අධික වර්ෂාව සහිත කාලගුණික තත්ත්වය හේතුවෙන් අවතැන් වූ ජනතාවගේ සුවදුක් විමසා බැලීම සඳහා විපක්ෂ නායක සජිත් ප්‍රේමදාස අද (30) ගොතටුව ප්‍රදේශයේ ද සංචාරයක නිරත විය.
එහිදී ගං වතුරෙන් පීඩාවට පත් ජනතාවගේ සුවදුක් විමසා බලමින් සුහද කතා බහක ද නිරත වූ සජිත් ප්‍රේමදාස පීඩාවට පත් ජනතාවට කඩිනමින් සහන ලබාදීමට කටයුතු කරන බවද වැඩිදුරටත් පැවැසී ය.
මෙම අවස්ථාවට පාර්ලිමේන්තු මන්ත්‍රී එස්. එම් මරික්කාර් ඇතුළු පිරිසක් සහභාගි වූහ.
