විදෙස්

අමෙ­රිකා – ඊශ්‍රා­යල ඒකා­බද්ධ ප්‍රහා­ර­ය­කින් ජීවි­ත­ක්ෂ­යට පත්වූ ඉරා­නයේ හිටපු උත්ත­රී­තර නායක 86 හැවි­රිදි අය­තුල්ලා අලි කමේ­නිගේ අව­මං­ගල උත්ස­ව­යට ලක්ෂ සංඛ්‍යාත ජන­තාවක් සහ­භාගි වෙමින් සිටින බව විදෙස් මාධ්‍ය වාර්තා කරයි.

මිලියන 15ක් පැමිණෙතැයි බලාපොරොත්තුවක්

පසු­ගිය 3 වැනිදා සිට දින දෙකක කාල­යක් පුරා අව­මං­ගල යාඥා සිදු කිරීමෙන් පසු මහ­ජන ගෞර­වය සඳහා දේහය ටෙහෙ­රාන් නුවර ප්‍රධාන දේව­ස්ථා­නයේ තැන්පත් කර ඇති අතර, සිය ගෞරව පුද කිරී­මට ඉරා­නයේ සහ ඉරා­කයේ මිලි­යන 15කට අධික ජන­තා­වක් සහ­භා­ගි­වනු ඇතැයි ඉරාන බල­ධා­රීන් අපේක්ෂා කරයි.

මීට අම­ත­රව රට­වල් 100කට වැඩි ප්‍රමා­ණ­ය­කින් නියෝ­ජි­ත­යන් සහ­භාගි වීමට නිය­මි­තව ඇති බවත්, පාකිස්තාන අග­මැති ශෙබාස් ෂරීෆ්, ටජි­කි­ස්තා­නයේ ජනා­ධි­පති එමෝ­මාලි රහ්මාන්, ආර්මේ­නියා අග­මැති නිකොල් පැෂි­න්යාන්, ජෝර්ජි­යාවේ ජනා­ධි­පති මිකා­යිල් යිල්මාස් ඇතුළු රාජ්‍ය­ නා­ය­ක­යන්, උප ජනාධිපතිව­රුන්, විදේශ ඇමැ­ති­ව­රුන්, හමුදා ප්‍රධා­නීන් ඇතුළු විශාල පිරි­සක් ඒ අතර සිටින බව ද වාර්තා වනවා.

බාධාවක් නොකරන බව ට්‍රම්ප් පවසයි

විදෙස් මාධ්‍ය වාර්තා කරන්නේ: තුර්කිය, ඉන්දි­යාව, චීනය, රුසි­යාව, ඇෆ්ග­නි­ස්තා­නය, බංග්ලා­දේ­ශය, ශ්‍රී ලංකාව ඇතුළු තවත් රට­වල් රැසක නියෝ­ජි­ත­යන් ද එක්වී සිටින අතර, කිසිදු බාධා­ව­කින් තොරව අව­මංගල උත්ස­වය පැවැ­ත්වෙන බවයි.

නිවේ­ද­නයක් නිකුත් කරමින් අමෙ­රි­කානු ජනා­ධිපති ඩොනල්ඩ් ට්‍රම්ප් අවධාරණය කර තිබෙන්නේ අවමංගල්‍ය කට­යුතු සිදු­වන කාලය තුළ සිය හමු­දාව කිසිදු ප්‍රහා­ර­යක් සිදු නොක­රන බව යි.

විදෙස් මාධ්‍ය වැඩි­දු­ර­ටත් වාර්තා කරන්නේ සති­යක කාල­යක් පුරා පැවැ­ත්වෙන මේ දීර්ඝ අව­මං­ගල  උත්ස­වයේ 7 වැනි දිනය වන ලබන 9 වැනිදා මෂ්ෂාද් ප්‍රාන්තයේ අය­තුල්ලා අලි කමේ­නිගේ උපන් බිමේ දී භූම­දාන කට­යුතු සිදු කිරීමට නිය­මිත බවයි.

පෙබ­ර­වාරි 28 වැනිදා සිය නිල නිවාස සංකී­ර්ණයේ සිටි­ය දී එල්ල වූ ගුවන් ප්‍රහා­ර­යෙන් උත්ත­රී­තර නාය­කයා සමඟ ජීවි­ත­ක්ෂ­යට පත්වූ ඔහුගේ දිය­ණිය, බෑණ­නු­වන්, ලේලිය සහ මිනි­බි­රිය ඇතුළු පවුලේ සෙසු සාමා­ජි­ක­යන් ගේ දේහ ද අව­සන් ගෞර­වය සඳහා තැන්පත් කර ඇති අතර, ප්‍රහා­ර­යෙන් මිය­ගිය ඔහුගේ මිනි­බි­රිය වූ මාස 14ක් වය­සැති සව්රා මොහො­මඩ් ගේ දේහය ඇගේ සීයා ගේ දේහය අස­ලින්ම තැන්පත් කර තිබෙන බව ද වාර්තා වේ. ඇගේ මව වන බුෂ්රා කමේනි ද මෙම ප්‍රහා­ර­යෙන් මිය ගියා ය.

මූලාශ්‍ර -ITNnews