මෙරට වෙළෙඳපොළේ රත්රං මිල ඉහළ යාමට ප්රධාන හේතුව දැනට පවතින බදු ක්රමය බව පාර්ලිමේන්තු මන්ත්රී රවී කරුණානායක පැවසීය.
වැට් සහ අනෙකුත් බදු එකතුව ද ඇතුළුව මෙරටට රන් ආනයනයේදී 47% ක බද්දක් පැනවෙන බව මන්ත්රීවරයා පැවසුවේය.
ඉන්දියාව -සිංගප්පූරුව ඇතුළු කලාපයේ අනෙක් රටවල් සමග සසඳා බැලිමේදී එය විශාල බදු අගයක් බව කරුණානායක කීය.
මීට පෙර ඉන්දියාවේ ද රන් ආනයනයේදී වැඩි බදු අය කිරීමක් සිදු කෙරුණ ද ජාවාරම් සහ වෙළඳපල පිළිබඳ සලකා බලා ඉන්දීය රජය එම බද්ද 6% ක් දක්වා අඩු කළ බව ද මන්ත්රීවරයා පැහැදිලි කළේය.
එබැවින් අනිසි වියදමක් දැරීමකින් තොරව ගෙවිය හැකි බදු ප්රමාණයක් රත්රං ආනයනය සඳහා පැනවීමට බලධාරී අවධානය යොමු කළ යුතු බව ද මන්ත්රීවරයා පැවසුවේය.කරුණානායක මේ බව සඳහන් කළේ කොළඹදී මාධ්යයට ප්රකාශයක් කරමිනි.
( lankadeepa | අංජුල මහික වීරරත්න)
