2024 අංක 14 දරන ලංකා විදුලිබල (සංශෝධිත) පනත අනුව පිහිටුවන ලද පූර්ණ රාජ්ය හිමිකාරීත්වය සහිත පහත සඳහන් ආයතන හතර සඳහා පත්කෙරුණු අධ්යක්ෂ මණ්ඩලය සඳහා ඊට අදාළ පත්වීම් ලිපි ලබාදීම බලශක්ති අමාත්ය ඉංජිනේරු කුමාර ජයකොඩි මහතාගේ ප්රධානත්වයෙන් පසුගියදා බලශක්ති අමාත්යංශයේදී සිදු කෙරිණ.
ඒ අනුව,
* ජාතික පද්ධති පාලන (පුද්.) සමාගමේ සභාපති සහ අධ්යක්ෂ මණ්ඩල සාමාජික ලෙස ආචාර්ය බී.එල්. ප්රදීප් ප්රියදර්ශන පෙරේරා පත් කෙරුණු අතර, අධ්යක්ෂ මණ්ඩල සාමාජිකයින් ලෙස ජී.ජේ. අලුත්ගේ, යූ.ඩී. නෙරංජිත් යන අය ද,
* ජාතික සම්ප්රේෂණ ජාල සේවා සැපයුම් (පුද්.) සමාගමේ සභාපති සහ අධ්යක්ෂ මණ්ඩල සාමාජික ලෙස පී.එන්.එස්. කුමාරතුංග පත් කෙරුණු අතර, අධ්යක්ෂ මණ්ඩල සාමාජිකයින් ලෙස එන්.කේ.එස්. මහින්දසිංහ, එන්.එන්. වෙත්තසිංහ යන අය ද,
* විදුලි ජනන ලංකා (පුද්.) සමාගමේ සභාපති සහ අධ්යක්ෂ මණ්ඩල සාමාජිකයින් ලෙස ආචාර්ය ජේ.ජී.ඒ. සාලිය ජයසේකර පත් කෙරුණු අතර, අධ්යක්ෂ මණ්ඩල සාමාජිකයින් ලෙස එන්.ජී. සාලිය පණ්ඩිතරත්න, ඉංජිනේරු ටී.ඒ. වන්නිආරච්චි යන අය ද,
* විදුලිබල බෙදාහැරීමේ ලංකා (පුද්.) සමාගමේ සභාපති සහ අධ්යක්ෂ මණ්ඩල සාමාජික ලෙස ආර්.රෝහිත ජයරත්න පත් කෙරුණු අතර, අධ්යක්ෂ මණ්ඩල සාමාජිකයින් ලෙස ආචාර්ය ජේ.බී. ඒකනායක, සී.කේ. රණතුංග යන අය හට පත්වීම් ලිපි ලබා දුන්නේ ය.
මෙම ආයතනවල ප්රගතිය සම්බන්ධයෙන් අධ්යක්ෂවරුන් ලෙස කැපවී කටයුතු කළ යුතු බවත්, රටේ විදුලිබල ක්ෂේත්රයේ උන්නතිය ඒ මත රඳා පවතින බවත් ප්රකාශ කරමින්, රජයේ බලශක්ති ප්රතිපත්තියට අනුකූලව මෙම ආයතන ඉදිරියට ගෙන යා යුතු බවත් අමාත්යවරයා අවධාරණය කර ඇත.
එමෙන්ම, මෙම පත්වීම් ලිපි ලබා දීම හා සමගාමීව අධ්යක්ෂවරුන්ට අදාළ දැනුවත් කිරීමේ වැඩමුළුවක් ද බලශක්ති අමාත්යංශය විසින් සංවිධානය කර තිබූ අතර, ඒ සඳහා කම්කරු අමාත්ය සහ මුදල් සහ ක්රමසම්පාදන නියෝජ්ය අමාත්ය මහාචාර්ය අනිල් ජයන්ත ප්රනාන්දු මහතා ද සහභාගී වෙමින් අවශ්ය මග පෙන්වීම හා මූලික දැනුවත් කිරීම් සිදුකරමින් අවශ්ය උපදෙස් ලබා දී තිබිණ.