වර්ෂ 1946 සැප්තැම්බර් 06වන දා ඩී. එස්. සේනානායක මැතිතුමා ඇතුළු කණ්ඩායමක් එක්සත් ජාතික පක්ෂය ආරම්භ කළ බවත්, නිලධාරීන් පත් කරන අවස්ථාවේ දී එස්. ඩබ්ලිව්. ආර්. ඩී. බණ්ඩාරනායක මැතිතුමා මූලාසනය ගෙන ඩී. එස්. සේනානායක මැතිතුමා ගේ නම නායකත්වයට යෝජනා කළ බවත් Viii වැනි විධායක ජනාධිපති රනිල් වික්‍රමසිංහ පැවසී ය.

අනුරාධපුරේ පැවැත්වෙන ශ්‍රී ලංකා පොදුජන පෙරමුණේ ජනරැලිය සඳහා හිටපු ජනපති මහින්ද රාජපක්ෂ සභාගිවන බවට නාමල් රාජපක්ෂට පොරොන්දු වී ඇතැයි සතිඅන්ත පුවත්පතක් වාර්තා කර ඇත. එහි වැඩිදුරටත් දැක්වෙන්නේ මන්ත්‍රි නාමල් රාජපක්ෂ බ්‍රහස්පතින්දා සවස සිය පියා වූ හිටපු ජනාධිපති මහින්ද රාජපක්ෂ හමුවී අල්ලස් කොමිසමට යෑම දන්වා ඇති බවත්, එහිදී ‘‘ඔයා පුතා යන්න. බැරි වෙලාවත් ඔයා රිමාන්ඩ් කළොත් මම අනුරාධපුරේ රැස්වීමේ නගින්නම්. රජරට මිනිස්සු මගේ ගුණ සුවඳ හොඳට දන්නවා. මම ජනාධිපති වුණත් අගමැති වුණත් මන්ත්‍රි වුණත් මහින්ද රාජපක්ෂ’’ යැයි හිටපු ජනාධිපතිවරයා මන්ත්‍රීවරයාට පොරොන්දුවක් දී ඇතැයි පැවසේ.

ශ්‍රී ලංකා පොදුජන පෙරමුණේ ජාතික සංවිධායක නාමල් රාජපක්ෂ 2026.09.04 වන දින අල්ලස් හෝ දූෂණ චෝදනා විමර්ශන කොමිෂන් සභාව විසින් අත්අඩංගුවට ගෙන රිමාන්ඩ් බන්ධනාගාරගත කිරීම සම්බන්ධයෙන් සිය පක්ෂය දැඩිව සැලකිලිමත් වන අතර, පක්ෂයක් ලෙස එම ක්‍රියාව සම්පූර්ණයෙන්ම හෙළා දකින බව ශ්‍රී ලංකා පොදුජන පෙරමුණ සඳහන් කරයි.

මිනීමැරුම් චෝදනාවක් සම්බන්ධයෙන් වරදකරු වී මරණීය දණ්ඩනය ලබා නිදහස් කෙරුණු හිටපු අමාත්‍ය ප්‍රේමලාල් ජයසේකර ඇතුළු විත්තිකරුවන් තිදෙනකුට විදේශගත වීම වළක්වාලමින් ශ්‍රේෂ්ඨාධිකරණය තහනම් නියෝගයක් නිකුත් කර තිබෙනවා.

මාධ්‍යවේදී ප්‍රගීත් එක්නැලිගොඩ පැහැරගෙන ගොස් අතුරුදන් කිරීමේ සිද්ධියට අදාළ නඩුවේ සිව්වන සාක්ෂිකරු වන සුමතිපාල සුරේෂ් කුමාර හෙවත් මුරලි යන අය ගේ සාක්ෂිය නැවත කැඳවීමට කොළඹ ත්‍රිපුද්ගල මහාධිකරණය ඊයේ (04) අවසර ලබා දුන්නේ ය.

අනුර කුමාර දිසානායක ජනාධිපතිවරයා, පසුගිය 03වන දා ජනාධිපති කාර්යාලයේ දී පහළ මල්වතු ඔය බහුකාර්ය සංවර්ධන ව්‍යාපෘතියේ ප්‍රගතිය සමාලෝචනය කිරීම සහ එහි ඉදිරි කටයුතුවලට බාධා වී ඇති ගැටලු නිරාකරණය කර ගැනීම සඳහා අදාළ සියලු පාර්ශ්වයන්ගේ සහභාගිත්වය සහිත සාකච්ඡාවකට සහභාගි විය.

අන්තර් පළාත් පුද්ගලික බස් සහ ලංකා ගමනාගමන මණ්ඩලයට අයත් බස්රථ වල තත්ත්වය පරීක්ෂා කිරීමේ වැඩසටහනක් පසුගියදා (03) පෙරවරුවේ පිටකොටුව බැස්ටියන් මාවත බස් නැවතුම් පරිශ්‍රයේදී සිදු කළේ ය.

ශ්‍රී ලංකා පොත් ප්‍රකාශකයින්ගේ සංගමය විසින් සංවිධානය කරනු ලබන රජත පුස්තක සම්මාන උලෙළෙහි 10වන සම්මාන ප්‍රධානය ඊයේ (03) කොළඹ, බණ්ඩාරනායක ජාත්‍යන්තර සම්මන්ත්‍රණ ශාලාවේ ලෝටස් ශාලාවේ දී පැවැත්වුණි.

ඇමරිකානු ව්‍යාපාර සහ පාරිභෝගිකයන් ඉන්දු-පැසිෆික් කලාපය පුරා වෙළඳපොළ වෙත සම්බන්ධ කරන සමුද්‍රීය වෙළඳාම, ආයෝජන සහ නාවික ප්‍රවාහන ජාල සම්බන්ධයෙන් එක්සත් ජනපදය සහ ශ්‍රී ලංකාව අතර සහයෝගීතාව ඉදිරියට ගෙන යාම සඳහා,

එක්සත් ජනපද ෆෙඩරල් සමුද්‍රීය කොමිසමේ (FMC) සභාපති ලෝරා ඩිබෙලා මහත්මිය සහ එක්සත් ජනපද ෆෙඩරල් සමුද්‍රීය කොමිසමේ (FMC) කොමසාරිස් රොබට් ජේ. හාවි මහතා සැප්තැම්බර් 6 සිට 10 දින දක්වා ශ්‍රී ලංකාවේ සංචාරයක නිරත වනු ඇත.

තමන් ඕනෑම මොහොතක ස්වාධීන පරීක්ෂණයකට මුහුණ දෙන්නට සූදානම් බවත්, තමන් කිසිදු වරදක් සිදු කර නොමැති බවත් යැයි ශ්‍රී ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ පැවසී ය.