ඉන්දීය අග්රාමාත්ය නරේන්ද්ර මෝදි ගේ විශේෂ ආරාධනය අනුව ජනාධිපති අනුර කුමාර දිසානායක AI Impact Summit 2026 සඳහා සහභාගි වීමට හෙට (17) ඉන්දියාව බලා පිටත්ව යෑමට නියමිත ය.
කෘත්රිම බුද්ධිය මානව වර්ගයා ගේ යහපත උදෙසා වගකීම් සහගතව භාවිත කිරීමේ අරමුණින් ඉන්දීය අග්රාමාත්ය නරේන්ද්ර මෝදි ගේ ප්රධානත්වයෙන් මෙම සමුළුව පැවැත්වෙන අතර ජනාධිපති අනුර කුමාර දිසානායක ලබන 19වන දා සමුළුව ඇමතීමට නියමිත ය.
දින 05ක් පුරා පැවැත්වෙන සමුළුව සඳහා රටවල් 20ක රාජ්ය නායකයන් සහ රටවල් 45කට වැඩි සංඛ්යාවක නියෝජිතයන් සහභාගි වීමට නියමිත ය. එමෙන්ම, මෙම සමුළුවේ දී කෘත්රිම බුද්ධි තාක්ෂණයේ අනාගත ගමන් මග සහ ගෝලීය අභියෝග ජය ගැනීමට එය භාවිත කළ හැකි ආකාරය පිළිබඳ දීර්ඝ ලෙස සාකච්ඡා කිරීමට නියමිත ය.
මෙම ඉන්දියානු සංචාරය අතරතුර ජනාධිපතිවරයා ඉන්දීය අග්රාමාත්ය නරේන්ද්ර මෝදි ඇතුළු රාජ්ය නායකයන් කිහිප දෙනකු සමග ද්විපාර්ශ්වික සාකච්ඡා පැවැත්වීමට ද නියමිත ය.
ජනාධිපති මාධ්ය අංශය
