පුවත්

රජයේ වාහන අවභාවිත කිරීමේ සිද්ධියක් සම්බන්ධයෙන් ඇප මත මුදා හැර ඇති හිටපු ඇමති විමල් වීරවංශ ඇතුළු සැකකරුවන් ට එරෙහි නඩුව නීතිපති උපදෙස් සදහා ලබන 2027 වසරේ අප්‍රේල් මස 28 යළි කැඳවන ලෙස කොටුව මහේස්ත්‍රාත් පසන් අමරසේන අද (4) නියෝග කළේය.

හිටපු ඇමති විමල් වීරවංශ, ඔහුගේ සොහොයුරු සරත් විරවංශ ඇතුළු තිදෙනාට එරෙහිව ගොනු කර ඇති නඩුව අද කැඳවූ අවස්ථාවේදී සැකකරුවන් විවෘත අධිකරණයේ පෙනී සිටියහ.

මෙහිදී පොලිසිය අධිකරණය හමුවේ කරුණු දක්වමින් කියා සිටියේ, අදාළ නඩු ගොනුව නීතිපති උපදෙස්  සඳහා යොමුකර ඇති නමුත්, මෙතෙක් එම උපදෙස් ලැබී නොමැති බවයි.

ජනාධිපති ලේකම් කාර්යාලයෙන් ජාතික නිදහස් පෙරමුණ වෙත ලබා දුන් රජයේ වාහන 40ක් අවභාවිතා කරමින් රජයට රුපියල් මිලියන 41ක පාඩුවක් සිදු කළ බව කියන සිද්ධිය අදාළව සැකකරුට චෝදනා ගොනු කර තිබේ.