පුවත්

බාල ගල්අඟුරු ගෙන්වීම හේතුවෙන් රජයට සිදුව ඇති පාඩුව කුමන ආකාරයකින් හෝ ජනතාව ගෙන් අය කරගැනීමට එරෙහිව නඩු පැවරූ බව පෙරටුගාමී සමාජවාදී පක්ෂයේ අධ්‍යාපන ලේකම් පුබුදු ජයගොඩ පැවසී ය.

මේ ආකාරයට ඩොලරයේ අගය ඉහළ යාම සම්බන්ධයෙන් විපක්ෂයක් ලෙස සමගි ජන බලවේගය සියලු පර්ශ්වයන් සමග සුවිශේෂ සාකච්ඡාවක් පවත්වන බව විපක්ෂ නායක සජිත් ප්‍රේමදාස ඉයේ (22) පාර්ලිමේන්තුවේ දී පැවසීය.

අන්තර්ජාලය ඔස්සේ මූල්‍ය වංචා සිදු කිරීම සම්බන්ධයෙන් සැකපිට කොල්ලුපිටිය පොලිසිය පසුගිය 06වන දා අත්අඩංගුවට ගෙන රක්ෂිත බන්ධනාගාර ගත කර සිටි වියට්නාම ජාතිකයන් 74 දෙනා තවදුරටත් ලබන ජුනි මස 02 තෙක් රක්ෂිත බන්ධනාගාර ගත කරන ලෙස කොටුව මහේස්ත්‍රාත් පසන් අමරසේන ඊයේ (21) නියෝග කළේ ය.

රුපියල් ලක්ෂ 30ක අල්ලස් මුදලක් ලබාගැනීමට සූදානම් වන අවස්ථාවේ දී අල්ලස් කොමිසම විසින් අත්අඩංගුවට ගනු ලැබ රක්ෂිත බන්ධනාගාර ගත කර සිටි කුරුණෑගල මහනගර සභාවේ නියෝජ්‍ය නගරාධිපතිවරයා ලබන ජුනි මස 05 දක්වා තවදුරටත් රක්ෂිත බන්ධනාගාර ගත කරන ලෙස කොළඹ ප්‍රධාන මහේස්ත්‍රාත් අසංග එස්. බෝදරගම ඊයේ (21) නියෝග කර ඇත.

2026 මැයි මස 13 වැනිදා තම සංගමයේ නියෝජිතයින් සහ ජනමාධ්‍ය නියෝජ්‍ය අමාත්‍ය කෞෂල්‍යා ආරියරත්න අතර මෙරට ජනමාධ්‍යවේදීන්ට සහ මෙරට ජනතාවට ඉතා වැදගත්වන සාකච්ඡාවක් පැවැත්වූ බවත්, එම සාකච්ඡාවේ දී නියෝජ්‍ය අමාත්‍යවරිය විසින් ඉදිරිපත් කරන ලද කරුණු කිහිපයක් සම්බන්ධයෙන් තම සංගමයේ දැඩි අවධානය යොමුව ඇති බව අවධාරණය කරමින් ශ්‍රී ලංකා වෘත්තීය ජනමාධ්‍යවේදීන්ගේ සංගමය ජනාධිපති අනුර කුමාර දිසානායක වෙත ලිපියක් යොමු කර ඇත.

ඩොලරයට සාපෙක්ෂව රුපියලේ අගය පාලනයකින් තොරව සීඝ්‍රයෙන් පහත වැටීම නිසා රජය බරපතළ ගැටලුවකට මුහුණ දී සිටී.

අඛණ්ඩව ඇමරිකාණු ඩොලරය ඉහළ යෑම සහ ඊට සාපේක්ෂව රුපියල කඩා වැටීම හේතුවෙන් ආර්ථිකයට සිදුවෙමින් ඇති බලපෑම පිළිබඳ විපක්ෂයේ පක්ෂ සහ අනෙකුත් පාර්ශ්වයකරුවන් අතර හදිසි සාකච්ජාවක් අද (21) පස්වරුවේ පවත්වන බව විපක්ෂ නායක සජිත් ප්‍රේමදාස මීට ටික වෙලාවකට පෙර පාර්ලිමේන්තුවේ දී ප්‍රකාශ කළේ ය.

සර්වජන බලය පක්ෂයේ දිනුම් අමුණුගම විසින් අටමස්ථානාධිපති හිමියන්ගේ සිදුවීමට අදාල දැරිය ගණිකාව ලෙස ප්‍රකාශ කළ බවට සමාජ මාධ්‍ය හරහා සිදුවන ප්‍රචාර වැරැදි සහගත බව පවසනවා.

මහ බැංකු බැඳුම්කර වංචාව සම්බන්ධයෙන් අපරාධ පරීක්ෂණ දෙපාර්තමේන්තුව විසින් සිදු කරනු ලබන විමර්ශනවලට අදාළව පර්පචුවල් ට්‍රෙෂරීස් සමාගම, එම සමාගමේ අධ්‍යක්ෂ අර්ජුන් ඇලෝසියස්, හිටපු මහා බැංකු අධිපති අර්ජුන් මහේන්ද්‍රන් ඇතුළු සැකකරුවන්ට එරෙහිව පවරා ඇති නඩුව නීතිපති උපදෙස් සඳහා ලබන ඔක්තෝබර් මස 1 කැඳවන ලෙස කොළඹ ප්‍රධාන මහේස්ත්‍රාත් අසංග එස්. බෝදරගම අද (21) නියෝග කකළේ ය.

මානව හිමිකම් හා ප්‍රජාතන්ත්‍රවාදය වෙනුවෙන් ස්වීඩන් රජය විසින් පිරිනමන ජාත්‍යන්තර "Per Anger" සම්මානය ශ්‍රී ලාංකික සිවිල් ක්‍රියාකාරිකයෙකු වන බ්‍රිටෝ ප්‍රනාන්දු වෙත පිරිනැමීමේ සම්මාන ප්‍රදානෝත්සවය අද (21) ශ්‍රී ලංකා වේලාවෙන් සවස 7.30 ට ස්වීඩනයේ දී පැවැත්වේ.

ඩ්‍රෝන තාක්ෂණය යොදා ගනිමින් වගා සඳහා බීජ ඉසීමේ වැඩසටහනට සමගාමීව  මහනුවර දිස්ත්‍රික්කය තුළ  බීජ හා පොහොර ඉසීමේ වැඩසටහනක් මිනිපේ හසලක දී ඊයේ (20)  ආරම්භ කෙරිණ.

අටමස්ථාණාධිපති පල්ලේගම හේමරතන හිමි විසින් බරපතල ලෙස අපයෝජනයට ලක් කර ඇතැයි වින්දිතත්වයට පත්ව සිටින දැරියට අපහාස කරමින් සහ බලහත්කාරය යොදවමින් නින්දිත සහ තුච්ච ප්‍රකාශයක් කල හිටපු පාර්ලිමේන්තු මන්ත්‍රී, සර්වජන බලය පක්ෂයේ ජාතික සංවිධායක වන දිලුම් අමුනුගමට එරෙහිව ජාතික ළමාආරක්ෂක අධිකාරිය වෙත සහ ළමා පොලිස් කාර්‍යංශයට පැමිණිල්ලක් කළේ යැයි 'ළමා හිංසනයට තිත' (Stop Child Cruelty) පදනමේ වත්මන් සභාපතිනි වෛද්‍ය තුෂ් වික්‍රමනායක (Dr. Tush Wickramanayaka) පැවසුවා ය.

රජය විසින් කළ යුතුව ඇත්තේ , දේශපාලන නාට්‍ය සහ මාධ්‍ය සිරස්තල කෙරෙහි අවධානය යොමු කරනු වෙනුවට, අප රටේ ජනතාව වෙනුවෙන් අර්ථවත් ප්‍රතිඵල අත්කර දීම සඳහා සිය අවධානය යොමු කිරීම බව ශ්‍රී ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ සදහන් කරයි.

මඩකළපුව මහනගර සභාවේ මහජන පුස්තකාල නව ගොඩනැගිල්ල ජනාධිපති අනුර කුමාර දිසානායක ගේ සහභාගිත්වයෙන්, හිටපු පාර්ලිමේන්තු මන්ත්‍රී එම්.ඒ. සුමන්තිරන් අතින් අද (20) පෙරවරුවේ විවෘත කෙරිණි.

තමා දේශපාලන අරමුණකින් තොරව පොදු ජාතික කාරණාවක් වෙනුවෙන් හඬ නැඟීමට පැමිණි බව බෝම්බ ප්‍රහාරයකින් දෑස් අහිමි වූ ලෝක සම්මානිත මෝස්තර නිර්මාණ ශිල්පිනී ආශ්චර්යා ජයකොඩි ප්‍රකාශ කළා ය.

ලෝක සෞඛ්‍ය සංවිධානයේ 79 වන ලෝක සෞඛ්‍ය සමුළුවේ සමාරම්භය ලෝක සෞඛ්‍ය සංවිධානයේ අධ්‍යක්ෂ ජනරාල් Dr. Tedros Adhanom Ghebreyesus ගේ ප්‍රධානත්වයෙන් සහ සමාජික රටවල් 194ක සෞඛ්‍ය අමාත්‍යවරුන්, රාජ්‍ය තාන්ත්‍රික නිලධාරීන් ඇතුළු නියෝජිත පිරිසක ගේ සහභාගීත්වයෙන් පසුගිය දා ස්විට්සර්ලන්තයේ ජිනීවා හි පිහිටි ලෝක සෞඛ්‍ය සංවිධාන මුලස්ථානයේ දී පැවැත්විණි.

දමිළ ජනතාවට විරුද්ධව යුද නොකළ බවත්; යුද්ධසටන් කළේ එල්ටීටීඊ  ත්‍රස්තවාදීන් සමග යැයි ද ශ්‍රී ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ පැවසීය.

පාස්කු ප්‍රහාරයට පෙර වව්නතිව්හි දී සිදුවූ පොලිස් නිලධාරීන් දෙදෙනා ගේ ඝාතනය සම්බන්ධයෙන් පරීක්ෂණ නොමග යැවීම සඳහා  කුමන්ත්‍රණය කළ බවට සැක පිට ත්‍රස්ත මර්දන ඒකකය රඳවා ප්‍රශ්න කරන හිටපු බුද්ධි ප්‍රධානි සුරේෂ් සලේ අද (20) කොටුව මහේස්ත්‍රාත් පසන් අමරසේන හමුවට ඉදිරිපත් කිරීමට නියමිතය.