හිටපු අමාත්ය ප්රසන්න රණතුංගට පනවා තිබූ විදේශ ගමන් තහනම තාවකාලිකව ලිහිල් කරන ලෙසට කොළඹ මහේස්ත්රාත් අධිකරණය නියම කර තිබේ.
ඒ, ඔහුට එරෙහිවගොනු කර ඇති නඩුව අද (23) කොළඹ ප්රධාන මහේස්ත්රාත් අසංග එස් බෝදරගමඉදිරියේ කැඳවනු ලැබූ අවස්ථාවේදීය.
එහි දීසැකකාර ප්රසන්න රණතුංග වෙනුවෙන් පෙනී සිටි ජනාධිපති නීතිඥ අනිල් සිල්වා අධිකරණයේ කරුණු දක්වමින් සිය සේවා දායකයාට ආගමික කටයුත්තක් සඳහා ඉන්දියාවටයාමට අවශ්ය බවත් ඒ සඳහා දැනටඅධිකරණය මගින් පනවා තිබෙන විදේශ ගමන් තහනම තාවකාලිකව ලිහිල් කිරීමේ නියෝගයක් නිකුත් කරන ලෙසත් ඉල්ලා සිටියේය.
අල්ලස් කොමිසම වෙනුවෙන් පෙනී සිටි එහි සහකාර අධ්යක්ෂ ජෙනරාල් සුලෝචනා හෙට්ටිආරච්චිඅධිකරණය හමුවේ කරුණු දක්වමින් මෙම ඉල්ලීමට අල්ලස් කොමිසමේ අධ්යක්ෂ ජෙනරාල්වරයා එකඟතාවය පළ නොකරන බව කියා සිටියාය.
දෙපාර්ශවය විසින් ඉදිරිපත් කළ කරුණු සලකා බැලූ මහේස්ත්රාත්වරයා මීළඟ නඩු දිනය තෙක් ප්රසන්න රණතුංගට විදේශගතවීම සඳහා පනවා තිබූ තහනම මීළඟ නඩු දිනය තෙක් ඉවත් කරන බව නියෝග කළේ.ඊට අමතරව ප්රසන්න රණතුංගට රුපියල් ලක්ෂ 50ක අමතර ශරීර ඇපයක් සහ ඔහුගේ ඇපකරුවන්ගේ විදේශ ගමන් තහනම් කිරීමටත් නියෝග කර ඇත.
මෙම පැමිණිල්ල මාර්තු මස 27 වන දා කැඳවීමටද දින නියම කෙරිණි.
සංචාරක අමාත්යාංශය යටතේ ඇති ආයතන 04ක සේවකයින් සඳහා ලබාදුන් සෘජු වෛද්ය රක්ෂණයට නීත්යනුකූල නොවන ලෙස පෞද්ගලික තැරැව්කාර සමාගමක් පත් කර ඒ හරහා ශ්රී ලංකා රක්ෂණ සංස්ථාවට රුපියල් 4,750,828.72ක මුදලක් පාඩු කිරීම සම්බන්ධයෙන් හිටපු අමාත්යවරයාට එරෙහිව අල්ලස් කොමිසම විසින් මෙම නඩුව ගොනු කර තිබේ.
