සමගි ජන බලවේගයේ කෘත්යාධිකාරී මණ්ඩලය සඳහා නවක සාමාජිකයන් පත් කිරීමේ දී තරුණයින්ට අවස්ථාව ලබා දීමට පක්ෂ නායක සජිත් ප්රේමදාස කටයුතු කර ඇත.
ඒ අනුව අද (16) සමගි ජන බලවේගයේ කෘත්යාධිකාරී මණ්ඩලය සඳහා නවක සාමාජිකයින් ලෙස: ගම්පහ ආසන සංවිධායක වරුණ රාජපක්ෂ, තෙල්දෙණිය ආසන සංවිධායක මහේෂ් සේනානායක, හොරණ ආසන සංවිධායක චරිත් අබේසිංහ, රත්මලාන ආසන සංවිධායක වෛද්ය චමල් සංජීව සහ විදුලි පාරිභෝගික අයිතීන් සුරක්ෂිත කිරීම වෙනුවෙන් අඛණ්ඩව හඬ නගන සංජීව ධම්මික යන අය පත්කර ඇත.
ඔවුන් පසුගිය සමයේ අඛණ්ඩව මාලිමා ආණ්ඩුවේ අඩුපාඩු පෙන්වා දෙමින් සමගි ජන බලවේගයේ වැඩපිළිවෙළ සඳහා විශාල දායකත්වයක් ලබා දුන් අතර, පක්ෂය ප්රවර්ධනය කිරීමටත්, ජාතික දේශපාලනය තුළ සමාජ මතවාද ගොඩනැගීමටත් සුවිශේෂී දායකත්වයක් ලබාදෙන අයුරු දැකගැනීමට ද හැකි විය
