2023 අංක 09 දරන දූෂණ විරෝධී පනත යටතේ කැබිනට් ඇමතිවරුන්, නියෝජ්‍ය ඇමතිවරුන්, අගමැති, ජනාධිපති ඇතුළු රජයේ ප්‍රධාන තනතුරු දරන අය වාර්ෂික ව අල්ලස් හෝ දුෂණ විමර්ශන කොමිෂන් සභාවට වාර්ෂිකව සිය වත්කම් පිළිබඳ ප්‍රකාශනයක් ඉදිරිපත් කළ යුතු ය.
ඒ අනුව, වර්තමාන ජනාධිපති අනුර කුමාර දිසානායක ඇතුළු රජයේ ඇමතිවරුන්ගේ වත්කම් ප්‍රකාශ මේ වන විට අල්ලස් හෝ දූෂණ විමර්ශන කොමිෂන් සභාවේ නිල වෙබ් අඩවියේ දක්වා තිබේ.
එම වත්කම් ප්‍රකාශ අතරින් වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්‍ය වසන්ත සමරසිංහගේ වත්කම් බැරකම් ප්‍රකාශය සම්බන්ධයෙන් දැඩි කතාබහක් ගොඩනැගී තිබේ.
අමාත්‍යවරයා සතු වත්කම් මොනවා ද?
වසන්ත සමරසිංහ අමාත්‍යවරයා සහ ඔහුගේ පවුලේ සමීප සාමාජිකයන් හට අයත් වත්කම් ලෙස ඔහුගේ වත්කම් ප්‍රකාශයේ දක්වා ඇති ප්‍රධාන වත්කම් පහත පරිදි ය.
- පිළිවෙළින් රු. මිලියන 150ක් සහ 75ක් වටිනා පවුලෙන් උරුම වූ වාණිජ ගොඩනැගිලි දෙකක්
- එක් අයිතමයක් රු. මිලියන 3.25ක් වටිනා සූර්ය පැනල දෙකක්
- පවුලේ සාමාජිකයෙකුට අයත් රු. මිලියන 10ක් වටිනා නේවාසික ගොඩනැගිල්ලක්
- රු. මිලියන 1.43ක් වටිනා ආභරණ
- පවුලේ සාමාජිකයන් දෙදෙනෙකුට අයත් පිළිවෙළින් රු. මිලියන 2.21ක් හා 0.91ක් වටිනා ආභරණ
- 2013 වර්ෂයේ නිෂ්පාදිත රු. මිලියන 15ක් වටිනා ටොයෝටා ප්‍රියස් මෝටර් රථයක්
- රු. 653,850ක හා රු. මිලියන 1.1ක ඉත්රුම් තැන්පතු දෙකක්
- පවුලේ සාමාජිකයෙකුට අයත් රු. ලක්ෂ 2ක ස්ථිර තැන්පතුවක්
- පවුලේ සාමාජිකයෙකුට අයත් රු. මිලියන 1.1ක ඉතුරුම් තැන්පතුවක්
- පවුලේ සාමාජිකයෙකුට අයත් LOLC සමාගමේ කොටස් 21,000ක්
- හිමිකාරිත්වය සහිත රු. මිලියන 5.1ක වාර්ෂික අදායමක්
- වාර්ෂිකව රු. ලක්ෂ 7ක කෘෂිකාර්මික අදායමක්
- වාර්ෂිකව රු. ලක්ෂ 2ක සූර්ය පැනල අදායමක්
- පවුලේ සාමාජිකයෙකුට වාර්ෂිකව හිමි වන රු. මිලියන 3ක වාර්ෂික ආදායමක්‍
- ඇ.ඩො. 3,000ක් වටිනා ඩිජිටල් මුදල් ඒකක
ජාතික ජන බලවේගයේ සහ ජනතා විමුක්ති පෙරමුණේ වසර ගණනාවක සිට පූර්ණ කාලීන ක්‍රියාකාරිකයෙකු වූ ඔහු සතුව මෙවැනි වත්කම් ප්‍රමාණයක් ඇත්තේ කෙසේ දැයි මේ වන විට විවිධ පාර්ශව ප්‍රශ්න කරමින් තිබෙන අතර ජවිපෙ හිටපු දේශපාලන නායකයකුවන වරුණ රාජපක්ෂ ඒ සම්බන්ධයෙන් සිදුකරන විග්‍රහයක් මතු පළවේ.
මැතිවරණයට පෙර පැවසුවේ කුමක් ද?
වසන්ත සමරසිංහ අමාත්‍යවරයා මැතිවරණයට පෙර පැවති වැඩසටහනකදී පූර්ණ කාලීන දේශපාලනයේ නිරත වන විට සිය පක්ෂයේ සාමාජිකයන් සහය දක්වන ආකාරය සම්බන්ධයෙන් පැවසූ වීඩියෝවක් මේ වන විට සමාජ මාධ්‍ය තුළ හුවමාරු වෙමින් පවතියි.
"මම මෙතන ඉඳන් රත්නපුරේ වැඩකට යනවා නම් තෙල් ටික ගහන එක... කෙසෙල් කැනක් කපලා දානවා වාහනේට. එහෙම නම් එළවළු ටිකක් දෙනවා. හාල් තියෙනවා නම් හාල් ටිකක් දෙනවා. අනුරාධපුර ගියා ම හාල් ටිකක්, පොල් ටිකක්... කුරුණෑගල ගියා ම පොල් ටිකක්, කරවල මාළු ටිකක් එහෙම හම්බෙනවා," ඔහු එම වීඩියෝවේ පවසයි.
වරුණ රාජපක්ෂගේ වීඩියෝ වැඩසටහනත් සමග ඇතැම් සමාජ මාධ්‍ය ඔස්සේ අමාත්‍ය සමරසිංහ වෙත මතු දැක්වෙන ප්‍රශ්න දහය යොමුකර ඇත. ඒ මෙසේය.
1- ඔබ වාර්ෂිකව රජයට බදු ගෙවා තිබේද? එසේ නම්, කරුණාකර විනිවිදභාවය සඳහා පසුගිය වසර පහක බදු වාර්තා ප්‍රකාශයට පත් කරන්න.
2- රුපියල් මිලියන 270 ක ධනයක් නිර්මාණය කිරීම සඳහා ඔබ කවදා හෝ මූල්‍ය ආයතනවලින් කිසියම් ණයක් ලබාගෙන තිබේද?
3- ඔබ ණය ලබාගෙන ඇත්නම්, කරුණාකර ඔබ ණය ගත් ආයතන පිළිබඳ විස්තර, ණය මුදල, ඔබ ණය ලබා ගත් පොලී අනුපාතය ලබා දිය හැකිද?
4- විස්තර කර ඇති පරිදි, ඔබේ පවුලට පරම්පරාගත ධනයක් තිබුණි. ජීවනෝපායක් උපයා ගැනීම සඳහා දුම්රියේ දේවල් විකිණීමට ඔබ ජීවිතයේ මුල් අවධියේදී අරගල කිරීමට හේතුව කුමක්ද? ඔබේ කතාව මිලියන ගණනක් ශ්‍රී ලාංකිකයින්ට ආස්වාදයක් විය හැකිය.
5- ඔබ ජනතා විමුක්ති පෙරමුණේ වෘත්තීය සමිති නායකයා විය. ආයතනික ව්‍යාපාරවලින් ලැබෙන පරිත්‍යාගවලින් ඔබට කිසිදා පෞද්ගලිකව ප්‍රතිලාභ නොලැබුණු බව ඔබට තහවුරු කළ හැකිද?
6- පක්ෂ සාමාජිකයින්ගේ කුඩා පරිත්‍යාගවලින් ඔබ ජීවත් වූ බව ඔබ ප්‍රසිද්ධියේ පිළිගෙන ඇත. දුප්පත් පක්ෂ සාමාජිකයින්ගේ මුදල්වලින් ජීවත් වීමේ තාර්කිකත්වය ඔබට පැහැදිලි කළ හැකිද?
7- ඔබේ පවුලෙන් ඔබට ධනය උරුම වූ බව ඔබ පැවසුවාද? ඔබේ අතීත පවුලේ සාමාජිකයන් ඔබට සැලකිය යුතු ධනයක් උපයා ගැනීමට කළේ කුමක්ද?
8- ඔබේ වත්කම් ප්‍රකාශනයේ, ඔබ ක්‍රිප්ටෝ මුදල්වල ආයෝජනය කර ඇති බව පැවසුවාද? ඔබේ මතය අනුව, ක්‍රිප්ටෝ මුදල් ආයෝජන රට තුළ නීත්‍යානුකූලද නැද්ද?
9- ප්‍රසිද්ධියේ, ඔබ පක්ෂයේ පූර්ණ කාලීන සේවකයෙකු බව සඳහන් කර ඇත. පූර්ණ කාලීන පක්ෂ සාමාජිකයෙකුට කිසිදු පෞද්ගලික ව්‍යාපාරයක හෝ රැකියාවක නිරත වීමට කාලය නොමැති බව වරුණ නැවත නැවතත් පවසා ඇත. කරුණාකර මේවා පැහැදිලි කළ හැකිද?
10- දැන් ඔබේ ව්‍යාපාර කණ්ඩායම පවත්වාගෙන යන්නේ කවුද? මන්ද ඔබ දැන් බලවත් අමාත්‍යවරයෙකු බැවින්, ඔබේ නියෝජිතයින් කවුදැයි මහජනතාව දැනගත යුතුය? මක්නිසාද යත්, දැන් සිට ඔබේ නම කඩදාසි මත නොමැතිව ඔවුන්ට මුදල් උපයා ගත හැකිය.
සමරසිංහ අමාත්‍යවරයා මෙම ප්‍රශ්නවලට පිළිතුරු නොදුනහොත්, මහජනතාව විනිවිදභාවය සඳහා යලි යළිත් මෙම කාරණා ප්‍රශ්න කරනු ඇත.