ කොටුව ආයතනයට එරෙහිව පාරිභෝගික කටයුතු පිළිබඳ අධිකාරියේ අනුරාධපුර දිස්ත්‍රික් විමර්ශන නිලධාරීන් විසින් අනුරාධපුර මහේස්ත්‍රාත් අධිකරණය හමුවේ නඩු පවරා තිබුණා.
කටුනායක ආයෝජන ප්‍රවර්ධන කලාපයේ සමාගමක් සතු "නිෂ්පාදන රහස්" සහ "වෙළෙඳ රහස්" මූල්‍යමය ලාභයක් උදෙසා වෙනත් සමාගමකට හෙළිදරව් කළ සේවකයෙකුට, එම සමාගමට රුපියල් මිලියන 50ක වන්දියක් ගෙවන ලෙස ශ්‍රේෂ්ඨාධිකරණය නියෝග කරයි.
තරග පාවාදීමේ චෝදනා මත රක්ෂිත බන්ධනාගාරගත කර සිටි ලංකා ප්‍රිමියර් ලීග් (LPL) තරගාවලියේ Jaffna Kings කණ්ඩායමේ සම හිමිකරු ඇතුළු සැකකරුවන් දෙදෙනා ඇප මත මුදා හැරීමට කොළඹ ප්‍රධාන මහේස්ත්‍රාත් අසංග එස් බෝදරගම අද (31) නියෝග කළා.
ඇප කොන්දේසි සපුරාලීමට නොහැකි වීම හේතුවෙන් නැවත බන්ධනාගාර ගත කර සිටි සමගි ජන බලවේගයේ හොරණ ආසන සංවිධායක චරිත වසන්ත කුමාර අබේසිංහ අද (30) ඇප තැන්පත් කිරීමෙන් අනතුරුව අධිකරණයෙන් පිටත්ව ගොස් තිබේ.
රැඳවුම් නියෝග මත අපරාධ පරීක්ෂණ දෙපාර්තමේන්තුව භාරයේ රඳවා සිටිය දී ඉන් පලායෑමට කුමන්ත්‍රණය කළේ යැයි චෝදනා කරමින් නඳුන් චින්තක වික්‍රමරත්න හෙවත් හරක් කටා ඇතුළු විත්තිකරුවන් පස් දෙනෙකුට එරෙහිව ත්‍රස්තවාදය වැළැක්වීමේ පනත යටතේ ඉදිරිපත් කර තිබෙන චෝදනා පවත්වාගෙන යෑමට හැකියාවක් නොමැති බවට කොළඹ මහාධිකරණය තීරණය කර තිබෙනවා.
මීගමුව බන්ධනාගාරය තුළ ඇතිවු සිද්ධියෙන් නිලධාරීන් 10ක් සහ රැඳවියන් 22 ක් ඝාතනය වීම සම්බන්ධයෙන් මීගමුව බන්ධනාගාරයේ සිද්ධිය වන අවස්ථාවේ සිටි ප්‍රධාන ජේලර් වික්‍රම ජයන්ත කුමාර අද (30) මීගමුව මහෙස්ත්‍රාත් ශිලනි පෙරේරා ඉදිරියේ පෙනී සිට සාක්ෂි ලබා දුන්නේ ය.
රුපියල් කෝටි 2500ක් පමණ වටිනා බවට සැලකෙන රන් ආලේපිත පෞරාණික හනුමන්තා පිළිමය දමා ඇති බව කියන ජාඇල ප්‍රදේශයේ ස්ථානය ලබන 03 වනදා පරීක්ෂා කිරීමට අවශ්‍ය සහාය දෙන ලෙස කොටුව මහේස්ත්‍රාත් පසන් අමරසේන පුරාවිද්‍යා දෙපාර්තමේන්තුවට සහ විශේෂ පොලිස් විශේෂ කාර්ය බළකායට අද (30) නියෝග කළේ ය.
හිටපු සබරගමු පළාත් සභාවේ ප්‍රධාන අමාත්‍යය, දිවංගත මොහාන් එල්ලාවල ගේ පුත්‍රයකු වන හිටපු පාර්ලිමේන්තු මන්ත්‍රී අකිල එල්ලාවල අද ශ්‍රී ලංකා නිදහස් පක්ෂයේ රත්නපුර දිස්ත්‍රික්කයේ බලංගොඩ ආසන සංවිධායක ලෙසත්, රත්නපුර දිස්ත්‍රික්කයේ නායකයා ලෙසත් ශ්‍රී ලංකා නිදහස් පක්ෂයේ සභාපති නිමල් සිරිපාල ද සිල්වා මැතිතුමා ගෙන් අදාළ පත්විමි භාරගත්තේ ය.
හිටපු ජනාධිපති ගෝඨාභය රාජපක්ෂ මහතාගේ පුද්ගලික ලේකම්වරයා සහ හිටපු ජනාධිපති රනිල් වික්‍රමසිංහ මහතා ගේ විශේෂ ව්‍යාපෘති අධ්‍යක්ෂක ජනරාල්වරයා ලෙස කටයුතු කරමින් රජයේ මුදල් රුපියල් කෝටි 22ක මූල්‍ය අවභාවිත කිරීමක් සම්බන්ධයෙන් රක්ෂිත බන්ධනාගාර ගත කර සිටි සුගීෂ්වර බණ්ඩාර මහතා ඇප මත මුදා හරින ලෙස කළ ඉල්ලීම කොටුව මහේස්ත්‍රාත් පසන් අමරසේන අද (30) ප්‍රතික්ෂේප කළේ ය.
බීර නිෂ්පාදනයට ප්‍රධාන අමුද්‍රව්‍ය ලෙස සහල් සහ සීනි භාවිත කිරීම සඳහා නිෂ්පාදකයින්ට අනුමැතිය නොදෙන ලෙස සුරා බදු කොමසාරිස් ජනරාල්වරයා ඇතුළු පිරිසකට නියෝගයක් නිකුත් කරන ලෙස ඉල්ලා ගොනු කර තිබෙන රිට් පෙත්සම විරෝධතා සඳහා ඔක්තෝබර් මස 02වන දා කැඳවන ලෙස අභියාචනාධිකරණය නියෝග කළා.
2016 වසරේ රාජගිරියේ සිදුවූ රිය අනතුර සම්බන්ධයෙන් හිටපු අමාත්‍ය පාඨලී චම්පික රණවකට එරෙහිව පවරා ඇති නඩුව කොළඹ මහාධිකරණ විනිසුරු රශ්මි සිංගප්පුලි ඉදිරියේ ඊයේ (28) කැඳවී ය.
newstube.lk වෙබ් අඩවියේ පළවන සියළු ප්‍රවෘත්ති සහ විශේෂාංග ආශ්‍රිතව කිසිවකුට හානිකර යමක් පළ වී ඇත්නම් ඒ අගතියට පත් පාර්ශවයට ඊට ප්‍රතිචාර දැක්වීමට ඇති අයිතියට අපි ගරු කරමු.
ඔබගේ ප්‍රතිචාර
