ස්පාඤ්ඤය සහ එක්සත් රාජධානිය දැඩි ලෙස විවේචනය කිරීමට ඇමරිකානු ජනාධිපති ඩොනල්ඩ් ට්රම්ප් කටයුතු කර තිබේ.
ස්පාඤ්ඤය සමඟ පවතින සියලුම ගනුදෙනු නතර කරන ලෙස නිලධාරීන්ට උපදෙස් දී ඇති ජනාධිපතිවරයා, බ්රිතාන්යය සතු චාගෝස් දූපත් (Chagos Islands) භාවිත කිරීමට ඇති බාධා සම්බන්ධයෙන් ද සිය අප්රසාදය පළ කළේය.
සමහර යුරෝපීය රටවල් සහයෝගය දැක්වුවද, තවත් සමහර රටවල් එසේ නොකරන බව ට්රම්ප් ප්රකාශ කළේය. මෙහිදී ජර්මනිය සහ නේටෝ (NATO) සංවිධානයේ ප්රධානියා ඉහළින්ම අගය කළ ඔහු, ඔවුන්ගේ සහයෝගය "විශිෂ්ට" බව පැවසීය.
ස්පාඤ්ඤයට එරෙහි චෝදනා
නේටෝ සංවිධානයේ ආරක්ෂක වියදම් ඉහළ නැංවීමට අදාළ ගෙවීම් සම්බන්ධයෙන් සහයෝගය දීම ස්පාඤ්ඤය ප්රතික්ෂේප කර ඇති බවට ජනාධිපතිවරයා චෝදනා කළේය.
"මගේ ඉල්ලීම පරිදි සෑම යුරෝපීය ජාතියක්ම 5% ක ගෙවීමක් සිදු කළා. හැමෝම ඒ ගැන උද්යෝගිමත් වුණා... නමුත් ස්පාඤ්ඤය එය කළේ නැහැ," යැයි ඔහු පැවසීය.
ඇමරිකානු හමුදාවන්ට ස්පාඤ්ඤ කඳවුරු භාවිත කිරීමට ඉඩ දිය නොහැකි බවට එරට මෑතකදී දැනුම් දී ඇති බවත්, ස්පාඤ්ඤය "මිත්රශීලී නොවන" රටක් බවත් ට්රම්ප් සඳහන් කළේය. "අපට අවශ්ය නම් ඔවුන්ගේ කඳවුරු භාවිත කරන්න පුළුවන්. අපට ඕනෑම වෙලාවක එහි ගොඩබැසිය හැකියි. එය නතර කරන්න කාටවත් බැහැ," යනුවෙන් ඔහු වැඩිදුරටත් කියා සිටියේය.
ස්පාඤ්ඤයේ නායකත්වය විවේචනය කළ ට්රම්ප්, "ස්පාඤ්ඤය සතුව අපට අවශ්ය කිසිවක් නැහැ. එහි සිටින්නේ හොඳ මිනිසුන්, නමුත් නායකත්වය හොඳ නැහැ. අපි ස්පාඤ්ඤය සමඟ කරන සියලුම වෙළඳාම් නතර කරනවා," යැයි අවධාරණය කළේය.
එක්සත් රාජධානියට එල්ල වූ විවේචන
බ්රිතාන්යය සම්බන්ධයෙන් අදහස් දක්වමින් ජනාධිපතිවරයා කියා සිටියේ චාගෝස් දූපත්වල බදු ගිවිසුමකට අදාළව තමන් සතුටු නොවන බවයි. එම දූපතට ගොඩබැසීමට අවසර ලබා ගැනීම සඳහා දින තුන හතරක් ගත වූ බවත්, ඒ හේතුවෙන් ගුවන් ගමන් සඳහා වැඩි කාලයක් වැය කිරීමට සිදු වූ බවත් ඔහු පැවසීය.
බ්රිතාන්යයේ වත්මන් ක්රියාකලාපය විවේචනය කරමින් ට්රම්ප් අවසාන වශයෙන් මෙසේ පැවසීය:
"අපට දැන් ගනුදෙනු කිරීමට සිදුව ඇත්තේ වින්ස්ටන් චර්චිල් වැනි නායකයෙකු සමඟ නොවෙයි."
මූලාශ්ර
Trump Threatens to Cut All Trade With Spain, Slams UK
