ආපදා තත්ත්වය නිසා වාර්තා වී ඇති මරණ ගණන 212ක් දක්වා ඉහළ ගොස් ඇත.
ආපදා කළමනාකරණ මධ්‍යස්ථානය සඳහන් කළේ, පුද්ගලයින් 228 දෙනෙකු අතුරුදන් වී ඇති බවයි.
මේවනවිට ලැබී ඇති වාර්තාවලට අනුව, පවුල් 273,606ක පුද්ගලයින් 998,918 දෙනෙකු විපතට පත්ව ඇත.
සරසවිගම සිදු වූ නායයෑමේ 14කගේ සිරුරු හමුවෙයි
අයහපත් කාලගුණයත් සමග ඉකුත් සිකුරාදා (28) පේරාදෙණිය සරසවිගම ප්‍රදේශයේ සිදු වූ නායයෑමෙන් 23 දෙනෙකුට අධික පිරිසක් මරණයට පත්ව ඇති බව ප්‍රදේශවාසීන් විසින් තහවුරු කර තිබේ.
මේ වනවිට මළ සිරුරු 14ක් සොයාගෙන ඇති අතර, අතුරුදන් වූ පිරිස් සොයා තවදුරටත් මෙහෙයුම් ක්‍රියාත්මකය.
නායයෑමත් සමග නිවාස 10ක් මුළුමනින්ම විනාශ වී තිබේ.
ඒ හේතුවෙන් මියගිය පිරිස් තවදුරටත් ඉහළ යා හැකි බව ප්‍රදේශවාසීන් පවසයි.
